Thursday, December 31, 2009

၂၀၁၀ နှစ်သစ် မင်္ဂလာကို ကြိုဆိုခြင်း


၂၀၁၀ နှစ်သစ် မင်္ဂလာကို ရွှင်လန်းဝမ်းမြောက်စွာဖြင့်

ကြိုဆိုပါ၏ ။



zwani.com myspace graphic comments


၂၀၁၀ နှစ်သစ်မှာ အမိမြန်မာပြည် စစ်အာဏာရှင် လက်အောက်မှ
အမြန်ဆုံး လွတ်မြောက်ပါစေသား ...။

အပြည့်အစုံ ဖတ်ရန် ...

Wednesday, December 30, 2009

ဒေါ်အောင်ဆန်းစုကြည်ထံ ဗြိတိန်ဝန်ကြီးချုပ် စာပေးပို့


NEJ/ ၃၀ ဒီဇင်ဘာ ၂၀၀၉


ဗြိတိန်ဝန်ကြီးချုပ် ဂေါ်ဒွန်ဘရောင်းက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ရဲစွမ်းသတ္တိကို ချီးမွမ်း ဂုဏ်ပြုလိုက်ကာ ဒီမိုကရေစီရေးအတွက် ဆက်လက်အားပေး ထောက်ခံသွားမည့် အကြောင်း ပေးစာတစောင်ကို ဒေါ်အောင်ဆန်းစုကြည်ထံ ပေးပို့လိုက်ကြောင်း အေအက်ဖ်ပီသတင်းတွင် ဖော်ပြသည်။

မြန်မာစစ်ခေါင်းဆောင်များအားလည်း လာမည့် ၂၀၁၀ ရွေးကောက်ပွဲကို ပေးထားသည့်ကတိအတိုင်း လွတ်လပ်၊ တရားမျှတသည့် ရွေးကောက်ပွဲအဖြစ် ကျင်းပပေးရန် တောင်းဆိုလိုက်ပြီး ယင်းသို့မဖြစ်ပါက ပြစ်တင်ရှုတ်ချမှုများကြောင့် မြန်မာနိုင်ငံသည် အကျပ်အတည်းနှင့် နိုင်ငံတကာ၏ ၀ိုင်းကျဉ်မှုကို ပိုမိုခံရလိမ့်မည်ဟုလည်း သတိပေးပြောကြားလိုက်သည်။

ယခုရေးဆွဲထားသည့် ဖွဲ့စည်းပုံအခြေခံဥပဒေအရ အတိုက်အခံခေါင်းဆောင်များ မပါဝင်ဘဲ၊ နိုင်ငံတကာ၏ စောင့်ကြည့်မှု အောက်တွင် မရှိဘဲ ရွေးကောက်ပွဲကို ကျင်းပမည်ဆိုပါက မြန်မာနိုင်ငံသည် သံတမန်အသိုင်းအ၀ိုင်းအလယ်တွင် အထီးကျန်ခြင်း၊ စီးပွားရေး တိုးတက်မှုမရှိခြင်းတို့ ပိုမိုဖြစ်ပေါ်လာကာ မြန်မာစစ်ခေါင်းဆောင်များသည် ပြစ်တင်ခံရလိမ့်မည်ဟုလည်း မစ္စတာ ဂေါ်ဒွန်ဘရောင်းက ယမန်နေ့က ထုတ်ပြန်သည့်စာတွင် ပြောကြားထားကြောင်း သိရသည်။

နိုဘယ်လ်ငြိမ်းချမ်းရေးဆုရှင် ဒေါ်အောင်ဆန်းစုကြည်နှင့် စစ်မှန်သည့်တွေ့ဆုံဆွေးနွေးမှု ပြုလုပ်ရန်လည်း စစ်အစိုးရကို ဗြိတိန် ၀န်ကြီးချုပ်က တိုက်တွန်းထားသည်။

စစ်အစိုးရသည် ၎င်း၏ပြင်းထန်သည့် အပြုအမူများကို ရပ်တန့်ရန် နိုင်ငံတကာ၏ တောင်းဆိုမှုများကို သာမက ဒေသတွင်း နိုင်ငံများ၏ ဖျောင်းဖျပြောဆိုမှုများကိုလည်း ယခုအချိန်အထိ နားထောင်သည့် အရိပ်လက္ခဏာ မပြသေးသည့်အတွက် ဒေါ်အောင်ဆန်းစုကြည်အား ဆက်လက်ထိန်းသိမ်းထားခြင်းသည် ၎င်းတို့၏ သဘောထား ရိုးသားမှုမရှိခြင်းကို ပြသရာ ရောက်သည်ဟုလည်း ဗြိတိန်ဝန်ကြီးချုပ် မစ္စတာဘရောင်းက ပြောကြားလိုက်သည်။

“စစ်အစိုးရအနေနဲ့ ကျနော်တို့နဲ့ ဆက်ဆံမှုတွေ လုပ်ဆောင်သွားဖို့ တောင်းဆိုလိုက်ပါတယ်။ ရန်ကုန်မှာရှိတဲ့ သံတမန်များနဲ့ ဆက်သွယ်ဖို့အတွက်ရော၊ မြန်မာပြည်သူတွေရဲ့ အနာဂတ်နဲ့ မျှော်လင့်ချက်တွေ ပြန်လည်ရရှိဖို့ စစ်မှန်တဲ့တွေ့ဆုံဆွေးနွေးမှု စတင်ဖို့အတွက်ပါ အခွင့်အလမ်းပေးထားပါတယ်” ဟု ၎င်းက ပြောသည်။

ဗြိတိန်နိုင်ငံဝန်ကြီးချုပ် ဂေါ်ဒွန်ဘရောင်း၏ပေးစာကို မြန်မာနိုင်ငံ ရန်ကုန်မြို့ရှိ ဗြိတိန်သံရုံးမှတဆင့် စစ်အစိုးရအာဏာပိုင်များထံ ပေးပို့ခဲ့ခြင်းဖြစ်သည်။

ဒေါ်အောင်ဆန်းစုကြည်သည် လွန်ခဲ့သည့်အနှစ် (၂၀) ကာလအတွင်း အကျယ်ချုပ်ဖြင့် (၁၄) နှစ်ကြာ ဖမ်းဆီးထိန်းသိမ်းခံခဲ့ရပြီး ပြီးခဲ့သည့် သြဂုတ်လတွင် အမေရိကန်နိုင်ငံသား မစ္စတာယက်တော ဒေါ်အောင်ဆန်းစုကြည်နေအိမ်သို့ ရေကူးဝင်ရောက် ခဲ့သည်ကို လက်ခံခဲ့မှုအတွက် နောက်ထပ် (၁၈) လ နေအိမ်အကျယ်ချုပ် ထပ်မံချထားခြင်းခံရသည်။

ဒေါ်အောင်ဆန်းစုကြည် ဦးဆောင်သည့် အမျိုးသားဒီမိုကရေစီအဖွဲ့ချုပ် အန်အယ်လ်ဒီပါတီသည် ၁၉၉၀ ခုတွင် ကျင်းပခဲ့သည့် ရွေးကောက်ပွဲတွင် ပြည်လုံးကျွတ် အနိုင်ရရှိခဲ့သော်လည်း စစ်အစိုးရက ယခုတိုင် အာဏာလွှဲပြောင်းပေးခြင်း မရှိခဲ့ပေ။


မှတ်ချက် ။ ။ http://www.khitpyaing.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Tuesday, December 29, 2009

ကိုညီညီအောင် ကို သာမန်အကျဉ်းတိုက်ပဲ ပြောင်းထားပေးဖို့ အမေရိကန်တောင်းဆို


2009-12-29 ( RFA )

အင်းစိန်ထောင်မှာ ဖမ်းဆီးထိန်းသိမ်းခံနေရတဲ့ အမေရိကန်နိုင်ငံသား ကိုညီညီအောင် (ခေါ်) ကိုကျော်ဇောလွင်ကို ထောင်အာဏာပိုင်တွေက အကျဉ်းထောင်တွင်း အစာငတ်ခံ ဆန္ဒပြမှုအတွက် သီးသန့် တိုက်ပိတ် အပြစ်ပေးထားတာကနေ သာမန်အကျဉ်းတိုက်မှာပဲ ပြန်ထားပေးဖို့ အမေရိကန် သံရုံးက စာရေးသား တင်ပြထားတယ်လို့ ရန်ကုန် အမေရိကန်သံရုံး ပြောခွင့်ရပုဂ္ဂိုလ် Mr. Richard Mei က ပြောပါတယ်။

ကိုညီညီအောင်ဟာ အကျဉ်းထောင် အာဏာပိုင်တွေက အကျဉ်းသားတွေအပေါ် ဆက်ဆံမှုတွေနဲ့ ပတ်သက်ပြီး ကန့်ကွက်တဲ့အနေနဲ့ ဒီဇင်ဘာလ ၃ ရက်နေ့ ကနေ ၁၅ ရက် နေ့အထိ အစာငတ်ခံ ဆန္ဒပြခဲ့ပါတယ်။

အစာငတ်ခံ ဆန္ဒပြခဲ့တယ် ဆိုတာကို ကိုညီညီအောင်က မနေ့က သံရုံးကောင်စစ်ဝန်နဲ့ ၁ နာရီကြာ တွေ့ဆုံရာမှာ အတည်ပြု ပြောကြားခဲ့တယ်လို့ သံရုံးပြောခွင့်ရပုဂ္ဂိုလ်က ပြောပါတယ်။ အဲဒီလို ဆန္ဒပြတဲ့ အတွက် ထောင်အာဏာပိုင်တွေက တယောက်ထဲ တိုက်ပိတ် အရေးယူ အပြစ်ပေးခဲ့တာ ဒီကနေ့အထိ ဖြစ်ပါတယ်။

အမေရိကန်သံရုံးအနေနဲ့ ကိုညီညီအောင်ကို သာမန်အကျဉ်းတိုက်မှာပဲ ပြန်ထားဖို့ သံတမန်ရေးအရ တောင်းဆိုစာ ပေးပို့ထားကြောင်း၊ ဒါပေမယ့် မြန်မာအာဏာပိုင်တွေဖက်က တစုံတရာ တုံ့ပြန်ပြောဆိုမှု မရှိကြောင်း Mr. Richard Mei က ပြောပါတယ်။

မြန်မာစစ်အစိုးရ အာဏာပိုင်တွေက ကိုညီညီအောင့်အပေါ် နိုင်ငံခြားငွေကိုင်ဆောင်မှု၊ စာရွက်စာတမ်း အတု ပြုလုပ်လိမ်လည်မှု စတာတွေနဲ့ စွဲချက်တင်သင့်၊ မတင်သင့် ဒီကနေ့ ရုံးထုတ်စစ်ဆေးခဲ့တယ်လို့ ရှေ့နေတွေက ပြောပါတယ်။ ဒီကနေ့ ရုံးချိန်းဟာ ၁ဝ ကြိမ်မြောက် ရုံးချိန်းဖြစ်တယ်လို့လည်း သိရပါတယ်။ ဒါပေမယ့် စွဲချက်အမှုကို ဆုံးဖြတ်ချက်ချ ခဲ့တာ မရှိဘဲ လာမယ့် ဇန်နဝါရီလ ၁ ရက် သောကြာနေ့ကို ရုံးချိန်း ပြန်ရွေ့ခဲ့တယ်လို့ ကိုညီညီအောင် ရဲ့ ရှေ့နေတဦးဖြစ်တဲ့ ဦးဥာဏ်ဝင်းက ပြောပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Sunday, December 27, 2009

ကိုညီညီအောင် အမှု စွဲချက်အမိန့်အတွက် ရှေ့နေများပြင်ဆင်


2009-12-27 ( RFA )


လာမယ့် ဒီဇင်ဘာ ၂၉ ရက် အင်္ဂါနေ့မှာ အမေရိကန်နိုင်ငံသား ကိုကျော်ဇောလွင် (ခေါ်) ကိုညီညီအောင်ရဲ့ အမှုကို တရားရုံးက စွဲချက်တင်သင့် မတင်သင့် အမိန့်ချဖို့ ရှိတဲ့အတွက် ရှေ့နေတွေအနေနဲ့ အထိန်းသိမ်းခံထားရတဲ့ ကိုညီညီအောင်နဲ့ မနက်ဖြန် တွေ့ဖို့ရှိတယ်လို့ သိရပါတယ်။


ဒါဟာ ဒီဇင်ဘာလ ၃ ရက်နေ့နောက်ပိုင်း ထောင်တွင်း အစာငတ်ခံ ဆန္ဒပြခဲ့အပြီး ရက်သတ္တ ၃ ပတ်အကြာမှာ ကိုညီညီအောင်ကို ရှေ့နေတွေနဲ့ ထောင်အာဏာပိုင်တွေက ပထမဆုံး တွေ့ခွင့်ပြုတာ ဖြစ်ပါတယ်။

လာမယ့် အင်္ဂါနေ့ ရုံးချိန်းအမီ စနေနေ့မှာ တွေ့ဆုံခွင့်ပေးဖို့ ရှေနေတွေက ပြီးခဲ့တဲ့ သောကြာနေ့က ထောင်အာဏာပိုင်တွေဆီ စာရေးသား တင်ပြခဲ့ပါတယ်။ ဒါပေမယ့် ဒီကနေ့ တနင်္ဂနွေနေ့ မွန်းလွဲပိုင်းမှာ အခုလို တွေ့ခွင့်ပြုကြောင်း သိရတဲ့တွက် ဒီနေ့တွေ့ဖို့ အလွန် နောက်ကျသွားခဲ့တဲ့အကြောင်း ရှေ့နေ ဦးဥာဏ်ဝင်းက ပြောပါတယ်။

ဦးဥာဏ်ဝင်း။ ။'ဒီညနေ သုံးနာရီလောက်မှာ အင်းစိန်အကျဉ်းထောင်ကနေ ကျနော်တို့ကို တွေ့ခွင့်ရှိတယ်လို့ အကြောင်းကြားတယ်။ ဒါပေမယ့် ကျနော်တို့လည်း အချိန်ကို ဘယ်လိုမှ လုပ်လို့ မရတော့ဘူး။ အဲဒီတော့ ကျနော် ဒီညမှ ဆရာဦးကြည်ဝင်းနဲ့ ဆက်သွယ်ပြီး၊ သူတို့က အင်္ဂါနေ့ဆိုတော့ မနက်ဖြန် ကျနော်တို့ တွေ့နိုင်မလားလို့ ဆရာနဲ့ ကျနော် ညှိရအုံးမှာ။ အကြောင်းကြားတာ သိပ်နောက်ကျနေတော့ ကျနော်တို့လည်း ခက်နေတာပေါ့'

ရှေ့နေတွေအနေနဲ့ လောလောဆယ် တရားလိုဖက်က စွဲချက်တင်ထားတဲ့ ပုဒ်မ ၂၄ (၁) တရားမဝင် နိုင်ငံခြားငွေစက္ကူ ကိုင်ဆောင်မှု၊ ပုဒ်မ ၄၂ဝ စာရွက်စာတမ်း လိမ်လည်ကိုင်ဆောင်မှုတွေနဲ့ ပတ်သက်ပြီး ကိုညီညီအောင် ထွက်ဆိုချက်တွေအရ အပြစ်မရှိကြောင်း တင်ပြဖို့ရှိတယ်လို့ သိရပါတယ်။

ရှေ့နေတွေအနေနဲ့ အမှုစွဲချက်နဲ့ ပတ်သက်လို့ အမိန့်ချမှာဖြစ်တဲ့အတွက် ဒီလိုတွေ့ဆုံခွင့်ရဖို့ အချက်ဟာ အရေးကြီးတယ်လို့လည်း ဦးဥာဏ်ဝင်းက ပြောပါတယ်။

ဦးဥာဏ်ဝင်း။ ။'အဓိက က တရားရုံးက အခု စွဲချက်အဆင့်ရောက်ပြီ။ စွဲချက်အဆင့်မှာ အင်္ဂါနေ့ကို လျှောက်လဲချက် ပေးကြမယ်။ ပေးပြီးရင် သူက အမိန့်ချမယ်၊ အဲဒီနေ့ ချမလား နောက်နေ့ ချမလားတော့ မသိဘူးပေါ့ဗျာ။ အမိန့်ချလို့ရှိရင် ဒီမှာရှိတဲ့ ဥပဒေ လုပ်ထုံးလုပ်နည်းအရ ကိုညီညီအောင် ဘာပြောရမလဲ ဆိုတာကို ကျနော်တို့ သူ့ကို နည်းနည်း ပြောပြရအုံးမယ်။ အရေးကြီးတာပေါ့ဗျာ ဒါက'

တွေ့ဆုံတဲ့အခါ စွဲချက်နဲ့ပတ်သက်ပြီး ပြင်ဆင်ထားရမယ့် ကိစ္စတွေကို ဆွေးနွေးမှာ ဖြစ်ပေမယ့် တရားရုံးက အင်္ဂါနေ့မှာ စွဲချက်တင်ဖို့ အမိန့်ချမလားဆိုတာ မသေချာဘူးလို့ သိရပါတယ်။ ကိုညီညီအောင်အမှုနဲ့ ပတ်သက်လို့ အမေရိကန်အစိုးရ နိုင်ငံခြားရေးဌာနကလည်း သံရုံး ကောင်စစ်ဝန် တွေ့ခွင့်ရဖို့ တောင်းဆိုထားသလို သူ့အခြေအနေနဲ့ ပတ်သက်လို့ စိုးရိမ်ကြောင်းလည်း ထုတ်ဖော် ပြောဆိုထားပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Saturday, December 26, 2009

နိုင်ငံရေးလှုပ်ရှားသူ လူငယ်များအား နှစ်ရှည်ထောင်ဒဏ်ချမှတ်


2009-12-26 ( RFA )

လွန်ခဲ့တဲ့ စက်တင်ဘာလနဲ့ အောက်တိုဘာလ အတွင်းက ဖမ်းဆီးထားတဲ့ မန္တလေးတိုင်းအတွင်းက လူငယ် ၁၅ ဦးထဲက ၉ ဦးကို သက်ဆိုင်ရာ အာဏာပိုင်တွေက မကြာသေးခင် ရက်ပိုင်းအတွင်း ထောင်ဒဏ်အသီးသီး ချမှတ်လိုက်ရာမှာ ထောင်ဒဏ် ၅၂ နှစ်အထိ ပြစ်ဒဏ်ချခံရသူ ၂ ဦးရှိတယ်လို့ သိရပါတယ်။


မန္တလေးထောင်ကို အဝေးမှ မြင်ရပုံ ဖြစ်ပါသည်။ (Photo: RFA)

ဒီလူငယ်တွေထဲက တချို့ကိုတော့ အခုအချိန်အထိ ဆက်လက် စစ်ဆေးနေဆဲဖြစ်တယ်လို့ စုံစမ်းသိရှိရပါတယ်။ ဒါနဲ့ ပတ်သက်လို့ သူတို့ရဲ့အမှုတွေကို လိုက်လံဆောင်ရွက်ပေးနေတဲ့ ရှေ့နေဦးမြင့်သွင်ကို အာအက်ဖ်အေက ဆက်သွယ်မေးမြန်းကြည့်ခဲ့ပါတယ်။

ရှေ့နေဦးမြင့်သွင်။ ။'၂၃ ရက်နေ့က အမိန့်ချရာမှာ ကိုကျော်ထွန်းလင်းက အားလုံးပေါင်း ၅၂ နှစ်၊ နောက် ကိုမျိုးမင်းသန်းက အမှုတွေ အားလုံးပေါင်းလိုက်တော့ သူကလည်း ၅၂ နှစ်ပဲ။ ကိုရဲခေါင်က အမှုတွေ အားလုံးပေါင်းလိုက်တော့ ၁၉ နှစ်၊ ကိုကိုနိုင်က ၅ နှစ်၊ ကိုဝေဖြိုးက ၈ နှစ်၊ ဒေါက်တာဝင့်သူက တမှုပဲ ချသေးတော့ ၃ နှစ်၊ ကိုမျိုးဟန်ကလည်း တမှုပဲ ချသေးတယ်။ သူလည်း ၃ နှစ်ပဲ။ နောက် ဒေါ်ချိုချိုသန်းက ၈ နှစ် ခင်ဗျ။ အဲဒီ ၉ ယောက်ကတော့ ၂၃ ရက်နေ့က အမိန့်ချပြီးပြီခင်ဗျ'

ထောင်ဒဏ် ၅၂ နှစ် ချခံရတဲ့ ကိုကျော်ထွန်းလင်းနဲ့ ကိုမျိုးမင်းသန်းတို့ကို အီလက်ထရောနစ် ဥပဒေ ပုဒ်မ ၃၃ (က)၊ မတရားသင်းဥပဒေပုဒ်မ ၁၇ (၁) နဲ့ လူဝင်မှုကြီးကြပ်ရေးဥပဒေ ပုဒ်မ ၁၃ (၁) တို့နဲ့ တယောက်ကို ၂ မှု ၃ မှု စွဲဆိုပြီး ထောင်ချထားတာ ဖြစ်ပါတယ်။ မြင်းခြံက ဒေါက်တာဝင့်သူနဲ့ ကိုမျိုးဟန် တို့ကိုတော့ ကျန်တဲ့အမှုတွေကို ဆက်လက် စစ်ဆေးနေဆဲ ဖြစ်ပါတယ်။

ကျန်တဲ့ ၆ ဦးဖြစ်တဲ့ ဦးနန္ဒဝံသ၊ ကိုသန်းထိုက်အောင်၊ ကိုကြည်စိုး၊ ကိုစိုးရာဇာဖြူ၊ ကိုလှမျိုးကျော် တို့ကိုတော့ ထောင်ဒဏ် မချမှတ်သေးပဲ ဆက်လက် စစ်ဆေးနေဆဲဖြစ်တယ်လို့ သိရပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

နအဖ၏ ဓါတုလက်နက်ဘေး ကာကွယ်ရန် အပစ်ရပ်များပြင်ဆင်



သောကြာနေ့၊ 25 ဒီဇင်ဘာလ 2009 သျှမ်းသံတော်ဆင့်


အပစ်ရပ်တပ်ဖွဲ့များနှင့် တိုက်ပွဲဆင်နွှဲပါက နအဖ ဓါတုလက်နက် အသုံးပြုမည်ဟု သတင်းထွက်ပေါ်လာသဖြင့် တရုတ်နယ်စပ်အပစ်ရပ်များ ထိုအန္တရာယ် ကာကွယ်နိုင်သည့် စစ်ဝတ်စုံ ထောင်ချီဝယ်ယူ စုဆောင်းနေကြောင်း မိုင်းလားတပ်ဖွဲ့နှင့်နီးစပ်သည့် သတင်းရပ်ကွက်က ဆို၏။

“ဓါတုလက်နက်ရန် ကာကွယ်နိုင်တဲ့စစ်ဝတ်စုံမျိုး မိုင်းလား နဲ့ ၀ တပ်ဖွဲ့တို့ဝယ်တာ။ အစုံပေါင်းထောင်နဲ့ချီတယ်တဲ့” - ဟု အပစ်ရပ်အသိုင်းအ၀ိုင်း နီးစပ်သူ တဦးက ပြောပါသည်။

နားဂစ်ဖွဲ့စည်းပုံအရ လက်နက်ကိုင် အပစ်ရပ်တပ်ဖွဲ့များအားလုံး နယ်ခြားစောင့်တပ် အသွင်ပြောင်းရေး ခေါင်းခါငြင်းဆန်သည့် တရုတ်နယ်စပ်အခြေစိုက် ကချင်တပ် KIA၊ မိုင်းလားတပ်ဖွဲ့ NDAA – ESS နှင့် UWSA ၀ တပ်ဖွဲ့တို့အား ပစ်မှတ်ထား တိုက်ခိုက်ချေမှုန်းရန် စစ်အစိုးရက တိုက်လေယာဉ်၊ လက်နက်ကြီး နှင့် အခြားဓါတုလက်နက်များ အသုံးပြုမည့် သတင်းကြောင့် ဖြစ်သည်ဟု အဆိုပါပုဂ္ဂိုလ်က ပြောပါသည်။

စစ်အစိုးရ အသိုင်းအ၀ိုင်း နှင့် နီးစပ်သူတဦးက -“၀ တပ်၊ KIA နဲ့ မိုင်းလားတပ်ဖွဲ့တွေ ခံတပ်ကောင်းတွေ လုပ်ထားတယ်။ သာမာန်အင်အားနဲ့ဝင်တိုက်လို့ရမှာမဟုတ်ဘူးဆိုတာ သူတို့သိတယ်။ အဲဒါကြောင့် လေယာဉ် ဗုံးတွေ၊ အမြောက်ကျည်တွေ အပြင် မော်ထာ လောင်ချာထိပ်ဖူးတွေမှာ လူကိုအဆိပ်ဖြစ်စေတဲ့ ဓါတုလက်နက်နဲ့တိုက်မှာ၊ မြောက်ကိုးရီးယားက ရလာတာလို့ ဗမာစစ်အရာရှိတဦး ကိုယ်တိုင်ပြောတာ” - ဟု သျှမ်းသံတော် ဆင့်သို့ပြော ပြ၏။

ထို့အတူ ကချင်သတင်းဌာန ထုတ်ပြန်ချက်အရ အဆိုပါဓါတုပစ္စည်းပါ ဗုံးပေါက်ကွဲလျှင် -
၁။ မူးဝေအော့အန်၊
၂။ အသက်ရှူ ကြပ်၊
၃။ မျက်လုံး/အမြင်အာရုံ မှောင်မိုက်သည့် လက္ခဏာများဖြစ်မည်။
ဓါတုလက်နက် တပ်ဆင်ထားသည့် လောင်ချာ ထိပ်ဖူး ၀ါ ၊ စိမ်း ၊ နီ အရောင်သုံးမျိုးရှိသည်ဟု ဆိုသည်။

ကရင်လူ့အခွင့်အရေးအဖွဲ့ KHRG က - ၁၉၉၄ ဒီဇင်ဘာ ကော်မူးရာ KNU ကရင်တပ်စခန်းကို နအဖစစ်တပ် ချီတက် တိုက်ခိုက်စဉ် ဓါတုလက်နက်သုံးခဲ့ဖူးကြောင်း၊ ၁၉၉၅ ဖေဖေါ်ဝါရီက ထိုင်းဘုရင့်တပ်မတော် လက်ထောက် စစ်သေနာပတိချုပ် ဗိုလ်ချုပ် ချိတ်ထာ ဓနကျားရိုး က ဗိုလ်ချုပ်ကြီးတင်ဦး ပြောခဲ့ဖူးသည့်စကားများကိုကိုးကား၍ -

“အဲဒီတိုက်ပွဲတုန်းက နအဖ အတွင်းရေးမှူး ၂ ဒုတိယဗိုလ်ချုပ်ကြီးတင်ဦး ကိုယ်တိုင် ‘ဓါတုလက်နက်အသုံးပြုရင် မသင့်လျော်ဘူး၊ နိုင်ငံတကာဥပဒေနဲ့ ညှိစွန်းတယ်ဆိုတာ ကျနော်တို့နားလည်တယ်။ ဒါပေမယ့် မသုံးမဖြစ်လွန်းလို့ အသုံးပြုခဲ့ရတာ’ လို့ပြောဖူးတယ်” ဟု ထိုင်းနိုင်ငံထုတ် 28/2/95 Daily News နေ့ထုတ်သတင်းစာတွင် ဖေါ်ပြခဲ့ကြောင်း အစီရင်ခံခဲ့သည်။

ထိုနည်းတူ ၂၀၀၆ ကရင်နီ KNPP ဌာနချုပ် ညာမို (ဉာဏ်မိုးတောင်) တိုက်ပွဲတွင်လည်း နအဖတို့ ဓါတုလက်နက် အသုံးပြုခဲ့ဖူးသည့် သတင်းများထွက်ခဲ့ပါသည်။


မှတ်ချက် ။ ။ http://www.mongloi.org မှ ကူးယူ မျှဝေပါသည်။

အပြည့်အစုံ ဖတ်ရန် ...

စာစောင်များတွင် မော်ဒယ်တို့ “ဖော်”သလောက် သတင်းများ လွတ်လပ်စွာ ဖော်ပြခွင့်မရကြ


မိုးမခ အထောက်တော်၊
ရန်ကုန်
ဒီဇင်ဘာ ၂၆၊ ၂၀၀၉

ပြည်တွင်းတွင် ထုတ်ဝေသည့် အပတ်စဉ် သတင်းဂျာနယ်များတွင် အမျိုးသမီးများ ၀တ်စားဆင်ယင်မှု ဓါတ်ပုံများကို ယခင်ကနှင့် မတူပဲ ပိုမိုလွတ်လပ်စွာ ဖေါ်ပြခွင့် ရရှိလာသော်လည်း သတင်းအချက်အလက်များ စီးပွားရေး၊ နိုင်ငံရေး သတင်းများတွင်မူ စိစစ်ရေးက တင်းကြပ်စွာ ထိန်းချုပ်နေဆြဲဖစ်သည်ဟု ပြည်တွင်း ဂျာနယ်အယ်ဒီတာများက ဆိုသည်။

ဓါတ်ပုံ- ယခုထွက်ရှိနေသည့် အပတ်စဉ်ထုတ်ဂျာနယ် များတွင်မြင်တွေ့ရသည့် သရုပ်ဆောင်၊ အဆိုတော်နှင့် မော်ဒယ် အချို့၏ ၀တ်စားဆင်ယင်မှုများ။

ယခင်နှစ်များအထိ ဂျာနယ်သတင်းများတွင် ပြည်တွင်းသို့ မဟုတ်ပြည်ပမှ မင်းသမီး၊ အဆိုတော်၊ မော်ဒယ်တို့၏ ရုပ်ပုံများတွင် စကတ်တိုလျင် ဖိုတိုရှော့ပ်ဖြင့် ဖုံးကွယ်ပေးရခြင်း၊ အကျီ ရင်သားဟိုက်လျင် ဖြည့်ပေးရခြင်း ဆံပင်ပုံသဏ္ဍန်ကို မကြိုက်လျင် အရောင်ရင့်ဖြင့် ကာပေးရခြင်းစသဖြင့် စိစစ်ရေးမှ ညွှန်ကြားသည့် အတိုင်းဂျာနယ် မဂ္ဂဇင်းတိုက်မှ ပြင်ဆင်ပြီးမှ ပုံနှိပ်ပေးကြရသည်။
ယခုနှစ်ဆန်းပိုင်းမှ စတင်ကာ ပြည်တွင်းထုတ်ဂျာနယ်များတွင် အဆိုတော်၊ ရုပ်ရှင် သရုပ်ဆောင်နှင့် မော်ဒယ် အမျိုးသမီး တို့၏ ဓါတ်ပုံများတွင် ထိုသို့လုပ်ပေးစရာ သိပ်မလိုအပ်တော့ပဲ အတိုင်းအတာတခုထိ လွတ်လပ်စွာ ဖေါ်ပြခွင့်ပြုနေသည်ကို တွေ့ရသည်။ သို့ရာတွင် နိုင်ငံရေး၊ စီးပွားရေးနှင့် လူမှုရေး သတင်းများတွင်မူ ယခင်ကဲ့သို့ပင် တင်းကြပ်စွာစိစစ်ပြီး ဖြတ်တောက်မှုများ ရှိနေဆဲပင်ဖြစ်သည်ဟုလည်း အပတ်စဉ် ထုတ်ဂျာနယ်တစောင်မှ တာဝန်ခံအယ်ဒီတာကပြောသည်။
၂၀၀၄ ခုနှစ်ကုန်တွင် စစ်ထောက်လှမ်းရေး ဖြုတ်ချခံရပြီးနောက် ယခင် ပြည်ထဲရေး ၀န်ကြီးဌါနလက်အောက်မှ ပြန်ကြားရေး ၀န်ကြီးဌါနလက်အောက်သို့ စာပေစိစစ်နှင့် မှတ်ပုံတင်ဌါနကို ပြောင်းရွှေ့ပြီးနောက်တွင် အပေါ်ယံဆန်သည့် ပြုပြင်ပြောင်းလဲမှုများ လုပ်ဆောင်ခဲ့သည်ဟု ဂျာနယ် အယ်ဒီတာများက သုံးသပ်ပြောဆိုသည်။ ဥပမာအားဖြင့် ဂျာနယ် ထုတ်ဝေခွင့် အသစ်များထပ်မံချပေးခြင်း၊ နအဖ အစိုးရက ယုံကြည်စိတ်ချသည့် ဂျာနယ်တိုက်များ၊ လုပ်ငန်းရှင်များကို ထုတ်ဝေခွင့် အသစ်များ ထပ်မံချပေးခြင်း၊ ပုဂ္ဂလိက မီဒီယာကို အသုံးချပြီး နအဖ အစိုးရ၏ ၀ါဒဖြန့်ချိရေး သတင်းဆောင်းပါးများကို ထည့်သွင်းဖေါ်ပြစေခြင်း တို့ ဖြစ်သည်။
ယခုလက်ရှိ အနေအထားနှင့် ပတ်သက်ပြီး ဂျာနယ်သတင်းထောက် တဦးက “အခုစာပေစိစစ်ရေးက ဂျာနယ်တွေကို ကိုင်တွယ်ပုံက စစ်ထောက်လှမ်းရေး လက်ထက်ကလို အားလုံးအတွက် တကြောင်းထည်း တားထားတဲ့ စည်းမဟုတ်တော့ဘူး။ အစိုးရနဲ့နီးစပ်သူ အစိုးရအတွက် ၀ါဒဖြန့်ပေးနေသူတွေ၊ ငွေကြေးပုံပြီး လာဘ်ထိုးနိုင်သူတွေအတွက် စည်းကို ရှေ့တိုးထားပေးပြီး အဲလိုမဟုတ်ပဲ အစိုးရနဲ့လွတ်လွတ်ကင်းကင်း နေပြီး မြင်တာကို ရေးသားတဲ့ ဂျာနယ်တွေအတွက်က ``မကျော်ရစည်း´´ က နောက် ပိုဆုတ် ထားတယ်။ ဒါကြောင့် အရင်ကလိုပဲ လုပ်ရကိုင်ရ ခက်ခဲနေဆဲပဲ” ဟုပြောဆိုသည်။
လွန်ခဲ့သည့် နှစ်ပိုင်းနှင့် ယှဉ်လျင် အပတ်စဉ် ထုတ်သတင်းဂျာနယ် များတွင် လောင်စာဆီ၏ ပြင်ပပေါက်ဈေးနှုန်း၊ ဒေါ်လာနှင့် မြန်မာငွေလဲနှုန်း၊ တယ်လီဖုန်း ပြင်ပဈေးကွက်ပေါက်ဈေး များကို ရေးသားဖေါ်ပြလာခွင့် ရလာခြင်း ကဲ့သို့သော အပေါ်ယံ အပြောင်းအလဲများ ရှိသော်လည်း လျှပ်စစ်မီးပျက်ခြင်း အောက်ခြေ၀န်ထမ်းများ၏ အကျင့်ပျက်လာဘ်စားခြင်း စသည့် အကြောင်းအရာများမှာ ဖေါ်ပြခွင့် မရရှိသေးသည့် အခြေအနေဖြစ်သည်။


မှတ်ချက် ။ ။ http://moemaka.com မှ ကူးယူ မျှဝေပါသည်။

အပြည့်အစုံ ဖတ်ရန် ...

Friday, December 25, 2009

ဒေါ်အောင်ဆန်းစုကြည် က စိတ်ရင်းစေတနာ မှန်ပြီးသားပါ


ဒေါ်အောင်ဆန်းစုကြည် က စိတ်ရင်းစေတနာ မှန်ပြီးသားပါ

မောင်သြ
၂၅ ဒီဇင်ဘာ ၂၀၀၉

၉-၁၂-၀၉ နေ့က ထုတ်ဝေတဲ့ နိုင်ငံပိုင် နအဖအသုံးတော်ခံ စည်းရုံးရေးသတင်းစာကြီးတွေမှာ ဆောင်းပါးရှင် ချမ်းမြအေးရဲ့ ‘စိတ်ရင်းစေတနာမှန်ပြီး ရိုးသားမယ်ဆိုရင်’ ဆောင်းပါးကို ဖတ်ရတော့ ဒီဆောင်းပါးအပေါ် သတင်းစာဆရာကြီး ဦးဝင်းတင် (အန်အယ်လ်ဒီ၊ ဗဟိုအလုပ်အမှုဆောင်) က စိတ်ပျက်မိပါတယ်လို့ ပြောသွားတာ ကြားလိုက်ရပါတယ်။

ကျနော်ကတော့ အဲဒီလိုစိတ်ပျက်မိတာထက် နွားခြေရာခွက်ထဲမှာရှိတဲ့ ဖြုတ်တကောင်ရဲ့ ဦးနှောက်နဲ့ ဒီလောက်အတွေးတိမ်တိမ် အောက်တန်းကျလှချည်လားဆိုပြီး စုပ်တသပ်သပ်နဲ့ သနားမိတာပါပဲ။ ငါ့အစိုးရ၊ ငါ့သတင်းစာ၊ ငါ့ပလက်ဖောင်းဆိုပြီး ထင်ရာစိုင်း လက်သရမ်းလိုက်တာဟာ စစ်အာဏာရှင်အစိုးရ သက်ဆိုးရှည်သမျှ၊ ငါအခွင့်ထူးခံ ရနေမှာပဲဆိုတဲ့ မျှော်လင့်ချက်ကြီးကြောင့်ဆိုတာ ချမ်းမြအေးရဲ့ အဖားကမ်းကုန် ဆောင်းပါးမှာ ဘွင်းဘွင်းကြီးပေါ်နေတာ တွေ့ရတယ်။

စိတ်ရင်းစေတနာ မမှန်ပြီး မရိုးသားတာ ဘယ်သူတွေလဲ …
ပေးထားပြောထားတဲ့ ကတိစကားတွေကို ပယ်ဖျက်တာ ဘယ်သူတွေလဲ …
မိမိထုတ်ပြန်ထားတဲ့ အမိန့်ကြေညာစာတွေကို မလိုက်နာတာဘယ်သူတွေလဲ …
ပြည်သူလူထုအကျိုးစီးပွားထက် မိမိနဲ့ မိမိဆွေမျိုးအသိုင်းအ၀န်းအကျိုးစီးပွားကို ၀ိသမလောဘတက် အမြတ်ထုတ် စီးပွားရေးလက်ဝါးကြီးအုပ်နေကြတာ ဘယ်သူတွေလဲ …
၂၀၀၃ ဒီပဲယင်းလုပ်ကြံသတ်ဖြတ်မှု ဘယ်သူခိုင်းတာလဲ …
ကြံ့ဖွံ့/စွမ်းအားရှင်တွေနဲ့ ၂၀၀၇ ရွှေဝါရောင်တော်လှန်ရေးမှာ ရဟန်းသံဃာတော်တွေနဲ့ ဒီမိုကရေစီအင်အားစုတွေကို တိုက်ခိုက်နှိမ်နင်းခိုင်းတာ ဘယ်သူတွေလဲ …
ဒီထဲမှာ ချမ်းမြအေးတဦးကော ပါဝင်နေသလား …
ဒါလေးတော့ ချမ်းမြအေး စဉ်းစားတတ်ရင် ‘စိတ်ရင်းစေတနာမှန်ပြီး ရိုးသားမယ်ဆိုရင်’ ဆိုတဲ့ ဆောင်းပါးက ရှက်စရာကြီးပါ။

နအဖအစိုးရထံမှ နာမည်ကောင်းလက်မှတ်ရဖို့ ဖားဆောင်းပါး ရေးချင်တာနဲ့ ဒေါ်အောင်ဆန်းစုကြည်နဲ့ အန်အယ်လ်ဒီကို အပုပ်ချ၊ တဖက်သတ်ရေးနေတာဟာ ယိုသူမရှက် မြင်သူရှက်၊ ရေးသူမရှက် ဖတ်သူရှက် ဖြစ်နေပါပြီ။ သူခိုးက လူပြန်ဟစ် ဆိုတာမျိုး။ သူများမျက်ချေးမြင်ပြီး၊ ကိုယ့်မျက်ချေး ကိုယ်မမြင်တဲ့ မျက်မမြင် ပုဏ္ဏားခြောက်ယောက်လိုမျိုး ဖြစ်နေပြီလား။ နအဖ ဆောင်းပါးရှင်တွေ သံဝေဂရဖို့ ကောင်းနေပြီ။

မြန်မာနိုင်ငံကို ပိတ်ဆို့အရေးယူမှု (Sanction) ဟာ ဒေါ်အောင်ဆန်းစုကြည်က တောင်းဆိုခဲ့တာပါဆိုတဲ့ ပြည်တွင်းက ဆောင်းပါးရှင် ကိုရွှေငဖား အတော်များများက စွပ်စွဲရေးသားခဲ့ကြတာဟာ ယုတ္တိမတန်တဲ့ မြန်မာရုပ်ရှင်ဟာသကားတွေ ကြည့်နေရသလိုပါပဲ။ အပေါစားဆန်လှပါတယ်။

အမေရိကန်၊ အီးယူနိုင်ငံတို့မှ မြန်မာနိုင်ငံအပေါ် (Sanction) ပိတ်ဆို့မှုဟာ နအဖစစ်အစိုးရရဲ့ လူ့အခွင့်အရေး အကြီးအကျယ် ချိုးဖောက်မှုတွေ၊ ၂၀၀၇ ခုနှစ် ရွှေဝါရောင်တော်လှန်ရေးမှာ ငြိမ်းချမ်းစွာ လမ်းလျှောက်မေတ္တာပို့ ဆန္ဒပြကြတဲ့ ရဟန်းသံဃာတွေနဲ့ ကျောင်းသားပြည်သူ အန်အယ်လ်ဒီ အဖွဲ့ဝင်တွေကို အကြမ်းဖက် ရိုက်နှက်သတ်ဖြတ် ဖမ်းဆီးထောင်ချ ခဲ့တာကြောင့်ဖြစ်တယ် ဆိုတာ ဆောင်းပါးရှင် ချမ်းမြအေးက ဘာကြောင့် ရေငုံနှုတ်ပ်ိတ်နေရပါသလဲ။

အိမ်ထဲမှာ အကျယ်ချုပ်နဲ့ ထိန်းသိမ်းခံနေရတဲ့ ဒေါ်အောင်ဆန်းစုကြည်နဲ့ မြန်မာနိုင်ငံရဲ့ တရားစီရင်ရေး၊ ဥပဒေပြုရေး၊ အုပ်ချုပ်ရေးစတဲ့ အာဏာကြီးသုံးရပ်အထက်မှာရှိတဲ့ ဗိုလ်ချုပ်မှူးကြီးသန်းရွှေတို့ဟာ ဘယ်သူက အာဏာရှိပြီး ဘယ်သူက လုပ်ပိုင်ခွင့်ရှိတာပါလဲ။ အာဏာမရှိတဲ့ ဒေါ်အောင်ဆန်းစုကြည်က မြန်မာနိုင်ငံကို ပိတ်ဆို့အရေးယူခိုင်းတာနဲ့ အမေရိကန်လို၊ အီးယူလို နိုင်ငံခေါင်းဆောင်ကြီးတွေက လိုက်နာရတယ်ဆိုတာ ဖြစ်နိုင်ပါလား၊ ဟုတ်ပါ့မလား မောင်ကာဠုရေလို့ မေးလိုက်ချင် ပါတယ်။

မြန်မာပြည်သူတွေအပေါ် ရက်ရက်စက်စက် လူ့အခွင့်အရေးတွေ ကျူးလွန်နေကြတဲ့ စစ်အာဏာရှင်အစိုးရကို ယခုလို ပိတ်ဆို့ အရေးယူမှုတွေဟာ ဘယ်သူမပြုမိမိမှုဆိုတာ နားလည်ဖို့ကောင်းပါပြီ။

ဆောင်းပါးရှင် ချမ်းမြအေးရဲ့ ဒေါ်အောင်ဆန်းစုကြည်ရဲ့ပေးစာတွေက မီဒီယာတွေမှာ ပြန့်နေအောင် ကြိုပြီးဖွတာမျိုးကတော့ မဖြစ်သင့်ပါဘူးတဲ့။ ကြိုဖွတာဖြစ်စေ၊ မဖြစ်စေ စာပါအကြောင်းအရာက အဓိက ကျပါတယ်။
ဒေါ်အောင်ဆန်းစုကြည်ပေးစာများနဲ့ ပတ်သက်ပြီး …

နိုင်ငံတော်ကို သစ္စာဖောက်တဲ့အကြောင်းအရာလား …
နအဖအစိုးရကို အကြည်ညိုပျက်စေတဲ့ အကြောင်းအရာလား …
ပြည်ထောင်စုသား တိုင်းရင်းသားအားလုံးရဲ့ အကျိူးစီးပွားကို ထိခိုက်နစ်နာပျက်စီးစေတဲ့ အကြောင်းအရာလား …
ဆိုတဲ့ အချက်တွေအပေါ်မှာ သုံးသပ်ကြည့်ရပါမယ်။

၂၅-၁၂-၀၉ နေ့က ပထမပေးစာမှာ… မြန်မာနိုင်ငံအပေါ်အရေးယူပိတ်ဆို့ထားမှုများ ရုပ်သိမ်းပယ်ဖျက်ရေးကိစ္စ။
၁၁-၁၁-၀၉ နေ့က ဒုတိယပေးစာမှာ… မြန်မာနိုင်ငံအပေါ် အရေးယူပိတ်ဆို့ထားမှုများ ရုပ်သိမ်းရေးကိစ္စ နောက်ဆက်တွဲတင်ပြခြင်း…

အဲဒီစာ (၂) စောင်ကို ကြည့်ရင် ဘာမှလျှို့ဝှက်ထိန်ချန်ထားရမယ့် ကိစ္စမဟုတ်ပါ။ မီဒီယာကနေ အများပြည်သူ ကြိုတင်သိရှိခြင်းနဲ့ နောက်ကျမှသိရှိခြင်းသာ ကွာခြားမှုဖြစ်ပါတယ်။ နိုင်ငံတော်နဲ့ အစိုးရအတွက် အကျိုးရှိစေမယ့် ကိစ္စများသာဖြစ်ပါတယ်။

ကောင်းပြီ။ ၈-၁၁-၀၇ နေ့စွဲနဲ့ မစ္စတာဂမ်ဘာရီနဲ့ ပေးလိုက်တဲ့ (စင်ကာပူမှာ ထုတ်ပြန်တဲ့) ကြေညာချက်ကကော၊ တိုင်းရင်းသားအားလုံးနဲ့ ပတ်သက်တဲ့ ကိစ္စသာဖြစ်တယ်။

“ဒီမိုကရေစီအင်အားစုများအားလုံး သွေးစည်းခိုင်မာမှုနှင့် အမျိုးသားညီညွတ်ရေး အရေးတကြီးလိုအပ်နေသော ယခုအချိန်မျိုးတွင် နိုင်ငံရေးအဖွဲ့အစည်းများ၊ နိုင်ငံရေးအင်အားစုများ၊ အထူးသဖြင့် ကျမတို့၏ တိုင်းရင်းသားလူမျိုးစုအားလုံး၏ ဆန္ဒသဘောထားများနှင့် အကျိုးစီးပွားများကို အခိုင်အမာ အဆက်မပြတ် အလေးအနက်ထားကာ စဉ်းစားပေးရမည်မှာ ကျမအပေါ် ကျရောက်လာသော တာဝန်ဖြစ်နေပါပြီ …” တဲ့။ ဆောင်းပါးရှင် ချမ်းမြအေးရေ … ဒီလောက်ဆို ဒေါ်အောင်ဆန်းစုကြည်ရဲ့ ရိုးသားတည်ကြည်ဖြောင့်မတ်တဲ့ စာတွေထဲမှာ နအဖစစ်အစိုးရကို ထိခိုက်ပုတ်ခတ်တဲ့ စာတလုံးမှမပါဘူးဆိုတာ၊ နိုင်ငံတော်ရဲ့ လွတ်လပ်ရေးနဲ့ အချုပ်အခြာအာဏာကို ထိခိုက်စော်ကားတာ မပါဘူးဆိုတာတော့ အသင် ချမ်းမြအေးသည် ဂဏှာဟိ မှတ်သားလေလော့လို့ပဲ ပြောလိုက်ချင်ပါတယ်။

ဒီနေ့ နအဖစစ်အစိုးရကို အမေရိကန်နဲ့ အီးယူနိုင်ငံတွေက တိုက်ရိုက် ထိတွေ့ဆက်ဆံမှုတွေရှိနေသလို၊ ဒေါ်အောင်ဆန်းစုကြည်နဲ့ နအဖဆက်ဆံရေးဝန်ကြီး ဦးအောင်ကြည်တို့လည်း ယခုရက်ပိုင်း လပိုင်းအတွင်းမှာ တွေ့ဆုံဆွေးနွေးခဲ့တာ သုံးကြိမ်ရှိခဲ့ပါပြီ။ အခြေအနေကို တိတိကျကျမသိနိုင်ပေမယ့် ဒေါ်အောင်ဆန်းစုကြည်ရဲ့ ပေးစာအရ ထူးခြားမှုများရှိလာနိုင်မလားလို့တော့ စဉ်းစားစရာ ဖြစ်နေပါပြီ။ ဘာကြောင့်လဲဆိုတော့ ချမ်းမြအေးရဲ့ ဆောင်းပါးထဲက …

“မိဘဖြစ်တဲ့ အစိုးရအနေနဲ့ကတော့ သဘောထားကြီးကြီး ထားပြီး လုပ်သင့်တာလုပ်ပေးလိမ့်မယ်လို့ မျှော်လင့်ရပါတယ်” ဆိုတဲ့ စကားအရ စဉ်းစားရတာပါ။ ဒေါ်အောင်ဆန်းစုကြည်နဲ့ အန်အယ်လ်ဒီဟာ ရိုးရိုးသားသား သဘောထားနဲ့ တပ်မတော်စစ်အစိုးရကို အပြုသဘောဆောင်ပြီး ချဉ်းကပ်ညှိနှိုင်းဖို့ ကြိုးစားခဲ့တာ ၉၀ ခုနှစ် ရွေးကောက်ပွဲပြီးကတည်းကပါ။ အနှစ် (၂၀) ရှိခဲ့ပြီ။ အဲဒီထဲကသာ တပ်မတော်စစ်အစိုးရဟာ အန်အယ်လ်ဒီနဲ့ ဒေါ်အောင်ဆန်းစုကြည်တို့နဲ့ တွေ့ဆုံပူးပေါင်း ညှိနှိုင်းစိတ်ရင်း စေတနာမှန်မှန် ရိုးသားစွာ ဆောင်ရွက်သွားကြမယ်ဆိုရင်…

မြန်မာစစ်အစိုးရဟာ ဟိုလူလာလိုက် … မျက်နှာချိုသွေးရ၊ ဒီလူလာလိုက် … မျက်နှာချိုသွေးရ ဘ၀မျိုး မရောက်ဘူးပေါ့ဗျာ။ ခုတော့ ကျနော်တို့နိုင်ငံဟာ အာဆီယံအစည်းအဝေးမှာလည်း မြန်မာ့အရေးဆွေးနွေးရ၊ ကုလသမဂ္ဂအထွေထွေ ညီလာခံမှာလည်း မြန်မာ့အရေးဆွေးနွေးရ၊ လုံခြုံရေးကောင်စီမှာလည်း ဆွေးနွေးရနဲ့ ငပွနိုင်ငံကြီးဖြစ်နေပြီ။ ပြီးတော့ ကမ္ဘာ့အလယ်မှာလည်း အမေရိကန် လာလိုက်၊ အီးယူက လာလိုက်၊ ကုလသမဂ္ဂက လာလိုက်၊ အာဆီယံက လာလိုက်၊ တရုတ်၊ ရုရှ၊ ဂျပန်၊ အိန္ဒိယ၊ သြစတြေးလျက လာလိုက်၊ လူ့အခွင့်အရေးပြဿနာ ဒိုင်ခံရှင်းနေရတာနဲ့ မြန်မာနိုင်ငံကြီးလည်း ဗိုလ်ချုပ်အောင်ဆန်းပြောသလို ကြာရင် ဖာနိုင်ငံကြီးဖြစ်တော့မှာ စိုးရိမ်နေရပါတယ်။

ပြည်ပမီဒီယာတွေ ဖွတာထက်၊ ပြည်တွင်းက ဖွနေတဲ့ သတင်းစာဆောင်းပါးရှင်တွေဟာ ခုချိန်မှာ ဒေါ်အောင်ဆန်းစုကြည်နဲ့ ဆက်ဆံရေးဝန်ကြီး ဦးအောင်ကြည်တို့ စိန်ကောင်းကျောက်ကောင်း ရောင်းဝယ်နေတဲ့ကြားမှာ ဆေးရိုးသည်တွေက ကန့်လန့်ကန့်လန့်လုပ်သလို လုပ်နေဖို့ မသင့်လှကြောင်း တင်ပြလိုက်ရပါတယ်။


မှတ်ချက် ။ ။ http://www.khitpyaing.org မှ ကူးယူ မျှဝေပါသည်။

အပြည့်အစုံ ဖတ်ရန် ...

ကိုညီညီအောင် ထောင်တွင်း နှိပ်စက်ခံရမှု ပြည်တွင်းရှေ့နေများ တင်ပြခွင့်မရ


ကိုညီညီအောင် ထောင်တွင်း နှိပ်စက်ခံရမှု ပြည်တွင်းရှေ့နေများ
တင်ပြခွင့်မရ

2009-12-25 ( RFA )

အင်းစိန်ထောင်မှာ မြန်မာစစ်အစိုးရ အာဏာပိုင်တွေက ထိန်းသိမ်းအကျဉ်းချထားတဲ့ ကိုကျော်ဇောလွင် (ခေါ်) ကိုညီညီအောင်ကို အာဏာပိုင်တွေက နှိပ်စက်ညဉ်းပန်းမှုတွေ ရှိနေတယ်လို့ မိသားစုနဲ့ဝါရှင်တန်အခြေစိုက် ရှေ့နေတွေက ကုလသမဂ္ဂကိုတိုင်ကြားထားပေမယ့် ဒီကိစ္စနဲ့ ပတ်သက်ပြီး မြန်မာအာဏာပိုင်တွေကို ပြည်တွင်းရှေ့နေတွေအနေနဲ့ အရေးဆို တင်ပြခွင့်မရဘူးလို့ အမှုကို လိုက်ပါဆောင်ရွက်ပေးနေတဲ့ ရှေ့နေ ဦးဥာဏ်ဝင်းက အာအက်ဖ်အေနဲ့ ဆက်သွယ်မေးမြန်းစဉ်မှာ ပြောပါတယ်။

နာမည်ဆိုးနှင့် ကျော်ကြားသော မြန်မာနိုင်ငံ အင်းစိန်အကျဉ်းထောင်၏ အုတ်ရိုးအပြင်ဘက်တွင် အစောင့်တဦး လှည့်ပတ်စောင့်ကြည့်နေပုံ ဖြစ်ပါသည်။ (PHOTO: AFP)

ဦးဥာဏ်ဝင်း။ ။'အခုဆိုရင် ကိုညီညီအောင် Hunger Strike လုပ်တဲ့ သတင်းတွေကြားလာတယ်။ ကိုယ်တိုင် ကျနော်တို့ မသိဘူး။ ဒါပေမယ့် ဒါကို သိအောင်အတွက် ကျနော်တို့ တရားဝင် စာတင်ပြီးတော့ အကျဉ်းဦးစီးဌာနကို စာတင်တယ်။ ကျနော်တို့ ပြန်ကြားမှု မရဘူး။ အဲဒီတော့ အခြေအနေက ဘာပြောချင်တာလဲဆိုတော့ တကယ်တမ်း Torture ရှိမရှိဆိုတာ ကျနော်တို့မှာ သိခွင့်မရှိတဲ့ အခြေအနေမျိုးရှိတယ်ဆိုတာ ကျနော် ပြောချင်တယ်'

ဒီအမှုအတွက် ကာယကံရှင် ကိုညီညီအောင်နဲ့ တွေ့ဆုံခွင့်ရဖို့ ရှေ့နေတွေက ဒီဇင်ဘာလ ၂၅ ရက်နေ့မှာ အင်းစိန်အကျဉ်းဦးစီးဌာနကို တင်ပြတောင်းဆိုမယ်လို့လည်း ဦးဥာဏ်ဝင်းက ပြောပါတယ်။ ကိုညီညီအောင်ရဲ့ အမှုနဲ့ ပတ်သက်ပြီး အမေရိကန်သံရုံးက အရာရှိတဦးနဲ့ ပြီးခဲ့တဲ့ ဒီဇင်ဘာလ ၂၃ ရက်နေ့က သူတို့ရှေ့နေအဖွဲ့ တွေ့ဆုံဆွေးနွေးခဲ့တယ်လို့လည်း သိရပါတယ်။

တချိန်ထဲမှာလည်း အမေရိကန်ပြည်ထောင်စုမှာ ဒီဇင်ဘာ ၂၄ ရက်နေ့က ထုတ်ဝေတဲ့ The Washington Post သတင်းစာကြီးမှာ ကိုညီညီအောင်အမှုနဲ့ ပတ်သက်ပြီး မြန်မာစစ်အစိုးရနဲ့ တိုက်ရိုက် ဆက်ဆံရေး ထူထောင်ထားတဲ့ အမေရိကန်အစိုးရ အဆင့်မြင့်အရာရှိတွေဘက်က နှုတ်ဆိတ်နေတာကို ဝေဖန်ထောက်ပြထားပါတယ်။

ကိုညီညီအောင်ဟာ ထောင်ကျ အကျဉ်းသားတွေအပေါ် အကျဉ်းထောင်ဝန်ထမ်းတွေက လူမဆန်တဲ့ ဆက်ဆံမှုတွေကို ဆန်ကျင် ကန့်ကွက်တဲ့အနေနဲ့ အစာငတ်ခံဆန္ဒပြခဲ့ပါတယ်။ ဒီလို အစာငတ်ခံ ဆန္ဒပြတဲ့အတွက် အာဏာပိုင်တွေက ပြစ်ဒဏ်ခတ်တဲ့ အနေနဲ့ ဒီဇင်ဘာလ ၇ ရက်နေ့က စပြီး ၈ ပေ ၁ဝ ပေ ပတ်လည် စစ်ခွေးတိုက်မှာ တိုက်ပိတ် အရေးယူခဲ့တယ်လို့ မိသားစုတွေက ဆိုပါတယ်။

ဒီလို အပြစ်ပေးမှုမျိုးကို ကန့်ကွက်တဲ့အနေနဲ့ ဝါရှင်တန် ရှေ့နေအဖွဲ့က ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး လက်အောက်ခံ နှိပ်စက်ညဉ်းပမ်းမှုနဲ့ လူမဆန်တဲ့ ပြုကျင့်မှုများဆိုင်ရာ အဖွဲ့ရဲ့ အထူးကိုယ်စားလှယ် Mr. Manfred Nowak ထံကို ဒီဇင်ဘာလ ၂၂ ရက်နေ့က အမှုဖွင့် တိုင်ကြားထားတယ်လို့ သိရပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Thursday, December 24, 2009

ကြံ့ခိုင်ဖွံ့ဖြိုးရေးအသင်း၏ အကြမ်းဖက်မှုများကို ရှေ့နေများကောင်စီ ကန့်ကွက်


ကြံ့ခိုင်ဖွံ့ဖြိုးရေးအသင်း၏ အကြမ်းဖက်မှုများကို
ရှေ့နေများကောင်စီ ကန့်ကွက်


2009-12-24 ( RFA )


ဗိုလ်ချုပ်မှူးကြီး သန်းရွှေ ဦးဆောင်တဲ့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းဟာ ဥပဒေမဲ့ အုပ်စုဖွဲ့ အကြမ်းဖက်မှုတွေကို ဆက်လက် ကျူးလွန်နေတဲ့အတွက် ဆန့်ကျင်ကန့်ကွက်ကြောင်း ထိုင်းနိုင်ငံအခြေစိုက် မြန်မာနိုင်ငံ ရှေ့နေများကောင်စီ ဥပဒေရေးရာ သုံးသပ်ရေးဌာနက ပြောပါတယ်။

မြန်မာနိုင်ငံတွင် ဆန္ဒပြသူများကို ပြည်ထောင်စု ကြံ့ခိုင်ဖွံ့ဖြိုးရေး အသင်း၊ စွမ်းအားရှင်အဖွဲ့ စသော စစ်အစိုးရ ဖွဲ့စည်းပေးထားသည့် အသင်းအဖွဲ့များက အတင်းအဓမ္မဖမ်းဆီးပြီး ကားများပေါ်သို့ ဆွဲတင်နေပုံ။ (Photo: AFP)

ကြံ့ခိုင်ဖွံ့ဖြိုးရေးအဖွဲ့ဟာ ၂ဝဝ၄ ခုနှစ် ဒီပဲယင်းလုပ်ကြံမှုကစလို့ အကြမ်းဖက်လုပ်ရပ်တွေကို ဆက်လက် ကျူးလွန်လာခဲ့ပြီး၊ အခုလ ၁၉ ရက်နေ့ကလည်း ရန်ကုန်တိုင်း ကြည့်မြင်တိုင်မြို့နယ်အတွင်း ဦးရဲထွန်း ဦးဆောင်တဲ့ အမျိုးသား နိုင်ငံရေးအဖွဲ့ချုပ် အဖွဲ့ဝင်တွေကို အင်အား ၂ဝဝ လောက် ပါဝင်တဲ့ ကြံ့ခိုင်ဖွံ့ဖြိုးရေး အသင်းဝင်တွေက အင်အားသုံး ရိုက်နှက်ခဲ့တဲ့အတွက် ဆက်လက် ကျူးလွန်တဲ့ အကြမ်းဖက်မှုတခုအဖြစ် မှတ်တမ်းတင်ထားတယ်လို့ မြန်မာနိုင်ငံ ရှေ့နေများ ကောင်စီ ဥပဒေရေးရာ သုံးသပ်ရေးဌာန တာဝန်ခံ ဦးမျိုးက ပြောပါတယ်။

ဦးမျိုး။ ။ 'ဒေါ်အောင်ဆန်းစုကြည်တို့၊ အဘ ဦးတင်ဦးတို့ သွားတဲ့ ယာဉ်တန်းတွေကို ကားတွေကို လိုက်ပြီးတော့ ကြံ့ဖွံ့တွေက ဝိုင်းပြီး အုပ်စုနဲ့ ချတယ်။ အဲဒီက စပြီးတော့ ဒီပဲယင်းမှာလည်း သူတို့ သတ်တယ်၊ ဖြတ်တယ်၊ ပြီးတော့ လူ့အခွင့်အရေး ဆောင်ရွက်နေတဲ့ လူတွေကိုလည်း ညှဉ်းဆဲတယ်၊ သတ်ဖြတ်တယ်။'

'အဲဒီ record တွေ၊ သူတို့ရဲ့ ကျူးလွန်တဲ့ ပြစ်မှုတွေ အားလုံးကို ကျွန်တော်တို့ မှတ်တမ်းရှိပါတယ်။ အခုကိစ္စကိုလည်း ကျွန်တော်တို့ မှတ်တမ်းမှတ်ရာတွေနဲ့ သူတို့ တောက်လျှောက် ဆက်လက် ကျူးလွန်နေတယ်ဆိုတဲ့ အကြောင်းကို မှတ်တမ်းတင်ပြီး ဥပဒေရေးရာ သုံးသပ်ချက် ထုတ်ရတာ ဖြစ်ပါတယ်။'

အမျိုးသား နိုင်ငံရေးအဖွဲ့ချုပ် အဖွဲ့ဝင်တွေကို ဦးမြင့်လွင် ဦးဆောင်တဲ့ မြို့နယ် ခိုင်ဖွံ့ဖြိုးရေး အသင်းဝင်တွေက ရိုက်နှက်ခဲ့မှုဟာ ကြိုတင် ကြံရွယ်ချက်နဲ့ ပြစ်မှုဆိုင်ရာ ဥပဒေပြဌာန်းချက်ပါ နာကျင်စေမှုကို ကျူးလွန်တာ ဖြစ်တယ်လို့ မြန်မာနိုင်ငံရှေ့နေများ ကောင်စီရဲ့ ဒီဇင်ဘာလ ၂၃ရက် ဥပဒေ ရေးရာ သုံးသပ်ထုတ်ပြန်ချက်မှာ ဖော်ပြထားပါတယ်။ ဒါ့ပြင် ကြံ့ခိုင်ဖွံ့ဖြိုးရေးအဖွဲ့ရဲ့ ကျူးလွန်နေတဲ့ အကြမ်းဖက်လုပ်ရပ်တွေကို သက်ဆိုင်ရာက ဟန့်တားမှု မရှိတဲ့အတွက် အသင်းရဲ့ နာယက ဖြစ်သူ ဗိုလ်ချုပ်မှူးကြီးမှာ လုံးဝ တာဝန်ရှိတယ်လို့ ဒီထုတ်ပြန်ချက်မှာ ရေးသားထားပါတယ်။

ကြံ့ခိုင်ဖွံ့ဖြိုးရေးအသင်းဟာ စတင်ဖွဲ့စည်းခဲ့တဲ့ ရည်ရွယ်ချက်နဲ့ သွေဖြီ ပြီး အကြမ်းဖက် လှုပ်ရှားနေမှု၊ နိုင်ငံရေးပါတီအခုအသွင် မဲဆွယ်လှုပ်ရှားနေမှုတွေကြောင့် ဒီအသင်းကို ဖျက်သိမ်းသင့်ကြောင်း မြန်မာနိုင်ငံ ရှေ့နေများကောင်စီက အခုနှစ် မတ်လ ၃ဝ ရက်နေ့က ထုတ်ပြန်ကြေညာခဲ့ပါတယ်။ အခုလို မြန်မာနိုင်ငံမှာ အင်အားအကြီးမားဆုံး လူမှုရေး အဖွဲ့အစည်းအဖြစ် ဖွဲ့စည်းထူထောင်ထားတဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးအသင်းကို အကြမ်းဖက်မှုတွေ တခုပြီးတခု ဆက်လက် ကျူးလွန်နိုင်အောင် အာဏာပိုင်တွေ ခွင့်ပြုထားတာနဲ့ ပတ်သက်လို့ မြန်မာနိုင်ငံရှေ့နေများ ကောင်စီ ဥပဒေရေးရာ သုံးသပ်ရေးဌာန တာဝန်ခံ ဦးမျိုးကို RFA မှ ကိုကျော်ကျော်အောင်က ဆက်သွယ်မေးမြန်း ထားပါတယ်။

ဆက်သွယ် မေးမြန်းချက် အပြည့်အစုံ နားဆင်ရန် >>> ဒီမှာ ကလစ် ပါခင်ဗျား ။

မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

ဒေါ်အောင်ဆန်းစုကြည်နှင့်ရှေ့နေများ တွေ့ဆုံဆွေးနွေး


ဒေါ်အောင်ဆန်းစုကြည်နှင့်ရှေ့နေများ တွေ့ဆုံဆွေးနွေး

2009-12-24 ( RFA )

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို သူရဲ့အကျိုးဆောင် ရှေ့နေလေးဦးက တက္ကသိုလ်ရိပ်သာလမ်း နေအိမ်မှာ ဗဟိုတရားရုံးက လက်ခံလိုက်တဲ့ ပြင်ဆင်မှု လျှောက်လဲချက်နဲ့ ပတ်သက်ပြီး ဒီဇင်ဘာ ၂၄ ရက် ဒီကနေ့ နေ့လည်ပိုင်းက တွေ့ခွင့်ရခဲ့တယ်လို့ ရှေ့နေတွေက RFA ကို ပြောပါတယ်။

ဒေါ်အောင်ဆန်းစုကြည်၏ အကျိုးဆောင် ရှေ့နေကြီးများ ဖြစ်သော ဦးကြည်ဝင်း (ဝဲ) နှင့် ဦးဉာဏ်ဝင်း (ယာ) တို့ကို တိုင်းတရားရုံးသို့ ဒေါ်အောင်ဆန်းစုကြည်၏ အမှုအယူခံတင်သော စက်တင်ဘာ ၃ ရက်နေ့က တွေ့ရပုံ ဖြစ်ပါသည်။ (Photo: AFP)

တွေ့ဆုံခဲ့တဲ့ ရှေ့နေ ၄ ဦးထဲက တဦးဖြစ်သူ ဦးကြည်ဝင်းက RFA ကို အခုလို ပြောပြပါတယ်။

ဦးကြည်ဝင်း။ ။ 'အဓိက ဆွေးနွေးတာတော့ အန်ကယ်တို့ အခု အဲဒီ အစိုးရက တက်တဲ့ ပြင်ဆင်မှုအတွက် အန်ကယ်တို့ လိုက်ပါဖို့ရာ အသီးသီး၊ အသီးသီး ရှေ့နေ ကိုယ်စားလှယ် စာ လိုတာပေါ့ဗျာ။ အဲဒီမှာ ဒေါ်အောင်ဆန်းစုကြည်က ကျွန်တော်တို့ကို ရှေ့နေ ကိုယ်စားလှယ် စာ ပေးတယ်။ ခင်ခင်ဝင်းတို့ကလည်း ကိုလှမျိုးတို့၊ ဒေါ်ခင်ဌေးကြွယ် တို့ကို ရှေ့နေကိုယ်စားလှယ် စာ ပေးတယ်။'

ဒီလိုတွေ့ဆုံရာမှာ အစိုးရဖက်က ပြင်ဆင်မှု လျှောက်လဲခဲ့တဲ့အချက်နဲ့ ပတ်သက်ပြီး ဒေါ်အောင်ဆန်းစုကြည်က ရှေ့နေပါဝါေ ပးခဲ့ပါတယ်။

နေအိမ်အကျယ်ချုပ်နဲ့ ကန့်သတ်ထားတဲ့အမိန့်ကို ရုပ်သိမ်းဖို့ ဒေါ်အောင်ဆန်းစုကြည်နဲ့ အတူနေထိုင်သူ ဒေါ်ခင်ခင်ဝင်း၊ မဝင်းပပတို့ရဲ့ ပြင်ဆင်မှုလျှောက်လဲချက်တွေနဲ့ တရားလို စစ်အစိုးရဖက်က ပြင်ဆင်မှုလျှောက်လဲချက် သုံးခုစလုံးကို ဗဟိုတရားရုံးက ဒီဇင်ဘာလ ၂၁ ရက်နေ့က လက်ခံခဲ့တာပါ။

ဒေါ်အောင်ဆန်းစုကြည် အယူခံလွှာကို ရန်ကုန်တိုင်းတရားရုံးကနေ ပယ်ချခဲ့ပေမဲ့ စီရင်ချက်မှာ ၁၉၇၄ ဖွဲ့စည်းပုံ အခြေခံဥပဒေကို အသုံးပြုခွင့် မရတော့ဘူးဆိုတဲ့ ဆုံးဖြတ်ချက် ပါရှိနေပါတယ်။ ဒါကို တရားလိုဖက်က မကျေနပ်တဲ့အတွက် ပြင်ဆင်လျှောက်လဲချက်အနေနဲ့ ဗဟိုတရားရုံးမှာ တင်သွင်းတာ ဖြစ်ပါတယ်။

ဒေါ်အောင်ဆန်းစုကြည်ရဲ့ အကျိုးဆောင်ရှေ့နေတွေကလည်း ၁၉၇၄ ဖွဲ့စည်းပုံဥပဒေအရ ထိန်းသိမ်းတာ ဖြစ်တယ်လို့ စစ်အစိုးရရဲ့ လျှောက်လဲချက်ကို ရုပ်သိမ်းပေးဖို့ အဓိက တင်ပြနေတာ ဖြစ်ပါတယ်။

ဒါ့အပြင် ဒေါ်အောင်ဆန်းစုကြည်ရဲ့နေအိမ်ပြန်လည် ပြုပြင်နေတာကို စည်ပင်သာယာ က ပြင်ဆင်ခွင့် ပေးထားပြီး ဖြစ်ပေမဲ့ အမွေဆိုင်ဖြစ်သူ အစ်ကို ဦးအောင်ဆန်းဦးက ကန့်ကွက်တာကြောင့် ဆက်လက် မပြုပြင်ဖို့ ဒီဇင်ဘာ ၂၃ ရက် မနေ့က လာရောက် တားမြစ်ခဲ့တယ်လို့ သိရပါတယ်။

ဒီကိစ္စနဲ့ပတ်သက်ပြီး အကျိုးဆောင်ရှေ့နေကြီး ဦးကြည်ဝင်းက ခုလိုပြောပါတယ်။

ဦးကြည်ဝင်း။ ။ 'သူ့အစ်ကို အောင်ဆန်းဦးရဲ့ ကိုယ်စားလှယ်၊ ရှေ့နေ ဟန်တိုးက သွားပြီး စည်ပင်မှာ ကန့်ကွက်တယ် ပြောတယ်။ အခုတော့ ရပ်ဆိုင်းထားတယ်။'

ဒီနေ့ ဒေါ်အောင်ဆန်းစုကြည်ရဲ့နေအိမ်ကို ရောက်တဲ့အခါမှာလည်း ဗိသုကာနဲ့ လက်သမားတွေ လာရောက် ပြုပြင်နေတာ မတွေ့ခဲ့ရဘူးလို့ ဦးကြည်ဝင်းက ပြောပါတယ်။

၂ဝဝ၈ မေလက တိုက်ခဲ့တဲ့ နာဂစ်မုန်တိုင်းဒဏ်ကြောင့် ဒေါ်အောင်ဆန်းစုကြည်ရဲ့နေအိမ် ပျက်စီးမှုအများအပြား ရှိခဲ့ပါတယ်။ ဒါကြောင့် ပြန်လည်ပြင်ဆင်ခွင့်ရဖို့ လွန်ခဲ့တဲ့ လတွေကတည်းက သက်ဆိုင်ရာကို ဒေါ်အောင်ဆန်းစုကြည်က အကျိုးဆောင် ရှေ့နေတွေကတဆင့် တင်ပြခဲ့တာပါ။

ခုလိုအိမ်ပြင်ဆင်ရခြင်းဟာ နေအိမ်ပျက်စီးနေတဲ့ အခြေအနေတွေကြောင့် လုံခြုံရေးအရ လိုအပ်လို့ ဖြစ်တယ်လို့ ဆိုပါတယ်။

ဒီဇင်ဘာလ ၃ ရက်နေ့မှာ မြို့တော် စည်ပင်သာယာကနေ ပြန်လည်ပြုပြင်ခွင့် ပေးခဲ့တာကြောင့် အပေါ်ထပ်ရှိ ဝရန်တာမှာ အုတ်စီ၊ အခန်းဖွဲ့တာတွေ စတင် လုပ်ကိုင်နေတာ ဖြစ်ပါတယ်။ အထူးသဖြင့် အိမ်အမိုးအကာ ပေါက်ပြဲနေတဲ့အတွက် မိုးရေယိုတာကနေ သိရပါတယ်။

အခုလို အိမ်ပြင်ဆင်နေတာကို စည်ပင်သာယာက လာရောက် တားမြစ်ခဲ့တဲ့ကိစ္စနဲ့ ပတ်သက်ပြီး ပြန်လည် ရုပ်သိမ်းပေးဖို့ အကျိုးဆောင် ရှေ့နေတွေဘက်က သက်ဆိုင်ရာ အာဏာပိုင်တွေထံ တင်ပြမယ်လို့ သိရပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Wednesday, December 23, 2009

စစ်အစိုးရအပေါ် အမေရိကန်အစိုးရက ပြင်းထန်သည့် ဖိအားပေးနိုင်


စစ်အစိုးရအပေါ် အမေရိကန်အစိုးရက ပြင်းထန်သည့်
ဖိအားပေးနိုင်

2009-12-23 (RFA )

မြန်မာ့ဒီမိုကရေစီ အသွင်ကူးပြောင်းရေးနဲ့ ပတ်သက်ပြီး အမေရိကန်အစိုးရရဲ့ တိုက်တွန်းချက်တွေကို မြန်မာစစ်အစိုးရအနေနဲ့ မလုပ်ဆောင်ဘူးဆိုရင် သမ္မတ အိုဘားမား အစိုးရအနေနဲ့ ပြင်းထန်တဲ့ ဖိအားပေးမှုတခု ဆောင်ရွက်နိုင်ဖွယ် ရှိတယ်လို့ သိရပါတယ်။

အမေရိကန်သမ္မတ ဘာရက် အိုဘားမား။ (Photo: AFP)

အဲဒီ ဖိအားပေးမှုကတော့ မြန်မာစစ်အစိုးရ ရရှိမဲ့ သဘာဝဓာတ်ငွေ့ ရောင်းရငွေတွေကို နိုင်ငံတကာ ဘဏ်တွေကနေ ထုတ်ယူလွှဲပြောင်းလို့ မရအောင် ချုပ်ကိုင်မဲ့ နည်းလမ်း ဖြစ်တယ်လို့ ဆိုပါတယ်။

ဒါနဲ့ပတ်သက်ပြီး အမေရိကန် နိုင်ငံခြားရေးဌာနကို RFA က ဆက်သွယ်မေးမြန်းတဲ့အခါမှာ သူတို့ အစိုးရအနေနဲ့ ဒီလိုထပ်ပြီး အရေးယူမဲ့ စဉ်းစားချက်မျိုး ရှိတယ်၊ အခုတော့ စောင့်ကြည့်နေတယ်လို့ အတည်ပြု ပြောဆိုပါတယ်။

ဘဏ်တွေနဲ့ လူ့အခွင့်အရေးအဖွဲ့တွေက မြန်မာစစ်ခေါင်းဆောင်တွေအပေါ် ဒီလိုအရေးယူ ဆောင်ရွက်မှုမျိုး သမ္မတအိုဘားမားကို လုပ်စေချင်တဲ့အပေါ် အထက်လွှတ်တော်ကလည်း အစိုးရအဖွဲ့ကို လုပ်ပိုင်ခွင့် ပြုထားပြီးပြီးလို့ ဆိုပါတယ်။

ဒီအစီအစဉ်တွေ အမေရိကန်အစိုးရမှာ ရှိပြီးသား ဖြစ်တယ်လို့ အမေရိကန်ပြည်ထောင်စု အခြေစိုက် US Campaign for Burma အဖွဲ့ရဲ့မူဝါဒရေးရာ ညွှန်ကြားရေးမှူး ဦးအောင်ဒင်က အခုလိုပြောပါတယ်။

ဦးအောင်ဒင်။ ။ 'ဒီ တိုက်ရိုက်ဆက်ဆံ ဆွေးနွေးမှုတွေက အောင်မြင်မှု မရခဲ့ဘူး၊ နအဖ စစ်အုပ်စုရဲ့ လူ့အခွင့်အရေး ချိုးဖောက်မှုတွေက ပိုပြီးတော့ ပြင်းထန်လာမယ်ဆိုလို့ရှိရင် ဒီလက်ရှိ စီးပွားရေး ပိတ်ဆို့မှုတွေကိုပဲ ခိုင်မာအားကောင်းအောင် လုပ်ဖို့ဆိုတာ စီမံချက် ရှိပါတယ်။ အဲဒီ အဓိက စီမံချက်ကတော့ ဒီ ဘဏ္ဍာရေးဝန်ကြီးဌာနအနေနဲ့ ဆက်ပြီးတော့ ဒီ နအဖရဲ့ အလိုတော်ရိ စီးပွားရေးသမားတွေကို ဆက်ပြီးတော့ ရှာဖွေဖော်ထုတ်နေတယ်၊ သူတို့ရဲ့ ပြည်ပမှာရှိတဲ့ စီးပွားရေးလုပ်ငန်းတွေ၊ ပြည်ပမှာ အပ်နှံထားတဲ့ ငွေကြေး၊ ဘယ်နိုင်ငံခြားဘဏ်တွေမှာ ဘယ်လောက် ငွေကြေးပမာဏကို ဘယ်လို account နဲ့ အပ်နှံထားတယ်ဆိုတာကို ဆက်ပြီးတော့ စုံစမ်းဖော်ထုတ်နေဆဲပါ။ တချိန်မှာ တကယ်လို့ တွေ့ဆုံဆွေးနွေးမှုတွေ အောင်မြင်မှု၊ တိုးတက်မှု မရှိဘူးဆိုလို့ရှိရင်တော့ လိုအပ်သလို ဆက်ပြီး အရေးယူဖို့ အစီအစဉ် ရှိပါတယ်။'

အမေရိကန်အစိုးရက မြန်မာစစ်ခေါင်းဆောင်တွေနဲ့ တိုက်ရိုက် ဆက်ဆံညှိနှိုင်းခဲ့သလို စစ်အစိုးရအနေနဲ့ လိုက်လျောမှုတွေ လုပ်လာဖို့ အချိန်ပေးလိုတယ်ဆိုတာလည်း ပြသထားတယ်လို့ ဆိုပါတယ်။

မြန်မာစစ်အစိုးရကို နိုင်ငံတကာနဲ့ စီးပွားရေးဆက်ဆံမှုမှာ ဘဏ်စနစ်နဲ့ပတ်သက်ပြီး အရေးယူ ပိတ်ဆို့တဲ့ကိစ္စဟာ အချိန်ကြာမြင့်တတ်သလို တန်ဖိုးကြီးကြီးလည်း ပေးရတတ်ပြီး၊ အမေရိကန်အစိုးရရဲ့ နိုင်ငံခြားရေးမူဝါဒမှာ အာဖဂန်နဲ့ အီရန်အရေးကို ဦးစားပေးနေရတဲ့အတွက် မြန်မာ့အရေးကတော့ ထိပ်ဆုံးမှာ ရှိမနေဘူးလို့ ဆိုပါတယ်။

ဘယ်လိုပဲဖြစ်ဖြစ် အမေရိကန် ဘဏ္ဍာရေးဌာနကတော့ ၂ဝဝ၇ ရွှေဝါရောင်တော်လှန်ရေးမှာ စစ်အစိုးရက ကိုယ့်ပြည်သူကို အကြမ်းဖက် သတ်ဖြတ် ဖြိုခွင်းခဲ့တာနဲ့ ပတ်သက်ပြီး စစ်အစိုးရနဲ့ တိုက်ရိုက်ပတ်သက်သူ စီးပွားရေးသမား အယောက် ၄ဝ နဲ့ သူတို့နဲ့ အပေါင်းပါ ၄၄ ဦးကို အရေးယူပိတ်ဆို့ထားသလို ၂ဝဝ၈ ခုနှစ်မှာလည်း ဘဏ်စနစ်ဆိုင်ရာ အရေးယူပိတ်ဆို့မှု ဥပဒေ ထပ်မံ သက်တမ်းတိုးထားပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

စက်မှု(၁) ဝန်ကြီး ဦးအောင်သောင်းနှင့် မိသားစု ပိုင်ဆိုင်မှုများအကြောင်း


စက်မှု(၁) ဝန်ကြီး ဦးအောင်သောင်းနှင့် မိသားစု
ပိုင်ဆိုင်မှုများအကြောင်း

2009-12-22 ( RFA )

ဝန်ကြီး ဦးအောင်သောင်းနဲ့ မိသားစုရဲ့ ပိုင်ဆိုင်မှုတန်ဖိုးက ဒေါ်လာသန်းပေါင်းများစွာ ရှိနိုင်ပါတယ်။ မြန်မာနိုင်ငံတလွှား မိသားစုနာမည်မျိုးစုံနဲ့ ထားတဲ့ စက်ရုံတွေ၊ ခြံမြေတွေ၊ အပန်းဖြေ ဥယျာဉ်တွေ၊ ကိုယ်ပိုင်တိုက်တာတွေ အများအပြား ဖြစ်ပါတယ်၊


စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေ၏ အနီးကပ် လူယုံအဖြစ် သတင်းကြီးသော အမှတ် (၁) စက်မှုဝန်ကြီးဌာန ဝန်ကြီး ဦးအောင်သောင်းကို အခမ်းအနားတခုတွင် တွေ့ရပုံ ဖြစ်ပါသည်။ (Photo from blogspot.com)

ဒီအကြောင်းတွေကို ဝန်ကြီးဦးအောင်သောင်းရဲ့အဂတိလိုက်စားမှုများ နောက်ဆက်တွဲ အစီအစဉ်အဖြစ် ဦးစိန်ကျော်လှိုင်က သုံးသပ်ထားပါတယ်။

နောက်ဆက်တွဲ အစီအစဉ် သုံးသပ်ချက်အားနားဆင်ရန် >>> ဒီမှာ ကလစ်ပါ ခင်ဗျား။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Monday, December 21, 2009

ထိုင်းနိုင်ငံရောက် မြန်မာအလုပ်သမားများ မစိုးရိမ်ဖို့ ထိုင်းဝန်ကြီးဌာနပြောဆို


ထိုင်းနိုင်ငံရောက် မြန်မာအလုပ်သမားများ မစိုးရိမ်ဖို့
ထိုင်းဝန်ကြီးဌာနပြောဆို

2009-12-20 (RFA )

ထိုင်းနိုင်ငံရောက် မြန်မာ ရွှေ့ပြောင်းအလုပ်သမားတွေ အနေနဲ့ ယာယီ နေထိုင်ခွင့်လက်မှတ် လျှောက်ထားရေးနဲ့ ပတ်သက်ပြီး မစိုးရိမ်ကြဖို့ ထိုင်းအလုပ်သမားဝန်ကြီးဌာန ပြောခွင့်ရပုဂ္ဂိုလ်က ဒီကနေ့ ပြောလိုက်ပါတယ်။


ထိုင်းနိုင်ငံတွင် အလုပ်လုပ်မည့် မြန်မာနိုင်ငံမှ အလုပ်သမားများ နယ်စပ်ဂိတ်တွင် စောင့်ဆိုင်းနေပုံ ဖြစ်ပါသည်။ မြန်မာ အလုပ်သမား အများစုသည် တရားဝင် စာရွက်စာတမ်းမရှိပဲ ထိုင်းနိုင်ငံထဲတွင် နေထိုင် အလုပ်လုပ်နေကြသည်။ (Photo: AFP)

ထိုင်းနိုင်ငံမှာ တရားဝင် စာရင်းတွေအရ နိုင်ငံခြားသား ရွှေ့ပြောင်း အလုပ်သမား ၁၁ သိန်းခန့် ရှိရာမှာ ၁ဝ သိန်း နီးပါးက မြန်မာအလုပ်သမားတွေ ဖြစ်ကြပါတယ်။ ရွှေ့ပြောင်း အလုပ်သမားတွေကို လာမယ့် ၂ဝ၁ဝ ခုနှစ် ဖေဖော်ဝါရီလ (၂၈) ရက် နောက်ဆုံးထားပြီး ယာယီ နေထိုင်ခွင့်လက်မှတ် လျှောက်ထားဖို့ ထိုင်းအစိုးရက ကြေညာထားပါတယ်။ ဒါပေမယ့် အကြောင်း အမျိုးမျိုးကြောင့် လျှောက်ထားသူ ၈ သောင်းလောက်သာ ရှိနေသေးပြီး အခုအချိန်အထိ ယာယီ နိုင်ငံကူးလက်မှတ် ရရှိပြီးသူ ၃ ထောင်လောက်သာ ရှိသေးတယ်လို့ သိရပါတယ်။ လက်ရှိ အနေအထားအရ ဖေဖော်ဝါရီ လကုန်အထိ ဒီကိစ္စ ဘယ်လိုမှ မပြီးပြတ်နိုင်တာမို့ သတ်မှတ်ရက် ကျော်လွန်သွားရင် ထိုင်းအစိုးရက ဖမ်းဆီးမှာလား၊ မြန်မာပြည်ပြန်ပို့မှာလား ဆိုပြီး မြန်မာအလုပ်သမားတွေ စိုးရိမ်နေကြတာပါ။

ထိုင်းအလုပ်သမားဝန်ကြီးဌာန ပြောခွင့်ရပုဂ္ဂိုလ်လည်းဖြစ်၊ အကြံပေးပုဂ္ဂိုလ်လည်း ဖြစ်တဲ့ မစ္စတာ ပေါင်ဆက် ပလန်ဆိုင်းကို အာအက်ဖ်အေက မေးမြန်းရာမှာ ဒီကိစ္စနဲ့ပတ်သက်ပြီး မြန်မာအလုပ်သမားတွေ မစိုးရိမ်ကြဖို့နဲ့ အလုပ်လုပ်ခွင့်လက်မှတ် လုပ်ထားတဲ့သူတွေအနေနဲ့ လွတ်လွတ်လပ်လပ် သွားလာလုပ်ကိုင်နိုင်ပြီး အရင်ကလို အဖမ်းအဆီးတွေ ရှိတော့မှာမဟုတ်ကြောင်းနဲ့ လက်မှတ် မလုပ်ရသေးသူတွေအတွက် အလုပ်လုပ်ခွင့် လက်မှတ် သွားလုပ်ဖို့လိုအပ်ပြီး လက်မှတ် လျှောက်ထားနိုင်မယ့် ကာလကိုလည်း ထပ်တိုးပေးဖို့ရှိကြောင်း ပြောဆိုသွားပါတယ်။

အခုအခါ ယာယီ နေထိုင်ခွင့်လက်မှတ် လျှောက်ထားသူစာရင်းကို မြန်မာနိုင်ငံဘက်ကို ပို့ပြီး အတည်ပြုချက် ယူရာမှာ ဒေသအာဏာပိုင်တွေက လျှောက်ထားသူရဲ့မိသားစုတွေအပေါ် အလှူငွေ အနေနဲ့ ငွေကြေးတောင်းခံ၊ ခြိမ်းခြောက်မှုတွေ ရှိနေတယ်ဆိုတဲ့ သတင်းတွေကြောင့် မြန်မာ အလုပ်သမား အများစုက မလျှောက်ရဲဘဲ ဖြစ်နေကြပါတယ်။ ဒါ့အပြင် လျှောက်ထားရာမှာ နိုင်ငံသား သက်သေခံ လက်မှတ်ကိုပါ တင်ပြရမယ်ဆိုတာကြောင့် အကြောင်းအမျိုးမျိုးနဲ့ နိုင်ငံသားကဒ်ပြား လက်ဝယ် မရှိသူတွေက အများစုဖြစ်နေတဲ့အတွက် ယာယီနိုင်ငံကူး လက်မှတ်လျှောက်ထားဖို့ ခက်ခဲနေကြတာ ဖြစ်တယ်လို့ သိရပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Sunday, December 20, 2009

ဗိုလ်အောင်ကျော်အမှတ်တရ ဆွမ်းကျွေးအမျှဝေ


ဗိုလ်အောင်ကျော်အမှတ်တရ ဆွမ်းကျွေးအမျှဝေ

2009-12-20 ( RFA )

ဒီဇင်ဘာလ ၂ဝ ရက်နေ့မှာ ကျရောက်တဲ့ ၇၁ နှစ်မြောက် ကျောင်းသားခေါင်းဆောင် ဗိုလ်အောင်ကျော် နှစ်ပတ်လည် အထိမ်းအမှတ်အဖြစ် မြန်မာ့ဒီမိုကရေစီရေး အင်အားစုတွေက အိန္ဒိယနိုင်ငံ နယူးဒေလီမြို့က ရွှေဝါရောင် မြန်မာကျောင်းတိုက်မှာ ဆွမ်းကပ်အမျှဝေပွဲ ပြုလုပ်ခဲ့ပါတယ်။

ရွှေဝါရောင်ကျောင်းတိုက် ဆရာတော် ဦးပညာဇောတက အခုလို မိန့်ကြားသွားပါတယ်။

ဦးပညာဇောတ။ ။'ဒီနေ့ခေတ် အခြေအနေအရ ကိုယ့်နိုင်ငံ ကိုယ့်လူမျိုးအတွက် အသက်ပေးခဲ့တဲ့သူတွေကို ယနေ့ခေတ် အုပ်ချုပ်သူတွေက ဒါတွေကို ဖော်ထုတ်မှု မရှိတဲ့အခါကျတော့ ယနေ့ခေတ် လူငယ်တွေမှာ အမျိုးကိုချစ်တဲ့စိတ်၊ နိုင်ငံကိုချစ်တဲ့စိတ် ကိုယ့်ဘာသာသနာကို ချစ်တဲ့စိတ်တွေ အားနည်းလာတယ်။ ဒါမျိုးတွေ မဖြစ်သင့်တဲ့ကိစ္စ ဖြစ်တယ်။ တကယ့် မွန်မြတ်တဲ့စိတ်တွေနဲ့ အနစ်နာခံပြီး ထောင်ထဲကို ရောက်နေကြတဲ့ မင်းကိုနိုင်တို့၊ မင်းဇေယျတို့၊ ကိုဂျင်မီတို့ မမီးမီးတို့ပေါ့ဗျာ။ သူတို့ရဲ့ စိတ်ဓာတ်တွေကိုလည်း ဒီလို အခမ်းအနားနဲ့ ဂုဏ်ပြုရတာပေါ့ဗျာ။ ဒီလို စွန့်လွှတ် အနစ်နာခံတဲ့သူတွေကို အခမ်းအနားနဲ့ လုပ်ပေးမှသာလျှင် နောင်မျိုးဆက် လူငယ်တွေဟာ တိုင်းပြည်နဲ့လူမျိုးအတွက် အလုပ်လုပ်ချင်စိတ်တွေ စွန့်လွှတ် အနစ်နာခံတဲ့ စိတ်တွေ ဖြစ်လာကြမယ်ပေါ့နော်'

သံဃာတော်တွေကို ဆွမ်း ဆက်ကပ်လှူဒါန်းအပြီးမှာ ဗိုလ်အောင်ကျော်အတွက် အမှတ်တရ စကားတွေကို တက်ရောက်လာတဲ့ ခေါင်းဆောင်တွေက ပြောကြားခဲ့ကြပါတယ်။ မြန်မာနိုင်ငံလုံးဆိုင်ရာ ကျောင်းသားများအဖွဲ့ချုပ် ဥက္ကဋ္ဌ ကိုကျော်သန်းက အခုလို ပြောပါတယ်။

ကိုကျော်သန်း။ ။'ဗိုလ်အောင်ကျော် ဆိုတာက ရဲဘော်ကိုဗဟိန်းနဲ့အတူ ၁၃ဝဝ ပြည့် အရေးတော်ပုံရဲ့ ပြယုဂ်ဖြစ်တယ်။ ၁၃ဝဝ ပြည့် အရေးတော်ပုံ ဆိုတာကလည်း ယနေ့ခေတ် မြန်မာပြည်ရဲ့နိုင်ငံရေးကို အတိအကျ ပြဋ္ဌာန်းပေးလိုက်တဲ့ မြန်မာပြည်ရဲ့အလှည့်အပြောင်းကို ဆုံးဖြတ်ပေးလိုက်တဲ့ အရေးတော်ပုံကြီး ဖြစ်တယ်။ ဗိုလ်အောင်ကျော်တို့လို ကိုလိုနီခေတ်မှာ ပထမဆုံး ကျဆုံးခဲ့တဲ့ ရဲဘော်ဆိုတာကြောင့်လည်း လွတ်လပ်ရေးစိတ်ဓာတ်တွေ၊ အများအတွက် အသက်ပေးမယ်ဆိုတဲ့ စိတ်ဓာတ်တွေ၊ တော်လှန်ရေးစိတ်ဓာတ်တွေ ပေါ်လာခဲ့ရတယ်။ ဒီကနေ့ ကျနော်တို့လုပ်နေတဲ့ တော်လှန်ရေး ဆိုတာကလည်း တော်လှန်ရေးကို တော်လှန်ရေးလို တွေးပြီး လုပ်ရမယ့် အခြေအနေရောက်ပြီ။ ဗိုလ်အောင်ကျော်တို့လို စိတ်ဓာတ်တွေ မွေးပြီးတော့၊ ဗိုလ်အောင်ကျော်လို ရဲဘော်တွေ အများဆုံး စုစည်းပြီးတော့ စစ်အာဏာရှင်စနစ်ကို ဖြိုဖျက်ဖို့ လိုပြီလို့ ကျနော် ပြောချင်ပါတယ်'

ဒီနေ့ပြုလုပ်တဲ့ ဆွမ်းကပ် အမျှဝေပွဲကို သံဃာတော် ၁၃ ပါးနဲ့အတူ ဧည့်ပရိသတ် ၃ဝ ကျော် တက်ရောက်ခဲ့ပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Saturday, December 19, 2009

ကိုညီညီအောင်ကို ပြန်ပို့ပေးဖို့ အမေရိကန်အမတ် ၅၃ ဦး တောင်းဆို

ကိုညီညီအောင်ကို ပြန်ပို့ပေးဖို့ အမေရိကန်အမတ် ၅၃ ဦး တောင်းဆို

2009-12-19 ( RFA )

အင်းစိန်ထောင်မှာ ဖမ်းဆီးချုပ်နှောင် ခံနေရတဲ့ မြန်မာလူမျိုး အမေရိကန် နိုင်ငံသား ကိုညီညီအောင်ကို အမြန်ဆုံး လွှတ်ပေးပြီး အမေရိကန် ပြည်ထောင်စုကို ပြန်ပို့ပေးဖို့ အမေရိကန် အောက်လွှတ်တော်အမတ် ၅၃ ဦးက လက်မှတ်ရေးထိုးပြီး စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေကို မနေ့က စာရေးသား တောင်းဆိုလိုက်ပါတယ်။


မြန်မာနိုင်ငံသို့ အသွား စက်တင်ဘာ ၃ ရက်နေ့က မင်္ဂလာဒုံ အပြည်ပြည်ဆိုင်ရာ လေဆိပ်သို့ ဆိုက်ရောက်ပြီးနောက် စစ်အစိုးရ၏ ဖမ်းဆီးခြင်းခံထားရသူ မြန်မာပြည်ဖွား အမေရိကန်နိုင်ငံသား ကိုကျော်ဇောလွင် ခေါ် ကိုညီညီအောင်၏ ယခင် ဓာတ်ပုံတခု ဖြစ်ပါသည်။ (Photo: RFA)

ဒီ လက်မှတ်ထိုး တောင်းဆိုမှုကို အမေရိကန် အောက်လွှတ်တော် နိုင်ငံခြားရေးရာကော်မတီ ဥက္ကဋ္ဌ Howard Berman ဦးဆောင်ပြီး ဝါရှင်တန်ဒီစီက မြန်မာစစ်အစိုးရ သံရုံးကို ပေးပို့လိုက်တယ်လို့ သိရပါတယ်။ လက်မှတ်ထိုးတဲ့ ၅၃ ဦးထဲမှာ Mr. Frank Wolf နဲ့ လူ့အခွင့်အရေးကော်မရှင် ပူးတွဲဥက္ကဋ္ဌ Mr. Tom Lantos တို့ ပါဝင်ပါတယ်။

သူတို့စာထဲမှာ- ကိုညီညီအောင်ကို ဖမ်းဆီးထားတာဟာ မြန်မာနိုင်ငံဥပဒေရော၊ နိုင်ငံတကာ ဥပဒေနဲ့ပါ အကျုံးမဝင်ဘူးလို့ ထောက်ပြထားပါတယ်။ ပထမ အနေနဲ့ ဗီယန်နာကွန်ဗန်းရှင်းကို ချိုးဖေါက်တာ၊ ဒုတိယ အနေနဲ့ ကိုညီညီအောင်ကို လုံလောက်တဲ့ ဆေးဝါးကုသမှုနဲ့ အစားအသောက်၊ အနားယူခွင့် မပေးဘဲ နှိပ်စက်ညှဉ်းပန်းတာ၊ တတိယ အနေနဲ့ လွတ်လပ်တဲ့ တရားစီရင်ခွင့် မပြုတာတွေကို ထောက်ပြ ရေးသားထားပါတယ်။

မြန်မာစစ်အစိုးရက အမေရိကန်နိုင်ငံသားတဦးကို အခုလို ဖမ်းဆီးထားတဲ့ကိစ္စဟာ အမေရိကန် လွှတ်တော်အမတ်တွေကြားမှာ အထူး စိတ်ဝင်စားစရာ အကြောင်းအရာတခု ဖြစ်ပြီး၊ ဒါဟာ အမေရိကန်နဲ့ မြန်မာစစ်အစိုးရတို့ ဆက်ဆံရေး ပြန်လည်ကောင်းမွန်ဖို့ ကြိုးစားနေတဲ့ ကိစ္စအပေါ်မှာ အဖုအထစ် ဖြစ်စေပါတယ်လို့ ကြေညာချက်မှာ ရေးသားထားပါတယ်။

ဒီတောင်းဆိုမှုကို ထောက်ခံတဲ့ အမေရိကန်ပြည်ထောင်စုက လူ့အခွင့်အရေး ရှေ့နေအဖွဲ့ဖြစ်တဲ့ Freedom Now အဖွဲ့က ရှေ့နေ Ms. Beth Schwanke ကို အာအက်ဖ်အေက ဆက်သွယ် မေးမြန်းကြည့်တဲ့အခါမှာ အမေရိကန် နိုင်ငံသားတယောက်ကို မြန်မာစစ်အစိုးရက မတရား ဖမ်းဆီးထားတဲ့ အပေါ်မှာ လွှတ်တော်အမတ်တွေအနေနဲ့ အကြီးအကျယ် ဒေါသဖြစ်ရတဲ့အတွက် အခုလို တောင်းဆို လိုက်တာဖြစ်တယ်လို့ ပြောပါတယ်။

ဒေါ်အောင်ဆန်းစုကြည်ရဲ့ ရှေ့နေဖြစ်တဲ့ Freedom Now အဖွဲ့ဥက္ကဋ္ဌ Jared Genser က မြန်မာစစ်အစိုးရက အမေရိကန်အစိုးရနဲ့ ဘယ်လောက် ရင်းရင်းနှီးနှီး ဆက်ဆံလိုစိတ် ရှိသလဲဆိုတာကို အခု လွှတ်တော်အမတ်တွေရဲ့ စာအပေါ် ဘယ်လိုတုန့်ပြန်မလဲ ဆိုတဲ့ အချက်နဲ့ တိုင်းရမယ် ထင်ပါတယ်လို့ ပြောဆိုပါတယ်။

မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

မြန်မာအလုပ်သမား လေးထောင်ကျော် ထိုင်းနိုင်ငံမှာ ဆန္ဒပြ

မြန်မာအလုပ်သမား လေးထောင်ကျော် ထိုင်းနိုင်ငံမှာ ဆန္ဒပြ

2009-12-18 ( RFA )

ဒီဇင်ဘာလ ၁၈ရက်နေ့ ဒီကနေ့မနက် လေးနာရီကစပြီး ထိုင်းနိုင်ငံ ဗန်ကောက်မြို့အနီး စမုန်ဒေါအရပ်က ဆာဟာဖမ်း ကောက်ကောက် အမည်ရှိတဲ့ အသားစက်ရုံမှာ အလုပ်လုပ်ကိုင်နေကြတဲ့ မြန်မာ ရွှေ့ပြောင်းအလုပ်သမား လေးထောင်ကျော်ဟာ အလုပ်မဆင်းပဲ ဆန္ဒပြခဲ့ကြပါတယ်။


ထိုင်း ငါးဖမ်းရေယာဉ်များပေါ် အလုပ်လုပ်သည့် မြန်မာ ရွှေ့ပြောင်း အလုပ်သမားတစုကို ထိုင်းနိုင်ငံ တောင်ပိုင်း ပတာနီပြည်နယ်ရှိ ဆိပ်ကမ်းတခုတွင် တွေ့ရပုံ ဖြစ်ပါသည်။ (Photo: AFP)

ဒါဟာ ပထမဆုံးအကြိမ် ထောင်ချီတဲ့ အရေအတွက်ရှိတဲ့ မြန်မာအလုပ်သမားတွေ တစုတဝေးတည်း ဆန္ဒပြခဲ့ကြတာဖြစ်ပြီး နေ့ခင်းပိုင်း တနာရီကျော်ကျော် အလုပ်သမားတွေရဲ့ တောင်းဆိုချက်တွေ အားလုံးကို ထိုင်းအလုပ်ရှင်ဘက်က လိုက်လျောပေးလိုက်တယ်လို့ RFA က စုံစမ်းသိရပါတယ်။

မြန်မာအလုပ်သမားတွေကို အလုပ်ချိန် ပုံမှန် ၈နာရီ သတ်မှတ်ပေးဖို့၊ အလုပ်သမားကဒ်အစစ်တွေကို အလုပ်သမားတွေကိုယ်တိုင် ကိုင်ဆောင်ခွင့်ပေးဖို့၊ အချိန်ပိုကြေး တနာရီကို ဘတ်ငွေ ၃ဝ ပေးရေး၊ အလုပ်မဖြုတ်ပဲ ကျန်းမာရေးမကောင်းတဲ့အခါ နားခွင့်ပေးရေး၊ အစိုးရ အားလပ်ရက်တွေမှာ စက်ရုံပိတ်ပေးရေး၊ ယာယီနိုင်ငံကူးလက်မှတ်ရရှိရေးကို အတင်းအဓမ္မဖိအားပေးပြီး မလုပ်ခိုင်းဖို့နဲ့ လုပ်အားခထဲကနေ မတရား ဖြတ်တောက်တာတွေ မလုပ်ဖို့ စတဲ့ ရပိုင်ခွင့်တွေ တောင်းဆိုခဲ့ကြတာ ဖြစ်ပါတယ်။

ဘာကြောင့် ခုလို အလုပ်သမားတွေ မကျေမနပ် ဖြစ်ခဲ့ရတယ် ဆိုတာကို အလုပ်သမားတွေရဲ့ခေါင်းဆောင် ကိုထွန်းက RFA ကို ဆန္ဒပြနေရင်းနဲ့ ခုလိုပြောပြပါတယ်။

ကိုထွန်း။ ။ 'ဟုတ်ကဲ့၊ သူတို့ ဖိနှိပ်မှုဒဏ်ကို မခံနိုင်လို့ စဖြစ်တာပါခင်ဗျာ။ အလုပ်ချိန် မသတ်မှတ်၊ ခိုင်းချင်သလိုခိုင်း၊ အလုပ်ထဲမှာ အခြား ဝဏ္ဏတွေက ဆဲဆိုပြီးခိုင်းတာတို့၊ မြန်မာပြည်သားဆိုပြီး နှိမ်တာတို့၊ ပိုပြီးအလုပ်သမားတွေဘဝက ဆိုးရွားလာတယ်၊ မခံနိုင်ကြဘူး အချိန်ပို ခိုင်းတာလည်း အများကြီးပဲ။ ပေးတော့လည်း ပေးချင်သလောက် ပေးတာတို့၊ တစ တစ ပျိုးလာတယ်၊ အစုံပဲ။ ဒီမှာဖြစ်နေတာကတော့ ခံစားချက်တွေကတော့ အသီးသီးတွေပဲ အစုံပဲ ဒီနေ့ကျမှ ထပေါက်ကွဲကြတာ။'

မြန်မာအလုပ်သမားတွေအားလုံး အလုပ်မဆင်းတဲ့အတွက် အသားစက်ရုံ လုပ်ငန်းလည်ပတ်မှု ရပ်သွားပြီး ထိုင်းနဲ့ မြန်မာအလုပ်ကြပ်တွေက အလုပ်သမားတွေကို နေထိုင်ရာ တန်းလျားတွေထဲအထိ အတင်း လိုက်ဆွဲခေါ်ကြသေးတယ်လို့ သိရပါတယ်။

အနားမပေးပဲ အလုပ် တောက်လျှောက်လုပ်ခိုင်းတဲ့အတွက် အလုပ်သမတဦး နေမကောင်းဖြစ် သေဆုံးသွားရာကနေ အလုပ်သမားတွေကြားမှာ မကျေနပ်မှုတွေ ပိုပြီး ပြင်းထန်လာခဲ့တာလို့ အမျိုးသားညွန့်ပေါင်းအစိုးရ (NCGUB) အလုပ်သမားရေးရာဌာန တာဝန်ရှိသူတဦးက ပြောပါတယ်။

NCGUB ရွှေ့ပြောင်း အလုပ်သမားရေးရာဌာနရဲ့ ဥပဒေရေးရာ ကိစ္စတွေ ကူညီ ဆောင်ရွက်ပေးနေတဲ့ ထိုင်းရှေ့နေကောင်စီကလည်း ဆန္ဒပြနေကြတဲ့ အလုပ်သမားတွေကို တယ်လီဖုန်းနဲ့လှမ်းပြီး အကြံပေးတာမျိုးတွေ ရှိခဲ့တဲ့အကြောင်း အလုပ်သမားရေးရာဌာန တာဝန်ခံ ကိုသက်ခိုင်က ပြောပါတယ်။

ကိုသက်ခိုင်။ ။ 'မနေ့ညကတည်းကပေါ့နော် ကျွန်တော့ဆီကို ဆက်လာတယ်။ သူတို့အခြေအနေကို ပြောပြပြီး သပိတ်မှောက်မယ်လို့ ပြောတယ်။ ကျွန်တော်တို့က တတ်နိုင်သလောက် အလုပ်သမားအခွင့်အရေးနဲ့ ပတ်သက်ပြီး လုပ်ပေးလို့ရတာတွေ လုပ်ပေးမယ်ပေါ့။ ထိုင်းရှေနေများကောင်စီက ရှေ့နေတွေကိုလည်း လှမ်းအကြောင်းကြားတယ်။ ထိုင်းရှေ့နေတွေက လှမ်းဆက်တာပေါ့။ သူတို့က စကားပြန်ကနေတဆင့် ဖုန်းဆက်တယ်၊ ညှိမယ်တဲ့၊ ပြေလည်အောင် ညှိကြပါ၊ ညှိလို့မှမရရင် သူတို့ဖက်က လိုက်လျောမှု မရှိဘူးဆိုရင် အလုပ်သမားအခွင့်အရေးအရ အရေးယူတာတို့ တိုင်တာတို့ လုပ်မယ်ပေါ့နော်။'
ပြီးခဲ့တဲ့ ဒီဇင်ဘာလ လဆန်းပိုင်းတုန်းကလည်း အဲဒီစက်ရုံပိုင်ရှင် ပိုင်တဲ့ အခြားအလားတူ စက်ရုံတရုံမှာ အလုပ်ထွက်ချင်တဲ့ မြန်မာအလုပ်သမားတွေကို ရဲ ခေါ်ပြီး ဖမ်းခိုင်းတဲ့ ကိစ္စနဲ့ မြန်မာအလုပ်သမားတွေ ဆန္ဒပြခဲ့ကြသေးတယ်လို့ သိရပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Friday, December 18, 2009

မြန်မာကျောင်းသားများကို စင်ကာပူ ပညာသင်ဆုပေးမည်

မြန်မာကျောင်းသားများကို စင်ကာပူ ပညာသင်ဆုပေးမည်

2009-12-17 ( RFA )

မြန်မာကျောင်းသားတွေ နည်းပညာ တတ်ကျွမ်းရေး ရည်ရွယ်ချက်နဲ့ စင်ကာပူနိုင်ငံ တက္ကသိုလ် ၃ ခုက ပညာသင်ဆု အပြည့်အဝ ထောက်ပံ့ပေးမယ်လို့ သတင်းရရှိပါတယ်။ စင်ကာပူက မြန်မာနိုင်ငံကို အကူအညီပေးရေး အစီအစဉ်တွေရဲ့ တစိတ်တဒေသအရ အခုပညာသင်ဆု ပေးမှာ ဖြစ်တယ်လို့ စင်ကာပူ ပညာရေးဌာန သတင်းရပ်ကွက်က ဆိုပါတယ်။

Singapore Management University တွင် ဆောက်လုပ်နေသော အဆောက်အအုံသစ် ရှေ့မှာ စိုက်ထူထားသည့် ပိုစတာ ဆိုင်းဘုတ်ဖြစ်ပါသည်။ (Photo: AFP)

ပညာသင်ဆုပေးမဲ့ တက္ကသိုလ်တွေကတော့ Nanyang Technological University (NTU) / National University of Singapore (NUS) နဲ့ Singapore Management University တို့ ဖြစ်ပါတယ်။

ပညာသင်ဆုရွေးချယ်ခံရတဲ့ ကျောင်းသားတွေအနေနဲ့ ၂ဝ၁ဝ ၊ ၂ဝ၁၁ ပညာသင်နှစ်မှာ နည်းပညာ ဆိုင်ရာ ဘာသာရပ် ၉ ခုကို ဘွဲ့ရတဲ့အထိ အချိန်ပြည့် တက်ရောက် သင်ယူရမှာ ဖြစ်ပါတယ်။

ဒီပညာသင်ဆုရဖို့ မြန်မာကျောင်းသားတွေအနေနဲ့ ဘာတွေ ပြင်ဆင်ထားသင့်လဲ၊ ဘွဲ့ရပြီးရင်ရော နိုင်ငံတကာ အသိအမှတ်ပြုမှု ဘယ်လောက်ရှိလဲ ဆိုတာနဲ့ပတ်သက်လို့ စင်ကာပူမှာ ကျောင်းတက်လာတဲ့ ကိုသီဟက RFA ကို အခုလို ပြောပါတယ်။

ကိုသီဟ။ ။ 'ကျွန်တော် သိသလောက်ကတော့ စင်ကာပူမှာ ဆိုလို့ရှိရင် GCE A level ဆိုရင် undergratuate တက်ဖို့အတွက်ပေါ့နော်၊ အမှတ်ကောင်းကောင်းနဲ့ အောင်ထားဖို့ လိုပါလိမ့်မယ်။ ဒါမှမဟုတ်လို့ရှိရင်လည်းပဲ poly ဒီပလိုမာဖြစ်ဖြစ်၊ ဟိုက်စကူး ဒီပလိုမာမှာ သူက အမှတ်ကောင်းကောင်းနဲ့ ရထားတဲ့ဟာတွေ ဆိုလို့ရှိရင်လည်း လက်ခံတယ် application တွေရှိပါတယ်။ အွန်လိုင်းမှာ အခု ဒါ တောက်လျှောက် လက်ခံခဲ့တာပေါ့နော်။ ဆိုတော့ ဒီလို full scholarship ပေးမယ်ဆိုလို့ရှိရင်လည်း အဲဒီကောင်က အဓိကကျမယ်လို့ ကျွန်တော် ထင်ပါတယ်။'

'ပြီးတော့ အဲဒီအပြင်ကို သူတို့တွေက တခြားဟာ ကြည့်သေးတာက community service တို့၊ ပြီးတော့ နောက်တခါ ကျွန်တော်တို့ ဒီ social service တွေ၊ အဲဒါမျိုးတွေကို လုပ်တဲ့ လူမျိုးပေါ့နော်၊ လူမှုရေးနဲ့ ပတ်သက်တာတွေကို လုပ်ခဲ့တယ်ဆိုတဲ့ အင်ဖော်မေးရှင်းလေးတွေ ပြနိုင်လို့ရှိရင်လည်း သူတို့ ပိုပြီးတော့ လက်ခံတဲ့ထဲမှာ စဉ်းစားတယ်။ အခုပေးမဲ့ တက္ကသိုလ် သုံးခုဆိုတာက သုံးခုစလုံးမှာ ကမ္ဘာပေါ်မှာ တောက်လျှောက် ၁ ကနေ ၁ဝဝ ထဲမှာ ပါနေတုန်းပဲခင်ဗျ။ အဲလို ယူနီဗာစီတီက အောင်ထားတဲ့လူအတွက်ကတော့ အလုပ်ရဖို့၊ အသိအမှတ်ပြုဖို့ မခဲယဉ်းပါဘူး။'

အရင်ကလဲ မြန်မာကျောင်းသားတွေကို ပညာသင်ဆု ထောက်ပံ့ပေးထားတဲ့ ကောလိပ်ကျောင်းတွေ ရှိနေပါတယ်။ အဲဒီကျောင်းတွေကတော့ MDIS/ ERC/ Nanyang Institute of Management (NIM)/ PSB Academy and TMC Educational Group တို့ ဖြစ်ပါတယ်။
အခုထောက်ပံ့မဲ့ ပညာသင်ဆုတွေကတော့ ခရီးသွားလုပ်ငန်းဆိုင်ရာ ဒီပလိုမာ ဒါမှမဟုတ် ဘွဲ့လွန်ပညာ၊ ဘဏ္ဍာရေးပညာ၊ စီးပွားရေးပညာနဲ့ ကွန်ပျူတာဂိမ်း တီထွင်မှုပညာ၊ သတင်းထောက်ပညာ၊ လူထုဆက်သွယ်ရေး နည်းပညာ၊ လူထုဆက်ဆံရေး နည်းပညာ၊ စာရင်းကိုင်ပညာ၊ နိုင်ငံတကာ စီးပွားရေး စီမံခန့်ခွဲမှုနဲ့ ဈေးကွက် နည်းပညာ၊ အွန်လိုင်း စီးပွားရေးပညာ၊ ဆောက်လုပ်ရေး နည်းပညာတွေအတွက် ဖြစ်ပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Thursday, December 17, 2009

သတင်းမီဒီယာများက နအဖ၏ ထောက်လှမ်းရေးများထက် လက်ဦးမှုရနေ

သတင်းမီဒီယာများက နအဖ၏ ထောက်လှမ်းရေးများထက်
လက်ဦးမှု ရနေ

မိုးမခ အထောက်တော်၊ ရန်ကုန်
ဒီဇင်ဘာ ၁၇၊ ၂၀၀၉




နအဖ အစိုးရ၏ ထောက်လှမ်းရေး အဖွဲ့အစည်းများဖြစ်သည့် အက်စ်ဘီ၊ စရဖနှင့် အထူးစုံစမ်း စစ်ဆေးရေး ဖွဲ့(စသုံးလုံး) အဖွဲ့တို့သည် မီဒီယာများတွင် ဖေါ်ပြသည့် သတင်းနောက်ကို လိုက်ပြီး အစီရင်ခံစာရေး တင်နေကြသည်အထိ စွမ်းဆောင်ရည် ကျဆင်းလာသည်ဟု ရဲသတင်းတပ်ဖွဲ့နှင့် နီးစပ်သူများက ပြောဆိုသည်။ ရန်ကုန်မြို့မှ ရဲတပ်ဖွဲ့ဝင်များနှင့် နီးစပ်သူတဦးက ပြောကြားရာတွင်

“ကျွန်တော်သိတဲ့ ရဲတွေထဲက အတော်များများဟာ အင်တာနက်ပေါ်တက်သွားတဲ့ ပြည်တွင်းသတင်းတွေကို လိုက်စုပြီး အချင်းချင်းဖလှယ်ပြောဆို နေကြတယ်။ အင်တာနက်မှာ ဖေါ်ပြတဲ့ သတင်းတွေထဲက ကိုယ့်နယ်မြေနဲ့ ဆိုင်တဲ့သတင်းကို အာရုံစိုက်ဖတ်ကြတယ်။ အဲဒီနောက်မှ စုံစမ်းရင်စုံစမ်း မစုံစမ်းရင်လည်း အဲဒါကိုအခြေခံပြီး အထက်ကို အစီရင်ခံစာရေးတင်တဲ့သူ အများကြီးပဲ။

တချို့အင်တာနက် ကောင်းကောင်းမသုံးတတ်တဲ့ ရဲတွေက အင်တာနက်သုံးတတ်တဲ့သူ ကိုမွေးထားပြီးနေ့စဉ် အွန်လိုင်းဝက်ဆိုက်ပေါ်က သတင်းတွေကိုစု စာရွက်နဲ့ ရိုက်ထုတ်စေပြီး ဖတ်ကြ အစီရင်ခံစာရေးတင်ကြတယ်" ဟုပြောသည်။

ရဲအချင်းချင်းတွေ့ဆုံကြသည့်အခါ သူ့အပိုင် ကိုယ့်အပိုင် နယ်မြေများမှ သတင်းများကိုဖလှယ်ကြလေ့ရှိပြီး ထိုသို့ဖလှယ်ရာတွင် အင်တာနက်သတင်းများကို စာရွက်များဖြင့် ရိုက်ထုတ်ပြီး ဖတ်ရှုနေကြသည်ကို ကိုယ်တိုင်ကိုယ်ကျ တွေ့မြင်ခဲ့ရသည်ဟု ရန်ကုန်မြို့မှ စီးပွားရေး ၀န်ဆောင်မှုလုပ်ကိုင်သူ တဦးကပြောဆိုသည်။

ထိုသို့ဖြစ်ပျက်နေရခြင်း အကြောင်းတချက်မှာလစာအပြင် ဘေးပန်းဝင်ငွေရရှိဖို့ရာ နေ့စဉ်နှင့်အမျှကြိုးစားနေကြသည့် အတွက်ပင်မတာဝန်ဖြစ်သည့် စုံစမ်းထောက်လှမ်းသည့် တာဝန်များ လစ်ဟင်းလာကာ မီဒီယာနောက်သို့ လိုက်ကြရသည့် အခြေသို့ ရောက်နေကြခြင်းဖြစ်သည်ဟု အထက်ပါ ပုဂ္ဂိုလ်က ပြောဆိုသည်။

ရန်ကုန်တိုင်း ရဲတပ်ဖွဲ့ဝင်တဦးက ပြောဆိုရာတွင် လက်ရှိ ရန်ကုန်တိုင်းရဲမှူးကြီးဖြစ်သူ အောင်နိုင်သူ ကိုယ်တိုင် အင်တာနက်ဝက်ဆိုက်များတွင် ဖေါ်ပြနေသည့် ပြည်တွင်း သတင်းများကို အမြဲတမ်းဖွင့်ထားပြီး အဆိုပါ သတင်းများပေါ်အခြေခံပြီး လက်အောက်ငယ်သားများကို စေခိုင်းလေ့ရှိသည်ဟု ဆိုသည်။

၂၀၀၄ခှုနှစ်ကုန် တပ်မတော်ထောက်လှမ်းရေး (အမ်အိုင်)ခေတ်ကုန်ပြီးနောက် နအဖ အစိုးရအနေဖြင့် ထောက်လှမ်းရေး အဖွဲ့များဖြစ်သည့် အက်စ်ဘီ၊ စရဖ (စစ်ဖက်ရေးရာ လုံခြုံရေးအဖွဲ့)နှင့် စသုံးလုံးတို့ကို သက်ဆိုင်ရာ အထက်သို့ သီးခြားစီအစီရင်ခံစေပြီး အောက်ခြေအဆင့်တွင် မည်သည့် သတင်းဖလှယ်မှု၊ ပူးပေါင်းဆောင်ရွက်မှုမှ မလုပ်ဆောင်စေဘဲ ခွဲခြားအုပ်ချုပ်လျက်ရှိသည်ဟု ရဲတပ်ဖွဲ့ဝင်များက ပြောဆိုသည်။

ထိုသို့ခွဲခြားအုပ်ချုပ်ရခြင်းမှာ ထောက်လှမ်းရေး အဖွဲ့အစည်းများ ပူးပေါင်းမိလျင် စစ်တပ်ကို အာခံခြင်း နအဖ ခေါင်းဆောင်ပိုင်းကို အံတုလာနိုင်သည့် အရေးကိုစိုးရိမ်ခြင်းကြောင့်ဟု မြန်မာ့နိုင်ငံရေးစောင့်ကြည့်သူများက ပြောဆိုသည်။

၂၀၀၄ခုနှစ် အောက်တိုဘာလ စစ်ထောက်လှမ်းရေးများကို အမြစ်မှလှန်ကာ နှိပ်ကွပ်ပြီးနောက်တွင် နအဖ၏ ထောက်လှမ်းရေး မဏ္ဍိုင်မှာ ယခင်ကလောက် အားကောင်းခြင်းမရှိတော့ဘဲ ရန်ကုန်မြို့ ၃နေရာတွင် တပြိုင်နက်ထဲ ဗုံးကွဲမှုများ၏ လက်သည်ကိုလည်း ယခုအချိန်ထိ ဖေါ်ထုတ်နိုင်ခြင်းမရှိသည်ကို တွေ့ရသည်။


မှတ်ချက် ။ ။ http://moemaka.com မှ ကူးယူ မျှဝေပါသည်။

အပြည့်အစုံ ဖတ်ရန် ...

NLD ခေါင်းဆောင် သုံးဦးကို ဒေါ်အောင်ဆန်းစုကြည် ဂါရဝပြု

NLD ခေါင်းဆောင် သုံးဦးကို ဒေါ်အောင်ဆန်းစုကြည် ဂါရဝပြု

2009-12-16 ( RFA )

ဒီကနေ့မနက်က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ အမျိုးသား ဒီမိုကရေစီအဖွဲ့ချုပ်ခေါင်းဆောင်ပိုင်း လူကြီး ၃ဦးဖြစ်တဲ့ ဦးအောင်ရွှေ၊ ဦးလွင်နဲ့ ဦးလွန်းတင်တို့ကို အစိုးရဧည့်ရိပ်သာမှာ တွေ့ဆုံ ဂါရဝပြုခဲ့ကြောင်း အဖွဲ့ချုပ် ပြောခွင့်ရပုဂ္ဂိုလ် ဦးဥာဏ်ဝင်းက ပြောပါတယ်။

နေအိမ်အကျယ်ချုပ် ကျခံနေရသော ဒေါ်အောင်ဆန်းစုကြည် (ဝဲ) နှင့် အမျိုးသား ဒီမိုကရေစီအဖွဲ့ချုပ် ဗဟိုအလုပ်အမှုဆောင် ကော်မတီဝင်များ အစိုးရဧည့်ဂေဟာတွင်၂ဝဝ၇ နိုဝင်ဘာ ၉ရက်နေ့က တွေ့ဆုံခွင့်ရရှိစဉ် ပါတီဥက္ကဋ္ဌ ဦးအောင်ရွှေ(ယာ)နှင့် အတူ ရိုက်ကူးထားသော မှတ်တမ်းပုံ ဖြစ်ပါသည်။ (Photo: AFP)

ဦးဉာဏ်ဝင်း။ ။ 'ကျွန်တော်တို့ ဒီနေ့မနက် ၁၁ နာရီကနေပြီးတော့ ၁၂ နာရီလောက်၊ တနာရီလောက် ကြာတာပေါ့၊ အဲ တွေ့တဲ့နေရာကတော့ ကျွန်တော်တို့ စိမ်းလဲ့ကန်သာ ဧည့်ရိပ်သာမှာပါ။ ကျွန်တော်သိသလောက် ဒေါ်စုက အစောဆုံး ရောက်ပါတယ်။ အဲဒီတော့ လူကြီး သုံးယောက် လာတဲ့အခါမှာ ဒေါ်စုက ကြိုဆိုပြီးတော့ ကြိုရောက်တာပေါ့လေ။ ကျွန်တော် သိတာကတော့ ဒေါ်စုရဲ့ နိုင်ငံရေး ရပ်တည်ချက်နဲ့ အဖွဲ့ချုပ်အတွက် လိုအပ်တဲ့ ဆောင်ရွက်မှုတွေ အားလုံး လုပ်တဲ့အခါမှာ ဒီ လူကြီးတွေကရော၊ နောက် CEC တဖွဲ့လုံးကရော ထောက်ခံလျက်ရှိတဲ့ အမြဲတမ်းလည်း ထောက်ခံသွားမယ်၊ လုပ်ပါ ဆိုတဲ့ဟာကို အားပေး တိုက်တွန်းတဲ့စကား ပြောခဲ့တယ်။ နောက်တခုက အဖွဲ့ချုပ် ပြန်လည် ဖွဲ့စည်းရေးကလည်း လိုအပ်နေတယ်ဆိုတာကို ဆွေးနွေးတယ်။ အသေးစိတ်တော့ ကျွန်တော် မသိဘူးခင်ဗျ။'

'အဲဒီ ကန်တော့တဲ့ မြင်ကွင်းကတော့ လူကြီး သုံးယောက်ကို ဒေါ်အောင်ဆန်းစုကြည် ကန်တော့တဲ့ အချိန်မှာ ကျွန်တော်တို့ သက်ဆိုင်ရာ လုံခြုံရေးတာဝန် ထမ်းဆောင်နေတဲ့ ပုဂ္ဂိုလ်တွေကပါ အားလုံး ထိုင်ပြီးတော့ ဂါရဝပြု ကန်တော့ကြတယ်လို့ ကျွန်တော် အဲလို သိရပါတယ်။'

ပြီးခဲ့တဲ့ နိုဝင်ဘာလ ၁၁ရက်နေ့က ဒေါ်အောင်ဆန်းစုကြည်က ဗိုလ်ချုပ်မှူးကြီးသန်းရွှေဆီကို စာရေးသားပေးပို့ခဲ့ရာမှာ အသက်အရွယ်ကြီးရင့်ပြီး ကျန်းမာရေးမကောင်းကြတဲ့ အဖွဲ့ချုပ်လူကြီး ၃ဦးကို တွေ့ဆုံ ဂါရဝပြုခွင့် ပေးဖို့ မေတ္တာရပ်ခံခဲ့ပါတယ်။ အဲဒီနောက် မကြာခင်ရက်ပိုင်းက ရဲချုပ် ဗိုလ်မှူးချုပ်ခင်ရီက အဖွဲ့ချုပ်ဥက္ကဋ္ဌ ဦးအောင်ရွှေကို တွေ့ဆုံရေးအတွက် လာရောက် မေးမြန်းခဲ့ပြီး ဒီကနေ့မှာ တွေ့ဆုံခဲ့ကြတာ ဖြစ်ပါတယ်။

ဦးလွင်ကလည်း ဒေါ်အောင်ဆန်းစုကြည်နဲ့ မတွေ့ရတာ ၂ဝဝ၃ ခုနှစ်ကတည်းက ဖြစ်ကြောင်း၊ ဒီကနေ့ တွေ့ဆုံရာမှာ ဒေါ်အောင်ဆန်းစုကြည်က အဖွဲ့ချုပ် ဗဟိုအလုပ်အမှုဆောင် ကော်မတီကို ပြင်ဆင် ဖွဲ့စည်းခွင့်ပြုဖို့ တောင်းခံခဲ့ကြောင်း၊ မိမိတို့ကလည်း သဘောတူ လက်ခံခဲ့ကြောင်း ပြောပါတယ်။ လက်ရှိအဖွဲ့ချုပ် ဗဟိုကော်မတီဝင် ၁၁ဦးဟာ အသက်အရွယ် ကြီးရင့်သူတွေ ဖြစ်ကြပါတယ်။ အဖွဲ့ချုပ် ဥက္ကဋ္ဌ ဦးအောင်ရွှေက ၉၂ နှစ်၊ အတွင်းးရေမှူး ဦးလွင်က ၈၅ နှစ်၊ ကော်မတီဝင် ဦးလွန်းတင်က ၈၂နှစ် ရှိကြပြီ ဖြစ်ပါတယ်။

ဒေါ်အောင်ဆန်းစုကြည်က ဗိုလ်ချုပ်မှူးကြီးသန်းရွှေဆီကို ရေးသားပေးပို့ခဲ့တဲ့ စာမှာ တိုင်းပြည် အကျိုးအတွက် ဗိုလ်ချုပ်မှူးကြီးနဲ့ တွေ့ဆုံခွင့်ပြုဖို့ ဆိုတဲ့ အချက်လည်း ပါဝင်ပါတယ်။
ဒေါ်အောင်ဆန်းစုကြည် မေတ္တာရပ်ခံခဲ့တဲ့ အချက်တွေကို ခွင့်ပြုခဲ့သလို အဲ့ဒီ နောက်ဆုံး အချက်လည်း ပြည့်စုံပါလိမ့်မယ်လို့ မျှော်လင့်ကြောင်း ဦးဥာဏ်ဝင်းက ပြောပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Wednesday, December 16, 2009

မဲပေးခွင့်ရှိသူစာရင်း အာဏာပိုင်တွေ ကောက်ခံနေပြီ

မဲပေးခွင့်ရှိသူစာရင်း အာဏာပိုင်တွေ ကောက်ခံနေပြီ

2009-12-15 ( RFA )

ရန်ကုန်တိုင်း သုံးခွမြို့နယ်အတွင်း ရယက တာဝန်ရှိသူတွေနဲ့ ရာအိမ်မှူးတွေက မဲပေးခွင့်ရမဲ့ အသက်ပြည့်ပြီးသူ စာရင်းတွေ တအိမ်တက်ဆင်း အိမ်ထောင်စုစာရင်းတွေ တောင်းကြည့်ပြီး ကောက်ယူနေတာဖြစ်တယ်လို့ သုံးခွမြို့ခံ တဦးက RFA ကို အခုလို ပြောပါတယ်။

စစ်အစိုးရက ပြုလုပ်သည့် အခြေခံဥပဒေ ဆန္ဒခံယူပွဲ မဲဆန္ဒရှင် စာရင်းကို ၂ဝဝ၈ မေလ ၂၄ရက်နေ့က ကြည့်ရှုနေသူတဦး ဖြစ်ပါသည်။ (Photo: AFP)

သုံးခွမြို့ခံ။ ။ 'ရွေးကောက်ပွဲအတွက်တဲ့ မဲပေးနိုင်တဲ့ သန်းခေါင်စာရင်း မဲပေးနိုင်တဲ့ အင်အားစုစာရင်းကို ယူသွားတယ်၊ ဘာအတွက်လဲဆိုတော့ ၂ဝ၁ဝ မှာ ရွေးကောက်ပွဲ လုပ်မည့် ဥစ္စာကို ကျနော်တို့က သန်းခေါင်စာရင်း ယူတာပါတဲ့၊ မဲပေးနိုင်တဲ့သူတွေကို၊ ကောက်တဲ့သူတွေက ကောက်တဲ့သူတွေက ရယက အဖွဲ့ဝင်တွေနဲ့ မယက အဖွဲ့ဝင်တွေ တချို့ရပ်ကွက်တွေ ကျတော့လည်း မယကတွေ ပါ ပါတယ်၊ ကျနော်တို့ ရပ်ကွက်ကျတော့လည်း ရယကပဲ ပါတယ်၊ တချို့ရပ်ကွက်ကျတော့ မယက မပါဘူး၊ အဲ့ဒီ စနေနေ့က စလုပ်တာ အခုဒီနေ့ကော မနေ့ကလည်း ကောက်တယ်။'

သုံးခွမြို့ပေါ် ၁၂ ရပ်ကွက်မှာ ရှိတဲ့ နေအိမ်တွေကို အခုလို လိုက်ကောက်နေတာ ဖြစ်သလို ကျေးရွာအုပ်စု ၆၄ စုမှာ ရှိတဲ့ ရွာအသီးသီးမှာလည်း တိုင်းရင်းသား စည်းလုံးညီညွတ်ရေးပါတီ တစည အဖွဲ့ဝင်တွေကလည်း စည်းရုံးလှုံ့ဆော်မှုတွေ စလုပ်နေတယ်လို့ မြို့ခံ နောက်တဦးက အခုလို ပြောပါတယ်။

မြို့ခံ နောက်တဦး။ ။ 'ရွေးကောက်ပွဲအတွက်ကို မဲပေးနိုင်မဲ့သူတွေ အတွက်ကို ကောက်တာ၊ စာရင်းကောက်တာပါတဲ့ ပြောသွားတယ်၊ တခြားစည်းရုံးမှုတွေ ကတော့ နယ်တွေမှာတော့ ဒီဟိုဒင်းတွေ တစည တွေ စည်းရုံးမှုတွေတွေ့တယ်၊ ၂ဝ၁ဝ ရွေးကောက်ပွဲကို သူတို့ ပါဝင် ယှဉ်ပြိုင်ဖို့အတွက်တွေ ဘာတွေ သူတို့ ပြောနေကြတယ်၊ ထောက်ခံပေးဖို့ ဆိုတဲ့အကြောင်းတွေ လိုက်ပြီး မဲဆွယ် စည်းရုံးနေကြတာတော့ ရှိတယ်။'
အလားတူ ရန်ကုန်တိုင်းအတွင်းမှာ ရှိတဲ့ မြို့နယ်တချို့မှာလည်း အခုလို မဲပေးခွင့်ရှိသူတွေ စာရင်း ကောက်ယူနေတယ်လို့ သတင်းတွေ ရရှိပါတယ်။ စစ်အစိုးရအနေနဲ့ အောက်ခြေရပ်ကွက် ကျေးရွာတွေမှာ မဲဆန္ဒရှင် စာရင်းတွေ ပြုစုနေပေမဲ့ နိုင်ငံရေးပါတီ ဖွဲ့စည်းခွင့်နဲ့ ရွေးကောက်ပွဲ ကျင်းပရေးဆိုင်ရာ ဥပဒေတွေကိုတော့ တရားဝင် ထုတ်ပြန်ခြင်း မရှိသေးပါဘူး။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Monday, December 14, 2009

စစ်အစိုးရခေါင်းဆောင်ပိုင်း ခြစားမှုများ ဝန်ကြီးကိုယ်တိုင် ဝန်ခံ

စစ်အစိုးရခေါင်းဆောင်ပိုင်း ခြစားမှုများ
ဝန်ကြီးကိုယ်တိုင် ဝန်ခံ


2009-12-14 ( RFA )


မြန်မာစစ်ခေါင်းဆောင်တွေ အဂတိ လိုက်စားမှုမှာ ပါဝင် ပတ်သက်နေတယ်ဆိုတဲ့ သတင်းတွေ ထွက်ပေါ်နေပေမဲ့ ပါဝင် ပတ်သက်ကြောင်း ဝန်ခံတဲ့ စစ်ခေါင်းဆောင်ဆိုတာ မရှိခဲ့ပါဘူး။ ဒါပေမဲ့ အဂတိ လိုက်စားမှုမှာ စက်မှု(၁) ဝန်ကြီးကတော်နဲ့ သားသမီးတွေ ပါဝင် ပတ်သက်နေတယ် ဆိုတာ စက်မှု (၁) ဝန်ကြီး ဦးအောင်သောင်း ကိုယ်တိုင် ပြီးခဲ့တဲ့ရက်ပိုင်းအတွင်း ပထမဆုံးအကြိမ် ဝန်ခံခဲ့တယ်လို့ RFA က စုံစမ်းသိရပါတယ်။


စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေ၏ အနီးကပ် လူယုံအဖြစ် သတင်းကြီးသော အမှတ် (၁) စက်မှုဝန်ကြီးဌာန ဝန်ကြီး ဦးအောင်သောင်းကို အခမ်းအနားတခုတွင် တွေ့ရပုံ ဖြစ်ပါသည်။ (Photo from blogspot.com)

ဝန်ကြီး ဦးအောင်သောင်းရဲ့ဇနီးနဲ့ သားသမီးတွေ အဂတိလိုက်စားမှုနဲ့ ပတ်သက်ပြီး ဦးစိန်ကျော်လှိုင်က တင်ပြထားပါတယ်။

တင်ပြချက် အားနားဆင်ရန် >>> ဒီမှာ ကလစ်ပါ ခင်ဗျား ။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

ဒေါ်အောင်ဆန်းစုကြည်၏ ဂါရ၀ပြုရေးအစီအစဉ် ဦးအောင်ရွှေထံ နအဖရဲချုပ် လာရောက်တွေ့ဆုံ

ဒေါ်အောင်ဆန်းစုကြည်၏ ဂါရ၀ပြုရေးအစီအစဉ်
ဦးအောင်ရွှေထံ နအဖရဲချုပ် လာရောက်တွေ့ဆုံ


NEJ / ၁၄ ဒီဇင်ဘာ ၂၀၀၉

ဒေါ်အောင်ဆန်းစုကြည်က ဦးအောင်ရွှေ၊ ဦးလွင်နှင့် ဦးလွန်းတင်တို့သုံးဦးအား လာရောက်ဂါရ၀ပြုရန် အစီအစဉ်ရှိကြောင်း နအဖစစ်အစိုးရ ရဲချုပ် ဗိုလ်မှူးချုပ်ခင်ရီက အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ဥက္ကဋ္ဌ ဦးအောင်ရွှေနေအိမ်သို့ ယနေ့လာရောက်ပြောဆိုသည်ဟု သိရသည်။

ယနေ့နံနက် (၁၀) နာရီခန့်တွင် ဗိုလ်မှူးချုပ်ခင်ရီက ဦးအောင်ရွှေထံ လာရောက်၍ သဘောထား မေးမြန်းကြောင်း အန်အယ်လ်ဒီ ဗဟိုအလုပ်အမှုဆောင်တဦးဖြစ်သူ ဦးခင်မောင်ဆွေက ပြောသည်။

၎င်းက “ဦးအောင်ရွှေက သူ့ဆီကိုလာပြီးတော့ ရဲချုပ် ဗိုလ်မှူးချုပ်ခင်ရီက ဒေါ်စုက ဦးအောင်ရွှေ၊ ဦးလွင်နဲ့ ဦးလွန်းတင်တို့ (၃) ဦး ကို လာရောက်ဂါရ၀ပြုဖို့ အစီအစဉ်ရှိတယ်ပေါ့။ သက်ဆိုင်ရာ အာဏာပိုင်ဘက်ကတော့ တနေရာတည်းမှာပဲ အားလုံးကို ဒေါ်အောင်ဆန်းစုကြည်က ဂါရ၀ပြုမယ်ဆိုရင် ဘယ်လိုသဘောရသလဲလို့ ဦးအောင်ရွှေကို လာပြီးတော့ မေးမြန်းတယ်ပေါ့။ ဦးအောင်ရွှေက ဒါကတော့ ဗုဒ္ဓဘာသာထုံးစံအရ ကန်တော့ခံမယ့် သူဆီကို ကန်တော့မယ့်သူက လာရတာ ဖြစ်ပါတယ်တဲ့။ တယောက်ချင်းစီ ကန်တော့တာကိုပဲ လက်ခံလိုပါတယ်ပေါ့။ သို့သော်လည်းပဲ ဒေါ်အောင်ဆန်းစုကြည်က သုံးယောက်ကို တနေရာတည်းမှာစုပြီးတော့ ကန်တော့မယ့်ဟာမျိုး သဘောတူရင်လည်းပဲ ဦးအောင်ရွှေအနေနဲ့ မငြင်းပါဘူးလို့ ပြောလိုက်တယ်” ဟု ပြောသည်။

ဒေါ်အောင်ဆန်းစုကြည်နှင့် စစ်အစိုးရဆက်ဆံရေးဝန်ကြီး ဦးအောင်ကြည်တို့ ဒီဇင်ဘာ (၉) ရက်နေ့တွင် တွေ့ဆုံခဲ့ပြီးနောက် ယခုကဲ့သို့ ရဲချုပ်ခင်ရီက ဦးအောင်ရွှေအား သွားရောက် တွေ့ဆုံခဲ့ခြင်းဖြစ်သည်။

ဒေါ်အောင်ဆန်းစုကြည်က နိုဝင်ဘာ (၁၁) ရက်နေ့စွဲဖြင့် ဗိုလ်ချုပ်မှူးကြီးသန်းရွှေထံ ဒုတိယအကြိမ် ရေးသားပေးပို့သောစာတွင် ဗဟိုအလုပ်အမှုဆောင်အဖွဲ့ဝင်များဖြင့် စုံညီတွေ့ဆုံလိုကြောင်းလည်း ထည့်သွင်းဖော်ပြ တောင်းဆိုခဲ့သည်။

ဦအောင်ရွှေ၏ ပြောကြားချက်အရ ဒေါ်အောင်ဆန်းစုကြည်၏ ဂါရ၀ပြုရေးကိစ္စနှင့် ပတ်သက်၍ ရဲချုပ် ဗိုလ်မှူးချုပ်ခင်ရီက လာရောက် ပြောကြားသော်လည်း မည်သည့်အချိန် မည်သည့်နေရာ ဆိုသည်ကို မသိရှိသေးကြောင်း ဦးခင်မောင်ဆွေက ပြောသည်။


မှတ်ချက် ။ ။ http://www.khitpyaing.org မှ ကူးယူ မျှဝေပါသည်။

အပြည့်အစုံ ဖတ်ရန် ...

မျိုးဆက်သစ် လူငယ်များ အစည်းအရုံး ၏ တိုက်တွန်းနှိုးဆော်ချက်

မျိုးဆက်သစ် လူငယ်များ အစည်းအရုံး ၏
တိုက်တွန်းနှိုးဆော်ချက်



မှတ်ချက် ။ ။ ပေးပို့သူ မမြတ်လေးငုံ အား ကျေးဇူး တင်ရှိပါသည်။

အပြည့်အစုံ ဖတ်ရန် ...

Sunday, December 13, 2009

ဆန္ဒဖော်ထုတ်ဖို့ ဈေးသည် ၁၅ဝ လမ်းလျောက်ချီတက်

ဆန္ဒဖော်ထုတ်ဖို့ ဈေးသည် ၁၅ဝ လမ်းလျောက်ချီတက်


2009-12-13 ( RFA )


ဧရာဝတီတိုင်း ဘိုကလေးမြို့ပေါ်မှာရှိတဲ့ ပျံကျဈေးသည် ၁၅ဝ လောက်ဟာ သူတို့ လက်ရှိ ရောင်းချနေတဲ့ ပျံကျဈေး နေရာကနေ မရွှေ့မပြောင်းရဘဲ ဈေးရောင်းချနိုင်ရေးအတွက် ဒီဇင်ဘာလ ၁၃ ရက်နေ့ မနက်ပိုင်းမှာ မယကရုံးနဲ့ ကွပ်ကဲရေးရုံးတွေဆီ သူတို့ဆန္ဒတွေ ဖော်ထုတ်ဖို့ လမ်းလျှောက် ချီတက်ခဲ့တယ်လို့ အာအက်ဖ်အေက စုံစမ်းသိရှိရပါတယ်။

ဘိုကလေးမြို့ပေါ် ရွှေသွယ်ယံလမ်းမှာရှိတဲ့ အခွန်လွတ်ဈေး၊ ဒွါရာကျောင်းလမ်းမှာရှိတဲ့ တောဈေးတန်း၊ မြို့တော်ခမ်းမရှေ့မှာရှိတဲ့ ပျံကျဈေးနဲ့ ဦးသိန်းဦးလမ်းမှာရှိတဲ့ ပျံကျဈေး စတဲ့နေရာတွေမှာ ရောင်းချနေတဲ့ ဈေးသည်တွေကို အဲဒီနေရာတွေကနေ ဖယ်ပေးဖို့၊ မဖယ်ဘူးဆိုရင် တည်ဆဲဥပဒေအရ အရေးယူမယ်လို့ ဒီဇင်ဘာလ ၁၁ ရက်နေ့မှာ မြို့နယ်အာဏာပိုင်တွေက အသံချဲ့စက်နဲ့ ကြေညာခဲ့ပါတယ်။

အဲဒီလို ကြေညာခဲ့တာကြောင့် ပျံကျဈေးသည်တွေ မခံမရပ်နိုင်ဖြစ်ပြီး သူတို့ ဆန္ဒတွေကို ဖော်ထုတ်ဖို့ အခုလို လမ်းလျှောက် ချီတက်ခဲ့တာဖြစ်ပါတယ်။ ပျံကျဈေးသည်တွေ လမ်းလျှောက်ချီတက်ခဲ့တဲ့ အခြေအနေတွေကို မျက်မြင်ဒေသခံတဦးက အခုလို ပြောပြပါတယ်။

မျက်မြင်ဒေသခံ။ ။'မနက်ပိုင်း ကိုးနာရီလောက်ကပေါ့။ ဈေးသည်အမျိုးသမီးချည်းပဲ တရာ့ငါးဆယ်လောက် စုပြီးတော့ ကွပ်ကဲရေးရုံးကို သွားကြတာ။ ကွပ်ကဲရေးရုံးမှာ လူကြီးက မရောက်တဲ့အခါ မယကရုံးဘက်ကို သွားတဲ့အခါကျတော့ လမ်းထိပ်မှာ ရဲတပ်ဖွဲ့ကနေ တားထားတယ်။ ရဲတပ်ဖွဲ့ကနေပြီးတော့ မင်းတို့ ဘာလုပ် မလို့လဲပေါ့၊ လူစုလူဝေးနဲ့ဆိုတော့။ အဲဒီတော့ ဈေးသည်တွေက ပြောတယ်။ ကျမတို့ နေရာ တည်မြဲရေးအတွက် ဈေးရောင်းရေးအတွက်ကို လူကြီးတွေကို အသနားခံဖို့ တင်ပြဖို့အတွက်ကို လာတာပါလို့ အဲလိုပြောတယ်။ အဲလို ပြောရင်းနဲ့ သူတို့ အဲဒီမှာ နောက် ၁၅ ရက်အတွင်းမှာ ခုနက ထုတ်ပြန်ထားတဲ့ တည်ဆဲဥပဒေအရ အရေးယူဖို့ ဘာညာကိစ္စ မလုပ်ပါဘူးလို့ စခန်းမှူးက ပြောပြီးတော့ လူစုခွဲပြီး ပြန်ခိုင်းလိုက်တယ်'

အာဏာပိုင်တွေ လူစုခွဲပြီး ပြန်ခိုင်းလိုက်ပေမယ့် တကယ့်လက်တွေ့မှာ ပျံကျဈေးသည်တွေ နဂို ပုံမှန် ရောင်းချနေတဲ့ နေရာတွေမှာ ပြန်လည်ရောင်းချခွင့် တရားဝင်ခွင့်ပြုမယ် မပြုဘူးဆိုတာကိုတော့ ဘယ်သူမှ သေသေချာချာ မသိသေးသလို အာဏာပိုင်တွေဘက်ကလည်း အမိန့်ထုတ်ပြန်တာမရှိသေးတဲ့အတွက် ပျံကျဈေးသည်တွေကတော့ စိုးရိမ်နေကြတုန်းပဲလို့သိရပါတယ်။

ဘိုကလေးမြို့ပေါ်မှာရှိတဲ့ ပျံကျဈေး ၄ နေရာမှာ ရောင်းချနေတဲ့ ဈေးသည် တထောင်နီးပါးရှိပါတယ်။ အဲဒီ ပျံကျဈေးသည်တွေ အားလုံးကို လက်ရှိရောင်းချနေတဲ့ နေရာတွေကနေ ဖယ်ပြီး မြို့ပြင် ရွှေ့ပြောင်း ရောင်းချဖို့ကို မြို့နယ်အာဏာပိုင်တွေ ပြီးခဲ့တဲ့ လဆန်းပိုင်းကတည်းက အမိန့်ထုတ်ခဲ့ပါတယ်။

အာဏာပိုင်တွေ ပြောင်းရွှေ့ ရောင်းချခိုင်းတဲ့ နေရာဟာ ဘိုကလေးမြို့ရဲ့သောက်သုံး ရေကန်ဖြစ်တဲ့ ကန်တော်ကြီးဘေးမှာဖြစ်ပြီး အဲဒီနေရာဟာ မြို့စွန်ကျပြီး လူခေါင်တဲ့နေရာမို့ ပျံကျဈေးသည်တွေ ပြောင်းရွေ့ ရောင်းချလိုစိတ် မရှိဘူးလို့ သိရပါတယ်။

ဘိုကလေးမြို့ပေါ်မှာရှိတဲ့ ပျံကျဈေး ၄ နေရာထဲက အခွန်လွတ်ဈေးဟာ ၁၉၉၇ ခုနှစ်က ဗိုလ်ချုပ်ကြီးတင်ဦး ဖွင့်လှစ်ပေးခဲ့တဲ့ ဈေးဖြစ်ပြီး တောဈေးတန်းကတော့ ၁၉၈၇ ခုနှစ်ကတည်းက ရောင်းချနေတဲ့ဈေးဖြစ်တယ်လို့ သိရပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

မြန်မာ ကလေးသူငယ်ဆိုင်ရာ အစီရင်ခံစာ ITUC ထုတ်ပြန်

မြန်မာ ကလေးသူငယ်ဆိုင်ရာ အစီရင်ခံစာ ITUC ထုတ်ပြန်


2009-12-13 ( RFA )


မြန်မာနိုင်ငံက ကလေးသူငယ်များ အခွင့်အရေးနဲ့ ပတ်သက်လို့ ရေးသားထားတဲ့ အစီရင်ခံစာတစောင်ကို ဘယ်လ်ဂျီယံနိုင်ငံ ဘရပ်ဆဲလ်မြို့အခြေစိုက် အပြည်ပြည်ဆိုင်ရာ အလုပ်သမားသမဂ္ဂများ အဖွဲ့ချုပ် ITUC က ထုတ်ပြန်လိုက်ပါတယ်။



အပြည်ပြည်ဆိုင်ရာ အလုပ်သမားသမဂ္ဂများ အဖွဲ့ချုပ် ITUC မှထုတ်ဝေသည့် "Burma's Children: a Generation Sacrified" အမည်ရှိ အစီရင်ခံစာ မျက်နှာဖုံးတွင် ဖော်ပြထားသည့် ဓာတ်ပုံ ဖြစ်ပါသည်။ (Image: RFA)

မြန်မာနိုင်ငံက မျိုးဆက်တဆက်လုံး စတေးခံလိုက်ရတဲ့ ကလေးသူငယ်များ လို့ တိုက်ရိုက် အဓိပ္ပါယ်ရတဲ့ ဒီ အစီရင်ခံစာကို ဒီဇင်ဘာလ ၁၁ ရက်နေ့ နေ့စွဲနဲ့ ထုတ်ပြန်တာဖြစ်ပြီး မြန်မာနိုင်ငံက ကလေးသူငယ်တွေဟာ မြန်မာစစ်အစိုးရရဲ့ပညာရေးနဲ့ လူမှုရေးဖက်မှာ ကူညီထောက်ပံ့မှု အားနည်းတဲ့အတွက် ပညာရေး အဆင့်မမှီ ဖြစ်ရပုံ၊ စစ်တပ်က အဓမ္မ တပ်သားစုဆောင်းခံရတာတွေနဲ့ စီးပွားရေးကြောင့် ပညာမသင်နိုင်ဘဲ ကလေးအလုပ်သမား ဖြစ်လာရပုံတွေကို ထောက်ပြထားပါတယ်။

ဒါ့အပြင် မြန်မာစစ်အစိုးရ နှစ်စဉ် စစ်အသုံးစရိတ်ဟာ ပညာရေး အသုံးစရိတ်ထက် ၂၈ ဆ များပြားနေတဲ့ အကြောင်း၊ စစ်အာဏာရှင်စနစ် သက်ဆိုးရှည်ရေးအတွက် ကလေးသူငယ် ပညာရေးလူမှုရေးဘက်မှာ နစ်နာဆုံးရှုံး ရတာကြောင့် ကလေးသူငယ် မျိုးဆက်တခုလုံး စတေးခံထားရသလို ဖြစ်နေကြောင်းလည်း အစီရင်ခံစာမှာ ဖော်ပြထားပါတယ်။

ITUC အဖွဲ့ဝင် မြန်မာနိုင်ငံ အလုပ်သမားသမဂ္ဂ အဖွဲ့ချုပ် FTUB က ဥက္ကဋ္ဌ ဦးလှဦးက ဒီအစီရင်ခံ စာနဲ့ ပတ်သက်ပြီး အာအက်ဖ်အေကို ပြောရာမှာ မြန်မာနိုင်ငံက ပညာရေးနဲ့ လူမှုရေးဆိုင်ရာ ကလေးသူငယ် အခွင့်အရေး ချိုးဖောက်မှုတွေကို မီးမှောင်းထိုးပြဖို့ ဖြစ်တယ်လို့ အာအက်ဖ်အေကို ပြောပြပါတယ်။

ဦးလှဦး။ ။'နောင်လာမယ့် တခုလုံးဆိုရာမှာ ၁၉၈၉ နောက်ပိုင်းကနေ နောက် တခုလုံးက မရပါဘူး။ သူတို့အနေနဲ့ လုပ်ကိုင်ဆောင်ရွက်နေတာ အင်မတန်မှ အသည်းနာစရာ ကောင်းပါတယ်။ သူတို့နဲ့ ပတ်သက်တဲ့ သားသမီးများ တပ် ကို သီးသန့်ဖော်ထုတ်နေတာမျိုး ဖြစ်တဲ့အတွက် အရပ်ဖက်မှာ ရှိနေတဲ့ ပြည်သူအားလုံးဟာ လမ်းပေါ်ကို ရောက်သွားပြီးရင် ဒီနေ့ရှိတဲ့ ကလေးတွေရဲ့အနာဂတ်ဟာ ဘယ်လိုမှ မရေရာတော့တဲ့ အကြောင်းအရာတွေကို ပြောကြားခြင်း ဖြစ်ပါတယ်'

မြန်မာနိုင်ငံ စစ်အစိုးရရဲ့ လွတ်လပ်စွာ ရေးသားဖော်ပြခွင့်၊ လွတ်လပ်စွာ ဆန္ဒထုတ်ဖော်ခွင့်နဲ့ အဖွဲ့အစည်း အသင်းအပင်း ဖွဲ့ခွင့်တွေ ကန့်သတ်ပိတ်ပင်ထားတဲ့အတွက် မြန်မာနိုင်ငံက အခြေအနေမှန်တွေ နိုင်ငံတကာ အလုပ်သမားအသိုင်းအဝိုင်းက သိရှိ နားလည်ရေးအတွက်လည်း ဒီအစီရင်ခံစာက ရည်ရွယ်တယ်လို့ သိရပါတယ်။

စစ်အစိုးရ ဖိနှိပ်မှုတွေ ရှိနေပေမယ့် ITUC နဲ့ မြန်မာနိုင်ငံ အလုပ်သမားအဖွဲ့ချုပ် FTUB တို့ လက်တွဲပြီး မြန်မာနိုင်ငံထဲက အလုပ်သမားတွေနဲ့ ကလေးသူငယ် ပညာသင်ကျောင်းတွေ ဖြစ်ပေါ်ရေး ဆက်လက် ပူးပေါင်း ဆောင်ရွက်နေတယ်လို့လည်း ITUC ရဲ့ကြေညာချက်မှာ ဖော်ပြထားပါတယ်။

ဒီ အစီရင်ခံစာနဲ့ ပတ်သက်ပြီး ITUC နဲ့ မြန်မာနိုင်ငံ အလုပ်သမားအရေး ပူးပေါင်းဆောင်ရွက်နေတဲ့ မြန်မာနိုင်ငံ အလုပ်သမားသမဂ္ဂများ အဖွဲ့ချုပ် FTUB ရဲ့ဥက္ကဋ္ဌ ဦးလှဦးကို အာအက်ဖ်အေက ကိုကျော်မင်းထွန်းက ဆက်သွယ်မေးမြန်းထားပါတယ်။


ဆက်သွယ်မေးမြန်းချက် အား နားဆင်ရန် >>>
ဒီမှာ ကလစ်ပါ ခင်ဗျား ။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Saturday, December 12, 2009

ကိုညီညီအောင်ရဲ့ အကြံပေးရှေ့နေ စစ်အစိုးရကို ဝေဖန်

ကိုညီညီအောင်ရဲ့ အကြံပေးရှေ့နေ စစ်အစိုးရကို ဝေဖန်

2009-12-12 ( RFA )

အဖမ်းဆီးခံ ကိုညီညီအောင်ကို ရှေ့နေနဲ့ တွေ့ခွင့်မပေးခြင်းဟာ အပြည်ပြည်ဆိုင်ရာဥပဒေကို ချိုးဖောက်တာ ဖြစ်တယ်လို့ ကိုညီညီအောင်ရဲ့အပြည်ပြည်ဆိုင်ရာ အကြံပေးရှေ့နေက ဒီဇင်္ဘာလ ၁၁ ရက်နေ့က ပြောဆိုလိုက်ပါတယ်။

မြန်မာနိုင်ငံဖွား အမေရိကန်နိုင်ငံသား ကိုညီညီအောင်ရဲ့အမှုအတွက် အပြည်ပြည်ဆိုင်ရာ အကြံပေးရှေ့နေအဖြစ် ဆောင်ရွက်နေတဲ့ အမေရိကန်နိုင်ငံ ဝါရှင်တန်ဒီစီမြို့အခြေစိုက် Freedom Now အဖွဲ့က ရှေ့နေ Ms. Beth Schwanke က အာအက်ဖ်အေကို ပြောဆိုခဲ့တာပါ။

ကိုညီညီအောင်နဲ့ ပတ်သက်ပြီး Freedom Now အဖွဲ့က ထုတ်ပြန်တဲ့ ကြေညာချက်မှာလည်း ကိုညီညီအောင်ရဲ့အမှုကို ရက်ရွှေ့ဆိုင်းပြီး ရှေ့နေနဲ့ တွေ့ဆုံခွင့် မပေးတာဟာ ဗီယင်နာ သဘောတူညီချက် ပုဒ်မ ၃၆-၁ အပိုဒ်ခွဲ (ဂ) နဲ့ ကိုက်ညီခြင်းမရှိဘူးလို့ ထုတ်ပြန်ထားပါတယ်။ ကိုညီညီအောင်ရဲ့ အပြည်ပြည်ဆိုင်ရာရှေ့နေ Ms. Beth Schwanke က ကိုညီညီအောင်ကို ဖမ်းဆီးခဲ့တာဟာလည်း ဥပဒေနဲ့ ကိုက်ညီခြင်းမရှိဘဲ အမှုဆင် ဖမ်းဆီးတယ်ဆိုတာ သံသယရှိစရာတွေ အများကြီးဘဲလို့ ဆိုပါတယ်၊

ပထမ ဖမ်းခဲ့တဲ့အချိန်က နိုင်ငံတော်လုံခြုံရေးဥပဒေနဲ့ ဖမ်းခဲ့ပြီး နောက်ပိုင်းမှာ စာရွက်စာတမ်း အတုပြုလုပ်မှု ဥပဒေတွေ ထပ်တပ်ပါတယ်။ နောက်ပိုင်းမှာ ဆက်ပြီး ငွေကြေးအမှုတွေနဲ့ စွပ်စွဲတာဖြစ်တယ်လို့ Ms. Beth Schwanke က ပြောပါတယ်။ တကယ်တော့ ကိုညီညီအောင်ကို ဖမ်းတဲ့အချိန်က လေဆိပ်ထဲအဝင် အကောက်ခွန်ဂိတ်ကိုတောင် ဖြတ်ရသေးတာမဟုတ်ဘူးလို့ ဆိုပါတယ်။ ဒါ့အပြင် ဖမ်းထားပြီး စစ်ဆေးချိန်မှာလည်း နှိပ်စက်တာ ခံရသလို ၁၇ ရက်တိတိ သံရုံးနဲ့ တွေ့ခွင့်မပေးခဲ့ဘူးလို့ ပြောပါတယ်။

ကိုညီညီအောင်ကိစ္စနဲ့ ပတ်သက်ပြီး ဘာဆက်လုပ်ဖို့ ရည်ရွယ်ထားပါသလဲလို့ မေးကြည့်တဲ့အခါမှာ ကိုညီညီအောင်အမှုကို တရားနည်းလမ်းတကျ ဆောင်ရွက်ဖို့ စစ်အစိုးရကို တောင်းဆိုနေတာ ဖြစ်သလို အမေရိကန်အစိုးရကိုလည်း ကိုညီညီအောင် လွတ်မြောက်ရေးအတွက် ဖြစ်နိုင်တဲ့ နည်းလမ်းအားလုံးကို သုံးပြီး စစ်အစိုးရကို ချဉ်းကပ်ဘို့ လိုတယ်လို့ Ms. Beth Schwanke က ပြောပြသွားပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

ကိုညီညီအောင်အမှု အမေရိကန် မျက်ခြေမပြတ်စောင့်ကြည့်နေ

ကိုညီညီအောင်အမှု အမေရိကန် မျက်ခြေမပြတ်စောင့်ကြည့်နေ

2009-12-12 ( RFA )

အမေရိကန် အစိုးရအနေနဲ့ မြန်မာနိုင်ငံမှာ အဖမ်းခံနေရတဲ့ မြန်မာနိုင်ငံဖွား အမေရိကန်နိုင်ငံသား ကိုကျော်ဇော်လွင်ခေါ် ကိုညီညီအောင်အမှုနဲ့ ပတ်သက်ပြီး မျက်ခြေမပြတ် စောင့်ကြည်နေတယ်လို့ ဒီဇင်္ဘာလ ၁၁ ရက်နေ့က အမေရိကန် နိုင်ငံခြားရေးဝန်ကြီးဌာနမှာ ပြုလုပ်တဲ့ သတင်းစာရှင်းလင်းပွဲမှာ နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် Mr. Kelly က ပြောဆိုပါတယ်။

မနေ့က အမှုချိန်းရှိပေမယ့် ရက်ရွှေ့ဆိုင်းခဲ့ပါတယ်။ ကိုညီညီအောင် ထောင်ထဲမှာ အစာငတ်ခံ ဆန္ဒပြနေတယ်ဆိုတဲ့ သတင်းတွေ ထွက်ပေါ်ခဲ့ပြီးနောက် အာဏာပိုင်တွေက ခုလို ရုံးချိန်းကို ရွှေ့ဆိုင်းလိုက်တာပါ။ ကိုညီညီအောင်အမှုနဲ့ ပတ်သက်ပြီး သတင်းထောက်တွေ မေးမြန်းတာကို Mr. Kelly က ဖြေဆိုရာမှာ မိမိတို့အနေနဲ့ ကိုညီညီအောင်အမှုကိစ္စနဲ့ ပတ်သက်ပြီး သိရှိပါကြောင်း၊ သံရုံးအနေနဲ့ မြန်မာအာဏာပိုင်တွေကို ဆက်သွယ်ပြီး အသိပေးခဲ့ကြောင်း၊ ကိုညီညီအောင် ကောင်းမွန်စွာ နေထိုင်ရရေးအတွက်ပါ ဆောင်ရွက်ခဲ့ပါတယ်လို့ ပြောပါတယ်။

ကိုညီညီအောင် အစာငတ်ခံ ဆန္ဒပြတယ်ဆိုတဲ့ သတင်းထွက်ပေါ်ခဲ့ပြီးတဲ့နောက် အာဏာပိုင်တွေက ရှေ့နေတွေနဲ့လည်း တွေ့ဆုံခွင့် မပေးခဲ့ပါဘူး။ သံရုံးနဲ့ တွေ့ဆုံခွင့် ပေးပါသလားလို့ သတင်းထောက်တွေက မေးရာမှာ Mr. Kelly က တွေ့ဆုံခွင့်ရမယ်လို့ ထင်ကြောင်း၊ ဒါပေမယ့် သူ့အနေနဲ့ ရာနှုန်းပြည့် သေချာအောင်လုပ်ဖို့ လိုပါသေးတယ်လို့ ပြန်ဖြေခဲ့ပါတယ်။ ဒါပေမယ့် ရန်ကုန်မြို့က ရရှိတဲ့ သတင်းတွေအရ ကိုညီညီအောင် အစာငတ်ခံ ဆန္ဒပြနေတယ်ဆိုတဲ့သတင်း ထွက်ပေါ်ခဲ့ပြီးချိန် နောက်ပိုင်း အမေရိကန် သံရုံးအနေနဲ့ ကိုညီညီအောင်ကို တွေ့ဆုံခွင့် မရသေးဘူးလို့ ပြောဆိုနေကြပါတယ်။


မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Friday, December 11, 2009

လွတ်မြောက်ရေးအတွက် တိုက်ပွဲဝင်ကြစို့

လွတ်မြောက်ရေးအတွက် တိုက်ပွဲဝင်ကြစို့

အပြည့်အစုံ ဖတ်ရန် ...

ကိုညီညီအောင် ကျန်းမာရေးမကောင်း၍ ရုံးမထွက်နိုင်

ကိုညီညီအောင် ကျန်းမာရေးမကောင်း၍ ရုံးမထွက်နိုင်

2009-12-11 ( RFA )

စက်တင်ဘာ ၃ရက်နေ့က မင်္ဂလာဒုံလေဆိပ်မှာ အဖမ်းခံရတဲ့ မြန်မာပြည်ဖွား အမေရိကန်နိုင်ငံသား ကိုကျော်ဇောလွင် ခေါ် ကိုညီညီအောင်ဟာ အင်းစိန်ထောင်မှာ လွတ်လပ်မှု တရားမျှတမှုတွေ မရှိပဲ ဖိနှိပ်ချုပ်ချယ်နေတယ်ဆိုကာ ပြီးခဲ့တဲ့အပတ် သောကြာနေ့ ရုံးထုတ်ပြီးကတည်းက အစာငတ်ခံ ဆန္ဒပြတောင်းဆိုခဲ့ပါတယ်။


နာမည်ကျော် အင်းစိန်ထောင်ကြီး၏ ဘူးဝတွင် လုံခြုံရေးတပ်ဖွဲ့ဝင်များ စောင့်ကြပ်နေပုံ ဖြစ်ပါသည်။ (Photo: AFP)

ဒီကနေ့ ဒီဇင်ဘာ ၁၁ ရက် ရုံးထုတ်မှာတော့ ကိုညီညီအောင်ဟာ ကျန်းမာရေးမကောင်းတဲ့အတွက် ရုံးမထွက်နိုင်ကြောင်း ထောင်အာဏာပိုင်တွေက တရားရုံးကို အကြောင်းကြားတဲ့အတွက် ဒီဇင်ဘာ ၁၈ ရက်ကို ရုံးချိန်းပြောင်းလိုက်တယ်လို့ ရှေ့နေ ဦးဥာဏ်ဝင်းက RFA ကို ပြောပြပါတယ်။

ဦးဉာဏ်ဝင်း။ ။ 'မနက် ၁ဝ နာရီ တရားရုံးရောက်တော့ တရားရုံးက ပြောပါတယ်။ ထောင်အာဏာပိုင်တွေက စာပို့ထားတယ်တဲ့။ ကိုညီညီအောင်စာ ကျန်းမာရေး အခြေအနေကြောင့် ရုံးရှေ့ကို မလာနိုင်ဘူးတဲ့။ အဲဒါနဲ့ ကျနော်တို့ ရုံးချိန်းပဲ ယူပြီး ပြန်လာရတယ်။ ကိုညီညီအောင်နဲ့ မတွေ့ခဲ့ရဘူး။ သူ့ရဲ့ကျန်းမာရေးအခြေအနေတော့ သေချာတော့ မသိဘူးဗျ။ သံရုံးက ကောင်ဆယ်လာတွေကတော့ သူတို့တွေ့ခွင့်ရမယ်လို့ ပြောသွားပါတယ်။'

ကိုညီညီအောင်ရဲ့ ရှေ့နေဦးဥာဏ်ဝင်း ပြောသွားတာပါ။ ကိုညီညီအောင်ရဲ့ ကျန်းမာရေးအခြေအနေကို သိချင်လို့ အင်းစိန်ထောင်ရှေ့မှာ သွားစောင့်ခဲ့တဲ့ အဒေါ်ဖြစ်သူ ဒေါ်ခင်ခင်ဆွေက သူတို့နဲ့အတူ အမေရိကန်သံရုံး တာဝန်ရှိသူတွေလည်း တွေ့ခွင့်မရတဲ့အတွက် အသက်အန္တရာယ်အတွက် စိုးရိမ်မိတယ်လို့ ပြောပြပါတယ်။

ဒေါ်ခင်ခင်ဆွေ။ ။ 'အစာမစားတာ ၇ ရက်ဆိုတော့ စဉ်းစားကြည့်ပေါ့။ လူမမာလို ဖြစ်သွားပြီလား အရမ်းစိုးရိမ်တယ်။ ခေါင်းတောက်နေကြတာ အဲဒီအတွက်ပဲ။ ဘရမ်းကြက်ပေါင်းရေလေး ပေးတော့ သွင်းလို့မရဘူးဆိုပြီး ပြန်ပေးတယ်။ အအေးကို ရေဘူးထဲမှာ ထည့်ပြီး ဓာတ်ဆားရေလေး ပေးလိုက်တယ်။ နောက် အချိုရည်လေးတဘူးပေးတော့ ယူသွားပေးတယ်။အထဲကိုဝင်ရတဲ့ အက်စ်ဘီက ဘရမ်းကြက်ပေါင်းရေလေးတော့ ယူမသွားဘူး ပြောတယ်။

အန်တီနဲ့ သံရုံးနဲ့ဆက်သွယ်ကြည့်တော့ သူတို့လည်း မတွေ့ရဘူးတဲ့ အန်တီတို့ တနင်္လာနေ့က ပြောတဲ့နေ့ကစပြီး ကြိုးစားပါတယ်။ သူတို့ မတွေ့ရဘူးတဲ့။ ခုအတွက် သံရုံးကနေ အစည်းအဝေးတခု သူ့အတွက် တိုင်ပင်နေကြတယ်တဲ့၊ သူတို့က တွေ့ခွင့်မပေးတော့ ကိုယ်လည်း အဒေါ်တွေနဲ့ ပြောလည်း ရမယ်မထင်ဘူး။ သံရုံးတောင်မှ ဒီနေ့ တွေ့ခွင့်မရတာ။' ကိုညီညီအောင်ရဲ့အဒေါ် ဒေါ်ခင်ခင်ဆွေ ပြောပြသွားတာပါ။

ကိုညီညီအောင်ကို တရားမဝင် နိုင်ငံခြားငွေ ကိုင်ဆောင်မှု၊ လိမ်လည်မှုနဲ့ မှတ်ပုံတင်အတု ပြုလုပ်မှု စတာတွေနဲ့ စွဲချက်တင် စစ်ဆေးနေပြီး အင်းစိန်ထောင် အဆောင် ၈ မှာ ချုပ်နှောင်ထားတာပါ။ ကိုညီညီအောင်ဟာ တရားဝင် ပြည်ဝင်ခွင့်ဗီဇာနဲ့ စက်တင်ဘာ ၃ ရက်နေ့က ဗန်ကောက်ကနေ ရန်ကုန်ကို ပြန်လာတုန်း အဖမ်းခံရတာ ဖြစ်ပါတယ်။

မှတ်ချက် ။ ။ http://www.rfa.org မှ ကူးယူ မျှဝေပါသည်။

အပြည့်အစုံ ဖတ်ရန် ...

မုန်တိုင်းသင့်ဒေသတွင် လာဘ်စားမှု၊ အလွဲသုံးမှု တိုင်တန်းသူများအား အငြိုးထား ဒုက္ခပေး

မုန်တိုင်းသင့်ဒေသတွင် လာဘ်စားမှု၊ အလွဲသုံးမှု
တိုင်တန်းသူများအား အငြိုးထား ဒုက္ခပေး

ဝင်းမြတ်
ဒီဇင်ဘာ ၁၁၊ ၂၀၀၉

ပြင်စလူမြို့နယ်ခွဲအတွင်းရှိကျေးရွာအချို့တွင် လေဘေးသင့်အကူအညီများကို အပြည့်အ၀ မပေးသော ရ.ယ.က အဖွဲ့ဝင်များကို တိုင်ကြားသူများအား ကျေးရွာအာဏာပိုင်များက အငြိုးထားကာ အနှောက်အယှက်ပေးလေ့ရှိကြောင်း ဒေသခံများကပြောသည်။

အန်ဂျီအိုအဖွဲ့များမှ food for work ပုံစံဖြင့် ကျေးရွာလမ်း ပြုပြင်ရန်အတွက် ရွာသားများအားပေးရန်ရှိသော လုပ်အားခငွေများကို ကျေးရွာ ရ.ယ.က အဖွဲ့ဝင်များက ရွာသားများအား မပေးဘဲ အလွဲသုံးလိုက်ခြင်းကို ရွာသားအချို့က ကျေးရွာအစည်းအဝေးတွင် လာရောက် အကူအညီပေးသော အန်ဂျီအိုအဖွဲ့များအား တိုင်ကြားခဲ့ကြသည်။
စုံစမ်းစစ်ဆေးမှုများပြုလုပ်ချိန်တွင် ကျေးရွာသားအချို့ကကြောက်လန့်ပြီး သက်သေ မလိုက်သောကြောင့် အမှုမှန်မပေါ်ပေါက်ခဲ့ဘဲ တိုင်ကြားသောရွာသားကို မှတ်သားထားကာ အကြောင်းပြချက်မျိုးစုံတို့ဖြင့် နှိပ်စက်သည်ဟု ရွာသားများကဆိုသည်။

“ပြီးခဲ့တဲ့လက ဟိုဖက်ရွာက ဘုရားပွဲကိုသွားတော့ ဥက္ကဌမွေးထားတဲ့ ပြည်သူ့စစ်အဖွဲ့တွေက ကျွန်တော်တို့ သူငယ်ချင်းတွေကို ရန်စပြီး တုတ်နဲ့ရိုက်တယ်။ သူတို့ကတော်တော်မူးနေကြတယ်။ အဲဒါနဲ့ရန်ဖြစ်တော့ သူတို့ဖက်က နှစ်ယောက်ခေါင်းကွဲသွားတယ်။ အဲဒါကျွန်တော်တို့ကို ထိပ်တုံ်းခြောက်ပေါက်ထဲ ထည့်ပြီး ဥက္ကဌက ကျွန်တော့်ကို လက်သီးနဲ့၁၂ချက် ထိုးတယ်။ ကျန်တဲ့သူတွေလည်း အထိုးခံရတယ်” ဟု အသက် ၂၇ နှစ်အရွယ် ရွာသားတစ်ဦးက ပြောပြသည်။
၎င်းရွာသားသည် ကျေးရွာအစည်းဝေးပွဲများတွင် ကျေးရွာအာဏာပိုင်များ၏ အလွဲသုံးစားမှုများကို ထုတ်ဖော်ပြောဆိုလေ့ရှိသောကြောင့် အငြိုးထားခံရခြင်းဖြစ်သည်ဟု ရွာသားများကပြောကြသည်။

နာဂစ်မုန်တိုင်း တိုက်ခတ်ပြီး ၃၊ ၄လအကြာ စေတနာရှင်အချို့ လှူဒါန်းသည့် အိမ်ရာကို ကွမ်းခြံကုန်းမြို့ရှိ ရပ်ကွက်တခုအတွင်း တွေ့မြင်ရစဉ်၊ နာဂစ်မုန်တိုင်း တိုက်ခတ်ပြီး တစ်နှစ်ခွဲကျော်အကြာ ယနေ့အထိ တာပေါ်လင် (ပလပ်စတစ်) အမိုးအကာများဖြင့် နေထိုင်နေရသည့် မိသားစုများစွာ တွေ့မြင်နေရသေးသည်။

မုန်တိုင်းကြောင့် မိသားစုလိုက်သေဆုံးသွားကြသူများ ပိုင်ဆိုင်သောမြေနေရာများအား ကြံ့ခိုင်ရေးအတွင်းရေးမှူးမှ အိမ်ယာလှူဒါန်းသည့် အန်ဂျီအိုအဖွဲ့များထံသို့ အခကြေးငွေဖြင့်ရောင်းစားသည် ဟုလည်းရွာသားများကပြောကြသည်။
အခမဲ့လှူဒါန်းသော အိမ်ရာများအတွက်လည်း ရွာသားမှလက်ခံရရှိကြောင်း သက်သေခံစာရွက်ပေါ်တွင် ရပ်ရွာအာဏာပိုင်အသိအမှတ်ပြု လက်မှတ်ထိုးရန်အတွက်လည်း ငွေကျပ်သုံးသောင်းမှ ကိုးသောင်းအထိ မြေနေရာပေါ်မူတည်ပြီး ပေးရသည်ဟုဆိုသည်။

“ကျွန်တော်တို့က သူတို့မဟုတ်တာလုပ်တာတွေကို လူတွေရှေ့မှာဖွင့်ပြောပြတတ်တော့ ရွာကိုလာတဲ့ အခွင့်အရေးဆိုရင် ကျွန်တော်တို့မရတာများတယ်”
ဟု အငြိုးထားခံရသောရွာသားတစ်ဦးကပြောပြသည်။
ရွာသားများမှာ ရုံးလုပ်ငန်းအဆင့်ဆင့်နှင့် တရားဝင်စာရွက်စာတမ်းကိစ္စများကို နားမလည်ကြဘဲ တိုင်တန်းသည့်အခါတွင်လည်း အရေးမယူမီကြားကာလ၌ မိမိကိုအငြိုးထားကာ ရန်ပြုမူမည်စိုးသဖြင့် အာဏာပိုင်များ စေခိုင်းသမျှ ပြုမူရသည်ဟုပြောကြသည်။
ကျေးရွာအာဏာပိုင်များ၏ လာဘ်စားမှုများကိုတိုင်တန်းရန်အတွက် သက်ဆိုင်ရာမြို့များသို့ သွားရောက်သည့် အခါတွင်လည်း မြို့ပေါ်မှအာဏာပိုင်အဖွဲ့များက တိုင်တန်းလျှင်လည်း ထူးမည်မဟုတ်ကြောင်းနှင့် ကိုယ့်ရပ်ရွာလူကြီးသာအလုပ်ရှုပ်ပြီး ကျေးရွာပြန်လည်ထူထောင်ရေး လုပ်ငန်းများ နှောင့်နှေးသွားလိမ့်မည်ဖြစ်ကြောင်း ပြောဆိုကာ ပြန်ခိုင်းလေ့ရှိကြောင်း သွားရောက်တိုင်တန်းဖူးသော ရွာသားတစ်ဦးကပြောသည်။

“အများနဲ့လုပ်ရတာ ဆိုတော့လည်း တစ်ချို့နေရာလေးတွေမှာ လစ်ဟာသွားတာလေးတွေတော့ ရှိတတ်ပါတယ်။ တစ်ချို့ကလည်း ဆန်နို့ဆီဗူးလေး တစ်လုံးလောက် လျော့တာကအစ လာပြောတယ်။ ကျွန်တော်တို့ကတော့ အကုန်လုံးအတွက် စေတနာနဲ့ အညီအမျှလုပ်ပေးတာပါပဲ”
ဟု ပြင်စလူမြို့နယ်ခွဲအတွင်းမှ ကျေးရွာကယ်ဆယ်ရေး ပစ္စည်းများပြန်လည်ခွဲဝေချထားရေး ကော်မတီဝင်တစ်ဦးက ပြောသည်။ အလားတူ လာဘ်စားမှုများ၊ အလွဲသုံးသည့် ကိစ္စရပ်များ နာဂစ်ဒဏ်ခံ အခြားသောမြို့နယ်များတွင် ဖြစ်ပွားလျက်ရှိသည်ကို တွေ့ရသည်။ ဒေးဒရဲအပိုင်
ဂွေးကုန်းကျေးရွာတွင်လည်း နာဂစ်ဒဏ်ခံရသူ မိသားစုများအတွက် ပြည်ပမှ အလှူရှင်အဖွဲ့က နေအိမ်ဆောက်လုပ် လှူဒါန်းရာတွင် အလှူရှင်လှူဒါန်းသည့် ငွေပမာဏ ကျပ် ၄ သိန်းကို ကျေးရွာအာဏာပိုင်များနှင့် နီးစပ်သည့်သူများက ၂သိန်း ၇သောင်း၊ ၈သောင်းတန် အိမ်ဆောက်ပစ္စည်းများ ၀ယ်ယူပြီး ပေးဝေခဲ့သည်ဟု ငွေပြန်အပ်နှံခဲ့သူ တဦးကပြောဆိုသည်။

အဆိုပါ ငွေပြန်အပ်ခဲ့သူက ``ကျေးရွာလူကြီးတွေက အလှူရှင်ပေးတဲ့ ငွေကိုသူတို့နဲ့ နီးစပ်သူနဲ့ ပေါင်းပြီးမြို့က အိမ်ဆောက်ပစ္စည်းတွေ ၀ယ်လာတယ်။ အဲဒီပမာဏကို ပေါက်ဈေးနဲ့တွက်ကြည့်တော့ ၂သိန်း ၇သောင်း၊ ၈သောင်း အများဆုံးပဲ၊ ဟိုကလှူတာက ၄သိန်းဆိုတော့ အဲဒီပမာဏမဟုတ်ပဲနဲ့တော့ လက်ခံရရှိကြောင်း ကျွန်တော် လက်မှတ်မထိုးပေးနိုင်ဘူးဆိုတော့ ပြန်အပ်မလားဆိုတော့ ပြန်အပ်လိုက်တယ်၊ အဲဒီကိစ္စကို မြို့ပေါ်က သူတွေကို တိုင်ဖို့ စိတ်ကူးပေမယ့်လည်း နောက်ဆုံး မတိုင်ဖြစ်ဘူး။ ကျွန်တော်မရတာထက်ကို ပေးတဲ့ပမာဏနဲ့ လက်ခံရယူတဲ့သူတွေဆီ ရောက်တဲ့ ပမာဏက အများကြီးကွာဟနေတာကို လက်မခံနိုင်လို့ပါ´´ ဟုဆိုသည်။

မှတ်ချက် ။ ။ http://moemaka.com မှ ကူးယူ မျှဝေပါသည်။

အပြည့်အစုံ ဖတ်ရန် ...