Thursday, April 5, 2012

၈၈မျိုးဆက် ကျောင်းသားခေါင်းဆောင် ကိုဌေးကြွယ် နှင့် အင်တာဗျူး(ရုပ်/သံ)

ဧပြီလ ၁ ရက်နေ့က ကျင်းပခဲ့တဲ့ ကြားဖြတ် ရွေးကောက်ပွဲမှာ အမျိုးသား ဒီမိုကရေစီအဖွဲ့ချုပ် အနိုင်ရလိုက်တာဟာ ပြည်သူတွေအနေနဲ့ သူတို့ ဖြစ်စေချင်တဲ့ အပြောင်းအလဲတွေအပေါ် ထင်ထင်ရှားရှား ပြသလိုက်တာလို့ ၈၈မျိုးဆက် ကျောင်းသားခေါင်းဆောင် ကိုဌေးကြွယ် ကပြောဆို လိုက်ပါတယ်။

ကျန်နေသေးတဲ့လွှတ်တော်သက်တမ်းမှာ တိုင်းရင်းသားတွေနဲ့ ငြိမ်းချမ်းရေး ဖော်ဆောင်ဖို့ လိုအပ်ကြောင်း ကိုလည်း သူက ပြောပါတယ်။

ကြားဖြတ်ရွေးကောက်ပွဲ အပြီးနောက်ပိုင်းမှာ မြန်မာနိုင်ငံရဲ့ အပြောင်းအလဲတွေကို ဖန်တီး ဖော်ဆောင်နိုင်မယ့် အပြောင်းအလဲတွေ ဖြစ်လာလိမ့်မယ်လို့ မျှော်လင့်တယ် လို့လည်း သူက ဆိုသွားပါတယ်။





source by : http://www.youtube.com/user/BurmaVJMedia

အပြည့်အစုံ ဖတ်ရန် ...

ပ်ိတ်ဆို့မှု ရုပ်သိမ်းရင် ပေါင်းစည်းမှု အလားအလာကောင်းဟု ဦးသိန်းစိန်ပြော


မြန်မာ သမ္မတ ဦးသိန်းစိန်အား ကမ္ဘောဒီးယား နိုင်ငံ ဖနွမ်းပင် မြို့ မှာ ကျင်းပတဲ့ အာဆီယံ ထိပ်သီးအစည်းအဝေး၌ တွေ့ရပုံ (ဧပြီလ ၄ ရက် ၂၀၁၂ )။ဓာတ်ပုံ ASSOCIATED PRESS

မြန်မာ စစ်အစိုးရ အဆက်ဆက်က လူ့အခွင့်အရေး ချိုးဖောက်မှု တွေကြောင့် မို့လို့ အနောက်နိုင်ငံတွေက စီးပွားရေး၊ ဘဏ္ဍာရေး နဲ့ ပြည်ဝင်ခွင့်တွေကို ပိတ်ဆို့ထားတွေ လျှော့ပေါ့ ပေးမယ် ဆိုရင် မြန်မာနိုင်ငံ မှာ အမျိုးသား ပြန်လည် ပေါင်းစည်းမှု အတွက် အလားအလာကောင်းတွေ ဖြစ်ပါတယ် လို့ သမ္မတ ဦးသိန်းစိန် က ပြောဆိုခဲ့ပါတယ်။ ကမ္ဘောဒီးယား နိုင်ငံ ဖနွမ်းပင် မြို့ မှာ ကျင်းပခဲ့တဲ့ အာဆီယံ ထိပ်သီး ညီလာခံ အတွင်း မြန်မာ အပေါ် ပိတ်ဆို့မှု တွေ ချက်ခြင်း ရုပ်သိမ်းပေးဖို့ အာဆီယံ ခေါင်းဆောင်တွေ က တောင်းဆိုလိုက်ပြီး တဲ့ နောက် သမ္မတ ဦးသိန်းစိန်က အခုလို တုန့်ပြန်လိုက်တာပါ။

မြန်မာ သမ္မတ ဦးသိန်းစိန် က ကြားဖြတ်ရွေးကောက်ပွဲ ထမြောက် အောင်မြင်ခဲ့ ပြီးတဲ့ နောက် ပိတ်ဆို့မှု တွေ ရုပ်သိမ်းရေး တောင်းဆိုချက်တွေ နဲ့ ပတ်သက်ပြီးတော့ အားရ ကျေနပ်တယ် လို့ ကမ္ဘောဒီးယား နိုင်ငံ ဖနွမ်းပင် မြို့ မှာ အခုလို ပြောဆိုသွားပါတယ်။

“နောက်ကျတဲ့ အကြောင်းအရင်း ကလည်း မြန်မာ နိုင်ငံပေါ်မှာ တားဆီးရေး ပိတ်ဆို့မှု တွေ နှစ်ပေါင်း ၂၀ ကျော် လောက် ရှိနေတဲ့ အတွက် ကြောင့် ကျနော်တို့ ရဲ့ စီးပွားရေးဟာ တိုးတက် သင့်သလောက် မတိုးတက် ပါဘူး။ အခုတော့ တားဆီးမှုတွေ ဖြေလျှော့သွား မယ်ဆိုရင်တော့ ဘာဘဲ ဖြစ်ဖြစ် ကျနော်တို့ ဒါဟာ ပေါင်းစည်း နိုင် ဖို့ အတွက် အလားအလာ ကောင်းတွေ ကျနော်တို့ ရလာမှာ ဖြစ်ပါတယ်။”

အာဆီယံ အတွင်းရေးမှူးချုပ် ဆူရင်းပစ်စူဝမ် ကလည်း အာဆီယံအတွင်း လတ်တလော ဖြစ်ပေါ် ပြောင်းလဲ မှုတွေ နဲ့ ပတ်သက်ပြီး အခုလို သုံးသပ်လိုက်ပါတယ်။

“အရင်တုန်းက ဆိုရင် မြန်မာ နိုင်ငံနဲ့ ပတ်သက်လာရင် ဘယ်လို အချိန်အခါမှာ ဘဲ ဖြစ်ဖြစ်၊ ပူးပေါင်း ဆောင်ရွက်မှု တွေ မှာဘဲ ဖြစ်ဖြစ် သိပ်ကို သတိထား ဂရုစိုက်ပြီး တော့ သိမ်သိမ်မွေ့မွေ့ ကြိုးစားပြီး ကိုင်တွယ်ခဲ့ ရတာပါ။ အခုတော့ ရှေ့လျှောက် ပြီးတော့ အဖွဲ့ဝင် ဘယ်နိုင်ငံ မဆို ပါဝင်တဲ့ အခါဘဲ ဖြစ်ဖြစ်၊ မပါဝင်တဲ့ အခါဘဲ ဖြစ်ဖြစ် လုပ်ငန်းစဉ်တွေ နဲ့ ပုံစံချတာထက် ပူးပေါင်း ဆောင်ရွက်မှု မှာ ဘယ်လို လုပ်ကြမလဲ ဆိုတာကို အာရုံ စိုက်လာ နိုင်ပြီ ပေါ့လို့ ပြောသွားပါတယ်။”

တစ်ဆက်တည်းမှာဘဲ မြန်မာနိုင်ငံ အပေါ် သြဇာ လွှမ်းမိုးတယ် ဆိုတဲ့ အိမ်နီးချင်း တရုတ်နိုင်ငံ ကလည်း မြန်မာ့ ကြားဖြတ် ရွေးကောက်ပွဲ ကနေ နိုင်ငံရေး ပြန်လည် ရင်ကြားစေ့ရေး လုပ်ငန်းစဉ်၊ နောက် တည်ငြိမ်ရေး နဲ့ ဖွံ့ဖြိုး တိုးတက်မှု အတွက် ရှေ့ဆက် တွန်းအားပေး သွားနိုင်မှာ ဖြစ်တယ် လို့ တရုတ်နိုင်ငံခြားရေး ဝန်ကြီးဌာန ပြောခွင့်ရ ပုဂ္ဂိုလ် ဟုန်လေး က အခုလို ပြောပါတယ်။

“မြန်မာ နိုင်ငံကို ပိတ်ဆို့ အရေးယူထားတဲ့ နိုင်ငံတွေက ပိတ်ဆို့မှု တွေကို ရုပ်သိမ်းပေးဖို့ ဆောင်ရွက်တာကို တရုတ်နိုင်ငံက ကြိုဆိုပါတယ်။ သက်ဆိုင်ရာ နိုင်ငံ အားလုံး အနေနဲ့ မြန်မာ နိုင်ငံ အပေါ် ပိတ်ဆို့မှု တွေ အားလုံးကို အပြည့်အဝ အဖြစ်နိုင်ဆုံး အမြန်ဆုံး ရုပ်သိမ်းပေးဖို့ တောင်းဆိုပါတယ် လို့ ပြောသွားပါတယ်။”

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ရာနှင့်ချီသော နိုင်ငံခြားကုမ္ပဏီများ ရင်းနှီးမြှုပ်နှံရန် စောင့်နေကြ

အောင်ကြည်| မန်မာနိုင်ငံတွင် ရင်းနှီးမြှုပ်နှံရန်အတွက် ရာနှင့်ချီသော နိုင်ငံခြား ကုမ္ပဏီများ စောင့်ကြည့် လျက် ရှိနေကြသည်ဟု ဟောင်ကောင် အခြေစိုက် Bagan Capital မြန်မာနိုင်ငံဆိုင်ရာ ရင်းနှီးမြှုပ်နှံမှုနှင့် အကြံပေးအဖွဲ့မှ ဦးဆောင် အရာရှိတဦးက ဆိုသည်။

“ရင်းနှီးမြှုပ်နှံမှု လုပ်ဖို့ ကုမ္ပဏီတွေအနေနဲ့ အထူးသဖြင့် ဟိုတယ်နဲ့ ခရီးသွားလုပ်ငန်း၊ ရေနံနဲ့သဘာဝ ဓါတ်ငွေ့လုပ်ငန်း၊ စိုက်ပျိုးရေးလုပ်ငန်း၊ အသေးစား ကုန်ထုတ်လုပ်ငန်းတွေ၊ စားသောက်ကုန် လုပ်ငန်းတွေမှာ ပိုစိတ်ဝင်စားကြပါတယ်” ဟု အဆိုပါ ကုမ္ပဏီမှ အမှုဆောင် အရာရှိချုပ် မစ္စတာ ဂျရီမီ ခရောစာ ဂျုန်း က ဆိုသည်။

စိတ်ဝင်တစား စောင့်ကြည့်နေသော ကုမ္ပဏီများထဲတွင် ဥရောပနိုင်ငံများနှင့် ဂျပန်နိုင်ငံတို့အပြင် အမေရိကန်လည်း ပါဝင်ပြီး လာမည့် ငါးနှစ်အတွင်း မြန်မာနိုင်ငံအတွင်း ရင်းနှီးမြှုပ်နှံမှု များစွာ တိုးတက် လာလိမ့်မည်ဟုလည်း ပြောသည်။

လက်ရှိ မြန်မာနိုင်ငံအတွင်း ရင်းနှီးမြှုပ်နှံလျက်ရှိသော ကုမ္ပဏီများ ရှိသော်လည်း စီးပွားရေး ပိတ်ဆို့မှုကြောင့် အရေအတွက်မှာ နည်းပါးလျက် ရှိနေသေးသည် ဟု မစ္စတာ ခရောစာ ဂျုန်း က ဆိုသည်။

“ချမှတ်ထားတဲ့ စီးပွားရေး ပိတ်ဆို့မှုတွေ ရုတ်သိမ်းသွားရင် ရင်းနှီးမြှုပ်နှံမှုတွေ အများကြီး ဝင်လာဖို့ ရှိပါတယ်” ဟု ၎င်းက ဆိုသည်။

ကုမ္ပဏီ အနေဖြင့် Bagan Capital ဆိုသည့် အမည်ကို မှည့်ခေါ်ရခြင်းမှာ မြန်မာနိုင်ငံ၏ ပထမဆုံး မြို့တော်ဖြစ်သည့် ပုဂံမြို့သို့ အလည်အပတ် သွားရောက်စဉ်က နေရာအနှံအပြားတွင် စေတီပုထိုးများ မရေတွက် နိုင်လောက်အောင် တွေ့မြင်ရသည့် အချိန်တွင် လက်ရှိ မြန်မာနိုင်ငံ၏ စီးပွားရေး ပြုပြင် ပြောင်းလဲမှုများ စတင် ပြုလုပ်နေချိန် စီးပွားရေး ရင်းနှီးမြုပ်နှံမှုဆိုင်ရာ အခွင့်အလမ်းများစွာကို မြင်တွေ့နေရခြင်းကြောင့် ကုမ္ပဏီအား ပုဂံ ကယ်ပီတယ်ဟု မှည့်ခေါ်ရခြင်း ဖြစ်သည်ဟု ၎င်းက ရှင်းပြသည်။

“စီးပွားရေး ပိတ်ဆို့မှုတွေ အခုထိ ဆက်ရှိနေပါတယ်။ ဒါကြောင့် အရေးကြီးတဲ့ ငွေလုံးငွေရင်းတွေ ငွေကြေး ရင်းနှီးမြှုပ်နှံ မှု ဈေးကွက်တွေ မရှိသေးတာပါ။ ဒါပေမယ့် မြန်မာနိုင်ငံအနေနဲ့ အလားအလာ ကောင်းတွေ အလွန်များပါတယ်။ ဒါကြောင့်လည်း ကျနော်တို့ ကုမ္ပဏီအနေနဲ့ ရင်းနှီးမြှုပ်နှံမှု လုပ်နေသလို တခြားကုမ္ပဏီတွေကိုလည်း ရင်းနှီးမြုပ်နှံဖို့ အားပေးနေပါတယ်” ဟု ၎င်းက ဆိုသည်။

စီးပွားရေး ပိတ်ဆို့မှု ရုတ်သိမ်းရန်အတွက် ဥရောပနိုင်ငံများနှင့် အမေရိကန် ပြည်ထောင်စုတို့က ဧပြီလ ၁ရက် နေ့တွင် ပြုလုပ်သော ရွေးကောက်ပွဲကို စောင့်ကြည့်လျက် ရှိနေကြပြီး ရွေးကောက်ပွဲတွင် အမျိုးသား ဒီမိုကရေစီအဖွဲ့ချုပ်ကနေရာ ၄၅ နေရာ အနက် ၄၄ နေရာတွင် ဝင်ရောက်ယှဉ်ပြိုင်ရာ ၄၃ နေရာတွင် အနိုင် ရရှိခဲ့သည်။

ရွေးကောက်ပွဲ ကျင်းပပြီးနောက် တရက်တွင် မြန်မာနိုင်ငံအပေါ် စီးပွားရေး ပိတ်ဆို့ အရေးယူမှုများကို ရုတ်သိမ်းပေးရန်အတွက် အာဆီယံနိုင်ငံများက ခေါင်းဆောင်များက ကမ္ဘောဒီးယားနိုင်ငံတွင် ပြုလုပ်သာ ထိပ်သီးအစည်းအဝေးမှ ကြေညာချက် ထုတ်ပြန်ခဲ့သည်။

အမေရိကန် အစိုးရကလည်း မြန်မာနိုင်ငံအပေါ် ချမှတ်ထားသည့် ပိတ်ဆို့ အရေးယူမှု အချို့ကို လျှော့ပေးမမည်ဟု ဧပြီလ ၄ ရက်နေ့က ကြေညာချက် ထုတ်ပြန်လိုက်ပြီး၊ နိုင်ငံခြားရေး ဝန်ကြီး ဟီလာရီ ကလင်တန်ကလည်း ကျန်ရှိနေသေးတဲ့ ပိတ်ဆို့မှုများအား မြန်မာအစိုးရ၏ လုပ်ဆောင်ပုံကို ကြည့်၍ တဆင့်ချင်း ရုပ်သိမ်းပေးသွားဖို့ ရှိကြောင်း ပြောသည်။

မြန်မာနိုင်ငံဆိုင်ရာ အမေရိကန် သံအမတ်ကို ပြန်လည်ခန့်ထားမည် ဖြစ်ပြီး အမေရိကန်က ပြည်ပ ဖွံ့ဖြိုးရေး အထောက် အပံ့ ပေးနေသည့် USAID ရုံးဖွင့်ရန်၊ မြန်မာနိုင်ငံက ကုန်ပစ္စည်းတင်ပို့မှု ပိတ်ပင်ထားမှုကို တဖြည်းဖြည်းချင်း ပြန်ဖွင့်ပေးရန်၊ အမေရိကန်မှ ဘဏ္ဍာရေးနှင့် ရင်းနှီးမြှုပ်နှံမှု လုပ်ငန်းများ ပိတ်ပင်ထားမှုများကို ရုတ်သိမ်းပေးရန်တို့ ပါဝင်သည်။

သို့ရာတွင် ဒဏ်ခတ် ပိတ်ဆို့မှု အချို့ကို ဆက်လက်ထားရှိဦးမည် ဖြစ်ပြီး မြန်မာနိုင်ငံမှ ကျောက်မျက် တင်ပို့မှုကို ဆက်လက်ပိတ်ပင်ထားမည်ဟု ဆိုသည်။

ဥရောပ သမဂ္ဂ ခေါင်းဆောင်များကလည်း ၎င်းတို့အနေဖြင့်လည်း အလားတူ ဖြေလျှော့မှုများကို ပြုလုပ်မည် ဖြစ်ကြောင်း ဧပြီလ ၄ ရက်နေ့က ပြေကြားခဲ့ပြီး၊ ဗြိတိန် နိုင်ငံခြားရေးဝန်ကြီး ဝီလျံ ဟိတ်က ဥရောပသမဂ္ဂ အဖွဲ့ဝင်နိုင်ငံများသည် မြန်မာနိုင်ငံအပေါ် ပိတ်ဆို့မှုအချို့ကို ဖြေလျှော့ပေးဖွယ် ရှိသည်ဟု ဆိုသည်။

သို့ရာတွင် မြန်မာနိုင်ငံအပေါ် ကုန်သွယ်ရေး အရေးယူမှု အားလုံးကို ရုတ်ချည်း အလုံးစုံ ရုတ်သိမ်း ပေးမည့်သဘော သက်ရောက်မှု မရှိဟု ဆိုသည်။

ဧပြီလ ၂၃ ရက်နေ့တွင် လတ်ဇင်ဘတ်နိုင်ငံတွင် ကျင်းပမည် ဥရောပသမဂ္ဂ နိုင်ငံခြားရေး ဝန်ကြီးများ အစည်းအဝေး တွင် မြန်မာဆိုင်ရာ မူဝါဒကို ပြန်လည်သုံးသပ်မည် ဖြစ်ပြီး ဧပြီလ ၂၇ ရက်နေ့နှင့် ၂၈ ရက်နေ့များတွင် ကျင်းပမည့် အာဆီယံ-အီးယူ ထိပ်သီး ဆွေးနွေးပွဲတွင် မြန်မာနိုင်ငံအပေါ်တွင် စီးပွားရေးပိတ်ဆို့မှု ရုတ်သိမ်းရေး အဆိုကို ကမ္ဘောဒီးယားအစိုးရ ဝန်ကြီးက တင်သွင်းမည် ဖြစ်သည်။

မြန်မာ့ အရေးကို ဆွေးနွေးရာတွင် ရွေးကောက်ပွဲ ကျင်းပပုံနှင့် တခြား ပြုပြင်ပြောင်းလဲရေးများ ဖြစ်သော နိုင်ငံရေး အကျဉ်းသား လွတ်မြောက်ရေး၊ အတိုက်အခံ အင်အားစုများနှင့် တွေ့ဆုံဆွေးနွေးမှု၊ လူမျိုးစု လက်နက်ကိုင်များနှင့် ငြိမ်းချမ်းရေး အဖြေရှာမှု၊ စီးပွားရေး ပြုပြင်ပြောင်းလဲမှုများကို ထည့်သွင်း ဆွေးနွေးမည် ဖြစ်သည်။

ပိတ်ဆို့မှုများကို ဖွင့်ပေးလိုက်ပါက လက်နက်တင်သွင်းခွင့်၊ သစ်ခုတ်လှဲခွင့်နှင့် သတ္တု တူးဖော်ခွင့် ပိတ်ပင်ထားမှုများ၊ လူပုဂ္ဂိုလ် တယောက်ချင်းအလိုက် စီးပွားရေး ပိတ်ဆို့ထားမှုများကို ပြန်ရုပ်သိမ်းပြီး ဖွံ့ဖြိုးမှု အထောက်အပံ့များကိုလည်း ပိုမို ပေးအပ်သွားဖွယ် ရှိသည်။

“ကျနော်တို့ မြင်တွေ့နေရတာကတော့ ရင်းနှီးမြုပ်နှံမှုတွေက အမျိုးမျိုးရှိပါတယ်။ ရင်းနှီးမြုပ်နှံမှု ဒေါ်လာ ဘီလီယံချီ ဝင်လာမယ့် ရေနံနဲ့သဘာဝဓါတ်ငွေ့လုပ်ငန်းတွေကနေ စားသောက်ကုန် ထုတ်လုပ်တဲ့ ကုမ္ပဏီတွေကလည်း သူတို့ရဲ့ တန်ဖိုးနည်း စားသောက်ကုန်တွေကို လာရောင်းချင်နေကြတယ်။ နိုင်ငံခြား ခရီးသွား ဧည်သည့်တွေ အလုံးအရင်း ဝင်လာနေတဲ့ အတွက်လည်း ဟိုတယ်နှင့် ခရီးသွား လုပ်ငန်းများတွေမှာ ရင်းနှီးမြှုပ်နှံချင်နေကြတယ်” ဟု မစ္စတာ ခရောစာ ဂျုန်း က ဆိုသည်။

အမေရိကန် ပြည်ထောင်စုမှ GE ကုမ္ပဏီသည် ၎င်းတို့၏ ကုန်ပစ္စည်းများကို မြန်မာနိုင်ငံအတွင်း လာရောက် ရောင်းချရန် အတွက် ပြည်တွင်း ကုမ္ပဏီတခုနှင့် သဘောတူညီချက် လက်မှတ်ရေးထိုးပြီး ဖြစ်သည်ဟု ၎င်းက ဆိုသည်။

“ဒါက ဘာကို ပြနေသလဲဆိုတော့ အမေရိကန် ပြည်ထောင်စုရဲ့ စီးပွားရေး ပိတ်ဆို့မှုတွေ ရုတ်သိမ်းတော့မယ်ဆိုတာ ဒါမှမဟုတ် ဖြေလျှော့ပေးတော့မည် ဆိုတာကို ပြနေပါတယ်” ဟု ၎င်းက ဆိုသည်။ သို့ရာတွင် မြန်မာနိုင်ငံ၏ လက်ရှိ ရင်းနှီးမြှုပ်နှံမှုဆိုင်ရာ စည်းမျဉ်းစည်းကမ်းများသည် လုပ်ထုံးလုပ်နည်းများကို မကြာခဏ ပြောင်းနေ၍ မည့်သည့် စည်းမျည်းစည်းများ အမှန်ဖြစ်သည်၊ မည်သည့် လုပ်ထုံးလုပ်နည်းများကို လက်တွေ့ကျင့်သုံးနေသည်တို့ကို နားလည် သဘောပေါက်ရန်မှာ စိန်ခေါ်မှုတရပ် ဖြစ်နေသေးသည်ဟု ဆိုသည်။

“အခု လွှတ်တော်ထဲမှာ စီးပွားရေးနဲ့ သက်ဆိုင်တဲ့ လုပ်ထုံးလုပ်နည်းတွေ ဥပဒေကို ပြင်ဆင်ဖို့ ဆွေးနွေးနေတာကို
တွေ့ရပါတယ်။ ဒါက ကောင်းမွန်တဲ့ လက္ခဏာပါ။ လာမယ့်လတွေမှာ စီးပွားရေး ရင်းနှီးမြှုပ်နှံမှုတွေအတွက် သတင်းကောင်းတွေ ကြားရမယ်လို့ မျှော်လင့်ထားပါတယ်” ဟု ၎င်းက ဆိုသည်။

နိုင်ငံခြား ကုမ္ပဏီများသည် စီးပွားရေးဆိုင်ရာ အခြေခံဥပေဒေများ တည်ငြိမ်မှုကို လိုလားကြပြီး အငြင်းပွားမှုများ ဖြစ်လာပါကလည်း ဖြေရှင်းနိုင်မည့် နည်းစနစ်ကောင်းများကိုလည်း လိုလားလေ့ရှိသည်ဟု ၎င်းက ဆိုသည်။

ထိုကဲ့သို့ အရာများ ပြည့်စုံနေပါက မြန်မာနိုင်ငံတွင် သဘာဝ အရင်းအမြစ် ကြွယ်ဝမှုနှင့် လူသား အရင်းအမြစ်များ
ကြောင့် နိုင်ငံခြား ရင်းနှီးမြှုပ်နှံသူတွေ ငွေကြေးရှင်တွေ အနေနဲ့ အလွန်ပဲ စိတ်လှုပ်ရှားစရာ ကောင်းလိမ့်မည်ဖြစ်ပြီး၊ မြန်မာနိုင်ငံသည် မှန်ကန်သော လမ်းကြောင်းပေါ် ရောက်နေသည်ဟု ယူဆကြောင်း ၎င်းက ဆိုသည်။

“ကျနော်တို့ အနေနဲ့ မြန်မာနိုင်ငံမှာ နိုင်ငံခြား ရင်းနှီးမြုပ်နှံမှု ပြုလုပ်မယ့် ကော်ပိုရေးရှင်းကြီးတွေကို အကြံပေးချင် တာကတော့ မြန်မာနိုင်ငံမှာ ရင်းနှီးမြှုပ်နှံပြီး လုပ်ငန်းလုပ်ကိုင်ဖို့အတွက် စိတ်ရှည်ဖို့ လိုအပ်ပါတယ်။ အချိန်တိုအတွင်းမှာ အကျိုးအမြတ် ရရှိနိုင်တဲ့ ဈေးကွက်မျိုး မဟုတ်တာကိုတော့ သိစေချင်ပါတယ်” ဟု ၎င်းက ဆိုသည်။

ပုဂံ ကယ်ပီတယ် သည် နိုင်ငံခြား ကုမ္ပဏီများနှင့် သာမက မြန်မာကုမ္ပဏီများနှင့်ပါ လက်တွဲလုပ်ကိုင်နေ ပြီး၊ ကုမ္ပဏီထံ တိုက်ရိုက်နှင့် ကုမ္ပဏီ၏ တွဲဖက် ဖြစ်သော မြန်မာ စီးပွားရေး ကွန်ယက် (Myanmar Business Network) ထံသို့ မြန်မာနိုင်ငံအတွင်း ရင်းနှီးမြုပ်နှံရန် စိတ်ဝင်စားသည့် ကုမ္ပဏီပေါင်း တစ်ရက်လျှင် တစ်ဒါဇင် ကျော်ခန့် စုံစမ်းမေးမြန်းမှုများ ပြုလုပ်နေသည်ဟု ၎င်းက ဆိုသည်။

ပုဂံ ကယ်ပီတယ်၏ ဒါရိုက်တာ တဦးဖြစ်သူ မြန်မာစီးပွားရေးကွန်ယက် (MBN) ဝဘ်ဆိုဒ်ကို တည်ထောင်သူ အီဗီလင် ပက်ကော့ ကလည်း “ကျနော်တို့ဆီကို စုံးစမ်းမေးမြန်းမှုတွေ တနေ့ထက် တနေ့ တိုးလာနေပါတယ်။ နိုင်ငံပေါင်းစုံကပါ။ အရှေ့ဥရောပ၊ လက်တင်အမေရိကနဲ့ အာဖရိကတိုက် က ကုမ္ပဏီတွေပါ ပါပါတယ်” ဟု ဆိုသည်။

ပုဂံ ကယ်ပီတယ် ကုမ္ပဏီ၏ ဝန်ထမ်းအဖွဲ့ဝင်များသည် မြန်မာနိုင်ငံနှင့် ဟောင်ကောင်တို့တွင် အသီးသီး တာဝန် ထမ်းဆောင်လျက် ရှိနေကြပြီး၊ ရန်ကုန်တွင် ဝန်ထမ်း အင်အား တိုးချဲ့ရန်အတွက် အရည်အချင်းရှိသော ဝန်ထမ်းများကို ရှာဖွေလျက် ရှိသည်ဟုလည်း ဆိုသည်။

source by : http://www.mizzimaburmese.com

အပြည့်အစုံ ဖတ်ရန် ...

Wednesday, April 4, 2012

ကြားဖြတ်ရွေးကောက်ပွဲအား ၈၈ နှင့် NCUB ကြိုဆို၊ ဗကပ အကြံပြု

ကိုပေါက်| ကြားဖြတ်ရွေးကောက်ပွဲနှင့် ပတ်သက်၍ ပြည်တွင်းပြည်ပမှ ကြေညာချက်ဖြင့် သဘောထားများ ထုတ်ပြန်ကြရာတွင် ပြည်တွင်းမှ ၈၈ မျိုးဆက် ကျောင်းသားများ၊ ထိုင်း-မြန်မာ အခြေစိုက် ပြည်ထောင်စုမြန်မာနိုင်ငံ အမျိုးသားကောင်စီ NCUB နှင့် တရုတ်-မြန်မာ နယ်စပ်ရှိ ဗကပ တို့လည်း ပါဝင်သည်။

“ယခု ရွေးကောက်ပွဲရလဒ်သည် ပြည်သူများအနေဖြင့် ဒေါ်အောင်ဆန်းစုကြည်နှင့် အမျိုးသားဒီမိုကရေစီ အဖွဲ့ချုပ်အပေါ် ယုံကြည် အားကိုးမှုကို ပြသခြင်း” ဖြစ်ကြောင်း အင်္ဂါနေ့ထုတ် ၈၈ ကျောင်းသားများက ရှုမြင်ပြီး “အမျိုးသားဒီမိုကရေစီအဖွဲ့ချုပ်၏ အောင်မြင်မှုအတွက် ဝမ်းမြောက်ဂုဏ်ယူကြောင်း” လည်း ဖော်ပြပါရှိသည်။

NCUB၏ ‘ကြားဖြတ် ရွေးကောက်ပွဲမှ တနိုင်ငံလုံး အပစ်အခတ် ရပ်စဲရေး ဆီသို့’ ခေါင်းစဉ်တပ် ကြေညာချက်တွင်မူ တနင်္ဂနွေနေ့ ရွေးကောက်ပွဲ ရလဒ်အား “လှိုက်လှဲစွာ ကြိုဆိုဂုဏ်ပြု”လိုက်ပြီး ငြိမ်းချမ်းရေး အမျိုးသားပြန်လည် သင့်မြတ်ရေးတို့အတွက် နောက်တဆင့် တက်လှမ်းနိုင်မည့် အနေအထားသို့ ရောက်ရှိလာပြီဟု ဆိုသည်။

ဦးသိန်းစိန် အစိုးရ အနေဖြင့် “နိုင်ငံအဝှမ်း အပစ်အခတ် ရပ်စဲရေး လုပ်ရန်နှင့် တနိုင်ငံလုံးလွှမ်းခြုံသည့် လွတ်ငြိမ်း ချမ်းသာခွင့် ထုတ်ပြန်ခြင်း” များ လုပ်ရန် NCUB က အင်္ဂါနေ့ထုတ် ကြေညာချက်တွင် တိုက်တွန်းထားသည်။

ထို့အပြင် နိုင်ငံတကာ အကူအညီပေးသူများနှင့်ပတ်သက်၍ “လူထုအနေဖြင့် ချက်ချင်း အလုပ်အကိုင် ရရှိစေမည့် နိုင်ငံဖွံ့ဖြိုးမှုအတွက် အခြေခံအဆောက်အအုံများ တည်ဆောက်ခြင်း” ကိစ္စရပ်များနှင့် “ပြည်တွင်း ရေကြောင်းလမ်းနှင့် မီးရထားလမ်းစနစ်များ ခိုင်မာအောင် တည်ဆောက်ခြင်း” များအတွက် အကူအညီပေးသည့်ကြောင်းလည်း NCUB မှ အင်္ဂါနေ့ထုတ် ကြေညာချက်မှာပင် အကြံပြုထားသည်။

NCUB ကို တိုင်းရင်းသားလက်နက်ကိုင် အဖွဲ့အစည်းများ၊ ၁၉၉ဝ လွှတ်တော် ကိုယ်စားလှယ်များ၊ ထိုင်း-မြန်မာ နယ်စပ်အခြေစိုက် ဒီမိုကရက်တစ် အတိုက်အခံများဖြင့် စုပေါင်းဖွဲ့စည်းထားသည်။ ဗမာပြည်ကွန်မြူနစ်ပါတီ (ဗကပ) အနေဖြင့် ဧပြီလ ၁ ရက်နေ့ ကြားဖြတ်ရွေးကောက်ပွဲမှ “ရဲရင့်တဲ့ ပြည်သူ၊ စစ်အာဏာရှင်ကို မုန်းတီးတဲ့ ပြည်သူရဲ့ ဆန္ဒကို အထင်အရှား မြင်လိုက်ရပါတယ်”ဟု သဘောထားထုတ်ပြန်ထားသည်။

ဗကပ အနေဖြင့် အုပ်စိုးသူ အစိုးရအဆက်ဆက်နှင့် နှစ်ပေါင်း ၇ဝ နီးပါး ဆက်ဆံခဲ့ဖူးသဖြင့် NLD အနေဖြင့်လည်း သတိထားလျှောက်လှမ်းသွားစေလိုကြောင်း ပြောရေးဆိုခွင့်ရှိသူ ရဲဘော်ဖိုးသံချောင်း က ဆိုသည်။

“အခု နိုင်လိုက်တာဟာ လွှတ်တော်ထဲမှာ အများစု မဟုတ်သေးတဲ့အတွက် ဗိုလ်သိန်းစိန်တို့က ကြည်ကြည်ဖြူဖြူ လက်ခံလို့ရတယ်။ ဒါပေမယ့် နောက်ရွေးကောက်ပွဲကျရင် ပြဿနာက အဲလိုမဟုတ်တော့ဘူး။ အဲလိုမဖြစ်အောင် စစ်အစိုးရဟာ တခုခု လုပ်လာနိုင်တယ်။ အခြေခံဥပဒေကလည်း သူတို့ကို လုပ်ချင်တာလုပ်ဖို့ ခွင့်ပြုထားတော့ အဲဒါတွေကို သတိပြုရမယ်လို့ ကျနော်တို့က အကြံပေးတာပါ” ဟု မဇ္ဈိမကို ပြောသည်။

ယခု ကျင်းပပေးလိုက်သည့် ကြားဖြတ်ရွေးကောက်ပွဲမှာ ပိတ်ဆို့အရေးယူမှုများ ပြုလုပ်ထားသည့် အနောက်နိုင်ငံများ အား ဆွဲဆောင်နိုင်ရန်အတွက် ဖြစ်ကြောင်းလည်း သူက ပြောသည်။

“ဘာကြောင့်လဲဆို လွှတ်တော်ထဲမှာ သိပ်ကို ကြီးမားတဲ့ အများစုကြီးကို သူတို့က ပိုင်ပိုင်နိုင်နိုင် ရထားပြီးဖြစ်တယ်။ အဲတော့ အကုန်လုံးကို ဖြစ်သင့်တဲ့အတိုင်းပဲ လွှတ်ပေးထားလိုက်ပြီးတော့ နာမည်ကောင်း ယူလိုက်တဲ့ ဟာမျိုးလို့ပဲ ပြောချင်ပါတယ်။

တနည်းပြောရရင် ဗိုလ်သိန်းစိန်တို့အတွက် ကတော့ သူတို့ ရည်မှန်းချက် အောင်မြင် သွားတယ်လို့ ပြောလို့ရပါတယ်” ဟု ရဲဘော်ဖိုးသံချောင်း က ပြောသည်။

NLD အနေဖြင့် အခြေခံဥပဒေ ပြင်ဆင်ရေးကို လွှတ်တော်တွင်းမှ ဆောင်ရွက်သွားမည် ဆိုသည်ကို မဆန့်ကျင်သော်လည်း “၆ ရာခိုင်နှုန်း အခြေအနေနဲ့တော့ လွှတ်တော်တွင်း လုပ်ငန်းတခုတည်းနဲ့ လုံးဝ မဖြစ်နိုင်ပါဘူး။ တခြားနည်းနာတွေနဲ့ ပေါင်းစပ်မှ၊ ဒါမှမဟုတ်ရင် လွှတ်တော်ထဲမှာ ကိုယ်က အများစု ရလာအောင် လုံးပမ်းမှ။ အဲဒါကလည်း စစ်အာဏာရှင်များက ခွင့်ပြုကောင်းမှ ခွင့်ပြုပါလိမ့်မယ်။

အဲဒါကြောင့် နည်းနာပေါင်းစုံ ပေါင်းစပ်ရမယ်လို့ ထင်ပါတယ် ခင်ဗျ” ဟု ဗကပ ၏ သဘောထားကို ထင်ဟပ်ပြောဆိုသွားသည်။

source by : http://www.mizzimaburmese.com

အပြည့်အစုံ ဖတ်ရန် ...

ပြည်ထောင်စု လွှတ်တော်တွင် NLD ကိုယ်စားလှယ် ၆.၄% ရှိမည်

မျိုးသန့်၊ကိုပေါက်| ကြားဖြတ် ရွေးကောက်ပွဲ အနိုင်ရရှိမှု ရလဒ် များအား ပြည်ထောင်စု ရွေးကောက်ပွဲ ကော်မရှင်မှ အင်္ဂါနေ့ ညနေတွင် ပြီးသတ် ကြေညာ လိုက်ပြီးနောက် တွက်ချက် ရရှိသည့် စာရင်းများအရ နေပြည်တော်ရှိ ပြည်ထောင်စု လွှတ်တော်တွင် အမျိုးသား ဒီမိုကရေစီ အဖွဲ့ချုပ် NLD ကိုယ်စားလှယ် ၆.၄ ရာခိုင်နှုန်း ရရှိမည်ဖြစ်သည်။

ရွေးကောက်ပွဲကော်မရှင်၏ အင်္ဂါနေ့ကြေညာချက်အရ အနိုင်ရရှိသူ ငါးဦးတွင် NLD ကိုယ်စားလှယ် သုံးဦး ထပ်မံ ပါဝင် လာသည်။

ပြည်သူ့လွှတ်တော်အတွက် တနင်္သာရီတိုင်း ကျွန်းစုမြို့နယ်မှ ဒေါ်တင်တင်ရီနှင့် စစ်ကိုင်းတိုင်း မင်းကင်းမြို့နယ်တို့မှ ဒေါ်ခင်မွှေးလွင်တို့ အရွေးချယ်ခံရပြီး စစ်ကိုင်းတိုင်း အမျိုးသားလွှတ်တော် အမှတ် ၃ အတွက် ဒေါက်တာမြင့်နိုင် က NLD ကိုယ်စားလှယ်များအဖြစ် အရွေးချယ် ခံရခြင်း ဖြစ်သည်။

Nldpalaman1

တနင်္လာနေ့က ထုတ်ပြန်သည့် ကော်မရှင်၏ ကြေညာချက်အရ ပြည်သူ့လွှတ်တော် မဲဆန္ဒနယ်မြေ ၃၅ နေရာ၊ အမျိုးသား လွှတ်တော် သုံးနေရာနှင့် တိုင်းဒေသကြီးလွှတ်တော် နှစ်နေရာတို့တွင် NLD က အနိုင် ရရှိထားပြီး ဖြစ်သည်။

ကြားဖြတ်ရွေးကောက်ပွဲတွင် ၄၄ နေရာ ဝင်ရောက်ယှဉ်ပြိုင်ခဲ့သည့် NLD ပါတီသည် ပြည်သူ့လွှတ်တော် ၃၇ နေရာ၊ အမျိုးသား လွှတ်တော် ၄ နေရာနှင့် တိုင်းဒေသကြီး လွှတ်တော် ၂ နေရာတို့တွင် အနိုင် ရရှိခဲ့ခြင်းဖြစ်သည်။

၂ဝ၁ဝ ရွေးကောက်ပွဲအတွင်း အမျိုးသား ဒီမိုကရေစီ အင်အားစုပါတီမှ ဝင်ရောက်ယှဉ်ပြိုင် အနိုင်ရခဲ့သည့် အမျိုးသား လွှတ်တော်အမတ် ဒေါက်တာမြတ်ဉာဏစိုးမှာ NLD သို့ ကူးပြောင်းလာ၍ NLD အတွက် အမျိုးသားလွှတ်တော် အမတ်နေရာ ၅ နေရာ ရရှိမည် ဖြစ်သည်။

ထို့ကြောင့် NLD ၏ လွှတ်တော်အမတ် စုစုပေါင်းမှာ ၄၄ ယောက် ရှိနေသည်။

ထို NLD လွှတ်တော်ကိုယ်စားလှယ် ၄၄ ဦးအနက် နှစ်ဦးမှာ ပဲခူးနှင့်ဧရာဝတီ တိုင်းဒေသကြီး လွှတ်တော်များတွင် တက်ရောက်ကြမည်ဖြစ်ပြီး ကျန် ၄၂ ဦးသာ နေပြည်တော်ရှိ ပြည်ထောင်စု လွှတ်တော်တွင် တက်ရောက် ကြမည် ဖြစ်သည်။

နေပြည်တော်ရှိ ပြည်ထောင်စုလွှတ်တော်တွင် အခြေခံဥပဒေအရ အမျိုးသားလွှတ်တော် ကိုယ်စားလှယ် ၂၂၄ ဦးနှင့် ပြည်သူ့ လွှတ်တော် ကိုယ်စားလှယ် ၄၄၀ ဦး ရှိရမည် ဖြစ်သော်လည်း လက်တွေ့တွင်မူ အမျိုးသားလွှတ်တော် ကိုယ်စားလှယ် ၂၂၄ ဦးနှင့် ပြည်သူ့လွှတ်တော် ကိုယ်စားလှယ် ၄၃၂ ဦးသာ ရှိနေ မည် ဖြစ်သည်။

လွှတ်တော်နှစ်ရပ်ပေါင်း ပြည်ထောင်စုလွှတ်တော်အနေဖြင့် ၆၅၆ ဦး ရှိမည် ဖြစ်သည်။

ထို့ကြောင့် အသစ်ခေါ်ယူမည့် ပြည်ထောင်စုလွှတ်တော်တွင် NLD လွှတ်တော် ကိုယ်စားလှယ် ၄၂ ဦးမှာ ၆.၄ ရာခိုင်နှုန်း အဖြစ် ပါဝင် ကိုယ်စားပြုနေမည် ဖြစ်သည်။

ကော်မရှင်၏ အင်္ဂါနေ့ ထုတ်ပြန်ကြေညာချက်အရ ရှမ်းပြည်နယ် အမျိုးသားလွှတ်တော် မဲဆန္ဒနယ် ၃ တွင် ရှမ်းတိုင်းရင်းသားများ ဒီမိုကရက်တစ်ပါတီမှ ဦးစိုင်းစံမင်း က လည်းကောင်း၊ စစ်ကိုင်းတိုင်း အမျိုးသားလွှတ်တော် မဲဆန္ဒနယ် ၇ တွင် ကြံ့ခိုင်ရေးပါတီမှ ဦးတင်မြ ကလည်းကောင်း အသီးသီး အနိုင်ရရှိသွားကြသည်။

source by : http://www.mizzimaburmese.com

အပြည့်အစုံ ဖတ်ရန် ...

Tuesday, April 3, 2012

ကမ္ဘာကျော် Time မဂ္ဂဇင်းကြီးရဲ့ ကမ္ဘာ့သြဇာ တိက္ကမကြီးသူ ပုဂ္ဂိုလ်(၁၀၀)ဦးအတွက် လူထုခေါင်းဆောင် ဒေါ်အောင်ဆန်းစုကြည်ကို မဲပေးကြပါ

ဓာတ်ပုံ ကိုဖိုးထောင်..


ခွပ်ဒေါင်းမိခင်ကို ဒီမှာ ထပ်ပြီးမဲပေးမယ်...

ကမ္ဘာကျော် Time မဂ္ဂဇင်းရဲ့ ၂၀၁၂အတွက် ကမ္ဘာ့သြဇာ တိက္ကမကြီးသူ ပုဂ္ဂိုလ်(၁၀၀)ဦးအတွက် ကျွန်တော်တို့ရဲ့ အမေစုကို ဒီမှာ မဲပေးကြမယ်။

ဧပြီ(၆)ရက် နောက်ဆုံးဖြစ်ကြောင်း သိရှိရပါတယ်..။

အောက်ကလင့်ခ်မှာ Definitelyကိုနှိပ်ပြီး Submit လုပ်ပေးပါ..။
အမြန်သွားရောက် မဲပေးကြပါ...။

အပြည့်အစုံ ဖတ်ရန် ...

“ဇေယျတုပါ အမေစုရာ”

၁။ ကုန်လွန်ခဲ့သည့် အနှစ်နှစ်ဆယ်
ပေးဆပ်ခဲ့သည့် အမေ့ချွေး
ပန်းနှယ်ယမင်း
ရနံ့သင်းနေဆဲပါ အမေ။

၂။ ကုန်လွန်ခဲ့သည့် အနှစ်နှစ်ဆယ်
ပေးဆပ်ခဲ့သည့် အမေ့သွေး
ပြည်သူ့ရင်ထဲ စီးဆင်းနေဆဲပါ အမေ။

၃။ ကုန်လွန်ခဲ့သည့် အနှစ်နှစ်ဆယ်
ပေးဆပ်ခဲ့သည့် အမေ့ဘ၀
စစ်ဖိနပ်ဒဏ်ရာများ
စစ်ဘက်နက်ဒဏ်ရာများ
စစ်သေနတ်ဒဏ်ရာများ
ပြည်သူ့ချွေးတွေနဲ့ ဆေးကြော
ပြည်သူ့မျက်ရည်နဲ့ ယုယ
ပြည်သူ့သွေးတွေနဲ့ ကုသ
အမေ နေသာပါပြီလား အမေ။

၎။ ၂၀၁၂-ရဲ့ ဧပြီလ
ဧပြီညရဲ့ တန်ခူးလ
အဘိုးတွေလည်း ပျော်ကြ
အဘွားတွေလည်း ပျော်ကြ
အမျိုးသားတွေလည်း ပျော်ကြ
အမျိုးသမီးတွေလည်း ပျော်ကြ
လူငယ်တွေလည်း ပျော်ကြ
လူရွယ်တွေလည်း ပျော်ကြ
ကျောင်းသားတွေလည်း ပျော်ကြ
ကျောင်းသူတွေလည်း ပျော်ကြ
ကလေးတွေလည်း ပျော်ကြ
လူကြီးတွေလည်း ပျော်ကြ
စာသင်သားတွေလည်း ပျော်ကြ
စာချဆရာတွေလည်း ပျော်ကြ
ပြည်သူတွေလည်း ပျော်ကြ
သံဃာတွေလည်း ပျော်ကြ။

၅။ အသက်အရွယ် မတူညီကြပေမယ့်
တူညီတာ တစ်ခုရှိတယ်။
အဆင့်အတန်းတွေ မတူညီကြပေမယ့်
တူညီတာ တစ်ခုရှိတယ်။
အမျိုးအနွယ် မတူညီကြပေမယ့်
တူညီတာ တစ်ခုရှိတယ်။
ဘာသာတရား မတူညီကြပေမယ့်
တူညီတာ တစ်ခုရှိတယ်။
အဲဒါဟာ “အမေစု”ဆိုတဲ့ ဟစ်ကြွေးသံပါပဲ။
NLD-နိုင်ပြီ။
အမေစု နိုင်ပြီ-တဲ့ အမေ။

၆။ သူတို့ပျော်မြူး သားကြည်နူး
သူတို့အက သားဘ၀
အပျော်တွေ ကူးစက်ခံရပေမယ့်
မျက်ရည်စက်တို့ ဝေ့ကာဝဲ။
အမေလည်း ဒီလိုနေမှာပဲနော်။

၇။ လေးဆယ်ကျော် နေရာအတွက် ဒီပျော်ပွဲ
မရေရာတဲ့ နေရာလေးတွေ အတွက်နဲ့တောင်
ပြည်သူတွေ ဒီလောက်တောင် ပျော်ကြရင်
အထွေထွေ ရွေးကောက်ပွဲကြီးမှာ
အမှတ်အသာနဲ့ နိုင်ခဲ့ရင်
နိုင်ငံတစ်ဝှမ်းလုံး ခြိမ့်ခြိမ့်သဲ
ပြည်သူတစ်ရပ်လုံး ပျော်ရွှင်ပွဲ
အားခဲလို့ နွှဲပုံများ
ရှုစားရမည့် ထိုအချိန်
အမေ့အတွက် သားဆုတောင်း
“ဇေယျတုပါ အမေစုရာ”
“အောင်ပါစေဗျာ အောင်စေဗျာ”

ဦးပဉ္စင်းဝီရသူ



source by : http://www.naytthit.net

အပြည့်အစုံ ဖတ်ရန် ...

Monday, April 2, 2012

Daw Aung San Suu Kyi's Victory Speech (English)



source by : http://www.youtube.com/user/voaclips

အပြည့်အစုံ ဖတ်ရန် ...

ကြားဖြတ်ရွေးကောက်ပွဲ အောင်မြင်မှု သမ္မတ အိုဘားမား မြန်မာနိုင်ငံသားတွေကို ချီးကျူး

မြန်မာ့ ကြားဖြတ် ရွေးကောက်ပွဲနဲ့ ပတ်သက်ပြီး အမေရိကန်သမ္မတ အိမ်ဖြူတော်ကနေ့ ကြေငြာချက်တစောင် ထုတ်ပြန်လိုက်ပါတယ်။

အမေရိကန် ပြည်ထောင်စုအနေနဲ့ မြန်မာနိုင်ငံက ကြားဖြတ်ရွေးကောက်ပွဲ အထမြောက်အောင် ၀ိုင်းဝန်း ကူညီ မဲပေးခဲ့ကြတဲ့ မြန်မာပြည်သူ ပြည်သားတွေကို ချီးကျူး ဂုဏ်ပြုလိုက်ပါတယ်။

ဒါ့အပြင် မြန်မာ့ဒီမိုကရေစီအရေးခေါင်းဆောင် ဒေါ်အောင်ဆန်းစုကြည်နဲ့ NLD အမျိုးသားဒီမိုကရေစီအဖွဲ့ချုပ် ပါတီရဲ့ အောင်မြင်မှုကိုလည်း ချီးကျူး ဂုဏ်ယူပါကြောင်း ပြောဆိုလိုက်ပါတယ်။

ဒီကြားဖြတ်ရွေးကောက်ပွဲဟာ မြန်မာ့ဒီမိုကရေး အသွင်ကူးပြောင်းမှုမှာ အရေးကြီးတဲ့ ခြေလှမ်းတရပ်ဖြစ်ပြီးတော့ ဒါဟာ မြန်မာအစိုးရကနေ ကျယ်ကျယ် ပြန့်ပြန့် ပွင့်လင်းလာတာ၊ ထင်သာ မြင်သာ ရှိလာတာနဲ့ ပြုပြင် ပြောင်းလဲရေး လမ်းကြောင်းပေါ်ကို ဆက်လက် လျှောက်လှမ်းဖို့ ရည်ရွယ်တဲ့ လက္ခဏာ တရပ်ဖြစ်လိမ့်မယ်လို့ မျှော်လင့်တဲ့အကြောင်းနဲ့ အိမ်ဖြူတော်က ဒီကနေ့ နေ့စွဲနဲ့ ကြေငြာချက် ထုတ်ပြန်လိုက်ပါတယ်။

အမေရိကန် နိုင်ငံခြားရေးဝန်ကြီး ဟီလာရီ ကလင်တန် ကလည်း မဲပေးခဲ့ကြတဲ့ မြန်မာပြည်သူ ပြည်သားတွေကို ချီးကျူးလိုက်ပြီး ရွေးကောက်ပွဲကို ကြိုဆိုကြောင်းနဲ့ ဒီမိုကရေစီရေး ပြုပြင် ပြောင်းလဲမှုတွေကို ထောက်ခံကြောင်း မနေ့က တနင်္ဂနွေနေ့က ပြောဆိုလိုက်ပါတယ်။


နားဆင်ရန်

source by : http://www.voanews.com

အပြည့်အစုံ ဖတ်ရန် ...

ဒေါ်အောင်ဆန်းစုကြည်ကို ဘဂါဝမ် မဟာဗီယာ ကမ္ဘာ့ငြိမ်းချမ်းရေးဆု ချီးမြှင့်

ငြိမ်းချမ်းရေးအတွက် ဆောင်ရွက်နေတဲ့ အိန္ဒိယအခြေစိုက် ဟိန္ဒူဘာသာဝင် အဖွဲ့အစည်းကြီးတစ်ခုက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ဘဂါဝမ် မဟာဗီယာ ကမ္ဘာ့ငြိမ်းချမ်းရေးဆု ဒီကနေ့ ချီးမြှင့်လိုက်ပါတယ်။

ငြိမ်းချမ်းရေးအတွက် ဆောင်ရွက်နေသူတွေနဲ့ အထင်ကရ ပုဂ္ဂိုလ်တွေကို နှစ်စဉ်ပေးအပ် ချီးမြှင့်လေ့ရှိတဲ့ ဒီဆုကို ဒီနှစ်အတွက် ဒေါ်အောင်ဆန်းစုကြည်ကို ရွေးချယ်ခဲ့တာဟာ မြန်မာ့ ဒီမိုကရေစီရေးအတွက် အိန္ဒိယနဲ့ ဆက်ဆံရေးမှာ အလားအလာကောင်းတစ်ခု ဖြစ်တယ်လို့ အိန္ဒိယအခြေစိုက် ၁၉၉၀ ရွေးကောက်ပွဲအနိုင်ရ NLD လွှတ်တော် ကိုယ်စားလှယ် ဒေါက်တာတင့်ဆွေက ပြောပါတယ်။

ဘဂါဝမ် မဟာဗီယာ ကမ္ဘာ့ငြိမ်းချမ်းရေးဆုကို အိန္ဒိယနိုင်ငံ အနောက်ပိုင်း ပူနေး ( PUNE) မြို့ အခြေစိုက် Sarhad အဖွဲ့ကြီးက ပေးအပ်တာဖြစ်ပါတယ်။ ဆုအတွက် အိန္ဒိယရူပီးငွေ ၁၁ သိန်း ချီးမြင့်မှာ ဖြစ်ပါတယ်။

ဆုပေးအပ်ချီးမြှင့်ပွဲ အခမ်းအနားအတွက် ရက်အတိအကျ မသတ်မှတ်ရသေးပေမဲ့ ဆုလက်ခံရယူဖို့ အိန္ဒိယသမ္မတကိုယ်တိုင် ဒေါ်အောင်ဆန်းစုကြည်ကို ဖိတ်ကြားမှာဖြစ်တယ်လို့ သိရပါတယ်။


source by : http://www.rfa.org

အပြည့်အစုံ ဖတ်ရန် ...

“ကျွန်မတို့ရဲ့ အောင်ပွဲဟာ တကယ်တော့ ပြည်သူတွေရဲ့ အောင်ပွဲပါပဲ” (ရုပ်/သံ)

ကျွန်မတို့ရဲ့အောင်ပွဲဟာ တကယ်တော့ ပြည်သူတွေရဲ့ အောင်ပွဲ ပါဟု ဒေါ်အောင်ဆန်းစုကြည်က အဖွဲ့ချုပ် ရုံးရှေ့တွင် လာရောက်အားပေးသော လူထုကြီးကို ဧပြီလ ၂ ရက် မနက် ပိုင်းက ပြောလိုက်ပါတယ်။



source by : http://www.youtube.com/user/BurmaVJMedia

အပြည့်အစုံ ဖတ်ရန် ...

Sunday, April 1, 2012

သိက္ခာရှိတဲ့ အောင်ပွဲဖြစ်ဖို့ ဒေါ်စု သတိပေး


တနင်္ဂနွေနေ့ ကြားဖြတ် ရွေးကောက်ပွဲမှာ ဒေါ်အောင်ဆန်းစုကြည် အနိုင်ရတယ်လို့ ဆိုပြီး အမျိုးသား ဒီမိုကရေစီအဖွဲ့ချုပ် NLD ပါတီ ကို ထောက်ခံသူတွေ အောင်ပွဲခံ ပျော်ရွှင် နေကြချိန်မှာ ပြည်သူတွေရဲ့ ပျော်ရွှင်မှုကနေ တဘက် အဖွဲ့အစည်းနဲ့ ပုဂ္ဂိုလ်တွေကို ထိခိုက်စေမယ့် အပြောအဆို အမူအရာတွေ မဖြစ်စေဖို့ ပါတီ ခေါင်းဆောင် ဒေါ်အောင်ဆန်းစုကြည် က သတိပေးစာ ထုတ်ပြန် လိုက်ပါတယ်။

တချိန်တည်းမှာလည်း ရွေးကောက်ပွဲ ဖြစ်စဉ်တလျှောက် ပါဝင်ခဲ့ကြတဲ့ ပြည်သူတွေကို အမေရိကန်က ချီးကျူးလိုက်သလို မြန်မာနိုင်ငံ ပြုပြင်ပြောင်းလဲရေးအတွက် ဆက်လက် ကူညီအားပေးသွားမယ့် အကြောင်းလည်း အမေရိကန်နိုင်ငံခြားရေးဝန်ကြီးက ပြောဆိုပါတယ်။ မခင်ဖြူထွေးက အပြည့်စုံ တင်ပြထားပါတယ်။

အခုနောက်ဆုံး ထွက်ပေါ်လာတဲ့ ရွေးကောက်ပွဲ ရလဒ်တွေအရ ရန်ကုန်တိုင်း တောင်ပိုင်း ကော့မှူးမြို့ မဲဆန္ဒနယ်မှာ ဒေါ်အောင်ဆန်းစုကြည် အနိုင်ရရှိခဲ့သလို၊ NLD ပါတီက ၀င်ရောက်ယှဉ်ပြိုင်တဲ့ ၄၄ နေရာမှာ မဲဆန္ဒနယ် အများစုကို အနိုင်ရနေပြီလို့ ဆိုပြီး NLD ပါတီကို ထောက်ခံသူတွေ ၀မ်းသာအားရ အောင်ပွဲ ဆင်နွှဲနေကြတာပါ။ ရန်ကုန်မြို့မှာ ရာပေါင်းများစွာသော လူထုတွေ လမ်းမတွေပေါ်ကို ထွက်ပြီး ကြွေးကြော်သံတွေနဲ့ သီချင်းတွေဆို၊ အော်ဟစ်ကခုန်ပြီး NLD ပါတီအတွက် အောင်ပွဲခံခဲ့ကြတာ ဖြစ်ပါတယ်။

ဒီအချိန်မှာပဲ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က လူထုကို အသိပေးချက်တစ်စောင် ထုတ်ပြန်လိုက်ပါတယ်။ NLD ပါတီ အနိုင်ရတဲ့အတွက် ပြည်သူလူထုတွေ ပျော်ရွှင်ကြတာ သဘာဝ ကျပါတယ်၊ ဒါပေမဲ့ တဘက်အဖွဲ့အစည်းနဲ့ ပုဂ္ဂိုလ်တွေကို စိတ်ထိခိုက်၊ စိတ်မကောင်းဖြစ်စေမယ့် အပြောအဆို အမူအရာ၊ အလုပ်အကိုင်တွေကိုတော့ လုံးဝ ရှောင်ရှားကြဖို့နဲ့ ပြည်သူရဲ့ အောင်မြင်မှုဟာ သိက္ခာရှိတဲ့ အောင်မြင်မှု ဖြစ်ဖို့ ပါတီဝင်အားလုံးက အထူးသတိပြုစေလိုတယ်လို့ ဆိုပြီးတော့ ဒေါ်အောင်ဆန်းစုကြည်က ကြေညာချက် ထုတ်ပြန် သတိပေးလိုက်တာ ဖြစ်ပါတယ်။

တချိန်တည်းမှာလည်း မြန်မာနိုင်ငံ ကြားဖြတ် ရွေးကောက်ပွဲနဲ့ပတ်သက်လို့ သတိနဲ့ အကောင်းမြင်တဲ့အကြောင်း အီစတန်ဘူလ်မြို့မှာ အစည်းအဝေး တက်ရောက်နေတဲ့ အမေရိကန် နိုင်ငံခြားရေးဝန်ကြီး ဟီလာရီကလင်တန်က တနင်္ဂနွေနေ့က ပြောခဲ့ပါတယ်။

“မြန်မာနိုင်ငံနဲ့ ပတ်သက်လို့ ကျမ စကား နည်းနည်းပြောချင်ပါတယ်။ ဒီကနေ့ ကျင်းပတဲ့ လွှတ်တော် ရွေးကောက်ပွဲကို ကျမ စိတ်ဝင်တစား စောင့်ကြည့်နေတာပါ။ ရလဒ်တွေကို တရားဝင် ထုတ်ပြန် မကြေညာသေးပေမဲ့ ဒီရွေးကောက်ပွဲမှာ ပါဝင်ဆင်နွှဲခဲ့ကြတဲ့ မြန်မာပြည်သူတွေ…. ဒီလူတွေအများစုက ပထမဆုံးအကြိမ် ပါဝင်ခဲ့ကြသူတွေပါ၊ နောက် မဲဆွယ်လှုပ်ရှားမှုတွေနဲ့ ရွေးကောက်ပွဲဖြစ်စဉ် တလျှောက် ပါဝင်ခဲ့ကြသူတွေ၊ သူတို့အားလုံးကို ချီးကျူးဂုဏ်ယူပါတယ်။ ဒီလို ပြုပြင် ပြောင်းလဲရေး ကြိုးပမ်းမှုတွေကို ထောက်ခံ အားပေးသွားဖို့လည်း ကျမတို့တွေ အခိုင်အမာ ဆုံးဖြတ်ထားပါတယ်။”

အခုကျင်းပတဲ့ ရွေးကောက်ပွဲတွေ တရားမျှတမှု ရှိမရှိ ဆိုတာကို စောင့်ကြည့်ပြီး မြန်မာနိုင်ငံအပေါ် ဒဏ်ခတ် အရေးယူမှုတွေ အပြောင်းအလဲ လုပ်သင့်မသင့် ဆိုတာကို စဉ်းစားမယ့် အကြောင်း အမေရိကန်နဲ့ ဥရောပသမဂ္ဂ တို့က အချက်ပြ ပြောဆိုထားတာရှိပါတယ်။

ဒါပေမဲ့ အခုရွေးကောက်ပွဲ ရလဒ်တခုတည်းကိုပဲ ကြည့်ပြီး မြန်မာအပေါ် ဒဏ်ခတ် ပိတ်ဆို့မှုတွေ မရုတ်သိမ်းသင့်တဲ့အကြောင်း အမေရိကန် အောက်လွှတ်တော်အမတ် ဂျိုးဇက်ခရိုလီ (Joseph Crowley) က သတိပေး ပြောဆိုပါတယ်။ ဒေါ်အောင်ဆန်းစုကြည် လွှတ်တော်တွင်း တရားဝင် လှုပ်ရှားနိုင်တဲ့ အခြေအနေအထိ စောင့်ကြည့် သွားကြရမှာ ဖြစ်သလို အကျဉ်းထောင်တွေထဲမှာ နိုင်ငံရေးနဲ့ ပတ်သက်ပြီး အကျဉ်းကျနေသူတွေ ဆက်ပြီးရှိနေတာ၊ တိုင်းရင်းသားဒေသတွေမှာ အကြမ်းဖက်မှုတွေ ဆက်လက် ဖြစ်ပွားနေတာတွေနဲ့ အစိုးရတွင်း စစ်တပ်ပိုင်းက ကြီးစိုးထားတဲ့ အခြေအနေ မပြောင်းလဲသေးတာ စတဲ့ အချက်တွေကိုပါ ထည့်သွင်း စဉ်းစားသွားရမှာ ဖြစ်တဲ့အကြောင်း မစ္စတာ ခရိုလီက သတိပေး ပြောဆိုလိုက်တာ ဖြစ်ပါတယ်။

အခု ကျင်းပခဲ့တဲ့ ကြားဖြတ် ရွေးကောက်ပွဲကို ဒေသတွင်း နိုင်ငံတွေနဲ့ ဥရောပနိုင်ငံတွေက လေ့လာ စောင့်ကြည့်သူတချို့ ပထမဆုံးအကြိမ် လာရောက် လေ့လာခွင့် ရခဲ့ပါတယ်။

ဒါပေမဲ့ လေ့လာသူတွေအနေနဲ့ ကြိုဆင်ပြင်ဆင်ခွင့် မရခဲ့ကြတဲ့အတွက် လေ့လာကြည့်ရှုရုံ သက်သက်သာဖြစ်ပြီး ရွေးကောက်ပွဲတွေကို မော်နီတာလုပ် စောင့်ကြပ်စစ်ဆေးတဲ့ အဆင့်တော့ မရောက်ဘူးလို့ ရွေးကောက်ပွဲ လေ့လာသူတွေ ကိုယ်တိုင်က ပြောဆိုထားပါတယ်။

အရှေ့တောင်အာရှနိုင်ငံများအသင်း အာဆီယံ အတွင်းရေးမှူးချုပ် ဆူရင်းပစ်ဆူဝမ် (Surin Pitsuwan) ကတော့ ရွေးကောက်ပွဲ မသမာမှုတွေ ရှိခဲ့တယ်ဆိုတဲ့ တိုင်ကြားချက်တွေ၊ သတင်းတွေ ထွက်ခဲ့ပေမဲ့ ဆိုးဆိုးရွားရွား အခြေအနေမှာ မရှိခဲ့ဘဲ ရွေးကောက်ပွဲတွေ ချောချောမောမော ပြီးစီးခဲ့တဲ့အကြောင်း အစီရင်ခံချက်တွေအရ သိရတယ်လို့ ပြောပါတယ်။

ဒါပေမဲ့ ရွေးကောက်ပွဲတွင်း တချို့ မြို့နယ်တွေမှာ မဲကတ်ပြားတွေမှာ ဖယောင်းသုတ်ပြီး ပယ်မဲဖြစ်အောင် လုပ်တာ၊ မဲပေးသူတွေကို ခြိမ်းခြောက် အကြပ်ကိုင်တာတွေအပြင် မဲစာရင်းပြဿနာတွေ ရှိခဲ့တဲ့အကြောင်းနဲ့ ဒီလို မဲသမာမှုတွေကို ပြည်ထောင်စုကော်မရှင် အနေနဲ့ အရေးယူပေးဖို့ NLD ပါတီက ကြေညာချက် ထုတ်ပြန်ပြီး တောင်းဆိုထားပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ကြားဖြတ်ရွေးကောက်ပွဲတွင် ၄၄ နေရာလုံး NLD နိုင်ပြီဟုဆို

NLD ထောက်ခံသူများ ရွေးကောက်ပွဲ အောင်နိုင်မှု ဆင်နွှဲ



မဇ္ဈိမသတင်းဌာန|ဧပြီလ ၁ ရက်နေ့တွင် ကျင်းပပြီးစီးသွားသည့် ကြားဖြတ်ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ် NLD ဝင်ရောက်ယှဉ်ပြိုင်ခဲ့သည့် ပြည်နယ်နှင့်တိုင်းအသီးသီးမှ မဲဆန္ဒနယ် ၄၄ နေရာလုံးတွင် အနိုင်ရရှိသွားကြောင်း NLD ရုံးချုပ်မှ သိရသည်။

နေပြည်တော် ပုဗ္ဗသီရိမြို့နယ်တွင် ယှဉ်ပြိုင်နေသော အဆိုတော် ဇေယျာသော် အနိုင်ရရှိကြောင်း နောက်ဆုံး သိရပြီးနောက် ၄၄ နေရာလုံး အနိုင်ရရှိသည်ဟု ဆိုနိုင်ခြင်းဖြစ်သည်။

watch-vote-results
ရန်ကုန် မြို့ ဗဟန်းမြို့နယ် အမျိုးသား ဒီမိုကရေစီ ရုံးချုပ်ရှေ့ မဲစရင်း လာ ကြည့်ကြသော ပြည်သူလူထု။
ဓာတ်ပုံ - မင်းမင်းဦး/မဇ္ဈိမ


၄၄ နေရာအနက် ၃၈ နေရာမှာ မဲရေတွက်ပြီးဖြစ်ကာ ကျန် ၆ နေရာတွင် မဲရေတွက်ဆဲဖြစ်သော်လည်း NLD ကိုယ်စားလှယ်လောင်းများက ပြိုင်ဘက်များအား မဲအရေအတွက် အများအပြား အသာဖြင့် ဦးဆောင်ပြီး သေချာနေသည့်အတွက် ၎င်းတို့ အနိုင်ရရှိပြီးဖြစ်ကြောင်း ရုံးချုပ်သို့ ဖုန်းဖြင့် သတင်းပို့လာသဖြင့် ယခုကဲ့သို့ ယှဉ်ပြိုင်နေရာအားလုံး အနိုင်ရရှိသည်ဟု ဆိုနိုင်ခြင်းဖြစ်သည်။

တနင်္လာနေ့ နံက်နက်တွင် မဲအနိုင်ရရှိမှု အသေးစိတ်စာရင်းကို NLD မှ ထုတ်ပြန် ကြေညာမည် ဖြစ်ကြောင်း သိရသည်။

nldledfont2

မျိုးသားဒီမိုကရေစီအဖွဲ့ချုပ်အလံဝှေ့ယမ်းနေသည့် လူငယ်တဦးနှင့် အဖွဲ့ချုပ်အား ထောက်ခံအားပေးသည့် လူငယ်များကို ရွှေဂုံတိုင် အဖွဲ့ချုပ်ရုံးရှေ့တွင် ဧပြီလ ၁ ရက် ၂ဝ၁၂ ခုနှစ် ညနေပိုင်းက တွေ့မြင်ရစဉ်။ (ဓါတ်ပုံ-လင်းဘိုဘို၊ မဇ္ဈိမ)


ဧပြီလ ၁ ရက်နေ့ ကြားဖြတ်ရွေးကောက်ပွဲတွင် လစ်လပ်နေရာ ၄၈ နေရာ ရှိသည့်အနက် ကချင်ပြည်နယ် မိုးကောင်း၊ ဖားကန့်နှင့် ဗန်းမော်မြို့များတွင် လုံခြုံရေးအကြောင်းပြချက်ဖြင့် ရွေးကောက်ပွဲ မကျင်းပဖြစ်ခဲ့ပေ။

ကျန် ၄၅ နေရာ တွင် NLD က ၄၄ နေရာ ဝင်ရောက် ယှဉ်ပြိုင်ခွင့်ရရှိခဲ့သည်။

source by : http://www.mizzimaburmese.com

အပြည့်အစုံ ဖတ်ရန် ...

လူထုခေါင်းဆောင် ဒေါ်အောင်ဆန်းစုကြည်၏ ပြည်သူလူထုသို့ ထုတ်ပြန်ချက်

ကျေးဇူးပါ အမေစု.. (Getty Images)
သို့သော်လည်း တဘက်အဖွဲ့အစည်း၏ စိတ်ထိခိုက် စိတ်မကောင်းဖြစ်စေမည့် အပြောအဆို အမူအရာများ လုံးဝ ရှောင်ရှားကြရမည်။


source by : http://www.demowaiyan.org

အပြည့်အစုံ ဖတ်ရန် ...

ဒေါ်အောင်ဆန်းစုကြည် ရွေးကောက်ပွဲနိုင်

နားဆင်ရန်

မြန်မာနိုင်ငံမှာ ဒီကနေ့ကျင်းပခဲ့တဲ့ လွှတ်တော် ကြားဖြတ်ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် NLD ပါတီဥက္ကဋ္ဌ ဒေါ်အောင်ဆန်းစုကြည်ဟာ ကော့မှူးမြို့နယ်မှာ အနိုင်ရသွားပါတယ်။

လွှတ်တော်မှာ လစ်လပ်နေတဲ့ မဲဆန္ဒနယ် ၄၈ နေရာထဲက မဲဆန္ဒနယ် ၄၅ နေရာမှာ ရွေးကောက်ပွဲတွေကို ကျင်းပခဲ့တာဖြစ်ပြီး အခုနောက်ဆုံး သိရသလောက်တော့ NLD ပါတီက ၀င်ရောက်ယှဉ်ပြိုင်ခဲ့တဲ့ နေရာ ၄၄ နေရာမှာ မဲဆန္ဒနယ်အများစုကို အနိုင်ရနေပြီလို့ သိရပါတယ်။

ဒါ့အပြင် ဒေါ်အောင်ဆန်းစုကြည်က ဒီကနေ့ညနေပိုင်းမှာပဲ ကြေညာချက်တစ်စောင် ထုတ်ပြန်လိုက်ပါတယ်။ ပြည်သူလူထုရဲ့ ထောက်ခံမှုနဲ့ အမျိုးသားဒီမိုကရေစီအဖွဲ့ချုပ် ကိုယ်စားလှယ်တွေ အနိုင်ရတဲ့အပေါ်မှာ ကိုယ်စားလှယ်တွေအနေနဲ့ ၀မ်းသာကြတယ်ဆိုတာ သဘာဝကျကြောင်း၊ ဒါပေမဲ့ တဘက်မှာလည်း တခြားပါတီတွေက ၀င်ရောက် ယှဉ်ပြိုင်ခဲ့တဲ့ ပုဂ္ဂိုလ်တွေကို ထိခိုက်စေမယ့် အပြောအဆိုမျိုးကို မလုပ်ကြဖို့၊ ပြည်သူလူထုရဲ့ အောင်မြင်မှုကို သိက္ခာကျစေမယ့် အပြုအမူကို ရှောင်ရှားဖို့လည်း တိုက်တွန်းလိုက်ပါတယ်။

ဒါ့အပြင် ဒီရွေးကောက်ပွဲအတွင်း တချို့ မြို့နယ်တွေမှာ မဲကတ်ပြားတွေကို မဲပေးလို့မရအောင် ဖယောင်းသုတ်ထားတာတွေ၊ မဲပေးသူတွေကိုလည်း ခြိမ်းခြောက် အကြပ်ကိုင်တာတွေ၊ မဲစာရင်းပြဿနာတွေ ရှိခဲ့ပြီး NLD ပါတီက ဒီလို မဲသမာမှုတွေကို ပြည်ထောင်စုကော်မရှင် အနေနဲ့ အရေးယူပေးဖို့ ကြေညာချက်ထုတ်ပြန်ပြီး တောင်းဆိုလိုက်ပါတယ်။


source by :http://www.voanews.com

အပြည့်အစုံ ဖတ်ရန် ...

၂၀၁၂ ကြားဖြတ်ရွေးကောက်ပွဲနေ့ သတင်းများ

ဆက်လက်သိရှိရသည့် NLD အနိုင်ရနယ်မြေများ
လင်းဘိုဘို | ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၂၀ နာရီ ၂၅ မိနစ်

အောက်ပါ မဲဆန္ဒနယ်မြေများတွင်လည်း အမျိုးသားဒီမိုကရေစီအဖွဲ့ချုပ် NLD ကိုယ်စားလှယ်များက အသီးသီး အနိုင်ရရှိခဲ့ကြောင်း NLD က ဆက်လက်ထုတ်ပြန်သည်။

မကွေးတိုင်း၊ မြိုင်မြို့နယ် ပြည်သူ့လွှတ်တော် ကိုယ်စားလှယ် ဦးမြင့်အောင် (မဲရုံ အားလုံးတွင် အပြတ်အသတ်နိုင်)

ဧရာဝတီတိုင်း၊ ရေကြည်မြို့နယ် ပြည်သူ့လွှတ်တော် ကိုယ်စားလှယ် ဒေါက်တာလှမြတ်သွေး (မဲရုံ ၇၈ ရုံအနက် ၇၆ ရုံတွင် အပြတ်အသတ်အနိုင်ရထား)

စစ်ကိုင်းတိုင်း၊ ကန့်ဘလူ၊ ကျွန်းလှ၊ ရေဦး၊ တန့်ဆည်မြို့နယ် အမျိုးသားလွှတ်တော် ကိုယ်စားလှယ်
ဒေါက်တာမြင့်နိုင် (စုစုပေါင်းမဲရုံ ၇၈ ရုံအနက် ၇၆ ရုံ အနိုင်ရကာ မြို့နယ် ၄ ခုလုံးတွင် အပြတ်အသတ် အနိုင်ရ)

ရှမ်းပြည်နယ်၊ လားရှိုးမြို့နယ် ပြည်သူ့လွှတ်တော် ကိုယ်စားလှယ် ဦးစိုင်းမြင့်မောင် (မဲအရေအတွက် ၁၅၈၄၄၊ ကြံ့ခိုင်ရေး ၆၆ဝ၆၊ ကျားဖြူ ၂၈၉ဝ)

ပဲခူးတိုင်း၊ လက်ပံတန်းမြို့နယ် ပြည်သူ့လွှတ်တော် ကိုယ်စားလှယ် ဦးကျော်မင်း (၇၅ ရာခိုင်နှုန်းဖြင့် နိုင်)

လက်ရှိ စုံစမ်းရရှိသည့်သတင်းများအရ မဲဆန္ဒနယ် ၄၅ နေရာအနက် NLD ဝင်ရောက်ယှဉ်ပြိုင်ခွင့်ရခဲ့သည့် ၄၄ နယ်မှ ၂၉ နယ်တွင် အနိုင်ရရှိလျက်ရှိသည်။
နေပြည်တော် ၄ နေရာတွင် ၃ နေရာ NLD နိုင်နေ
လင်းဘိုဘို | ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၂၀ နာရီ ၂၂ မိနစ်

မန္တလေးတိုင်း နေပြည်တော်ခရိုင် ၄ နေရာတွင် ဝင်ရောက်ယှဉ်ပြိုင်သည့် NLD ပါတီဝင်များအနက် Hip Hop အဆိုတော် ဇေယျာသော်မှအပ ကျန်ကိုယ်စားလှယ်လောင်းများ အနိုင်ရရှိပြီးဖြစ်ကြောင်း NLD ရုံးက ထုတ်ပြန်သည်။

Hip Hop အဆိုတော့ ဇေယျာသော် ပါဝင်ယှဉ်ပြိုင်သည့် ပုဗ္ဗသီရီမြို့နယ်မဲဆန္ဒနယ်တွင် မဲရေတွက်မှုများ မပြီးဆုံးသေးသော်လည်း ကျန် မဲဆန္ဒနယ်မြေ ၃ ခုတွင် NLD က အနိုင်ရသွားပြီ ဖြစ်သည်။

မဲရုံ ၄၉ ရုံ ရှိသည့် ဥတ္တရသီရိမြို့နယ်တွင် ဝင်ရောက်ယှဉ်ပြိုင်သည့် NLD မှ ဦးမင်းသူက မဲရုံ ၄၉ ရုံလုံးတွင် အနိုင်ရရှိခဲ့ပြီး၊ ဇဗ္မူသီရိမြို့နယ်တွင် ပါဝင်ယှဉ်ပြိုင်သည့် NLD မှ ဒေါ်စန္ဒာမင်းက မဲရုံ ၃ဝ အနက် ၂၅ ရုံတွင် မဲအပြတ်အသတ် အနိုင်ရရှိကြောင်း၊ အလားတူ ဒက္ခိဏသီရိမြို့နယ်တွင် ဝင်ရောက်ယှဉ်ပြိုင်သည့် NLD မှ ဦးနိုင်ငံလင်းက မဲရုံ ၁၇ ရုံတွင် ၁၅ ရုံ၊ တွင် အပြတ်အသတ်အနိုင်ရခဲ့သည်။

ဝန်ထမ်းအများစု နေထိုင်ရာ နေပြည်တော်မဲဆန္ဒနယ်မြေများတွင် ပါဝင် ယှဉ်ပြိုင်သူများအနေဖြင့် ကြံ့ခိုင်ရေးပါတီကို
ကျော်ဖြတ်ရန် ခက်ခဲမည်ဟု လေ့လာသူများက ခန့်မှန်းထားခဲ့သော်လည်း နေပြည်တော်ခရိုင်တွင် NLD ပါတီအနေ
ဖြင့် ၇၅ ရာခိုင်နှုန်း အနိုင်ရရှိထားပြီ ဖြစ်ရာ ကျန် ၂၅ ရာခိုင်နှုန်းအတွက် ပုဗ္ဗသီရိမြို့နယ် ကိုယ်စားလှယ်လောင်း ဦးဇေယျာသော်၏ မဲရေတွက်မှုများအား ဆက်လက်စောင့်ဆိုင်းနေကြသည်။
ကလောမြို့မှာလည်း NLD ဦးဆောင်နေ
ဖနိဒါ | ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၂၀ နာရီ ၁၂ မိနစ်

ရှမ်းပြည်နယ်မြောက်ပိုင်း ကလောမြို့နယ် ပြည်သူလွှတ်တော် မဲဆန္ဒနယ်တွင် အမျိုးသားဒီမိုကရေစီအဖွဲ့ချုပ် NLD ကိုယ်စားလှယ်လောင်း ဒေါ်သန်းငွေက အနိုင်ရနေသည်ဟု မြစ်မခ သတင်းထောက်တဦးက မဇ္ဈိမကို ပြောသည်။

“၆ဝ ရာခိုင်နှုန်းလောက် သေချာနေတယ်။ အခု နယ်က ကနေစာရင်းတွေ တက်လာတာ NLD နိုင်တာ များတယ်။ ရှုံးတာ နှစ်နေရာ၊ သုံးနေရာလောက်ပဲ ရှိတယ်”ဟု မဇ္စျိမကို ပြောသည်။

ကလောမဲဆန္ဒနယ်တွင် NLD မှ ဒေါ်သန်းငွေ၊ ကြံ့ခိုင်ရေးပါတီမှ ဦးမြဝင်း၊ ကျားဖြူပါတီမှ ဦးစဝ်သာဦး၊ တစညပါတီမှ ဦးခင်မောင်လှ နှင့် ပအိုဝ်းအမျိုးသားအဖွဲ့ချုပ်ပါတီမှ ဦးခွန်သန်းမောင် တို့ ဝင်ရောက်ယှဉ်ပြိုင်ခဲ့ကြသည်။
မြောင်းမြမှာလည်း နိုင်နေပြီဟု NLD ဆို
မျိုးသန့် | ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၉ နာရီ ၄၉ မိနစ်

မြောင်းမြမြို့နယ် မဲဆန္ဒနယ်တွင်လည်း အမျိုးသားဒီမိုကရေစီအဖွဲ့ချုပ် NLD ၏ ကိုယ်စားလှယ်လောင်း မန်းဂျော်နီ အနိုင်ရရှိသည်ဟု မြောင်းမြမြို့နယ် NLD ရွေးကောက်ပွဲအောင်နိုင်ရေး အဖွဲ့ဝင် ဦးဝင်းရွှေက မဇ္ဈိမကို ပြောသည်။

“ဒီမှာဗျာ နိုင်တယ်ဆိုတော့ ကျနော်တို့လူတွေ ပျော်ကြရွှင်ကြပေါ့။ ကျနော်တို့ နိုင်သွားပါပြီ ကော်မရှင်မှာ လက်မှတ်ထိုးဖို့ပဲ ကျန်ပါတော့တယ်” ဟု ပြောသည်။

မြောင်းမြမြို့နယ်အတွင်း မဲရုံပေါင်း ၂၂၇ ရုံရှိသည့်အနက် မဲရုံ ၄ ရုံသာ NLD ကိုယ်စားလှယ်လောင်းအတွက် ဆန္ဒမဲအရေအတွက် ရရှိမှုနည်းပြီး ကျန်မဲရုံများတွင် “မဲရုံတရုံချင်း မဲရုံတရုံချင်း ကျနော်တို့ အနည်းဆုံး ၅ဝ အကွာနဲ့ နိုင်ပါတယ်၊ ၅ဝဝ ကျော်အကွာလောက်ကနေ နိုင်တဲ့ မဲရုံတွေလည်း ရှိပါတယ်” ဟု ဦးဝင်းရွှေက မဇ္ဈိမကို ပြောသည်။

မြောင်းမြမြို့နယ်တွင် ကြံ့ခိုင်ရေးပါတီမှ ဦးဖြိုးကိုကိုတင့်ဆန်း၊ NLD မှ မန်းဂျော်နီ၊ အမျိုးသားဒီမိုကရေစီ အင်အားစုပါတီမှ ဦးအောင်မျိုးလှိုင်တို့ ယှဉ်ပြိုင်ကြသည်။
မိတ္ထီလာတွင်လည်း NLD ဦးဆောင်နေ
လင်းဘိုဘို | ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၉ နာရီ ၃၇ မိနစ်

မန္တလေးတိုင်း၊ မိတ္ထီလာမြို့နယ်တွင် မဲရေတွက်မှု မပြီးဆုံးသေးသော်လည်း အမျိုးသားဒီမိုကရေစီအဖွဲ့ချုပ် NLD ကိုယ်စားလှယ် ဦးဝင်းထိန်က ပြိုင်ဘက်အားလုံးကို အပြတ်အသတ် အနိုင်ရရှိထားကြောင်း သိရသည်။

NLD ပါတီမှ ဦးဝင်းထိန်က မဲအရေအတွက် ၅ ထောင်ကျော် ရရှိနေပြီး မဲအရေအတွက် ၁,၆ဝဝ သာရရှိသည့် ကြံ့ခိုင်ရေးပါတီအမတ်လောင်းကို အပြတ်အသတ် ဦးဆောင်နေကြောင်း၊ NLD မှ နှုတ်ထွက်ပြီး တသီးပုဂ္ဂလအဖြစ် မိတ္ထီလာနယ်တွင် ဝင်ရောက်ယှဉ်ပြိုင်သည့် ပါတီဝင်ဟောင်း ဒေါ်မြင့်မြင်အေးမှာ မဲအရေအတွက် စုစုပေါင်း ၆ဝ ခန့်သာ ရရှိသေးကြောင်း သိရသည်။၊

အလားတူ မကွေးမြို့နယ်ကိုယ်စားပြုယှဉ်ပြိုင်သည့် NLD ကိုယ်စားလှယ် ဦးမြင့်သိန်း အနိုင်ရရှိပြီဖြစ်ကြောင်း အဖွဲ့ချုပ်ရုံးက ထုတ်ပြန်ကြေညာသည်။
NLD မှ ၂၇ နေရာ ဦးဆောင်အနိုင်ရနေ
မဇ္ဈိမသတင်းဌာန တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၉ နာရီ ၃၅ မိနစ်

ရေတွက်ပြီးစီးသွားသည့် မဲရုံအများစုတွင် အမျိုးသားဒီမိုကရေစီအဖွဲ့ချုပ် NLD မှ အနိုင်ရရှိလျက်ရှိကြောင်း မဇ္ဈိမ က စုံစမ်းသိရှိရသည်။ အောက်ပါမဲဆန္ဒနယ်မြေ ၂၇ ခုတွင် ရေတွက်ပြီးသမျှမဲရုံအများစုတွင် NLD က မဲအသာဖြင့် ဦးဆောင်လျက်ရှိသည်။

မွန်ပြည်နယ်မှ မော်လမြိုင်၊ ရှမ်းပြည်နယ်မှ ကလောနှင့် လားရှိုး၊ ရန်ကုန်တိုင်းအတွင်းမှ ကော့မှူး၊ မင်္ဂလာတောင်ညွှန့်၊ မရမ်းကုန်း၊ လှည်းကူး၊ ဒဂုံဆိပ်ကမ်း၊ ခရမ်းသုံးခွ၊ မန္တလေးတိုင်းအတွင်းမှ မဟာအောင်မြေ၊ ပြင်ဦးလွင်၊ နေပြည်တော် ဒက္ခိဏသီရိနှင့် ဇမ္ဗူသီရိ၊ စစ်ကိုင်းတိုင်းမှ ပုလဲနှင့် ရေဦး (နှင့် တန့်ဆည်၊ ငန့်ဘလူ၊ ကျွန်းလှ)၊ ဧရာဝတီတိုင်းမှ
ရေကြည်၊ မအူပင်၊ ဖျာပုံနှင့် မြောင်းမြ၊ မကွေးတိုင်းမှ ပခုက္ကူ၊ ပွင့်ဖြူနှင့် မကွေး၊ ပဲခူးတိုင်းမှ တောင်ငူ၊ လက်ပံတန်းနှင့် ကဝ၊ တနင်္သာရီတိုင်းမှ ကျွန်းစုနှင့် လောင်းလုံမြို့နယ်များ ဖြစ်ကြသည်။

မဲရေတွက်ရရှိမှု အသေးစိတ်ကို ဆက်လက်စုံစမ်းဆဲဖြစ်သည်။
ကော့မှူးတွင် မဲပေးနေကြ
မန္တလေးတိုင်းတွင် NLD ဆက်လက် ဦးဆောင်နေ
လင်းဘိုဘို | ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၉ နာရီ ၁၅ မိနစ်

ရွှေဂုံတိုင် အမျိုးသားဒီမိုကရေစီအဖွဲ့ချုပ် NLD ရုံးမှ ထုတ်ပြန်သည့် စာရင်းဇယားများအရ မန္တလေးတိုင်းအတွင်းရှိ
နေပြည်တော် ဒက္ခိဏသီရိမြို့နယ်နှင့် မိတ္ထီလာမြို့နယ်တို့တွင် မဲရေတွက်မှု မပြီးဆုံးသေးသော်လည်း NLD ကိုယ်စားလှယ်လောင်းများ မဲအပြတ်အသတ် အနိုင်ရနေကြောင်း သိရသည်။

မန္တလေးတိုင်းအတွင်း ကျရောက်သည့် နေပြည်တော်ခရိုင် ဒက္ခိဏသီရိမြို့နယ်တွင် မဲရုံ ၁၇ ရုံရှိသည့်အနက် NLD ကိုယ်စားလှယ်လောင်း ဦးနိုင်ငံလင်းက မဲရုံ ၁၅ ရုံတွင် အနိုင်ရရှိပြီး ပြိုင်ဘက် ကြံ့ခိုင်ရေးပါတီအမတ်လောင်းထက် မဲအရေအတွက် စုစုပေါင်း ၄,ဝဝဝ ကျော် အသာရ ဦးဆောင်နေကြောင်း သိရသည်။

အလားတူ မန္တလေးတိုင်း မိတ္ထီလာမြို့နယ်တွင် NLD ပါတီမှ ဦးဝင်းထိန်က မဲအရေအတွက် ၅ ထောင်ကျော် ရရှိပြီး မဲအရေအတွက် ၁,၆ဝဝ သာ ရရှိသည့် ကြံ့ခိုင်ရေးပါတီ အမတ်လောင်းကို အပြတ်အသတ် ဦးဆောင်နေကြောင်း၊ ပါတီမှ နှုတ်ထွက်ပြီး တသီးပုဂ္ဂလအဖြစ် မိတ္ထီလာနယ်တွင် ဝင်ရောက်ယှဉ်ပြိုင်သည့် NLD ပါတီဝင်ဟောင်း
ဒေါ်မြင့်မြင်အေးမှာ မဲအရေအတွက် စုစုပေါင်း ၆ဝ ခန့်သာ ရရှိသေးကြောင်း သိရသည်။၊

မကွေးတိုင်း မကွေးမြို့နယ် NLD ကိုယ်စားလှယ်လောင်း ဦးမြင့်သိန်း အနိုင်ရရှိပြီ ဖြစ်ကြောင်း အဖွဲ့ချုပ်ရုံးက ထုတ်ပြန်ပြီး ဧရာဝတီတိုင်း၊ မအူပင်မြိုနယ် NLD ကိုယ်စားလှယ်လောင်း ဦးစိန်ဝင်းက မဲရုံ ၁၂ ရုံတွင် ၁၁ ရုံ အနိုင်ရရှိနေကြောင်း ကြေငြာသည်။
သုံးခွမှာလည်း NLD နိုင်နေ
မျိုးသန့် | ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၉ နာရီ ၁၄ မိနစ်

ရန်ကုန်တိုင်း သုံးခွမြို့နယ်တွင်လည်း အမျိုးသားဒီမိုကရေစီအဖွဲ့ချုပ် NLD ကိုယ်စားလှယ်လောင်း ဒေါ်စုစုလွင် အနိုင်ရရှိနေသည်ဟု တူမဖြစ်သူ မသူဇာက မဇ္ဈိမကို ပြောသည်။

“ရွာတွေကနေ ရှိနေတဲ့ ကိုယ်စားလှယ်တွေဆီက သိရသလောက်တော့ အခြေအနေ ကောင်းပါတယ်။ မြို့နယ်
ကော်မရှင်ကတော့ အတည်မပြုရသေးဘူးပေါ့။ ရွာတွေမှာ ရေတွက်ပြီးတာတော့ အနိုင်ရနေပါတယ်။ ယေဘူယျ
ပြောရင်တော့ အကုန်လုံး နိုင်နေတယ်ပေါ့” ဟု မဇ္ဈိမကို ပြောသည်။

သုံးခွမြို့နယ်တွင် ကျေးရွာအုပ်စုပေါင်း ၆၄ အုပ်စုရှိနေပြီး ရွာပေါင်း ၁၆ဝ ကျော်မှ မဲဆန္ဒရှင် အများစုက NLD ကိုယ်စားလှယ်လောင်း ဒေါ်စုစုလွင်ကို မဲပေးခဲ့ကြခြင်းဖြစ်သည်။

သုံးခွမြို့နယ်တွင် NLD ကိုယ်စားလှယ်လောင်း ဒေါ်စုစုလွင်၊ အမျိုးသားဒီမိုကရေစီ အင်အားစုပါတီမှ ဦးကြည်သန်း၊ ကြံ့ခိုင်ရေးပါတီမှ ဦးအောင်ကျော်မင်းတို့ ယှဉ်ပြိုင်ကြသည်။
မင်္ဂလာတောင်ညွန့်တွင် ဒေါ်ဖြူဖြူသင်း အနိုင်ရ
phyuphyuthinwin

ရန်ကုန်တိုင်း၊ မင်္ဂလာတောင်ညွန့်မြို့နယ်၊ ပုသိမ်ညွန့်ရပ်ကွက် မဲရုံအမှတ် ၂ တွင် မဲရုံဝန်ထမ်းများက မဲများ ရေတွက်နေသည်ကို ဧပြီလ ၁ ရက်နေ့ ညနေပိုင်းက တွေ့ရစဉ်။ (ဓါတ်ပုံ - မင်းမင်းဦး၊ မဇ္ဈိမ) မင်္ဂလာတောင်ညွန့်တွင် အမျိုးသားဒီမိုကရေစီအဖွဲ့ချုပ် ကိုယ်စားလှယ်လောင်း ဒေါ်ဖြူဖြူသင်း က အနိုင်ရရှိသွားခဲ့သည်။



phyuphyuthinwin1

ရန်ကုန်တိုင်း၊ မင်္ဂလာတောင်ညွန့်မြို့နယ်၊ ပုသိမ်ညွန့်ရပ်ကွက် မဲရုံအမှတ် ၂ တွင် မဲရုံဝန်ထမ်းများက မဲများ ရေတွက်နေသည်ကို ဧပြီလ ၁ ရက်နေ့ ညနေပိုင်းက တွေ့ရစဉ်။ (ဓါတ်ပုံ - မင်းမင်းဦး၊ မဇ္ဈိမ) မင်္ဂလာတောင်ညွန့်တွင် အမျိုးသားဒီမိုကရေစီအဖွဲ့ချုပ် ကိုယ်စားလှယ်လောင်း ဒေါ်ဖြူဖြူသင်း က အနိုင်ရရှိသွားခဲ့သည်။

ဦးအုန်းကြိုင်၏ 'မဟာအောင်မြေ'
မျိုးသန့် | ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၈ နာရီ ၄၂ မိနစ်

ချင်းမိုင် (မဇ္ဈိမ)။ ။ မန္တလေးတိုင်း၊ မဟာအောင်မြေ မဲဆန္ဒနယ်မြေတွင် မဲရုံပေါင်း ၇၉ ရုံတွင် ၇၀ ခန့် ရေတွက်ပြီး
ဖြစ်ရာ အမျိုးသား ဒီမိုကရေစီအဖွဲ့ချုပ် NLD ၏ လွှတ်တော် ကိုယ်စားလှယ်လောင်း ဦးအုန်းကြိုင်က မိမိအနိုင်ရပြီဟု
ပြောဆိုလိုက်သည်။

“ကျနော့် မဲဆန္ဒနယ်မြေမှာ မဲရေတွက်တာ ပြီးသလောက် ရှိသွားပါပြီ။ မဲရုံ ၇၉ ရုံမှာ ၇၀ လောက် ပြီးသွားပါပြီ။ ကျနော် ၉၀ ရာခိုင်နှုန်းကျော်လောက် အပြတ်အသတ် အနိုင်ရနေပါတယ်။ မဲအရေအတွက်လည်း တော်တော် ကွာပါတယ်။ ၉၁ ရာခိုင်နှုန်းလောက် ကျနော်က အဲဒီလောက် အသာရပါတယ်” ဟု ဦးအုန်းကြိုင် မဇ္ဈိမကို ပြောသည်။

မဟာအောင်မြေတွင် NLD ကိုယ်စားလှယ် ဦးအုန်းကြိုင်၊ တိုင်းရင်းသား စည်းလုံးညီညွတ်ရေး ပါတီမှ ဦးထွန်းကြည်၊ တသီးပုဂ္ဂလ ကိုယ်စားလှယ်လောင်းများ ဖြစ်သည့် ဦးကျော်ကျော်၊ ဦးစိန်လှ၊ ဦးညွန့်ဦး၊ အမျိုးသားဒီမိုကရေစီ အင်အားစုပါတီမှ ဦးလှကိုတို့ ယှဉ်ပြိုင်ကြသည်။
မအူပင်နှင့် ဒက္ခိဏသီရိမှာလည်း NLD ဦးဆောင်နေ
လင်းဘိုဘို | ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၈ နာရီ ၃၄ မိနစ်

ဧရာဝတီတိုင်း၊ မအူပင်မြို့နယ်တွင် အမျိုးသားဒီမိုကရေစီအဖွဲ့ချုပ် NLD လွှတ်တော်ကိုယ်စားလှယ် ဦးစိန်ဝင်းဟန်(ခ) ဦးစိန်ဝင်း က ရေတွက်ပြီး မဲရုံ ၁၂ ရုံတွင် ၁၁ ရုံ နိုင်နေပြီ ဖြစ်သည်။

နေပြည်တော် ဒက္ခိဏသီရိမြို့နယ်တွင်လည်း ရေတွက်ပြီးမဲရုံ ၁၇ ရုံအနက် NLD လွှတ်တော်ကိုယ်စားလှယ် ဦးနိုင်ငံလင်း ၁၅ ရုံတွင် အနိုင်နေပြီး ဆက်လက်ရေတွက်နေရာမှာ မဲပေါင်း ၄,ဝဝဝ (လေးထောင်) ကျော် ရှေ့က
ပြေးနေသည်။
NLD ၁၂ နေရာ အနိုင်ရနေ
မဇ္ဈိမသတင်းဌာန တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၈ နာရီ ၃၂ မိနစ်

မဲရုံများ ညနေ ၄ နာရီတွင် ပိတ်ပြီးနောက် မဲများရေတွက်လျက်ရှိရာ မဇ္ဈိမက စုံစမ်းရရှိထားသည့် သတင်းများအရ အမျိုးသားဒီမိုကရေစီအဖွဲ့ချုပ် NLD ပါတီမှ အောက်ပါ မဲဆန္ဒနယ်များတွင် အနိုင်ရရှိထားပြီးဖြစ်ကြောင်း သိရသည်။

ရန်ကုန်တိုင်းအတွင်းမှ ကော့မှူး၊ လှည်းကူး၊ မရမ်းကုန်း၊ မင်္ဂလာတောင်ညွန့်၊ ဒဂုံဆိပ်ကမ်းနှင့် ခရမ်းသုံးခွ၊ မန္တလေးတိုင်းအတွင်းမှ မဟာအောင်မြေနှင့် ပြင်ဦးလွင်၊ တနင်္သာရီတိုင်းမှ ကျွန်းစု၊ စစ်ကိုင်းတိုင်းမှ ပုလဲ၊ ရှမ်းပြည်နယ်မှ ကလောနှင့် မကွေးတိုင်း ပွင်ဖြူမြို့များ ဖြစ်ကြသည်။

မဲရရှိမှုအရေအတွက်အား ဆက်လက်စုံစမ်းဆဲ ဖြစ်သည်။
ဖျာပုံ မဲရေပြီးသမျှ NLD အရှုံးမရှိ
မျိုးသန့် | ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၈ နာရီ ၀၅ မိနစ်

ဖျာပုံမြို့နယ်တွင် ရေတွက်ပြီးသမျှ အမျိုးသားဒီမိုကရေစီအဖွဲ့ချုပ် NLD မှ အပြတ်အသတ် အနိုင်ရရှိနေသည်ဟု NLD ဖျာပုံမြို့နယ် ရွေးကောက်ပွဲ အောင်နိုင်ရေး ကော်မတီဝင် ကိုဇေယျာက မဇ္ဈိမကို ပြောသည်။

ရေတွက်ပြီးသွားသည့် ရွာပေါင်း ၂၀ လုံးတွင် NLD ကိုယ်စားလှယ်လောင်း ဦးသိန်းဆွေ အနိုင်ရနေပုံကို “ကျနော်တို့ ရှုံးနေတာ တခုမှ မရှိသေးဘူးခင်ဗျာ့။ အကုန်လုံး အနိုင်တွေချည်းပါပဲ။ စုစုပေါင်း ရွာ ၂၀ လောက် အတည်ပြုပြီးတာ အကုန်လုံး နိုင်နေပါတယ်။ အပြတ်အသတ်ကို နိုင်နေပါတယ်။ ၉၀ ရာခိုင်နှုန်းလောက်ကို နိုင်နေပါတယ်” ဟု မဇ္ဈိမကို ပြောသည်။

ဧရာဝတီတိုင်း၊ အထက်လွှတ်တော် မဲဆန္ဒနယ် အမှတ် ၁၀ တွင် အကျုံးဝင်သည့် ဖျာပုံခရိုင်၏ ကျေးရွာအုပ်စုပေါင်း ၅၂ အုပ်စုတွင် ရွာပေါင်း ၃၀၀ ကျော် ရှိပြီး ဒေးဒရဲ ခရိုင်တွင် ကျေးရွာအုပ်စု ၉၃ အုပ်စုတွင် ကျေးရွာပေါင်း ၁၉၀ ရှိသည်။ ဖျာပုံခရိုင်တွင် ၂၀၁၀ ရွေးကောက်ပွဲကာလက မဲဆန္ဒပေးခွင့်ရှိသူ ၁၉၀,၀၀၀ ကျော်ရှိနေပြီး ဒေးဒရဲခရိုင်တွင် ၁၄၀,၀၀၀ ကျော် မဲပေးခွင့်ရှိသည်ဟု ရွေးကောက်ပွဲ ကော်မရှင်က ထုတ်ပြန်သည်ဟုလည်း သိရသည်။

ဖျာပုံမဲဆန္ဒနယ်တွင် NLD မှ ဦးသိန်းဆွေ၊ ခေတ်သစ်ပြည်သူ့ပါတီမှ ဦးကျော်လင်း (ခေါ်) ဦးသန်းဌေး၊ တိုင်းရင်းသား စည်းလုံးညီညွတ်ရေးပါတီမှ ဦးမင်းသိန်းလှ၊ ကြံ့ခိုင်ရေးပါတီမှ ဦးအေးကြိုင်တို့ ယှဉ်ပြိုင်နေသည်။
ရွှေဂုံတိုင် အမျိုးသားဒီမိုကရေစီအဖွဲ့ချုပ်ရုံး ရှေ့တွင် မဲရလာဒ်တင်ဆက်မှုများကို လာရောက်ကြည့်ရှုအားပေးသူများ
NLDfont

မဲပေးချိန်ကုန်ဆုံးချိန် ရွှေဂုံတိုင် အမျိုးသားဒီမိုကရေစီအဖွဲ့ချုပ်ရုံး ရှေ့တွင် မဲရလာဒ်တင်ဆက်မှုများကို လာရောက်ကြည့်ရှုအားပေးသူများကို ဧပြီလ ၁ ရက် ၂ဝ၁၂ ခုနှစ် ညနေပိုင်းက တွေ့မြင်ရစဉ်။ (ဓါတ်ပုံ-လင်းဘိုဘို၊ မဇ္ဈိမ)



NLDfont1

မဲပေးချိန်ကုန်ဆုံးချိန် ရွှေဂုံတိုင် အမျိုးသားဒီမိုကရေစီအဖွဲ့ချုပ်ရုံး ရှေ့တွင် မဲရလာဒ်တင်ဆက်မှုများကို လာရောက်ကြည့်ရှုအားပေးသူများကို ဧပြီလ ၁ ရက် ၂ဝ၁၂ ခုနှစ် ညနေပိုင်းက တွေ့မြင်ရစဉ်။ (ဓါတ်ပုံ-လင်းဘိုဘို၊ မဇ္ဈိမ)



NLDfont2

မဲပေးချိန်ကုန်ဆုံးချိန် ရွှေဂုံတိုင် အမျိုးသားဒီမိုကရေစီအဖွဲ့ချုပ်ရုံး ရှေ့တွင် မဲရလာဒ်တင်ဆက်မှုများကို လာရောက်ကြည့်ရှုအားပေးသူများကို ဧပြီလ ၁ ရက် ၂ဝ၁၂ ခုနှစ် ညနေပိုင်းက တွေ့မြင်ရစဉ်။ (ဓါတ်ပုံ-လင်းဘိုဘို၊ မဇ္ဈိမ)



NLDfont3

မဲပေးချိန်ကုန်ဆုံးချိန် ရွှေဂုံတိုင် အမျိုးသားဒီမိုကရေစီအဖွဲ့ချုပ်ရုံး ရှေ့တွင် မဲရလာဒ်တင်ဆက်မှုများကို လာရောက်ကြည့်ရှုအားပေးသူများကို ဧပြီလ ၁ ရက် ၂ဝ၁၂ ခုနှစ် ညနေပိုင်းက တွေ့မြင်ရစဉ်။ (ဓါတ်ပုံ-လင်းဘိုဘို၊ မဇ္ဈိမ)



NLDfont4

ရွှေဂုံတိုင် အမျိုးသားဒီမိုကရေစီအဖွဲ့ချုပ်ရုံးရှေ့ရှိ မဲရလာဒ်တင်ဆက်မှုကို လာရောက်ကြည့်ရှုအားပေးသည့် ပါတီထောက်ခံသူတဦးကို ဧပြီလ ၁ ရက် ၂ဝ၁၂ ခုနှစ် ညနေပိုင်းက တွေ့မြင်ရစဉ်။ (ဓါတ်ပုံ-လင်းဘိုဘို၊ မဇ္ဈိမ)



NLDfont5

မဲပေးချိန်ကုန်ဆုံးချိန် ရွှေဂုံတိုင် အမျိုးသားဒီမိုကရေစီအဖွဲ့ချုပ်ရုံး ရှေ့တွင် မဲရလာဒ်တင်ဆက်မှုများကို လာရောက်ကြည့်ရှုအားပေးသူ နိုင်ငံခြားသား ဧည့်သည်များကို ဧပြီလ ၁ ရက် ၂ဝ၁၂ ခုနှစ် ညနေပိုင်းက တွေ့မြင်ရစဉ်။ (ဓါတ်ပုံ-လင်းဘိုဘို၊ မဇ္ဈိမ))

ကော့မှူးသူများ ဒေါ်စုကို မဲပေး
မင်္ဂလာတောင်ညွန့် မြို့နယ် NLD မဲအခြေအနေ
ရဲမင်း| ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၇ နာရီ ၃၅ မိနစ်

ရန်ကုန်တိုင်း၊ မင်္ဂလာတောင်ညွန့်မြို့နယ်တွင် အမျိုးသားဒီမိုကရေစီအဖွဲ့ချုပ် NLD မှ ဒေါ်ဖြူဖြူသင်း ဝင်ရောက် ယှဉ်ပြိုင်ရာ ၎င်းရရှိနေသည့် မဲအရေအတွက်မှာ အောက်ပါအတိုင်း ဖြစ်သည်။

ကြိုတင်မဲပေါင်း ၇၁ တွင် NLD = ၂၈ မဲ။

မင်္ဂလာတောင်ညွန့် ကန်ရှေ့မဲရုံအမှတ် ၁ တွင် လာရောက်မဲပေးသူဦးရေ ၈၂၂ ဦးအနက် NLD = ၇၅၄ မဲ။

တောင်ညွန့်ကြီး မဲရုံအမှတ် ၅ တွင် လာရောက်မဲပေးသူဦးရေ ၇၅၂ ဦးအနက် NLD = ၆၃၆ မဲ။

မဲရုံအမှတ် ၃ တွင် လာရောက်မဲပေးသူဦးရေ ၈၆ဝ အနက် NLD = ၇၃ဝ မဲ။

(ဆက်လက်ဖေါ်ပြပါမည်)
ပုလဲ ကျေးရွာကော်မရှင်အချို့က မဲရုံထဲဝင် ဖိအားပေး
နေမျိုး | ချင်းမိုင် (မဇ္စျိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၇ နာရီ ၀၈ မိနစ်

စစ်ကိုင်းတိုင်း၊ ပုလဲမြို့နယ်ရှိ ပိတောက်ကုန်း၊ ကြိုးကြာဥ၊ ကုန်းရွာ၊ မုံသွင်၊ ကျေသများ ရွာများတွင် ကျေးရွာ
ကော်မရှင်တွင် ပါဝင်သူများက မဲရုံအတွင်း ဝင်ရောက်ပြီး မဲပေးမည့် သူများအား ဖိအားပေးမှုများ ပြုလုပ်ကြောင်း NLD ကိုယ်စားလှယ် ဒေါ်ခင်စန်းလှိုင် က ပြောသည်။

“ကျေးရွာကော်မရှင်က မဲရုံထဲဝင်ပြီး ချယ်လှယ်ချင်သလို ချယ်လှယ်နေတယ်။ ဘယ်နေရာကို မဲပေးရမယ်ဆိုပြီး လိုက်စည်းရုံးနေတာမျိုး၊ မဲရုံထဲမှာ NLD ကို မဲပေးမယ့်သူတွေကို ငေါက်တာတို့၊ မဝင်ရသေးဘူးလို့ တားမြစ်ထားတာ တို့ အဲဒီကိစ္စတွေ ရှိတယ်” ဟု ဒေါ်ခင်စိန်းလှိုင် က မဇ္ဈိမကို ပြောသည်။

အဆိုပါကိစ္စများနှင့် ပတ်သက်၍ မြို့နယ်ကော်မရှင်နဲ့ ညှိနှိုင်းပြီးဆောင်ရွက်နေရကြောင်း NLD ပုလဲရုံးမှ မဇ္စျိမသတင်းဌာနကို ပြောသည်။
မှတ်ပုံတင်အတုဖြင့် ဒဂုန်ဆိပ်ကမ်းတွင် မဲထည့်နေ၍ တိုင်ကြားထား
ဖနိဒါ | ချင်းမိုင် (မဇ္စျိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၇ နာရီ ၀၁ မိနစ်

ရန်ကုန်တိုင်း၊ ဒဂုံဆိပ်ကမ်းမြို့နယ် ၇၆ ရပ်ကွက် မဲရုံ ၁ တွင် ကြံ့ခိုင်ရေးပါတီမှ မှတ်ပုံတင်အတု၊ အိမ်ထောင်စုဝင် အတုတို့ဖြင့် မဲထည့်နေသဖြင့် တိုင်းကော်မရှင်ထံ တိုင်ကြားထားသည်ဟု ဗကသ ကျောင်းသား ခေါင်းဆောင် ဒီငြိမ်းလင်းက မဇ္ဈိမကို ပြောသည်။

“သံလျင်ကနေ မဲရုံလည်း ရောက်ရော အတုတွေနဲ့ မဲထည့်ခိုင်းတယ်။ ကြံ့ခိုင်ရေးက ထည့်ခိုင်းတာပါ။ ကတ်ပြား အသစ်တွေ လဲပေးတာတို့ ရှိနေပါတယ်။ ဓါတ်ပုံ မှတ်တမ်းတွေ ရှိပါတယ်။ ကော်မရှင်ကို အကြောင်းကြား ထားတယ်။ ကော်မရှင်က ပြန်ပြီး စိစစ်ပေးမယ်လို့ ပြောပါတယ်”ဟု ကိုဒီငြိမ်းလင်းက မဇ္ဈိမကို ပြောသည်။

သံလျင်မြို့နယ်အတွင်းမှ ရွာသားအချို့ကို ကြံ့ခိုင်ရေးပါတီက ခေါ်လာပြီး ဒဂုံဆိပ်ကမ်းမြို့နယ်တွင် မဲထည့်ခိုင်းခြင်း
ဖြစ်ပြီး ၎င်းတို့ကို သံလျင်မြို့မှ ဦးဌေးဝင်း ဆိုသူထံ ယနေ့ ညနေ ၆ နာရီတွင် ကျပ် ၃,ဝဝဝ လာရောက် ထုတ်ယူရန် ကြံ့ခိုင်ရေးဘက်မှ ပြောဆိုထားသည်ဟု ဒီငြိမ်းလင်း က ဆိုသည်။

ဒဂုံဆိပ်ကမ်းမြို့နယ် ပြည်သူ့လွတ်တော် မဲဆန္ဒနယ်တွင် NLD မှ ဒေါက်တာမျိုးအောင်၊ ကြံ့ခိုင်ရေးပါတီမှ ဦးအောင်ဝင်း၊ တစည ပါတီမှ ဦးကြီးမြင့်နှင့် ဒီမိုကရေစီပါတီသစ်ပါတီမှ ဦးဝင်းရွှေ တို့ ယှဉ်ပြိုင်နေသည်။

ကော့မှူးမြို့ မကျီးကန်ရွာ မဲရုံ
မဇ္ဈိမသတင်းဌာန တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၆ နာရီ ၅၆ မိနစ်

ကော့မှူး မဲရုံ ထက်ဝက်ကျော်တွင် NLD က ၆၅% ရရှိနေ
မဇ္ဈိမသတင်းဌာန တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၆ နာရီ ၅၀ မိနစ်

အမျိုးသားဒီမိုကရေစီအဖွဲ့ချုပ် NLD ဗဟိုရွေးကောက်ပွဲ အောင်နိုင်ရေး တာဝန်ရှိသူများအဆိုအရ ကော့မှူးမြို့နယ်ရှိ မဲရုံပေါင်း ၁၂၉ ရုံအနက် ယခုအချိန်အထိ ၈၂ ရုံမှ ရရှိသော စာရင်းအရ ၆၅ ရာခိုင်နှုန်းဖြင့် NLD အနိုင် ရရှိနေ
ကြောင်း သိရသည်။ ကော့မှူးမြို့နယ် ပြည်သူ့လွှတ်တော်အတွက် NLD မှ ဒေါ်အောင်ဆန်းစုကြည်၊ ကြံ့ခိုင်ရေး ပါတီမှ ဒေါက်တာစိုးမင်းနှင့် ညီညွတ်ရေးနှင့်ငြိမ်းချမ်းရေးပါတီမှ ဦးတင်ရီ တို့ ယှဉ်ပြိုင်နေကြခြင်းဖြစ်သည်။
မဲလက်မှတ် ဖျက်ဆီးမှုကိစ္စ NLD ကန့်ကွက်စာပို့
ကိုပေါက်| နယူးဒေလီ (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၆ နာရီ ၃၃ မိနစ်

မဲရုံမှူးများက ဖယောင်းသုတ်လူးထားသော မဲလက်မှတ်များကို မဲဆန္ဒရှင်များအား ထုတ်ပေးကာ စောဒကတက် ပါသော်လည်း ပြန်လည် လဲလှယ်မပေးခြင်းနှင့် ပတ်သက်၍ အရေးယူပေးပါရန် အမျိုးသားဒီမိုကရေစီအဖွဲ့ချုပ် NLD က ပြည်ထောင်စု ရွေးကောက်ပွဲကော်မရှင်သို့ ဧပြီလ ၁ ရက်နေ့စွဲဖြင့် စာရေးသား တောင်းဆိုလိုက်သည်။

ထိုကဲ့သို့ ဆန္ဒမဲလက်မှတ်များ ဖျက်ဆီးနေမှုမှာ စစ်ကိုင်းတိုင်း၊
ပုလဲမြို့နယ်အတွင်းမှ ကျေးရွာများဖြစ်ကြသည့် ညောင်ပင်သာ၊
ဆင်ရှင်၊ တနယ်၊ အလယ်ပုံ၊ ချောင်းနားနှင့် ကျေးသများရွာ
တို့အပြင် အခြားမဲဆန္ဒနယ်များဖြစ်ကြသည့် မော်လမြိုင်၊
မြန်အောင်၊ မကွေး၊ ကော့မှူး၊ မင်္ဂလာတောင်ညွန့်၊ မရမ်းကုန်း၊
ဒဂုန်ဆိပ်ကမ်း၊ တောင်တွင်းကြီးနှင့် ကလော (အောင်ပန်း)
မြို့တို့တွင် အလားတူဖြစ်ရပ်များ ဖြစ်ပွားနေကြောင်း NLD
အောင်နိုင်ရေး အတွင်းရေးမှူး၏ စာတွင် ဖော်ပြပါရှိသည်။

ထိုသို့ မဲဖယောင်းသုတ်ခြင်းကိစ္စများ တပြည်လုံးအတိုင်း
အတာဖြင့် ဖြစ်ပေါ်နေပြီး ပုလဲနီခြံရွာတွင် မဲရုံမှူး ဆရာမ
ဒေါ်တင်မာဝင်း မဲလက်မှတ်များတွင် ပြည်ခိုင်ဖြိုးပါတီအား ကိုယ်တိုင်ရေးခြစ်ပေးခဲ့ကြောင်း ဖော်ပြပါရှိသည်။
ဒေါ်ဖြူဖြူသင်း မဲရုံအမှတ် ၂ သို့ လေ့လာ


ဒေါ်ဖြူဖြူသင်း ဝင်ရောက်ယှဉ်ပြိုင်သည့် မင်္ဂလာတောင်ညွန် မဲဆန္ဒနယ်တွင် မဲရေတွက်မှု စတင်နေပြီ ဖြစ်သည်။
ဖျာပုံတွင် အများအားဖြင့် လွတ်လပ်သန့်ရှင်းဟု NLD ပြော
မျိုးသန့် | ချင်းမိုင် (မဇ္ဈိမ)တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၅ နာရီ ၃၉ မိနစ်

အမျိုးသားဒီမိုကရေစီအဖွဲ့ချုပ် NLD ဖျာပုံမြို့နယ်၏ လွှတ်တော်ကိုယ်စားလှယ်လောင်း ဦးသိန်းဆွေက ယနေ့
ရွေးကောက်ပွဲသည် အများအားဖြင့် လွတ်လပ်သန့်ရှင်းသည်ဟု မဇ္ဈိမကို ပြောသည်။

၎င်း၏ မဲဆန္ဒနယ်အတွင်းရှိ ရွာပေါင်း ၂ဝ ကျော်မှ မဲရုံပေါင်း ၃ဝ ကျော်ကို သွားရောက်လေ့လာခဲ့ပြီး “ယေဘူယျ
ပြောရရင်တော့ အများစုကတော့ လွတ်လွတ်လပ်လပ် သန့်သန့်ရှင်းရှင်း အနေအထားမှာ ရှိပါတယ်။ တချို့ကျေးရွာ သုံးရွာလောက်တော့ မဲညစ်တဲ့ပုံတော့ တွေ့ရတယ်ပေါ့။ အဲဒါတွေကလည်း သိပ်တော့ စိုးရိမ်စရာ မရှိပါဘူး” ဟု ဦးသိန်းဆွေ က မဇ္ဈိမကို ပြောသည်။

NLD ၏ ကိုယ်စားလှယ်လောင်းအမည်ဘေး ဆန္ဒမဲပေးနိုင်သည့် ကွက်လပ်တွင် ဖယောင်းသုတ်ထားမှုများနှင့် ပတ်သက်၍လည်း ဖျာပုံမြို့နယ် NLD အောင်နိုင်ရေး ကော်မတီဝင် ကိုဇေယျာက “ကျနော်တို့ဆီိကိုလည်း သတင်းပို့တာ ရှိပါတယ်။ ဒါပေမယ့် သတင်းအရင်းအမြစ်က သိပ်မခိုင်လုံဘူး ဖြစ်နေတယ်။ ကျနော်တို့က ဒီစာရွက်လည်း ရမထားတော့ အတည်ပြုနိုင်ဖို့က သက်သေအထောက်အထားလည်း မရှိဘူး။ ဒါပေမယ့် မြို့ပေါ်ရပ်ကွက် တခုနှစ်ခုလောက်နဲ့ ရွာ တရွာနှစ်ရွာလောက်မှာတော့ အဲဒီအနေအထား ရှိတယ်လို့ ပြောဆိုတာ
တွေရှိပါတယ်” ဟု မဇ္ဈိမကို ပြောသည်။

သို့သော် NLD ၏ ရွေးကောက်ပွဲ ဗဟိုအောင်နိုင်ရေးကော်မတီဝင်လည်းသူ ဦးဉာဏ်ဝင်းက အဆိုပါ မဲမသမာမှုများ လစ်လပ် မဲဆန္ဒနယ် တော်တော်များများတွင် ဖြစ်ပေါ်နေသည်ဟု မဇ္ဈိမကို ပြောဆိုထားသည်။

ဖျာပုံမဲဆန္ဒနယ်တွင် အထက်လွှတ်တော်နေရာအတွက် NLD မှ ဦးသိန်းဆွေ၊ ခေတ်သစ်ပြည်သူ့ပါတီမှ ဦးကျော်လင်း (ခေါ်) ဦးသန်းဌေး၊ တိုင်းရင်းသား စည်းလုံးညီညွတ်ရေးပါတီမှ ဦးမင်းသိန်းလှ၊ ကြံ့ခိုင်ရေးပါတီမှ ဦးအေးကြိုင်တို့ ယှဉ်ပြိုင်နေသည်။
ပုလဲမြို့နယ် ရွာလေးရွာ NLD နိုင်နေ
လင်းဘိုဘို | ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၅ နာရီ ၃၀ မိနစ်

စစ်ကိုင်းတိုင်း၊ ပုလဲမြို့နယ်ရှိ မဲဆန္ဒနယ် အများအပြားတွင် အမျိုးသား ဒီမိုကရေစီအဖွဲ့ချုပ် NLD အနိုင်ရနေကြောင်း NLD ရုံးက ထုတ်ပြန်သည့် သတင်းများအရ သိရသည်။

ပဲမင်းမ၊ ကန်ယာယာ၊ ကန်သစ်၊ ဇီးယင်း စသည့် ကျေးရွာများတွင် ရေတွက်ပြီး မဲစာရင်းအရ NLD က ပြိုင်ဘက် ကြံ့ခိုင်ရေးပါတီကို မဲအပြတ်အသတ် အသာရနေသည်ကို တွေ့ရသည်။

ပုလဲမဲဆန္ဒနယ်၏ ပြည်သူ့လွှတ်တော်ကိုယ်စားလှယ်နေရာအတွက် NLD မှ ဒေါ်ခင်စန်းလှိုင်၏ အဓိကပြိုင်ဘက်မှာ ကြံ့ခိုင်ရေးပါတီမှ ဦးဌေးနိုင်ဖြစ်ပြီး ပြည်သူ့ ဒီမိုကရေစီပါတီမှ ဦးဟိန်းထက်အောင်လည်း ပါဝင်ယှဉ်ပြိုင်သည်။

လက်ရှိ NLD မှ ရရှိထားသည့် ပုလဲမြို့နယ်အတွင်းမှ မဲရေတွက်ပြီး ကျေးရွာများ၏ ရွေးကောက်ပွဲရလာဒ်များမှာ အောက်ပါအတိုင်း ဖြစ်သည်။

(ပဲမင်းမ ကျေးရွာ)
NLD ၂၉၃ မဲ ၊ ကြံခိုင်ရေးပါတီ ၁၈၇ မဲ၊ ပြည်သူ့ ဒီမိုကရေစီပါတီ ၂၅ မဲ၊ ပယ်မဲ ၁၆ မဲ

(ကန်သာယာကျေးရွာ)
NLD ၁၆၃ မဲ၊ ကြံခိုင်ရေးပါတီ ၁ မဲ၊ ပယ်မဲ ၁ မဲ

(ကန်သစ်ကျေးရွာ)
NLD ၂၅၄ မဲ၊ ကြံ့ခိုင်ရေးပါတီ ၂၄ မဲ၊ ပြည်သူ့ဒီမိုကရေစီပါတီ ၃ မဲ၊ ပယ်မဲ ၄၁ မဲ

(ဇီးယင်းကျေးရွာ)
NLD ၂၈၂ မဲ၊ ကြံခိုင်ရေးပါတီ ၁၆၁ မဲ၊ ပယ်မဲ ၁ မဲ
ကလောတွင် NLD တရွာ၊ ပအိုးဝ်ပါတီ တရွာနိုင်
ဖနိဒါ | ချင်းမိုင် (မဇ္ဈိမ)တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၄ နာရီ ၄၀ မိနစ်

ရှမ်းပြည်နယ်တောင်ပိုင်း ကလောမြို့နယ် ဖောင်းသင်ရွာတွင် အမျိုးသားဒီမိုကရေစီအဖွဲ့ချုပ် NLD အနိုင်ရရှိသွားသည်ဟု ပြည်တွင်း သတင်းထောက် တဦးက ပြောသည်။

ဖောင်သင်ကျေးရွာရှိ အမက ကျောင်း မဲရုံတွင် လာရောက်မဲပေးသည့် ၃၄၃ မဲထဲမှ NLD အမတ်လောင်း
ဒေါ်သန်းငွေက ၁၇၆ မဲ၊ ကြံ့ခိုင်ရေးပါတီမှ ဦးမြဝင်း က ၅၅ မဲ၊ ကျားဖြူပါတီမှ ဦးစဝ်သာဦး က ၅ မဲ၊ တစညပါတီမှ ဦးခင်မောင်လှ က ၉ မဲ ရရှိကြပြီး ပယ်မဲ ၇၆ မဲဖြစ်ကြောင်း သိရသည်။

ကလောမြို့နယ်၊ နန်ရွတ်ခွေလဲ ကျေးရွာတွင် မဲပေးသူ ၃၂၂ ဦးထဲမှ ပအိုဝ်းအမျိုးသားအဖွဲ့ချုပ်ပါတီမှ ဦးခွန်သန်းမောင် ၂၂၉ မဲဖြင့် အနိုင်ရခဲ့သည်ဟု အဆိုပါ သတင်းထောက်တဦးက ပြောသည်။

“အမက ကျောင်းထဲက မဲရုံမှာ ပအိုးဝ်ပါတီက အနိုင်ရသွားတယ်၊ တခြားတော့ မသိသေးဘူး”ဟု သူက မဇ္စျိမကို ပြောသည်။

ထို နန်ရွတ်ခွေလဲရွာမှ ကျန်မဲများကို NLD မှ ၁၄ မဲ၊ ကြံ့ခိုင်ရေးမှ ၉ မဲ၊ ပယ်မဲ ၇ မဲဖြစ်ပြီး တစည ပါတီမှ မဲမရှိခဲ့ပေ။

ကလောမြို့နယ် ပြည်သူ့လွတ်တော် မဲဆန္ဒနယ်တွင် မဲရုံပေါင်း ၁၃၁ ရုံတွင် မဲရုံ ၂၅၆ ပုံးထားရှိပြီး မဲပေးနိုင်သူ စုစုပေါင်း ၉၈,၃၉၃ ရှိသည်။
မဲဖယောင်းသုတ်မှုများ နယ်တိုင်းမှာဖြစ်ဟု NLD ဆို
မျိုးသန့် | ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၄ နာရီ ၀၄ မိနစ်

မြန်မာတနိုင်ငံလုံးရှိ မဲဆန္ဒနယ်မြေများတွင် အမျိုးသား ဒီမိုကရေစီအဖွဲ့ချုပ် NLD ၏ ကိုယ်စားလှယ်လောင်းကို ဆန္ဒမဲ မပေးနိုင်ရန် ဖယောင်းသုတ်မှုများ ဖြစ်ပေါ်နေသည်ဟု NLD ၏ ရွေးကောက်ပွဲအောင်နိုင်ရေး မန်နေဂျာ ဦးဉာဏ်ဝင်း က မဇ္ဈိမကို ပြောသည်။

“ဖယောင်း သုတ်တဲ့ကိစ္စက မြန်မာတပြည်လုံး မြို့နယ်တိုင်းမှာ ဖြစ်တယ်။ တော်တော် ဆိုးရွားနေတယ်။ အဲဒါနဲ့ ပတ်သက်ပြီးတော့ ကျနော် ပြည်ထောင်စု ကော်မရှင်ကို တင်ပြထားတယ်။ လစ်လပ် မဲဆန္ဒနယ်တိုင်းက အဲဒီ Report တွေ တက်နေတယ်” ဟု မဇ္ဈိမကို ပြောသည်။

ဖယောင်းသုတ်ပုံမှာ NLD ကိုယ်စားလှယ်လောင်းများ၏ အမည်နံဘေး အမှန်ခြစ်၍ ဆန္ဒမဲပေးနိုင်မည့် လေးထောင့် ကွက်တွင် သုတ်လိမ်းထားခြင်းကြောင့် ဘောလ်ပင်ဖြင့် အမှန်ခြစ် မဲဆန္ဒပေးသော်လည်း အရာထင်မထင်သည့်
ဖြစ်ရပ်များ ဖြစ်ပေါ်နေခြင်း ဖြစ်သည်။

ဦးဉာဏ်ဝင်းက အဆိုပါဖြစ်ရပ်နှင့် ပတ်သက်၍ “မဲပေးတဲ့လူတွေက သက်သေပဲ၊ သူတို့ပြောလို့ သိရတာ။ ဒီလူတွေက သက်သေပဲ” ဟု မဇ္ဈိမကို ပြောသည်။

ကြားဖြတ်ရွေးကောက်ပွဲတွင် လစ်လပ်နယ်မြေ ၄၅ နေရာရှိသည့်အနက် NLD ၏ ကိုယ်စားလှယ်လောင်းများ ၄၄ နေရာတွင်ဝင်ရောက်ယှဉ်ပြိုင်လျက်ရှိသည်။
ပုလဲမြို့နယ် ကန်သာရွာ NLD အနိုင်ရ
နေမျိုး | ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၄ နာရီ ၀၁ မိနစ်

စစ်ကိုင်းတိုင်း၊ ပုလဲမြို့နယ်၊ ကန်သာရွာတွင် အမျိုးသားဒီမိုကရေစီအဖွဲ့ချုပ် NLD မှ မဲအပြတ်ဖြင့် အနိုင်ရ သွားကြောင်း NLD ကိုယ်စားလှယ်လောင်း ဒေါ်ခင်စန်းလှိုင် က ပြောသည်။

ကန်သာရွာတွင် မဲလာရောက်ပေးသူ ၁၆၅ ဦးရှိပြီး နေ့လည် ၁ နာရီတွင် မဲပေးမှု ပြီးစီးသွားပြီ ဖြစ်ကြောင်း ပြောသည်။

“တရွာကတော့ ဝင်လာပြီ။ ၁၆၅ မဲ အဲဒီ ကန်သာယာရွာမှာ ပေးရမှာ။ အဲဒီမှာ အန်တီ ၁၆၃ မဲ ရပြီးတော့ ပယ်မဲ ၁ မဲနဲ့ ကြံ့ခိုင်ဖွံ့ဖြိုးရေးက ၁ မဲ ရတယ်။ လောလောဆယ်တော့ ဒီတရုံပဲ ဝင်သေးတယ်။ ကျန်တာတွေတော့ စာရင်း မရသေးဘူး” ဟု NLD ကိုယ်စားလှယ်လောင်း ဒေါ်ခင်စန်းလှိုင် က ပြောသည်။

ပုလဲမြို့နယ် ပြည်သူ့လွှတ်တော်အတွက် NLD မှ ဒေါ်ခင်စန်းလှိုင်၊ ကြံ့ခိုင်ရေးပါတီမှ ဦးဌေးနိုင်နှင့် ပြည်သူ့ ဒီမိုကရေစီပါတီမှ ဦးဟိန်းထက်အောင် တို့ ဆက်လက်ယှဉ်ပြိုင်နေကြသည်။
မြောင်းမြမြို့ မဲဆန္ဒရှင်အချို့ အမှောင်ထဲ မဲပေးခဲ့ရဟုဆို
မျိုးသန့်| ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၃ နာရီ ၃၅ မိနစ်

မြောင်းမြမြို့ အမှတ် ၁ ရပ်ကွက်ရှိ မူလတန်းကျောင်းတွင် ပြုလုပ်ထားသည့် မဲရုံအမှတ် ၂ ရှိ ပြတင်းပေါက်များ ဖွင့်မပေးခြင်းကြောင့် အလင်းရောင်ရရှိမှုအားနည်းပြီး နံနက်စောစော မဲသွားရောက်ပေးကြသည့် မဲဆန္ဒရှင်တို့ အခက်အခဲရှိခဲ့သည်ဟု သွားရောက်မဲပေးခဲ့သူ မြောင်းမြမြို့မှ မသီရိ က မဇ္ဈိမကို ပြောသည်။

“သမီးက ၆:၃ဝ လောက်မဲသွားပေးတယ် မဲသွားပေးတော့ မဲရုံက တံခါးတွေ တခုမှ ဖွင့်မထားဘူး။ ဖွင့်မထားတော့ ဪ ဘာဖြစ်လို့ တံခါးမဖွင့်တာလဲလို့ မေးကြည့်တော့ မဲရုံမှူးက ပြောတယ်။ ခရိုင်ကော်မရှင်က မဖွင့်ခိုင်းလို့တဲ့။ ရမ်းသမ်းပြီး ခြစ်ခဲ့တယ်” ဟု ပြောသည်။

ကျောင်းသား တရာခန့် ဆံ့သည့် အဆိုပါ မူလတန်းကျောင်းတွင် ပြတင်းပေါက် ရှစ်ပေါက် ရှိပြီး ပြတင်းပေါက် အားလုံး ပိတ်ထားကာ “သူတို့ (မဲရုံမှူး) ပြောတော့ ပတ်ဝန်းကျင် အနှောက်အယှက် ပေးမှာစိုးလို့တဲ့။ ပြတင်းပေါက်
တွေ မဖွင့်ရဘူးလို့ ပြောတာပဲ။ အခုချိန်ထိလည်း မဖွင့်သေးဘူး မဖွင့်ရဘူးလို့ ပြောထားတော့ တနေကုန်ဖွင့်မယ့်ပုံ မရှိဘူး” ဟု မသီရိက မဇ္ဈိမကို ပြောသည်။

အဆိုပါ ဖြစ်ရပ်နှင့်ပတ်သက်၍ မြောင်းမြမြို့ အမျိုးသားဒီမိုကရေစီအဖွဲ့ချုပ် NLD ရွေးကောက်ပွဲ အောင်နိုင်ရေးအဖွဲ့ဝင် ဦးဝင်းရွှေသို့ ဆက်သွယ်မေးမြန်းရာတွင် ကိုကိစ္စနှင့် ပတ်သက်၍ မဲဆန္ဒရှင်များမှ သူ့ထံ ဆက်သွယ် အကြောင်းကြား လာသည်ဟု ဆိုကာ “အလင်းရောင် နည်းနည်းရလာတော့မှ အဆင်ပြေသွားတယ်” ဟု မဇ္ဈိမကို ပြောသည်။

လစ်လပ်လျှက်ရှိသည့် အထက်လွှတ်တော် မြောင်းမြမြို့နယ် မဲဆန္ဒနယ်တွင် NLD မှ မန်းဂျော်နီ၊ ကြံ့ခိုင်ရေးမှ ဦးဖြိုးကိုကိုတင့်ဆန်း၊ အမျိုးသားဒီမိုကရေစီ အင်အားစုပါတီမှ ဦးအောင်မျိုးလှိုင်တို့ ယှဉ်ပြိုင်နေသည်။
ကော့မှူးမြို့နယ်၊ ရေကျော်ရွာတွင် NLD နိုင်
လင်းဘိုဘို | ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၃ နာရီ ၀၆ မိနစ်

ကော့မှူးမြို့နယ် ရေကျော်ကျေးရွာတွင် မဲပေးပိုင်ခွင့်ရှိသူများအားလုံး မဲပေးပြီးဖြစ်၍ မဲရုံတာဝန်ရှိသူများက မဲရေတွက်ခဲ့ရာ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က ၂၁၇ မဲရရှိခဲ့ပြီး ကြံခိုင်ရေးပါတီမှ ဒေါက်တာစိုးမင်းက ၃၇ မဲရရှိခဲ့ပြီး ပယ်မဲ ၂ မဲရှိကြောင်း NLD ရုံးချုပ်(ဗဟို) က ထုတ်ပြန်သည်။
အများကြိုက်ပါတီကို မဲပေးဟု ဦးခင်ညွှန့်ပြော
လင်းဘိုဘို | ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၃ နာရီ ၀၀ မိနစ်

စစ်ထောက်လှမ်းရေး ညွှန်ကြားရေးမှူးချုပ်နှင့် ဝန်ကြီးချုပ်ဟောင်း ဦးခင်ညွှန့်က ကြားဖြတ်ရွေးကောက်ပွဲတွင် အများပြည်သူ ကြိုက်နှစ်သက်သည့် ပါတီကို မဲပေးခဲ့သည်ဟု ပြောဆိုသည်။
khinnyunt

စစ်ထောက်လှမ်းရေး ညွှန်ကြားရေးမှူးချုပ်နှင့် ဝန်ကြီးချုပ်ဟောင်း ဦးခင်ညွှန့်က ကြားဖြတ်ရွေးကောက်ပွဲတွင် အများပြည်သူ ကြိုက်နှစ်သက်သည့် ပါတီကို မဲပေးခဲ့ (ဓါတ်ပုံ မဇ္ဈိမ)


မရမ်းကုန်းမြို့နယ် ၇ ရပ်ကွက်အတွင်းရှိ အမှတ် ၁-၂ မဲရုံသို့ ဇနီးသည်၊ သားဖြစ်သူ တို့နှင့်အတူ နံနက် ၉ နာရီ ဝန်းကျင်တွင် လာရောက် မဲထည့်ခဲ့သည့် ဦးခင်ညွှန့်အား မီဒီယာများက မည်သည့်ပါတီကို မဲပေးခဲ့သနည်းဟု
မေးမြန်းရာ အများ ကြိုက်နှစ်သက်သည့် ပါတီကို မဲပေးခဲ့သည်ဟု ပြန်လည်ပြောဆိုခဲ့ကြောင်း သိရသည်။

“အများကြိုက်ပါတီကို မဲပေးသည်” ဟုသာ ဦးခင်ညွှန့်က ပြောဆိုခဲ့သော်လည်း သားဖြစ်သူ ကိုဇော်နိုင်ဦးကမူ “ခွပ်ဒေါင်းပါတီ” ကို မဲပေးခဲ့သည်ဟု တရားဝင် ထုတ်ဖော်ပြောဆိုသွားခဲ့သည်။
သိန္နီမြို့နယ်တွင် ၃၀၀ ကျော် မဲထည့်ခွင့်မရ
ဖနိဒါ | ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၂ နာရီ ၅၆ မိနစ်

ချင်းမိုင်(မဇ္စျိမ) ။ ။ ရှမ်းပြည်နယ်၊ သိန္နီမြို့နယ် မဲဆန္ဒနယ်မှ ကုန်းကောက်ကျေးရွာ အုပ်စုတွင် မဲဆန္ဒရှင် ၃၀၀ ကျော် မဲပေးပိုင်ခွင့်ရှိသော်လည်း မဲစာရင်းတွင် မပါဝင်သဖြင့် မဲမထည့်ခဲ့ရဘဲ ပြန်သွားရသည်ဟု ရှမ်းအမျိုးသားများ ဒီမိုကရက်တစ်ပါတီ -ကျားဖြူ ပါတီမှ ၂၀၁၀ ကိုယ်စားလှယ် ပြည်သူ့လွတ်တော် ကိုယ်စားလှယ် ဦးစိုင်းဝင်းခိုင်က ပြောသည်။

“အခုဒီနေ့က ထူးခြားတာတခုက မဲပေးချင်တဲ့ ဆန္ဒတွေ ပြင်းပြနေတာ တွေ့ရတယ်။ မဲထည့်ချင်ပေမယ့်လည်း မဲစာရင်း မပါတဲ့ ကိစ္စတွေ ပေါ်လာတဲ့ မဲမပေးနိုင်တာတွေ ရှိနေတာရှိတာ၊ အဲဒါနည်းနည်းစောင့်ကြည့်နေတယ်” ဟု မဇ္ဈိမကို ပြောသည်။

“မဲစာရင်းကပ်တုန်ကတော့ လူထုက မသိဘူး။ မလေ့လာကြဘူး။ ရပ်/ကျေးကော်မရှင်က ပညာပေးခြင်း ကြေငြာပေး
ခြင်း မရှိတဲ့အတွက် မဲစာရင်းတိုးရမှာကို မတိုးနိုင်ကြဘူး။ အခုကျတော့ မဲထည့်ချင်ပေမယ့် မထည့်နိုင်ဘူး။
ပြည်သူလူထုရဲ့ အပြစ်လည်းပါတယ်။ ကော်မရှင်၊ ပါတီတွေရဲ့ အပြစ်လည်း ပါတယ်”ဟု ပြောသည်။

မြို့နယ် ကော်မရှင်နှင့် ပူးပေါင်းဆောင်ရွက်ပေးသော်လည်း ဥပဒေအရ ပြန်လည် ပြင်ဆင်ပေးရန် မဖြစ်နိုင်တော့ သဖြင့် နောက်တကြိမ်ကျင်းပမည့် ရွေးကောက်ပွဲမှသာ ထည့်ရန်သာ နှစ်သိမ့်ပေးခဲ့ရသည်ဟု ဦးစိုင်းဝင်းခိုင်က
ပြောသည်။

“ကျနော်တို့ပါတီက နောက်ရွေးကောက်ပွဲကျမှ ထည့်ရအောင်ဆိုပြီး နှစ်သိမ့်ပေးရတာပေါ့။ ကျနော်တို့ မြို့နယ်
ကော်မရှင် ဥက္ကဋ္ဌနဲ့ပဲ ပူးပေါင်းဆောင်ရွက်နေပါတယ်။ ဒါပေမယ့် ဥပဒေနဲ့ နည်းဥပဒေအတိုင်း သွားမယ်ဆိုရင်
ပြန်တိုးဖို့ မဖြစ်သွားဘူး”ဟု ပြောသည်။

သိန္နီမြို့တွင် ရပ်ကွက်ပေါင်း ၄ ရပ်ကွက်ရှိပြီး မဲရုံပေါင်း ၆၀ ရုံတွင် မဲပေးပိုင်ခွင့်ရှိသူ ၂၉၃,၁၀၀ ဦးရှိသည်ဟု ဆိုသည်။

သိန္နီမြို့နယ်တွင် ပြီးခဲ့သည့် အပတ်က ဗုံးပေါက်ကွဲမှု ဖြစ်ပွားခဲ့သော်လည်း သိန္နီမြို့နယ်မှ မဲရုံများတွင် ရွေးကောက်ပွဲ ဆက်လက် ကျင်းပနေသည်ဟု လားရှိုးခရိုင် ကော်မရှင် ဥက္ကဋ္ဌ ဦးစိုင်းတင်မောင်ရွှေက မဇ္စျိမကို ပြောသည်။

“သိန္နီမှာ အေးအေးချမ်းချမ်း မဲထည့်နေကြပါတယ်။ တန့်ယန်းဘက်က ခုထိ ဆက်သွယ်လို့ မရသေးဘူး၊ ပုံမှန် ထားတယ်။ ဘာသတင်းမှ မရသေးဘူး”ဟု သူက မဇ္စျိမကို ပြောသည်။

ပြီးခဲ့သည့် ၂၀၁၀ ခုနှစ် ရွေးကောက်ပွဲတွင် ကြိုတင်မဲ မသမာမှုများနှင့် ဖိအားပေးမှုများ ရှိခဲ့သော်လည်း လက်ရှိ ကြားဖြတ် ရွေးကောက်ပွဲသည် ပွင့်လင်းမြင်သာမှု ရှိသည်ဟု ၂၀၁၀ ကိုယ်စားလှယ် ဦးစိုင်းဝင်းခိုင်က ပြောသည်။

သိန္နီမြို့နယ်တွင် စစ်တပ်မှ ကြိုတင်မဲပေါင်း ၁,၀၀၄ မဲ၊ ရပ်ကွက် ၄ ခုတွင် ၁၈၉ မဲ ရရှိထားပြီး ဖြစ်ပြီး အုပ်စုပေါင်း
၃၆ စုမှ ကြိုတင်မဲများကိုမူ မရသိရသေးကြောင်း သူက မဇ္စျိမကို ပြောသည်။
NLD ရုံးရှေ့တွင် ရွေးကောက်ပွဲသတင်းများ လာရောက်ကြည့်ရှု
လင်းဘိုဘို | ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၂ နာရီ ၂၄ မိနစ်

ရွှေဂုံတိုင် အမျိုးသားဒီမိုကရေစီအဖွဲ့ချုပ်ရုံး ရှေ့တွင် တပ်ဆင်ထားသည့် LED ဆိုင်းဘုတ်မှ ထုတ်ပြန်ပေးနေသည့်
ရွေးကောက်ပွဲဆိုင်ရာ သတင်းများကို လာရောက်ကြည့်ရှုသူ တစတစ များပြားလာသည်ကို တွေ့ရသည်။

မြို့နယ်အသီးသီးရှိ အန်အယ်လ်ဒီ အဖွဲ့ဝင်များမှ ပေးပို့သည့် ရွေးကောက်ပွဲဆိုင်ရာ မတရားမှုများ၊ ပြဿနာများနှင့် အခြေအနေသတင်းများ၊ ပြည်တွင်းပြည်ပ သတင်းဌာနများမှ တင်ဆက်ထားသည့် သတင်းများကို နံနက် ၁၁ နာရီခန့်မှ စ၍ အဆိုပါ LED ဘုတ်တွင် စတင် ဖော်ပြပေးနေရာ သက်ကြီးရွယ်အိုများ၊ လူငယ်များ၊ ပြည်တွင်းပြည်ပ သတင်းသမားများ တရာကျော်ခန့် လာရောက် စောင့်ဆိုင်းကြည့်ရှုနေကြသည်ကို တွေ့ရသည်။
LED

ဗဟန်းမြို့နယ်၊ ရွှေဂုန်တိုင်လမ်းရှိ အမျိုးသားဒီမိုကရေစီအဖွဲ့ချုပ်ရုံးရှေ့တွင် ရွေးကောက်ပွဲဆိုင်ရာ သတင်းများကို ထုတ်ပြန်ပေးနေသည့် LED ဆိုင်းဘုတ်အား လူအများ လာရောက်ကြည့်ရှုနေကြစဉ်။ (ဓါတ်ပုံ - လင်းဘိုဘို၊ မဇ္ဈိမ)


ရွေးကောက်ပွဲ မတရားမှုများကို အာဆီယံလေ့လာရေးအဖွဲ့များက ဖြေရှင်းခြင်း၊ မဲစာရင်းကွာဟမှုကို အန်အယ်လ်ဒီမှ ဝင်ရောက်ဖြေရှင်း၍ အောင်မြင်မှုရသွားခြင်း စသည့် သတင်းအချက်အလက်များ တင်ဆက်ချိန်တွင် လာရောက်
ကြည့်ရှုနေသူများက လက်ခုပ်လက်ဝါးတီး၍ အားပေးမှုများပြုလုပ်သည်ကိုလည်း တွေ့မြင်ရသည်။

NLD အဖွဲ့ချုပ်ရုံးမှ ထုတ်ပြန်သည့် ရွေးကောက်ပွဲ သတင်းတို အချို့

ပယ်မဲဖြစ်ရန် ကြံ့ခိုင်ရေးကြိုးပမ်း

ကော့မှူးမြို့နယ် တာလမ်းထိပ်ရပ်ကွက် အပိုင်ကွင်းထဲတွင် ကြံ့ခိုင်ရေးမဲရုံကိုယ်စားလှယ်က ရပ်ကွက်လူထုအား
ဒေါ်အောင်ဆန်းစုကြည်အား ထောက်ခံလျှင် အမှန်ခြစ်သလို ကြံ့ခိုင်ရေးကို ကန့်ကွက်လျှင်လည်း ကြက်ခြေခတ်
ခြစ်ပါဟု ပြောဆိုခဲ့သည်ဟု ကျေးရွာသားများက ပြန်လည်ပြောဆိုကြောင်း သိရသည်။

မဲစာရွက်ပြန်မလဲပေးရန် မြို့နယ်ကော်မရှင် ဥက္ကဌပြော

ဧရာဝတီတိုင်း ဖျာပုံမြို့နယ်အတွင်းရှိ မဲရုံအချို့တွင် မဲရုံတာဝန်ရှိသူများနှင့် ကြံခိုင်ရေးပါတီဝင်များက လာရောက် မဲပေးသူများကို အနှောင့်အယှက်များ ပေးနေပြီး အမှတ် ၁၈ ရပ်ကွက် မဲရုံ ၂ တွင် မြို့နယ်ရွေးကောက်ပွဲကော်မရှင် ဥက္ကဋ္ဌက မဲပေးသူ၏ အမှားကြောင့် မဲစာရွက်တွင် အပေါက်အပြဲ အစွန်းအထင်း ဖြစ်ပါက ပြန်လဲမပေးရန် အမိန့် ထုတ်ထားကြောင်း ရွေးကောက်ပွဲ လေ့လာစောင့်ကြည့်ရေး ကွန်ယက်အဖွဲ့ဝင် တဦးက ဆိုသည်။ (Burma VJ)
မဲဖယောင်းသုတ်ကိစ္စ မရမ်းကုန်းမှာ မရှိဟု ကော်မရှင်ပြော
ကိုပေါက် | နယူးဒေလီ (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၂ နာရီ ၂၄ မိနစ်

အချို့မဲဆန္ဒနယ်များကဲ့သို့ မဲစာရွက်များပေါ် ဖယောင်းသုတ်လိမ်းထားသည့်ကိစ္စ စောဒကတက်မှုများ မရမ်းကုန်းတွင် မရှိသေးကြောင်း ကော်မရှင် က ပြောသည်။

“အကယ်၍ ရှိလာရင် ဘယ်မဲရုံ၊ ဘယ်ရပ်ကွက်၊ မဲရုံအမှတ်နဲ့အတူ ကျနော်တို့ဆီ တရားဝင်တင်ရင် ကျနော်တို့ ကိုယ်တိုင် ဆင်းပြီး ကြည့်ရှုပြီး ရှင်းလင်းပေးပါ့မယ်” ဟု ခရိုင်ကော်မရှင်အဖွဲ့ဝင် ဦးတင်မြင့် က မဇ္ဈိမကို ပြောသည်။

တနင်္ဂနွေနေ့ ကြားဖြတ်ရွေးကောက်ပွဲအတွက် မဲစာရွက်များကို ခရိုင်ကော်မရှင်မှ မြို့နယ်နှင့် ရပ်/ကျေး ကော်မရှင် များထံသို့ လနှင့်ချီ၍ ကြိုတင် ဖြန့်ဝေပေးထားခြင်းကြောင်း “မဲစာရွက် ပုံစံတွေက အစောကြီး ကြိုပေးထားတယ် ခင်ဗျ။ နှစ်လလောက် ကတည်းကပေါ့။ အနည်းဆုံး တလ နှစ်လလောက်ကို ကြိုတင်ပြီးတော့ ရပ်ကွက်အလိုက်၊ မဲရုံအလိုက်ကို ပေးထားပါတယ်ခင်ဗျ။ ပိုပြီးတော့လည်း ဆောင်းပေးထားပါတယ်။ မဲစာရွက်ကတော့ အလိုမရှိဘူး။ ပိုပေးတယ်”ဟု ဦးတင်မြင့် က ပြောသည်။

ထိုသို့ မဲစာရွက်အား ဖယောင်းသုတ်သည့် စောဒကတက်မှုများ မကြုံရသော်လည်း မဲစာရင်းကွာဟမှုမှာ ယနေ့အထိ အခက်အခဲတခုအဖြစ် ဖြေရှင်းပေးနေရကြောင်း “သန်းခေါင်စာရင်းနဲ့ ဒီရပ်ကွက်ထဲမှာနေတယ်၊ လူရှိတယ်၊ ကြာလည်းကြာပြီ။ ဒါပေမယ့် မဲစာရင်းထဲ မပါလို့၊ အဲဒီအပိုင်းက ခက်ခဲနေတယ်ခင်ဗျ။ အဲဒီအနေအထားတွေကို ကျနော်တို့က တော်တော်လေး ဆွေးနွေးပေးနေရပါတယ်။ ရာဂဏန်းလောက်ထိ ရှိကြတယ်ပြောတယ်” ဟု ဦးတင်မြင့် က ပြောသည်။

တနင်္ဂနွေနေ့တွင် မရမ်းကုန်း ရွေးကောက်ပွဲကော်မရှင်ထံသို့ သံတမန်တချို့နှင့် တခြားလေ့လာသူတွေ၊ စိတ်ပါဝင်စားသူများ လာရောက်လေ့လာနေကြကြောင်းလည်း သိရသည်။
မရမ်းကုန်း ဦးရသ ကိစ္စ ကော်မရှင်ဖြေရှင်းပြီး
ကိုပေါက် | နယူးဒေလီ (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၂ နာရီ ၁၆ မိနစ်

အမျိုးသားဒီမိုကရေစီ ပါတီသစ် မှ လွှတ်တော်ကိုယ်စားလှယ်လောင်း ဦးရဲမင်းသိန်း (ခေါ်) ရသ အား မရမ်းကုန်း မြို့နယ်တွင်းရှိ ရပ်ကွက် ၇ မဲရုံအမှတ် ၁၊ ၂၊ ၃ မဲရုံများသို့ ဝင်ခွင့်မရဟု ၎င်းတို့ပါတီမှ စောဒက တက်လာခြင်းကို သက်ဆိုင်ရာ ကော်မရှင်မှ ဖြေရှင်းဆောင်ရွက်ပေးပြီးဖြစ်ကြောင်း ခရိုင်ရွေးကောက်ပွဲ ကော်မရှင်အဖွဲ့ဝင် ဦးတင်မြင့် က ပြောသည်။

“အဲဒီ အမျိုးသားဒီမိုကရေစီပါတီသစ် အတွင်းရေးမှူးကနေ ကျနော်တို့ မြို့နယ်ကော်မရှင် ဥက္ကဋ္ဌဆီကို ဖုန်းဆက်ပြီး အကြောင်းကြားလာပါတယ်။ အဲလို ဖုန်းသတင်း ရရချင်း မြို့နယ်ကော်မရှင် ဥက္ကဋ္ဌရယ်၊ ကျနော်တို့ ခရိုင်ကော်မရှင် အဖွဲ့ဝင်တွေရယ် ချက်ချင်းပဲ အဲဒီမဲရုံကို ကိုယ်တိုင်သွားကြပြီး ဖြေရှင်းပြီးပါပြီ” ဟု ကိုယ်တိုင်လိုက်ပါဆောင်ရွက်
ပေးခဲ့သူ ဦးတင်မြင့် က မဇ္ဈိမကို ပြောသည်။

“မဲရုံတာဝန်ရှိသူက ‘ခဏ နေပါဦးခင်ဗျ’ လို့ ပြောတာကို ဒီဘက်က ဦးရသ ဘက်က ကြားတာက မဲရုံထဲ မဝင်ရဘူး လို့။ ကျနော်တို့လည်း မေးပါတယ်။ ‘မင်းတို့ မဝင်ရဘူးလို့ပြောသလား’လို့ ကျနော်တို့မေးတယ်။ ‘အဲလို မပြောပါဘူး’ လို့ မဲရုံတာဝန်ခံတွေက ပြောတယ်ဗျာ။ ကာယကံရှင် လွှတ်တော်ကိုယ်စားလှယ်လောင်း ဦးရသ နဲ့ ကျနော်တို့
ကော်မရှင်ဥက္ကဋ္ဌနဲ့ကလည်း တယ်လီဖုန်းနဲ့ ဆက်သွယ်စကားပြောပြီးပါပြီ။ ပြေပြေလည်လည်ပါပဲ။ ကျနော်တို့ ခရိုင်ကော်မရှင်ဝင်တွေပါ အဲဒီမှာ တနာရီလောက် ထိုင်ပြီး ပြေပြေလည်လည် ညှိနှိုင်းဆောင်ရွက်ပြီးခဲ့ပါပြီခင်ဗျ။ မဲရုံဝန်ထမ်းတွေကိုလည်း စကားပြောကအစ မမာပါနဲ့လို့ သေချာပြောထားခဲ့ပါတယ်” ဟု ဆက်လက်ပြောဆိုသည်။

ကိုယ်စားလှယ်လောင်း ဦးရသ ကိုယ်တိုင်မှာမူ ညနေကျမှ မဲလာထည့်မည်ဟု ပြောဆိုထားကြောင်း ဦးတင်မြင့် က ပြောသည်။
ဆရာကြီး ဒဂုန်တာရာ NLD ကိုမဲထည့်
မျိုးသန့်| ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၁ နာရီ ၄၂ မိနစ်

အသက် ၉၄ နှစ်ရှိပြီဖြစ်သည့် စာရေးဆရာကြီး ဒဂုန်တာရာသည် အမျိုးသား ဒီမိုကရေစီ အဖွဲ့ချုပ် NLD သို့ မဲပေးခဲ့သည်ဟု NLD မဲရုံကိုယ်စားလှယ် ဒေါ်ခင်မိုးမိုးက မဇ္ဈိမကို ပြောသည်။

“မဲလာထည့်တော့ ဆရာကြီးက မျက်စိမမြင်လည်း မမြင်ဘူး။ ဆရာကြီးရဲ့ အိမ်က မိသားစုတွေက ဆရာကြီးကို တွဲခေါ်သွာပေးပါတယ်။ လျှို့ဝှက် ဆန္ဒပြုခန်းမှာ မဲရုံမှူး ကိုယ်တိုင်က ကျမလည်း ကြည့်နေပါတယ်။ ဆရာကြီး ပါတီ ငါးခုရှိတယ်။ ဘယ်ပါတီကို ဆန္ဒပြုချင်သလဲဆိုတာ ကျမတို့ရှေ့မှာ မေးပါတယ်။ ဆရာကြီးက ‘NLD ကို ပေးပါ’ ဆိုတော့ မဲရုံမှူးကိုယ်တိုင် NLDကို အမှန်ခြစ်ပေးပါတယ်” ဟု မဲရုံအတွင်း ဝင်ရောက်ကြည့်ရှု့ခွင့်ရသူ ဒေါ်ခင်မိုးမိုးက
ပြောသည်။

လွှတ်တော်များ ရွေးကောက်ပွဲ ဥပဒေပုဒ်မ ၄၂ တွင်လည်း ဆရာကြီးကဲ့သို့သော မဲဆန္ဒရှင်များနှင့် ပတ်သက်၍ “ဆန္ဒမဲပေးသူသည် ဆန္ဒမဲလက်မှတ်ရှိ အမည်များကို မဖတ်တတ်လျှင် သို့မဟုတ် ညွှန်ကြားထားသည့်အတိုင်း ဆန္ဒမဲမပေးတတ်လျှင် လည်းကောင်း၊ မျက်မမြင်ဖြစ်လျှင်လည်းကောင်း သက်ဆိုင်ရာ မဲစာရင်း၌ ပါရှိသော မဲဆန္ဒရှင်၏ ဖခင်၊ မိခင်၊ ဇနီး၊ ခင်ပွန်း၊ သား၊ သမီး၊ ညီအစ်ကို မောင်နှမအရင်း တဦးဦးသည် ဆန္ဒမဲပေးသူက
ညွှန်ကြားသည့်အတိုင်း သတ်မှတ်ထားသည့် နေရာတွင် ဆန္ဒမဲလက်မှတ်၌ လျှို့ဝှက်ဆန္ဒပြုရမည်။ ယင်းပုဂ္ဂိုလ် မရှိလျှင် မဲရုံမှူးသည် ယင်းပုဂ္ဂိုလ်များကိုယ်စား ဆောင်ရွက်ပေးရမည်။ ထို့နောက် ဆန္ဒမဲပေးသူအား ထိုဆန္ဒမဲ လက်မှတ်ကိုခေါက်၍ မဲပုံးထဲသို့ ကိုယ်တိုင်ထည့်စေရမည်” ဟု ပြဋ္ဌာန်းထားသည်။

ဆရာကြီးဒဂုန်တာရာသည် ကလောမြို့နယ် ရွာငံစုရပ်ကွက် အခြေခံပညာ မူလတန်းကျောင်း အမှတ် ၁၄ တွင်ဖွင့်လှစ်ထားသည့် မဲရုံတွင် လာရောက် မဲပေးသွားခြင်းဖြစ်သည်။

ကလောမြို့နယ်လစ်လပ်မဲဆန္ဒနယ်တွင် တိုင်းရင်းသားစည်းလုံးညီညွတ်ရေးပါတီမှ ဦးလှ (ခေါ်) ဦးခင်မောင်လှ၊ ကြံ့ခိုင်ရေးပါတီမှ ဦးမြဝင်း၊ ပအိုဝ်းအမျိုးသားအဖွဲ့ချုပ်ပါတီမှ ဦးခွန်သန်းမောင်၊ ရှမ်းတိုင်းရင်းသားများ ဒီမိုကရက်တစ် ပါတီမှ ဦးစဝ်သာဦး၊ အမျိုးသားဒီမိုကရေစီအဖွဲ့ချုပ်မှ ဒေါက်တာ ဒေါ်သန်းငွေ တို့ ဝင်ရောက် ယှဉ်ပြိုင်လျက်ရှိသည်။

ဒေါ်အောင်ဆန်းစုကြည် ရန်ကုန်ပြန်ရောက်ပြီ
လင်းဘိုဘို | ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၁ နာရီ ၀၆ မိနစ်

ကော့မှူးမြို့နယ်မှ ပြန်လည်ထွက်ခွာလာသည့် ဒေါ်အောင်ဆန်းစုကြည်သည် တနင်္ဂနွေနေ့ နံနက် ၁ဝ နာရီခွဲ ဝန်းကျင်ခန့်တွင် ရန်ကုန်မြို့သို့ ပြန်လည်ရောက်ရှိလာပြီ ဖြစ်ကြောင်း ခရီးစဉ်တွင် လိုက်ပါသည့် ရှေ့ပြေး လုံခြုံရေးအဖွဲ့မှ သိရသည်။

ကော့မှူးမြို့နယ် ဝါးသိင်္ခကျေးရွာ မဲရုံသို့ တနင်္ဂနွေနေ့ နံနက် ၇ နာရီအချိန်တွင် သွားရောက်ကြည့်ရှုပြီးနောက်
ဒေါ်အောင်ဆန်းစုကြည်သည် အနီးဝန်းကျင် ကျေးရွာများရှိ မဲရုံများသို့ သွားရောက်ခဲ့သေးကြောင်း သိရသည်။

ရန်ကုန်သို့ ပြန်လည်ရောက်ရှိလာပြီဖြစ်သည့် ဒေါ်အောင်ဆန်းစုကြည်သည် တက္ကသိုလ်ရိပ်သာလမ်းရှိ နေအိမ်သို့
ပြန်လည်အနားယူမည်ဟု သိရသည်။
အမျိုးသားဒီမိုကရေစီပါတီသစ် ကိုယ်စားလှယ်လောင်း မဲရုံတွင်း ဝင်ခွင့်မရ
မျိုးသန့် |ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၀ နာရီ ၅၀ မိနစ်

ရန်ကုန်တိုင်း၊ မရမ်းကုန်းမြို့နယ် မဲဆန္ဒနယ်တွင် အမျိုးသားဒီမိုကရေစီပါတီသစ်၏ ကိုယ်စားလှယ်လောင်း ဦးရဲမင်းသိန်း (ခေါ်) ရသ ကို မဲရုံတွင်း ဝင်ရောက်ကြည့်ရှု့ခွင့် မဲရုံမှူးများမှာ ခွင့်မပြုဟု ပါတီခေါင်းဆောင် ဦးသိန်းညွှန့်က မဇ္ဈိမကို ပြောသည်။

မရမ်းကုန်းမြို့နယ် ရပ်ကွက် ၇ မဲရုံအမှတ် ၁၊ ၂၊ ၃ မဲရုံများသို့ ကိုယ်စားလှယ်လောင်း ဝင်ခွင့်မရခြင်းကို “ကျနော်တို့ ကိုယ်စားလှယ်လောင်း ဦးရဲမင်းသိန်း ကို မဲရုံထဲဝင်ခွင့်မပြုလို့ မြို့နယ်ကော်မရှင်ကို ကျနော် အကြောင်းကြားထား ပါတယ်” ဟု ဦးသိန်းညွန့်က ပြောသည်။

သို့သော် လွှတ်တော်များ နည်းဥပဒေ အခန်း ၄၈ ပုဒ်မခွဲ ၆ တွင် မဲရုံအတွင်း ဝင်ရောက် ကြည့်ရှု့နိုင်သူများမှာ “သက်ဆိုင်ရာ မဲဆန္ဒနယ်အတွက် ရွေးကောက် တင်မြှောက်ခံမည့် လွှတ်တော်ကိုယ်စားလှယ်လောင်းများ၊ ယင်းတို့၏ ရွေးကောက်ပွဲ ကိုယ်စားလှယ်များ၊ မဲရုံကိုယ်စားလှယ်များနှင့်အတူ ကိုယ်စားလှယ်များ” ဟု ပြဋ္ဌာန်း ထားခြင်းကြောင့် ထိုမဲရုံမှူးများ၏ လုပ်ရပ်သည် ဥပဒေနှင့် ဆန့်ကျင်နေသည်ဟုလည်း ဦးသိန်းညွန့်က ပြောသည်။

မရမ်းကုန်းမြို့နယ် ပြည်သူ့လွှတ်တော်လစ်လပ် မဲဆန္ဒနယ်တွင် တသီးပုဂ္ဂလ ကိုယ်စားလှယ် ဦးခင်လှိုင်၊ ကြံ့ခိုင်ရေးပါတီမှ ဦးရဲထွဋ်၊ မြန်မာအမျိုးသားကွန်ဂရက်ပါတီမှ ဒေါ်ဟေမာထိန်၊ NLD မှ ဒေါ်မေဝင်းမြင့်၊ အမျိုးသား ဒီမိုကရေစီအင်အားစုပါတီမှ ဒေါ်ခင်ဖြူဖြူငြိမ်း၊ အမျိုးသား ဒီမိုကရေစီ ပါတီသစ်မှ ဦးရဲမင်းသိန်း (ခေါ်) ရသ တို့ ဝင်ရောက်ယှဉ်ပြိုင်နေသည်။

အချို့မဲဆန္ဒနယ်များတွင် မဲပြားများတွင် ဖယောင်း သုတ်လိမ်းထားမှုများ ရှိနေသည်ဟု NLD ပါတီဝင်များမှ စွပ်စွဲပြောဆိုမှုများ ရှိနေသည်။

ဤသို့သောဖြစ်ရပ်များနှင့်ပတ်သက်၍ ဆန္ဒမဲပြားများတွင် မှားယွင်းမှု တစုံတရဖြစ်ပေါ်လာပါက ဆန္ဒရှင်များအနေဖြင့် မဲရုံမှူးများသို့တင်ပြကာ ဆန္ဒမဲပြားအသစ်များရယူနိုင်ကြောင်း ရွေးကောက်ပွဲကော်မရှင်မှ ထုတ်ပြန်သည့် မဲရုံမှူးညွှန်ကြားချက်တွင် ဖေါ်ပြပါရှိသည်ဟု ရှေ့နေတဦးဖြစ်သည့် အမျိုးသားဒီမိုကရေစီ ပါတီသစ်မှ ဦးသိန်းညွန့်က မဇ္ဈိမကို ပြောသည်။
မင်္ဂလာတောင်ညွှန့်မြို့နယ် ပုသိမ်ညွှန့်ရပ်ကွက်ရှိ မဲရုံအမှတ် ၂ တွင်
တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၀ နာရီ ၄၀ မိနစ်
Mel

မင်္ဂလာတောင်ညွှန့်မြို့နယ် ပုသိမ်ညွှန့်ရပ်ကွက်ရှိ မဲရုံအမှတ် ၂ တွင် မဲပေးနေသူတဦးကို ဧပြီလ ၁ ရက် ၂ဝ၁၂ ခုနှစ် နံနက်ပိုင်းက တွေ့မြင်ရစဉ်။ (ဓါတ်ပုံ-လင်းဘိုဘို၊ မဇ္ဈိမ)

လားရှိုးမှာ ခုချိန်ထိ အဆင်ပြေ
ဖနိဒါ |ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၀ နာရီ ၃၈ မိနစ်

လားရှိုးမြို့ NLD ကိုယ်စားလှယ်လောင်း ဦးစိုင်းမြင့်မောင်က မြို့ပေါ် ရပ်ကွက်များရှိ မဲရုံများကို လိုက်လံ ကြည့်ရှုနေသည်။

“ကျနော်က အခု မဲရုံအခြေအနေတွေ လျှောက်ကြည့်နေတာ။ အခြေအနေကောင်းတယ်။ မဲပေးနေကြတယ်။ မဲရုံ အထက ၁ အမှတ် ၁ မှာ ကြည့်တာ လူပိုများတယ်။ ခုချိန်ထိတော့ ဘာမှ ပြောမရဘူး။ မဲရုံမှူးတွေကို ဆွေးနွေး
မေးကြည့်တာ အဆင်ပြေတယ်။ ကျနော် ကြည့်သလောက် ရပ်ကွက် ၁ မှာ လူများတယ်”

မဲရုံများတွင် အရပ်ဝတ်စုံဖြင့် လုံခြုံရေးချထားပြီး မဲရုံမှူးများနှင့် ရွေးကောက်ပွဲ ကိုယ်စားလှယ်များ ရှိနေသည်ဟု သိရသည်။

“ကျနော် နောက်ဆုံးသိတာက တန့်ယန်းဘက်က ကျေးရွာအုပ်စု ၁၁ ခုကို မဲပုံး မထောင်နိုင်ဘူးလို့ ပြောတာ။ ဒါပေမယ့် ကော်မရှင်ကတော့ အဲဒီနေရာမှာ သွားပြီးတော့ မဲပုံးထောင်မယ်။ နောက်ပိုင်း မဲပေးဖြစ်တာ မဖြစ်ဘူး ဆိုတာကတော့ နောက်အခြေအနေပဲ။ ဖြစ်အောင်လုပ်မယ်ဆိုပြီးတော့ ပြောတယ်”ဟု ဦးစိုင်းမြင့်မောင်က ပြောသည်။

ယနေ့ နံနက်ပိုင်းက အမျိုးသားဒီမိုကရေစီအဖွဲ့ချုပ် NLD ကို ရပ်ကွက် ၁ တွင် မဲထည့်ပေးခဲ့ရသည့်အတွက် ဝမ်းသာကြောင်း အသက် ၆ဝ ကျော်အရွယ် ဦးစန်းအောင်က ပြောသည်။

“အခုနလေးတင်ပဲ မဲထည့်လိုက်တာ။ တနိုင်ငံလုံး ဟိုးလေးတကျော်ကျော် ခွပ်ဒေါင်းပေါ့။ မဲထည့်တာ အဆင်ပြေ ပါတယ်။ ကိုယ်ကြိုက်တဲ့ ပါတီကို မဲထည့်ရတော့ ပျော်တာပေါ့”ဟု သူက ပြောသည်။

လားရှိုး၊ တန့်ယန်း၊ မိုင်ယယ်၊ သိန္နီ၊ ကွမ်းလုံမြို့နယ် အမျိုးသားလွှတ်တော် မဲဆန္ဒနယ်မြေတွင် လုံခြုံရေးအရ တန့်ယန်းမြို့နယ်ရှိ ကျေးရွာမှ မဲရုံပေါင်း ၁၁ ခုကို ပယ်ဖျက်ရန် သတင်းများထွက်ပေါ်ခဲ့သော်လည်း လားရှိုး
ရွေးကောက်ပွဲ ကော်မရှင်က နောက်ဆုံး ဆက်လက် ကျင်းပမည်ဟု ပြောကြားခဲ့သည်ဟု NLD ကိုယ်စားလှယ်လောင်း ဦးစိုင်းမြင့်မောင်က ပြောသည်။

လားရှိုးမြို့နယ် မိုင်းရယ်နှင့် တန့်ယန်းမြို့နယ်များအတွက် အမျိုးသားလွှတ်တော် မဲဆန္ဒနယ်မြေတွင် ကြံ့ခိုင်ရေး ပါတီမှ ဒေါက်တာ နန်းကိန်ဖောင်းတစ်၊ NLD ပါတီမှ ဦးစိုင်းမြင့်မောင်နှင့် တစည ပါတီမှ ဦးစိုင်းစံမင်း၊ လားဟူ အမျိုးသားဖွံ့ဖြိုးတိုးတက်ရေးပါတီမှ ဦးရောဘတ်နှင့် ကိုးကန့်ဒီမိုကရေစီနှင့် ညီညွတ်ရေးပါတီမှ ဦးလော်ကျွန်ကွမ်းတို့ ဝင်ရောက်ယှဉ်ပြိုင်နေကြသည်။
လားရှိုးမှာ မဲပေးနေပြီ
ဖနိဒါ |ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၀ နာရီ ၃၁ မိနစ်

ရှမ်းပြည်နယ်မြောက်ပိုင်း လားရှိုးမြို့ပေါ် ရပ်ကွက် ၁ဝ ရှိ မဲရုံတွင် ဒေသခံ လူဦးရေ ၃၀ ခန့် တနင်္ဂနွေနေ့ နံနက် ၆ နာရီတွင် စတင်မဲပေးနေပြီ ဖြစ်ကြောင်း 7 day ဂျာနယ်မှ သတင်းထောက် ဥက္ကာကိုကို အွန်လိုင်းမှတဆင့် ပြောပြ သည်။

“မြို့ပေါ် လောလောဆယ်တော့ ရပ်ကွက် ၁ဝ မှာ ရောက်နေတယ်။ ထည့်နေပြီ။ မဲရုံ မဖွင့်ခင်ကတည်းက လမ်းလျှောက်လာပြီး စောင့်နေကြတယ်။ အခု အယောက် ၃ဝ ကျော်ပြီ” လားရှိုးမြို့တွင် ရပ်ကွက်ပေါင်း ၁၂ ရပ်ကွက်တွင် မဲရုံပေါင်း ၄၃ ရုံရှိသည်။
ကြံ့ခိုင်ရေးတွက်ဆို မဲစာရွက် လဲပေးမယ်
လင်းဘိုဘို| ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၀ နာရီ ၂၇ မိနစ်

ရန်ကုန်တိုင်း၊ ဒဂုံဆိပ်ကမ်း မဲဆန္ဒနယ် ၈ဝ ရပ်ကွက်တွင် မဲစာရွက်တွင် ဖယောင်းသုတ်ထားသဖြင့် မဲဆန္ဒရှင်က အခြား မဲစာရွက်ဖြင့် လဲလှယ်ပေးရန် တောင်းဆိုခဲ့ရာ မဲရုံတာဝန်ရှိသူများက ကြံခိုင်ရေးပါတီကို မဲပေးပါက မဲစာရွက် လဲလှယ်ပေးမည်ဟု ပြောဆိုခဲ့ကြောင်း အမျိုးသားဒီမိုကရေစီအဖွဲ့ချုပ် ရန်ကုန်တိုင်း ရွေးကောက်ပွဲ စောင့်ကြည့်ရေး အဖွဲ့က ရွှေဂုံတိုင်အဖွဲ့ချုပ်ရုံးသို့ သတင်းပေးပို့သည်။
မဲပေးခွင့်ဆုံးရှုံးနေသူ သုံးဦး မဲပေးခွင့်ပြန်ရ
လင်းဘိုဘို| ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၀ နာရီ ၂၇ မိနစ်

မရမ်းကုန်းမြို့နယ် အောင်သိဒ္ဓိရပ်ကွက်နေ မိသားစုတခုတွင် မဲပေးပိုင်ခွင့်ရှိသူ ၅ ဦးရှိသည့် အနက် ၂ ဦးကိုသာ မဲပေးခွင့်ပြုခဲ့သည့်အတွက် ကာယကံရှင်မိသားစုက မြို့နယ် အမျိုးသားဒီမိုကရေစီအဖွဲ့ချုပ်ရုံးသို့ တိုင်ကြားခဲ့သဖြင့် ပါတီတာဝန်ရှိသူများက လိုက်လံပြောဆိုခဲ့မေးမြန်းခဲ့ရာ မဲစာရင်းအထောက်အထားများ ပြန်လည် တွေ့ရှိပြီးနောက် ကျန်မိသားစုဝင် ၃ ဦး မဲပေးခွင့် ရခဲ့ကြောင်း သိရသည်။
ကြံ့ခိုင်ရေးများ မဲရုံတွင်း ဝင်ထွက်သွားလာနေ
လင်းဘိုဘို| ရန်ကုန် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၀ နာရီ ၂၄ မိနစ်

ရန်ကုန်တိုင်း တောင်ဒဂုံဆိပ်ကမ်းမြို့နယ် မဲဆန္ဒနယ် ၆၈ ရပ်ကွက်ရှိ မဲရုံတခုအတွင်းသို့ မဲရုံကိုယ်စားလှယ်များ မဟုတ်သူ ကြံခိုင်ရေးပါတီမှ ကျော်ကျော်ဦးနှင့် မြတ်သူတို့ အဆီးအတားမရှိ ဝင်ထွက်သွားလာနေကြောင်း အန်အယ်လ်ဒီ မဲရုံကိုယ်စားလှယ်များက ရန်ကုန်တိုင်း ရွေးကောက်ပွဲ စောင့်ကြည့်ရေးအဖွဲ့မှ တဆင့် အဖွဲ့ချုပ်ရုံးသို့ သတင်းပေးပို့ခဲ့ရာ ပါတီရွေးကောက်ပွဲအောင်နိုင်ရေး ကော်မတီအတွင်းရေးမှူး ဦးဉာဏ်ဝင်းက ရဲအဖွဲ့သို့ တိုင်ကြားရန်
ပြန်လည်ညွှန်ကြားထားကြောင်း သိရသည်။
ပုလဲမြို့နယ်တွင်လည်း မဲပြားများကို ဖယောင်းသုတ်ထားဟုဆို
မျိုးသန့်| ချင်းမိုင် (မဇ္ဈိမ) တနင်္ဂနွေနေ့၊ ဧပြီလ ၀၁ ရက် ၂၀၁၂ ခုနှစ် ၁၀ နာရီ ၀၁ မိနစ်

စစ်ကိုင်းတိုင်း၊ ပုလဲမြို့နယ်ရှိ ဆင်ရှင်ရွာနှင့် အလယ်ဘုံရွာတို့တွင် အမျိုးသားဒီမိုကရေစီ အဖွဲ့ချုပ် NLD ကိုယ်စားလှယ်လောင်းကို မဲပေးရန် အမှန် ခြစ်ရမည့် အကွက်တွင် ဖယောင်းများ သုတ်ထားပြီး မဲဆန္ဒရှင်များ ဆန္ဒမဲပေးလိုသော်လည်း အမှန်ခြစ်၍ မရနိုင်သည့် ဖြစ်ရပ်များ ဖြစ်ပေါ်နေသည်ဟု ပုလဲမြို့နယ် NLD ကိုယ်စားလှယ်လောင်း ဒေါ်ခင်စန်းလှိုင်က မဇ္ဈိမကို ပြောသည်။

“အန်တီတို့ပါတီကို အမှန်ခြစ်ရမယ့် အကွက်မှာ ဖယောင်းတွေ သုတ်ထားတယ်လို့ မဲဆန္ဒရှင်တွေက သတင်းပို့ပါ တယ်။ ဖယောင်းသုတ်ထားတော့ အရာမထင်ဘူးပေါ့။ အန်တီတို့ဆီ မဲသွားပေးတဲ့လူတွေ တယောက်ပြီးတယောက် ဖုန်းဆက်လာပါတယ်” ဟု အောက်လွှတ်တော်ကိုယ်စားလှယ်လောင်း ဒေါ်ခင်စန်းလှိုင်က ပြောသည်။

အဆိုပါ ကိစ္စကို ရပ်/ကျေး ကော်မရှင်အဖွဲ့ခွဲများသို့ မဲဆန္ဒရှင်များမှ တင်ပြကာ မဲပြားများ လဲလှယ်ပေးရန် တောင်းဆို
သော်လည်း လဲပေးမပေးကြောင်း “မဲစာရွက် လဲပေးဖို့ ပြောတော့လည်း သူတို့က လဲမပေးဘူးပြောတယ်။ ပေးလာတဲ့
ဘောလ်ပင်ကလည်း အရမ်းစူးတဲ့အတွက် ဖိခြစ်လိုက်ရင်လည်း ပြဲသွားသလိုဖြစ်တယ်။ ခြစ်လို့မရတဲ့အတွက် အထပ်ထပ်ခြစ်တော့ စာရွက်ပြဲတယ်ပေါ့။ အဲဒါမျိုးတွေ ဖြစ်ပါတယ်” ဟု ဒေါ်ခင်စန်းလှိုင်က မဇ္ဈိမကို ပြောသည်။

အထက်ပါ ဖြစ်ရပ်များနှင့်ပတ်သက်၍ ပုလဲမြို့နယ် ရွေးကောက်ပွဲ ကော်မရှင်အဖွဲ့ခွဲသို့ မဇ္ဈိမက ဆက်သွယ်မေးမြန်း ရာတွင် “အဲဒါတွေကို ကျနော်တို့က ဘာမှ ပြန်လည် ဖြေကြားတာ မဟုတ်ဘူး၊ ကျနော်တို့ ကော်မရှင်ရုံးမှာ
ကော်မရှင်ကိစ္စပဲ ဆွေးနွေးပါတယ်။ အဲဒီပြဿနာတွေ ကျနော်တို့ ကော်မရှင်မှာ လာမတက်ပါဘူး။ ပြဿနာ မရှိပါဘူး။ ဆောရီးပဲခင်ဗျာ့” ဟု ဆိုသည်။

ပုလဲမြို့နယ် ပြည်သူ့လွှတ်တော် မဲဆန္ဒနယ်တွင် ကြံ့ခိုင်ရေးပါတီမှ ကိုယ်စားလှယ်လောင်း ဦးဌေးနိုင်၊ ပြည်သူ့ ဒီမိုကရေစီပါတီမှ ဦးဟိန်းထက်အောင်နှင့် NLD မှ ဒေါ်ခင်စန်းလှိုင်တို့ ဝင်ရောက်အရွေးခံနေကြသည်။
NLD အမှန်ခြစ်နေရာတွင် ဖယောင်းများသုတ်ထား
လင်းဘိုဘို | ရန်ကုန် (မဇ္ဈိမ)
တနင်္ဂနွေနေ့ မနက်ပိုင်းတွင် စတင်ကျင်းပသည့် ကြားဖြတ် ရွေးကောက်ပွဲတွင် မဲဆန္ဒနယ်အများအပြား၌ အမျိုးသား ဒီမိုကရေစီအဖွဲ့ချုပ် NLD အတွက် အမှန်ခြစ်ရန် နေရာများတွင် ဖယောင်းများ သုတ်လိမ်းထားသည်ကို တွေ့ရ
ကြောင်း မဲရုံကိုယ်စားလှယ် တာဝန်ကျသူ ပါတီဝင်များက ဆိုသည်။

တောင်ဒဂုံဆိပ်ကမ်းမြို့နယ် အမှတ် ၆၇ ရပ်ကွက် မဲရုံအမှတ် ၁ တွင် မဲစက္ကူစာရွက်ပေါ်ရှိ NLD အား မဲပေးရန်
နေရာတွင် ဖယောင်းများ သုတ်လိမ်းထားသဖြင့် မဲပေး၍ မရကြောင်း မဲဆန္ဒရှင်များက ပြောဆိုခဲ့သည်ဟု NLD မဲရုံကိုယ်စားလှယ်က ဆိုသည်။

“ကျနော်တို့ပါတီ ဘေးက အမှန်ခြစ်ရမယ့် နေရာမှာ ဖယောင်း သုတ်ထားတယ်။ သဘောကတော့ စက္ကူပေါ်မှာ ဖယောင်းသုတ်ထားတော့ ရေးလို့ ခြစ်လို့ မရဘူးပေါ့ဗျာ။ မဲရုံ တာဝန်ရှိသူတွေကို ပြောတော့ မဲပြား ၃ ခုလောက်ကို လဲပေးတယ်” ဟု အဖွဲ့ချုပ် မဲရုံကိုယ်စားလှယ်ဖြစ်သူက မဇ္ဈိမကို ပြောသည်။

ဖြစ်စဉ်နှင့် ပတ်သတ်၍ တောင်ဒဂုံဆိပ်ကမ်းမြို့နယ်အတွင်းရှိ အခြားမဲရုံများသို့ သတင်းပေးပို့ထားပြီး အဖွဲ့ချုပ်ရုံး (ဗဟို) သို့လည်း သတင်းပေးပို့ထားပြီး ဖြစ်ကြောင်း သူကပြောသည်။

တောင်ဒဂုံဆိပ်ကမ်းမြို့နယ်မှ ဖြစ်စဉ်မျိုး ပြည်နယ်နှင့်တိုင်းအသီးသီး မဲရုံအများအပြားတွင် ဖြစ်ပွားနေကြောင်း သက်ဆိုင်ရာ မြို့နယ်ကိုယ်စားလှယ်များက သတင်းပေးပို့ကြောင်း NLD ပြောရေးဆိုခွင့်ရှိသူ ဦးဥာဏ်ဝင်းက မဇ္ဈိမကို ပြောသည်။



“ပြည်နယ်နဲ့ တိုင်းတွေကလဲ ဒီဖြစ်စဉ်တွေ ရှိတယ်လို့ သတင်းပို့လာတယ်။ ဒီကိစ္စအတွက် သက်ဆိုင်ရာ တိုင်းနဲ့
ပြည်နယ် ကော်မရှင်၊ မြို့နယ်ကော်မရှင်တွေနဲ့ ရဲစခန်းတွေကို တိုင်ကြားသွားဖို့ လုပ်နေတယ်။ ဒါ ရွေးကောက်ပွဲကို ပျက်စီးအောင် အနှောင့်အယှက်ပေးတာ ဖျက်ဆီးတာပဲ။ ရဲဘက်က အရေးယူပေးဖို့ တာဝန်ရှိတယ်။" ဟု သူက မဇ္ဈိမကို ပြောသည်။
ဒေါ်အောင်ဆန်းစုကြည် ဝါးသိင်္ခသို့ ရောက်ပြီ
လင်းဘိုဘို | ရန်ကုန် (မဇ္ဈိမ)
ရန်ကုန်မြို့မှ ကော့မှူးမြို့နယ်သို့ စနေနေ့ ညနေပိုင်းက ထွက်ခွာသွားခဲ့သည့် ဒေါ်အောင်ဆန်းစုကြည်သည်
ကော့မှူးမြို့နယ် ဝါးသိင်္ခကျေးရွာသို့ ည ၇ နာရီ ဝန်းကျင်ခန့် အချိန်တွင် ချောမောစွာ ရောက်ရှိကြောင်း သိရသည်။

ပြီးခဲ့သည့် စည်းရုံးရေးခရီးစဉ်များကဲ့သို့ပင် မိုင် ၄ဝ ကျော်ခန့် ကွာဝေးသည့် ခရီးစဉ်တလျှောက်
ဒေါ်အောင်ဆန်းစုကြည် ပါဝင်သည့် ယာဉ်တန်းကို ကြိုဆိုနှုတ်ဆက်သူ အများအပြားတွေ့မြင်ရကြောင်း ခရီးစဉ်တွင် လိုက်ပါသတင်းယူသည့် မဇ္ဈိမ သတင်းထောက်က ဆိုသည်။

“ကလေးတွေရော၊ လူကြီးတွေရော လမ်းတလျှောက်လုံး လိုလိုပဲ။ ည မှောင်တဲ့အထိ အိုးစည်ဗုံမောင်းတွေနဲ့ အဖွဲ့လိုက် အဖွဲ့လိုက် ကြိုကြတယ်” ဟု သတင်းထောက်က ဆိုသည်။
dswarthinkha

ဒေါ်အောင်ဆန်းစုကြည်အား ကော့မှူးမြို့အဝင်မှ ကြိုဆိုနေကြသော ဒေသခံ ရဟန်းရှင်လူ ပြည်သူများအား ရွေးကောက်ပွဲမတိုင်မီ တရက်အလို မတ်လ ၃၁ ရက် ညနေက တွေ့ရစဉ်။ (ဓါတ်ပုံ - မင်းမင်းဦး၊ မဇ္ဈိမ


ဝါးသိင်္ခကျေးရွာသို့ ရောက်ရှိလာပြီးနောက် ဒေါ်အောင်ဆန်းစုကြည် တည်းခိုသည့် အိမ် အနီးတွင် သတင်းမီဒီယာများ
စောင့်ဆိုင်းလျက် ရှိနေပြီး အနီးဝန်းကျင် ကျေးရွာများမှလည်း ပရိသတ် အများအပြား လာရောက်ကြောင်း သိရသည်။

“အန်တီတည်းတဲ့ အိမ်ရှေ့မှာ ဗီဒီယိုကင်မရာတွေ ဆင်ပြီး စောင့်နေကြတယ်။ သတင်းထောက်တွေက ရွာထဲမှာ
နေရာအနှံ့ပဲ။ ရွာထဲက အိမ်တွေမှာ လိုက်တည်းတဲ့သူတွေလည်း ရှိတယ်။ ကားပေါ်မှာပဲ အိပ်မယ် ဆိုတဲ့ အဖွဲ့တွေ လည်း ရှိတယ်။ သတင်းထောက်မှာ ပြည်တွင်း သတင်းထောက်တွေထက် နိုင်ငံခြားသား သတင်းထောက်တွေ ပိုများတယ်လို့ ထင်ရတယ်။ နိုင်ငံခြားသား သတင်းထောက် မရှိဘူးဆို ၇ဝ-၈ဝ လောက် အောက်ထစ်ရှိမယ်” ဟု မဇ္ဈိမ သတင်းထောက်က ပြောသည်။

ဝါးသိင်္ခကျေးရွာသို့ ရောက်ရှိပြီး ကြိုဆိုစောင့်ဆိုင်းနေသူများကို ခေတ္တ နှုတ်ခွန်းဆက်ပြီးနောက်
ဒေါ်အောင်ဆန်းစုကြည်သည် တည်းခိုသည့်အိမ်၌ အနားယူနေကြောင်း လုံခြုံရေးနှင့် ပတ်သတ်၍ အမျိုးသား ဒီမိုကရေစီအဖွဲ့ချုပ် ပါတီဝင်များနှင့် ကျေးရွာခံများ ပူးပေါင်းဆောင်ရွက်နေကြောင်း သိရသည်။

ရန်ကုန်တိုင်း ကော့မှူးမြို့နယ်မှ ပါဝင်ယှဉ်ပြိုင်ရန်ဆုံးဖြတ်ပြီးနောက် ဒေါ်အောင်ဆန်းစုကြည်သည် ကြားဖြတ်
ရွေးကောက်ပွဲတွင် ကိုယ်တိုင်မဲပေးရန်အတွက် ကော့မှူးမြို့နယ် ဝါးသိင်္ခကျေးရွာတွင် သန်းခေါင်စာရင်းဝင်ရန် ဆုံးဖြတ်ခဲ့သေးသည်။ တိုင်းရင်းသားအရေးအတွက် ကရင်လူမျိုးအများအပြား နေထိုင်သည့် ဝါးသိင်္ခကျေးရွာကို
ရွေးချယ်ခဲ့ကြောင်း ဒေါ်အောင်ဆန်းစုကြည်က ပြောဆိုခဲ့သော်လည်း နောက်ပိုင်းတွင် သန်းခေါင်စာရင်း ပြောင်းလဲ မည့် အစီအစဉ်အား ဖျက်သိမ်းခဲ့သည်။


source by : http://www.mizzimaburmese.com

အပြည့်အစုံ ဖတ်ရန် ...