Saturday, July 30, 2011

၂၃နှစ်မြောက် ရှစ်ဆယ့်ရှစ် လူထုအုံကြွမှု အရေးတော်ပုံကြီး အထိမ်းအမှတ် အခမ်းအနား ဖိတ်ကြားလွှာ (အော်ရီဂွန်ပြည်နယ်)


အရှေ့ဘက် မျက်နှာ

ပုံကို နှိပ်ပြီး အကြီးချဲ့ကြည့်ပါ။
အနောက်ဘက် မျက်နှာ

အပြည့်အစုံ ဖတ်ရန် ...

ပြည်တွင်းငြိမ်းချမ်းရေးနှင့် ဖက်ဒရယ် ပြည်ထောင်စု

နယူးဒေလီ (မဇ္ဈိမ) ။ ။ အရပ်သား အစိုးရသစ်တွင် သမ္မတနှင့် စစ်တပ်အကြား အားပြိုင်နေသည့် အတွက် အစိုးရ အဖွဲ့တွင်း ဦးစွာ ညှိနှိုင်းမှသာလျှင် အများလိုချင်သည့် ငြိမ်းချမ်းရေး အတွက် ပြုလုပ်နိုင်မည်ဟု ညီညွတ်သော တိုင်းရင်သား လူမျိုးများ ဖက်ဒရယ်ကောင်စီ -UNFC အထွေထွေ အတွင်းရေးမှူး နိုင်ဟံသာက ပြောသည်။

UNFC တွင် ကချင် လွတ်မြောက်ရေးအဖွဲ့ KIO ၊ ကရင် အမျိုးသားအစည်းအရုံး KNU၊ မွန်ပြည်သစ်ပါတီ NMS၊ ရှမ်းပြည် တိုးတက်ရေးပါတီ-ရှမ်းပြည်တပ်မတော် SSPP/SSA၊ ကရင်နီ အမျိုးသားတိုးတက်ရေးပါတီ KNPP နှင့် ချင်းအမျိုးသားတပ်ဦး CNF တို့မှာ အခြေခံ အဖွဲ့ဝင်များအဖြစ် ပါဝင်သည်။

UNFC အထွေထွေ အတွင်းရေးမှူး နိုင်ဟံသာကို မဇ္ဈိမသတင်းထောက် ထွန်းထွန်း က ဆက်သွယ် မေးမြန်း ထားသည်။


UNFC အထွေထွေအတွင်းရေးမှူး နိုင်ဟံသာ
Photo : kaowaw.org

UNFC အဖွဲ့ဝင်တွေရဲ့ အဓိက တောင်းဆိုချက်ကကော ဘာများလဲဗျ။


“ကျနော်တို့ရဲ့ အဓိကတောင်းဆိုချက်ကတော့ ကျနော်တို့ နိုင်ငံက လူမျိုးပေါင်းစုံနဲ့ ဖွဲ့စည်းထားတဲ့ နိုင်ငံဖြစ်တဲ့ အပေါ်မှာ စစ်မှန်တဲ့ ဖက်ဒရယ်ပြည်ထောင်စုကို တည်ဆောက်ဖို့။ လူမျိုးတိုင်း၊ လူမျိုးတိုင်းမှာ အမျိုးသား ကိုယ်ပိုင် ပြဋ္ဌာန်းခွင့်နဲ့ အမျိုးသားတန်းတူရေးတွေ ရှိဖို့။ အဲဒီလို စစ်မှန်တဲ့ ပြည်ထောင်စုမျိုးကို ပြန်လည် ဖွဲ့စည်းနိုင်ဖို့ ပေါ့ဗျာ။ နောက် လွယ်လွယ်နဲ့ ပြောရမယ်ဆိုရင် တချိန်က ၁၉၄၇ ခုမှာ စတင်ပြီးတော့ အခြေ တည်လာခဲ့တဲ့ ပင်လုံစာချုပ်အပေါ်မှာ ပြန်လည်ပြီးတော့မှ အကောင်အထည်ဖော်နိုင်ဖို့ပေါ့လေ။ အဲဒီ အပေါ်မှာ”


အခုအစိုးရက ပြည်ထောင်စုစနစ်ကို လုပ်ဆောင်နေတယ် ဆိုတော့ အန်ကယ်တို့ ကလည်း ပင်လုံစာချုပ်ပါ ပြည်ထောင်စုစနစ်ကို လိုလားတယ်ဆိုတော့ ဘယ်လိုများ ကွာဟနေသလဲ။

“ကျနော်တို့က ကျနော်တို့ကို ကျနော်တို့ မြင်တာကတော့ ပင်လုံစာချုပ် အခြေခံအရ ပေါ့နော်။ စစ်မှန်တဲ့ ပြည်ထောင်စုကို တည်ဆောက်ဖို့ လမ်းကြောင်းက သွားပြီးတော့မှ တိုင်းရင်းသား စည်းလုံးညီညွတ်ရေးကို တည်ဆောက်ချင်တာ။ ဒါပေမဲ့ အာဏာရထားတဲ့ အစိုးရအသစ်က အဲဒီလို မမြင်ဘူး။ ကျနော်တို့ဘက်က ခံယူချက်ကတော့ သူတို့ကတော့ ဗမာ မဟုတ်တဲ့ တိုင်းရင်းသားတွေကို လက်အောက်ခံ လူမျိုးတွေ အနေနဲ့ပေါ့ဗျာ။ အဲဒီလို ထားပြီးတော့မှ ကျနော်တို့ကို နှိမ့်ချထားပြီးတော့မှ သူတို့ရဲ့ဦးဆောင်မှုအပေါ်မှာ လိုက်နာစေချင်တဲ့ ပုံစံမျိုးနဲ့ ချုပ်ကိုင်ပြီးတော့မှ တပြည်ထောင်စနစ်ပုံစံပေါ့ဗျာ။ အဲဒီလိုပုံစံနဲ့ သွားချင်နေတဲ့ပုံစံ ရတယ်။ အဲဒါကို ကျနော်တို့ ခံစားမိတယ်။ အဲဒီအပေါ်မှာ ကျနော်တို့ လက်မခံနိုင်ဘူးဗျ။ အဲဒါကြောင့် ကွာခြားနေတာပါ”

“တနေ့ လက်ရှိ အစိုးရသည်ပင်လျှင် ဒီကနေ့ မြန်မာပြည်နယ်တွေ ဖွဲ့စည်းထားတယ်။ ဒါပေမဲ့ ပြည်နယ်တွေမှာ ပြည်နယ် အခွင့်အရေးတွေ ကိုယ်ပိုင်ပြဋ္ဌာန်းခွင့် မရှိဘူး။ အနိမ့်ဆုံး ပေါ့ဗျာ။ ပြည်နယ်ထဲမှာ သက်ဆိုင်ရာ လူမျိုးရဲ့ ဘာသာစကား၊ စာပေကိုယ်တောင် တရားဝင် သင်ကြားခွင့် မရှိဘူးဗျာ။ အဲဒီလို ဘာမှ အခွင့်အရေး မရှိတဲ့ ပြည်နယ်မျိုး ကိုလည်း ကျနော်တို့က လက်ခံလို့ မဖြစ်နိုင်ဘူး။ ကျနော်တို့က မခံယူနိုင်ဘူး”


အခု မြန်မာအစိုးရသစ်က ငြိမ်းချမ်းရေး အတွက် ပါလီမန်ထဲကနေ လုပ်ဆောင်ဖို့ ပြောထားတာ ရှိတယ်။ ဒီတော့ UNFC ကကော လုပ်ကိုင်ဖို့ အစီအစဉ် ရှိသလား။

“သူတို့ရဲ့ လွှတ်တော်ထဲမှာ ပြောဖို့ဆိုတာ ကျနော်တို့မှာ အစီအစဉ်လည်း မရှိဘူး။ ပြောလို့လည်း ရနိုင်မယ်လို့ လည်း မထင်ဘူး။ ကျနော်တို့က လွှတ်တော် ကိုယ်စားလှယ်တွေလည်း မဟုတ်ဘူးလေ။ ကျနော်တို့ ပါဝင်နိုင်ခြင်းလည်း မရှိဘူး။ နောက် သူတို့ထဲမှာ ကန့်သတ်နေတဲ့ ၂ဝဝ၈ ဖွဲ့စည်းပုံအရပေါ့ဗျာ။ အဲဒီထဲကို ကျနော်တို့က ဝင်ပြီး တော့မှ လှုပ်ရှားရမယ်ဆိုရင် ကျနော်တို့ လွတ်လပ်ခွင့်မရှိဘူးလေ”


အခု လူထုခေါင်းဆောင် ဒေါ်အောင်ဆန်းစုကြည်က တိုက်ပွဲကြောင့် လူတွေ နစ်နာတဲ့ အတွက် အစိုးရ အပါအဝင် အားလုံးကို အပစ်ရပ်ဖို့နဲ့ ကြားဝင် စေ့စပ်ဖို့ ကမ်းလှမ်းမှုကကော အကောင်အထည် ဖော်နိုင် မယ်လို့ မျှော်လင့်ထားလား။

“ကျနော်တို့ ဘက်ကတော့ အဲဒါကို ကြိုဆိုတယ်၊ ထောက်ခံတယ်။ ဒေါ်အောင်ဆန်းစုကြည်အနေနဲ့ လုပ်သင့် လုပ်ထိုက်လို့ လုပ်တဲ့လုပ်ငန်းဖြစ်တယ်။ ဒါက အလုပ်ဖြစ်မယ်၊ မလုပ်ဖြစ်ဘူး ဆိုတာကတော့ အာဏာရထားတဲ့ အစိုးရအပေါ်မှာ အဓိက မူတည်တယ်လို့ မြင်တယ်လေ”

သမ္မတက ငြိမ်းချမ်းရေးအတွက် ပြောနေပေမယ့် စစ်တပ်က တိုင်းရင်းသားဒေသတွေမှာ ထိုးစစ်ဆင် တာဟာ သမ္မတနဲ့ စစ်တပ်ကြား အာဏာခွဲဝေမှု ပြဿနာလို့ သုံးသပ်မှုတွေ ရှိနေတယ်။ ဒီတော့ UNFC ကကော ဘယ်လိုမြင်ပါသလဲ။

“ကျနော်တို့လည်း အဲဒီ ကိစ္စမှာ ခန့်မှန်းမိတယ်။

၂ဝ၁ဝ ရွေးကောက်ပွဲပြီးတဲ့ နောက်ပိုင်း ဖြစ်ပေါ်လာတဲ့ အစိုးရမှာ တဖက်က အစိုးရက အာဏာအားလုံး သူ့လက်ထဲမှာ မရှိဘူးဗျ။ စစ်တပ်က သီးခြားလို ဖြစ်နေတယ်။ လွှတ်တော် ကလည်း သီးခြားလို ဖြစ်နေတယ်။ ဒါက ဗိုလ်ချုပ်သန်းရွှေက နေပြီးတော့မှ အစီအစဉ် ချထားတဲ့အပေါ်မှာ အာဏာတွေ ခွဲပြီးတော့ လုပ်ထားတဲ့ပုံစံ ဖြစ်နေတယ်”

“အဲဒီတော့ သူတို့က တခုခုလုပ်မယ်ဆိုရင်တော့ ကျနော်တို့ အများကြီး စဉ်းစားရတယ်ဗျ။ သူတို့မှာ လုပ်ပိုင် ခွင့်ရှိရဲ့လား၊ အားလုံးရဲ့ သဘောတူညီမှုရှိရဲ့လားဆိုတာ အဲဒါ ခက်နေတယ်။ အဲဒီအနေအထားမျိုး ရှိနေတော့ ကျနော်တို့လည်း အစစအရာရာ ချင့်ချိန်နေရတယ်”


ဒါဆိုရင် ပြည်တွင်းငြိမ်းချမ်းရေး တကယ်လိုချင်ရင် သမ္မတနဲ့ စစ်တပ်ကြား အရင်ညှိနှိုင်းရမယ့် သဘော လားဗျ။

“ဟုတ်တယ်။ ဒါလည်း လိုအပ်တယ်။ သူတို့ဘက်မှာ အဓိက ပိုလိုအပ်တယ်လို့ မြင်တယ်။ ဘယ်လိုမျိုး ညှိနှိုင်း သင့်သလဲဆိုတော့ နိုင်ငံရေးပြဿနာကို နိုင်ငံရေးအရ ဖြေရှင်းဖို့ ဆန္ဒရှိဖို့ လိုတယ်။ တချို့ကတော့ အဲဒီလိုဆန္ဒ မရှိဘူး။ စစ်ရေးနည်းနဲ့ပဲ ဖြေရှင်းချင်တယ်။ အဲဒီလို ညှိနှိုင်းတဲ့နေရာမှာလည်း တိုင်းရင်းသားတွေ အပေါ်မှာ မှန်ကန်တဲ့သဘောထား သူတို့အတွင်းမှာ ညီဖို့လိုတယ်ဗျ။ ဥပမာ တချို့က ဘယ်လို အခွင့်အရေးမျိုး ပေးချင်တယ်၊ တချို့က ဘယ်လိုအခွင့်အရေးမျိုးပဲ …ဥပမာ မပေးချင်ဘူးဆိုတဲ့ အနေအထား မျိုးပေါ့ဗျာ။ သူတို့ထဲမှာ အမြင်မတူရင် အဲဒီကိစ္စက ပုံစံချဖို့က တော်တော်လေး ခဲယဉ်းမယ်လို့ ကျနော် ထင်တယ်”


UNFC ရဲ့တောင်းဆိုခွင့်ရမယ်ဆိုရင် အစိုးရဘက်က ဦးဆုံး လိုက်လျောရမှာက ဘာဖြစ်မလဲ။

“သဘောကတော့ ကနေ့ ထိုးစစ်ကို မလုပ်ဖို့။ တဖက်က ထိုးစစ်မလုပ်ဘူး။ ကျနော်တို့ဘက်ကလည်း ထိုးစစ် မလုပ်ဘူး။ အဲဒီလို နားလည်မှုယူပြီးတော့မှ ယာယီမပစ်အခတ် ရပ်စဲရေးလုပ်ကြမယ်။ အဲဒီကာလမှာ ကျနော်တို့ဟာ နိုင်ငံရေးအရ ဘယ်လို တွေ့ဆုံ ညှိနှိုင်းဖြေရှင်းနိုင်မလဲဆိုတာကိုလည်း တဖက်က နည်းလမ်း ရှာသွားမယ်။ အဲဒီလိုပုံစံနဲ့ဆိုရင် ညှိနှိုင်းလို့ရပါတယ်”

“ကျနော်တို့အနေနဲ့က စစ်အစိုးရက ထိုးစစ်ဆင်နေတဲ့ အဓိကအားဖြင့် ကချင်တို့၊ ရှမ်းတို့၊ ကရင်တို့ ဧရိယာမှာ ပေါ့ဗျာ။ အဲဒါ အားလုံးကို ရပ်ဆိုင်းပြီးတော့ တပြည်လုံး အပစ်အခတ် ရပ်စဲရေးကို ကြေညာစေချင်တယ်။ ကျနော်တို့ ဘက်ကလည်း ကျနော်တို့ လိုက်နာမယ်”


စစ်တပ်က အပစ်မရပ်ဘူးဆိုရင်ကော။

“ကျနော်တို့က ကိုယ့်ကိုကိုယ် ခုခံကာကွယ်တဲ့အနေနဲ့ အားလုံးစုပေါင်းပြီး ခုခံသွားရမှာပေါ့။ ဒါက မလွဲ မရှောင်သာ လုပ်ရတဲ့ လုပ်ငန်းဖြစ်တယ်လို့ ခံယူထားတယ်”


ဖြည့်စွက်ပြောချင်တာများ ရှိသေးလား။

“ကျနော်တို့နိုင်ငံမှာက ပြည်တွင်းစစ်ဖြစ်နေတာ နှစ်ပေါင်း ၆ဝ ကျော်ပြီ။

ကျနော်တို့ နိုင်ငံက တဖက်က ကြည့်မယ်ဆိုရင် သဘာဝ သယံဇာတတွေက တော်တော်လေးကို ကြွယ်ဝတယ်၊ ပြည့်စုံကောင်းမွန်တယ်။ ဒါပေမဲ့ ပြည်တွင်း စစ်ဖြစ်နေလို့ ကျနော်တို့ နိုင်ငံဟာ အဲဒီသဘာဝ သယံဇာတတွေရဲ့ အကျိုးကျေးဇူးတွေကို လည်း မခံစားနိုင်ဘူး။ တဖြည်းဖြည်းချင်းနဲ့ ခေတ်နောက်ကျပြီး ဆင်းရဲမွဲတေနေတယ်။ ပြည်သူလူထုတွေ လည်း ဒုက္ခ ဖြစ်နေတယ်”

“ပြည်တွင်းစစ်ကြောင့် တိုင်းရင်းသားတွေ အမျိုးမျိုးနစ်နာနေရသလို ဗမာလူမျိုးတွေလည်း လွတ်လပ်ရေးရဲ့ အခွင့်အရေးကို ခံစားခွင့်မရှိကြဘူးလို့ မြင်တယ်။ ပြည်တွင်းစစ်ဖြစ်နေတဲ့အတွက် ဘယ်လူမျိုးမှာမှ အကျိုး မရှိဘူး။ နိုင်ငံအတွက်လည်း အကျိုးမရှိဘူး။

အဲဒါကို ကျနော်တို့က စစ်ရေးနည်းနဲ့ ထပ်ပြီး ရှင်းနေရင်လည်း ပြေလည်နိုင်မှာ မဟုတ်ဘူး။ အဲဒါကြောင့် နိုင်ငံရေးအရ ဖြေရှင်းနိုင်တဲ့နည်းကို ရှာပြီးတော့မှ အမြန် ဖြေရှင်း နိုင်တာက အကောင်းဆုံးပဲ”


source by : http://www.mizzimaburmese.com

အပြည့်အစုံ ဖတ်ရန် ...

တိုင်းရင်းသားပါတီတွေ ငြိမ်းချမ်းရေးအတွက် ဒေါ်စုနဲ့အတူ ကြိုးပမ်းဖို့ မူအားဖြင့် သဘောတူ

တိုင်းရင်းသား လက်နက်ကိုင် အဖွဲ့တွေကို ထိုးစစ် ဆင်နေတာတွေနဲ့ ပတ်သက်ပြီးတော့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြည်တွင်း ငြိမ်းချမ်းရေး လုပ်ငန်းစဉ်တွေကို ကိုယ်စွမ်းရှိသရွှေ့ ပါဝင် ကြိုးပမ်းပေးဖို့ အဆင်သင့် ရှိတဲ့အကြောင်း စာထုတ် ပြန်လိုက်ပါတယ်။

ဒီထုတ်ပြန်ချက်ကို မကြာခင်တုန်းက နေပြည်တော်မှာ ပြည်တွင်းငြိမ်းချမ်းရေးကော်မရှင်ဖွဲ့ဖို့ တင်ပြထားတဲ့ ၂၀၁၀ ရွေးကောက်ပွဲ ရွေးချယ်ခံရတဲ့ တိုင်းရင်းသားညီနောင် ၅ ပါတီနဲ့ မြန်မာပြည်က ဒုတိယအကြီးဆုံး ပါတီဖြစ်တဲ့ တိုင်းရင်းသား စည်းလုံးညီညွတ်ရေးပါတီတို့က မူအားဖြင့် ပူးပေါင်းဆောင်ရွက်နိုင်တယ်လို့ တုံ့ပြန်လိုက်သလို သက်တမ်းရင့် တော်လှန်ရေး ပါတီတခုဖြစ်တဲ့ ဗမာပြည် ကွန်မြူနစ် ပါတီကတော့ ဒေါ်အောင်ဆန်းစုကြည်ရဲ့ ထုတ်ပြန်ချက်ကို ကြိုဆိုပေမဲ့ အစိုးရဘက်က လက်ခံဖို့ ခက်ခဲနိုင်တယ်လို့ သုံးသပ်ပါတယ်။ ဒီသတင်းအပြည့်အစုံကိုတော့ ထိုင်းအခြေစိုက် သတင်းထောက် ကိုမိုးဇော်က တင်ပြ ထားပါတယ်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က စစ်တပ်နဲ့ တိုင်းရင်းသားလက်နက်ကိုင် အဖွဲ့တွေအကြား အပစ်အခတ်ရပ်စဲဖို့နဲ့ ငြိမ်းချမ်းရေးလုပ်ငန်းစဉ်တွေကို ပံ့ပိုးဖို့အတွက် ကိုယ်စွမ်းရှိသလောက် ပါဝင်ကြိုးပမ်းဖို့ အသင့်ရှိကြောင်း အိတ်ဖွင့်ပေးစာကို နိုင်ငံတော် သမ္မတ ဦးသိန်းစိန်၊ ကချင်လွတ်လပ်ရေးအဖွဲ့ (KIO)၊ ကရင်အမျိုးသားအစည်းအရုံး (KNU)၊ မွန်ပြည်သစ်ပါတီ (NMSP)နဲ့ ရှမ်းပြည်တပ်မတော် (SSA) တို့ကို ရည်ညွှန်းပြီး မနေ့က ထုတ်ပြန်ခဲ့တာပါ။

၂၀၁၀ ရွေးကောက်ပွဲမှာ အနိုင်ရထားတဲ့ တိုင်းရင်းသားညီနောင် ၅ ပါတီကလည်း ဒေါ်အောင်ဆန်းစုကြည်ရဲ့ ထုတ်ပြန်ချက်အပေါ် ကြိုဆိုလိုက်ပြီး မူအားဖြင့် လက်တွဲလုပ်ဆောင်နိုင်ကြောင်း ချင်းအမျိုးသားပါတီ ဥက္ကဋ္ဌ ပူးဇိုဇမ်က ပြောပါတယ်။

“ညီနောင် ၅ ပါတီအနေနဲ့ကတော့ ကျနော်တို့ တော်တော် အံ့သြသွားပါတယ်။ မထင်မှတ်ဘူးဗျာ ဒီကိစ္စနဲ့ ပတ်သက်လို့။ ဘာပဲပြောပြော ကျနော်တို့ ကြိုဆိုရမှာပေါ့ဗျာ။ ငြိမ်းချမ်းရေးအတွက် လုပ်ကြတာပဲ။ ကြီးကြီးငယ်ငယ် ကျနော်တို့ အကုန်လုံး ၀ိုင်းဝန်းပြီးတော့မှာလုပ်မယ့် ကိစ္စပါ။ တခုပဲရှိတာပေါ့ဗျာ ဒေါ်စုအနေနဲ့ ကျနော်တို့ နှစ်ပေါင်း ၂၀ လောက် ပြောရမယ့်ကိစ္စကို မနေ့ကမှ လုပ်တယ်ဆိုတာကတော့ ကျနော်တို့က တခုတော့ စဉ်းစားစရာ ဖြစ်သွားတာပေါ့။ ဒါပေမဲ့ ကြိုဆိုပါတယ်။ ကျနော်တို့က လုပ်ပါ ဒေါ်စု၊ ဒါဟာ လုပ်သင့်တာ ကြာပါပြီလို့ ကျနော် အဲဒီလိုပဲ မှတ်ချက်ပေးချင်ပါတယ်။”

ဖလုံ-စဝေါ်ဒီမိုကရက်တစ်ပါတီ၊ ချင်းအမျိုးသားပါတီ၊ မွန်ဒေသလုံးဆိ်ုင်ရာ ဒီမိုကရေစီပါတီ၊ ရခိုင်တိုင်းရင်းသားများ တိုးတက်ရေးပါတီ နဲ့ ရှမ်းတိုင်းရင်းသားများ ဒီမိုကရက်တစ်ပါတီတို့ ပါဝင်တဲ့ ညီနောင် ၅ ပါတီဟာ ဒီလ ၂၇ ရက်နေ့ နေပြည်တော်မှာ ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးတင်အေးနဲ့ တွေ့ဆုံစဉ်မှာ ပြည်တွင်း ငြိမ်းချမ်းရေးအတွက် ငြိမ်းချမ်းရေးကော်မရှင် တရပ်ဖွဲ့ဖို့ လိုကြောင်း ပြောဆို ထားတာဖြစ်ပါတယ်။

ချင်းအမျိုးသားပါတီဥက္ကဋ္ဌ ပူးဇိုဇမ်က ပြည်တွင်းငြိမ်းချမ်းရေးအတွက်ဆိုရင် နိုင်ငံရေးပါတီတွေ အားလုံးသာမက လူထုတရပ်လုံးပါဝင်ဖို့ လိုအပ်တယ်လို့ ပြောပါတယ်။

မြန်မာနိုင်ငံမှာ ဒုတိယ အင်အား အကောင်းဆုံးဖြစ်တဲ့ တိုင်းရင်းသား စည်းလုံးညီညွတ်ရေးပါတီ ကလည်း ပြည်တွင်းငြိမ်းချမ်းရေးအတွက်ဆိုရင် ဘယ်အဖွဲ့အစည်း ဘယ်ပုဂ္ဂိုလ်နဲ့မဆို မူရအရ ပူးပေါင်းဆောင်ရွက်မှာ ဖြစ်တယ်လို့ ပါတီရဲ့ ပြောရေးဆိုခွင့်ရှိသူ ဦးဟန်ရွှေက ပြောပါတယ်။

“ကျနော်တို့ရဲ့ အခြေခံ ရပ်တည်ချက်ပေ့ါနော်။ တည်ငြိမ်ရေး၊ စည်းလုံးညီညွတ်ရေး နောက်တခါ ဖွံ့ဖြိုးတိုးတက်ရေး ဆိုတဲ့ အခြေခံ ရပ်တည်ချက်အပေါ်မှာ ကျနော်တို့မှာ ဂိုင်းဂဏမရှိပါဘူး။ ဘယ်သူပဲ ဆောင်ရွက်ဆောင်ရွက် ဒီအခြေခံ ရပ်တည်ချက်အပေါ်မှာ တူရင် ကျနော်တို့ စုပေါင်းဆောင်ရွက်ဖို့ အဆင်သင့်ရှိပါတယ်။ ငြိမ်းချမ်းရေးနဲ့ပတ်သက်လို့ ဒါဟာ တိုင်းရင်းသားတွေ တွေ့ပေးမယ့်ကိစ္စပဲ၊ အဲဒါဆိုရင် ကျနော်တို့ ပုဂ္ဂလိကသတ်မှတ်ချက် ကျနော်တို့မှာ မရှိပါဘူး။ ဒီဟာနဲ့ပတ်သက်လို့ တူတယ်ဆိုရင် ကျနော်တို့က အားလုံး လက်ခံဖို့ရှိပါတယ်ခင်ဗျ။”

မြန်မာပြည်က တော်လှန်ရေး သက်တမ်းအရင့်ဆုံး ပါတီတခုဖြစ်တဲ့ ဗမာပြည် ကွန်မြူနစ်ပါတီရဲ့ သဘောထားကိုတော့ ပါတီရဲ့ ပြောရေးဆိုခွင့်ရှိသူ ရဲဘော်ဖိုးသံချောင်းက အခုလို ပြောပါတယ်။

“ကျနော်တို့ အနေနဲ့ကတော့ ဒေါ်အောင်ဆန်းစုကြည် အခုလိုပြောတာဟာ ပြောသင့် ပြောထိုက်တဲ့ ကိစ္စတခုပဲလို့ ယူဆပါတယ်။ ပြည်တွင်းစစ်ကိစ္စနဲ့ပတ်သက်လို့ သူကလုပ်တာကို အစိုးရက လုံးဝဂရုစိုက်မှာ မဟုတ်ပါဘူး။ အဲဒါကတော့ သေချာပါတယ်။ အဲဒါက ဒေါ်အောင်ဆန်းစုကြည် ကြောင့် မဟုတ်ပါဘူး။ အစိုးရရဲ့ သန္ဓေကြောင့် ပါ။ မြန်မာပြည်မှာ ပြည်တွင်းစစ်ကို သူတို့ စွန့်လွှတ်လို့ မရဘူး။ သူတို့ စစ်အစိုးရတွေက မွေးကိုထားတာ။ အဲဒါတွေကို သူတို့ လုပ်ချင်ရာတွေ လုပ်၊ ပြီးတော့ ဘယ်သူ့စကားကိုမှ သူတို့က နားထောင်မှာ မဟုတ်ဘူး။ ကုလသမဂ္ဂ အတွင်းရေးမှူးချုပ်ပြောလဲ နားထောင်မှာ မဟုတ်ဘူး။ ပြည်တွင်းက ပုဂ္ဂိုလ်များကိုလဲ နားထောင်မှာ မဟုတ်ဘူး။ နောက်ပြီးတော့ ဒေါ်အောင်ဆန်းစုကြည် ပြောလို့ လိုက်လုပ်တယ် ဆိုတာမျိုး လုံးဝ အဖြစ်မခံပါဘူး။ ဒါပေမဲ့ ဒီလို လုပ်တဲ့အတွက် ကျနော်တို့ ဘက်ကတော့ ဒီလို မပြောရ မဆိုရဘူးလို့ မဆိုလို ပါဘူး။ ပြည်သူလူထုဆန္ဒကတော့ အဲဒီလိုပဲ ပြောနေရမှာပဲ။”

ကချင်၊ ကရင်၊ မွန်နဲ့ ရှမ်း စတဲ့လက်နက်ကိုင်တပ်ဖွဲ့တွေကတော့ ဒေါ်အောင်ဆန်းစုကြည်ရဲ့ ထုတ်ပြန်ချက်ကို ကြိုဆိုထားပါတယ်။

၁၉၈၈ ခုနှစ် အာဏာသိမ်းခဲ့ပြီးတဲ့နောက် ဖွဲ့စည်းခဲ့တဲ့ စစ်အစိုးရလက်ထက်မှာ တိုင်းရင်းသား လက်နက်ကိုင်အဖွဲ့ ၁၇ ဖွဲ့ကျော်နဲ့ အပစ်အခတ် ရပ်စဲခဲ့ပါတယ်။

၂၀၁၀ ရွေးကောက်ပွဲအပြီး ဖွဲ့စည်းလိုက်တဲ့ အစိုးရသစ် လက်ထက်မှာတော့ တိုင်းရင်းသားဒေသတွေမှာ တိုက်ပွဲတွေ ပြန်လည် စတင်ခဲ့တာလည်း ဖြစ်ပါတယ်။


နားဆင်ရန်

source by : http://www.voanews.com

အပြည့်အစုံ ဖတ်ရန် ...

အတွေးအခေါ်နှင့် လမ်းစဉ် (အပိုင်း - ၄)

Political Liberalization အတွေးအခေါ်

Political Liberalization ဆိုသည်မှာ အာဏာရှင်တို့ဘက်မှ civil liberties များ ဖန်တီးပေးခြင်းနှင့် ဖိနှိပ်မှုများ လျှော့ချခြင်း (ease of repression) လုပ်ခြင်းများကို ဆိုလိုပါသည်။ အဆိုပါ အတွေးအခေါ်အား အာဏာရှင်တို့ဘက်က ကျင့်သုံးလာချိန်တွင် အာဏာရှင် ရွေးကောက်ပွဲ (authoritarian elections) များ ပေါ်ထွက် လာလေ့ရှိပါသည်။

ဒီမိုကရေစီ အသွင်ကူးပြောင်းမှုဖြစ်စဉ်၏ နောက်ဆုံးပန်းတိုင်ဖြစ်သော democratic consolidation ကို ဖော်ဆောင်ပေးနိုင်သည့် အတွေးအခေါ် တရပ်ဖြစ်သော်လည်း political liberalization နှင့် initial transition မှာ ကွဲပြားခြားနားပါသည်။ Initial transition ကို ဒီမိုကရေစီအသွင်ကူးပြောင်းမှုဖြစ်စဉ် (Democratization)၏ ကနဦးအစိတ်အပိုင်း အဖြစ်သတ်မှတ်ထားသော်လည်း political liberalization ကျင့်သုံးအကောင်အထည်ဖော်မှု ဖြစ်ရပ်တိုင်းအား ဒီမိုကရေစီ အသွင်ကူးပြောင်းမှု၏ ကနဦးအစိတ်အပိုင်း အဖြစ် သတ်မှတ်ထားခြင်း မရှိပါ။

နိုင်ငံရေးပညာရှင်များက အဆိုပါ ကွဲပြားခြားနားမှုကို ရှင်းရှင်းလင်းလင်း မီးမောင်း ထိုးပြလေ့ရှိကြပါသည်။ Holger နှင့် Schlumberger တို့က political liberalization နှင့် ဒီမိုကရေစီ အသွင်ကူးပြောင်းမှုဖြစ်စဉ်တို့မှာ နောက်ဆုံးရလဒ်အဖြေ (end result) ပေါ် မူတူ၍ ကွဲပြားကြောင်း ရေးသားခဲ့ကြပါသည်။ ဒီမိုကရေစီ အသွင်ကူးပြောင်းမှုဖြစ်စဉ်မှာ ဒီမိုကရေစီ စနစ် အမြစ်တွယ် ခိုင်မာရှင်သန်မှုရှိရန် ဦးတည်သည့် ရှင်းလင်းသော နောက်ဆုံးရလဒ် ရှိသော်လည်း၊ political liberalization မှာကား ဒီမိုကရေစီစနစ် အမြစ်တွယ် ခိုင်မာရှင်သန်မှု (Democratic consolidation) သို့ ဦးတည်ခြင်းမရှိပဲ လမ်းတ၀က်တွင်ပင် အာဏာရှင်တို့ဘက်မှ liberalization ကို ရပ်ဆိုင်းကာ အာဏာပြန်သိမ်းပြီး၊ authoritarian စနစ်ကို အသက်ပြန်သွင်းခြင်းလည်း ဖြစ်နိုင်သည်။ တပိုင်းတစ ရပ်ဆိုင်းထားခြင်းများလဲ ဖြစ်နိုင်သည့်အတွက် တိကျသော end result ကို သတ်မှတ်၍ မရနိုင်ကြောင်း သုတေသနပြုချက်များအရ တွေ့ရှိခဲ့ကြပါသည်။

နိုင်ငံရေးပညာရှင် Pool ကလဲ Political Liberalization ဆိုသည်မှာ ဒီမိုကရေစီ၏ အခြေခံ သဘောတရားများကို မိတ်ဆက်ခြင်းမျှသာ ဖြစ်ပြီး၊ ဒီမိုကရေစီပန်းတိုင်ကို ဦးတည်ဖော်ဆောင်သည်ဟု မည်သူမျှ တပ်အပ်သေချာ မပြောနိုင်ကြောင်း ရှင်းလင်းပြောကြားခဲ့ပါသည်။ နိုင်ငံရေးပညာရှင် Monshipouri က Political Liberalization ဖြစ်ရပ်တိုင်းတွင် ဒီမိုကရေစီစနစ် တည်ဆောက်မှု ဖြစ်မလာနိုင်သော်လည်း political liberalization ပြုလုပ်ခြင်းအားဖြင့် အာဏာရှင်တို့၏ သက်တမ်းကို ဆွဲဆန့်ပေးနိုင်ကြောင်းနှင့် အာဏာရှင်တို့ ရင်ဆိုင်ရတတ်သည့် နိုင်ငံရေး၊ စီးပွားရေး၊ လူမှုရေး အကျပ်အတည်းများကို ရေတို ဖြေရှင်းခြင်း အတွေးအခေါ်တခုအဖြစ် အသုံးချနိုင်ကြောင်း ရေးသားဖော်ပြခဲ့ပါသည်။ ဖွံ့ဖြိုးဆဲနိုင်ငံများတွင် ဖြစ်ပေါ်နေတတ်သည့် နိုင်ငံရေးမတည်ငြိမ်မှုများ၊ စစ်ပွဲများ၊ စီးပွားရေး၊ လူမှုရေး ပြဿနာများကို political liberalization အတွေးအခေါ်ဖြင့် ဖြေရှင်းပါက ညင်သာသော ပြောင်းလဲတိုးတက်မှုများ ရှိနိုင်ကြောင်းနှင့် အဆိုပါနိုင်ငံများရှိ လူ့အဖွဲ့အစည်းများကို ဒီမိုကရေစီ စနစ်အတွက် ကြိုတင်မိတ်ဆက်ပြင်ဆင်ပေးရာ ရောက်ကြောင်း Monshipouri က ဆိုထားခဲ့ပါသည်။

Political Liberalization နှင့် ကနဦးဒီမိုကရေစီ အသွင်ကူးပြောင်းမှုတို့သည် ဤသို့ ကွဲပြားခြားနားနေသော်ငြား political liberalization သည် civil liberties အချို့ကို အကာအကွယ် ပေးနိုင်လာသဖြင့် expansion of public space ဖြစ်ကြောင်းကိုကား ပညာရှင်အများစုက တညီတညွတ်တည်း လက်ခံထားခဲ့ကြပါသည်။ ခြုံငုံကြည့်ပါက political liberalization ဆိုသည်မှာ အာဏာရှင်တို့မှ ပိတ်ဆို့ထားသည့် တံခါးအား အနည်းငယ် ဟပေးခြင်းဖြင့် လူတဦးချင်း၏ အတွေးအမြင်ဖော်ပြချက်၊ လူ့အဖွဲ့အစည်းအတွင်း လှုပ်ရှားမှုနှင့် နိုင်ငံရေးပါဝင်ပတ်သက်မှုတို့ကို အကန့်အသတ်ဖြင့် ခွင့်ပေးခြင်း ဖြစ်ပေသည်။ သို့ရာတွင် အာဏာရှင်တို့ ဖွင့်ပေးသော အပေါက်မှ အာဏာရှင်တို့ ချုပ်ကိုင်ထားသော အိမ်အတွင်းသို့ ၀င်ရောက်နေထိုင်ရမည်ဖြစ်ရာ ဧည့်သည်တို့၏ ထုံးစံအတိုင်း အိမ်ရှင်များ ချမှတ်ထားသော စည်းကမ်းကိုတော့ လိုက်နာရန် လိုအပ်ပေသည်။ ဧည့်သည်များမှ စည်းကမ်းကို မလိုက်နာလျှင်ကား အိမ်ပေါ်မှ နှင်ချ၍ ဖွင့်ထားသော တံခါးကို အာဏာရှင်တို့ဘက်မှ အချိန်မရွေး ပြန်လည် ပိတ်ပိုင်ခွင့်လည်း ရှိလေသည်။ ယင်းမှာ political liberalization အတွေးအခေါ်၏ အခြေခံ သဘောတရား ဖြစ်လေသည်။

political liberalization သည် စစ်မှန်သော ဒီမိုကရေစီ ပန်းတိုင်သို့ အရောက်လှမ်းရေးကို ဆောင်ကျဉ်းပေးနိုင်သည်လား (၀ါ) political liberalization အတွေးအခေါ်ကို ကိုင်စွဲခြင်းဖြင့် ဒီမိုကရေစီ ရနိုင်သလား ဆိုသည်နှင့် ပတ်သက်၍မူ အယူအဆနှစ်မျိုး ပေါ်ထွက်လာပါသည်။ တမျိုးက political actors များပေါ်တွင် မူတည်သည့် အတွေးအမြင် ဖြစ်ပါသည်။ အဆိုပါ အယူအဆအရ ဒီမိုကရေစီအရေးတွင် အာဏာရှင်များဘက်၌ hardliners နှင့် softliners ဆိုသော နိုင်ငံရေးဇာတ်ကောင်နှစ်မျိုး ပေါ်ထွက်လာပြီး၊ အတိုက်အခံများဘက်၌ opportunists, moderates နှင့် radicals ဆိုသော နိုင်ငံရေးဇာတ်ကောင် သုံးမျိုး ပေါ်ထွက်လာနိုင်ပါသည်။

Hardliners ဆိုသူများမှာ အာဏာရှင်စနစ်ကိုပင် ရေရှည်တည်တံ့ခိုင်မြဲလိုသူများဖြစ်ပြီး၊ softliners ဆိုသူများမှာ ဒီမိုကရေစီစနစ် တည်ဆောက်ရေးအတွက် အတိုက်အခံများနှင့် ပူးပေါင်းဆောင်ရွက်ရေး စေ့စပ်ညှိနှိုင်းရေးကို လိုလားသူများဖြစ်သည်။ opportunists ဆိုသူများကား ဒီမိုကရေစီစနစ် တည်ဆောက်ရေးကို စိတ်ဝင်စားသူများ မဟုတ်ပဲ ဒီမိုကရေစီ အရေးကို အကြောင်းပြု၍ ကိုယ်ကျိုးရှာလိုသူများဖြစ်သည်။ moderates ဆိုသူများကား ဒီမိုကရေစီစနစ် ခိုင်မာရှင်သန်ရေးကို လိုလားသူများဖြစ်ပြီး၊ မည်သို့သော ပြောင်းလဲမှုများကိုဖြစ်စေ လက်ခံနိုင်သူများ ဖြစ်သည်။ radicals ဆိုသူများကား အာဏာရှင်တို့နှင့် compromise မလုပ်ရသော ဒီမိုကရေစီ အသွင်ကူးပြောင်းမှုကို ဖော်ဆောင်လိုသူများ ဖြစ်သည်။ လက်တင်အမေရိက ဒီမိုကရေစီအသွင်ကူးပြောင်းမှု သင်ခန်းစာများအရ political liberalization ကို အာဏာရှင်ဘက်မှ softliners များနှင့် အတိုက်အခံဘက်မှ moderates များက ထိန်းကျောင်းပေးနိုင်လျှင် ဒီမိုကရေစီ ခိုင်မာရှင်သန်ရေး လမ်းကြောင်းပေါ်သို့ ရောက်သွားနိုင်ကြောင်း ပညာရှင်များက လေ့လာတွေ့ရှိခဲ့ကြလေသည်။

အခြားအယူအဆ တခုမှာကား အာဏာရှင်တို့တွင် အာဏာရှင်စနစ်ကို ထိန်းသိမ်းထားလိုသော အုပ်စုနှင့် အာဏာရှင်စနစ်ကို ဆက်လက်ကျင့်သုံး၍ မဖြစ်နိုင်ဟု ယူဆသော အုပ်စုနှစ်စု ကွဲပြားသွားသဖြင့် အာဏာရှင်တို့အကြား အကွဲအပြဲ (intra-regime factionalism) နှင့် စစ်တပ်မှ ခေါင်းဆောင်အချို့ခွဲထွက်ပြီး အတိုက်အခံတို့နှင့် ပေါင်းသွားသည့်အခါ ဖြစ်လာလေ့ရှိသော intra-military factionalism များ၊ degradation of military institution ဖြစ်ခြင်းများကို ထိန်းချုပ်ရန် political liberalization ကို အာဏာရှင် ခေါင်းဆောင်များက အကောင်အထည် ဖော်လာသည်ဆိုသော အယူအဆ ဖြစ်လေသည်။ ဤအယူအဆအရ political liberalization ကို အကောင်အထည်ဖော်ရာတွင် အာဏာရှင်တို့ဘက်မှ paradox of success ကို သေချာစေရန် ဆောင်ရွက်ရသည်။ ရွေးကောက်ပွဲများတွင် အာဏာရှင်တို့ ကြိုးကိုင်နိုင်သည့် ပါတီများ ဖွဲ့စည်းခြင်း၊ အာဏာရှင်တို့၏ ရပ်တည်မှုကို မထိပါးစေသော ဥပဒေများ ပြဌာန်းသတ်မှတ်ခြင်း၊ ကြိုးကိုင်နိုင်သည့် ပါတီများသာ အနိုင်ရနိုင်မည့် ရွေးကောက်ပွဲဥပဒေများ ပြဌာန်းခြင်း စသည်တို့မှာ political liberalization ၏ လိုအပ်ချက်တရပ်ဖြစ်သော အဆိုပါ paradox of success စည်းမျဉ်းကို ဖော်ဆောင်ခြင်း ဖြစ်လေသည်။ paradox of success မသေချာပဲနှင့် political liberalization ကို မည်သည့် အာဏာရှင်ကမှ ဖော်ဆောင်ခြင်း မရှိပါ။

အထက်ဖော်ပြပါ အယူအဆနှစ်မျိုးအနက် ပထမအယူအဆမှ ကြည့်လျှင် political liberalization သည် ဒီမိုကရေစီ ပန်းတိုင်အရောက်လှမ်းရေးကို ဦးတည်သည့် အတွေးအခေါ် ဖြစ်ပြီး၊ ဒုတိယအယူအဆမှ ကြည့်လျှင်ကား political liberalization သည် အာဏာရှင်စနစ်ကို ပုံစံတမျိုးဖြင့် ရေရှည် ရှင်သန်နေစေနိုင်သည့် dead end ဖြစ်နေသော အတွေးအခေါ် ဖြစ်လေသည်။ လက်တင်အမေရိက ဒီမိုကရေစီ အသွင်ကူးပြောင်းမှု ဖြစ်စဉ်များအရ ပထမအယူအဆက မှန်ကန်ပြီး၊ အရှေ့အလယ်ပိုင်းဒေသနှင့် အာရှတိုက် ဒီမိုကရေစီ အသွင်ကူးပြောင်းမှု ဖြစ်စဉ်များအရ ဒုတိယအယူအဆက မှန်ကန်နေသည်ဖြစ်ရာ နိုင်ငံတနိုင်ငံ ကြုံတွေ့လာမည့် political realities အခြေအနေကိုကား ခန့်မှန်းရ အလွန်ပင် ခက်နိုင်ပါသည်။

မည်သို့ဆိုစေ အာဏာရှင်တို့၏ political liberalization ဖော်ဆောင်မှုများကို public space ချဲ့ပေးခြင်းဟု ရှုမြင်၍ ပထမအယူအဆကို လက်ခံကျင့်သုံးလိုသော moderates များအနေဖြင့် ရလိုရငြား စမ်းသပ်ကြည့်လိုသည်ဆိုလျှင် political liberalization မှ democratic consolidation သို့ ပြောင်းလဲရန် ကြိုးပမ်းမှုများတွင် တွေ့ကြုံနိုင်သည့် obstacles များကို အာရုံစိုက်ရန် လိုအပ်ပေသည်။ အဆိုပါ obstacles များကို ကျော်လွှားနိုင်မည့် နည်းလမ်းများကို ကြံဆရှာဖွေသင့်လေသည်။ Political liberalization စတင်လာပြီးမှ ပြောင်းပြန်ဦးတည်သွားသော political deliberalization မဖြစ်စေရန် ကြိုးပမ်းကြရန် လိုအပ်သည်။

(ဆက်လက်ဖော်ပြပါမည်)

ခင်မမမျိုး

အပြည့်အစုံ ဖတ်ရန် ...

Friday, July 29, 2011

အတွေးအခေါ်နှင့် လမ်းစဉ် (အပိုင်း -၃)

Initial Transition အတွေးအခေါ် (သို့မဟုတ်) အာဏာရှင်စနစ်အားဖြိုချခြင်း (authoritarian breakdown) အတွေးအခေါ်

Initial transition ဖြစ်လာစေရန်အတွက် အရေးကြီးဆုံးမှာ ကြားဖြတ်အစိုးရပင်ဖြစ်လေသည်။ ကနဦးဒီမိုကရေစီအသွင်ကူးပြောင်းမှုဖြစ်စဉ်၏ အဓိကသော့ချက်မှာ interim period တွင် မည်သူများက အုပ်ချုပ်၍ အာဏာကို မည်သို့ ခွဲဝေသုံးစွဲမည်နည်းဆိုသည့် အချက်အပေါ်တွင် မူတည်သည်။ ထိုအချက်ကို သေချာစွာဖော်ထုတ်ပြီးမှသာ ဒီမိုကရေစီလှုပ်ရှားမှု လမ်းကြောင်းမှာ တည့်တည့် မတ်မတ်နှင့် ထိထိရောက်ရောက် ရှိသည်။

နှစ်ဆယ်ရာစုနှောင်းပိုင်း ကနဦးဒီမိုကရေစီအသွင်ကူးပြောင်းမှု ဖြစ်စဉ်များအား လေ့လာ၍ ပညာရှင် Shain နှင့် Lintz ဆိုသူတို့က အဆိုပါပြောင်းလဲမှုဖြစ်စဉ်များတွင် ပါဝင်သော ကြားဖြတ်အစိုးရ ပုံစံလေးမျိုးကို ထုတ်ဖော် ခဲ့ကြသည်။

(၁) အတိုက်အခံများက ဦးဆောင်သော ကြားဖြတ်အစိုးရ (Opposition-led interim government)

လူထုတိုက်ပွဲ ပုံစံဖြင့်ဖြစ်စေ၊ လက်နက်ကိုင် တော်လှန်ရေးအသွင်ဖြင့်ဖြစ်စေ အာဏာရှင် အစိုးရအား ဖြုတ်ချ တော်လှန်၍ ကြားဖြတ်အစိုးရအဖြစ်ကြေငြာကာ၊ ရွေးကောက်ပွဲ ကျင်းပခြင်းနည်းလမ်းဖြင့် ဒီမိုကရေစီ ပြောင်းလဲမှုဖြစ်စဉ် အချိန်တိုအတွင်း ဖြစ်ပေါ်လာစေရန် ဦးဆောင်ဦးရွက်ပြုသည့် အစိုးရ တရပ် ဖြစ်သည်။

အာဏာရှင်အစိုးရ၏ ဥပဒေစိုးမိုးမှု၊ အာဏာသက်ရောက်မှုကို total rejections လုပ်ရမည်ဖြစ်၍ အသွင်ကူးစဉ်ကာလတွင် လူထုအပေါ်၌ တာဝန်ခံမှု ရှိရမည်။ တာဝန်ယူရမည်။ (၁၉၇၄)ခုနှစ်မှ (၁၉၇၆)ခုနှစ် ပေါ်တူဂီနိုင်ငံ ကနဦးဒီမိုကရေစီ ပြောင်းလဲမှုဖြစ်စဉ်သည် ဤပုံစံမျိုးဖြစ်သည်။

ထိုသို့သော ပြောင်းလဲမှုကို လုပ်ရန်ရည်ရွယ်ပါက အတိုက်အခံအုပ်စုများ စုစည်းကျစ်လစ်မှုရှိရန် လိုအပ်သည်။ ဥာဏ်အမြော်အမြင်ရှိရန် လိုအပ်သည်။ နိုင်ငံရေးသုံးသပ်မှု မှန်ကန်ရန် လိုအပ်သည်။

အချိန်အခါကို မှန်မှန်ကန်ကန် တွက်ချက်တတ်ရန် လိုအပ်သည်။ လူထုစည်းရုံးရေး ကောင်းမွန်ရန် လိုအပ်သည်။ ပြုတ်ကျသွားသော အာဏာရှင်များမှ ပုန်ကန်ခြားနားမှု ရှိလာနိုင်သည် ဖြစ်သဖြင့် အချိန်မှီ ထိန်းကွပ်နိုင်ရန် စစ်ရေးသတိ၊ နိုင်ငံရေးသတိရှိရန်လိုအပ်သည်။ မူလအာဏာရှင်သည် စစ်အာဏာရှင်ဖြစ်ပါက လက်နက်ကိုင် အင်အားစုများ ပြန့်ကျဲသွားနိုင်သည်ဖြစ်သောကြောင့် အဆိုပါ အင်အားစုများကို ပြန်လည် စုစည်း၍ နိုင်ငံတနိုင်ငံအတွက် လိုအပ်သော ကျစ်လျစ်သည့် တပ်မတော်တရပ် ပြန်လည်ဖွဲ့စည်းနိုင်ရန် အတိုက်အခံ ခေါင်းဆောင်များတွင် အုပ်ချုပ်မှု စွမ်းရည်ရှိရန် လိုအပ်သည်။

မြန်မာနိုင်ငံ၏ (၁၉၈၈) လူထုအရေးတော်ပုံကြီးသည် ဤသို့သော ပြောင်းလဲမှုလမ်းကြောင်းကို ဦးတည်ခဲ့သော်လည်း အားနည်းချက်အချို့ကြောင့် အသက်သွေးချွေးများရင်းပြီးမှ ပေးဆပ်ခဲ့ရသည်နှင့် မတန်စွာပင် အောင်ပွဲနှင့် လွဲခဲ့ရသည်။ သမိုင်းသင်ခန်းစာ ယူတတ်ရန် လိုပေသည်။ ထပ်ခါတလဲလဲ မှားနေသည်ဆိုလျှင်တော့ မှားသူများ၏ အသုံးမကျမှုပင် ဖြစ်ပေတော့မည်။

အရေးကြီးဆုံးအချက်မှာကား ထိုပြောင်းလဲမှုကို ဦးတည်သည်ဆိုပါက လူထုတိုက်ပွဲနှင့် လက်နက်ကိုင်တော်လှန်ရေး လမ်းကြောင်းတခုခုကိုဖြစ်စေ၊ နှစ်ခုလုံးကိုပေါင်းစပ်၍ တစိုက်မတ်မတ် လုပ်ကိုင် ရမည်။ စုစည်းမှုအားများ၏ လားရာသည် ထိုပြောင်းလဲမှုကိုသာ ဦးတည်ထွက်သွားရမည်။ ကြိုတင်ပြင်ဆင်သင့် သည်များကို “ ဖြစ်လာရင် လုပ်ဖို့နည်းရှိပါတယ်“ ဆိုသော မီဒီယာကြားကောင်းရုံ စကားလုံးများ ပြောနေခြင်းဖြင့် မဟုတ်ပဲ လက်တွေ့ လုပ်ဆောင် ထားရမည်။ ခင်းစရာ လမ်းကြောင်းကို ခင်းကျင်း ထားရမည်။ လိုအပ်ချက် များကို ဖြည့်စွက်ထားရမည်။


(၂) ပါဝါခွဲဝေသုံးစွဲသောကြားဖြတ်အစိုးရများ (power-sharing interim governments)

ပါဝါခွဲဝေသုံးစွဲသော ကြားဖြတ်အစိုးရများဆိုသည်မှာ အာဏာရှင်အစိုးရမှ အချို့သော အဖွဲ့ဝင်များနှင့် အတိုက်အခံများမှ အချို့သော အဖွဲ့ဝင်များတို့ နားလည်မှုယူ၍ ရွေးကောက်ပွဲများ မကျင်းပမီ ယာယီ ကြားဖြတ်အစိုးရအဖြစ် ဖွဲ့စည်းကာ အတူတကွ ပူးပေါင်းဆောင်ရွက်ကြခြင်းဖြစ်သည်။ ထိုသို့သော ပြောင်းလဲမှု လမ်းကြောင်းမှာ နိုင်ငံရေးအရ ပဋ္ဋိပက္ခ မများလှပဲ တည်ငြိမ်သည်။ ပြောင်းလဲမှုမှာ ညင်သာသည်။ အတိုက်အခံများ၏ ပညာသားပါပါ ဆောင်ရွက်နိုင်မှု အထူးလိုအပ်သည်။ (၁၉၈၉) မှ (၁၉၉၁)ခုနှစ်အထိ ပိုလန်နိုင်ငံ၏ ပြောင်းလဲမှုဖြစ်စဉ်မှာ ထိုသို့သော ပုံစံမျိုးဖြစ်သည်။

ထိုပြောင်းလဲမှုမျိုးကို ဦးတည်ပါက အာဏာရှင်ဘက်မှ ဘက်ပြောင်းလာသူများရှိလာစေရန် စည်းရုံးလှုံ့ဆော်မှု အားကောင်းရမည်။ ထိုစည်းရုံးရေးစွမ်းရည်တွင်လည်း လျှို့ဝှက်နိုင်မှု စွမ်းရည်ပါ လိုအပ်သည်။ မည်သူနှင့် ပူးပေါင်း ဆောင်ရွက်ရန် အတိုက်အခံများမှ nominate လုပ်နေသည်ကို အာဏာရှင်ဘက်သို့ သတင်းပေါက်ကြားခြင်း မရှိစေရ။ မဟုတ်လျှင် ပွဲမပြီးခင် အချိန်မှာပင် အတိုက်အခံနှင့် ပူးပေါင်းချင်သူများ လုပ်ကြံခံလိုက်ရခြင်း၊ အဖမ်းခံလိုက်ရခြင်း၊ ထိုသူမှ စိတ်ပြောင်း သွားခြင်းများဖြစ်နိုင်သည်။ လုံခြုံရေးသည် အရေးပါလှသည်။ ထိုသူများနှင့် အချိတ်အဆက်ရှိ ထားပြီးမှသာ လူထုတိုက်ပွဲကို ပုံစံဖော်ရမည်။ လူထုတိုက်ပွဲအချိန်တွင်မှ ပေါ်လာလိမ့်မည်ဆိုပြီး စောင့်စားခြင်း၊ လိုက်လံစည်းရုံးခြင်းများသည် မိမိ၏အင်အားကို ဖြုန်းတီး လိုက်သကဲ့သို့ပင် ရှိသည်။ မည်သို့မျှ အကျိုးမထူးပါ။ ရန်သူ့ထက် ခြေတလှမ်းနောက်ကျနေသည်ကို သတိပြုသင့်သည်။ တွေ့ဆုံဆွေးနွေးရေးခေါ်ခြင်း သည်လည်း ဤပြောင်းလဲမှု လမ်းကြောင်းပေါ်မှာပင်ရှိသည်။ သို့ပေမယ့် ထိုသို့ခေါ်ချိန်သည် နှစ်ဘက်ဘက်မျှနေသည့် အချိန်မျိုးတွင်သာ ဖြစ်သင့်သည်။ ပိုလန်နိုင်ငံတွင် ထိုပြောင်းလဲမှု လမ်းကြောင်းပေါ် တက်သွားနိုင်ခဲ့သည်က ပိုလန်နိုင်ငံ people power movement အားကောင်း၍ဖြစ်သည်။

(၃) အာဏာရှင်များမှဦးဆောင်သော အိမ်စောင့်အစိုးရများ (incumbent- led caretaker governments)

အချို့သောအခြေအနေများတွင် အာဏာရှင် အစိုးရကိုယ်တိုင်မှ နိုင်ငံ၏စီးပွားရေးယိုယွင်းမှုကို မည်သို့မျှ မထိန်းနိုင်တော့၍ဖြစ်စေ၊ အုပ်စိုးသူများ အချင်းချင်းသဘောထား ကွဲလွဲမှုကြောင့် ဖြစ်စေ၊ အတိုက်အခံများ၏ ခြိမ်းချောက်နိုင်စွမ်းကြောင့်ဖြစ်စေ၊ ဆက်လက်ထိန်းထားလျှင် တိုင်းပြည်တခုလုံး ဖရိုဖရဲဖြစ်လာနိုင်ချေ ရှိသောကြောင့်ဖြစ်စေ၊ ကနဦးဒီမိုကရေစီအသွင် ကူးပြောင်းမှု ဖြစ်စဉ်ကို စတင် လိုက်ရသည်များရှိသည်။ တောင်အာဖရိကဒီမိုကရေစီအသွင် ကူးပြောင်းမှုဖြစ်စဉ်သည် ထိုသို့သောပြောင်းလဲမှုနှင့် စတင်ခဲ့သည်။ incumbent de Klerk government သည် အိမ်စောင့်အစိုးရအဖြစ်စတင်ခဲ့ပြီး၊ (၁၉၉၃) စက်တင်ဘာတွင်မှ power-sharing coalition အနေဖြင့် ပြောင်းလဲကာ ဒီမိုကရေစီအသွင်ကူးပြောင်းမှုကို စတင်ခဲ့ခြင်းဖြစ်သည်။

ထိုပြောင်းလဲမှုဖြစ်စေရန်အတွက် ထိရောက်သော နိုင်ငံတကာဖိအားမှာ အရေးပါလှသည်။ ထိရောက်သောဟူသော စကားလုံးကို ဆိုထားပါသည်။ မစို့မပို့ ဟိုစပ်စပ် ဒီစပ်စပ်၊ ရှေ့ကဖုံးနောက်ကပေါ် နိုင်ငံတကာ ဖိအားကို ဆိုလိုခြင်းမဟုတ်ပါ။ ထို့ထက်ပို၍ အရေးကြီးသည်ကား လူထုအား ပင်ဖြစ်ပါသည်။ လူထုအားသည် စုစုစည်းစည်း ပြတ်ပြတ်သားသားရှိနေရပါမည်။ အာဏာရှင်တို့အား မပြောင်းလဲလျှင် လုံးဝမရနိုင်သည့် အခြေအနေသို့ ရောက်အောင် တွန်းပို့ ထားနိုင်ရပါမည်။

(၄) အပြည်ပြည်ဆိုင်ရာကြားဖြတ်အစိုးရများ (international interim governments)

အကယ်၍ အာဏာခွဲဝေသုံးစွဲသည့် ကြားဖြတ်အစိုးရ ဖြစ်လာနိုင်ချေများ လုံးဝမရှိသည့်အခါ (သိုမဟုတ်) နှစ်ဘက်စလုံးတွင် သမိုင်းကြောင်းအရ ကြမ်းကြုတ်သော ယှဉ်ပြိုင်မှုများနှင့် တဦးပေါ်တဦးယုံကြည်မှု လုံးဝဥဿုံ ကင်းမဲ့နေသည့်အခါ (သို့) နှစ်ဘက်စလုံး မည်သူမျှ အောင်ပွဲရတော့မည် မဟုတ်ကြောင်း သေချာလာသည့်အခါတွင် ကုလသမဂ္ဂကြီးကြပ်မှုဖြင့် အပြည်ပြည်ဆိုင်ရာ ကြားဖြတ်အစိုးရများကို ဖွဲ့စည်းရလေသည်။

နာမီးဘီးယား (၁၉၈၉-၁၉၉၀)နှင့် ကမ်ဘောဒီးယား (၁၉၈၃-၉၃) အခြေအနေများသည် အဆိုပါပြောင်းလဲမှုဖြစ်စဉ်၏ ဥပမာများပင်ဖြစ်သည်။ သို့ရာတွင် ထိုသို့သော ပြောင်းလဲမှုဖြစ်စဉ်များတိုင်း အောင်မြင်သည်ကား မဟုတ်ပါ။ အာဖဂန်နစ္စတန်နိုင်ငံ၏ (၁၉၉၀)ပြည့်နှစ် အစောပိုင်းကာလများ အခြေအနေသည် မအောင်မြင်သော အပြည်ပြည်ဆိုင်ရာ ကြားဖြတ်အစိုးရကနဦး ဒီမိုကရေစီပြောင်းလဲမှုဖြစ်စဉ်ကို မီးမောင်းထိုးပြနေသည်။ ထို့အပြင် အခြားအရေးကြီးသော အချက်မှာကား သူတပါးနှာခေါင်းဖြင့် အသက်ရှူသူများသည် ကိုယ့်နှာခေါင်းဖြင့် အသက်ရှူရန် ခဲယဉ်းသည့် နောက်ဆက်တွဲ ဖြစ်ရပ်များပင်ဖြစ်သည်။

မည်သို့ဆိုစေ ထိုပြောင်းလဲမှုဖြစ်စဉ်ကို ဦးတည်သည်ဆိုလျှင်ကား Humanitarian intervention ဖြစ်လာစေရန် ဦးစားပေး ဆောင်ရွက်ရမည်။ သတိပြုရန်အချက်ကား ထိုဖြစ်စဉ်စတင်ရန် အချိန်သည် နှစ်ပေါင်းများစွာ ကြာတတ်သည်။ ဖြစ်လာပြီးလျှင်လည်း နောက်ဆက်တွဲပြဿနာများ အလွန်ပင် ကြီးမားသည်။ ဒီမိုကရေစီအသွင်ကူးပြောင်းမှု၏ ပန်းတိုင်ဖြစ်သော democratic consolidation ဖြစ်ရန် ပိုမိုခက်ခဲသည်။ Long-term effects များပြားသည်။ autonomous development တည်ဆောက်ရန် political and economic challenges များသည်။ ထို costs များကို benefits များဖြင့် weighted လုပ်ကြည့်ပြီး benefits က costs ထက် exceed ဖြစ်မှသာ ထိုလမ်းကြောင်းကို ဦးတည်သင့်သည်။

မြန်မာ့ဒီမိုကရေစီအရေးနှင့် ပတ်သက်သည့် ထူးခြားသော အချက်တခုမှာကား ၁၉၈၈ လူထု အရေးတော်ပုံကြီးနောက်ပိုင်းကာလ ဒီမိုကရေစီဖော်ဆောင်ရေး ကြိုးပမ်းခဲ့ကြသည့် အနှစ်နှစ်ဆယ်ခရီးတွင် အတိုက်အခံများ အားလုံးသည် ကနဦးဒီမိုကရေစီ အသွင်ကူးပြောင်းမှု ဖြစ်စဉ်စတင်ရန် အထက်တွင်ဖော်ပြကဲ့သို့ နည်းလမ်းပေါင်းများစွာကို ခုန်ပြန်ကျော်လွှား အသုံးပြုခဲ့ကြပြီးသားပင် ဖြစ်ပါသည်။ ထိရောက်မှုရသင့်သလောက် မရခဲ့သည့် အချက်မှာကား မည်သည့်လမ်းကြောင်းကိုမှ တစိုက်မတ်မတ် ဦးတည်ခြင်းမရှိပဲ ဟိုကွေ့ဟိုတက်နှင့် လှော်၊ ဒီကွေ့ဒီတက်နှင့် လှော်နေကြခြင်းကြောင့်သာ ဖြစ်ပါသည်။
သို့ဖြစ်ရာ လှိုင်းထန်လှသော ပင်လယ်ပြင်မှ ဒီမိုကရေစီ လှေငယ်ကား လက်နက်ကိုင် တော်လှန်ရေးဆီ ရောက်လိုက်၊ နိုင်ငံတကာဖိအားဆီ ရောက်လိုက်၊ လူထုတိုက်ပွဲဆီ ရောက်လိုက်၊ စီးပွားရေးပိတ်ဆို့မှုဆီ ရောက်လိုက်၊ ယူအင်ဆီ ရောက်လိုက်၊ အမေရိကန်ဆီ ရောက်လိုက်၊ အာဆီယံဆီ ရောက်လိုက်၊ Humanitarian Intervention ဆီ ရောက်လိုက်၊ တပ်မတော်အားခွဲ၍ မျိုးချစ်ခေါင်းဆောင်များ ပြည်သူနှင့် ပူးပေါင်းရေးဆီ ရောက်လိုက်ဖြစ်ကာ ပင်လယ်ပြင်ထဲတွင် ၀ိုင်းကြီးပတ်ပတ်လည်နေသကဲ့သို့ ဖြစ်လာပါတော့သည်။

ပို၍ ဆိုးသည့်အချက်မှာကား Initial Transition အတွေးအခေါ်ပေါ်တွင် အခြေခံထားသည့် လမ်းကြောင်းများကို အကောင်အထည် ဖော်နေသော်လည်း အဆိုပါအတွေးအခေါ်၏ အရေးကြီးဆုံး အချက်ဖြစ်သည့် ကြားဖြတ်အစိုးရဖွဲ့စည်းရေး ရေတိုရည်မှန်းချက် ပန်းတိုင်က ပျောက်ကွယ် နေခြင်းသာ ဖြစ်လေသည်။ ကြားဖြတ်အစိုးရ အသွင်ဆောင်သည့် တောင်းဆိုချက်များ ထွက်ပေါ်လာသည်နှင့် တပြိုင်နက် နိုင်ငံရေးစစ်မျက်နှာသည် မေရီချက်ပလင်း ဆွံ့အနားမကြားကျောင်း အသွင်သို့ ပြောင်းလဲသွားခြင်းများ (သို့မဟုတ်) ခါးပိုက်နှိုက်များ နယ်လုသည့် အသွင်သို့ ပြောင်းလဲသွားခြင်းများ ဖြစ်လာလေတော့သည်။

ပြည်သူလူထုက ရွေးချယ်တာဝန်ပေးထားသည့် အရေးပါသော နိုင်ငံရေးခေါင်းဆောင်များက ကြားဖြတ်အစိုးရ ပေါ်ထွက်ရေးဆိုသည့်အချက်ကို တတ်နိုင်သမျှ ရှောင်လွှဲပြောဆိုလေ့ရှိကြပြီး၊ မလွဲသာ မရှောင်သာ အခြေအနေများ ပေါ်လာလျှင်လဲ ရေငုံနှုတ်ပိတ် နေလိုက်ကြလေ့ရှိပါသည်။ ပြည်သူလူထုက မရွေးချယ်ထားပဲ တာဝန်သိသည့် နိုင်ငံရေး ခေါင်းဆောင်များက ကြိုးပမ်းတောင်းဆိုမှု စတင်လိုက်ပါလျှင်လဲ ခါးပိုက်နှိုက်များ ကုန်းလမ်း၊ ရေလမ်း သူ့နယ်၊ ကိုယ့်နယ် လုသကဲ့သို့ ပွဲပျက်လျှင်ပြီးရော သဘောထားကား ထိုးနှက် တိုက်ခိုက်ကြပါတော့သည်။

အဖြေကားရှင်းပါသည်။ တက္ကသိုလ်က ဘွဲ့ရချင်လျှင် အထက်တန်းစာမေးပွဲကို အရင်အောင်ရပါမည်။ အထက်တန်းစာမေးပွဲကို ကျော်ခွသွားလို၍ မရပါ။ မဖြစ်မနေ ဖြတ်သန်းရပါမည်။ဒီမိုကရေစီစနစ် အမြစ်တွယ် ရှင်သန်ခိုင်မာစေလိုသည့် ရှေရည်ပန်းတိုင်ကို Initial Transition အတွေးအခေါ်ပေါ်တွင် အခြေခံသည့် လမ်းကြောင်းများဖြင့် သွားလိုလျှင် အထက်တွင်ဖော်ပြထားခဲ့သော ကြားဖြတ်အစိုးရ အသွင်သဏ္ဍာန်တမျိုးမျိုးကို ရေတိုပန်းတိုင်အဖြစ် ဦးတည်သတ်မှတ် ရတော့မည်ဖြစ်သည်။ ယင်းအချက်ကို လက်မခံလိုလျှင် Initial Transition အတွေးအခေါ်ကို လက်ခံကျင့်သုံးခြင်း မပြုပဲ Political liberalization အတွေးအခေါ်ကို လက်ခံလိုက်သည်က ပို၍ ကောင်းမွန်သည်။ အတွေးအခေါ်က လမ်းစဉ်များကို ဦးဆောင်သည်ဖြစ်ရာ အတွေးအခေါ် မရှင်းလင်းပဲ နိုင်ငံရေးကို ဦးဆောင်နေလျှင် မပြတ်သားသော လမ်းစဉ်များကြောင့် ရှင်းလင်းသည့် အတွေးအခေါ် ရှိနေသော နိုင်ငံရေးသမားများသာမက ပြည်သူလူထု တရပ်လုံးကိုပါ ထိခိုက်စေနိုင်သည်။

ကြားဖြတ်အစိုးရ အသွင်ဆောင်သည့် အစိုးရတရပ် ပေါ်ထွက်လာရေးဆိုသော အခြေခံ ပန်းတိုင်ကို လက်ခံရုံနှင့် ပြီးသေးသည်ကား မဟုတ်ပဲ ဦးတည်သော ကြားဖြတ်အစိုးရအသွင်ပေါ်မူတည်၍ ပိုမိုအာရုံစိုက်လုပ်ရမည့် လမ်းကြောင်းများ၊ လျှော့ရမည့် လမ်းကြောင်းများလည်း ရှိလာတတ်သည်။ ဥပမာ- လူထုတိုက်ပွဲနှင့် လက်နက်ကိုင် တော်လှန်ရေးလမ်းစဉ်ကို အာရုံစိုက်သည်ဆိုလျှင် တော်လှန်ရေးကို လူထုနှင့် တသားတည်းဖြစ်အောင် ပြုလုပ်ရပါမည်။ ပြည်သူအများအား ကိုယ့်အားကိုယ်ကိုးစိတ် ဖြစ်လာစေရန် တွန်းအား ပေးရပါမည်။ မျှော်တော်ယောင်ဖြစ်အောင် အခုပဲ နိုင်ငံတကာ ၀င်လာတော့မည် ဆိုလိုက်၊ အခုပဲ လူထုနည်းနဲ့မှ အောင်မြင်တော့မည် ဆိုလိုက် လုပ်နေခြင်းမှာ တိုက်ပွဲအတွင်း တွေဝေမှုကို ဖြစ်စေနိုင်ပါသည်။

တိုက်ပွဲတခုတွင် စစ်ကူလာမည်ဟု ယုံကြည်ထားသော တပ်မှူး၏ ဆုံးဖြတ်ချက်၊ တပ်သားများ၏ခံယူချက်နှင့် စစ်ကူမလာနိုင်၊ မိမိဘာသာတိုက်ရမည်ဟု သိထားသော တပ်မှူးတယောက်၏ ဆုံးဖြတ်ချက်၊ တပ်သားများ၏ ခံယူချက်တို့ မည်မျှကွာခြားလှသည်ကို ဂရုပြုပြီး လူထု၏ နိုင်ငံရေးရေချိန်၊ အတွေးအခေါ် ရေချိန်နှင့် အကိုက်ညီဆုံးသော လမ်းစဉ်များကို အကောင်အထည်ဖော်ကြရမည်ဖြစ်သည်။ သို့ဖြစ်ရာ အတွေးအခေါ် ရှင်းလင်းမှသာ ထိရောက်သော အလုပ်များကို လုပ်နိုင်မည်ဖြစ်လေသည်။

အခြားသော အတွေးအခေါ် တခုဖြစ်သည့် Political liberalization သို့ ပြောင်းလဲ လက်ခံကျင့်သုံးသူများက Initial Transition အတွေးအခေါ်ကို လက်ခံကျင့်သုံးခဲ့ကြသည်မှာ အနှစ်နှစ်ဆယ် ကျော်လာပြီး ထူးခြားမှု မရှိတော့၍ (၀ါ) Initial Transition အတွေးအခေါ်မှ ဦးဆောင်ထားသော လမ်းကြောင်းများသည် အောင်မြင်နိုင်ခြင်း မရှိတော့၍ အတွေးအခေါ် ပြောင်းလဲသွားခြင်းဟု ဆိုတတ်ကြပါသည်။ သို့ပေမယ့် မြန်မာ့ဒီမိုကရေစီ အရေး အနှစ်နှစ်ဆယ်ခရီးတွင် Initial Transition အတွေးအခေါ်က ဦးဆောင်ခဲ့သည် ဟူ၍ကား တပ်အပ်သေချာ ပြောဆို၍ မရပါ။ Initial Transition အတွေးအခေါ်၏ လမ်းကြောင်းများဖြစ်သော လူထုတိုက်ပွဲ၊ လက်နက်ကိုင် တော်လှန်ရေး၊ နိုင်ငံတကာ ဖိအားပေးရေး စသည်တို့ကို ကိုင်စွဲ ခဲ့ကြသော်လည်း အဆိုပါအတွေးအခေါ်၏ ရေတိုပန်းတိုင်ဖြစ်သော ကြားဖြတ်အစိုးရ ပေါ်ပေါက်လာရေးကို ဦးတည်ခြင်း မရှိခဲ့ကြပါ။

ရေတိုပန်းတိုင်ရောက်ပြီးမှ ရေရှည်ပန်းတိုင်သို့ သွားရသည့် လမ်းကြောင်းပေါ်မှ အမျိုးသား ပြန်လည်သင့်မြတ်ရေး၊ တွေ့ဆုံဆွေးနွေးရေး စသည်တို့ကို ဦးတည်ရင်း အချိန်ကုန် ခဲ့ကြသည်က များပါသည်။

ဆယ်တန်းကျောင်းသားက တက္ကသိုလ် နောက်ဆုံးနှစ် စာများကိုပဲ ဖတ်နေသည့်အခါ ဆယ်တန်း စာမေးပွဲလဲ မအောင်နိုင်၊ တက္ကသိုလ်က ဘွဲ့လဲ မရပဲ ကန့်လန့် ကန့်လန့် ဖြစ်နေသည့် အခြေအနေမျိုးသို့ ရောက်နေခြင်းသာ ဖြစ်ရာ Initial Transition အတွေးအခေါ် (သို့မဟုတ်) အာဏာရှင် စနစ်အား ဖြိုချ ခြင်း (authoritarian breakdown) အတွေးအခေါ်မှာ လုံးဝ ကျဆင်းသွားပြီဟုကား မည်သူမျှ တပ်အပ်သေချာ ပြောပိုင်ခွင့်မရှိ။ အင်အားများစုစည်းပြီး၊ လူထုနှင့်အတူ လက်တွဲ၍ ရေတိုပန်းတိုင်ကို ဦးတည်နိုင်သည့် အချိန်တွင် အောင်မြင်နိုင်ပေလိမ့်မည်။

အလားတူပင် အာဏာရှင်တို့ဘက်မှ civil liberties များ ဖန်တီးခြင်း၊ ဖိနှိပ်မှု ဖြေလျှော့ခြင်းများဖြင့် စတင်ပြုလုပ်လေ့ရှိသည့် Political liberalization အတွေးအခေါ်က ဦးဆောင်သည့် လမ်းကြောင်းများမှာ အောင်မြင်မည်၊ ကျဆုံးမည်ကိုလည်း မည်သူမျှ တပ်အပ်သေချာ ပြောပိုင်ခွင့် မရှိ။ အောင်မြင်ပြီး democratic consolidation ပန်းတိုင်သို့ ရောက်သွားသည့် ဒီမိုကရေစီ အသွင်ကူးပြောင်းမှု ဖြစ်စဉ် သက်သေသာဓက များရှိသကဲ့သို့၊ လမ်းတ၀က်မှာတင် partial democracy အဖြစ် ကန့်လန့်ဖြစ်နေသည် များလဲ ရှိပါသည်။ ရွေးကောက်ပွဲများတွင် အာဏာရှင်တို့ ဘက်မှ သော်လည်းကောင်း၊ နောက်ကွယ်မှ ကြိုးကိုင်ထားသည့် အဖွဲ့အစည်းများမှသော် လည်းကောင်း အရေးမလှသဖြင့် liberalization ကို abort လုပ်လိုက်ပြီး အာဏာရှင်စနစ်ကို အသက်ပြန်သွင်းသွား သည်များ ရှိသကဲ့သို့၊ တပိုင်းတစ အခြေအနေကျမှ အာဏာရှင်တို့ စိတ်ပြောင်းကာ အာဏာပြန်သိမ်းသွား သည်လဲ ရှိပါသည်။

ယခုဆက်လက်ပြီး Political liberalization အတွေးအခေါ်က ဦးဆောင်သည့် နိုင်ငံရေး သဘောတရားများကို တင်ပြပါမည်။

(ဆက်လက်ဖော်ပြပါမည်)

ခင်မမမျိုး

အပြည့်အစုံ ဖတ်ရန် ...

တိုင်းရင်းသားဒေသ စစ်ပွဲများ အမြန်ဆုံးရပ်ရန် ဒေါ်အောင်ဆန်းစုကြည် ပန်ကြား

နယူးဒေလီ (မဇ္ဈိမ) ။ ။ မြန်မာ့ဒီမိုကရေစီခေါင်းဆောင်၏ ပထမဆုံး လူသိရှင်ကြား ပန်ကြားမှု ဖြစ်သော အစိုးရ တပ်နှင့် တိုင်းရင်းသား လက်နက်ကိုင် တပ်ဖွဲ့များ၏ တိုက်ပွဲများကို အမြန်ဆုံးရပ်ဆိုင်းရန်နှင့် ငြိမ်းချမ်းစွာ ဖြေရှင်းရန် ကြာသပတေးနေ့က ထုတ်ပြန်လိုက်သည်။

ဒေါ်အောင်ဆန်းစုကြည် လက်မှတ် ရေးထိုးထားပြီး နိုင်ငံတော် သမ္မတ ဦးသိန်းစိန်နှင့် တကွ ကချင်လွတ်မြောက်ရေး အဖွဲ့၊ ကရင်အမျိုးသား အစည်းအရုံး၊ မွန်ပြည်သစ်ပါတီနှင့် ရှမ်းပြည်တပ်မတော်တို့သို့ လိပ်မူထားသော အိတ်ဖွင့်ပေးစာတွင် “တိုင်းရင်းသား လူမျိုးများ အားလုံး၏ အကျိုးစီးပွားများကို ရှေးရှု၍ ယခုဖြစ်ပွားနေသော ပဋိပက္ခများကို ငြိမ်းချမ်းစွာ ဖြေရှင်းကြပါရန်နှင့် အမြန်ဆုံး အပစ်ခတ် ရပ်ဆဲကြပါရန် လေးနက်စွာ ပန်ကြားအပ်ပါသည်” ဟု ပါရှိသည်။

“ယင်းပဋိပက္ခများကြောင့် သေကြေပျက်စီးမှုများ ဝမ်းနည်းဖွယ်ရာ ဖြစ်ပွားလျက် ရှိသည့်အပြင် တန်ဖိုးကြီးသည့် နိုင်ငံပိုင် အဆောက်အဦးများ၊ စီမံကိန်း လုပ်ငန်းများ၊ ယိုယွင်းပျက်စီးမှုများ ကြုံတွေ့ နေရပါသည်။

ဒေသခံ တိုင်းရင်းသား ပြည်သူများလည်း အတိဒုက္ခများစွာ ရောက်နေ ကြသည့်အပြင် အိမ်နီးချင်း နိုင်ငံများကိုပါ ကူးစက် ပျံ့နှံ့မည့် အန္တရာယ်ရှိနေပါသည်” ဟုလည်း ပါရှိသည်။

dassknewsol1

အစိုးရတပ်နှင့် တိုင်းရင်းသား လက်နက်ကိုင် တပ်ဖွဲ့များ၏ တိုက်ပွဲများကို အမြန်ဆုံး ရပ်ဆိုင်းရန်နှင့် ငြိမ်းချမ်းစွာ ဖြေရှင်းရန် ဒေါ်အောင်ဆန်းစုကြည် ပန်ကြား


“ပြည်ထောင်စု သမ္မတ မြန်မာနိုင်ငံတော်သည် တိုင်းရင်းသား လူမျိုးစုများနှင့် ပေါင်းစပ် ဖွဲ့စည်းထားသော နိုင်ငံ ဖြစ်ပါသည်။

ယင်းတိုင်းရင်းသား အားလုံးသည် နှစ်ပရိစ္ဆေဒများစွာကပင် တမြေတည်းနေ တရေတည်းသောက် အတူနေထိုင်ခဲ့ကြသော ညီအကို မောင်နှမများ ဖြစ်ကြပါသည်။ ထို့ကြောင့် တိုင်းရင်းသားလူမျိုးစုများအားလုံး ချစ်ကြည်ရင်းနှီး သွေးစည်းညီညွတ်ရေးသည် အလွန်အရေးကြီးပါသည်” လည်း ပါရှိသည်။

နိုဝင်ဘာ ၂ဝ၁ဝ ခုနှစ် ရွေးကောက်ပွဲပြီး နောက်တရက်ကပင် ကရင်ပြည်နယ်တွင်း တကျော့ပြန် စတင်ခဲ့သော စစ်ပွဲများသည် ကချင်ပြည်နယ်၊ ရှမ်းပြည်နယ်နှင့် မွန်ပြည်နယ်များတွင်ပါ ဆက်တိုက် ဖြစ်ပေါ်နေခဲ့သည်။

ကိုယ်ပိုင်ပြဋ္ဌာန်းခွင့်အတွက် တိုက်ပွဲဝင်ခဲ့ကြသော တိုင်းရင်းသား လက်နက်ကိုင် အဖွဲ့များကို ဗဟိုအစိုးရ တပ်အောက်သို့ ဖိအားပေး သွတ်သွင်းရန် ကြိုးစားလာခဲ့ခြင်းက ယခင် အပစ်ခတ်ရပ် အဖွဲ့များကိုပါ စစ်ပွဲတွင်းသို့ ဆွဲခေါ်လာတော့သည်။

တိုင်းပြည်တခုတွင် စစ်တပ်တခုတည်း ရှိရေးမူကို နေပြည်တော်က တဖတ်သတ် ကြိုးစားနေချိန်တွင် ဖြစ်ပွားနေသော စစ်ပွဲများအကြောင်းကိုလည်း နေပြည်တော် ထိပ်တန်းအရာရှိများအကြား ထုတ်ဖော်ပြောဆိုမှု မပြုလုပ်ကြသလို အကဲဆတ်ထိ မခံသော အကြောင်းအရာ တခုဖြစ် နိုင်ငံရေးပါတီများကလည်း သတ်မှတ် ထားကြသည်။

“အခြေအနေအရ ဒီကိစ္စတွေ ငြိမ်းချမ်းဖို့အတွက် ဆောင်ရွက်ပေးချင်တယ်လို့ ထုတ်ကြေညာလိုက်တာပဲ” ဟု အမျိုးသား ဒီမိုကရေစီ အဖွဲ့ချုပ် NLD ပါတီ ပြန်ကြားရေး တာဝန်ခံ ဦးအုန်းကြိုင်က မဇ္ဈိမကို ပြောသည်။

ဒေါ်အောင်ဆန်းစုကြည်က “အပစ်အခတ် ရပ်စဲရေးနှင့် ငြိမ်းချမ်းရေး လုပ်ငန်းစဉ်များကို ပံ့ပိုးရန်အတွက် ကျွန်မအနေဖြင့် ကိုယ်စွမ်းရှိသမျှ ပါဝင်ကြိုးပမ်းရန် အသင့်ရှိနေပါသည်” ဟုလည်း ထုတ်ပြန်ချက်တွင် ပါရှိသည်။

“အခု ပြည်တွင်းစစ်မီး တောင်လောက်နေတဲ့ အနေအထားကို ရောက်နေတယ်။ ဒီတော့ ဒီကိစ္စတွေနဲ့ ပတ်သက်ပြီး စုံစမ်း အရေးယူဖို့ ဆိုတာ ဘယ်အဖွဲ့အစည်းကဖြစ်ဖြစ် လုပ်ဖို့ ကောင်းတယ်။ အဖွဲ့အစည်း ရွေးနေစရာ မလိုပါဘူး။ ဒီကိစ္စနဲ့ ပတ်သက်လို့ တင်ပြကြဖို့၊ ဆွေးနွေးကြဖို့၊ ညှိနှိုင်းကြဖို့ဆိုတာ အမြဲတမ်း လိုနေတာပဲ” ဟု NLD က ဗဟိုကော်မတီဝင် ဦးဝင်းတင်က ဆိုသည်။

ယခုထုတ်ပြန်ချက်ကို မိမိတို့အနေဖြင့် ကြိုဆိုကြောင်း၊ ဒေါ်အောင်ဆန်းစုကြည် အပါအဝင် သုံးပွင့်ဆိုင် ဆွေးနွေး သွားမှာကိုလည်း လိုလားကြောင်း ပြန်လည် ပူးပေါင်းထားသည့် ရှမ်းပြည်တပ်မတော် SSA တောင်ပိုင်းမှ ပြောခွင့်ရ ဗိုလ်မှူးစိုင်းလောင်ဆိုင်းက ပြောသည်။

“ဒေါ်အောင်ဆန်းစုကြည်က ကျနော်တို့ တိုင်းရင်းသားများကို ကိုယ်စားပြုပြီးတော့ လက်ရှိ အစိုးရနဲ့ တပြည်လုံး အတိုင်းအတာနဲ့ အပစ်အခတ် ရပ်စဲရေးကို ဆွေးနွေးပေးနိုင်မယ် ဆိုရင်တော့၊ တောင်းဆိုပေးမယ် ဆိုရင်တော့ ကျနော်တို့က လိုလားပါတယ်။ မျှော်လည်း မျှော်လင့်ပါတယ်” ဟု ဗိုလ်မှူး စိုင်းလောင်ဆိုင်းက ဆိုသည်။

ဇူလိုင်လ ၂၆ ရက်နေ့အထိ ရှမ်းနှင့် ကချင်ပြည်နယ်တွင် တိုက်ပွဲများ ဆက်လက် ရှိနေသည်။ တိုက်ပွဲများကြောင့် ကျောင်းများပင် ပိတ်ထားရကာ အစိုးရဘက်မှ လေယာဉ်ဖြင့်ပင် တိုက်ခိုက်မှုများ ရှိခဲ့သည်ဟု ရှမ်းပြည်တပ်မတော် SSA အရာရှိများထံမှ သိရသည်။

ကချင်ပြည်နယ်တွင်လည်း KIO နှင့် ငြိမ်းချမ်းရေးစာချုပ် ချုပ်ဆိုရန်အတွက် စာဖြင့် အပြန်အလှန် ညှိနှိုင်း နေသော်လည်း ယခုအချိန်အထိ မစေ့စပ်နိုင်သေးဘဲ တိုက်ပွဲများ ဆက်လက်ဖြစ်ပွားဆဲ ဖြစ်သည်။ စစ်ဘေးကြောင့် ဒုက္ခသည် ၁၆ဝဝဝ ကျော် ရှိနေကာ အကူအညီများ လိုအပ်နေကြောင်းလည်း KIO ကျန်းမာရေးဌာန အရာရှိတဦးပြောဆိုချက်အရ သိရသည်။

ကရင်ပြည်နယ်တွင်လည်း ဒေသခံတပ်များနှင့် အစိုးရတပ်များအကြား တိုက်ပွဲများ ဇူလိုင်လ ၂၁ ရက်နေ့ထိ တဖက်နှင့် တဖက် လက်နက်ကြီးများဖြင့် ပစ်ခတ်မှုရှိခဲ့ပြီး ဘက်ပြောင်းသွားသည့် ဗိုလ်ချုပ်နှုတ်ခမ်းမွှေး တပ်များ မြဝတီမြို့အနီး လှုပ်ရှားမှုရှိသဖြင့် ရွာသားများအား ရွာပြင်မထွက်ရန် DKBA တပ်များက တပ်လှန့်ထားခဲ့သည်။

“ငြိမ်းချမ်းရေးအတွက် အတတ်နိုင်ဆုံး ဘယ်နည်းနဲ့ ဖြစ်ဖြစ်ပေါ့ဗျာ။ ငြိမ်းချမ်းရေး ရချင်တယ်။ ဘယ်လိုနည်းနဲ့ ရနိုင်မလဲ ဆိုတာ။ တယောက်နဲ့ တယောက် တိုက်ပြီး ချေမှုန်းနေတာတော့ မလိုချင်ဘူးဗျ။ အမှန်အတိုင်း ပြောရင်၊ ပြည်တွင်း ငြိမ်းချမ်းဖို့ ဆိုရင်” ဟု ၂ဝ၁ဝ ရွေးကောက်ပွဲဝင် မွန်ဒေသလုံးဆိုင်ရာ ဒီမိုကရက်တစ်ပါတီ ဥက္ကဋ္ဌ ဦးနိုင်ငွေသိန်းက ဆိုသည်။

ပြည်တွင်း ငြိမ်းချမ်းရေးအတွက် ငြိမ်းချမ်းရေး ကော်မရှင်တရပ် ဖွဲ့စည်းရန်ကိုလည်း ဇူလိုင်လ ၂၇ ရက်နေ့က ၃၇ပါတီနှင့် ပြည်ထောင်စုကော်မရှင် တွေ့ဆုံပွဲတွင် တိုင်းရင်းသား ၅ ပါတီက တောင်းဆိုခဲ့ကာ လွှတ်တော်၌ တင်ပြ သွားမည်ဟု ကော်မရှင် ဥက္ကဋ္ဌ ဦးတင်အေးက ပြောဆိုခဲ့သည်။

တောင်းဆိုခဲ့သည့် ၅ ပါတီမှာ မွန်၊ ရခိုင်၊ ဖလုံစဝေါ်၊ ရှမ်းနှင့် ချင်းအမျိုးသားပါတီတို့ ဖြစ်သည်။

“ကရင်ပြည်နယ်ရဲ့ ငြိမ်းချမ်းရေးအခြေအနေက လိုအပ်နေတယ်လေ။ ခဏခဏ ပစ်နေတာတွေ၊ ခတ်နေတာတွေ ရှိတယ်လေ။ ပြည်သူတွေကလည်း သိပ်ပြီး အေးအေးဆေးဆေး မနေရဘူးပေါ့။ ရွာတွေဘက်က တိုက်ပွဲဖြစ်တဲ့ အခြေအနေတွေမှာ ဒါက ပထမ အရေးကြီးတဲ့ အရာလို ဖြစ်နေတာ ငြိမ်းချမ်းရေးကလေ” ဟု ဖလုံစဝေါ်ပါတီ အတွင်းရေးမှူး ဦးစောဘီကျင်ဦးက ပြောသည်။


dasskletter


source by : http://www.mizzimaburmese.com

အပြည့်အစုံ ဖတ်ရန် ...

Wednesday, July 27, 2011

အတွေးအခေါ်နှင့် လမ်းစဉ် (အပိုင်း -၂)

ဒီမိုကရေစီ ပန်းတိုင်

ဂရိဘာသာဖြင့် demokratia ၊ အဓိပ္ပာယ်အားဖြင့် demos (people) kratos (rule) စသည့် စကားလုံးသည် ပြင်သစ်ဘာသာဖြင့် democratie သို့ ပြောင်းလဲ သွားခဲ့ပြီး၊ ဆယ့်ခြောက်ရာစုတွင် အင်္ဂလိပ်ဘာသာဖြင့် democracy ဟု ထပ်ဆင့် ပြောင်းလဲသွားပြီး နောက်ပိုင်းကာလတလျှောက် ဒီမိုကရေစီဆိုသော စကားလုံးသည် ကမ္ဘာ့လူ့အဖွဲ့အစည်းကြီးအတွင်းသို့ တစထက်တစ တိုးဝင်လာခဲ့လေသည်။

ဒီမိုကရေစီ ဟူသော အတွေးအခေါ်တွင် မူကွဲများ၊ များစွာ ရှိပါသည်။ classical democracy, developmental republicanism, protective republicanism, protective democracy, legal democracy, developmental democracy, liberal democracy, direct democracy, participatory democracy, cosmopolitan democracy, competitive elitist democracy, social democracy စသည်ဖြင့် ဒီမိုကရေစီ အမျိုးအစားများကလဲ ကွဲပြားခြားနားကြသည်။ ဒီမိုကရေစီနှင့် ပတ်သက်သည့် သမိုင်းကြောင်းများ၊ ဖြစ်ပေါ် တိုးတက်မှုအဆင့်များကလဲ ရှုပ်ထွေးနက်နဲလှသည်။

ဒီမိုကရေစီရေးရာ အတွေးအခေါ်များဖြင့် ကမ္ဘာတ၀ှမ်းတွင် ကြွေလွင့်သွားခဲ့သော အသက်များစွာ ရှိသကဲ့သို့ ရှင်သန်သွားခဲ့သော အသက်များစွာလဲ ရှိခဲ့သည်။ ပေးဆပ်ခဲ့ရသော ဘ၀များစွာ ရှိသကဲ့သို့ ထွန်းတောက်လာသော ဘ၀များစွာလဲ ရှိခဲ့သည်။ အဆိုပါ အတွေးအခေါ်များနှင့် ပတ်သက်၍ အမှန်၊ အမှားများကိုလဲ ယနေ့အချိန်ထိ ငြင်းခုန်နေကြဆဲ။ ငြင်းခုန်မှုများအကြားတွင် ယနေ့ခေတ်ကာလ၌ မှန်ကန်နေသော အချက်နှစ်ခုကတော့ ရှိသည်။ တခုကား ကမ္ဘာပေါ်ရှိ နိုင်ငံရေးအဆောက်အအုံ အများအပြားသည် မိမိတို့ကိုယ်ကို ဒီမိုကရေစီ အသွင်သဏ္ဍာန် တမျိုးမျိုး၏ အဆောက်အအုံတခုဟု သတ်မှတ်ပြောဆိုလေ့ ရှိကြပြီး၊ နိုင်ငံရေးသမားအများစုသည် မိမိတို့ကိုယ်ကို democrat ဟု သတ်မှတ်ထားကြခြင်းဖြစ်သည်။ အခြားတခုမှာကား မည်သို့သော အတွေးအခေါ် မူကွဲများဖြင့် တည်ဆောက်သည့် ဒီမိုကရေစနစ်ပင်ဖြစ်စေ၊ နေ့ချင်းညချင်း ပေါ်ထွက်လာသည် မဟုတ်ပဲ တည်ဆောက်မှု ဖြစ်စဉ်တရပ် ရှိနေခြင်းပင်ဖြစ်သည်။

၂၀ ရာစုနှောင်းပိုင်းတွင် ဒီမိုကရေစီ ပြောင်းလဲမှုဖြစ်စဉ် (၀ါ) အသွင်ကူးပြောင်းမှု ဖြစ်စဉ် (democratization) ဆိုသော အတွေးအခေါ်တရပ်က ကမ္ဘာကို စိုးမိုးလာခဲ့သည်။ ၁၉၇၅ ခုနှစ်တွင် ကမ္ဘာ့နိုင်ငံအများစုတွင် ကျင့်သုံးသော နိုင်ငံရေးစနစ်များ၏ ခြောက်ဆယ့်ရှစ်ရာခိုင်နှုန်းမှာ အာဏာရှင်စနစ် ဖြစ်ခဲ့ရာမှ၊ နောင်အနှစ်နှစ်ဆယ်ကြာ ၁၉၉၅ ခုနှစ်တွင်ကား အာဏာရှင်စနစ် ကျင့်သုံးသော နိုင်ငံ ၂၆ ရာခိုင်နှုန်းသာ ကျန်ရှိတော့သည်။ ထိုမှ တဆင့် တဖြည်းဖြည်း လျော့ကျသွားခဲ့ရာ နှစ်ဆယ့်တစ်ရာစုကာလတွင် အာဏာရှင်စနစ်ကျင့်သုံးသော နိုင်ငံအရေအတွက်မှာ လက်ချိုးရေတွက်လို့ ရလာခဲ့ပြီး၊ ယင်းတို့အထဲတွင် စစ်အာဏာရှင်စနစ် ကျင့်သုံးနေသော မြန်မာနိုင်ငံလဲ ပါဝင်နေခဲ့သည်။

အဆိုပါ အခြေအနေမျိုးတွင် မိုးကြိုးပစ်ချိန်၌ ကွင်းလယ်ခေါင်တွင် ထီးထီးကြီး ရပ်နေရန် မ၀ံ့မရဲ ဖြစ်၍ ပုန်းအောင်းရာ အရိပ်ကို ရှာကြသည့် ထုံးစံအတိုင်း ဒီမိုကရေစီ အသွင်ကူးပြောင်းမှု ဆိုသော အတွေးအခေါ် အောက်သို့ ၀င်ရောက်ပုန်းအောင်းနိုင်ရန် စစ်အုပ်စုတို့မှ ကြိုးပမ်းရပါတော့သည်။ ယင်းသို့ကြိုးပမ်းရာတွင် တပိုင်းတစ ဒီမိုကရေစီ (partial democracy) နှင့် အာဏာရှင်စနစ် (authoritarianism) တို့ အကြားတွင် တည်ရှိနေသော Political liberalization လမ်းကြောင်းကို အာဏာရှင်တို့ ရှာဖွေ တွေ့ရှိသွားကြဟန် တူပါသည်။ အဆိုပါ လမ်းကြောင်းအရ ဖိနှိပ်မှု ဖြေလျှော့ခြင်း (ease of repression) မှာ အာဏာရှင်တို့ မှ စတင် ပြုလုပ်ရခြင်းဖြစ်ပြီး၊ ဒီမိုကရေစီ အမြစ်တွယ် ရှင်သန်ခိုင်မာမှု (democratic consolidation) ပန်းတိုင်သို့ ဦးတည်သွားရာတွင်လည်း အာဏာရှင်တို့၏ ဦးဆောင်မှု အခန်းကဏ္ဍက မပါမဖြစ် ပါဝင်သည်ဖြစ်ရာ မြန်မာစစ်အာဏာရှင်တို့သာမက မည်သည့်အာဏာရှင်အတွက်မဆို နှစ်ခြိုက်ဖွယ် လမ်းကြောင်းပင်ဖြစ်သည်။ အာဏာရှင်တို့အတွက် ပိုမို နှစ်ခြိုက်ဖွယ်ရာ အချက်ကား political liberalization မှတဆင့် democratic consolidation သို့ အသွင်ကူးပြောင်းမှု လမ်းကြောင်းသည် အာဏာရှင်တို့ လက်ထဲတွင် ပိုင်ပိုင်နိုင်နိုင် ဆုပ်ကိုင်ထားနိုင်သည့် လမ်းကြောင်း ဖြစ်သဖြင့် ရွေးကောက်ပွဲများတွင် အာဏာရှင်တို့ ဘက်မှ သော်လည်းကောင်း၊ နောက်ကွယ်မှ ကြိုးကိုင်ထားသည့် အဖွဲ့အစည်းများမှသော် လည်းကောင်း အရေးမလှပါက liberalization ကို abort လုပ်လိုက်ပြီး အာဏာရှင်စနစ်ကို အသက်ပြန်သွင်းရန် (၀ါ) အာဏာပြန်သိမ်းရန် လွယ်ကူခြင်းပင် ဖြစ်သည်။

အာဏာရှင်များဘက်က မည်သို့သော ရည်ရွယ်ချက်ရှိသည်ဖြစ်စေ၊ political liberalization ကို စတင်သည်နှင့်တပြိုင်နက် political space ကို အနည်းငယ် ဟပေးရစမြဲဖြစ်ရာ၊ အဆိုပါ ဟပေးသည့် အပေါက်ငယ်လေးမှတဆင့် တစတစ ချဲ့ထွင်ယူ၍ ဒီမိုကရေစီ အသွင်ကူးပြောင်းမှု ဖြစ်စဉ်၏ ပန်းတိုင်ဖြစ်သော ဒီမိုကရေစီစနစ် အမြစ်တွယ် ရှင်သန်ခိုင်မာမှု (Democratic Consolidation) ကို အရောက်သွားရန် ရည်ရွယ်ချက်ဖြင့် political liberalization အတွေးအခေါ်ကို လက်ခံကျင့်သုံးသူများလဲ ပေါ်ထွက်လာခဲ့ပါသည်။ အချို့ကလဲ ဤအတွေးအခေါ်တွင် အခြေခံ၍ ပေါ်ထွက်လာသည့် လမ်းကြောင်းကို evolution လမ်းစဉ်ဟု ခေါ်ဝေါ် သမုတ်ကြပါသည်။

ဤအတွေးအခေါ်နှင့် လမ်းစဉ် ပေါ်ထွက်လာသည်နှင့် ကနဦး ဒီမိုကရေစီ အသွင်ကူးပြောင်းမှု (Initial Transition) အတွေးအခေါ်တွင် အခြေခံ၍ ပေါ်ထွက် လာသော နှစ် နှစ်ဆယ်ကြာ မြန်မာ့နိုင်ငံရေးကို လွှမ်းမိုး ထားခဲ့သည့် လမ်းကြောင်းများနှင့် ထိပ်တိုက် ထိခတ်မှုများ ဖြစ်ပေါ် လာပါတော့သည်။

Initial Transition ဆိုသည်ကား ဒီမိုကရေစီအတိုက်အခံများမှ ဦးဆောင်၍ ဖြစ်စေ၊ စစ်မှန်သော ဒီမိုကရေစနစ်ကို လိုလားလာသည့် အာဏာရှင်များမှ ဦးဆောင်၍ ဖြစ်စေ၊ နိုင်ငံတကာအစိုးရနှင့် အဖွဲ့အစည်းများမှ ဦးဆောင်၍ ဖြစ်စေ၊ ဒီမိုကရေစီအတိုက်အခံများနှင့် အာဏာရှင်များ ပူးပေါင်း၍ ဖြစ်စေ၊ ကြားဖြတ်အစိုးရ (interim government) များ ဖွဲ့စည်း၍ democratic consolidation ပန်းတိုင်ကို အရောက် သွားစေမည့် အသွင် ကူးပြောင်းမှုများကို ပြုလုပ်ခြင်း ဖြစ်ပါသည်။

အချို့က ဤလမ်းကြောင်းများကို revolution လမ်းစဉ်ဟု ခေါ်ဝေါ် သမုတ်ကြပါသည်။ သို့ရာတွင် တော်လှန်ရေး (revolution) ဆိုသည်ကား အလွန်တရာပင် နက်နဲသိမ်မွေ့လှသော အကြောင်းအရာ တခုဖြစ်ပြီး၊ ၄င်းကိုယ်တိုင်ကပင် ဒီမိုကရေစီ ဆိုသော အတွေးအခေါ်ကြီး တရပ်ကဲ့သို့သော အတွေးအခေါ်ကြီး တရပ်ဖြစ်လေရာ ဒီမိုကရေစီရေးရာ တစိတ်တပိုင်း အတွေးအခေါ် လေးတခုဖြစ်သည့် Initial Transition အတွေးအခေါ်ဖြင့် မရောထွေးမိစေရန် သတိပြုစေလိုပါသည်။

Initial Transition အတွေးအခေါ်ပေါ်တွင် အခြေခံ၍ ပေါ်ပေါက်လာခဲ့သည့် လမ်းကြောင်း လေးခုကို ဆက်လက်တင်ပြပါမည်။


(ဆက်လက်ဖော်ပြပါမည်)

ခင်မမမျိုး

အပြည့်အစုံ ဖတ်ရန် ...

V.I.P Protection လက်စွဲ



ခင်မမမျိုး

အပြည့်အစုံ ဖတ်ရန် ...

Foot Protection အကြောင်း သိကောင်းစရာ

အရေးပါပုဂ္ဂိုလ်များ၏ လုံခြုံရေးကို တာဝန်ယူသူများအနေဖြင့် Foot Protection ဆိုင်ရာ အခြေခံစည်းမျဉ်းများ၊ လုပ်နည်း လုပ်ဟန်များကို ကျွမ်းကျွမ်းကျင်ကျင် လေ့လာ သိရှိထားရန် လိုအပ်ပါသည်။

အနီးကပ်လုံခြုံရေးအဖွဲ့တွင် ပါဝင်သူများသည် အရေးပါ ပုဂ္ဂိုလ်၏ အသက်အန္တရာယ်လုံခြုံရေးကို အများပြည်သူရှေ့တွင် ကာကွယ် စောင့်ရှောက်ရသူများ ဖြစ်သည့်အတွက် public image ကို မထိခိုက်စေရန် သတိပြုရမည် ဖြစ်သကဲ့သို့၊ အခြေအနေများ ရှုပ်ထွေးလာချိန်တွင် သင့်လျော်သော ဆုံးဖြတ်ချက်များကို မြန်မြန် ဆန်ဆန် ချမှတ် လုပ်ဆောင် နိုင်သူများလည်း ဖြစ်ရပါမည်။


အခြေခံစည်းမျဉ်းများ

လုံခြုံရေးတာဝန်ယူပေးရမည့်သူ (principal) နှင့် အသက်အန္တရာယ်ကို ခြိမ်းချောက်သူ (threat) အကြားတွင် ကြားခံအဖြစ် တာဝန်ယူရန်။

အဖွဲ့ဝင်များအချင်းချင်း တာဝန်ခွဲဝေ၍ ပတ်ဝန်းကျင်ကို (၃၆၀ ဒီဂရီ) စဉ်ဆက် မပြတ် စောင့်ကြည့်ရန်။

Team parameter သတ်မှတ်၍ အရေးပါပုဂ္ဂိုလ်အနီးသို့ မည်သူမျှ ရုတ်ခြည်း ချဉ်းကပ်ခြင်း မပြုနိုင်အောင် တာဝန်ယူရန်။

အရေးပါပုဂ္ဂိုလ်အား အန္တရာယ်ပြုနိုင်ချေရှိသည်ဟု သံသယဖြစ်ဖွယ် လူတွေ့ပါက အဖွဲ့ဝင်များအား alert လုပ်ရန်။

မည်သည့်နေရာသို့သွားသွား အ၀င်လမ်း၊ အထွက်လမ်းများကို လေ့လာရန်၊ အရေးပေါ် ပစ္စည်းများ (ရှေးဦးသူနာပြု၊ မီးသတ်ဆေးဗူးများ) ထားရှိသည့် နေရာများအား လေ့လာရန်။

အခြေအနေ ရှုပ်ထွေးမှုများ (ဥပမာ- ရန်ပွဲများ၊ ပစ်ခတ်မှုများ) ဖြစ်ပွားလာပါက အခင်းဖြစ်ပွားရာနေရာမှ အမြန်ဆုံး ထွက်ခွာနိုင်မည့် နည်းလမ်းများကို ရှာဖွေရန်။

လုံခြုံရေးအဖွဲ့ခေါင်းဆောင်၏ ညွှန်ကြားချက်များကို လိုက်နာဆောင်ရွက်ရန်။

အရေးပါပုဂ္ဂိုလ်အား အချို့လုံခြုံရေး အဖွဲ့ဝင်များမှ ဘေးကင်းရာသို့ ဆွဲထုတ်သွားချိန်တွင် အချို့လုံခြုံရေး အဖွဲ့ဝင်များက တိုက်ခိုက်လာသူအား အချိန်ဆွဲထားရန်။

သံသယဖြစ်ဖွယ်ရာများ

ကုပ်အင်္ကျီရှည်ကြီးများအား အချိန်အခါနှင့် မကိုက်ညီပဲ ၀တ်ဆင်ထားသူများ။

ပူအိုက်သောနေ့များတွင် အနွေးထည် ၀တ်ဆင်ထားသူများ။

ပါဆယ်ထုပ် ကိုင်ဆောင်ထားသူများ။

ပတ်ဝန်းကျင်တ၀ိုက်တွင် လမ်းသလားနေသူများ။

သဘာဝမကျသော လှုပ်ရှားမှုများနှင့် အနေအထားများ။

လက်များကို ၀ှက်ထားသူများ။


အန္တရာယ်ကို ရှောင်ရှားရန် နည်းလမ်းများ


ပတ်ဝန်းကျင်တွင် သဘာဝမကျသော လှုပ်ရှားမှုများ၊ အနေအထားများနှင့် သံသယဖြစ်ဖွယ် လူများ ရှိနေပါက လုံခြုံရေးအဖွဲ့ ခေါင်းဆောင်သည် မူလအစီအစဉ်မှ သွေဖည်သော second split decision ချမှတ်ပြီး၊ လုံခြုံရေးအဖွဲ့ဝင်များအား လိုအပ်သော ညွှန်ကြားချက်များ ပေးအပ်ရန် လိုသည်။

(၁) အရှိန်မြှင့်ရန်

လမ်းလျှောက်သည့် အရှိန်ကိုမြှင့်ပြီး သတ်မှတ်နေရာ (သို့မဟုတ်) လုံခြုံရာနေရာသို့ အမြန်ဆုံးရောက်အောင်သွားရမည်။ ယင်းသို့ သွားရာ လမ်းတလျှောက်တွင် ပစ္စည်းသယ်ယူ လာသူများ၊ မျက်နှာချင်းဆိုင်မှ လမ်းလျှောက် လာသူများ၊ ကြားမှ ဖြတ်ဝင်လာ သူများနှင့် တိုးတိုက်မိခြင်း မရှိစေရန် ဂရုစိုက်ရမည်။
Team parameter အတွင်းသို့ အပြင်လူရောက်လာပြီး၊ လုံခြုံရေးအဖွဲ့ဝင်များနှင့် အရေးပါပုဂ္ဂိုလ်အကြားသို့ မရောက်သွားစေရန် အထူးဂရုစိုက်ရမည်။

(၂) လမ်းကြောင်းပြောင်းရန်

မူလ လျှောက်နေသော လမ်းကြောင်းအတိုင်းဆက်မသွားပဲ လမ်းကြောင်းပြောင်းပြီး၊ သံသယဖြစ်ဖွယ်ရာရှိသော ပတ်ဝန်းကျင်မှ ရှောင်ထွက်ရမည်။

(၃) ပုန်းအောင်းနေရာယူရန်၊ ၀ပ်နေရန်

ထွက်ပေါက်ပိတ်နေခြင်း၊ ပစ်ခတ်နေခြင်း၊ ကျည်ဆံများ မည်သည့်နေရာမှ ပေါ်ထွက်လာသည်ကို မသိနိုင်သည့် အခြေအနေများတွင် အရေးပါပုဂ္ဂိုလ်အား ထိခိုက်မှု ဖြစ်နိုင်ချေ အနည်းဆုံးဖြစ်စေရန်အတွက် ပုန်းအောင်ရမည့် နေရာများ၊ အကာအကွယ်များ ကို ရှာဖွေရမည်။ သတ်ကွင်းဖြစ်နိုင်မည့် နေရာများကို သတိပြုရမည်။

(၄) ထွက်ခွာရန်

အနီးဝန်းကျင်တွင် ယာဉ်၊ အဆောက်အဦးနှင့် လုံခြုံရေးအစီအမံကောင်းသော နေရာများ ရှိနေပါက အဆိုပါနေရာများသို့ အမြန်ဆုံး ထွက်ခွာသွားနိုင်ရန် ကြိုးပမ်းရမည်။


လုပ်နည်းလုပ်ဟန်များ

အရေးပါပုဂ္ဂိုလ်၏ လုံခြုံရေးအဖွဲ့တွင် အဖွဲ့ဝင်နှစ်ဦး ပါဝင်ပါက (သို့မဟုတ်) အဖွဲ့ဝင်နှစ်ဦးသာ ခေါ်ဆောင်သွားရန် အခြေအနေဖြစ်ပါက

အဆိုပါ အဖွဲ့ဝင်နှစ်ဦးသည် အရေးပါပုဂ္ဂိုလ်၏ ရှေ့ မှ နေသည့် (point) တာဝန် နှင့် နောက်မှ နေသည့် (tail) တာဝန်များကို ယူရမည်ဖြစ်ပြီး၊ လိုအပ်လာပါက ဘယ်ဘက်နှင့် ညာဘက်တွင် နေရမည်။ လူအုပ်ထဲတွင် ဖြစ်ပါက အရေးပါပုဂ္ဂိုလ်၏ ရှေ့ဗယ်ဘက်ခြမ်းတွင် တဦးနေ၍၊ နောက်ညာဘက်ခြမ်းတွင် တဦးနေရမည်ဖြစ်သည်။

လုံခြုံရေးအဖွဲ့တွင် အဖွဲ့ဝင်သုံးဦး ပါဝင်ပါက (သို့မဟုတ်) အဖွဲ့ဝင်သုံးဦးသာ ခေါ်ဆောင်သွားရန် အခြေအနေဖြစ်ပါက တြိဂံသဏ္ဍာန် (Triangle Formation)

(အရေးပါပုဂ္ဂိုလ်၏ ရှေ့တွင် တယောက်၊ နောက်ဗယ်ဘက်ခြမ်းတွင် တယောက်၊ နောက်ညာဘက်ခြမ်းတွင် တယောက်) နှင့် ပြောင်းပြန်တြိဂံသဏ္ဍာန် (Inverse Triangle Formation) (အရေးပါပုဂ္ဂိုလ်၏ ရှေ့ဗယ်ဘက်ခြမ်းတွင် တယောက်၊ ရှေ့ညာဘက်ခြမ်းတွင် တယောက်၊ နောက်ဘက်တွင် တယောက်) စသည့် သဏ္ဍာန်များကို ပတ်ဝန်းကျင် အနေအထားပေါ် မူတည်၍ နေရာယူရမည်။

အဖွဲ့ဝင်သုံးဦးပါဝင်သော လုံခြုံရေး အဖွဲ့သည် ပုံမှန် လှုပ်ရှားသွားလာမှုများ (ဥပမာ- ဈေးဝယ်ထွက်ခြင်း၊ စားသောက်ဆိုင် သွားခြင်း၊ ချိန်းဆိုထားသော နေရာများသို့ သွားခြင်း) စသည်များအတွက် သင့်လျော်သော အရေအတွက် ဖြစ်သည်။ အဆိုပါအဖွဲ့တွင် အဓိကလူ၊ ဒုတိယလူနှင့် တတိယလူ ဟူသည့် တာဝန်သတ်မှတ်ချက် သုံးရပ်ရှိရမည်။

အဓိကလူသည် အရေးပါပုဂ္ဂိုလ်အနီးတွင် အချိန်ပြည့်နေရမည်။ အရေးပေါ်အခြေအနေတွင် လှုပ်ရှားရန် လိုအပ်ပါက ဒုတိယလူနှင့် တတိယလူက တိုက်ခိုက်လာသူများကို အချိန်ဆွဲထားရမည်ဖြစ်ပြီး၊ အဓိကလူက အရေးပါပုဂ္ဂိုလ်အား ခေါ်ထုတ်သွားရမည်။

လုံခြုံရေးအဖွဲ့တွင် အဖွဲ့ဝင်လေးဦးပါဝင်ပါက diamond formation

(အရေးပါပုဂ္ဂိုလ်၏ ရှေ့တွင် တယောက်၊ နောက်တွင် တယောက်၊ ညာဘက်ခြမ်းတွင် တယောက်၊ ဗယ်ဘက်တွင် တယောက်) သဏ္ဍာန်ဖြင့် အရေးပါပုဂ္ဂိုလ်အား စောင့်ရှောက်ရမည်။

လိုအပ်လာပါက အဆိုပါ diamond formation မှ Box formation
(အရေးပါပုဂ္ဂိုလ်၏ ရှေ့ဗယ်ဘက် ခြမ်းတွင် တယောက်၊ ရှေ့ညာဘက်ခြမ်းတွင် တယောက်၊ နောက်ဗယ်ဘက်ခြမ်းတွင် တယောက်၊ နောက်ညာဘက် ခြမ်းတွင် တယောက်) သဏ္ဍာန်သို့ ပြောင်းလဲရမည်။

လုံခြုံရေးအဖွဲ့ခေါင်းဆောင်သည် နောက်ဗယ်ဘက်ခြမ်း (သို့မဟုတ်) နောက်ညာဘက်ခြမ်း တာဝန်ကို ယူရမည်ဖြစ်သည်။ သို့မှသာ အဖွဲ့နှင့် အရေးပါပုဂ္ဂိုလ်ကို မျက်ချေမပြတ် စောင့်ကြည့်နိုင် မည်ဖြစ်ပြီး၊ ပတ်ဝန်းကျင်အခြေအနေ၊ အနေအထားကို အကဲဖြတ်နိုင်မည်။

ဧည့်သည်တဦးတယောက်နှင့် တွေ့ဆုံရမည့်အခြေအနေ (သို့မဟုတ်) သတင်းထောက်များနှင့် စကားပြောရမည့် အခြေအနေတွင်မူ ရှေ့ဗယ်ဘက်ခြမ်းတွင်တယောက်၊ ရှေ့ညာဘက်ခြမ်းတွင်တယောက်၊
နောက်ညာဘက်ခြမ်းတွင် တယောက်၊ နောက်ဘက် ခပ်လှမ်းလှမ်းတွင်တယောက် (အဖွဲ့ခေါင်းဆောင်) က တာဝန်ယူစောင့်ရှောက်ရမည်။

လုံခြုံရေးအဖွဲ့တွင် ငါးဦး ပါဝင်ပါက

အရေးပေါ်အခြေအနေများအတွက် ပိုမိုစိတ်ချရသည်။ Box Formation (ရှေ့ဗယ်ဘက် ခြမ်းတွင် တယောက်၊ ရှေ့ညာဘက်ခြမ်းတွင် တယောက်၊ အနီးကပ်နောက်ညာဘက်ခြမ်းတွင် တယောက်၊ ခပ်လှမ်းလှမ်းမှ နောက်ဗက်ဘက်ခြမ်းတွင် တယောက်၊ နောက်ညာဘက်ခြမ်းတွင် တယောက်) သဏ္ဍာန်ဖြင့် တာဝန်ယူရမည်။

လိုအပ်လာပါက Diamond Formation (ရှေ့တွင် တယောက်၊ နောက် တယောက်၊ ညာဘက်တွင် တယောက်၊ ဗယ်ဘက်တွင် တယောက်နှင့် အနီးကပ် နောက်ညာဘက်ခြမ်းတွင် တယောက်) သဏ္ဍာန်ဖြင့် တာဝန်ယူရမည်။

တံခါးပေါက်တခုထဲသို့ ၀င်ပါက အဖွဲ့ဝင်နှစ်ယောက်မှ ကြိုတင်ဝင်ပြီး ဗယ်ဘက်ခြမ်းနှင့် ညာဘက်ခြမ်း အခြေအနေကို စောင့်ကြည့်ရမည်။ ပြီးမှ အရေးပါပုဂ္ဂိုလ်နှင့် အနီးကပ်နောက်ညာဘက်ခြမ်းမှ တယောက် ပူးတွဲဝင်၍ နောက်တွင် ကျန်ခဲ့သူနှစ်ယောက်မှ အပြင်ဘက် ဗယ်ဘက်ခြမ်းနှင့် ညာဘက်ခြမ်း အခြေအနေကို စောင့်ကြည့်ရမည်။

အခြေအနေ၊ အချိန်အခါအရ လိုအပ်လာပါက လုံခြုံရေးအဖွဲ့ဝင် ခုနစ်ဦးအထိ တိုးမြှင့်ပြီး Circle Formation (အရေးပါပုဂ္ဂိုလ်နှင့် အနီးကပ် နောက်ညာဘက်ခြမ်းတွင် တယောက်ရှိပြီး၊ ကျန်လူခြောက်ဦးမှ ၀န်းရံပေးထားမှု) သဏ္ဍာန်ဖြင့် တာဝန်ယူရမည်။

အဆောက်အဦးနှစ်ခုအကြား (သို့မဟုတ်) လူသွားလမ်းကြားတခုအတွင်းသို့ သွားရမည်ဆိုပါက တဘက်ထိပ်တွင် နောက်ချန်အဖွဲ့ဝင်တယောက် ရှိရန်လိုအပ်ပြီး၊ အခြားတဘက်ထိပ်သို့ အဖွဲ့ဝင်တယောက်မှ ကြိုသွားကာ နေရာယူရမည်။
ပြီးလျှင် အရေးပါပုဂ္ဂိုလ်၏ ရှေ့ဗယ်ဘက်ခြမ်းတွင် တယောက်၊ နောက်ညာဘက်ခြမ်းတွင် တယောက်၊ နောက်ဘက် ခပ်လှမ်းလှမ်းမှ ဗယ်ဘက်ခြမ်းတွင် တယောက် (အဖွဲ့ခေါင်းဆောင်)က တာဝန်ယူ၍ သွားရမည်။

ရွေ့လျားစက်လှေကား (escalators) ဖြင့် သွားရမည်ဆိုပါက ရှေ့ဆုံးမှ အဖွဲ့ဝင်သည် စက်လှေကားဗယ်ဘက်ခြမ်း၊ သူ့နောက်မှ အဖွဲ့ဝင်က စက်လှေကား၏ ညာဘက်ခြမ်း၊ ပြီးလျှင် အရေးပါပုဂ္ဂိုလ်အားကြားညှပ်၍ နောက်ညာဘက်ခြမ်းမှ အဖွဲ့ဝင်က ညာဘက်ခြမ်း၊ သူ့နောက်မှ ဗယ်ဘက်ခြမ်းတွင် ရပ်နေသော အဖွဲ့ဝင်က နောက်ဘက်အခြေအနေ စသည်ဖြင့် မျက်ချေမပြတ် တာဝန်ယူစောင့်ရှောက်ရမည်။

လှေကား အတက်အဆင်းများတွင်လည်း ရှေ့ဆုံးမှ တယောက်၊ သူ့နောက်မှ အဖွဲ့ဝင် တယောက်၊ ပြီးလျှင် အရေးပါ ပုဂ္ဂိုလ်အား ကြားညှပ်၍ နောက်ညာဘက်ခြမ်းမှ တယောက်၊ နောက်တွင်နှစ်ယောက် တာဝန်ယူစောင့်ရှောက်ရမည်။

ဓာတ်လှေကားစီးပါက လုံခြုံရေးအဖွဲ့ဝင်တဦးက ဓာတ်လှေကားဖြင့် အရေးပါပုဂ္ဂိုလ်သွားမည့် အထပ် (ပထမထပ်၊ ဒုတိယထပ်----------) ကို အရင်သွားရမည်။ ကျန်သူများက စောင့်ကြည့်ပြီး အခြေအနေကောင်းမှသာ ဓာတ်လှေကားတွင်းသို့ ပြန်ဝင်ရမည်။

ဓာတ်လှေကားအတွင်းတွင် အရေးပါပုဂ္ဂိုလ်၏ ရှေ့ဗယ်ဘက်ခြမ်းတွင် တယောက်၊ ရှေ့ညာဘက်ခြမ်းတွင် တယောက်၊ အနီးကပ် ရှေ့ဗယ်ဘက်ခြမ်းတွင် တယောက်၊ နောက်ညာဘက်ခြမ်းတွင် တယောက်၊ နောက်ဗယ်ဘက်ခြမ်းတွင် တယောက် တာဝန်ယူ စောင့်ရှောက်ရမည်။

လုပ်ကြံရန်ကြိုးစားသူများ၏ ပစ်ကွင်းသို့ ရောက်သွားသည့် အခြေအနေများတွင် ပထမဆုံးသေနတ်သံ ထွက်ပေါ်လာသည်နှင့် အနီးကပ်တာဝန်ယူရသူသည် အရေးပါပုဂ္ဂိုလ်အား တွန်းလှဲချ၍ ကိုယ်ခန္ဓာဖြင့် အကာအကွယ်ပေးထားပြီး ခြေထောက်ဖြင့် တွန်းရွှေ့ကာ တရွေ့ရွေ့ ရွှေ့သွားပြီး ပစ်ကွင်းမှ လွတ်မြောက်ရန် ကြိုးပမ်းရမည်။ ရှေ့ဆုံးမှ တာဝန်ယူရသည့် လုံခြုံရေးအဖွဲ့ဝင်သည် ကားဆီသို့ အမြန် ပြေးရမည်ဖြစ်ပြီး၊ ကျန်လူများမှာ အရေးပါပုဂ္ဂိုလ်အနီးတွင် မုဆိုးဒူးထောက်ထိုင်၍ အကာအကွယ်ပေးရမည်။

နိဂုံး

လုံခြုံရေးအသိ၊ လုံခြုံရေးသတိ ရှိရေးသည် နိုင်ငံရေးရာ၊ စီးပွားရေးရာ အရေးပါပုဂ္ဂိုလ်များ၏ အသက်အန္တရာယ် လုံခြုံရေးအတွက် အလွန်ပင် အရေးကြီးပါသည်။ အန္တရာယ်ကို သတိမမူ၍ မရပါ။ မည်သည့်နည်းနှင့်မျှ ဆုံးရှုံး၍ မဖြစ်နိုင်သော အစားထိုးမရနိုင်သည့် အရေးပါပုဂ္ဂိုလ်များ၏ အသက်အန္တရာယ်အတွက် လုံခြံရေးအသိ၊ လုံခြုံရေး သတိသည် အစဉ်မပြတ် ရှိနေရမည့် အရာ ဖြစ်ပါကြောင်း ရေးသားတင်ပြအပ်ပါသည်။


ခင်မမမျိုး (၂၆၊ ၇၊ ၂၀၁၁)

အပြည့်အစုံ ဖတ်ရန် ...

Tuesday, July 26, 2011

ဝန်ကြီး ဦးအောင်ကြည်နဲ့ တွေ့ဆုံမှု ဒေါ်စု NLD CEC ကို ရှင်းပြ

မြန်မာအစိုးရရဲ့ အလုပ်သမား၊ လူမှုဝန်ထမ်း ကယ်ဆယ်ရေးနဲ့ နေရာချထားရေးဝန်ကြီး ဦးအောင်ကြည်နဲ့ မနေ့တုန်းက ရန်ကုန်မြို့ စိမ်းလဲ့ကန်သာ ဧည့်ဂေဟာမှာ ဆွေးနွေး ခဲ့တာတွေကို ဒေါ်အောင်ဆန်းစုကြည်က အမျိုးသား ဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့ကို ဒီနေ့မှာ ပြန်ပြီး တင်ပြခဲ့ပါတယ်။

အဖွဲ့ချုပ်ကလည်း မနေ့တုန်းက ပူးတွဲထုတ်ပြန်တဲ့ ကြေညာချက်ကို ကျေနပ် အားရကြောင်း ပြောကြားခဲ့သလို ၀ါရင့် နိုင်ငံရေးသမားကြီးတွေကလည်း ဒီတွေ့ဆုံမှုနဲ့ ပတ်သက်ပြီးတော့ တိုးတက်တဲ့ ခြေလှမ်းတရပ်အဖြစ် လက်ခံ ခဲ့ကြပါတယ်။ အပြည့်အစုံကို ဒေါ်ခင်မျိုးသက်က တင်ပြ ပေးထားပါတယ်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အစိုးရသစ် အဖွဲ့ဝင် ၀န်ကြီး ဦးအောင်ကြည်တို့ မနေ့က တွေ့ဆုံ ဆွေးနွေးခဲ့တာတွေကို ဒေါ်အောင်ဆန်းစုကြည်က အမျိုးသား ဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့ကို ဒီကနေ့ ပြန်လည် ရှင်းပြခဲ့တယ်လို့ အဖွဲ့ချုပ် ပြောခွင့်ရ ဦးအုန်းကြိုင်က ပြောပါတယ်။

“ဗဟိုအလုပ်အမှုဆောင်အဖွဲ့ အစည်းအဝေးမှာ အထွေထွေ အတွင်းရေးမှူးက မနေ့တုန်းက ပြည်ထောင်စုဝန်ကြီး ဦးအောင်ကြည်နဲ့ တွေ့ဆုံ ဆွေးနွေးခဲ့ရတဲ့ အချက်အလက် အသေးစိတ်တွေကို တင်ပြပါတယ်။ ဗဟိုအလုပ်အမှုဆောင် အဖွဲ့က မနေ့တုန်းက နှစ်ဘက် ပူးတွဲကြေညာချက် အတိုင်းပဲ သဘောတူကြောင်း မှတ်တမ်းတင်ထားပါတယ်။ တရားဥပဒေ စိုးမိုးရေးဆိုတဲ့ ကိစ္စဟာ ကျနော်တို့ အဖွဲ့ချုပ် တရားဝင် နိုင်ငံရေးပါတီ အဖြစ်နဲ့ ဆက်လက်ပြီး ရပ်တည်နေတဲ့ကိစ္စ၊ နောက် နိုင်ငံရေး အကျဉ်းသားများ လွတ်မြောက်ရေးဆိုတဲ့ ကိစ္စလည်း တရားဥပဒေ စိုးမိုးရေးကိစ္စလို့ ကျနော်တို့ဘက်ကလည်း မြင်ပါတယ်။ သူတို့ဘက်ကလည်း အဲဒီလို မြင်ပုံရပါတယ်။

“Issue တခုစီ အလိုက်တော့ ကျနော် ဘာမှ ပြောစရာ မရှိပါဘူး။ ပြည်သူလူထု အကျိုးအတွက် ရည်ရွယ်ပြီး လုပ်ကြတဲ့ နေရာမှာ သူ့အမြင် ကိုယ့်အမြင် ရှိကြတဲ့သဘော အဲဒါကို ပြောတာပါ။ NLD ဘက်ကလည်း မနေ့က ဆွေးနွေးချက်တွေကို အသိအမှတ် ပြုသလို မနေ့က ဆွေးနွေးချက်နဲ့ ပတ်သက်တဲ့ ထုတ်ပြန်ချက်တွေကလည်း တကယ့်ကို ပကတိအတိုင်းပဲ အားရကျေနပ်ဖွယ် ဖြစ်ပါတယ်။ ကျနော်တို့ဘက်က ဘာမှ ဖြည့်စွက်ပြီး ထပ်မံ ပြောစရာ မရှိတော့ပါဘူး။ မနေ့က ဦးအောင်ကြည် ပြောတာလည်း ကောင်းပါတယ်လို့ ကျနော်တို့ ပြောခြင်း ဖြစ်ပါတယ်။”

အခုတက်လာတဲ့ အစိုးရသစ်ဟာ ၂၀၀၈ ဖွဲ့စည်းပုံနဲ့အညီ တက်လာသလို အရပ်သားစစ်စစ် အနည်းစုနဲ့ စစ်ဘက်က အသွင်ပြောင်းလာတဲ့ အများစု ပါဝင်နေတာမို့ အရင် စစ်အစိုးရ လက်ထက်ကလိုပဲ ဆက်ပြီး လုပ်ဆောင်နေတာမျိုးတွေ တွေ့နေရပေမဲ့ အခုလို စတင် တွေ့ဆုံမှုတွေ အကောင်အထည် ဖော်လာတာဟာ ကောင်းတဲ့ ခြေလှမ်းတရပ်ပါလို့ ၀ါရင့် နိုင်ငံရေးသမားကြီး သခင်ချန်ထွန်းက မြင်ပါတယ်။

“ကောင်းတဲ့ လက္ခဏာ တရပ်ပါပဲ။ ဦးသိန်းစိန် ကိုယ်တိုင်က တွေ့ဖို့ကောင်းတာပေါ့၊ အမှန်က။ သို့သော်လည်း ခေါ်ပြီးတော့ ဆွေးနွေးတာကိုက တိုးတက်တဲ့ ခြေလှမ်းတရပ် ဖြစ်တာပဲလေ။ ဒါက ရှေ့ဆက်ပြီးတော့ များများတွေ့နိုင်လေ ကောင်းလေပဲပေါ့။ မင်္ဂလာရှိတဲ့ သတင်းပါပဲ။”

ဒေါ်အောင်ဆန်းစုကြည်နဲ့ အစိုးရသစ်အဖွဲ့ ထိပ်တန်း တာဝန်ရှိသူတဦး ဖြစ်တဲ့ ၀န်ကြီး ဦးအောင်ကြည်တို့ ဆွေးနွေးကြတဲ့ အထဲက တရားဥပဒေ စိုးမိုးရေးဆိုင်ရာ ဆွေးနွေးမှုတွေမှာ NLD ပါတီရဲ့ တရားဝင် ရပ်တည်ရေးဆိုင်ရာ အပြင် အခုထိ အကျဉ်းချခံနေရတဲ့ နိုင်ငံရေးသမားတွေ အရေးကို ဆွေးနွေးခဲ့ကြတာပါ။ စစ်အစိုးရ လက်ထက်ကတည်းက ရှိနေတဲ့ ဒီပြဿနာကို အစိုးရသစ် အဖွဲ့ရဲ့ သမ္မတ ဦးသိန်းစိန်က ညင်ညင်သာသာနဲ့ ကိုင်တွယ်နိုင်စွမ်း ရှိမယ်လို့ မျှော်လင့်ထားကြောင်းလည်း ပြောပါတယ်။

“နိုင်ငံရေးသမားတွေကို လွှတ်ပေးဖို့ကတော့ အချိန်ကြာပြီလေ။ ပြီးတော့ NLD ကိုလည်း ဖျက်ဆီးချင်လို့ ရတာမဟုတ်ဘူး။ သူ့အုပ်က၊ လူထုထောက်ခံမှုက အများကြီးရှိတယ်။ မှတ်ပုံတင်မလုပ်လို့ ဖျက်တယ် ဆိုတာလည်း ဖျက်စရာရှိရင်တော့ ဖျက်ပြီးပြီပေါ့လေ။ အခုက သူတို့လည်း တော်တော် စဉ်းစဉ်းစားစားနဲ့ အလုပ်လုပ်တာပါပဲ။ NLD အနေနဲ့ကတော့ သူက သူ့ရဲ့ လမ်းစဉ်အတိုင်း ယုံယုံကြည်ကြည် ဒီမိုကရေစီ ထွန်းကားရေးအတွက် ဆက်လုပ်သွားနိုင်မယ်လို့ ဒီလိုပဲ ယုံကြည်ပါတယ်။

“ဒေါ်အောင်ဆန်းစုကြည်ကိုလည်း ပြည်သူလူထု တရပ်လုံးက ချစ်ခင် မြတ်နိုးနေကြတာကိုး။ အဲတော့ ဒီဟာကိုလည်း အစိုးရက အတော်လေး သဘောပေါက်ပြီနဲ့ တူပါတယ်။ အဲတော့ ဒီပြဿနာတွေ ဖြေရှင်းအောင် ဆိုပြီးတော့ ဗိုလ်ချုပ်မှူးကြီး သန်းရွှေနဲ့ ဒု-ဗိုလ်ချုပ်မှူးကြီး မောင်အေးတို့က သူတို့ခေါင်းပေါ်က ဒီအထုပ်ကြီးကို ဦးသိန်းစိန် ခေါင်းပေါ်ကို ပစ်တင်ခဲ့ကြတယ်လို့ ဒီလိုပဲ မြင်ပါတယ်။”

ဒေါ်အောင်ဆန်းစုကြည်နဲ့ ဒီလို တွေ့ဆုံ ဆွေးနွေးမှုတွေကို ဆက်ပြီး လုပ်ဆောင်ဖို့အပြင် ဒေါ်အောင်ဆန်းစုကြည်ရဲ့ လုံခြုံရေးအတွက်လည်း တာဝန်ယူသင့်တယ်လို့ သခင်ချန်ထွန်းက ပြောပါတယ်။

“ဒေါ်အောင်ဆန်းစုကြည် အတွက်တော့ အစိုးရမှာ လုံးဝ တာဝန် ရှိတယ်၊ ဒေါ်အောင်ဆန်းစုကြည်ရဲ့ လုံခြုံရေးကို။

ပြည်သူလူထု တရပ်လုံးက နေပြီးတော့ လူများစုကြီးရဲ့ ထောက်ခံမှုရတဲ့ ပုဂ္ဂိုလ်တဦးဆီကို၊ အမှန်ကတော့ သူတို့ အုပ်ချုပ်ရေးထဲမှာကိုပါ ထည့်ပြီးတော့ လုပ်သွားဖို့ ကောင်းတယ်လို့ ဒီလိုပဲ ယူဆပါတယ်။”

မနေ့က ပြုလုပ်တဲ့ အမေရိကန် နိုင်ငံခြားရေး ၀န်ကြီးဌာနရဲ့ သတင်းစာ ရှင်းလင်းပွဲမှာ နိုင်ငံခြားရေး ၀န်ကြီးဌာန ပြောခွင့်ရ ပုဂ္ဂိုလ်ကလည်း ဒေါ်အောင်ဆန်းစုကြည် ကိုယ်တိုင် မြန်မာနိုင်ငံ နောင်ရေး အတွက် ပါဝင်နိုင်တဲ့ အခြေအနေမျိုး ဖန်တီးပေးပြီး လုံခြုံ စိတ်ချ ရတယ်လို့ သတ်မှတ် ထားတဲ့ ၀န်းကျင် မျိုးမှာ တွေ့ဆုံ ဆွေးနွေး မှုတွေ ပြုလုပ်ဖို့နဲ့ ဒေါ်အောင်ဆန်းစုကြည်ရဲ့ လုံခြုံရေးကို အထူး ဂရုစိုက်ဖို့ တောင်းဆို ခဲ့ပါတယ်။


နားဆင်ရန်

source by : http://www.voanews.com

အပြည့်အစုံ ဖတ်ရန် ...

သံမဏိစားတဲ့ “ခြ”

ပြင်ဦးလွင်မြို့ရဲ့ဆောင်းနံနက်ခင်း။

သိပ်သည်း ထူထပ်စွာ ကျဆင်းနေတဲ့ မြူနှင်းတွေကြောင့် မြင်ကွင်းက မသဲကွဲ။ ဟန်ချက် ညီညီထွက်ပေါ်နေသည့် ပြေးလွှားသံတွေနဲ့အတူ အားမာန်အပြည့် ဟစ်ကြွေး သံတွေက အေးမြတဲ့ ဆောင်းနံနက်ခင်းကို ၀ပ်စင်း ခယ စေ၏။ ကုပ်ပြီး ကွေးနေသူကို တက်ကြွ လန်းဆန်းစေ၏။

“ဘယ်..ညာ..ဘယ်..ညာ..ဘယ်..ညာ..ဘယ်”

“အမှတ်စဉ်.. အမှတ်စဉ်.. အမှတ်စဉ်..ဆို”

“တစ်.. နှစ်..သုံး..လေး.. တစ်နှစ်သုံးလေး..”

“ပြည်သူ့စစ်သား… ပြည်သူ့စစ်သား… ပြည်သူ့စစ်သား”

“ဘာလုပ်နေလဲ…….. လေ့ကျင့်နေတယ်။ ဘာလုပ်ဖို့လဲ…. တိုက်ပွဲဝင်ဖို့။ ဘယ်သူ့ အတွက်လဲ… ပြည်သူ့ အတွက်။ ဘာ စိတ်ဓာတ်လဲ…(သံမဏိစိတ်ဓာတ်.. သံမဏိစိတ်ဓာတ်.. သံမဏိစိတ်ဓာတ်)” အားပြည့်မာန်ပြည့် ဟစ်ကြွေးရင်း ရှေ့ နောက်ဝဲယာ ဘယ်လိုကြည့်ကြည့် ညီညာမှုအတိနဲ့ ပြေးလာသူများက လေ့ကျင့်ရေး (၂) မှ နောင်တခေတ်၏ အောင်စစ်သည်များပင်။ အေးစက်စက် ဆောင်းနံနက်မှာ သက်တူရွယ်တူ လူငယ်တွေ စောင်ခြုံ ကွေးနေချိန်၊ သူတို့လေးတွေက ချမ်း အေးမှုကိုအံတု နှင်းစိုစွတ်မှုကို ဂရုမမူ“ နိုင်ငံတော် ကာကွယ်ရန် တပ်မတော်သားကောင်း ဖြစ်ရမည်” ဆိုတဲ့ ခံယူချက်ကို ရင်ဝယ်ပိုက်ရင်း အပြင်းအထန်လေ့ကျင့် ကြသည့်မြင်ကွင်းက အားရကျေနပ်စရာ။ ယုံကြည်ချက်၊ ခံယူချက်ကြောင့် တောက်ပရွှန်းလဲ့နေတဲ့ မျက်ဝန်း တညီတညာတည်း လှုပ်ရှားနေတဲ့ ဟန်၊ အားမာန်ပြည့်တဲ့ သူတို့ရဲ့အသံတွေဟာ အရာရာကို လွှမ်းခြုံနေပေတော့၏။

“စစ်သားဆိုတဲ့ ကာကွယ်ရေးအမှုထမ်းတွေဟာ သူတို့ရဲ့ မြတ်နိုးတန်ဖိုးထားအပ်သော အသက်၊သွေး၊ ချွေးကို ရင်းနှီးပေး ဆပ်ပြီး နိုင်ငံ့အပေါ် ကျရောက်လာမယ့် အန္တရာယ်ကို ဖယ်ရှင်းဖို့နဲ့ တိုင်းသူပြည်သားတွေရဲ့ အသက်အိုးအိမ်၊ စည်းစိမ်တွေကို ကာကွယ် စောင့်ရှောက်မယ့်သူတွေ ပါလား” ဆိုတဲ့ အသိကြောင့် လေ့ကျင့်မှုအနှောင့်အယှက် မဖြစ်ရလေအောင် ကျန်း မာရေးအတွက် ကိုယ်လက်လှုပ်ရှားသူတွေ၊ အသက်မွေးဝမ်းကျောင်းအတွက် စောစောစီးစီးထွက်လာတဲ့ ခေါင်းရွက်ဈေးသည်တွေအပြင် စက်ဘီး၊ ဆိုက္ကား၊ မြင်းလှည်း၊ ဆိုင်ကယ်၊ ကား အစရှိတဲ့ အနှေးယာဉ်၊ အမြန်ယာဉ်တွေကလည်း အရှိန် လျှော့၍တမျိုး လမ်းဘေးကပ်၍တစ်နည်း ရပ်ပေး၍ တဖုံ နည်းမျိုးစုံဖြင့် ကူညီပံ့ပိုးပေးကြ၏။ ဒါက… မောပမ်းမှုဒဏ်နဲ့ ကျန်းမာကြံ့ခိုင်အောင် PT( physical Training) လေ့ကျင့်နေကြတဲ့ စစ်သည်လောင်းနဲ့ ပြည်သူတို့ရဲ့ အပြန်အလှန် နားလည်မှုမြင်ကွင်း။

ဘာဏုရာဇာ ရှင်နေမင်းရဲ့ ထွန်းလင်းတောက်ပမှုနဲ့အတူ ပူပြင်းချက်က မြေပြင်ကို ရေအသွင်ဟု ထင်မှတ်မှားလောက်အောင် တံလျှပ်ငွေ့များဖြင့် တမြေ့မြေ့ လောင်ကျွမ်းနေစေ၏။ တိုက်ခတ်လာသည့် လေအရှိန်ကလည်း အေးမြမှုကို မ ဆောင် ပို၍ပင် ပူလောင်စေ၏။ နေပူကကျဲကျဲ ကွင်းမြေက ပြောင်ပြောင် နားခိုရာ အရိပ်အာဝါသ မတ်စေ့ဝိုင်းမျှပင် အရိပ် မမြင်ရတဲ့ လေ့ကျင့်ရေးကွင်းပြင်ထဲမှာတော့…

“၀ုန်း… ဂျိမ်း… ဒိုင်း..ဒိုင်း..ဒိုင်း.. ဒက်… ဒက်…ဒက်.. တက်…. ကျားးးး….”

“ရှေ့ကိုက် ၂၀၀ အလံနီ ရန်သူပစ်နေတယ်… ဒီရန်သူကို ငါတို့ အပြီးအပိုင် ချေမှုန်းရမယ်၊ တပ်စိတ်(၁) ဘယ်၊ တပ်စိတ် (၂) ညာ၊ တပ်စိတ် (၃) ငါ့နောက်လိုက်။” ဆိုတဲ့ ချေမှုန်းရေးအမိန့်သံနဲ့အတူ ဆိုင်ရာဆိုင်ရာ တာဝန်ယူပြေးလွှားမှုက တ ကယ့်စစ်ပွဲကြီးတခု သဏ္ဌာန်အလား ထင်မှတ်မှားစေ၏။ ခန္ဓာကိုယ်မှ ထွက်ကျလာတဲ့ ချွေးတွေဟာ စစ်ဝတ်တန်ဆာများ ကိုပင် ရွှဲနေစေ၏။ ယမ်းခိုးကဝေေ၀ ဖုံအလိမ့်လိမ့် ကပ်ငြိမှုကြောင့် ရုပ်သဏ္ဌာန်မပီပြင်ပေမယ့် မျက်ဝန်းအစုံက တောက်ပ ဆဲ။ ဒါကိုမြင်ရတော့ ရယ်ရမလို သနားရမလို ဝေခွဲမရဖြစ်စေ၏။ သံမဏိစိတ်ဓာတ် ပိုင်ရှင်တွေမို့ ခံနိုင်ရည်ရှိတာထင်ပါရဲ့။ ဒါက ချေမှုန်းရေးသင်ခန်းစာ မြင်ကွင်း။

“ဂျွတ်.. ဂျွတ် .. ဝေါ….. ၀ုန်း” ကျယ်လောင်မြည်ဟီးသံနဲ့ တုန်ခါသွားမှုက အဆောက်အဦးများကိုပင် အဖျားခတ် လှုပ်ရမ်း သွားလေ၏။

“ဟ..ဟ.. ဘာသံလဲ.. ဘာဖြစ်တာလဲ.. ထွန်းကျော် ထွက်ကြည့်စမ်း” ဆိုတဲ့ အဘအသံကြောင့် ကျနော် အပြေးအလွှား စူးစမ်းရှာဖွေကြည့်တော့ တပ်ရင်းမှူးအိမ်နဲ့ လုံခြုံရေးကင်းစခန်း မလှမ်းမကမ်းမှာရှိတဲ့ ညောင်ပင်ကြီး လဲပြိုနေတာ တွေ့ရ ၏။

“စီအိုကြီးခင်ဗျာ.. ညောင်ပင်ကြီးလဲသွားတာပါ၊ ကျနော်သွားကြည့်လိုက်ပါ့မယ် အဘ” လို့သတင်းပို့ တော့ “နေအုံး.နေ အုံး ငါပါလိုက်မယ်” ဆိုပြီး ထွက်လာတာမို့ ကျနော်နဲ့ လက်ဖြောင့်တပ်စုက ရဲဘော်လေးတွေ တပ်ရင်းမှူးကို စောင့်ရှောက် ခြံရံပြီး အခင်းဖြစ်ပွားရာဆီသို့ ထွက်ခဲ့ကြ၏။ ကိုင်းတက်တွေဝေေ၀ အရွက်တွေ တဖားဖား ကြီးမားတဲ့ပင်စည်၊ ခိုင်မာတဲ့ အမြစ်တွေနဲ့ စောစောကထိထောင်မတ်နေတဲ့ ညောင်ပင်ကြီးဟာ အခုတော့ မြေပြင်မှာ တုံးလုံးကြီးဝပ်စင်းနေလေရဲ့။ မိုးမရွာ လေမတိုက်ဘဲ ဘာကြောင့်လဲသွားပါလိမ့်ဆိုပြီး စူးစမ်းရှာဖွေချိန်။

“တရားခံတွေ့ပြီ အဘရေ… ”

“ဘယ်မှာလဲကွ..ဟေ.. ဘယ်မှာလဲ”

ကျနော်လည်း ညောင် မြစ်တွေကြား ရွစိရွစိသွားနေတဲ့ သတ္တ၀ါလေးကို ဖမ်းပြီးပြလိုက်တယ်။

“သြော်… လက်စသတ်တော့ ခြစားတာကိုး.. ” လို့ မှတ်ချက်ပေးပြီး တဆက်တည်း “ကဲ..ကဲ ဒီနေ့တော့ အချိန်မရှိတော့ ဘူး၊ မနက်ဖြန် (၈) နာရီမှာ အရာရှိ၊ အရာခံ၊ အကြပ်၊ စစ်သည်အားလုံး တာဝန်မှအပ အကုန်လာခိုင်း၊ အိမ်ထောင်သည် ရဲမေတွေလည်း ကျန်းမာရေးချို့ယွင်းသူမှအပ အကုန်လာပစေ။ ဒါကို ဌာနချုပ်ခွဲမှူးက အမိန့်ထုတ်၊ တပ်ရေးနဲ့ တပ်ထောက်က ညှိပြီး မနက်ဖြန် လုပ်အားပေးတွေ ကျွေးဖို့ တခုခုစီစဉ်ပါ။” ဆိုပြီး ထွက်သွားလေတော့၏။ တပ်ရင်းမှူးကြီး၏ စိတ်နေစိတ်ထားနဲ့ သဘောသဘာဝကို အလွတ်ရနေကြတာမို့ “အင်း.. မနက်ဖြန်တော့ အဘ တခုခုပြောဖို့ရှိပြီ ထင် တယ်” လို့ အားလုံး သဘောပေါက်လိုက်ကြ၏။ တပ်ရင်းမှူး ဆိုမှတော့ ဒီတပ်မှာ သူဘုရင်ပေါ့။ သူ့ထက်ကြီးတာဆိုလို့ လဲသွားတဲ့ ညောင်ပင်ပဲရှိတာ။ ဘုရင့်နှုတ်ဖျားက ကျလာတဲ့အမိန့်ကို ဆင့်ကဲဆင့်ကဲ ညွှန်ကြားလိုက်တာ အချိန်ကရှေ့ကို (၂) နာရီတိုးပြီး မနက် (၆) နာရီ ဖြစ်သွားပါလေရောလား။

အစဉ်အလာအတိုင်း တန်းစီတန်းအပ်ပြီး တပ်ရင်းမှူးရဲ့ သြ၀ါဒကိုခံယူကြရတာပေါ့။ စီအိုကြီးရဲ့သြ၀ါဒက …

“အရာရှိ၊ အရာခံ၊ အကြပ်၊ စစ်သည်များနဲ့ အိမ်ထောင်သည် ရဲမေများ အားလုံးနီးပါး စုံစုံညီညီ လာကြတကို တွေ့ရတော့ အဘ နှစ်ထောင်းအားရမိတယ်။ အခုလိုအားလုံးကို လာခိုင်းတာ ရည်ရွယ်ချက် နှစ်ခုကြောင့် ဖြစ်တယ်။

နံပါတ် (၁) က ညီညီညာညာနဲ့ အင်တိုက်အားတိုက် စုပေါင်းဆောင်ရွက်ခြင်းဖြင့် အရာခပ်သိမ်း အလွယ်တကူ ပြီးမြောက်နိုင်တယ်ဆို တာကို သိစေချင်တယ်။

နံပါတ် (၂) က သင်ခန်းစာကောင်းလေး ယူတတ်စေချင်လို့ ” ဟုပြောပြီး ခြငယ်လေးတကောင်ကို ဖမ်းယူ လိုက်၏။

“အခု အဘလက်ထဲမှာရှိတဲ့ အလွန်သေးငယ်ပြီး နုနယ်တဲ့ ခြကောင်လေးတွေရဲ့ ကြောက်မက်ဖွယ် အစွမ်းအစက သူတို့ထက် အဆရာထောင်မက ကြီးမားပြီး မိုးဒဏ် လေဒဏ် ကြံ့ကြံ့ခံနိုင် ပါတယ်ဆိုတဲ့ ညောင်ပင်ကြီးရဲ့ အောက်ခြေ အမြစ်တွေကို ကိုက်ဝါး ဖြတ်တောက်လိုက်ခြင်းကြောင့် မြေပြင်ပေါ် ဘုံးဘုံးလဲသွားတာ ရဲဘော်တို့ ရဲမေ တုို့ မြင်ကြရဲ့လား..”

“မြင်ပါတယ် အဘ”

“အေး.. ဒါက ခုမြင်ရတဲ့ အခြေအနေ ဖြစ်တယ်၊ အခြား လက်လှမ်းမမီတဲ့ နေရာတွေ ဒေသတွေမှာလည်း တန်ဖိုးရှိပြီး အသုံးဝင်တဲ့ အဆောက်အဦးတွေ ဒီထက်မက ကြီးမားတဲ့အရာတွေ ခြစားခြင်းကြောင့် သုံးစားမရအောင် ပျက်စီးယိုယွင်းမှု တန်ဖိုးကျဆင်းမှုတွေ မြောက်များစွာ ရှိပါတယ်။ ခြစားရင် ခိုင်မာ တောင့်တင်းမှုရှိတဲ့ အရာတွေ ဆုံးရှုံးမှု ဖြစ်စေကြောင်း နားလည်ကြပါ။ နုနယ်သေးကွေးပေမယ့် များစွာ အန္တရာယ် ပေးတတ်တဲ့ အပြုအမူတွေကြောင့် လူမှုအသိုင်းအ၀ိုင်းမှာ အကျင့်စာရိတ္တ ပျက်ပြားမှုကို ခြစားတယ်ဆိုပြီး သုံးနှုန်းလေ့ရှိတယ်။

အဘ ပြောချင်တာက ပြင်ပလူမှု အသိုင်းအ၀ိုင်းမှာပဲ ဖြစ်စေ၊ တို့ရဲ့စစ်ဘက် အဖွဲ့အစည်းတွင်းမှာပဲ ဖြစ်စေ “အကျင့် ပျက်မှု” ဆိုတဲ့ ခြလေးမစားအောင် ၀ိုင်းဝန်းကာကွယ်တား ဆီးကြပါ။ ကိုယ်တိုင်လည်း ခြစားသူ မဖြစ်အောင် ကြိုးစားစောင့်ထိန်းကြပါ။ အထူးသဖြင့် ပြည်သူတွေနဲ့ ဆက်စပ်ထိတွေ့ နေရတဲ့ စစ်သည်များကလည်း သံမဏိတွေလို ကျစ်လစ်မာကျောပြီး ခိုင်ခံ့အောင်လေ့ကျင့်ပေးထားတဲ့ မင်းတို့ရဲ့ သံမဏိ စိတ်ဓာတ်တွေကို ခြမစားပါစေနဲ့လို့ ပြောပြီး နိဂုံးချုပ်လိုက်၏။

သံမဏိစိတ်ဓာတ်တွေကို ခြစားမှာစိုးတဲ့ အဘတယောက်ဟာဖြင့် မြန်မာ့အသံ ဒု-ညွှန်မှူး ဆိုတဲ့ ရာထူးနဲ့ အရပ်ဖက် အရပ်ဘက်ပြောင်းသွား ကြာခဲ့ပါပေါ့လား။

နှစ်တွေ လတွေ အလီလီ ပြောင်းတာနဲ့ အမျှ ကျနော်လည်း နေရာတွေ၊ ဒေသတွေ အစုံ ပြောင်းရွှေ့တာဝန်ထမ်းဆောင်ရင်း တွေ့ရ မြင်ရ ကြားရ ထိတွေ့ ဆက်ဆံရတဲ့ ၀န်းကျင်က လူအတော်များများဟာ ခြစားခြင်းခံရတဲ့ အရွယ်စုံ သံမဏိများပင် ဖြစ်ပါသည်။ စိတ်မကောင်းခြင်းကြီးစွာနဲ့ ခံစားရင်း ကြေကြေကွဲကွဲ တမ်းတမိတာက

“ကယ်ပါအုံး… သံမဏိတုံးတွေ ခြစားကုန်ပြီ အဘရေ..” ဟူ၍ပင် ဖြစ်ပါတော့သည်။

“၀န်ထမ်းအားလုံး ခြစားမှုဒဏ်က ကင်းဝေးလွတ်မြောက်နိုင်ကြပါစေ”


ဇေယျာ (စစ်သည်ဟောင်း)

source by : http://www.naytthit.net

အပြည့်အစုံ ဖတ်ရန် ...

နော်​ဝေနိုင်ငံ အကြမ်း​ဖက်ခံရမှုအ​ပေါ် ​ဒေါ်​အောင်ဆန်း​စုကြည် ဝမ်း​နည်း​ကြောင်း​ သဝဏ်လွှာ​ပေး​ပို့​


ဒီဗွီဘီ| နော်ဝေနိုင်ငံမှာ ပြီး​ခဲ့​တဲ့​သောကြာ​နေ့က ဖြစ်ပွား​ခဲ့​တဲ့​ ဗုံး​ပေါက်ကွဲမှုနဲ့​ ​သေနတ်နဲ့ပစ်ခတ်မှု​ကြောင့်​ လူ ၉၀ ​ကျော် ​သေဆုံး​ခဲ့​ရတဲ့​အတွက် ဝမ်း​နည်း​ကြောင်း​ သဝဏ်လွာကို မြန်မာ့​ဒီမိုကရေစီ​ ခေါင်းဆောင် ဒေါ်အောင်ဆန်းစုကြည်က ​ပြောကြား​လိုက်ပါတယ်။

စ​နေ​နေ့မှာ ဝမ်း​နည်း​ကြောင်း​ သဝဏ်လွှာကို ထိုင်း​နိုင်ငံ ဘန်​ကောက် အခြေစိုက် မြန်မာနိုင်ငံဆိုင်ရာ ​နော်​ဝေ သံအမတ်ကြီး​ထံကို ​ပေး​ပို့ ပြောကြား​လိုက်တာ ဖြစ်ပါတယ်။

ဒါနဲ့ပတ်သက်ပြီး​ အဖွဲ့ချုပ် ဗဟိုပြန်​ကြား​ရေး​အဖွဲ့ဝင် ဦး​အုန်း​ကြိုင်က အခုလို​ပြောပြပါတယ်။

“ဖြစ်ဖြစ်ချင်း ​ စ​နေ​နေ့ ကျ​နော်တို့​ သတင်း​ရချင်း​ပဲ ဒီလိုဖြစ်ပျက်တဲ့​ ကိစ္စ​တွေအတွက် ဝမ်း​နည်း​ကြောင်း သဝဏ်လွှာကို ဘန်​ကောက်မြို့မှာရှိတဲ့​ မြန်မာနိုင်ငံဆိုင်ရာ ​နော်​ဝေ သံအမတ်ကြီး​ကို အဲ​နေ့ပဲ ပို့လိုက်ပါတယ်။

အဲဒီသဝဏ်လွှာထဲမှာပါတဲ့​ အ​ကြောင်း​အရာ​တွေကို​တော့​ ကျ​နော်တို့ သတင်း​ထုတ်ပြန်ခြင်း​မရှိပါဘူး​။”

source by : http://burmese.dvb.no

အပြည့်အစုံ ဖတ်ရန် ...

အတွေးအခေါ်နှင့် လမ်းစဉ် (အပိုင်း - ၁)

နိဒါန်း

လူတယောက်၏ ဘ၀လမ်းကြောင်းတွင်ဖြစ်စေ၊ နိုင်ငံရေးလမ်းစဉ်များတွင်ဖြစ်စေ အတွေးအခေါ်က အဓိကကျလေသည်။ အတွေးအခေါ် ရှင်းလင်းမှသာ လုပ်ဆောင်ရမည့် လမ်းကြောင်းကို သတ်မှတ်ရွေးချယ်နိုင်သည်။ တိကျစွာ အကောင်အထည်ဖော်နိုင်သည်။

အတွေးအခေါ် ရှုပ်ထွေးနေလျှင် လမ်းစဉ်များကလည်းေ၀၀ါးနေတတ်သည်။ အကောင်အထည်ဖော်ဆောင်ရာတွင်လဲ တိကျပြတ်သားမှု မရှိဖြစ်တတ်သည်။ ကြံတိုင်းမမြောက်ပဲ လုပ်တိုင်း မအောင် ဖြစ်လေ့ရှိသည်။ အချို့က လမ်းစဉ်ကို ရွေးချယ်ပြီးမှ အတွေးအခေါ်ကို လိုက်လံ စဉ်းစားတတ်သည်။ ပုဂ္ဂိုလ်ခင်မှ တရားမင်တယ် ဆိုသော စကားလုံးကား ဤသို့သော အခြေအနေကို ဆိုလိုရင်း ရှိဟန်တူသည်။ လမ်းစဉ်ကို အရင် ရွေးချယ် ထားခြင်း မရှိပဲ လေးစားရင်းစွဲရှိနေသော လူပုဂ္ဂိုလ်တဦးတယောက် (သို့မဟုတ်) အဖွဲ့အစည်း တခု၏ ဦးဆောင်မှုနောက်ကို လိုက်ပါခြင်းဖြစ်သည်။ ပုဂ္ဂိုလ်ရေးကိုးကွယ်မှုများနှင့် ပုဂ္ဂိုလ်စွဲ၊ အဖွဲ့စွဲ စိတ်ဓာတ် များ ပေါ်ပေါက်လာရခြင်းမှာ အဆိုပါ အခြေအနေကြောင့် ဖြစ်သည်။

အချို့ကကျတော့ အခြေအနေ တရပ်၏ လှုံဆော်မှုကြောင့် လမ်းစဉ်တခုကို ကိုင်စွဲလာခြင်းဖြစ်ပြီး၊ ထိုလမ်းစဉ် အခြေခံထားသည့် အတွေးအခေါ်ပိုင်းတွင်မူ ရှင်းလင်းပြတ်သားမှု မရှိ ဖြစ်နေတတ်သည်။

သာကူးလုပ်တတ်သူများ၊ ခွကျော်စားတတ်သူများ၊ နှစ်ဖက်ချွန်လုပ်တတ်သူများ၊ စမူဆာ လုပ်တတ်သူများမှာ ဤအမျိုးအစားမှ ထွက်ပေါ် လာလေ့ရှိသည်။ လမ်းစဉ်တခုကို ကိုင်စွဲပြီးမှ လမ်းဆုံးသည် အထိ ပြီးဆုံးအောင် မလျှောက်သူများမှာလဲ ဤအမျိုးအစားထဲမှ ပေါ်ထွက် လာတတ်သည်။ သို့ရာတွင် လမ်းဆုံးသည်အထိ မလျှောက်သူတိုင်းကိုကား အတွေးအခေါ် မရှိပဲ အခြေအနေ တရပ်၏ လှုံ့ဆော်မှုကြောင့် လမ်းစဉ်တခုကို ကိုင်စွဲလာသူများဟု တရားသေ သတ်မှတ်၍ ကား မရ။ အတွေးအခေါ်တရပ် ရှိပြီးမှ အဆိုပါအတွေးအခေါ် ဖောက်ပြန်သွားခြင်း (သို့မဟုတ်) လူမှုရေး၊ စီးပွားရေး အခြေအနေများကြောင့် အဆိုပါ အတွေးအခေါ်ကို ဆက်လက်ဆုပ်ကိုင်ထားနိုင်မည့် ခိုင်မာသော စိတ်ဓာတ် ပျက်ပြယ်သွားခြင်း (သို့မဟုတ်) အတွေးအခေါ်သစ်တရပ်၏ ဆွဲဆောင်ရာသို့ လိုက်ပါသွားခြင်း (သို့မဟုတ်) လူပုဂ္ဂိုလ်နှင့် အဖွဲ့အစည်းတရပ်၏ ဦးဆောင်မှုနောက်သို့ လိုက်ပါသွားခြင်း စသည်များကြောင့်လဲ မူလဆုပ်ကိုင် ထားသော လမ်းစဉ်ကို စွန့်ခွာသွားခြင်းများ ရှိလာတတ်ပါသည်။

မည်သို့ဆိုစေ လမ်းစဉ်များ၊ လုပ်ငန်းစဉ်များ၏ နောက်ကွယ်တွင် အတွေးအခေါ်များ ပါဝင်နေစမြဲပင်ဖြစ်ရာ လမ်းစဉ်တခုကို မရွေးချယ်ခင် အဆိုပါလမ်းစဉ်နှင့် ဆက်စပ်နေသော အတွေးအခေါ်ကို ကနဦးကြိုတင် လေ့လာသင့်ကြပေသည်။ နိုင်ငံရေး၊ စီးပွားရေး၊ ဘာသာရေး၊ လူမှုရေးရာများတွင် ရွေးချယ်စရာ လမ်းစဉ်များ၊ လမ်းကြောင်းများနှင့် လုပ်ငန်းစဉ်များ အများအပြား ရှိနေတတ်ပါသည်။ ထိုလမ်းစဉ်များကို အတွေးအခေါ်များက ဦးဆောင်ထားခြင်း ဖြစ်ပြီး၊ တခါတရံတွင် ၀ိရောဓိများ၊ အငြင်းပွားဖွယ်ရာများ၊ ထိပ်တိုက်ထိခတ်နေခြင်းများ၊ တိုက်ရိုက်ဆက်စပ်နေခြင်းများ၊ သွယ်ဝိုက် ဆက်စပ်နေခြင်းများ ဖြစ်တည်နေတတ်ပါသည်။ ဆက်စပ်နေသော အတွေးအခေါ်များ ပေါင်းစပ်သွားပြီး လမ်းစဉ်သစ်များ ပေါ်ထွန်းလာခြင်းများ ရှိသကဲ့သို့၊ ထိပ်တိုက်ထိခတ်နေသော သဘောတရားနှင့် အတွေးအခေါ်များကြောင့် ပဋိပက္ခများ၊ စစ်ပွဲများ ဖြစ်ပွားလာခြင်းများလဲ ရှိပါသည်။

ကမ္ဘာ့နိုင်ငံရေးသမိုင်း၊ မြန်မာ့နိုင်ငံရေးသမိုင်းတွင် ဤသို့သော အဖြစ်အပျက်များမှာလည်း များခဲ့ပြီ ဖြစ်သည်။ သမိုင်း တပတ်ပြန်လည်နေသော အဖြစ်အပျက်များမှာလည်း ဒုနဲ့ဒေး။ အတွေးအခေါ် တိုက်ပွဲများမှ စတင်လိုက်သော လမ်းစဉ်တိုက်ပွဲများ၊ နိုင်ငံများ၏ ကံကြမ္မာကို အဆုံးအဖြတ်ပေးသည့် ဦးတည်ချက် လမ်းကြောင်းတိုက်ပွဲများ၊ ယင်းမှ တဖန် ဆက်လက်ပေါ်ထွက်လာသော နိုင်ငံရေး၊ စီးပွားရေး၊ လူတန်းစားအရေး၊ ကုန်ထုတ်လုပ်ရေးထဲက တိုက်ပွဲများကား စာဖွဲ့လို့ပင် မမှီနိုင်သည်မို့ သုတေသန နယ်ပယ်အသီးသီးတွေ လေ့လာဆန်းစစ် မှတ်တမ်းပြုနေကြရဆဲပင် ဖြစ်သည်။ ယခု ဆောင်းပါးသည်ကား အဆိုပါ သမိုင်းကြောင်းများကို ဆန်းစစ်လေ့လာထားသည့် ကျမ်းတခု မဟုတ်ပါ။ ယနေ့ မြန်မာ့နိုင်ငံရေးလောကကို လွှမ်းမိုးနေသော ဒီမိုကရေစီရေးရာ အတွေးအခေါ် နှစ်ရပ်ကို တင်ပြလိုသော ရည်ရွယ်ချက်ဖြင့် ရေးသားဖော်ပြခြင်း ဖြစ်ပါသည်။

(ဆက်လက်ဖော်ပြပါမည်။)

ခင်မမမျိုး

အပြည့်အစုံ ဖတ်ရန် ...

Monday, July 25, 2011

မြန်မာနိုင်ငံက နိုင်ငံရေးအကျဉ်းသားများ ပြစ်မှုဆိုင်ရာ အကျဉ်းသားများ - အပိုင်း (၂)

ပြီးခဲ့တဲ့ ဇူလိုင် (၁၃) ရက်နေ့က၊ အမေရိကန်ပြည်ထောင်စုအခြေစိုက် လူ့အခွင့်အရေး စောင့်ကြည့်လေ့လာရေး (Human Rights Watch) (HRW) အဖွဲ့နဲ့ ကရင်လူ့အခွင့် အရေးစောင့်ကြည့် လေ့လာရေး Karen Human Rights Group (KHRG) အဖွဲ့တို့ ပူပေါင်းပြီး၊ အကျဉ်းသားတွေကို စစ်ပေါ်တာအဖြစ် မြန်မာစစ်တပ်က အသုံး ပြုနေတာတွေကို ကန့်ကွက်တဲ့ Dead Man Walking အမည်ရှိ အစီရင်ခံစာတစောင်ကိုလည်း၊ ထုတ်ပြန်ခဲ့ပါ တယ်။

နမ့်ဆမ်လေတပ် စခန်းဌာနချုပ်ကို တည်ဆောက်စဉ်က အကျဉ်းထောင်တွေကနေ နမ့်ဆမ်ကျောက်ထုတ် လုပ်ရေး အကျဉ်းစခန်းကို ရောက်ရှိခဲ့ကြတဲ့၊ အကျဉ်းသား စစ်ပေါ်တာတွေရဲ့ အခြေအနေတွေကို ကိုယ်တိုင်ကြုံ တွေ့ခဲ့သူ မြန်မာ့တပ်မတော်က စစ်သည်ဟောင်း ဦးထွန်းလင်းနဲ့ ဦးရော်နီညိမ်းက ဆွေးနွေးမေးမြန်းပြီး၊ ဒီသီ တင်းပတ်ရဲ့ “တပ်မှူးတပ်သား ပြောစကား” ကဏ္ဍကို တင်ဆက်ထားပါတယ်

ဦးရော်နီညိမ်း ။ ။ ၁၉၈၃ ခုနှစ်၊ ရန်ကုန်မြို့ အာဇာနည်ဗိမ္မာန်ကို မြောက်ကိုးရီးယားသူလျှိုတွေ ဗုံးခွဲ တိုက်ခိုက်ခဲ့စဉ်က၊ အဲဒီ ဗုံးခွဲတရားခံသူလျှိုတွေကို၊ လိုက်လံလက်ရဖမ်ဆီးခဲ့တာမှာ၊ ရန်ကုန်တိုင်းစစ်ဌာနချုပ် လက်အောက်ခံ သန်လျင်မြို့ ခလရ(၉၀)က စစ်သည် ဦးထွန်းလင်းဟာ၊ ကိုယ်တိုင်ပါဝင်ခဲ့သူပါ။ နောက်ပိုင်းမှာ တပ်မတော်က ထွက်ခွာလာခဲ့ပြီး ရှမ်းပြည်နယ်တောင်ပိုင်း လွိုင်လင်ခရိုင် နမ့်ဆန်မြို့မှာ သူ့ရဲ့ ဆွေမျိုးသား ချင်းတွေရှိတဲ့ အရပ်ဒေသမှာ၊ ခြံလုပ်ငန်းယာလုပ်ငန်းတွေနဲ့ ဘ၀သစ်ထူထောင်ဖို့ သူကြိုးပမ်းနေတဲ့အချိန်မှာပဲ၊ သူ့ရဲ့ ပတ်ဝန်းကျင်က တပ်မတော် တပ်ရင်းတပ်ဖွဲ့တွေနဲ့ အကျဉ်းဦးစီးဌာနက တာဝန်ရှိသူ ပုဂ္ဂိုလ်တချို့တွေရဲ့ မတော်မတရားလုပ်မှုတွေ သူကိုယ်တိုင် မြင်တွေ့ကြားသိနေရတဲ့ အတွေ့အကြုံတွေထဲက တချို့ကို “တပ်မှူး တပ်သား ပြောစကား” ကဏ္ဍမှာ၊ ဦးထွန်းလင်းက ပြောပြခဲ့ပြီးပါပြီ။ ၁၉၉၀ ခုနှစ်တွေရဲ့ အစောပိုင်းနှစ်တွေက၊ “နမ့်ဆန်မြို့ အပြည်ပြည်ဆိုင်ရာ လေဆိပ်စီမံကိန်း” နဲ့ “အကျဉ်းဦးစီးဌာန ကျောက်ထုတ်လုပ်ရေးစခန်း” ဆိုင်း ဘုတ်နှစ်ခုအောက်မှာ၊ မြန်မာ့တပ်မတော်က အရာခံဗိုလ် တဦးကို ထောင်ပိုင်အဖြစ် ခန့်ပြီးတော့၊ ပြစ်မှုဆိုင်ရာ အကျဉ်းသားတွေနဲ့ “နမ့်ဆန် လေတပ်စခန်းဌာနချုပ်” ကို၊ တည်ဆောက်ခဲ့တာမှာ၊ အဲဒီအကျဉ်းစခန်းထဲ ဖြစ် ပျက်နေပုံတွေကို ဦးထွန်းလင်းက ထပ်ပြီး ပြောပြထားတာတွေနဲ့၊ ဗီအိုအေနဲ့ မေးမြန်းဆွေးနွေးထားမှုတွေကို၊ တင်ပြထားပါတယ် ခင်ဗျာ။

(မြောက်ကိုးရီးယားသူလျှိုများအား လိုက်လံဖမ်းဆီးမှု = ဗီအိုအေမှ ၂၀၁၀ နိုဝင်ဘာ(၂၆) နှင့် ဒီဇင်ဘာ (၃) တို့တွင် ထုတ်လွှင့်ခဲ့သည့် "တပ်မှူးတပ်သား ပြောစကား" - အမှတ်စဉ် (၀၃၆) နှင့် (၀၃၇) ၊ " မြန်မာ-မြောက် ကိုးရီးယား ဆက်ဆံရေး နှင့် အာဗာနည်ဗိမ္မာန် တိုက်ခိုက်ခံရမှု" - အပိုင်း (၁) နှင့် (၂) တို့တွင်၊ ဖတ်ရှုနားဆင် နိုင်ပါသည်။)

ရည်ညွှန်း

http://democracyformilitarymight.blogspot.com/2010/11/blog-post_8712.html

http://democracyformilitarymight.blogspot.com/2010/11/blog-post_8712.html)

(နမ့်ဆမ်လေတပ်စခန်းဌာနချုပ် တည်ဆောက်မှု ကျောက်ထုတ်လုပ်ရေးအကျဉ်းစခန်း = ဗီအိုအေမှ ၂၀၁၁ ဇွန် (၁၈) နှင့် ၂၀၁၁ ဇွန် (၁၈) တို့တွင် ထုတ်လွှင့်ခဲ့သည့် "တပ်မှူးတပ်သား ပြောစကား" - အမှတ်စဉ် (၀၆၅) နှင့် (၀၆၆) ၊ “စစ်ပေါ်တာအဖြစ် သေသည်ထိ နှိပ်စက်ညှင်းပန်းအသုံးချခံ ပြစ်မှုဆိုင်ရာအကျဉ်းသားများ" - အပိုင်း (၁) နှင့် (၂) တို့တွင်၊ ဖတ်ရှု နားဆင်နိုင်ပါသည်။

ရည်ညွှန်း

http://democracyformilitarymight.blogspot.com/2011/06/blog-post_21.html

http://democracyformilitarymight.blogspot.com/2011/06/blog-post_26.html)

ဦးထွန်းလင်း ။ ။ အဲဒီ အကျဉ်းစခန်းထဲမှာ ဆိုရင်၊ တကမ္ဘာလုံးကို ခြိမ်းခြောက်နေတဲ့ တကယ့်ကို ဆိုးပါတယ် ဆိုတဲ့ AIDS ရောဂါနဲ့ HIV ဗိုင်းရပ်(စ်)ပိုး ပြန့်ပွားနေတာဟာ၊ အဲဒီလိုမျိုး အကျဉ်းစခန်းတွေမှာ အများဆုံး ဖြစ်လိမ့်မယ် လို့၊ ကျနော် ထင်တယ်။ ဘာဖြစ်လို့လဲဆိုတော့၊ အကျဉ်းသားတွေဆိုတော့ အဲဒီမှာ တကိုယ်ရေသန့်ရှင်းမှု မရတာ၊ နောက်တခါ အလုပ်ပင်ပန်းတဲ့ဒဏ်၊ အရိုက်အနှက်ခံရတဲ့ဒဏ်တွေနဲ့ နာမကျန်း ဖြစ်လာတဲ့အခါကျတော့ သူတို့ အကျဉ်းစခန်းထဲမှာရှိတဲ့ ဆေးခန်းကို သွားကြတယ်။ အဲဒီဆေးခန်းထဲမှာ ဆိုလို့ ရှိရင်လည်း၊ ဆရာဝန် သူနာပြုဆရာမ ရှိတာ မဟုတ်ဘူး။ အဲဒီမှာ အကျဉ်းဦးစီးဌာနက တပ်ကြပ်လောက် အဆင့်က ဆေးခန်းတာဝန်ခံလုပ်တယ်။ နောက်တခါ ထောင်ကျလာတဲ့ စစ်တပ်ကဆေးတပ်သားတွေက ဆေး မှူးတွေ ပေါ့။ ဆေးထိုး၊ ဆေးတိုက်၊ chart ပေါ်မှာ on တာ၊ treatment on တာက အစ၊ အကျဉ်းသား အချင်း ချင်း လုပ်တာပဲ။ အကျဉ်းသားတွေ ဆေးခန်းလာပြရင်၊ သူတို့က အကုန်လုံးကို တန်းစီခိုင်းလိုက်ပြီး၊ နံမည်နဲ့ ဘာဖြစ်တာလဲ မေးပြီးတော့၊ ဖျားတဲ့လူတွေက တတန်း၊ ကိုက်ခဲတဲ့လူတွေက တတန်း၊ အနာဖြစ်နေတဲ့လူတွေ က တတန်း၊ ၀မ်းသွားနေတဲ့လူတွေက တတန်း၊ အားအင်ကုန်ခမ်း အားမရှိတဲ့လူတွေက တတန်း၊ အဲဒီလို စီ ခိုင်းလိုက်တယ်။ ပြီးတော့မှ ဖျားနေတဲ့လူကို အဖျားပျောက်ဆေး ဥပမာ gentamycin 80 miligram လိုဟာ မျိုးကို ထိုးပေးဖို့အတွက် gentamycin 2 cc (၁၀) ပုလင်းလောက်ကို၊ 20 cc syringe (ဆေးထိုးအပ်) ထဲကို စုပ်ထည့်လိုက်ပြီးတော့၊ ဒီ အပ်တချောင်းထဲနဲ့ လူ အယောက် (၂၀) လောက်ကို တန်းစီပြီး၊ တောက်လျှောက် ထိုးသွားတာ။ ဒါက HIV virus ပြန့်ပွားဖို့၊ နောက်တခါ Viral Hepatitis (အသည်းရောင်အသားဝါ C type ပိုး) ရောဂါ ပြန့်ပွားဖို့ အများဆုံး ဖြစ်နိုင်တဲ့ နည်းလမ်းတွေပေ့ါ။ ဒါက ဒီအကျဉ်းစခန်းထဲ ဖြစ်နေတဲ့ အဆိုးဝါးဆုံး အဖြစ်အပျက်တွေထဲက တခုပါ။

ဦးရော်နီညိမ်း ။ ။ နောက်ပြီးတော့ ကျနော်တို့ ကြားဖူးတာတခုက၊ ထောင်ထဲမှာ အကျဉ်းစခန်းတွေထဲ မှာ လူကုန်ကူးတယ်၊ လိင်ကျွန်ကုန်ကူးတယ် ဆိုတဲ့ ကိစ္စကြားဖူးတာ ရှိပါတယ်။ အဲဒါကို ဦးထွန်းလင်း ကြုံခဲ့ရ သမျှ နည်းနည်း ရှင်းပြပါဦး။

ဦးထွန်းလင်း ။ ။ အကျဉ်းစခန်းတွေထဲကို ဖြစ်ဖြစ်၊ အကျဉ်းထောင်ထဲတွေထဲကို ဖြစ်ဖြစ်၊ စစ်ပြေးမှု နဲ့ ရောက်လာခဲ့တဲ့ ငယ်ရွယ်တဲ့ ကလေးတွေ၊ အဲဒီလိုအရွယ် ကလေးတွေကို၊ ရာဇ၀တ်အကျဉ်းသားတွေထဲက “တန်းစီး” တို့၊ တပ်ခွဲမှူးတို့ အဲဒီလိုလူမျိုးတွေက သူတို့နားကို ခေါ်ထားတယ်။ သူတို့ရဲ့ သားမယားအဖြစ် ဒီကလေးတွေကို ပြုကျင့်တယ်။ ဒီကလေးတွေကို ဘာမှ အလုပ်မခိုင်းဘူး။ အမြဲတမ်း သနပ်ခါးလိမ်းခိုင်းထား တယ်။ အလှပြင်ခိုင်းထားတယ်။ စားချင်တာကိုစား၊ နေချင်သလိုနေ၊ လွှတ်ပေးထားတယ်။ ဒါပေမဲ့ သူတို့ရဲ့ သားမယားအဖြစ်တော့ နေရတယ်။

ဦးရော်နီညိမ်း ။ ။ အဲဒါက ယောက်ျားချင်း လိင်ဆက်ဆံတာလား။

ဦးထွန်းလင်း ။ ။ ဟုတ်ပါတယ်။ အရွယ်မရောက်သေးတဲ့ ကလေးတွေကို စစ်တပ်ထဲ ဆွဲသွင်း၊ ရှေ့တန်းတို့ လေ့ကျင့်ရေးတပ်တို့မှာ ကလေးတွေက ပင်ပန်းဆင်းရဲတဲ့ဒဏ်တွေ အစားဆင်းရဲတဲ့ဒဏ်တွေ အဲဒီဒဏ်တွေကို မခံနိုင် တဲ့အခါကျ၊ သူတို့ ထွက်ပြေးကြတယ်။ ဒီစစ်တပ်ထဲကို ဒီကလေးတွေက ၀င်ချင်လို့ဝင် တာ မဟုတ်ဘူး။ ခြိမ်းခြောက်ပြီးတော့ သော်လည်းကောင်း၊ ဖမ်းဆီးပြီးတော့သော်လည်းကောင်း၊ လိမ်လည် လှည့်ဖျားပြီးတော့ သော်လည်းကောင်း၊ တပ်ထဲကို ခေါ်လာခဲ့ကြတယ်။ ဒီကလေးတွေ စစ်တပ်ထဲမှာ စစ်သင် တန်းတွေထဲမှာရောက်တော့၊ မိသားစုဆီ ပြန်ချင် လို့ ထွက်ပြေးကြတာပေါ့။ အဲဒီအခါကျ ဒီကလေးတွေကို ပြန် ဖမ်းမိတဲ့အခါ၊ ဒီကလေးတွေကို စစ်စည်းကမ်း ဖေါက်ဖျက်မှု၊ တပ်ပြေးမှု၊ အဲဒီလို ပုဒ်မတွေနဲ့ ထောင်ချတယ်။ အဲဒီကလေးတွေဟာ ထောင်ထဲ ရောက်လာတဲ့အခါ ဖြစ်ဖြစ်၊ အကျဉ်းစခန်းတွေထဲ ရောက်လာတဲ့အခါ ဖြစ်ဖြစ်၊ ခုနလို လိင်ပိုင်းဆိုင်ရာဆက်ဆံမှုတွေ ခံရတယ်။ ခုနပြောတဲ့ ထောင်ထဲက လူဆိုးတွေက၊ သူတို့လက်ထဲမှာ ထောင်အခေါ်အဝေါ်အရ “ချွတ်” လို့ ခေါ်တဲ့ သံချွန်တွေ၊ ဆူးချွန်တွေနဲ့ ခြိမ်းခြောက်ပြီးတော့၊ ဒီကလေးတွေကို အဓမ္မပြုကျင့်တယ်။ အဲဒီကနေ တဖြည်းဖြည်းနဲ့ ဒီကလေးတွေ နောက်ဆုံးမှာ အဲဒီ ဘ၀ကို ရောက်သွားကြ တယ်။ အနိုင်ကျင့်ခံကြရတာပေါ့။ ဒီကလေးတွေ လိင်ပိုင်းဆိုင်ရာ အနိုင်ကျင့်ခံကြရတာပေါ့။

ဦးရော်နီညိမ်း ။ ။ အဲဒီကိစ္စတွေကို အကျဉ်းသားတွေထဲကပဲ လုပ်နေတာလား၊ ယောက်ျားလေးတွေ ကို ဒီလို လိင်ကျွန်ဖြစ်အောင် လုပ်တာ။ အကျဉ်းဦးစီးဌာနက ၀န်ထမ်းတွေကော၊ ဒီကိစ္စတွေမှာ ပါဝင်ပတ် သက်မှု ရှိပါသလား။

ဦးထွန်းလင်း ။ ။ အကျဉ်းဦးစီးဌာနက ၀န်ထမ်းတွေက၊ လိင်ပိုင်းဆိုင်ရာ အနိုင်ကျင့်ဆက်ဆံမှုမှာ ပါ ၀င်ပတ် သက်တာတော့ မတွေ့ရဘူး။ ဒါပေမဲ့ ဘာပတ်သက်နေလဲဆိုတော့၊ ထောင်မှာ ထောင်ဆေးရုံဆိုတာ ရှိ တယ်။ ထောင် ဆေးရုံဆိုတာက ပိုက်ဆံရှိ အသိုင်းအ၀ိုင်းနဲ့ သူတို့ လူကြီးပိုင်းဆိုင်ရာ “အပ်ထည်” လို့ ခေါ်တဲ့၊ ဘောက်ချာသမားလို့ ခေါ်တဲ့ အကျဉ်းသားတွေပဲ နေခွင့်ရှိတာ။ တကယ်မကျန်းမာတဲ့ အကျဉ်းသားက ဆေးရုံ ဆေးခန်းသွားပြပြီး၊ ထောင်က အဆောင်ကို ပြန်ရုံပဲ ရှိတယ်။ ခုနပြောတဲ့ ပိုက်ဆံရှိ ရာဇ၀တ်ပြစ်မှုအကျဉ်းသား တွေက၊ ဒီကလေးတွေကို လိင်ဆက်ဆံ ဖို့ ထောင်ဆရာဝန်ကို သော်လည်းကောင်း၊ ထောင်ဆေးရုံဝန်ထမ်းကို သော်လည်းကောင်း၊ ပိုက်ဆံပေးပြီးတော့ သူတို့ လိင်ဆက်ဆံချင်တဲ့ ကလေးကို၊ ဆေးရုံတင်ခိုင်းလိုက်တယ်။ ဒီကလေးတွေ ဘာမှ ရောဂါမရှိပဲ၊ ဒီကလေးတွေ ထောင် ဆေးရုံရောက်လာတယ်၊ ပြီးတော့ ဆေးရုံမှာ အဲဒီလို တွေ ဖြစ်တယ်။

ဦးရော်နီညိမ်း ။ ။ ထောင်ဆေးရုံကို လိင်ပျော်ပါးဖို့ နေရာအဖြစ် အသုံးချတာလား။

ဦးထွန်းလင်း ။ ။ တည်းခိုခန်းလို သဘောပေါ့ဗျာ။ အဲဒီလိုနဲ့ ကလေးတွေကို ထောင်ဆေးရုံကို ပို့ပေး တာကို၊ ထောင်ဝန်ထမ်းတွေက ပိုက်ဆံယူပြီး လုပ်ကြတယ်။ နောက်တခါ၊ ဒီကလေးတွေနဲ့ ဆက်ဆံလို့ အားရ သွားပြီ ဆိုရင်၊ နောက်ထပ်ကလေးတွေ အသစ်ထပ်ရောက်လာပြီ ဆိုရင်၊ အဲဒီ အရင်က ကလေးတွေကို သူတို့ အောက်က လူတွေဆီကို ရောင်းစားတယ်။

ဦးရော်နီညိမ်း။ ။ ရောင်းစားတယ် ဆိုတာ၊ ဘယ်လိုပါလဲ။

ဦးထွန်းလင်း ။ ။ ဥပမာ၊ အကျဉ်းထောင်ထဲကို အကျဉ်းသားတယောက်က ပိုက်ဆံသွင်းချင်တယ် ဆိုရင်၊ အကျဉ်းဦးစီး ဌာန၀န်ထမ်းကို ကျပ် (၁၀၀) ကို၊ ကျပ် (၂၀) ပေးရတယ်။ ကျပ် (၁၀၀၀) သွင်းရင်၊ ကျပ် (၂၀၀) ပေးရတယ်ပေါ့။ အဲဒီလိုနဲ့ ပိုက်ဆံကို အထဲကို သွင်းတယ်။ ပြီးတော့ ဒီပိုက်ဆံကို ထောင်က တပ်ကြပ် တို့၊ တပ်ကြပ်ကြီးတို့၊ အဆောင်မှူးထောင်မှူးတို့၊ တန်းစီးတို့၊ အခန်းလူကြီးတို့၊ ဘာယာတို့၊ ရေကန်ဘာယာတို့၊ ထမင်းဘုတ်ကိုင်တို့၊ အဲဒီလိုလူတွေဆီကို ပေးရတယ်။ ထောင်ထဲမှာ အကျဉ်းစ ခန်းထဲမှာ ချောင်ချောင်ချိချိ နေဖို့။ အဲဒီပိုက်ဆံထဲကနေ၊ ဒီကလေးတွေကို အရောင်းအ၀ယ်လုပ်ကြတယ်။ ဒီကလေးတယောက်ကို ဟိုတုန်း ကဆို စီးကရက်ဗူး သုံးတောင့်၊ ဆယ်ဗူးကို တတောင့်ဆိုတော့၊ စီးကရက်ဗူး (၃၀) နဲ့၊ ကလေးကို ရောင်းစား တယ်။ ပိုက်ဆံနဲ့ဆိုရင် ဘယ်လောက်ဆိုပြီး ရောင်းစားကြတယ်။

ဦးရော်နီညိမ်း။ ။ ထောင်ထဲမှာ အကျဉ်းစခန်းတွေထဲမှာ ရာဇ၀တ်မှုတွေ ဖြစ်ကြတယ် ဆိုတာကကော၊ ဘာပါလဲ ခင်ဗျ။

ဦးထွန်းလင်း ။ ။ ရာဇ၀တ်မှုတွေ ဖြစ်ကြတယ်ဆိုတာ၊ ထောင်ထဲ အကျဉ်းစခန်းတွေထဲမှာ အကျဉ်း ဦးစီးဌာန၀န်ထမ်းတွေနဲ့ ပေါင်းနေတဲ့ အကျဉ်းသားရာဇ၀င်လူဆိုးတွေပေါ့။ သူတို့တွေက မြို့ထဲတွေ ဘာတွေ ထွက်လို့ မရဘူး။ အကျဉ်းဦးစီးဌာန၀န် ထမ်းတွေ မပါပဲနဲ့ ထွက်လို့ မရဘူး။ အဲဒီအခါကျတော့၊ အကျဉ်းဦးစီး ဌာန၀န်ထမ်းတွေက ဒီလူဆိုးတွေဆီက ပိုက်ဆံယူပြီး၊ မူးယစ် ဆေးဝါးတွေ လူဆိုးတွေဆီကို ၀ယ်ပို့ပေးနေရ တယ်။ ဒီလူဆိုးတွေက မူးယစ်ဆေးဝါး ဆေးပြားတွေ သုံးတယ်။ ဆေးခြောက်တွေ ရှူတယ်။ တချို့ ဘိန်းတွေ စားကြတယ်။ တချို့က ဘိန်းတွေ ထိုးကြတယ်။ အဲဒီမှာ ခြေလွတ်လက်လွတ်တွေ ဖြစ်ပြီး၊ ဒီလူဆိုးတွေ ရမ်း ကားတာတွေကြောင့် သေတဲ့အထိ ဖြစ်ကုန်တာတွေလည်း ရှိတယ်။ တချို့ကျတော့ ဆေးကြောင်ပြီးတော့၊ ရုပ် ပျက်ဆင်း ပျက်နဲ့ ရှောက်လုပ် နေကြတာတွေ ရှိတယ်။ အဲဒီလို ဖြစ်တာကို ထောင်ပိုင်တို့ဘာတို့ သိသွားပြီဆို ရင်၊ ခုနက သူတို့ကို ပိုက်ဆံပေးထားတဲ့ တကယ်လုပ်တဲ့ အကျဉ်းသားလူဆိုးတွေကိုတော့ ဘာမှ မလုပ်ပဲ၊ အရေးယူမှု အထက်ကို ပြဖို့အတွက်၊ ဘာမှ ခုန ပြစ်မှုတွေ မလုပ်တဲ့ ရိုးရိုးအကျဉ်းသားတွေကို အပြစ်ပေးတာ ကို လုပ်တယ်။ လူ (၁၀) ယောက်ကို ခြေကျဉ်းတွေ ဒေါက်တွေ တွဲ ပြီး ခတ်ထားတာမျိုး လုပ်တယ်။ အဲဒီ (၁၀) ယောက်ထဲက တယောက်က အိမ်သာသွားချင်တယ်၊ အပေါ့အပါးသွားချင်တယ် ဆိုရင်၊ (၁၀) ယောက်လုံးက လိုက်ရတယ်။ ညှင်းဆဲပြီး အပြစ်ပေးတယ်။ Jail Manual (အကျဉ်းထောင်လက်စွဲဥပဒေ) အရ၊ အပြစ်ရှိတဲ့လူ ကိုပဲ၊ ထောင်ထဲမှာ အကျဉ်းစခန်းတွေထဲမှာ အပြစ်ပေးလို့ ရတယ်။ ဒါပေမဲ့ ဥပဒေအပြင်ဘက်ကနေ၊ လုပ်ချင် သလို လုပ်နေကြတယ်။ အကျဉ်းထောင်လက်စွဲဥပဒေထဲမှာ ပြဌာန်းထားတာတွေနဲ့ လက်ရှိမှာ အကျဉ်းသား တွေ ဖြတ်သန်းသွားနေရတဲ့ ဘ၀တွေနဲ့၊ တခြားစီပေါ့ ဗျာ။ ဥပမာ၊ အကျဉ်းထောင်လက်စွဲဥပဒေထဲမှာ အကျဉ်း သားတွေကို အကျဉ်းထောင်ဝန်ထမ်းတွေရဲ့ လုပ်ငန်းတာဝန်တွေကို ဘာမှ မခိုင်းစေရဘူးဆိုတာ၊ ပါဝင်တယ်။ ဒါပေမဲ့ အကျဉ်းဦးစီးဌာန အကျဉ်းထောင် ရဲဘက်စခန်းတွေရဲ့ ရုံးခန်းတွေမှာ စာရေးစာချီအလုပ်တွေကို လုပ် နေတာက၊ ထောင်မှူးထောင်ပိုင်တွေက ပိုက်ဆံယူပြီး သက်သာအောင်ထား ထားတဲ့ အကျဉ်းသားတွေက လုပ် နေတာ။ စာတစောင်ကို လက်နှိပ်စက်ရိုက်တယ် ဆိုကြပါစို့။ အဲဒီစာရဲ့ ထိပ်ဖျားမှာ ရိုက်ရတဲ့ ဒီစာရဲ့ လုံခြုံရေး အဆင့် အတန်းက “ထိပ်တန်းလျို့ဝှက်”။ အကျဉ်းဦးစီးဌာန အထက်ကိုတင်ပြတဲ့ အကြောင်းအရာ တခုခုပေါ့။ ဒီစာရဲ့ လုံခြုံရေးအဆင့် အတန်းက “ထိပ်တန်းလျို့ဝှက်”။ ဒီစာကို ရိုက်နေတာက အကျဉ်းသား။ ဒါတွေက အကျဉ်းဦးစီးဌာနရဲ့ အကျဉ်းထောင်တွေ၊ အကျဉ်းစခန်းမှာ ဖြစ်နေတာတွေ ပေါ့ဗျာ။

ဦးရော်နီညိမ်း။ ။ ဟုတ်ကဲ့။ မကြာသေးခင်ကပဲ နယူးယောက်မြို့အခြေစိုက် လူ့အခွင့်အရေးစောင့် ကြည့် လေ့လာရေး (Human Rights Watch) (HRW) အဖွဲ့ နဲ့ ထိုင်း-မြန်မာနယ်စပ်မှာ အခြေစိုက်တဲ့ ကရင် လူ့အခွင့်အရေးစောင့် ကြည့်လေ့လာရေး Karen Human Rights Group (KHRG) အဖွဲ့တို့ ပူပေါင်းပြီး၊ အစီ ရင်ခံစာတစောင် ထုတ်ပြန်လိုက် ပါတယ်။ ဒီအစီရင်ခံစာရဲ့ နံမည်ကို Dead Man Walking လို့၊ သူတို့က နံ မည်ပေးထားပါတယ်။ အဲဒါက ဟိုတုန်းက အမေရိကန်ပြည်ထောင်စုမှာ သေဒဏ်ကျပြီး ကြိုးပေးခံရမဲ့ ပုဂ္ဂိုလ် ကို၊ ကွပ်မျက်တော့မဲ့နေ့ ကြိုးတိုက်ထဲကနေ ထုတ်လာတဲ့အခါမှာ၊ တထောင်လုံးကြားအောင်လို့ ထောင်ဝန် ထမ်းတွေက “သေရတော့မဲ့လူ လာနေပြီ” (Dead Man Walking) လို့၊ ကြေညာပေးရပါတယ်။ ဒီစကားရပ်ကို အစွဲပြုပြီး၊ “သေရတော့မဲ့လူ လာနေပြီ” (Dead Man Walking) ဆိုပြီးတော့မှ၊ မြန်မာနိုင်ငံစစ်မြေပြင်တွေက ရှေ့တန်းစခန်းတွေနဲ့ အခု ဦးထွန်းလင်းကြုံခဲ့ရတဲ့၊ “နမ့်ဆမ်လေတပ်စခန်း ဌာနချုပ်” တည်ဆောက်တဲ့၊ ကျောက်ထုတ်လုပ်ရေးစခန်းတို့လို အကျဉ်းစခန်းတွေကို အပို့ခံကြရတဲ့အကျဉ်းသားတွေ အကြောင်းတွေကို ရေးသားဖေါ်ပြထားတာပါ။ အဲဒီတော့၊ ဦးထွန်းလင်းကြုံခဲ့ရတဲ့၊ “နမ့်ဆမ် အပြည်ပြည်ဆိုင်ရာ လေဆိပ်တည် ဆောက်ရေး စီမံကိန်း”လို့ ဆိုင်းဘုတ်ကြီး ပြပြီးတော့မှ၊ “နမ့်ဆမ်လေတပ်စခန်းဌာနချုပ်”အတွက် တည် ဆောက်ခဲ့တဲ့၊ ကျောက်ထုတ်လုပ်ရေးစခန်းမှာ၊ Dead Man Walking “သေရတော့မဲ့လူ လာနေပြီ” ဆိုတဲ့ အခြေအနေ တွေ ဘယ်လောက်များ ကြုံခဲ့ရသလဲ ဆိုတာ၊ ပြောပြပေးပါ ခင်ဗျ။

ဦးထွန်းလင်း ။ ။ အိမ်ကနေ နောက်က ပိုက်ဆံ မလိုက်နိုင်တဲ့၊ ပိုက်ဆံမရှိတဲ့ အကျဉ်းသားတွေ သာမန်အကျဉ်းသား တွေဟာ၊ ထောင်ကနေ အကျဉ်းစခန်း (ရဲဘက်စခန်း) တွေကို ရောက်လာပြီ ဆိုရင်၊ သုံးလထက်ပိုပြီး၊ အသက်ရှင်နေထိုင်သွား တဲ့ အကျဉ်းသားရယ်လို့ သိပ်မရှိပါဘူး။ အကုန်လုံး သေကြတယ်၊ သုံးလ မတိုင်ခင် သေကြတယ်၊ သုံးလ မပြည့်ခင် သေကြ တယ်။ အဲဒီလို သေကြတယ်။ ဒီကြားထဲမှာ အဲဒီ ထက်ဆိုးတာ ဘာရှိလဲ ဆိုတော့၊ ပြစ်မှုတခု တစုံတရာကျူးလွန်တယ် ဆိုပြီး ပြစ်ဒဏ်ချလိုက်တယ်၊ အဲဒီ အကျဉ်းသားမှာ အယူခံကာလ ရှိတယ်။ အကျဉ်းသားတယောက်ဟာ သူ့ရဲ့အယူခံကာလမှာ၊ ဒီ အကျဉ်းသား ကို၊ ထောင်ကနေ ရဲဘက်အကျဉ်းစခန်းတွေကို မထုတ်သင့်ဘူး။ ဒါပေမဲ့ အဲဒီလို ထုတ်လိုက်ပြီးတော့၊ တဘက် မှာ သူ့မိသားစုက အယူခံတွေ တက်နေတယ်။ အဲဒီ အကျဉ်းသားက၊ အယူခံမှာ ကွင်းလုံးကျွတ်နိုင်လို့၊ သူ့ကို သူ့မိသားစုက အကျဉ်းစခန်းမှာ လာထုတ်တဲ့ အခါမှာ၊ ဒီ အကျဉ်းသားဟာ မရှိတော့ဘူး၊ သေပြီးနေပြီ။ အဲဒါ မျိုးတွေ အများကြီး ရှိတယ်။ အဲဒီအခါ အကျဉ်းသားကို လာထုတ်တဲ့ မိသားစုတွေက ထွန့်ထွန့်လူး လူးလှိမ့် ငိုကုန်ကြတာ။ ခုနက ပြောတဲ့ Dead Man Walking “သေရတော့မဲ့ လူ လာနေပြီ”ဆိုတာက၊ သူတို့ဆီမှာ သူ တို့ဥပဒေအရ သေမိန့်ချထားခံရပြီးသား လူတွေပဲ။ ဒီမှာက သေမိန့်မဟုတ်ပဲနဲ့ သေမိန့်ကျနေတဲ့ အကျဉ်းသား တွေ ဖြစ်နေကြရတာ ကျနော်တို့ နိုင်ငံမှာ……..။

ဦးရော်နီညိမ်း။ ။ မြန်မာနိုင်ငံက နိုင်ငံရေးအကျဉ်းသားများ ပြစ်မှုဆိုင်ရာအကျဉ်းသားများ - အပိုင်း (၃)ကို တော့၊ နောက်သီတင်းပတ် စနေနေ့မနက်ခင်းနဲ့ ညနေခင်းတွေမှာ၊ ဆက်ပြီး ထုတ်လွှင့်ပေးသွားပါမယ်။ စောင့်မျှော် နားဆင်ကြပါ။

နားဆင်ရန်

source by : http://www.voanews.com

... ပြန်ခေါက်ထားပါ

အပြည့်အစုံ ဖတ်ရန် ...

ဒေါ်စုနဲ့ ၀န်ကြီး ဦးအောင်ကြည် တနာရီကျော်ကြာ ဆွေးနွေး

ဒေါ်အောင်ဆန်းစုကြည်နှင့် မြန်မာအစိုးရ ၀န်ကြီး ဦးအောင်ကြည်တို့  တွေ့ဆုံ ဆွေးနွေးအပြီး သတင်းထုတ်ပြန်ချက် ဖတ်ပြနေစဉ်။
ဓာတ်ပုံ ASSOCIATED PRESS
ဒေါ်အောင်ဆန်းစုကြည်နှင့် မြန်မာအစိုးရ ၀န်ကြီး ဦးအောင်ကြည်တို့ တွေ့ဆုံ ဆွေးနွေးအပြီး သတင်းထုတ်ပြန်ချက် ဖတ်ပြနေစဉ်။ ဇူလိုင်လ ၂၅၊ ၂၀၁၁။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ မြန်မာအစိုးရသစ်ရဲ့ အလုပ်သမား ၀န်ကြီးဌာန ပြည်ထောင်စုဝန်ကြီး ဦးအောင်ကြည်တို့ ဒီနေ့ တနင်္လာနေ့ နေ့လယ်က ရန်ကုန် စိမ်းလဲ့ကန်သာ ဧည့်ရိပ်သာမှာ မိနစ် ၇၀ ကြာ တွေ့ဆုံ ဆွေးနွေးခဲ့ပါတယ်။ ဒီတွေ့ဆုံမှုဟာ အပြုသဘောဆောင်ပြီး နှစ်ဘက် ကျေနပ် ၀မ်းမြောက်ကြောင်း ဆွေးနွေးပွဲ အပြီးမှာ သတင်းထောက်တွေကို ဦးအောင်ကြည်က ပြောကြားခဲ့ပါတယ်။ ဒါ့အပြင် ပြည်သူလူထု စိတ်ချမ်းသာရေးအတွက် ပူးပေါင်းဆောင်ရွက်ဖို့ အခွင့်အလမ်းတွေကို ဆွေးနွေးခဲ့ကြသလို နောက်ထပ် တွေ့ဆုံဖို့ ရှိကြောင်းလည်း ပြောပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

မြန်မာနိုင်ငံမှာ စစ်အစိုးရ အုပ်ချုပ်မှုကနေ အရပ်သား အစိုးရအဖြစ် ပြောင်းလဲ အုပ်ချုပ်လာခဲ့ပြီးနောက် ၄ လနီးပါး အကြာမှာ အစိုးရသစ် အဖွဲ့ရဲ့ အလုပ်သမားဝန်ကြီး ဦးအောင်ကြည်ဟာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ ပထမဆုံး အကြိမ်အဖြစ် တွေ့ဆုံခဲ့တာပါ။ အမျိုးသား ဒီမိုကရေစီ အဖွဲ့ချုပ် ပြောခွင့်ရ ဦးအုန်းကြိုင်က ဒီတွေ့ဆုံမှုနဲ့ ပတ်သက်ပြီး အခုလို ပြောပါတယ်။

“အထွေထွေ အတွင်းရေးမှူး ဒေါ်အောင်ဆန်းစုကြည်က အစိုးရ အဖွဲ့ဝင် အလုပ်သမား ၀န်ကြီးဌာနနဲ့ လူမှုဝန်ထမ်းဝန်ကြီး ဦးအောင်ကြည်နဲ့ ဒီနေ့ နေ့လယ် ၁ နာရီက ရန်ကုန်မြို့ တက္ကသိုလ်ရိပ်သာလမ်းရှိ စိမ်းလဲ့ကန်သာ အစိုးရ ဧည့်ဂေဟာမှာ တွေ့ဆုံ ဆွေးနွေးပါတယ်။ ဆွေးနွေးချက် အသေးစိတ်ကိုတော့ နှစ်ဘက်စလုံးက ထုတ်ပြန်ကြေညာခြင်း မရှိပါဘူး။”

ဆွေးနွေးပွဲ အပြီးမှာ ၀န်ကြီး ဦးအောင်ကြည်က သတင်းမီဒီယာတွေကို သတင်းထုတ်ပြန်ချက် ဖတ်ပြခဲ့ပါတယ်။

“ပြည်ထောင်စု သမ္မတ မြန်မာနိုင်ငံတော် အစိုးရ၏ ဖိတ်ကြားချက်အရ ဒေါ်အောင်ဆန်းစုကြည်သည် စိမ်းလဲ့ကန်သာ အစိုးရ ဧည့်ဂေဟာတွင် ပြည်ထောင်စုဝန်ကြီး ဦးအောင်ကြည်အား ၂၀၁၁ ခုနှစ်၊ ဇူလိုင်လ ၂၅ ရက် မွန်းလွဲ ၁ နာရီမှ ၂ နာရီ ၁၀ မိနစ်အထိ လာရောက်တွေ့ဆုံခဲ့ပါသည်။ ဤသို့ တွေ့ဆုံမှုအတွက် နှစ်ဘက်စလုံးက အပြုသဘော ရှုမြင်ကြပြီး ကျေနပ်အားရမှု ရှိကြပါသည်။ ပြည်သူလူထု ကိုယ်စိတ်နှစ်ပါး ချမ်းသာစေရေးအတွက် နှစ်ဘက် ပူးပေါင်း ဆောင်ရွက်နိုင်မည့် အခွင့်အလမ်းများကို ဆွေးနွေးခဲ့ကြပါသည်။

“ထိုသို့ ဆွေးနွေးရာတွင် တရားဥပဒေ စိုးမိုးရေးကိစ္စ၊ စိတ်ဝမ်းကွဲပြားမှု ပပျောက်ရေး ကိစ္စနှင့် အများပြည်သူ အကျိုးဖြစ်ထွန်းစေမည့် ကိစ္စတို့လည်း အပါအ၀င် ဖြစ်ပါသည်။ သင့်လျော်သောရက်တွင် ထပ်မံ တွေ့ဆုံ ဆွေးနွေးရန်ကိုလည်း သဘောတူကြပါသည်။”

အစိုးရသစ်အဖွဲ့ရဲ့ ထိပ်ပိုင်း ခေါင်းဆောင်တဦးဖြစ်တဲ့ ၀န်ကြီး ဦးအောင်ကြည်ဟာ အရင် စစ်အစိုးရလက်ထက် ၂၀၀၇ ခုနှစ်ကစပြီး ဆက်ဆံရေးဝန်ကြီးအဖြစ် ဒေါ်အောင်ဆန်းစုကြည်နဲ့ ၉ ကြိမ်တိုင်တိုင် တွေ့ဆုံခဲ့ပါတယ်။ ဒါပေမဲ့ သိသာ ထင်ရှားတဲ့ရလဒ် တခုမှ ထွက်ပေါ်လာတာမျိုး မရှိတဲ့အတွက် ပြည်တွင်း ပြည်ပ ဝေဖန်မှုတွေ ရှိခဲ့ပါတယ်။

အခု စစ်အစိုးရ အုပ်ချုပ်မှုကနေ အရပ်သား အစိုးရအဖြစ် ပြောင်းလဲအုပ်ချုပ်ခဲ့တဲ့နောက် ပြုလုပ်တဲ့ ဒီတွေ့ဆုံပွဲအတွက် အပြောင်းအလဲနဲ့ ပတ်သက်ပြီး ရိုက်တာသတင်းဌာနရဲ့ မေးမြန်းချက်ကိုတော့ အရင်တွေ့ဆုံမှုတွေထက် ပိုပြီးကောင်းတဲ့ရလဒ် ဖြစ်လာမယ်လို့ မျှော်လင့်ထားကြောင်း ၀န်ကြီး ဦးအောင်ကြည်က ဖြေကြားခဲ့တယ်လို့ ရိုက်တာ သတင်းဌာနက ဦးအောင်လှထွန်းက ပြောပါတယ်။

“သူဖြေတာကတော့ အရင် ၉ ကြိမ် တွေ့တာမှာ လုံးဝ Tangible Result မဖြစ်ဘူးလို့ ပြောလို့မရပါဘူးတဲ့။ အထိုက်အလျောက် အကျိုးကျေးဇူး ရှိပါတယ်တဲ့။ အခု ဒီတခါ တွေ့ဆုံမှုမှာတော့ အရင်ရလဒ်ထက် ပိုမိုကောင်းမွန်တဲ့ရလဒ် ဖြစ်လာလိမ့်မယ်လို့ ကျနော် မျှော်လင့်ပါတယ်။”

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ လက်ရှိ အစိုးရသစ်အဖွဲ့က ၀န်ကြီးတဦးဖြစ်တဲ့ ဦးအောင်ကြည်တို့ရဲ့ အခု တွေ့ဆုံချိန်ဟာလည်း ထူးခြားမှု ရှိနေတယ်လို့ အများက သတ်မှတ်ကြပါတယ်။

ဒေါ်အောင်ဆန်းစုကြည် နယ်စည်းရုံးရေး ခရီးစဉ်အတွက် အစိုးရမှာ တာဝန်ရှိတယ်လို့ ဇွန်လထဲမှာ အမေရိကန် အထက်လွှတ်တော်အမတ် ဂျွန်မက်ကိန်း (John McCain) က မြန်မာနိုင်ငံကို လာရောက်ရင်း ပြောဆိုခဲ့တဲ့နောက်ပိုင်း ဒေါ်အောင်ဆန်းစုကြည်နဲ့ NLD ပါတီရဲ့ နိုင်ငံရေး လှုပ်ရှားမှုတွေနဲ့ ပတ်သက်ပြီး အစိုးရသစ် အဖွဲ့ရဲ့ ပြည်ထဲရေးဝန်ကြီးက သတိပေးခဲ့တာ တွေ့ရပါတယ်။ ဒေါ်အောင်ဆန်းစုကြည်ကလည်း ကိုယ်ရေးကိုယ်တာ ဘုရားဖူး ခရီးစဉ်အဖြစ် ပုဂံကို သွားရောက်ခဲ့ပြီး သူ့ရဲ့ လွတ်လပ်ခွင့်ရမှု ဘောင်အတိုင်းအတာကို စမ်းသပ်ခဲ့ပါတယ်။

စနေနေ့ကမှ အင်ဒိုနီးရှားနိုင်ငံ ဘာလီကျွန်းမှာ အာဆီယံနဲ့ ဒေသတွင်း လုံခြုံရေး အစည်းအဝေးကနေ အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ကလည်း မြန်မာအစိုးရသစ်ကို တွေ့ဆုံ ဆွေးနွေးရေးတွေလုပ်ပြီး ထင်ရှားတဲ့ တိုးတက်မှုတွေ ပြဖို့အတွက် တောင်းဆိုခဲ့ပါတယ်။

တဆက်တည်းမှာပဲ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း ဒီကနေ့ သူ ဦးအောင်ကြည်နဲ့ တွေ့ဆုံခဲ့မှုနဲ့ ပတ်သက်ပြီး အခုလို ပြောဆိုခဲ့ပါသေးတယ်။

“ကျမတို့ကလည်း တိုင်းပြည်အတွက် အကျိုးဖြစ်စေမယ့် ရလဒ်ကိုပဲ မျှော်လင့်ပါတယ်။ ဘာပဲလုပ်လုပ်၊ ဘာစကားပဲပြောပြော၊ ဘယ်သူနဲ့ပဲတွေ့တွေ့ ကျမတို့ရဲ့ ရည်ရွယ်ချက်ကတော့ နိုင်ငံနဲ့ ပြည်သူပြည်သားများကို အကျိုးပြုဖို့ပါပဲ။ အဲဒါကိုလည်း ကျမတို့ မျှော်လင့်ပါတယ်။”

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ဒီနေ့ ဦးအောင်ကြည်နဲ့ တွေ့ဆုံပြီးနောက် ပြောဆိုခဲ့တာ ဖြစ်ပါတယ်။

အပြည့်အစုံ ဖတ်ရန် ...