Saturday, September 11, 2010

ဗိ်ုလ်ချုပ်မှူးကြီးသန်းရွှေ တရုတ်ခရီးစဉ် အဆုံးသတ်

RFA | တရုတ်နိုင်ငံကို ၅ ရက်ကြာခရီး ရောက်ရှိနေတဲ့ မြန်မာ စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေဟာ ဒီကနေ့ ခရီးစဉ် အဆုံးသတ်အဖြစ် တရုတ်ပြည်တောင်ပိုင်း ဆိပ်ကမ်းမြို့ဖြစ်တဲ့ ရှန်ဇင်းမြို့ကို ရောက်ရှိခဲ့တယ်လို့ တရုတ်အစိုးရသတင်းတွေမှာ ဖော်ပြပါတယ်။

ဗိုလ်ချုပ်မှူးကြီးသန်းရွှေ အကြောင်း ဘင်နဒစ် ရောဂျားစ် ရေးသားပြုစုသော မြန်မာအာဏာရှင်၏ မျက်နှာဖုံးကို ခွာချခြင်း (Than Shwe: Unmasking Burma's Tyrant) စာအုပ် မျက်နှာဖုံးပုံ ဖြစ်ပါသည်။ (Image: RFA)

မြန်မာစစ်အစိုးရခေါင်းဆောင်ဟာ ရှန်ဇင်းမြို့က စက်မှုဇုံကို သွားရောက်ဖို့ရှိပြီး တရုတ်နိုင်ငံရဲ့ ပြုပြင်ပြောင်းလဲမှုတွေနဲ့ တခါးဖွင့်ဝါဒ ကျင့်သုံးခဲ့တာတွေကို လေ့လာမယ်လို့ ဒီကနေ့ထုတ် တရုတ်အစိုးရသတင်းစာ ပြည်သူ့နေ့စဉ်က ရေးသားပါတယ်။

ဗိုလ်ချုပ်မှူးကြီးသန်းရွှေဟာ မနေ့က တရုတ်နိုင်ငံရဲ့ စီးပွားရေးမြို့တော်ဖြစ်တဲ့ ရှန်ဟိုင်းကို ရောက်ရှိခဲ့ပြီး ၂ နိုင်ငံအကြား ကုန်သွယ်ရေးနဲ့ စီးပွားရေး ပူးပေါင်းဆောင်ရွက်နိုင်မယ့် အလားလာတွေကို လေ့လာ ခဲ့တယ်လို့လည်း ဆိုပါတယ်။

ဗိုလ်ချုပ်မှူးကြီးသန်းရွှေဟာ ဘေကျင်းမြို့တော်မှာ တရုတ်သမ္မတ အပါအ၀င် တရုတ်ထိပ်တန်း ခေါင်းဆောင်တွေနဲ့ တွေ့ဆုံခဲ့ပြီး ကြာသပတေးနေ့က ရှန်ဟိုင်းမြို့ကို ရောက်ရှိခဲ့ပါတယ်။ တရုတ်ခေါင်းဆောင်ပိုင်းနဲ့ တွေ့ဆုံရာမှာ မြန်မာနိုင်ငံမှာ ရွေးကောက်ပွဲပြီးလို့ အစိုးရသစ် တက်လာရင်လည်း တရုတ်နိုင်ငံနဲ့ ဆက်ဆံရေး ပြောင်းလဲမှာမဟုတ်ဘူးလို့ ပြောခဲ့ပါတယ်။

တချိန်တည်းမှာ တရုတ် ကွန်မြူနစ်ပါတီ ဗဟိုဦးစီးအဖွဲ့ အတွင်းရေးမှူးချုပ်ရုံး အဖွဲ့ဝင်နဲ့ ကွန်မြူနစ်ပါတီ စည်းကမ်းထိန်းသိမ်းရေး ဗဟိုကော်မရှင် ဒုတိယအတွင်းရေးမှူး ဟီယောင်ဟာ မြန်မာနိုင်ငံနဲ့ နီပေါနိုင်ငံတွေကို ဒီကနေ့ ချစ်ကြည်ရေးခရီး ထွက်ခွာသွားတယ်လို့ တရုတ်အစိုးရပိုင် ဆင်ဟွာသတင်းဌာနက ထုတ်ပြန်ပါတယ်။

မြန်မာစစ်အစိုးရ ချစ်ကြည်ရေးအဖွဲ့အနေနဲ့ တရုတ်ခရီးစဉ်အတွင်း စီးပွားရေးကိစ္စတွေထက် တခြား နိုင်ငံရေး စစ်ရေးကိစ္စတွေကို အလေးအနက်ထား ဆွေးနွေးခဲ့ဖွယ် ရှိတယ်လို့ လေ့လာသူတွေက ဆိုပါတယ်။

ဒီအကြောင်း အာအက်ဖ်အေ ၀ိုင်းတော်သား ကိုဝင်းနိုင်က စုစည်း တင်ပြထားပါတယ်။

နားဆင်ရန်

source by :http://www.rfa.org

အပြည့်အစုံ ဖတ်ရန် ...

ရွေးကောက်ပွဲ သပိတ်မှောက်ရေး လှုံ့ဆော်မှု စစ်အစိုးရရှုတ်ချ

VOA | မြန်မာနိုင်ငံမှာ နိုဝင်ဘာလ ၇ ရက်နေ့ကျရင် ကျင်းပမယ့် ရွေးကောက်ပွဲမှာ မဲမထည့်ဝင်ကြဖို့ လှုံ့ဆော်နေသူတွေကို စစ်အစိုးရ သတင်းစာတွေက ရှုတ်ချသွားပါတယ်။ ပြည်သူတွေဟာ ရွေးကောက်ပွဲမှာ မဲမပေးဘူးဆိုရင် တာဝန်မဲ့ရာ ရောက်တယ်လို့ သတင်းစာတွေထဲမှာ ရေးထားပါတယ်။ အထိန်းသိမ်းခံမြန်မာ့ ဒီမိုကရေဒီ ခေါင်းဆောင် ဒေါ်အောင်ဆန်းစုကြည်ကတော့ ပြည်သူတွေ မဲမပေးချင်ရင် မဲမပေးပဲ နေနိုင်ခွင့်ရှိတယ်လို့ ပြောထားပါတယ်။

၂၀၀၈ ခုနှစ်ကအတည်ပြုပြဌာန်းခဲ့တဲ့ အခြေခံဥပဒေပါ ဒီမိုကရေစီ နည်းလမ်းမကျတဲ့အချက်တွေနဲ့ မျှတမှုမရှိတဲ့ တခြား ကန့်သတ်ချက်တွေကြောင့် ရွေးကောက်ပွဲမ၀င်ဘူးဆိုပြီး အမျိုးသားဒီမိုကရေစီအဖွဲ့ချုပ် NLD က ပါတီအဖြစ် မှတ်ပုံမတင်ဖို့ ဒီနှစ်အစောပိုင်းမှာ ဆုံးဖြတ်ခဲ့ပါတယ်။ မြန်မာအစိုးရကတော့ ပြည်သူတွေ မဲမပေးအောင် နှောက်ယှက် လုပ်ဆောင်သူတွေကို ထောင်ဒါဏ်ချမယ်၊ ဒဏ်ရိုက်မယ်လို့ သတိပေးထားပါတယ်။

နိုဝင်ဘာလ ၇ ရက်နေ့ ရွေးကောက်ပွဲမှာ အမျိုးသားလွှတ်တော်အတွက် ၄၉၈ နေရာကို ရွေးချယ်ရမှာဖြစ်ပြီး ပြည်သူ့ လွှတ်တော်အတွက် နေရာပေါင်း ၆၆၄ နေရာကို ရွေးချယ်ရမှာ ဖြစ်ပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ရွေးကောက်ပွဲအား သပိတ်မှောက်ခြင်း

တတိယလှိုင်းဒီမိုကရေစီအသွင်ကူးပြောင်းရေး လှုပ်ရှားမှုတွေ ကမ္ဘာတ၀ှမ်းမှာ ကျယ်ကျယ်ပြန့်ပြန့် ထွက်ပေါ်လာပြီး နောက်ပိုင်းမှာ လှုပ်ရှားမှုခေါင်းဆောင်တွေက ဦးစီးကျင်းပတဲ့ ရွေးကောက်ပွဲတွေ၊ နိုင်ငံတကာအဖွဲ့အစည်းတွေက ဦးစီးကျင်းပတဲ့ ရွေးကောက်ပွဲတွေနဲ့ အာဏာရှင်တွေက ဦးစီးကျင်းပတဲ့ ရွေးကောက်ပွဲတွေ ဆိုပြီး ရွေးကောက်ပွဲအမျိုးမျိုးက အသွင်သဏ္ဍာန်မျိုးစုံနဲ့ ပေါ်ထွက်လာခဲ့ပါတယ်။ ရွေးကောက်ပွဲတွေ အများအပြား ပေါ်ထွက်လာတာနဲ့အမျှ ဒီရွေးကောက်ပွဲတွေရဲ့ တရားမျှတမှုရှိမရှိ၊ လွတ်လပ်မှုရှိမရှိ စတဲ့ အချက်တွေပေါ်မှာ အခြေခံပြီး ရွေးကောက်ပွဲကို ဆန့်ကျင်သပိတ် မှောက်မှုတွေလဲ ပေါ်ထွက်လာပြန်ပါတယ်။ ဒီလိုပေါ်ထွက်လာတာနဲ့ ပတ်သက်ပြီး နိုင်ငံရေးပါတီတွေက ဘာကြောင့် ရွေးကောက်ပွဲတွေကို သပိတ်မှောက်ကြသလဲ၊ သပိတ်မှောက်ရာမှာ ဘယ်လိုသပိတ် အမျိုးအစားတွေကို ပြုလုပ်ကြသလဲ၊ သပိတ်မှောက်ခြင်းရဲ့ အကျိုးဆက်က ဘာတွေလဲ၊ ရွေးကောက်ပွဲသပိတ်ဟာ ထိရောက်မှု ရှိနိုင်ပါသလား ဆိုတဲ့ မေးခွန်းတွေကလဲ လူအများကြားမှာ သုံးသပ်ဆွေးနွေးစရာ ဖြစ်လာပြန်ပါတယ်။

ရွေးကောက်ပွဲအား သပိတ်မှောက်ရခြင်းအကြောင်းရင်းများ

၂၁ ရာစု မတိုင်မီကာလက နိုင်ငံရေးပါတီတွေနဲ့ နိုင်ငံရေးအဖွဲ့အစည်းတွေ ရွေးကောက်ပွဲ သပိတ်မှောက်ရခြင်း အကြောင်းရင်းတွေကို ပညာရှင်တွေက သုံးသပ်လေ့လာကြရာမှာ အကြောင်းရင်းနှစ်ချက်ကို တွေ့ရှိခဲ့ကြပါတယ်။ ပထမတချက်က နိုင်ငံရေးတည်ငြိမ်မှု အားနည်းချက် (Lack of Political Stability) ဖြစ်ပြီး၊ ဒုတိယအချက်ကတော့ ပါတီစနစ် အင်စတီကျူရှင်းနာလိုင်းဇေးရှင်း အားနည်းချက် (Lack of Party system institutionalization) တို့ ဖြစ်ပါတယ်။ ၂၁ ရာစုထဲ ရောက်လာတဲ့အခါမှာတော့ ရွေးကောက်ပွဲတရားမျှတမှု မရှိခြင်း (electoral unfairness) က ပိုပြီး ရေပန်းစားလာခဲ့ပါတယ်။ အချို့ကလဲ နိုင်ငံရေးပါတီတွေ ရွေးကောက်ပွဲသပိတ်မှောက်ရခြင်း အကြောင်းရင်းဟာ တရားမျှတမှုမရှိခြင်းကြောင့် တခုတည်း မဟုတ်ပဲ ရွေးကောက်ပွဲဝင်ပြိုင်တဲ့အခါ သေချာပေါက် အရှုံးပေါ်ခြင်း (Certain Loss) ကို ရင်မဆိုင်လိုခြင်းကြောင့်လိုလဲ ဆိုကြပါတယ်။

လက်တင်အမေရိကတိုက်က ရွေးကောက်ပွဲ သပိတ်တွေရဲ့ ပါတီစနစ် အင်စတီ ကျူရှင်နာလိုင်းဇေးရှင်းကို လေ့လာခဲ့တဲ့ Mainwaring နဲ့ Scully တို့ကတော့ ရွေးကောက်ပွဲသပိတ်တွေဟာ ရွေးကောက်ပွဲကျင်းပတဲ့ အစိုးရရဲ့ တရားဝင်မှု (legitimacy) ကို တိုက်ရိုက် စိန်ခေါ်ချက်တွေဖြစ်ကြောင်း ရေးသားဖော်ပြခဲ့ပါတယ်။ အတိုက်အခံ နိုင်ငံရေးပါတီတွေအနေနဲ့ ရွေးကောက်ပွဲမှာ ၀င်ရောက်ယှဉ်ပြိုင်ပြီး အနိုင်ယူခြင်းထက် ရွေးကောက်ပွဲရဲ့ တရားဝင်မှုကိုသာ မေးခွန်းထုတ်စိန်ခေါ်မှု ပြုလုပ်ခြင်း ဖြစ်တဲ့ inchoate party systems ကို အသုံးပြုတာ ဖြစ်ပါတယ်။ သို့ပေမယ့်လဲ အတိုက်အခံပါတီတွေအနေနဲ့ ရွေးကောက်ပွဲတရားဝင်မှုကို မေးခွန်းထုတ်စိန်ခေါ်မှု ပြုလုပ်ရခြင်းဟာ ရွေးကောက်ပွဲ တရားမျှတမှု မရှိခြင်းကြောင့်လား၊ နိုင်ငံရေးမတည်ငြိမ်မှုကြောင့် ပေါ်ပေါက်လာတဲ့ reflexive reaction ကြောင့်လား၊ သေချာပေါက် ဖြစ်နိုင်ချေ အရှုံးကြောင့်လား ဆိုတာကိုတော့ သူတို့ရဲ့ ရေးသားချက်တွေထဲမှာ ဆန်းစစ်ထားခြင်း မရှိခဲ့ပါဘူး။

အာဖရိကတိုက် ရွေးကောက်ပွဲသပိတ်မှောက်မှုတွေကို လေ့လာခဲ့တဲ့ Michael Bratton ကတော့ အာဖရိကတိုက်မှာ ရွေးကောက်ပွဲသပိတ်မှောက်မှုတွေ ပေါ်ထွက်လာခြင်းနဲ့ ဒုတိယအကြိမ်ရွေးကောက်ပွဲတွေ ထပ်မံ ကျင်းပရခြင်းဟာ ရွေးကောက်ပွဲတရားမျှတမှု မရှိခြင်း (electoral unfairness) နဲ့ ပိုပြီး ဆက်စပ်တယ်လို့ ဆိုထားခဲ့ပါတယ်။ အစိုးရကျင်းပတဲ့ ရွေးကောက်ပွဲတွေမှာ အမှန်တကယ် မဲခိုးလိမ်လည်မှုတွေ ရှိလာတဲ့ အခါမှာ ရွေးကောက်ပွဲရလဒ်ကို ဆန့်ကျင်သပိတ်မှောက်ပြီး ဒုတိယအကြိမ် ရွေးကောက်ပွဲထပ်မံကျင်းပဖို့ တောင်းဆိုမှုတွေ ပေါ်ထွက်လာတတ်တာတွေ ရှိသလို၊ အစိုးရက မဲခိုးမဲလိမ်နိုင်ဖွယ်ရှိတယ်လို့ ယူဆလာကြတဲ့ အခါမှာလဲ ရွေးကောက်ပွဲတွေကို ကြိုတင်ဆန့်ကျင် သပိတ်မှောက်မှုတွေ ရှိလာနိုင်ကြောင်း ရေးသားဖော်ပြခဲ့ပါတယ်။ အာဖရိကတိုက် ရွေးကောက်ပွဲ (၅၃) ခုကို လေ့လာခဲ့တဲ့ Lindberg ဆိုသူကလဲ ရွေးကောက်ပွဲတွေမှာ အတိုက်အခံနိုင်ငံရေး ပါတီတွေ ပါဝင်မှုဟာ လွတ်လပ်၍ တရားမျှတသော ရွေးကောက်ပွဲ ဖြစ်နိုင်ခြင်း ရှိမရှိ ဆိုတဲ့ အချက်အပေါ် ဆန်းစစ်သုံးသပ်မှုတွေနဲ့ သက်ဆိုင်ကြောင်း လေ့လာတွေ့ရှိခဲ့ပါတယ်။

အခြားတဘက်မှာလဲ အချို့ နိုင်ငံရေးပညာရှင်တွေက ရွေးကောက်ပွဲ သပိတ်မှောက်မှုတွေ ပေါ်ထွက်လာရခြင်းဟာ ရွေးကောက်ပွဲတရားမျှတမှုနဲ့ ပတ်သက်ဆက်စပ်မှု မရှိကြောင်း ငြင်းဆိုခဲ့ကြပြန်ပါတယ်။ Robert Pastor ဆိုသူက အတိုက်အခံနိုင်ငံရေးပါတီတွေအနေနဲ့ ရွေးကောက်ပွဲကို သပိတ်မှောက်ရခြင်းဟာ သူတို့ရဲ့ အားနည်းချက်တွေကို သိမြင်ပြီး ရွေးကောက်ပွဲမှာ အရှုံးပေါ်မှာ စိုးရိမ်ခြင်းကြောင့်လို့ အဆိုပြုခဲ့ပါတယ်။ ရွေးကောက်ပွဲရလဒ်အရှုံးကို ပြည်သူတွေဆီ ချပြလိုက်ရခြင်းထက် ရွေးကောက်ပွဲကို သပိတ်မှောက်ပြီး အစိုးရအပေါ် သံသယကြီးမားလာအောင် ပြုလုပ်ခြင်းက ပိုပြီး သိက္ခာရှိနိုင်ကြောင်း ယူဆချက်တွေကြောင့် ရွေးကောက်ပွဲသပိတ်တွေ ပေါ်ထွက်လာရတာလို့ ပညာရှင်အချို့က ရေးသားဖော်ပြခဲ့ကြပါတယ်။

ရွေးကောက်ပွဲကျင်းပတဲ့ အစိုးရတွေရဲ့ ထိပ်တန်းခေါင်းဆောင်များကလဲ အလားတူ မှတ်ချက်မျိုးကို ဖော်ပြလေ့ ရှိကြပါတယ်။ ၁၉၉၅ ခု၊ ဟေတီး ရွေးကောက်ပွဲမှာ အတိုက်အခံ နိုင်ငံရေးပါတီရဲ့ ရွေးကောက်ပွဲ သပိတ်မှောက်မှုအပေါ် အစိုးရ ထိပ်တန်းခေါင်းဆောင်များက ' အတိုက်အခံ နိုင်ငံရေးပါတီမှာ လူထုထောက်ခံမှု မရှိဘူး။ ဒါကြောင့် ရွေးကောက်ပွဲဝင်ရင် ရှုံးမယ်ဆိုတာ သိတဲ့အတွက် ရွေးကောက်ပွဲ မ၀င်ပဲ သပိတ်မှောက်တာ ဖြစ်တယ်' လို့ မှတ်ချက်ပေးခဲ့ကြပါတယ်။ ၂၀၀၅ ခုနှစ်၊ ဗင်နီဇွဲလား ရွေးကောက်ပွဲသပိတ်မှာလဲ Chavez က 'မဲခိုးတယ်ဆိုတာဘာကို ပြောတာလဲ။ အတိုက်အခံတွေဘက်မှာ လူထုရဲ့ ထောက်ခံမှု မရှိဘူးဆိုတဲ့ အမှန်တရားကို လက်ခံဖို့သင့်ပြီ။ အမှန်တရားကို လက်မခံပဲ သပိတ်မှောက်တာဟာ နိုင်ငံရေးလုပ်ကြံတာပဲ' လို့ ဆိုခဲ့ဖူးပါတယ်။

နိုင်ငံရေးပညာရှင် Beaulieu နဲ့ Hyde ကတော့ ရွေးကောက်ပွဲသပိတ်တွေဟာ နိုင်ငံတကာက အကဲခတ်လေ့လာစောင့်ကြည့်သူတွေ ရှိနေချိန်တွေမှာ ပေါ်ထွက်လာတတ်တယ်လို့ ဆိုခဲ့ပါတယ်။ တခါတရံမှာ ရွေးကောက်ပွဲ ကျင်းပတဲ့ အစိုးရဟာ နိုင်ငံတကာက စောင့်ကြည့်လေ့လာသူတွေကို ဖိတ်ကြားပြီး၊ ရွေးကောက်ပွဲတရားမျှတမှု ရှိသယောင် အပေါ်ယံဗန်းပြမှုတွေ ရှိတတ်ပါတယ်။ နောက်ကွယ်မှာတော့ ရွေးကောက်ပွဲစောင့်ကြည့်လေ့လာသူတွေ ဖော်ထုတ်လို့ မရနိုင်မယ့် overt fraud တွေကို အသုံးပြုပြီး အတိုက်အခံနိုင်ငံရေးအဖွဲ့အစည်းတွေ အရှုံးပေါ်အောင် ပြုလုပ်လာပါတယ်။ ရွေးကောက်ပွဲဆိုင်ရာ နိုင်ငံရေးပညာရပ်က ဒါကို Prudent manipulation လို့ ခေါ်ဝေါ်သတ်မှတ်ပါတယ်။ ဒီလိုနည်းလမ်းကို အစိုးရက ကျင်းပလာတဲ့အခါ အတိုက်အခံနိုင်ငံရေးပါတီတွေအနေနဲ့ အစိုးရကို overt fraud လုပ်ဆောင်ချက်တွေကို နိုင်ငံတကာ စောင့်ကြည့်လေ့လာသူတွေ သိမြင်သွားစေလိုတဲ့ ရည်ရွယ်ချက်နဲ့ ရွေးကောက်ပွဲကို သပိတ်မှောက်လေ့ရှိကြပါတယ်။

သပိတ်အမျိုးအစားများ

ရွေးကောက်ပွဲဆန့်ကျင်ရေး သပိတ်ပဲဖြစ်ဖြစ်၊ အစိုးရဆန့်ကျင်ရေးလှုပ်ရှားမှု သပိတ်ပဲဖြစ်ဖြစ်၊ ကျောင်းသား အခွင့်အရေးသပိတ်ပဲဖြစ်ဖြစ်၊ အလုပ်သမား၊ လယ်သမားအခွင့်အရေးသပိတ်ပဲ ဖြစ်ဖြစ်၊ သပိတ်မှောက်ရခြင်း ရည်ရွယ်ချက်တွေနဲ့ တောင်းဆိုချက်တွေ အမျိုးမျိုး ကွဲပြားနိုင်ပေမယ့် သပိတ်သဏ္ဍာန် အမျိုးအစားကြီး နှစ်မျိုးအပေါ်မှာပဲ မြစ်ဖျားခံလာတတ်ပါတယ်။ ပထမတမျိုးကတော့ ငြိမ်းချမ်းစွာ အကြမ်းမဖက်ရေးလမ်းစဉ်ပေါ် အခြေခံတဲ့ (Gandhian) သပိတ်အမျိုးအစား ဖြစ်ပြီး၊ ဒုတိယသပိတ် အမျိုးအစားကတော့ လူထုလှုပ်ရှားမှုသပိတ်တွေမှာ လက်နက်အင်အားကို ပေါင်းစပ်အသုံးပြုတဲ့(Fearonian)သပိတ်အမျိုးအစားပဲဖြစ်ပါတယ်။

Gandhian သပိတ်အမျိုးအစားကို လက်နက်ကိုင်တော်လှန်ရေးအင်အားအသုံးပြုမှုမရှိတဲ့ အတိုက်အခံတွေက သုံးစွဲလေ့ရှိပါတယ်။ ရွေးကောက်ပွဲသပိတ်တွေမှာ Gandhianသပိတ်အမျိုးအစားကို ဦးဆောင်ဆင်နွှဲတဲ့ နိုင်ငံရေးပါတီတွေက ပြည်တွင်းမဲပေးမယ့် ပြည်သူလူထုနဲ့ ပြည်ပနိုင်ငံတကာ အသိုင်းအ၀ိုင်းက လူတွေရဲ့ မျက်လုံးမှာ ရွေးကောက်ပွဲကျင်းပမယ့် အစိုးရနဲ့ ရွေးကောက်ပွဲကို တရားမ၀င်သူတွေအနေနဲ့ မြင်သွားစေရေးကိုပဲ ဦးစားပေးလုပ်ပါတယ်။ ဒီလိုလုပ်ခြင်းအားဖြင့် သူတို့ပါတီရဲ့ နိုင်ငံရေးပန်းတိုင်ရောက်ရှိရေးကို ပြည်သူလူထုနဲ့ နိုင်ငံတကာအသိုင်းအ၀ိုင်းက ကူညီဆောင်ကျဉ်း ပေးသွားမယ်လို့ မျှော်လင့်ထားကြပါတယ်။ အတိုက်အခံနိုင်ငံရေးပါတီအနေနဲ့ ရွေးကောက်ပွဲကို သပိတ်မှောက်ခြင်းအပေါ်မှာ ပြည်သူလူထုက အားပေးထောက်ခံပြီး မဲမပေးပဲ နေခြင်း၊ ရွေးကောက်ပွဲကို ဆန့်ကျင်ခြင်းတွေ ပြုလုပ်လာမယ်လို့ ယူဆထားကြပါတယ်။ နိုင်ငံတကာအသိုင်းအ၀ိုင်းအနေနဲ့လဲ ရွေးကောက်ပွဲကို အသိအမှတ်မပြုပဲ သံတမန်ရေးရာ ဖိအားတွေ ပြုလုပ်လာမယ်လို့ ယူဆထားကြပါတယ်။

လက်နက်ကိုင်တော်လှန်ရေးအင်အားနဲ့ အမာခံလူထုအင်အား ပြည့်စုံတောင့်တင်းတဲ့ နိုင်ငံရေးပါတီတွေကတော့ Fearonian သပိတ်အမျိုးအစားကို အသုံးပြုပါတယ်။ သပိတ်စုံ၊ သူပုန်ထနည်းလမ်းတွေကို အသုံးပြုပြီး လက်နက်ကိုင်တော်လှန်ရေးနဲ့ လူထုတိုက်ပွဲကို ပေါင်းစပ်အသုံးပြုပါတယ်။ Gandhian သပိတ်ခေါင်းဆောင်တွေနဲ့ မတူတဲ့ အချက်ကတော့ Fearonian သပိတ်ခေါင်းဆောင်တွေက ရွေးကောက်ပွဲ legitimacy ကို စိန်ခေါ်ပြီး၊ လူထုနဲ့ နိုင်ငံတကာက သူ့ အလိုလို အကူအညီပေးလာမယ့် အချိန်ကို ထိုင်စောင့်နေသူများ မဟုတ်ပါဘူး။ ရွေးကောက်ပွဲသပိတ်နဲ့ ပတ်သက်တဲ့ တောင်းဆိုချက်တွေကို အစိုးရဘက်က မလိုက်လျောရင် အစိုးရကို ဖြုတ်ချနိုင်မယ့် တော်လှန်ရေးလှုပ်ရှားမှုတွေအတွက်ကိုပါ ကြိုတင်ပြင်ဆင်တည်ဆောက်ပြီး စုဖွဲ့လေ့ရှိပါတယ်။ လူထုတရပ်လုံးပါဝင်လာမယ့် ရွေးကောက်ပွဲ ဆန့်ကျင်ရေး လူထုလှုပ်ရှားမှုကြီးတွေကို ဖော်ဆောင်နိုင်ဖို့ ကြိုးပမ်းလေ့ရှိပါတယ်။ အစိုးရရဲ့ အုပ်ချုပ်ရေးယန္တရားကို ပျက်ယွင်းစေနိုင်မယ့် အင်အားကို စုစည်းပြီးမှ အစိုးရရဲ့ တရားဝင်မှု ကို စိန်ခေါ်ခြိမ်းချောက်တာ ဖြစ်ပါတယ်။

ရွေးကောက်ပွဲသပိတ်နဲ့ ပတ်သက်ပြီး နောက်ထပ်ခွဲခြားမှု သဏ္ဍာန်တမျိုးကတော့ သပိတ်ကြီး (Major boycott) နဲ့ သပိတ်ငယ် (Minor boycott) ကွဲပြားမှု ဖြစ်ပါတယ်။ ရွေးကောက်ပွဲသပိတ်မှာ အတိုင်အခံနိုင်ငံရေးပါတီကြီးအပါအ၀င် အတိုက်အခံ အင်အားစုအများက ပါဝင်တယ်ဆိုရင် ဒါကို သပိတ်ကြီးလို့ ခေါ်ဆိုနိုင်ပါတယ်။သပိတ်ကြီးမှာ များသောအားဖြင့် အတိုက်အခံ နိုင်ငံရေးပါတီကြီးတခုအပါအ၀င် နိုင်ငံရေးပါတီငယ်များ၊ အဖွဲ့အစည်းများ ပူးပေါင်းပါဝင်လေ့ရှိပေမယ့် နိုင်ငံရေးအဖွဲ့အစည်းအားလုံးက ညီညီညွတ်ညွတ် စုပေါင်းဆင်နွှဲတဲ့ (Unified opposition election boycott) ကတော့ အတော်ရှားပါတယ်။ နိုင်ငံရေးအဖွဲ့အစည်းကြီးတွေ အားလုံးက သပိတ်မှောက်ရေးကို သဘောတူညီခဲ့ရင်တောင် အစိုးရရဲ့ အာဏာစက်ကို မလွန်ဆန်နိုင်တဲ့ ပါတီငယ်လေးတွေနဲ့ နိုင်ငံရေးသမားတွေက ရွေးကောက်ပွဲမှာ ပါဝင်ယှဉ်ပြိုင်နေဦးမှာ ဖြစ်လို့ပါပဲ။ တကယ်လို့ နိုင်ငံရေးပါတီငယ်လေးတွေနဲ့ တဖွဲ့စီပျံ့ကျဲနေတဲ့ နိုင်ငံရေးအဖွဲ့အစည်းတွေက ရွေးကောက်ပွဲကို သပိတ်မှောက်တာဆိုရင်တော့ ဒါကို သပိတ်ငယ်လို့ သတ်မှတ်လေ့ရှိပါတယ်။

၁၉၉၀ နောက်ပိုင်းကာလ ကမ္ဘာတ၀ှမ်းမှာ ပေါ်ပေါက်ခဲ့တဲ့ ရွေးကောက်ပွဲသပိတ်တွေမှာ ဒီလို ကွဲပြားတဲ့ သပိတ်အမျိုးအစားသဏ္ဍာန်တွေကို တွေ့ရှိနိုင်မှာ ဖြစ်ပါတယ်။ (၁၉၉၀) မှာ ဖြစ်ပွားခဲ့တဲ့ အီဂျစ်ရွေးကောက်ပွဲသပိတ်နဲ့ ၁၉၈၃ ခုနှစ်မှာ ဖြစ်ပွားခဲ့တဲ့ ဂျမေကာ ရွေးကောက်ပွဲသပိတ်တွေမှာ အတိုက်အခံနိုင်ငံရေးပါတီအများစုက ရွေးကောက်ပွဲမှာ ၀င်ရောက်ယှဉ်ပြိုင်ရေးကို ငြိမ်းချမ်းစွာနဲ့ပဲ ငြင်းဆန်ခဲ့ကြတဲ့အတွက် Major, Gandhian သပိတ် အမျိုးအစား အဖြစ် သတ်မှတ်နိုင်ပါတယ်။ (၁၉၉၃) ခုနှစ်မှာ ကျင်းပခဲ့တဲ့ ပါကစ္စတန်ရွေးကောက်ပွဲကို MOM က သပိတ်မှောက်မှုကိုတော့ Minor, Gandhian သပိတ်အမျိုးအစား အဖြစ်ပဲ သတ်မှတ်နိုင်ပါတယ်။ အရွယ်အစားနဲ့ လူအင်အားအရ ကြီးမားပေမယ့် ရွေးကောက်ပွဲသပိတ်မှောက်မှုမှာ တနိုင်ငံလုံးအရေးကို တောင်းဆိုခြင်းမရှိပဲ အုပ်စုတစုအခွင့်အရေးကိုသာ တောင်းဆိုခဲ့တာကြောင့် သပိတ်ကြီးလို့ သတ်မှတ်လို့ မရနိုင်တာ ဖြစ်ပါတယ်။

သပိတ်ငယ်လေးတွေမှာ လက်နက်အင်အားသုံးဖြေရှင်းမှုနဲ့ ထိပ်တိုက်ရင်ဆိုင်တော်လှန်မှုတွေ ပါဝင်လာတဲ့အခါ Minor, Fearonian သပိတ်အမျိုးအစားလို့ သတ်မှတ်နိုင်ပါတယ်။ ဥပမာ- ၁၉၈၈ ခု၊ သီရိလင်္ကာ ရွေးကောက်ပွဲမှာတုန်းက ပါတီငယ်လေးတခုဖြစ်တဲ့ JVP ပါတီဟာ ရွေးကောက်ပွဲသပိတ်မှောက်ခြင်း၊ လုံခြုံရေးဝန်ထမ်းများ၊ အရပ်ဘက်ဝန်ထမ်းများနှင့် ထိပ်တိုက်ရင်ဆိုင်ခြင်း စတာတွေ ပြုလုပ်ခဲ့ပါတယ်။ ၁၉၉၅ ခုနှစ်က ဖြစ်ပွားခဲ့တဲ့ Cote d’Ivoire ရွေးကောက်ပွဲသပိတ်နဲ့ ၁၉၉၇ ခုနှစ်က ဖြစ်ပွားခဲ့တဲ့ အင်ဒိုနီးရှား ရွေးကောက်ပွဲသပိတ်တွေမှာတော့ အစိုးရလက်ကိုင်ဒုတ်တွေနဲ့ ပြည်သူလူထုအကြား ထိပ်တိုက်ရင်ဆိုင်တဲ့ လူထုလှုပ်ရှားမှုတွေ ဖြစ်ပွားခဲ့တဲ့အတွက် Major, Fearonian သပိတ် အမျိုးအစားလို့ သတ်မှတ်နိုင်ပါတယ်။

ရွေးကောက်ပွဲသပိတ်ရဲ့ နိုင်ငံရေးအခင်းအကျင်းတွေနဲ့ ထိရောက်နိုင်မှုက ဦးဆောင်သူတွေ ကျင့်သုံးတဲ့ သပိတ်အမျိုးအစားပေါ်မှာ မူတည်ပါတယ်။

ရွေးကောက်ပွဲသပိတ်မှောက်ခြင်း၏ နိုင်ငံရေးအခင်းအကျင်း

ရွေးကောက်ပွဲသပိတ်မှောက်ခြင်းရဲ့ နိုင်ငံရေးအခင်းအကျင်းတွေကို မဖော်ပြခင်မှာ ဒီမိုကရေစီနည်းလမ်းမကျပဲ အာဏာရယူထားတဲ့ အစိုးရတွေက ဦးဆောင်ပြီး ရွေးကောက်ပွဲကျင်းပရခြင်းရဲ့ အခြေခံသဘောတရားတွေကို လေ့လာသိရှိဖို့ လိုအပ်ပါတယ်။ ဒီနေရာမှာ ဒီမိုကရေစီ နည်းလမ်းမကျပဲ အာဏာရယူထားတဲ့ အစိုးရတွေဆိုတာ တိုင်းပြည်ရဲ့ အာဏာကို လက်နက်နဲ့ ခြိမ်းချောက်ပြီး သိမ်းပိုက်ရယူထားတဲ့ အစိုးရတွေနဲ့ မသမာနည်းလမ်းတွေအသုံးပြုပြီး ရွေးကောက်ပွဲမှာ အာဏာရယူထားတဲ့ အစိုးရတွေကို ဆိုလိုပါတယ်။ ဒီလို အစိုးရတွေအနေနဲ့ ရွေးကောက်ပွဲမကျင်းပပဲ အာဏာကို ဆက်လက်ထိန်းသိမ်းထားလို့ မရနိုင်ဘူးလားလို့ အချို့က ဆိုတတ်ကြပါတယ်။ ဒါပေမယ့် ရွေးကောက်ပွဲ မကျင်းပပဲ အာဏာဆက်ယူထားတဲ့အခါ ပြည်တွင်း၊ ပြည်ပမှာ တရားဝင်မှု (legitimacy) မရတဲ့အတွက် နိုင်ငံရေး၊ သံတမန်ရေး၊ စစ်ရေး၊ စီးပွားရေးတွေမှာ အခက်အခဲတွေ အများကြီး တွေ့ကြရပါတယ်။ အဆိုးဆုံးက ပြည်သူတွေက အစိုးရကို ဖြုတ်ချဖို့ ကြိုးပမ်းမှုတွေပဲ ဖြစ်ပါတယ်။

ဒီအခါမှာ အစိုးရအနေနဲ့ ရွေးကောက်ပွဲ တခု ပြုလုပ်မလား၊ မလုပ်ဖူးလားဆိုတာကို စတင်တွက်ချက်လာရပါတယ်။ ရွေးကောက်ပွဲကို မလုပ်ရင် ပြည်သူတွေက တချိန်မဟုတ်တချိန်မှာ ဒီအစိုးရကို ဖြုတ်ချမှာ ဖြစ်ပါတယ်။ ဒီအတွက် ရွေးကောက်ပွဲကျင်းပပြီး၊ legitimacy ရလာနိုင်မယ့် အခွင့်အရေးကို အစိုးရဘက်က စတင်ကြိုးပမ်းလာလေ့ရှိပါတယ်။ ဒီလိုကျင်းပတဲ့အခါမှာ လွတ်လပ်ပြီး၊ တရားမျှတသော ရွေးကောက်ပွဲကို ကျင်းပဖို့ ကြိုးပမ်းတဲ့ အစိုးရဆိုတာကတော့ အတော်ကို ရှားပါတယ်။ များသောအားဖြင့် အစိုးရပါတီ ကိုယ်တိုင် (သို့) အစိုးရခါးပိုက်ဆောင် ပါတီတွေ အနိုင်ရဖို့အတွက်ကိုပဲ နည်းမျိုးစုံနဲ့ ကြိုးပမ်းလေ့ရှိပါတယ်။ ဒါကို ပြည်သူတွေက မရိပ်မိတဲ့ အချိန်တွေနဲ့ ရိပ်မိပေမယ့် နိုင်ငံရေးနိုးကြားမှု ရေချိန်က လျော့ပါးနေတဲ့ အချိန်မျိုးမှာ ဆိုရင် ဒီရွေးကောက်ပွဲမှာ လူထုပါဝင်မှု ရာခိုင်နှုန်းမြင့်မားပြီး အစိုးရပါတီ (သို့) အစိုးရခါးပိုက်ဆောင်ပါတီတွေက အနိုင်ရသွားလေ့ရှိပါတယ်။ ဒီအခါမှာ ရွေးကောက်ပွဲအသစ်နဲ့ ပြန်ပြီး တက်လာတာ ဖြစ်တဲ့အတွက် legitimacy ရသွားနိုင်ပါတယ်။ နိုင်ငံရေးပညာရှင် Schedler ကတော့ ဒါကို electoral autocracy လို့ ခေါ်ဝေါ်သတ်မှတ်ခဲ့ပါတယ်။

ရွေးကောက်ပွဲမှာ မူလအစိုးရ (သို့) ခါးပိုက်ဆောင်နိုင်ငံရေးပါတီက အနိုင်ရပြီး၊ legitimacy ရသွားတဲ့ အပေါ်မှာ လူအများကတော့ အစိုးရဘက်က နိုင်သွားပြီ၊ ပွဲပြီးသွားပြီလို့ တွက်ချက်တတ်ကြပါတယ်။ သို့ပေမယ့်လဲ ဒီလိုအခြေအနေမျိုးမှာ ပြည်သူလူထုနဲ့ အတိုက်အခံ နိုင်ငံရေးသမားတွေဘက်က အစိုးရကို ဖြုတ်ချနိုင်မယ့် အခွင့်အရေးတွေအားလုံး ဆုံးရှုံးသွားတာတော့ မဟုတ်ပါဘူး။ အတိုက်အခံနိုင်ငံရေးပါတီတွေ၊ အဖွဲ့အစည်းတွေ စုစည်းပြီး အစိုးရရဲ့ ရွေးကောက်ပွဲဟာ ရွေးကောက်ပွဲအတု (fraudulent elections) ဖြစ်ကြောင်း၊ မဲခိုးမဲလိမ်ထားမှုများ ရှိကြောင်းကို သက်သေအထောက်အထားတွေနဲ့ လူထုကို ချပြနိုင်ခဲ့ရင် ပြည်တွင်းတရားဝင်မှု (domestic legitimacy) ကိုသာမက ပြည်ပတရားဝင်မှု (international legitimacy) ကိုပါ ချေဖျက်နိုင်ပါတယ်။ ဒီအခါမှာ အစိုးရရဲ့ ရွေးကောက်ပွဲစီမံကိန်း မျှော်လင့်ချက်တွေ ပျက်စီးသွားမှာ ဖြစ်ပါတယ်။

ရွေးကောက်ပွဲသပိတ်တွေဟာ အစိုးရရဲ့ election fraud ကြောင့် ပေါ်ထွက်လာမယ့် coordination deficiencies တွေကို ကျော်လွှားပြီး၊ Point of coordination တခုကို လူထုကြားမှာ တည်ဆောက်လာနိုင်မှာ ဖြစ်ပါတယ်။ ဒီဆုံမှတ်ကနေ အစိုးရဆန့်ကျင်ရေး၊ ဖြုတ်ချရေး၊ ကြားဖြတ်အစိုးရဖွဲ့စည်းရေး စတာတွေကို အဆင့်တိုးမြှင့် လုပ်ဆောင်လို့ ရပါတယ်။ ဒါပေမယ့်လဲ ဒီလိုလုပ်ဆောင်ဖို့အတွက် ရွေးကောက်ပွဲသပိတ် လုပ်နေစဉ်ကာလမှာကတည်းက ပြင်ဆင်မှု အခင်းအကျင်းတွေလိုအပ်ပါတယ်။

Major Fearonian Boycott ကို ဦးဆောင်ကြမယ့် အတိုက်အခံ နိုင်ငံရေးအဖွဲ့အစည်းတွေမှာ ပြင်ဆင်သင့်တဲ့ နိုင်ငံရေးအခင်းအကျင်းပုံစံတွေ ရှိရပါမယ်။ ဦးဆောင်မယ့် အတိုက်အခံအဖွဲ့ဟာ နိုင်ငံရေးပါတီကြီးတခု ဖြစ်တယ်ဆိုရင် နိုင်ငံရေးပညာရှင် Olson က privileged group လို့ ခေါ်ဝေါ်သုံးစွဲခဲ့တဲ့ သပိတ်ခေါင်းဆောင် အုပ်စုတစုကို ဖွဲ့စည်းထားဖို့ လိုအပ်ပါတယ်။ ဒီအုပ်စုမှာ နိုင်ငံရေးပါတီကြီးမှ လုပ်ရည်ကိုင်ရည်ရှိတဲ့ ခေါင်းဆောင်များပါဝင်ပြီး သပိတ်ကြီးကို ဦးဆောင်ဆင်နွှဲရမှာ ဖြစ်ပါတယ်။ တကယ်လို့ နိုင်ငံရေးပါတီတခုတည်းကနေ သပိတ်ကို ဦးဆောင်နိုင်မယ့် စွမ်းဆောင်ရည် မရှိဘူးဆိုရင်တော့ ပျံ့ကျဲနေတဲ့ နိုင်ငံရေးအဖွဲ့ အစည်းတွေအားလုံးကို စုစည်းပြီး၊ နိုင်ငံရေး ပညာရှင် Shelling က k-group လို့ ခေါ်ဝေါ်သတ်မှတ်ခဲ့တဲ့ သပိတ်ခေါင်းဆောင် အုပ်စုကို ဖွဲ့စည်းထားဖို့ လိုအပ်ပါတယ်။ ဒီအုပ်စုထဲမှာ ရွေးကောက်ပွဲကို သပိတ်မှောက်တဲ့ အတိုက်အခံနိုင်ငံရေး အဖွဲ့အစည်းပေါင်းစုံက ကိုယ်စားလှယ်တွေ စုစည်းပြီး၊ သပိတ်ကြီးကို ဦးဆောင်ဆင်နွှဲရမှာ ဖြစ်ပါတယ်။ privileged group ပဲဖြစ်ဖြစ်၊ k-group ပဲ ဖြစ်ဖြစ် အုပ်စုတစုကတော့ ရွေးကောက်ပွဲမတိုင်မီ ကာလမှာကတည်းက ပေါ်ပေါက်နေဖို့ လိုအပ်ပါတယ်။ ဒါဟာ ရွေးကောက်ပွဲသပိတ်ရဲ့ အခရာဖြစ်ပါတယ်။ ရွေးကောက်ပွဲတွင်း ကာလမှာပဲဖြစ်ဖြစ်၊ ရွေးကောက်ပွဲလွန်ကာလမှာပဲ ဖြစ်ဖြစ် လူထုအရေးတော်ပုံကို အရှိန်မြှင့်ဦးဆောင်ရမယ့်အုပ်စုဖြစ်နေလို့ပါပဲ။

Major Gandhian boycott ကို ဦးဆောင်မယ့် နိုင်ငံရေးအဖွဲ့အစည်းတွေမှာလဲ အခင်းအကျင်းတွေ ပြင်ဆင်ဖို့ လိုအပ်ပါတယ်။ ဒီသပိတ်သဏ္ဍာန်ကို ရွေးချယ်တဲ့ နိုင်ငံရေးခေါင်းဆောင်တွေဆီမှာ အစိုးရကို ဖြုတ်ချဖို့၊ တော်လှန်ဖို့ ဆန္ဒ မရှိတတ်ပါဘူး။ အဓိက နိုင်ငံရေးရည်မှန်းချက်က အစိုးရရဲ့ တရားဝင်မှုကို လူအများက အသိအမှတ် မပြုရေးပဲ ဖြစ်ပါတယ်။ ဒီလိုနိုင်ငံရေးရည်မှန်းချက် ပြည့်မှီရေးအတွက် ပရိသတ်နှစ်မျိုး လိုအပ်ပါတယ်။ ပထမတမျိုးက ပြည်တွင်းက ပြည်သူလူထုဖြစ်ပြီး၊ ဒုတိယတမျိုးက နိုင်ငံတကာ အသိုင်းအ၀ိုင်း ဖြစ်ပါတယ်။ ဒီပရိသတ်နှစ်မျိုးရဲ့ ထောက်ခံမှုကို ရယူနိုင်မယ့် နိုင်ငံရေးအခင်းအကျင်းကို ဖော်ဆောင်နိုင်မှသာ အစိုးရအား တရားမ၀င်အစိုးရအဖြစ် အသိအမှတ်ပြုအောင် ပြုလုပ်ခြင်း (de legitimizing the government) က အောင်မြင်မှာပါ။

ဒီသပိတ်အမျိုးအစားကို အသုံးပြုတဲ့ နိုင်ငံရေးအဖွဲ့အစည်းတွေအနေနဲ့ လူထုထဲကို တတ်နိုင်သမျှ စိမ့်ဝင်ရောက်ရှိနေအောင် ကြိုးပမ်းဖို့ လိုပါတယ်။ ရွေးကောက်ပွဲအနိုင်ရရေး ကင်ပိန်းတခုကို လုပ်နေတဲ့ နိုင်ငံရေးပါတီကြီးတခုလိုပဲ တက်တက်ကြွကြွနဲ့ ရွေးကောက်ပွဲသပိတ်မှောက်ရေး ကင်ပိန်းကို တိုင်းပြည်တ၀ှမ်းလုံးမှာ ပြုလုပ်ဖို့ လိုအပ်ပါတယ်။ တပြိုင်နက်တည်းမှာပဲ သံတမန် ဆက်ဆံရေးအုပ်စုငယ်လေးတွေ ဖွဲ့စည်းပြီး၊ နိုင်ငံတွင်းမှာ ရောက်ရှိနေတဲ့ နိုင်ငံတကာသံရုံးများနဲ့ diplomatic channels တွေ ဖွင့်ရပါမယ်။ အစိုးရကို အားပေးကူညီနေတဲ့ နိုင်ငံတကာ အသိုင်းအ၀ိုင်းကိုလဲ တရားမ၀င်အစိုးရအဖြစ် အသိအမှတ်ပြုလာအောင် ဆွဲဆောင်စည်းရုံးဖို့ လိုအပ်ပါတယ်။

ဘယ်လိုသပိတ်အမျိုးအစားကိုပဲ အသုံးပြုသည်ဖြစ်စေ၊ အရေးကြီးဆုံးကတော့ ဖြစ်ပေါ်နေဆဲ နိုင်ငံရေးအခြေအနေကို ထင်ဟပ်စေမယ့် နိုင်ငံရေးပန်းတိုင်ကို ချမှတ်ပြီး၊ ကိုက်ညီမယ့် သပိတ်အမျိုးအစားကို ရွေးချယ်နိုင်ဖို့က အလွန်ပဲ အရေးကြီးပါတယ်။ ရွေးကောက်ပွဲသပိတ်ကနေ လူထုလှုပ်ရှားမှုကြီးတွေ ပေါ်ပေါက်လာပြီး အစိုးရကို ဖြုတ်ချဖို့အထိ နိုင်ငံရေးပန်းတိုင် ချမှတ်ထားရင်တော့ Major Fearonian Boycott ကို ရွေးချယ်ဖော်ဆောင်ရမှာပါ။ ရွေးကောက်ပွဲကျင်းပတဲ့ အစိုးရနဲ့ ရွေးကောက်ပွဲရဲ့ တရားဝင်မှုကို လူထုနဲ့ နိုင်ငံတကာက အသိအမှတ်မပြုရေးဆိုတဲ့ နိုင်ငံရေးပန်းတိုင်ကို ချမှတ်ထားရင်တော့ Major Gandhian boycott ကို ရွေးချယ်ဖော်ဆောင်ရမှာပါ။ ဒီအမျိုးအစားနှစ်ခုကို ဖော်ဆောင်ရမယ့် နိုင်ငံရေးအခင်းအကျင်းတွေ မတူပါဘူး။

ရွေးကောက်ပွဲသပိတ်ပြုလုပ်ရခြင်းရဲ့ အခြေခံနိုင်ငံရေးပန်းတိုင်ကို တိတိကျကျ မဖော်ထုတ်ပဲနဲ့ သပိတ်ပြုလုပ်မှုတွေ ရှိလာခဲ့ရင် ပေါ်ထွက်လာတဲ့ နိုင်ငံရေးအခင်းအကျင်းတွေက Major Fearonian Boycott လိုလို၊ Major Gandhian boycott လိုလိုတွေ ဖြစ်ပြီး မရေမရာနဲ့ ထိရောက်မှု မရှိပဲ ဖြစ်တတ်ပါတယ်။ အစိုးရဖြုတ်ချရေး၊ ကြားဖြတ်အစိုးရဖွဲ့စည်းရေးဆိုတဲ့ ကြွေးကြော်သံကို အော်ပြီး၊ ခင်းကျင်းနေတဲ့ နိုင်ငံရေးအခင်းအကျင်းက Major Gandhian boycott ကို ခင်းကျင်းနေရင် လူထုရဲ့ ယုံကြည်ကိုးစားမှု လျော့နည်းသွားနိုင်ပါတယ်။ ရွေးကောက်ပွဲတရားဝင်မှုမရရှိရေးကို ဦးတည်ပြီး၊ ခင်းကျင်းနေတဲ့ နိုင်ငံရေး အခင်းအကျင်းက Major Fearonian Boycott ဖြစ်နေပြန်ရင်လဲ ဆင်တော်နဲ့ ခလောက်ဖြစ်ပြီး တပ်ကျွံတာတွေ၊ မလိုအပ်ပဲ အင်အားဖြုန်းတီးမိတာတွေ ဖြစ်တတ်ပါတယ်။

ဘယ်လိုပဲဖြစ်ဖြစ် ရွေးကောက်ပွဲသပိတ်တိုင်းမှာ ဖြစ်ပေါ်လာမယ့် နိုင်ငံရေးအကျိုးဆက်တွေ ရှိစမြဲမို့ ရေတို၊ ရေရှည်နိုင်ငံရေး အကျိုးဆက်တွေကို ဆန်းစစ်ပြီး၊ သင့်လျော်မယ့် ရေတို၊ ရေရှည် နိုင်ငံရေးမူဝါဒတွေ ချမှတ်ထားဖို့လဲ လိုအပ်ပါတယ်။

ရွေးကောက်ပွဲသပိတ်၏ ရေတိုနိုင်ငံရေး အကျိုးဆက်များ

ရွေးကောက်ပွဲ သပိတ်အမျိုးအစားပေါ်မှာ မူတည်ပြီး ဖြစ်ပေါ်လာမယ့် နိုင်ငံရေး အကျိုးဆက်တွေကလဲ ကွဲပြားမှု ရှိပါတယ်။ Major boycott တွေကတော့ Minor boycott တွေထက် ပိုပြီး ကြီးမားတဲ့ နိုင်ငံရေးအကျိုးဆက်တွေ ရှိပါတယ်။ Major boycott မှာလဲ အစိုးရအုပ်ချုပ်ရေးယန္တရားကို တိုက်ရိုက်စိန်ခေါ်တဲ့ အာဏာရှင်စနစ်ဆန့်ကျင်ရေး၊ လူထုအရေးတော်ပုံ ပေါ်ထွက်ရေး၊ ကြားဖြတ်အစိုးရ ဖွဲ့စည်းရေး ကြွေးကြော်သံတွေပါတဲ့ Major Fearonian Boycott ရဲ့ နိုင်ငံရေး အကျိုးဆက်တွေနဲ့ ရွေးကောက်ပွဲ အသိအမှတ်မပြုရေး ကြွေးကြော်သံတွေပါတဲ့ Major Gandhian boycottရဲ့နိုင်ငံရေးအကျိုးဆက်တွေက မတူညီပြန်ပါဘူး။

ဘယ်လိုပဲဖြစ်ဖြစ် ရွေးကောက်ပွဲသပိတ် အမျိုးအစားအားလုံးအတွက် အရေးကြီးတဲ့ လုပ်ငန်းစဉ်တရပ်ကတော့ ရွေးကောက်ပွဲမှာ ပါဝင်မဲပေးတဲ့ လူဦးရေ ရာခိုင်နှုန်း နည်းနိုင်သမျှ နည်းစေဖို့ပဲ ဖြစ်ပါတယ်။ ရွေးကောက်ပွဲဆိုင်ရာ နိုင်ငံရေးပညာရပ်ကတော့ ရွေးကောက်ပွဲများ ပါဝင်မဲပေးမယ့် လူဦးရေ အရေအတွက်ကို voter turnout လို့ သုံးစွဲပါတယ်။ Fearonian boycott ကို ပြုလုပ်သူတွေကလဲ voter turnout နည်းပါးခြင်းအားဖြင့် အစိုးရကို ဆန့်ကျင်သူအရေအတွက် များကြောင်း သက်သေပြနိုင်တယ်လို့ ယူဆထားကြပါတယ်။ Gandhian boycott ကို ပြုလုပ်သူတွေကလဲ voter turnout နည်းပါးခြင်းအားဖြင့် အစိုးရက ကျင်းပတဲ့ ရွေးကောက်ပွဲရဲ့ တရားဝင်မှု (legitimacy) ကို လူထုက အသိအမှတ်မပြုကြောင်း သက်သေပြနိုင်တယ်လို့ ယူဆထားကြပါတယ်။ ဒါကြောင့် voter turnout နည်းပါးမှုဟာ ရွေးကောက်ပွဲသပိတ်ရဲ့ ရေတို နိုင်ငံရေး အကျိုးဆက် ဖြစ်ပါတယ်။ ရွေးကောက်ပွဲပြီးဆုံးသွားချိန်မှာ ရွေးကောက်ပွဲသပိတ် ထိရောက်မှုရှိမရှိကို တိုင်းတာနိုင်တဲ့ နည်းလမ်းတခုလဲ ဖြစ်ပါတယ်။

ရွေးကောက်ပွဲသပိတ် ခေါင်းဆောင်များအနေနဲ့ voter turnout လျော့နေစေရေးကို လုပ်ငန်းစဉ်တရပ်အနေနဲ့ ထိထိမိမိ ပြုလုပ်နိုင်မှသာ ဒီရွေးကောက်ပွဲသပိတ်ဟာ ထိရောက်မှု ရှိပါတယ်။ ဒီလုပ်ငန်းစဉ်ကို အကောင်အထည်ဖော်ဖို့အတွက် voter mobilization ပြုလုပ်ရပါတယ်။ ဒီလို ပြုလုပ်ရာမှာ နိုင်ငံရေးပါတီကြီးတွေကနေ ရွေးကောက်ပွဲမှာ ၀င်ပြီး မယှဉ်ပြိုင်တာနဲ့ ပါတီမှတ်ပုံတင်ပြီးမှ ရွေးကောက်ခံကိုယ်စားလှယ်က ပြန်ပြီး နှုတ်ထွက်ခြင်း (candidate withdrawl) ဆိုပြီး နည်းလမ်းနှစ်မျိုး ရှိပါတယ်။ ပထမတမျိုးက အစိုးရကို တိုက်ရိုက်စိန်ခေါ်ပြီး လူထုအကြားမှာ သတင်းစကား ပျံ့နှံ့သွားစေရေးအတွက် အသုံးဝင်ပါတယ်။ ဒုတိယတမျိုးက ရွေးကောက်ပွဲကို အသိအမှတ်ပြုသယောင်ယောင် ပြုလုပ်ပြီးမှ တရားမျှတမှု မရှိတာတွေကို ဖော်ထုတ်ပြီး နှုတ်ထွက်ခြင်း ပြုလုပ်တာ ဖြစ်တဲ့အတွက် နိုင်ငံရေးရေချိန်မြှင့်ဖို့ အသုံးဝင်ပါတယ်။ နိုင်ငံရေးပါတီတွေအနေနဲ့ ဒီလို voter mobilization ကို တဘက်က လုပ်နေစဉ်မှာပဲ ပြည်သူလူထုကို မဲမပေးပဲနေဖို့ စည်းရုံးလှုံ့ဆော်မှုတွေကလဲ တပြိုင်နက်တည်း ပြုလုပ်ရမှာ ဖြစ်ပါတယ်။

voter turnout လျော့နည်းခြင်းဟာ အတိုက်အခံ နိုင်ငံရေးပါတီတွေက မီးမောင်းထိုးပြတဲ့ ရွေးကောက်ပွဲတရားမျှတမှုမရှိခြင်း၊ လွတ်လပ်မှုမရှိခြင်းတွေကို သက်သေထူနိုင်ရုံသာမက ရွေးကောက်ပွဲရလဒ်ကို နိုင်ငံတကာက အပြည့်အ၀ ထောက်ခံ အားပေးမှုတွေကိုပါ လျော့ကျစေနိုင်ပါတယ်။ ရွေးကောက်ပွဲသပိတ်နဲ့ မဲပေးတဲ့ လူဦးရေ ရာခိုင်နှုန်း နည်းပါးမှု (low rates of voter turnout)ကို ပေါင်းစပ်နိုင်ခဲ့ရင် ရွေးကောက်ပွဲကနေ ထွက်ပေါ်လာမယ့် အစိုးရသစ်ဟာ စစ်မှန်တဲ့ ဒီမိုကရေစီကို ဆောင်ကျဉ်းပေးနိုင်မယ့် အစိုးရမဟုတ်ဘူး ဆိုတာကို ပြည်သူလူထုနဲ့ နိုင်ငံတကာကို ချပြသွားနိုင်မှာ ဖြစ်ပါတယ်။ တကယ်လို့ ပြည်သူတွေကို မဲမပေး၊ မနေရလို့ အစိုးရက ကန့်သတ်ထိန်းချုပ်လာခဲ့ရင်တော့ ပေးရမယ့် မဲတွေကို ပယ်မဲတွေ ဖြစ်အောင် လုပ်ယူရမှာ ဖြစ်ပါတယ်။ (၁၉၆၀)၊ (၁၉၇၀) ကာလတွေတုန်းက အာဂျင်းတီးနားမှာ ကျင်းပခဲ့တဲ့ ရွေးကောက်ပွဲတွေမှာ ဒီနည်းလမ်းကို အသုံးပြုခဲ့ကြပါတယ်။

တပြိုင်နက်တည်းမှာပဲ voter turnout နဲ့ ပတ်သက်ပြီး အစိုးရတွေက ပြုလုပ်တတ်တဲ့ election fraud တွေကို စုံစမ်းဖော်ထုတ်ကြရပါတယ်။ voter turnout နည်းပါးခြင်းဟာ ရွေးကောက်ပွဲရဲ့ legitimacy ကို ကျဆင်းစေတယ်ဆိုတာကို အစိုးရကလဲ မသိတာ မဟုတ်ပါ။ ဒါကြောင့် အစိုးရနဲ့ ရွေးကောက်ပွဲရဲ့ သိက္ခာကို ထိန်းဖို့အတွက် voter turnout မြင့်မားအောင် နည်းမျိုးစုံနဲ့ မဲခိုး၊ မဲလိမ်တာတွေ လုပ်လေ့ရှိပါတယ်။ ဒါတွေကို ဖော်ထုတ်နိုင်ဖို့အတွက် မဲရုံကြီးကြပ်သူများကို စည်းရုံးသိမ်းသွင်းခြင်း၊ မဲဆန္ဒနယ်အလိုက် voting pattern စောင့်ကြည့်လေ့လာရေး အဖွဲ့များကို မြေပေါ်မြေအောက် အသွင်သဏ္ဍာန်အမျိုးမျိုးဖြင့် ဖွဲ့စည်းထားခြင်း၊ နိုင်ငံတကာ စောင့်ကြည့်လေ့လာရေး အဖွဲ့များနှင့် စာနယ်ဇင်းသမားများနှင့် ပူးပေါင်းဆောင်ရွက်ခြင်း စတာတွေကို ပြုလုပ်ရမှာဖြစ်ပါတယ်။

ရွေးကောက်ပွဲသပိတ်တွေမှာ voter turnout နည်းပါးမှုကို လုပ်ငန်းစဉ်တရပ်အနေနဲ့ အကောင်အထည်ဖော်ကြရာမှာ ထိရောက်မှု ရှိတာတွေလဲ ရှိသလို မထိရောက်တာတွေလဲ ရှိပါတယ်။ ၁၉၉၂ခုနှစ်မှာ ဂါနာမှာ ဖြစ်ပွားခဲ့တဲ့ ရွေးကောက်ပွဲ သပိတ်ကြောင့် မဲပေးသူရာခိုင်နှုန်း ၅၀.၂ ကနေ ၂၃.၈ အထိ ကျဆင်းသွားခဲ့ဖူးပါတယ်။ ၁၉၉၆ ခုနှစ်မှာ ဘင်္ဂလားဒေ့ရ်ှနိုင်ငံမှာ ဖြစ်ပွားခဲ့တဲ့ ရွေးကောက်ပွဲသပိတ်ကြောင့် မဲပေးသူ သုံးဆယ့်လေး ရာခိုင်နှုန်း ကျဆင်းသွားခဲ့ဖူးပါတယ်။ ၂၀၀၀ ခုနှစ်မှာ ဖြစ်ပွားခဲ့တဲ့ ဘယ်လ်လားရပ်စ် ရွေးကောက်ပွဲသပိတ်မှာတော့ မဲပေးသူ ရာခိုင်နှုန်းက မကျဆင်းသွားခဲ့ပါဘူး။ ၁၉၉၂ ခုနှစ်နဲ့ ၁၉၉၇ ခုနှစ်တို့မှာ ဖြစ်ပွားခဲ့တဲ့ Cameroon ရွေးကောက်ပွဲ သပိတ်မှာတော့ မဲပေးသူ ရာခိုင်နှုန်းက မကျဆင်းပဲ တက်သွားခဲ့ပါတယ်။ (၁၉၉၀) ခုနှစ်ကနေ (၂၀၀၂) ခုနှစ်အတွင်း နိုင်ငံပေါင်း (၃၂) နိုင်ငံမှာ ဖြစ်ပွားခဲ့တဲ့ ရွေးကောက်ပွဲသပိတ်မှောက်မှု ပေါင်း (၁၃၄) ခုကိုလဲ ပညာရှင်တွေက လေ့လာဆန်းစစ်ခဲ့ကြဖူးပါတယ်။ ဒီလိုလေ့လာဆန်းစစ်ချက်တွေအရ ရွေးကောက်ပွဲသပိတ်မှောက်မှုဟာ voter turnout ရာခိုင်နှုန်းကို ပျမ်းမျှ ၅.၄ ရာခိုင်နှုန်းအထိ လျော့ကျ စေနိုင်ပါတယ်။ ဒါကြောင့် voter turnout လျော့နည်းမှုဟာ ရွေးကောက်ပွဲ သပိတ်မှောက်မှုရဲ့ရေတိုနိုင်ငံရေးအကျိုးဆက်လို့ဆိုနိုင်ပါတယ်။

ရွေးကောက်ပွဲ သပိတ်မှောက်မှုရဲ့ နောက်ထပ် ရေတိုနိုင်ငံရေးအကျိုးဆက်တခုကတော့ Election-related violence ပါ။ တကယ်တော့ ရွေးကောက်ပွဲဆိုတာက ပါဝါခွဲဝေမှုတွေကို violence နည်းလမ်းတွေ မသုံးပဲ ပြုလုပ်ပေးတဲ့ alternative mean တခုပဲ ဖြစ်ပါတယ်။ ဒါပေမယ့်လဲ ဒီ ရွေးကောက်ပွဲအချိန်မှာမှ violence affairs တွေက ပေါ်ထွက်လာရပြန်ပါတယ်။ အထူးသဖြင့် ဖွံ့ဖြိုးဆဲ တိုင်းပြည်တွေမှာပါ။ ၂၀၀၂ ခုနှစ်၊ အယ်လ်ဂျီးရီးယား ရွေးကောက်ပွဲအချိန်မှာတုန်းက လူပေါင်း ၃၉၀ သေဆုံးခဲ့ပါတယ်။ ရွေးကောက်ပွဲနဲ့ ဆက်စပ်တဲ့ ဗုံးပေါက်ကွဲမှုတွေလဲ ဖြစ်ပွားလေ့ရှိပါတယ်။ ၁၉၉၂ ခုနှစ် ပီရူးနိုင်ငံ ရွေးကောက်ပွဲ၊ ၁၉၉၄ခုနှစ် တောင်အာဖရိက ရွေးကောက်ပွဲ၊ ၁၉၉၆ခုနှစ် အိန္ဒိယ ရွေးကောက်ပွဲနဲ့ ၂၀၀၀ ခုနှစ် ဟေတီ ရွေးကောက်ပွဲ ကာလတွေမှာ ဗုံးပေါက်ကွဲမှုတွေ ဖြစ်ပွားခဲ့ပါတယ်။ ရွေးကောက်ပွဲရုံတွေမှာ ပျက်စီးစေမှုနဲ့ ပါတီတွေ အချင်းချင်း အမတ်လောင်းတွေကို လုပ်ကြံသတ်ဖြတ်မှုတွေလဲဖြစ်ပွားလေ့ရှိပါတယ်။

ရွေးကောက်ပွဲသပိတ်တွေနဲ့ ပတ်သက်တဲ့ election-related violence ကို လျှော့ချနိုင်ဖို့အတွက် ရွေးကောက်ပွဲသပိတ်ဦးဆောင်သူတွေက ကြိုးပမ်းတာတွေလဲ ရှိပါတယ်။ (၁၉၈၃) ခုနှစ်၊ ဂျမေကာ ရွေးကောက်ပွဲမှာတုန်းက သပိတ်ဦးဆောင်တဲ့ နိုင်ငံရေးပါတီ ခေါင်းဆောင်က သပိတ်မှောက်သူများမှ စည်းကမ်းရှိကြရန်နဲ့ အကယ်၍ အစိုးရဘက်မှ စတင်ပြီး အကြမ်းဖက်လာပါက သူ့ဆီက စကားသံမကြားရပဲ မည်သူမျှ ပြန်လည်တုန့်ပြန်ခြင်း မပြုရန် စတဲ့ အချက်တွေကို သပိတ်ထောက်ခံသူတွေကို ပြောကြားခဲ့ပါတယ်။ election-related violence ဖြစ်ပေါ်လာရခြင်းကို လေ့လာခဲ့တဲ့ နိုင်ငံရေးပညာရှင် Wilkinson ဆိုသူကတော့ election-related violence ဟာ အတိုက်အခံနိုင်ငံရေးသမားတွေနဲ့ တိုက်ရိုက်မပတ်သက်ပဲ နိုင်ငံတော်အစိုးရတွေနဲ့သာ ပတ်သက်တယ်လို့ ဆိုထားခဲ့ပါတယ်။ ရွေးကောက်ပွဲ သပိတ်မှောက်သူတွေဘက်က ဘယ်လောက်ပဲစည်းကမ်းရှိရှိ၊ အစိုးရဘက်တော်သားတွေက election-related violence ဖြစ်အောင် စတင်ပြုလုပ်လာမှာပဲလို့ သူက ရေးသားဖော်ပြခဲ့ပါတယ်။

သူ့အဆိုနဲ့ ပတ်သက်ပြီး နိုင်ငံပေါင်း များစွာက election-related violence တွေကို ပညာရှင်တွေက လေ့လာဆန်းစစ်ခဲ့ကြပါတယ်။ ဒီဆန်းစစ်ချက်တွေအရ နိုင်ငံအနည်းငယ်မှာသာ အတိုက်အခံနိုင်ငံရေးသမားတွေက စတင်ပြုလုပ်တဲ့ election-related violence တွေ ရှိခဲ့ပြီး၊ များသောအားဖြင့်ကတော့ ငြိမ်းချမ်းစွာ သပိတ်မှောက်သူများကို အစိုးရဘက်က စတင်ပြီး violence လုပ်ခဲ့တာ ဖြစ်ပါတယ်။ နိုင်ငံပေါင်းလေးဆယ်ကျော်က ရွေးကောက်ပွဲတွေကို လေ့လာခဲ့တဲ့ ဆန်းစစ်ချက်တခုအရ election-related violence ကို အတိုက်အခံတွေဘက်က စတင်ခဲ့တာက ၁၁ ရာခိုင်နှုန်းရှိပြီး၊ အစိုးရတွေဘက်က စတင်ဖော်ဆောင်ခဲ့တာက ၈၉ ရာခိုင်နှုန်းရှိပါတယ်။ ဒါကြောင့် ရွေးကောက်ပွဲသပိတ်ရဲ့ ရေတိုနိုင်ငံရေးအကျိုးဆက်ဟာ election-related violence လို့ ဆိုနိုင်ပေမယ့် election-related violence ဟာ ရွေးကောက်ပွဲသပိတ်မှောက်တဲ့ အတိုက်အခံနိုင်ငံရေးအဖွဲ့အစည်းများကြောင့် ဖြစ်ပွားရတယ်လို့တော့ သေချာတပ်အပ် မဆိုနိုင်ပါဘူး။

ရွေးကောက်ပွဲသပိတ်၏ ရေရှည်နိုင်ငံရေး အကျိုးဆက်များ

ရွေးကောက်ပွဲ သပိတ်တွေတိုင်းမှာ ရေရှည်နိုင်ငံရေးအကျိုးဆက်တွေ ရှိပါတယ်။ အထူးသဖြင့် တိုင်းပြည်ရဲ့ ဒီမိုကရေစီအသွင် ကူးပြောင်းရေးဖြစ်စဉ်ပေါ်မှာ သက်ရောက်မှုတွေ ရှိပါတယ်။ ရွေးကောက်ပွဲသပိတ်တွေ ပြုလုပ်တဲ့အခါမှာ ရွေးကောက်ပွဲ အဂါင်္ရပ်တွေဖြစ်တဲ့ တရားမျှတမှုနဲ့ လွတ်လပ်မှုရဲ့ တန်ဖိုးတွေ၊ မဲခိုးမဲလိမ်မှုများ လျော့နည်းပပျောက်ရေး စတာတွေကို ပြည်သူအများက နားလည်သိရှိလာကြပါတယ်။ ဒါတွေဟာ စစ်မှန်တဲ့ ဒီမိုကရေစီစနစ်ရဲ့ အနှစ်သာရတွေပဲ ဖြစ်ပါတယ်။

နိုင်ငံရေးပညာရှင် Dahl က တိုင်းပြည်တခုမှာ

(၁) အဖွဲ့အစည်းနှင့် အသင်းအပင်းများ လွတ်လပ်စွာ ဖွဲ့စည်းခွင့်ရှိခြင်း၊ ပါဝင်လှုပ်ရှားခွင့်ရှိခြင်း
(၂) မိမိတို့၏ ယုံကြည်ချက်၊ အယူအဆများကို လွတ်လပ်စွာ ဖော်ပြခွင့်ရှိခြင်း
(၃) မဲပေးခွင့် ရှိခြင်း
(၄) နိုင်ငံရေးခေါင်းဆောင်များမှ လွတ်လပ်စွာ စည်းရုံးနိုင်ခွင့်ရှိခြင်း
(၅) မီဒီယာစာနယ်ဇင်းများ အားကောင်းခြင်း
(၆) လွတ်လပ်၍ တရားမျှတသော ရွေးကောက်ပွဲများ ပြုလုပ်ကျင်းပခြင်း
(၇) လူထုမှ ရွေးကောက်တင်မြှောက်ထားသော ကိုယ်စားလှယ်များမှ အစိုးရမူဝါဒများ ချမှတ်ရေးသားခြင်း
စတဲ့ အချက်တွေပြည့်စုံနေမယ်ဆိုရင် ဒီတိုင်းပြည်ကို ဒီမိုကရေစီစနစ်ကျင့်သုံးတဲ့ တိုင်းပြည်လို့ ဆိုနိုင်ကြောင်း ရေးသားဖော်ပြထားခဲ့ပါတယ်။

ရွေးကောက်ပွဲတွေ ပြုလုပ်တိုင်း ဒီမိုကရေစီအသွင်ကူးပြောင်းမှုလို့ မဆိုနိုင်ပေမယ့် ဒီမိုကရေစီစနစ် ကျင့်သုံးဖို့အတွက်ကတော့ စစ်မှန်တဲ့ ရွေးကောက်ပွဲကတော့ ဒီမိုကရေစီစနစ်ကျင့်သုံးဖို့အတွက် မရှိမဖြစ် လိုအပ်တဲ့ essential condition တခုပဲ ဖြစ်ပါတယ်။ ဒါကြောင့် တရားမျှတမှုမရှိတဲ့ ရွေးကောက်ပွဲကို သပိတ်မှောက်ခြင်းဟာ ရေရှည် ဒီမိုကရေစီ အသွင်ကူးပြောင်းမှုအတွက် အရေးပါတဲ့ နိုင်ငံရေးအကျိုးဆက်တွေ ရှိစေပါတယ်။

ရွေးကောက်ပွဲသပိတ်တွေဟာ အစိုးရတွေကို အနည်းနဲ့ အများ ဖိအားစပေးလာနိုင်ပါတယ်။ ရွေးကောက်ပွဲသပိတ်နောက်မှာ လူထုအင်အားပါတယ်ဆိုရင်တော့ အစိုးရကို ဖိအားပေးနိုင်ရုံသာမက ထိပ်တိုက်ရင်ဆိုင် ဖြုတ်ချမှုကိုပါ ပြုလုပ်လာနိုင်မှာ ဖြစ်ပါတယ်။ နိုင်ငံတကာအသိုင်းအ၀ိုင်းအနေနဲ့ကလဲ ရွေးကောက်ပွဲရဲ့ true colour ကို ရိပ်မိသိရှိသွားနိုင်ပါတယ်။ ပြည်တွင်းပြည်သူလူထုကိုလဲ ရွေးကောက်ပွဲသဘောတရားနဲ့ ဒီမိုကရေစီသဘောတရားတွေကို Public awareness ရှိလာအောင် လုပ်လိုက်ပြီးသား ဖြစ်သွားပါတယ်။

တပြိုင်နက်တည်းမှာပဲ အတိုက်အခံနိုင်ငံရေးပါတီများအနေနဲ့ လူထုပညာပေးရေးနဲ့ လူထုစည်းရုံးရေးကိုသာ စနစ်တကျ လုပ်နိုင်မယ်ဆိုရင် အစိုးရတိုက်ထားတဲ့ ၀ါဒမှိုင်းလုံး ကန့်လကာတွေကို တလွှာချင်း ခွာချနိုင်လာပါတယ်။ ဒါတွေဟာ နိုင်ငံရေးပြုပြင်ပြောင်းလဲမှု (Political Reform) ကို ဦးတည်သွားစေနိုင်ပါတယ်။ (၁၉၉၇) ခုနှစ်မှာ ဖြစ်ပွားခဲ့တဲ့ အင်ဒိုနီးရှား ရွေးကောက်ပွဲသပိတ်ကြောင့် အာဏာရှင် ဆူဟာတို နှုတ်ထွက်သွားရပြီး၊ တိုင်းပြည်မှာ ဒီမိုကရေစီ ပြုပြင်ပြောင်းလဲမှုတွေ စတင်လာခဲ့ပါတယ်။ (၂၀၀၀) ခုနှစ်က Azerbaijan မှာ ဖြစ်ပွားခဲ့တဲ့ ရွေးကောက်ပွဲသပိတ်ကြောင့် အတိုက်အခံနိုင်ငံရေးပါတီတွေကို ဥပဒေပြင်ပ ပါတီတွေအဖြစ် ကြေငြာထားခြင်းကို အစိုးရက ရုတ်သိမ်းပေးခဲ့ရပါတယ်။ ရွေးကောက်ပွဲအလွန်ကာလမှာလဲ အခြားသပိတ်တိုက်ပွဲတွေကို အရှိန်မပျက် ဆက်လက် ဆောင်ရွက်ခဲ့ကြတဲ့အတွက် နိုင်ငံရေးပြုပြင်ပြောင်းလဲမှုများစွာကို အစိုးရက လုပ်ပေးခဲ့ရပါတော့တယ်။

ရွေးကောက်ပွဲအလွန် နိုင်ငံရေးပြုပြင်ပြောင်းလဲမှုတွေနဲ့ ပတ်သက်ပြီး နိုင်ငံရေးပညာရှင်များက လေ့လာဆန်းစစ်ခဲ့ကြရမှာ ရွေးကောက်ပွဲသပိတ်မရှိပဲ ပြုပြင်ပြောင်းလဲမှု ရှိခဲ့တဲ့ နိုင်ငံတွေက လေးရာခိုင်နှုန်းရှိပြီး၊ ရွေးကောက်ပွဲသပိတ်အပြီးမှာ ပြုပြင်ပြောင်းလဲမှု ရှိခဲ့တဲ့ နိုင်ငံတွေက နှစ်ဆယ့်သုံးရာခိုင်နှုန်း ရှိပါတယ်။ ဒီကိန်းဂဏာန်းတွေအရ ရွေးကောက်ပွဲသပိတ်ရဲ့ ရေရှည်နိုင်ငံရေးအကျိုးဆက်ဟာ နိုင်ငံရေးပြုပြင်ပြောင်းလဲမှုလို့ ရာနှုန်းပြည့်မဆိုနိုင်ပေမယ့် ရွေးကောက်ပွဲ သပိတ်ရှိလာခြင်းက သပိတ်မရှိခြင်းထက် ပိုပြီး နိုင်ငံရေးပြုပြင်ပြောင်းလဲမှုကို ပြုလုပ်ပေးနိုင်တယ်လို့ ဆိုနိုင်ပါတယ်။

ပေါ်ထွက်လာတဲ့ နိုင်ငံရေးပြုပြင်ပြောင်းလဲမှုကလဲ များသောအားဖြင့် ဒီမိုကရေစီအသွင်ကူးပြောင်းရေးအတွက် အကျိုးကျေးဇူးတွေ ပိုများလာလေ့ရှိပါတယ်။ ၁၉၉၇ ခုနှစ်၊ အင်ဒိုနီးရှား ရွေးကောက်ပွဲသပိတ်အပြီးမှာ ရွေးကောက်ပွဲဥပဒေနဲ့ သမ္မတ အာဏာဆိုင်ရာ ပြောင်းလဲမှုတွေ ထွက်ပေါ်လာပါတယ်။ ၂၀၀၀ခုနှစ်၊ ဟေတီး ရွေးကောက်ပွဲသပိတ်အပြီးမှာ ရွေးကောက်ပွဲစီမံခန့်ခွဲရေး အဖွဲ့အစည်းတခု ထွက်ပေါ်လာပါတယ်။ ၁၉၉၆ ခုနှစ်၊ ဘင်္ဂလားဒေ့ရှ် ရွေးကောက်ပွဲသပိတ်အပြီးမှာ နောင်ကျင်းပမယ့် ရွေးကောက်ပွဲတွေ မတိုင်မီမှာ ကြားနေအိမ်စောင့်အစိုးရကို ကြိုတင်ဖွဲ့စည်းရေးဆိုင်ရာ ဥပဒေထွက်လာပါတယ်။ ၁၉၉၇ ခုနှစ်၊ Mauritania ရွေးကောက်ပွဲသပိတ်အပြီးမှာ နိုင်ငံရေးပါတီများမှ ပြည်သူ့ဘဏ္ဍာငွေသုံးစွဲခွင့် ဘတ်ဂျက်ချမှတ်ခြင်း၊ proportional representation electoral system ကို အသုံးပြုခြင်း စတဲ့ နိုင်ငံရေးပြုပြင်ပြောင်းလဲမှုတွေကို အစိုးရက ပြုလုပ်ပေးခဲ့ရပါတယ်။

နိဂုံး

နိုင်ငံတနိုင်ငံမှာ ရွေးကောက်ပွဲ သပိတ်တွေ ပေါ်ထွက်လာတဲ့အခါ လူအများကြားမှာ ရေပန်းစားတဲ့ ဆွေးနွေးချက်လေး တခု ရှိပါတယ်။ ရွေးကောက်ပွဲဟာ ထိရောက်မှု ရှိပါသလားဆိုတဲ့ ဆွေးနွေးချက်ပါ။ ဆွေးနွေးကြရင်းနဲ့ ထိရောက်မှုရှိတယ်၊ မရှိဘူး ဆိုပြီး ငြင်းခုန်နေမှုတွေလဲ ရှိတတ်ပါတယ်။ တကယ်တမ်းကျတော့ အလုပ်တခု ထိရောက်မှု ရှိမရှိဆိုတာက အဲဒီအလုပ်ရဲ့ ရည်မှန်းချက် ပန်းတိုင်နဲ့ လုပ်ဆောင်ပုံနည်းလမ်း ရွေးချယ်မှုတွေပေါ်မှာပဲ မူတည်ပါတယ်။ မီတာ (၁၀၀) ပြေးပွဲရဲ့ ပန်းတိုင်တွေ၊ လေ့ကျင့်ပြင်ဆင်ဆောင်ရွက်ပုံတွေနဲ့ မာရသွန်ပြေးပွဲရဲ့ ပန်းတိုင်တွေ၊ လေ့ကျင့်ပြင်ဆင်ဆောင်ရွက်ပုံကတော့ တူညီမှာ မဟုတ်ပါဘူး။ ရွေးကောက်ပွဲသပိတ်မှာလဲ ဒီအတိုင်းပါပဲ။ ရွေးကောက်ပွဲသပိတ်ကျင်းပရခြင်းရဲ့ ရည်ရွယ်ချက်ပန်းတိုင်က အစိုးရရဲ့ တရားဝင်မှုကို ပြည်သူလူထုနဲ့ နိုင်ငံတကာက အသိအမှတ်မပြုအောင် ပြုလုပ်ခြင်းလား (သို့မဟုတ်) ရွေးကောက်ပွဲမှာ voter turnout နည်းအောင် ပြုလုပ်ခြင်းလား (သို့မဟုတ်) ရွေးကောက်ပွဲသပိတ်ကို အသုံးပြုပြီး လူထုလှုပ်ရှားမှုတွေ ဖော်ဆောင်ရာကနေ အစိုးရဖြုတ်ချရေး၊ ကြားဖြတ်အစိုးရဖွဲ့စည်းရေးကို အရှိန်မြှင့်ရေးအတွက်လား ဆိုတာက ကြိုတင် ဖော်ထုတ်ဖို့ လိုအပ်ပါတယ်။ ဒါမှလဲ သင့်လျော်မယ့် နိုင်ငံရေးအခင်းအကျင်း သဏ္ဍာန်ကို ပြင်ဆင်တည်ဆောက်ပြီး အကောင်အထည်ဖော်နိုင်မှာပါ။ ထိရောက်မှုရှိမရှိဆိုတာကိုတော့ နောက်ဆုံးမှာ သက်ဆိုင်ရာ ရွေးကောက်ပွဲသပိတ်ရဲ့ မူလက ချမှတ်ထားတဲ့ ရည်မှန်းချက်ပန်းတိုင်ကို အောင်မြင်စွာ ရောက်နိုင်ခြင်း ရှိမရှိဆိုတာနဲ့ပဲ တိုင်းတာကြရမှာဖြစ်ပါတယ်။

ခင်မမမျိုး (၉၊ ၉၊ ၂၀၁၀)


ရည်ညွှန်းကိုးကား။

Ahmed, Nizam (2001) 'Bangladesh. Elections in Asia and the Pacific: A Data Handbook- Vol. 1', Middle East, Central Asia, and South Asia, Dieter Nohlen, Florian Grotz, and Christof Hartmann (eds), Oxford: Oxford University Press.

Bratton, Michael & Nicholas van de Walle (1992) Democratic Experiments in Africa: Regime Transitions in Comparative Perspective, Cambridge: Cambridge University Press.

Bratton, Michael (1998) 'Second Elections in Africa', Journal of Democracy 9, no.3: 18- 33.

Crain, Mark, Donald R. Leavens & Lynn Abbot (1987) 'Voting and Not Voting at the Same Time', Public Choice, 53: 221-9.

Dahl, Robert A. (1971) Polyarchy: Participation and Opposition, New Haven: Yale University Press.

Huntington, Sammuel P. (1991) The Third Wave: Democratization in the Late Twentieth Century, Norman; London: University of Oklahoma Press.

Hyde, Susan Dayton & Emily Beaulieu. (2004) 'Election Boycotts, Election Observers, and Competition: Do international election observers give parties an incentive to boycott elections?', Presented at the American Political Science Association, annual meeting in Chicago.

Mainwaring, Scott & Timothy R. Scully. (1995) Building Democratic Institutions: Party Systems in Latin America, Stanford: Stanford University Press.

Nelson, Michael H. (2001) Thailand. Elections in Asia and the Pacific: A Data Handbook, Vol. II- South East Asia, East Asia, and the South Pacific, iDieter Nohlen, Florian Grotz & Christof Hartmann (eds) Oxford: Oxford University Press.

Pastor, Robert (1998) 'Mediating Elections', Journal of Democracy 9, no.1: 154-63.

Schedler, Andreas (2002) 'Elections without Democracy: The Menu of Manipulation', Journal of Democracy 13, no.2.

Schelling, Thomas C. (1978) Micromotives and Macrobehavior, New York: W.W. Norton & Company.

အပြည့်အစုံ ဖတ်ရန် ...

Friday, September 10, 2010

စစ်အစိုးရပိုင် သတင်းစာများတွင် ပဲခူးမြို့ရှိ လူငယ် နှစ်ဦးအား သတ်ဖြတ်မှု ကို လွဲမှားစွာ ဖော်ပြ

အသက် ၁၉ နှစ် အရွယ်ရှိ မောင်စိုးပိုင်ဇော် နှင့် အသက် ၂၃ နှစ် အရွယ်ရှိ မောင်အောင်သူဟိန်း တို့ နှစ်ဦးကို သေနတ်ဖြင့် ပစ်ခတ်မှု ဖြစ်ပွားခဲ့ပြီး ပြစ်မှု ကျူးလွန်သူ လုံခြုံရေး အရာရှိ နှင့် စစ်သည်များအား အရေးယူမည် ဖြစ်ကြောင်း စစ်အစိုးရပိုင် ယနေ့ထုတ် မြန်မာ့အလင်း နှင့် ကြေမုံ သတင်းစာများတွင် ဖော်ပြထားသည်။ သို့သော် အမှုဖြစ်စဉ် အကြောင်းအရာများကို ထိုသတင်းစာများတွင် ကွဲလွဲစွာ ရေးသားထားသည်ကို တွေ့ရှိရသည်။

ထိုသတင်းစာများတွင် ဖော်ပြထားသော အမှု ဖြစ်စဉ်မှာ ပဲခူးဘူတာ လုံခြုံရေး တာဝန်ယူ ထားသည့် တပ်ဖွဲ့မှ အရာရှိ တစ်ဦး နှင့် အခြား တပ်မှ အရာရှိ တစ်ဦးတို့သည် ဘီယာ သောက်ပြီး ဆိုင်ကယ် ကယ်ရီဖြင့် ဘူတာသို့ ပြန်လာစဉ် စက်တင်ဘာ ၄ ရက်ည ၁၀ နာရီ ၀န်းကျင်တွင် ပဲခူးမြို့မှ လူငယ် ၇ ဦး စီးနင်း လိုက်ပါ လာသည့် သုံးဘီး ဆိုင်ကယ် နှင့် ပွတ်တိုက်မှု ဖြစ်ပွားခဲ့ကြောင်း၊ ထိုသို့ ပွတ်တိုက် မှုကြောင့် ဆိုင်ကယ် လဲသွားစဉ် လူငယ် ၇ ဦး နှင့် အရာရှိ နှစ်ဦးတို့ ခိုက်ရန် ဖြစ်ပွား ခဲ့ကြောင်း၊ လူငယ် ၇ ဦးမှာ အရက်သေစာ သောက်စား ထားကြောင်း ၊ ထို့နောက် အဖော်ပါလာသူ အရာရှိသည် ထွက်ပြေးပြီး ပဲခူး ဘူတာရှိ လုံခြုံရေး စစ်သည်များအား သွားရောက် အကြောင်းကြားခဲ့ကြောင်း၊ ယင်းနောက် အဆိုပါ အရာရှိ နှင့်အတူ လုံခြုံရေး စစ်သည် ၄ ဦး ပြန်လည် ရောက်ရှိ လာရာ မြလမ်း ထိပ်တွင် အခင်းဖြစ်ရာ၌ ပါဝင်ခဲ့သည့် လူငယ် ၇ ဦး နှင့် ပြန်လည် ဆုံတွေ့ကာ ထပ်မံ ခိုက်ရန် ဖြစ်ပွားခဲ့ကြောင်း ၊ လုံခြုံရေး စစ်သည် တစ်ဦးက သေနတ်ဖြင့် ပစ်ခတ် ခဲ့သည့် အတွက် မောင်စိုးပိုင်ဇော် (၁၉နှစ်) နှင့် မောင်အောင်သူဟိန်း (၂၃နှစ်) တို့ သေနတ် ထိမှန် ဒဏ်ရာရရှိ သေဆုံးခဲ့ကြောင်း မှားယွင်းစွာ ဖော်ပြထားသည်ကို တွေ့ရှိရသည်။

သေဆုံး ခဲ့သည့် လူငယ် နှစ်ဦးအား စက်တင်ဘာလ ၇ ရက်နေ့ မွန်းလွဲ ပိုင်းတွင် ဆင်ဖြူကွင်း သုသာန်၌ င်္သဂြိုဟ် ခဲ့ကြောင်း သက်ဆိုင်ရာ တာဝန်ရှိသူများကလည်း သေဆုံးသူ လူငယ် နှစ်ဦး၏ မိသားစုဝင်များအား သွားရောက် တောင်းပန်ခဲ့ကြောင်း နှင့် ယခုဖြစ်စဉ် နှင့် ပတ်သက်၍ နောက်ကွယ်မှ လှုံ့ဆော်မှုများကိုလည်း အရေးယူ ဆောင်ရွက်သွားမည် ဖြစ်ကြောင်း တို့ပါ ဖော်ပြထားသည်။

အထူး

source by : http://www.hanthawaddy.org

အပြည့်အစုံ ဖတ်ရန် ...

Thursday, September 9, 2010

တရုတ်၊ မြန်မာ စီးပွားဆက်ဆံရေး တိုးတက်ပေမဲ့ မြန်မာလူထု အကျိုးမခံစားရ

မြန်မာစစ်ခေါင်းဆောင် ဗိုလ်ချုပ်မှူးကြီးသန်းရွှေ(၀ဲ) နှင့် တရုတ်သမ္မတ ၀မ်ကျားပေါင်တို့ တွေ့ဆုံဆွေးနွေးနေစဉ်။
မြန်မာစစ်ခေါင်းဆောင် ဗိုလ်ချုပ်မှူးကြီးသန်းရွှေ(၀ဲ) နှင့် တရုတ်ဝန်ကြီးချုပ် ၀မ်ကျားပေါင်တို့ တွေ့ဆုံဆွေးနွေးနေစဉ်။ စက်တင်ဘာ ၉၊ ၂၀၁၀။ (ဓာတ်ပုံ ASSOCIATED PRESS )

VOA | မြန်မာစစ်အစိုးရ ခေါင်းဆောင်တွေက တရုတ်နဲ့ မြန်မာ ၂ နိုင်ငံအကြား ဆက်ဆံရေးတွေ ပိုပြီး တိုးမြှင့်နေသလို တရုတ်ရဲ့ စီးပွားရေး ရင်းနှီးမြှုပ်နှံမှုတွေကလည်း မြန်မာပြည်မှာ တော်တော်များလာနေပါတယ်။ ဒါပေမဲ့လည်း ရင်းနှီးမြှုပ်နှံမှုတွေက ရတဲ့အကျိုးအမြတ်တွေကို မြန်မာပြည်သူတွေ ထိထိရောက်ရောက် မခံစားရဘဲ ဖြစ်နေတယ်လို့ တရုတ်၊ မြန်မာ ဆက်ဆံရေးကို စောင့်ကြည့် လေ့လာနေသူတွေက ဝေဖန်ကြပါတယ်။ တရုတ်ပြည်ကို ဓာတ်ငွေ့ပိုက်လိုင်း သွယ်တန်းတဲ့ ကိစ္စကြောင့်လည်း ဒေသခံ မြန်မာပြည်သူတွေ လူ့အခွင့်အရေး ချိုးဖောက်မှုတွေကို ခံရမှာလည်း စိုးရိမ်နေရတယ်လို့ ဆိုပါတယ်။ အပြည့်အစုံကို ကိုကျော်အောင်လွင်က တင်ပြပေးထားပါတယ်။

ထိုင်းနိုင်ငံနဲ့ စင်ကာပူနိုင်ငံပြီးရင် တရုတ်နိုင်ငံဟာ မြန်မာပြည်မှာ ရင်းနှီးမြှုပ်နှံမှု အများဆုံး လုပ်နေတဲ့ နိုင်ငံပါ။ ပြီးခဲ့တဲ့ ၂၀၀၉ ခုနှစ်တုန်းက ၂ နိုင်ငံ အပြန်အလှန် ကုန်သွယ်မှု ပမာဏဟာ အမေရိကန်ဒေါ်လာ ၂.၉ ဘီလီယံအထိ ရှိခဲ့ပါတယ်။ ဒီနှစ်ဆန်းပိုင်းမှာ ထုတ်ပြန်တဲ့ စာရင်းတွေအရ မြန်မာပြည်မှာ တရုတ်ရဲ့ ရင်းနှီးမြှုပ်နှံတဲ့ ငွေပမာဏဟာ အမေရိကန်ဒေါ်လာ ၁.၈ ဘီလီယံ ရှိတယ်လို့ တရုတ်အစိုးရပိုင် ဆင်ဟွာ သတင်းဌာနက ဆိုပါတယ်။ ဒီပမာဏဟာ မြန်မာပြည်မှာ ရင်းနှီးမြှုပ်နှံတဲ့ နိုင်ငံခြား ရင်းနှီးမြှုပ်နှံမှု စုစုပေါင်းရဲ့ ၁၁.၅% ကို တရုတ်က လုပ်ဆောင်နေတဲ့ သဘောပါပဲ။

တရုတ်ရဲ့ ရင်းနှီးမြှုပ်နှံမှုတွေ များနေပေမဲ့လည်း မြန်မာပြည်သူတွေကတော့ အကျိုးအမြတ် ခံစားရတာတွေ နည်းနေတယ်လို့ တရုတ်၊ မြန်မာ ဆက်ဆံရေးကို စောင့်ကြည့် လေ့လာနေသူ တဦးဖြစ်တဲ့ ထိုင်းအခြေစိုက် အမျိုးသား ဒီမိုကရေစီ လွတ်မြောက်နယ်မြေရဲ့ နိုင်ငံခြားရေးမှူး ဦးညိုအုန်းမြင့်က ပြောပါတယ်။

“တရုတ်ရဲ့ ရင်းနှီးမြှုပ်နှံမှု ပိုပြီး များလာတာကတော့ မြန်မာပြည်ပေါ်မှာ စီးပွားရေး ပိတ်ဆို့မှုကို အနောက်နိုင်ငံတွေက ပြုလုပ်ထားတဲ့ အတွက်ကြောင့် တရုတ်အစိုးရ အနေနဲ့ ပြိုင်ဘက်မရှိ လုပ်နိုင်တယ်လို့ ပြောလို့ရပါတယ်။ တရုတ် ရင်းနှီးမြှုပ်နှံမှုတွေက မြန်မာပြည်သူတွေ အပေါ်မှာ တချို့တ၀က်တော့ အကျိုးရှိနိုင်ပါတယ်။ ဒါပေမဲ့ အဓိက သူ့ရဲ့ ရင်းနှီးမြှုပ်နှံမှု အားလုံးက တရုတ်ကုမ္ပဏီတွေ၊ တရုတ်ရဲ့ စက်မှုလုပ်ငန်းတွေအတွက် ပိုပြီး အကျိုးရှိတယ်လို့ ပြောနိုင်ပါတယ်။”

တရုတ်ဟာ မြန်မာပြည်မှာ စွမ်းအင်ဆိုင်ရာ ကိစ္စတွေကို အခုနောက်ပိုင်း ပိုပြီး ရင်းနှီးမြှုပ်နှံမှုတွေ လုပ်လာပါတယ်။ မြန်မာပြည်က ရေနံနဲ့ သဘာဝဓာတ်ငွေ့ တူးဖော်ထုတ်လုပ်ရေး လုပ်ငန်းနဲ့ ရေအားလျှပ်စစ် ထုတ်လုပ်ရေး လုပ်ငန်းတွေ ဖြစ်ပါတယ်။ မြန်မာပြည်နဲ့ ကပ်လျက် တရုတ်ပြည် ယူနန်နယ်ထဲကို ဓာတ်ငွေ့ပိုက်လိုင်း သွယ်တန်းမှုလည်း စနေပါပြီ။ ဒီလို ပိုက်လိုင်းသွယ်တန်းမှုကို ကြည့်ခြင်းအားဖြင့် တရုတ်ဟာ မြန်မာပြည်ကို စီးပွားရေးအရ လွှမ်းမိုးမှု ကြီးကြီးမားမား လုပ်ထားတဲ့ သဘောပဲလို့ ဦးညိုအုန်းမြင့်က ဆိုပါတယ်။

“ဒါ အင်မတန်မှ မဟာဗျူဟာမြောက်တဲ့ တရုတ်နိုင်ငံရဲ့ ဆုံးဖြတ်ချက်တခု ဖြစ်တယ်လို့ ကျနော် ထင်ပါတယ်။ တရုတ်ဘက်က ကြည့်မယ်ဆိုရင်တော့ ဓာတ်ငွေ့ပိုက်လိုင်းကို ချထားခြင်းအားဖြင့် မြန်မာနိုင်ငံဟာ သူ့ရဲ့ ရင်ခွင်ပိုက် တိုင်းပြည်လေးတခုအဖြစ် ကျရောက်နေပြီဆိုတာ ကျနော်တို့အားလုံး သတိထားသင့်ပါတယ်။”

မြန်မာပြည်ကနေ ထိုင်းကို ရောင်းချနေတဲ့ ရေနံနဲ့ သဘာဝဓာတ်ငွေ့ တူးဖော်ထုတ်လုပ်ရေးနဲ့ ပိုက်လိုင်း သွယ်တန်းမှုတွေကြောင့် လူ့အခွင့်အရေး ချိုးဖောက်မှုတွေ ဖြစ်ခဲ့ပါတယ်။ အခု တရုတ်နဲ့ လုပ်နေတဲ့ ဓာတ်ငွေ့ပိုက်လိုင်း သွယ်တန်းမှုမှာလည်း ဒီလိုပြဿနာတွေ ဖြစ်လာမှာကို စိုးရိမ်နေရတယ်လို့ ဆိုပါတယ်။

“တရုတ်အစိုးရဘက်က အခုနောက်ပိုင်း သူတို့ရဲ့ ပေါ်လစီအသစ်တွေကို ကျနော်တို့ ပြန်ကြည့်မယ်ဆိုရင် သူတို့အနေနဲ့ လူ့အခွင့်အရေးနဲ့ သဘာဝ ပတ်ဝန်းကျင် ထိန်းသိမ်းရေး ဆိုတာကိုလည်း ဦးစားပေးတာကို ရှိပါတယ်။ ဒါပေမဲ့ ကျနော်တို့ မြန်မာနိုင်ငံမှာ အုပ်ချုပ်ရေး အပိုင်းတွေကတော့ လူ့အခွင့်အရေး ချိုးဖောက်ဖို့ကို ၀န်လေးမှာ မဟုတ်ပါဘူး။

“ဥပမာ စစ်တပ်က ပေါ်တာဆွဲပြီးတော့ ငွေမရဘဲနဲ့ လုပ်ရမယ့် အလုပ်သမားတွေ၊ ပေါ်တာဆွဲခံရမယ့် ပြဿနာတွေ အများကြီး ကြုံလာနိုင်ပါတယ်။ ဒေသခံ အာဏာပိုင်တွေရဲ့ တင်းကျပ်မှုကို တရုတ်ကုမ္ပဏီတွေကိုယ်တိုင် ခံစားနေရတဲ့အတွက် တရုတ်အစိုးရ အနေနဲ့လည်း ဒီအပေါ်မှာ အခက်အခဲ အများကြီး ရှိတယ်လို့ ကျနော်တို့ သိထားပါတယ်။”

သူများတိုင်းပြည်တွေကို စွမ်းအင်တွေ ရောင်းချနေပေမဲ့ ကိုယ့်တိုင်းပြည်ထဲမှာ ပြည်သူတွေ မီးမမှန်၊ ရေမမှန် ဖြစ်နေတာတွေကို စစ်အစိုးရ ခေါင်းဆောင်ပိုင်းက ဂရုမစိုက်ဘူးလို့လည်း ဦးညိုအုန်းမြင့်က ဝေဖန်ပါတယ်။ မြန်မာနဲ့ တရုတ်အကြား စီးပွားရေး လုပ်ငန်းတွေမှာ နယ်စပ်ကုန်သွယ်ရေးကလည်း အဓိက ကျပါတယ်။ အခုတလော တရုတ်၊ မြန်မာ နယ်စပ်မှာ ရှိနေတဲ့ စစ်အစိုးရနဲ့ အပစ်ရပ်ထားတဲ့ အဖွဲ့တွေနဲ့ စစ်အစိုးရအကြား မပြေလည်မှုတွေ များလာတာဟာ တရုတ်အတွက် စိုးရိမ်စရာပဲလို့ ဆိုပါတယ်။

“ယူနန်ပြည်နယ်ရဲ့ အဓိက စီးပွားရေး မိတ်ဘက်က မြန်မာနိုင်ငံ ဖြစ်ပါတယ်။ တကယ်လို့များ အပစ်ရပ် အဖွဲ့တွေနဲ့ နအဖကြားထဲမှာ တင်းမာမှုတွေက ယူနန်ပြည်နယ်မှာ ရှိနေတဲ့ စီးပွားရေး လုပ်ငန်းတွေ၊ ဘဏ်လုပ်ငန်းတွေ၊ ကုန်သွယ်ရေး လုပ်ငန်းတွေကို ထိခိုက်နိုင်ပါတယ်။ ဒီအတွက်ကြောင့် တရုတ်အစိုးရ အနေနဲ့လည်း နအဖရဲ့ အခုလက်ရှိ သောင်မတင် ရေမကျ ဖြစ်နေတဲ့ အပစ်ရပ်အဖွဲ့တွေနဲ့ ဆက်ဆံရေးကြားမှာ သူ့အနေနဲ့ အထူးစိုးရိမ်မှာ ဖြစ်ပါတယ်။”

စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေတို့အဖွဲ့ တရုတ်ပြည်ကို ရောက်နေတာ ၃ ရက် ရှိသွားပါပြီ။ သူမပြန်ခင် တရုတ်ပြည်က စီးပွားရေး ထွန်းကားတဲ့ ရှန်ဟိုင်းမြို့က ကုန်စည်ပြပွဲနဲ့ ရှန်ဇန်းမြို့တွေကိုလည်း သွားဖို့ရှိပါတယ်။ မကြာခင်တုန်းက မြန်မာပြည်ကို ရောက်လာခဲ့တဲ့ တရုတ်ဝန်ကြီးချုပ် ၀မ်ကျားပေါင်ရဲ့ ခရီးစဉ်မှာတုန်းက စီးပွားရေး အပါအ၀င် ၂ နိုင်ငံ ပူးတွဲ ဆောင်ရွက်ကြမယ့် သဘောတူညီချက် ၁၅ ခုကို လက်မှတ်ရေးထိုးခဲ့ပါတယ်။ အခု ဗိုလ်ချုပ်မှူးကြီး သန်းရွှေရဲ့ ခရီးစဉ်မှာလည်း စီးပွားရေးနဲ့ တခြားကိစ္စတွေ တိုးချဲ့ လုပ်ကိုင်ကြမယ့် သဘောတူညီချက်တွေ ပါလာဦးမှာ မလွဲဘူးလို့လည်း စောင့်ကြည့် လေ့လာသူတွေက ခန့်မှန်းထားကြပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ALL BURMA MONKS ALLIANCE ( ABMA ) ဂျာနယ်

အပြည့်အစုံ ဖတ်ရန် ...

ပြည်တွင်းက သူတွေကို သတိပေး ပေးကြပါ

အခုရက်ပိုင်းအတွင်း မြန်မာပြည်မှ အင်တာနက်ဆိုင်များတွင် စစ်အစိုးရရဲ့ စအဖ (စစ်ဖက်ရေးရာ အထူး လုံခြုံရေးအဖွဲ့) မှ အင်တာနက် ဆိုင်များတွင် ဆိုင်ရှင်များအား ဖိအားပေးပြီး ဆိုင်ဝန်ထမ်းပုံစံဖြင့် အမျိုးသမီးငယ် များအား လာရောက် ထည့်သွင်း မြုပ်နှံထားကြောင်း ရန်ကုန်မှ အင်တာနက်ဆိုင်ရှင် တစ်ဦးမှ ဆက်သွယ် ပြောဆို လာပါတယ်။

ဆိုင်ပိုင်ရှင်မှ ပြောဆိုရာမှာတော့ လာရောက် သုံးစွဲတဲ့ လူငယ်တွေက အမျိုးသမီး ဝန်ထမ်းတွေပဲ ဆိုပြီး သိပ်ပြီး ဂရုမစိုက်ကြတဲ့အတွက် အန္တရာယ်များကြောင်း ... စအဖ မှ အင်တာနက် ဆိုင်ရှင်များကို ဖိအားပေးပြီး အတင်းလာရောက် ထည့်ထားခြင်းဖြစ်ကြောင်း ဆိုင်တော်တော် များများမှာ ထည့်ထားကြောင်း.. ယခု ရက်ပိုင်း အတွင်း လာရောက် ထည့်သွင်းထားတာ ဖြစ်ကြောင်း... ဆိုင်ပိုင်ရှင်များလည်း စိတ်ညစ်နေရကြောင်း ဒီသတင်းကို ဆက်လက် ဖြန့်ဝေ ပေးစေလိုကြောင်း ဆက်သွယ် ပြောကြားသွားပါတယ်။

ပြည်တွင်းက ညီအကို မောင်နှမများ အားဆက်လက် ဖြန့်ဝေ ပေးကြပါရန်....

အပြည့်အစုံ ဖတ်ရန် ...

Wednesday, September 8, 2010

စစ်ရေး အနီးကပ်ပူးပေါင်းဆောင်ရွက်ဖို့ တရုတ်က မြန်မာကို တိုက်တွန်း

RFA | စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေဟာ တရုတ်သမတ Hu Jintao နဲ့ ဘေဂျင်းမြို့တော်မှာ ဒီကနေ့ စက်တင်ဘာ ၈ ရက် ဒေသစံတော်ချိန် ညနေ ငါးနာရီလောက်က တွေ့ဆုံပြီးတဲ့နောက် နှစ်နိုင်ငံ ချစ်ကြည်မှု၊ ပူးပေါင်း ဆောင်ရွက်မှုနဲ့ ယုံကြည်မှုတွေ ပိုမိုတိုးပွားဖို့ မျှော်လင့်ကြောင်း ပြောဆိုလိုက်ပါတယ်။

တရုတ်သမတ ဟူဂျင်တောင် (အလယ်-ဝဲ)နှင့် မြန်မာစစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေ (အလယ်-ယာ) တို့ကို စက်တင်ဘာ ၈ ရက်နေ့က တရုတ်နိုင်ငံ၊ ဘီဂျင်းမြို့တော် ပြည်သူ့ခန်းမဆောင်တွင် ကျင်းပသော ကြိုဆိုရေး အခမ်းအနားတွင် တွေ့ရပုံ ဖြစ်ပါသည်။ (Photo: AFP)

တရုတ်သမတ ဟူဂျင်တောင်ကလည်း မြန်မာနဲ့ တရုတ်ဆက်ဆံရေး ကောင်းမွန်ဖို့ တရုတ်က အထူးအလေးထားကြောင်းနဲ့ နယ်စပ်ဒေသ တည်ငြိမ်ရေးဟာ နှစ်နိုင်ငံစလုံးအတွက် အင်မတန် အရေးပါကြောင်း ပြောပါတယ်။

အင်္ဂါနေ့ကတော့ တရုတ်စစ်ဦးစီးချုပ် Chen Bingde နဲ့ စစ်အစိုးရခေါင်းဆောင် လက်ရှိ နံပါတ်(၃) အဆင့် သူရ ဦးရွှေမန်းတို့ တွေ့ဆုံပြီး နှစ်နိုင်ငံစစ်ရေးကိစ္စ ဆွေးနွေးခဲ့ပါတယ်။ တရုတ် ကာကွယ်ရေး ဦးစီးချုပ်ကတော့ မြန်မာနဲ့ တရုတ်နှစ်နိုင်ငံ စစ်ရေးအရ ပိုပြီး ပူးပေါင်းဆောင်ရွက်ဖို့ ဆွေးနွေးပွဲအပြီးမှာ တိုက်တွန်းလိုက်ပါတယ်။

အရှေ့နဲ့ အရှေ့တောင်အာရှ ဒေသတွင်း နိုင်ငံတချို့မှာ အမေရိကန်နဲ့ စစ်ရေး ပူးပေါင်းလေ့ကျင့်မှုတွေ အရင်ကထက် ပိုပြီး ရှိလာတာကို တရုတ်အနေနဲ့ စိုးရိမ်လာတဲ့အတွက် အခုလိုအိမ်နီးချင်းနိုင်ငံတွေနဲ့ စစ်ရေးအရ ပိုပြီး ထင်ထင်ပေါ်ပေါ် ပူးပေါင်းဆက်ဆံလာတာ ဖြစ်တယ်လို့ တရုတ်နိုင်ငံက မြန်မာ့အရေး လေ့လာနေသူ ဒေါက်တာလှကျော်ဇောက RFA ကို ပြောပါတယ်။

“အရှေ့တောင်အာရှမှာ၊ အထူးသဖြင့် အရှေ့အာရှမှာ အမေရိကန်က ပြန်လည် လှုပ်ရှားလာတာ ဖြစ်ပါတယ်။ ဂျပန်နဲ့ ပေါင်းပြီးတော့ကော၊ တောင်ကိုရီးယားနဲ့ ပေါင်းပြီးတော့ကော အမေရိကန် စစ်သင်္ဘောတွေပေါ့။ အဲဒီတော့ အမေရိကန်ရဲ့ စစ်အခြေခံစခန်းက ဂျပန်မှာလည်း သူက လေးသောင်းကျော် ရှိတယ် စစ်သား။ တောင်ကိုရီးယားမှာလည်း နှစ်သောင်းကျော်။ အဲဒီတော့ သူ့စိတ်ထဲမှာ သူက အဝိုင်းခံနေရတယ်၊ တရုတ်က။ အဲဒါကြောင့်မို့ သူကလည်း လက်ဦးမှုရှိရှိ သူ့ ဘေးပတ်ဝန်းကျင်က၊ အထူးသဖြင့် သူ့ဘေးပတ်ဝန်းကျင်က နိုင်ငံတွေ သူက လက်ဦးမှုရှိရှိ ပူးပေါင်းတာ ဆောင်ရွက်တာ၊ သူကိုယ်တိုင်က တက်တက်ကြွကြွ လုပ်တာ ရှိတယ်။”

ဗိုလ်ချုပ်မှူးကြီးသန်းရွှေအနေနဲ့ သူ့ခရီးစဉ်မှာ ဆွေးနွေးပြောဆိုမဲ့ အကြောင်းအရာတွေ အတိအကျ မသိရပေမဲ့ လာမဲ့ နိုဝင်ဘာလမှာ ကျင်းပမဲ့ ရွေးကောက်ပွဲအတွက် တရုတ်ရဲ့ ထောက်ခံမှုရဖို့ ကြိုးစားမှာ ဖြစ်တယ်လို့ ဝေဖန် ပြောဆိုနေကြပါတယ်။ ဒါအပြင် နှစ်နိုင်ငံ ကုန်သွယ်ရေးကိစ္စနဲ့ နယ်စပ်ဒေသ အရေး အလေးထား ပြောဆိုဖို့ ရှိတယ်လို့လည်း ယူဆကြပါတယ်။

ကြာသပတေးနေ့မှာတော့ ဝန်ကြီးချုပ် Wen Jiabao နဲ့ အခြားဝန်ကြီးတွေ့ဆုံအပြီး ရှန်ဟိုင်းမြို့မှာ ကျင်းပနေတဲ့ ကမ္ဘာ့ကုန်စည်ပြပွဲနဲ့ ကုန်သွယ်ရေးလုပ်ငန်း တရှိန်ထိုးတိုးမြှင့်လာတဲ့ ရှန်ဇန်းမြို့ကို သွားရောက်ကြည့်ရှုမှာ ဖြစ်ပါတယ်။

ဒေသတွင်း မိတ်ဖက် ကုန်သွယ်စီးပွားရေး တိုးချဲ့ဖို့အတွက် တရုတ်က အဓိက ဦးတည်လာတဲ့ နေရာမှာ မြန်မာနိုင်ငံကိုလည်း စည်းရုံးလာတာ ဖြစ်တယ်လို့ ဒေါက်တာလှကျော်ဇောက ပြောပါတယ်။ အကြောင်းစုံကို RFA မှ မအင်ကြင်းနိုင်က ဆက်သွယ်မေးမြန်းထားပါတယ်။

ဆက်သွယ်မေးမြန်းချက် နားဆင်ရန်

source by :http://www.rfa.org

အပြည့်အစုံ ဖတ်ရန် ...

ပခုက္ကူသွေးစက်


ပခုက္ကူသွေးစက်


ပခုက္ကူမှာ

ကျခဲ့ရတဲ့

သံဃာ့သွေးစက်တွေ

မြေပေါ်မှာ

ခြောက်သွေ့ချင်

ခြောက်သွေ့သွားလိမ့်မယ်၊

ငါတို့နှလုံးသားထဲမှာတော့

မခြောက်သေးဘူးဟေ့။


သွေးစုပ်မိစ္ဆာ

အာဏာရှင်စနစ်ဆိုး

မြန်မာပြည်မှာ

ကွယ်ပျောက်စေရမယ်၊

ငါတို့နှလုံးထဲက

ကြွေးကြော်သံတွေ

ပေါင်းဆုံလာတဲ့နေ့။


ခင်မမမျိုး (၅၊ ၉၊ ၂၀၁၀)

အပြည့်အစုံ ဖတ်ရန် ...

ရွှေဝါရောင်စိတ်ဓာတ် ရှင်သန်နေဆဲ

VOA | လာမယ့် စက်တင်ဘာလ ၂၆ ရက်နေ့ဆိုရင် မြန်မာနိုင်ငံမှာ မေတ္တာပို့ ဆန္ဒထုတ်ဖော်ခဲ့ကြတဲ့ သံဃာတော်တွေကို စစ်တပ်က ရက်ရက်စက်စက် ပစ်ခတ် နှိမ်နင်းခဲ့တာ ၃ နှစ် ပြည့်ပါတော့မယ်။ ၃ နှစ် ကြာလာပြီ ဖြစ်ပေမဲ့ ပြည်သူတွေရဲ့ ရင်ထဲမှာ ရွှေဝါရောင်စိတ်ဓာတ် ရှိနေဆဲပဲလို့ သံဃာ့လှုပ်ရှားမှုတွေကို ဦးဆောင်တဲ့ ဆရာတော်တွေက မိန့်ပါတယ်။ ရဟန်းရှင်လူ ပြည်သူတွေ သွေးမြေကျခဲ့တဲ့ ရွှေဝါရောင် သံဃာ့လှုပ်ရှားမှုရဲ့ အရှိန်က ၃ နှစ်အကြာမှာ ဘယ်လောက် အတိုင်းအတာအထိ ရှိနေပါသေးလဲဆိုတာ သိရဖို့ မြန်မာနိုင်ငံက သံဃာ့လှုပ်ရှားမှုတွေမှာ ကိုယ်တိုင် ပါဝင်ခဲ့တဲ့ သံဃာတော် ၂ ပါးကို တွေ့ဆုံမေးမြန်းထားတဲ့ မခင်ဖြူထွေးက အပြည့်အစုံ တင်ပြပေးထားပါတယ်။

လွန်ခဲ့တဲ့ ၃ နှစ်၊ ၂၀၀၇ ခုနှစ်က အခုလို စက်တင်ဘာလထဲမှာပဲ သံဃာတော်တွေ ဦးဆောင်ပြီး ငြိမ်းချမ်းစွာ ဆန္ဒပြခဲ့ကြတဲ့ လူထု ဆန္ဒပြပွဲတွေကို မြန်မာစစ်အစိုးရက ရက်ရက်စက်စက် သတ်ဖြတ် ချေမှုန်းခဲ့တာပါ။ ဒီလို ရဟန်းရှင်လူတွေ သွေးမြေကျခဲ့တဲ့ ရွှေဝါရောင် သံဃာ့လှုပ်ရှားမှုကို ပြည်သူတွေက မေ့လျော့သွားကြပါပြီလား၊ စက်တင်ဘာ သံဃာ့လှုပ်ရှားမှုမှာ ဦးဆောင်ပါဝင်ခဲ့တဲ့ လက်ရှိ သံဃာ့တပ်ပေါင်းစု အဖွဲ့ရဲ့ ပြည်ပတာဝန်ခံ ဆရာတော် အရှင် ပညာဇောတက အခုလို မိန့်ပါတယ်။

“ရဟန်းသံဃာတော်တွေက ဒီနေ့အထိ သူတို့ရဲ့ ရင်ထဲ နှလုံးသားထဲမှာ ကိန်းအောင်းနေတုန်း ရှိနေသေးတယ် ဆိုတာကို ဦးဇင်းတို့ သိရတယ်၊ ကြားရတယ်။ ထို့အတူပဲ တချိန်ချိန်မှာတော့ သံဃာတော်များဟာ ပြန်ပြီး ပေါ်ထွက်လာလိမ့်မယ်လို့ လူတွေကလည်း သံဃာတော်တွေရဲ့ အပေါ်မှာ ယုံကြည်မှုတွေ ရှိနေတယ်။ ဒါကြောင့် အခုချိန်မှာ နအဖအစိုးရကတော့ ညှဉ်းပန်းနှိပ်စက်မှုတွေ၊ ဖိနှိပ်မှုတွေ၊ စောင့်ကြည့်မှုတွေ ရှိနေတဲ့ ကြားထဲကပဲ သံဃာတော်တွေက လှုပ်ရှားမှုတွေ ရှိနေတာ တွေ့ရတဲ့ အတွက်ကြောင့်၊ လူတွေကလည်း မျှော်လင့်နေတယ် ဆိုတဲ့ဟာတွေ ကြားရတဲ့ အတွက်ကြောင့် ဒီအပေါ်မှာ ဒီနေ့အထိ စိတ်ဝင်စားမှု ရှိနေသေးတယ်၊ လျော့မသွားသေးဘူးလို့ ဦးဇင်းတို့ အဲဒီလို သိပါတယ်။”

စက်တင်ဘာ သံဃာ့လှုပ်ရှားမှု ဖြစ်ပွားပြီးကတည်းက စလို့ သံဃာတော်တွေရဲ့ လှုပ်ရှားမှုတွေကို ကန့်သတ် ချုပ်ချယ်မှုတာတွေ အဆက်မပြတ် ရှိခဲ့သလို ခုချိန်ထိလည်း လျော့မသွားသေးတဲ့ အကြောင်းကိုတော့ စက်တင်ဘာ သံဃာ့လှုပ်ရှားမှု ဦးဆောင် ဆရာတော်တပါးဖြစ်တဲ့ အရှင် ဂေါသိတက အခုလို မိန့်ပါတယ်။

“ကန့်သတ်မှုတွေကတော့ အများကြီးပါ။ အခုလို စက်တင်ဘာ နီးလာလေလေ ကန့်သတ်မှုတွေ များလာလေလေပဲ။ သံဃာတော်တွေကို ဟိုမသွားရ၊ ဟိုမလာရ၊ ဒီမသွားရ၊ ဒီမလာရဆိုတဲ့ ပိတ်ဆို့မှုတွေတော့ များတယ်။ ဒါပေမဲ့ ဘယ်လိုပင်၊ ဘယ်လောက်ပင် များပါစေ၊ အထဲထဲမှာ ဦးဇင်းတို့နဲ့ လုပ်ဖော်ကိုင်ဘက်တွေက သူတို့ တတ်နိုင်တဲ့ နေရာက၊ သူတို့ တတ်နိုင်တဲ့ဘက်က တိုင်းပြည်အတွက်၊ ကိုယ့်ရဲ့ ဒကာ၊ ဒကာမတွေအတွက်၊ သာသနာအတွက် လုပ်နေတယ် ဆိုတာကိုတော့ ဦးဇင်း ပြောချင်ပါတယ်။”

မြန်မာစစ်အစိုးရက သံဃာတော်တွေအပေါ် ဘယ်လိုပဲ ကန့်သတ်မှုတွေ လုပ်လုပ် မြန်မာနိုင်ငံက ရဟန်းရှင်လူ ပြည်သူတွေ ကြားမှာတော့ ရွှေဝါရောင်စိတ်ဓာတ် အလွယ်တကူ ပျောက်သွားမှာ မဟုတ်သလို ပြည်တွင်း ပြည်ပက သံဃာတော်တွေရဲ့ လှုပ်ရှားမှုတွေ ဆက်ပြီး ရှိနေသေးတယ်လို့လည်း ဒီဆရာတော် ၂ ပါးစလုံးက မိန့်ပါတယ်။

အခုချိန်မှာ မြန်မာစစ်အစိုးရက ရွေးကောက်ပွဲတွေ ကျင်းပဖို့ ပြင်ဆင်နေသလို ရွေးကောက်ပွဲတွေဟာ လွတ်လပ် တရားမျှတပြီး အများပါဝင်နိုင်ခြင်း မရှိတာကြောင့် ဒီရွေးကောက်ပွဲတွေတွေကို လက်မခံကြောင်းနဲ့ ခုလိုချိန်မှာ သံဃာတော်တွေရဲ့ အခန်းကဏ္ဍက အရေးကြီးတယ်လို့လည်း အရှင် ပညာဇောတက အခုလို မိန့်ပါတယ်။

“ရွှေဝါရောင်က အရှိန်တွေဟာ ဒီနေ့အထိ ရှိနေတုန်းပါပဲ။ ပြည်သူ ပြည်သားတွေကလည်း သံဃာတော်တွေက ဘာပြောသလဲ၊ သံဃာတော်တွေက ဘာလုပ်နေလဲ ဆိုတာကို သံဃာတော်တွေရဲ့ အပေါ်မှာ ပြည်သူတွေက မျှော်လင့်နေကြတယ်၊ စိတ်ဝင်စားနေကြတယ်။ ထို့အတူပဲ သံဃာတော်များကလည်း အခြေအနေ ပေးလာရင် ပေးလာတာနဲ့အမျှ လုပ်ဖို့ ပြင်ဆင်တာတွေ ရှိတယ်။

“ဒါကြောင့် ဒီနေ့ ဒီကာလမှာဆိုရင် သံဃာတော်တွေရဲ့ အခန်းကဏ္ဍဟာ တော်တော် အရေးကြီးပါတယ်။ ဘာကြောင့်လဲဆိုရင် ရွေးကောက်ပွဲ နီးနေပြီ။ ရွေးကောက်ပွဲ နီးနေတဲ့ အချိန်မှာ သံဃာတော်တွေက မက်ဆေ့ခ်ျ ပေးနိုင်ရပါမယ်၊ ဒီအချိန်မှာ။ ဘာကြောင့်လဲဆိုရင် ပြည်သူ ပြည်သားတွေက သံဃာတော်တွေရဲ့ စကားကို နားစွင့်နေတယ်။ ဒါကြောင့် ဒီနေ့ ဒီအချိန်မှာ နအဖလုပ်မယ့် ရွေးကောက်ပွဲမှာ ဘယ်နည်းနဲ့မှ မဲမပေးသင့်ပါဘူး။ ဒီလို မဲမပေးသင့်ဘူးဆိုတဲ့ အကြောင်းကို သံဃာတော်များကလည်း ဟောပြောဖို့၊ သွန်သင်ဖို့၊ ညွှန်ပြဖို့ လိုသလို ပြည်သူများကလည်း စစ်အစိုးရက သူ အာဏာတည်မြဲရေးအတွက် လုပ်မယ့်မဲကို လုံးဝ မဲမပေးဘဲနဲ့ သပိတ်မှောက်ဖို့ ပြောချင်ပါတယ်။

“ဒါဟာ ရွှေဝါရောင်ကို သက်သေထူတာ ဖြစ်သလို ၁၉၈၈ ခုနှစ်က ဖြစ်ခဲ့တဲ့ ဖြစ်ရပ်တွေကိုလည်း သက်သေထူတာ ဖြစ်တယ်။ ဒါကြောင့် မဲမပေးဘဲ နေဖို့ သံဃာများရဲ့ကိုယ်စား ပြည်သူတွေကိုလည်း မေတ္တာရပ်ခံချင်ပါတယ်။ သံဃာတော်များကလည်း ဟောပြောပေးဖို့အတွက် လျှောက်ထားချင်ပါတယ်။”

စက်တင်ဘာ သံဃာ့လှုပ်ရှားမှုမှာ ဦးဆောင်ပါဝင်ခဲ့ပြီး လက်ရှိ သံဃာ့တပ်ပေါင်းစု အဖွဲ့ရဲ့ ပြည်ပတာဝန်ခံ ဆရာတော် အရှင် ပညာဇောတ မိန့်ကြားသွားတာ ဖြစ်ပါတယ်။

၂၀၀၇ ခုနှစ် စက်တင်ဘာလ ၅ ရက်နေ့က ပခုက္ကူမြို့မှာ သံဃာတော် အပါး ၅၀၀ ကျော် မေတ္တာပို့ လမ်းလျှောက် ဆန္ဒပြနေတာကို စစ်အစိုးရ အာဏာပိုင်တွေက ရိုက်နှက် ဖြိုခွဲမှုတွေ လုပ်ခဲ့ရာကနေ မြန်မာနိုင်ငံအနှံ့ ရဟန်းရှင်လူ ပြည်သူတွေ မခံမရပ်နိုင်ဖြစ်ပြီး ဆန္ဒပြမှုတွေ ဖြစ်ပွားခဲ့တာပါ။ ဒီဆန္ဒပြမှုတွေကို မြန်မာစစ်အစိုးရက အင်အားသုံးပြီး အကြမ်းဖက် နှိမ်နင်းမှုတွေ လုပ်ခဲ့တာ ဖြစ်ပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ဆင်ခြင်တုံတရားမဲ့ ပစ်သတ်ခံရသူ လူငယ် ၂ ဦးရဲ့ ဈာပန


source by : http://burmatoday.net

အပြည့်အစုံ ဖတ်ရန် ...

Tuesday, September 7, 2010

မြန်မာရွေးကောက်ပွဲမှာ မစွက်ဖက်ဖို့ တရုတ်သတိပေး

RFA | မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေ တရုတ်နိုင်ငံကို အင်္ဂါနေ့က အလည်အပတ်ခရီး ရောက်လာတဲ့အချိန်မှာ နိုင်ငံတကာအသိုင်းအဝိုင်းအနေနဲ့ မြန်မာ ရွေးကောက်ပွဲကို ဝင်ရောက် မစွက်ဖက်ကြဖို့ တရုတ်အစိုးရက သတိပေးပြောလိုက်ပါတယ်။

မြန်မာစစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေ (ယာ) စက်တင်ဘာ ၇ ရက်နေ့က တရုတ်နိုင်ငံ၊ ဘီဂျင်း နိုင်ငံတကာ လေဆိပ်သို့ ဆိုက်ရောက်လာပုံ ဖြစ်ပါသည်။ (Photo: AFP)

ဒါဟာ ရွေးကောက်ပွဲပြီးရင် တက်လာမဲ့ အစိုးရဟာ အရပ်ဝတ် ပြောင်းလိုက်တဲ့ ဗိုလ်ချုပ်တွေပဲဆိုတာ သေချာနေတာကြောင့် တရုတ်အနေနဲ့ အကျိုးစီးပွားကြည့်ပြီး ပြောလိုက်တာ ဖြစ်တယ်လို့ တရုတ်-မြန်မာနယ်စပ်အခြေစိုက် မြန်မာ့အရေး လေ့လာနေတဲ့ ဦးအောင်ကျော်ဇောက ပြောပါတယ်။

ဗိုလ်ချုပ်မှူးကြီးသန်းရွှေရဲ့ ခရီးစဉ်မှာ တရုတ်သမတ ဟူဂျင်တောင်နဲ့ တွေ့ဆုံမှာဖြစ်ပါတယ်။ တရုတ် နိုင်ငံခြားရေးဌာန ပြောခွင့်ရပုဂ္ဂိုလ်ကတော့ ဗိုလ်ချုပ်မှူးကြီးရဲ့ ခရီးစဉ်ဟာ နှစ်နိုင်ငံ ချစ်ကြည်ရေး နှစ် ၆၀ ပြည့် အထိမ်းအမှတ် ဖြစ်တယ်လို့ ဆိုပါတယ်။ တရုတ်နဲ့ မြန်မာ နှစ်နိုင်ငံ အစဉ်အလာမပြတ် ဆက်ဆံရေးကနေ ဒေသဆိုင်ရာ ငြိမ်းချမ်းရေးနဲ့ တည်ငြိမ်ရေးအတွက်ပါ ကြိုးပမ်းသွားဖို့ ဆန္ဒရှိတယ်လို့လည်း သတင်းထောက်တွေကို ပြောပါတယ်။

မြန်မာနိုင်ငံက လူ့အခွင့်အရေး ချိုးဖောက်မှုတွေနဲ့ ပတ်သက်ပြီး တရုတ်အစိုးရရဲ့သဘောထားကို မေးမြန်းရာမှာ ပြန်လည်ဖြေဆိုခြင်း မရှိပါဘူး။ ဒါပေမဲ့ နိုင်ငံတကာ အသိုင်းအဝိုင်းအနေနဲ့ မြန်မာအစိုးရကို အပြုသဘောဆောင်တဲ့ အကူအညီမျိုး ပေးဖို့ တရုတ်အနေနဲ့ မျှော်လင့်ကြောင်း ပြောဆိုသွားပါတယ်။

ဗိုလ်ချုပ်မှူးကြီး သန်းရွှေဟာ တရုတ်နိုင်ငံခရီးစဉ်မှာ လေးရက်ကြာမြင့်မှာ ဖြစ်ပြီး Shanghai မြို့မှာကျင်းပနေတဲ့ ကမ္ဘာကုန်စည်ပြပွဲနဲ့ ကုန်သွယ်ရေး တရှိန်ထိုး တက်လာတဲ့ တရုတ်ပြည်တောင်ပိုင်းက Shenzhen ကို သွားရောက် ကြည့်ရှုမှာ ဖြစ်ပါတယ်။

ရွေးကောက်ပွဲကျင်းပကာနီး တရုတ်ပြည် အလည်အပတ်သွားတဲ့ ဗိုလ်ချုပ်မှူးကြီး ခရီးစဉ်ရဲ့ ထူးခြားချက်တွေနဲ့ ပတ်သက်လို့ မအင်ကြင်းနိုင်က စုစည်းတင်ပြမှာပါ။

နားဆင်ရန်

source by :http://www.rfa.org

အပြည့်အစုံ ဖတ်ရန် ...

ဂန္ဓာလရာဇ်သွား ဗိုလ်သန်းရွှေ

ရဲဘော်ဖိုးသံချောင်း| ဗိုလ်သန်းရွှေတယောက် ကုလားပြည် သွားပြီးနောက် တရုတ်ပြည်ဆီကို ကူးပြန်ပြီ။ (၇၀) ကျော်၊ (၈၀) နီးပါးကြီး တယ်လဲ ခရီးထွက်လှ ပါကလား။ ပုံမှန် အခြေအနေဆိုရင်တော့ ကုလားပြည်နဲ့ တရုတ်ပြည် ဆိုတဲ့ နိုင်ငံကြီးနှစ်ခုအကြား တည်ရှိနေပြီး အဲဒီအချက်ကို အခွင့်ကောင်းယူ လှုပ်ရှားလုပ်ကိုင်နေသူမို့ ဒီလိုကူးလား သန်းလားလုပ်တာဟာ မဆန်းဘူးလို့ ဆိုနိုင်ပါတယ်။ ဒါပေမယ့် ပြောစရာဖြစ်နေတာက အချိန်ကာလပါ။ ရွေးကောက်ပွဲနဲ့ ဒါလောက်နီးနေတဲ့အချိန်ကျမှ သွားတာဖြစ်နေတော့ သံသယဖြစ်မှုတွေ အများကြီး ပေါ်ထွက်တော့တာပါပဲ။ လျှို့ဝှက်လုပ်ကိုင်တာ၊ နိုင်ငံတကာနဲ့ ကိုယ့်ပြည်သူလူထုကို အမှန် အတိုင်းမပြောဘဲ စဉ်းစားခိုင်းထားရတာအပေါ်မှာ အကျေနပ်ကြီး ကျေနပ်လေ့ရှိတဲ့ နအဖဗိုလ်ချုပ်တွေရဲ့ လုပ်နည်း လုပ်ဟန်အတိုင်းမို့ သို့လော-သို့လောတွေ အပုံအပင်ဖြစ်နေတာ တွေ့ရပါတယ်။

ဒီခရီးမှာ သူတို့ဟာ တရုတ်ခေါင်းဆောင်တွေကို သူတို့ရဲ့ ရွေးကောက်ပွဲအကြောင်း ထုံးစံအတိုင်း ဗာရာဏသီချဲ့ပြီး ရှင်းပြမှာသေချာပါတယ်။ ဒါပေမယ့် တရုတ်ခေါင်းဆောင်တွေဟာ ဗိုလ်သန်ရွှေ ရှင်းမပြလည်း ဒီရွေးကောက်ပွဲကို ဆန့်ကျင်မှာ မဟုတ်ဘူးဆိုတာကိုလည်း နအဖခေါင်းဆောင်တွေက သိပြီးသားဖြစ်ပါတယ်။ တခါတရံတော့ သံသမန်လုပ်ငန်းဆိုတာဟာ ဟန်ဆောင်တာတွေချည်းပါလားလို့တောင် ထင်စရာဖြစ်စေပါတယ်။ ဘာပဲပြောပြော ဗိုလ်သန်းရွှေ အခုလိုသွားလိုက်တော့ ဟိုခေါင်းဆောင်တွေရဲ့ ပါးစပ်ကပြောတာကို နားနဲ့ ဆက်ဆက်ကြားရတယ်ဖြစ်မှာပေါ့။ ဟိုလူကြီးတွေအဖို့တော့ ဒီရွေးကောက်ပွဲနဲ့ပတ်သက်လို့ ဘာမှမပြောဘဲ မသိလိုက် မသိဘာသာ နေလိုက်မယ်ဆိုတာမျိုး လုပ်လို့မရတော့ဘူး ဖြစ်သွားမှာ သေချာပါတယ်။

ဒီခရီးစဉ်မှာ ဗိုလ်သန်းရွှေအနေနဲ့ တရုတ်ခေါင်းဆောင်တွေကို “ခင်ဗျားတို့စောင့်ကြည့်ပါ၊ ကြံ့ဖွံ့ပဲနိုင်မှာပါ” လို့ ပြောမပြော သိချင်စရာတော့ ကောင်းပါတယ်။ စကားပြောရင်း လေရလာ၊ အရှိန်ရလာရင်တော့ ပြောထွက်သွားနိုင်ပါတယ်။ ဘာပဲပြောပြော ဗိုလ်သန်းရွှေတို့က ရည်ရွယ်သည်ဖြစ်စေ၊ မရည်ရွယ်သည်ဖြစ်စေ သူ့ရဲ့ခရီးစဉ်ဟာ နောက်တက်မယ့် အစိုးရအတွက် တင်ကြိုပြီး ရွှေလမ်းဖောက်တဲ့ အဓိပ္ပာယ်တော့ မုချဖြစ်မှာပါ။ စဉ်းစားရမှာက “ကျနော်တို့မရှိလည်း နောက်တက်မယ့် ကျနော့်လူတွေကိုလည်း ကျနော့်လိုပဲ သဘောထား အားပေးပါ” လို့ ပြောမလား၊ နောင်မှာ “ကျနော်တို့ကို တောင်ရှည်ပုဆိုးနဲ့ တွေ့ရင်လည်း အခုယူနီဖောင်း ၀တ်ထားသလိုပဲ ဆက်ဆံပါ၊ အားပေးပါ” လို့ ပြောလေမလား ဆိုတဲ့အချက်ပါ။ ဒါကြောင့်မို့ ဒီတခေါက် ဗိုလ်သန်းရွှေရဲ့ခရီးစဉ်မှာ ခေါ်သွားသူတွေထဲမှာ နောက်တက်မယ့် အစိုးရရဲ့ ထိပ်သီးတွေပါနိုင်တယ်လို့ အကဲခတ်တွေက တွက်ပြီး စောင့်ကြည့်နေကြပါတယ်။ ဗိုလ်နေ၀င်း၊ ဗိုလ်အောင်ကြီးတို့ကအစ မြန်မာပြည်က စစ်အုပ်စုအဆက်ဆက်ရဲ့ သဘောကို လက်ဖ၀ါးပေါ်တင်ကြည့်သလို သဘောပေါက်နေတဲ့ တရုတ်ခေါင်းဆောင်တွေကတော့ ပြုံးပဲနေလိမ့်မယ်လို့ ယူဆရပါတယ်။

ဗိုလ်သန်းရွှေတို့ဟာ အခုလိုအခြေအနေမှာ အမေရိကန်ရဲ့ထောက်ခံမှုကို အသေအလဲ လိုချင်နေတာဖြစ်ပေမယ့် သူတို့ဟာ တရုတ်ဆိုတဲ့ ညာဘက်လက်ထဲက ကိုင်းကို တခဏမှ လက်မလွှတ်ပါကြောင်း၊ အမေရိကန်နဲ့ တရုတ်တို့အကြားမှာ ခလောက်ဆန်လိုစိတ်၊ ကစားလို စိတ်မရှိကြောင်း သိအောင် တရုတ်ခေါင်းဆောင်တွေ သိအောင် တနည်းနည်းနဲ့ပြောမယ်လို့ ယူဆရပါတယ်။ အလားတူပဲ ဗိုလ်သန်းရွှေတို့ဟာ ကုလားနဲ့ တရုတ်အကြား အောင်သွယ်တော်အခန်းက ပါမှာလည်း မဟုတ်တာ သေချာပါတယ်။ သူ့ကြောင့် အဲဒီနိုင်ငံကြီးနှစ်ခု ပြဿနာတက်တာ မဖြစ်အောင်ပဲ အစွမ်းကုန်ကြိုးစားပါလိမ့်မယ်။

အားလုံးစိတ်ဝင်စားနေကြတဲ့ နောက်တချက်ကတော့ နယ်ခြားစောင့်တပ်လုပ်ရေးကို လက်မခံသေးတဲ့ အပစ်ရပ် အဖွဲ့တွေရဲ့ ကိစ္စဖြစ်ပါတယ်။ ဒီကိစ္စကို တရုတ်ခေါင်းဆောင်တွေ စိုးရိမ်ပူပန်နေကြတာကတော့ အမှန်ပါပဲ။ စက်တင်ဘာ (၁) ရက်နေ့ နောက်ဆုံးဆိုပြီး ပြောလိုက်ကတည်းက နယ်စပ်တလျှောက် တရုတ်ဘက်မှာ ဖြစ်ပေါ်လာနိုင်ကောင်းတဲ့ ဒုက္ခသည်ကိစ္စအတွက် အကြီးအကျယ် အလုပ်တွေရှုပ်ကုန်တာကိုကြည့်ရင် တရုတ်တွေဘက်က ပူပန်မှုကို သဘောပေါက်နိုင်ပါတယ်။ နအဖခေါင်းဆောင်တွေကလည်း တရုတ်ဘက်က ခေါင်းဆောင်တွေ မြန်မာပြည်ကိုလာရင်ဖြစ်စေ၊ သူတို့ ခေါင်းဆောင်တွေ တရုတ်ပြည်ကိုသွားရင်ဖြစ်စေ ဒါဟာ တရုတ်-မြန်မာနယ်စပ်က အပစ်ရပ်အဖွဲ့တွေကို ချေမှုန်းခွင့် ကိစ္စကို ပြောကြတာပဲ၊ မကြာခင်ချတော့မယ်ဆိုတဲ့ သတင်းမျိုးတွေ လွှင့်လေ့ရှိတာကိုလည်း အခုနောက်ပိုင်းမှာ အတော် တွေ့နေ၊ ကြားနေရပါတယ်။

ဒီတော့ ဒီခရီးစဉ်မှာ အဲဒီကိစ္စကို ဗိုလ်သန်းရွှေတို့အနေနဲ့ တခုခုပြောကိုပြောရမှာ သေချာပါတယ်။ လက်ရှိ အခြေအနေအရတော့ နအဖစစ်ဗိုလ်တွေအနေနဲ့ ပြောတဲ့အခါမှာ မာမာမပြောလောက်ဘူးလို့ပဲတွက်ရပါတယ်။ ဒါကျုပ်တို့ပြည်တွင်းရေး ဖြစ်တယ်ဆိုတာမျိုးတောင် ပြောမှာမဟုတ်ပါဘူး။ တရုတ်ခေါင်းဆောင်တွေ စိတ်မပူအောင် ကြောင်ချေးလို အပျော့ဆွဲ ဆွဲပါလိမ့်မယ်။

ဘာပဲပြောပြော နအဖစစ်အုပ်စုကတော့ သူတို့တတွေ နိုင်ငံတကာမှာ လှုပ်ရှားလုပ်ကိုင်နိုင်ကြောင်း တကမ္ဘာလုံးကို ပြသနိုင်တယ်လို့ လက်မထောင်မှာ သေချာပါတယ်။ နောက်ပြီး ဒီနေ့လို သူတို့ခါးပိုက်ဆောင်တပ်နဲ့ ပတ်သက်ပြီး ကောလာဟလသတင်းတွေအမျိုးမျိုး ထွက်နေချိန်မှာ (သူတို့က တမင်လွှင့်ထားတာတွေ) ဒင်းတို့ထိပ်သီးတတွေ “ညီညွတ်ရေးနဲ့ အသက်ရှည်ရှည် ခင်ခင်မင်မင်၊ လက်ရည်တပြင်တည်း၊ ရှေးကထက်ပိုချစ်ကြပါကြောင်း ကမ္ဘာကို ကြေညာတာလည်း ဖြစ်ပါတယ်။

နအဖရဲ့ အဲဒီမာနဟာ လာမယ့်ရွေးကောက်ပွဲပြီးလာရင် ပိုလို့သာ ထောင်လာစရာရှိပါတယ်။ ရွေးကောက်ပွဲကိုဝင်ပြီး လွှတ်တော်ထဲကနေ အဲဒီမာနကို ချိုးဖို့ဆိုတာ လုံးဝမဖြစ်နိုင်ပါဘူး။ စောင့်ကြည့်ပါ။ လွှတ်တော်ထဲ ရောက်သွားသူတွေသာ ခြေသုတ်ပုဆိုး မြွေစွယ်ကျိုး ဖြစ်ဖို့များပါတယ်။

ပြည်သူတွေအနေနဲ့ကတော့ တထောင့်သုံးရာငါးဆယ်ပြည့်-ရှစ်လေးလုံးအရေးတော်ပုံကြီးက ဗိုလ်နေ၀င်းကို မျက်ရည်ပေါက်ပေါက်ကျ၊ ငိုသံပါကြီးနဲ့ ကိုယ့်ယောင် ကိုယ်ဆွဲပြီး နန်းထဲက ထွက်သွားစေခဲ့တာကို ဘယ်တော့မှ မမေ့ပါဘူး။ အဲဒီအရှိန်နဲ့ တရုတ်သံရုံးအပါ သံရုံးပေါင်းစုံက အမျိုးသားဒီမိုကရေစီအဖွဲ့ချုပ်ကို လာတွေ့ကြတာကရော မေ့နိုင်စရာတဲ့လား။

source by : http://www.khitpyaing.org

အပြည့်အစုံ ဖတ်ရန် ...

Monday, September 6, 2010

မိမိတို့၏စီးပွါးရေးလုပ်ငန်းများကိုပင် ပြစ်ထားခဲ့ပြီး စစ်တပ်မှပစ်ခတ်သတ်ဖြတ်မှုကို မခံမရပ်နိုင်ဖြစ်နေကြသည့် ပဲခူးမြို့ခံလူထု



source by : http://ahtunhtun2.blogspot.com

အပြည့်အစုံ ဖတ်ရန် ...

တရုတ်ခရီးစဉ်အတွင်း ဗိုလ်ချုပ်မှူးကြီး ဖိအားပေး ခံရဖွယ်ရှိ

VOA | မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေဟာ သူ့ရဲ့ အရင်းနှီးဆုံး မဟာမိတ်နိုင်ငံဖြစ်တဲ့ တရုတ်နိုင်ငံကို သွားရောက်ဖို့ ပြင်ဆင်နေပါတယ်။ စစ်အစိုးရကို ပံ့ပိုးထောက်ခံနေတာ နှစ်နဲ့ချီ ကြာနေတဲ့ တရုတ်နိုင်ငံကို ဒီသီတင်းပတ်ထဲ မြန်မာစစ်ခေါင်းဆောင် သွားရောက် လည်ပတ်ချိန်မှာ အိမ်ရှင် တရုတ်နိုင်ငံဆီက ပြင်းထန်တဲ့ ပြောကြားမှုတွေကို ကြားရဖို့ ရှိတယ်လို့ တရုတ်နိုင်ငံ ဘေဂျင်းက ဗွီအိုအေ သတင်းထောက် ပီတာ ဆင်မ်စန် (Peter Simpson) က သတင်းပေးပို့ထားပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေဟာ အင်္ဂါနေ့ကစပြီး တရုတ်နိုင်ငံ ၄ ရက်ခရီးကို စတင်တော့မှာ ဖြစ်ပါတယ်။ တရုတ်နိုင်ငံဟာ မြန်မာစစ်အစိုးရအတွက် အနီးကပ်ဆုံး ကျောထောက်နောက်ခံ ပေးထားတဲ့ နိုင်ငံတနိုင်ငံ ဖြစ်တာမို့ တရုတ်သမ္မတ ဟူဂျင်းတောင် (Hu Jintao) နဲ့ ၀န်ကြီးချုပ် ၀မ်ကျားဘောင် (Wen Jiabao) ဆီက စီးပွားရေး အရရော၊ သံတမန်ရေး အရပါ ပံ့ပိုးထောက်ခံမှုတွေ ဆက်ပြီး ရနေစေဖို့အတွက် မြန်မာစစ်ဗိုလ်ချုပ်ကြီးတွေက ကြိုးစားမယ်လို့ မျှော်လင့်ရပါတယ်။

ဒါ့အပြင် မြန်မာနိုင်ငံမှာ နိုဝင်ဘာလ ၇ ရက်နေ့ ကျင်းပမယ့် ရွေးကောက်ပွဲနဲ့ ပတ်သက်ပြီး တရုတ်နိုင်ငံဘက်က လက်ခံလာအောင် ကြိုးစားဖို့လည်း ရှိပါတယ်။ ဒီရွေးကောက်ပွဲဟာ စစ်တပ် အုပ်ချုပ်မှုအောက်မှာ နှစ်ပေါင်း ၅၀ နီးပါး နေလာခဲ့ရတဲ့ မြန်မာနိုင်ငံကို အရပ်ဘက် အုပ်ချုပ်ရေး ပြောင်းလဲရေးမှာ အဓိကကျတဲ့ ခြေလှမ်းတရပ် အဖြစ်နဲ့ မြန်မာစစ်ခေါင်းဆောင်တွေ ပုံဖော်နေတဲ့ ရွေးကောက်ပွဲတရပ် ဖြစ်ပါတယ်။ ဒါပေမဲ့ အနောက်နိုင်ငံ အများအပြားနဲ့ လူ့အခွင့်အရေး အဖွဲ့တွေကတော့ ဒီရွေးကောက်ပွဲဟာ အတုအယောင်သာ ဖြစ်ပြီး စစ်တပ်က ထိန်းချုပ်မှုကို ဖယ်ရှားပေးမယ့် အရိပ်အယောင် မမြင်ရဘူးလို့ ဆိုပါတယ်။

ဗိုလ်ချုပ်မှူးကြီး သန်းရွှေရဲ့ တရုတ်နိုင်ငံ ခရီးစဉ်နဲ့ ပတ်သက်ပြီး တရုတ်နိုင်ငံခြားရေး ၀န်ကြီးဌာန ပြောခွင့်ရ ကျန်းယု (Jiang Yu) က ကြေညာခဲ့ပေမဲ့ ရှင်းရှင်းလင်းလင်းတော့ မပြောကြားခဲ့ပါဘူး။

“နှစ်နိုင်ငံ ခေါင်းဆောင်တွေဟာ ပြည်တွင်းဖွံ့ဖြိုးမှုဆိုင်ရာ ကိစ္စရပ်တွေကို အပြန်အလှန် ပြောကြားဖို့ ရှိတယ်။” လို့ တရုတ်ဘာသာနဲ့ ပြောသွားပါတယ်။

မြန်မာနိုင်ငံမှာ လူ့အခွင့်အရေး ချိုးဖောက်မှုတွေ နှစ်ရှည်လများ ဖြစ်ပေါ်နေတဲ့အတွက် အမေရိကန် အပါအ၀င် အနောက်နိုင်ငံတွေက မြန်မာနိုင်ငံကို စီးပွားရေးပိတ်ဆို့ အရေးယူ ဒဏ်ခတ်မှုတွေ ချမှတ်ထားပါတယ်။ ဒါပေမဲ့ မြန်မာနိုင်ငံရဲ့ တတိယအကြီးဆုံး ကုန်သွယ်ဘက်နိုင်ငံ ဖြစ်တဲ့ အိမ်နီးချင်း တရုတ်နိုင်ငံကတော့ မြန်မာစစ်အစိုးရအပေါ် ဝေဖန်မှုတွေ သိပ်လုပ်လေ့ မရှိပါဘူး။ တရုတ်နိုင်ငံရဲ့ ဝေဖန်သံကို သိပ်မကြားရပေမဲ့ ဒီတခါ ဗိုလ်ချုပ်မှူးကြီး သန်းရွှေရဲ့ တရုတ်နိုင်ငံ ခရီးစဉ်မှာတော့ သီးသန့် တွေ့ဆုံပွဲတွေမှာ ပြင်းပြင်းထန်ထန် အပြောဆိုခံရနိုင်ဖွယ် ရှိတယ်လို့ တရုတ်၊ မြန်မာ ဆက်ဆံရေးကို လေ့လာနေတဲ့ နိုင်ငံရေး သုံးသပ်သူတွေက ပြောပါတယ်။

ဗြိတိန်အခြေစိုက် မြန်မာ့အရေး ဆောင်ရွက်တဲ့ Burma Campaign UK အဖွဲ့ရဲ့ ဒါရိုက်တာ မာ့ခ် ဖာမနာ (Mark Farmaner) ကတော့ ...

“သူတို့ကတော့ မြန်မာနိုင်ငံမှာ ရွေးကောက်ပွဲ ကျင်းပတဲ့အခါ အတတ်နိုင်ဆုံး နိုင်ငံတကာ လက်ခံမှုရအောင် လုပ်ဖို့ သန်းရွှေကို ပြောကြမှာပါ။ ဒါကလည်း ကုလသမဂ္ဂ လုံခြုံရေးကောင်စီမှာရော အာဆီယံနဲ့ တခြား နိုင်ငံတကာနဲ့ တွေ့ဆုံပွဲတွေမှာ မြန်မာနိုင်ငံနဲ့ ပတ်သက်ပြီး အချေအတင် ငြင်းခုန်နေရတာမျိုး သူတို့ မလိုချင်လို့ပါ။” လို့ ပြောသွားပါတယ်။

တရုတ်နိုင်ငံဟာ မြန်မာနိုင်ငံဆီက တွင်းထွက်သတ္တုတွေ၊ သစ်နဲ့ သဘာဝဓာတ်ငွေ့တွေ ၀ယ်ယူနေတဲ့အပြင် လူသုံးကုန်တွေ တွင်တွင်ကျယ်ကျယ် ရောင်းချနေရတာမို့ မြန်မာနိုင်ငံဟာ သူတို့အတွက် အဖိုးတန်တဲ့ ကုန်သွယ်ဘက် နိုင်ငံတနိုင်ငံ ဖြစ်နေတယ်လို့ နိုင်ငံရေး အကဲခတ်တွေက သုံးသပ်ပါတယ်။

ပြီးခဲ့တဲ့နှစ်ကတော့ တရုတ်တိုင်းရင်းသား ကိုးကန့်တပ်တွေနဲ့ မြန်မာစစ်တပ်တို့ကြား ဖြစ်ပွားတဲ့ တိုက်ပွဲတွေကြောင့် တရုတ်နိုင်ငံထဲကို ဒုက္ခသည်ပေါင်း ၃၀,၀၀၀ ကျော်လောက် ပြေးဝင် ခိုလှုံခဲ့တာမို့ တရုတ်နိုင်ငံက စိတ်ပျက်လက်ပျက်နဲ့ လူသိရှင်ကြား ရှားရှားပါးပါးပဲ ပြင်းပြင်းထန်ထန် ပြောဆိုခဲ့ပါတယ်။

ဗိုလ်ချုပ်မှူးကြီး သန်းရွှေဟာ တရုတ်ခေါင်းဆောင်နဲ့ တွေ့ဆုံမှာ ဖြစ်တဲ့အပြင် လက်ရှိ စီးပွားရေး အချက်အချာကျတဲ့ နေရာတွေဖြစ်တဲ့ ရှန်ဟိုင်း ကုန်စည်ပြပွဲနဲ့ ဟောင်ကောင်တဘက်ကမ်းက ရှန်ဇန်းကိုလည်း သွားရောက်ဖို့ ရှိပါတယ်။

ဂွမ်ဂျိုး ဆွန်ယက်ဆင် တက္ကသိုလ် အာရှ၊ ပစိဖိတ် လေ့လာရေးကျောင်းက ပါမောက္ခ ၀ှမ်ယုကျင် (Huan Yunjin) ကတော့ ...

“တရုတ်နိုင်ငံဟာ မြန်မာနိုင်ငံနဲ့ ပတ်သက်တဲ့ သူ့အမြင်ကို ထုတ်ပြီး မပြောနိုင်ပါဘူး။ ဒါပေမဲ့ စီးပွားရေးနဲ့ ပတ်သက်ပြီး ဗိုလ်ချုပ်မှူးကြီး သန်းရွှေက အကူအညီ တောင်းခဲ့ရင်တော့ စီးပွားရေးလမ်းကို ဘယ်လိုဖွင့်ရမယ်ဆိုတဲ့ လုပ်ငန်းစဉ်ကို အသေးစိတ် ပြောပြနိုင်တဲ့အပြင် ဘယ်လိုလုပ်ရမယ် ဆိုတာကိုပါ ညွှန်ပြနိုင်လိမ့်မယ်။” လို့ တရုတ်ဘာသာနဲ့ ပြောသွားပါတယ်။

Burma Campaign UK က မာ့ခ် ဖာမနာကတော့ ...

“သူတို့က မြန်မာနိုင်ငံ ပြိုကွဲမှာကို စိုးရိမ်နေတာမို့ နိုင်ငံတည်ငြိမ်မှုရအောင် စစ်အစိုးရ လုပ်ဆောင်စေချင်တာပါ။ ဒါ့အပြင် သူတို့နဲ့ နယ်နိမိတ်ချင်း ထိစပ်နေတဲ့ နိုင်ငံတနိုင်ငံက အနောက်နိုင်ငံတွေရဲ့ ရုပ်သေးရုပ်လို ဖြစ်နေတာကို မလိုချင်ပါဘူး။ အခု မြန်မာနိုင်ငံရဲ့ ဒီမိုကရေစီရေး လှုပ်ရှားမှုတွေဟာ အနောက်နိုင်ငံတွေဘက်ကို ပိုပြီး ယိမ်းနေတာမို့ ဒါမျိုး မဖြစ်စေချင်ပါဘူး။”

နယူးယောက် အခြေစိုက် Human Rights Watch လူ့အခွင့်အရေး စောင့်ကြည့် အဖွဲ့ကြီးကတော့ ဗိုလ်ချုပ်မှူးကြီး သန်းရွှေ တရုတ်နိုင်ငံကို လာရောက်တဲ့ ခရီးစဉ်အတွင်းမှာ မြန်မာစစ်အစိုးရကို အခုကျင်းပမယ့် ရွေးကောက်ပွဲကို ပွင့်လင်းစွာ ကျင်းပပေးဖို့နဲ့ ကျူးလွန်ထားတဲ့ ဆိုးဝါးတဲ့ ရာဇ၀တ်မှုတွေနဲ့ ပတ်သက်ပြီး တာဝန်ခံမှု ရှိစေဖို့အတွက် တရုတ်အစိုးရက ဖိအားတွေပေးဖို့ တောင်းဆိုလိုက်ပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ပဲခူးလူငယ် ၂ ဦး စစ်တပ် ပစ်သတ်ခံရမှု အရေးယူမှု မရှိသေး

VOA | ပြီးခဲ့တဲ့ သီတင်းပတ်ကုန် စနေနေ့ည သန်းခေါင်ကျော် အချိန်မှာ ပဲခူးမြို့ ဇိုင်းဂနိုင်းတောင်ပိုင်း မြလမ်းမှာ နေထိုင်တဲ့ အရပ်သား လူငယ်တွေနဲ့ ခလရ ၅၉ စစ်တပ်က စစ်သားတွေ ဆိုင်ကယ်ချင်း တိုက်မိရာက အချေအတင် စကားများပြီးနောက် ထွက်ပြေးတဲ့ လူငယ် ၂ ယောက်ကို လိုက်လံ ပစ်ခတ်တဲ့အတွက် ပွဲချင်းပြီး သေဆုံးသွားခဲ့ကြပါတယ်။ တရားခံတွေ ဘယ်သူဘယ်ဝါဖြစ်တယ် ဆိုတာကို စစ်တပ်က ဖုံးကွယ်ထားဆဲ ဖြစ်သလို လက်နက်ကိုင်အဖွဲ့က လူသတ်တာ ဖြစ်တဲ့အတွက် တရားဥပဒေကြောင်း အရဆိုရင် စစ်ခုံရုံးကသာ စီရင်လို့ ရနိုင်ကြောင်း ဥပဒေ အကျိုးဆောင်တွေက ပြောပါတယ်။ အပြည့်အစုံကို မအေးအေးမာက သတင်းပေးပို့ထားပါတယ်။

ပဲခူးမြို့က အသက် ၁၈ နှစ်နဲ့ ၂၂ နှစ်အရွယ် မောင်အောင်သူဟိန်းနဲ့ မောင်စိုးပိုင်ဇော်တို့ ၂ ဦးကို ခလရ ၅၉ က စစ်သားတွေက ပစ်သတ်သွားတယ် ဆိုတာကိုပဲ သိထားရပြီး တရားခံတွေကို ဖော်ထုတ်ခြင်း၊ အရေးယူခြင်းတွေကို မတွေ့ရသေးပါဘူး။ ဒီကိစ္စနဲ့ ပတ်သက်ပြီး အာဏာပိုင်တွေက ဖုံးကွယ်ထားဆဲဖြစ်ပြီး ဒီအမှုနဲ့ ပတ်သက်လို့ တရားစွဲဖို့အတွက်ဆိုရင် အရပ်သားတွေ အနေနဲ့ တရားစွဲဆို လျော်ကြေးတောင်းတာက လွဲရင် မဖြစ်နိုင်ကြောင်း၊ ဒီအမှုကို စစ်ခုံရုံးကသာ စီရင်နိုင်မယ်လို့ ပဲခူးမြို့က ရှေ့နေကြီး ဦးအေးမြင့်က ပြောပါတယ်။

“သူတို့ဆီက မပြောဘဲ နှုတ်ဆိတ်၊ ရေငုံနေတာလို့ပဲ ပြောရလိမ့်မယ်။ အရပ်သားနဲ့ အရပ်ဘက် အာဏာပိုင် အဖွဲ့အစည်း၊ နောက်တခု ရဲတပ်ဖွဲ့၊ သူတို့က သွားပြီးတော့ တပ်ကို မေးမြန်းပိုင်ခွင့် မရှိဘူး။ မေးခဲ့ရင်လည်း ဖြေမှာမဟုတ်တဲ့အတွက် အမြဲတမ်း တပ်ဆိုရင် တုန်နေအောင် ကြောက်ကြတာပဲလေ။ လူသတ်မှုမျိုးကျတော့ စစ်ဘက်ဆိုင်ရာ ဥပဒေဆိုတာ ရှိတယ်။ နောက်တခု ၁၉၉၅ ခုနှစ်မှာ ရဲတရားရုံး ဥပဒေဆိုတာ ရှိတယ်။ လက်နက်ကိုင် အဖွဲ့အစည်းတွေမှာရှိတဲ့ လူတွေကို ဥပဒေအရ ဆောင်ရွက်မယ်ဆိုရင် တပ်ရင်း တပ်ဖွဲ့၊ တပ်ကသာ ဆောင်ရွက်နိုင်တယ်။ ဆောင်ရွက်လေ့ ဆောင်ရွက်ထ ရှိတယ်။”

ကလေးတွေကို ပစ်သတ်သွားတဲ့ ကိစ္စနဲ့ ပတ်သက်ပြီး ပဲခူးမြို့ခံတွေက အတော် မကျေမနပ် ဖြစ်နေချိန်မှာပဲ မြန်မာစစ်အစိုးရရဲ့ ၀ါဒဖြန်ချိရေး သတင်းဌာနတွေက သေနတ်လုလို့ ပစ်မိပါတယ် ဆိုတာတွေကို ပြောနေတာကြောင့် မိသားစုက အခုလို ပြောပါတယ်။

“လက်နက်လုတယ်ဆိုရင် အဲဒီမှာတင် ဖြစ်သွားမှာပေါ့၊ ပစ်သတ်မှာပေါ့။ အခုဟာ မပစ်သတ်ဘဲ ရန်ကုန်၊ မန္တလေး အဝေးပြေးလမ်းကြီးကို ကျော်ပြီးတော့မှ ကျမတို့ဘက်ကို လာပြီးတော့မှ၊ ဇိုင်းဂနိုင်းတောင်ပိုင်းမှာ ကျမတို့က၊ သူတို့က မြောက်ပိုင်းမှာ ဖြစ်တာလေ။ မြောက်ပိုင်းမှာ ဖြစ်ခဲ့ပြီးတော့မှ တောင်ပိုင်းကို ကိုက် ၉၀၀ လောက်အကွာမှာမှ လာဖြစ်သွားတာ။

“အမေကတော့ နည်းနည်း စိတ်မကောင်းဘူးပေါ့။ ကိုယ့်တူတွေ သားတွေကလည်း ဘာမှ အပြစ်မရှိဘဲနဲ့လည်း ပစ်သတ်ခံရသေးတယ်၊ ရန်ဖြစ်လို့ ပစ်သတ်ခံရသေးတယ်၊ အဲဒီလိုမျိုး ပြောတယ်ဆိုတော့ စိတ်မကောင်းဘူးပေါ့။”

အလောင်းကို ပြန်တောင်းပေမဲ့ ဆေးရုံက ရင်ခွဲရုံမှာသာ ထားပြီး ဒီနေ့ကျမှပဲ အလောင်းကြည့်ခွင့် ရခဲ့တယ်လို့ ဆိုပါတယ်။ ထောင်နဲ့ချီရှိတဲ့ ပဲခူးမြို့ခံ လူထုကတော့ အလောင်းကို သွားရောက်ကြည့်ရှုနေဆဲ ဖြစ်ပြီး အာဏာပိုင်တွေကလည်း အလောင်းကို ၂၄ နာရီ လုံခြုံရေး အစောင့်တွေနဲ့ ထားထားပါတယ်။ မိသားစုက မနက်ဖြန်မှာတော့ အလောင်းကို သဂြုင်္ိဟ်ဖို့ စီစဉ်နေတယ်လို့ ဆိုပါတယ်။

“အမေလုပ်တဲ့လူကတော့ စိတ်မကောင်းဘူးပေါ့။ စိတ်မကောင်းတော့ တောင်းဆိုတာပေါ့၊ အလောင်းလိုချင်တယ် ဆိုပြီး၊ အလောင်းလိုချင်တယ် ဆိုတော့ သူတို့ကလည်း မပေးနိုင်ဘူးတဲ့။ မပေးနိုင်ဘူးဆိုတာ သူတို့ပြောတာတော့ ဆူပူမှုဖြစ်ရင် သူတို့လည်း မထိန်းသိမ်းနိုင်ဘူး၊ ကျမတို့လည်း မထိန်းသိမ်းနိုင်ဘူးပေါ့။ အဲဒီလို ပြောတာပေါ့။ ပြောပြီးတော့ ပိုက်ဆံ ၁၀ သိန်းပေးတာပေါ့။ တယောက်ကို ၁၀ သိန်း၊ မြလမ်းထဲက ကလေးလေးကိုလည်း ၁၀ သိန်း၊ ကျမတို့ကိုလည်း ၁၀ သိန်းပေးတယ်။

“ကျမတို့ကလည်း ပြောလိုက်တယ်၊ အမေရော အမရောက ပြောခဲ့တယ်၊ သားသမီးအသက်လောက် တန်ဖိုးမရှိဘူး၊ ယူလည်း မယူဘူး၊ အဲဒီလို ပြောခဲ့တယ်။ ကိုယ့်ဘာသာကိုယ်ပဲ ဖြစ်သမျှအကြောင်း သဂြုင်္ိဟ်ပါ့မယ်။ အသုဘချရင်တောင် အဲဒီအဖွဲ့အစည်းတွေ မလာပါနဲ့လို့ အမေက ပြောခဲ့တယ်။ ခွေးသေ၊ ၀က်သေ ပစ်သတ်သွားတဲ့အတွက် ကျမတို့လည်း ၁၂ နာရီထိုး အတိလောက်မှပဲ လာထုတ်ပါ့မယ်၊ သူတို့ကတော့ အလောင်းပြင်ဖို့ ဘယ်နှစ်နာရီလောက် ကြိုပြီး လိုချင်လဲပေါ့။ မလိုချင်ဘူး၊ ရတယ်လို့ အမေက ပြောခဲ့တယ်။ ၁၂ နာရီထိုးချမှာ၊ ၁၂ နာရီထိုးအတိ လာထုတ်မယ်ပေါ့၊ အဲဒီလိုပြောခဲ့တယ်။

“သူတို့က မနေ့က ပြောလိုက်တာ နှစ်ယောက်မှာ တယောက်ကို တနာရီခွဲပြီး ချပေးပါပေါ့။ အဲဒါနဲ့ ဟိုဘက်က နာရေးကောင်လေးတွေက လက်မခံဘူး။ သူ့သူငယ်ချင်းတွေက လက်မခံဘူး။ ကျနော်တို့ နှစ်ယောက်အတူတူ သေတဲ့အတွက် တပြိုင်တည်းပဲ ချမယ်။ အဲဒီလိုပြောခဲ့တယ်။ တပြိုင်တည်းကို ၁၂ နာရီတိတိချမှ ကျနော်တို့ လက်ခံမယ်ပေါ့၊ အဲဒီလိုပြောခဲ့တော့ သူတို့ကလည်း လိုက်လျောပေးပါတယ်။ အခု ၁၂ နာရီအတိပေါ့၊ နှစ်ယောက်ကို။”

အခုဆိုရင် စစ်တပ်နဲ့ ရဲက သေဆုံးသူတွေရဲ့ မိသားစုဝင် အိမ်တွေမှာ လုံခြုံရေး ယူမယ်ဆိုပြီး ရပ်ကွက်အာဏာပိုင်တွေက တဆင့် ပြောလာတယ်လို့ ဆိုပါတယ်။ ပဲခူးမြို့မှာလည်း လုံခြုံရေးကို အထူးတင်းကျပ်ပြီး ဆန္ဒပြမှု ဖြစ်မှာကို စိုးရိမ်နေတာကြောင့် အတော်စောင့်ကြပ်နေတယ်လို့ ဆိုပါတယ်။

ပဲခူးမြို့ဟာ ကိုးလေးလုံး လူထုလှုပ်ရှားမှု ဖြစ်တဲ့အချိန်တုန်းက အတက်ကြွဆုံး ဖြစ်ခဲ့တာမို့ အခုလို စက်တင်ဘာလဟာ အာဏာပိုင်တွေအတွက် အထူးစိုးရိမ် စောင့်ကြပ်နေရတဲ့ ကာလလည်း ဖြစ်ပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

“သေနတ်သံကြားတိုင်း အသက်စွန့်သွားတဲ့ညီအကိုများအတွက် တစ်သက်တစ်ကမ္ဘာမကြေ”

“မောင်ကျောင်းသား”

ကြားလိုက်ရပြန်ပြီ..၊ ပစ်သတ်လိုက် ကြပြန်ပြီတဲ့၊ ပဲခူးမှာ စစ်တပ်က ပစ်သတ်လို့ အပြစ်မဲ့ ကျောင်းသားလူငယ်နှစ်ယောက် သေဆုံးရပြန်ပြီတဲ့၊ အကြောင်းအရာ အပြည့်အစုံ မဖတ်ရခင် သတင်းခေါင်းစဉ်မှာတင် တောက်ခေါက်၊ အသားတဆတ်ဆတ် တုန်နေအောင် ဒေါသထွက် ခံစားလိုက် ရပါတယ်၊နိုင်နေတယ်ဆိုပြီး ထင်တိုင်း ကြဲနေလိုက်တာကွာ၊ စစ်အာဏာရှင်တွေရဲ့ အောက်မှာ ငါတို့ပြည်သူတွေ ကျောင်းသားတွေရဲ့အသက်ဟာ တိရိတ္ဆာန်တွေလောက်မှ တန်ဘိုး မရှိတော့ဘူးလား၊ ဥပဒေမဲ့ သတ်ချင်တိုင်း သတ်နေတာကို ငါတို့ ကျောင်းသားလူငယ်တွေ ဒီလိုပဲ ငြိမ်ခံနေကြတော့မှာလား ။

ဖြစ်စဉ်က ၄.၉.၂၀၁၀ရက် စနေနေ့ ည၁၂နာရီလောက်မှာ၊ ပဲခူးမြို့လယ်ခေါင် ဇိုင်းဂနိုင်းတောင်ပိုင်းမှာရှိတဲ့ “ကယ်လီဖိုးနီးယား”ကာရာအိုကေဆိုင်ကနေမူးပြီး ထွက်လာတဲ့ ခလရ-၅၉ (ပဲခူးဘူတာ လုံခြုံရေးယူထားတဲ့ နယ်မြေခံတပ်)က အရာရှိနှစ်ယောက် ငှားစီးတဲ့ ဆိုင်ကယ်နဲ့ ကျောင်းသားလူငယ် ငါးယောက်စီးလာတဲ့ သုံးဘီးဆိုင်ကယ် (ပဲခူးအခေါ်တုတ်တုတ်) ချိတ်မိ စကားများ ရန်ဖြစ်ကြရာက စစ်ဗိုလ်နှစ်ယောက်က ပါလာတဲ့ စကားပြောစက်နဲ့ သိပ်မဝေးတဲ့ တပ်အထိုင်ရှိရာ ပဲခူးဘူတာက စစ်သားတွေကို လှမ်းခေါ်လိုက်ပြီး ချက်ခြင်းလို ရောက်လာချိန်မှာ ပစ်မိန့်ပေးခဲ့လို့ စစ်သားတွေက အချက်ပေါင်းများစွာ ပစ်ခတ်ရာက လက်နက်မဲ့ ကျောင်းသား လူငယ်နှစ်ယောက်ဖြစ်တဲ့ မောင်စိုးပိုင်ဇော်(၁၈)နှစ်နဲ့ မောင်အောင်သူဟိန်း (၂၂)နှစ် တို့ ပွဲချင်းပြီး သေဆုံးခဲ့ရပါတယ်။

ပဲခူးမြို့ဇိုင်းဂနိုင်း(တောင်)ရပ်ကွက်၊ မင်္ဂလာလမ်း၊ အိမ်အမှတ်၂၀၀နေ အဘဦးမြတ်သူရဲ့ သား မောင်အောင်သူဟိန်းက ၆ချက် ထိမှန်ပြီး ဇိုင်းဂနိုင်း(တောင်) ရပ်ကွက်၊မြလမ်း၊အိမ်အမှတ် ၁၇၇နေ အဘဦးဟုတ်ကြည်ရဲ့သား မောင်စိုးပိုင်ဇော်က ၄ချက် ထိမှန်ခဲ့ပါတယ်၊မြလမ်းထိပ်မှာပဲ ပစ်ခတ်မှု ဖြစ်တာဖြစ်ပြီး သွေးသံတရဲ ရဲလမ်းမပေါ်လဲကျသွားကြချိန်မှာ စစ်သားတယောက်က“ စစ်တပ် ကိုစမ်းချင်တဲ့ကောင် စမ်း သေချင်းဆိုးနဲ့ သေသွားမယ်” လို့ ကြိမ်းမောင်းအော်ဟစ်ပါတယ်၊ ရဲတွေရောက်လာချိန်မှာ စစ်တပ် ကရှောင်ထွက်သွားပြီး ဘယ်သူမှ ထွက်ကြည့်လို့မရအောင် ရဲတွေက ပိတ်ဆို့ပေးထားပါတယ် ၊ အလောင်းကို ဆေးရုံသယ်တာ တောင် ကောင်းကောင်းမွန်မွန် ဆေးရုံကားနဲ့မသယ်ပဲ ဆိုက္ကားနဲ့ဖြစ်သလိုသယ်ခဲ့ပါတယ် ။

၅.၉.၂၀၁၀ နေ့မှာ ချက်ချင်း အသုဘစီစဉ်ဘို့ အာဏာပိုင်တွေက ဖိအားပေးခဲ့ပါတယ်၊ မိဘတွေ အဝေးရောက်နေလို့ ပြန်လာချိန်ရအောင် စောင့်ခွင့်ပေးပါ၊ အိမ် ပြန်သယ်ခွင့် ပေးပါလို့ သက်ဆိုင်ရာ မိသားစုဝင်တွေက အာဏာပိုင်အဆင့်ဆင့်ဆီ ခွင့်တောင်းခဲ့ပေမဲ့ (မတရားသတ်ဖြတ်မှုကို ဖုံးကွယ်ချင်တဲ့ အာဏာပိုင်တွေရဲ့ထုံးစံအတိုင်း) အလောင်းကိုတော့ အိမ်ပြန်သယ်ခွင့် မပြုခဲ့ပါဘူး၊ ပဲခူးတမြို့လုံး အုတ်အော်သောင်းနင်းဖြစ်ပြီး ထောင်ဂဏန်းရှိမဲ့လူထုက ပဲခူးဆေးရုံ ရင်ခွဲရုံကို သတင်းစုံစမ်း သွားရောက် လေ့လာကြပေမဲ့ ရဲလုံခြုံရေး အများအပြားနဲ့ အရပ်ဝတ် ထောက်လှမ်းရေးတွေက တားဆီး ပိတ်ပင်ခဲ့ပါတယ်တဲ့ ။

သတင်းအပြည့်အစုံ ဖတ်ပြီးချိန်မှာ သေဆုံးသူတွေရဲ့ မိသားစုတွေနဲ့ထပ်တူ ကြေကွဲစိတ်မကောင်းဖြစ်စိတ်၊ နာကျည်းခံပြင်း စိတ်တွေကြောင့် ဒင်းတို့ကို နိုင်အောင် ပြန်မတိုက်နိုင်သေးတဲ့ အခြေအနေကိုပဲ တနုံ့နုံ့ တွေး အားမလို အားမရဖြစ်နေမိပါတယ်၊ စစ်အာဏာရှင်တွေရဲ့ ဒီ့ထက်ဆိုးတဲ့ လုပ်ရပ်တွေနဲ့ဖြစ်စဉ်တွေကို အခါခါမြင်ဘူး ကိုယ်တိုင်လဲ ခံစားဘူးပါရဲ့၊ ဟောဒီနှလုံးသားက ထုံကျင် အသားကျမနေဘူး၊ ကြားလိုက်ရတိုင်း နာတယ်၊ မြင်လိုက်ရတိုင်း နာတယ် ၊ တွေးမိတိုင်းလဲ နာတယ်ဗျာ ။

ရပ်ရွာအေးချမ်းသာယာရေးနဲ့ တရားဥပဒေစိုးမိုးရေး၊ ပြည်သူတွေရဲ့ အသက်အိုးအိမ် စည်းဇိမ် တည်တံ့ခိုင်မြဲရေးဆိုတဲ့ သတင်းစာတွေ တီဗွီဖန်သားပြင်တွေ ပေါ်က ဟန်ဆောင် ပန်ဆောင် ပြောပြောနေတဲ့စကားတွေ ဘယ်မှာလဲ၊ ဒါလား တရားဥပဒေစိုးမိုးတာ၊ ဒါလား ပြည်သူတွေကို ကာကွယ်စောင့်ရှောက်တာ၊ ဆင်းရဲမွဲတေမှုတွေကြောင့် မလူးသာမလွန့်သာတဲ့ ပြည်သူတွေကို ပိပြားနေအောင်နင်းဖိထားပြီး အများပြည်သူ မမြင်ကွယ်ရာ ကျေးလက်တောရွာတွေမှာ ထင်သလို လုယက်၊ မုဒိန်းကျင့်၊ လူသတ် လုပ်နေတဲ့ဇရိုက်တွေ ခုလို မြို့ပြပေါ်ထိ ပြောင်ပြောင်တင်းတင်း အတင့်ရဲကျူးလွန်လာတာ တုန့်ပြန်မှုမရှိ ငြိမ်ခံနေကြရင်တော့ ရုပ်ရှင်တွေ ဗီဒီယိုတွေထဲ တွေ့ဘူးတဲ့ ဖက်စစ်ခေတ် ဂျပန်တွေထက် ဆိုးလာတော့မယ် ။

“စစ်တပ်ဆိုတာ လက်နက်အားကိုး တန်ခိုးပြဘို့ မဟုတ်ဘူး၊ စစ်တပ်က ပြည်သူတွေကို လက်နက်နဲ့ အနိုင်ကျင့်ဖိနှိပ်ဘို့မဟုတ်ဘူး၊ စစ်တပ်ဟာ ပြည်သူရဲ့ အစေခံပဲဖြစ်ရမယ် ပြည်သူဟာ စစ်တပ်ရဲ့အစေခံ ဘယ်တော့မှ မဖြစ်ရဘူး” လို့ပြောခဲ့တဲ့ ဗိုလ်ချုပ်အောင်ဆန်းသာ သက်ရှိထင်ရှားရှိလို့ စစ်တပ်ရဲ့ ဒီလိုရက်စက် ယုတ်မာမှုတွေကိုသာသိရင် ဆရာတင်ခေါ်လာခဲ့တဲ့ ဂျပန်ကိုပြန်ချသလို သူတည်ထောင်ခဲ့တဲ့စစ်တပ်ကို “ရရာလက်နက်နဲ့ပြန်ချကြတော့”လို့ ပြည်သူကိုနှိုးစော်ပြီး သူကိုယ်တိုင် တော်လှန်စစ်ကို ဦးဆောင် ဆင်နွှဲမယ်ထင်ပါရဲ့ ။

“ညီအကိုတို့ ပေတရာပေါ်မှာ စီးတဲ့သွေးတွေ မခြောက်သေးဘူး ၊ မတွေဝေနဲ့” တဲ့ ၊ ဒီလောက် ထပ်ထပ်သတ်ပြီး သွေးဟောင်းတို့ စွန်းခဲ့တဲ့မြေပေါ် သွေးသစ်တွေ အကြိမ်ကြိမ်စီးနေတာ အပြစ်မဲ့ကျောင်းသား လူငယ်တွေ ခုလိုရက်ရက်စက်စက် အသတ်ခံရမှုမျိုးကို မကြုံဘူး မခံစားဘူးလို့ ကိုယ်ချင်းမစာနိုင်သေးတဲ့ ညီငယ်တွေလဲ သတိမူ စဉ်းစားကြဘို့ လိုပါပြီ ။

၁၉၈၈ ကျွန်တော်တို့ ခေတ်ကတော့ လက်သဲဆိတ်ခံရချိန်မှာ လက်ထိပ်သာမက ရင်ထဲအသဲထဲ သွေးသားထဲကပါ နာခဲ့ကြလို့ ကျွန်တော်တို့ အောင်မြင်မှု တစ်စုံတစ်ရာရရှိသည်အထိ တိုက်ပွဲဝင်ရဲခဲ့ကြတယ် ၊ ကိုဖုန်းမော်နဲ့ကိုစိုးနိုင်တို့ ရန်ကုန်စက်မှုတက္က သိုလ်ဝန်းထဲမှာ ခုလိုရက်ရက်စက်စက်ပစ်သတ်ခံခဲ့ရမှုကနေ ကျောင်းသားသပိတ်၊ နောက်ဆုံး လူထုအုံကြွမှုကြီး ဆက်ဖြစ်ပြီး စိန်လွင်လို စစ်ခေါင်းဆောင်အစိုးရတွေနဲ့ နေ၀င်းရဲ့တပါတီအာဏာရှင်စနစ် ကိုဖြုတ်ချနိုင်ခဲ့တယ် ။

ဒါပေမဲ့ ကျွန်တော်တို့ တာဝန်မကျေခဲ့ပါဘူး၊ ကျွန်တော်တို့ မြင်ခဲ့ မှီခဲ့တဲ့ ကိုဖုန်းမော် ကိုစိုးနိုင်ကစလို့ ၁၉၈၈ မတ်လမှာအသတ်ခံခဲ့ရတဲ့ ကျောင်းသားတွေ၊ ၁၉၈၈ ဇွန်လမှာ အသတ်ခံခဲ့ရတဲ့ ကျောင်းသားတွေ၊ ရှစ်လေးလုံး အရေးတော်ပုံကြီးမှာ အသတ်ခံခဲ့ရတဲ့ ကျောင်းသားလူငယ်တွေ၊ ပြည်သူတွေ၊ ဒီပဲရင်းမှာ မတရား ရိုက်သတ်ခံရတဲ့ ကျောင်းသားလူငယ်တွေ၊ ၂၀၀၇ စက်တင် ဘာမှာ ပစ်သတ်ခံရတဲ့ သံဃာတော်တွေ၊ ကျောင်းသားလူငယ်တွေ၊ တောထဲတောင်ထဲမှာ ကျဆုံးသေဆုံးခဲ့တဲ့ ကျောင်းသားတွေ၊ အကျဉ်းထောင်တွေထဲမှာသေဆုံးခဲ့ရသူတွေအတွက် ကျွန်တော်တို့ တာဝန်မကျေသေးပါဘူး၊ သူတို့သေဆုံးခဲ့ရမှုတွေ အတွက် တရားမျှတမှုကိုမဖြစ်စေသေးသမျှ ကျွန်တော်တို့တာဝန်ကြေပြီ မခေါ်နိုင်ပါဘူး ၊ ဒီအတွက် ကျွန်တော်တို့ဆက်လက် တိုက်ပွဲဝင်နေရဦးမှာပါ ။

စစ်အာဏာရှင် သက်တာရှည်ခဲ့ပြီ၊ အနိဌာရုံတွေများပြီ။ လူပုံအလယ် ရက်ရက်စက်စက် ပစ်သတ်တာမျိုးကြောင့် မဟုတ်ပဲလဲ စစ်အာဏာရှင်တွေကြောင့် နေ့စဉ် လူတွေသေနေကြပါတယ်၊ ဆင်းရဲမွဲတေမှုကြောင့် အဟာရချို့တဲ့၊ နောက်ဆက်တွဲ ရောဂါ ဘယထူပြော၊ ဆေးကုသစရိတ် မတတ်နိုင်တော့ ရောဂါကနိုင်သွားပြီး တဖြည်းဖြည်းသေ၊ အဲလိုပြည်သူတွေလဲ အသတ်ခံ လိုက်ရတာပါပဲ၊ ကလေးမီးမဖွားနိုင်လို့ သေတယ် ၊ မြွေဆိပ်မိလို့ သေတယ် ၊ ဆေးရုံကိုအချိန်မှီမရောက်လို့ သေတယ် ၊ ဆေးရုံ မှာဆေးမရှိလို့ သေတယ် ၊ဆေးရုံဆေးခန်း မရှိလို့သေတယ် ၊ ဆရာဝန်မရှိလို့ သေတယ် ၊ ၀ဋ်ကြွေးမဟုတ်ဘူး ၊ ကံကြမ္မာ မဟုတ်ဘူး ၊ ပြည်သူတွေ ဘာဖြစ်နေနေ ငတေမာပြီးရော ကိုယ်ကျိုးရှာနေတဲ့ စစ်ဗိုလ်ချုပ်တွေသတ်တာ ။

နာတယ်..၊ လက်ထိပ်ကတင် မဟုတ်ဘူး၊ ရင်ထဲ အသဲထဲ သွေးသားထဲက ပါနာတယ်၊ခုလို ရက်ရက်စက်စက် ပစ်သတ်ခံရတာမျိုး ပိုနာတယ်၊
မကြေ ... ဘယ်တော့မှမကြေ ... တစ်သက်တစ်ကမ္ဘာမကြေ ...။

စစ်အာဏာရှင် စနစ်ကျဆုံးသည်ထိ .....

“မောင်ကျောင်းသား”

အပြည့်အစုံ ဖတ်ရန် ...

Sunday, September 5, 2010

ပဲခူးမြို့လူငယ်နှစ်ဦးအား စစ်တပ်မှပစ်သတ်မှု သက်သေခံများ

ပဲခူးမြို့လူငယ်နှစ်ဦးအား စစ်တပ်မှပစ်သတ်မှု သက်သေခံ (၅)


ပဲခူးမြို့လူငယ်နှစ်ဦးအား စစ်တပ်မှပစ်သတ်မှု သက်သေခံ (၄)


ပဲခူးမြို့လူငယ်နှစ်ဦးအား စစ်တပ်မှပစ်သတ်မှု သက်သေခံ (၃)


ပဲခူးမြို့လူငယ်နှစ်ဦးအား စစ်တပ်မှပစ်သတ်မှု သက်သေခံ ( ၂ )


ပဲခူးမြို့လူငယ်နှစ်ဦးအား စစ်တပ်မှပစ်သတ်မှု သက်သေခံ (၁)



source by : http://www.youtube.com

အပြည့်အစုံ ဖတ်ရန် ...

ပဲခူးမြို့တွင်လူငယ်နှစ်ဦးကိုစစ်တပ်မှ ရက်ရက်စက်စက် ပစ်သတ်လိုက်ခြင်း



source by : http://ahtunhtun2.blogspot.com

အပြည့်အစုံ ဖတ်ရန် ...

တိုင်းရင်းသားအရေး ဒေါ်အောင်ဆန်းစုကြည် စိုးရိမ်


VOA | တိုင်းရင်းသား ငြိမ်းချမ်းရေးအဖွဲ့တွေနဲ့ စစ်အစိုးရကြား မပြေမလည် ဖြစ်နေတာကို ကြားသိရတဲ့ အတွက် စိတ်မကောင်းဖြစ်ရကြောင်း ဒေါ်အောင်ဆန်းစုကြည်က ပြောပါတယ်။ စနေနေ့ နေ့လယ်ပိုင်းက သူ့ရဲ့ အကျိုးဆောင်ရှေ့နေ အဖွဲ့ဝင်တွေနဲ့ တွေ့ဆုံစဉ်မှာ ဒေါ်အောင်ဆန်းစုကြည်က အခုလို ပြောကြားလိုက်တာပါ။ အပြည့်အစုံကိုတော့ ဆက်သွယ်စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။

နယ်ခြားစောင့်တပ် ဖွဲ့စည်းရေးအတွက် စစ်အစိုးရက အဓမ္မ ဖိအားပေး လုပ်ဆောင်နေတဲ့အပေါ် ငြိမ်းအဖွဲ့လို့ခေါ်တဲ့ အပစ်ရပ် တိုင်းရင်းသား လက်နက်ကိုင်အဖွဲ့တချို့က လက်မခံတဲ့အတွက် အဲဒီ တိုင်းရင်းသား လက်နက်ကိုင် အဖွဲ့အစည်းတွေနဲ့ စစ်အစိုးရကြား တင်းမာမှုတွေ ဖြစ်နေတဲ့အပေါ် စိတ်မကောင်းဖြစ်မိတဲ့အကြောင်း အကျိုးဆောင်ရှေ့နေကြီး ဦးဉာဏ်ဝင်းကတဆင့် ဒေါ်အောင်ဆန်းစုကြည်က ပြောလိုက်တာပါ။

“တိုင်းရင်းသား ငြိမ်းချမ်းရေးအဖွဲ့တွေ အဲဒီအဖွဲ့တွေဟာ အစိုးရနဲ့ မကျေမလည် ဖြစ်တာတွေ၊ ဒီသတင်းကို မီဒီယာတွေကနေ သူကြားတယ်။ သူကတော့ ဒါကို စိတ်မကောင်းဘူးတဲ့။ ဒီကိစ္စတွေဟာ နိုင်ငံရေးအရ ဖြေရှင်းမှသာ ရေရှည်အကျိုးရှိမယ်လို့ အဲဒီလို ပြောပါတယ်။”

ဒါ့အပြင် ရွေးကောက်ပွဲကာလအတွင်း မဲပေးတဲ့နေရာတွေမှာ ပြဋ္ဌာန်းထားတဲ့ ဥပဒေနဲ့ ကိုက်ညီခြင်းရှိမရှိ ပြည်သူအများစု သိရှိလာအောင် လုပ်ဆောင်ပေးဖို့ တာရှိဝန်ရှိတဲ့အကြောင်း ဒေါ်အောင်ဆန်းစုကြည်က ပြောတယ်လို့ ဦးဉာဏ်ဝင်းက ဆက်ပြောပြပါတယ်။

“နောက်တခုက ရွေးကောက်ပွဲ ကျင်းပတဲ့ကာလမှာ မဲပေးတာတွေက တရားဥပဒေနဲ့ ကိုက်ညီခြင်း ရှိမရှိ၊ ဒါတွေ ဥပဒေမှာက ဘယ်လိုပါတယ်၊ ဘယ်လို ပြဋ္ဌာန်းချက်တွေ ရှိတယ် ဆိုတာ ပြည်သူအများ သိဖို့လိုတယ်တဲ့။ အဲဒီတော့ ကိုယ့်အဖွဲ့အစည်း အနေနဲ့ ကိုယ်တတ်နိုင်သမျှ ဒါကို လုပ်ဖို့လိုပါတယ်တဲ့။ ရွေးကောက်ပွဲ ၀င်တဲ့ပါတီတွေက ပိုပြီးတော့တောင် တာဝန်ရှိပါတယ်လို့ အဲဒီလို ပြောပါတယ်။”

ကြိုတင်ဆန္ဒမဲတွေ ကောက်ယူပြီး အာဏာပိုင်တွေဖက်က အတင်းအကျပ် မဲပေးခိုင်းနေတဲ့ ကိစ္စဟာလည်း တရားမျှတမှု မရှိဘူးဆိုတာကို ဒေါ်အောင်ဆန်းစုကြည်က ထောက်ပြခဲ့တယ်လို့ ဦးဉာဏ်ဝင်းက ဆက်ပြောပြပါတယ်။

“လက်ရှိပြဌာန်းပြီးသား ဥပဒေထဲက တချို့အချက်တွေ၊ ဥပမာအားဖြင့်ဗျာ ကြိုတင်ဆန္ဒမဲ သတင်းတွေက ဖြစ်ဖြစ်နေတယ်။ ကြိုတင်ဆန္ဒမဲနဲ့ မမှန်တာလုပ်တယ်ပေါ့ဗျာ။ ကျနော်တို့ သိပ်တော့မသိပါဘူး။ အဲဒီတော့ ကြိုတင်ဆန္ဒမဲဆိုတောင်မှ အဲဒါက အဲဒီမဲပေးမယ့်ပုဂ္ဂိုလ်က မဲပေးလိုမှ ပေးလို့ရတယ်ဆိုတာ ဥပဒေမှာ တခါတည်းပါတယ်ဗျာ။ အဲဒါတွေကို ပြည်သူတွေ သိဖို့လိုတယ်တဲ့။ ခုနကလို အိမ်လာပြီး မဲပေးလိုက်ပါဆိုပြီး ဒီလို ပြောခွင့်မရှိဘူး။ ဒါမျိုးတွေကို ပြည်သူတွေ သိဖို့လိုတယ်လို့ နမူနာအားဖြင့် ပြောတာပါ။”

ဒေါ်အောင်ဆန်းစုကြည်ရဲ့ အကျိုးဆောင်ရှေ့နေလည်းဖြစ်၊ NLD ပြောခွင့်ရပုဂ္ဂိုလ်လည်းဖြစ်တဲ့ ဦးဉာဏ်ဝင်း ပြောပြခဲ့တာပါ။

အခြေခံဥပဒေမှာ ပြဌာန်းထားတဲ့ တရားမျှတမှု မရှိတဲ့အချက်တွေ၊ ရွေးကောက်ပွဲဆိုင်ရာ ဥပဒေတွေက တရားမျှတမှု မရှိတဲ့ အချက်တွေကို ပြည်သူတွေ သိရှိနိုင်ဖို့ တတ်နိုင်သလောက် ဥပဒေ ပညာပေးလုပ်ငန်းတွေ လုပ်ဆောင်ဖို့ လိုအပ်တဲ့အကြောင်း၊ အဲဒီလို မသိဘဲနဲ့ မဲဆန္ဒရှင်တွေက မဲပေးရင် အဓိပ္ပာယ်မရှိနိုင်ဘူးလို့ ပြီးခဲ့တဲ့ သြဂုတ်လ ၂၇ ရက်နေ့တုန်းကပဲ ဦးဉာဏ်ဝင်းကတဆင့် ဒေါ်အောင်ဆန်းစုကြည်က ပြောကြားခဲ့ပါတယ်။

NLD ကတော့ နိုဝင်ဘာလ ၇ ရက်နေ့မှာ ကျင်းပမယ့် စစ်အစိုးရရဲ့ ရွေးကောက်ပွဲကို သပိတ်မှောက်ဖို့အတွက် တရားဝင် ထုတ်ဖော် ပြောဆို ထားပြီးဖြစ်ပါတယ်။

ဦးဉာဏ်ဝင်းနဲ့အတူ တခြား အကျိုးဆောင် ရှေ့နေတွေဖြစ်ကြတဲ့ ဦးကြည်ဝင်းနဲ့ ဒေါ်ခင်ဌေးကြွယ်တို့ နှစ်ယောက်ဟာလည်း စနေနေ့ နေ့လယ် ၁ နာရီကနေ ၃ နာရီအထိ ဒေါ်အောင်ဆန်းစုကြည်ကို သွားရောက် တွေ့ဆုံခဲ့ကြတာဖြစ်ပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...