Sunday, August 10, 2014

“မြန်မာ့ ဒီမိုကရေစီ အင်အားစုများ (အော်ရီဂွန်ပြည်နယ်)၏ ကျေးဇူးတင်လွှာ”

၂၆နှစ်မြောက် ရှစ်လေးလုံး (၈.၈.၈၈) နှစ်ပတ်လည် အထိမ်းအမှတ် အဖြစ် သြဂုတ်လ (၉)ရက်၊ ၂၀၁၄ခုနှစ်၌ အော်ရီဂွန်ပြည်နယ်၊ ပေါ့တလန်မြို့ သိရီမင်္ဂလာကျောင်းတွင် ရှစ်လေးလုံး (၈.၈.၈၈) လူထုအုံကြွမှု ဒီမိုကရေစီ အရေးတော်ပုံကြီးအတွင်း အသက်ပေး ကျဆုံးသွားကြသော ရဟန်း, ရှင်, လူ, ကျောင်းသား ပြည်သူများအား ရည်စူး၍ ဘုရား အမှူးထားပြီး သံဃာတော် အရှင်သူမြတ်များအား ဆွမ်းကပ် လှူဒါန်းပွဲနှင့် အနုမောဒနာ တရားနာ ရေစက်ချ အမျှပေးဝေခြင်းကို နံနက် (၁၀)နာရီ (၃၀) မိနစ် မှ ညနေ (၃) နာရီ အထိ အောင်မြင်စွာ ကျင်းပ ပြီးစီးခဲ့ပါသည်။

အဆိုပါ ဆွမ်းကပ် တရားနာပွဲ အောင်မြင်စွာ ကျင်းပ ပြုလုပ်နိုင်ရန် ဘက်ပေါင်းစုံမှ ဝိုင်းဝန်း ပံ့ပိုး ကူညီပေးခဲ့ကြသော ဆရာတော် သံဃာတော်များ၊ မြန်မာ့ ဒီမိုကရေစီ မိသားစုများ၊ သစ်သီးဆွမ်း အလှူရှင်များ၊ အဟာရ ဒါန အလှူရှင်များ၊ ဘုရားပန်း အလှူရှင်များ၊ ဝေယျာဝစ္စ ကုသိုလ် အလှူရှင်များနှင့် ဆွမ်းကပ်တရားနာပွဲသို့ ကြွရောက် လာကြသည့် မြန်မာ့ ဒီမိုကရေစီ မိသားစုများအား အထူး ကျေးဇူးတင်ရှိပါသည်။

မြန်မာ့ ဒီမိုကရေစီ အင်အားစုများ
အော်ရီဂွန်ပြည်နယ်။










































အပြည့်အစုံ ဖတ်ရန် ...

Thursday, January 23, 2014

"ဒါလားဟဲ့... အပြောင်းအလဲ"

လွန်ခဲ့သောအစိုးရလက်ထက်မှာပေါ့ဗျာ..။မင်္ဂလာတောင်ညွန့် ဘက်မှာ ဆရာတော်ကြီးတစ်ပါး တရားပွဲလုပ်တယ်။ ဆရာတော်ကြီးက အခု ဒီတရားပွဲကရလာတဲ့အလှူငွေတွေကို နာရေးကူညီမှုအသင်း(ရန်ကုန်)ကို လှူချင်လို့ တရားပွဲကိုလာပြီးအလှူခံဖို့ အကြောင်းကြားတဲ့
အတွက်ကျွန်တော်တို့ သွားခဲ့ပါတယ်။
 
ဒါပေမယ့် လမ်းခုလတ်မှာတယ်လီဖုန်းဝင်လာပြီး "ဦးကျော်သူရေ..
စိတ်မကောင်းပါဘူးဗျာ၊နာရေးကူညီမှုအသင်း(ရန်ကုန်) ကိုဆရာတော်ကြီး
လှူမယ့်အလှူငွေကိုအစိုးရအဖွဲ့ အစည်းတစ်ခုကမလှူရဘူး၊လှူခြင်း
လှူသူတို့ အဖွဲ့ ကိုဘဲလှူရမယ်"လို့ အမိန့် လာပေးတဲ့အတွက်
ငွေလှူဒါန်းခြင်း အစီအစဉ်ကိုဆရာတော်ကြီးမှစိတ်မကောင်းစွာ
ဖြင့်ဖျက်လိုက်ရပါပြီတဲ့ဗျာ။

အော်..အလှူငွေကိုတောင်ဓါးပြတိုက်ချင်တဲ့ခေတ်ဆိုးကြီးပါလားဟု
တွေးမိယုံမှတစ်ပါး...။ ဒါက အရင်ခေတ်။

အခုလာပြန်ပါပြီ...ယခု ပြောင်းလဲပြီလို့ ပြောပြောနေတဲ့ခေတ်။

တစ်နေ့ ကပေါ့ဗျာ။ပြည်ပနိုင်ငံကြီးတစ်ခုကပါမောက္ခကြီးတွေ၊
ဆရာဝန်ကြီးတွေကျွန်တော်တို့ နိုင်ငံရဲ့ ကျန်းမာရေးချို့ တဲ့နေသော
ကျေးလက်ဒေသများကို မေတ္တာရှေ့ ထားပြီးအပင်ပန်းခံကာဆေးဝါး
(အခမဲ့)လာရောက်ကုသပေးခဲ့တာလူနာပေါင်း(၄၀၀၀)နီးပါးလောက်
ကုသပေးနိုင်ခဲ့တယ်။

တစ်နေ့ ကသူတို့ အဖွဲ့ မပြန်ခင် သူတို့ နဲ့ ပါလာတဲ့ပိုလျှံနေသော
ဆေးဝါးသေတ္တာ(၃)လုံးကိုပြည်သူလူထုတွေ အတွက်ဆေးဝါးကုသ
ပေးဖို့ ကျွန်တော်တို့ အသင်းရှိ"သုခကုသိုလ်ဖြစ်ဆေးခန်း" ကိုလာရောက်လှူဒါန်းသွားတယ်။

အဲဒီမှာတင်...သူတို့ နောက်ကို တစ်ကောက်ကောက်လိုက်နေတဲ့
သက်ဆိုင်ရာကအထက်ကို သတင်းပေးလိုက်တဲ့အတွက် အဲဒီအထက်ကဆိုတဲ့သူက "ခင်ဗျားတို့  ကျော်သူ့ အသင်းကိုဆေးသွားလှူလား၊မလှူနဲ့ နော်....

လှူရင်နောက်တစ်ခေါက်မြန်မာပြည်ကို လာခွင့်မရှိဘူး"တဲ့ဗျာ။ကိုယ့်ပစ္စည်း ကိုယ်ဘယ်ကိုလှူလှူ ..လှူခွင့်မရှိတဲ့ နိုင်ငံ။ ပြည်ပ ပညာရှင်များစိတ်ကုန်သွားမည့်နိုင်ငံ၊ မစ္ဆရိယစိတ်တွေများလွန်းတဲ့နိုင်ငံ၊ ဗြဟ္မစိုရ်စိတ်တွေခေါင်းပါးတဲ့နိုင်ငံ၊ ပရဟိတသမားတွေစိတ်ကုန်သွားမည့်နိုင်ငံ၊လူမှုရေးအလုပ်တွေကို
ဟန့် တားပိတ်ပင်မှုများနဲ့ လုပ်ကိုင်ပေးနေရတဲ့နိုင်ငံ...စတဲ့ နိုင်ငံအဖြစ်တော့ အဖြစ်မခံလိုပါ။

ပြည်ပနိုင်ငံများရဲ့  အထင်အမြင်သေးခံရမည်ကိုမလိုလားပါ။ ဒါကြောင့်မြန်မာပြည်သူလူထုအတွက် စစ်အာဏာရှင် ခေတ်ဆိုးကြီးမှ ကယ်တင်ပေးဖို့ မေတ္တာ၊စေတနာထားပြီးပြောင်းလဲမှုလုပ်ပေးမည်
ဆိုပါက" ပြောင်းလဲမှုဟူသည် ယူနီဖေါင်းပြောင်းကြယုံနှင့်တော့မရ။ စိတ်ဓါတ်၊ ခံယူချက်၊ဦးတည်ချက်၊ရည်ရွယ်ချက်များပါ ပြည်သူ့ 
အတွက်ဟု မှတ်ကျောက်တင်ကာ သစ္စာဆိုရဲသောပြောင်းလဲမှု
လုပ်နိုင်ဖို့ လိုအပ်ကြောင်းဗြဟ္မစိုရ်တရား(လေးပါး) ကိုလက်ကိုင်
ပြုကာမေတ္တာစကားပါးလိုက်ရပါသည်။ 
သို့မှသာ "ဒါမှ...တကယ့်အပြောင်းအလဲ" ဖြစ်ပေတော့မည်။

ကျော်သူ
  
source by : ခေတ်သတင်း facebook

အပြည့်အစုံ ဖတ်ရန် ...

Thursday, January 16, 2014

မြန်မာကာကွယ်ရေးဘတ်ဂျက် ဒေါ်လာ ၂ ဒဿမ ၃ ဘီလီယံတောင်းခံ


၂၀၁၄-၂၀၁၅ ဘဏ္ဍာရေးနှစ်အတွက် ကာကွယ်ရေး အသုံးစရိတ်အဖြစ် အမေရိကန်ဒေါ်လာ ၂ ဒဿမ ၃ ဘီလီယံ ပေးဖို့ ကာကွယ်ရေးဝန်ကြီးဌာနကနေ ပြည်ထောင်စုလွှတ်တော်မှာ တင်ပြ တောင်းခံထားပါတယ်။ ဒီပမာဏဟာ ပြီးခဲ့တဲ့နှစ်ကထက် နည်းနည်း လျော့သွားပေမဲ့လည်း ပြည်ပရန် အန္တရာယ်မရှိဘဲ လူမျိုးစု တိုင်းရင်းသားတွေနဲ့ ဖြစ်နေတဲ့ စစ်ပွဲတွေပဲရှိတဲ့ မြန်မာနိုင်ငံအတွက်တော့ များနေတုန်းပဲလို့ လွှတ်တော်ကိုယ်စားလှယ်တွေနဲ့ စစ်ရေးလေ့လာသူတွေက ဆိုပါတယ်။ အပြည့်အစုံကို ရန်ကုန်အခြေစိုက် ဗွီအိုအေသတင်းထောက် ကိုအောင်ရဲမောင်မောင် က သတင်းပေးပို့ခဲ့ပါတယ်။

ကာကွယ်ရေးဝန်ကြီး ဒုတိယဗိုလ်ချုပ်ကြီး ဝေလွင်က ဇန်န၀ါရီလ ၁၄ ရက်နေ့က ကျင်းပခဲ့တဲ့  ပြည်ထောင်စုလွှတ်တော် အစည်းအဝေးမှာ ကာကွယ်ရေးအသုံးစရိတ်  အမေရိကန် ဒေါ်လာ ၂ ဒဿမ ၃ ဘီလီယံ တောင်းခံသွားပြီးတော့ ဒီအသုံးစရိတ်ဟာ တိုင်းပြည်ရဲ့ စီးပွားရေးအခြေအနေနဲ့ ညှိနှိုင်းတောင်းဆိုတာ ဖြစ်တယ်လို့ ပြောဆိုသွားတဲ့ အကြောင်း ပြည်သူ့လွှတ်တော်ကိုယ်စားလှယ် ဦးဖေသန်း က ပြောပါတယ်။

“ဟုတ်ကဲ့၊ ဒီနေ့ ကာကွယ်ရေးဝန်ကြီးဌာနက တောင်းတာကတော့ ၂ ဒဿမ ၃ ဘီလီယံလောက် တောင်းတာပေါ့နော်။ ကျနော်တို့ မနှစ်ကကျတော့ ၂ ဒဿမ ၄ လောက် တောင်းတယ် ထင်ပါတယ်။ နည်းနည်းတော့ လျော့သွားတဲ့ သဘောရှိတယ်။ ဒါပေမဲ့ ကျနော်တို့ နိုင်ငံရဲ့ အခြေအနေအရပေါ့နော်၊ တပ်မတော် ကာကွယ်ရေး အသုံးစရိတ်က အများကြီး များနေသေးတယ်လို့ ပြောလို့ရတယ်။ ၀န်ကြီးကတော့ ရှင်းပြတာပေါ့။ ကျနော်တို့ အရှေ့တောင်အာရှ နိုင်ငံတွေရော၊ အမေရိကန် နိုင်ငံရော၊ ဂျပန်နိုင်ငံရော သူတို့ နှိုင်းယှဉ်ပြတော့ ကျနော်တို့ရဲ့ အသုံးစရိတ်က နည်းတယ်ဆိုတဲ့ အကြောင်းပေါ့နော်။ ဒါပေမဲ့ ကိုယ့်နိုင်ငံရဲ့ ၀င်ငွေကနည်းတော့၊ အဲဒီမှာ GDP မှာ ၃ ဒဿမ ၈ ရာခိုင်နှုန်းလောက် သွားပြီးတော့ ဖြစ်နေတယ်။”

ကာကွယ်ရေး အသုံးစရိတ်ကို မြန်မာကျပ်ငွေနဲ့ ကြည့်မယ်ဆိုရင်တော့  စီမံကိန်းတွေအတွက် ၂၀၁၄-၂၀၁၅ ဘဏ္ဍာနှစ်မှာ သုံးဖို့  ငွေမှာ ကျပ် ၂၂၈၂ ဘီလီယံဖြစ်ပေမဲ့ ဘဏ္ဍာရေးဝန်ကြီးဌာနရဲ့ လစာနဲ့ စရိတ်အတွက် ၈၃ ဘီလီယံ ထပ်တိုးပြီး စုစုပေါင်းကျပ်ငွေ ၂၃၆၅ ဘီလီယံ (အမေရိကန် ဒေါ်လာ ၂ ဒဿမ ၃ ဘီလီယံ) တောင်းခံတာလို့ ဆိုပါတယ်။

အိမ်နီးချင်း ထိုင်းနိုင်ငံရဲ့ ကာကွယ်ရေး တစ်နှစ်အသုံးစရိတ်ဟာ အမေရိကန်ဒေါ်လာ ၅ ဒဿမ ၃၉ ဘီလီယံ၊ မလေးရှားနိုင်ငံက တနှစ်ကို အမေရိကန်ဒေါ်လာ ၄ ဒဿမ ၂ ဘီလီယံ သုံးစွဲပြီး ထိုင်းနိုင်ငံနဲ့ မလေးရှားနိုင်ငံရဲ့ ကာကွယ်ရေးအသုံးစရိတ်ဟာ မြန်မာနိုင်ငံထက် များစွာ မြင့်မားနေတယ်ဆိုပြီးတော့ ဒုတိယဗိုလ်ချုပ်ကြီး ဝေလွင်က ပြောဆိုသွားခဲ့တာပါ။

ပြီးခဲ့တဲ့နှစ်က ကာကွယ်ရေးဝန်ကြီးဌာနရဲ့ ကာကွယ်ရေး အသုံးစရိတ်ဟာ အမေရိကန်ဒေါ်လာ ၂ ဒဿမ ၄ ဘီလီယံ အသုံးပြုခဲ့ပြီး အဲဒီအသုံးပြုခဲ့တဲ့ ကာကွယ်ရေးစရိတ်ဟာ တိုင်းပြည်ရဲ့ စုစုပေါင်း အသုံးစရိတ် ၁၂ ရာခိုင်နှုန်းရှိကြောင်း ၀န်ကြီးဌာနက ထုတ်ပြန်ခဲ့ပါတယ်။

ကာကွယ်ရေးဝန်ကြီးဌာနက ၂၀၁၄-၂၀၁၅ ဘဏ္ဍာရေးနှစ်အတွက် ကာကွယ်ရေး အသုံးစရိတ် တောင်းခံတာဟာ ပြီးခဲ့တဲ့နှစ်ကထက် အနည်းငယ် လျော့နည်းသွားတာကို လွှတ်တော်ကိုယ်စားလှယ်တွေက ကြိုဆိုပေမဲ့ လျော့နည်းသွားတဲ့ ဘတ်ဂျက်တွေကို တိုင်းရင်းသားဒေသ ဖွံ့ဖြိုးရေးတွေမှာ ပိုသုံးပေးဖို့ အလိုရှိတယ်လို့ ရှမ်းတိုင်းရင်းသားများ ဒီမိုကရက်တစ်ပါတီရဲ့ မူဆယ်မြို့နယ် ပြည်သူ့လွှတ်တော်ကိုယ်စားလှယ် ဦးစိုင်းဖိုးအောင် က ပြောပါတယ်။

“ဘတ်ဂျက် လျော့သွားတယ်ဆိုတော့ ကျနော်တို့ ကျန်တဲ့ ဖွံ့ဖြိုးရေးပိုင်းတွေ ဆက်လုပ်နိုင်တယ်ဆိုတော့၊ ကျနော်တို့ တိုင်းရင်းသား ကိုယ်စားလှယ်တွေ အနေနဲ့တော့ ၀မ်းသာတယ်၊ ကြိုဆိုတယ်လို့တော့ ပြောရမှာပေါ့။ တကယ်လို့ နိုင်ငံတော်ရဲ့ ငြိမ်းချမ်းရေးကို အကောင်အထည် ဖော်ဆောင်နိုင်မယ်ဆိုရင်တော့ တပ်မတော်ရဲ့ အသုံးစရိတ်တွေ နည်းနည်း ထပ်လျှော့ချဖို့တော့ လိုအပ်လိမ့်မယ်လို့ မြင်ပါတယ်။ သူတို့ရဲ့ အသုံးစရိတ်တွေက လိုအပ်တာထက် ပိုများနေတယ်ဆိုရင် ကျန်တဲ့ တိုင်းရင်းသား နယ်မြေတွေရဲ့ ဖွံ့ဖြိုးရေးအတွက် သုံးဖို့က နည်းနည်း နည်းသွားတဲ့ အခါကျတော့ တိုင်းရင်းသားတွေရဲ့ တပြေးညီ ဖွံ့ဖြိုးတိုးတက်ရေး အတွက်တော့ နှောင့်နှေးသွားနိုင်တဲ့ အနေအထားမျိုး ဖြစ်နိုင်တာပေါ့။”

မြန်မာနိုင်ငံဟာ ပြည်ပရန် အန္တရာယ်မရှိဘဲ ပြည်တွင်းက တိုင်းရင်းသား ညီအကိုတွေနဲ့ ဖြစ်ပွားနေတဲ့ စစ်ပွဲတွေမှာ သုံးစွဲနေရတဲ့အတွက် များလွန်းနေတယ်လို့လည်း မြန်မာ့စစ်ရေး လေ့လာအကဲဖြတ်တွေက ပြောပါတယ်။

ဒါပေမဲ့ မြန်မာနိုင်ငံ စစ်တပ်ကြီးတခုလုံးအတွက် တောင်းခံတဲ့ အမေရိကန်ဒေါ်လာ ၂ ဒဿမ ၄ ဘီလီယံဟာ ကာကွယ်ရေးဝန်ကြီးဌာနအတွက် လုံလောက်တယ်ဆိုရုံသာ ရှိပြီးတော့ ကာကွယ်ရေး အသုံးစရိတ်တွေကို လျှော့ချမယ်ဆိုရင် ရှိနေတဲ့ စစ်တပ် အရေအတွက်ကိုပါ လျှောချဖို့ လိုတယ်လို့ တရုတ်-မြန်မာ နယ်စပ်မှာနေထိုင်တဲ့ မြန်မာစစ်ရေး လေ့လာ သုံးသပ်သူ ဦးအောင်ကျော်ဇော် က ပြောပါတယ်။

“တပ်ကြီး ဒီလောက်ကြီးနေရင် ဒီလောက်နဲ့ မလောက်ပါဘူး။ ကျနော်ထင်တယ် ဒါက for show သက်သက်ပါပဲ။ ဒီထက်မက သုံးစွဲမှုတွေ ရှိတယ်လို့ ကျနော်တို့ထင်တယ်။ အဓိက လုပ်ရမှာက တပ်ကို။ အခုတပြည်လုံးမှာရှိတဲ့လူတွေ ပြောဆိုနေတဲ့ အထဲမှာ တပ် reform (ပြုပြင်ပြောင်းလဲရေး) ဆိုတာ တယောက်မှ မပါကြဘူး။ အနည်းစုပဲ။ တပ်ကို reform မလုပ်နိုင်ဘဲနဲ့ ကျနော်တို့ ဒီကနေ့ သွားချင်တဲ့ reform လည်း သွားလို့မရဘူး။ တပ်ကို professional ဖြစ်အောင်လုပ်ရမယ်၊ တပ်ရဲ့ အင်အားကို လျှော့ချရမယ်။”

ကာကွယ်ရေးဝန်ကြီးဌာနက အသုံးပြုတဲ့ ဘတ်ဂျက်ဟာ ကျန်ဝန်ကြီးဌာနတွေရဲ့ အသုံးစရိတ်ထက် မြင့်မားနေပြီးတော့ ကာကွယ်ရေးဝန်ကြီးဌာနက တင်ပြတဲ့ ဘတ်ဂျက်တွေကို လွှတ်တော်က လျှော့ချခိုင်းတာမျိုး၊ ဖြတ်ချတာမျိုးတော့ လုပ်ဆောင်လို့ မရဘူးလို့ လွှတ်တော်ကိုယ်စားလှယ်တွေက ပြောပါတယ်။

တပ်မတော်အနေနဲ့ ၂၀၁၃-၂၀၁၄ ဘဏ္ဍာနှစ်မှာ ပြည်ထောင်စု ဘတ်ဂျက်ကနေ ၁၃ ဒဿမ ၆ ရာခိုင်နှုန်း အသုံးပြုထားပြီးတော့ လာမယ့်နှစ်မှာတော့ ၁၂ ဒဿမ ၂၆ ရာခိုင်နှုန်းသာ အသုံးပြုဖို့ လျာထားတယ်လို့ ကာကွယ်ရေးဝန်ကြီးဌာနက ပြောဆို သွားပါတယ်။ 

အောင်ရဲ မောင်မောင် 
source by : http://burmese.voanews.com

အပြည့်အစုံ ဖတ်ရန် ...

Wednesday, January 15, 2014

နည်းပညာတက္ကသိုလ်များမှ ဆရာ၊ ဆရာမ ၁၅၀၀ ကျော် နေရာပြောင်းရွှေ့



သိပ္ပံနှင့်နည်းပညာဝန်ကြီးဌာနအောက်ရှိ တက္ကသိုလ်များမှ ဆရာ၊ ဆရာမများကို ပထမဆုံးအကြိမ်အ ဖြစ် နေရာပြောင်းရွှေ့မှုအများဆုံး ပြုလုပ်ခဲ့ကြောင်း သိရသည်။

၂၀၁၃ ခုနှစ် ဒီဇင်ဘာ ၃၁ ရက်တွင် သိပ္ပံနှင့်နည်းပညာဝန်ကြီးဌာနလက်အောက်ရှိ နည်းပညာတက္က သိုလ်များနှင့် ကွန်ပျူတာတက္ကသိုလ်များတွင် တာဝန်ထမ်းဆောင်နေသော ဆရာ၊ ဆရာမ ၁၅၀၀ ကျော်အား ယင်းတို့နှင့်အဆင်ပြေသည့်နေရပ်များ၌ တာဝန်ထမ်းဆောင်နိုင်ရန် နေရာပြောင်းရွှေ့မှုများ ကိုပြုလုပ်ပေးခဲ့ကြောင်း သိပ္ပံနှင့်နည်းပညာဝန်ကြီးဌာနမှ တာဝန်ရှိသူတစ်ဦးက ဖလားဝါးနယူးစ်ဂျာနယ် သို့ပြောသည်။

"ကျွန်တော်တို့ဝန်ကြီးဌာန သက်တမ်းတစ်လျှောက် ပထမဆုံးအကြိမ်အဖြစ် ဝန်ထမ်းအပြောင်းအရွှေ့ အများဆုံးပြုလုပ်ခဲ့တာပါ။ အဓိကကတော့ ဆရာ၊ ဆရာမတွေ အဆင်ပြေတဲ့နေရာတွေမှာ တာဝန် ထမ်းဆောင်နိုင်ဖို့ စီစဉ်ခဲ့ကြတာပါ" ဟု သိပ္ပံနှင့်နည်းပညာဝန်ကြီးဌာနမှ တာဝန်ရှိသူတစ်ဦးက ပြော သည်။

ယင်းသို့ပြောင်းရွှေ့လိုက်ခြင်းကြောင့် ဝန်ကြီးဌာနအတွက် ကောင်းကျိုးများပိုမိုရရှိလာရန် မျှော်လင့် ထားကြောင်း နှစ်ဦးနှစ်ဖက်အဆင်ပြေမှုများရှိ၍ လူ့စွမ်းအားအရင်းအမြစ်များ ပိုမိုရရှိလာနိုင်သည်ဟု အဆိုပါတာဝန်ရှိသူက ပြောသည်။

လက်ရှိအချိန်တွင် အပြောင်းအရွှေ့တင်ပြခြင်းအား လက်ခံနေဆဲဖြစ်ပြီး အပြောင်းအရွှေ့လျှောက်ထား သူများ လျှောက်ထားသည့် ကျောင်းများတွင်မိမိနှင့်သက်ဆိုင်သော ဘာသာရပ်များရှိရန်လိုအပ် ကြောင်း၊ လစ်လပ်သွားသောနေရာများတွင် ရန်ကုန်-မန္တလေးမြို့ကြီးများမှဆရာ၊ ဆရာမများကို ပြန် လည်နေရာချထားပေးကြောင်း သိရသည်။

နည်းပညာတက္ကသိုလ်မှ ဆရာတစ်ဦးဖြစ်သူ ဦးအောင်ကြည်လင်းက "နယ်တွေမှာ လုပ်သက်သုံးနှစ် အထက်ရှိတဲ့သူတွေကို မိမိတို့ဒေသမဟုတ်ရင်တောင် နီးစပ်တဲ့ဒေသတွေမှာ တာဝန်ထမ်းဆောင်ဖို့ လျှောက်ထားမှုတွေကို ဝန်ကြီးဌာနကခွင့်ပြုပေးခဲ့တာလို့ သိရပါတယ်" ဟု ပြောသည်။

ငယ်ထွေး (ကလေး)  
source by : http://www.maukkha.org

အပြည့်အစုံ ဖတ်ရန် ...

ကမ်းလာတဲ့ စာရွက်ကလေးများ

(တစ်)
သမီး . . .
အဲသည့်မနက်က ဖေဖေရန်ကုန်တက္ကသိုလ်ထဲကနေ ထွက်လာခဲ့ပြီးလှည့်တန်းဈေးဘက်ကို သွားစရာ ရှိတာနဲ့ပြည်လမ်းကို ဖြတ်ကူးလိုက်တဲ့အခါ ဦးလေးကြီးတစ်ယောက်ကို တစ်ခါပြန်တွေ့ရပြန်တာပါပဲ။ အသက်ကတော့ ခြောက်ဆယ်နီးနီး၊ ဒါမှမဟုတ် ခြောက်ဆယ်စွန်းစွန်းလောက်တော့ ရှိမယ်ထင်ပါရဲ့။ 

ဆံပင်တိုတိုပါးပါးကတော်တော်လေးဖြူနေပါပြီ။ လူကလည်းပါးပါးလျားလျားပါပဲ။ အင်္ကျီလက်တို အကွက်ကလေးနဲ့၊ ချည်လုံချည် အနွမ်းကလေးနဲ့၊ သူ့ကြည့်ရတာ ပင်စင်စားတွေ၊ ဘာတွေများလား မသိပါဘူး သမီးရယ်။
ထုံးစံအတိုင်းပေါ့ သမီးရယ်။ သူ့လက်ထဲမှာ လက်ကမ်းကြော်ငြာစာရွက်ကလေးတွေနဲ့။ လမ်းသွားလမ်း လာတွေကို သူလက်လှမ်းမီသလောက် တစ်ရွက်ချင်းတစ်ရွက်ချင်း ကမ်းနေလိုက်တာ။ လူတိုင်းလိုလို ကသူကမ်းလာတဲ့ ကြော်ငြာစာရွက်ကလေးတွေကို ပေါ့ပေါ့ပါးပါးနဲ့ ယူသွားလိုက်ကြတာပါပဲ။ အင်း . . . ဖေဖေကလည်း တစ်ရွက်ပေါ့။

ကွန်ပျူတာသင်တန်း ကြော်ငြာစာရွက်ကလေးသမီးရဲ့။ Computer Basic ဆိုတဲ့ ကွန်ပျူတာအခြေခံ သင်တန်းရယ်၊ DTP လို့ဆိုတဲ့ ရုံးသုံးစာစီစာရိုက်သင်တန်းရယ်၊ Graphic Designer လို့ဆိုတဲ့ ဓာတ်ပုံနဲ့ ဒီဇိုင်းသင်တန်းရယ်၊ နောက် Internet နဲ့ E-mail သင်တန်းတဲ့၊ Auto CAD တဲ့စုံနေတာပါပဲ။ သင်တန်း စမယ့်ရက်၊ သင်တန်းရှိရာလိပ်စာ၊ နောက်ဘယ်နှရာခိုင်နှုန်း သင်တန်းကြေးလျှော့မယ်ဆိုတာတွေ လည်း သည်လက်ကမ်းကြော်ငြာစာရွက်ကလေးထဲမှာ ပါ,ပါရဲ့။

ဖေဖေလည်း သည်ကြော်ငြာစာရွက်ကလေးဖတ်ပြီး သင့်ရာလျော်ရာစာအုပ်တစ်အုပ်ကြား ညှပ်ထား လိုက်တာပါပဲ။ တစ်ခါတစ်ခါတော့လည်း အမှိုက်ပုံးထဲပေါ့။ မကြာခဏဆိုသလို သည်လိုလက်ကမ်း ကြော်ငြာကမ်းသူတွေက ရှိတတ်ကြတယ်မဟုတ်လား။ လှည်းတန်းလမ်းဆုံတစ်ဝိုက်မှာ တစ်ခါတစ် လေပေါ်လာတတ်တဲ့ ဦးလေးကြီးကလည်းမြို့တော်ရဲ့ လက်ကမ်းကြော်ငြာ ပေးဝေးသူတွေထဲက တစ်ယောက်ပဲပေါ့။

(နှစ်)
သည်လက်ကမ်းကြော်ငြာတွေကလည်း အမျိုးအစားကိုစုံနေတာပါပဲ။ Beauty Parlour လို့ခေါ်တဲ့အလှ ပြင်ဆိုင်ကြော်ငြာတွေလည်း ပါရဲ့။ ဘာသာစကားသင်တန်းကျောင်းတွေရဲ့ ကြော်ငြာတွေလည်းပါရဲ့။ ပြီးတော့ ဘုရားဖူးကားကြော်ငြာ၊ အလုပ်သစ်အကိုင်သစ်ကြော်ငြာ စုံနေတာပါပဲသမီးရယ်။
မြို့တော်ရဲ့ ပလက်ဖောင်းတွေပေါ်မှာ၊ ကျူရှင်လှေကား အဆင်းအတက်မှာ၊ ဘတ်စ်ကားမှတ်တိုင်မှာ၊ ဈေးအဝင်ဝမှာ တစ်ဝမ်းတစ်ခါးအတွက် လုပ်ငန်းမျိုးစုံကို အသိပေးနေတဲ့ သူတွေလေ။

သမီးကိုဖေဖေပြောပြချင်တဲ့နေ့က ဆူးလေဘုရားလမ်းမကြီးပေါ်မှာ သမီးရဲ့။ ခုံးကျော်တံတားကြီးပေါ် မှာလေ။ ဖေဖေလှေကားထိပ်မှာ ကြော်ငြာကမ်းတဲ့ လူငယ်ကလေးနှစ်ယောက်၊ ကြော်ငြာကိုယ်စီကမ်း လို့၊ ကိုယ်အမူအရာက ယို့ယို့ကျိုးကျိုးနဲ့၊ ဘာကြော်ငြာ အမျိုးအစားမှန်းတော့ ဖေဖေလည်းမသိဘူးပေါ့ သမီးရယ်။ ဒါပေမဲ့သူ့အသက်မွေးဝမ်းကျောင်းကို လေးစားတဲ့အနေနဲ့ ဖေဖေလှမ်းယူလိုက်တာပါပဲ။ ဒါပေမဲ့ တချို့ချို့သောလူအများစုကိုတော့ ဖေဖေအံ့သြသွားမိတယ်။ ကြော်ငြာကိုတော့ယူလိုက်တယ် ပေါ့သမီးရယ်။ ဒါပေမဲ့ ချက်ချင်းဆိုမှချက်ချင်း၊ အခုချက်ချင်း ခြေတစ်လှမ်းလွန်ပြီးတာနဲ့ တံတားပေါ် ပစ်ချလွှင့်ပစ်လိုက်တာပါပဲ။ မိုးရေစပ်စပ်မှာ ကြော်ငြာစာရွက်ကလေးတွေ တံတားကြမ်းပြင်အနှံ့ ပြန့်ကျဲ တွယ်ကပ်လို့၊ မဖတ်ဘဲလွှင့်ပစ်ခံလိုက်ရတဲ့ လက်ကမ်းကြော်ငြာစာရွက်ကလေးတွေကိုယ်စား ဖေဖေ နာကျင်လိုက်ရတာ။ ကြော်ငြာကမ်းသူကလေးနှစ်ယောက်ရဲ့ မျက်လုံးထဲက အသိအမှတ်အပြုမခံရလို့ သိမ်ငယ်သွားတဲ့အရိပ်ကို ဖေဖေတွေ့လိုက်ရသလိုပဲ။ ယူတော့ယူလိုက်ပါရဲ့။ ဆတ်ခနဲဆို လွှင့်ပစ် လိုက်၊ ဆတ်ခနဲလွှင့်အစ်လိုက်နဲ့။ တချို့ချို့သောလူတွေပေါ့။

(သုံး)
သမီးရယ် . . .
အစည်းအဝေး တစ်ခုလို့ပဲဆိုပါတော့။ လူတစ်ယောက်ထပြီး တင်ပြလာတာကို ဖေဖေတို့သမီးတို့ သဘောတူချင်မှ သဘောတူမှာပေါ့။ ဒါပေမဲ့ သူပြောနေတာကိုတော့ ဖေဖေတို့နားထောင်ရမယ်လေ။ မပြောနဲ့လို့ ပိတ်ပင်တာမျိုး၊ နားမထောင်ဘဲနေတာမျိုးတော့ မလုပ်အပ်ဘူးလို့ ဖေဖေထင်မိတာပါပဲ။ ဆိုကြပါစို့ လူတစ်ယောက်က လူတစ်ယောက်ဆီကနေ မေတ္တာ၊ ဒါမှမဟုတ် ငွေကြေး၊ ဒါမှမဟုတ် တစ်ခုခုတောင်းခံလာတာမျိုး ဆိုပါတော့။ ငြင်းတာပဲဖြစ်ဖြစ်၊ လက်ခံတာပဲဖြစ်ဖြစ် အဲဒါကဖေဖေတို့ သမီးတို့ရဲ့ အခွင့်အရေး၊ ဒါပေမဲ့သူပြောခွင့်၊ သူတောင်းဆိုခွင့်ကိုတော့ ဖေဖေတို့အသိအမှတ်ပြုရ၊ လေးစားရပေမပေါ့။
သိစေချင်လို့ကမ်းလာတဲ့ ကြော်ငြာကလေးကိုယူပြီးရင် သင့်လျော်တဲ့နေရာတစ်နေရာ ဖတ်လိုက်ပေါ့။ မဖတ်ချင်တဲ့အဆုံး မမြင်ကွယ်ရာမှာ လွှင့်ပစ်လိုက်ပေါ့။ ခုတော့ကမ်းသူရဲ့ရှေ့မှောက်မှာတင် လွှင့်ပစ် လိုက်တာမျိုးကတော့ . . . ။

ဖေဖေကတော့ ရန်ကုန်မြို့အနှံ့လျှောက်သွား၊ ပေးလာတဲ့လက်ကမ်းကြော်ငြာကလေးတွေကို လှမ်းယူ၊ ပြီးတော့ကိုယ်နဲ့ဆိုင်သလား မဆိုင်သလားဖတ်ကြည့်။ နောက်တော့လည်း လွှင့်ပစ်တာပဲပေါ့ သမီး ရယ်။ တစ်ခုပါပဲ။ သူတို့ရဲ့အသက်မွေးဝမ်းကျောင်းမှုကို လေးစားတဲ့အနေနဲ့ သူတို့ရှေ့မှာတော့ ဘယ် တော့မှ ဖေဖေလွှင့်မပစ်ဘူး။

ဟောကြည့် . . . လူတစ်ယောက်က ဖေ့ဖေ့ကိုကြော်ငြာကလေးတစ်ရွက် လှမ်းပေးနေပြန်ပါပြီ။ ကိုယ် ကလေးကို ယို့လို့၊ မျက်နှာလေးကို အောက်ချလို့၊ ဖေဖေကတော့ လှမ်းပြီးယူလိုက်ပြန်ပါပြီသမီးရယ်။

မောင်သာချို 
source by : http://www.maukkha.org

အပြည့်အစုံ ဖတ်ရန် ...

"ငါ ဆက်လျှောက်မယ်"

မည်သို့ပင်
ပိတ်ဆို့ တားဆီးစေကာမူ
ငါ့လမ်းကို
ငါ ဆက်လျှောက်မယ်။

ငါဟာ- လူ့လောကထဲကို
ခေတ္တရောက်လာတဲ့
ဧည့်သည်တယောက်၊
တချောင်းပဲပါတဲ့
အသက်သေသွားတော့လဲ
အလည်ခရီး
ပြီးဆုံးသွားတာပဲ။

ဒါကြောင့်- ငါ့အသက်ကို
သတ်ပစ်လိုက်မယ်လို့
မခြိမ်းချောက်ပါနဲ့ မိတ်ဆွေ၊
အသက်ရဲ့ မမြဲသော
သဘာဝကို ငါသိတယ်။

ငါ့ရုပ်ခန္ဓာဟာ
တနေ့နေ့ တချိန်ချိန်မှာ
ပုပ်ပွဆွေးမြေ့သွားရမယ့်
ဖြစ်တည်မှုတခု၊
အပုပ်ကောင်ကို
အရုပ်ဆောင်ဖို့
အမွေးနံ့သာ
အ၀တ်တန်ဆာတွေနဲ့
လွှမ်းခြုံထားခြင်းသာ။

ခန္ဓာကိုယ်ပြင်ပမှာ
ဒဏ်ရာမရရင်တောင်
ခန္ဓာကိုယ်တွင်းက
အသည်းကလီစာတွေကတော့
တစထက်တစ
ဆွေးမြေ့ပျက်စီးသွားမှာပဲ။

ဒါကြောင့်- ငါ့ခန္ဓာကို
နှိပ်စက်ညှဉ်းပမ်းလိုက်မယ်၊
ချုပ်နှောင်ထားမယ်လို့
မခြိမ်းချောက်နဲ့ မိတ်ဆွေ၊
ရုပ်နဲ့နာမ်ကို
ငါခွဲခြားတတ်တယ်။

ငါ့ဘ၀ဟာ
လောကဓံတရားရဲ့
ထိန်းကျောင်းမှုအောက်မှာသာ၊
နိမ့်တုံ၊ မြင့်တုံ၊ ဖြစ်ပျက်စုံနဲ့
မလွဲမသွေ၊ ကြုံရဦးမှာပဲ။

ဒါကြောင့်- ငါ့ဘ၀ကို
ဖျက်ဆီးလိုက်မယ်လို့
မခြိမ်းချောက်နဲ့ မိတ်ဆွေ၊
လောကဓံတရားကို
ငါသိတယ်။

ငါ့ပညာဟာ
ဇွဲ၊ လုံ့လ၊ ၀ီရိယနဲ့
တည်ဆောက်ထားတဲ့အရာ၊
ပညာရဲ့ အနှစ်သာရဆိုတာ
လူ့လောကအကျိုး
ဆောင်ကျဉ်းဖို့ရန်သာ။

ဒါကြောင့်- ငါ့ပညာကို
ရွှေငွေဂုဏ် ပကာသန၊
ရာထူးစည်းစိမ်တွေနဲ့
ဝယ်ယူပစ်လိုက်မယ်လို့
မကြံစည်လေနဲ့ မိတ်ဆွေ၊
ပညာရဲ့ အနှစ်သာရကို
ငါနားလည်တယ်။

ငါ့အသက်နဲ့ ငါ့ခန္ဓာ
ငါယုံကြည်ရာအတွက်
လှူဒါန်းထားတယ်၊
ငါ့ဘ၀နဲ့ ငါ့ပညာ
လောကအကျိုးအတွက်
ပေးလှူထားတယ်။

မည်သို့ပင်
ပိတ်ဆို့ တားဆီးစေကာမူ
ငါ့လမ်းကို ငါ ဆက်လျှောက်မယ်။

ခင်မမမျိုး (၂၀၁၃)

အပြည့်အစုံ ဖတ်ရန် ...

Friday, January 10, 2014

နိုင်ကျဉ်းကိစ္စ အစိုးရ ကတိပျက်မှု FIDH ရှုတ်ချ


၂၀၁၃ နှစ်ကုန်ကျရင် မြန်မာနိုင်ငံ အကျဉ်းထောင်တွေထဲမှာ နိုင်ငံရေး အကျဉ်းသားတစ်ယောက်မှ မရှိစေရပါဘူးလို့ ကတိပေးခဲ့တာကို သမ္မတဦးသိန်းစိန် မတည်ခဲ့ဘူးလို့ ထိပ်တန်း လူ့အခွင့်အရေး အဖွဲ့တွေက ဝေဖန်လိုက်ပါတယ်။ အရင် အကျဉ်းကျနေတဲ့ နိုင်ငံရေး အကျဉ်းသားတွေအတွက် နိုင်ငံရေး ပုဒ်မလို့ သတ်မှတ်ကြတဲ့ ပုဒ်မတွေနဲ့ ချမှတ်ခဲ့တဲ့ ပြစ်ဒဏ်တွေကို ပယ်ဖျက် ပေးခဲ့ပေမဲ့ လည်း တခြားပုဒ်မတွေကြောင့် ဆက်ပြီး အကျဉ်းကျဆဲဖြစ်တဲ့ အတွက် နိုင်ငံရေး အကျဉ်းသားတွေ ရှိနေတုန်းပဲလို့ နိုင်ငံရေး အကျဉ်းသားအရေး လုပ်ဆောင်နေသူ တစ်ဦး ကလည်း ပြောပါတယ်။ အပြည့်အစုံကို ကိုကျော်ကျော်သိန်းက ဆက်ပြောပြပါမယ်။

၂၀၁၃ ခုနှစ်၊ ဒီဇင်ဘာလကုန်ပိုင်းနဲ့ ၂၀၁၄ ခု နှစ်ဆန်းပိုင်းတွေမှာ သမ္မတ ဦးသိန်းစိန် က ပြစ်ဒဏ် လွတ်ငြိမ်းခွင့်တွေ ထုတ်ပြန်ပြီး လွှတ်ပေးတာတွေ ရှိခဲ့ပေမဲ့လည်း လွတ်လာသူတွေထဲမှာ နိုင်ငံရေးအကျဉ်းသားက နည်းနည်းပဲ ပါပြီးတော့ ရာဇ၀တ် ပြစ်မှုတွေနဲ့ အကျဉ်းကျသူက အများစုဖြစ်နေတယ် ဆိုပြီးတော့ ပြင်သစ်အခြေစိုက် လူ့အခွင့်အရေးအဖွဲ့ဖြစ်တဲ့ FIDH နဲ့ ဒေသတွင်း အခြေစိုက် မြန်မာ့အရေးလှုပ်ရှားတဲ့အဖွဲ့ ALTSEAN Burma တို့က ဝေဖန်ထားတာပါ။

ဒါဟာ လက်ခံနိုင်ဖွယ်မရှိဘူးလို့ ယူဆတဲ့အကြောင်း FIDH အဖွဲ့က အရှေ့တောင်အာရှရေးရာဆိုင်ရာ အကြီးအကဲ အန်ဒရေရာ ဂျော်ဂျက်တာ (Andrea Giorgetta) က ဗွီအိုအေကိုပြောပါတယ်။

 “သုံးနှစ်နီးပါးကြာတဲ့အထိ သမ္မတဦးသိန်းစိန်အစိုးရဟာ မြန်မာနိုင်ငံက နိုင်ငံရေး အကျဉ်းသားတွေအားလုံးကို လွှတ် မပေးသေးပါဘူး။ အထူးသဖြင့် ကျနော်တို့စိုးရိမ်တာက နိုင်ငံရေးအကျဉ်းသားတွေကို စွဲချက်တင်ချမှတ်ထားတဲ့ ပုဒ်မတွေအားလုံး ကို ပြစ်ဒဏ်လွတ်ငြိမ်းခွင့် ပြုခဲ့ပေမဲ့လည်း မြေယာ သိမ်းဆည်းမှုတွေ အပေါ် ကန့်ကွက်ဆန္ဒပြတဲ့ တက်ကြွလှုပ်ရှားသူတွေ အနေနဲ့ ရာဇ၀တ်ပြစ်မှုဆိုင်ရာ ပုဒ်မအမျိုးမျိုးနဲ့ စွဲချက်တင်ခံရမယ့်အရေး ရင်ဆိုင်နေရပါတယ်။ ဒါကြောင့် နိုင်ငံရေးအကျဉ်းသားတွေအပေါ် ချမှတ်ခဲ့တဲ့ ပုဒ်မတွေကနေ လွတ်ငြိမ်းခွင့်ပြုခဲ့ပေမဲ့လည်း တက်ကြွလှုပ်ရှားသူတွေကို စွဲချက်တင်ဖို့ တခြား ရာဇ၀တ်ကြောင်း ဆိုင်ရာ ပုဒ်မတွေ အသုံးပြုနေဆဲရှိတာကြောင့် ဒီကိစ္စက အတော်အရေးကြီးပါတယ်။”

ဒါကြောင့်လည်း ဖိနှိပ်ချုပ်ခြယ်တဲ့ ဥပဒေတွေအားလုံးကို လွှတ်တော်က ဖျက်သိမ်းပေးရေးအတွက် သမ္မတဦးသိန်းစိန်အနေနဲ့ လက်တွေ့ကျကျ ဦးဆောင်လုပ်ဖို့နဲ့ အကယ်၍ လွှတ်တော်က ဘာမှမလုပ်ခဲ့ဘူးဆိုရင်လည်း သမ္မတဦးသိန်းစိန်က အမိန့်ထုတ်ပြန် ပြီး ဖိနှိပ်တဲ့ဥပဒေတွေအားလုံးကို ဖျက်သိမ်းသင့်တယ်လို့ FIDH က တိုက်တွန်းပါတယ်။

 ပြည်ထောင်စုဝန်ကြီး ဦးစိုးသိန်း ဥက္ကဋ္ဌအဖြစ် ဦးဆောင်တဲ့ လက်ကျန်နိုင်ငံရေးအကျဉ်းသား စိစစ်ရေးကော်မတီအနေနဲ့ မဟုတ်ပေ မဲ့ နိုင်ငံရေး အကျဉ်းသားဟောင်းတွေကိုယ်တိုင် ပါဝင်ဖွဲ့စည်းထားတဲ့ အဖွဲ့အစည်းတွေအနေနဲ့ကတော့ အကျဉ်းထောင်တွေထဲ မှာ နိုင်ငံရေး အကျဉ်းသားတွေ ဆက်ပြီးရှိနေသေးတယ်လို့ သတ်မှတ်ထားတဲ့အကြောင်း စိစစ်ရေးကော်မတီဝင် တစ်ဦးဖြစ်သူ ကိုရဲအောင်က ဗွီအိုအေကို ပြောပါတယ်။

"ကျနော်တို့ စာရင်းအရဆိုရင် တင်ပြထားတဲ့ စာရင်းအရ ၃၃ဦး ကျန်ပါသေးတယ်။ ကော်မတီက သတ်မှတ်ထားတာတော့ မဟုတ်ပါဘူး။ ဒါပေမဲ့ ဒီလူတွေ အကုန်လုံးက နိုင်ငံရေးပုဒ်မတွေ ပါတယ်။ ဒါကြောင့်မို့ ဒီလူတွေနဲ့ပတ်သက်ပြီး ကျနော်တို့ နိုင်ငံရေး အကျဉ်းသား အဖြစ် ကော်မတီက နောက်ဆုံးအကြိမ်မှာ ကျနော်တို့ ဆွေးနွေးကြပါတဲ့အခါမှာ တချို့ဟာတွေက ရာဇဝတ်ပုဒ်မတွေနဲ့ရှိနေတဲ့အတွက် ဒီနှစ်အကုန်မှာ နိုင်ငံရေး ပုဒ်မအရ ရှင်းပေးပြီးတော့ ကျန်တာတွေကိုဆွေးနွေးဖို့ အတွက် တင်ပြပေးမယ် လို့တော့ ကော်မတီဥက္ကဋ္ဌကပြောသွားပါတယ်။ ပြောသွားတဲ့အတွက်ကြောင့် ကျနော်တို့က ဒီဟာကို စောင့်ကြည့်နေတယ်။ စောင့်ကြည့်နေတာမှာ အခုအချိန်အထိ ဒီလူတွေကို လွှတ်ပေးတာ မတွေ့ရပါဘူး။ "

အင်းစိန်အကျဉ်းထောင်ရှေ့။အင်းစိန်အကျဉ်းထောင်ရှေ့။

လက်ကျန်နိုင်ငံရေးအကျဉ်းသား စိစစ်ရေးကော်မတီဟာ ဆက် တည်ရှိနေ မှာဖြစ်တယ် လို့ ၀န်ကြီးဦးစိုးသိန်းက ပြောထားပြီး အခု နှစ်ဆန်းပိုင်း မှာ ကော်မတီအစည်းအဝေးလုပ်ဖို့ အကြောင်းကြားထားခဲ့ပေမဲ့ နှစ်ကြိမ် တိုင် ရွှေ့ဆိုင်းပြီးတဲ့နောက် အစည်းအဝေး ဘယ်တော့ လုပ်မယ်ဆိုတာကို ဘာမှ မသိရသေးဘူးလို့ ကိုရဲအောင်က ပြောပါတယ်။

"၁၂ရက်ပြောင်းလဲပြီးတဲ့အခါကျတော့ ကျနော်တို့ကို ၉ရက်နေ့မှာ အကြောင်းကြားပါတယ်။ အစည်းအဝေးကို ၁၂ရက်နေ့ ရွှေ့ဆိုင်းလိုက်ပြီဆိုတာ အကြောင်းကြားပါတယ်။ ဘာကြောင့်ရွှေ့ဆိုင်းတယ်။ ဘယ်တော့ လုပ်မယ်ဆိုတာလည်း မပြောဘူး။ ကျနော်တို့အနေနဲ့က ဒီအစည်းအဝေးလုပ်မှပဲ လက်ကျန်နိုင်ငံရေးအကျဉ်းသားတွေ ကိစ္စ ပြောဆိုဆွေးနွေးရမှာဖြစ်တယ်။ အခုက ကျနော်တို့က ဘာမှပြောဆိုဆွေးနွေးဖို့ နေရာမရှိဘူးဖြစ်နေတယ်။ အစည်းအဝေးလုပ်မယ်ဆိုတာ ကျနော်တို့ကိုယ်တိုင် ဘာမှ တိတိကျကျ မသိရဘူးဖြစ်နေတယ်။"

သမ္မတဦးသိန်းစိန်က အမိန့်ခေါင်းစဉ်အမျိုးမျိုးနဲ့ အကျဉ်းသားတွေကိုလွှတ်ပေးလို့ လွတ်တဲ့ထဲ နိုင်ငံရေးအကျဉ်းသားတွေ ပါဝင် လာတိုင်းမှာ နိုင်ငံတကာက အများအားဖြင့် ချီးကျူးပြောဆိုကြပြီး အခုဆိုရင် ကိုရဲအောင်တို့ကပြောနေတဲ့ ကျန်နေသေးတယ် ဆိုတဲ့ နိုင်ငံရေး အကျဉ်းသားတွေ ကိစ္စကို မြန်မာ့အရေး စိတ်ဝင်စားတဲ့ အစိုးရတွေ၊ နိုင်ငံတကာ အဖွဲ့အစည်းကြီးတွေက မပြော သလောက်ဖြစ်နေပါပြီ။ ဒါကြောင့်လည်း နိုင်ငံတကာ အသိုင်းအ၀ိုင်း အနေနဲ့ မြန်မာအစိုးရနဲ့ ဆွေးနွေး ပြောဆိုတဲ့အချိန်တိုင်းမှာ နိုင်ငံရေးအကျဉ်းသားတွေ လွှတ်ပေးဖို့ကိစ္စကို ဆက်ပြီးတော့ ဦးစားပေး ထည့်သွင်း ဆွေးနွေးသင့်တယ်  လို့ လူ့အခွင့်အရေးအဖွဲ့ FIDH က တိုက်တွန်းပါတယ်။

ကျော်ကျော်သိန်း
source by : http://burmese.voanews.com

အပြည့်အစုံ ဖတ်ရန် ...