Saturday, April 2, 2011

ဆုံးရှုံးနေသော လူ့အခွင့်အရေးများ




source by : http://khinmamamyo.blogspot.com

အပြည့်အစုံ ဖတ်ရန် ...

Friday, April 1, 2011

ဗိုလ်ချုပ်မှူးကြီး အာဏာစွန့်ပြီိလို့ NLD မယူဆ

မြန်မာနိုင်ငံမှာ တန်ခိုးအာဏာ အကြီးမားဆုံးဖြစ်လာမယ့် အမျိုးသားကာကွယ်ရေးနဲ့ လုံခြုံရေးကောင်စီကို ဗိုလ်ချုပ်မှူးကြီးသန်းရွှေ မပါဝင်ဘဲ ဖွဲ့စည်းတယ်ဆိုတာ တွေ့ရပါတယ်။ ဒါဆိုရင် ဗိုလ်ချုပ်မှူးကြီး သန်းရွှေဟာ အာဏာကို စွန့်လွှတ်လိုက်ပြီလို့ ဆိုနိုင်ပါသလား။ အမျိုးသားဒီမိုကရေစီအဖွဲ့ချုပ်ကတော့ မဖြစ်နိုင်ဘူးလို့ ပြောကြားလိုက်ပါတယ်။ NLD ထိပ်တန်းခေါင်းဆောင် တဦးဖြစ်တဲ့ ဦးဝင်းတင်က ဗွီအိုအေကို ပြောကြားခဲ့တာပါ။ ဗိုလ်ချုပ်မှူးကြီး သန်းရွှေဟာ နိုင်ငံတော် သမ္မတရာထူး၊ ကာကွယ်ရေးနဲ့ လုံခြုံရေးကောင်စီ ဥက္ကဌရာထူး၊ ကာကွယ်ရေး ဦးစီးချုပ် ရာထူးတွေကို လက်လွှတ်လိုက်တာဟာ အာဏာကို စွန့်လွှတ်လိုက်ပြီလို့ ယူဆပါသလား ဆိုတဲ့ ဦးကျော်ဇံသာရဲ့ အမေးကို ဦးဝင်းတင်က အခုလိုစပြီး ဖြေခဲ့ပါတယ်။

“သူကတော့ ရာထူးတွေ တခုပြီးတခုတော့ လွှတ်ထားတာတော့ ဖြစ်ရင်ဖြစ်မယ်ပေါ့ဗျာ။ သို့သော် ဘာပဲပြောပြော ကျနော့်အထင်ကတော့ သူ့မှာ ကြံ့ခိုင်ရေးပါတီမှာများ သူ တခုခုများ ပါဝင်ပြီးနေမှာလားလို့ တွက်နေတယ်။ သူ လက်လွှတ်ရင် သူ့ကိုယ်သူလည်း မျောက်သစ်ခိုင်းလွတ် ဖြစ်တဲ့ဟာမျိုးတော့ အဖြစ်ခံမှာမဟုတ်ဘူးလို့ ကျနော် တွေးနေမိတယ်။ ဆိုတော့ ဘယ်ပုံစံနဲ့များ ချိတ်တွဲနေဦးမလဲဆိုတာတော့ သိပ်မှန်းလို့တော့ မရဘူးပေါ့ဗျာ။”

သူ့ရဲ့ လုံခြုံရေးအတွက် စိုးရိမ်လို့ သူတကယ် စွန့်လွှတ်ချင်ပေမဲ့လည်း သူ့ကို လူ့အခွင့်အရေးချိုးဖောက်မှု၊ လူသားမျိုးနွယ်အပေါ် ကျူးလွန်တဲ့ရာဇ၀တ်မှုတွေနဲ့ ခုံရုံးတင်ဖို့ဘာညာဆိုတာ နိုင်ငံတကာမှာ ကြိုးပမ်းမှုတွေလည်း ရှိနေပါတယ်။ အဲဒီတော့ သူဟာ ထွက်ပေါက်မရှိလို့များ တွယ်ကပ်နေရတဲ့သဘော ဖြစ်နေပါသလားခင်ဗျ။ -

“အဲဒီလိုပဲ ပြောရမှာပဲ။ ဘာဖြစ်လို့လဲဆိုတော့ ကမ္ဘာကနေပြီးတော့ သူ့ကို အရေးယူမယ်ဆိုတာတွေတင် မကပါဘူး။ မြန်မာပြည်မှာလည်း သူ ဘယ်လွတ်နေမလဲ။ ဘာဖြစ်လို့လဲဆိုတော့ သူ ကျူးလွန်တဲ့ပြစ်မှုတွေ ဆိုတာက မြန်မာလူမျိုးတိုင်း သိနေတာပဲ။ ဥပမာ - သူတို့မိသားစုတွေ အခွင့်အရေးတွေ ယူခဲ့တာ၊ အရေးအခင်းတွေတုန်းက ဘုန်းကြီးအရေးတော်ပုံတုန်းကဟာမျိုးတွေ သတ်တာဖြတ်တာတွေဟာ မြန်မာလူမျိုးက ဘယ်မေ့မလဲဗျ။ ဒီနေ့ ပြောလို့မဖြစ်လို့ မပြောတာသာရှိရမယ်။ ပြောစရာရှိတဲ့နေ့မှာ ပြောလာမှာပဲ။ အဲဒီတော့ သူ့အဖို့ကတော့ အမှန်အတိုင်းပြောရရင်တော့ လုံခြုံမှုက ဘယ်လိုမှမရှိဘူး။ ကမ္ဘာကနေပြီးတော့ စွပ်စွဲနေတာမဟုတ်လည်း မြန်မာပြည်မှာလည်း သူ့မှာ လုံခြုံမှုမရှိဘူးလို့ပဲ ကျနော်ကတော့ အဲဒီလိုပဲ ပြောချင်ပါတယ်။”

အဲဒီလိုဆို သူ့ကို လုံခြုံမှုပေးပြီးတော့ ထွက်ပေါက်ပေးနိုင်ရင် တိုင်းပြည်အတွက် ပိုမကောင်းဘူးလားခင်ဗျ။ -

“အဲဒါကတော့ ဒီလိုရှိတယ်ဗျာ။ သူ့ကိုထွက်ပေါက် ပေးလိုက်ပေမဲ့လို့ သူ့ရဲ့ အသိုင်းအ၀ိုင်းနဲ့သူက ကြီးစိုးခဲ့တာကိုး သူက။ ဂိုဏ်းဖွဲ့ပြီးတော့ ဆိုးသွမ်းခဲ့တဲ့လူတယောက် အနေနဲ့ကြည့်လို့ရှိရင် သူ့ကိုထွက်ပေါက်ပေးလို့ နိဗ္ဗာန်ပို့လည်း မထူးပါဘူး။ ကျန်တဲ့သူကတော့ မြန်မာပြည်ကြီးတခုလုံးကို ငရဲလိုဖန်တီးတဲ့ ငရဲသားတွေကတော့ ကျန်နေဦးမှာပဲဆိုတဲ့အခါကျတော့ ကျနော်ကတော့ အဲဒီလိုမဖြစ်သင့်ဘူးလို့ ထင်တယ်။ အပြစ်ရှိရင် အပြစ်ခံရမှာပေါ့၊ အပြစ်မရှိရင်လည်း မရှိသလို လွတ်ရမှာပဲလို့ ကျနော်ကတော့ အဲဒီလိုပဲ တွေးပါတယ်။”

သူ လွတ်တာ မလွတ်တာထက် တိုင်းပြည်အတွက် ပိုမကောင်းသွားဘူးလား၊ ပိတ်ဆို့နေတဲ့ လမ်းတခု ပွင့်သွားမလားဆိုတာ စဉ်းစားပေးလို့ မရဘူးလား။ -

“ကျနော်ကတော့ အဲဒီလိုမထင်ဘူး။ ခုနက ပြောသလိုပေါ့။ တိုင်းပြည်အတွက် ပွင့်သွားမလားဆိုတာက၊ ကောင်းပြီ။ ဥပမာဆိုပါတော့ သူ့ကို အီဂျစ်က မူဘာရက်တို့ လုပ်သလို ကဲ - ကြွပေတော့ဆိုပြီးတော့ ဘယ်ကိုပို့မလဲ။ ဘယ်ကိုပို့ပို့ တိုင်းပြည်ကတော့ သူကျူးလွန်ထားတဲ့ အပြစ်တွေက အများကြီးရှိတယ်လို့ ကျနော်ထင်တယ်။ သူနဲ့အတူ ခိုးဖော်ခိုးဖက်၊ ဆိုးဖော်ဆိုးဖက် ဆိုတဲ့ဟာတွေကလည်း အများကြီးရှိနေတဲ့ အခါကျတော့ သူတယောက်တည်းထွက်ပါ ဆိုယုံနဲ့ မြန်မာပြည်ကြီး ကောင်းရပါမယ်လို့တော့ ကျနော် မထင်ဘူး။”

NLD ထိပ်တန်းခေါင်းဆောင်တဦးဖြစ်တဲ့ ဦးဝင်းတင်ကို ဦးကျော်ဇံသာက ဆက်သွယ် မေးမြန်းခဲ့တာ ဖြစ်ပါတယ်။


နားဆင်ရန်

source by : http://www.voanews.com

အပြည့်အစုံ ဖတ်ရန် ...

ရပ်ကွက်အုပ်ချုပ်ရေးမှူးအသစ်တွေ ဈေးကောင်း (ပေးစာ)

ရွှေပြည်သာမြို့နယ်မှာ အုပ်ချုပ်ရေးပိုင်းတွေပြောင်းတယ် ဆိုပေမယ့် ဆိုင်းဘုတ်သာလဲလိုက်ပြီး လူတွေကတော့ အရင် အတိုင်းပဲ ထူးမခြားနား ဒုံရင်း ဒုံရင်း လူတွေရဲ့ အုပ်ချုပ်မှုအောက်မှာပဲ ဆက်နေရအုံးမယ်ဆိုတာ မြင်နေရတဲ့အတွက် မြို့ခံပြည်သူတွေအနေနဲ့ အောင့်သက်သက် ခံစားနေရတယ်။

အရင် ရယက ဥက္ကဋ္ဌ လုပ်ခဲ့တဲ့လူတွေက အခု အုပ်ချုပ်ရေးအဖွဲ့သစ်ထဲမှာ ပြန်ပါရရေးအတွက် မယက ဥက္ကဋ္ဌ နဲ့ ကြံ့ဖွံ့မြို့ နယ်အတွင်းရေးမှူးတွေကို ငွေ အပြင် ထိုးစရာရှိတဲ့နေရာမှန်သမျှ ရှာကြံ လာဘ်ထိုးနေကြရတဲ့အထဲမှာ အပတ်စဉ် ဂေါက်သီးရိုက်ဖို့ကိုလည်း စီစဉ်ပေးရပါတယ်။

မယက ဥက္ကဋ္ဌ က အမှတ် (၅) ရပ်ကွက် ယင်းမာလမ်းပေါ်ရှိ သူရရှိထားတဲ့ မြေကွက်ပေါ်မှာနေထိုင်ဖို့ တိုက်အိမ်ဆောက် လုပ်ရာ ရယက ဥက္ကဋ္ဌတွေကိုခေါ်တွေ့ပြီး ခုဆောက်နေတဲ့အိမ်ကို ဆက်လက်ဝိုင်းဝန်း စီမံပေးဖို့ဖြစ်တယ်။ ဒီကိစ္စ ပြီး မြောက်ခဲ့တယ်ဆိုရင် အရင်အတိုင်း ဆက်လက်တည်မြဲရေးအတွက် အာမခံတယ်လို့ ပြောခဲ့ပါတယ်။

အဲဒီလို ပြောလိုက်တာနဲ့

၅ ရပ်ကွက် ဥက္ကဋ္ဌ ကိုကျော်ကျော်အောင် ခြံစည်းရိုးနဲ့ သံပန်းတံခါး၊

၎ ရပ်ကွက် ဥက္ကဋ္ဌ မောင်ဋ္ဌေး နဲ့ ၈ ရပ်ကွက် ဥက္ကဋ္ဌ ကိုသိန်းနိုင် တို့က ကြမ်းခင်းပါကေးနဲ့ ငွေ ၅ သိန်းစီ၊

၃ ရပ်ကွက် ဥက္ကဋ္ဌ က ၁၃ သိန်းတန်မြေ ၁ ကွက်နဲ့ ငွေ ၇ သိန်း၊

၁၉ ရပ်ကွက် ဥက္ကဋ္ဌ ကိုစောထွန်းမှ ငွေ ၂၁ သိန်နဲ့ သစ်အချို့
ဝိုင်းဝန်းကူညီဆောင်မ ပေးလိုက်ကြတယ်။

တချို့ ရယက တွေက တဦးကို သိန်း ၂၀ လောက်နဲ့ အစိုးရဟောင်းဥက္ကဋ္ဌ မှ အစိုးရသစ် အုပ်ချုပ်ရေးမှူးတွေ ဖြစ်ကုန် ကြတယ်လို့ သိရှိရပါတယ်။ ရပ်ကွက်သူ ရပ်ကွက်သားတွေကတော့ မယက ဥက္ကဋ္ဌ ကို အလွန်ကံထူးသူ လိုတရ ပုဂ္ဂိုလ် ဖြစ်တယ်လို့ သတ်မှတ်နေကြပါတယ်။


ရွှေပြည်သာသားတဦး

source by :http://www.naytthit.net

အပြည့်အစုံ ဖတ်ရန် ...

IAEA နဲ့ ဂျပန်အစိုးရတို့ရဲ့ ပြောဆိုချက် ကွာဟမှုရှိ

ဖူကူရှီးမားအမှတ် ၁ ဓာတ်အားပေးစက်ရုံကနေ ကီလိုမီတာ ၂၀ အတွင်း နေထိုင်တဲ့သူတွေကို ဘေးလွတ်ရာရှောင်တိမ်းဖို့ ဂျပန်အစိုးရရဲ့ကြေညာထားပေမဲ့ အဲဒီလို ဘေးကင်းဇုံ သတ်မှတ်ချက်ကို ထပ်မံတိုးချဲ့ဖို့ စဉ်းစားပါလို့ နိုင်ငံတကာ အနု မြူအေဂျင်စီ IAEA က ပြောဆိုလိုက်ပါတယ်။ IAEA ရဲ့ ပြောဆိုချက်ဟာ ဓာတ်အားပေးစက်ရုံကနေ ကီလိုမီတာ ၄၀ အကွာမှာရှိတဲ့ အီးအိတာတဲ့ ရွာပတ်ဝန်းကျင်မြေဆီလွှာထဲမှာ ဓာတ်ရောင်ခြည်သင့်တာတွေ ရှိတယ်ဆိုတာကို တွေ့ရတဲ့အတွက် ဖြစ်ပါတယ်။

ဂျပန်အစိုးရကတော့ လူ့ကျန်းမာရေးကို ချက်ချင်းလက်ငင်း ထိခိုက်နိုင်တာမျိုးမရှိဘူးလို့ ပြောပါတယ်။ IAEA နဲ့ ဂျပန်အစိုးရတို့ရဲ့ ပြောဆိုချက်ကွာဟမှုရှိနေတာက အဖြစ်အပျက် အခြေအနေတွေနဲ့ပတ်သက်ပြီး စိုးရိမ်စိတ်တွေကို မြင့်တက် လာစေပါတယ်။

ပြင်သစ်နဲ့ အမေရိကန်မှ ညူကလီယားဆိုင်ရာကျွမ်းကျင်သူတွေဟာ ဂျပန်ကိုရောက်လာပြီး ဂျပန်မှ တာဝန်ရှိသူတွေနဲ့ ဆွေးနွေးမှုတွေ ပြုလုပ်ခဲ့ပါတယ်။ ပြင်သစ်သမတ နီကိုလပ်စ် ဆာကိုဇီ လည်း ရောက်လာခဲ့ပြီး ဂျပန်ဝန်ကြီးချုပ် နာအို့တိုခန်းနဲ့ အနာဂတ်ညူကလီယားအရေးကို ဆွေးနွေးခဲ့တယ်လို့ သိရပါတယ်။ သမတဆာကိုဇီက အဲဒီဓာတ်အားပေးစက် ရုံဟာ ဘေးကင်းစိတ်ချရေးနဲ့ပတ်သက်ပြီး နိုင်ငံတကာစံနှုန်းတွေနဲ့ မညီဘူးလို့ ဆိုပါတယ်။ ပြင်သစ်ရဲ့ ထဲထဲဝင်ဝင်လုပ် ကိုင်နေမှုတွေက ဖူကူရှီးမားစက်ရုံကနေ ရေဒီယိုဓာတ်သတ္တိကြွဒြပ် တော်တော့ကို ပျံ့နှံ့နေပြီလို့ ဆိုလို့ရနေပါပြီ။

ဒီအတောအတွင်း အကျပ်အတည်းဖြစ်နေတဲ့ ဓာတ်အားပေးစက်ရုံရဲ့ အနီးပတ်ဝန်းကျင်မှာ ရေဒီယို ဓာတ်သတ္တိကြွဒြပ်ပျံ့နှံ့မှု မြင့်မားလာနေတယ်လို့ TEPCO က ကြာသပတေးနေ့ (မတ်လ ၃၁ ရက်) မှာ အတည်ပြု ပြောဆိုလိုက်ပါတယ်။

ဓာတ်အားပေးစက်ရုံ ပတ်ဝန်းကျင်ကနေ ဘေးလွတ်ရာ ရှောင်တိမ်းခိုလှုံခဲ့ရတဲ့ သူတွေဟာ သူတို့တတွေ နေထိုင်ရာ နေအိမ်တွေဆီကိုပြန်ပြီး လိုချင်တဲ့အရာတွေကို ယူတာမျိုး လုပ်နေတဲ့အတွက် ဖူကူရှီးမားခရိုင် အာဏာပိုင်တွေက ဘယ်လို အကြောင်းကြောင့်နဲ့မှ ပြန်မလာဖို့ ကြေညာချက်တွေကို ကပ်ထားပါတယ်။

ဖူကူရှီးမားခရိုင်တွင်းက နွားသတ်ရုံတခုမှာ ရေဒီယိုဓာတ်ရောင်ခြည် သင့်တယ်ဆိုတာ တွေ့ရှိရတဲ့အတွက် အဲဒီ အမဲသားတွေကို ဈေးကွက်ထဲ လုံးဝမတင်ပို့ရဘူးလို့ အမိန့်ထုတ် ထားပါတယ်။


ကျော်ကျော်စိုး

source by :http://www.naytthit.net

အပြည့်အစုံ ဖတ်ရန် ...

Thursday, March 31, 2011

သမ္မတ မိန့်ခွန်းအပေါ် NLD မျှော်လင့်ချက်ထား


ဓါတ်ပုံ - AP

သမ္မတအဖြစ် ကျမ်းသစ္စာ ကျိန်ဆိုအပြီး ပထမဆုံး မိန့်ခွန်းထဲမှာ ပြုပြင်ပြောင်းလဲရေးနဲ့ ဆိုင်တဲ့ ဥပဒေတွေ ပြဋ္ဌာန်းဖို့ လုပ်သွားမယ်လို့ သမ္မတသစ် ဗိုလ်ချုပ်ကြီးဟောင်း ဦးသိန်းစိန်က ပြောခဲ့တဲ့အပေါ် သံသယနဲ့ မြင်ကြသူက များပါတယ်။ စကားလုံးတွေအရ ကောင်းပေမဲ့ တကယ့်လက်တွေ့ အကောင်အထည် ဖော်တာကို ကြည့်ရမယ်လို့ ဆိုကြပါတယ်။ ဦးသိန်းစိန်ရဲ့ မိန့်ခွန်းအပေါ် တုံ့ပြန်ချက်တွေကို ဘန်ကောက်ကနေ ကိုကျော်ကျော်သိန်းက စုစည်းပြီး တင်ပြပေးထားပါတယ်။

မတ်လ ၃၀ ရက်နေ့က ပြည်ထောင်စုလွှတ်တော်မှာ သမ္မတသစ် ဦးသိန်းစိန် ပြောခဲ့တဲ့ မိန့်ခွန်းထဲ ၂၀၀၈ အခြေခံဥပဒေနဲ့အညီ နိုင်ငံသားတွေရဲ့ မူလ အခွင့်အရေးနဲ့ ဆိုင်တဲ့ကိစ္စ၊ လစာနဲ့ ပင်စင်လစာတွေ တိုးပေးဖို့ကိစ္စ၊ တောင်သူလယ်သမားတွေ လယ်လုပ်ပိုင်ခွင့်ကိစ္စ၊ အလုပ်သမားတွေကို ကာကွယ်စောင့်ရှောက်ရေးကိစ္စ၊ ကျန်းမာရေး စောင့်ရှောက်မှုနဲ့ လူမှုဖူလုံရေးကိစ္စ၊ ပညာရေး၊ ကျန်းမာရေး အဆင့်အတန်း မြှင့်ဖို့ကိစ္စ၊ စာပေစာနယ်ဇင်းဆိုင်ရာ ဥပဒေတချို့ ပြင်ဆင်မယ့်ကိစ္စ၊ သဘာဝပတ်ဝန်းကျင် ထိန်းသိမ်း စောင့်ရှောက်ရေးကိစ္စ၊ သဘာဝ ဘေးအန္တရာယ် ကိစ္စတွေနဲ့ ပတ်သက်ပြီး လွှတ်တော်ဆီ ဥပဒေကြမ်းတွေ တင်သွင်းဖို့၊ ပြဋ္ဌာန်းဖို့ ဆိုတာတွေ ပါဝင်ပါတယ်။

မိန့်ခွန်းအရ မျှော်လင့်ချက် ထားနိုင်တာတွေ ရှိပေမဲ့ လက်တွေ့လုပ်တာကို စောင့်ကြည့်ရဦးမယ်လို့ အမျိုးသား ဒီမိုကရေစီ အဖွဲ့ချုပ် (NLD) ပြောရေးဆိုခွင့်ရှိသူ ဦးဉာဏ်ဝင်းက ပြောပါတယ်။

“မိန့်ခွန်းတခုလုံး အပေါ်မှာတော့ ပြုပြင် ပြောင်းလဲမှုတွေ လုပ်မယ်လို့ အဲဒီအဓိပ္ပာယ် ရတယ်။ သို့သော် တခါ ဒီဟာတွေ အားလုံးကလည်း ဖွဲ့စည်းပုံ အခြေခံဥပဒေဆိုင်ရာ Amendment ပေါ်မှာလည်း မူတည်တယ်။ အဖွင့်အပိတ်တွေနဲ့ အဆိုပြုတာတွေ ကောင်းတာတွေလည်း ရှိပါတယ်။ အပိတ်နဲ့ ပိတ်တာလည်း ရှိပါတယ်။ ဒီမိန့်ခွန်းပေါ်မှာတော့ မျှော်လင့်စရာ ရှိတယ်လို့ ထင်တယ်။ သို့သော် တကယ်လက်တွေ့ လုပ်တာကို ကြည့်ဖို့တော့ လိုဦးမယ်။”

ဦးသိန်းစိန်ရဲ့ မိန့်ခွန်းထဲမှာ နိုင်ငံရေး၊ စီးပွားရေးရာတွေနဲ့ ပတ်သက်လို့ အတော်ပြောထားပေမဲ့ ပြည်တွင်းစစ် ရပ်စဲရေး၊ ငြိမ်းချမ်းရေး၊ အမျိုးသား ပြန်လည်ရင်ကြားစေ့ရေး ဆိုင်ရာတွေ မပါဝင်လှတဲ့အတွက် ပြည့်စုံတဲ့ မိန့်ခွန်းတခုတော့ မဟုတ်ဘူးလို့ သုံးသပ်သူက ၈၈ မျိုးဆက် ကျောင်းသားများ အဖွဲ့က ကိုထွန်းမြင့်အောင် ဖြစ်ပါတယ်။ မိန့်ခွန်းကို ထဲထဲဝင်ဝင် မကြည့်ဘဲ အပြင်ပန်းသက်သက် ကြည့်မယ်ဆိုရင်တော့ ကောင်းတယ်လို့ ပြောနိုင်မှာ ဖြစ်ပေမဲ့ မချင့်မရဲ ဖြစ်စရာတွေ၊ သံသယတွေနဲ့ ရတက်မအေးစရာတွေ အများကြီး ဖြစ်ရတယ်လို့ ကိုထွန်းမြင့်အောင်က ပြောပါတယ်။

“အဲဒါတွေက အလကား ဖြစ်လာတာတော့ မဟုတ်ဘူးဗျ။ အနှစ် ၂၀ ကျော် အတိတ်က မတရား ပြုမူခဲ့တဲ့ အပြုအမူတွေကြောင့်ရော၊ နောက်ပြီးတော့ အဓိပ္ပာယ်တွေကို ဘယ်လို ဖွင့်ဆိုသလဲ၊ ပြီးတော့ ခြွင်းချက်တွေ ပါတာကိုလည်း တွေ့ရတယ်။ ဥပမာ ဘယ်လိုခြွင်းချက်တွေ ပါလဲဆိုတော့ တည်ဆဲဥပဒေတွေကနေ မဆီလျော်တဲ့ အချက်တွေကို ပြင်သွားမယ်ဆိုတဲ့ နေရာမှာ ဖွဲ့စည်းပုံ အခြေခံဥပဒေပါ ပြဋ္ဌာန်းချက်တွေနဲ့အညီ ဆိုတဲ့ဟာ နေရာတော်တော်များများမှာ တွေ့ရတယ်။

“အဲတော့ အဓိက ပြဿနာက ၂၀၀၈ ဖွဲ့စည်းပုံဟာ မတော်မတရား တဖက်သတ် ရေးဆွဲထားပြီးတော့ အဓမ္မ အတည်ပြုထားတဲ့ ဖွဲ့စည်းပုံကိစ္စဗျ။ ဒီဖွဲ့စည်းပုံနဲ့ပဲ ဒီမိန့်ခွန်းတခုလုံးကို ပြန်ချုပ်ထားတာ ကျနော်တို့ တွေ့ရတယ်။”

သတင်းမီဒီယာပိုင်းနဲ့ ပတ်သက်ပြီးတော့လည်း ခေတ်နဲ့ မလျော်ညီတဲ့ ပြဋ္ဌာန်းချက်တချို့ကို ပြင်ဆင်မယ်လို့ ဆိုထားပါတယ်။ ဒါပေမဲ့လည်း အဲဒီလို ပြင်မယ်ဆိုတာက စာပေစိစစ်ရေးနဲ့ဆိုင်တဲ့ လုပ်ထုံးလုပ်နည်းတွေကို ပြင်မှာလား၊ တင်းကျပ်ထားတဲ့ ဥပဒေတွေကို ဖြေလျှော့ပေးမှာလား ဆိုတာက ရှင်းရှင်းလင်းလင်း မရှိဘူးလို့ ရန်ကုန် သတင်းသမားတယောက်က ပြောပါတယ်။

“အခုက အပြောင်းအလဲကာလ၊ ဘယ်လိုလုပ်မလဲ ဆိုတာပဲ ရှိတယ်၊ မရှင်းလင်းသေးဘူးလေ။ လုပ်ထုံးလုပ်နည်းတွေကိုပဲ ဖြေလျှော့မှာလား၊ ဒါမှမဟုတ် စာပေစိစစ်ရေးကိစ္စနဲ့ ပတ်သက်တဲ့ ဟာတွေကိုပဲ ဖြေလျှော့ပေးမှာလား၊ အနှစ်သာရပိုင်းနဲ့ ဘယ်လိုဟာမျိုးတွေကို ပြင်ဆင်မှာလဲဆိုတာ မရှင်းလင်းသေးဘူးလေ။ အဲဒီတော့ စောင့်ကြည့်ရမှာပဲ။

“သူတို့က အဲဒါကို လက်တွေ့လုပ်ပြတဲ့ အပေါ်မှာသာ ကျနော်တို့ အဆင်ပြေမှု ဘယ်လောက်ရှိတယ်၊ အဆင်မပြေမှု ဘယ်လောက်ရှိတယ်၊ အကောင်းဘက်ကို ဦးတည်တယ်၊ ဦးမတည်ဘူးဆိုတာ အဲဒီကျမှပဲ ကျနော်တို့က ဆုံးဖြတ်လို့ ရမှာဖြစ်တယ်။ အခုကတော့ အပြောင်းအလဲ ကာလဆိုတော့ စောင့်ကြည့်ရမယ့် အခြေအနေမျိုးမှာပဲ ရှိသေးတာပေါ့။”

မတ်လ ၃၀ ရက်နေ့က သမ္မတ၊ ဒု-သမ္မတတွေ အပါအ၀င် ပြည်ထောင်စုအဆင့် တာဝန်ရှိသူတွေ အားလုံး ကျမ်းသစ္စာ ကျိန်ဆိုခဲ့သလို အစိုးရအဖွဲ့ဝင် ၀န်ကြီးတွေ၊ ဒုတိယ၀န်ကြီးတွေကိုလည်း အသီးသီး ခန့်အပ် တာဝန်ပေးလိုက်ပြီးပြီ ဖြစ်ပါတယ်။ မတ်လ ၃၁ ရက်နေ့ဟာ အစိုးရအဖွဲ့သစ် စပြီး အသက်ဝင် လုပ်ငန်းစတင်တဲ့ရက်လို့ ဆိုရမှာပါ။ ဗိုလ်ချုပ်မှူးကြီး သန်းရွှေ ဦးဆောင်တဲ့ နိုင်ငံတော် အေးချမ်းသာယာရေးနဲ့ ဖွံ့ဖြိုးရေးကောင်စီ အဆင့်ဆင့်ကိုလည်း ဖျက်သိမ်းပြီးပါပြီ။

ဒါပေမဲ့ လွှတ်တော်တွေထက်ရော၊ အစိုးရအဖွဲ့ထက်ပါ အာဏာကြီးလှတဲ့ နိုင်ငံတော် ကာကွယ်ရေးနဲ့ လုံခြုံရေးကောင်စီ ဆိုတာကိုတော့ ဖွဲ့စည်းပြီးပြီလို့ မကြေညာသေးပါဘူး။ ဒါ့အပြင် ကာကွယ်ရေးဦးစီးချုပ် ဘယ်သူဆိုတာကိုလည်း နာမည်နဲ့တကွ တရားဝင် မကြေညာပါဘူး။

ဗွီအိုအေက ဆက်သွယ် မေးမြန်းခဲ့သမျှ ပြည်တွင်းလူထုကတော့ အရင် ကောင်စီရုံးတွေမှာ တာဝန်ယူထားတဲ့ လူတွေကိုပဲ ဆက်တွေ့နေရသေးပြီး လက်တွေ့မှာ ထူးခြား သိသာတဲ့ ဘယ်လိုအပြောင်းအလဲကိုမှ မတွေ့ရသေးဘူးလို့ ပြောကြပါတယ်။


နားဆင်ရန်

source by : http://www.voanews.com

အပြည့်အစုံ ဖတ်ရန် ...