Saturday, June 6, 2009

NLD အဖွဲ့ ခေါ်ယူသတိပေးခံရ

NLD အဖွဲ့ ခေါ်ယူသတိပေးခံရ


Saturday, 06 June 2009 19:58 ကိုစိုး

စစ်အစိုးရက အမျိုးသားဒီမိုကရေစီအဖွဲ့ချုပ်(NLD) လူငယ်တာဝန်ခံများနှင့် ဗဟိုအလုပ်အမှုဆောင်အဖွဲ့ဝင် (CEC) များကို ဒေါ်အောင်ဆန်းစုကြည် တရားစွဲဆိုခံရသည့်အမှု ထုတ်ပြန်ချက်နှင့်ပတ်သက်ပြီး အီလက်ထရွန်နစ် အက်ဥပဒေ အပါအဝင် ပုံနှိပ်ထုတ်ဝေသူများ မှတ်ပုံတင် ဥပဒေနှင့် ငြိစွန်းသည်ဟူသော အကြောင်းပြချက်ဖြင့် ခေါ်ယူသတိပေးခဲ့သည်။

ဒေါ်အောင်ဆန်းစုကြည်တရားစွဲဆိုခံရခြင်းနှင့် ပတ်သက်ပြီး အမျိုးသားဒီမိုကရေစီအဖွဲ့ချုပ်(NLD) လူငယ်လုပ်ငန်း ဖော်ဆောင်ရေးအဖွဲ့က ဇွန် ၂ ရက်နေ့ ရက်စွဲဖြင့် ထုတ်ပြန်သည့် ကြေညာချက်သည် အင်တာနက် ဝက်(ဘ်) ဆိုက်များတွင် ခွင့်ပြုချက်မရှိဘဲ ဖော်ပြပါရှိသည့်အတွက် အီလက်ထရွန်နစ် အက်ဥပဒေ ၃၃(က) အပါအဝင် ပုံနှိပ် ထုတ်ဝေခွင့်မရှိဘဲ အများပြည်သူလက်အတွင်းသို့ ကျယ်ကျယ်ပြန့်ပြန့် ရောက်ရှိနေသည့်အတွက် ပုံနှိပ်ထုတ်ဝေ သူများ မှတ်ပုံတင်ဥပဒေတို့နှင့် ငြိစွန်းကြောင်းကို ယနေ့ထုတ် အစိုးရ သတင်းစာများတွင် ဖော်ပြသည်။

NLD ပြောခွင့်ရ ပုဂ္ဂိုလ် ဦးဉာဏ်ဝင်းကမူ“ကျနော် သိသလောက် အီလက်ထရွန်နစ် ဥပဒေက နိုင်ငံတကာက သိနိုင်အောင် အင်တာနက်မှာ ဖော်ပြတာ၊ ဒီကိစ္စဟာ လူငယ်တွေ ကျူးလွန်ချင်မှ ကျူးလွန်မယ်၊ အစိုးရက လုပ် ချင် လုပ်မှာ ပေါ့”ဟု ဧရာဝတီသို့ ပြောသည်။

ယင်း အီလက်ထရွန်နစ် ဥပဒေသည် စစ်အစိုးရက ယမန်နှစ်တွင် ထင်ရှားသည့် ၈၈ မျိးဆက်ကျောင်းသား ခေါင်း ဆောင် ကိုမင်းကိုနိုင်၊ လူရွှင်တော် ဇာဂနာ၊ လူငယ် ဘလော့ဂါ နေဘုန်းလတ် ၊ သံဃာ့တပ်ပေါင်းစု ဦးဆောင် သံဃာတပါးဖြစ်သည့် အရှင်ဘမ္ဘီရ စသည့် နိုင်ငံရေး လှုပ်ရှားသူများနှင့် နာဂစ် ဒုက္ခသည်များ ကူညီကယ်ဆယ် ရေး လုပ်သူများကို နှစ်ရှည် ထောင်ဒဏ်များ ချမှတ်ရာတွင် ထည့်သွင်းစွဲဆိုသည့် ဥပဒေ ပုဒ်မ တခုဖြစ်သည်။

သတင်းစာတွင် အဆိုပါကြေညာချက်ကို ဇွန်လ ၃ ရက်နေ့က Niknayman အင်တာနက် ဝက်(ဘ်)ဆိုက် အပါ အဝင် တခြားသော အင်တာနက်စာမျက်နှာများတွင် ဖော်ပြပါရှိသည်ကို တွေ့ရှိရသည်ဟုလည်း ရေးသားထား သည်။

၎င်းကြေညာချက်နှင့် ပတ်သက်ပြီး တရားဥပဒေ စိုးမိုးမှု၊ တည်ငြိမ်အေးချမ်းမှုနှင့် လုံခြုံမှုတို့ကို ထိပါးစေနိုင်သည့် ရေးသားဖော်ပြချက်များပါရှိ၍ တည်ဆဲ ဥပဒေများနှင့် မညီညွတ်ဟုဆိုကာ NLD လူငယ်တာဝန်ခံများနှင့် CEC အဖွဲ့ကို စစ်အာဏာပိုင်များက ၂ ရက်ဆက်၍ ခေါ်ယူသတိပေးခဲ့ခြင်း ဖြစ်သည်။

ကြေညာချက်တွင်ပါရှိသော အများပြည်သူကြားနာခွင့်မရဟူသော အကြောင်း ပြချက်၊ ကုလသမဂ္ဂအပါအဝင် နိုင်ငံတကာက ဒေါ်အောင်ဆန်းစုကြည်ကို လွှတ်ပေးရန် တောင်းဆိုမှုများကို စစ် အစိုးရက ငြင်းပယ်နေသည် ဟူသော အချက်၊ ဒေါ်အောင်ဆန်းစုကြည်အမှုကို စစ်ဆေးကြားနာရာတွင် ဥပဒေ က ပေးထားသော ခုခံ ချေပ ပိုင်ခွင့် အပြည့်အဝ မရရှိဟူသောအချက်၊ ၁၉၇၄ ခုနှစ် ဖွဲ့စည်းပုံအခြေခံဥပဒေ ပျက်ပြယ် ပြီးဖြစ်သည်ဟူသော ပြောဆိုချက်များအပေါ်တွင် ရှင်းလင်းသတိပေးခြင်းဖြစ်ကြောင်း သတင်းစာများတွင် ဖော်ပြထားသည်။

ယခုကြေညာချက်ပါဖော်ပြချက်များသည် ဥပဒေနှင့်အညီဆောင်ရွက်နေသည့်အပေါ် လိုရာဆွဲရေးသား ထုတ်ပြန် သည့်အတွက် တရားရုံးကို အနှောင့်အယှက်ပြုခြင်း၊ တည်ဆဲ ဥပဒေကို အနှောင့်အယှက်ပြုခြင်း၊ အမှန်တရားကို မျက်ကွယ်ပြု၍ အများပြည်သူ အထင်အမြင်လွဲစေရန်နှင့် ဆူပူ ဆန္ဒပြမှုများဖြစ်ပေါ်စေရန် သွေးထိုးလှုံ့ဆော်သည့် လုပ်ရပ်များသာ ဖြစ်သည်ဟုလည်း သတင်းစာတွင် ပါရှိသည်။

ယင်းသတိပေးချက်ကို ဇွန်လ ၅ ရက်နေ့က NLD CEC ဦးသန်းထွန်း၊ ဦးညွန့်ဝေ၊ ဦးလှဖေ၊ ဦးစိုးမြင့် တို့အဖွဲ့အား ရန်ကုန်တိုင်း တိုင်း အုပ်ချုပ်ရေးမှူး ဦးခင်မောင်ထွန်း၊ တိုင်း ဥပဒေအရာရှိ ဦးဇေယျ၊ မြန်မာနိုင်ငံ ရဲတပ်ဖွဲ့ ဒုတိယ သတင်းတပ်ဖွဲ့မှူး ရဲမှူးကြီး ဝင်းနိုင်ထွန်း၊ တိုင်းရဲတပ်ဖွဲ့မှူး ရဲမှူးကြီး ဝင်းနိုင်တို့က ခေါ်ယူ သတိပေးကြောင်း၊ ဇွန်လ ၅ ရက်နေ့တွင်ပင် NLD လူငယ်တာဝန်ခံများဖြစ်သော ဦးမျိုးညွန့်၊ ဦးလှဦး၊ ဦးအေးထွန်းတို့ကို ဗဟန်းမြို့နယ် မယက ဥက္ကဌ ဦးအောင်မွန်လတ်၊ မြို့နယ် ရဲတပ်ဖွဲ့မှူး ဒု ရဲမှူး တင်ဇော်ထွန်း၊ မြိုနယ် တရားသူကြီး ဦးခင်မောင် ထွေး၊ မြို့နယ် ဥပဒေ အရာရှိ ဒေါ်နော် ဒေါရစ်တို့က ထပ်မံ သတိပေးမှု ပြုလုပ်ကြောင်း သိရသည်။

ဇွန်လ ၄ ရက်နေ့ ညနေပိုင်းကလည်း NLD လူငယ်တာဝန်ခံများ ဖြစ်သော ရန်ကုန်တိုင်း NLD စည်းရုံးရေးအဖွဲ့မှ ဘဏ္ဍာရေးမှူး ဦးလှသိန်း(တာမွေ-၁)၊ လူငယ်တာဝန်ခံ ဦးမျိုးညွန့်(အလုံ)၊ ဦးလှဦး(မန္တလေး)၊ ဦးအေးထွန်း (ရန်ကင်း) တို့ကို သက်ဆိုင်ရာက ခေါ်ယူ သတိပေးခဲ့သည်ဟုလည်း သတင်းစာက ဆိုသည်။

ထို့အတွက် NLD လူငယ်တာဝန်ခံများနှင့် CEC တို့ သည် ဝန်ခံလက်မှတ်များ ရေးထိုးပေးခဲ့ရကြောင်းလည်း ဖော်ပြထားသည်။

ပြီးခဲ့သည့် ကြာသပတေးနေ့ ကလည်း မန္တလေး NLD အဖွဲ့ဝင်များ၏ နေအိမ်ရှေ့တွင် ဒေါ်အောင်ဆန်းစုကြည် နှင့် မစ္စတာ ဂျွန် ၀ီလျံ ယက်ထော တို့ ၂ ယောက်တွဲပုံများကို ညပိုင်းတွင် တိတ်တဆိတ် လာရောက် ချထားခဲ့ ကြောင်း မန္တလေး NLD အဖွဲ့ဝင် တဦး ကပြောသည်။

“ဓာတ်ပုံတွေက တမင်လုပ်ကြံဖန်တီးထားတဲ့ ပုံတွေပါ၊ သိသာပါတယ်”ဟု မန္တလေး NLD မှ ဦးမျိုးနိုင်က ပြောပြ သည်။

ဒေါ်အောင်ဆန်းစုကြည်ကို ဂျွန် ၀ီလျံ ယက်ထော အမှုနှင့်ပတ်သက်ပြီး အာဏာပိုင်များက မေလ ၁၄ ရက်နေ့ နံနက်ပိုင်းတွင် အကျယ်ချုပ်ထားရာနေအိမ်မှ အင်းစိန်အကျဉ်းထောင်သို့ ခေါ်ဆောင်၍ တားဆီးမိန့် ပုဒ်မ ၂၂ ဖြင့် တရားစွဲဆိုလိုက်ကာ မေလ ၁၈ ရက်နေ့မှ စတင်၍ အစိုးရ တရားလိုပြသက်သေများကို ဆက်တိုက် စစ်ဆေးခဲ့ပြီး မေလ ၂၆ နေ့တွင်မှ ဒေါ်အောင်ဆန်းစုကြည်ကို စစ်ဆေးခြင်းဖြစ်သည်။

ဒေါ်အောင်ဆန်းစုကြည်သည် ပုဒ်မ ၂၂ အရ ပြစ်မှု ထင်ရှားပါက ထောင်ဒဏ် ၃ နှစ်မှ ၅ နှစ်အထိ ကျခံရနိုင် ကြောင်း သိရသည်။

အဆိုပါ ဂျွန် ၀ီလျံ ယက်ထော(Mr. John William Yettaw)သည် အင်းလျားကန်စောင်းရှိ ဒေါ်အောင်ဆန်း စုကြည် ၏ နေအိမ်သို့ ရေကူး၍သွားရောက်ကာ မေလ ၃ ရက် မှ ၅ ရက်နေ့အထိ ၃ ရက်ကြာနေထိုင်ခဲ့ပြီး မေလ ၆ ရက် နေ့တွင် အင်းလျားကန် အတွင်း ၌ ၎င်းအား တွေ့ရှိရသဖြင့် ဖမ်းဆီးခဲ့ကြောင်း မေလ ၇ ရက်နေ့ထုတ် စစ်အစိုးရ သတင်းစာများတွင် ဖော်ပြထားသည်။

ဒေါ်အောင်ဆန်းစုကြည်သည် ၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည့် ၆ နှစ်ပြည့်ခါနီး အချိန်တွင် ယခုကဲ့သို့ တရားစွဲဆို ခံရခြင်းဖြစ်သည်။ ၁၉၈၉ ခုနှစ်မှ စ၍ နေအိမ် အကျယ်ချုပ် ဘ၀ဖြင့် နေရချိန် စုစုပေါင်း ၁၃ နှစ် ရှိပြီ ဖြစ်သည်။



မှတ်ချက် ။ ။ http://www.irrawaddy.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Thursday, June 4, 2009

ဥပဒေကို ဖိနှိပ်ရေးအတွက် အသုံးချခြင်း

ဥပဒေကို ဖိနှိပ်ရေးအတွက် အသုံးချခြင်း


မင်းလွင်ဦး
ကြာသပတေးနေ့၊ ဇွန်လ 04 2009 19:19 - မြန်မာစံတော်ချိန်



ဒေါ်အောင်ဆန်းစုကြည်သည် နေအိမ်အတွင်းသို့ ကျူးကျော်ဝင်ရောက်လာသူအား သက်ဆိုင်ရာသို့ သတင်းပေးပို့ရန် ပျက်ကွက်ခဲ့သည့်အတွက်၊ အမှန်တရားကို ဖုံးကွယ်ခဲ့သည့်အတွက် အရေးယူခဲ့ရကြောင်းနှင့် မြန်မာနိုင်ငံ၏ ပြည်တွင်းရေးသာ ဖြစ်သည့်အတွက် နိုင်ငံတကာမှ ဝင်မစွက်သင့်ကြောင်း ဒုတိယ ကာကွယ်ရေးဝန်ကြီး ဗိုလ်ချုပ်အေးမြင့်က စင်္ကာပူနိုင်ငံတွင် ကျင်းပသည့် ကာကွယ်ရေးဝန်ကြီးများ၏ အစည်းအဝေးတွင် ပြောဆိုခဲ့သည်။

တနည်းအားဖြင့် ငါတို့နိုင်ငံထဲမှာ ငါတို့ လုပ်ချင်တာလုပ်မယ်၊ မဆိုင်သူတွေ ဝင်မရှုပ်နဲ့ဟု နိုင်ငံတကာကို ခပ်ရိုင်းရိုင်း တုံ့ပြန်ပြောဆိုလိုက်ခြင်းဖြစ်သည်။ တချိန်တည်းမှာပင် မြန်မာနိုင်ငံအတွင်း တရားဥပဒေစိုးမိုးမှုမရှိ၊ လွတ်လပ်သည့် တရားစီရင်ရေးဆိုတာ မရှိကြောင်းကိုလည်း နိုင်ငံတကာက ပိုမိုသိရလေအောင် အတိအလင်း ထုတ်ဖော်ပြောဆိုရာရောက်သည်။ ဒေါ်အောင်ဆန်းစုကြည်အပေါ် တရားစွဲဆိုထားသည့်ကိစ္စသည် တရားဥပဒေနှင့် ညီညွတ်မှု ရှိ၊ မရှိ နိုင်ငံတကာက သံသယဖြင့် စောင့်ကြည့်နေချိန်တွင် ဒေသအတွင်း တည်ငြိမ်ရေးကိုပါ ထိခိုက်စေနိုင်သည်ဟု ခြိမ်းခြောက်လိုက်သည့်အတွက် ယခုကဲ့သို့ နိုင်ငံတကာနှင့် အိမ်နီးချင်းနိုင်ငံများက အပြင်းအထန် ပြန်လည် တုံ့ပြန်ပြောဆိုမှုများ ပေါ်ပေါက်လာရခြင်းဖြစ်သည်။

ဒေါ်အောင်ဆန်းစုကြည်အပေါ် နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေပုဒ်မ ၂၂ အရ တရားစွဲဆိုထားခြင်းသည် ဥပဒေနှင့် ညီညွတ်ခြင်း ရှိ၊ မရှိကို သုံးသပ်ရလျှင် -

အဆိုပါ ဥပဒေပုဒ်မ ၉ (င)တွင် အရေးယူခြင်း ခံရသူအား တရားစွဲဆိုနိုင်လောက်သည့် အချက်အလက် ပြည့်စုံလျှင် တရားစီရင်ရေးအဖွဲ့သို့ ချက်ချင်း ပို့ရမည်။

ဥပဒေပြဋ္ဌာန်းချက်အရ ဒေါ်အောင်ဆန်းစုကြည်အား မူလ အရေးယူထားသည့် ကိစ္စရပ်များနှင့်ပတ်သက်၍ အချက်အလက် အထောက်အထားများ ခိုင်လုံစွာ တင်ပြနိုင်လျှင် တရားစွဲဆိုရန် တရားစီရင်ရေးအဖွဲ့သို့ ချက်ချင်း ပို့ရမည်ဟု ဆိုလိုခြင်းဖြစ်သည်။ မူလအရေးယူထားသည့်ကိစ္စမှာ ၂ဝဝ၃ ခုနှစ် မေလ ၃ဝ ရက်နေ့ ဒီပဲယင်း အကြမ်းဖက် တိုက်ခိုက်မှုဖြစ်သည်။

(၁) အကြမ်းဖက် ရိုက်နှက်ခံရသူမှာ ဒေါ်အောင်ဆန်းစုကြည်နှင့် သူမကို ထောက်ခံအားပေးသူများ ဖြစ်သည်။ ထိုအကြမ်းဖက်မှုကို ဒေါ်အောင်ဆန်းစုကြည်က စီမံဆောင်ရွက်ခဲ့ခြင်း မဟုတ်၊ အာဏာပိုင်များက စီစဉ်ညွှန်ကြားခဲ့ခြင်းဖြစ်သည်။ ထိုအကြမ်းဖက်ခံရမှုနှင့် ပတ်သက်၍ ဒေါ်အောင်ဆန်းစုကြည်အား တရားစွဲဆိုနိုင်ရန် အာဏာပိုင်များဘက်မှ အချက်အလက် တင်ပြနိုင်ခြင်း မရှိ။

ဒီပဲယင်း အဖြစ်အပျက် ဖြစ်ပေါ်လာအောင် ဒေါ်အောင်ဆန်းစုကြည်က စီမံဖန်တီးခဲ့ခြင်း ဖြစ်သည်ဟု အထောက်အထား အချက်အလက် အပြည့်အစုံ ရှာဖွေတွေ့ရှိလျှင် တရားစီရင်ရေးအဖွဲ့သို့ ချက်ချင်း ပို့ပြီး တရားစွဲဆိုရန် ဖြစ်သည်။

(၂) အရေးယူခြင်းခံထားရသည့် ကာလအတွင်း ဒေါ်အောင်ဆန်းစုကြည်သည် မည်သည့် ဥပဒေကိုမျှ ချိုးဖောက်ခဲ့ခြင်း မရှိ။ ထို့ကြောင့် ပြဋ္ဌာန်းထားသည့် ဥပဒေအရ သတ်မှတ်ကာလ ပြည့်လျှင် ပြန်လည်လွှတ်ပေးရမည် ဖြစ်သည်။

အဆိုပါ ပုဒ်မ ၉ (ဇ) တွင် ဖမ်းဆီးချုပ်နှောင်သူအား ပြန်လွှတ်ပြီးနောက် မူလအရေးယူခဲ့သည့် (ဒီပဲယင်း အကြမ်းဖက်လုပ်ကြံမှု) ကိစ္စရပ်အပေါ် အခြေပြု၍ ဤ ဥပဒေအရ ထပ်မံဖမ်းဆီးချုပ်နှောင်ခြင်း မပြုရဟု ပြဋ္ဌာန်းထားသည့်အတွက် ဒေါ်အောင်ဆန်းစုကြည်အား ခြွင်းချက်မရှိ ပြန်လည်လွှတ်ပေးရမည်ဖြစ်သည်။ ထိုသို့ လွှတ်ပေးခြင်း မပြုမီ ဒေါ်အောင်ဆန်းစုကြည်အား အကြောင်းအရာတခုခုဖြင့် တရားစွဲဆိုထားမှသာ ဆက်လက်၍ ချုပ်နှောင်ထားနိုင်မည် ဖြစ်သည့်အတွက် အာဏာပိုင်များက အကွက်ချစီမံဆောင်ရွက်၍ ဒေါ်အောင်ဆန်းစုကြည်အား ပုဒ်မ ၂၂ ဖြင့် တရားစွဲဆိုခဲ့ခြင်းဖြစ်သည်။

ဒေါ်အောင်ဆန်းစုကြည်အပေါ် နိုင်ငံတော်အား နှောင့်ယှက်ဖျက်ဆီးသူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေပုဒ်မ ၁ဝ (ခ) ဖြင့် ကန့်သတ်တားဆီးမိန့်များ ထုတ်ပြန်ထားခြင်းကို ပြန်လည်ရုပ်သိမ်းကြောင်း မြန်မာနိုင်ငံ ရဲချုပ်ခင်ရီနှင့် သတင်းတပ်ဖွဲ့မှူး ရဲမှူးချုပ်မြင့်သိန်းတို့က အင်းစိန်ထောင်အတွင်းရှိ ရိပ်သာတွင် ဒေါ်အောင်ဆန်းစုကြည်အား ဖတ်ကြားအသိပေးခဲ့သည်။ ကန့်သတ်တားဆီးထားသည့် အချိန်ကာလမှာလည်း နောက်ထပ် ၆ လ ထပ်မံချုပ်နှောင်ထားနိုင်ကြောင်းကို သံတမန်များနှင့် နိုင်ငံခြားသတင်းထောက်များကို သတင်းစာရှင်းလင်းပွဲဖြင့် ရှင်းပြခဲ့သည်။ နောက်ထပ် ၆ လ ထပ်မံချုပ်နှောင်ထားနိုင်သည် ဆိုသည့်အချက်နှင့် ပတ်သက်၍ -

ဒေါ်အောင်ဆန်းစုကြည်အား ကန့်သတ်တားဆီးသည့် အချိန်ကာလ ကျော်လွန်နေပြီဖြစ်ကြောင်း အစိုးရအဖွဲ့သို့ ဒေါ်အောင်ဆန်းစုကြည်၏ အကျိုးဆောင်များက အကြိမ်ကြိမ် အယူခံတင်သွင်းခဲ့သည်။ အယူခံမှုကို လက်ခံ၍ လျှောက်လဲချက်ပေး ကြားနာခွင့်ပြုခဲ့ပါက အကျိုးဆောင် ဦးကြည်ဝင်းတို့ဘက်မှ သတ်မှတ်ထားသည့် ကာလသက်တမ်း ၅ နှစ် ကျော်လွန်နေပြီဖြစ်ကြောင်းကို ဥပဒေနှင့်အညီ တင်ပြမည်ဖြစ်သည်။ ထိုအချက်များကို ဗဟိုအဖွဲ့ သို့မဟုတ် အစိုးရအဖွဲ့အနေဖြင့် မငြင်းဆိုနိုင်။ ထို့ကြောင့် အယူခံမှုကို လက်မခံဘဲ ပယ်ချခဲ့ခြင်းဖြစ်ကြောင်း အောက်ပါ အချက်များအရ တွေ့ရမည်ဖြစ်သည်။

ဥပဒေပုဒ်မ ၁ဝ (ခ) အရ တားဆီးမှုပြုလုပ်ရန် လိုအပ်ခြင်းကြောင့် ဗဟိုအဖွဲ့၏ အခွင့်အာဏာဖြင့် သူမ၏ နေအိမ်မှာပင် ၂၈-၁၁-၂ဝဝ၃ ရက်နေ့မှ ၂၇-၁၁-၂ဝဝ၄ ရက်နေ့အထိ ကန့်သတ်တားဆီးခြင်းကို စတင်ဆောင်ရွက်ခဲ့သည်။ ဆက်လက်၍ ပုဒ်မ ၁၄ အရ အစိုးရအဖွဲ့၏ ကြိုတင်ခွင့်ပြုချက်ဖြင့် တကြိမ်လျှင် တနှစ်ထက်မပိုဘဲ အောက်ပါအတိုင်း ဆက်လက်တားဆီးခဲ့သည်ဟု သတင်းစာရှင်းလင်းပွဲတွင် ရဲမှူးချုပ်မြင့်သိန်းက ပြောဆိုခဲ့သည်။

(က) ၂၈-၁၁-၂ဝဝ၄ မှ ၂၇-၁၁-၂ဝဝ၅ အထိ ပထမအကြိမ် (၁) နှစ်

(ခ) ၂၈-၁၁-၂ဝဝ၅ မှ ၂၇-၅-၂ဝဝ၆ ထိ ဒုတိယအကြိမ် (၆) လ

(ဂ) ၂၈-၅-၂ဝဝ၆ မှ ၂၇-၅-၂ဝဝ၇ ထိ တတိယအကြိမ် (၁) နှစ်

(ဃ) ၂၈-၅-၂ဝဝ၇ မှ ၂၇-၅-၂ဝဝ၈ ထိ စတုတ္ထအကြိမ် (၁) နှစ်

(င) ၂၈-၅-၂ဝဝ၈ မှ ၂၇-၅-၂ဝဝ၉ ထိ ပဉ္စမအကြိမ် (၁) နှစ်

ဗဟိုအဖွဲ့၏ အခွင့်အာဏာမှာ ပုဒ်မ ၁ဝ (က) ပါ ပြဋ္ဌာန်းချက်အရ ချုပ်နှောင်နိုင်သည့် ကာလအပိုင်းအခြားမှာ တကြိမ်လျှင် ရက်ပေါင်း ၆ဝ ဖြင့် ရက်ပေါင်း ၁၈ဝ အထိ ဖြစ်သည်။

ပုဒ်မ ၁၂ တွင် ဗဟိုအဖွဲ့သည် အရေးယူခြင်းခံရသူအား ပုဒ်မ ၁ဝ၊ ပုဒ်မခွဲ (က) ပါ ကာလအပိုင်းအခြားထက် ကျော်လွန်၍ ဆက်လက်ဖမ်းဆီးချုပ်နှောင်ထားရန် လိုအပ်ပါက ဝန်ကြီးအဖွဲ့၏ ကြိုတင်ခွင့်ပြုချက်ကို ရယူရမည်ဟု ပြဋ္ဌာန်းထားသည်။

ဆိုလိုသည်မှာ ရက်ပေါင်း ၁၈ဝ ထက် ကျော်လွန်ချုပ်နှောင်ထားလိုပါက ဝန်ကြီးအဖွဲ့၏ ခွင့်ပြုချက် တောင်းခံရမည်ဖြစ်သည်။

ပုဒ်မ ၁၄ တွင် ဝန်ကြီးအဖွဲ့သည် ဆက်လက်ဖမ်းဆီးချုပ်နှောင်ရန်ဖြစ်စေ၊ ဆက်လက်တားဆီးမှု ပြုလုပ်ရန်ဖြစ်စေ ကြိုတင်ခွင့်ပြုချက်ပေးရာတွင် တကြိမ်လျှင် တနှစ်ထက် မပိုစေဘဲ စုစုပေါင်း ၅ နှစ်အထိ ခွင့်ပြုနိုင်သည်။

ဝန်ကြီးအဖွဲ့၏ ခွင့်ပြုချက်ဖြင့် စတင်၍ တားဆီးမိန့်ထုတ်ပြန်သည့် ကာလသည် ၂၈-၁၁-၂ဝဝ၃ မှ စတင်ခဲ့ပြီး ၂၇-၅-၂ဝဝ၉ အထိ တွက်လျှင် စုစုပေါင်း တားဆီးမိန့်ကာလမှာ ၅ နှစ် နှင့် ၆ လ ဖြစ်သည်ကို တွေ့ရမည်။

သတင်းစာရှင်းလင်းပွဲတွင် ဥပဒေပုဒ်မ ၁ဝ (ခ) အရ တားဆီးမှုပြုလုပ်ရန် လိုအပ်ခြင်းကြောင့် ဗဟိုအဖွဲ့၏ အခွင့်အာဏာဖြင့် သူမ၏ နေအိမ်မှာပင် ၂၈-၁၁-၂ဝဝ၃ ရက်နေ့မှ ၂၇-၁၁-၂ဝဝ၄ ရက်နေ့အထိ ကန့်သတ်တားဆီးခြင်းကို စတင်ဆောင်ရွက်ခဲ့သည်ဟု ဖော်ပြခဲ့ရာ ဗဟိုအဖွဲ့တွင် ထိုအခွင့်အာဏာမရှိ၊ ဝန်ကြီးအဖွဲ့၏ ခွင့်ပြုချက်ဖြင့်သာ ဆက်လက်တားဆီးနိုင်သည်ကို ပုဒ်မ ၁၂ ပါ ပြဋ္ဌာန်းချက်အရ တွေ့ရမည်ဖြစ်သည်။ အများပြည်သူ ထင်ယောင်ထင်မှားဖြစ်စေရန်နှင့် နိုင်ငံတကာကို လှည့်စားရန် ဥပဒေကို လက်တလုံးခြားဖြင့် အဓိပ္ပာယ်ဖွင့်ဆိုခဲ့သည်ကို တွေ့ရမည်ဖြစ်သည်။

သတ်မှတ်ကာလ ၅ နှစ် ကျော်လွန်ပြီးဖြစ်သည့်အတွက် ဆက်လက်၍ တားဆီးချုပ်နှောင်ထားခြင်းသည် မတရား တားဆီးချုပ်နှောင်ထားမှု ဖြစ်ကြောင်းကို ကုလသမဂ္ဂ လူ့အခွင့်အရေးကော်မရှင် လက်အောက်ရှိ ဥပဒေမဲ့ ဖမ်းဆီးချုပ်နှောင်ထားခြင်းဆိုင်ရာ အလုပ်အဖွဲ့က ထုတ်ပြန်ကြေညာထားပြီးဖြစ်သည်။

ထို့အပြင် သံတမန်များနှင့် နိုင်ငံခြား သတင်းထောက်များအား ဖိတ်ကြားကာ ဒေါ်အောင်ဆန်းစုကြည်သည် သူမ၏ နေအိမ်အတွင်း တရားမဝင် ဝင်ရောက်လာသည့် အမေရိကန်နိုင်ငံသား John William Yettaw ကို ၂ ရက် နေထိုင်ခွင့်ပြုခြင်း၊ လက်ခံစကားပြောခြင်း၊ အစားအသောက်များ ကျွေးမွေးခြင်း စသည့် ကူညီဆောင်ရွက်မှုများ ပြုလုပ်ခဲ့ခြင်းသည် တည်ဆဲဥပဒေနှင့် ငြိစွန်းနေခြင်းကြောင့် မလွှဲမရှောင်သာ ဝမ်းနည်းစွာဖြင့် အမှုဖွင့် တရားစွဲဆိုခဲ့ရခြင်း ဖြစ်ပါကြောင်း ရဲမှူးချုပ်မြင့်သိန်းက ရှင်းလင်းပြောကြားခဲ့သည်။

နိုင်ငံတကာအစိုးရများက ဥပဒေများ ပြဋ္ဌာန်းထားရခြင်းနှင့် ကျင့်သုံးအကောင်အထည်ဖော်ရခြင်းသည် အများပြည်သူတို့၏ အကျိုးစီးပွားကို ကာကွယ်စောင့်ရှောက်ရန်ဖြစ်သည်။ ဥပဒေကို လက်နက်သဖွယ် အသုံးပြု၍ ပြည်သူလူထုအား ဖိနှိပ်ချုပ်ချယ်ရန် မဟုတ်ဆိုသည့် အခြေခံ သဘောတရားကို လက်ကိုင်ထားကြသူများ ဖြစ်သည်။ နအဖ၏ လုပ်ဆောင်ချက်များကမူ ထိုသို့မဟုတ်။ ဥပဒေကို လက်နက်သဖွယ် အသုံးပြု၍ ဖိနှိပ်ခြင်း ဖြစ်သည့်အတွက် အာဆီယံ အဖွဲ့ဝင်နိုင်ငံများအဖို့ နိုင်ငံတကာ အစိုးရများအကြားတွင် မျက်နှာပျက်စရာ ဖြစ်လာရသည်။

နအဖသည် ၂ဝ၁ဝ ရွေးကောက်ပွဲတွင် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ် မပါဝင်နိုင်အောင် နည်းမျိုးစုံဖြင့် ဟန့်တားနှောင့်ယှက်နေခြင်း ဖြစ်ကြောင်းနှင့် ဥပဒေနှင့်အညီ ရွေးကောက်တင်မြှောက်သည့် တရားဝင်အစိုးရအဖြစ်သို့ ရောက်အောင် စီမံဆောင်ရွက်နေကြောင်း အထက်ဖော်ပြပါ အချက်များအရ ပိုမိုသိသာထင်ရှားစေသည်။

နအဖ၏ ဥပဒေမဲ့လုပ်ရပ်များဖြင့် တရားဝင်မှုရအောင် လုပ်ဆောင်ခြင်းကို ခွင့်ပြုခဲ့ပါက နောင်တွင် ယခုထက်ပို၍ ရှုပ်ထွေးမှုများ၊ ခြိမ်းခြောက်မှုများဖြင့် ရင်ဆိုင်ရမည်ကို အာဆီယံခေါင်းဆောင်များကလည်း သတိပြုမိလာသည့်အတွက် ယခုကဲ့သို့ အပြင်းအထန် ကန့်ကွက်ပြောဆိုလာခြင်းဖြစ်ကြောင်း တင်ပြလိုက်ရပေသည်။


မှတ်ချက် ။ ။ http://www.mizzimaburmese.com မှ ကူးယူ မျှဝေပါသည်။

အပြည့်အစုံ ဖတ်ရန် ...

Tuesday, June 2, 2009

ဒေါ်အောင်ဆန်းစုကြည် ကို ထောင်ချလျှင် ရွေးကောက်ပွဲ ပျက်နိုင်ဟု ဦးဝင်းတင်ပြော

ဒေါ်အောင်ဆန်းစုကြည် ကို ထောင်ချလျှင် ရွေးကောက်ပွဲ ပျက်နိုင်ဟု

ဦးဝင်းတင်ပြော



Tuesday, 02 June 2009 19:19 ကြည်ဝေ


လူထု ခေါင်းဆောင် လည်းဖြစ်၊ အမျိုးသား ဒီမိုကရေစီ အဖွဲ့ချုပ် (NLD) ခေါင်းဆောင်လည်း ဖြစ်သော ဒေါ်အောင်ဆန်းစုကြည်ကို စစ်အစိုးရက ထောင်ချလိုက်လျှင် ၂၀၁၀ ရွေးကောက်ပွဲ ပျက်သည်အထိ အကျိုးသက်ရောက် သွားနိုင်ကြောင်း NLD ခေါင်းဆောင် ဦးဝင်းတင်က ပြောဆိုသည်။

“ဒေါ်စုကိုသာ ထောင်ချမယ်ဆိုရင် ဒီရွေးကောက်ပွဲရဲ့ တရားဝင်မှု၊ ဒီရွေးကောက်ပွဲရဲ့ အခြေအနေ ပြည်သူက ဆန္ဒ ဖော်ပြဖို့ဆိုတဲ့ အလားအလာတွေက အကုန်လုံး မှေးမှိန် ကွယ်ပျောက်သွားမှာပဲ၊ ဒေါ်စုကို ထောင်ချခြင်းဟာ
ရွေးကောက်ပွဲကို တရားခွင်တင်တာနဲ့ အတူတူ အဓိပ္ပာယ် သက်ရောက်မယ်လို့ ကျနော်ပြောချင်ပါတယ်” ဟု ဦးဝင်းတင်က ဆိုသည်။

ထို့ပြင် ဒေါ်အောင်ဆန်းစုကြည်ကို စစ်အစိုးရက ထောင်ချခဲ့ပါက NLD အနေနှင့် တခုခု တုံ့ပြန်သင့်ကြောင်း ဦးဝင်းတင်က ဆက်ပြောသည်။

“ဒေါ်စု ထောင်ကျခဲ့ရင် NLD က တခုခု လုပ်ရမယ်၊ ဒါခေါင်းဆောင်ဗျ။ ဒေါ်စုဟာ ထိပ်တန်းခေါင်းဆောင်ဖြစ်တယ်၊ ရှင်းရှင်းပြောရရင် ဒါ ဘယ်သူနဲ့မှ နှိုင်းယှဉ်ဖို့ မရှိတဲ့ ခေါင်းဆောင်ဖြစ်တယ်၊ ဒီလိုခေါင်းဆောင် တယောက်လုံးကို အိမ်အကျယ်ချုပ် ချထားရာကနေ ဆွဲထုတ်ပြီးတော့ တရားခွင်ပို့၊ ထောင် ချမယ် ဆိုရင်တော့ NLD က တခုခု တော့ ပြောဖို့ကောင်းတယ်လို့ ကျနော် ထင်တယ်၊ ဒီကိစ္စက ပြောဖို့ လိုအပ်တဲ့ကိစ္စ၊ ပြောရမှာပဲ၊ ပြောလည်း ပြောလိမ့်မယ်လို့ ကျနော် ယူဆပါတယ်” ဟု ဦးဝင်းတင်က ပြောဆိုသည်။

ဒေါ်အောင်ဆန်းစုကြည်ကို ထောင်ချခြင်းအားဖြင့် ရွေးကောက်ပွဲအပေါ် သက်ရောက် သွားနိုင်ကြောင်း၊ နိုင်ငံတကာ အပါအ၀င် လူထုကပါ ထိုရွေးကောက်ပွဲကို ဆန့်ကျင်သည့်အခြေအနေထိ ဖြစ်လာနိုင်ကြောင်း နိုင်ငံရေးသမားဟောင်း တဦးကလည်း ပြောသည်။

“NLD မပါရင်၊ ဒေါ်စု ထောင်ချ ခံရရင်တော့ ဒီရွေးကောက်ပွဲက ပျက်မှာပဲ၊ ဖြစ်ခဲ့ရင်လည်း ဘယ်သူကမှ ယုံကြည်မှု ရှိမှာမဟုတ်ဘူး၊ ပြည်သူ့ဆန္ဒ ခံယူပွဲလိုပဲ ဖြစ်သွားလိမ့်မယ်” ဟု အဆိုပါ နိုင်ငံရေးသမား ဟောင်းက ဆိုသည်။

NLD အနေနှင့် ဒေါ်အောင်ဆန်းစုကြည်ကို စစ်အစိုးရက ထောင်ချပါက မည်ကဲ့သို့ ပြုလုပ်မည် ဆိုသည်ကို ကြိုတင်ပြောဆိုခြင်း မရှိသော်လည်း တခုခုတုံ့ပြန်မည် ဆိုသည်ကိုမူ ခန့်မှန်းသိရကြောင်း၊ သို့သော်လည်း ပါတီ၏ တုံ့ပြန်မှုကို စစ်အစိုးရအနေနှင့် ဂရုစိုက်မည် မဟုတ်သည်မှာ သေချာကြောင်း သူက သုံးသပ်သည်။

လက်ရှိ NLD အဖွဲ့အနေနှင့် ရွေးကောက်ပွဲနှင့် ပတ်သက်ပြီး ဆုံးဖြတ်ချက် မရှိသေးကြောင်း၊ NLD ၏ ဆုံးဖြတ်ချက်မှာ အမျိုးသားပြန်လည် သင့်မြတ်ရေးအတွက် တွေ့ဆုံဆွေးနွေးရေး လုပ်ရန် ဒေါ်အောင်ဆန်း စုကြည် အပါအ၀င် နိုင်ငံရေးအကျဉ်းသား အားလုံး ပြန်လွှတ်ပေးရေးနှင့် နိုင်ငံတကာကြီးကြပ်မှု ပါသည့် သန့်ရှင်းသော ရွေးကောက်ပွဲကို ကျင်းပပေးရေးတို့ကို တောင်းဆိုထားကြောင်း NLD ပြောခွင့်ရ ပုဂ္ဂိုလ်များထံမှ သိရှိရသည်။

“ပါတီက ကြေညာချက်တွေ ထုတ်နေတာပဲ၊ ဒါကို စစ်အစိုးရက ဘာလုပ်သလဲ၊ ပါတီ တောင်းဆိုထားတဲ့ တွေ့ဆုံ ဆွေးနွေးရေး ဆိုတာကို ဂရုမစိုက်လို့ ဒေါ်စုကို ဖမ်းပြီး ထောင်ထဲ ပို့တာပေါ့” ဟု ၎င်းက ဆက်ပြောသည်။

NLD ၏ ခေါင်းဆောင်တဦးဖြစ်သော ဒေါ်အောင်ဆန်းစုကြည်ကို နေအိမ်အကျယ်ချုပ်ထားရာမှ အမေရိကန် နိုင်ငံသား မစ္စတာ ဂျွန် ဝီလျံ ယက်ထော အား နေအိမ်အတွင်း လက်ခံမှု၊ တွေ့ဆုံမှုဖြင့် အင်းစိန်ထောင်သို့ ရွှေ့ပြောင်းထားလိုက်ပြီး တရားစွဲဆို အမှုဖွင့်ကာ ထောင်ချရန် ပြင်ဆင်ထားပြီးဖြစ်ကြောင်း အမှုကို စီရင်မည့် တရားသူကြီးနှင့် နီးစပ်သူ တဦးထံမှာ သိရှိရသည်။

ဒေါ်အောင်ဆန်းစုကြည် ထောင်ချခံခဲ့ရပါက NLD အနေနှင့် မည်ကဲ့သို့ ဆောင်ရွက်မည်၊ စစ်အစိုးရ၏ ရွေးကောက်ပွဲ မည်သို့ ဖြစ်ပေါ်လာမည် ဆိုသည်တို့ကို လူထုက စိတ်ဝင်စားနေကြကြောင်း ပြည်တွင်း သတင်းဂျာနယ် တခု၏ အမှုဆောင်အရာရှိ တဦးက ပြောဆိုသည်။

“မနှစ်က မေ မှာ လုပ်သွားတဲ့ ပြည်သူ့ဆန္ဒ ခံယူပွဲ ဘယ်လိုလုပ်ခဲ့သလဲ ဆိုတာ ပြန်စဉ်းစားကြည့်ပါ။ လာမယ့် ရွေးကောက်ပွဲလည်း ဒီအတိုင်းပဲ ဖြစ်လာလိမ့်မယ် ဆိုတာ ၉၅ ရာခိုင်နှုန်း သေချာသလောက်ရှိပါတယ်။ တကယ်လို့များ နိုင်ငံတကာက ကြီးကြပ်မှု ပါလို့ ၁၉၉၀ တုန်းကလိုပဲ ဖြစ်ခဲ့မယ်ဆိုရင်၊ NLD ကလည်း ရွေးကောက်ပွဲ ၀င်မယ်ဆိုရင် NLD က ဒုတိယအကြိမ် ထပ်နိုင်လိမ့်မယ်လို့ ထင်တယ်” ဟု ၎င်းက သုံးသပ်သည်။

သတင်းစာဆရာကြီး ဦးဝင်တင်က ဒေါ်အောင်ဆန်းစုကြည်ကို ထောင်ချမည် ဆိုပါက NLD တင်မက တခြားသော နိုင်ငံရေး အင်အားစုများ၊ နိုင်ငံရေးပါတီများ၊ တသီးပုဂ္ဂလများလည်း ရွေးကောက်ပွဲ ၀င်ရန် စဉ်စားကြဖို့ လိုမည် ဖြစ်ကြောင်း ပြောဆိုသည်။

“ဒီလို ပက်ပက်စက်စက်ကြံရင်တော့ ဒီရွေးကောက်ပွဲဟာ ၀င်သင့်တဲ့ ရွေးကောက်ပွဲမျိုး မဟုတ်ဘူး၊ ၀င်လို့လည်း ရမှာမဟုတ်ဘူး၊ ၀င်ခြင်းအားဖြင့်လည်း ဘာအဖြေမှ ထွက်မယ့် ရွေးကောက်ပွဲလည်း မဟုတ်ဘူး၊ ဒီလို ရွေးကောက်ပွဲမျိုးဟာ ပြည်သူရဲ့ အဆုံးအဖြတ်၊ ပြည်သူရဲ့ဆန္ဒ ဖော်ပြရာရောက်တဲ့ ရွေးကောက်ပွဲမျိုးလည်း မဟုတ်ဘူးလို့ ကျနော် ပြောချင်ပါတယ်” ဟု ဦးဝင်တင်က ဆိုသည်။


မှတ်ချက် ။ ။ http://www.irrawaddy.org မှ ကူးယူ မျှဝေပါသည်။

အပြည့်အစုံ ဖတ်ရန် ...

ဥပဒေ အမြင်အရ ဒေါ်အောင်ဆန်းစုကြည် တွင် အပြစ်မရှိ



NEJ / ၂ ဇွန် ၂၀၀၉


မန်မာစစ်အစိုးရ ကာကွယ်ရေးဒု-၀န်ကြီး ဗိုလ်ချုပ်အေးမြင့်က မေ (၃၁) ရက်တွင် စင်ကာပူနိုင်ငံ၌ ပြုလုပ်သော အာရှပစိဖိတ်ဒေသ၏ လုံခြုံရေးဆိုင်ရာအစည်းအဝေး တွင် မြန်မာနိုင်ငံ၏ လတ်တလောနိုင်ငံရေးဖြစ်စဉ်များကို ရှင်းလင်းတင်ပြရာတွင် ဒေါ်အောင်ဆန်းစုကြည်အား ဥပဒေနှင့်အညီ အမှုဖွင့်တရားစွဲဆိုခဲ့ကြောင်း ရှင်းလင်း တင်ပြခဲ့သည်။ ယင်းသို့ ဗိုလ်ချုပ်အေးမြင့်၏ ပြောကြားချက်များနှင့်ပတ်သက်၍ ဒေါ်အောင်ဆန်းစုကြည်၏ အမှုလိုက်ရှေ့နေတဦးလည်းဖြစ် အန်အယ်လ်ဒီ၏ ပြောခွင့်ရပုဂ္ဂိုလ်လည်းဖြစ်သူ ဦးဉာဏ်ဝင်းနှင့် ခေတ်ပြိုင်မှ ဆက်သွယ်မေးမြန်းထား ပါသည်။


မေး။ ။ ဗိုလ်ချုပ်အေးမြင့်က ဒေါ်အောင်ဆန်းစုကြည် ခြံဝင်းအတွင်း မစ္စယက်တော ၀င်ရောက်မှုကို လျှို့ဝှက် ၀င်ရောက်တယ်လို့ပြောပြီး မေ (၆) ရက် မနက် ပြန်အထွက်ကျမှ အင်လျားကန်အတွင်း မစ္စတာယက်တော ရေကူးနေတာကို လုံခြုံရေးတပ်ဖွဲ့ဝင်တွေက တွေ့တယ်လို့ ပြောပါတယ်။ အ၀င်တုန်းက မတွေ့ဘဲ အထွက်ကျမှ လုံခြုံရေးတွေက တွေ့တယ်ဆိုတဲ့ ဗိုလ်ချုပ်အေးမြင့်ရဲ့ ပြောဆိုချက်အပေါ် ဘယ်လို တုံ့ပြန်ပြောကြားလိုပါသလဲ။

ဖြေ။ ။ ဒီကိစ္စနဲ့ပတ်သက်လို့ ဒေါ်အောင်ဆန်းစုကြည်က သူ့ကြေညာချက်ထဲမှာ ဖော်ပြထားပါတယ်။ အခုအဖြစ်အပျက်ဟာ လုံခြုံရေးချို့ယွင်းလို့။ ဘယ်ပုံဘယ်နည်း ချို့ယွင်းလဲတော့ သူမသိဘူး။ သို့သော်လည်းပဲ လုံခြုံရေးနဲ့ပတ်သက်ပြီးတော့ တစုံတရာအရေးမယူဘဲနဲ့ သူ့အပေါ်မှာ အရေးယူတာဟာ ဘက်လိုက်ဆောင်ရွက်မှုလို့ ဒေါ်အောင်ဆန်းစုကြည်က ဒီအတိုင်းတင်ပြထားပါတယ်။

မေး။ ။ နောက်တခု ဗိုလ်ချုပ်အေးမြင့်က ပြောပါတယ်။ ပြစ်မှုကျူးလွန်သူအား အရေးမယူလျှင် ငြိမ်းချမ်းရေးနှင့် လုံခြုံရေးကို ချိုးဖောက်မှုများ ရှိလာမယ်လို့လည်း ဆိုထားပါတယ်။ အဲဒီအပေါ်မှာ အန်ကယ်ဘယ်လို မြင်ပါသလဲ။

ဖြေ။ ။ အဲဒါကတော့ သူက ခြုံပြီးပြောတာ။ လုံခြုံရေးနဲ့ပတ်သက်ပြီး ပြစ်မှုကျူးလွန်တဲ့သူတွေကို ဒီနေ့ထိတော့ အရေးယူတာ ကျနော်တို့မတွေ့သေးဘူး။

မေး။ ။ တရားရုံးက အမိန့်တစုံတရာမချမှတ်သေးဘဲ ဒေါ်အောင်ဆန်းစုကြည်ကို ဒီလို ပြစ်မှုကျူးလွန်သူလို့ ပြောဆိုသုံးနှုန်းလို့ရပါသလား။

ဖြေ။ ။ တကယ်တော့ ဒီလိုပြောခွင့်မရှိပါဘူး။ တရားရုံးကို မထီမဲ့မြင်ပြုမှုတောင် မြောက်ပါတယ်။ တရားရုံးက ဘာမှမဆုံးဖြတ်သေးခင် အာဏာရှိတဲ့လူတွေက ဒီလိုပြောတာကတော့ တရားရုံးရဲ့လွတ်လပ်မှုဟာ တကယ်ရှိရဲ့လားဆိုတာကို ဒီဟာက မီးမောင်းထိုးပြတာပဲ။

မေး။ ။ အခုလို မစ္စတာယက်တော ဒေါ်အောင်ဆန်းစုကြည်အိမ်ခြံအတွင်း ရေကူးဝင်ရောက်ခဲ့တာကို အကြောင်း မကြားလို့ဆိုပြီး ဒေါ်အောင်ဆန်းစုကြည်ကို အမှုဖွင့်တရားစွဲဆိုခဲ့တာဟာ တကယ်ပဲ ပြစ်မှုမြောက်ပါသလား။

ဖြေ။ ။ အခုလို တရားစွဲဆိုထားမှုနဲ့ ပတ်သက်ပြီး ဒေါ်အောင်ဆန်းစုကြည်ဟာ ဘာပြစ်မှုမှ မမြောက်ဘူး။ သူတို့ဘက်က ထွက်ချက်တွေအရကိုပဲ ကျနော်တို့အမြင်က ပြစ်မှုမမြောက်ဘူး။ အဲတော့ ပြစ်မှုမြောက်တယ်လို့ တာဝန်ရှိတဲ့သူက ပြောရင် သူက တရားရုံးကို လွှမ်းမိုးပြီးတော့ ပြောနေတာဖြစ်တယ်။ တရားရုံးရဲ့လွတ်လပ်မှု ထိခိုက်စေတယ်လို့ ကျနော်မြင်ပါတယ်။

မေး။ ။ ဥပေဒေရဲ့အထက်မှာ မည်သူမျှမရှိရဆိုတဲ့ တရားဥပဒေဆိုင်ရာ အခြေခံမူကို ထိန်းသိမ်းပြီး ကျင့်သုံးနိုင်မှ သာလျှင် တရားဥပဒေစိုးမိုးမှုရှိမယ်လို့လည်း ဗိုလ်ချုပ်အေးမြင့်က ပြောပါတယ်။ တကယ်ပဲ မြန်မာနိုင်ငံမှာ တရားဥပဒေအထက်မှာ ဘယ်သူမှမရှိဘူးဆိုတာ ဟုတ်ပါသလား။ မြန်မာနိုင်ငံမှာ တရားဥပဒေ စိုးမိုးမှုရော တကယ်ရှိပါသလား။

ဖြေ။ ။ ကျနော်တို့ နိုင်ငံရေးနဲ့ပတ်သက်တဲ့ အမှုတွေကို ပြန်ကြည့်လိုက်ရင် ခွန်ထွန်းဦးတို့၊ မင်းကိုနိုင်တို့ကအစ အခုဒေါ်အောင်ဆန်းစုကြည်အထိ ဘယ်မှာ တရားမျှတမှုရှိမလဲ။ တရားရုံးတရုံးက ဥပမာတခု ကျနော်ပြောမယ်၊ ထောင်ဒဏ် (၁) ရက်ကနေ (၁၀) နှစ်ဆိုရင် (၁) ရက်ကနေ (၁၀) နှစ်ကြားထဲမှာ တရားရုံးက အမှုတခုချင်းအလိုက် သူရဲ့ဆင်ခြင်တုံနဲ့ ဆုံးဖြတ်ရတာ။ အခုနိုင်ငံရေးပြစ်မှုတွေအားလုံးက အမြင့်ဆုံးကြီးပဲပေးတယ်။ အဲတော့ တရားရုံး ဆင်ခြင်တုံဆိုတာ ဒီမှာအသုံးကို မပြုဘူး။ အဲဒါကိုက တရားမျှတမှု မရှိဘူးလို့ ကျနော်တို့ နမူနာတခုအနေနဲ့ ပြောချင်တယ်။ တရားဥပဒေစိုးမိုးမှုနဲ့ ပတ်သက်လို့ကတော့ မေးခွန်းထုတ်စရာတွေ အများကြီးရှိတယ်။ မမျှမတ လုပ်တာတွေလည်း အများကြီးရှိပါတယ်။

မေး။ ။ ဒေါ်အောင်ဆန်းစုကြည်နဲ့ အန်ကယ်တို့ ရှေ့နေတွေ တွေ့ပြီး ဆွေးနွေးခွင့်ရတယ်လို့သိရပါတယ်။ အဲလိုတွေ့ဆုံမှုဟာ လုံလောက်တဲ့အချိန်ရော ရရှိပါလား။

ဖြေ။ ။ ဒေါ်အောင်ဆန်းစုကြည်နဲ့ ပြီးခဲ့တဲ့စနေ မေ (၃၀) က တွေ့ခွင့်ရတယ်။ စနေနေ့တုန်းကတော့ တွေ့ခွင့်အချိန် လုံလုံလောက်လောက်ရပါတယ်။ တကယ်တော့ ဒီလိုတွေ့ဆုံခွင့်ဟာ ဒေါ်အောင်ဆန်းစုကြည်အနေနဲ့ သူ့ရဲ့ခုခံခွင့်ကို မစခင်မှာရဖို့ ကျနော်တို့တောင်းလာတာ။ ဒေါ်အောင်ဆန်းစုကြည်ကိုယ်တိုင်ကို စစ်ပြီးတော့မှပဲ ကျနော်တို့ တွေ့ခွင့်ရတယ်။ ဒါကလည်း မမှန်ကန်ဘူးပေါ့။ မိမိခုခံရေးလမ်းကြောင်းကို ရှေ့နေနဲ့ လုံလုံလောက်လောက် တိုင်ပင်ခွင့် မရခဲ့ဘူးလို့ ပြောချင်တယ်။

မေး။ ။ အခုအမှုမှာ တရားလို့ဘက်က သက်သေ (၁၅) ဦးနဲ့ ဒေါ်အောင်ဆန်းစုကြည်ဘက်ကကျ သက်သေ (၁) ဦး သာ ထွက်ဆိုချက်ရတဲ့အပေါ်မှာပဲ အမှုကိုကြားနာပြီး အမိန့်ချမှတ်ခဲ့မယ်ဆိုရင် ဒီတရားစီရင်မှုအပေါ်မှာ အန်ကယ် ဘယ်လိုမြင်ပါသလဲ။

ဖြေ။ ။ ဒီဆောင်ရွက်မှုတွေဟာ တရားမျှတမှုမရှိဘူးလို့ အမြင်အရကို ပေါ်လွင်ပါတယ်။ နောက် ဥပဒေအရလည်း မှန်ကန်တယ်လို့ ကျနော်တို့ မယူဆဘူး။


မေး။ ။ ဒေါ်အောင်ဆန်းစုကြည်က အန်ကယ်တို့နဲ့တွေ့တဲ့အခါမှာ အမှုနဲ့ပတ်သက်ပြီး ပြောဆိုမှုတွေ ရှိပါသလား အန်ကယ်။

ဖြေ။ ။ အများကြီးရှိတယ်။ သူကိုယ်တိုင် ကျနော်တို့ကို သူ့လက်ရေးနဲ့ ရေးပေးလိုက်တဲ့ အချက်အလက်တွေနဲ့၊ ဥပဒေနဲ့ ပေါင်းစပ်ပြီးရေးနေပါတယ်။ ရုံးမှာတင်ဖို့ဖြစ်ပါတယ်။

မေး။ ။ အခုလာမယ့် ဇွန် (၅) ရက် ရုံးချိန်းမှာ နှစ်ဦးနှစ်ဘက် လျှောက်လွှဲချက်ကို အပြီးသတ်မယ်လို့ သိရပါတယ်။ အဲဒီနေ့မှာပဲ တရားရုံးက အမိန့်ချမှတ်လို့ရပါသလား။

ဖြေ။ ။ လုပ်ခွင့်တော့ရှိတယ်၊ တရားရုံးပေါ်မှာပဲ တည်ပါတယ်။

မေး။ ။ အမှုအပေါ်မှာ အလားအလာနဲ့ အနေအထားကို ဘယ်လိုသုံးသပ်ပါသလဲ။

ဖြေ။ ။ အမှုအပေါ်မှာ အလားအလားက သူတို့အပေါ်မှာပဲတည်ပါတယ်။ ကျနော်တို့ဥပဒေအမြင်အရ ဒေါ်အောင်ဆန်းစုကြည်ဟာ အပြစ်မရှိပါဘူး။ ကျနော်တို့သုံးသပ်တာက ဒီအမှုဟာ စကတည်းကိုက မစွဲသင့်တဲ့အမှု။ အစိုးရဘက်ကပြောသလို ဥပဒေဖောက်ဖျက်တယ်ဆိုတဲ့ အချက်တွေဟာ ကျနော်တို့ဥပဒေပြဋ္ဌာန်းချက်နဲ့လည်း မကိုက်ညီပါဘူး။ စကတည်းက ဒေါ်အောင်ဆန်းစုကြည်ဟာ ဘာပြစ်မှုမှ ကျူးလွန်ခြင်းမရှိဘူးလို့ ကျနော်တို့မြင်ပါတယ်။

မေး။ ။ တကယ်လို့ ဒေါ်အောင်ဆန်းစုကြည်အမှုကို တရားခွင်မှာ ပြစ်ဒဏ်ချမှတ်ခဲ့မယ်ဆိုရင် အန်အယ်လ်ဒီအနေနဲ့ ရှေ့ဘာဆက်လုပ်ဖို့ရှိပါသလဲ။

ဖြေ။ ။ ကျနော်တို့အနေနဲ့ကတော့ ဥပဒေလမ်းကြောင်းအတိုင်းပဲ လုပ်မှာပါ။ ဒီထက်အဆင့်မြင့်တဲ့ရုံးကို တင်ပြတာမျိုးတွေ ဆက်လုပ်မှာဖြစ်ပါတယ်။


မှတ်ချက် ။ ။ http://www.khitpyaing.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Monday, June 1, 2009

အခြေအနေက တောင်းဆိုနေတဲ့ မြေအောက်လှုပ်ရှားမှု



၁ ဇွန် ၂၀၀၉

ခလုတ်ထိမှ အမိတတယ်ဆိုတာ လူတိုင်းပါ။ သူမှ ဒီလိုဖြစ်တယ်။ ကိုယ်မှ ဒီလိုဖြစ်တယ်ဆိုတာမျိုး မဟုတ်ပါဘူး။ လူ့ဘဝမှာ ဖြစ်နိုင် ခြေအားလုံးအတွက် ပြင်ဆင်ပြီးသားဖြစ်ဖို့ဆိုတာ မလွယ်ပါဘူး။ ဒါပေမယ့် စဉ်းစားရသရွေ့ကိုတော့ စဉ်းစားပြင်ဆင်ထားရပါမယ်။

ဒေါ်အောင်ဆန်းစုကြည်ကို မတရားရုံးတင်အကျဉ်းချဖို့ နအဖက ကြိုးစားလာတော့ တချို့က အင်းစိန်ထောင်ကို ချီတက်ကြပြီး တချို့ကတော့ အလစ်အငိုက်ပိုစတာကပ်တာတွေ၊ စာရွက်ကြဲတာ တွေလုပ်ကြတာ တွေ့ရပါတယ်။ တိုက်ပွဲသဏ္ဌာန် အမျိုးအမည်များ တာမို့ ဝမ်းသာရပါတယ်။ ဒါပေမယ့် တဆက်တည်း တွေ့လာရတာ က ဒါလောက်နဲ့ မလုံလောက်၊ လုံးဝမလုံလောက်ဆိုတာပဲ ဖြစ်ပါ တယ်။ ဒါဖြင့်ရင် တိုက်ပွဲအမျိုးမျိုး ပေါ်ပေါက်အောင် သဏ္ဌာန်ကို ဘယ်လိုဖော်ထုတ်မလဲ။ ကိုယ့်အတွက် အထိအခိုက် အနည်းဆုံးဖြစ်အောင် ဘယ်လိုလုပ်မလဲ။ ရေရှည်သယ်ဆောင် သွားဖို့ ဘာနဲ့လုပ်မလဲ။ လက်တွေ့လုပ်မယ့်လူဟာ လက်တွေ့စဉ်းစားရပါမယ်။

ဒီလိုနဲ့ အခုတော့ မြေအောက်လုပ်ငန်း အဆောက်အအုံတွေ၊ ကွန်ရက်တွေ လိုအပ်ကြောင်း သဘောပေါက် နားလည် လာတဲ့သူတွေ များသတက်များလာပါတယ်။ ဒါပေမယ့် တည်ဆောက်ကြ၊ လုပ်ကိုင်ကြတာတွေ တော်တော်များများဟာ စစ်ရောက်မှမြားချွန် ဆိုတာမျိုး ဖြစ်နေပါတယ်။ တချို့ကတော့လည်း မြေအေက်ဆိုတာ ဘယ်လိုလုပ်ရသလဲလို့ အခုမှစူးစမ်း၊ မေးမြန်း၊ လေ့လာတာတွေ လုပ်ကြပါတယ်။ ဘာပဲပြောပြော မလုပ်တာနဲ့စာရင် နောက်ကျတာက တော်သေးတယ်လို့ပဲ ဆိုကြပါစို့။

ဘာဖြစ်လို့ မြေအောက်လုပ်ကြတာလဲ ဆိုတာကို သဘောမပေါက်ကြလို့ နောက်ကျကြတာလို့ ဆိုချင်ပါတယ်။ မြေအောက်လုပ်တယ်ဆိုတာ လွယ်လွယ်ပြောရရင် မြေပေါ်မှာလုပ်မရလို့ဘဲ ဖြစ်ပါတယ်။ မတရားဖိနှိပ်မှု ပြင်းထန်လှတဲ့ အုပ်စိုးသူတွေရဲ့လက်အောက်မှာ နေရတဲ့ အဖိနှိပ်ခံတို့က မိမိတို့ရဲ့ ထွက်ရပ်လမ်းကို ရှာကြရာမှာ မြေအောက်လုပ်ငန်း ဟာ မဖြစ်မနေ လုပ်ရတဲ့ လုပ်ငန်းတခု ဖြစ်လာပါတယ်။ ပြည်သူတရပ်လုံး ဒီမိုကရေစီ အခွင့်အရေးတွေ အပြည့်အဝခံစား ခွင့်ရရင် ဘယ်သူမှ မြေအောက်လုပ်မနေပါဘူး။ လုပ်မယ်ဆိုရင်လည်း ပတ်ဝန်းကျင်က ခွင့်မပြုပါဘူး။ ပေါ်ပေါ်ထင်ထင်၊ လွတ်လွတ်လပ်လပ်လုပ်လို့ရတဲ့ ကိစ္စတရပ်ကို ဘယ်သူကမှ အသက်အန္တရာယ် စွန့်စားပြီး လျှို့ဝှက်သဲဖို လုပ်မနေပါဘူး။

ဒီတော့သမိုင်းမှာ မြေအောက်လုပ်ငန်းကို ဖက်ဆစ်နာဇီတွေလက်အောက်၊ ကိုလိုနီအုပ်စိုးသူတွေ လက်အောက်မှာ လုပ်ကြတာ ရှိသလို နအဖလို ဖိနှိပ်တဲ့ အာဏာရှင်တွေ အောက်မှာလည်း လုပ်ကြပါတယ်။ ဒီနေရာမှာ မြေအောက် လုပ်ငန်းဆိုတာ မတရားဖိနှိပ်တဲ့ အစိုးရတရပ်ကို ဆန့်ကျင့်ဖို့အတွက် အဲဒီ အစိုးရမသိအောင် ဖွဲ့စည်းလှုပ်ရှားတာမျိုးကို ဆိုလိုတာဖြစ်ပါတယ်။ ဒါဟာ မူးယစ်ဆေးဝါးလုပ်ငန်းလို၊ မာဖီးယားဂိုဏ်းလို၊ မှောင်ခိုစီးပွားရေးလုပ်ငန်းတွေလို ဟာတွေကို ဆိုလိုတာ မဟုတ်ဘူးဆိုတာကို ဦးစွာ ရှင်းအောင်ပြောထားဖို့ လိုပါတယ်။ အခုပြောနေတဲ့ မြေအောက် လုပ်ငန်းဆိုတာဟာ နိုင်ငံရေးပြဿနာက အစပြုပြီး နိုင်ငံရေး ဦးတည်ချက်တခုအတွက် လှုပ်ရှားတဲ့ လုပ်ငန်း ဖြစ်ပါတယ်။ အစိုးရ ခွင့်မပြုတဲ့လုပ်ငန်းတိုင်းကို မဆိုလိုပါဘူး။

မြေအောက်လုပ်ငန်းဆိုတာ သူ့ချည်းလှုပ်ရှားရတာ၊ လက်နက်ကိုင်တိုက်ပွဲနဲ့ တွဲဖက်လှုပ်ရှားရတာ၊ လူထုအုံကြွမှုနဲ့ တွဲဖက်ရတာ စသဖြင့် အနေအထားကိုလိုက်လို့ သူ့ရဲ့အခန်းကဏ္ဍတွေက ကွဲပြားပါတယ်။ ဒါကိုတနည်းပြန်ပြောရရင် မြေအောက်လုပ်ငန်းဟာ တိုက်ပွဲသဏ္ဌာန်ပေါင်းစုံကို အထောက်အကူပေးနိုင်တယ်ဆိုတာဖြစ်ပါတယ်။ ဒါပေမယ့် မြေအောက်လုပ်ငန်းအားလုံးဟာ လူထုကိုအခြေခံပြီး လူထုရဲ့ထောက်ခံအားပေးမှုကို အားပြုလုပ်ကိုင်ရတာ ဖြစ်ပါတယ်။ နောက်ပြီး မြေအောက်လုပ်ငန်းဟာ တိုင်းပြည်ရဲ့ နိုင်ငံရေးဇာတ်ခုံပေါ်မှာ တခါတလေမှာ အရန်အခန်း၊ တခါတလေမှာ အဓိကအခန်းရယ်လို့လည်း အခြေအနေအရ ကွဲပြားပါသေးတယ်။

အထက်မှာပြောခဲ့သလိုပဲ မြေအောက်လုပ်ငန်းလုပ်တယ်ဆိုတာ အဖိနှိပ်ခံပြည်သူတွေက မိမိတို့ရဲ့ ရည်မှန်းချက်ကို လွတ်လပ်စွာအကောင်အထည်ဖော်ခွင့် မရတဲ့အတွက် သယ်ဆောင်တဲ့နည်းနာတခုဖြစ်ပါတယ်။ ဒါနဲ့ပြောင်းပြန် အုပ်စိုးသူ၊ အာဏာရနေသူတွေက မြေအောက်လိုလုပ်တယ်ဆိုရင်တော့ ဒါဟာခိုးကြောင်ခိုးဝှက်၊ ကလိမ်ကကျစ် လုပ်တာသာဖြစ်တယ်ဆိုတာ ပြောထားဖို့ လိုပါတယ်။ သူများနိုင်ငံအပေါ်သူလျှိုလုပ်တာ၊ ထောက်လှမ်းရေး လုပ်တာကိုလည်း မြေအောက်လုပ်ငန်းလို့ မဆိုနိုင်ပါဘူး။


တကယ်တော့ ဗမာပြည် ပြည်သူတွေဟာ မြေအောက်လုပ်ငန်း အတွေ့အကြုံ အင်မတန်ကြွယ်ဝတယ်လို့ ပြောရင် ရပါတယ်။ တနိုင်ငံလုံး သူ့ကျွန်ဘဝရောက်တယ်ဆိုတာနဲ့ အင်္ဂလိပ်ကိုလိုနီ တွေကို ပြန်ချဖို့ပြင်ဆင်ကြတဲ့ မင်းညီ မင်းသားများနဲ့ လူထုတွေ၊ ဆရာတော်သံဃာတော်တွေရဲ့ လှုပ်ရှားမှုတွေက စတွက်လိုက်ရင် ဗမာပြည်ရဲ့ မြေအောက်လုပ်ငန်းသမိုင်းဟာ နှစ်ပေါင်း (၁၂ဝ) ကျော်ပါပြီ။ ဒီလိုမြေအောက်လှုပ်ရှားမှုတွေကနေ ဗမာ့ထွက်ရပ် ဂိုဏ်း၊ ဗမာပြည်ကွန်မြူနစ်ပါတီ၊ ရဲဘော်သုံးကျိပ် စတာတွေပေါ် ထွက်လာပြီး လွတ်လပ်ရေးတိုက်ပွဲကို သယ်ဆောင်ခဲ့ကြပါတယ်။ ထောင်ထဲကနေ မြေအောက်လုပ်ငန်းလုပ်သူတွေကတဆင့် လွတ်လပ်ရေး တိုက်ပွဲကို ခေါင်းဆောင်ကြပါတယ်။ လွတ်လပ်ရေးနောက်ပိုင်းမှာလည်း မြေအောက်လှုပ်ရှားမှုတွေ တောက်လျှောက် တည်ရှိခဲ့ပြီး မြို့ပေါ် လူထုအုံကြွမှုကြီးတွေ အမြောက်အမြားကို ဖော်ထုတ်ခဲ့ကြပါတယ်။ တခြားနိုင်ငံတွေမှာလည်း အလားတူ သာဓကတွေ အများကြီးရှိပါတယ်။ ပြောမကုန်ပါ။

ဒါကြောင့် ဗမာပြည်ရဲ့ ၁၉၄၈ ခုနှစ် နောက်ပိုင်း အုပ်စိုးသူလူတန်းစား၊ အထူးသဖြင့် ဆိုရှယ်လစ်ပါတီနဲ့ သူတို့နဲ့ နွှယ်နေတဲ့ စစ်အုပ်စုဟာ မြေအောက်လုပ်ငန်းကို အကြီးအကျယ်ကြောက်ရွံ့ ရွံမုန်းကြပါတယ်။ ဒီလိုနဲ့ပဲ သူတို့ဟာ ပြည်သူတွေကို ဖိနှိပ်ဖို့၊ ခြောက်လှန့်ဖို့၊ အထူးသဖြင့် မြေအောက်လုပ်ငန်းတွေကို ရှာဖွေဖျက်ဆီးဖို့အတွက် ပြည်တွင်း ပြည်ပမှာ နာမည်ဆိုးနဲ့ကျော်ကြားလှတဲ့ ထောက်လှမ်းရေးယန္တရားကြီးတခုကို တည်ဆောက်ထိန်းသိမ်းခဲ့ကြပါတယ်။

ဒါပေမယ့် အခုတော့ အဲဒီထောက်လှမ်းရေးဆိုတာကြီးပဲ အစိပ်စိပ်အမြွာမြွာ ပြိုကွဲဖျက်သိမ်းခံခဲ့ရပြီး မြေအောက် လုပ်ငန်းတွေကတော့ ဆက်လက်တည်ရှိနေ၊ ထပ်မံပေါက်ဖွားနေပါတယ်။ ဒါက ဖော်ပြနေတာက စစ်အုပ်စုရဲ့ ထောက်လှမ်းရေးယန္တရားဟာ တပွဲချင်းမှာ ပြည်သူ့အင်အားစုတွေအပေါ်မှာ အနိုင်ရတာတွေရှိပေမယ့် တရားတခုလုံး အနေနဲ့တော့ အဆုံးမှာ သူတို့ပဲအရှုံးနဲ့ ဇာတ်သိမ်းရတယ်ဆိုတာဖြစ်ပါတယ်။

ဒါပေမယ့် အုပ်စိုးသူအာဏာရှင်များဟာ မြေအောက်လုပ်ငန်းတွေ တည်ရှိနေသရွေ့ သူတို့အတွက် အန္တရာယ်ကြီး လှတာမို့ ဖြိုခွဲဖို့အတွက် ထောက်လှမ်းရေးလို အဖွဲ့အစည်းတွေ ဆက်ထူထောင်နေအုန်းမှာပဲ ဖြစ်ပါတယ်။ တိုးချဲ့နေ၊ အားဖြည့်နေအုန်းမှာလည်း ဖြစ်ပါတယ်။

နအဖအစိုးရဟာ အခုလို ဒေါ်အောင်ဆန်းစုကြည်ကို အမှုဆင် ရုံးတင်လိုက်ခြင်းအားဖြင့် သူတို့ရှေ့ဆက်လျှောက် မယ့်လမ်း၊ ရှေ့ဆက်ကျင့်သုံးမယ့် လမ်းစဉ်တို့ကို ဖော်ပြလိုက်တာဖြစ်တယ်ဆိုရင် မမှားပါဘူး။ အဓိပ္ပာယ်က ၂ဝဝ၈ ဖွဲ့စည်းပုံအခြေခံဥပဒေနဲ့ ၂ဝ၁ဝ ရွေးကောက်ပွဲတွေရဲ့ နောက်မှာလည်း အမျိုးသားဒီမိုကရေစီအဖွဲ့ချုပ်နဲ့ ဒေါ်အောင်ဆန်းစုကြည်ကို အဓိကဦးတည်ရန်သူအဖြစ် သဘောထား၊ ၁၉၉ဝ ပြည့်နှစ်က လက်ကျန်အင်အားစုတွေကို မသေမရှင်ထား၊ တက်ကြွသူတွေကို ထောင်ထဲ၊ ဒါမှမဟုတ် ပြည်ပ၊ ဒါမှမဟုတ် တောထဲကိုမောင်းပို့ဆိုတဲ့ ပေါ်လစီကို ဆက်လက်ကျင့်သုံးသွားမယ် ဆိုတာပါပဲ။

ဗမာပြည်ရဲ့ ရှေ့အလားအလာဟာ အလင်းရောင်မမြင်ရတာ မဟုတ်ပါဘူး။ ဒါပေမယ့် စိတ်ကူးယဉ်လို့မရတာတော့ အမှန်ပါပဲ။ လူသားစားကျားကို တဖြည်းဖြည်းချင်းနဲ့ ဟင်းသီးဟင်းရွက်ပဲစားလာအောင် လေ့ကျင့်ပေးသွားမယ်ဆို တာမျိုး မတွေးသင့်ပါဘူး။ ရေရှည်တိုက်ပွဲအတွက် စနစ်တကျပြင်ဆင်ရပါမယ်။ အဲဒီလို ပြင်ဆင်ရာမှာ အချို့သော တက်ကြွသူတွေက မြေအောက်လုပ်ငန်းအတွက် သီးသန့်ပြင်ဆင်တာကိုလည်း အာရုံထားလုပ်ရပါမယ်။

အပျော်တမ်းဆံမှု၊ တပွဲတိုးဆံမှုတွေကို ဆန့်ကျင်ပြီး ရေရှည်အတွက် အမြင့်ဆုံးစွန့်လွှတ်မှုကိုပါ ပိုင်းဖြတ်ပြီး စနစ်တကျ လုပ်ရပါမယ်။ ယူဂျီလုပ်တယ်ဆိုတာ အချိန်အားရှိလို့ အပျော်ကစားတာ မဟုတ်ပါဘူး။ သဘောတရား တခုကို လက်တည့်စမ်းတာမဟုတ်ပါဘူး။ ဖြစ်ကတတ်ဆန်း၊ တော်ရိလျော်ရိလုပ်လို့ မဖြစ်ပါဘူး။ စစ်တိုက်သလိုပဲ အသက်ပေါင်း၊ ဘဝပေါင်းများစွာကို အရင်းအနှီးပြုပြီး လုပ်ကိုင်ရတာဖြစ်တယ်ဆိုတာ သဘောပေါက်ဖို့ဟာ အလွန်အရေးကြီးပါတယ်။

နေရာတကာ၊ အလွှာပေါင်းစုံ၊ လူတန်းစားပေါင်းစုံ၊ လုပ်ငန်းပေါင်းစုံထဲမှာ မြေအောက်ကွန်ရက်တွေဖြန့်ကြက် တည်ဆောက်ရပါမယ်။ ဒီလိုနဲ့ နအဖစစ်အာဏာရှင်တွေကို ဆန့်ကျင်တဲ့ ဘယ်လိုလှုပ်ရှားမှုမျိုးကိုမဆို နည်းမျိုးပေါင်းစုံနဲ့ တွဲဖက်ပေါင်းစပ်ကာ အောင်ပွဲဆီ အတူတက်လှမ်းနိုင်ပါမယ်။


ရဲဘော်ဖိုးသံချောင်း


မှတ်ချက် ။ ။ http://www.khitpyaing.org မှ ကူးယူ မျှဝေပါသည်။


အပြည့်အစုံ ဖတ်ရန် ...

အော်ရီဂွန်ရောက် မြန်မာ့ဒီမိုကရေစီအင်အားစုများ



အော်ရီဂွန်ရောက် မြန်မာ့ဒီမိုကရေစီအင်အားစုများရဲ့ လှုပ်ရှားမှုပုံရိပ်များ။

အပြည့်အစုံ ဖတ်ရန် ...

မေ ၃၀ .. ဒီပဲယင်းအကြမ်းဖက်မှု ၆-နှစ်မြောက် ဆန္ဒပြပွဲ (အော်ရီဂွန်)

မေ ၃၀ .. ဒီပဲယင်းအကြမ်းဖက်မှု ၆-နှစ်မြောက် ဆန္ဒပြပွဲ (အော်ရီဂွန်)


အပြည့်အစုံ ဖတ်ရန် ...