Saturday, April 23, 2011

ပ်ံက်ေစ်းသည္မ်ား NLD အတုိးမဲ့ ေငြေခ်း

အရင်းအနှီးမတတ်နိုင်တဲ့ ပျံကျ အသေးစား ဈေးသည်တွေကို အထောက်အပံ့ဖြစ်စေမယ့် အတိုးမဲ့ ငွေချေးစနစ်ကို NLD က စမ်းသပ် အကောင်အထည် ဖော်နေပါတယ်။ ဒီစနစ်သာ အောင်မြင်မှုရရှိခဲ့ရင် တခြား မြို့နယ်တွေကိုပါ တိုးချဲ့ လုပ်ဆောင်သွားမယ့်အကြောင်း လုပ်ငန်းတွေကို ကြီးကြပ် ဆောင်ရွက်ပေးနေတဲ့ NLD ဗဟိုအမျိုးသမီးအဖွဲ့ တာဝန်ခံ ဒေါက်တာ မေ၀င်းမြင့်က ပြောပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။

ဒီငွေချေးတဲ့စနစ်ကို ရန်ကုန်မြို့၊ ဗဟန်းမြို့နဲ့ တာမွေမြို့ကြားမှာရှိတဲ့ ရာပြည့်ဈေးမှာ စတင် အကောင်အထည် ဖော်နေတာပါ။ အခုလို ဈေးသည်တွေကို ငွေချေးနိုင်ဖို့အတွက် NLD ဗဟိုအမျိုးသမီးအဖွဲ့က သူတို့ကိုယ်ပိုင် ရန်ပုံငွေ ၁၀ သိန်းနဲ့ စတင်မတည်ပြီး လုပ်ဆောင်နေတာဖြစ်ပါတယ်။

NLD က လက်ရှိအကောင်အထည်ဖော်နေတဲ့ အတိုးမဲ့ငွေချေးစနစ်အကြောင်း ဗဟိုအမျိုးသမီးအဖွဲ့တာဝန်ခံ ဒေါက်တာ မေ၀င်းမြင့်က ပြောပြပါတယ်။

“ဖေဖော်ဝါရီလ ၁ ရက်နေ့ကစပြီးတော့ တယောက် ၂ သောင်းနှုန်းနဲ့ စလုပ်ပေးတာပေါ့။ လူ ၅၀ ကို။ အခုဆိုရင် ဒါ ၃ လမြောက် ဖြစ်လာပြီပေါ့နော်။ ဒါကို သူတို့က စမ်းသပ်ကာလ ၆ လအထိကို လုံးဝ အတိုးမယူဘဲနဲ့ ပေးပါတယ်။ ၆ လပြည့်သွားရင်တော့ စာရွက်စာတမ်းဖိုး ဆိုပြီးတော့ သူတို့ စေတနာရှိသလောက် နည်းနည်း အလှူငွေ ထည့်ခိုင်းမှာပေါ့။ အတိုးမဟုတ်ပါဘူး။ အသုံးပြုတဲ့ စာရွက်စာတမ်းဖိုးပဲ ယူပါမယ်။ တကယ်လို့ ဒီ ရာပြည့်ဈေးမှာ စမ်းသပ်လို့ အောင်မြင်ရင် တခြား မြို့နယ်တွေမှာရှိတဲ့ ဈေးတွေမှာလည်း ဆက်ပြီးတော့လုပ်သွားဖို့ ရှိပါတယ်။”

ဗဟန်းမြို့နယ်အတွင်းမှာရှိတဲ့ အမျိုးသမီးအဖွဲ့ဝင်တွေနဲ့ တွေ့ဆုံတဲ့အချိန် NLD အတွင်းရေးမှူးချုပ် ဒေါ်အောင်ဆန်းစုကြည်ကို သူတို့အခက်အခဲတွေ တင်ပြရာက အခုလို အတိုးမဲ့ ငွေချေးဖို့ စတင် အကောင်အထည် ပေါ်လာတာဖြစ်ပါတယ်။

“ဇန်န၀ါရီလက ခရမ်းကိုယ်စားလှယ် ထောင်ထဲမှာဆုံးသွားတဲ့ ဦးတင်မောင်ဝင်းရဲ့ နှစ်ပတ်လည်မှာ ဒေါ်စုကနေ သူတို့အိမ်သွားရင်းနဲ့မှ အဲဒီမှာရှိတဲ့ ဗဟန်းမြို့နယ် အမျိုးသမီးတွေကို တွေ့တော့ စီးပွားရေး အခက်အခဲတွေကို မေးတော့ ဈေးရောင်းတဲ့အခါမှာ အခက်အခဲတွေ့တယ်ဆိုလို့ ဒေါ်စုကနေပြီးတော့ အတိုးမဲ့ ငွေချေးစနစ်နဲ့ အသေးစား ငွေချေးတာကို ရာပြည့်ဈေးမှာရှိတဲ့ ဈေးသည်တွေကို စပြီးတော့ ပေးတာဖြစ်ပါတယ်။ ဒါကို သူက အမျိုးသမီးအဖွဲ့ကို ဦးဆောင်ခိုင်းတာ ဖြစ်တဲ့အတွက် သူတို့အဖွဲ့က ဦးဆောင်တာပေါ့နော်။ ပထမဆုံးကတော့ လူ ၁၀၀ လို့ မှန်းထားပေမဲ့ တကယ်ဖိတ်တဲ့အခါကျတော့ လူ ၅၀ ပဲလာပါတယ်။ တချို့ကလည်း မလာရဲတာပေါ့နော်။”

ဒေါ်အောင်ဆန်းစုကြည်နဲ့ တခြား NLD ခေါင်းဆောင်တချို့ရဲ့ ဓါတ်ပုံတွေပါတဲ့ လက်ဆောင်ပစ္စည်းတွေ ရောင်းချလို့ရတဲ့ ရန်ပုံငွေထဲက ၁၀ သိန်းကို အမျိုးသမီးအဖွဲ့က မတည်ငွေအဖြစ်နဲ့ စတင် အကောင်အထည် ဖော်ခဲ့တာလို့ ဆိုပါတယ်။

တကယ်တော့ အရင်းအနှီး မတည်ငွေ မတတ်နိုင်ကြတဲ့ အသေးစား အမျိုးသမီး လုပ်ငန်းရှင်တွေကို ငွေချေးပေးတာ အခုမှ စတင်တာတော့ မဟုတ်ပါဘူး။ ဘင်္ဂလားဒေ့ရ်ှနိုင်ငံက စီးပွားရေးပညာရှင် မိုဟာမတ်ယူးနက်စ် (Mohammad Yunus) ရဲ့ ဂရာမင်းန် (Grameen) ဘဏ်ဟာ အဲဒီလို အသေးစား ငွေချေးတဲ့နေရာမှာ အောင်မြင်မှုတွေ ရရှိနေတဲ့ စီမံကိန်းဖြစ်ပါတယ်။ Grameen ဘဏ်ဟာ သမာရိုးကျ အတိုးနှုန်းများများယူပြီး ငွေချေးငှားတဲ့ စီးပွားရေးဘဏ်တွေနဲ့ မတူဘဲ အသေးစား စီးပွားရေး လုပ်ငန်းရှင်တွေကို အတိုးနှုန်းသက်သက်သာသာနဲ့ ငွေချေးပေးခဲ့ရာက ဘင်္ဂလားဒေ့ရ်ှနိုင်ငံ တင်သာမက ကမ္ဘာအနှံ့ လူသိများလာပြီး ၂၀၀၆ ခုနှစ်မှာ နိုဘဲလ်ငြိမ်းချမ်းရေးဆုပါ ချီးမြင့်ခံခဲ့ရတာဖြစ်ပါတယ်။ Grameen ဘဏ်က ငွေချေးကြသူ ၉၇ ရာခိုင်နှုန်းဟာ အမျိုးသမီးလုပ်ငန်းရှင်တွေ ဖြစ်တယ်လို့ ဆိုပါတယ်။

NLD က အခု စတင်အကောင်အထည်ဖော်နေတဲ့ အတိုးမဲ့ ငွေချေးစနစ်ဟာလည်း Grameen ဘဏ်ရဲ့ စနစ်နဲ့ အရင် ရှိခဲ့ဖူးတဲ့ မြန်မာနိုင်ငံအတွင်းက အတွေ့အကြုံတွေ ပေါင်းစပ် လုပ်ဆောင်နေတာဖြစ်တယ်လို့ ဒေါက်တာ မေ၀င်းမြင့်က ဆက်ပြောပါတယ်။

“အဲဒါ (ဂရာမင်းန် ဘဏ်စနစ်) ကိုလည်း ယူပါတယ်။ အန်ကယ် ဦးဝင်းတင် ပြောပြတာကတော့ ဟိုးကတည်းကိုက စာရေးဆရာ ဆရာဦးသော်တာဆွေ ကနေပြီးတော့ အဲဒီလိုပဲပေါ့နော်၊ ခေါင်းရွက်ဗျက်ထိုး ဈေးသည်လေးတွေကို မနက်ငွေပေး၊ ညနေငွေပြန်ယူတဲ့ဟာမျိုး ငွေချေးပေးတာ အောင်မြင်တယ် ဆိုတဲ့အကြောင်း သူက ဒေါ်စုကို ပြောပြတာရှိပါတယ်။ အဲဒီတုန်းက အတွေ့အကြုံကလည်း အောင်မြင်တယ် ဆိုတာကို ဦးဝင်းတင်က ပြောပြတဲ့အတွက် ဒေါ်စုကနေပဲ အဲဒီမှာ ဆုံးဖြတ်ပြီးတော့ ကျမတို့ စခဲ့တာဖြစ်ပါတယ်။”

NLD က လက်ရှိ အတိုးမဲ့ငွေချေးငှားနေတဲ့ လုပ်ငန်းတွေကို ဦးစီးလုပ်ဆောင်ပေးနေတဲ့ ဗဟိုအမျိုးသမီးအဖွဲ့ တာဝန်ခံ ဒေါက်တာမေ၀င်းမြင့် ပြောပြခဲ့တာပါ။

အခု ရာပြည့်ဈေးမှာချေးပေးနေတဲ့ အတိုးမဲ့ ငွေကြေးစနစ် အောင်မြင်မှုရှိခဲ့ရင်တော့ ဒီအစီအစဉ်တွေကို တခြားမြို့နယ်တွေကိုပါ ဆက်ပြီး တိုးချဲ့လုပ်ဆောင်သွားဖို့ စီစဉ်ထားတယ်လို့ ဆိုပါတယ်။

ငွေချေးဖို့အတွက် ဈေးသည်တွေအနေနဲ့ သူတို့အမှန်တကယ် ဈေးရောင်းနေတဲ့အကြောင်း သန်းခေါင်စာရင်းနဲ့ မှတ်ပုံတင် မိတ္တူတွေနဲ့ ရုံးချုပ်မှာ လာလျှောက်ကြရတာပါ။ ဒါပေမဲ့ တချို့ဈေးသည်တွေက တခြား မြို့နယ်တွေကနေ ရာပြည့်ဈေးထဲမှာ လာရောင်းချကြတာဖြစ်တဲ့အတွက် လစဉ်ကြေး ၇ ရာ ပြန်ကောက်တဲ့နေရာမှာ အခက်အခဲတချို့ ကြုံတွေ့ရတာတွေ ရှိတယ်လို့ ဒေါက်တာ မေ၀င်းမြင့်က ပြောပါတယ်။

လောလောဆယ် ဈေးသည်တွေကို အခုလို ငွေချေးပေးနေတဲ့အပြင် ဈေးသည်တွေအနေနဲ့ ၂ လုံးထီ၊ ၃ လုံးထီ၊ ချဲ စတာတွေ ထိုးပြီး ပင်ပင်ပမ်းပမ်း ရှာထားတဲ့ငွေတွေ လွယ်လွယ်ကူကူနဲ့ မဖြုန်းကြဖို့၊ ရိုးရိုးသားသား ကြိုးစားလုပ်ကိုင်ကြဖို့ရည်ရွယ်ပြီး ၃ ပတ်ကြာ စိတ်ဖွံ့ဖြိုးရေးသင်တန်း ပို့ချပေးခဲ့တယ်လို့ ဆိုပါတယ်။ ဒီလိုမျိုးသင်တန်းတွေ နှောင်မှာလည်း အလျဉ်းသင့်သလို ဆက်လက် ပို့ချသွားမယ်လို့ သိရပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

Thursday, April 21, 2011

မျိုးဆက်သစ် လူငယ်များရဲ့ မြန်မာ့ရိုးရာ အတာသင်္ကြန်ပွဲတော် (အော်ရီဂွန်ပြည်နယ်)

အရှေ့ဘက် မျက်နှာ
Photobucket

အနောက်ဘက် မျက်နှာ
Photobucket

အပြည့်အစုံ ဖတ်ရန် ...

Tuesday, April 19, 2011

အစိုးရသစ် ဦးတည်ချက်တချို့ ပြောင်း

အစိုးရသတင်းစာ မျက်နှာဖုံးတွေမှာ ရေးသားဖော်ပြနေတဲ့ နိုင်ငံရေး၊ စီးပွားရေး၊ လူမှုရေးစတဲ့ ဦးတည်ချက်တွေထဲက တချို့ကို ပြီးခဲ့တဲ့ ဧပြီလ ၁၁ ရက်နေ့ကစပြီး ပြောင်းလဲဖော်ပြလာခဲ့ပါတယ်။ ဒီ ဦးတည်ချက်တွေဟာ နဂိုကတည်းက ၀ါဒဖြန့်ချိရေးအတွက် အသုံးပြုခဲ့တာဖြစ်တဲ့အတွက် စာသား ပြောင်းပေမဲ့လည်း လက်တွေ့မှာ ထူးခြားမှုမရှိဘူးလို့ ဖေ၀န် ပြောဆိုမှုတွေရှိသလို အစိုးရသစ်လက်ထက်မှာ ပြောင်းလဲမှု တစုံတရာ ရှိလာတယ်လို့ မြင်တဲ့သူတွေလည်း ရှိနေပါတယ်။ အကြောင်းစုံကို ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။

အစိုးရအာဘော် နေ့စဉ်သတင်းစာတွေထဲမှာပါတဲ့ ဦးတည်ချက် ၁၂ ရပ်ထဲကနေ နိုင်ငံရေးဦးတည်ချက် ၃ ခု၊ စီးပွားရေးဦးတည်ချက် ၁ ခုနဲ့ လူမှုရေးဦးတည်ချက် ၁ ခု စုစုပေါင်း ဦးတည်ချက် ၅ ခုကို ရုတ်တရက် ပြင်ဆင် ဖော်ပြလိုက်တာပါ။ ဒီဦးတည်ချက် ၁၂ ခုဟာ အစိုးရရဲ့ လုပ်ငန်းစဉ် ဦးတည်ချက်တွေကို အတိုင်းတာတခုအထိ ထင်ဟပ်စေတယ်လို့ သူ့အနေနဲ့ ယူဆတဲ့အကြောင်း ဗဟု ဖွံ့ဖြိုးမှုအဖွဲ့က ဦးအောင်သူငြိမ်းက သုံးသပ်ပါတယ်။

“ကျနော် မြင်တာကတော့ - ဒီသမ္မတရဲ့ မိန့်ခွန်း စထွက်လာတာကို ကျနော် ဖတ်ကြည့်တော့ သူ့ရဲ့ vision သဘောဆန်တာပေါ့ဗျာ။ ဆိုတော့ အခု ဦးတည်ချက် ၁၂ ရပ်မှာကျတော့ ကျနော်ထင်တာက mission သဘောမျိုး ပိုဆန်တယ်လို့ ထင်တယ်။ ယေဘုယျပြောရင်တော့ အစိုးရရဲ့ vision၊ mission လိုသဘောမျိုး ထုတ်လာတာလို့ ထင်တယ်။ ကျနော် ထင်တာကတော့ အများကြီးတော့ မပြောင်းဘူးခင်ဗျ။ ဘာဖြစ်လို့လဲ ဆိုတော့ ရွေးကောက်ပွဲမှာကိုယ်က အရင်ရရှိပြီးသား အောင်မြင်မှုတွေကနေ တိုင်းပြည်ကို နောက်တဆင့် ဆက်သွားမယ် ဆိုတာမျိုးပေါ့။ အဲဒီလိုအပေါ်မှာ တကယ် ယုံကြည်နေလို့လဲ အခုလိုမျိုး အရင်က အခြေခံကောင်းတွေအပေါ် အခြေခံပြီးတော့ အခုဆက်သွားမယ် ဆိုတာမျိုး သုံးသပ်ချက်လဲ ဖြစ်နိုင်တယ်။ ဒါပေမဲ့ အရင် အခုလက်ရှိ mission မှာ ပြန်ကြည့်ဖို့လည်း လိုတာပေါ့နော်။ ခုနက သမ္မတ မိန့်ခွန်း ပြောသွားတဲ့ အနေအထားမှာဆိုရင် ကောင်းမွန်တဲ့ အစိုးရ ဖြစ်ရေးတို့၊ သန့်ရှင်းတဲ့ လာဘ်စားမှုကင်းတဲ့ အစိုးရဖြစ်ရေးဆိုတဲ့ ကိစ္စတွေ၊ နောက်တခါ စီးပွားရေး ပွင့်လင်းစေရေး ဆိုတဲ့ကိစ္စတွေပေါ့။ ဒါတွေနဲ့ ပတ်သက်လို့က လက်ရှိ mission တွေထဲမှာ ဘယ်လောက်အထိ ထင်ဟပ်သလဲပေါ့။ ဒါကိုလဲ ကျနော်တို့ ကြည့်ဖို့လိုပါတယ်။ နောက်တခုကကျတော့ အစိုးရကနေပြီးတော့ သမ္မတရဲ့ မိန့်ခွန်းထဲမှာလဲ ပါတာပေါ့ဗျာ။ လူ့အခွင့်အရေး ကိစ္စတွေ၊ သဘာဝပတ်ဝန်းကျင် ကိစ္စတွေလည်း ပါတော့ ဒီကိစ္စတွေ အခုလက်ရှိ mission ထဲမှာ ဘယ်လောက်အထိ ပြန်ပြီးတော့ ထင်ဟပ်သလဲပေါ့။ ဒါကလဲ ကျနော်တို့ ပြန်ကြည့်ဖို့လိုတယ် ထင်တယ်။”

လက်တွေ့နဲ့ အပြော ကွားခြားမှုတွေကတော့ ရှိနေတာပါ။ ဦးတည်ချက်၊ ရည်မှန်းချက်တွေ ဘယ်လောက်ပဲ ကြည့်ကောင်းအောင် ဝေေ၀ဆာဆာ ဖော်ပြနေပေမဲ့ အားလုံးကို လက်ခံယုံကြည်လို့ မရနိုင်ဘူးလို့ ဦးအောင်သူငြိမ်းက ပြောပါတယ်။ အရင်စစ်အစိုးရလက်ထက်နဲ့ အခု အသစ်တက်လာတဲ့ အစိုးရကြား ကွားခြားချက်တွေကို တိုင်းလို့ရတဲ့ ပေတံနဲ့ တိုင်းပြီး လက်ရှိအစိုးရအနေနဲ့ ဘယ်လောက်အထိ ပြောင်းလဲမှုတွေကို လုပ်ဆောင်ပေးမလဲ ဆိုတာကို စောင့်ကြည့်ရမယ်လို့ ဆိုပါတယ်။

ဒါပေမဲ့ လောလောဆယ် အစိုးရသစ် တက်လာပြီးနောက်ပိုင်း ပြောင်းလဲမှု တစုံတရာ ဖြစ်ပေါ်တာကို တွေ့နေရတယ်လို့ ဦးအောင်သူငြိမ်းက ဆက်ပြောပါတယ်။

“ကျနော် မြင်တာကတော့ အခုအနေအထားမှာ အပြောင်းအလဲတွေကတော့ တစုံတရာတော့သွားတယ်လို့ ကျနော် မြင်တယ်။ ဥပမာအားဖြင့် ဗိုလ်ချုပ်မှူးကြီး သန်းရွှေက နောက်ကမျိုးဆက်တွေကို တချို့ အာဏာလွှဲသွားပြီးတော့ ဆင်းသွားတဲ့ နားသွားတဲ့သဘောမျိုး ကျနော် ပိုပြီးတော့မြင်ပါတယ်။ ဒါပေမဲ့ ဘာဖြစ်နေသေးသလဲ ဆိုတော့ အရင် အတိတ်ကာလာကဖြစ်ခဲ့တဲ့ အရိပ်မဲက ဆက်ရှိနေသေးတယ်။ နောက်တခါကျတော့ ဗျူရိုကရေစီ ယန္တရားတစုံလုံးမှာလည်း ချစားတာတွေ၊ အရည်အချင်း မထက်မြတ်တာတွေကလဲ ရှိနေတဲ့အခါကျတော့ ကိုယ်ရှေ့ကို တကယ်သွားချင်ရင်တောင်မှ ဒီယန္တရားတွေက ဘယ်လောက်အထိ အလုပ်လုပ်နိုင်ပါ့မလဲ၊ ဘယ်လောက်အထိ ဖြစ်ပါ့မလား ပေါ့။ ဒီလိုမေးခွန်းတွေလည်း အများကြီးရှိတယ်။”

အစိုးရက ဘယ်လောက်ပဲ ပြောင်းလဲမှုတွေ ဖြစ်ပေါ်နေတယ် ဆိုတာကို ပြသနေပေမဲ့ ဒါတွေအားလုံးဟာ ၀ါဒဖြန့်ချိရေးအတွက်သက်သက်သာ ဖြစ်ပြီး အနှစ်သာပါတဲ့ ပြောင်းလဲမှုတွေ မဟုတ်တဲ့အကြောင်း ၀ါရင့် သတင်းစာဆရာကြီးတဦးဖြစ်တဲ့ ကြေးမုံ ဦးသာဘန်းက ပြောပါတယ်။

“ကျနော်တို့မြင်တာကတော့ သူတို့ လူသစ်၊ အစိုးရသစ်ဆိုတော့ အဟောင်းတွေ အောင်မြင်ခဲ့လို့ အသစ်ကို ဦးဆောင်တယ်ဆိုတာက sham (အတုအယောင်) ပဲဗျ။ သူတို့က လိမ်လည်နေတာပဲ။ လိမ်နည်းအသစ်ပေါ့ဗျာ။”

တကယ်တော့ ၀ါဒဖြန့်ချိရေးလုပ်ငန်းတွေကို အရင် မြန်မာ့ဆိုရှယ်လစ် လမ်းစဉ်ပါတီ လက်ထက်ကတည်းက သတင်းစာတွေထဲမှာ စနစ်တကျ တာဝန်ပေး လုပ်ဆောင်နေခဲ့တာဖြစ်တယ်လို့ ဦးသာဘန်းကသုံးသပ်ပါတယ်။

“ဒါတွေအားလုံးဟာ ကျနော်တို့ မဆလခေတ်ကတည်းကပေါ့ဗျာ။ ပြည်သူပိုင်အသိမ်းခံရပြီးတဲ့ နောက်ပိုင်းမှာ ဒီပေါ်လစီသတင်းတွေက အပေါ်ကနေ သူတို့ ဘုတ်အဖွဲ့ရှိတယ်ဗျ။ သူတို့ဘုတ်မှာ ပါတီ ဗဟိုကော်မတီတို့ဘာတို့၊ ကောင်စီတောင် မပါဘူးဗျ။ အဲဒီလူတွေက လုပ်တာပဲ။ လူထုကိုလိမ်ဖို့အတွက် လုပ်တဲ့ကိစ္စပဲဗျ။ စစ်အာဏာရှင်ဟာ ဦးနေ၀င်း ၁၉၆၂ ခုနှစ်က စစ်အာဏာသိမ်းတဲ့အချိန်ကစပြီး စစ်အာဏာကို အလျော့မှမပေးခဲ့ဘဲ။ အခုဆက်လက်ပြီးတော့ စစ်အာဏာရှင်စနစ်ကို လိမ်လည်ပြီးတော့ စည်းကမ်းရှိသော ဒီမိုကရေစီ ဆိုတာပြောတာပဲလေ။ အဲဒီဟာနဲ့ လိုက်လျောညီထွေတဲ့ Slogan တွေချတာပဲ။”

နေ့စဉ် သတင်းစာထဲမှာ ထည့်သွင်း ဖော်ပြနေတဲ့ ဦးတည်ချက် ၁၂ ခုထဲက တချို့ကို ဧပြီလ ၁၁ ရက်နေ့မှာ အခုလို ပြောင်းလဲဖော်ပြခြင်း မလုပ်ခင် ပြီးခဲတဲ့ ဧပြီလ ၈ ရက်နေ့က ဦးတည်ချက် အဟောင်းတွေကို နောက်ဆုံး ဖော်ပြခဲ့တာပါ။ ကြားထဲမှာ ဧပြီလ ၉ ရက်နဲ့ ၁၀ ရက် ၂ ရက် နားပြီး ဦးတည်ချက်သစ်တချို့နဲ့ ပြောင်းလဲ ဖော်ပြလာတာ ဖြစ်ပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ဗမာအစိုးရရဲ့  ဒုံးလက်နက်စက်ရုံ

မြောက်ကိုရီးယား အင်ဂျင်နီယာနဲ့ ဗမာစစ်မှုထမ်းတွေ ပူးပေါင်းပြီး မြေအောက်လက်နက်စက်ရုံ တည်ဆောက်နေကြောင်း ရန်ကုန် အမေရိကန်သံရုံးရဲ့ ၂၀၀၄ သြဂုတ်လ (၂၇) ရက်နေ့ လျှို့ဝှက် ပေးစာကို လွန်ခဲ့တဲ့နှစ်က WikiLeaks မှာ ဖော်ပြခဲ့ပါတယ်။ ဒီကိစ္စကို မြန်မာ့ရေးရာသုတေသီ Bertil Lintner က ဆက်လက်စုံစမ်းတဲ့အခါမှာ မကွေးတိုင်း၊ မင်းလှမြို့နယ်က ကာကွယ်ရေးပစ္စည်းစက်ရုံ - ကပစ (၂) နဲ့ ကပစ (၁၀) ဖြစ်နေတာ တွေ့ရကြောင်း မတ်လ (၂) ရက်နေ့ထုတ် Asia Times မှာ ရေးထားပါတယ်။ အမေရိကန် ကွန်ဂရက်လွှတ်တော်မှာလည်း ဒီကိစ္စကို စိုးရိမ်စရာအဖြစ် တင်ပြကြပါတယ်။

မင်းလှမြို့နယ်၊ ကုန်းကြီးရွာအနီးက မြေဧက (၆၀၀) မှာ ကပစ (၁၀) ကို ၁၉၉၃ ခုနှစ်မှာ စတင်တည်ဆောက်ခဲ့တာ မကြာခင်ကမှ ပြီးစီးသွားတဲ့အတွက် ဒုံးလက်နက်မျိုးစုံ ထုတ်လုပ်နေတယ်လို့ ဆိုကြပါတယ်။ ပထမပိုင်းမှာ တရုတ် နဲ့ ရုရှားတွေကို ကပစ (၁၀) မှာ တွေ့နိုင်ပေမယ့် အခုတော့ မြောက်ကိုရီးယားတွေပဲ ကျန်တော့တယ်လို့ ဆိုပါတယ်။ မင်းလှမြို့နယ် မလွန်ကျေးရွာအနီးက မြေဧက တသိန်းမှာတော့ ကပစ (၂) ကို တည်ဆောက်ထားပြီး မော်တာကျည်ဆံနဲ့ အမြောက်ကျည်ဆံ ထုတ်လုပ်နေတယ်လို့ ဖော်ပြပါတယ်။ စင်္ကာပူကလည်း သူ့လက်နက်ပစ္စည်းတွေကို ကပစ (၂) မှာ စမ်းသပ်ကြောင်း သိရပါတယ်။

ခေတ်မီလက်နက်ကိုင်တပ်မတော် တည်ဆောက်ရေးဟာ အစိုးရရဲ့ ကြွေးကြော်သံတခု ဖြစ်ပါတယ်။ သမ္မတသစ် ဦးသိန်းစိန်ကလည်း ကမ္ဘာ့အဆင်မီ တပ်မတော်ရှိဖို့ လိုအပ်ကြောင်း ပထမဦးဆုံး မိန့်ခွန်းမှာ ပြောသွားခဲ့ပါတယ်။ ခေတ်မီလက်နက်ဆိုတာ နောက်ဆုံးပေါ် လက်နက်ကြီးတွေကို ဆိုလိုတာဖြစ်ပါတယ်။ လိုချင်သလို ပစ်ခတ်လို့ရတဲ့ ဒုံးလက်နက်စနစ် မြန်မာပြည်မှာ ထုတ်လုပ်နိုင်ဖို့အတွက် အကူအညီပေးဖို့ ဒု-ဗိုလ်ချုပ်မှူးကြီးမောင်အေး တို့အဖွဲ့က၂၀၀၆ ဧပြီလ ရုရှားခရီးစဉ်မှာ တင်ပြခဲ့ပါတယ်။ ဒုံးလက်နက် ထုတ်လုပ် သုံးစွဲနိုင်တဲ့ အစိုးရတပ်ဟာ အမြဲတမ်းအပေါ်စီးရနေမယ်လို့ ယူဆထားပုံ ရပါတယ်။ ၂၀၀၇ ခုနှစ်ကစပြီး သင်တန်းသား တထောင်ကျော် နှစ်စဉ် ရုရှားကို စေလွှတ်နေကြောင်း သိရပါတယ်။

တပ်မတော်ဟာ နည်းပညာပိုင်ဆိုင်ရာမှာ ခေတ်နောက်ကျနေတာမို့ ရုရှားစစ်လက်နက် အတတ်ပညာကို ရယူနေကြောင်း ၂၀၀၈ ခုနှစ် ဖေဖေါ်ဝါရီလ (၁၉) ရက်နေ့ ဘုရင့်နောင်ရိပ်သာမှာ ကျင်းပပြီး ပေါက်ကြားသွားခဲ့တဲ့ လျှို့ဝှက်အစည်းအဝေး မှတ်တမ်းအရ သိရှိရပါတယ်။ အဲဒီ ရုရှား-မြန်မာ လျှို့ဝှက် အစည်းအဝေးကို ဗိုလ်ချုပ်ကြီးသူရရွှေမန်း နဲ့ ရုရှားဗိုလ်ချုပ်ကြီး စီမီနီခင် တို့က ဦးဆောင်ကြပါတယ်။ ဗမာစစ်တပ်ဟာ ရုရှား နဲ့ တရုတ် တို့ကို အဓိကအားကိုးနေတဲ့အတွက် ရုရှားနဲ့ တရုတ်မှာ သင်တန်းတက်နေတဲ့ စစ်မှုထမ်းဦးရေ များပြားလာပါတယ်။ ရုရှား၊ ယူကရိန်း၊ ဆာဘီးယား၊ အစ္စရေး နဲ့ အိန္ဒိယတို့ကလည်း ဗမာအစိုးရကို လက်နက်ပစ္စည်းရောင်းပေမယ့် တရုတ်က အများဆုံးဖြစ်ပါတယ်။ ဗမာအစိုးဝယ်ထားတဲ့ တရုတ်စစ်ပစ္စည်း တန်းဖိုးတွေဟာ အနည်းဆုံး ဒေါ်လာသန်းလေးထောင်လောက် ရှိနေပြီလို့ သိရပါတယ်။ ရုရှား နဲ့ တရုတ် စစ်ပစ္စည်းများကို ကိုင်တွယ်ရာမှာ ကျွမ်းကျင်ပြီး ဒေါ်လာငွေအစား ကောက်ပဲသီးနှံနဲ့ ဆန်ကို လက်ခံတဲ့အတွက် မြောက်ကိုရီးယားနဲ့ ပူးပေါင်းဆောင်ရွက်နေတာလို့ ယူဆကြပါတယ်။

ဗိုလ်ချုပ်မှူးကြီးသန်းရွှေ စစ်ဦးစီးချုပ်ဖြစ်လာတဲ့ ၁၉၉၂ ခုနှစ်နောက်ပိုင်းကစပြီး ဒုံးလက်နက်အသုံးပြုရေး စီမံကိန်းကို စတင်အကောင်အထည် ဖော်ကြောင်းသိရပါတယ်။ ဒုံးလက်နက်မျိုးစုံ ထုတ်လုပ်ဖို့ ရည်ရွယ်ပါတယ်။ လိုအပ်တဲ့ပစ္စည်းနဲ့ အတတ်ပညာကို တရုတ်၊ ရုရှား နဲ့ ကိုရီးယား နှစ်နိုင်ငံက တင်သွင်းပါတယ်။ ဗိုလ်ချုပ်ကြီး သူရရွှေမန်းနဲ့ အရာရှိ (၁၆) ဦး ပါဝင်တဲ့ စစ်မစ်ရှင်း (military mission) အဖွဲ့ဟာ မြောက်ကိုရီးယားကို ၂၀၀၈ နိုဝင်ဘာလမှာ သွားရောက်လေ့လာခဲ့ပါတယ်။ ဥမင်လှိုဏ်ခေါင်းစနစ်နဲ့ igia ဒုံးကျည်၊ Scud ဒုံးကျည်တွေကို စိတ်ဝင်စားကြောင်း သိရပါတယ်။ ရန်သူကပစ်မှတ်အဖြစ် သတ်မှတ်နိုင်တဲ့ အရေးကြီးတဲ့ စစ်ဌာနအားလုံးကို ဥမင်လှိုဏ်ခေါင်းထဲထားနိုင်ဖို့အတွက် တဖြည်းဖြည်းတဆင့်ပြီးတဆင့် စီမံကိန်းချပြီး ဆောင်ရွက်ရမယ်လို့ ဗိုလ်ချုပ်ကြီးသူရရွှေမန်းတို့အဖွဲ့က တင်ပြထားကြောင်း သိရပါတယ်။

မြန်မာနိုင်ငံမှာ အမြဲတမ်း တိုးတက်ကြီးထွားနေတာ လက်နက်ခဲယမ်း ထုတ်လုပ်မှု ဖြစ်ပါတယ်။ လက်နက်ခဲယမ်းကို ကကထုတ် လို့ခေါ်တဲ့ ကာကွယ်ရေးပစ္စည်း ထုတ်လုပ်မှုညွှန်ကြားရေးမှူးရုံးက ချုပ်ကိုင် ထားပါတယ်။ ကကထုတ် လက်အောက်မှာ ကပစ ခေါ် ကာကွယ်ရေးပစ္စည်းစက်ရုံတွေရှိပြီး ပဲခူးတိုင်း၊ မကွေးတိုင်း နဲ့ ရန်ကုန်တိုင်းတို့မှာ တည်ဆောက်ထားပါတယ်။ အခုအချိန်အထိ ကပစ (၂၀) လောက် ရှိမယ်လို့ ခန့်မှန်းကြပါတယ်။

ဧရာဝတီမြစ်ရိုး အနောက်ဘက်က ပဲခူးတိုင်း၊ ပန်းတောင်မြို့နယ် ဆင်တဲ့၊ ထုံးဘို၊ ညောင်ခြေထောက်စတဲ့နေရာတွေမှာ ကပစ တွေ တည်ဆောက်ထားပါတယ်။ နောက်ပိုင်းမှာ မကွေးတိုင်း အထက် မင်းလှ၊ ဆင်ပေါင်ဝဲ၊ အောင်လံ၊ သရက်၊ စေတုတ္တရာ နဲ့ တောင်တွင်းကြီးအထိ ကပစ တွေ တိုးချဲ့ ထားပါတယ်။ မြောက်ကိုရီးယား နဲ့ ပူးပေါင်းပြီး လက်နက်ထုတ်လုပ်မှု၊ တိုင်းရင်းသားများကို တိုက်ခိုက်မှု၊ လူ့အခွင့်အရေး ချိုးဖောက်မှုနဲ့ မူယစ်ဆေးဝါးထုတ်လုပ်မှုများကြောင့် မြန်မာ့အခန်းကဏ္ဍဟာ စိုးရိမ်စရာ ဖြစ်လာတယ်လို့ အမေရိကန်ရေတပ်ဗိုလ်ချုပ်ကြီး Robert Willard က ကွန်ဂရက်လွှတ်တော် ကြားနာပွဲမှာ ဧပြီလ (၆) ရက်နေ့က ထွက်ဆိုပြီး ဒီကိစ္စကို အရေးယူဆောင်ရွက်ဖို့ ဆီနိတ်အမတ် Richard Lugar က ဧပြီလ (၈) ရက်နေ့က အမေရိကန်အစိုးရကို တိုက်တွန်းထားပါတယ်။


နားဆင်ရန်

source by : http://www.voanews.com

အပြည့်အစုံ ဖတ်ရန် ...

Sunday, April 17, 2011

မှော်ဘီ၊ တိုက်ကြီး အခြေစိုက် တပ်ရင်းများမှ တပ်မတော်သားများရဲ့ တောင်းဆိုတိုက်ပွဲဝင် လှုပ်ရှားမှုများအား ထောက်ခံခြင်း


  • BBC သတင်း ဧပြီ ၁၂ ရက်နေ့ အခြေအနေ
  • BBC သတင်း ဧပြီ ၁၃ ရက်နေ့ အခြေအနေ
  • BBC သတင်း မတ်လ ၃၁ ရက်နေ့ အခြေအနေ
  • ခလရ ၉၁ မှာ ပစ်ခတ်မှုဖြစ်
  • တပ်ပိုင်မြေ ရောင်းစားမှု ကန့်ကွက်
  • ဘဏ်စုငွေ ထပ်တောင်းဆို

  • မှော်ဘီ၊ တိုက်ကြီး အခြေစိုက် တပ်ရင်းများမှ တပ်မတော်သားများရဲ့ တောင်းဆိုတိုက်ပွဲဝင် လှုပ်ရှားမှုများအား ထောက်ခံကြောင်း ကြေညာချက်။


    အပြည့်အစုံ ဖတ်ရန် ...