Saturday, August 1, 2009

မြန်မာ့အရေး ဖိလစ်ပိုင်နဲ့ အမေရိကန် ရပ်တည်ချက် တူညီ

မြန်မာ့အရေး ဖိလစ်ပိုင်နဲ့ အမေရိကန် ရပ်တည်ချက် တူညီ

31 July 2009


ဒေါ်အောင်ဆန်းစုကြည်အပေါ် စီရင်ချက်ချမယ့် ဒီနေ့ တရားခွင် ရုံးချိန်းမတိုင်ခင် မနေ့ ကြာသပတေးနေ့က အမေရိကန် ပြည်ထောင်စု နိုင်ငံခြားရေး ၀န်ကြီးဌာနက - ဒီကနေ့ တရားခွင်ကို အထူး အာရုံစိုက် စောင့်ကြည့်နေတဲ့အကြောင်း သတင်းစာရှင်းလင်းပွဲ လုပ်ပြီး ပြောဆိုခဲ့သလို အမေရိကန်သမ္မတ ဘားရက် အိုဘားမား ကလည်း ဖိလစ်ပိုင် သမ္မတ ကို အိမ်ဖြူတော်မှာ လက်ခံတွေ့ဆုံတဲ့အချိန် မြန်မာ့အရေးနဲ့ပတ်သက်ပြီး ဖိလစ်ပိုင်နဲ့အတူ အမေရိကန်က တသဘောတည်း ရှိတဲ့အကြောင်းကို ပြောဆိုခဲ့ပါတယ်။ အမေရိကန် ပြည်ထောင်စုရဲ့ လက်ရှိ ရပ်တည်ချက် ဘယ်လိုရှိသလဲ ဆိုတာကို နော်ရှိုးက အပြည့်အစုံ တင်ပြထားပါတယ်။

မနေ့တုန်းက ၀ါရှင်တန်ဒီစီမြို့ တော်က အိမ်ဖြူတော်မှာ သမ္မတ အိုးဘားမားက ဖိလစ်ပိုင်သမ္မတ ဂလိုရီယာ မက်ကာပါဂယ်လ် အာရိုယို (Gloria Macapagal Arroyo) ကို လက်ခံတွေ့ဆုံခဲ့ရာမှာ နှစ်နိုင်ငံကြား အရေးကြီးတဲ့ကိစ္စတွေကို အဓိကထား ဆွေးနွေးခဲ့ကြတဲ့အပြင် မြန်မာနိုင်ငံတွင်း လူ့အခွင့်အရေး အခြေအနေတွေနဲ့ ပတ်သက်ပြီးတော့လည်း ဆွေးနွေးဖြစ်ခဲ့ပါတယ်။ ဖိလစ်ပိုင်သမ္မတ အာရိုယို က မြန်မာနဲ့ မြောက်ကိုးရီးယား နိုင်ငံတို့က လူ့အခွင့်အရေး အခြေအနေတွေနဲ့ ပတ်သက်ပြီး အမေရိကန်အစိုးရရဲ့ မားမားမတ်မတ် ရပ်တည်မှုနဲ့အတူ ဖိလစ်နိုင်ငံကလည်း ရှိနေပါတယ်လို့ ပြောခဲ့ပါတယ်။ မြန်မာနဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အရေးနဲ့ပတ်သက်ပြီး ဖိလစ်ပိုင်နဲ့ အမေရိကန် နှစ်နိုင်ငံသဘောထားတွေ တူညီနေတယ်လို့ ဖိလစ်ပိုင်သမ္မတ အာရိုယိုက ပြောကြားခဲ့တာနဲ့ပတ်သက်ပြီး သမ္မတ သမ္မအိုဘားမားက -

"သံတမန် လမ်းကြောင်းကနေတော့ ဒေါ်အောင်ဆန်းစုကြည် အပါအ၀င် ၂,၁၀၀ လောက်ရှိတဲ့ နိုင်ငံရေး အကျဉ်းသားတွေကို ချွင်းချက်မရှိ ပြန်လွှတ်ပေးရမယ် ဆိုတဲ့ ကျနော်တို့ရဲ့ သဘောထားကို လူသိရှင်ကြား တစိုက်မတ်မတ် ထုတ်ဖော်ပြောကြား လာနေခဲ့ပါတယ်။ မကြာခင်တုန်းက ကျင်းပခဲ့တဲ့ အာဆီယံ ထိပ်သီး အစည်းအဝေးတုန်းကလည်း နိုင်ငံခြားရေးဝန်ကြီး ဟီလာရီ ကလင်တန် ကိုယ်တိုင် အခွင့်အရေးရတိုင်း ဒေါ်အောင်ဆန်းစုကြည်ကို ချွင်းချက်မရှိ ပြန်လွတ်ပေးဖို့ သူ တိုက်တွန်းခဲ့ပါတယ်။"

မနေ့တုန်းကလည်း နိုင်ငံခြားရေး ၀န်ကြီးဌာနမှာ ပုံမှန် ကျင်းပမြဲဖြစ်တဲ့ သတင်းစာရှင်းလင်းပွဲမှာ နိုင်ငံခြားရေး ၀န်ကြီးဌာနရဲ့ ပြောခွင့်ရသူ အီရန် ကယ်လ်လီ (Ian Kelly) က အမေရိကန်နိုင်ငံရဲ့ သဘောထားကို အခုလို ထပ်ပြီး ပြောဆိုပါတယ်။

"မြန်မာနိုင်ငံမှာ နှစ်ရှည်လများ ရင်ဆိုင်နေရတဲ့ လူ့အခွင့်အရေး ချိုးဖောက်မှုတွေကအစ မြောက်ကိုးရီးယားရဲ့ နျူးကလီးယား လက်နက်ကိစ္စ အဆုံး အာရှဒေသတွင်း ဖြေရှင်းရမယ့် ကိစ္စတွေနဲ့ပတ်သက်ပြီး ဖိလစ်ပိုင်အစိုးရဘက်က သူတို့ရဲ့ ရပ်တည်ချက်ကို ခိုင်ခိုင်မာမာ ပြောဆိုလာခဲ့တဲ့ အပေါ် ကျနော်အနေနဲ့ အင်မတန် ဂုဏ်ယူကျေးဇူးတင်ပါတယ်။"

နိုင်ငံခြားရေး ၀န်ကြီးဌာန ပြောခွင့်ရသူ မစ္စတာ အီရန် ကယ်လ်လီ ပြောသွားတာပါ။

မကြာသေးခင်တုန်းကပဲ ထိုင်းနိုင်ငံ ဖူးကပ် ကမ်းခြေမြို့မှာ ကျင်းပပြီးစီးသွားတဲ့ ARF ခေါ် အာရှဒေသတွင်း လုံခြုံရေးစည်းဝေးပွဲမှာ တက်ရောက်ခဲ့တဲ့ နိုင်ငံခြားရေး ၀န်ကြီး ဟီလာရီ ကလင်တန် က တကယ်လို့ မြန်မာစစ်အစိုးရ အနေနဲ့ ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေကို ပြန်လွှတ်ပေးမယ် ဆိုရင် အမေရိကန် အစိုးရ အနေနဲ့ မြန်မာနိုင်ငံနဲ့ ရင်းနှီးမြှုပ်နှံမှုတွေကို လုပ်ဖို့အတွက် တံခါးဖွင့်ထားတယ်လို့ စကားကမ်းလှမ်းထားခဲ့ပါတယ်။ ဒီလို အမေရိကန် နိုင်ငံခြားရေး ၀န်ကြီးက မြန်မာအာဏာပိုင်တွေဘက်က ပြောင်းလဲမှုတွေ လုပ်လာအောင် ချော့မော့ ကြိုးစားနေသလို တဖက်မှာ အမေရိကန် သမ္မတ ဘားရက်အိုဘားမား ကလည်း မြန်မာစစ်အစိုးရကို ဖိအားပေးတဲ့အနေနဲ့ မြန်မာစစ်အစိုးရ အပေါ် စီးပွားရေးနဲ့ ကုန်သွယ်ရေးအရ ပိတ်ဆို့ဒဏ်ခတ်မှုတွေ လုပ်ထားတဲ့ အက်ဥပဒေကို သက်တမ်းတိုးပြီး မြန်မာနိုင်ငံက ကုန်ပစ္စည်းတွေကို အမေရိကန်နိုင်ငံထဲကို နောက်ထပ် သုံးနှစ်အတွင်း မတင်ပိ်ု့ရဘူးလို့ တားမြစ်ပိတ်ပင်ခဲ့ပါတယ်။


အသံဖိုင် နားဆင်ရန် >>> ဒီမှာ ကလစ်ပါ ခင်ဗျား ...


မှတ်ချက် ။ ။ http://www.voanews.com မှ ကူးယူ မျှဝေပါသည်။

အပြည့်အစုံ ဖတ်ရန် ...

Friday, July 31, 2009

ဒေါ်အောင်ဆန်းစုကြည်အား စီရင်ချက်ချမည့်ရက် ရွှေ့ဆိုင်း

ဒေါ်အောင်ဆန်းစုကြည်အား စီရင်ချက်ချမည့်ရက် ရွှေ့ဆိုင်း


မင်းနိုင်သူ / ၃၁ ဇူလိုင် ၂၀၀၉



ဒေါ်အောင်ဆန်းစုကြည်တို့အား စီရင်ချက်ချမည့်ရက်ကို သြဂုတ် (၁၁) ရက်သို့ ပြောင်းရွှေ့လိုက်ကြောင်း အန်အယ်လ်ဒီပါတီ ပြောခွင့်ရ ဦးအုံးကြိုင်က ပြောသည်။

အင်းစိန်အထူးတရားရုံးတွင် ယနေ့နံနက် (၁၀) နာရီတွင် ရုံးချိန်းစတင်ခဲ့ရာ ဒေါ်အောင်ဆန်းစုကြည်ကို ထောက်ခံရန် လာသူများ ယခင်ရက်များကထက် ပိုမိုများပြားခဲ့ကြောင်း အန်အယ်လ်ဒီအဖွဲ့ဝင်တဦးက ပြောသည်။

“ဒီနေ့ပိုများလာတယ်။ အင်းစိန်ခုံးတံတားကိုလည်း လုံးလုံးပိတ်ထားတာတွေ့ရတယ်။ လုံခြုံရေးတွေလည်း ပိုများလာတယ်။ အင်းစိန်မီးရထားဆေးရုံဝင်းမှာလည်း လူနာတွေကို နှင်ချပြီး လုံခြုံရေးကွပ်ကဲရေးရုံးဖွင့်ထားတယ်။ ဆရာဦးဝင်းတင်လည်း နေမကောင်းတဲ့ အကြားက ဆိုက္ကားစီးပြီး အရောက်လာပါတယ်” ဟု ၎င်းက ပြောသည်။

ဒေါ်အောင်ဆန်းစုကြည်အား လာရောက်ထောက်ခံသူများကို အမည်မသိလူတစုက ကုလသမဂ္ဂအလံတံဆိပ်ပါ ရင်ထိုးများ လိုက်လံဝေငှခဲ့ကြောင်း သိရသည်။

ရန်ကုန်မြို့ထဲတွင်မူ ယူနီဖောင်းဝတ် လုံခြုံရေးများကို များပြားစွာ မတွေ့ရှိရသော်လည်း သိမ်းငှက်ပုံရင်ထိုးတပ်ဆင်ထားသော စွမ်းအားရှင်များကို ကားမှတ်တိုင်များ၊ လမ်းဆုံလမ်းခွများတွင် တွေ့နေရသည်ဟု ပြည်တွင်းစာနယ်ဇင်းသမားတဦးက ပြောသည်။

“လူထုက ဒီနေ့သတင်းကို နားစွင့်နေကြတယ်။ ကွမ်းယာဆိုင်မှာလည်း ဒီအကြောင်း၊ လက်ဖက်ရည်ဆိုင်မှာလည်း ဒီအကြောင်း၊ ကိုယ့်အုပ်စုနဲ့ကိုယ် ကြိတ်ပြီး ပြောဆိုနေကြတာ။ သတင်းသမားတွေလည်း ဒီနေ့အင်းစိန်ဘက်ကို အများဆုံးသွားနေကြတယ်။ ဒေါ်အောင်ဆန်းစုကြည်ကိုသာ ထောင်ချလိုက်လို့ကတော့ ပေါက်ကွဲထွက်လာမယ့် အလားအလာရှိတယ်။ ဦးဆောင်သူဘယ်က ပေါ်လာမလဲဆိုတာဘဲ အဓိကကျနေတယ်” ဟု ၎င်းက ပြောသည်။

နေအိမ်အကျယ်ချုပ်ဖြင့် ထိန်းသိမ်းခံနေရသော ဒေါ်အောင်ဆန်းစုကြည်၏ နေအိမ်ခြံဝင်းအတွင်း အမေရိကန်နိုင်ငံသား မစ္စတာယက်တော ၀င်ရောက်ခဲ့မှုအတွက် နအဖစစ်အစိုးရက မေ (၁၈) ရက်တွင် နေအိမ်အကျယ်ချုပ်ဖောက်ဖျက်မှု ပုဒ်မ (၂၂) ဖြင့် အင်းစိန်အထူးတရားရုံး၌ ဒေါ်အောင်ဆန်းစုကြည်အား တရားစွဲဆိုထားသည်။

နအဖစစ်အစိုးရက ယခုအမှုဖြင့် ဒေါ်အောင်ဆန်းစုကြည်ကို ထောင်ဒဏ် (၅) နှစ်အထိ ပြစ်ဒဏ်ချမှတ်နိုင်သည်။

မြန်မာ့ဒီမိုကရေစီရေးလှုပ်ရှားသူများနှင့် နိုင်ငံတကာအသိုင်းအ၀ိုင်းကမူ ယခုအမှုသည် နအဖစစ်အစိုးရ၏ နိုင်ငံရေးလုပ်ကြံမှု တခုအဖြစ် ရှုမြင်ကြသည်။

ကုလသမဂ္ဂအတွင်းရေးမှူးချုပ် မစ္စတာဘန်ကီမွန်းကလည်း နအဖစစ်အစိုးရအနေဖြင့် ဒေါ်အောင်ဆန်းစုကြည်အပေါ် စွပ်စွဲထားမှုများကို ပြန်လည်ရုပ်သိမ်းကာ ခြွင်းချက်မရှိပြန်လွှတ်ပေးရန် ပြီးခဲ့သည့် ဇူလိုင် (၂၉) ရက်က ထပ်မံ တောင်းဆိုထားပြီး ယမန်နေ့ကလည်း မြန်မာနိုင်ငံဆိုင်ရာ ကုလသမဂ္ဂအမြဲတမ်းသံအမတ်ကြီး ဦးသန်းဆွေကို ခေါ်ယူတွေ့ဆုံခဲ့ကြောင်း သိရသည်။

၁၉၉၀ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်သည် နေအိမ်အကျယ်ချုပ်ဖြင့် (၁၃) နှစ်ကျော်ကြာ စစ်အစိုးရ၏ ဖမ်းဆီးထိန်းသိမ်းခြင်း ခံခဲ့ရပြီးဖြစ်သည်။


မှတ်ချက် ။ ။ http://www.khitpyaingnews.org မှ ကူးယူ မျှဝေပါသည်။

အပြည့်အစုံ ဖတ်ရန် ...

Tuesday, July 28, 2009

ဒေါ်အောင်ဆန်းစုကြည် တရားဆိုင်နေချိန်တွင် ထောက်ခံသူများက စုဝေးဆန္ဒပြ (ဗီဒီယို)

ဒေါ်အောင်ဆန်းစုကြည် တရားဆိုင်နေချိန်တွင် ထောက်ခံသူများက

စုဝေးဆန္ဒပြ (ဗီဒီယို)



မှတ်ချက် ။ ။ http://www.youtube.com/mizzimanewsTV မှ ကူးယူ မျှဝေပါသည်။

အပြည့်အစုံ ဖတ်ရန် ...

ဒေါ်အောင်ဆန်းစုကြည် ကို စီရင်ချက် ချတော့မည်

ဒေါ်အောင်ဆန်းစုကြည် ကို စီရင်ချက် ချတော့မည်


မင်းနိုင်သူ / ၂၈ ဇူလိုင် ၂၀၀၉


ဒေါ်အောင်ဆန်းစုကြည် အား နေအိမ်အကျယ်ချုပ် ဖောက်ဖျက်မှုဖြင့် တရားစွဲဆိုစစ်ဆေး နေသော အင်းစိန်အထူးတရားရုံး ယနေ့တရားခွင်၌ တရားသူကြီးများက လာမည့်သောကြာနေ့တွင် စီရင်ချက်ချမည်ဟု ရုံးချိန်းပေးလိုက်ပြီဖြစ်သည်။

“ဒီနေ့တရားခွင်မှာ ဒေါ်အောင်ဆန်းစုကြည်ပါတဲ့အမှုက နှစ်ဘက်ရှေ့နေတွေရဲ့ အပြီးသတ်လျှောက်လဲချက် (၁၂) နာရီလောက်မှာ ပြီးစီးသွားပါပြီ။ တရားရုံးက ဇူလိုင် (၃၁) ရက်နေ့မှာ စီရင်ချက်ချမယ်လို့ ရုံးချိန်းပေးလိုက်ပါပြီ” ဟု ဒေါ်အောင်ဆန်းစုကြည်၏ ရှေ့နေတဦးဖြစ်သူ ဦးဉာဏ်ဝင်းက ပြောသည်။

ယမန်နေ့က ဒေါ်အောင်ဆန်းစုကြည်၏ ရှေ့နေကြီး ဦးကြည်ဝင်းတင်ပြခဲ့သော ထပ်တိုးသက်သေအတွက် နှစ်ဘက်ရှေ့နေများက ယနေ့ထပ်မံ လျှောက်လဲချက် ပေးခဲ့ကြရာ တရားရုံးက ထပ်တိုးသက်သေမလိုအပ်ဟုဆိုကာ ပယ်ချလိုက်ကြောင်း သိရသည်။

“အဲဒီထပ်တိုးသက်သေနဲ့ ပတ်သက်ပြီးတော့ နှစ်ဘက်ရှေ့နေတွေ အကျဉ်းချုပ် လျှောက်လဲချက်ပေးခဲ့ကြပါတယ်။ တရားရုံးက ဒီသက်သေဟာ အစိုးရအဖွဲ့က အဆုံးအဖြတ်ပြုပြီးသား ကိစ္စဖြစ်နေတယ်။ အတည်ဖြစ်နေတယ်။ ဒါကြောင့် မလိုအပ်ဘူးဆိုပြီး ကျနော်တို့ လျှောက်ထားတာကို ပယ်ပါတယ်။ ဒေါ်အောင်ဆန်းစုကြည်အပေါ်မှာ (၁၀/က)၊ (၁၀/ခ) နဲ့ ထိန်းသိမ်းခဲ့တဲ့ အမိန့်တွေဟာ အစိုးရအဖွဲ့က လုပ်တာ။ အစိုးရအဖွဲ့က လုပ်ထားတဲ့အပေါ်မှာ အယူခံလည်း ပယ်ထားပြီးသားဖြစ်တော့ ဒါဟာ အတည်ဖြစ်နေပါတယ်လို့ ပြောပါတယ်” ဟု ဦးဉာဏ်ဝင်းက ရှင်းလင်းပြောဆိုသည်။

ဒေါ်အောင်ဆန်းစုကြည်အား ထိန်းသိမ်းခဲ့မှုအခြေအနေနှင့် ယခုစွဲဆိုထားချက် အပ်စပ်မှုရှိမရှိ တရားရုံးက ဆုံးဖြတ်နိုင်ရန် ဒေါ်အောင်ဆန်းစုကြည်၏ရှေ့နေကြီး ဦးကြည်ဝင်းက မြန်မာနိုင်ငံခြားရေး ၀န်ကြီးဌာန၏ ပြောဆိုချက်ကို ကိုးကား၍ ယမန်နေ့ တရားခွင်တွင် တင်ပြခဲ့သည်။

မြန်မာနိုင်ငံခြားရေးဝန်ကြီးဌာနက ဒေါ်အောင်ဆန်းစုကြည်အား ဖမ်းဆီးထားခြင်းမဟုတ်ဘဲ သူ့အသက်အန္တရာယ် စိုးရိမ်ရ၍ ထိန်းသိမ်းထားခြင်းသာဖြစ်ကြောင်း ကုလသမဂ္ဂလူ့အခွင့်အရေးအလုပ်ကော်မတီသို့ ထုတ်ဖော်ပြောဆိုခဲ့မှုကို ဦးကြည်ဝင်းက တင်ပြခဲ့ပြီး နိုင်ငံခြားရေးဝန်ကြီးဌာနကို သက်သေအဖြစ် တင်သွင်းလိုကြောင်း ယမန်နေ့က လျှောက်ထားခဲ့ခြင်းဖြစ်သည်။

ထိုသို့ ထပ်တိုးသက်သေ လျှောက်ထားချက်ကို ပယ်ချလိုက်သည့်အတွက် ရှေ့နေဦးဉာဏ်ဝင်းက “အစိုးရအဖွဲ့က အဲလိုလုပ်တာကိုက ဥပဒေနဲ့မညီဘူး။ ဥပဒေအရ မလုပ်နိုင်ဘူး။ သူတို့က အဲဒါကို ရှောင်နေတာပါ” ဟု ပြောသည်။

ဒေါ်အောင်ဆန်းစုကြည်၏ ရှေ့နေဦးဉာဏ်ဝင်းက တင်ပြခဲ့သော ဇူလိုင် (၂၃) ရက်ထုတ် သတင်းစာများ၏ ဆောင်းပါးပါ ရေးသားချက်များသည် တရားဥပဒေကို မထီမဲ့မြင်ပြုရာရောက်သဖြင့် လိုအပ်သလို စိစစ်ဆောင်ရွက်ပေးပါရန် လျှောက်ထား ချက်ကိုလည်း ယနေ့တရားခွင်တွင် တရားသူကြီးများက တစုံတရာတုံ့ပြန်ခဲ့ခြင်းမရှိဟု သိရသည်။

နအဖစစ်အစိုးရ၏ သတင်းစာများ၌ ဇူလိုင် (၂၃) ရက်တွင် လူသစ်ဆိုသော ကလောင်အမည်ဖြင့် ရေးသားထားသည့် ပြည်သူ့ဆန္ဒကို ဖြောင့်ဖြောင့်ကြီး ဆန့်ကျင်နေသူများ ၀ိုင်းဝန်းဖယ်ရှား ဟူသည့် ဆောင်းပါးတွင် “အလားတူပင် ဒေါ်အောင်ဆန်းစုကြည်သည်လည်း နိုင်ငံရေးအကျဉ်းသား မဟုတ်ပါဘူး။ တည်ဆဲဥပဒေတရပ်ကို ဖောက်ဖျက်ကျူးလွန်လို့ သက်ဆိုင်ရာတရားရုံးက တရားစွဲဆိုမှုနဲ့ တရားရင်ဆိုင်နေရသူသာ ဖြစ်ပါတယ်” ဟု ရေးသားထားသည်။

ဒေါ်အောင်ဆန်းစုကြည်၏ ရှေ့နေများအနေဖြင့် အပြီးသတ်လျှောက်လဲချက်ကို ရနိုင်သမျှသော အချိန်ကာလအတွင်း တရားရုံးသို့ အချက်အလက်ခိုင်ခိုင်မာမာဖြင့် အကောင်းဆုံးတင်ပြခဲ့ကြောင်း၊ ဥပဒေအမြင်အရ ဒေါ်အောင်ဆန်းစုကြည်သည် ပြစ်မှုကျူးလွန်ခြင်းမရှိကြောင်း ဦးဉာဏ်ဝင်းက ပြောသည်။

ယနေ့တရားခွင်သို့ ဂျပန်နှင့်အမေရိကန် အပါအ၀င် သံရုံး (၅) ခုခန့်မှ သံတမန်များ တက်ရောက်ခဲ့ကြကြောင်း သိရသည်။

နေအိမ်အကျယ်ချုပ်ဖြင့် ထိန်းသိမ်းခံနေရသော ဒေါ်အောင်ဆန်းစုကြည်၏ နေအိမ်ခြံဝင်းအတွင်း အမေရိကန်နိုင်ငံသား မစ္စတာယက်တော ၀င်ရောက်ခဲ့မှုအတွက် နအဖစစ်အစိုးရက မေ (၁၈) ရက်တွင် နေအိမ်အကျယ်ချုပ်ဖောက်ဖျက်မှု ပုဒ်မ (၂၂) ဖြင့် အင်းစိန်အထူးတရားရုံး၌ ဒေါ်အောင်ဆန်းစုကြည်အား တရားစွဲဆိုခဲ့ခြင်းဖြစ်သည်။

တရားသူကြီး ဦးသောင်းညွန့်နှင့် ဦးညီညီစိုးတို့က အမှုကို ကြားနာစစ်ဆေးနေပြီး လာမည့် ဇူလိုင် (၃၁) ရက်တွင် ဒေါ်အောင်ဆန်းစုကြည်တို့အပေါ် စီရင်ချက်အမိန့် ချမှတ်မည်ဖြစ်သည်။

ဒေါ်အောင်ဆန်းစုကြည်တို့အား တရားစွဲဆိုမှုတွင် နအဖစစ်အစိုးရဘက်က တရားလိုပြသက်သေ (၂၃) ဦး တင်သွင်းကာ (၁၅) ဦး ထွက်ဆိုခဲ့ပြီး ဒေါ်အောင်ဆန်းစုကြည်ဘက်မှ သက်သေ (၂) ဦးကိုသာ တင်သွင်းခွင့်ရသည်။

၁၉၉၀ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်သည် နေအိမ်အကျယ်ချုပ်ဖြင့် (၁၃) နှစ်ကျော်ကြာ စစ်အစိုးရ၏ ဖမ်းဆီးထိန်းသိမ်းခြင်းခံခဲ့ရပြီး ယခုအမှုဖြင့် တရားစီရင်ခြင်းခံရပါက ထောင်ဒဏ် (၅) နှစ်အထိ ကျခံရဖွယ်ရှိသည်။


မှတ်ချက် ။ ။ http://www.khitpyaing.org မှ ကူးယူ မျှဝေပါသည်။

အပြည့်အစုံ ဖတ်ရန် ...