Saturday, June 11, 2011

ကေအိုင်အေနဲ့ မြန်မာစစ်တပ် တိုက်ပွဲပြန်ဖြစ်

ပြီးခဲ့တဲ့ရက်ပိုင်းတွေအတွင်း နှစ်ဘက်တပ်တွေ အကြား တိုက်ပွဲတွေဖြစ်ခဲ့အပြီး ခန ရပ်သွားပြီးတဲ့နောက် ကချင်လွတ်လပ်ရေး တပ်မတော် (KIA) နဲ့ မြန်မာအစိုးရတပ်တွေ အကြား စနေနေ့ညနေ ၃ နာရီ ၄၅ မိနစ် လောက်မှာ တိုက်ပွဲတွေ ပြန်ဖြစ်ခဲ့ပါတယ်။ လွန်ခဲ့တဲ့ ကြာသပတေးနေ့က တိုက်ပွဲဖြစ်ပြီးတဲ့နောက် နှစ်ဘက် ညှိနှိုင်းဆွေးနွေးပြီး အပစ်ရပ်ခဲ့ပေမဲ့ စနေနေ့မနက်မှာတော့ မြန်မာစစ်တပ်ဘက်ကနေ တိုက်ပွဲဖြစ်ရာဒေသ က KIA တပ်တွေကို စနေနေ့ နေ့ခင်း၁၂ နာရီအပြီး ပြောင်းရွှေ့ခိုင်းခဲ့ပါတယ်။ ဒါကို KIA တပ်တွေက မလိုက်နာတာကြောင့် ညနေမှာ ထိုးစစ်စတင်တာဖြစ်တယ်လို့ KIA ဘက်က ပြောပါတယ်။ ဒီသတင်းအပြည့်အစုံကို ထိုင်းအခြေစိုက် သတင်းထောက် ကိုမိုးဇော် က တင်ပြထားပါတယ်။

စနေနေ့ညနေက ကချင်လွတ်လပ်ရေးတပ်မတော် KIA နဲ့ မြန်မာအစိုးရတပ်တွေအကြား တိုက်ပွဲ ထပ်မံဖြစ်ပွားခဲ့တဲ့နေရာဟာ အရင်ရက်က တိုက်ပွဲဖြစ်ခဲ့တဲ့ ကချင် ပြည်နယ် မိုးမောက်မြို့နယ် တရုတ်-မြန်မာနယ်စပ်ဒေသက တာပိန်မြစ် ရေအားလျှပ်စစ် စီမံကိန်း တည်ဆောက်နေတဲ့ ဒေသမှာ ဖြစ်ပါတယ်။

စနေနေ့ညနေပိုင်းက ဖြစ်ပွားခဲ့တဲ့ တိုက်ပွဲ အခြေအနေကို KIA အဖွဲ့က ပြောရေးဆိုခွင့် ရှိသူ ဦးလနန်က အခုလို ပြောပါတယ်။

“သူတို့ အရင် စပစ်တာတော့ ၃ နာရီ ၄၅ ပတ်ဝန်းကျင် ပေါ့နော်။ ၃ နာရီ ၄၅ က စပြီးတော့ အစိုးရတပ်တွေက ကျနော်တို့တပ်ဘက်ကို လက်နက်ကြီးနဲ့ပစ်တယ်။ လက်နက်ကြီးနဲ့ ပစ်ပြီးတော့ ခြေလျင်တပ်တွေက ကျနော်တို့ စခန်းဘက်ကို ချဉ်းကပ်လာနေတဲ့ အပိုင်းရှိတယ်။ သိပ်နီးကပ်လာတဲ့အချိန်မှာ ကျနော်တို့ဘက်ကလည်း ပြန်ပြီးတော့ ခုခံတဲ့အနေနဲ့ ပြန်လည်ပစ်ခတ်တာမျိုး လုပ်နေကြပြီ။”

ဒီလ ၈ ရက်နေ့၊ ဗုဒ္ဓဟူးနေ့က မြန်မာစစ်တပ်က အရာရှိနှစ်ဦးနဲ့ တပ်သားတဦးက မိုးမောက်မြို့ အရှေ့ဘက် KIA တပ်ရင်း ၁၅ နယ်မြေထဲကို လက်နက်နဲ့ ၀င်ရောက်ခဲ့ တာကြောင့် KIA ဘက်က ထောက်လှမ်းရေးအဖြစ် သံသယရှိပြီး ဖမ်းဆီးခဲ့ပါတယ်။ ဒီလို ဖမ်းဆီးထိန်းသိမ်းထားတာ ကို ပြန်လွှတ်ဖို့ အစိုးရတပ်ဘက်က တောင်းဆိုခဲ့ပြီး ချက်ချင်း လွှတ်မပေးတာကြောင့် ၉ ရက်နေ့၊ ကြာသာပတေးနေ့ မနက် ၇ နာရီလောက်မှာ မြန်မာအစိုးရဘက်က KIA စခန်းဘက်ကို လူအင်အား ၂၀၀ လောက်နဲ့ သွားဝိုင်းရာက စတင် တိုက်ပွဲဖြစ်ခဲ့တာဖြစ်ပါတယ်။

ဒီလို တိုက်ပွဲဖြစ်ပွားပြီးနောက်မှာ အစိုးရတပ် ဘက်က တိုက်ပွဲဖြစ်ပွားရာဒေသကို တပ် အင်အား ၅၀၀ ကျော်လောက် စေလွှတ်ချထားခဲ့ပါတယ်။

၉ ရက်နေ့က ဖြစ်ပွားခဲ့တဲ့တိုက်ပွဲဟာ ၃ နာရီကျော် ကြာမြင့်ခဲ့ပြီး ညနေပိုင်းမှာ KIA ဗဟိုနဲ့ မြောက်ပိုင်းတိုင်း စစ်ဌာနချုပ်က တာဝန်ရှိသူတွေ နှစ်ဘက်ညှိနှိုင်းပြီး KIA ဘက်က သူတို့ဖမ်းထားတဲ့ စစ်တပ်ကအရာရှိတွေကို ပြန်လွှတ်ပေးခဲ့ပြီး အစိုးရတပ်ဘက်ကလည်း သူတို့ဖမ်းထားတဲ့ KIA အဖွဲ့ဝင်တွေ ပြန်လွှတ်ပေးဖို့၊ သူတို့တပ်တွေ ပြန်ရုပ်ပေးဖို့ သဘောတူခဲ့ပါတယ်။

စနေနေ့မနက်မှာတော့ တိုက်ပွဲဖြစ်ခဲ့ရာဒေသက KIA တပ်ကို အမြန်ဆုံး ဖယ်ရှားပေးဖို့ မြန်မာ စစ်တပ်ဘက်က တောင်းဆိုခဲ့ပါတယ်။ ဒါကို KIA ဘက်က လက်မခံတာကြောင့် အစိုးရဘက်က တိုက်ခိုက်လာတာဖြစ်တယ်လို့ ဦးလနန်က ဆက် ပြောပါတယ်။

“ဒီမနက်ကျတော့ ဘာပြောလာလဲဆိုတော့ အဲဒီ ခင်ဗျားတို့ KIA တပ်စခန်းအားလုံး ဖြုတ်ပေးပါ။ မွန်းတည့် ၁၂ နာရီ နောက်ဆုံးထားပြီးတော့ ဆုတ်ခွာပေးဖို့၊ ရာဇသံ ပြန်ပို့လာတယ်။ ကျနော်တို့ဘက်ကလည်း တိုင်းမှူးဆီကို အကြောင်း ကြားတဲ့အပိုင်း ပြန်လုပ်တယ်။ အဲလိုမျိုးလုပ်မယ် ဆိုရင်၊ တိုင်းမှူး အဲလိုမျိုးလုပ်မယ်ဆိုရင် အခြေအနေ ပိုတင်းမာလာလိမ့်မယ်။ အခြေအနေတင်းမာလာတဲ့အခါမှာ စစ်မက်ဖြစ်ပွားမှု ပြန်ဖြစ်လိမ့်မယ်။ အဲဒါကြောင့်မို့ တိုင်းမှူးကနေပြီး ချင့်ချင့်ချိန်ချိန်စဉ်းစားပြီး ဆုံးဖြတ်ပေးဖို့၊ စာနဲ့ အကြောင်းကြားတာရှိတယ်။ ကျနော်တို့ ပြောတဲ့အချက်ကို ဥပက္ခာပြုပြီးတော့ စစ်အင်အားတွေဖြည့်တယ်။ လက်နက်ကြီးတွေ ပို့တယ်။ အခု ညနေ ၃ နာရီ ကျော်ကျော်လောက် မှာ စဖြစ်တာပဲ ခင်ဗျ။”

ဒီတိုက်ပွဲဖြစ်ပွားရာဒေသဘက်ကို အစိုးရတပ် ဘက်က တပ်ရင်း ၅ ရင်းလောက်နဲ့ လူအင်အား အနည်းဆုံး ၅၀၀ ကျော်လောက် စေလွှတ်ထား ပါတယ်။ စနေနေ့ညကအထိတော့ အထိအခိုက် အကျအဆုံးသတင်း အတိအကျမရသေးပါဘူး။

လက်ရှိဖြစ်ပွားနေတဲ့ တိုက်ပွဲကိုတော့ ပြည်နယ် တစ်ခုလုံး ပျံ့နှံ့သွားမှာမျိုးကို မလိုလား ဘူးလို့ KIA ပြောရေးဆိုခွင့်ရှိသူက အခုလိုပြောပါတယ်။

“အစိုးရဘက်က ထိန်းထိန်းသိမ်းသိမ်းလုပ်သွား မယ်ဆိုရင် အခု သူတို့ တိုက်နေ ခိုက်နေတာကို ရပ်ပြီးတော့ နဂိုအတိုင်းပြန်နေသွားမယ်ဆိုရင် အဲဒီ စစ်မက်ဟာ ပြည်နယ်တခုလုံး အတိုင်းအတာထိ ပျံ့ဖို့တော့ မဖြစ်နိုင်သေးပါဘူး။ ဒါပေမဲ့ သူတို့ရဲ့ လုပ်ဆောင်ချက်ပေါ်မူတည်ပြီးတော့ အဲဒီ စစ်မီးပွား ဟာ ကျနော်တို့ ပြည်နယ်တခုလုံး ပျံ့နှံ့နိုင်တဲ့ အခြေအနေတော့ရှိတယ်။ အမှန်တကယ်တော့ ကျနော်တို့ပြည်နယ်မှာ အရင်တုန်းကလိုမျိုး တိုက်ပွဲပြန်ပြီးတော့ ဖြစ်ပွားဖို့ ကျနော်တို့ မလိုလားဘူးခင်ဗျ။ အဲလိုမျိုး ကျနော်တို့ပြည်နယ် အတွင်းမှာ နယ်စပ်တလျောက်မှာ တည်ငြိမ် အေးချမ်းဖို့ ဆိုတာ အစိုးရမှာပဲ လုံးလုံး တာဝန်ရှိတယ်လို့ပဲ ကျနော်က ဆိုချင်ပါတယ် ခင်ဗျ။”

၁၉၉၄ ခုနှစ်က အပစ်အခတ်ရပ်စဲခဲ့တဲ့ KIA ဟာ နယ်ခြားစောင့်တပ် အသွင်ပြောင်းရေးကို လက်မခံ တာကြောင့် ပြီးခဲ့တဲ့နှစ်ကစပြီး အစိုးရစစ်တပ်နဲ့ တင်းမာမှုတွေ ဖြစ်ခဲ့ပါ တယ်။ ဒီနှစ်အတွင်းမှာတော့ KIA နဲ့ အစိုးရတပ်တွေကြားမှာ အနည်းဆုံး ပစ်ခတ် တိုက်ခိုက်တာ ၄ ကြိမ်လောက် ဖြစ်ခဲ့ပါတယ်။

နောက်ဆုံးရရှိတဲ့ သတင်းတွေအရဆိုရင် KIA ဘက်က နယ်မြေဒေသအသီးသီးက တပ်တွေ အားလုံးကို အရေးပေါ် တပ်လှန့်ထားသလို သူတို့ရဲ့ မြို့ပေါ်အခြေစိုက် ကိုယ်စားလှယ်ရုံးတွေနဲ့ စီးပွားရေး ကုမ္ပဏီရုံးတွေကို ရုပ်သိမ်းလိုက်ပြီလို့ သိရပါတယ်။

တချိန်တည်းမှာပဲ တိုက်ပွဲဖြစ်ပွားရာဒေသအနီး တာပိန်မြစ် ရေအားလျှပ်စစ်စီမံကိန်းကို လာရောက် တည်ဆောက်နေတဲ့ တရုတ်အင်ဂျင်နီယာနဲ့ အလုပ်သမား ၁၀၀ ကျော် လောက်ဟာ တရုတ်နိုင်ငံဘက်ကို တိမ်းရှောင်သွားပြီဖြစ်ပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

Tuesday, June 7, 2011

အိပ်ပျော်နေဆဲ အမှန်တရား

သေသေသပ်သပ်
ချန်လှပ်ထားတဲ့ ဖြစ်ရပ်တွေ
ဟုတ်ချင်မှ ဟုတ်ပါလိမ့်မယ်
ကသောကမျော စီးဆင်း
ဒီလိုနဲ့ ကြီးပြင်းခဲ့ရတဲ့ ခရီးမှာ
အကွေ့တရာ။
မမေ့သာတဲ့ အဖြစ်အပျက်တွေက
ရာဇ၀င်တွင်ရစ်မယ်။

ထားလိုက်ပါ
သူ့သမိုင်းသူရေးတာ
သဘာဝလှိုင်းကြီးထဲ
ဒုက္ခကြတော့
အညီအမျှအချိုးကျတဲ့
မျက်ရည်ကျတာချင်းအတူတူတောင်
ဟန်ဆောင်ကောင်းသူတွေပဲ
လူသိရှင်ကြား အကယ်ဒမီဆုတွေရ။

ဘယ်သူဖော်တဲ့ဆေးလဲ
သောက်မိမှ ငတ်မပြေ
ဝေဒနာတွေလေ
ပိုပိုပြီး ရင့်မှည့်စေခဲ့။
ဝတ်မှုန်ကူးတဲ့ လိပ်ပြာ
ဗျာများနေတုန်း
အလိုလိုပန်းတွေပွင့်
စိတ်တထင့်ထင့်ဖြစ်နေရင်း
ချစ်ခြင်းတရားခမျာ အာစေးမိနေလေရဲ့
တည့်တည့်တိုးတဲ့ ဒုက္ခ
ဘယ်သူရရ သပိတ်ဝင်အိတ်ဝင်
အဖိတ်အစင်နည်းအောင် ကြိုးစားရင်း
အမှန်တရားဟာ
သပွတ်အူကမ္ဘာထဲ
အိပ်ပျော်နေဆဲပေါ့။


ပီကေယူ


source by : http://www.naytthit.net

အပြည့်အစုံ ဖတ်ရန် ...

ဆင်းရဲနွမ်းပါးမှုဆိုင်ရာ ရှုထောင့်အမျိုးမျိုး


ခင်မမမျိုး | ဘောဂဗေဒပညာရှင်တွေက ဆင်းရဲနွမ်းပါးမှုဆိုင်ရာ ရှုထောင့် (Dimensions) များစွာကို ခွဲခြားသတ်မှတ်ပြီး၊ ဒီရှုထောင့်တွေနဲ့ ကျားမကွဲပြားမှု (gender)၊ သဘာဝပတ်ဝန်းကျင် (environment) တို့အကြားက ဆက်နွယ်မှုတွေကို လေ့လာဆန်းစစ်ခဲ့ကြပါတယ်။ ဆင်းရဲနွမ်းပါးမှုဆိုင်ရာ ရှုထောင့်မျိုးစုံကို စီးပွားရေးစွမ်းရည် (economic capabilities)၊ လူသားစွမ်းရည် (human capabilities)၊ နိုင်ငံရေးစွမ်းရည် (political capabilities)၊ လူမှု-ယဉ်ကျေးမှုစွမ်းရည် (socio-cultural capabilities) နဲ့ ကာကွယ် စောင့်ရှောက်ရေးစွမ်းရည် (protective capabilities) ဆိုပြီး ငါးမျိုး ခွဲခြားသတ်မှတ်ကြပါတယ်။

စီးပွားရေးစွမ်းရည် ဆိုတာ ၀င်ငွေရရှိမှု၊ စားသုံးမှုနဲ့ ဥစ္စာပစ္စည်းပိုင်ဆိုင်မှု စတာတွေကို ဖန်တီးနိုင်တဲ့ စွမ်းရည်နဲ့ သက်ဆိုင်ပါတယ်။ လူသားတွေဆီမှာ စီးပွားရေးစွမ်းရည်တွေရှိခြင်းဟာ အစားအစာ ဖူလုံရေး၊ ရုပ်ဝတ္ထုပစ္စည်း တိုးပွားရေးနဲ့ လူနေမှုအဆင့်အတန်းမြင့်မားရေး တို့အတွက် အဓိကကျပါတယ်။ ဆင်းရဲနွမ်းပါးသူတွေဟာ ဘဏ္ဍာရေးအရင်းအမြစ် (ချေးငွေရရှိသုံးစွဲနိုင်မှုနှင့် အလုပ်အကိုင်အခွင့်အလမ်း စသည်များ) နဲ့ သဘာဝသယံဇာတ အရင်းအမြစ် (မြေယာ၊ သစ်တော၊ ရေချိုရေငန် ငါးဖမ်းမှု စသည်များ) ကို အသုံးပြုနိုင်တဲ့ အခွင့်အလမ်းတွေ ရှိလာမှသာ ဆင်းရဲတွင်းကနေ လွတ်မြောက် လာနိုင်မှာ ဖြစ်ပါတယ်။

လူသားစွမ်းရည် ဆိုတာကတော့ ကျန်းမာရေး၊ ပညာရေး၊ အာဟာရပြည့်ဝရေး၊ သန့်ရှင်းသော ရေနဲ့ အမိုးအကာ ရရှိရေး စတာတွေနဲ့ သက်ဆိုင်ပါတယ်။ ဒီအရာတွေဟာ လူသားတွေရဲ့ ဘ၀ တိုးတက်မြင့်မားရေးအတွက် အရေးကြီးတဲ့ အရာတွေ ဖြစ်ပါတယ်။ ရောဂါဘယနဲ့ စာတတ်မြောက်မှု မရှိခြင်းဟာ ထုတ်လုပ်မှု လုပ်အားကို ကျဆင်းစေနိုင်ပြီး၊ စီးပွားရေးစွမ်းရည်နဲ့ အခြားစွမ်းရည်များကို ထိခိုက်စေနိုင်ပါတယ်။ လူသားတွေဆီမှာ စာအရေးအဖတ်စွမ်းရည်တွေ ရှိခြင်းအားဖြင့် အများနဲ့ ဆက်ဆံရေးကို တိုးတက်စေပြီး၊ လူမှုရေးပါဝင်ပတ်သက်မှုနဲ့ နိုင်ငံရေးပါဝင်ပတ်သက်မှု အခန်းကဏ္ဍကို မြှင့်တင်ပေးနိုင်ပါတယ်။ ပညာရေး (အထူးသဖြင့် အမျိုးသမီးများရဲ့ ပညာရေး) အဆင့်အတန်း မြင့်မားလာမှုဟာ အေအိုင်ဒီအက်စ်ရောဂါ ကူးစက်ပြန့်ပွားမှု တိုက်ဖျက်ရေး၊ သားဆက်ခြားရေး စတဲ့ ဖွံ့ဖြိုးတိုးတက်ရေး စီမံချက်တွေ ထိရောက်ရေးကို အထောက်အကူပြုတဲ့အတွက် ဆင်းရဲနွမ်းပါးမှု လျှော့ချနိုင်ရေးအတွက် အသုံးဝင်လှပါတယ်။

နိုင်ငံရေးစွမ်းရည် ဆိုတာမှာတော့ လူ့အခွင့်အရေး၊ နိုင်ငံရေးလွတ်လပ်ခွင့် စတာတွေနဲ့ ပတ်သက်ပါတယ်။ အခြေခံ နိုင်ငံရေးလွတ်လပ်ခွင့်များကို နိုင်ငံတော်အစိုးရက ချိုးဖောက်ခြင်းဟာ ဆင်းရဲနွမ်းပါးမှု ဖြစ်ရခြင်းရဲ့ အဓိကအကြောင်းရင်း တခုပဲ ဖြစ်ပါတယ်။ စစ်တပ်၊ ရဲတပ်ဖွဲ့ဝင်တွေနဲ့ အုပ်ချုပ်ရေးတာဝန်ရှိသူတွေက မတရားမှုတွေ၊ လူအခွင့်အရေးချိုးဖောက်မှုတွေ ပြုလုပ်ခြင်းဟာ အများပြည်သူတွေရဲ့ အကြောက်တရားကို တိုးမြင့်စေပြီး၊ လူ့ဂုဏ်သိက္ခာနဲ့ မိမိကိုယ်ကို ယုံကြည်ချက်ကို ထိခိုက်ကျဆင်းစေပါတယ်။ နိုင်ငံရေးအရ ဖိနှိပ်မှုဟာ အခြားလူမှုရေး စွမ်းရည်၊ ကာကွယ် စောင့်ရှောက်ရေးစွမ်းရည်တွေ အပေါ်မှာပါ ဆိုးကျိုးသက်ရောက်စေနိုင်ပါတယ်။

လူမှု-ယဉ်ကျေးမှုစွမ်းရည်တွေကတော့ လူ့အဖွဲ့အစည်းအတွင်းမှာ တန်ဖိုးရှိတဲ့ အဖွဲ့ဝင်အဖြစ် ပါဝင်ပတ်သက်နိုင်တဲ့ စွမ်းရည်တွေ ဖြစ်ပါတယ်။ ဒီစွမ်းရည်တွေမှာ လူမှုအဆင့်အတန်း၊ လူ့ဂုဏ်သိက္ခာနဲ့ သက်ဆိုင်ရာ လူ့အဖွဲ့အစည်းအလိုက် တန်ဖိုးထားတဲ့ စံချိန်စံညွှန်းတွေ ပါဝင်ပါတယ်။ ဆင်းရဲနွမ်းပါးမှု ဆိုင်ရာ လေ့လာဆန်းစစ်ချက်များအရ ပထ၀ီဝင်အနေအထား အားနည်းချက်တွေနဲ့ လူမှုအသိုင်းအ၀ိုင်းမှ ဖယ်ရှားခံထားရခြင်းဟာ ဆင်းရဲနွမ်းပါးမှု ဖြစ်စေနိုင်တဲ့ အကြောင်းတရားတွေ ဖြစ်ပါတယ်။

ကာကွယ်စောင့်ရှောက်ရေး စွမ်းရည်တွေကတော့ စီးပွားရေးနဲ့ အခြား external shocks များကို လူသားတွေက ခံနိုင်ရည်ရှိရှိ တောင့်ခံနိုင်တဲ့ စွမ်းရည်တွေ ဖြစ်ပါတယ်။ ကာကွယ်စောင့်ရှောက်ရေး စွမ်းရည်တွေဟာ ဆင်းရဲနွမ်းပါးမှုကို ကာကွယ်ရေးအတွက် အရေးကြီးပါတယ်။ လုံခြုံမှုမရှိခြင်းဟာ ဆင်းရဲနွမ်းပါးမှု လျှော့ချနိုင်ရေးကို အတားအဆီးဖြစ်စေပါတယ်။ ဆင်းရဲနွမ်းပါးသူတွေအတွက် ငတ်မွတ်ခေါင်းပါးမှု၊ စားဝတ်နေရေးမပြေလည်မှု၊ မှုခင်းထူပြောမှု၊ စစ်မက်ဖြစ်ပွားမှု စတာတွေဟာ စိုးရိမ်ပူပန်စရာ အခြေအနေတွေပဲ ဖြစ်ပါတယ်။ သဘာဝဘေးအန္တရာယ်တွေ၊ စီးပွားပျက်ကပ်တွေနဲ့ ပဋိပက္ခတွေကြောင့် လူအများက ဆင်းရဲတွင်းထဲကို ကျသွားလိုက်၊ ပြန်တက်ရန် ကြိုးစားလိုက်နဲ့ သံသရာလည်ရင်း ရုန်းကန်လှုပ်ရှားနေကြရပါတယ်။

ကွဲပြားခြားနားတဲ့ ဆင်းရဲနွမ်းပါးမှုဆိုင်ရာ ရှုထောင့်တွေဟာ တခုနဲ့တခု အပြန်အလှန် ဆက်စပ်နေ ကြသလို ကျားမကွဲပြားမှုနဲ့ သဘာဝပတ်ဝန်းကျင် ထိန်းသိမ်းရေး စသည်တို့နဲ့လဲ ဆက်နွယ်နေပါတယ်။ ကျားမတန်းတူညီမျှရေးဟာ ဆင်းရဲနွမ်းပါးမှုကို လျော့နည်းစေနိုင်ပြီး၊ သဘောဝပတ်ဝန်းကျင်ရေးရာ အချက်တွေကလဲ ကျားမဆက်ဆံရေးအပေါ်မှာ သက်ရောက်မှု ရှိစေပါတယ်။ ကျားမတန်းတူညီမျှရေးနဲ့ သဘာဝပတ်ဝန်းကျင် ထိန်းသိမ်းစောင့်ရှောက်ရေးဟာ ကမ္ဘာ့ဖွံ့ဖြိုးတိုးတက်ရေးဆိုင်ရာ အရေးကြီး ရည်မှန်းချက်ပန်းတိုင်တွေလဲ ဖြစ်ပါတယ်။

ကျားမ တန်းတူညီမျှခြင်းမရှိမှု (Gender inequality) ဟာ ဆင်းရဲနွမ်းပါးမှု ရှုထောင့်မျိုးစုံနဲ့ သက်ဆိုင် ပါတယ်။ အချို့သော လူ့အဖွဲ့အစည်းတွေရဲ့ အစဉ်အလာ ဓလေ့ထုံးစံတွေမှာ အမျိုးသားတွေကို ပိုပြီး ဦးစားပေးမှုနဲ့ အမျိုးသမီးတွေကို ခွဲခြားဆက်ဆံမှုတွေ အမြစ်တွယ်နေ တတ်ပါတယ်။ ဆင်းရဲနွမ်းပါးမှု ဖြစ်ပွားစေသော အကြောင်းတရားတွေဟာ အမျိုးသားတွေနဲ့ အမျိုးသမီးတွေကို ကွဲပြားစွာ သက်ရောက်မှု ရှိစေပြီး၊ အမျိုးသမီးတွေ အပေါ်မှာ ပိုမို ထိခိုက်စေပါတယ်။ ဆင်းရဲနွမ်းပါးတဲ့ မိသားစုတွေရဲ့ စားသောက်ကုန်၊ လူသုံးကုန်သုံးစွဲနိုင်မှု အချိုးအစားဟာ အမျိုးသမီးတွေ အတွက် ပိုမိုလျော့နည်းပါတယ်။ ဓလေ့ထုံးစံအရ စားသောက်ဖွယ်ရာတွေကို အမျိုးသားကို ပိုမိုဦးစားပေးတာ၊ သမီးမိန်းကလေးကို ကျောင်းနှုတ်ပြီး သားယောက်ျားလေးကို ကျောင်းဆက်ထား တာတွေလဲ ရှိတတ်ပါတယ်။

အမျိုးသမီးတွေဟာ အိမ်ထောင်ဘက်အမျိုးသားတွေ၊ ဖခင်တွေ၊ အစ်ကို-မောင်တွေရဲ့ ဆင်းရဲနွမ်းပါးမှု နောက်ဆက်တွဲ အိမ်တွင်းအကြမ်းဖက်မှု သားကောင်ဘ၀ကိုလဲ အလွယ်တကူ ကျရောက်တတ် ပါသေးတယ်။ အချို့လူ့အဖွဲ့အစည်းတွေမှာဆိုရင် အမျိုးသမီးတွေရဲ့ စာတတ်မြောက်မှု ရာခိုင်နှုန်းက အမျိုးသားတွေထက် ပိုမိုနည်းပါးပြီး၊ နိုင်ငံရေးအရ၊ လူမှုရေးအရ နှိမ့်ချဆက်ဆံ ခံရတာတွေလဲ ရှိပါတယ်။ ယေဘုယျအားဖြင့် အမျိုးသမီးတွေရဲ့ ဆင်းရဲနွမ်းပါးမှုကို ကျော်လွှားနိုင်သော စွမ်းရည်တွေဟာ အမျိုးသားတွေထက် ပိုမိုနည်းပါးလေ့ရှိတာကြောင့် ဆင်းရဲနွမ်းပါးမှုရဲ့ ဆိုးကျိုးတွေကို အမျိုးသမီးတွေက ပိုမိုခံရလေ့ရှိပါတယ်။

တကယ်တော့ အမျိုးသမီးတွေဟာ ဆင်းရဲနွမ်းပါးတဲ့ အိမ်ထောင်စုတွေရဲ့ အသက်ရှင်ရပ်တည် နေထိုင်ရေးနဲ့ အခြေခံ လူသားစွမ်းရည် တိုးမြင့်လာရေးတို့အတွက် အရေးပါသူများ ဖြစ်ပါတယ်။ အမျိုးသမီးတွေရဲ့ ၀င်ငွေရရှိနိုင်မှု အခွင့်အလမ်းတွေ နည်းပါးခြင်းဟာ မိသားစုဝင်ငွေကို နည်းပါးစေသလို၊ တိုင်းပြည်ရဲ့ စီးပွားရေးတိုးတက်မှုကိုလဲ ထိခိုက်စေနိုင်ပါတယ်။ တိုင်းပြည်ရဲ့ လူ့စွမ်းအားတွေကို အပြည့်အ၀ အသုံးချနိုင်မှု လျော့ကျစေပါတယ်။ ဒါကြောင့် ကျားမ တန်းတူညီမျှခြင်း မရှိမှုဟာ အမျိုးသမီးတွေရဲ့ ဆင်းရဲနွမ်းပါးမှုအပြင်၊ တိုင်းပြည်တခုလုံးရဲ့ ဆင်းရဲနွမ်းပါးမှုကို ဖြစ်စေတဲ့ အကြောင်းတရားတခုပဲ ဖြစ်ပါတယ်။

သဘာဝပတ်ဝန်းကျင်ရေးရာတွေကလဲ ဆင်းရဲနွမ်းပါးမှုနဲ့ ဆက်နွယ်နေပါတယ်။ သဘာဝသယံဇာတ အရင်းအမြစ်များကို ထိထိရောက်ရောက်သုံးစွဲနိုင်ရေးဟာ ဆင်းရဲနွမ်းပါးတဲ့ မိသားစုများရဲ့ အသက်ရှင် ရပ်တည်ရေးကို သက်ရောက်မှုရှိစေပါတယ်။

သဘာဝပတ်ဝန်းကျင်နဲ့ ပတ်သက်တဲ့ ကျန်းမာရေးဆိုင်ရာ အန္တရာယ်တွေကလဲ လူသားတွေအပေါ် ကျရောက်စေတတ်ပါတယ်။ ကျေးလက်ဒေသတွေမှာ မြေဆီလွှာ ခြောက်ခန်းမှု၊ သစ်တောပြုန်းတီးမှုနဲ့ သားငါးရှားပါးမှုတွေဟာ လူသားတွေရဲ့ အသက်ရှင် ရပ်တည်ရေးကို တစထက်တစ ခြိမ်းချောက်လာပါတယ်။


သန့်ရှင်းသောရေ မရရှိမှုကြောင့်လဲ ၀မ်းပျက်ဝမ်းလျှောရောဂါဆိုးတွေ ကျရောက်စေနိုင်ပါတယ်။ စိုက်ပျိုးထွန်ယက်ရေး အတွက် ကောင်းမွန်တဲ့ လယ်ယာမြေနဲ့ သန့်ရှင်းသောရေ ရရှိရေးဟာ လူမှုရေးနဲ့ နိုင်ငံရေး မတည်ငြိမ်မှုတွေနဲ့ ဒေသတွင်း ပဋိပက္ခတွေကိုပါ ဖြစ်ပွားစေတတ်တဲ့အတွက် သဘာဝ အရင်းအမြစ်တွေကို ရေရှည်ခံအောင် စနစ်တကျ အသုံးပြုနိုင်မယ့် နည်းလမ်းတွေကို အမျိုးသားရေး လုပ်ငန်းဆောင်တာတွေအနေနဲ့ ပညာပေးဖြန့်ဖြူးဖို့ လိုအပ်ပါတယ်။

သဘာဝဘေးအန္တရာယ်ဆိုးတွေဖြစ်တဲ့ ရေကြီးခြင်း၊ လေမုန်တိုင်း တိုက်ခတ်ခြင်း၊ ရာသီဥတု ပြောင်းလဲ ဖောက်ပြန်ခြင်း စတာတွေကလဲ ဆင်းရဲနွမ်းပါးမှုကို ဖြစ်ပွားစေတတ်တဲ့ အကြောင်းတရားတွေပဲ ဖြစ်ပါတယ်။
ဆင်းရဲနွမ်းပါးတဲ့ နိုင်ငံတွေမှာ ဒီလိုသဘာဝ ဘေးအန္တရာယ်ဆိုးတွေ ဖြစ်ပွားလာခဲ့ ပိုပြီး ဆုံးရှုံးမှု များတတ်ပါတယ်။

အရေးပေါ်ကယ်ဆယ်ရေး လုပ်ငန်းဆောင်တာများကို မကျွမ်းကျင်မှု၊ ကယ်ဆယ်ရေး ထောက်ကူကိရိယာများနဲ့ လူ့စွမ်းအား မလုံလောက်မှု၊ နိုင်ငံရေးမတည်ငြိမ်မှု၊ လာဘ်စားမှု၊ အလွဲသုံးစားပြုမှု စတာတွေဟာ လူအများကို ဆင်းရဲတွင်းထဲကို နက်သထက်နက်အောင် တွန်းပို့ပေးတတ်ပါတယ်။


နိဂုံးချုပ်ဆိုရရင် ဆင်းရဲနွမ်းပါးမှုဆိုတာ စီမံကိန်းတွေကို သက်ဆိုင်ရာ နိုင်ငံအစိုးရတွေက ချမှတ် အကောင်အထည် ဖော်ဆောင်ရုံနဲ့တင် တိုက်ဖျက်နိုင်တဲ့ အရာမဟုတ်ပါဘူး။ ဆင်းရဲနွမ်းပါးမှုကို အန်တုနိုင်ဖို့အတွက် စီးပွားရေးစွမ်းရည်၊ နိုင်ငံရေးစွမ်းရည်၊ လူမှု-ယဉ်ကျေးမှုစွမ်းရည်၊ လူသားစွမ်းရည်နဲ့ ကာကွယ်စောင့်ရှောက်ရေး စွမ်းရည် စတဲ့ ရှုထောင့်စုံ စွမ်းရည်တွေ လူ့အဖွဲ့အစည်းမှာ ရှင်သန်ပေါ်ထွက်လာဖို့ လိုအပ်ပါတယ်။

ဒါတင်မကပဲ ကျားမ တန်းတူညီမျှမှုနဲ့ သဘာဝပတ်ဝန်းကျင်ကို စည်းကမ်းနည်းလမ်းတကျ အသုံးပြုနိုင်မှုဟာလဲ ဆင်းရဲနွမ်းပါးမှု လျှော့ချနိုင်ရေးအတွက် အရေးကြီးလှပါကြောင်း ရေးသားတင်ပြအပ်ပါတယ်။


ခင်မမမျိုး (၆၊ ၆၊ ၂၀၁၁)

ရည်ညွှန်းကိုးကား။ ။

Allen, T. & Thomas, A. (eds.) (2000) Poverty and Development into the 21st century, Oxford University Press, Oxford
OECD (1998) DAC Source Book on Concepts and Approaches Linked to Gender Equality, OECD publications, Paris
OECD (2001) Poverty reduction: International Development, OECD publications, Paris

အပြည့်အစုံ ဖတ်ရန် ...

Monday, June 6, 2011

ဇွန် (၆) မြင်ကွင်း ရင်တွင်းမှတ်တမ်း

photo by ... ရှင်ငြိမ်းမယ်


ဝင်းတင့်ထွန်း| ဗမာပြည် အလုပ်သမား လူတန်းစားဟာ၊ ခေတ်မီ အလုပ်သမား လူတန်းစားအဖြစ် စတင်ဖြစ်တည်လာစဉ်ကတည်းက၊အလုပ်သမားလူတန်းစားရဲ့သူရသတ္တိကို ပြသခဲ့တယ်။

နိုင်ငံရေးနိုးကြားမှုကို ပြသခဲ့ပါတယ်။

နယ်ချဲ့အင်္ဂလိပ်တို့ရဲ့ လက်အောက်မှာ ‘၁၃ဝဝပြည့်အရေးတော်ပုံကြီး’ နဲ့ ပြသခဲ့တယ်။ စက္ကူဖြူ စီမံကိန်းနဲ့ ကက်စဘီ အုပ် ချုပ်ရေးခေတ် တလျောက်မှာလဲ၊ ဘီအိုစီအလုပ်သမားသပိတ်၊ ဒလသင်္ဘောကျင်းသပိတ်၊ အလုံသစ်စက်သပိတ် စတဲ့ သပိတ် တိုက်ပွဲတွေနဲ့ အင်္ဂလိပ်ကိုလိုနီ အစိုးရကို ဆန့်ကျင်ရင်း၊ ‘၁၉၄၆ ခုနှစ် အထွေထွေသပိတ်ကြီး’ဆီအထိ ဦးတည်ခေါင်းဆောင် လှုပ်ရှားနိုင်ခဲ့ပါတယ်။

မဆလ ခေတ်ကို ရောက်တော့လဲ၊ ဖေါက်ပြန်ဆိုးဝါးလှတဲ့ မဆလတပါတီအာဏာရှင်စနစ်ကို ဆန့်ကျင်တွန်းလှန် တိုက်ပွဲဆင်ခဲ့ပါတယ်။ဗမာပြည်နိုင်ငံရေးလှုပ်ရှားမှုသမိုင်းမှာ၊ဘယ်တော့မှ ဖျောက်ကွယ်ချန်လှပ်ထားလို့မရနိုင်တဲ့ အလုပ်သမား တိုက် ပွဲတခုကတော့၊ ၁၉၇၄ ခုနှစ် ဇွန် (၆) ရက် အလုပ်သမားသပိတ်ကြီးပဲ ဖြစ်ပါတယ်။

‘၇၄ ဇွန် (၆)အလုပ်သမားသပိတ်ကြီး’ လို့ မော်ကွန်းထိုးထားရမယ့် အလုပ်သမားသပိတ် တိုက်ပွဲကြီးပဲ ဖြစ်ပါတယ်။

ဒီ သပိတ်ကြီးကို မဆလစစ်အာဏာရှင်တွေဟာ ထုံးစံအတိုင်း အကြမ်းဖက်ဖြိုခွဲပြီး၊ နှိပ်ကွပ်ပစ်ခဲ့ပါတယ်။ ဒါကြောင့် သွေးမြေ ကျရမှုတွေ ဖြစ်ခဲ့ရပါတယ်။

ဇွန် (၆) ရက်နေ့မှာပဲ ပထမဆုံးသွေးမြေ ကျခဲ့ရတဲ့နေရာကတော့၊ ရန်ကုန် သမိုင်းချည်စက်ရှေ့မှာပဲ ဖြစ်ပါတယ်။

အဲဒီနေ့က အဖြစ်အပျက်ကို ကိုယ်တွေ့ တွေ့ကြုံခဲ့ဖူးသူ တယောက်အနေနဲ့ မြင်ရာ ဒေါင့်ကနေ လေးလေး နက်နက် မှတ်တမ်းတင် ဖေါ်ပြပါရစေ …

၁၉၇၄ ခုနှစ် ဇွန်လ (၆)ရက် …

မနက်မိုးလင်းလို့ စက်ရုံအလုပ်သမားကြီးတွေ အလုပ်ဆိုင်းအလိုက် အလုပ်ဝင်ကြချိန်သာသာလောက်မှာပဲ၊ ရန်ကုန် အင်းစိန် လမ်းမကြီးတလျောက် ကြွေးကြော်သံတွေ ပျံ့နှံ့ဝေစည် လာပါတယ်။

ဒို့အရေး – ဒို့အရေး …

ဆိုတဲ့ကြွေးကြော်သံတွေဟာ ပထမတော့ ခပ်ပါးပါး ခပ်သဲ့သဲ့လေးပါ ။ နောက်တော့ တစထက်တစ …

‘ ဆန်လုံလောက်စွာ ရရှိရေး – ဒို့အရေး ဒို့အရေး …’

‘ လုပ်ခွင်သက်သာချောင်ချိရေး – ဒို့အရေး ဒို့အရေး …’

‘ ကုန်ဈေးနှုန်း ကျဆင်းရေး – ဒို့အရေး ဒို့အရေး…’

‘ အလုပ်သမားကောင်စီ – ဖျက်သိမ်းပေး ဖျက်သိမ်းပေး ’

ကြွေးကြော်သံတွေဟာ မုတ်သုန်အကြို မိုးသက်လေနဲ့အတူ လမ်းမကြီးတွေပေါ် ရပ်ကွက်တွေပေါ် ဝဲပျံလွင့်စင်နေပါ တယ်။

ကျနော်ဟာ အင်းစိန်မီးရထားစက်ခေါင်းရုံဖက်ဆီ ပြေးကြည့်မိပါတယ်။ အလုပ်သမားထုရဲ့ ကြွေးကြော်သံတွေဟာ မိုးလုံးညံ အောင် ထွက်ပေါ်လာနေပါတယ်။ အဲဒီကနေ အင်းစိန်လမ်းမကြီးပေါ် ပြန်တက်လာ၊ အင်းစိန်လမ်းမကြီးတလျောက်အတိုင်း ကုန်ကြောင်းလျှောက်ပြီး ပြန်လာတော့၊ ခဝဲခြံမှတ်တိုင်ရှေ့တည့်တည့်က ၅ သုံးလုံး ရာဘာဖိနပ် စက်ရုံကြီးအတွင်းမှာလဲ လှုပ်လှုပ်ရှားရှား ဖြစ်နေပါတယ်။

ဒီစက်ရုံထဲမှာ ကျနော့် မိတ်ဆွေရင်းချာ အလုပ်သမားတချို့ ရှိနေတဲ့အတွက် ခဏရပ်ကြည့် လိုက်မိပါတယ်။ မကြာခင် ကြွေးကြော်သံတွေ ထွက်လာပါတယ်။ ဆက်ပြီးထွက်လာတော သမိုင်းလမ်းဆုံက ဓါတု (၄) ၊ ဓါတု (၆) စက်ရုံတွေက ကြွေးကြော်သံတွေဟာလဲ ရှေ့ဆင့်နောက်ဆင့် ထွက်လာတာ ကြားရ ပြန်ပါတယ်။

ရှေ့ဆက်တက်လာ တော့ ‘သမိုင်းချည်မျှင်နှင့် အထည်စက်ရုံ ’။

‘ ဆန်လုံလောက်စွာ ရရှိရေး – ဒို့အရေး ဒို့အရေး ’

‘ လုပ်ခွင်သက်သာချောင်ချိရေး – ဒို့အရေး ဒို့အရေး ’

‘ ကုန်ဈေးနှုန်းကျဆင်းရေး – ဒို့အရေး ဒို့အရေး ’

‘ အလုပ်သမားကောင်စီ – ဖျက်သိမ်းပေး ဖျက်သိမ်းပေး ’

ကြွေးကြော်သံတွေဟာ စက်ရုံတွေအတွင်းကနေ ညီညီညာညာထွက်ပေါ်လာနေပါတယ်။ ပထမတော့ အတွင်းပိုင်း စက်ရုံတွေ အတွင်းကနေပဲ ထွက်ပေါ်လာနေတာပါ။

သမိုင်းချည်မျှင်နှင့်အထည်စက်ရုံကြီးရဲ့ တည်ဆောက်ထားပုံက၊ လမ်းမကြီးဖက် (ဆိုင်းဘုတ်ကြီးထူထားတဲ့ဖက်) မြေကွက် လပ်ကျယ်ကြီးပေါ်မှာ၊ ဂိတ်ပေါက် သံတံခါးကြီးနဲ့အနီးမှာ တထပ်တိုက်အဆောက်အဦရှည်ကြီးတခု ရှိပါတယ်။ အဲဒီအ ဆောက်အဦမှာ ရုံးခန်းနဲ့ ငွေစာရင်းဌာနတို့ ဆိုတာတွေ ရှိပါတယ်။ တဆက်တည်းမှာ အလုပ်သမားကောင်စီ လို့ ဆိုင်းဘုတ် တပ်ထားတဲ့ အလုပ်သမားကိုယ်စားလှယ်အစစ်အမှန်မဟုတ်တဲ့ အလုပ်သမားမင်းသားများရဲ့ အခန်းရှိပါတယ်။ အဲဒါတွေ ပြီးတဲ့နောက်၊ သံတံခါးနဲ့ ထပ်ပြီးခြားထားတဲ့ ဝန်းပြင်ကျယ်ကြီးပေါ်မှာ ချည်မျှင်နဲ့အထည်စက်ရုံတွေ သူ့ရုံနဲ့သူ အစီအရီ တန်း စီ တည်ရှိနေပါတယ်။ ပထမဆုံး ကြွေးကြော်သံတွေ တိုင်နေ ထွက်နေတဲ့နေရာက အဲဒီအတွင်းစက်ရုံတွေအတွင်းကပါ။ နောက် မကြာမီမှာပဲ အထဲက သပိတ်ခေါင်းဆောင်တချို့ ထွက်လာပြီး၊ လမ်းမကြီးဘေးက ဂိတ်ပေါက်ဝကြီးဆီ ရောက်လာ တာ တွေ့ရပါတယ်။

ဂိတ်ဝသံတံခါးဘေးမှာ စားပွဲခုံတလုံးကို ချလိုက်ပြီး၊ စားပွဲပေါ်တက်ပြီး မတ်တပ်ရပ်ကာ သပိတ်တရားကို ဟောကြပါတယ်။

အလုပ်သမားထုတရပ်လုံး အလုပ်လုပ်နေကြရင်းက ထမင်းငတ်နေရတဲ့အကြောင်း၊ ဒါကြောင့် ဆန်လုံလောက်စွာ ရရှိဖို့ တောင်းဆိုနေရတာဖြစ်ကြောင်း၊ အလုပ်ခွင်ထဲမှာလဲ အာမခံချက်မဲ့လှတဲ့အခြေအနေကြောင့် လုပ်ခွင်သက်သာချောင်ချိရေး ကို ဖန်တီးပေးဖို့ တောင်းဆိုနေရတာဖြစ်သလို၊ လမ်းစဉ်ပါတီရဲ့ ဦးဆောင်မှု ဆိုတာနဲ့အတူ စက်ရုံအလုပ်ရုံတွေထဲမှာလဲ အလုပ်သမားကောင်စီဆိုတာတွေ ပေါ်လာပြီး၊ ဒီအလုပ်သမားကောင်စီတွေဟာ အလုပ်သမားတွေအတွက် ဘာမှလုပ်မပေး တဲ့အပြင် ဖိနှိပ်ဒုက္ခပေး ဗိုလ်ကျနေတဲ့အဖွဲ့အစည်းတရပ်အဖြစ်ပဲ လက်တွေ့ဆောင်ရွက်နေတာ ဖြစ်တဲ့အကြောင်း၊ ဒါကြောင့် ဒီအလုပ်သမားကောင်စီဆိုတာတွေကို ဖျက်သိမ်းပေးဖို့ တောင်းဆိုနေကြရတာဖြစ်ကြောင်း ဟောကြ ပြောကြ ရှင်းပြကြပါ တယ်။

လက်တွေ့ ဘဝထဲကလာတဲ့၊ လက်တွေ့ခံစားနေရတဲ့ အကျပ်အတည်းတွေကြောင့်၊ လက်တွေ့ လိုအပ်ချက် အစစ်အမှန်ကို ရရှိရေးအတွက် တောင်းဆို တိုက်ပွဲဝင်နေကြတဲ့ အလုပ်သမားတွေရဲ့ တောင်းဆိုချက် ကြွေးကြော်သံတွေဟာ အင်မတန်မှ တရား မျှတပြီး အင်မတန်မှ ကြောင်းကျိုးကျတဲ့ တောင်းဆိုချက်တွေလဲ ဖြစ်နေပါတယ်။

ကျနော်အပါအဝင်၊ ရပ်ကွက်တွေထဲက လာရောက်နားထောင်ကြသူ၊ ကြည့်ကြရှု့ကြ အားပေးကြသူတွေလဲ တဖြည်းဖြည်း များလာပါတယ်။ တချို့ကလဲ သပိတ်မှောက်နေတဲ့ ဒီစက်ရုံထဲမှာ ကိုယ့်မိ ကိုယ့်ဖ ညီအကိုမောင်နှမ ဆွေမျိုးသားချင်းတွေပါ ပါနေလို့ အခြေအနေလာကြည့်ကြသူမျိုးတွေလဲ ပါနေပါတယ်။

ဂိတ်ဝအတွင်းဖက် သံတံခါးကြီးဘေးမှာ တောင်းကြီးတလုံးကို ကပ်ချထားပြီး၊ သပိတ်ကို သပိတ်မှောက် တိုက်ပွဲဝင်နေကြတဲ့ အလုပ်သမားကြီးတွေကို အစာရေစာအဖြစ် လှူဒါန်း ကူညီနိုင်ဖို့ မေတ္တာရပ်ခံစီစဉ်ထားတဲ့အတွက်၊ ဆေးလိပ်၊ ထမင်းထုပ်၊ မုန့်ပဲသရေစာတွေ လာရောက် ကူညီလှူဒါန်းကြတာလဲ တွေ့ရပါတယ်။ ကျနော်လဲ အိပ်ကပ်ထဲ ပါလာခဲ့တဲ့ ပိုက်ဆံလေးနဲ့ ဆေးပေါ့လိပ်တစီး၊ ငှက်ပျော နှစ်ဖီးဝယ်ပြီး သံတိုင်ကြားကနေ လက်လျှို ထည့်ဝင်လှူဒါန်းလိုက်ရပါတယ်။ အလှူခံတောင်း ကြီးဟာ တခဏတွင်းမှာပဲ အပြည့်အမောက်ဖြစ်ဖြစ်သွားတာ တွေ့ရပါတယ်။

အဲဒီအချိန်မှာပဲ သမိုင်းချည်စက်နဲ့ သိပ်မဝေးလှတဲ့ အုတ်ကျင်းဂုံနီစက်ရုံကြီးအတွင်းမှာလဲ အလုပ်သမားထုဟာ အလုပ်သမား သပိတ်တိုက်ပွဲကြီးကို ဆင်နွဲနေကြပါပြီ။ ကြွေးကြော်သံတွေဟာ စက်ရုံတခုနဲ့ စက်ရုံတခု ဆက်နေပြီး၊ စည်စည်ညံအောင် လွှင့်ပျံ ဝေ့ဝဲနေပါတော့တယ်။ ဆင်မလိုက်သင်္ဘောကျင်းကလဲ သပိတ်မှောက်နေသတဲ့၊ ဆပ်ပြာစက်ရုံကလဲ သပိတ်မှောက် နေသတဲ့၊ သံမဏိစက်ရုံကလဲ သပိတ်မှောက်နေသတဲ့… ဆိုတဲ့အသံတွေဟာလဲ နေရာပေါင်းစုံကနေ ပျံ့နှံ့ဝင်လာပါတယ်။

အဲဒီအချိန်မှာပဲ ရန်ကုန်မိုးလေး တဖြိုက်နှစ်ဖြိုက်ရွာကျလာပါတယ်။ ဇွန်လရဲ့မိုးရေစက်တွေဟာ ခပ်ဖွဲဖွဲလေးပါပဲ။ သမိုင်းချည် စက်ရှေ့က လူအုပ်ကြီးဟာ လူစုကွဲ မသွားခဲ့ပါဘူး။ အင်းစိန်လမ်းမကြီးရဲ့ ဘေးတဖက်တချက်က ပလက်ဖေါင်းတွေပေါ်မှာ လူတွေတောင် တဖြည်းဖြည်း ပိုပိုများလာပါတယ်။

နေ့လည်လောက်မှာ စစ်ကားတွေ တန်းစီပြီး မြို့ထဲဖက်ကနေ ဝင်လာပါတယ်။ ဆယ်စီးလောက် ရှိပါတယ်။ နောက်ဆုံး ကား တွေပေါ်မှာ သံပေပါကြီးတွေရော သံဆူးကြိုးလိပ်တွေပါ ပါလာခဲ့ပါတယ်။ ကားတိုင်းပေါ်မှာ မျက်နှာထားတင်းတင်းနဲ့ လက် နက်အပြည့်အစုံ၊ အီကွေးမင့်အပြည့်အစုံနဲ့စစ်သားတွေ အပြည့်။ သေနတ်တွေမှာလဲ ဘက်နက်တွေ အဆင်သင့်တပ်ထားလို့။ တချို့က ခါးမှာ မျက်ရည်ယိုဗုံးတွေ အပြည့်ပတ်ထားလို့။ ရှေ့တန်းစစ်မျက်နှာမှာ ကတုတ်ကျင်းတခုခုကို အတင်းဝင်ရောက် သိမ်းဖို့ အသင့်ပြင်ဆင်လာခဲ့တဲ့ ပုံစံမျိုး။ စစ်သားတချို့က နောက်ဆုံးကားတွေပေါ်က ပေပါခွံကြီးတွေကို ကားအောက်ချ လိုက်ပြီး ပေတရာလမ်းမကြီးပေါ်မှာ စစ်ကားတန်းကြီးရဲ့နောက် တန်းစီပြီး ထောင်ထားလိုက်ကြတယ်။

ရှေ့ကားပေါ်က စစ်သားတချို့လဲ ဆင်းလာပြီး စက်ရုံဂိတ်ဝအပေါက်နဲ့ ဝါးတရိုက်လောက် အကွာမှာပဲ ပေတရာလမ်းမကြီးပေါ် ကန့်လန့်ဖြတ် ပြီး မျဉ်းဖြူသုံးကြောင်းကို စည်းသားရေးဆွဲလိုက်ကြတယ်။ အဲဒီ မျဉ်းဖြူသုံးကြောင်းရဲ့ တလံကွာလောက်မှာ ဘက်နက်တပ် သေနတ်ကိုင်စစ်သားလေးယောက်ဟာ ရင်ဘောင်တန်းပြီး အသင့်အနေအထားနဲ့ မတ်တပ်ရပ်နေကြတယ်။ အဲဒီနောက်မှာ၊ တလံကွာလောက်ဆီမှာ၊ နောက်တတန်း နောက်တတန်း ထပ်ပြီး ထပ်ပြီး မတ်တပ်ရပ်နေကြတယ်။ ဗိုလ်လုပ်တဲ့သူက ကား ရှေ့ ဘေးမှာမတ်တပ်ရပ်နေပြီး လက်ထဲမှာ စကားပြောစက်ကိုကိုင်ထားရင်း အဆက်မပြတ်မေးးလိုက် ဖြေလိုက် သတင်းအပို့ အယူတွေ လုပ်နေတယ်။ ကားပေါ်မှာလဲ လက်နက်ကိုင်စစ်သားတွေက အပြည့်။

စက်ရုံ အလုပ်သမားကြီးတွေက အတွင်းစက်ရုံတွေထဲကနေ ကြွေးကြော်သံတွေ တိုင်နေကြသလို၊ ဂိတ်ဝကြီးအနီး အပြင် ဝင်းထဲကနေလဲ ကြွေးကြော်သံတွေ အတိုင်အဖေါက်ညီညီ အော်နေကြတယ်။ ဒီမြင်ကွင်းကို မြင်နေရတဲ့ ပြည်သူလူထုဟာ ရင်ထဲမှာ လှုပ်ရှားမှုမျိုးစုံနဲ့နိုးကြွနေပြီး သပိတ်မှောက်အလုပ်သမားကြီးတွေရဲ့ တိုက်ပွဲကို စိတ်ရောလူပါ အားပေးရင်း ရပ် ကြည့် နေမိကြတယ်။ စစ်တပ်ကတော့၊ မျဉ်းသားထားတဲ့ လမ်းမအတွင်း ဆင်းမလာနဲ့၊ လာတဲ့သူ ပစ်သတ်မယ် ထိုးသတ်မယ် ဆိုတဲ့အသွင်မျိုးနဲ့ ခပ်ထန်ထန်မျက်နှာကြောကို နှစ်ဆတိုးပြီး တင်းထားတယ်။ အဲဒီအချိန်မှာ ကျနော်လဲပဲ သပိတ်ကြီးကို ထောက်ခံသူတယောက်အဖြစ်၊ အားပေးသူတယောက်အဖြစ်၊ ပြည်သူပရိသတ်ကြီးကြားမှာ ပါဝင်တည်ရှိ ရပ်ကြည့်ငေးမော နေမိတယ်။

ဂိတ်ဝတံခါးကြီးရှေ့က ခုံပေါ်မှာ မတ်တပ်ရပ်ပြီး တရားဟောနေတဲ့ အလုပ်သမားခေါင်းဆောင်တဦးက ‘ကျနော်တို့ဟာ ငြိမ်း ချမ်းစွာ ဆန္ဒပြ သပိတ်မှောက်နေတာ ဖြစ်တယ်၊ ကျနော်တို့အလုပ်သမားတွေရဲ့ လိုလားချက်တွေကို တရားမျှတစွာ တောင်း ဆိုနေတာဖြစ်တယ်…’ ဆိုတဲ့အကြောင်းနဲ့ တောင်းဆိုချက်တွေကို တခုချင်း ထပ်ပြီး ရှင်းပြနေတယ်။

အဲဒီအချိန်မှာ ဘတ်စ်ကားလိုင်းတွေလဲ ရပ်သွားလို့ ကုန်းကြောင်းလျှောက်ပြီး ပလက်ဖေါင်းအတိုင်း ပြန်လာကြရတဲ့၊ အင်းစိန် ဖက်ကနေ မြို့ထဲဖက်ဆီ ပြန်ကြရမယ့် ဝန်ထမ်းတွေ လက်လုပ်လက်စားတွေရော၊ တိမွေးကုတက္ကသိုလ် စက်မှုတက္ကသိုလ် တို့ကနေ သမိုင်းအဆောင်တွေဆီ ပြန်ကြရမယ့် ကျောင်းသားကျောင်းသူတွေရော၊ ကမာရွတ်ဖက်ကနေ အင်းစိန်ဖက် သမိုင်း ဖက်ပြန်ကြရမယ့် ဝန်ထမ်းတွေ ဈေးသည်တွေပါ ဒီနေရာရှေ့ရောက်လာကြတော့ ဒီလို မြင်ကွင်းကြီးမျိုးကို မြင်လိုက်ကြရ တော့ …

မတိုင်ပင်ရပဲနဲ့ ရပ်ကြည့်ပါဝင်လာကြသူတွေလဲ တဖြေးဖြေးများလာတယ်။ လူအုပ်ကြီးက ပိုပို များလာတယ်။ တချို့လဲ ဖြတ် သွားဖြတ်လာသဘော၊ တခဏ။ တချို့လဲ ဘာများ ဆက်ဖြစ်ကြဦးမလဲ စောင့်ကြည့်ချင်ကြတဲ့သဘော သိချင်ကြတဲ့သဘော ခပ်ကြာကြာ။ တချို့ကတော့ အလုပ်သမားထုရဲ့ တိုက်ပွဲကြီးကို အားဖြည့်ပေးချင် အားရှိစေချင်တဲ့ စိတ်ပိုင်းဖြတ်မှုမျိုးနဲ့။ တချို့ကတော့ စစ်တပ်ကနေ ဒီသပိတ်မှောက်အလုပ်သမားတွေကို အတင့်ရဲရဲ ဝင်ပြီး အကြမ်းမဖက်ဝံ့အောင် အကြမ်းမဖက် နိုင်အောင် အကာအကွယ်ပေးတဲ့သဘော စောင့်ကြည့်နေတဲ့သဘော သဘောထားအမျိုးမျိုး ခံစားမှုအဖုံဖုံနဲ့ ရပ်ကြည့်နေကြ ပါတယ်။ လူထုပရိသတ်ကြီးဟာ တဖြေးဖြေးများများလာနေတယ်။ သွားတဲ့သူသွား၊ လာတဲ့သူလာနဲ့ လမ်းဟာ ပလက်ဖေါင်း ဘေး နှစ်ဖက်နှစ်ချက်မှာတော့ ပွင့်နေသေးတယ်။ အလျဉ်မပျက် စီးမျော လှုပ်ရှားနေပါတယ်။ အဲဒါကို စစ်တပ်က ဘယ်လို မြင်မိပြီး ဘယ်လိုသဘောပေါက်လိုက်တယ် မသိပါဘူး။ ဘာဒါဖက်က အပေါက်ကို သွားလို့ လာလို့ ဖြတ်သန်းလို့မရအောင် ပိတ်ပစ်လိုက်ပါတယ်။ အဲဒီတော့ အတွင်းပိုင်းက လူအုပ်ကြီးဟာ ရှိပြီးသားအတိုင်း၊ ကျောက်ချထားသလို အသေဖြစ်သွားရ ပါတော့တယ်။

ဘာဒါ မှတ်တိုင်အနားက တန်းစီးရပ်ထားတဲ့ စစ်ကားတန်းကြီးရဲ့အဆုံး၊ ဝါးနှစ်ရိုက်သာသာလောက်မှာ လှိုင်ရဲစခန်း ရှိပါ တယ်။ လမ်းမကြီးရဲ့ တဖက်ခြမ်းမှာတော့ စက်မှုရိပ်သာ နှစ်ထပ်တိုက်အဆောက်အဦးတွေ တန်းစီပြီး တည်ရှိနေပါတယ်။ အချိန်က တဖြေးဖြေးနဲ့ ညနေ သုံးနာရီကျော်လောက် ရှိလာပြီ။ ကြွေးကြော်သံတွေက ညံနေဆဲ။

အဲဒီအချိန်မှာ စကားပြောစက်ကို လက်ကမချတမ်းကိုင်ပြီး စကားပြောနေတဲ့ စစ်ဗိုလ်က ဘယ်ကနေ ဘာအမိန့်ရ လိုက်သလဲ မသိပါဘူး။ တစုံတရာ လှမ်းပြောလိုက်တယ်။ မျက်ရည်ယိုဗုံးကိုင် စစ်သားတွေက မျက်ရည်ယိုဗုံးဝါဝါတွေကို ခါးကဖြုတ်ပြီး လက်ထဲကိုင်လိုက်ကြတာ သတိပြုလိုက်မိတယ်။ လူထုထဲမှာလဲ လှုပ်ကနဲ ဖြစ်သွားတယ်။ အဲဒီအချိန်မှာ လှိုင်ရဲစခန်းထဲက အဓိကရုဏ်းနှိမ်နင်းရေးပုလိပ်တွေဟာ လက်တဖက်မှာ ဒိုင်းခြင်းကြား၊ လက်တဖက်မှာတုတ်တွေကို ကိုယ်စီကိုင်ပြီး ထွက် လာတာ ခပ်ပျပျ မြင်လိုက်ရပါတယ်။ ပြီးတော့ အဲဒီဖက်ခြမ်းက နီးရာလူတွေကို လူအုပ်ကြီးထဲကနေ ဖြတ်သန်းရင်း ဘယ်ညာ ရိုက်ပါတော့တယ်။ အဲဒီတော့ လူတွေဟာလဲ ရှောင်ကြတိမ်းကြ ပြန်ခုခံကာကွယ်ကြနဲ့ ဝုန်းကနဲ ရုန်းရင်းဆန်ခတ် ဖြစ်သွား ပါတယ်။

ရှေ့ဆုံးစစ်သားတွေဖက်က မျက်ရည်ယိုဗုံး နှစ်လုံး၊ လူအုပ်ကြီးဘက် ပြေးဝင်လာပါတယ်။ တရှူးရှူး မီးခိုးတွေနဲ့ မျက်ရည် ယိုဗုံးငွေ့ကြားမှာ လူထုပရိသတ်ကြီးဟာ ပလက်ဖေါင်းပေါ်ကနေ ပေတရာလမ်းမပေါ် ပြိုကျလာပါတယ်။ အဲဒီအချိန်မှာ သေ နတ်သံ နှစ်ချက် ထွက်လာတယ်။

‘ ပစ် ပြီ ဟေ့ ’ ဆိုတဲ့အသံ -

‘ ကျည် မပါဘူး ’ ဆိုတဲ့ အသံ -

နောက်တော့ တဒိုင်းဒိုင်းအသံတွေကြားမှာ …

‘ ဟ…ကျည် ပါတယ် ဟ… ရှေ့မှာ ထိသွားပြီ …သွေးတွေနဲ့ မတွေ့ဘူးလား…’ ဆိုတဲ့အသံ

တွေနဲ့အတူ၊ စစ်တပ်ရဲ့ လူထုကြီးဆီကို ပေတရာလမ်းမတလျောက် တည့်တည့်ပစ်ခတ်နေသံတွေကြားမှာ ကျနော်လဲ ပလက် ဖေါင်းဘေး ခုန်ချဝပ်မှောက်လိုက်ရပါတယ်။ ဝပ်ရင်း မော့်ကြည့်လိုက်မိတော့ သွေးတွေနဲ့ ထိမှန်ထားတဲ့ လူတယောက်ကို လူ သုံးလေးယောက်က အတင်းဝင်ဆွဲနေတာ မြင်လိုက်ရတယ်။ မကြာခင်မှာပဲ မျက်ရည်ယိုဗုံးက မီးခိုးငွေ့တွေ ဟပ်မိပြီး၊ မျက် ရည်တွေ တွေတွေ တွေတွေ ထွက်ကျလာလို့ ခပ်ဝါးဝါးဖြစ်လာရာကနေ၊ စက်မှုရိပ်သာတွေဖက်ဆီ ဆုတ်ပြေးသွားရတဲ့ လူ အုပ် ကြီးကြားထဲ ကျနော်လဲ ပါသွားရတော့တယ်။

အုတ်ကျင်းဖက်ခြမ်း ပလက်ဖေါင်းပေါ်က လူအုပ်ကြီးကလဲ၊ လမ်းဘေးရှိ ဆောက်လက်စတိုက်တခုက ပုံထားတဲ့ အုတ်နီခဲ တွေနဲ့ စစ်သားတွေဆီ ပြန်ပစ်ရင်း တရုန်းရုန်းဖြစ်သွားတယ်။ ချက်ချင်းဆိုသလိုပဲ၊ စစ်တပ်ရဲ့ လမ်းမတည့်တည့်တလျောက် ပစ်နေတဲ့ ကျည်ဆံတွေဟာလဲ လေးဘက်လေးတန်ဆီကို အဆက်မပြတ် လှမ်းပစ်တော့တာပါပဲ။ ရက်ရက်စက်စက်ကို လူ အုပ်ကြီးတွေဆီ လှမ်းပစ်တော့တာပါပဲ။ ဒါကြောင့် လမ်းဘေးက အိမ်ပေါ်က ကြည့်နေကြသူတွေဆီကိုပါ ဝင်မှန်ပါတယ်။ စက်မှုရိပ်သာ တိုက်တန်းတွေဖက်ဆီ အပြေးဆုတ်လာရတဲ့ ကျနော်တို့လူအုပ်ကြီးရဲ့ ခေါင်းတွေပေါ်မှာလဲ ကျည်ဆံတွေ တဝီ ဝီ ဖြတ်လာပါတယ်။

မျက်ရည်ယိုဗုံးဒဏ်ကြောင့် မျက်လုံးတွေ နီ၊ မျက်ရည်တွေ ကျ ၊ စပ်ပူ စပ်လောင်ခံစားကြရရင်း၊ စက်မှုရိပ်သာက တိုက်ခန်း တွေထဲ ပြေးဝင်လာရပါတယ်။ ‘ရေပေးပါ … ရေလေး ပေးကြပါ ခင်ဗျာ…’ လို့ တောင်းသံတွေနဲ့အတူ၊ စေတနာကြီးလှတဲ့ အိမ်ခန်းရှင်တွေက ရေအိုးတွေ ချပေးလို့၊ ကိုယ့်ပုဆိုး ကိုယ်ဆုတ်ဖြဲပြီး၊ အဝတ်စကို ရေထဲနှစ်၊ မျက်နှာ အုပ်သူ အုပ်ကြရ ၊ အိမ်ရှင်တွေက ချပေးတဲ့ မျက်နှာသုတ်ပုဝါ လက်ကိုင်ပုဝါအစတွေ ရေဆွတ်ပြီး မျက်နှာသုတ်ကြ မျက်နှာသစ်ကြနဲ့ တရုန်းရုန်း ဖြစ်သွားရပါတယ်။ ကျနော်လဲ ပုဆိုးစုတ်စ ရေနှစ်ပြီး မျက်နှာကို ခဏခဏသုတ်ပေးနေရတယ်။

ဒီနားမှာဆက်နေရင် ဒီဘက်တွေအထိ ဆက်တက်လာပြီးရှင်းရင်၊ အဖမ်းခံကြရနိုင်တာကြောင့် ခပ်သုတ်သုတ်ဆက်ထွက် လာခဲ့ကြတော့၊ ဒဏ်ရာရသူ နှစ်ဦးကို မနိုင့်တနိုင် ပွေ့ယူလာကြတဲ့လူအုပ်တအုပ်နဲ့ ကင်ပွန်းခြံ ကင်ပွန်းခြုံတွေ ကြား သွား တိုးပါတယ်။ ကျနော်တို့ပါ ဝိုင်းကူပြီးသယ်ပေးခဲ့ရပါတယ်။ တယောက်က ဒူးကို ထိမှန်ထားပြီး ခြေထောက်ကြီးဟာ လည် ထွက်နေပါတယ်။ သွေးတွေကလဲ ဒလဟော ထွက်လို့။ တယောက်က ပေါင်ရင်းမှာ မှန်ထားတာပါ။

သမိုင်းကောလိပ်ဖက်ဆီ ဆက်ထွက်လာခဲ့ကြပြီး ဒဏ်ရာရထားသူ နှစ်ဦးကို လမ်းဘေးမှာ ခဏချထားရင်း၊ အဲဒီတုန်းက ဘယ်ကထွက်လာမှန်းမသိရတဲ့ ပလကအလုပ်သမားကားကြီးတစီးကို လူအုပ်နဲ့ လက်ပြတားလိုက်ကြပြီး နီးရာ ဆေးရုံ ဆေးခန်းတခုခုကို ပို့ပေးပါလို့ အကူအညီတောင်းကာ ဝိုင်းပြီးတင်ပေးလိုက်ကြပါတယ်။ တဦးကတော့ ဒဏ်ရာရသူရဲ့ ညီ တော်လို့၊ သူလိုက်သွားမယ်ဆိုပြီး ဒဏ်ရာရထားသူနဲ့အတူလိုက်သွားမှ ကျနော်တို့လဲ ရပ်ကွက်ထဲ ဟိုကွေ့ သည်ရှောင် ဝင်ရင်း လူစုခွဲပြီး ပြန်လာခဲ့ရပါတယ်။

အဲဒီအချိန်မှာပဲ …

‘ပုံ – သိန်းအောင်၊ ရန်ကုန်တိုင်းပြည်သူ့ကောင်စီ’ ဆိုတဲ့ နာမည်နဲ့ ထုတ်ပြန်လိုက်တဲ့ ပုဒ်မ ၁၄၄ အမိန့်ကျေညာချက် အသံဟာလဲ နေရာအနှံ့ကနေ ထွက်ပေါ်လာနေပါတယ်။ မြန်မာ့အသံကနေ တဆင့်၊ ကားတွေပေါ်ကနေ တဆင့် လှည့်လည် အော်ဟစ်ကျေညာနေသံဟာ သပိတ်မှောက်အလုပ်သမားထုရဲ့ ကြွေးကြော်သံတွေအကြားမှာ ပျာလောင်ခတ်မျှ ထွက်ပေါ် လာနေခဲ့ပါတယ်။

မရှေးမနှောင်းမှာပဲ …

‘ပုံ – အေးကို ၊ တိုင်းမှူး ၊ ရန်ကုန်တိုင်းစစ်ဌာနချုပ် ’ဆိုတဲ့ ကျေညာသံလဲ ထွက်ပေါ်လာပြန်ပါတယ်။ စစ်မာန် စစ်သံ တင်းတင်းနဲ့ ကျေညာလိုက်တဲ့ ရန်ကုန်တိုင်းစစ်ဌာနချုပ်ရဲ့အသံဟာ စစ်ကားတွေပေါ်က တဆင့်၊ ပြည်သူလူထုကြီးကို အပေါ် စီးကနေ ချိမ်းခြောက်နေသလို ထွက်ပေါ်လာခဲ့ပါတယ်။

အဲဒီအချိန်မှာပဲ နိုင်ငံတော်ဝန်ကြီးချုပ် ဦးစိန်ဝင်းရဲ့ နိုင်ငံတော်မှာ ဆန်အလုံအလောက်ရှိတဲ့အကြောင်း၊ ဆန်ပြဿနာ တစုံ တရာမရှိနိုင်တဲ့အကြောင်း ရှင်းလင်းပြေဆိုသံဟာ မြန်မာ့အသံကနေ ဆက်တိုက်လိုလို ထွက်ပေါ်လာနေခဲ့ပါတယ်။

ညဖက်ရောက်တော့ သမိုင်းချည်စက်ရှေ့ဒီပစ်ခတ်မှုကြီးကြောင့် သွေးမြေကျရတာမှာ သေကြေထိခိုက် ဒဏ်ရာရကြရသူ တွေ မနည်းလှကြောင်း၊ ဟိုက သည်က ထပ်ပြီး ကြားရပါတယ်။ ကျနော့်ရှေ့မှာတင် မြင်လိုက်ရတာက လေးယောက်တိတိ။ ကျနော်ကိုယ်တိုင် မမြင်လိုက်ရတဲ့ဘက်မှာက ဘယ်နှစ်ယောက် ရှိလေမလဲ မသိပါ။ ဒါ..ဇွန်လ(၆)ရက် သမိုင်းချည်စက်ရှေ့က ကျနော့်ကိုယ်တွေ့ မျက်မြင်အဖြစ်အပျက်တကွက်ပါ ။ ဒီ သမိုင်းချည်စက်ရှေ့က သွေးမြေကျခဲ့ရမှု အဖြစ်အပျက်ကြီးဟာ ‘၇၄ – ဇွန်(၆)အလုပ်သမားအရေးတော်ပုံကြီး’ ရဲ့ ဘယ်တော့မှ ဖျောက်ဖျက်ပစ်လို့မရနိုင်မယ့် ကနဦးအဖွင့်နိဒါန်းသဖွယ်လဲ ဖြစ် ခဲ့ပါတယ်။

ဇွန်လ (၆) ရက်အကျော် (ရ) ရက်နေ့အကူးမှာလဲ သမိုင်းချည်စက်ရှေ့က ပထမဆုံး သွေးမြေကျခဲ့ရရာ နေရာအနီးမှာပဲ နောက်ထပ် ရက်ရက်စက်စက် ပစ်ခတ်သတ်ဖြတ်နှိပ်ကွပ်တာ ခံခဲ့ကြရပြန်ပြီး၊ ဆင်မလိုက်သင်္ဘောကျင်းသပိတ်ကိုလဲ အတင်း ဝင်ရောက်ပစ်ခတ်ဖြိုခွဲပစ်လို့ သေဆုံးရတဲ့ အလုပ်သမားတွေ ရှိခဲ့ရပါတယ်။ စစ်တပ်နဲ့ဝင်ပြီး အတင်းဖမ်းဆီးခံ ကြရတာတွေ ကတော့၊ ဆန္ဒပြတဲ့ စက်ရုံအလုပ်ရုံတိုင်းလိုလိုပဲ ဖြစ်ပါတယ်။ အထူးသဖြင့် အင်းစိန်မီးရထားစက်ခေါင်းရုံ၊ အုတ်ကျင်းဂုံနီ စက်ရုံ၊ ဆင်မလိုက်သင်္ဘောကျင်း၊ ဘီပီအိုင်ဆေးဝါးထုတ်လုပ်ရေးစက်ရုံနဲ့ သမိုင်းချည်စက်တို့က အလုပ်သမားတွေ အများ ဆုံးဖြစ်ခဲ့ပါတယ်။ အုတ်ကျင်းဂုံနီစက်ရုံက အဖမ်းအဆီးခံကြရသူတွေထဲမှာ ကျနော့်မိတ်ဆွေ စာရေးဆရာ ဖိုးကျော့ တို့လဲ ပါခဲ့ ပါတယ်။

ပြည်သူလူထုကြီးရဲ့ (၉ဝ ဒဿမ ၁၉)ရာခိုင်နှုန်းကျော်က တခဲနက်ထောက်ခံဆန္ဒပြုထားကြတဲ့ ‘၁၉၇၄- ဖွဲ့စည်းအုပ်ချုပ်ပုံ အခြေခံဥပဒေ’ ဆိုတာကြီးကို လူထုကြီးတရပ်လုံးရဲ့ အကျိုးပွားအတွက် အောင်မြင်စွာအကောင်အထည်ဖေါ် အတည်ပြု ပြဌာန်း နိုင်ပြီးပြီလို့ မိုးတလုံး လေတလုံးလိမ်ညာကြွေးကြော်ဟစ်အော်ပြသနေဆဲ ကာလမှာပဲ၊ အသံတောင် မစဲသေးမီမှာပဲ၊ မဆလစစ်အစိုးရဟာ ဆန်တောင်းတဲ့အလုပ်သမားတွေကို ကျည်ဆံတွေပဲပေးပြီး၊ သူတို့ရဲ့ စစ်အာဏာရှင် ဘီလူးသရုပ်ကို အစွယ် တပြူးပြူးနဲ့ ပြသခဲ့ပါတယ်။ နောက်ပိုင်းမှာမှ ကာလတခု ခြားပြီး၊ စက်ရုံ အလုပ်ရုံ ဝန်ထမ်းတိုင်းကို တလလျှင် လူတကိုယ် ဆန်(၅)ပြီ နှုန်း ထုတ်ပေးခဲ့ပါတယ်။ ဒါဟာ ဘာပဲဖြစ်ဖြစ် ဒီတိုက်ပွဲကြီးရဲ့ အကျိုးဆက်တခုလို့ပဲ ပြောရမှာပါ။ နောက်ပိုင်းတော့ ‘အလုပ်သမားကောင်စီ’ ဆိုတဲ့ နာမည်အစား၊ ‘အလုပ်သမားအစည်းအရုံး’ လို့ နာမည်အသစ်ပြောင်းပြီး သဏ္ဍာန်အရ ပြောင်းလဲပြင်ဆင်ဖွဲ့စည်းပေးတာတွေ လုပ်ခဲ့ရပါတယ်။

ဂုဏ်ရောင်ပြောင်တဲ့၊ သမိုင်းစာမျက်နှာပေါ်မှာ မှတ်တမ်းတင်ထားရမယ့် ဒီ ‘ ဇွန် ၆၊ အလုပ်သမားအရေးတော်ပုံကြီး’ ဟာ ဗမာပြည်အလုပ်သမားလှုပ်ရှားမှု သမိုင်းမှာသာမက၊ ဗမာပြည်စစ်အာဏာရှင် ဆန့်ကျင်ရေးသမိုင်းမှာရော၊ ဗမာပြည်နိုင်ငံရေး လှုပ်ရှားမှုသမိုင်းမှာပါ ထာဝရ မော်ကွန်းထူထားခဲ့ရပါပြီ။

အလုပ်သမားထုရဲ့ ၈ုဏ်ရောင်ပြောင်တဲ့ တိုက်ပွဲဝင်စိတ်ဓါတ် – ထာဝရ ဂုဏ်ရောင် ပြောင်ပါစေ …

ဇွန်(၆)စိတ်ဓါတ် အဓွန့်ရှည်ပါစေ …

( ဝင်းတင့်ထွန်း )
ဇွန်လ၊ ၁၉၉၉

မှတ်ချက်။ ။ ဇွန် (၆) အရေးတော်ပုံ ငွေရတုအထိမ်းအမှတ်၊

၁၉၉၉ ခုနှစ်က ရေးသားခဲ့တဲ့ ဆောင်းပါး ဖြစ်ပါတယ်။

အခု ပြန်လည်ရှာဖွေ ကူးယူ ရိုက်နှိပ်ပေးလိုက်ရတာ ဖြစ်ပါတယ်။

source by : http://www.naytthit.net

အပြည့်အစုံ ဖတ်ရန် ...

Sunday, June 5, 2011

အပြည့်အစုံ ဖတ်ရန် ...

အာရပ်လို တော်လှန်ရေးမျိုး မြန်မာပြည် ကြုံနိုင်ဟု ဂျွန်မက်ကိန်း သတိပေး

နယူးဒေလီ (မဇ္ဈိမ) ။ ။ မြန်မာအစိုးရ အနေဖြင့် စစ်မှန်သော ဒီမိုကရေစီ ပြုပြင်ပြောင်းလဲရေး သန္နိဋ္ဌာန်မရှိလျှင် အာရပ်ကမ္ဘာလို တော်လှန်ရေးမျိုး ကြုံတွေ့ရနိုင်ကြောင်း အမေရိကန် ဆီးနိတ်အမတ် ဂျွန်မက်ကိန်းက မြန်မာအစိုးရကို သောကြာနေ့တွင် သတိပေး လိုက်သည်။

ရန်ကုန်မြို့ အမေရိကန် စင်တာတွင် ပြုလုပ်သော သတင်းစာ ရှင်းလင်းပွဲ၌ ဒေါ်အောင်ဆန်းစုကြည်ကို ထောက်ခံသူ ဗီယက်နမ် စစ်ပြန်က ထိုကဲ့သို့ သတိပေး စကား ပြောကြားခဲ့ခြင်း ဖြစ်သည်။

“တစစ ပြုပြင်ပြောင်းလဲရေး မလုပ်ခဲ့တဲ့ နိုင်ငံတွေဟာ နောင်မှာ မရှောင် မလွှဲသာဘဲ တော်လှန်ရေးနဲ့ ကြုံတွေ့ကြရမှာ ဖြစ်တယ်” ဟု သူက ပြောသည်။


မြန်မာအစိုးရသစ် အနေဖြင့် စစ်မှန်သော ဒီမိုကရေစီ ပြုပြင်ပြောင်းလဲမှုများနှင့် စီးပွားရေး ဖွံ့ဖြိုးတိုးတက်မှုများ ပြုလုပ်ရန် အမှန်တကယ် သန္နိဋ္ဌာန်ရှိကြောင်း ပြသနိုင်မည်ဆိုလျှင် အမေရိကန်သည် ရိုင်းပင်းသော လက်တွဲဖော် ဖြစ်လာမည်ဟု သူ၏ ကြေညာချက်တွင် ဆိုထားသည်။

ထို့အပြင် အမေရိကန်- မြန်မာ နှစ်နိုင်ငံဆက်ဆံရေး တိုးတက် ကောင်းမွန်ရေးသည် နွေးထွေးသော စကားလုံးများ အပေါ် မတည်ဆောက်ဘဲ ခိုင်မာသည့် လုပ်ဆောင်ချက်များဖြင့်သာ တည်ဆောက်ရန်နှင့် အရေးအကြီးဆုံး ခြေလှမ်းအဖြစ် နိုင်ငံရေး အကျဉ်းသား ၂၀၀၀ ကျော်ကို ချွင်းချက်မရှိ လွှတ်ပေးရန် ဖြစ်သည်ဟု ဖော်ပြပါရှိသည်။

မကြာခင် စတင်ရန်ရှိသော ဒေါ်အောင်ဆန်းစုကြည်၏ နယ်ခရီးများတွင် လုံခြုံရေးနှင့် လူ့အခွင့်အရေး အတွက် စိတ်ချ သေချာစေရန်လည်း တောင်းဆိုထားသည်။

ယခင် ခရီးစဉ်ကဲ့သို့ အကြမ်းဖက်မှုမျိုး မပေါ်ပေါက်စေရန် အစိုးရသစ်၏ ကာကွယ်ပေးနိုင်စွမ်းသည် ပြောင်းလဲမှု လိုလားကြောင်း ပြသရာရောက်သည့် အရေးကြီးသော စမ်းသပ်မှုတခုဟု ဂျွန်မက်ကိန်းက ပြောဆိုခဲ့သည်။

အမေရိကန် ဆီးနိတ် အမတ်သည် ၃ ရက်ကြာ ခရီးစဉ်အဖြစ်
မြန်မာနိုင်ငံသို့ ဇွန်လ ၁ ရက်နေ့တွင် ရောက်ရှိလာပြီး
ဒီမိုကရေစီ ခေါင်းဆောင် ဒေါ်အောင်ဆန်းစုကြည်၊
မြန်မာအစိုးရသစ် ခေါင်းဆောင်တချို့၊
NLD ပါတီ၊
တိုင်းရင်းသား လွှတ်တော် အမတ်များနှင့်
မြန်မာ့နိုင်ငံရေး ပြောင်းလဲရန်အတွက် တွေ့ဆုံ ဆွေးနွေးခဲ့သည်။


source by : http://www.mizzimaburmese.com

အပြည့်အစုံ ဖတ်ရန် ...

ဂျွန်မက်ကိန်း မြန်မာနိုင်ငံခရီးနှင့် မြန်မာ့နိုင်ငံရေး တွေ့ဆုံဆွေးနွေးမှု အလားအလာ

မြန်မာနိုင်ငံက အစိုးရသစ်နဲ့ နိုင်ငံရေးအင်အားစုတွေက ခေါင်းဆောင်တွေ၊ လူမှုရေးလုပ်ငန်းဆောင်ရွက်နေသူ တွေကို၊ အမေရိကန်ပြည်ထောင်စု Arizona ပြည်နယ်ကိုယ်စားပြု အထက်လွှတ်တော်အမတ် John McCain က ဇွန်လ(၁)ရက်နေ့ ကနေ ဇွန်လ(၃)ရက်နေ့ အထိ၊ မြန်မာနိုင်ငံမှာ သွားရောက်တွေ့ဆုံခဲ့ပါတယ်။ အမျိုးသား ဒီမိုကရေစီအဖွဲ့ချုပ်ခေါင်းဆောင်တွေနဲ့ Mr. McCain နဲ့ တွေ့ဆုံခဲ့ကြတာမှာ၊ မြန်မာ့နိုင်ငံရေးမှာ အားလုံးပါဝင် တဲ့ ဆွေးနွေးမှုဖြစ်ပေါ်လာရေး အခြေအနေတွေကို၊ အဖွဲ့ချုပ်ရဲ့ ဒုဥက္ကဋ္ဌ အငြိမ်းစားဗိုလ်ချုပ်ကြီး သူရဦးတင်ဦး နဲ့ မေးမြန်းဆွေးနွေးပြီး၊ ဒီသီတင်းပတ်ရဲ့ “တပ်မှူးတပ်သား ပြောစကား” ကဏ္ဍမှာ ဦးရော်နီညိမ်းက စီစဉ်တင် ဆက်ထားပါတယ်

ဦးရော်နီညိမ်း ။ ။ တွေ့ဆုံဆွေးနွေးရေး ဖြစ်ပေါ်လာအောင်၊ အမေရိကန်ဘက်က မစ္စတာဂျွန်မက်ကိန်းတို့ ကွန်ဂရက်လွှတ်တော်ကပဲ ဖြစ်ဖြစ်၊ အမေရိကန်အစိုးရကပဲ ဖြစ်ဖြစ်၊ ၀င်ပြောပေးရင်တောင်၊ မျှော်လင့်ချက်ရှိ ရဲ့လားဆိုတာ၊ ကျနော်တို့က သိချင်ပါတယ်။

ဗိုလ်ချုပ်ကြီးတင်ဦး ။ ။ ခုလောလောဆယ် ချက်ချင်းကတော့ ဖြစ်နိုင်ဦးမယ် မထင်သေးဘူးခင်ဗျ။ ဘာဖြစ် လို့လဲဆိုတော့ အခုလက်ရှိ (မြန်မာ) အစိုးရဘက်ကလည်း၊ ထင်ရှားသိသာတဲ့တိုးတက်မှုတွေ ပြဖို့ လိုတယ်ပေါ့၊ အဲဒီလို ပြတယ် ဆိုရင်၊ အမေရိကန်ဘက်ကလည်း၊ သူတို့ဘက်ကလည်း၊ ထပ်တူထပ်မျှညီမျှတဲ့ အကျိုးသက် ရောက်မဲ့ဟာတွေကို ပြမယ် ဆိုတဲ့ဟာမျိုး၊ ဂျွန်မက်ကိန်းက ပြောကြားသွားတာပဲ ရှိတယ်။ အဲဒီတော့၊ ခုလော လောဆယ်မှာ၊ စောင့်ကြည့်ရမှာ ဖြစ်တယ်ပေါ့ဗျာ။ စောင့်ကြည့်ရမဲ့ ကိစ္စတွ test case တွေကတော့၊ အများ ကြီး ရှိတာပေါ့ဗျာ။ နံပါတ်တစ်ကတော့ နိုင်ငံရေးအကျဉ်းသားများ အားလုံးကို လွှတ်ပေးရမယ်ဆိုတာကို၊ ကျနော်တို့က ထပ်ခါတလဲလဲ တောင်းဆိုတဲ့အပြင်၊ Joseph Yun (၂၀၁၁ မေလအတ်ွငး မြန်မာနိုင်ငံကို သွား ရောက်ခဲ့သော အာရှပစိဖိတ်ဒေသဆိုင်ရာ အမေရိကန် ဒုတိယလက်ထောက်နိုင်ငံခြားရေးဝန်ကြီး) လာတုန်းက လည်း၊ ကျနော်တို့က ဒီစကားပဲ ပြောခဲ့တာပဲ။ နောက်ပြီးတော့ ကုလသမဂ္ဂက လူ့အခွင့်အရေးကိစ္စဘက်က လာတဲ့ပုဂ္ဂိုလ်ကိုလည်း (မြန်မာနိုင်ငံဆိုင်ရာ ကုလသမဂ္ဂ၏လူ့အခွင့်အရေး ကိုယ်စားလှယ်Tomas Ojae Quintana) ကျနော်တို့က ဒီလိုပဲ ပြောခဲ့တယ်။ အမေရိကန်ဘက်က လွှတ်တော်(Congress)က လာတဲ့သူတွေ ကိုလည်း၊ ကျနော်တို့က ဒီလိုပဲ ပြောတယ်။ အစိုးရဘက်ကလာတဲ့သူတွေကိုလည်း ကျနော်တို့က ဒီလိုပဲ ပြော တယ်။ ဂျွန်မက်ကိန်းက၊ သူကလည်း ဒါကို(နိုင်ငံရေးအကျဉ်းသားများအားလုံးကို ချွင်းချက်မရှိ ချက်ချင်းလွှတ် ပေးရေး) သေသေချာချာ (မြန်မာအစိုးရသစ်ကို) ပြောပါတယ်တဲ့။ ကျနော်တို့က (ဂျွန်မက်ကိန်းကို) သူ အဲဒီလို ပြောတဲ့အခါမှာ သူတို့ (မြန်မာအစိုးရ)ရဲ့ တုန့်ပြန်ချက်ဟာ၊ ဘယ်လိုရှိပါသလဲလို့ မေးလိုက်တဲ့ အခါကျတော့၊ ဂျွန်မက်ကိန်းက သိပ်ပြီး တိတိကျကျ အဖြေပေးနိုင်တာမျိုးတွေ မရှိသေးဘူး ခင်ဗျ။ အဲဒါကြောင့်မို့၊ ဂျွန်မက် ကိန်းက ကြေညာချက်တွေထဲမှာ တိုက်တွန်းချက်ကို သူ ရေးသွားတာက၊ ဒီလိုဟာမျိုး (နိုင်ငံရေးအကျဉ်းသား များအားလုံးကို ချွင်းချက်မရှိ ချက်ချင်းလွှတ်ပေးခြင်း) ပြသတာ ထင်ရှားရင်၊ အမေရိကန်ဘက်ကလည်း (မြန် မာနိုင်ငံနဲ့ပတ်သက်ပြီး) ထင်ရှားသိသာတဲ့တိုးတက်လုပ်ဆောင်မှုတွေ ပြဖို့အတွက်၊ အသင့်ရှိတယ်၊ အဆင်သင့် ရှိတယ်၊ ဒီကိစ္စဟာ အမေရိကန်ရဲ့အကျိုးအတွက် ပြောတာမဟုတ်ပါဘူး၊ မြန်မာနိုင်ငံ ရှေ့ဆက်ပြီးသွားရမဲ့ခရီး မှာ၊ ရင်ကြားစေ့နိုင်မဲ့ အခြေအနေမျိုး ဖန်တီးနိုင်အောင် ရည်ရွယ်ပြီး၊ ပြောတာပါ ဆိုပြီး၊ သူထုတ်တဲ့ ကြေညာ ချက်ထဲမှာ တွေ့တယ် ခင်ဗျ။

ဦးရော်နီညိမ်း ။ ။ တွေ့ဆုံဆွေးနွေးရေးက၊ အန်ကယ်တို့ဘက်က တလျှောက်လုံး မေတ္တာရပ်ခံ တောင်းဆို လာတာ ဖြစ်ပေမဲ့၊ တဘက်က သဘောထားက၊ ကျနော်တို့က ဘယ်လို ကြည့်ရသလဲ ဆိုတော့၊ ဗိုလ်ချုပ်ကြီး ဟောင်း သူရဦးရွှေမန်းတို့ ဗိုလ်ချုပ်ဟောင်း ဦးခင်အောင်မြင့်တို့ ဦးဆောင်တဲ့လွှတ်တော်တွေ၊ နောက်တခါ ဒု သမ္မတ ဗိုလ်ချုပ်ကြီးဟောင်း သီဟသူရဦးတင်အောင်မြင်ဦးတို့ သမ္မတ ဗိုလ်ချုပ်ကြီးဟောင်း ဦးသိန်းစိန်တို့ ဦး ဆောင်နေတဲ့ အစိုးရအဖွဲ့ဟာ၊ အနားယူသွားပြီဆိုတဲ့ ဗိုလ်ချုပ်မှူးကြီးသန်းရွှေရဲ့ အရိုက်အရာကိုဆက်ခံတဲ့ အုပ် စုပဲ။ ဗိုလ်ချုပ်မှူးကြီးသန်းရွှေရဲ့ သဘောထားက၊ တွေ့ဆုံဆွေးနွေးစရာ မလိုဘူးဆိုတဲ့ ဟာမျိုး ရှိတယ်လို့၊ ကျနော်တို့က ယူဆရပါတယ်။

ဗိုလ်ချုပ်ကြီးတင်ဦး ။ ။ တဘက်ကလည်း သူတို့ (မြန်မာအစိုးရ) ပုံသဏ္ဍာန်ကို ကြည့်ရတာ၊ အမေရိကန်နဲ့ ပြန်ပြီးတော့ နီးစပ်ချင်တယ်ဆိုတဲ့ ဆန္ဒသဘောတွေ ရှိတယ်လို့၊ မှတ်ယူရမှာပေါ့ ခင်ဗျာ။ ဘာကြောင့်လဲဆို တော့၊ မြန်မာနိုင်ငံရဲ့ ဒီမိုကရေစီနဲ့လူ့အခွှင့်အရေးနဲ့ပတ်သက်လို့၊ ကျနော်တို့ ဒီမိုကရေစီအင်အားစုတွေ ဘက် ကနေ၊ သေသေချာချာကို ဘက်လိုက်ပြီး၊ ကျနော်တို့ဘက်ကနေ အားပေးပြောဆိုနေတဲ့ ပုဂ္ဂိုလ်၊ ဂျွန်မက်ကိန်း ကို တချိန်လုံး (၁၅)နှစ်လုံးလုံးကို လာခွင့်မပေးခဲ့ပဲ၊ အခု လာခွင့်ပေးလိုက်တယ့်ကိစ္စကပင်လျှင်၊ သူတို့ (မြန်မာ အစိုးရ) ဟာ၊ ဘာပဲပြောပြော အရင့်အရင်ထက် စာရင်တော့၊ အမေရိကန်နဲ့ ဆက်ပြီး လုပ်ရင်းကိုင်ရင်း နီးစပ် သွားချင်တယ် ဆိုတဲ့၊ စေတနာတွေတော့ ရှိပုံပေါက်တယ်လို့ မြင်ရတယ် ဗျ။ အဲဒီတော့ စောင့်တော့ကြည့်ရဦး မှာပဲ ခင်ဗျ။

ဦးရော်နီညိမ်း ။ ။ ဟုတ်ကဲ့၊ တွေ့ဆုံဆွေးနွေးရေးနဲ ပတ်သက်လို့၊ ၂၀၀၄ ခုနှစ် ဗိုလ်ချုပ်ကြီးခင်ညွန့် (ထောက်လှမ်းရေးမှူးချုပ်ဟောင်းနှင့် ၀န်ကြီးချုပ်ဟောင်း) ရာထူးက ဖယ်ရှားခံရခါနီး အချိန်တုန်းကလည်း၊ တွေ့ဆုံဆွေးနွေးရေး ဖြစ်လုနီးနီး အခြေအနေမျိုး ရောက်ခဲ့တယ်။ ဒေါ်အောင်ဆန်းစုကြည်ကိုယ်တိုင်ကလည်း၊ ဒါကို ပြောတယ်။ နောက်ဆုံးကျတော့၊ ပျက်သွားရတာကတော့ တဦးတယောက်ထဲရဲ့သဘောနဲ့၊ အမိန့်နဲ့ ပျက် သွားခဲ့ရတယ် ဆိုတဲ့၊ အနေအထားမျိုးကို တွေ့ရပါတယ်။ အဲဒီတော့ တွေ့ဆုံဆွေးနွေးရေးက တကယ်ပဲ မျှော် လင့်ထားလို့၊ ရနိုင်ပါ့မလား ခင်ဗျ။

ဗိုလ်ချုပ်ကြီးတင်ဦး ။ ။ တွေ့ဆုံဆွေးနွေးရေးအပေါ်မှာပဲ မူတည်ပြီးအဖြေရှာရမယ် ဆိုတာကတော့၊ ဒါက မလွဲမသွေ သွားရမယ့်ဟာလို့တော့၊ မှတ်သားထားရမှာပေါ့။ ဘာဖြစ်လို့လဲ ဆိုတော့၊ ဂျွန်မက်ကိန်းရဲ့ ကြေညာ ချက်ထဲမှာ ပါတဲ့ဟာတခုက၊ သူက တချက် ထောက်ပြထားတာ ရှိတယ်။ ကျနော်တို့ကို သူပြောတုန်းကလည်း၊ ဒါက ပါပါတယ်။ သူ့ ကြေညာချက် မထွက်ခင်၊ ဒါကို ကျနော်က မပြောချင်လို့၊ မပြောပဲနေခဲ့တာ တခု ရှိတယ်။ အဲဒါက ဘာလဲဆိုတော့၊ အခု Arab World (အာရပ်ကမ္ဘာ) မှာ ဖြစ်နေတဲ့ကိစ္စဟာ၊ အဲဒီမှာတင် ပြီးသွားမှာ မဟုတ်ဘူးတဲ့။ ဒီလှိုင်းတံပိုးကြီး ထလာတဲ့ကိစ္စဟာ၊ ပွားများလာမဲ့ကိစ္စ ဖြစ်တယ်တဲ့။ Totalitarian Governments (နိုင်ငံသားများအား လွတ်လပ်ခွင့်မပေးပဲ အလုံးစုံချုပ်ကိုင်ထားသော အစိုးရများ) တွေပေါ့ ဗျာ၊ အထူးသဖြင့် One Party ruling (တပါတီ အုပ်ချုပ်ရေးစနစ်) အစိုးရတွေဟာ၊ ဒီမိုကရေစီရဲ့လှိုင်းတံပိုးအောက် မှာ ရောက်သွားကြလိမ့်မယ် ပေါ့။ သို့သော် သွားရပုံသွားရနည်းမှာ အဲဒီလို (အာရပ်ကမ္ဘာမှာလို) ကြမ်းကြမ်း တမ်းတမ်းနဲ့ သွားကြရတဲ့ နည်းထက်၊ အချိန်ရှိနေတုန်းမှာ၊ မြန်မာနိုင်ငံ အနေနဲ့၊ တွေ့ဆုံဆွေးနွေး အဖြေရှာပြီး လုပ်မှ ဖြစ်မယ်ဆိုတာကို၊ သေချာ မှတ်ယူထားရမယ်တဲ့။ ခင်ဗျားတို့ အခု အချိန်မှာ တွေ့ဆုံဆွေးနွေးအဖြေရှာ evolutionary နည်း (အပြောင်းအလဲသို့ ညင်သာချောမွေ့စွာ တဖြည်းဖြည်းသွားသော နည်း)ကို လုပ်ပါ၊ သို့ တည်းမဟုတ် ဒီလို မလုပ်ဘူးဆိုရင်၊ အာရပ်ကမ္ဘာမှာဖြစ်နေတဲ့ မလိုလားအပ်တဲ့၊ သွေးထွက်သံယို revolutionary နည်း (ကြမ်းတမ်းမှုများနှင့် အပြောင်းအလဲသို့ ရောက်ရှိသွားသောနည်း) နဲ့ သွားကြရတဲ့အဖြစ် ကို ရောက်ရှိလာမှာတော့၊ မလွဲမသွေပါပဲ တဲ့။ သူက စစ်သား-စစ်သားချင်း (မြန်မာအစိုးရကို) စစ်သားစကား ပြောသွားခဲ့တာ။ ကျနော် မြင်တာကတော့၊ တွေ့ဆုံဆွေးနွေးရေးနည်းလမ်းသာလျှင် အကောင်းဆုံးနည်းလမ်း ဆိုတာ၊ သူတို့ (မြန်မာအစိုးရ) သဘောပေါက်ပုံ ကြလိမ့်မယ်လို့၊ ထင်ပါရဲ့ ဗျာ။

ဦးရော်နီညိမ်း ။ ။ ထောက်အထားအနေနဲ့ ကျနော်က ဘာကို ပြန်ကြည့်သလဲ ဆိုတော့၊ ဒုတိယဗိုလ်ချုပ် ကြီးဟောင်း ဦးထွန်းကြည်ရဲ့ စာအုပ်ထဲမှာ၊ တွေ့ဆုံဆွေးနွေးရေးကို အခု မပြောနဲ့၊ သူက အဲဒီတုန်းက ဗိုလ် လောင်းပဲ ရှိသေးတယ်၊ ၁၉၅၈ ခုနှစ်တုန်းက။ ဗမာပြည်ကွန်မြူနစ်ပါတီက တွေ့ဆုံဆွေးနွေးရေးကို တောထဲက နေ တောင်းဆိုတဲ့ကိစ္စကို၊ သူ့ရဲ့ အမြင်၊ အဲဒီတုန်းက ဗိုလ်လောင်းလေးပဲ ရှိသေးတဲ့ (ဒုတိယ) ဗိုလ်ချုပ်ကြီး ဟောင်း ဦးထွန်းကြည်ရဲ့ အမြင်က၊ ဒါဟာ မောက်မာတဲ့ တောင်းဆိုချက်ဖြစ်တယ်လို့ မြင်တယ်လို့၊ သူက သူ့ရဲ့စာအုပ်ထဲမှာ ရေးထားတယ်။ ဗိုလ်ချုပ်ကြီးထွန်းကြည်ဆိုရင်၊ တပ်မ (၈၈) မှာ၊ သူက ဒုတပ်မမှူး၊ ဗိုလ်ချုပ် မှူးကြီး သန်းရွှေက တပ်မမှူးနဲ့၊ အတူနေခဲ့ကြတာ။ သူတို့တွေ က တအုပ်စုထဲတွေ။ ဗမာပြည်ကွန်မြူနစ်ပါတီပဲ ဖြစ်ဖြစ်၊ ဘယ်သူပဲဖြစ်ဖြစ် အစိုးရနဲ့ အတိုက်အခံ ဖြစ်နေတဲ့ဘက်က၊ တွေ့ဆုံဆွေးနွေးရေး တောင်းဆိုတာကို၊ “ရာရာစစ ငါတို့ကို ဒါမျိုးလာပြီး တောင်းဆိုရမလား” ဆိုတဲ့၊ သဘောထားရှိ နေတဲ့ အုပ်စုရဲ့ အရိုက်အရာကို ဆက်ခံတဲ့၊ လက်ရှိ (မြန်မာအစိုးရ) ခေါင်းဆောင်တွေရဲ့ အချိန်မှာ၊ တွေ့ဆုံဆွေးနွေးရေးကို၊ ကျနော်တို့က အုပ်စုခွဲပြီး တွက်ရမလို ဖြစ်နေတယ်။

ဗိုလ်ချုပ်ကြီးတင်ဦး ။ ။ ကျနော် တခု စိတ်မကောင်းတာက၊ မနေ့က သူတို့ရဲ့ သတင်း (ဂျွန်မက်ကိန်းနှင့် မြန်မာလွှတ်တော်များနှင့် မြန်မာအစိုးရတို့၏ ခေါင်းဆောင်များ တွေ့ဆုံမှုကို၊ မြန်မာအစိုးရမှ ထုတ်ပြန်သည့် ၂၀၁၁ ဇွန်လ (၂) ရက် နေ့စွဲနှင့် သတင်း) မှာ၊ ပြောသွားတာက ဒေါ်အောင်ဆန်းစုကြည် နိုင်ငံရေးစည်းရုံးရေး အတွက် နယ်ကိုထွက်တဲ့ အခါမှာ၊ လုံခြုံရေးကိစ္စနဲ့ပတ်သက်ပြီး၊ သူတို့ကို ပြောတဲ့အခါမှာ၊ ဘယ်သူမဆို ပြည် သူပြည်သားအားလုံးကို အစိုးရအနေနဲ့ လုံခြုံရေးပေးရမှာက မှန်ပါတယ် ပေါ့လေ၊ သို့သော် သူတို့ ဒေါ်အောင် ဆန်းစုကြည်ကို သတ်မှတ်ထားတာက၊ ဒေါ်အောင်ဆန်းစုကြည်ဟာ သာမန်အရပ်သူပဲ ဖြစ်တယ်လို့၊ ဒီလိုပြော ချလိုက်တာ ဖြစ်တယ်။ ဒေါ်အောင်ဆန်းစုကြည်ကို သာမန်အရပ်သူတယောက်ပဲလို့ အတွေးအခေါ် ရှိနေတုန်း မှာ ဆိုရင်၊ ဒီဥစ္စာက သူတို့ရဲ့ စိတ်ထဲမှာ ရှိနေတဲ့၊ ဒေါ် အောင်ဆန်းစုကြည်အပေါ် ထားရှိတဲ့ ဒီသဘောထား မျိုးကိုတော့၊ ကျနော်တို့က မကြိုက်နှစ်သက်ဘူးလေ။ ဒေါ်အောင်ဆန်းစုကြည်ဟာ ဘယ်လိုအမျိုးသမီးလဲ၊ ဘယ်လိုခေါင်းဆောင်လဲဆိုတာ၊ သူတို့လည်း သိနေပြီပဲဗျာ။ နိုင်ငံတကာက အသိအမှတ်ပြုထားတဲ့ လျှမ်းလျှမ်း တောက် ခေါင်းဆောင်တယောက် ဖြစ်လာတာကို၊ သူတို့လည်း သိမှာပဲ။ ဒီလိုသိထားတဲ့ဟာမှာ၊ ဂုဏ်ရောင် ပြောင်တဲ့ စကားမျိုးကို မပြောနိုင်ရင်တောင်၊ ဒေါ်အောင်ဆန်းစုကြည်ကို သာမန်အရပ်သူ တယောက်လိုပဲ သဘောထားတယ်လို့ ပြောလိုက်တဲ့ဟာက ဆိုရင်၊ သူတို့ စိတ်ထဲမှာ၊ ယတိပြတ်ပြီး တွေ့ဆုံဆွေးနွေးတော့မယ် လိ်ု့ ပြောတဲ့အသံ ပြောတဲ့သဘောတော့ မသက်ရောက်သေးဘူးလို့၊ ကျနော်ကတော့ ထင်သေးတယ်။ ဘာဖြစ် လို့လဲ ဆိုတော့၊ သူတို့ လုံးပမ်းချင်တာက သူတို့ရဲ့လွှတ်တော်ထဲမှာပဲ။ အဲဒီကနေ လွှတ်တော်ထဲမှာ ဆွေးနွေး ပြီးတော့ အဖြေရှာ ကြရမယ်၊ လုပ်ကြရမယ်ဆိုတဲ့ ကိစ္စတွေအပေါ်မှာပဲ၊ ကြိုးစားလုံးပမ်းသွားချင်တယ်ဆိုတဲ့ သဘော ရှိကောင်းရှိပုံရတယ်။ သူတို့က လွှတ်တော်ထဲမှာ အများစုဆိုတဲ့ အခါကျတော့၊ မာန်မာနတရားတွေက တော့ ခေါင်းထဲမှာ ၀င်နေဦးမှာ ရှိနေဦးမှာပဲ။ အဲဒီလို အရှိန်အစော်ရှိနေတဲ့အပြင်၊ (ကန့်လန့်ကာ) နောက်ဘက် မှာ နေနေတဲ့ ပုဂ္ဂိုလ်ကြီး (ဗိုလ်ချုပ်မှူးကြီးသန်းရွှေ) ကိုလည်း၊ သူတို့ လောလောဆယ် လွန်ဆန်နိုင်ဦးမယ် မဟုတ်သေးဘူးလို့၊ အဲဒီလိုပဲ အကြမ်းဖျဉ်း တွက်လို့ ရပါတယ်။ ကျနော်ကတော့ တွေ့ဆုံဆွေးနွေးရေးစားပွဲကို တချိန်မှာ ရောက်ရမှာပဲလို့၊ ယုံကြည်တယ်။

ဦးရော်နီညိမ်း ။ ။ သူတို့က အင်တာနက်က နှစ်မျိုးလုပ်ထားတာ။ ပြည်သူလူထုကိုတော့ အင်တာနက် ကောင်းကောင်း မရအောင်လုပ်ထားပေမဲ့၊ သူတို့အတွက်ကတော့ အကုန်ရတဲ့လိုင်းကို ယူထားတာ။ သူတို့ အကုန်သိတယ်။ သူတို့ အကုန် ဖတ်လို့ ရနေတယ်။ ကမ္ဘာပေါ်မှာ ဘာတွေဖြစ်နေတယ်ဆိုတာ သူတို့က (ပြည် သူလူထုထက်) ပိုပြီးပြည့်ပြည့်စုံစုံသိတယ်။ မျှော်လင့်ချက်ကို နောက်စစ်ခေါင်းဆောင်တွေအပေါ်မှာ၊ အန်ကယ့် အနေနဲ့ မျှော်လင့်ချက်ထားလို့ မရဘူးလား။ ဥပမာ၊ ဗိုလ်ချုပ်ကြီးမင်းအောင်လှိုင်။ သူ့အောက်မှာ မျိုးဆက်သစ် ဂျူနီယာစစ်ခေါင်းဆောင်တွေဟာ၊ ဒါတွေ နားမဆန့်အောင် ကြားနေကြရမှာပဲ။

ဗိုလ်ချုပ်ကြီးတင်ဦး ။ ။ သူတို့ရဲ့ position က၊ သူတို့ရဲ့ ဆောင်ရွက်မှုကိစ္စအ၀၀ဟာ၊ သူတို့ဟာသူတို့ ဆောင်ရွက်ရင်း သူတို့ကိုယ်သူတို့ ယုံကြည်မှုရှိလာရင်တော့၊ သူတို့ လွတ်လွတ်လပ်လပ် ဆုံးဖြတ်ရဲကြလိမ့်မယ် လို့တော့၊ ကျနော် ထင်တာပဲ။ အဲဒီလိုပဲ တွက်ရတာပဲ။ ဟိုတုန်းကလည်း ဒီလိုပဲ။ ဦးနေ၀င်းကြီး နားသွားပြီးတဲ့ နောက်၊ ၁၉၈၈ လူထုအုံကြွမှု ပေါ်လာပြီးတဲ့နောက်ပိုင်းမှာ၊ ဗိုလ်စောမောင်ကို မွေးတယ်။ ဗိုလ်ခင်ညွှန့်ကို မွေး တယ်။ ဗိုလ်စောမောင်က စကားတွေ သိပ်ပြောလာတဲ့ အခါကျတော့၊ ဒုတိယခေါင်းဆောင် (ဗိုလ်ချုပ်မှူးကြီး သန်းရွှေ) ကို မွေးတယ်။ ဒုတိယခေါင်းဆောင်ကလည်း၊ သူ့ အနေအထားတွေ အင်အားတွေ တောင့်လာတဲ့ အခါကျတော့၊ သူ လုပ်နိုင်ပြီဆိုပြီး၊ ရှောက်လုပ်တာပဲ။ လုပ်တဲ့နေရာမှာ၊ လုပ်နည်းလုပ်ဟန်က မမှန်တော့ကာ၊ တိုင်းပြည်ဟာ ပြန်ပြီးတော့ သိပ်ပြီးတော့ ဒုက္ခသုက္ခတွေ ခံနေရတာပေါ့။ နောက် သူတို့ (မျိုးဆက်သစ်ဂျူနီယာ စစ်ခေါင်းဆောင်များ) ဟာသူတို့ ကိုယ်တိုင်လုပ်ရင်းနဲ့၊ သူတို့ဟာ သူတို့ ယုံကြည်ချက် ပြည့်လာတာမျိုး ဖြစ် လာရင်၊ လုပ်ရဲကိုင်ရဲ ဖြစ်လာရင်၊ အမှန်တရားအပေါ်မူတည်ပြီး လုပ်ကိုင်လာကြရင်တော့၊ တွေ့ဆုံဆွေးနွေး ရေးကို ရောက်ကိုရောက်လာရမယ်လို့၊ တွက်ကို တွက်ထားတာပဲ။ နောက်တခုကလည်း၊ ကျနော်တို့ မြန်မာ လူမျိုးတွေရဲ့ စိတ်ဓါတ်ကလည်း၊ သိတဲ့အတိုင်းပဲ ဗျ။ အခု အများတကာတွေက၊ တိုင်းပြည်ထဲမှာ ပြောနေတာ က၊ ကျနော်တို့ တိုင်းပြည်ဟာ နိုင်ငံကြီးတနိုင်ငံ (တရုတ်နိုင်ငံ) ရဲ့ ကြင်ယာတော်နိုင်ငံ ဖြစ်သွားပြီ၊ နိုင်ငံကြီး တနိုင်ငံရဲ့ အစိပ်အပိုင်း ဖြစ်သွားပြီလို့။ အဲဒီလို အတွေးအခေါ်တွေက ပြည်တွင်းထဲမှာ များလာတယ်ဗျ။ အဲဒီ တော့ သူတို့ (မြန်မာအစိုးရ) လည်းပဲ၊ ဒါတွေကို ကြားနေကြရတော့၊ ပြင်ရတော့မယ်ဆိုတာကို သဘောပေါက် လာကြရင်၊ ဘာပြောပြော သူတို့ အားကိုးမှီနိုင်ရာ သူတို့အတွက် မိတ်ကောင်းဆွေကောင်းကိုတော့၊ သူတို့ ရှာ ကြရမှာပဲ ဗျ။

ဦးရော်နီညိမ်း ။ ။ အခု ဂျွန်မက်ကိန်းလာတဲ့ ခရီးစဉ်မျိုးက၊ သူတို့တွေအတွက် လက်တွေ့ပဲ။ တခြားနိုင်ငံ တွေက ကမ္ဘာပေါ်မှာ နံပါတ်(၁)ဖြစ်နေတဲ့ နိုင်ငံတွေက၊ ငါတို့အပေါ် ဘယ်လို သဘောထားလဲ၊ ငါတို့ဟာ ဘယ် လိုဖြစ်နေလဲ၊ ကမ္ဘာပေါ်မှာ အများရဲ့အမြင်က၊ ဘယ်လိုရှိလဲ၊ သူများတွေက ငါတို့အပေါ်မှာ ဘယ်လို မြင်နေ သလဲ။ ဒါမျိုးတွေ ပိုသိလာတာပေါ့။ မျိုးဆက်သစ်ကို ဘာကြောင့် တွက်ကြည့်ရတာလဲဆိုတော့၊ အန်ကယ့်တုန်း ကနဲ့ ကျနော်တို့က ပြန်ပြီး ယှဉ်ကြည့်တာ။ အန်ကယ့်တုန်းကလည်း၊ ဘာပဲပြောပြော၊ အန်ကယ် ကာကွယ်ရေး ဦးစီးချုပ်ဖြစ်တဲ့အချိန်မှာ၊ အပေါ်က ဦးနေ၀င်းတို့ ဦးစန်းယုတို့ လုပ်တာတွေကို၊ အန်ကယ် မကြိုက်တာတွေ သဘောထားကွဲလွဲတာတွေ ရှိခဲ့တာပဲ။ အဲဒီတော့ အန်ကယ်တောင်မှ အဲဒါမျိုး အမှန်ကို မြင်လို့၊ ဦးနေ၀င်းတို့ ဦးစန်းယုတို့နဲ့ အတွေးအခေါ်အရ၊ လမ်းက ကွဲလာပြီးသား၊ အဲဒါကိုလည်း အခု ကျနော်တို့က ပြန်မြင်ကြည့်လို့ အဲဒါတွေကို တွေ့တာပဲ။

ဗိုလ်ချုပ်ကြီးတင်ဦး ။ ။ collective leadership (စုပေါင်းခေါင်းဆောင်မှု) ပေါ့ဗျာ။ နောက်ပြီးတော့ အများ စု ဒီမိုကရေစီအရ လိုက်နာတာကို လုပ်ရမယ်။ အနည်းစုရဲ့ ပြောတာဆိုတာတွေကိုလည်း၊ လေးစားရမယ် ဆို တော့၊ ဒါတွေကို ယုံကြည်ခဲ့တာကိုး။ တကယ်တမ်းကျတော့ မဟုတ်ဘူးဗျ။ ထိပ်ပိုင်းကို ရောက်လာတော့၊ ဒီ စနစ်ကြီးကို သံသယက ၀င်လာတယ်။

ဦးရော်နီညိမ်း ။ ။ အန်ကယ်ကိုယ်တိုင်က ကာကွယ်ရေးဦးစီးချုပ်လုပ်လာတဲ့ အခါကျတော့၊ အခု ကာကွယ် ရေးဦးစီးချုပ်နဲ့ အောက်ပိုင်း ဂျူနီယာစစ်ခေါင်းဆောင်တွေကို၊ အန်ကယ် မျှော်လင့်ချက် မထားနိုင်ဘူးလား။ ဘာ့ကြောင့်လဲဆိုတော့၊ အန်ကယ့်တုန်းကတောင် ခုနလို ကွဲလွဲလာသေးတာပဲ။ အဲဒီတော့ အန်ကယ်ကာကွယ် ရေးဦးစီးချုပ်ဖြစ်နေတုန်းက၊ ဗိုလ်ချုပ်ကြီးမင်းအောင်လှိုင်ဟာ ဗိုလ်လောင်းလေးပဲ ရှိသေးတယ်။ အဲဒီအခါကျ တော့ ဗိုလ်ချုပ်ကြီးမင်းအောင်လှိုင်နဲ့ အောက်ဘက်က မျိုးဆက်သစ် ဂျူနီယာစစ်ခေါင်းဆောင်တွေကို၊ အန် ကယ် မမျှော်လင့်ဘူးလား ဆိုတာ၊ ကျနော် နောက်ဆုံး သိချင်ပါတယ် ခင်ဗျ။ တွေ့ဆုံဆွေးနွေးရေး ဖြစ်လာ အောင်လို့။

ဗိုလ်ချုပ်ကြီးတင်ဦး ။ ။ မျှော်လင့်တယ်။ မျှော်လင့်တယ်။ လူငယ်တွေကို မျှော်လင့်တယ်။ အမှန်ကတော့ ဆန်းသစ်လာတဲ့ လူငယ်တွေရဲ့ အတွေးအခေါ်တွေကို မျှော်လင့်တယ်။ ဘာဖြစ်လို့လဲဆိုတော့၊ (အမျိုးသား ဒီမိုကရေစီ) အဖွဲ့ချုပ်ရုံးမှာ၊ အဖွဲ့ချုပ်ဝင်လူငယ်တွေရော တခြား ဒီမိုကရေစီအင်အားစုတွေက လူငယ်တွေရော ဒီမိုကရေစီအဖွဲ့တွေမဟုတ်တဲ့ သူတို့ဟာသူတို့ တိုင်းပြည်ကိုချစ်တဲ့၊ တိုင်းပြည်ကောင်းရာကောင်းကျိုးကို လို လားကြတဲ့ ကလေးမလေးတွေ ကလေးတွေ၊ ဒေါ်အောင်ဆန်းစုကြည်ရှိတုန်းက (နောက်ဆုံးတခေါက် အကျယ် ချုပ်မကျခင်)၊ ဆွေးနွေးပွဲတွေမှာ ဆွေးနွေးလိုက်ကြတာတွေဟာ သိပ်အားရစရာကောင်းတယ်။ သူတို့တွေးတာ ခေါ်တာ၊ ပွင့်ပွင့်လင်းလင်းပြောသွား တာတွေဟာ တကယ်ကောင်းတယ်။ အဲဒီလို generaltion က ရှိနေတော့၊ အဲဒီ generation က၊ လာမှာပဲ ခင်ဗျ။ ဒါကြောင့် ဂျွန်မက်ကိန်းက ပြောသွားတာ။ evolutionary နည်းနဲ့ သွား မယ်ဆိုရင်လည်း၊ လုပ်ကြပါ၊ ဒီလိုမှ မလုပ်ဘူး ဆိုရင်တော့၊ ခင်ဗျားတို့တိုင်းပြည်ဟာ revolutionary နဲ့ သွား တဲ့နည်းနဲ့ နောက်ဆုံးမှာ တွေ့ကို တွေ့ရတော့မယ်။ ဒါဆိုရင်တော့ မဟုတ်တော့ဘူးလို့၊ သူက သေသေချာချာ ကို ထောက်ပြသွားတာပဲလေ။

ဦးရော်နီညိမ်း ။ ။ မကြာသေးခင်က မြန်မာနိုင်ငံကို ရောက်ရှိခဲ့တဲ့၊ အမေရိကန်ပြည်ထောင်စု Arizona ပြည်နယ် ကိုယ်စားပြု အထက်လွှတ်တော်အမတ် John McCain နဲ့ တွေ့ဆုံခဲတဲ့၊ မြန်မာ့တပ်မတော်ကာကွယ် ရေးဦးစီးချုပ်ဟောင်း၊ အမျိုးသားဒီမိုကရေစီအဖွဲ့ချုပ်ရဲ့ ဒုဥက္ကဋ္ဌ အငြိမ်းစားဗိုလ်ချုပ်ကြီးသူရဦးတင်ဦးကို၊ တွေ့ ဆုံဆွေးနွေးရေးကိစ္စနဲ့ ပတ်သက်ပြီး၊ ဆက်သွယ်မေးမြန်းဆွေးနွေးတင်ပြခဲ့တာ ဖြစ်ပါတယ်ခင်ဗျာ။ ကျနော် ရော်နီညိမ်းပါ။

နားဆင်ရန်

source by : http://www.voanews.com

အပြည့်အစုံ ဖတ်ရန် ...