Saturday, March 27, 2010

နအဖနဲ့ UWSA “၀” တို့ အားပြိုင်ကြမည့်ပွဲ ( သတင်းထူး )


စာဖတ်ပရိသတ်များခင်ဗျား

ယခုတလော စစ်ရေးအရ အပြိုင်အဆိုင် ပြင်ဆင်မှု ပြုလုပ်နေကြတဲ့ နအဖနဲ့ UWSA “၀” တို့ရဲ့ အားပြိုင်နေမှုသတင်းများနဲ့ သုံးသပ်ချက်များကို ပြည်တွင်းရှိ ကက(ကြည်း) နှင့် ကက (လေ) လက်အောက်ခံ အရာရှိများက “စည်းလုံးခြင်းရဲ့ အင်အား” ၀က်ဘ်ဆိုဒ်သို့ သတင်း ပေးပို့လာပါတယ်။

၁။ နအဖဟာ ရွေးကောက်ပွဲဥပဒေကို ခန့်မှန်းထားတာထက် အချိန်ကာလ အနည်းငယ်စောပြီး ထုတ်ပြန်ခဲ့ရတဲ့ အကြောင်းရင်း တစ်ခုရှိကြောင်း၊ ရွေးကောက်ပွဲ ဥပဒေအရ တိုင်းရင်းသား လက်နက်ကိုင်များရှိရာ ရှမ်းပြည်နယ်တခွင်အား ဥပဒေစိုးမိုးမှုဖြင့် ရွေးကောက်ပွဲကို အောင်မြင်အောင် ဆောင်ရွက်ရမှာ ဖြစ်ကြောင်း၊ လက်ရှိအခြေအနေအရ နယ်ခြားစောင့်တပ်ကို ဖွဲ့စည်းခိုင်းထားခြင်းအပေါ် UWSA က လက်မခံခဲ့တဲ့အတွက် နအဖ အနေနဲ့ အကြပ်အတည်း တွေ့နေရကြောင်း၊ နိုင်ငံတကာရဲ့ ဖိအားနှင့် ပြည်တွင်း အကြပ်အတည်းများကြောင့် တရုတ်နိုင်ငံအနေနဲ့ နအဖအား ရွေးကောက်ပွဲကို ဆောလျှင်စွာ ပြီးစီးအောင် ဆောင်ရွက်ဖို့ တိုက်တွန်းခဲ့သည်များရှိခဲ့ကြောင်း၊ ဒီအကွက်ကို နအဖက ပြန်ကောက်ပြီး ရွေးကောက်ပွဲအား မြန်မြန်ပြီးစီးအောင် ပြုလုပ်လိုသော်လည်း UWSA “၀” တို့မှ ကိုးလို့ကန့်လန့် တိုက်နေဟန်ကို လုပ်ကြံပြချင်သဖြင့် ရွေးကောက်ပွဲဥပဒေကို အချိန်အနည်းငယ်စောကာ ထုတ်ပြန်လိုက်ရသည် ဖြစ်ကြောင်း၊ နိုင်ငံရေးအရ စေ့စပ်ဆွေးနွေး အဖြေရှာလို့ မရရင် စစ်ရေးအရ ဖြေရှင်းဖို့ တရုတ်နိုင်ငံအား မဟာဗျူဟာအရ ရွေးကောက်ပွဲ ဥပဒေခင်းပြီး အကြပ်ကိုင်မည် ဖြစ်ကြောင်း သတင်းပေးပို့ လာခဲ့ပါတယ်။



၂။ တရုတ်နိုင်ငံ အနေဖြင့် ဗကပ လက်ထက်တုန်းကလို UWSA ကို နိုင်ငံရေး၊ စစ်ရေး၊ စီးပွားရေး အဆက်အသွယ်ဖြတ်ပြီး နယ်စပ်ပိတ်ဆို့သည်အထိ နအဖက လုပ်စေချင်ကြောင်း၊ ဒါပေမယ့် တရုတ်နိုင်ငံက စေ့စပ်ဆွေးနွေးဖို့သာ လေသံပျော့ပျော့နှင့် တိုက်တွန်းနေလို့ နအဖက မကျေမနပ် ဖြစ်နေကြောင်း၊ ဘင်္ဂလားဒေ့ရ်ှနှင့် မြန်မာ ရေပိုင်နက် အရေးအခင်း တုန်းကလည်း တရုတ်ရဲ့ ရပ်တည်ချက်ကို နအဖမှ ဘ၀င်မကျ ဖြစ်ခဲ့ရကြောင်း၊ UWSA အား တရုတ်နိုင်ငံရဲ့ ကြားခံနယ်မြေအဖြစ် အသုံးပြုလာမှာကို မလိုလားကြောင်း၊ နအဖက တရုတ်နိုင်ငံရဲ့ စီးပွားရေး သည်းခြေကြိုက် ရခိုင်ပြည်နယ် ရွှေဓါတ်ငွေ့သိုက်ဖြင့် မဟာဗျူဟာ ကစားပြီး UWSA အား ထောက်ပံ့မှု ရပ်ဆိုင်းရေး ဖိအားပေးလာမှာ ဖြစ်ကြောင်း၊ မည်သို့ဆိုစေ ရှမ်းပြည်နယ်တောင်ပိုင်း UWSA တပ်ဖွဲ့များကိုတော့ ပြန်လည် ရုတ်သိမ်းခိုင်းတဲ့ နအဖရဲ့ ဆန္ဒကို တရုတ်တို့က သဘောတူလာကြောင်း သတင်းပေးပို့လာပါတယ်။

၃။ ရှမ်းပြည်နယ် စစ်ရေးပြင်ဆင်မှုများကို တင်ပြရရင် တပ်မ (၃၃၊ ၅၅၊ ၇၇၊ ၉၉) များကို ထိုးတင်လိုက်ရာ တပ်မ(၇၇)နှင့် တပ်မ(၉၉)တို့မှာ ရှမ်းပြည်နယ် မော်ဖဂွင်နှင့် ကွတ်ခိုင် ဧရိယာတို့တွင် ဗကပ လက်ထက်ကတည်းက စစ်ဆင်ရေး ကျွမ်းကျင်သော တပ်မများဖြစ်ကြောင်း၊ ၎င်းအပြင် ရှမ်းပြည်နယ် အခြေစိုက် တပ်မများဖြစ်ကြတဲ့ စကခ (၁၊ ၂၊ ၁၄၊ ၁၆၊ ၁၇၊ ၁၈) တို့လည်း ရှိကြကြောင်း၊ အဲဒီအခြေစိုက် တပ်မတွေထဲက စကခမှူး ဗိုလ်မှူးချုပ်သိန်းထွန်း ဦးစီးတဲ့ (စကခ - ၁၆) သိန္ဒီမြို့၊ စကခ တစ်ခုတည်းကိုသာ တောင်ပိုင်းတိုင်း စစ်ဌာနချုပ် စစ်ဆင်ရေး ဧရိယာထဲသို့ ရှေ့တန်း ထွက်ခိုင်းနေကြောင်း၊ ဒါပေမယ့် ကကကြည်းက အချိန်မရွေး ၎င်းတပ်မအား ရှမ်းပြည်နယ်သို့ ပြန်ခေါ် နိုင်ကြောင်း၊ ဒါ့အပြင် အရှေ့ပိုင်းတိုင်းစစ်ဌာနချုပ်၊ တြိဂံတိုင်း စစ်ဌာနချုပ်၊ အရှေ့မြောက်တိုင်း စစ်ဌာနချုပ် (တိုင်းသုံးတိုင်းပေါင်း) မှ လက်အောက်ခံ တပ်ရင်းပေါင်း (၄၈) ရင်းနဲ့ ညီမျှတဲ့ တပ်မ (၅) ခုစာ အင်အားနှင့် အထက်မှာ တင်ပြထားသော မူရင်း တပ်မ (၁၀) ခုစာ ပေါင်းပါက စုစုပေါင်း တပ်မ (၁၅) ခု အင်အား ရှိနေကြောင်း၊ တပ်မတစ်ခုလျှင် ပျှမ်းမျှ အင်အား (၃၀၀၀) နှုန်းဖြင့် တွက်ပါက ရှမ်းပြည်နယ်မှာ နအဖတပ်အနေနဲ့ တိုက်ခိုက်ရေးအင်အား စုစုပေါင်း (၄၅၀၀၀) ခန့် ရှိနေပြီဖြစ်ကြောင်း သတင်း ရရှိပါတယ်။

၎။ တပ်မတော်အနေဖြင့် တိုင်းရင်းသား လက်နက်ကိုင်များကို တိုက်ခိုက်ရာမှာ အတွေ့အကြုံများအရ UWSA “၀” တပ်ဖွဲ့များအား ခက်ခက်ခဲခဲ တိုက်ယူရဖို့ ရှိကြောင်း၊ နအဖ နဲ့ အဆင်ပြေခဲ့တဲ့အချိန်က “၀” တပ်မှူးများဟာ MTA ခွန်ဆာတပ်ဖွဲ့များကို တိုက်ခိုက်ပြီးချိန်တွင် ထိုင်းနိုင်ငံအား ချင်းမိုင်မြို့အထိ တိုက်ခိုက်ဖို့ အဆိုပြုခဲ့ဖူးကြောင်း၊ ဗကပ ခေတ်က ဗမာပြည်မထဲအထိ ထိုးဖောက်ကာ မိုးမိတ်မြို့အထိ တိုက်ခိုက်ခဲ့ဖူးကြောင်း၊ “၀” စစ်သားများရဲ့ သဘောသဘာဝအရ ကောက်ညှင်းနှင့်ဆားရှိလျှင်ပင် စစ်တိုက်လို့ ရကြောင်း၊ မြေခွေးကျင်းကဲ့သို့ မြေကြီးအား လှိုင်ခေါင်းတူး စစ်ဆင်ရေးလိုမျိုးကို အပင်ပန်းခံ စစ်တိုက်နိုင်ခဲ့ကြောင်း၊ အမိန့်အရ ကျားတက်ထိုးပြီဆိုလျှင် မတ်တပ်ရပ်ပြီး မကြောက်မရွံ့ အတင်း တက်တိုက်နိုင်ခဲ့တဲ့ သာဓကများလည်း ရှိကြောင်း၊ ယူနန်နယ်တွင် “၀” ဦးရေ (၅) သန်းရှိနေရာ တိုက်ပွဲဖြစ်လာပါက နယ်စပ်ဖြတ်ကျော်ပြီး အင်အား (၃၀၀၀၀) ခန့်ရှိ UWSA နှင့် ပူးပေါင်းကာ လူလှိုင်းလုံး စစ်နည်းဗျူဟာအရ တိုက်ခိုက်လာနိုင်ကြောင်း ၊ MiG-29 ကို တိုက်ဖို့ရန် အပူလှိုင်းရှာ ပစ်မှတ်လေယာဉ်အား တောက်လျှောက် လိုက်နိုင်သည့် ပုခုံးထမ်း SA-16 GIMLET (Igla-1 9K310)၊ SA-18 GROUSE ကဲ့သို့ တာတိုပစ် Missile များအား ၀ယ်ယူဖို့ UWSA “၀” က ကြိုးစားနေကြောင်း၊ နအဖက လန့်နေသည်မှာ နောက်ကျော ဓါးနဲ့ထိုးမည့် နဂါးပတ်စစ်နည်းဗျူဟာအရ ရှမ်းပြည်နယ်တောင်ပိုင်း UWSA တပ်ဖွဲ့က အတွင်းပိုင်းသို့ ထိုးဖောက် တိုက်ခိုက်နိုင်မည်ကို စိုးရိမ်နေကြောင်း စသည်ဖြင့် သုံးသပ်တင်ပြ ပေးပို့လာပါတယ်။

၅။ ယခင်အခါက တပ်မတော် (လေ) တွင် PC-6 ၊ PC-7 ပန်ကာတပ် ဗုံးကြဲလေယာဉ်များဖြင့် ဗုံးကြဲခဲ့ရာ ရန်သူရဲ့ ပွိုင့် ၅ စက်သေနတ်ကြီးရန်ကြောင့် အမြင့်ပေ တစ်သောင်း အထက်မှ ပျံသန်းခဲ့ရကြောင်း၊ ယခုအခါ UWSA “၀” တွင် မြေပြင်မှ ဝေဟင်ပစ် sam – 7 missile များ ရှိကြောင်း၊ ဒါကြောင့် ယခုအခါမှာ တပ်မတော် (လေ) မှ F - 7 နှင့် MiG – 29 ကဲ့သို့ အသံထက်မြန်သော ဂျက်တိုက်လေယာဉ်များကို sam – 7 missile က ပစ်ချလို့ မရနိုင်အောင် အမြင့်ပေ(၅၀၀၀၀)နှင့် အသံထက်မြန်နှုန်းအသုံးပြု တိုက်ခိုက်မည် ဖြစ်ကြောင်း၊ စစ်ရေး သဘောသဘာဝအရ နှစ်နိုင်ငံနယ်စပ်ကို ကျော်ပြီး အမြောက်ဆံများ၊ missile များနှင့် ကျည်ဆံများ၊ rocket များ ကျရောက်ပါက ပြဿနာရှိနိုင်လို့ နယ်စပ်မျဉ်းကို ဦးစွာသွားပြီးမှ “ပစောက်ကွေ့” ကွေ့ကာ Dog Fight နည်းဗျူဟာဖြင့် တရုတ်နိုင်ငံအတွင်းသို့ မကျစေရေးအတွက် မြန်မာပြည်အတွင်းသို့ ပြန်လှည့်ပစ်တဲ့နည်းအား အသုံးပြုမှာဖြစ်ကြောင်း သိရှိရပါတယ်။

၆။ စည်းလုံးခြင်းရဲ့ အင်အား ၀က်ဘ်ဆိုဒ်မှ တင်ပြခဲ့ပြီးသော သတင်းများအရ ရုရှားလုပ် ခေတ်မှီ Mi - 35 ရဟတ်ယာဉ်များနှင့် MiG - 29 များကို သွားယူရန် လေတပ်မှ ဆေးစစ် ပြီးတဲ့ အရာရှိစစ်သည်များ အပူတပြင်း ထွက်ခွါသွားကြပြီဖြစ်ကြောင်း၊ ပထမ အသုတ်အဖြစ် မေလထဲတွင် Mi - 35 နှင့် MiG - 29 များ မြန်မာပြည်သို့ မရောက် ရောက်အောင် စီစဉ်နေကြောင်း၊ ဝေဟင်မှ မြေပြင်ပစ် missile များနှင့် rocket များကို ဂျက်တိုက်လေယာဉ်များနှင့် ရဟတ်ယာဉ်များပေါ်တွင် အဆင်သင့် တပ်ဆင်ထားပြီး ဖြစ်သလို ရုရှားမှ လက်နက်များ ရောက်ရှိလာပါက ထပ်မံ တပ်ဆင်မည်ဖြစ်ကြောင်း၊ စည်းလုံးခြင်းရဲ့အင်အား ၀က်ဘ်ဆိုဒ်တွင် တင်ပြခဲ့သည့် သတင်းများအရ နမ်စန်နှင့် မိတ္ထီလာတို့တွင် လေ့ကျင့်ထားပြီးသော MiG – 29 နှင့် F – 7 များလည်း အသင့်အနေအထားတွင် ရှိနေပြီဖြစ်ကြောင်း၊ နအဖ အနေနှင့် ကြည်းတပ်မှ သေနတ် “စ” ဖေါက်သည်ထက် လေတပ်မှ သေနတ် “စ” ဖေါက်ရန် စိတ်ဆန္ဒ သန်နေကြောင်း၊ ဧရာဝတီတိုင်းတွင် ၀င်ရောက်လာသော KNU များအား တရုတ်မှ ၀ယ်ယူထားသော လက်နက်ခဲယမ်းများကို Field Training Test စစ်မြေပြင်လက်တွေ့ လေ့ကျင့်စမ်းသပ်မှု ပြုလုပ်ခဲ့ကြောင်း၊ အလားတူ ယခု ရှမ်းပြည်နယ်တွင်လည်း UWSA “၀” များအား ရုရှားမှ ၀ယ်ယူထားသော ဂျက်တိုက်လေယာဉ်များ၊ ရဟတ်ယာဉ်များ၊ လက်နက်ခဲယမ်းများကိုလည်း စစ်မြေပြင်လက်တွေ့ လေ့ကျင့်စမ်းသပ် ပစ်ခတ်မည်ဖြစ်ကြောင်း၊ ဆိုလိုသည်မှာ စက်ပစ်ကွင်းလို မဟုတ်ဘဲ လူသားပစ်မှတ်များအဖြစ် ပယ်ပယ်နယ်နယ် ပစ်ခတ်မည် ဖြစ်ကြောင်း၊ လူကို အနာမခံဘဲ အမေရိကန် စစ်တပ်ရဲ့ စစ်နည်းဗျူဟာအရ ကျည်အား၊ ပစ္စည်းအား သုံးစွဲသွားလိုကြောင်း၊ ကြည်းတပ်မှ တိုက်ခိုက်လျှင် မြေပြင် ကျူးကျော်မှုအရ အထောက်အထား ဖြစ်သွားနိုင်လို့ လေတပ်မရှိတဲ့ “၀” များအား ဝေဟင်လေကြောင်းပိုင်နက် စိုးမိုးမှုဖြင့် “အား”စမ်းသွားနိုင်ကြောင်း၊ ဒါ့အပြင် နအဖ အနေနဲ့ “၀” တပ်ဖွဲ့အား မတရားအသင်း အဖြစ် ကြေညာ၍သော်လည်းကောင်း၊ မူးယစ်ဆေးဝါး ထုတ်လုပ်ရောင်းဝယ်မှု အား အကြောင်းရှာ၍သော် လည်းကောင်း၊ မဟာဗျူဟာ တိုက်ကွက် ဖော်ဆောင် သွားနိုင်ကြောင်း၊ မဟာဗျူဟာမြောက် ၁၅၅ မမ ဟောင်ဝစ်ဇာ အမြောက်ကြီးများနှင့် MiG -29 ခေတ်မှီ ဂျက်တိုက်လေယာဉ်များကို ပြည်တွင်းစစ်တွင် သုံးခွင့် ရှိ/မရှိ UWSA “၀”တပ်ဖွဲ့များအနေဖြင့် ကြိုတင် လေ့လာသင့်ပြီး နအဖက သုံးလာပါက တရုတ်နိုင်ငံ အပါအ၀င် နိုင်ငံတကာကို တိုင်ကြား ကန့်ကွက်နိုင်ခွင့် ရှိကြောင်း စသည်တို့ကို ပြည်တွင်းရှိ တပ်မတော် အရာရှိများက စည်းလုံးခြင်းရဲ့ အင်အား ၀က်ဘ်ဆိုဒ်သို့ သတင်းပေးပို့လာပါတယ် ခင်ဗျား။


source by : http://www.photayokeking.org

အပြည့်အစုံ ဖတ်ရန် ...

Thursday, March 25, 2010

“မကြွေသင့်လျက် ကြွေ၊ မဝေသင့်လျက် ဝေ” - အပိုင်း ( ၂ )

ဆောင်းပါးရှင် - ဗိုလ်ရဲထက်


အပိုင်း ( ၁ ) ကို
ဒီနေရာမှာ နှိပ်ပြီး ပြန်လည်လေ့လာ ဖတ်ရှုနိုင်ပါတယ်။

စစ်တက္ကသိုလ် ကျောင်းဆင်းများပင် ကျောင်းဆင်းဆင်းချင်း ဘ၀သေသည့် အနေအထားသို့ ရောက်လျက် ရှိနေပါသည်။ လက်တွေ့တွင် အညွန့်တလူလူနှင့် ဖြစ်နေရမည့်၊ တောက်ပနေရမည့် အစား တချို့အရာရှိငယ်များမှာ ပျက်ဆီးခြင်း လမ်းကြောင်း အစသို့ ရောက်ပြီး ၎င်းလမ်းမှား များအတွက် အပြောခံ လိုက်ကြရသည်မှာလည်း ရစရာမရှိတော့ပေ။

လတ်တလော ကိစ္စအရ ပြောသူက မှန်သလိုလို ဖြစ်နေပြန်တော့လည်း ဘာမှပြန်ပြော၍ မရ။ ပြဿနာတစ်ရပ်ကို ခရေစေ့ တွင်းကျ စီစစ်၍ so what? ဒီတော့ဘာဖြစ်လဲ... ဆိုသော မေးခွန်းများဖြင့် အပြန်အလှန် စီစစ်သော် “M.Sc မပါရင် တပ်ရင်းမှူး မပေးဘူး၊ Ph.D မရရင် တိုင်းမှူးး၊ တပ်မမှူး မထွက်ဘူး” ဆိုသည့် စကားပေါ်တွင် ရာနှုန်းပြည့်နီးပါး တည်မှီ နေပါသည်။

Moscow Institute of Electronic Technology (Technical University)

ထို့ပြင် ကြိုးစားလျှင် ကြိုးစားသရွေ့ မိမိဘ၀အတွက် အခွင့်အရေးများ ရနေကြသည့် ယနေ့ ၂၁ ရာစုခေတ်ကြီးထဲတွင် သူတို့ ပေးမှ ရကြရသော အခွင့်အရေးများကြောင့် “ဂါရ၀” ဆိုတာထက် “ဖော်လံဖား” များကသာ ပိုမို တိုးပွါးလို့လာကြရသည့် အပြင် အရာရာမှာ သူတို့ ခွင့်ပြုမှရသည် ဆိုသည့် အကြောက်တရား များကလည်း လွှမ်းမိုးလို့ နေပါတော့သည်။

ဤသည်မှာလည်း တိုင်းပြည်၊ တပ်မတော်နှင့် လူမျိုးကို အညွှန့်တုံး ပျက်ဆီးစေသော အချက်ပင် ဖြစ်ပါသည်။ လူတော် လူတတ်တွေ (ပညာတတ်တွေ) ကို နှိပ်ကွပ်ခြင်းတွင် မည်မျှပီပြင်သည် မပီပြင်ဘူး ဆိုသည်ကိုလည်း တပ်မတော်တွင်းမှာ ကိုပင် ဆိုရိုးစကားသဖွယ် ခေတ်စား (ရေပန်းစား) နေသော အောက်ပါ တော် (၅) တော်ကို ကြည့်နိုင်ပါသည်။ ၄င်းတို့မှာ -

(၁) ကိုယ့်အဖေ တော်ရမည်။

(၂) ကိုယ့်ယောက္ခမ တော်ရမည်။

(၃) ကိုယ့်ဆရာ တော်ရမည်။

(၄) ကိုယ့်မိန်းမ တော်ရမည်။

(၅) ကိုယ်ကိုယ်တိုင် တော်ရမည်။

ထိုတော် ( ၅ ) တော်ကို အဆင့် က၊ ခ၊ ဂ ဆိုပြီး ခွဲမည်ဆိုလျှင် ၁ နှင့် ၂ သည် (က) အဆင့်၊ ၃ နှင့် ၄ သည် (ခ) အဆင့် ဖြစ်ကာ ကိုယ်ကိုယ်တိုင် တော်သည့် ၅ သည် နောက်ဆုံးပိတ် (ဂ) အဆင့် ဖြစ်နေပါသည်။

လက်ရှိ တပ်မတော်ထဲတွင် ဒီအတိုင်းပင် ဖြစ်နေပါသည်။ “ငါ့အဖေက ဘာ၊ ငါ့ယောက္ခမက ဘာ” ဆိုတာတွေသည်သာ ပိုပြီး နေရာရနေကြပါသည်။ ထို့နောက်တွင်မှ “ငါ့ဆရာက ဘယ်သူ၊ ငါ့မိန်းမက ဘယ်လိုဝင်ဆံ့တယ် (ပေါက်ရောက်တယ်)” ဆိုတာတွေသည်သာ နေရာရနေကြပါသည်။ ဤအထဲတွင် သနားစရာ အကောင်းဆုံးမှာတော့ “ကိုယ်တိုင် တော်သော ပုဂ္ဂိုလ်များ” ပင် ဖြစ်ကြပါတော့သည်။

“ဒီကောင်လေး တော်ရှာပါတယ် ဒါလေးတော့ ပေးလိုက်ပါ၊ ဒီနေရာလေး ဒီရာထူးလေးတော့ ပေးလိုက်ပါ” ဆိုတာမျိုး သာမန်တော်ရုံတော့ မရပါ။ တော်တကာ့ တော်ထဲမှာမှ တော်တော်ကို တော်မှ ရတာ ဖြစ်ပါသည်။ တော်လွန်းလို့ စောက်မြင်ကတ် ပုဒ်မဖြင့် ချောင်ပို့လိုက်ခြင်း ကိုလည်း ခံရသူများ ဒုနှင့်ဒေး ဖြစ်ပါသည်။ ထို့ကြောင့် တချို့က “ငါတော့ လူကြီးမဖြစ်ချင်ဘူး လူကြီးဖြစ်ဖို့ဆို လေ့လာကြိုးစားနေရဦးမှာ ဒါတောင် မသေချာဘူး၊ လူကြီး သား၊ သမီး ပဲ လုပ်ချင်တယ်” ဟု ပြောကြပါသည်။

စာဖတ်ပရိသတ်များ စဉ်းစားသာ ကြည့်ကြပါကုန်။ ဤသို့ဖြင့် (မွေးစား) မိဘမွေး၊ ဆရာမွေး၊ တပည့်မွေးသော ပြဿနာများမှာလည်း တဖြည်းဖြည်း ကြီးထွားကာ လာပါတော့ သည်။ ပတ်သက်ရာ ပတ်သက်ကြောင်း ဆိုသည်များမှာလည်း ရှိနေပြန်ပါသေးသည်။ ယင်းတို့သည် ကြိုးစားပြီး အရာရာကို စူးစမ်း လေ့လာလိုသော သူများ၏ စိတ်ဓါတ်နှင့် တိုးတက်အောင် ဖန်တီးလိုသော စိတ်ဓါတ်များကို သတ်ပစ်ရာ ရောက်နေပြီး အချောင်ခိုချင်သည့် စိတ်ဓါတ်များ ကြီးမြင့်လာစေသော အချက်များထဲမှ တစ်ချက် အပါအ၀င် ဖြစ်ပါသည်။

ထို့အပြင် ကြိုးစားချင်စိတ်ကို ဖျက်ဆီးရာလည်း ရောက်နေပါသည်။ ကျွန်တော့်တပည့် တစ်ယောက်နှင့် စကားပြောရင်း ကျွန်တော်က “လူဆိုတာ အမြဲလေ့လာ ဆည်းပူးနေရတယ်၊ ဘယ်တော့မှ ပြည့်ဝတယ်လို့ မရှိဘူး” ဟု ပြောရာ ကျွန်တော့်တပည့် ရဲဘော်လေးမှ “ဗိုလ်ကြီးတို့ကတော့ ဟုတ်တာပေါ့၊ ဗိုလ်ကြီးတို့မှာက မျှော်လင့်ချက်တွေကို အကောင်အထည် ဖော်လို့ရတယ်၊ ဒီတော့ မျှော်လင့်လို့ ရတာပေါ့၊ ကျွန်တော်တို့မှာက ဘာမျှော်လင့်ချက်မှ ထားလို့မရဘူး” ဟု ပြန်ပြောပါသည်။

ကျွန်တော်က “ဟ.. မင်းကို ဘယ်သူပြောလဲ မျှော်လင့်ချက် မရှိဘူးလို့၊ မင်းလည်း တပ်ဖွဲ့ အတွင်း သင်တန်းမှာ ကြိုးစား၊ ဒါမှမဟုတ် တပ်မတော် ပညာရေးကျောင်းကနေ (၁၀) တန်း အောင်အောင် ကြိုးစား၊ ပြီးရင် ဗိုလ်သင်တန်းလျှောက်၊ ဘာမျှော်လင့်ချက်မဲ့စရာရှိလဲ မင်းအသက်လည်း မှီသေးတာပဲ၊ ဒီလိုမှ မဟုတ်ရင် ပစ်/ထောက် မှာ တကယ်တတ် အောင်လုပ်၊ ပညာသည်အုပ်စုမှာ ပါအောင်ကြိုးစား၊ ရာထူးတွေ ဘာတွေက အသာထား၊ မင်းသာ တကယ်တတ်ရင်၊ သိရင် မင်းအတွက် နေရာရှိပြီးသားပါ” ဟု ပြောလိုက်ပါသည်။

တပည့်က “ဗိုလ်ကြီးပြောသလိုကတော့ ဟုတ်နိုင်ပါတယ်၊ ဒါပေမယ့် ဒီသင်တန်းတွေ ကျောင်းတွေက လူတိုင်းတက်ရတာမှ မဟုတ်တာ၊ တပ်ရင်းမှူးက ပေးတက်ဦးမှ၊ ပြီးတော့ သင်တန်းတက်ရင် ပိုက်ဆံက ကုန်ဦးမှာ၊ ရတဲ့လစာနဲ့ ဘယ်လိုလုပ်ရမှာလဲ” ဆိုသည့် အဖြေကို ကြားရာ ကျွန်တော်လည်း ငိုင်သွားခဲ့ရပါသည်။ “အေးကွာ တတ်နိုင်သလောက် ကြိုးစားပေါ့၊ စောစောက ကိုယ်ပြောသလိုပဲ ကြိုးစားတဲ့သူ အတွက်ကတော့ နေရာတစ်နေရာ ရှိပြီးသားပါ၊ လိုအပ်တဲ့ အကူအညီလိုလဲ ပြောပေါ့၊ ကိုယ်တတ်နိုင်သလောက်တော့ ဖြည့်ဆည်းပေးပါ့မယ်” ဟုသာ ဖြေခဲ့နိုင်ပါသည်။ ကျွန်တော်မှ မဖြေရှင်း ပေးနိုင်သည်လား၊ တပ်မတော်သည် ဤကဲ့သို့ စနစ်တကျနှင့် ဖျက်ဆီးခံနေရသည်လား ဆိုသည်ကိုလည်း မဝေခွဲတတ်တော့ပါ။

ဤသို့ဆိုလျှင် ယနေ့ မျှော်လင့်ချက် ကင်းမဲ့နေသည့် တပ်မတော်တွင် မည်သူမှ စစ်မှုမထမ်းချင်ကြသည်မှာ သူတို့၏အမှား မဟုတ်ပါ။ ထို့နည်းတူစွာ စစ်တပ်ကို ပြည်သူက မုန်းနေသည်မှာလည်း ပြည်သူ မလွန်ပါ။ လက်အောက်ကို တာဝန်မယူပဲ ကိုယ်ကျိုးရှာနေကြသော စစ်အာဏာရှင်ကြီးများ၏ ခေါင်းဆောင်မှု ညံ့ဖျင်းခြင်းကြောင့်သော် လည်းကောင်း၊ တိုင်းပြည်တိုးတက်ကြီးပွါးရေးထက် မိမိ မိသားစု၊ ဆွေမျိုးများ၏ ကြီးပွါးရေးကိုသာ ရှေ့ရူနေကြသော စစ်အာဏာရှင်များ၏ အုပ်ချုပ်မှု ညံ့ဖျင်းခြင်း တို့ကြောင့်ပင် ဖြစ်ပေသည်။

ထို့ကြောင့် စစ်အာဏာရှင်တို့၏ ညံ့ဖျင်းမှုကြောင့် မကြွေသင့်ဘဲ ကြွေ၊ မဝေသင့်လျက် ဝေ နေကြသော တပ်မတော်အတွင်းမှ ကြွေလွင့်သူတို့၏ ကိုယ်စား ကြုံတွေ့ခဲ့ရသည်တို့အား လက်ရှိ ဖြစ်ရပ်အမှန်အတိုင်း စာဖတ်ပရိသတ်များကို မျှဝေ ပေးလိုက်ရပါသည်။


source by : http://www.photayokeking.org

အပြည့်အစုံ ဖတ်ရန် ...

Wednesday, March 24, 2010

စစ်ဘေး စိုးရိမ်သည့် ၀ အရပ်သားရာချီ နေရပ်မှထွက်ခွာ

သျှမ်းသံတော်ဆင့် | နအဖ စစ်တပ်နှင့် သျှမ်းပြည် (မြောက်ပိုင်း) ရှိ ၀ ပြည် သွေးစည်းရေးပါတီ တို့ကြား စစ်ရေးတင်းမာ နေချိန်တွင် ၀ ထိန်းချုပ် နယ်မြေအတွင်းရှိ ၀ ဒေသခံ ၃၀၀ ခန့်သည် ယခုအပတ်အတွင်း နေရပ်မှ ပြောင်းရွှေ့ထွက်ခွာ နေကြောင်း သိရသည်။

ဝ ဋ္ဌာနချုပ်ရှိရာ ပန်ဆန်းနယ် တ၀ိုက်မှ အသက်အရွယ် ကြီးရင့်သူ အများစုပါဝင်သည့် ၀ အရပ်သားများက ၀တပ်ဖွဲ့ နယ်မြေ၏ မြောက်ပိုင်း နအဖစစ်တပ် ထိန်းချုပ်ရာ နမ့်တစ်၊ ဟိုပန် ၊ ချင်းရွှေဟော် နယ်ခြားဒေသများသို့ ပြောင်းရွှေ့ နေကြောင်း ချင်းရွှေဟော်ဒေသခံ ကုန်သည်တစ်ဦးက သျှမ်းသံတော်ဆင့် သို့ ပြောသည်။

“အဖိုးကြီး အဖွားကြီးတွေ အများစုပါတယ် စစ်ဖြစ်တော့မယ်ဆိုပြီး စိုးရိမ်လို့ ဒီဘက်ပေါ့နော် ထွက်ပြေးလာကြတယ်၊ သူတို့က တရုတ်ပြည်ထဲလည်း သွားနေလို့ မဖြစ်ဘူးလေ၊ အခက်အခဲရှိတာပေါ့ ၊ များသောအားဖြင့် အတွင်း ပိုင်းဘက်ပဲ ပြေးလာကြတယ် ၃၀၀ ကျော်လောက်ရှိတယ် ” ဟု ဆိုသည်။

ယခုရက်ပိုင်းအတွင်း အဆိုပါ ဒေသများသို့ ထွက်ပြေးရောက်ရှိလာသည့် ၀ အရပ်သားများအား နအဖ စစ်တပ်မှ နေရာချ ထားခြင်း ရှိမရှိ မသိရသော်လည်း နီးစပ်ရာ ဆွေမျိုးများထံ နေထိုင်ကြကြောင်း အဆိုပါ ကုန်သည် အပြောအရ သိရသည်။

ထိုသို့ ၀ နယ်မြေအတွင်းမှ အရပ်သားများ ထွက်ခွာနေချိန်တွင် ၀ ထိန်းချုပ်နယ်မြေတွင် တာဝန်ထမ်းဆောင်နေ သည့် နယ်စပ်ဒေသတိုင်းရင်းသားလူမျိုးများ ဖွံ့ဖြိုးတိုးတက်ရေး ၀န်ကြီးဋ္ဌာနမှ နအဖ ၀န်ထမ်းများအား မတ်လ ၂၃ ရက်နေ့ က ပြန်လည်ခေါ်ယူခဲ့ကြောင်း သတင်းရရှိသည်။

နအဖ စစ်တပ်၏ နယ်ခြားစောင့်တပ်ဖွဲ့စည်းရေး အဆိုကို ၀တပ်ဖွဲ့က လက်မခံသဖြင့် စစ်ရေးတင်းမာနေသည့် တိုင်အောင် ၀ တပ်ဖွဲ့အား မြန်မာစစ်တပ်က ထိုးစစ်ဆင် တိုက်ခိုက်ဖွယ်မရှိသေးကြောင်း ၀ တပ်ဖွဲ့နှင့် နီးစပ်သူ တစ်ဦး က ဆိုသည်။

“တစ်ဘက်နဲ့တစ်ဘက် စစ်ရေးပြင်ဆင်နေတာတော့ မှန်တယ် ဒါပေမဲ့ နအဖရဲ့ လက်ရှိလုပ်ကိုင်နေတဲ့ဟာက တ ကယ် တိုက်ခိုက်ဖို့ထက် ဟန်ရေးပြ ခြိမ်းခြောက်တာ ဖြစ်ဖို့များတယ် အခုနောက်ဆုံး ၀န်ထမ်းတွေ အကုန်ပြန် ခေါ်တယ် ဒါတွေအားလုံးက ဗျူဟာခင်းနေတာ လောလောဆယ် မတိုက်နိုင်သေးဘူး ” ဟု ဆိုသည်။

လတ်တလော မြန်မာစစ်တပ်က ၀ တပ်ဖွဲ့အပေါ် သဘောထား တင်းမာနေပြီး နအဖ စစ်တပ်မှ စတင် တိုက်ခိုက် လာပါက ၀တပ်ဖွဲ့အနေဖြင့် တွန်းလှန်ရန် ပြင်ဆင်မှုရှိကြောင်း တရုတ်နယ်စပ် စစ်ရေး နိုင်ငံရေး လေ့လာသူ ဦးအောင်ကျော်ဇော က ဆိုသည်။

“ ၀ ကို ပထမ ပစ်မှတ်ထားတယ် အခု ဗမာစစ်တပ်က ၀ ပြိုအောင် ခြိမ်းခြောက်မှုတွေ ထိန်းချုပ်မှုတွေ လုပ်နေ တယ်၊ အဲလိုခြိမ်းခြောက်ထားတော့ ၀ ဘက်ကလည်း အသင့်ပြင်မှုတွေ လုပ်ထားရတယ် ၊ ၀ ကိုတိုက်တာ ကိုးကန့် ကို တိုက်တာနဲ့ မတူဘူး၊ ၀ တပ်ဖွဲ့ရဲ့ စိတ်ဓါတ် အင်အား အပေါ်မူတည်ပြီး တိုက်ဖို့ရာ ခက်တယ် ” ဟုဆိုသည် ။

ဖေဖေါ်ဝါရီလ ၂၅ ရက်နေ့က သျှမ်းပြည် (မြောက်ပိုင်း) တန့်ယန်းမြို့တွင် နအဖ၏ စရဖချုပ် ဒု ဗိုလ်ချုပ်ကြီး ရဲမြင့် နှင့် ၀တပ်ဖွဲ့ ဥက္ကဋ္ဌပေါက်ယူချမ်း ဦးဆောင်သည့် ကိုယ်စားလှယ်အဖွဲ့တို့ နောက်ဆုံးအကြိမ် တွေ့ဆုံခဲ့သော် လည်းနယ်ခြား စောင့်တပ် ဖွဲ့စည်းရေးအဆိုကို ၀ ဘက်မှ လက်မခံကြောင်း သိရသည်။


source by : http://www.mongloi.org

အပြည့်အစုံ ဖတ်ရန် ...

ဝ'နယ်မှ ဝန်ထမ်းနှင့် NGO များ နေရပ်ပြန်ရန် နေပြည်တော် အမိန့်ထုတ်

ဖနိဒါ | ချင်းမိုင် (မဇ္ဈိမ)။ ။ နယ်ခြားစောင့်တပ်အသွင် ပြောင်းလဲရန် ငြင်းဆိုနေသည့် ဝ’ ပြည် သွေးစည်းညီညွတ်ရေး တပ်ဖွဲ့ UWSA ဌာနချုပ် ပန်ဆန်းမြို့ရှိ အစိုးရဝန်ထမ်းများနှင့် NGO များအား နေရပ်သို့ ယနေ့နောက်ဆုံးထား ပြန်ကြရန် နေပြည်တော်မှ အမိန့်ကျလာကြောင်း တရုတ်နယ်စပ် သတင်းများအရ သိရသည်။

ပန်ဆန်းမြို့မှ စစ်အစိုးရ ဌာနဆိုင်ရာ ဝန်ထမ်းများကို ယခုလ ၂၂ ရက်နေ့မှ စတင်၍ ၂ ရက်အတွင်း လစာပြည့်နှင့် ခွင့်ရက်ရှည်ယူပြီး ပြန်ကြရန် အမိန့်ချခဲ့ကြောင်း ရှမ်းပြည်နယ် သတင်းများကို စောင့်ကြည့်ထုတ်ပြန်နေသော ထိုင်းနိုင်ငံအခြေစိုက် သျှမ်းသံတော်ဆင့် သတင်းဌာန အယ်ဒီတာ ဦးခွန်စိုင်းက ပြောဆိုသည်။

“ပန်ဆန်းမှာရှိနေတဲ့ နအဖ ဌာနပေါင်းစုံဝန်ထမ်းတွေ၊ NGO (အစိုးရမဟုတ်သော အဖွဲ့အစည်း) တွေ အပါအဝင်ပေါ့နော်။ လားရှိုး နယ်စပ်ဒေသ တိုင်းရင်းသားလူမျိုးများ ဖွံ့ဖြိုးရေးဝန်ကြီးဌာန (နတလ)ရုံးကလည်း ပြောတယ်။ နေပြည်တော်က ဆိုင်ရာဝန်ကြီးတွေကလည်း ပြောလာတယ်လို့ သိရတယ်” ဟု သူက မဇ္ဈိမကို ပြောသည်။

ပန်ဆန်းမြို့ရှိ စိုက်ပျိုးရေး၊ ပညာရေး၊ ကျန်းမာရေး၊ သစ်တောနှင့် ကြေးနန်းဌာနတို့မှ ဝန်ထမ်းအများစု ယမန်နေ့ကတည်းက “အထက်လူကြီး” က ပြန်ခိုင်းသဖြင့် ပြန်သွားကြပြီဖြစ်ကြောင်း ပန်ဆန်းမြို့ခံ တဦးကလည်း မဇ္ဈိမကို ပြောသည်။

ဝန်ထမ်းများအနေဖြင့် ခွင့်ရက်ရှည် မည်မျှကြာမည်ကိုမူ အတိအကျ မသိကြရသော်လည်း နှစ်ပေါင်း ၂ဝ အတွင်း ယခုကဲ့သို့ ခွင့်ရက်ရှည်ပေးခြင်းမျိုး မရှိခဲ့သဖြင့် ထူးခြားမှုတခုဖြစ်သည်ဟု ဦးခွန်စိုင်းက သုံးသပ်သည်။

သို့သော် ပန်ဆန်းမြို့ရှိ စစ်အစိုးရတပ်ဖွဲ့အင်အား ၃ဝ-၄ဝ ခန့်ကိုမူ ရုပ်သိမ်း၊ မရုပ်သိမ်းကို မသိရသေးကြောင်းနှင့် ဒေသခံများနှင့် ကုန်သည်များ စိုးရိမ်နေသကဲ့သို့ ယခုရက်ပိုင်းအတွင်း တိုက်ပွဲများ ဖြစ်ပွားမည်ဟု မထင်ကြောင်း သူက ဆက်ပြောသည်။

ယခုလအတွင်း ဝ' အဖွဲ့နှင့် စစ်အစိုးရကြားတွင် တင်းမာမှုများ ရှိနေပြီး နှစ်ဖက် စစ်ရေးပြင်ဆင်မှုများ ပိုမိုပြုလုပ်လာကြသည်ဟုလည်း သိရသည်။

ယခုလလည်မှစ၍ ဝ' တပ်ဖွဲ့၏ နယ်မြေဖြစ်သည့် သံလွင်မြစ် အရှေ့ဘက် ပန်လုံ (Pang Long)၊ ဝုန်ပန် (Hopang) ကားလမ်း၏ တဖက် အနောက်ဘက်ကမ်းတလျှောက်တွင် စစ်အစိုးရ တပ်မ ၅၅၊ ၇၇၊ ၉၉ တပ်များ တိုးချထားကြောင်း ဦးခွန်စိုင်းက ပြောသည်။

ထို့ပြင် သံလွင်မြစ် အနောက်ဘက်ကမ်းရှိ လားဟူဌာနေ ပြည်သူ့စစ်များကို စစ်အစိုးရက ကင်းစောင့်ခိုင်းခြင်း၊ တပ်စခန်းအသစ်များ တိုးချဲ့ဆောက်လုပ်ခိုင်းခြင်းများလည်း ရှိလာနေကြောင်း သိရသည်။

ပြီးခဲ့သည့် ရက်သတ္တပတ်အတွင်းကလည်း ဝ' တပ်မှ တောင်းဆိုထားသည့် အချက် ၉ ချက်မှ အလျော့အတင်းပြုလုပ်ရန် တရုတ်အစိုးရက ကြားဝင်တိုက်တွန်းချက်ကို ဝ' တပ်ဖွဲ့က လက်မခံနိုင်ကြောင်း ပြန်လည်တုံ့ပြန်ခဲ့သည်ဟု တရုတ်-မြန်မာ နယ်စပ်အခြေစိုက် ဦးအောင်ကျော်ဇောက ပြောသည်။

ရှမ်းပြည်နယ်အရှေ့ဘက် ကျိုင်းတုံမြို့ အရှေ့ပိုင်းရှိ မိုင်းပေါက်နှင့် မိုင်းဖျဲန်နယ်မြေရှိ ဝ' တပ်ကို ရုပ်သိမ်းပေးရန် တောင်းဆိုမှုကိုလည်း ဝ' တပ်ဖွဲ့မှ ဗဟိုကော်မတီ ဆုံးဖြတ်ချက်အရ လက်မခံဘဲ ငြင်းဆိုထားသည်ဟုလည်း ဆိုသည်။

UWSA ကို တရုတ်အစိုးရအနေဖြင့် ကြားဝင်ရောက်ပြောဆိုပေးရန် စစ်ဖက်ဆိုင်ရာ လုံခြုံရေး (စရဖ) အကြီးအကဲ ဒုဗိုလ်ချုပ်ကြီး ရဲမြင့်က ယူနန်ပြည်နယ်အစိုးရထံ ယခုလ ၃ ရက်နေ့က စာတစောင်ပေးပို့ခဲ့ရာ၊ စာထဲတွင် ယခုလ ၁ဝ ရက်မတိုင်မီ ဝ' ခေါင်းဆောင်များက နယ်ခြားစောင့်တပ်အဖြစ် လက်မခံလျှင် (၁) မတရားအသင်း ကြော်ငြာမည် (၂) လက်နက်ချခိုင်းမည် (၃) တိုက်မည် ဆိုသည့် အချက်များ ပါဝင်သည်ဟုလည်း ဦးအောင်ကျော်ဇောက ပြောသည်။

၂ဝဝ၂ ခုနှစ်က လားဟူ အမျိုးသားဖွံ့ဖြိုးရေးအဖွဲ့ (Lahu National Development Organisation) မှ ထုတ်ပြန်သော အစီရင်ခံစာတွင် ဝ' ပြည်သူ ၁၂ဝ,ဝဝဝ တောင်ဘက်ပိုင်း (သံလွင်အရှေ့ခြမ်း မိုင်းဆတ်နှင့် မိုင်းတုံမြို့နယ်) သို့ ပြောင်းရွှေ့ခဲ့ကြသည်ဟု ထုတ်ပြန်ခဲ့သော်လည်း ဝ' အာဏာပိုင်များကမူ လူဦးရေ ၈ သောင်းခန့်သာ ပြောင်းရွှေ့ခဲ့သည်ဟု ဆိုသည်။

ယခုလ ၁၃-၁၈ ရက်နေ့များတွင် ကျိုင်းတုံနှင့် လားရှိုးမြို့များတွင် ရုရှနိုင်ငံမှ ဝယ်ယူခဲ့သည့် MIG 29 တိုက်လေယာဉ်များ ဆင်းတက်ပြနေခြင်းသည် အပစ်ရပ်အဖွဲ့များအား ခြိမ်းခြောက်နေခြင်း ဖြစ်သည်ဟု မြန်မာ့အရေးလေ့လာသူ ဦးအောင်ကျော်ဇောက ပြောဆိုလိုက်သည်။

(ကိုဝိုင်း တည်းဖြတ်သည်။)

source by : http://www.mizzimaburmese.com

အပြည့်အစုံ ဖတ်ရန် ...

Tuesday, March 23, 2010

NLD မှတ်ပုံတင်ရေး ဒေါ်စု သဘောမတူပေမဲ့ ပါတီဆုံးဖြတ်ချက် လက်ခံမည်

VOA | စစ်အစိုးရရဲ့ ရွေးကောက်ပွဲ ဥပဒေဟာ တရားမျှတမှု မရှိတာကြောင့် အမျိုးသားဒီမိုကရေစီ အဖွဲ့ချုပ် ပါတီအနေနဲ့ နိုင်ငံရေးပါတီအဖြစ် မှတ်ပုံတင်ရေးကို ဒေါ်အောင်ဆန်းစုကြည် အနေနဲ့ လက်မခံနိုင်တဲ့အကြောင်း ကန့်ကွက်လိုက်ပါတယ်။

ဒါပေမဲ့ ရွေးကောက်ပွဲနဲ့ ပတ်သက်ပြီး အမျိုးသားဒီမိုကရေစီ အဖွဲ့ချုပ်က ဒီမိုကရေစီ နည်းလမ်းတကျ တိုင်ပင် ညှိနှိုင်းပြီး ဆုံးဖြတ်ကြရမှာသာ ဖြစ်တယ်လို့ ဒေါ်အောင်ဆန်းစုကြည်က ရှေ့နေကြီး ဦးဉာဏ်ဝင်းကို ဒီနေ့ ပြောဆိုလိုက်တာ ဖြစ်ပါတယ်။

သူ့အနေနဲ့ကတော့ တရားမျှတမှု မရှိတဲ့ ဥပဒေအရ အမျိုးသားဒီမိုကရေစီ အဖွဲ့ချုပ်က နိုင်ငံရေးပါတီအဖြစ် မှတ်ပုံတင်တာကို ဘယ်တော့မှ လက်မခံနိုင်ဘူးလို့ ပြောဆိုလိုက်ပါတယ်။

တဆက်တည်းမှာပဲ စစ်အစိုးရ ပြဋ္ဌာန်းလိုက်တဲ့ ရွေးကောက်ပွဲ ဥပဒေမှာ ပါရှိတဲ့ အချက်တွေဟာ တရားမျှတမှု မရှိတာကြောင့် NLD အမျိုးသားဒီမိုကရေစီ အဖွဲ့ချုပ်က ဒီနေ့ ဗဟိုတရားရုံးချုပ်မှာ တရားစွဲဆိုလိုက်ပါတယ်။ ဒါပေမဲ့ ဗဟိုတရားရုံးချုပ်က လက်မခံဘဲ ပယ်ချခဲ့ပါတယ်။

အမျိုးသားဒီမိုကရေစီ အဖွဲ့ချုပ်ကတော့ ဘာကြောင့် လက်မခံဘူးလဲဆိုတဲ့ အကြောင်းပြချက်ကို ဆက်လက် သိရှိရအောင် ကြိုးပမ်းသွားမယ်လို့ ပြောပါတယ်။

ရွေးကောက်ပွဲ ဥပဒေပါ အချက်တွေထဲမှာ နစ်နာချက်တွေ ရှိနေတယ်လို့ အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင်အဖွဲ့ ဆုံးဖြတ်ချက်နဲ့ ဥက္ကဋ္ဌ ဦးအောင်ရွှေ လက်မှတ်ရေးထိုးပြီး ဒီဥပဒေကို ထုတ်ပြန်လိုက်တဲ့ အာဏာပိုင်တွေကို တိုက်ရိုက် တရားစွဲဆိုတာ ဖြစ်ပါတယ်။ ဒါပေမဲ့ တရားရုံးချုပ်ကတော့ အကြောင်းပြချက် မပေးဘဲ လက်မခံခဲ့ဘူးလို့ သူကိုယ်တိုင် သွားရောက် တရားစွဲဆိုဖို့ ကြိုးပမ်းခဲ့တဲ့ အမျိုးသားဒီမိုကရေစီ အဖွဲ့ချုပ် ဒု-ဥက္ကဋ္ဌ ဦးတင်ဦးက ဗွီအိုအေကို ရှင်းပြပါတယ်။

ဗဟိုတရားရုံးချုပ်လို့ ဆိုပေမဲ့ ဒီလိုတရားစွဲတဲ့ အမှုမျိုးကို လက်ခံနိုင်လောက်တဲ့ အခွင့်အာဏာ မရှိဘူးလို့ ပြောပြီး ပယ်ချလိုက်တဲ့ အကြောင်းကိုတော့ NLD ဥပဒေ အကြံပေးအဖွဲ့ဝင် တဦးက ပြောပြပါတယ်။

ဥပဒေကြောင်း အရရော နိုင်ငံရဲ့ နိုင်ငံရေး သမိုင်းကြောင်းအရပါ မှတ်တမ်းတင်ရမယ့် သင်္ကေတအဖြစ် မှတ်ယူနိုင်မှာ ဖြစ်တယ်လို့ အကဲခတ်တွေက သုံးသပ်ကြပါတယ်။

နားဆင်ရန်




source by : http://www.voanews.com

အပြည့်အစုံ ဖတ်ရန် ...

NLD တရားစွဲဆိုချက် ဗဟိုတရားရုံးချုပ် ပယ်ချ

VOA | ရွေးကောက်ပွဲ ဥပဒေတွေမှာ ပါရှိတဲ့ အချက်တွေဟာ တရားမျှတမှု မရှိတာကြောင့် ဆိုပြီး အမျိုးသားဒီမိုကရေစီ အဖွဲ့ချုပ်ရဲ့ တရားစွဲဆိုချက်ကို ဗဟိုတရားရုံးချုပ်က လက်မခံ ပယ်ချခဲ့ပါတယ်။ ဒါပေမဲ့ အမျိုးသားဒီမိုကရေစီ အဖွဲ့ချုပ်ကတော့ ဒီအပေါ်မှာ ဘာကြောင့် လက်မခံသလဲ ဆိုတဲ့ အကြောင်းပြချက်ရဖို့ ဆက်ကြိုးပမ်းသွားမယ်လို့ ပြောပါတယ်။ အပြည့်အစုံကို စုံစမ်းမေးမြန်းထားတဲ့ ကိုသားညွန့်ဦးက တင်ပြပေးထားပါတယ်။

NLD ပါတီ ဥက္ကဋ္ဌ ဦးအောင်ရွှေနှင့်
ဒု-ဥက္ကဋ္ဌ ဦးတင်ဦးတို့ ဗဟိုတရားရုံးချုပ်မှ ပြန်လည်ထွက်ခွာလာစဉ်။

ရွေးကောက်ပွဲ ဥပဒေပါ အချက်တွေထဲမှာ နစ်နာချက်တွေရှိတယ် ဆိုပြီးတော့ အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင်အဖွဲ့ ဆုံးဖြတ်ချက်နဲ့ ဥက္ကဋ္ဌ ဦးအောင်ရွှေ လက်မှတ်ထိုးပြီး ဒီဥပဒေ ထုတ်ပြန်တဲ့ အာဏာပိုင်တွေကို တိုက်ရိုက် တရားစွဲဆိုတာ ဖြစ်ပါတယ်။ ဒါပေမဲ့ တရားရုံးချုပ်ကတော့ အကြောင်းပြချက် မပေးဘဲ လက်မခံခဲ့ဘူးလို့ ကိုယ်တိုင် သွားရောက် တရားစွဲဖို့ ကြိုးပမ်းခဲ့တဲ့ အမျိုးသားဒီမိုကရေစီ အဖွဲ့ချုပ် ဒု-ဥက္ကဋ္ဌ ဦးတင်ဦးက ရှင်းပြပါတယ်။

“ရွေးကောက်ပွဲ ကော်မရှင် ဥပဒေတို့၊ မှတ်ပုံတင်ရေး ဥပဒေတို့ စသည်ဖြင့်ပေါ့၊ ဒီဥပဒေတွေဟာ တရားမျှတမှု မရှိဘူး၊ အားလုံး အများအပေါ်မှာ မူတည်ပြီး လုပ်တာ မဟုတ်ဘဲနဲ့ တစု၊ တယောက်တည်း ပုဂ္ဂိုလ်၊ တဖွဲ့သော အဖွဲ့အစည်း စသဖြင့် အဲဒီအပေါ်မှာ မူတည်ပြီး အတားအဆီး၊ အကန့်အသတ်တွေရှိတာ ဖြစ်တဲ့အတွက် ဒါဟာ မမှန်ကန်ဘူး၊ မတရားဘူး၊ စသဖြင့်ပေါ့၊ အဲဒီအပေါ်မှာ မူတည်ပြီး သပ်သပ်မွေး ဥပဒေပေါ့ဗျာ၊ အဲဒီဟာနဲ့ မျှတမှုအပေါ်မှာ ကုစားဖို့အတွက် ကုစားခွင့် ရပါရစေဆိုတဲ့ဟာနဲ့ ပို့တဲ့ ဥပဒေကို ပြဋ္ဌာန်းပြီးတော့ တရားရုံး တင်တာပါ။”

ဒါက လက်ရှိ တည်ဆဲဥပဒေထဲမှာ အကျုံးဝင်တဲ့ သဘောလား။

“ဟုတ်တယ်ဗျ၊ တည်ဆဲဥပဒေပဲလေ။ ဒီနေ့ ကျနော်တို့ သွားတဲ့အခါမှာ ခေါင်းဆောင်ပြီး သွားတာက အမျိုးသားဒီမိုကရေစီ အဖွဲ့ချုပ် အဖွဲ့ကြီးရဲ့ ဥက္ကဋ္ဌ ဦးအောင်ရွှေ၊ ကျနော်ကတော့ အဖွဲ့ချုပ်ရဲ့ ဗဟိုဥပဒေ အထောက်အကူပြု အဖွဲ့ ဥက္ကဋ္ဌ၊ နောက် ဗဟိုဥပဒေ အထောက်အကူပြု အဖွဲ့ဝင် ဦးဉာဏ်ဝင်း၊ နောက် ချောင်းဆုံမြို့နယ် လွှတ်တော်ကိုယ်စားလှယ်ဖြစ်ပြီး ဗဟိုတရားရုံး ရှေ့နေကြီးဖြစ်တဲ့ ဒေါ်ခင်ဌေးကြွယ်၊ သူတို့ ပါပါတယ်။ ပြီးတော့ ရှေ့နေမလေးတယောက် ပါပါတယ်။ အဲဒါ ကျနော်တို့ တရားရုံးကိုသွားပြီး ၀န်ထမ်းရုံးကို သွားတင်ပါတယ်။”

အဲဒါ သူတို့ လက်မခံလိုက်ဘူးလို့ ကြားပါတယ်၊ ဟုတ်ပါသလား။

“ကျနော်တို့ ရောက်တဲ့အခါ သူတို့က ထိုင်နေပါ၊ သက်ဆိုင်ရာသွားပြီး တင်ပြမယ်ဆိုပြီး ထွက်သွားတော့ ကျနော်တို့ အဲဒီမှာ နာရီဝက်လောက် စောင့်တယ်။ ကျနော်တို့ကို နေ့လယ် ၁၂ နာရီခွဲ၊ တနာရီလောက်မှာ ပြန်လာပါဆိုတော့ ခဏနားပြီး ပြန်သွားတယ်။ ပြန်သွားတော့ အဲဒီမှာရှိနေတဲ့ တရားရေး ၀န်ထမ်းကပဲ ဒါနဲ့ပတ်သက်လို့ တင်ပြတာကို သူတို့ လက်မခံနိုင်ပါဘူး ဆိုပြီးတော့ ပြန်ပေးပါတယ်။ ပြန်ပေးတော့ ကျနော့်အနေနဲ့ ပြန်မေးတယ်၊ ဒီ့ထက်ပိုပြီး လက်ခံနိုင်တဲ့ တရားရုံးကို ညွှန်ပါ၊ ကျနော်တို့ အဲဒီမှာ သွားပြီး ဆောင်ရွက်ပါမယ်ဆိုတော့ သူတို့ ဒီအတွက်နဲ့ ပတ်သက်လို့ ပြောပိုင်ခွင့် မရှိဘူးတဲ့။”

တရားရေး လုပ်ငန်းစဉ်အရ၊ တရားရေး လုပ်ထုံးလုပ်နည်း သဘောအရဆိုရင် အခုလို တရားစွဲဆိုတဲ့ဟာကို လက်မခံရဘူး ဆိုတဲ့ဟာမျိုး ရှိလား၊ လက်မခံပိုင်ခွင့် ရှိလား။

“ဘယ်ရှိမလဲဗျ။ အမှန် အဲဒါနဲ့ ပတ်သက်လို့ အခု တရားရုံးအနေနဲ့ လက်ခံဖို့ဟာ ရှာဖွေတယ်။ နောက်ပြီးတော့ ဒီဟာနဲ့ ပတ်သက်လို့ လက်မခံနိုင်ဘူး ဆိုရင်လည်း ဘာကြောင့် လက်မခံနိုင်ဘူးဆိုတဲ့ အကြောင်းပြချက်တွေကို ပြပြီးတော့ အဲဒီဟာနဲ့ ပတ်သက်တဲ့ အချက်အလက် ပေးရမယ် ဆိုတဲ့ဟာကို တရားရေးအရ အကြောင်းချင်းရာ ရှိတယ်။”

အဲတော့ အခု ပယ်လိုက်ပြီဆိုတော့ အန်ကယ်တို့ ဘာစဉ်းစားထားလဲ၊ ထပ်ပြီးတော့။

“ထပ်တက်မယ်၊ ထပ်တက်တဲ့နေရာ ရှိတယ်။ ဒါနဲ့ပတ်သက်လို့ ဘာကြောင့် လက်မခံဘူးဆိုတာကို အကြောင်းပြရမယ့်ဟာတွေ ရှိတယ်။ အဲဒါကိုရှာပြီးတော့ ထပ်တင်မယ်ဆိုတဲ့ သဘောတော့ ကျနော်တို့ ကြိုးစားနေကြတယ်။”

အမျိုးသားဒီမိုကရေစီ အဖွဲ့ချုပ်ရဲ့ စာရင်းအရဆိုရင် နိုင်ငံရေး လှုပ်ရှားမှုကြောင့် ဖမ်းဆီးထိန်းသိမ်း ခံနေရသူ အမျိုးသားဒီမိုကရေစီ အဖွဲ့ချုပ် အဖွဲ့ဝင် ၅၀၀ နီးပါးရှိပြီး အဓိက ခေါင်းဆောင်ပိုင်းဆိုရင် ၃၀ ကျော်ရှိမယ်လို့ သိရပါတယ်။ အခု ရွေးကောက်ပွဲ ဥပဒေအရ ဆိုရင် ဒီလူတွေရော အခြား နိုင်ငံရေး အကျဉ်းသားတွေပါ သူတို့ရဲ့ မူလ ရပိုင်ခွင့်ကို ထိပါးစေတဲ့အတွက် အခုလို နစ်နာမှုအပေါ် တရားစွဲဆိုတာ ဖြစ်တယ်လို့ NLD တာဝန်ရှိသူတွေက ရှင်းပြခဲ့ပါတယ်။

အခု စစ်အစိုးရ ထုတ်ပြန်ထားတဲ့ ရွေးကောက်ပွဲ ဥပဒေတွေမှာ မျှတမှု မရှိတာကြောင့် ဒါကို အားလုံး ညီညီညွတ်ညွတ် ရင်ဆိုင်ကြဖို့ ဆိုပြီးတော့ အထိန်းသိမ်းခံ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း တိုက်တွန်းထားပါတယ်။ ဒီတိုက်တွန်းချက်အရ အခုလို တရားစွဲဆိုမှု လုပ်ခဲ့တာ ဖြစ်တယ်လို့ အမျိုးသားဒီမိုကရေစီ အဖွဲ့ချုပ် ခေါင်းဆောင်တဦးဖြစ်တဲ့ ဦးဝင်းတင်ကလည်း ဗွီအိုအေ မြန်မာပိုင်းကို ရှင်းပြခဲ့ပါတယ်။

အပြည့်အစုံ နားဆင်ရန်




source by : http://www.voanews.com

အပြည့်အစုံ ဖတ်ရန် ...

NLD က စစ်အစိုးရကို တရားစွဲပြီ

ကျော်ခ | ချင်းမိုင် (မဇ္ဈိမ)။ ။ တရားမျှတမှု မရှိသော ရွေးကောက်ပွဲ ဥပဒေများကို ထုတ်ပြန်ခဲ့သဖြင့် စစ်အစိုးရအား အဓိက အတိုက်အခံပါတီ အမျိုးသား ဒီမိုကရေစီ အဖွဲ့ချုပ် NLD က ယနေ့ တရားစွဲဆိုမှု စတင်လိုက်သည်။

NLD ဥက္ကဋ္ဌ ဦးအောင်ရွှေ၊ ဒေါ်အောင်ဆန်းစုကြည်၏ ရှေ့နေများဖြစ်သော ဦးဥာဏ်ဝင်း (NLD ဗဟို အလုပ်အမှုဆောင် အဖွဲ့ဝင်)၊နှင့် ဦးကြည်ဝင်းတို့သည် အမှုဖွင့်ရန်အတွက် ရန်ကုန် ဗဟိုတရားရုံးချုပ်သို့ ယနေ့ နံနက်တွင် သွားရောက်နေကြောင်း သိရသည်။

“အမျိုးသား ဒီမိုကရေစီ အဖွဲ့ချုပ်အနေနဲ့ အခုပြဋ္ဌာန်းလိုက်သော ရွေးကောက်ပွဲဥပဒေ ပါတီများ မှတ်ပုံတင်ခြင်း ဥပဒေ၊ အဲဒီ ဥပဒေတွေ ဖော်ပြထားတဲ့ အချက်တွေဟာ မျှတမှုမရှိတဲ့အတွက်ကြောင့်၊ ထိခိုက်နစ်နာမှုတွေ ရှိနေတဲ့အတွက်ကြောင့် သီးခြား သက်သာခွင့် ဥပဒေ ပုဒ်မ ၄၅ နဲ့ ဗဟို တရားရုံးမှာ ဦးတိုက်လျှောက်မှာပေါ့ဗျာ” ဟု NLD ဗဟိုအလုပ်အမှုဆောင် ဦးအုန်းကြိုင်က မဇ္ဈိမကို ပြောသည်။

ယမန်နေ့တွင် NLD ရန်ကုန်ရုံးချုပ်တွင် ကျင်းပခဲ့သည့် ဗဟိုအလုပ်အမှုဆောင် CEC အစည်းအဝေးမှ စစ်အစိုးရကို တရားစွဲရန် ကန့်ကွက်သူမရှိ ဆုံးဖြတ်ခြင်းဖြစ်ကြောင်း သိရသည်။

နအဖ ဥက္ကဋ္ဌ ဗိုလ်ချုပ်မှူးကြီး သန်းရွှေ လက်မှတ်ဖြင့် ယခုလ ၈ ရက်နေ့၌ ထုတ်ပြန်လိုက်သော “နိုင်ငံရေးပါတီများ မှတ်ပုံတင်ခြင်း ဥပဒေ” တွင် ထောင်ဒဏ် ချမှတ်ခံထားရသူများကို ပါတီမှ ထုတ်ပယ် (သို့မဟုတ်) လက်မခံဘဲ နေရမည်ဟု ဖော်ပြထားသည်။

“လူတဦးချင်းကို ရည်ရွယ်တယ်၊ သူ့ (ဒေါ်အောင်ဆန်းစုကြည်) ကို ရည်ရွယ်တယ်ပေါ့ဗျာ။ ဒါကို တိုင်းသူပြည်သားတွေ၊ ပြည်သူတရပ်လုံးက ညီညီညွတ်ညွတ် ရင်ဆိုင်ပါ ဆိုပြီးတော့ တိုက်တွန်းထားတာ ရှိတယ်။ အဲဒါကို လူ့အခွင့်အရေး အခြေခံနဲ့ တရားစွဲမယ်ပေါ့ဗျာ” ဟု NLD ဗဟိုအလုပ်အမှုဆောင် အဖွဲ့ဝင်တဦးဖြစ်သူ ဦးဝင်းတင်ကလည်း မဇ္ဈိမကို ပြောသည်။

“ဒေါ်စုက ဒီ ဥပဒေ တွေဟာ မတရားဘူးပေါ့ဗျာ။ ထောင်ကျနေတဲ့ပုဂ္ဂိုလ်က ပါတီမှာ မဆောင်ရွက်ရဘူးတို့၊ ပါတီက ထုတ်ပစ်ရမယ်ဆိုတာမျိူးကျတော့ သူ့ (ဒေါ်အောင်ဆန်းစုကြည်) ရဲ့ လူ့အခွင့်အရေးတွေ ဆုံးရှုံးတယ်။ အဲဒါကြောင့် လူ့အခွင့်အရေးချိုးဖောက်မှု အခြေခံနဲ့ ဒီရွေးကောက်ပွဲ ဥပဒေတွေကို တရားစွဲတာပဲ” ဟု သူက ဆက်ပြောသည်။

(ကိုဝိုင်း တည်းဖြတ်သည်။)

source by : http://www.mizzimaburmese.com

အပြည့်အစုံ ဖတ်ရန် ...

ရွေးကောက်ပွဲနှင့်ပတ်သက်ပြီး FDB က NLD ကို အကြံပြုစာပို့

RFA | ၁၉၉ဝ ရွေးကောက်ပွဲမှာ တနိုင်ငံလုံး အတိုင်းအတာနဲ့ တခဲနက် အနိုင်ရခဲ့တဲ့ အမျိုးသား ဒီမိုကရေစီအဖွဲ့ချုပ် (NLD) အနေနဲ့ လက်ရှိရင်ဆိုင်နေရတဲ့ ပြဿနာဟာ မြန်မာနိုင်ငံသားတွေ အားလုံး ရင်ဆိုင်နေရမဲ့ ပြဿနာလို့ ခံယူကြောင်း FDB ခေါ် မြန်မာနိုင်ငံ ဒီမိုကရက်တစ် အင်အားစုအဖွဲ့က ကြေညာချက်မှာ ဖော်ပြလိုက်ပါတယ် ။

မြန်မာနိုင်ငံ ဒီမိုကရက်တစ် အင်အားစု (Forum for Democracy in Burma FDB) အတွင်းရေးမှူးချုပ် ဒေါက်တာ နိုင်အောင်။ (Photo: RFA)

မြန်မာစစ်အစိုးရက ထုတ်ပြန်လိုက်တဲ့ ရွေးကောက်ပွဲဆိုင်ရာ ဥပဒေ ၅ ခုစလုံးကို လေ့လာကြည့်တဲ့အခါ ၁၉၉ဝ ရွေးကောက်ပွဲရလဒ်ကို အပြီးတိုင် ပယ်ဖျက်ပြီး မြန်မာပြည်သူတွေရဲ့ ဆန္ဒကို ကျောခိုင်းလိုက်တဲ့ သဘောဆောင်ကြောင်း သုံးသပ်ထားပါတယ် ၊

စစ်အစိုးရက ထုတ်ပြန်ထားတဲ့ ရွေးကောက်ပွဲဥပဒေတွေအတိုင်း လိုက်နာပြီး NLDက ပါတီမှတ်ပုံတင်သင့်လား ၊ နောက်ဆက်တွဲရလဒ်တွေကရော ဘာတွေဖြစ်လာနိုင်သလဲဆိုတာကို FDB အဖွဲ့က မတ်လ ၂၁ ရက် နေ့စွဲနဲ့ အကြံပြုစာတစောင် NLD ပါတီကို ပေးပို့လိုက်ပါတယ်။

အဲဒီအကြံပြုစာနဲ့ပတ်သက်လို့ FDB အဖွဲ့ အတွင်းရေးမှူးချုပ် ဒေါက်တာနိုင်အောင်ကို RFA အဖွဲ့သား ကိုဥာဏ်ဝင်းအောင်က ဆက်သွယ် မေးမြန်းထားပါတယ်။

ဆက်သွယ်မေးမြန်းချက်အား နားဆင်ရန်




source by : http://www.rfa.org

အပြည့်အစုံ ဖတ်ရန် ...

Monday, March 22, 2010

NLD ဗဟိုအလုပ်အမှုဆောင် အဖွဲ့ ဒေါ်စုနဲ့ တွေ့လို

VOA | ဒီကနေ့ အမျိုးသားဒီမိုကရေစီ အဖွဲ့ချုပ် (NLD) မှာ ကျင်းပတဲ့ အစည်းအဝေးအတွင်း ရွေးကောက်ပွဲဝင်ဖို့ မှတ်ပုံတင်ရေး၊ မတင်ရေး ကိစ္စနဲ့အတူ အမျိုးသားဒီမိုကရေစီ အဖွဲ့ ချုပ်ရဲ့ ရှေ့လုပ်ငန်းစဉ်တွေ ချမှတ်နိုင်ဖို့အတွက် နေအိမ်မှာ ထိန်းသိမ်းခံထားရတဲ့ ဒေါ်အောင်ဆန်းစုကြည် နဲ့အတူ NLD ပါတီ ဒု-ဥက္ကဋ္ဌ ဦးတင်ဦး အပါအ၀င် CEC ဗဟိုအလုပ်အမှုဆောင် အဖွဲ့ဝင်တွေ အားလုံးနဲ့ တွေ့ဆုံခွင့်ပေးဖို့ NLD က အာဏာပိုင်တွေကို ထပ်မံ တောင်းဆိုလိုက်ပါတယ်။ အပြည့်အစုံကို ဆက်သွယ်မေးမြန်းထားတဲ့ မသင်းသီရိက တင်ပြပေးထားပါတယ်။

ဒီကနေ့ NLD အဖွဲ့ချုပ်မှာ ကျင်းပတဲ့ ပုံမှန်အစည်းအဝေးကနေ ဒေါ်အောင်ဆန်းစုကြည်နဲ့အတူ NLD ထိပ်ပိုင်း CEC တို့ကို အမြန်တွေ့ခွင့်ပေးဖို့ အထူးကြေညာချက် အမှတ် ၁ ဆိုပြီး အကြောင်းကြားစာ ထုတ်ပြန်ခဲ့တယ်လို့ NLD ပါတီ ပြောရေးဆိုခွင့်ရှိသူ ဦးဉာဏ်ဝင်းက ပြောပါတယ်။

“နောက်ဆုံး ပေါ်ပေါက်လာတဲ့ ပြည်ထောင်စု ရွေးကောက်ပွဲ ကော်မရှင် ဥပဒေတို့၊ နိုင်ငံရေးပါတီများ မှတ်ပုံတင်ရေး ဥပဒေတို့၊ လွှတ်တော်ဥပဒေတို့၊ အဲဒါတွေ ထွက်နေပြီ။ အဲဒါတွေ ထွက်တဲ့အတွက် အမျိုးသားဒီမိုကရေစီ အဖွဲ့ချုပ်က နိုင်ငံရေးပါတီတခု ဖြစ်တဲ့အတွက် ရှေ့လုပ်ငန်းစဉ် ချမှတ်နိုင်ဖို့ ဥက္ကဋ္ဌ ဦးအောင်ရွှေနဲ့ အရင် CEC အဟောင်းနဲ့ ဒေါ်အောင်ဆန်းစုကြည်နဲ့ တွေ့ခွင့်ပေးပါလို့ ထပ်မံအကြောင်းကြားစာ ဒီနေ့ ထုတ်ပါတယ်။”

တခါ ရွေးကောက်ပွဲ မှတ်ပုံတင်ရေး၊ မတင်ရေး ကိစ္စအတွက် NLD ဗဟိုအလုပ်အမှုဆောင် အဖွဲ့ဝင်တွေကြားမှာ မတူကွဲပြားတဲ့ အမြင်တွေ၊ သဘောထားတွေ ရှိပေမဲ့လည်း ဒီကနေ့ အစည်းအဝေးမှာ တတ်နိုင်သမျှ ညှိနှိုင်းဆွေးနွေးမှုတွေလည်း ရှိခဲ့တယ်လို့ ဦးဉာဏ်ဝင်းက ပြောပါတယ်။

“တကယ်လို့ ဒီကြားထဲမှာ တွေ့ခွင့်မရဘူး၊ ဒေါ်အောင်ဆန်းစုကြည်ဆီကနေ Message လည်း မရဘူးဆိုရင်တော့ ၂၉ ရက်နေ့က နဂိုက ဆုံးဖြတ်မယ့်၊ အဲဒီအစည်းအဝေးက ဆုံးဖြတ်မယ်လို့ ပြောထားတဲ့အတွက် လောလောဆယ်တော့ အဲဒီလုပ်ငန်း ဆက်လုပ်ဖို့ပါပဲ။ နောက် ၂၉ ရက်နေ့ စဉ်းစား ဆုံးဖြတ်ရမယ့် ပါတီ မှတ်ပုံတင်ဖို့၊ မတင်ဖို့ကိစ္စကို ဆွေးနွေးကြတယ်။ ဆွေးနွေးကြတဲ့ နေရာမှာတော့ သဘောထား မတူတာကို အန်ကယ်တို့ နားလည်နိုင်တယ်။ သဘောထား တူချင်မှ တူမယ်။ သို့သော် ဘာပဲဖြစ်ဖြစ် ဆုံးဖြတ်ချက် ချတဲ့နေရာမှာ အားလုံး ညီညီညွတ်ညွတ်ဖြစ်ဖို့၊ ဒါကို ဦးတည်ပြီး အန်ကယ်တို့ ဆွေးနွေးခဲ့တယ်။”

လာမယ့် ၂၉ ရက်နေ့မှာ ရွေးကောက်ပွဲ မှတ်ပုံတင်ရေး၊ မတင်ရေးအတွက် CEC ဗဟိုအလုပ်အမှုဆောင် အဖွဲ့ဝင်တွေနဲ့ နိုင်ငံတ၀န်းက CC ပိုင်း တာဝန်ရှိသူတွေ ဆုံးဖြတ်ကြမယ့် ကိစ္စဟာလည်း အားလုံး အဆင်သင့်နီးပါး ဖြစ်နေပြီလို့ ဦးဉာဏ်ဝင်းက ပြောပါတယ်။ ဒါပေမဲ့ ၂၉ ရက်နေ့မှာကိုပဲ ဆုံးဖြတ်ချက် ချက်ချင်းထုတ်ပြန်နိုင်မလား ဆိုတာကတော့ အသေအချာ မပြောနိုင်သေးဘူးလို့လည်း ပြောပါတယ်။

“အဆင်သင့်ဖြစ်ပြီ၊ လူတော့ အကုန်မရောက်သေးပါဘူး။ ကျနော်တို့က အဲဒီနေ့ရယ်လို့ ကျိန်းသေ မပြောနိုင်ဘူး။ အဲဒီနေ့ ဆွေးနွေးလို့ အချိန်ကုန်သွားရင်လည်း နောက်ရက်ပေါ့။ ဒါကြောင့် ၂၉ မှာ ဖြစ်ချင်လည်း ဖြစ်မယ်၊ ဒါမှမဟုတ် နောက်ရက် ကူးချင်လည်း ကူးမယ်။ ဒါကတော့ အခြေအနေပေါ်မှာ မူတည်ပြီး လုပ်သွားရမှာမို့လို့ပါ။”

NLD ပါတီရဲ့ ပြောရေးဆိုခွင့်ရှိသူ ဦးဉာဏ်ဝင်း ပြောပြခဲ့တာ ဖြစ်ပါတယ်။

တခါ ဒေါ်အောင်ဆန်းစုကြည်ကို အင်းစိန်ခရိုင် တရားရုံးက ထောင်ဒဏ်ချထားတဲ့ အမိန့်အတွက် အထူးအယူခံဝင်ဖို့ ပြင်ဆင်မှုတွေ ရှိသလို ဧပြီလ ၆ ရက်နေ့ ရန်ကုန်တိုင်း တရားရုံးမှာ ရှိနေတဲ့ အမွေအမှုအပြင် အိမ်ပြင် ယာယီဝရမ်း အမိန့်ချဖို့တွေလည်း ရှိနေတဲ့အတွက် ဒေါ်အောင်ဆန်းစုကြည်ကို ဒီတပတ်အတွင်း တွေ့ဖို့ ခွင့်တောင်းထားတာတွေလည်း ရှိတယ်လို့ ပြောပါတယ်။

ဆက်သွယ်မေးမြန်းချက် အပြည့်အစုံ နားဆင်ရန်




source by : http://www.voanews.com

အပြည့်အစုံ ဖတ်ရန် ...