Wednesday, March 16, 2011

တိုကျို မြန်မာသံရုံး အကူအညီပေးမှု အားနည်း

People being tested for radiatation exposure in Koriyama city near  the damaged Fukushima nuclear center Tuesday
ဓါတ်ပုံ - AP

ဂျပန်နိုင်ငံတွင်း ငလျင်နဲ့ ဆူနာမီ သင့်ခဲ့တဲ့ ဒေသတွေနဲ့ အခု ဖူကူရှီးမား နျူကလီးယား ဓာတ်ပေါင်းဖို အခြေအနေကြောင့် စိုးရိမ်ရတဲ့ ဒေသတွေမှာ ရောက်နေကြတဲ့ တရုတ်လူမျိုးတွေကို တရုတ်အစိုးရ ကယ်ထုတ်ဖို့ ဆောင်ရွက်နေပြီလို့ ဘေကျင်းမြို့မှာရှိတဲ့ ဗွီအိုအေ သတင်းထောက် ပီတာ စင်မ်စန် (Peter Simpson) က သတင်းပို့ထားပါတယ်။ ဖူကူရှီးမား နျူကလီးယားစက်ရုံမှာ နျူကလီးယား လောင်စာချောင်းတွေ အရည်ပျော်ပြီး ဓာတ်ပေါင်းဖို ပျက်စီးနိုင်ခြေ စိုးရိမ်ချက်ဟာ နျူကလီးယားစွမ်းအင် အစီအစဉ်တွေ တိုးချဲ့ဖို့ လုပ်နေတဲ့ တရုတ်နိုင်ငံအတွက်လည်း ဆင်ခြင် သုံးသပ်စရာ ဖြစ်လာတယ်လို့ သူက ပြောပါတယ်။

ရေဒီယို ဓာတ်သတ္တိ သင့်နိုင်တဲ့ အန္တရာယ်ရှိတဲ့ နေရာတွေမှာ ရှိနေတဲ့ တရုတ်လူမျိုးတွေကို အဲဒီနေရာတွေကနေ ဘတ်စ်ကားတွေနဲ့ ကယ်ထုတ်ပေးတာတွေကို တိုကျိုမှာရှိတဲ့ တရုတ်သံရုံးက ဆောင်ရွက်ပေးနေတယ်လို့ တရုတ်နိုင်ငံခြားရေးဌာန ပြောခွင့်ရသူ ဂျန်ယု (Jing Yu) က ပြောပါတယ်။ ဂျပန်မှာရှိတဲ့ တရုတ်သံရုံးဟာ ကယ်ဆယ်ရေး လုပ်ငန်းတွေ လုပ်ပေးနိုင်ရေး နည်းလမ်းတွေ မရပ်မနား ရှာဖွေ ဆောင်ရွက်နေတယ်လို့လည်း ပြောပါတယ်။

အဲဒီနေရာတွေ ရောက်နေတဲ့ တရုတ်လူမျိုးတွေကို အကူအညီပေးနိုင်ဖို့ ကယ်ဆယ်ရေး အဖွဲ့တွေကိုလည်း Counselor ရုံးကနေ စေလွှတ်ခဲ့တယ်လို့ ပြောပါတယ်။ တရုတ်အစိုးရပိုင် Air China လေယာဉ်တွေကိုလည်း ရေဒီယို ဓာတ်သတ္တိကြွမှုတွေ ရှိနေပြီဆိုတဲ့ သတင်းနောက်ပိုင်းကစလို့ တရုတ်ကနေ တိုကျိုကို ပြေးဆွဲနေတဲ့ လေယာဉ်ခရီးစဉ်တွေကို ဖျက်သိမ်းလိုက်ပါတယ်။

ဂျပန်ရောက် မြန်မာတွေ အခြေအနေကလည်း အခြားဂျပန်တွေလိုပါပဲ၊ နေ့နေ့ညည စိုးရိမ်မှုတွေနဲ့ နေနေကြရပါတယ်။ မြန်မာသံရုံးကလည်း ငလျင်ဖြစ်ဖြစ်ချင်း ကတည်းက ပိတ်ထားပြီး မနေ့ နေ့လယ်ပိုင်းကမှ ပြန်ဖွင့်ပါတယ်။ နဂိုကတည်းက ဆက်သွယ် အကူအညီတောင်းဖို့ ခက်တဲ့ မြန်မာသံရုံးဟာ ဂျပန်မှာရှိနေတဲ့ မြန်မာတွေကို အကူအညီပေးနိုင်ဖို့ အတော်လေး အားနည်းနေတယ်လို့ တိုကျိုမြို့က မြန်မာတဦးဖြစ်တဲ့ ကိုဘုန်းမြင့်ထွန်းက ပြောပါတယ်။

“မနေ့ နေ့လယ်က သံရုံးကို ကျနော်တို့ သွားကြည့်တယ်။ အဲဒီအခါကျတော့ သူတို့ သံရုံးတံခါးတောင် မဖွင့်ပေးဘူး။ ပြီးတော့ Hot Line နံပါတ်ကိုလည်း ဆက်ကြည့်တော့ ဖုန်းကိုင်မယ့်လူ မရှိဘူး ဖြစ်နေတယ်။ ကျနော်မြင်တာတော့ သံရုံးဆောင်ရွက်မှု အပိုင်းကို နည်းနည်း အားနည်းသေးတယ်လို့ မြင်ပါတယ်။”

တရုတ်နိုင်ငံကတော့ ဂျပန်မှာရှိတဲ့ သူ့လူမျိုးတွေ ဘေးဒုက္ခဖြစ်လာရင် ကယ်ထုတ်နိုင်ဖို့ဆိုပြီး စီစဉ်နေပါပြီ။ အဲဒီတော့ ဂျပန်မှာရှိနေတဲ့ မြန်မာနိုင်ငံသားတွေရဲ့ အခြေအနေ၊ အကယ်၍ ဘေးဥပါဒ် တစုံတရာ ရှိလာမယ်ဆိုရင် ဘာတွေလုပ်ကြဖို့ အစီအစဉ် ရှိပါလဲခင်ဗျ။

“ကျနော်တို့တော့ စုပေါင်းပြီး အစုအဖွဲ့ လုပ်ထားတာ ရှိတယ်လေ။ အဲဒီကနေ အနီးကပ်ဆုံး တိုင်ပင် ဆောင်ရွက်ပြီးတော့ လုပ်ဆောင်သွားဖို့အတွက် တိုင်ပင်ထားပါတယ်။ ပြန်တယ်လို့တော့ ကြားနေရပေမဲ့ တိတိကျကျတော့ ဘယ်နှစ်ယောက် ပြန်တယ်ဆိုတာ ပြောလို့မရသေးဘူး။ ဒါပေမဲ့ ပြန်တယ်ဆိုရင်လည်း ကျနော်တို့ တိုင်းပြည်ထက်စာလို့ရှိရင်တော့ ဒီနိုင်ငံမှာက အလုပ်အကိုင်လေး ဘာလေး ရနေသေးတော့ မပြန်ကျတဲ့သူက ပိုများပါတယ်။ မပြန်နိုင်တဲ့လူတွေ ပိုများပါတယ်။”

လက်ရှိ ခန့်မှန်းချေအားဖြင့် ဂျပန်နိုင်ငံမှာ မြန်မာလူမျိုး ဘယ်လောက်လောက် ခန့်မှန်းထားပါလဲခင်ဗျ။

“၃၀,၀၀၀ နဲ့ ၄၀,၀၀၀ နီးပါးလောက်တော့ ရှိပါတယ်။ တိုကျိုမှာတော့ အဓိက ၂၀,၀၀၀ ကျော်လောက် ရှိတယ်လို့ သိရပါတယ်။”

ကျန်တဲ့သူတွေက ဘယ်နေရာတွေမှာ များပါလဲ။

“ကျန်တဲ့သူတွေက အိုဆာကာနဲ့ နာဂိုယာဘက်မှာ ပိုများတယ်။ နောက်ပြီး ကျူရှူးဘက်မှာ ပိုများတယ်။ မြောက်ပိုင်းဘက်မှာ နေတဲ့သူကတော့ တော်တော်နည်းတယ်။ ဘာဖြစ်လို့လဲဆိုတော့ ရာသီဥတုလည်း ဆိုးဝါးတယ်။ အဲဒီတော့ သိပ်မနေကြဘူး။”

အခု ဖူကူရှီးမား နျူကလီးယား ရေဒီယို သတ္တိကြွတာတွေ ဖြစ်နေတယ်လို့ ကြားရပါတယ်။ အကယ်၍ အန္တရာယ် ကြီးလာမယ်၊ တိုကျိုဘက်မှာလည်း တစုံတရာ လှန့်လာမယ့် အခြေအနေမျိုးဖြစ်ရင် ဘာလုပ်ကြဖို့ အစီအစဉ် ရှိပါလဲခင်ဗျ။

“သေချာတော့ သင်တန်းတွေ ပေးနေပါတယ်။ တီဗွီတွေကနေပြီးတော့ သေချာရှင်းပြတယ်။ ရေဒီယို သတ္တိကြွမှုတွေက အခု ဘယ်လောက်ရောက်နေပြီဆိုတာ သေချာရှင်းပြတယ်။ ဂျပန်စကား နားမလည်တဲ့ သူတွေတောင် နားလည်နိုင်အောင် သူတို့ ရုပ်ပုံတွေနဲ့ သေချာ ရှင်းပြနေပါတယ်။ အပြင်ထွက်ရင် တကိုယ်လုံးကို လုံလုံခြုံခြုံထုပ်ပြီး သွားရမယ်။ ပြန်လာတာနဲ့ အဲဒီ အ၀တ်အစားတွေကို လွှင့်ပစ်ရမယ်။ အဲဒါမျိုးတွေကအစ၊ နောက်ပြီးတော့ မိုးရွာရင် လုံးဝ မိုးအစိုမခံဖို့အတွက် သူတို့ တော်တော် ညွှန်ကြားနေပါတယ်။

“ဖြစ်လာရင် အားလုံး စုပေါင်းပြီးတော့ ရင်ဆိုင်ဖြေရှင်းကြမယ်ဆိုတဲ့ အလေ့အထ တခုတော့ ကျနော်တို့ ရထားပါတယ်။ နျူကလီးယား ထိတ်လန့်မှုနဲ့ ငလျင်ထိတ်လန့်မှု ၂ ခုစလုံး ကြုံနေရတဲ့ အခါကျတော့ တိုကျိုမှာရှိတဲ့ ဂျပန်လူမျိုးတွေကရော၊ မြန်မာလူမျိုးတွေရော တော်တော် အထိတ်ထိတ် အလန့်လန့်နဲ့ နေနေကြရပါတယ်။”

တိုကျိုမှာရှိတဲ့ တိုကျို မြန်မာသံရုံး ၀က်ဘ်ဆိုက်ဒ်မှာတော့ မနေ့ ၁၅ ရက်နေ့ နေ့လယ်ပိုင်းကစလို့ ရုံးလုပ်ငန်းတွေ ပုံမှန် အလုပ်လုပ်နေပြီလို့ ကြေညာပါတယ်။ ဒါပေမဲ့ ဘာကြောင့် သံရုံးပိတ်ထားခဲ့သလဲဆိုတာ ရှင်းရှင်းလင်းလင်း မသိရပါဘူး။ ငလျင်လှုပ်ခတ်ချိန် လိုက်နာဆောင်ရွက်သင့်တဲ့ အခြေအနေများကို ကြေညာပေးထားပြီး ပြီးခဲ့တဲ့ ငလျင်ကာလနောက်ပိုင်း တယ်လီဖုန်းလိုင်းတွေ မကောင်းတာကြောင့် မြန်မာလူမျိုးတွေကို ကိုယ်တိုင် ဆက်သွယ်လို့ မရခဲ့ဘူးလို့လည်း အဲဒီဝက်ဘ်ဆိုက်ဒ်မှာ ဖော်ပြပါတယ်။ ဒါ့အပြင် အရေးပေါ် အကူအညီ လိုအပ်ရင်လည်း ဆက်သွယ်နိုင်တဲ့ ဖုံးနံပါတ် ဖော်ပြထားပါတယ်။

ဂျပန်နိုင်ငံတွင်းက မြန်မာနိုင်ငံသားတွေထဲမှာ အစိုးရ အစီအစဉ်နဲ့ တရားဝင် လာကြတဲ့ ကျောင်းသားတွေ၊ ၀န်ထမ်းတွေအပြင် အလုပ်လာလုပ်ကြသူတွေလည်း ရှိပါတယ်။ အလုပ်လုပ်သူ ဂျပန်ရောက် မြန်မာအများစုကတော့ ဂျပန်နိုင်ငံမှာ နိုင်ငံရေး ခိုလှုံခွင့်နဲ့ နေသူတွေ ဖြစ်ကြပါတယ်။


နားဆင်ရန်

source by : http://www.voanews.com

အပြည့်အစုံ ဖတ်ရန် ...

Monday, March 14, 2011

ဂျပန် နျူကလီးယား စိုးရိမ်မှုကြောင့် ၂၀၀,၀၀၀ နီးပါး ဘေးလွတ်ရာ တိမ်းရှောင်

Officials in protective gear near the Fukushima Daiichi nuclear plant, in Koriyama, March 13, 2011

ဂျပန်နိုင်ငံက နျူကလီးယား ဓာတ်အားပေးစက်ရုံတွေ ပျက်စီးမှုကြောင့် ရေဒီယို သတ္တိကြွဓာတ်တွေ ပျံ့နှံ့မှာကို စိုးရိမ်ကြတဲ့ ဂျပန်နိုင်ငံသား ၁၇၀,၀၀၀ ကျော်ဟာ သူတို့အိုးအိမ်တွေကို စွန့်ခွာ ထွက်သွားနေကြပါတယ်။

နျူကလီးယား ဓာတ်အားပေးစက်ရုံ တရုံနားက ဖူတာဘေးမြို့လေးမှာ နေထိုင်သူတွေ ဝေးရာကို ရွှေ့ပြောင်းနေကြချိန်မှာပဲ ဓာတ်ရောင်ခြည် အဆိပ်သင့်ခဲ့သူ ဒါဇင်နဲ့ချီပြီး ရှိနေတယ်လို့ ဒေသ တာဝန်ခံတွေက ပြောပါတယ်။ ရာနဲ့ချီတဲ့ ဒေသခံတွေကို ဓာတ်ရောင်ခြည် အဆိပ်သင့်မသင့် စစ်ဆေးပေးနေပါတယ်။

သောကြာနေ့က ငလျင်ကြီးနဲ့အတူ ဆက်တိုက်လှုပ်ခတ်ခဲ့တဲ့ ဆင့်ကဲ ငလျင်ဒဏ်တွေကြောင့် အဏုမြူ ဓာတ်ပေါင်းဖိုတွေက အအေးပေးစက်တွေ ချို့ယွင်းခဲ့ပြီး တက်လာတဲ့ အပူချိန် ကျစေဖို့ စက်ရုံတာဝန်ခံတွေ ကသုတ်ကရက် ကြိုးပမ်းခဲ့ကြရပါတယ်။ အပူရှိန်ကြောင့် တက်လာတဲ့ ဓာတ်ပေါင်းဖိုတွေက ဖိအားတွေ ကျလာစေဖို့ ပင်လယ်ရေသွင်းပြီး အေးအောင် လုပ်ခဲ့ကြရပါတယ်။

အခုလို ရေဒီယို သတ္တိကြွ ဓာတ်ရောင်ခြည်တွေ ပျံ့နှံ့မှာ စိုးရိမ်နေရသလို ဂျပန်နိုင်ငံ အရှေ့ဘက်တလွှားမှာရှိတဲ့ အခြား လျှပ်စစ်ဓာတ်အားပေး ဓာတ်ပေါင်းဖိုတွေကိုလည်း ပိတ်ထားရမယ့် အခြေအနေ ရှိနေပါတယ်။ လျှပ်စစ်ဓာတ် မလောက်ငမှုကြောင့် မီးဖြတ်ဖို့ ရှိတယ်လို့လည်း လျှပ်စစ်ဓာတ်အားပေး ကုမ္ပဏီတွေက သတိပေးကြပါတယ်။

ဂျပန်နိုင်ငံမှာ အခုကြုံတွေ့ခဲ့ရတဲ့ သဘာဝ ဘေးအန္တရာယ်ကြောင့် သေဆုံးသူဦးရေ ၁၀,၀၀၀ ကျော်သွားပြီ ဖြစ်သလို သန်းနဲ့ချီတဲ့ လူထုဟာလည်း ရေနဲ့ အစားအသောက် အခက်အခဲတွေနဲ့ ရင်ဆိုင်နေရပါတယ်။

အခုကြုံတွေ့ခဲ့ရတဲ့ ငလျင်တွေနဲ့ ဆက်တိုက်ကြုံရတဲ့ ဆူနာမီ ရေလှိုင်းတွေရဲ့ဒဏ်ကို ခံခဲ့ကြရတဲ့ ဂျပန်နိုင်ငံဟာ ဒုတိယကမ္ဘာစစ်ကြီး ပြီးဆုံးခဲ့တဲ့နောက်ပိုင်း အကြီးမားဆုံး စိန်ခေါ်မှုတရပ်ကို ရင်ဆိုင်နေရကြောင်း ဂျပန်ဝန်ကြီးချုပ် နာအိုတို ခန် (Naoto Kan) က နိုင်ငံတော် ရုပ်သံကနေ ကြေညာပါတယ်။

ဒုက္ခသည်စခန်းတွေမှာ နေနေရတဲ့ သူတွေအတွက် တတိယနေ့အဖြစ် ရုတ်တရက် ထိုးကျသွားတဲ့ အအေးဒဏ်ကိုလည်း ခံစားနေကြပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

Sunday, March 13, 2011

ဂျပန်ငလျင်နဲ့ ဆူနာမီကြောင့် သေဆုံးသူ သောင်းဂဏန်းအထိ ရှိနိုင်

ငလျင်ဒဏ်ကြောင့် အပျက်အစီးများကြား မီးသတ်တပ်ဖွဲ့ဝင်များ ကယ်ဆယ်ရေး လုပ်ဆောင်နေစဉ်။

ငလျင်ဒဏ်ကြောင့် အပျက်အစီးများကြား မီးသတ်တပ်ဖွဲ့ဝင်များ ကယ်ဆယ်ရေး လုပ်ဆောင်နေစဉ်။ မတ် ၁၃၊ ၂၀၁၁။

ဂျပန်နိုင်ငံမှာ သောကြာနေ့က လှုပ်ခဲ့တဲ့ ငလျင်ဒဏ်ကြောင့် မီယာဂီ (Miyagi) ခရိုင်တခုအတွင်းမှာတင် သေဆုံးသူ အရေအတွက်ဟာ ၁၀,၀၀၀ ကျော်နိုင်တယ်လို့ အာဏာပိုင်တွေက ပြောပါတယ်။ ၀န်ကြီးချုပ် နာအိုတို ခန် (Naoto Kan) ကလည်း သေဆုံးသူ အရေအတွက်ဟာ ဒီ့ထက် ထပ်တိုးနိုင်တယ်လို့ ပြောပါတယ်။

တနင်္ဂနွေနေ့က ကျိုဒို သတင်းဌာနက တနိုင်ငံလုံး အတိုင်းအတာနဲ့ ပြုလုပ်ခဲ့တဲ့ စစ်တမ်းအရ လောလောဆယ် သေဆုံးသူ၊ ဒါမှမဟုတ် ပျောက်ဆုံးသူ အရေအတွက်ဟာ ၂,၀၀၀ ရှိတယ်လို့ ဆိုပါတယ်။ လူပေါင်း ၂၁၀,၀၀၀ ကျော်လည်း အရေးပေါ် ကယ်ဆယ်ရေးဌာနကို ပို့ထားရတယ်လို့ ရဲက ပြောပါတယ်။

ဒီအတောအတွင်း ဒီငလျင်ဒဏ်ဟာ ဒုတိယကမ္ဘာစစ် နောက်ပိုင်း ဂျပန်နိုင်ငံ သမိုင်းမှာ အဆိုးရွားဆုံး ပြဿနာ အခက်အခဲ ဖြစ်တာကြောင့် ပြည်သူလူထု အနေနဲ့ ဒီအခက်အခဲကို ကျော်လွှားနိုင်ရေးအတွက် ညီညွတ်ကြဖို့ ၀န်ကြီးချုပ် နာအိုတို ခန်က တိုက်တွန်းလိုက်ပါတယ်။

သောကြာနေ့က တိုကျိုမြို့ မြောက်ပိုင်းမှာ ငလျင်လှုပ်ပြီးနောက်ပိုင်း နျူကလီးယား ဓာတ်အားပေး စက်ရုံတွေ ပျက်ဆီးမှု ရှိခဲ့တဲ့အပေါ် အင်ဂျင်နီယာတွေက စစ်ဆေးနေတဲ့ ကာလအတွင်း လျှပ်စစ်မီး ပြတ်တောက်မယ့် အလားအလာ ရှိနေတာကိုလည်း တနင်္ဂနွေညက တိုင်းပြည်ကို ပြောကြားတဲ့ မိန့်ခွန်းထဲမှာ ၀န်ကြီးချုပ်က ထည့်သွင်း ပြောကြားခဲ့ပါတယ်။ လာမယ့် သီတင်းပတ် အနည်းငယ်အတွင်း ပြည်သူလူထုရဲ့ စွန့်လွှတ် အနစ်နာခံမှုက တိုင်းပြည်ရဲ့ အနာဂတ်အတွက် အဆုံးအဖြတ် ပေးလိမ့်မယ်လို့လည်း ၀န်ကြီးချုပ်က သူ့မိန့်ခွန်းထဲမှာ ထည့်ပြောသွားခဲ့ပါတယ်။

ဒီအတောအတွင်း ဖူကူယာမာ (Fukuyama) နျူကလီးယား ဓာတ်အားပေး စက်ရုံရဲ့ အအေးဓာတ်ပေးတဲ့ စက်ထဲကို အင်ဂျင်နီယာတွေက ပင်လယ်ရေတွေ စုပ်ထည့်နေတယ်လို့ ဂျပန်အစိုးရ ပြောခွင့်ရပုဂ္ဂိုလ်က တနင်္ဂနွေနေ့မှာ ပြောပါတယ်။ မနေ့က စနေနေ့မှာ ပေါက်ကွဲမှု ဖြစ်ပွားခဲ့ပြီး အဲဒီ ဓာတ်အားပေးစက်ရုံရဲ့ ပြင်ပနံရံတွေ ပျက်ဆီးသွားခဲ့ပေမဲ့ ပင်မကိုယ်ထည်ကြီးကတော့ ဒီအတိုင်းပဲ ရှိနေသေးတာကြောင့် အတွင်းပိုင်းမှာ ဘယ်တိုင်းအတာအထိ ပျက်ဆီးတယ်ဆိုတာ ကျွမ်းကျင်သူတွေ သိနိုင်ဖို့ အခက်အခဲနဲ့ ကြုံနေရပါတယ်။

အစောပိုင်းတုန်းကတော့ စက်ရုံအပြင်မှာ ရေဒီယို ဓာတ်သတ္တုကြွ ဓာတ်တွေဟာ သတ်မှတ်စံချိန်ထက် အဆပေါင်း ၄၀၀ လောက် များနေတာကို တွေ့ရတယ်လို့ အစိုးရက ပြောပါတယ်။ အဲဒီလို ရေဒီယို ဓာတ်သတ္တု ယိုထွက်လာတာကြောင့် အနည်းဆုံး လူပေါင်း ၁၉ ယောက်လောက် ရေဒီယို ဓာတ်သတ္တုတွေနဲ့ ထိတွေ့ခဲ့ပြီး အဲဒီအရေအတွက်ဟာ ၁၆၀ လောက်အထိ ရှိကောင်းရှိနိုင်တယ်လို့ အာဏာပိုင်တွေက ပြောပါတယ်။


နားဆင်ရန်

source by : http://www.voanews.com

အပြည့်အစုံ ဖတ်ရန် ...

၂၃ နှစ်မြောက် ဘုန်းမော်နေ့ ကျောင်းသားတပ်မတော်၏ ကြေညာချက်




source by : http://www.absdf8888.org

အပြည့်အစုံ ဖတ်ရန် ...