Thursday, October 6, 2011

Johannesburg တက္ကသိုလ်ကို ပေးပို့သည့် လူထုခေါင်းဆောင် မိန့်ခွန်း




source by : http://www.voanews.com

အပြည့်အစုံ ဖတ်ရန် ...

ဒေါ်အောင်ဆန်းစုကြည်နှင့် ဗွီအိုအေ တွေ့ဆုံမေးမြန်းခန်း

အပိုင်း (၁)

အပိုင်း (၂)

source by : http://www.voanews.com

အပြည့်အစုံ ဖတ်ရန် ...

Wednesday, October 5, 2011

KIA 16 17 july 2011 တိုက်ပွဲ(ရုပ်သံ)




source by : http://www.youtube.com/user/yamounnar

အပြည့်အစုံ ဖတ်ရန် ...

Tuesday, October 4, 2011

မြစ်ဆုံစီမံကိန်းကိစ္စ ဥပဒေပြဿနာ CPIC သတိပေး

ဧရာဝတီမြစ်ဆုံမှာ တရုတ်ရဲ့ရင်းနှီးမြှုပ်နှံမှုနဲ့ ရေကာတာဆောက် လျှပ်စစ်ထုတ်လုပ်ပြီး တရုတ်နိုင်ငံကိုရောင်းချမယ့် မြစ်ဆုံစီမံကိန်းကို ရှေ့မဆက်ဘဲ ရပ်ဆိုင်း လိုက်ဖို့ မြန်မာအစိုးရက ဆုံးဖြတ်တယ်ဆိုရင် တရားဥပဒေကြောင်းအရ ဖြေရှင်းပေးရလိမ့်မယ်လို့ တရုတ်အစိုးရ ပိုင် “တရုတ် လျှပ်စစ်ဆိုင်ရာ ရင်းနှီးမြှုပ်နှံမှု ကော်ပိုရေးရှင်း” China Power Investment Corporation (CPIC) ဥက္ကဋ္ဌ Lu Qizhou က တရုတ်အစိုးရရဲ့ ရှင်ဟွာ Xinhua သတင်းဌာနနဲ့ တွေ့ဆုံမေးမြန်း ခန်းမှာ ဒီကနေ့ ပြောဆိုလိုက်ပါတယ်။

သူရဲ့ ကော်ပိုရေးရှင်းဟာ တရုတ် မြန်မာ နှစ်နိုင်ငံလုံးရဲ့ ဥပဒေတွေ လုပ်ထုံးလုပ်နည်းတွေ အားလုံးကို ကြေကြေ ညက်ညက် လေ့လာပြီးမှ ဧရာဝတီမြစ်ဆုံ ရေအားလျှပ်စစ် စီမံကိန်းမှာ ငွေအရင်းအနှီး အမြောက်အမြား ထည့်ဝင်ခဲ့တာ ဖြစ်တယ်လို့ CPIC ဥက္ကဋ္ဌ Lu Qizhou က ပြောပါတယ်။

မြန်မာပြည်သူလူထုဘက်က စိုးရိမ်ကြောင့်ကြမှုတွေ ရှိနေတာကြောင့် သူ့ရဲ့ အစိုးရသက်တမ်းမှာ ဧရာဝတီ မြစ်ဆုံ ရေအားလျှပ်စစ်ထုတ်လုပ်ရေး စီမံကိန်းကို ရပ်ဆိုင်းဖို့ ဆုံးဖြတ်လိုက်ကြောင်း သမ္မတ ဦးသိန်းစိန်က ပြီးခဲ့တဲ့ စက်တင်ဘာ (၃၀) ရက်နေ့၊ ပထမအကြိမ် အမျိုးသားလွှတ်တော်ရဲ့ ဒုတိယအစည်းအဝေးကို ပေးပို့တဲ့ သ၀ဏ်လွှာမှာ အသိပေးဖော်ပြလိုက်ပါတယ်။ ဒီစီမံကိန်းဟာ ဧရာဝတီမြစ်ကို အစားထိုးပြုပြင်မရတဲ့ ထိခိုက်ပျက်စီးမှုတွေ ဖြစ်ပေါ်စေလိမ့်မယ်လို့ မြန်မာနိုင်ငံက ဒီစီမံကိန်းကို ဆန့်ကျင်နေကြတဲ့ နိုင်ငံသားတွေနဲ့ သဘာဝပတ်ဝန်းကျင် ထိန်းသိမ်းရေး တက်ကြွလှုပ်ရှားသူတွေက ပြောကြပါတယ်။

မြစ်ဆုံစီမံကိန်းကို ရှေ့မဆက်ဘဲ ရပ်ဆိုင်းလိုက်ဖို့ မြန်မာသမ္မတ ဦးသိန်းစိန်ရဲ့ ကြေညာချက်ကို မီဒီယာတွေမှာ တွေ့ရှိရတာကြောင့် သူ့ အနေနဲ့ စိတ်ရှုပ်ထွေးမှုတွေ ဖြစ်နေရပြီးတော့ ဧရာဝတီမြစ်ဆုံမှာ ရေကာတာဆောက်လုပ်ရေးကို အပြီးအပိုင် ရပ်ဆိုင်းလိုက်မယ်ဆိုရင် တရားဥပဒေကြောင်း အရ ပြဿနာတွေ ဆက်တိုက် ပေါ်ထွက်လာတော့မှာ ဖြစ်တယ်လို့လည်း CPIC ဥက္ကဋ္ဌ Lu Qizhou က၊ ရှင်ဟွာ Xinhua သတင်းဌာနကို ပြောဆိုခဲ့ပါတယ်။

အခုအခါ တတိယနှစ်ထဲ ရောက်ရှိလာပြီဖြစ်တဲ့ ဆယ်နှစ်ကြာမယ့် ဧရာဝတီမြစ်ဆုံရေအားလျှပ်စစ်စီမံကိန်းမှာ CPIC က အမေရိကန်ဒေါ်လာ သန်းပေါင်း ၃၆၀၀ ရင်းနှီးမြှုပ်နှံပြီး ရရှိလာမယ့် လျှပ်စစ်ရဲ့ ၉၀%ကို တရုတ်နိုင်ငံ ယူနန်နယ်ကို ပို့ပေးရမှာမှာ ဖြစ်ပြီးတော့ မြန်မာနိုင်ငံက ၁၀% ရယူဖို့ ၂၀၀၆ ခုနှစ်က တရုတ်-မြန်မာ နားလည်မှုစာချွန်လွှာမှာ လက်မှတ်ရေးထိုးထားကြတာ ဖြစ်ပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

မြန်မာနိုင်ငံအပြောင်းအလဲ အမေရိကန် အထူး ကိုယ်စားလှယ်ကြိုးပမ်းမည်

မြန်မာနိုင်ငံဆိုင်ရာ အမေရိကန်အထူး ကိုယ်စားလှယ်အဖြစ် ဧပြီလက သမ္မတ အိုဘားမားက အမည်တင်သွင်း ခဲ့ပြီးတော့ ဇွန်လမှာ အထက်လွှတ်တော် ကြားနာစစ်ဆေးပွဲ ကျင်းပပြီးနောက် ခန့်အပ်ခံခဲ့ရတဲ့ မစ္စတာ ဒဲရက်မစ်ချဲလ် ကို တနင်္လာနေ့က အမေရိကန် နိုင်ငံခြားရေးဌာနမှာ တရားဝင် ကျမ်းသစ္စာကျိန်ဆို ခန့်အပ်ခဲ့ပါတယ်။ မြန်မာ့အရေး အောင်မြင်အောင် အားလုံးနဲ့ တိုက်ရိုက် ဆက်ဆံပြီး အဖြေရဖို့ ကြိုးစားမှာဖြစ်သလို မြန်မာနိုင်ငံ အခြေအနေကို အမေရိကန် သမ္မတနဲ့ နိုင်ငံခြားရေးဝန်ကြီးဆီ မပြတ် လေ့လာတင်ပြပြီး အပြောင်းအလဲတွေ အတွက် မြန်မြန်ဆန်ဆန် တုံ့ပြန်နိုင်ဖို့ ကြိုးစားမယ်လို့ မစ္စတာ မစ်ချဲလ်က ကျမ်းသစ္စာကျိန်ဆိုရာမှာ ကတိပေးပြောကြားခဲ့ပါတယ်။ အပြည့်စုံကို ဆက်သွယ်စုံစမ်းထားတဲ့ ဒေါ်ခင်မျိုးသက်က တင်ပြထားပါတယ်။

အမေရိကန်အစိုးရက မြန်မာနိုင်ငံမှာ စစ်ခေါင်းဆောင်တွေ ဒီမိုကရေစီရေး ကြိုးပမ်းလာစေဖို့ ချမှတ်ခဲ့တဲ့ ၂၀၀၈ ခုနှစ် တွမ်လန်းတို့စ် ရဲ့ JADE Act ဥပဒေအရ မြန်မာနိုင်ငံဆိုင်ရာ အမေရိကန် မူဝါဒညှိနှိုင်းရေးမှူး ခန့်ထားရေးအတွက် သမ္မတ အိုဘားမားက မစ္စတာ မစ်ချဲလ်ကို ရွေးချယ်ခဲ့တာပါ။ တနင်္လာနေ့ ကျမ်းသစ္စာ ကျိန်ဆိုပွဲမှာတော့ မြန်မာပြည်သူတွေအပေါ် နားလည်မှု အပြည့်အ၀ရှိတဲ့ မစ္စတာ မစ်ချဲလ်ကို ခန့်ထားတဲ့အတွက် ရှေ့လျှောက် ပိုပြီး ထူးခြားတဲ့အပြောင်းအလဲတွေ တွေ့ရမယ်လို့ မျှော်လင့်ကြောင်း နိုင်ငံခြားရေးဝန်ကြီး ကလင်တန်က ပြောကြားခဲ့တယ်လို့ ကျမ်းသစ္စာကျိန်ဆိုပွဲကို ကိုယ်တိုင် တက်ရောက်ခဲ့တဲ့ အမေရိကန်အခြေစိုက် မြန်မာ့အရေး လှုပ်ရှားမှုတဲ့ USCB အဖွဲ့က တာဝန်ခံ ဦးအောင်ဒင်က ပြောပါတယ်။

“နိုင်ငံခြားရေးဝန်ကြီး ကလင်တန်က အဓိကပြောတာကတော့ မြန်မာနိုင်ငံနဲ့ပတ်သက်ပြီးတော့ အမေရိကန် အစိုးရရဲ့ အာရုံစူးစိုက်မှုပေါ့၊ မြန်မာနိုင်ငံမှာ အပြောင်းအလဲဖြစ်ပေါ်ရေးအတွက် အမေရိကန်အစိုးရက တတ်နိုင်သလောက် ကြိုးပမ်းဆောင်ရွက်နေတယ်၊ ဒီလို ဆောင်ရွက်တဲ့နေရာမှာ dual track policy ပေါ့၊ တဘက်မှာ sanctions နဲ့ ဖိအားပေးမှုတွေကို ဆက်လက် ထိန်းသိမ်းထားပြီး တဘက်မှာကျတော့လည်း မြန်မာအစိုးရနဲ့ တိုက်ရိုက် ဆက်ဆံဆွေးနွေးပြီးတော့ အပြောင်းအလဲတွေ ဖြစ်အောင် အကြောင်းပြ သိမ်းသွင်းတာကို သူတို့ ဦးစားပေး ဆောင်ရွက်နေတယ်ပေါ့။ အဲဒီလို ဆောင်ရွက်နေတဲ့အခါမှာ အဓိကကျတဲ့ မြန်မာအစိုးရနဲ့ တိုက်ရိုက်ဆွေးနွေးတာရော၊ ပတ်ဝန်းကျင်နိုင်ငံများနဲ့ ညှိနှိုင်းဆွေးနွေးတာရော၊ ပြီးတော့ ပူးပေါင်း အဖြေရှာတာရော။ အဲဒီလိုလုပ်နေတဲ့အချိန်မှာပဲ ပိုပြီးအရေးကြီးတဲ့ အခုလိုမျိုး မြန်မာနိုင်ငံရေးကိစ္စကို အချိန်ပြည့်ဆောင်ရွက်နိုင်မယ့် အထူးသံတမန်တယောက် ခန့်အပ်တာ သူတို့အတွက် အင်မတန် အကျိုးရှိသလိုပဲ မြန်မာနိုင်ငံတွင်းမှာ အစိုးရက အပြောင်းအလဲတွေလုပ်မယ်ဆိုတဲ့ လက္ခဏာ ပြနေတဲ့အချိန်မှာ အထူးသံတမန်ရဲ့ အခန်းကဏ္ဍက ပိုပြီးတော့ အရေးကြီးလာလိမ့်မယ်ပေါ့။

"နောက်ပြီးတော့ ဒဲရက်မစ်ချဲလ် အနေနဲ့ဆိုရင်လည်း မြန်မာနိုင်ငံရေး ကိစ္စကို အင်မတန်မှ စိတ်ဝင်စားမှု ရှိတယ်ပေါ့လေ။

သူ့ရဲ့ မြန်မာနိုင်ငံရေး အရေးကိစ္စအပေါ်မှာ အာရုံစူးစိုက်မှု၊ ဒေါ်အောင်ဆန်းစုကြည် အပေါ်မှာ ကြည်ညိုလေးစားမှု ဒါတွေဟာ အင်မတန် ကြီးမားတယ်ပေါ့။ မြန်မာပြည်သူတွေ အပေါ်မှာရော၊ မြန်မာ့ အတိုက်အခံအင်အားစုတွေနဲ့ နားလည် ရင်းနှီးမှုမှာလည်း သူ့ရဲ့ အခန်းအတိုင်းအတာက ကြီးမားတယ်ပေါ့။ ဒါကြောင့်မိုလို့ အမေရိကန်အစိုးရအနေနဲ့ မြန်မာ့အရေးကိစ္စ အထူး အချိန်ပြည့် ဆောင်ရွက်ဖို့အတွက် လူတစ်ယောက်ကို ခန့်လိုက်ပြီ၊ အဲဒီပုဂ္ဂိုလ်ကလည်း မြန်မာ့အရေးအတွက် အထူးတလည် စေတနာရှိတဲ့ပုဂ္ဂိုလ် ဖြစ်တဲ့အတွက်ကြောင့်မိုလို့ ရှေ့လျှောက် ပိုပြီးတော့ ထူးခြားတဲ့ အပြောင်းအလဲတွေ တိုးတက်မှုတွေ မြင်လာလိမ့်မယ်လို့ သူ မျှော်လင့်တယ်ပေါ့။”

မစ္စတာ မစ်ချဲလ်ကလည်း မြန်မာ့အရေးအောင်မြင်မှုအတွက် အဖြေတခုခုရဖို့ ကြိုးစားမယ်လို့ ပြောကြားခဲ့တယ်လို့ ဆိုပါတယ်။

“သူ့ကိုပေးအပ်တဲ့ ဘောင်ထဲကနေပြီးတော့ ကြိုးစားပြီးတော့ အောင်မြင်မှုရအောင် ဆောင်ရွက်မယ်၊ အဲဒီလို အောင်မြင်မှုရအောင် ဆောင်ရွက်တဲ့နေရာမှာ သူ ဖြစ်နိုင်သမျှ အားလုံးနဲ့ တိုက်ရိုက် ဆက်ဆံ ညှိနှိုင်းပြီးတော့ အဖြေတစ်ခုရအောင် ကြိုးစားသွားမယ်ပေါ့နော်။ သူ အခုဆိုရင် မြန်မာနိုင်ငံအရေးကိစ္စ တခုတည်းကိုပဲ အာရုံစိုက် လုပ်ရမှာဖြစ်တဲ့အတွက်ကြောင့်မိုလို့ သူက တွေ့ဆုံရမယ့်သူ အားလုံးနဲ့တွေ့မယ်။ ပြီးတော့ နည်းလမ်းပေါင်းစုံ ရှာမယ်။ ဖြစ်နေတဲ့အခြေအနေတွေကိုလည်း သေချာ သုံးသပ်ပြီးတော့ နိုင်ငံခြားရေးဝန်ကြီး ကလင်တန်နဲ့ သမ္မတ တို့ကို တင်ပြပြီးတော့ အပြောင်းအလဲတွေကို မြန်မြန်ဆန်ဆန် တုံ့ပြန်နိုင်တဲ့ အနေအထားမျိုးဖြစ်အောင် သူ ကြိုးပမ်းမယ်ပေါ့ဗျာ။ ဒါက သူ့ရဲ့ ပြောဆိုချက်ပေါ့။”

အမေရိကန် အထူးသံတမန်အဖြစ်နဲ့ ရွေးချယ်တာခံခဲ့ရတဲ့ မစ္စတာ မစ်ချဲလ်ဟာ စက်တင်ဘာလထဲမှာ မြန်မာနိုင်ငံကိုသွားရောက်ခဲ့ပြီး မြန်မာအစိုးရသစ်အဖွဲ့နဲ့ရော မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့တကွ အဖွဲ့အစည်းမျိုးစုံက ပုဂ္ဂိုလ်တွေနဲ့ပါ တွေ့ဆုံနိုင်ခဲ့သလို မကြာခင်ကမှ ကုလသမဂ္ဂ အထွေထွေညီလာခံကို တက်ရောက်လာတဲ့ မြန်မာနိုင်ငံခြားရေး ၀န်ကြီး ဦးဝဏ္ဏမောင်လွင်ကိုပါ အမေရိကန် နိုင်ငံခြားရေးဝန်ကြီးရုံးမှာ တွေ့ဆုံခဲ့ပါတယ်။ သူ့ကို ခန့်အပ်ခဲ့တဲ့ အချိန်တိုအတွင်း မြန်မာ့အရေးလုပ်ဆောင်မှုတွေမှာ တိုးတက်မှုတွေ တွေ့ရတယ်လို့ ဦးအောင်ဒင်က ပြောပါတယ်။

“သူ့ရဲ့ တစ်လလောက် အချိန်အတွင်း လှုပ်ရှားမှုတွေမှာ သွက်သွက်လက်လက် မြန်မြန်ဆန်ဆန်နဲ့ မြန်မာ့အရေး ကိစ္စကို လုပ်နိုင်တာ တွေ့တယ်။

မြန်မာအစိုးရ ကိုယ်စားလှယ်တွေကိုလည်း အမေရိကန်အစိုးရရဲ့ သဘောထားကို ပိုပြီး ရှင်းရှင်းလင်းလင်း ပြတ်ပြတ်သားသား ပြောနိုင်ခဲ့တာရှိတယ်။ အဲဒီအပေါ်မှာလဲ မြန်မာအစိုးရဘက်က တစုံတရာ တုံ့ပြန်ဖို့ အလားအလာတွေလည်း ရှိတာတွေ့ရတယ်။ အဲဒီတော့ ထူးခြားမှုဆိုတာကတော့ ကျနော်တို့ အချိန် စောင့်ကြည့်ရဦးမှာပေါ့။ အရင်တုန်းကတော့ လက်ထောက် နိုင်ငံခြားရေးဝန်ကြီး ကာ့တ်ကမ့်ဘဲလ် က မြန်မာ့အရေးကိစ္စကို တာဝန်ခံ ဆောင်ရွက်တယ်။ သို့သော်လည်း ကာ့တ်ကမ့်ဘဲလ် ကိုယ်နှိက်ကိုယ်က အာရှနဲ့ပစိဖိတ်ဆိုင်ရာ နိုင်ငံပေါင်း ၄၀ ကျော်ကို တာဝန်ယူရတဲ့အခါ ကျတော့ မြန်မာနိုင်ငံ အရေးနဲ့ပတ်သက်လို့ရှိရင် နေ့တဓူဝ တာဝန်ယူနိုင်စွမ်း မရှိပါဘူး။ အခုလိုမျိုး မြန်မာ့အရေးကိစ္စကို နေ့တဓူဝ တာဝန်ယူပြီးတော့ ဖြစ်ပျက်သမျှတွေကို တုံ့ပြန်မှုတွေလုပ်ဖို့အတွက် အခုလို အမေရိကန် အထူးသံတမန်တစ်ယောက် တရားဝင် အချိန်ပြည့် ခန့်ထားတဲ့အတွက် ဒါက တိုးတက်မှုတခုပါပဲ။”

အမေရိကန် နိုင်ငံခြားရေးဝန်ကြီးဌာနမှာ ကျင်းပတဲ့ ဒဲရက်မစ်ချဲလ်ရဲ့ ကျမ်းသစ္စာ ကျိန်ဆိုပွဲကို ၀န်ကြီး ကလင်တန် နဲ့တကွ နိုင်ငံတကာက သူ့ကိုချစ်ခင်လေးစားကြတဲ့ ဂျပန်၊ ကိုရီးယား၊ ဗီယက်နန်၊ ကမ္ဘောဒီးယား အပါအ၀င် နိုင်ငံတကာ သံအမတ်တွေ၊ စစ်သံမှူးတွေသာမက မြန်မာ့အရေး ဆောင်ရွက်နေတဲ့ NGO နဲ့ နိုင်ငံတကာ အဖွဲ့အစည်းတွေ၊ ကာကွယ်ရေးဝန်ကြီးဌာနနဲ့ နိုင်ငံခြားရေး ၀န်ကြီးဌာနက အဆင့်မြင့် အရာရှိ အများအပြားပါ တက်ရောက်ခဲ့ကြပါတယ်။


နားဆင်ရန်

source by : http://www.voanews.com

အပြည့်အစုံ ဖတ်ရန် ...

အဖားတော် ပြည်ထဲရေး ဒုဝန်ကြီး ဗိုလ်မှူးချုပ် ကျော်ဇံကွေး (မြင့်) - အပိုင်း (၃)

ဆောင်းပါးရှင် - ပြည်တွင်းမှ အတွင်းသိသူတစ်ဦး

(အပိုင်း ၂ ကို ဒီနေရာ တွင်နှိပ်၍ ပြန်လည်လေ့လာဖတ်ရှုနိုင်ပါသည်။)

ဒီမိုကရေစီနိုင်ငံတော် တည်ထောင်မည်ဆိုသော သမ္မတကြီး ဦးသိန်းစိန်တစ်ယောက် Good Government ဖြစ်ရမည်ဟု ကြွေးကြော်နေပြီး အဂတိ လိုက်စားမှု တိုက်ဖျက်ကာ သန့်ရှင်းသော အစိုးရဖြစ်ရမည်ဟုလည်း သံဓိဌာန် ချထားလေရာ သူ့ရဲ့ အစိုးရအဖွဲ့ဝင် ဒုဝန်ကြီး တစ်ဦးကြောင့် နာမည်ပျက်ရကိန်း ကြုံတွေ့နိုင်ပါကြောင်း စည်းလုံးခြင်းရဲ့ အင်အားဝက်ဘ်ဆိုက်ဒ်သို့ အတွင်းသိသူ တစ်ဦးက ကျော်ဇံမြင့် အကြောင်းကို နှိုက်နှိုက်ချွတ်ချွတ် ပေးပို့လာတာမို့ တင်ပြပေးလိုက်ရပါတယ်။ အယ်ဒီတာ၊


စစ်သူနာပြု ကျောင်းအုပ်ကြီး လက်ထက်မှာလည်း တစ်ကျောင်းလုံးကို ပတ်ပြီး ယောင်္ကျားကလည်း တောင်း၊ မိန်းမကလည်း ရသမျှ ချူ လိုက်ကြတာ။ ဦးပိုင်မှ အမြတ်ငွေ၊ နိုင်ငံတော်မှ ချပေးတဲ့ အထူးသုံးငွေ များကို လူကြီးတွေအား ဒိုင်ဗင်ထိုး ဖားလိုက်လို့ ကျောင်းကြီးလည်း အကြွေးပတ်လည်နဲ့ ဖြစ်ကရောတဲ့။ ကျော်ဇံကွေးက ယခုလို မိုက်ရဲတာ ဆရာကောင်းများစွာ ရှိနေလို့ပါ။ ဆောက်လုပ်ရေး ပြည်ထောင်စုဝန်ကြီး ဦးခင်မောင်မြင့်နှင့်လည်း ဗိုလ်ကြီးနဲ့ တပ်ရင်းမှူး ဘဝအဖြစ် နေလာခဲ့ဖူးသလို ပြည်ထဲရေး ဝန်ကြီးဖြစ်နေတဲ့ ဒုဗိုလ်ချုပ်ကြီး ကိုကိုနှင့်လည်း တမခ (၁၁) တပ်မမှူးဖြစ်နေစဉ် သူက တပ်ရင်းမှူး အဖြစ် အထက်အောက် လက်တွဲ လုပ်လာခဲ့ဖူးသူ ဖြစ်ပါတယ်။ ဒါ့အပြင် ဒုဗိုလ်ချုပ်ကြီး လှဌေးဝင်းနဲ့လည်း တမခ (၁၁) တပ်မမှူးဘဝနဲ့ ဖြစ်ခဲ့စဉ်ကသူဟာ တမခ (၁၁) စစ်ဦးစီးမှု ပထမတန်း ဂျီဝမ်း၊ နေခဲ့ဖူးသူပါ။

ဒုတိယ ဗိုလ်ချုပ်ကြီး ကိုကို


အမှန်အကန်ကို ဖားထားတဲ့အတွက် လူကြီးများနဲ့ ပိုင်တယ် ဆိုပြီး ရိုက်ပေါက်တွေ လုပ်ရဲတဲ့ သူပါ။ ဒုဗိုလ်ချုပ်ကြီး ကိုကိုကြောင့် ဒုဝန်ကြီးဖြစ်လာသူ ဟုလည်း ပြောနိုင်ပါတယ်။ စစ်သူနာပြု ကျောင်းအုပ်ကြီး ဖြစ်တော့ မွန်မြတ် မေတ္တာ အိမ်ယာမှာနေတဲ့ ဒုဗိုလ်ချုပ်ကြီးကိုကို အိမ်ကို မုန့်ဟင်းခါး၊ ဘိန်းမုန့်၊ ကျောက်ကျော၊ ရွှေဖရုံသီး၊ ဆနွင်းမကင်းတွေ ဖားယားပြီး သွားပို့ကာ လူကြီးအိမ်မှ သိန်းကျော်တန် ချိတ်ထမီများ၊ ပုဆိုးများကို အတင်းတောင်းကြသူတွေပါ။


ဒုဗိုလ်ချုပ်ကြီးကိုကိုရဲ့ ကတော်ဒေါ်စဝ်နွမ်းခွံဆမ်ရဲ့ အမျိုးတွေ တဖြုတ်ဖြုတ် ဆုံးတော့လည်း မသာကိုယ်စားလှယ် သွားလုပ်ကာ ဟိုဝင်ပါ၊ သည် ဝင်ပါဖြင့် မျက်စိ နောက်လောက်အောင် အဖြစ် သည်းပြ ခဲ့ပါတယ်။ ကျောင်းအုပ်ကြီး တာဝန်များကို ပစ်ထားပြီး ထိုလူကြီးရဲ့ အိမ်မှာရော၊ အန်တီဖိန်း၊ အန်တီဖန်းတို့ မသေခင် တက်သွားတဲ့ အာရှတော်ဝင်ဆေးရုံမှာ ရုံးချိန်ရော၊ ရုံးချိန်ပြင်ပရော မသာ ကိုယ်စားလှယ်ကြီး အဖြစ် အပီအပြင် သရုပ်ဆောင်ပြခဲ့သူပါ။ ဆေးရုံက သူနာပြုတွေ ဆရာဝန်တွေထက် ရောဂါပိုသည်းပြပြီး မျက်ရည်မထွက်ထွက်အောင် ဇနီးမောင်နှံနှစ်ဦးက အကယ်ဒမီ ပေးလောက်အောင် အမူအရာ ပိုပြနိုင်သူတွေပါ။

ကြုံကြိုက်တုန်း ဖားတတ်လွန်းပုံကို သိရသလောက် ပြောပြရရင်

(၁) ဗိုလ်ချုပ်မှူးကြီး သန်းရွှေနဲ့ ဒေါ်ကြိုင်ကြိုင်ကို ဖားဖို့ ဒုဗိုလ်မှူးကြီး မြင့်ကြည်ရဲ့ မိန်းမမှ တဆင့် လက်ဆောင်များစွာ၊ စားစရာမျိုးစုံကို အိမ်တော်ထဲ အရောက်ပို့တတ်ပါတယ်။ လက်ဆောင်တွေကို ပါကင်ထုပ်ပြီး သူတို့နာမည် ရေးတဲ့စာလုံးက မမြင်မှာစိုးလို့ ကြီးကြီးရေးတာ သေချာလောက်တယ်။

(၂) ဒုဗိုလ်ချုပ်မှူးကြီး မောင်အေးနဲ့ ဒေါ်မြမြစန်းကို ဖားဖို့ ပုဇွန်များ၊ ဈေးထဲမှ ဝယ်ပြီး ကိုယ်တိုင် ချက်ပို့ပါတယ်၊ လတ်လတ်ဆတ်ဆတ် ခူးပေးတာပါဆိုပြီး အလကား အချိုအချောင်နှိုက်ထားတဲ့ ဟင်းသီးဟင်းရွက်များနဲ့ ဟင်းချက်သည့်အပြင် အခြားအမယ်မျိုးစုံကို အိမ်တော်ထဲ အရောက် ပို့တတ်ပါတယ်။ တကယ်တမ်း သူတို့ပေးတာ စားပြီး ဝမ်းမသွားတာ တော်တော်ကို ကံကောင်းတယ်။

(၃) ယခု တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ရဲ့ ရန်ကုန်၊ ကျိုက်ဝိုင်းဘုရားနားက အိမ်ကို တစ်လတခါ ဆီနှင့်ဆန် အိတ်လိုက်၊ ပီပါလိုက် ကိုယ်တိုင်သွားပို့တာ ပတ်ဝန်းကျင်က မျက်စိကို နှောက်နေသည်အထိ ဖြစ်ပါတယ်။ ဒါတောင်အားမရလို့ ဒေါ်ကြူကြူလှ ရန်ကုန်ရောက်ပါက ဟင်းချက် အမယ်စုံအား ကိုယ်တိုင် သွားပို့ကာ ပက်ပက်စက်စက် ဖားတတ် ပါသေးတယ်။ ဗိုလ်ချုပ်ကြီး မင်းအောင်လှိုင်ရဲ့ အမေ ဆုံးသွားတုန်းကလည်း မကောင်းမကန်း ကျောက်ကျောနဲ့ရွှေဖရုံသီး ဆနွင်းမကင်းတွေပေးပြီး မျက်နှာလို မျက်နှာ ရအောင် ဒေါ်ကြူကြူလှအား အစွမ်းကုန် ဖားခဲ့ပါသေးတယ်။ အပိုင်း (၄) မှာ ဆက်လက် ဖတ်ရှုကြပါကုန်။


အပိုင်း (၄) ကို ဆက်လက်ဖော်ပြသွားပါမည်။

source by : http://photayokeking.org

အပြည့်အစုံ ဖတ်ရန် ...

Sunday, October 2, 2011

ဖခင် ဧရာဝတီ၏ ကျိန်စာ/ Curse of Irrawaddy (kyaw thu)



source by : http://www.youtube.com/user/yamounnar

အပြည့်အစုံ ဖတ်ရန် ...

မြစ်ဆုံစီမံကိန်း ရပ်ဆိုင်းမှု တရုတ်ဆွေးနွေးလို

မြစ်ဆုံစီမံကိန်းကိစ္စ ရပ်ဆိုင်းလိုက်ပြီလို့ သမ္မတဦးသိန်းစိန်က ပြောဆိုလိုက်တဲ့နောက် ဒီစီမံကိန်းမှာ ပါဝင်ပတ်သက်နေတဲ့ တရုတ်နိုင်ငံဘက်ကတော့ တရုတ်အမျိုးသားပိုင် ကုမ္ပဏီတွေရဲ့ အကျိုးစီးပွားနဲ့ ဥပဒေရပိုင်ခွင့်ကို လေးစားဖို့နဲ့ အကာအကွယ်ပေးဖို့ တရုတ်နိုင်ငံက မြန်မာနိုင်ငံဘက်ကို တိုက်တွန်းလိုက်ပါတယ်။

မြန်မာ့အရေး စောင့်ကြည့်သူတွေကတော့ နောက်နောင်မှာ နိုင်ငံခြား ရင်းနှီးမြှုပ်နှံမှုတွေနဲ့ပတ်သက်လို့ သိသာ ပွင့်လင်းတဲ့ လုပ်ထုံး လုပ်နည်း ဥပဒေစည်းမျဉ်းတွေ မြန်မာ အစိုးရဘက်က ချမှတ် ထားဖို့ လိုအပ်မယ်လို့ ပြောပါတယ်။ ကိုသားညွှန့်ဦးက စုံစမ်း မေးမြန်းထားပါတယ်။

အခု မြစ်ဆုံစီမံကိန်းနဲ့ပတ်သက်လို့ ပေါ်လာတဲ့ပြဿနာတွေကို နှစ်နိုင်ငံအကြားမှာ ဆွေးနွေးတိုင်ပင်ဖို့ လိုအပ်တယ်ဆိုပြီး တရုတ်နိုင်ငံခြားရေးဌာနက စနေနေ့က ထုတ်ပြန်လိုက်တာ ဖြစ်ပါတယ်။ ဒေါ်လာ ၃.၆ ဘီလီယံ တန်ဖိုးရှိတဲ့ ဒီမြစ်ဆုံစီမံကိန်းကို နှစ်နိုင်ငံစလုံး အသေအချာ ဆန်းစစ်လေ့လာပြီးမှ နှစ်ဘက် သဘောတူညီခဲ့တာဖြစ်လို့ ဒီကိစ္စကို ဆက်လုပ်မလုပ်ဆိုတာ နှစ်ဘက်စလုံးရဲ့ သဘောနဲ့ တိုင်ပင်ဆုံးဖြတ်ရမယ် ဆိုတဲ့သဘော တရုတ်နိုင်ငံခြားရေးဘက်က တုံ့ပြန်လိုက်တာပါ။ တရုတ်အမျိုးသားပိုင် ကုမ္ပဏီတွေရဲ့ အကျိုးစီးပွားနဲ့ ရပိုင်ခွင့်တွေကို လေးစားဖို့ လိုအပ်တယ်လို့လည်း တရုတ်နိုင်ငံခြားရေး ပြောခွင့်ရသူက မြန်မာအစိုးရကို တိုက်တွန်းထားပါတယ်။

မြစ်ဆုံဆည်စီမံကိန်းဟာ နှစ်ဘက်စလုံး နှံ့နှံ့စပ်စပ် ဆန်းစစ်ပြီးမှ တရုတ်နဲ့မြန်မာ နှစ်နိုင်ငံ ပူးတွဲ ရင်းနှီးမြှုပ်နှံလုပ်တဲ့ စီမံကိန်းဖြစ်တယ်လို့ တရုတ်နိုင်ငံခြားရေး ပြောခွင့်ရသူ ဟုန်လီ (hong lei) ရဲ့ ပြောဆိုချက်ကို ကိုးကားပြီး နိုင်ငံခြားရေးဌာနက ကြေညာချက် ထုတ်ပြန်တာဖြစ်ပါတယ်။ မြန်မာ့အရေး သုံးသပ်သူ ဦးအောင်ခင်ကတော့ တရုတ်နိုင်ငံအနေနဲ့ သူ့အကျိုးစီးပွားကြောင့် မြန်မာနိုင်ငံရဲ့ အကျိုးစီးပွားကို ထိခိုက်စေနေတယ် ဆိုတာကိုတော့ သဘောပေါက်သင့်တယ်လို့ သူ့အမြင်ကို ပြောသွားပါတယ်။ အခု ပြဿနာကြောင့်တော့ တရုတ်-မြန်မာ ဆက်ဆံရေးကို ကြီးကြီးမားမား ထိခိုက်စရာမရှိဘူးလို့ သူက သုံးသပ်ပါတယ်။

“နိုင်ငံခြားမှာရှိတဲ့ တရုတ်အကျိုးစီးပွားကို ကာကွယ်ရမယ်ဆိုတဲ့ မူဝါဒ တရုတ်မှာရှိတယ်။ အရင်တုန်းကတော့ နိုင်ငံခြားမှာနေတဲ့ တရုတ်တွေဟာ နိုင်ငံခြားဥပဒေကိုပဲ လိုက်နာရမယ်ဆိုပြီး ရှိခဲ့တယ်။ နောက်ပိုင်း အခုခေတ် တရုတ်ကတော့ အဲဒီလိုမဟုတ်ဘူး။ နိုင်ငံခြားမှာရှိတဲ့ တရုတ်အကျိုးစီးပွားကို ကာကွယ်ရမယ်လို့ သူက ဆိုတယ်။ ဒါပေမဲ့ အခု ဒီကိစ္စက တရုတ်အကျိုးစီးပွားကြောင့် မြန်မာအကျိုးစီးပွား ပျက်စီးမယ့်ကိစ္စကို သူတို့ ထည့်စဉ်းစားဖို့လိုတာပေါ့။ သူ့အကျိုးစီးပွားချည်းပဲ တဘက်ကကြည့်နေတယ်။ တရုတ်က အဲဒီအကျင့်ရှိတယ်။ ကိုယ့်လိုချင်တာတခုပဲ ကြည့်ပြီး စီးပွားရေးဆန်ဆန်ပေါ့လေ သူများဘာဖြစ်ဖြစ် ဆိုပြီးတော့ပေါ့။ တရုတ်ပြည်မှာ ဒီ စရိုက်လက္ခဏာ အလွန်ကြီးမားတယ်။”

အဲဒီတော့ အခု မြန်မာအစိုးရသစ်နဲ့ တရုတ်နဲ့ကြားထဲမှာ ဆက်ဆံရေးပိုင်းမှာ ဒီကိစ္စကြောင့် ဘယ်လို ဖြစ်လာနိုင်လဲခင်ဗျ၊ အန်ကယ့်အမြင်ပေါ့။ -

“စီးပွားရေးနဲ့ပတ်သက်လို့ကတော့ သူတို့ အပေးအယူရှိတာပေါ့လေ။ ဆက်ဆံရေးက အများကြီး ရှိသေးတာကိုး။ ဒီရေကာတာတခုတည်းမှ မဟုတ်ဘဲ။ ရေနံပိုက်လိုင်းလို မြန်မာပြည်က ရစရာတွေ ရှိသေးတာကိုး။ အဲဒီတော့ တရုတ်ကတော့ ဆက်ဆံရေးတော့ အပျက်ခံမှာမဟုတ်ဘူး။ ရေကာတာတွေ မရလို့ရှိရင် ယူနန်ကတော့ ထိခိုက်မှာပေါ့။ လောလောဆယ် ယူနန်နဲ့ ဆက်ဆံရေးပဲ။ တရုတ်အစိုးရကတော့ ဆက်ဆံရေး မထိခိုက်အောင် သူ လုပ်မှာပေါ့။ လောလောဆယ် ပြဿနာဖြစ်နေတာက ယူနန်က ကုမ္ပဏီတွေနဲ့ပဲ ဖြစ်မှာပေါ့။”

မြစ်ဆုံစီမံကိန်း ယာယီရပ်ဆိုင်းတာကြောင့် တရုတ်-မြန်မာဆက်ဆံရေး ကြီးကြီးမားမား ထိခိုက်မှာ မဟုတ်ဘူးလို့ ဦးအောင်ခင်က ယူဆပေမဲ့ မြန်မာ့အရေးလေ့လာသူ သုတေသီ ဦးသန့်မြင့်ဦးကတော့ ဒီကိစ္စအပေါ်မှာ မြန်မာဘက်က သတိကြီးကြီးတော့ ထားရမယ်လို့ မြင်ပါတယ်။ ဗွီအိုအေရဲ့ အမေးကို သူက စာနဲ့ပဲ တုံ့ပြန်ထားရာမှာတော့ တရုတ်နိုင်ငံဟာ ကမ္ဘာပေါ်မှာ စီးပွားရေး အလျင်အမြန် တိုးတက်အားကောင်း လာတဲ့ နိုင်ငံဖြစ်တာမို့ သူ့အိမ်နီးချင်းနိုင်ငံ တနိုင်ငံအဖြစ်နဲ့ မြန်မာဘက်ကရလာနိုင်မယ့် အကျိုးအမြတ် တွေကိုလည်း ရယူဖို့အတွက် တရုတ်နဲ့ဆက်ဆံရေး ဆက်ကောင်းနေဖို့ လိုမယ်လို့ သူက ပြောပါတယ်။

သမ္မတ ဦးသိန်းစိန်ရဲ့ မြစ်ဆုံဆည်စီမံကိန်း ရပ်ဆိုင်းဖို့ ဆုံးဖြတ်ချက်ဟာ အရေးကြီးတဲ့ နိုင်ငံရေး အပြောင်းအလဲတရပ်အဖြစ် မှန်ကန်တယ်လို့ သူက ရှုမြင်ထားပါတယ်။ တဘက်မှာတော့ တရုတ် အစိုးရဘက်က ဒီကိစ္စကို စိုးရိမ်ပြီး ဖြေရှင်းချက် လိုချင်တဲ့အပေါ်မှာလည်း နားလည်လို့ရတယ်လို့ သူက ဆိုပါတယ်။

ဒါကြောင့်လဲ အခုအချိန်ရော အနာဂါတ်ကာလအတွက် ရင်းနှီးမြှုပ်နှံမှု အားလုံးအတွက် လိုအပ်တဲ့ ဥပဒေ စည်းမျဉ်းတွေ၊ လုပ်ထုံးလုပ်နည်းတွေ၊ ကောင်းမွန်တဲ့ အုပ်ချုပ်ရေးတွေ ထားရှိဖို့နဲ့ တချိန်တည်းမှာ ဒီရင်းနှီးမြှုပ်နှံမှုလုပ်ငန်းတွေမှာ ပွင့်လင်းမြင်သာမှုရှိဖို့၊ သဘာဝပတ်ဝန်းကျင်နဲ့ ဒေသခံတွေရဲ့ အကျိုးစီးပွားကို အကာအကွယ်ပြုပေးဖို့ ဆိုတာတွေလည်း ထည့်သွင်းစဉ်းစားဖို့ ဦးသန့်မြင့်ဦးက တိုက်တွန်းပါတယ်။

မြစ်ဆုံ ရေအားလျှပ်စစ်စီမံကိန်းဟာ တရုတ်စွမ်းအင် ရင်နှီးမြှုပ်နှံမှုကုမ္ပဏီ၊ မြန်မာအမှတ် (၁) လျှပ်စစ်ဝန်ကြီး ဌာနနဲ့ မြန်မာပုဂ္ဂလိကပိုင်း အေးရှဝေါလ် ကုမ္ပဏီတို့ ပူးတွဲရင်းနှီးမြှုပ်နှံတဲ့ လုပ်ငန်းဖြစ်ပါတယ်။ ဒီ စီမံကိန်းကို ၂၀၀၉ ခုနှစ် ဒီဇင်ဘာလမှာ စတင်ဖော်ဆောင်ခဲ့တာပါ။

မြန်မာပြည်တွင်းက အထင်ကရ ပုဂ္ဂိုလ်တွေ၊ ပညာရှင်တွေ၊ အနုပညာရှင်တွေ၊ နိုင်ငံရေး အစုအဖွဲ့တွေက ဒီစီမံကိန်းကို မကြာခင်က ကန့်ကွက် ပြောဆိုမှုတွေ ကျယ်ကျယ် လောင်လောင် ဖြစ်ခဲ့ပြီးနောက် သမ္မတ ဦးသိန်းစိန်က ဒီစီမံကိန်းကို သူ့လက်ထက်မှာ ယာယီ ရပ်ဆိုင်းထားလိုက်ပြီလို့ တနေ့ကပဲ လွှတ်တော်မှာ တုံ့ပြန်လိုက်တာ ဖြစ်ပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...