Monday, December 3, 2012

လက်ပံတောင်းတောင်သပိတ် အကြမ်းဖက်ဖြိုခွဲမှု ဆန့်ကျင်ဆန္ဒပြသူများအား ရဲများမှ အဓမ္မ ဖမ်းဆီးမှု မှတ်တမ်း (ရုပ်/သံ)

 
source by : http://www.youtube.com/user/BurmaVJMedia

အပြည့်အစုံ ဖတ်ရန် ...

နောက်ကွယ်က ကြိုးကိုင်ခဲ့တဲ့သူကို သိသွားပြီ ထင်တယ်

credit- သူရိန်ဇော်

အပြည့်အစုံ ဖတ်ရန် ...

Friday, November 30, 2012

လက်ပန်းတောင်းအရေး စုံစမ်းစစ်ဆေးဖို့ လူထုခေါင်းဆောင် ဒေါ်အောင်ဆန်းစုကြည် တောင်းဆို


စစ်ကိုင်းတိုင်း မုံရွာခရိုင် ဆားလင်းကြီးမြို့နယ် လက်ပန်းတောင်းတောင် ကြေးနီစီမံကိန်းကို ကန့်ကွက်ဆန္ဒ ထုတ်ဖေါ်ကြတဲ့ သပိတ်စခန်းတွေကို အကြမ်းဖက် ဖြိုခွင်းခဲ့တာနဲ့ ပတ်သက်ပြီး မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ဒီနေ့ သောကြာနေ့မှာ ပြစ်တင် ရှုတ်ချလိုက်ပါတယ်။

လက်ပန်းတောင်းတောင်ကြေးနီစီမံကိန်းကို ငြိမ်းချမ်းစွာ ဆန္ဒထုတ်ဖေါ် ကန့်ကွက်နေကြတဲ့ ဒေသခံလူထုနဲ့ အတူ သံဃာတော်တွေကိုပါ လုံခြုံရေးတပ်ဖွဲ့က ကြမ်းကြမ်းတမ်းတမ်း ကိုင်တွယ်ခဲ့တာနဲ့ပတ်သက်ပြီး မုံရွာမြို့မှာ ကျင်းပခဲ့တဲ့ လူထုနဲ့တွေ့ဆုံပွဲမှာ ဒေါ်အောင်ဆန်း စုကြည်ကအခုလို ပြောဆိုလိုက်တာပါ။

“ဘယ့်လို့ကြောင့် ဒီ့လောက်တောင်မှ ကြမ်းကြမ်းတမ်းတမ်း လုပ်ရတာလဲလို့ ကျမတို့ပြည်သူတွေ မေးပိုင်ခွင့်ရှိတယ်လို့ ကျမယုံကြည်ပါတယ်။ ကျမကလည်း ဒီမေးခွန်းကို မေးတာဟာ ပြဿနာရှာချင်လို့ မေးတာမဟုတ်ဘူး။ ပြဿနာရှင်းချင်လို့ မေးတာ။ ဘယ်လိုရည်ရွယ်ချက်နဲ့ ဒီလိုလုပ်ခဲ့တာလဲ။ ကျမပွင့်ပွင့်လင်းလင်း ပြောမယ်နော်။ ဒီလောက်ဟာ လုံးဝ မလိုအပ်ဘူး။ ဒါပေမဲ့ ကျမ ဒီလိုပြောလို့ ကျမ ပြည်သူတွေကို စိတ်ဆွပေးချင်တာမဟုတ်ဘူးနော်။ ကျမ စိတ်ဆွပြီးတော့ စည်းရုံးတဲ့အလုပ်ကို ဘယ်တော့မှ မလုပ်ဘူး။ ကျမတို့ ပြည်သူတွေအနေနဲ့ စဉ်းစဉ်းစားစားနဲ့ ဆုံးဖြတ်နိုင်အောင်လို့  ဒါကြောင့် ကျမ တင်ပြတာပါ။”

ဒေါ်အောင်ဆန်းစုကြည် မုံရွာလူထုကို ပြောဆိုသွားတာပါ။ ဆန္ဒထုတ်ဖေါ်သူတဦး ကတော့ ပြည်သူလူထုအကျိုးကိုငဲ့ကွက်ပြီး ဒီလက်ပန်းတောင်စီမံကိန်းကို ဧရာဝတီမြစ်ဆုံစီမံကိန်း ဖျက်သိမ်းခဲ့သလို ဖျက်သိမ်းစေလိုကြောင်း၊ ဒါပေမဲ့ လူထုခေါင်းဆောင် ဒေါ်အောင်ဆန်းစုကြည် အနေနဲ့ သူ အတတ်နိုင်ဆုံး ဖြေရှင်းပေးနိုင်လိမ့်မယ်လို့ ယုံကြည်ကြောင်း၊ တကယ်လို့ ဒေါ်အောင်ဆန်းစုကြည်က ဆန္ဒပြတာတွေ ရပ်ဆိုင်းစေလိုတယ်ဆိုရင် သူတို့အနေနဲ့ ရပ်ဆိုင်းပေးမှာဖြစ်တယ်လို့ Reuters သတင်းဋ္ဌာနကို ပြောပြသွားပါတယ်။

ဒေါ်အောင်ဆန်းစုကြည်က လက်ပန်းတောင်းတောင် ကြေးနီစီမံကိန်းနဲ့ပတ်သက်ပြီး စုံစမ်းရေးကော်မရှင် အမြန်ဆုံး ဖွဲ့စည်းဖို့ အစိုးရကို တိုက်တွန်းသွားမှာ ဖြစ်ကြောင်းနဲ့ သပိတ်စခန်းတွေကို ဖြိုခွဲခဲ့တဲ့ တာဝန်ရှိသူတွေအနေနဲ့ သံဃာတော်တွေနဲ့ ပြည်သူတွေကို ၀န်ချတောင်းပန်ဖို့ တိုက်တွန်းထားကြောင်း ဒီကနေ့ သတင်းစာရှင်းလင်းပွဲ မှာ ပြောဆိုလိုက်ပါတယ်။ 

source by : http://burmese.voanews.com

အပြည့်အစုံ ဖတ်ရန် ...

လူထုခေါင်းဆောင် ဒေါ်အောင်ဆန်းစုကြည် ကြေးနီတောင် စီမံကိန်းနှင့် ပတ်သတ်၍ သတင်းစာရှင်းလင်း(ရုပ်/သံ)

ဒေါ်အောင်ဆန်းစုကြည်ဟာ သူမရဲ့ မုံရွာခရီးစဉ် အတွင်း ကြေးနီတောင် စီမံကိန်းနှင့် ပတ်သတ်၍ သတင်းစာ ရှင်းလင်းပွဲ တရပ်ကို ၀င်းယူနတီဟိုတယ်တွင် နိုဝင်ဘာလ ၃၀ ရက်နေ့ မွန်းလွဲ ၁း၄၀ နာရီတွင် ၁၀ မိနစ်ကြာ သတင်းစာရှင်းလင်းပွဲ ပြုလုပ်ခဲ့ပြီး မုံရွာမြို့မှ ပြန်လည် ထွက်ခွာသွားကြောင်း သိရှိရပါသည်။




source by : http://www.youtube.com/user/BurmaVJMedia

အပြည့်အစုံ ဖတ်ရန် ...

“ဒဏ်ရာတွေကို ဖုံးဖိထားလို့ မရဘူး” (အင်တာဗျူး)


ဗိုလ်မှူးဟောင်း စိုင်းသိန်းဝင်း (ဓာတ်ပုံ – DVB)

နိုဝင်ဘာလ၂၉ ရက်နေ့ မနက် ၃ နာရီမှာ မုံရွာမြို့နယ် လက်ပံတောင်း တောင် ကြေးနီ စီမံကိန်း သပိတ်ကို အစိုးရ လုံခြုံရေး ရဲ တပ်ဖွဲ့က အင်အားသုံးဖြိုခွဲခဲ့ပါတယ်။ သပိတ်တိုက်ပွဲ ဆင်နွှဲနေတဲ့ ရဟန်းရှင်လူ ၁၀၀ ကျော် မီးလောင် ဒဏ်ရာတွေ အပြင်းအထန် ရခဲ့ပါတယ်။ သမ္မတရုံးက ဓာတုဆေးဝါးပါဝင်တဲ့ဗုံးကို အသုံးမပြုခဲ့ဘူးလို့ (တရားမဝင် ဖေ့စ်ဘွတ်ကတဆင့်) ဆိုပေမယ့် ဒဏ်ရာရသူတွေနဲ့ မျက်မြင်အရပ်ဘက် သတင်းတွေ၊ မုံရွာဆေးရုံ သတင်းရပ်ကွက်တွေကတော့ ဒါဟာ လူ့ခန္ဓာကိုယ်ကို ပြင်းထန်စွာ လောင်ကြွမ်းစေတဲ့ ဓာတုဆေးရည်ပါတဲ့ မီးလောင်ဗုံးတွေ ဖြစ်နိုင်တယ်လို့ သံသယရှိနေပါတယ်။

ဒီကိစ္စနဲ့ ပတ်သက်ပြီး အရင် စစ်အစိုးရ လက်ထက် ပဲခူးတိုင်း ပန်းတောင်းမြို့နယ် ဆင်တဲ ကပစ(ကာကွယ်ရေး ပစ္စည်းနဲ့ စစ်လက်နက် ပစ္စည်း ထုတ် စက်ရုံ) အမှတ်(၃) မှာ အာပီဂျီ အလုပ်ရုံ ခွဲမှူး အနေနဲ့ တာဝန်ထမ်းဆောင်ခဲ့ဖူးသူ ဗိုလ်မှူးဟောင်း စိုင်းသိန်းဝင်း နဲ့  ဧရာဝတီ သတင်းထောက် ကိုညို (အော်စလို) ဆက်သွယ်မေးမြန်း ခဲ့တာတွေကို တင်ပြလိုက်ပါတယ်။

မေး ။  ။ လက်ပံတောင်းတောင် သပိတ် အကြမ်းဖက်ဖြိုခွဲတာနဲ့ ပတ်သက်ပြီး မျက်ရည်ယို ဗုံးလား၊ မီးလောင်ဗုံးလား လို့ အငြင်းပွားနေတာကို ကာကွယ်ရေး ၀န်ကြီးဌာန စစ်လက်နက်ထုတ် ပစ္စည်းစက်ရုံမှာ တာဝန်ထမ်းဆောင်ခဲ့သူ တယောက်ရဲ့အတွေ့အကြုံနဲ့ယှဉ်ပြီး ဘယ်လိုသုံးသပ်မှု ပေးချင်သလဲ။

ဖြေ ။  ။ မျက်ရည်ယိုဗုံး(Tear Gas)ဆိုတာ မီးခိုးဗုံးပဲလေ၊ သူကမျက်စိနဲ့ ထိမှန်ရင် စပ်ပြီး မျက်ရည်ကျအောင် စီမံထားတဲ့ ဓာတ်ငွေ့ချည်း သက်သက်ထွက်တဲ့ ဗုံးပါ။ မီးပန်း ထွက်စရာမလိုဘူး။ အခုဟာက မီးပန်း မီးပွားတွေ ပန်းထွက်နေတဲ့အခါကျတော့ ဘယ်လိုမှ မီးခိုးဗုံး မဖြစ်နိုင်ဘူးပေါ့ဗျာ။ သတင်းတွေအရ ဆိုးဆိုးရွားရွား သိရတာက ဗုံးထဲကနေ လွင့်စင်လာတဲ့ အဖြူရောင် အနှစ်တွေက လူ့ခန္ဓာကိုယ်ထဲ စွဲကပ်ပြီး မီးလောင်တယ်၊ ရေထိတော့ပိုလောင်တယ်၊ ဒါဆို မီးစုန်းဗုံး သဘောမျိုးဖြစ်သွားပြီ။ ကျနော်တို့က ဗုံးအမျိုးအစားကို မျက်မြင်တွေ့ရတဲ့ အခြေအနေကြည့်ပြီး ခွဲခြားရတာ၊ မီးထွက်တဲ့ ဗုံးကို မီးလောင်ဗုံးပဲ ခေါ်မယ်၊ မီးခိုးပဲထွက်တဲ့ ဗုံးကို မီးခိုးဗုံးလို့ ခေါ်မှာပေါ့ဗျာ။ အခုဟာက မီးတွေပန်းထွက်နေတဲ့ ဗုံးမို့ မီးလောင်ဗုံးလို့ တိတိကျကျပြောတာပါ။

မေး ။  ။ ဒီလို ဗုံးအမျိုးအစားကို တပ်မတော်က ဘယ်လိုအချိန်အခါမှာ သုံးသလဲ၊ အခုလို ဆန္ဒပြတာမျိုးမှာ သုံးရမည့် ညွှန်ကြားမှုမျိုးတွေရောရှိခဲ့ဖူးလား။

ဖြေ ။  ။ ဗီယက်နမ် စစ်ပွဲတွေမှာ အမေရိကန် တပ်က သုံးတယ်၊ ဗီယက်နမ်တွေက တောတောင်သစ်တောတွေကို အကာအကွယ် ယူပြီး ပြောက်ကျားစစ်ကိုသုံးလို့ အမေရိကန်တွေ အထိနာတယ်။ ဗီယက်နမ် ပြောက်ကျားတွေ တောတောင်နဲ့ မြေအောက်ဂူတွေ၊ ကျင်းတွေထဲခိုလို့ မရအောင် မီးတိုက်နှိမ်နင်းဖို့ နပမ်းဗုံး(ဗုံးဒဏ်သင့် ဗီယက်နမ် ကလေးမလေး အမည် Napalmကို အစွဲပြုသုံး)ဆိုပြီး ထွင်သုံးတာ။ အဲဒီ နပမ်းဗုံးက ဓာတုဆေးရည်တွေနဲ့ ဖော်စပ်ထားတာ၊ အပင်တွေကို ဆေးရည်ထိရင် ဆေးရည်မကုန်မချင်း မီးမငြိမ်း ဘူး။ သစ်ပင်တွေ၊ သစ်တောတွေ မီးလောင်ပြာကျအောင် ထွင်ထားတာ။ နောက်ပိုင်း ဒီဗုံးရဲ့ဆိုးကျိုးကို ဗီယက်နမ်မလေး Napalm ရဲ့ ဖြစ်ရပ်က တဆင့် စစ်မြေပြင် သတင်းထောက်တွေ ဖော်ထုတ်သိရပြီး ကန့်သတ်တားမြစ်မှုတွေ ပေါ်လာတာ။

ဥပမာ Flame Thrower လို ပေ၂၀ လောက် မီးပန်းထွက်တဲ့ မီးသေနတ်တွေကို ဘန်ကာ၊ ကတုတ်ကျင်းထဲက ရန်သူတွေကို တိုက်ရာမှာပဲသုံးပြီး၊ မြေပြင်တက် တပ်ဖွဲ့တွေကို မသုံးရဘူး။ ဂျနီဗာ စာချုပ်မှာ ကန့်သတ်ထားတယ်။
ပြောချင်တာက မီးလောင် ဒဏ်ရာရစေတယ် ဆိုတာ ပြင်းထန်အောင် ထိခိုက်တဲ့ ဆိုးရွားတဲ့ တိုက်ခိုက်မှုမျိုး ဖြစ်တယ်။

စစ်တိုက်တယ် ဆိုတာတောင် မချိမဆန့် ဒဏ်ရာရစေရင် လူမဆန်ဘူးလို့ သတ်မှတ်တယ်။ ဒီလို မဖြစ်အောင် နိုင်ငံတကာ ဆန္ဒပြမှုတွေကို မီးသတ်ပိုက်တွေ၊ မျက်ရည်ယိုဗုံးတွေနဲ့ ဖြိုခွဲတာပေါ့။ စစ်ပွဲမှာတောင် လက်မခံတဲ့ကိစ္စကို လက်နက်မဲ့ ဆန္ဒပြသူတွေကြား သုံးတယ် ဆိုတာ ရာဇ၀တ်မှု ကျူးလွန်တာပဲ ဖြစ်တယ်။ အခုဖြစ်တဲ့ဟာမှာ မီးလောင်ဗုံးတွေ သုံးခဲ့တယ်ဆိုတာ ဒဏ်ရာတွေ ကြည့် ရင် သိသာတယ်။ ဒဏ်ရာတွေကို ဖုံးဖိထားလို့မှ မရတာ။

မေး ။  ။ တပ်မတော်ကရော ဒီလို မီးလောင်ဗုံးတွေ ဘယ်လို နေရာမှာသုံးလဲ။

ဖြေ ။  ။ ကျနော်တို့ ကပစ မှာတော့ ပေါင်၂၀၀ မီးလောင်ဗုံးတွေ ထုတ်ထားတာ ရှိတယ်။ အဓိကရုဏ်း နှိမ်နင်းဖို့ မျက်ရည်ယိုဗုံးတွေထုတ်တာရှိတယ်။ ဒါလဲ ကျနော်တို့ဆီက လိုအပ်မှ ထုတ်တာ။ ကျနော်မှတ်မိနေတာ တခုရှိတယ်။ ၁၉၉၆ ခုကျောင်းသား အရေး အခင်းကို ဖြိုခွဲတုံးက ကျနော်တို့ စက်ရုံကို အဓိကရုဏ်း နှိမ်နင်းရေးအတွက် မျက်ရည်ယိုဗုံးတွေထွင်ပြီးထုတ်ခိုင်းတယ်။ ကျည်ဆန် တွေမှာ ဆေးအကြည်တွေထည့် ပစ်ရတာ၊ ကျည်ထဲမှာ ခဲဖူးလေးတွေ ပါတယ်၊ အဲဒီ ခဲဖူးတွေကို အပေါ်က ရာဘာ အုပ်ထားတာ။ ရာဘာကျည်ဆန် မှန်တာနဲ့ အသားအကွင်းလိုက် ပျက်ကျတာပေါ့။ မျက်လုံးထိရင် ကန်းတယ်။ သေတော့ မသေနိုင်ဘူး။ သိတ်မပြင်း တော့ ဗိုလ်ချုပ်မောင်အေး က တိုက်ရိုက် အမိန့်ပေးဖူးတယ်။

“သေချင် သေပစေကွာ၊ ယမ်းအား မြှင့်ပြီးထုတ်”လို့ ဆိုတော့ ယမ်းအားမြှင့်ပြီး အစမ်းပစ် ကြတယ်။ ကျနော့် ရှေ့ အရင်ရောက် နေ တဲ့ ဆရာ တယောက် ပြန်ပြောပြလို့ သိရတာက အဲဒီ ယမ်းအားမြှင့် ကျည်တွေနဲ့ ရဲဘော်တချို့ကို အဝေးကနေ စမ်းပစ်ကြတာ၊ ဒဏ်ရာတွေ ရကုန်တယ်တဲ့။

မေး ။  ။ ဒါဆို အခု လက်ပံတောင်းတောင် သပိတ်မှာ စွမ်းရည်မြှင့် မီးခိုးဗုံးတွေ ထုတ်သုံးတာရော မဖြစ်နိုင်ဘူးလား။

ဖြေ ။  ။ ကပစ ကတော့ မီးခိုးဗုံးပဲ ပုံမှန်ထုတ်တာပေါ့။ ဒါပေမယ့် အကြီးအကဲ အရာရှိတယောက်ယောက်က မီးခိုးဗုံးကို စွမ်းရည်မြှင့် ထုတ်ခိုင်းတာလည်း ဖြစ်နိုင်တာပဲ၊ ဒါမှမဟုတ် ကပစ ထုတ်တဲ့ မျက်ရည်ယိုဗုံးက စံချိန်နဲ့မကိုက်ညီတာမျိုးလည်း ဖြစ်နိုင်ပါတယ်။ မှတ် မိမလား မသိဘူး၊ ၂၀၀၇ ရွှေဝါရောင် တုံးက ရွှေတိဂုံဘုရား စောင်းတန်းတခုမှာ မီးခိုးဗုံးတခုကနေ မီးပန်းတွေ ဖြာထွက်နေတဲ့ ဗီဒီယို ကလစ်လေး တခု သတိထားမိတယ်။

မေး ။  ။ တချိန်က ကရင်ပြည်နယ် ၀မ်ခ တိုက်ပွဲမှာရော၊ မာနယ်ပလော နဲ့ အခုနောက်ပိုင်း ကချင် စစ်မြေပြင်မှာပါ တပ်မတော်က ဓာတု လက်နက်တွေ ထုတ်သုံးတယ် ဆိုတဲ့ စွပ်စွဲချက်တွေ ပေါ်ခဲ့ဖူးတယ်။ လူမသေပဲ၊ အရေပြားတွေ လောင်တာ၊ နားထဲက သွေးထွက်တာ၊ မူးဝေအော့အန်ပြီး လမ်းဆက်မလျှောက်နိုင်တာ စတဲ့ လက္ခဏာတွေ ပေါ်တယ်လို့ သတင်းတွေ ဖတ်ဖူးတယ်။ တပ်မတော်က တိုင်းရင်းသားတွေနဲ့ စစ်ခင်းရာမှာ ဓာတုလက်နက်တွေ သုံးတတ်သလား။

ဖြေ ။  ။ သုံးတတ်ပါတယ်။ ကိုယ်တိုင်တော့ အဲဒီလို တိုက်ပွဲတွေ မမီခဲ့ပေမယ့် ကျနော်တို့ စစ်အင်ဂျင်နီယာ သင်တန်းမှာ ဓာတု လက်နက် ကိစ္စတွေလည်း ဘာသာရပ်ခွဲတခု အနေနဲ့ သင်ခဲ့ရတယ်။ သင်တန်းတခုမှာ ကပစ (၅)က ဒု တပ်ရင်းမှုး ဗိုလ်မှူးကြီး ဉာဏ်ထွန်း က ပြောဖူးတာပေါ့။ သူက ဓာတုလက်နက်ဆိုင်ရာ သင်တန်းပေးတာ၊ သူက ကရင်ပြည်နယ် ၀မ်ခမှာ တိုက်ပွဲတွေဖြစ် တော့၊ တပ်က လူတွေအများကြီး သေတယ်ဗျာတဲ့။

တဖက်က၊ ကတုတ်ကျင်းတွေ ထဲကနေ ခံပစ်တော့ တက်မရဘူး၊ ဒါနဲ့ အခုပြောနေကြတဲ့ မီးလောင်ဗုံးတွေ စပြီး စမ်းသပ်လုပ်ကြ တာပေါ့ လို့ ပြောဖူးတယ်။ နောက် Pressure Bomb လို့ ခေါ်တဲ့ မိုင်းရှင်းတဲ့ ဗုံးလဲ စမ်းကြတယ်။ သူက အမြှောက်ဆံနဲ့ မိုင်းရှိမယ် ထင်တဲ့ မြေပြင်ပေါ်ကို ပစ်လိုက်ရင်၊ ပေါက်ကွဲအားပြင်းတော့ လေထုထဲမှာ လေဟာနယ် ဖြစ်သွားပြီး ရုတ်တရက် ပြင်ပ လေထုတွေဝုန်းခနဲ ပြန်စုတော့ မြေကြီးကိုဖိအားနဲ့ ရိုက်သလိုဖြစ်ပြီး မြှုပ်ထားတဲ့ ဗုံးတွေပေါက်ကွဲတဲ့ သဘောပဲ။ ကတုတ်ကျင်းထဲ ရေအပြည့် ထည့်ထားတဲ့ တိုင်ကီပုံး တလုံးတည်း စမ်းတာ၊ အဲဒီ Pressure ဗုံးကြောင့် တိုင်ကီထဲ ရေတစက်မှ မကျန်အောင်လွင့်စင်ပြီး တိုင်ကီ လည်း လိန်ပိန် တွန့်ခေါက်သွားတာ။

အဲဒီလို ဖိအားပေး မိုင်းရှာဗုံးတွေ(Pressure Bomb)နဲ့ မီးလောင်ဗုံး(Incendiary)တွေ သုံးတော့ ကတုတ်ကျင်းထဲက လူတွေလည်း ဘယ်ခံနိုင်မှာတုံး။ အဲဒီလို ဓာတုလက်နက်တွေ သုံးရင် ဂျနီဗာ သဘောတူညီချက်နဲ့ မညီဘူး။ ဒါကြောင့် တပ်က ဓာတုလက်နက် သုံးမယ်ဆို လူသိမခံဘူး။
ဥပမာ ရှေ့တန်း စစ်မြေပြင်တခုမှာ ဓာတုလက်နက် သုံးမယ်ဆိုတာ ခြေလျင်တပ် အရာရှိတွေကိုတောင် ပေးမသိစေဘူး။ ကျနော် တို့ ကာကွယ်ရေး စက်ရုံက အရာရှိတွေကိုယ်တိုင် သွားပစ်တာ။ ခြေလျင်တပ်သားတွေကို အနားမှာ မရှိစေဘူး။

မေး ။  ။ ကျနော်တို့ အတွေ့အကြုံအရ ဆန္ဒပြမယ်ဆိုရင် ရဲတပ်ဖွဲ့က ပထမ လူစုခွဲဖို့ သတိပေးမယ်။ ဒုတိယ တားမြစ်ထားတဲ့ အရံ အတားကို မကျော်ရဘူး၊ တတိယ အဆင့်က မီးသတ်ပိုက်နဲ့ပက်မယ်၊ အဲဒါမှ မရရင် မျက်ရည်ယိုဗုံး ဖောက်မယ်၊ နောက်ဆုံး နံပါတ် တုတ်နဲ့ ရိုက်မယ်၊ ဖမ်းမယ်ပေါ့။ ဒါကလည်း ဆန္ဒပြလူထုက ထကြွပြီး ချိုးဖောက်ရန်မူမှ ဖြစ်တာ၊ ဆန္ဒပြသူတွေ ငြိမ်းငြိမ်းချမ်းချမ်း ထိုင်နေရင် ရဲက ကျန်းမာရေးနဲ့ လုံခြုံရေးတောင် တာဝန်ယူရသေးတယ်။
ဒီမိုကရေစီ နိုင်ငံတွေမှာတော့ ကျနော်တို့ အဲဒီလိုပဲ ကြုံဖူးတယ်။ အခုဖြစ်တာက သံဃာတော်တွေ ကိုယ့်သပိတ်စခန်းထဲ ထိုင်ပြီး မေတ္တာပို့နေတာကို လှမ်းပစ်တာ ဆိုတော့၊ တပ်မတော် အရာရှိဟောင်း တယောက်အနေနဲ့ ဘယ်လိုမြင်လဲ။

ဖြေ ။  ။ အခုဖြစ်နေတဲ့ဟာက နိုင်ငံတကာ စံချိန်စံညွှန်းနဲ့လုံးဝမှ မကိုက်ညီဘူးလေ။ နိုင်ငံတကာ စံနှုန်းက စစ်မြေပြင်မှာတောင်၊ အခုလို မီးလောင်ကြွမ်း ဒဏ်ရာရစေမှုကို အကန့်အသတ်နဲ့ပဲ သုံးရတယ်။ အခု မြန်မာပြည်မှာ လုပ်နေတဲ့ဟာတွေက မျက်ကန်း တစ္ဆေမကြောက်၊ ထင်သလို လုပ်နေသလိုပဲ။ ဒီမိုကရေစီ နိုင်ငံတိုင်းလည်း ဆန္ဒပြသူတွေကို အရေးယူတာတွေ ရှိတာပဲ။ ကိုယ့်လက်ဆ ကိုယ်သိဖို့တော့ လိုတာပေါ့။ ဒီမိုကရေစီ စိတ်၊ ပြုပြင် ပြောင်းလဲချင်စိတ်တော့ ရှိရမှာပေါ့။  ။

source by : http://burma.irrawaddy.org

အပြည့်အစုံ ဖတ်ရန် ...

အဖွဲ့ချုပ်ဥက္ကဌ ဒေါ်အောင်ဆန်းစုကြည် ချင်းတွင်းမြစ်ကမ်းဘေး ညောင်ပင်ကြီးဆိပ်သောင်ပြင်တွင် မိန့်ခွန်းပြော(ရုပ်/သံ)

 နိုဝင်ဘာလ ၃၀ ရက်နေ့ နံနက် ၈း၃၀ နာရီခွဲ အချိန်တွင် အဖွဲ့ချုပ်ဥက္ကဌ ဒေါ်အောင်ဆန်းစုကြည် သည် မုံရွာမြို့ ချင်းတွင်းမြစ်ကမ်းဘေးရှိ ညောင်ပင်ကြီးဆိပ်အနီး သောင်ပြင်တွင် မုံရွာဒေသခံ ပြည်သူများအား မိန့်ခွန်း ပြောကြားခဲ့သည်။




source by : http://www.youtube.com/user/BurmaVJMedia


အပြည့်အစုံ ဖတ်ရန် ...

လူထုခေါင်းဆောင် ဒေါ်အောင်ဆန်းစုကြည် မုံရွာဆေးရုံမှ သံဃာတော်များအား သွားရောက် အားပေး


 

အဖွဲ့ချုပ်ဥက္ကဌ ဒေါ်အောင်ဆန်းစုကြည်သည် မုံရွာဆေးရုံတွင် တက်ရောက်ဆေးကုသမှု ခံယူနေသော သံဃာတော်များအား မုံရွာဆေးရုံသို့ နိုဝင်ဘာလ ၂၉ ရက်နေ့ ည ၈း၃၀ နာရီတွင် သွားရောက် အားပေးစကား ပြောကြားခဲ့သည်။

အပြည့်အစုံ ဖတ်ရန် ...

ကံကုန်းရွာတွင် ပြောကြားခဲ့သည့် လူထုခေါင်းဆောင် ဒေါ်အောင်ဆန်းစုကြည်၏ မိန့်ခွန်း(ရုပ်/သံ)

 
source by : http://www.youtube.com/user/DVBBurmese

အပြည့်အစုံ ဖတ်ရန် ...

Monday, November 19, 2012

အမေရိကန်သမ္မတ ဘားရက်ခ် အိုဘားမား ရန်ကုန်တက္ကသိုလ် ဘွဲ့နှင်းသဘင်ခန်းမမှာ ပြောကြားခဲ့တဲ့ မိန့်ခွန်း (ရုပ်/သံ)

 
source by : http://www.youtube.com/user/DVBBurmese

အပြည့်အစုံ ဖတ်ရန် ...

အမေရိကန်သမ္မတ ဘားရက်ခ် အိုဘားမားနှင့် လူထုခေါင်းဆောင် ဒေါ်အောင်ဆန်းစုကြည် သတင်းစာရှင်းလင်းပွဲ (ရုပ်/သံ)

 
source by : http://www.youtube.com/user/DVBBurmese

အပြည့်အစုံ ဖတ်ရန် ...

အမေရိကန်သမ္မတ ဘားရက်ခ် အိုဘားမား မြန်မာနိုင်ငံသို့ ရောက်ရှိ (ရုပ်/သံ)

 
 
source by : http://www.youtube.com/user/DVBBurmese

အပြည့်အစုံ ဖတ်ရန် ...

Wednesday, October 24, 2012

၈၈မျိုးဆက် ကျောင်းသားများရဲ့ ငြိမ်းချမ်းရေးနှင့် ပွင့်လင်း လူ့အဖွဲ့အစည်း ဖော်ဆောင်ရေး ဟောပြော ဆွေးနွေးပွဲ(ရုပ်/သံ)

အပိုင်း(၁)
 
 
 အပိုင်း(၂)
 
source by :http://www.youtube.com/user/irrawaddynews

အပြည့်အစုံ ဖတ်ရန် ...

Saturday, October 20, 2012

" ဆန္ဒ "

 " ဆန္ဒ "

လက်ချင်း ညီစေ
ပံသုမြေ အတွက်
တောင်းခြွေသမျှ ပြည့်ရမည်။


ကိုနေငယ်(မုံရွာ)

အပြည့်အစုံ ဖတ်ရန် ...

ကျောင်းသားခေါင်းဆောင် ကိုသက်ဝင်းအောင် ကွယ်လွန်ခြင်း ၆ နှစ်ပြည့် အခမ်းအနား (ရုပ်/သံ)

source by : http://www.youtube.com/user/irrawaddynews

အပြည့်အစုံ ဖတ်ရန် ...

ကျောင်းသားခေါင်းဆောင် ကိုကိုကြီးရဲ့  ဥရောပခရီးစဉ်



အသံဖိုင်ဖြင့်  နားဆင်ရန်

ဒီတပတ် မြန်မာ့ ဒီမိုကရေစီရေးရာ အစီအစဉ်မှာ ၈၈မျိုးဆက် ကျောင်းသားအဖွဲ့ထဲမှာ နိုင်ငံရေးပါတီထောင်ဖို့ စတင်နေပြီဆိုတဲ့ သတင်းတွေ ထွက်ပေါ်နေတာနဲ့ ပတ်သက်ပြီး ဒီကိစ္စကို အဖွဲ့ရဲ့ ပြန်ကြားရေးက အတိအကျ သတင်း ထုတ်ပြန်ခြင်း မရှိသေးပါဘူးလို့ ပြင်သစ်နိုင်ငံမှာ ခေတ္တရောက်ရှိနေတဲ့ ၈၈မျိုးဆက် ကျောင်းသား ခေါင်းဆောင်တဦးဖြစ်တဲ့ ဦးကိုကိုကြီး က ပြောပါတယ်။

သူ့အနေနဲ့ကတော့ နိုင်ငံရေးကို တစိုက်မတ်မတ် လုပ်ဆောင်သွားဖို့ပဲ ဆန္ဒရှိပါတယ်လို့ ဆိုပါတယ်။ အခု တနင်္ဂနွေနေ့ ချက်သမ္မတနိုင်ငံ Prague မြို့  Forum 2000 (www.forum2000.cz) တက်ရောက်ဖို့ရှိနေတဲ့ ဦးကိုကိုကြီး ကို ဗွီအိုအေ သတင်းဌာနမှုး ဦးသန်းလွင်ထွန်း က ဆက်သွယ်မေးမြန်းထားပါတယ်။

ဦးသန်းလွင်ထွန်း ။ ။ ကိုကိုကြီးက လောလောဆယ်အချိန်မှာတော့ သောကြာနေ့အထိ ပြင်သစ်မှာပဲ ရှိနေသေးတယ်။ လာမယ့် တနင်္ဂနွေနေ့ကြမှ Prague ကို သွားမယ်ဆိုတော့ ဒီကြားထဲမှာ တခြားပြင်သစ်မှာ ဘာအစီအစဉ်တွေ ရှိနေသေးသလဲ။

ဦးကိုကိုကြီး ။ ။ ဒီမှာကတော့ ကျနော် ရောက်ရောက်ချင်း နိုင်ငံတကာလွတ်မြောက်ရေး ချီတက်ပွဲမှာ ဝင်ပြီးတော့ မိန့်ခွန်းလည်း ပြောခဲ့ပါတယ်။ ပြီးတော့လည်း နောက်ပိုင်းမှာတော့ ကျနော် လည်ခဲ့ပတ်ခဲ့တဲ့မြို့ လေးတွေမှာ သူတို့ရဲ့  မြူနီစပယ်လုပ်ငန်းလေးတွေ၊ တခြား မြို့ ရဲ့  သဘာဝလေးတွေ။ အဲဒါလေးတွေ တတ်နိုင်သလောက် လေ့လာခဲ့တာတွေ ရှိပါတယ်။

ဦးသန်းလွင်ထွန်း ။ ။ ဒါကလောလောဆယ် မကြာသေးခင်က လွတ်လာတဲ့ ၈၈ မျိုးဆက်ကျောင်းသားခေါင်းဆောင်ထဲမှာ ကိုကိုကြီး က ဥရောပနိုင်ငံတွေကို ပထမဦးဆုံး ခရီးထွက်လာတယ်ဆိုတော့ အစောပိုင်းမှာလည်း ဒီဖက်မှာ National Endowment for Democracy အဖွဲ့ကပေးတဲ့ ဆုတဆုနဲ့ ပတ်သက်ပြီးတော့ ကိုမင်းကိုနိုင်အနေနဲ့ ကျန်တဲ့လူတွေ ပတ်စပို့မရလို့ဆိုပြီး ဒီကိုလာမယ့်ကိစ္စကို သူငြင်းဆိုခဲ့တာလည်း ရှိတယ်။ အဲဒီတော့ အခုနောက်ပိုင်း ကိုကိုကြီးလည်း ထွက်လာပြီဆိုတော့ တခြားလူတွေလည်း ပတ်စပို့တွေ ရလာပြီဆိုတော့ ဘယ်သူတွေများထွက်ဖို့၊ တခြား အစီအစဉ်တွေ၊ တခြား နိုင်ငံတကာ ပွဲလမ်းသဘင်တွေ ရှိနေသေးသလဲ။

ဦးကိုကိုကြီး ။ ။ အခုကတော့ နောက်ပိုင်းမှာ လေ့လာရေးခရီးစဉ်တွေ၊ နောက် ရက်တိုပိုင်း လေ့လာရေး တချို့ သင်တန်းတွေ သွားဖို့ရှိပါတယ်။ ကျနော်ထဲက လူငယ်တွေကိုလည်း အဲဒီလိုမျိုး နိုင်ငံတကာ ဗဟုသုတရအောင်၊ လေ့လာရေးခရီးစဉ်တွေ ဆက်သွားဖို့ ရှိပါတယ်။ ကိုမြအေးတို့လည်း ခရီးသွားဖို့ ပြင်နေတာတွေ ရှိပါတယ်။

ဦးသန်းလွင်ထွန်း ။ ။ ဒီလာမယ့် တနင်္ဂနွေနေ့က စပြီးလုပ်မယ့် Prague မြို့ မှာလုပ်မယ့် Forum 2000 ပွဲနဲ့ ပတ်သက်လို့ တက်မယ့်လူတွေ ဘယ်သူတွေရှိလဲဆိုတာတော့ ကျနော်တို့ သိထားပြီးပါပြီ။ ဒါပေမဲ့လည်း ဆွေးနွေးမယ့် အကြောင်းအရာတွေနဲ့ ပတ်သက်လို့ ဘာထူးခြားချက်လေးတွေ ရှိပါသလဲ။

ဦးကိုကိုကြီး ။ ။ ကျနော်တို့ကတော့ အထူးသဖြင့် မြန်မာနိုင်ငံအပြောင်းအလဲနဲ့ လက်ရှိ ကျနော်တို့နိုင်ငံမှာ ဖြစ်ပေါ်နေတဲ့ အခြေအနေတွေ။ ဒီလို အပြောင်းအလဲ ဘာကြောင့်ဖြစ်လာခဲ့ရသလဲ။

 နောက် ရှေ့ ဆက်ပြီးတော့ ကျနော်တို့ ဘယ်လိုတွေ ဆောင်ရွက်သွားကြမလဲ အစရှိသဖြင့် နိုင်ငံတကာ အပြောင်းအလဲ အတွေ့အကြုံတွေနဲ့ နှိုင်းယှဉ်ပြီးတော့ ပြောကြဆိုကြဖို့ ရှိပါတယ်။ အဲဒီကနေ တချို့ လည်း ကျနော်တို့ လေ့လာစရာတွေ၊ သင်ခန်းစာယူစရာတွေလည်း အဲဒီမှာ ရလိမ့်မယ်လို့ မျှော်လင့်ပါတယ်။

ဦးသန်းလွင်ထွန်း ။ ။ ဒီနှစ်မှာ ထူးထူးခြားခြားကတော့ Forum 2000 အဖွဲ့မှာ ဒေါ်အောင်ဆန်းစုကြည်နဲ့ တိဘတ်ဘုန်းတော်ကြီး ဒလိုင်းလားမား ကို အကြံပေးအဖွဲ့ဝင်တွေအနေနဲ့ နာယကအဖွဲ့ဝင်များအဖြစ် ပါလာတယ်။ ဒါနဲ့ပတ်သက်လို့ ကိုကိုကြီးတို့အနေနဲ့ ထူးထူးခြားခြား ဒီကိစ္စကို ဘာတွေများ ဖော်ပြပြောဆိုလာဖို့တွေ ရှိနေသလဲ။

ဦးကိုကိုကြီး ။ ။ အဓိကကတော့ လူထုခေါင်းဆောင်တွေ၊ နိုင်ငံရေးရုန်းကန် လှုပ်ရှားမှုနဲ့ ပတ်သက်လို့ အတွေ့အကြုံရှိတဲ့လူတွေ ဒီလို အကြံပေးအဖွဲ့မှာ ပါဝင်လာခြင်းက ကျနော်တို့လို အလားတူနိုင်ငံတွေရဲ့  အပြောင်းအလဲတွေအတွက်လည်း အများကြီး အထောက်အကူဖြစ်စေမယ်။ နောက် ခွန်အားလည်း ဖြစ်စေမယ်လို့ အဲဒီလိုပဲ ယုံကြည်ပါတယ်။

ဦးသန်းလွင်ထွန်း ။ ။ အဲဒီတော့ ကိုကိုကြီး ပြောတဲ့အထဲမှာ မြန်မာနိုင်ငံရဲ့  အပြောင်းအလဲတွေဆိုပြီးတော့ သုံးနှုန်းနေပါတယ်။ အဲဒီတော့ မြန်မာနိုင်ငံရဲ့  အပြောင်းအလဲတွေဟာ ကိုကိုကြီးရဲ့ အမြင် ထူးခြားတဲ့ ဘယ်လိုတိုးတက်မှုတွေ ရှိနေသလဲဆိုတာကို အကျဉ်းချုံးပြီး ပြောပြပါလား။

ဦးကိုကိုကြီး ။ ။ ကျနော်တို့ ဖြတ်သန်းမှုက အနီးဆုံးသမိုင်းကိုပြောရင်တော့ ၁၉၈၈ ကနေစပြီးတော့ ပြောင်းလဲလာတယ်ပေါ့။ တကယ့်တကယ်ကတော့ ကျနော်တို့ လွတ်လပ်ရေးနဲ့အတူ နိုင်ငံရဲ့  ပါလီမန်ဒီမိုကရေစီစနစ် ပျက်ဆီးသွားတဲ့နောက်ပိုင်းမှာ ၆၂ အာဏာသိမ်းပြီးကတည်းက စပြီးတော့ စဉ်ဆက်မပြတ် ရုန်းကန်လှုပ်ရှားခဲ့ကြရာကနေ အခု ဒီအပြောင်းအလဲတွေ ဖြစ်လာတာပါ။

ဦးသန်းလွင်ထွန်း ။ ။ အဲဒီတော့ ဒီ အပြောင်းအလဲက ဒီပုံအတိုင်းဆိုရင် ကိုကိုကြီး ဆိုလိုတာက လွှတ်တော်နဲ့ ပြည်သူ့လွှတ်တော်စနစ်နဲ့ အစိုးရစနစ်နဲ့ နိ်ုင်ငံရေးအတိုက်အခံတွေပါ ပွင့်ပွင့်လင်းလင်း လှုပ်ရှားဆောင်ရွက်လာခွင့်ရလာတဲ့ အခြေအနေကို ပြောချင်တာလား။

ဦးကိုကိုကြီး ။ ။ ပြောချင်တာက အခုမှ ဒါကအစပါ။ ကျနော်တို့ အများကြီး ဆက်ပြီးသွားကြရအုန်းမှာပါ။ ဒီ အပြောင်းအလဲမှာ ကျနော်တို့ ဘက်အသီးသီးကနေ ဘယ်လောက်အထိ အားစိုက်ထုတ်မှုတွေ၊ တယောက်နဲ့တယောက် နားလည်းမှုတွေ ရှိမလဲဆိုတဲ့ပေါ် မူတည်ပြီးတော့ ကျနော်တို့ အပြောင်းအလဲရဲ့  အရှိန်အဟုန်က အဖြေထွက်လာမှာပါ။ အခုဟာကတော့ အပြောင်းအလဲလို့ ပြောရတာက စပြီးတော့ နဂိုက တင်းကြပ်ထားတာတွေကို ဖြေလျှော့ပေးတဲ့ ဖြစ်စဉ်အစလို့ အဲဒီလို ပြောလို့ရပါတယ်။

ဦးသန်းလွင်ထွန်း ။ ။ ဒါဆိုလို့ရှိရင် လွန်ခဲ့တဲ့ (၂) နှစ်၊ (၃) နှစ်အချိန်အထိ အတိုက်အခံတွေဘက်ကနေ တွက်ဆထားတာတွေထဲမှာ မှားယွင်းမှုတွေ ရှိနေခဲ့တယ်ဆိုတာကို လက်ခံလား။

ဦးကိုကိုကြီး ။ ။ ကျနော်တို့ကတော့ လွန်ခဲ့တဲ့ (၂) နှစ် (၃) နှစ်ဆိုတာက ကျနော်တို့ ထောင်ထဲမှာ။ ကျနော်တို့ကတော့ နဂိုကတည်းက ကျနော့်အနေနဲ့ မှန်းဆခဲ့တာကတော့ အခု ဒီအတိုင်းသွားရင် ဖွဲ့စည်းပုံအခြေခံဥပဒေ အတည်ဖြစ်သွားမယ်။ နောက်ပြီးတော့ သူတို့ စိတ်ကြိုက်ရွေးကောက်ပွဲတခု လုပ်မယ်။ ပြီးတဲ့အခါကြတော့မှ တဖြည်းဖြည်းနဲ့ ဖြေလျှော့တာတွေ လုပ်လိမ့်မယ်လို့ အစောကြီးကတည်းက ဒီလိုပဲ တွက်ဆထားခဲ့ပါတယ်။

ဦးသန်းလွင်ထွန်း ။ ။ ဖွဲ့စည်းပုံ အခြေခံဥပဒေမှာက လွှတ်တော်ဘောင်ထဲကနေ ပြင်ဆင်နိုင်ဖို့ဆိုတာက အလားအလာ ကောင်းနေတယ်ပေါ့။

ဦးကိုကိုကြီး ။ ။ အဲဒါကတော့ စာရွက်ပေါ်မှာ ရေးထားတဲ့ အချက်အလက်တွေအရဆိုရင်တော့ ဖွဲ့စည်းပုံပြင်ဆင်ခွင့်က အရမ်းကို တင်းကြပ်လွန်ပါတယ်။ ၇၅% အထက်ဆိုတာက ရွေးကောက်ခံရတဲ့ ကိုယ်စားလှယ်အားလုံးက ပြင်ချင်ရင်တောင် ပြင်လို့မရဘူးဆိုတဲ့ အနေအထား ဖြစ်နေပါတယ်။

 ဒါပေမဲ့ ဒါကို ကျော်လွှားနိုင်ဖို့က တဖတ်က တပ်မတော်ကိုယ်စားလှယ်တွေနဲ့ လက်ရှိ အာဏာရပါတီအဖွဲ့အစည်းက ပုဂ္ဂိုလ်တွေ၊ ကျနော်တို့ ဒီမိုကရေစီအင်အားစုတွေ ဒီဖွဲ့စည်းပုံဘောင်အတွင်းမှာ ဖြေရှင်းလို့မရတဲ့ ပြဿနာတွေ အခြေအနေတွေကို ကျော်လွှာနိုင်ဖို့ဆိုရင် ပူးပေါင်းပြီးတော့ ပြင်ဆင်မှရမယ်။ ဖြေရှင်းမှရမယ်ဆိုတဲ့ အသိကို ကျနော်တို့ ဘယ်လောက်မြန်မြန်နဲ့ တည်ဆောက်နိုင်မလဲဆိုတဲ့ အပေါ်မှာ မူတည်ပါတယ်။

ဦးသန်းလွင်ထွန်း ။ ။ မကြာသေးခင်ကပဲ အခု ကိုကိုကြီး ပြင်သစ်မှာရောက်နေတဲ့အချိန်မှာ ဗမာပြည်ထဲက သတင်းတချက် ထွက်ပါတယ်။ ၈၈ မျိုးဆက်ကျောင်းသားတွေထဲမှာ မကြာခင်မှာ နိုင်ငံရေးပါတီအဖွဲ့အနေနဲ့ ထူးထောင်ဖို့ဆိုတဲ့ အလားအလာအသံတွေပါ။ အဲဒါနဲ့ ပတ်သက်လို့။

ဦးကိုကိုကြီး ။ ။ ကျနော်တို့က နိုင်ငံရေးအရ အရေးပါတဲ့ ဒီလို ဆုံးဖြတ်ချက်မျိုးကို လုပ်တော့မယ်၊ လုပ်ပြီဆိုရင် ကျနော်တို့အဖွဲ့ရဲ့  ပြန်ကြားရေးကနေ တရားဝင်သတင်း ထုတ်ပြန်မှာပါ။

အခုဟာတွေကတော့ ကျနော်တို့ ၈၈ မျိုးဆက်ကျောင်းသားများကနေ တရားဝင်ထုတ်ပြန်တာ မဟုတ်ဘဲနဲ့ မှန်းဆပြီးတော့ ရေးသားနေကြတာပဲ ဖြစ်ပါလိမ့်မယ်။

ဦးသန်းလွင်ထွန်း ။ ။ ဒါပေမဲ့ နိုင်ငံတနိုင်ငံရဲ့  နိုင်ငံရေးအသွင် ကူးပြောင်းရေးမှာ အရေးပါတဲ့ ၈၈ မျိုးဆက်ကျောင်းသားဟောင်းတွေအနေနဲ့ဆိုရင် အခုလို ပွင့်လင်းလူ့အဖွဲ့အစည်းဆိုတဲ့ အဖွဲ့အစည်းမျိုးလောက်နဲ့ လူထုအကျိုးပြုလုပ်ငန်းတွေလောက်ပဲ လုပ်နေတယ်ဆိုတာ လုံလောက်တယ်လို့ ယူဆသလား။ တခြား နိုင်ငံရေးအရ တဆင့်တက်ဖို့ မလိုဘူးလား။

ဦးကိုကိုကြီး ။ ။ အဲဒါလည်း ကျနော်တို့ကို လွတ်လွတ်ချင်း သတင်းစာရှင်းလင်းပွဲမှာ ပြောပြီသား။ ကျနော်တို့ထဲကနေ နိုင်ငံရေးဇောက်ချလုပ်တဲ့ အင်အားစုတခုကတော့ သေချာပေါက် ပေါ်လာမှာပါ။ ဘယ်လိုပုံစံနဲ့ လုပ်မလဲဆိုတာကို အခုအချိန်မှာ တရားဝင် ထုတ်ပြန်တာ မရှိသေးတာပါ။ ကျနော်တို့မှာတော့ စိတ်ထဲမှာ စဉ်းစားထားပြီးရှိပါတယ်။

ဦးသန်းလွင်ထွန်း ။ ။ အဲဒီတော့ နိုင်ငံရေးဇောက်ချပြီး လုပ်မယ်ဆိုမယ့်အထဲမှာ ကိုကိုကြီးကိုယ်တိုင်အနေနဲ့ ဘာပြောချင်သလဲ။ ပါမလား။

ဦးကိုကိုကြီး ။ ။ ကျနော်အနေနဲ့က နိုင်ငံရေးကို လုပ်မယ်ဆိုတဲ့ကိစ္စကတော့ ကျနော့်ပိုင်ဖြတ်ချက်ပါ။

ဦးသန်းလွင်ထွန်း ။ ။ ၂၀၁၅ မှာ ရွေးကောက်ပွဲက ရှိနေပြီဆိုတော့ တကယ်လိုများ ၈၈ မျိုးဆက်ကျောင်းသားတွေဟာ နိုင်ငံရေးပါတီထောင်မယ်ဆိုလို့ရှိရင် ဘယ်အချိန်လောက်မှာ စသင့်တယ်ထင်သလဲ။

ဦးကိုကိုကြီး ။ ။ ကျနော်ကတော့ ရွေးကောက်ပွဲအရေးကြီးတယ်ဆိုတာကို လက်ခံတယ်။ လွှတ်တော်အတွင်း နိုင်ငံရေးကိုလည်း အလေးအနက်ထားပါတယ်။

 ဒါပေမဲ့ ဒီနည်းလမ်းတခုတည်းလို့ မြင်ပါတယ်။ ကျနော်တို့က နိုင်ငံရဲ့  နိုင်ငံရေးအခင်းအကျင်းတခုလုံးကို ချိန်ဆပြီးတော့ ကျနော်တို့ ဘာလုပ်သင့်သလဲဆိုတာကို ဆုံးဖြတ်သွားမှာပါ။

ဦးသန်းလွင်ထွန်း ။ ။ လောလောဆယ်အားဖြင့်ဆိုရင် ၈၈ မျိုးဆက်ကျောင်းသားတွေထဲမှာ နိုင်ငံရေးပါတီထောင်မယ်၊ မထောင်မယ်ဆိုတာက ကွဲလွဲချက်တခုလို ဖြစ်နေသလား။ ဒါမှမဟုတ်လို့ရှိရင် ကျနော်တို့ ကြားနေရတဲ့ပုံစံတွေအပေါ် ၈၈မျိုးဆက် ကျောင်းသားအဖွဲ့ဆိုတာကလည်း ဗကသ၊ ရကသ၊ တကသ ဒီလို အဖွဲ့အစည်းအစုံအလင်းနဲ့ တချို့ ကိစ္စလေးတွေမှာ ကွဲကွဲလွှဲလွှဲလေးတွေ ရှိနေတဲ့အတွင်းပိုင်းပေါ့။

 ဒါက အဖွဲ့အစည်းဆိုရင် ကွဲကြတာတော့ သဘောထား မတူတာလေးတွေ ရှိတာတော့ ကျနော်တို့ သိပါတယ်။ ဒါပေမဲ့ ဒီကိစ္စတွေက ပိုပြီးတော့ ကြီးထွားလာဖို့ ရှိသလား။

ဦးကိုကိုကြီး ။ ။ အဲဒါကတော့ ကျနော်တို့မှာ တစုံတရာ ရင့်ကြတ်မှု ရလာခဲ့ပြီးပါပြီ။ တကယ်လို့ ကျနော်တို့က ကိုယ့်ရဲ့  ယုံကြည်ရာတခုခုကို သီးခြားဆီလုပ်ကြပြီဆိုရင်တောင်မှ ပဋိပက္ခအသွင်တော့ မဆောင်ပါဘူး။ ဆိုလိုတာက လူမှုရေးလုပ်ငန်း လုပ်တဲ့လူလည်းရှိမယ်။

 နိုင်ငံရေးကို ကိုယ့်သန်ရာသန်ရာ ပုံစံတခုခုနဲ့ လုပ်ကြတယ့်လူတွေလည်း ရှိမယ်။ ဒါတွေအားလုံးဟာ ကျနော်တို့အားလုံး အနှစ် (၂၀) သက်တမ်းတလျှောက်မှာ တယောက်နဲ့တယောက် သဘောထားကွဲလွှဲတဲ့ပုံစံမျိုးတော့ ဖြစ်လာမှာ မဟုတ်ပါဘူး။

ဦးသန်းလွင်ထွန်း ။ ။ ဟုတ်ကဲ့ လာမယ့် တနင်္ဂနွေနေ့ ချက်နိုင်ငံ Prague မြို့ ကိုသွားပြီး အစည်းအဝေးတက်တဲ့အခါကြရင် သီးသန့် ၈၈ ကျောင်းသားတွေရဲ့  ကိုယ်စားပြုပြီးတော့ ပြောကြားမယ့် အကြောင်းအရာလေးတွေ နည်းနည်းလောက် ကြိုပြောပြထားပါလား။

ဦးကိုကိုကြီး ။ ။ အဲဒါကတော့ သူတို့ agenda အစီအစဉ်ထဲမှာ ပါတဲ့အတိုင်းပဲ ကျနော် ဆွေးနွေးသွားမှာပါ။ ဆွေးနွေးတဲ့အခါမှာလည်း ကျနော်တို့နိုင်ငံ အပြောင်းအလဲပေါ်မှာ အမြင်။ အလားအလာတွေ၊ နောက် ကျနော်တို့ ကျော်လွှာရမယ့်၊ ရင်ဆိုင်ရမယ့် အခက်အခဲတွေ အစရှိသဖြင့် ဒီဟာတွေပဲ ကျနော်ပြောသွားမှာပါ။

ဦးသန်းလွင်ထွန်း ။ ။ နောက်တခုကတော့ အခု ဥရောပ ပြင်သစ်ခရီးစဉ်က လူပြောများနေပါတယ်။ ကိုကိုကြီးရဲ့  ပုဂ္ဂိုလ်ရေး အကြောင်းအရာလေးတွေ မပါဘူးလား။

ဦးကိုကိုကြီး ။ ။ အဲဒါတွေလည်း ကျနော်ကအားလုံး ပွင့်ပွင့်လင်းလင်းပါပဲ။ တရားဝင် အသိပေးတဲ့အခါတော့လည်း အားလုံးသိကြမှာပါ။ အခုကတော့ ကျနော် ဒီခရီးစဉ်မှာ ကျနော် တွေ့သင့်တွေ့ထိုက်တဲ့လူတွေ၊ လည်ပတ်ကြည့်ရှုချင်တဲ့  နေရာတွေကို အဓိကထားပြီး သွားခဲ့တာပါ။

ဦးသန်းလွင်ထွန်း ။ ။ ချက်သမ္မတနိုင်ငံ Prague မြို့  Forum 2000 ဆွေးနွေးပွဲကို တက်ရောက်ဖို့ ရှိနေတဲ့ ဦးကိုကိုကြီး ကို ဆက်သွယ်မေးမြန်းထားတာပါ။

source by :http://burmese.voanews.com

အပြည့်အစုံ ဖတ်ရန် ...

ကိုမင်းကိုနိုင် ရွှေရတုမွေးနေ့ အမှတ်တရ

ကိုမင်းကိုနိုင်ရဲ့ အသက် ၅၀ ပြည့် မွေးနေ့အထိမ်းအမှတ်အဖြစ် ယုဇနဥယျာဉ်မြို့တော် ၉၄ ရပ်ကွက်မှာ ထိန်လင်းကုသိုလ်ဖြစ်ဆေးခန်းနဲ့ အခမဲ့ ကွန်ပျူတာသင်တန်းကို ဖွင့်လှစ်ခဲ့တယ်လို့ သိရပါတယ်။

 အောက်တိုဘာလ ၁၈ ရက်နေ့ ကိုမင်းကိုနိုင်ရဲ့ မွေးနေ့အမှတ်တရအဖြစ် ရည်စူးကျင်းပတာဖြစ်ပြီး အဲ့ဒီအခမ်းအနားကို ကိုမင်းကိုနိုင်ရဲ့ မိခင်နဲ့အတူ ၈၈ မျိုးဆက် ကျောင်းသားခေါင်းဆောင်တွေ၊ လူမှုရေး၊ ပညာရေး ပရဟိတအဖွဲ့တွေနဲ့ ရုပ်ရှင်သရုပ်ဆောင် ကိုပြေတီဦးတို့ အပါအ၀င် ပြည်သူလူထု အယောက် ၅၀၀ ကျော် တက်ရောက်ခဲ့ပါတယ်။


source by :  http://www.youtube.com/user/BurmaVJMedia

အပြည့်အစုံ ဖတ်ရန် ...

လက်ပံတောင်းတောင်ကြေးနီစီမံကိန်း ရပ်တန့်ရေးအတွက် ပြည်သူ့ ညီလာခံ

တရုတ်နိုင်ငံပိုင် ဝမ်ပေါင်ကုမ္ပဏီနဲ့ မြန်မာစစ်တပ်ပိုင် ဦးပိုင်ကုမ္ပဏီ ပူးတွဲ လုပ်ဆောင်နေတဲ့ "လက်ပံတောင်းတောင် ကြေးနီစီမံကိန်း ရပ်တန့်ရေး" အတွက် ပြည်သူ့ ညီလာခံတရပ်ကို စစ်ကိုင်းတိုင်း ဆားလင်းကြီးမြို့နယ် ဆည်တည်း ကျေးရွာမှာ နှစ်ရက်ကြာ ကျင်းပနေပါတယ်။

အပြည့်အစုံကို RFA အဖွဲ့သား ကိုခင်မောင်စိုးမင်းက တင်ပြထားပါတယ်။


source by : http://www.youtube.com/user/RFABurmeseVideo

အပြည့်အစုံ ဖတ်ရန် ...

Saturday, September 22, 2012

ဒေါ်အောင်ဆန်းစုကြည်နှင့် ကုလ မြန်မာ ၀န်ထမ်းများ တွေ့ဆုံ


source by : http://www.youtube.com/user/DVBBurmese

အပြည့်အစုံ ဖတ်ရန် ...

ရန်ကုန်မြို့က ငြိမ်းချမ်းရေး လူထုလမ်းလျှောက်ပွဲ (ရုပ်/သံ)

ဒီကနေ့ ကျရောက်တဲ့ အပြည်ပြည်ဆိုင်ရာ ငြိမ်းချမ်းရေးနေ့ အထိမ်းအမှတ်အဖြစ် ရန်ကုန်မြို့မှာ ငြိမ်းချမ်းရေးဆုတောင်း လမ်းလျှောက်ပွဲတွေကို နိုင်ငံရေး လူမှုရေး အသင်းအဖွဲ့ နှစ်ဆယ်ဝန်းကျင်က ပူးပေါင်းကျင်းပခဲ့ပါတယ်။


source by : http://www.youtube.com/user/RFABurmeseVideo

အပြည့်အစုံ ဖတ်ရန် ...

ငြိမ်းချမ်းရေးအတွက် လမ်းလျှောက် ဆန္ဒဖော်ထုတ်


မနေ့က ကျရောက်တဲ့ အပြည်ပြည်ဆိုင်ရာ ငြိမ်းချမ်းရေးနေ့မှာ မြန်မာနိုင်ငံ ဒေသအနှံ့အပြားက အရပ်ဖက် လူ့အဖွဲ့အစည်းတွေဟာ အာဏာပိုင်တွေ တားဆီးနေတဲ့ကြားက မြန်မာတစ်နိုင်ငံလုံး ဖြစ်နေတဲ့ စစ်ပွဲတွေရပ်ပေးဖို့ ဆုတောင်းလမ်းလျှောက် ဆန္ဒဖော်ထုတ်ခဲ့ကြပါတယ်။


၂၀၁၂ ခုနှစ် စက်တင်ဘာလ ၂၁ ရက်က ရန်ကုန်မြို့ အင်းယားကန်ဘောင်တွင် မြန်မာနိုင်ငံတွင်း စစ်ပွဲတွေရပ်ရန် အရပ်ဖက် အဖွဲ့ အစည်းများ စုပေါင်း ဆန္ဒဖော်ထုတ်ပွဲ ပြုလုပ်နေစဉ်။ RFA

ဒီဆန္ဒဖော်ထုတ်ပွဲတွေဟာ အပစ်အခတ်တွေ ရပ်စဲဖို့အတွက် ကာကွယ်ရေးဦးစီးချုပ်နဲ့၊ လက်နက်ကိုင် အဖွဲ့အစည်းတွေကို ရည်ရွယ်ဆောင်ရွက်တာ ဖြစ်ကြောင်း ရန်ကုန်ဆန္ဒဖော်ထုတ်ပွဲကို ဦးဆောင်ခဲ့တဲ့ ငြိမ်းချမ်းရေး ကွန်ယက်အဖွဲ့ဝင် မခင်စန္ဒာညွှန့်က RFA ကို အခုလိုပြောပါတယ်။
"ငြိမ်းချမ်းရေး လမ်းလျှောက်ကြတဲ့ လူတွေအပါအဝင် ရန်ကုန်တိုင်းမှာ ငြိမ်းချမ်းရေးနဲ့ ပတ်သက်ပြီး လုပ်နေကြတဲ့ အစုအဖွဲ့အားလုံး ကန်ဘောင်မှာ လာပြီးတော့ ဆုံပါမယ်။ ငြိမ်းချမ်းရေးနဲ့ ပတ်သက်ပြီး ဆုတောင်းပွဲလုပ်မှာ။ ငြိမ်းချမ်းရေးကျောက်တိုင် စိုက်ထူမယ်။ 

မိုးပျံပူပေါင်းတွေလွှတ်မယ်။ ကြေညာချက် ၅ ချက်ကို ထုတ်ပြန်မယ်။ ပြီးတော့မှ ငြိမ်းချမ်းရေးနဲ့ ပတ်သက်တဲ့ အစီအစဉ်တွေကို အဲဒီမှာ ဆက်လုပ်သွားပါမယ်။ ကျွန်မတို့ အခုလက်ရှိကတော့ အပစ်အခတ် ရပ်စဲဖို့ ရည်ရွယ်ပါတယ်။ မြန်မာ့တပ်မတော် ကာကွယ်ရေး ဦးစီးချုပ်ကို ရည်ရွယ်သလို တိုင်းရင်းသား လက်နက်ကိုင် ခေါင်းဆောင်တွေ အားလုံးကိုလည်း ရည်ရွယ်ပါတယ်"

နေပြည်တော် သမ္မတရုံးရှေ့၊ ကာကွယ်ရေးဦးစီးချုပ်ရုံးရှေ့နဲ့ လွှတ်တော်ရှေ့တွေမှာ ငြိမ်းချမ်းရေး ဆန္ဒဖော်ထုတ်ဖို့ ကချင်ငြိမ်းချမ်းရေး ကွန်ရက်နဲ့အတူ သွားရောက်ကြမယ့် လူအင်အား ၂၀၀ ကျော်ကို မနေ့မနက်ပိုင်းက အာဏာပိုင်တွေက တားဆီးခဲ့တာကြောင့် ရန်ကုန်မှာပဲ စုပေါင်းလမ်းလျှောက်ဖြစ်တယ်လို့ ကချင်ငြိမ်းချမ်းရေးကွန်ယက်က ဦးဂျော်ဂွမ်းက ပြောပါတယ်။

"ရန်ကုန်အနောက်ပိုင်းခရိုင် ရဲဦးစီးမှူးတွေနဲ့ စမ်းချောင်းကမြို့နယ်ရဲတွေ ပူးပေါင်းပြီးတော့မှ ကျွန်တော်တို့ကို နည်းပေါင်းစုံနဲ့တားတော့ သွားလို့မရဘူးဖြစ်ခဲ့တယ်။ နေရာ ၄ နေရာတောင် ကျွန်တော်တို့တားခံရတယ်။ ဒဂုံစင်တာရှေ့မှာ သွားခွင့်မပြုဘူး ဆိုတဲ့အကြောင်းပြောတယ်။ ထပ်ပြီးတော့ မြေနီကုန်းမှတ်တိုင် အဟောင်းမှာ ထပ်တားတယ်။ ကျွန်တော်တို့ ဆက်သွားတယ်။ မြေနီကုန်းမှတ်တိုင် အသစ်မှာ တားတယ်။ အဲဒီကနေ ကျွန်တော်တို့ ဆက်သွားတယ်။ ပြည်သူ့ရင်ပြင်မှာ အုပ်စုမခွဲမနေရဆိုတဲ့ ပုံစံနဲ့ သူတို့သတိပေးတဲ့ ပုံစံနဲ့ သူတို့က နည်းပေါင်းစုံနဲ့ ပြောတာကတော့ ကျွန်တော်တို့ နေပြည်တော် မသွားလိုက်ရဘူး။ ကျွန်တော်တို့ကား ၅ စီးနဲ့ လျှောက်သွားတယ်။ ကျွန်တော်တို့ ဆူးလေလမ်းကြောင်းကနေ တာမွေဖက်ကို ရောက်လာပါပြီ"
မန္တလေးတိုင်း မိထ္ထီလာမြို့မှာလည်း မြန်မာတစ်နိုင်ငံလုံး စစ်ပွဲတွေရပ်ဖို့ ဒေသခံ အရပ်ဖက် အဖွဲ့ အစည်းတွေက ဆုတောင်း လမ်းလျှောက်ပွဲတွေ၊ မီးပုံးပျံလွှတ်ပွဲတွေ ဆောင်ရွက်ခဲ့ကြတယ်လို့ ငြိမ်းချမ်းရေးနဲ့ တရားမျှတရေး လူမှုကွန်ရက်အဖွဲ့ဝင် ဦးလွင်မောင်မောင်က အခုလို ပြောဆိုပါတယ်။

"ငြိမ်းချမ်းရေး ဆုတောင်းစာလေးတွေ တမြို့လုံးပတ်ပြီးတော့ ဝေနေကြတာပေါ့။ အဓိက ကတော့ ဒုက္ခသည်စခန်းတွေမှာ စစ်ဘေးရှောင် နေထိုင်ခြင်းတွေကြောင့် စစ်ပွဲများ ရပ်တန့်ကြရန် အတွက် ညနေ ၄ နာရီကနေ ငြိမ်သက်စွာ ဆုတောင်းကြမည် ဖြစ်ပါသည်။ ယုံကြည်ကိုးကွယ်ရာ ဘာသာအလိုက် လူသားချင်း စာနာစွာဖြင့် မိမိတို့ရောက်ရာ အရပ်မှာ တိတ်ဆိတ်ငြိမ်သက်စွာ အာရုံပြု ဆုတောင်းပေးကြရန် တိုက်တွန်း မေတ္တာရပ်ခံအပ်ပါသည်"

ဒါ့အပြင် ပဲခူးတိုင်း ပြည်မြို့နဲ့ ပေါင်းတည်မြို့တွေမှာလည်း တစ်နိုင်ငံလုံး စစ်ပွဲတွေရပ် ဆိုတဲ့ ခေါင်းစည်းတွေနဲ့ နိုင်ငံရေးပါတီတွေ၊ အရပ်ဖက် လူ့အဖွဲ့အစည်းတွေက မြို့အနှံ့ ဆိုင်ကယ်တွေနဲ့ လှည့်ပတ်ခဲ့ကြပါတယ်။ ရန်ကုန်တိုင်း တွံတေးမြို့နယ်မှာလည်း ဆုတောင်းပွဲတွေ ကျင်းပခဲ့ကြပါတယ်။

source by : http://www.rfa.org

အပြည့်အစုံ ဖတ်ရန် ...

Friday, September 21, 2012

၈၈ မျိုးဆက် ကျောင်းသားခေါင်းဆောင်များ ဖားကန့် ရောက်ရှိ (ရုပ်/သံ)

ကိုမင်းကိုနိုင် ဦးဆောင်တဲ့ ၈၈ မျိုးဆက် ကျောင်းသား ခေါင်းဆောင်တွေဟာ ကချင်ပြည်နယ်က စစ်ပွဲတွေ ရပ်ဆိုင်းရေးနဲ့ ငြိမ်းချမ်းရေးအတွက် ဒီလ ၁၆ ရက်နေ့က ဖားကန့် ကျောက်စိမ်းနယ်မြေကို သွားရောက်ပြီး ဒေသခံတွေနဲ့ တွေ့ဆုံခဲ့ကြပါတယ်။

 
source by : http://www.youtube.com/user/RFABurmeseVideo

အပြည့်အစုံ ဖတ်ရန် ...

Thursday, September 20, 2012

အမေရိကန်ကွန်ဂရက်၏ အမြင့်ဆုံး ရွှေတံဆိပ်ဆုကို လက်ခံရယူသည့် အခမ်းအနားတွင် ဒေါ်အောင်ဆန်းစုကြည် ပြောကြားသည့် မိန့်ခွန်း (ရုပ်/သံ)

 
 
source by : http://www.youtube.com/user/DVBBurmese

အပြည့်အစုံ ဖတ်ရန် ...

အမေရိကန်ကွန်ဂရက်က ပေးအပ်သော အမြင့်ဆုံး ရွှေတံဆိပ်ဆုကို ဒေါ်အောင်ဆန်းစုကြည် လက်ခံရယူသည့် အခမ်းအနား (ရုပ်/သံ)

DVB reports on U.S Congressional Gold Award ceremony - 19.09.2012 အမေရိကန်လွတ်တော်က ပေးအပ်တဲ့ ဂုဏ်ထူးဆောင် ရွေတံဆိပ်ဆုကို ဒေါ်အောင်ဆန်းစုကြည် လက်ခံရယူတဲ့ အခမ်းအနား သတင်းကို တင်ဆက်ပေးပါဥိးမယ်။

အမေရိကန်ပြည်ထောင်စု ၀ါရှင်တန်မြို့ တော်ကနေ ဒေါ်ရွှေဇင် ပေးပို့ ထားတာ ဖြစ်ပါတယ်။


source by : http://www.youtube.com/user/DVBBurmese

အပြည့်အစုံ ဖတ်ရန် ...

မဝင်းမော်ဦးနဲ့ ကျဆုံး ကျောင်းသားတွေအတွက် ဆွမ်းကပ်လှူပွဲ (ရုပ်/သံ)

၁၉၈၈ ခုနှစ်က ဖြစ်ပွားခဲ့တဲ့ ရှစ်လေးလုံး တပါတီ အာဏာရှင်စနစ် ဆန့်ကျင်ရေးနဲ့ ဒီမိုကရေစီရေး လူထု ဆန္ဒပြပွဲမှာ စစ်တပ်က သေနတ်နဲ့ ပစ်ခတ် နှိမ်နင်းတဲ့အတွက် ကျဆုံးခဲ့တဲ့ အလယ်တန်းကျောင်းသူ မဝင်းမော်ဦး အပါအဝင် ကျောင်းသား လူငယ်တွေအတွက် ရည်စူးတဲ့ ဆွမ်းကပ်လှူပွဲ အခမ်းအနား တခုကို ရန်ကုန်မြို့မှာ ကျင်းပခဲ့ပါတယ်။

 အပြည့်အစုံကို ကိုဂျေက တင်ပြပေးမှာပါ။



source by : http://www.youtube.com/user/RFABurmeseVideo

အပြည့်အစုံ ဖတ်ရန် ...

Wednesday, September 19, 2012

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ုနဲ့ ဗွီအိုအေ သီးသန့်တွေ့ဆုံ မေးမြန်းခန်း (ရုပ်/သံ)


မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ အမေရိကန်အသံ ရုံးချုပ်ကို အင်္ဂါနေ့က လာရောက်ပြီးတော့ ဗွီအိုအေ (မြန်မာပိုင်း) မိသားစုတွေနဲ့ တရင်းတနှီးတွေ့ဆုံပြီးတော့ သြဝါဒ စကားတွေလည်း ပြောဆိုခဲ့ပါတယ်။ နိုဘဲလ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကို ဗွီအိုအေ (မြန်မာပိုင်း) အကြီးတန်း အယ်ဒီတာ ဦးကျော်ဇံသာက သီးသန့် တွေ့ဆုံမေးမြန်းခွင့်လည်း ရခဲ့ပါတယ်။ ဒီတွေ့ဆုံမေးမြန်းခန်းကို အပြည့်အစုံတင်ပြပေးထားပါတယ်။

 ဦးကျော်ဇံသာ။ ။ ဒေါ်အောင်ဆန်းစုကြည်ခင်ဗျား။ အခုလို ကျန်းကျန်းမာမာတွေ့ရလို့ အထူး ဝမ်းသာပါတယ်။ ကျနော်တို့ ဗွီအိုအေကို တွေ့ဆုံမေးမြန်းခွင့် ပေးတဲ့အတွက်လည်း အထူး ကျေးဇူး တင်ပါတယ်။ ပထမဦးဆုံးမေးချင်တဲ့မေးခွန်းကတော့ လူတိုင်းစိတ်ဝင်စားတဲ့ မြန်မာနိုင်ငံ ပြုပြင် ပြောင်းလဲရေးနဲ့ ပတ်သက်တဲ့မေးခွန်းပါ။ ပြုပြင်ပြောင်းလဲရေးဆိုတာ အသံသာ ကြားနေရတယ်။ တကယ်တန်း ပြောင်းလဲသွားတာ ဘာမှ မတွေ့ရသေးဘူးလို့ လူတွေက ပြောကြပါတယ်။ တချို့ကလည်း စာနယ်ဇင်း လွတ်လပ်မှုတွေ နည်းနည်းပါးပါး ရှိလာတယ်၊ လူတွေ ပြောရဲဆိုရဲ ရှိလာတယ် ဆိုပြီးတော့လည်း ပြောကြပါတယ်။ ..ဆိုတော့ ဒီ ပြုပြင်ပြောင်းလဲမှု အခြေအနေနဲ့ ပတ်သက်ပြီးတော့ ဒေါ်အောင်ဆန်းစုကြည်ရဲ့ သဘောထားကို ကြားပါရစေခင်ဗျ။

 ဒေါ်အောင်ဆန်းစုကြည်။ ။ ပြုပြင်ပြောင်းလဲရေး လုံးဝ မရှိဘူးဆိုတာ မဟုတ်ပါဘူး။ ပြုပြင်ပြောင်း လဲရေး ရှိပါတယ်။ ဒါပေမဲ့လည်း ပြည်သူတွေအတွက် အများကြီးတော့ ထပ်ပြီးတော့ လိုသေးတာပေါ့ နော်။ ကျမတို့နိုင်ငံဟာ တကယ်ပဲ ဒီမိုကရေစီနိုင်ငံတခုဖြစ်ဖို့၊ ဒီမိုကရေစီ လူ့အဖွဲ့အစည်းတခု ဖြစ်ဖို့ ဆိုလို့ ရှိရင်တော့ ထပ်လုပ်စရာတွေ ရှိသေးတာပေါ့။ ဒါပေမဲ့ ပြုပြင်ပြောင်းလဲရေး လုံးဝမရှိဘူး ဆိုတာတော့ မဟုတ်ပါဘူး။ ဒါတော့ နည်းနည်း တဘက်စောင်းနင်းအမြင်လို့ ကျမ ထင်ပါတယ်။

 ဦးကျော်ဇံသာ။ ။ ပြည်သူလူထုထဲကို ပြုပြင်ပြောင်းလဲရေး ရောက်လာဖို့အတွက် အဓိက ဘာတွေလုပ်ဖို့ လိုနေပါလဲခင်ဗျ။ လောလောဆယ်မှာ။

 ဒေါ်အောင်ဆန်းစုကြည်။ ။ လိုတာတွေကတော့ အများကြီးပဲ၊ အဓိက ကတော့ ကျမတို့ ပြည်သူ တွေက ဆင်းရဲနေတဲ့အခြေအနေကို ပိုပြီးတော့ ကောင်းလာအောင် လုပ်ရမယ်။

လက်တွေ့ကျကျ ပြောရမယ်ဆိုလို့ရှိရင် ကျမရဲ့ ကော့မှူးမြို့နယ်မှာ ဆင်းပြီး လေ့လာတဲ့အခါကျတော့ သိပ်ပြီး အရေးကြီးနေတာ ဘာလဲဆိုတော့ လမ်းပန်းဆက်သွယ်ရေးရယ်၊ အလုပ်ရရှိရေးရယ်၊ ရေရရှိရေး- ရေရရှိရေးတောင်မှ ကျမတို့နိုင်ငံအနေနဲ့က နေရာအတော်များများမှာ အခက်အခဲတခုပါပဲ။ နောက်ပြီးတော့ ကျန်းမာရေး၊ ပညာရေးပေါ့။

ဦးကျော်ဇံသာ။ ။ နောက်တခါ- ဥပဒေပြု အာဏာပိုင်အဖွဲ့ဖြစ်တဲ့ လွှတ်တော်ပေါ့ခင်ဗျာ။ အစ တုန်းကတော့ ruber stamp လို့ အင်္ဂလိပ်လို ပြောကြတယ်။ လက်ညှိုးထောင်၊ ခေါင်းငြိမ့် ပါလီမန်သာ ဖြစ်တယ်၊ အခု အဲဒီထက် တိုးတက်မယ့် အရိပ်အယောင် နည်းနည်းများ တွေ့လာရပါပြီလား။ တလောတုန်းက သူတို့က ဖွဲ့စည်းပုံ ခုံရုံးကို သူတို့ရဲ့ဆန္ဒနဲ့ ဖယ်ရှားနိုင်ခဲ့တယ်ဆိုတော့ - ဒါပေမဲ့လည်း တချို့က Executive နဲ့ ရဲ့ legislature နဲ့ ပုဂ္ဂိုလ်ရေး ပြိုင်ဆိုင်မှုသာ ဖြစ်တယ်လို့လည်း သုံးသပ်ကြပါတယ်။

 ဒေါ်အောင်ဆန်းစုကြည်။ ။ ကျမတော့ ဒီလိုလို့ မထင်ပါဘူး။ ဒါဟာ ဖွဲ့စည်းပုံအခြေခံဥပဒေအရ လုပ်ပိုင်ခွင့်နဲ့ ဆိုင်တဲ့ဟာပဲ။ ဒါလည်း ပြောတဲ့မိန့်ခွန်းတွေကို ဦးကျော်ဇံသာ သေသေချာချာ နားထောင်ကြည့်မယ်ဆိုရင် ဥပဒေပိုင်းဆိုင်ရာ ကျမတို့ အမျိုးသား ဒီမိုကရေစီအဖွဲ့ချုပ် ကိုယ်စားလှယ်တွေကလည်း ဝင်ပြီးတော့ ပြောတာရှိပါတယ်။ ဥပဒေကြောင်းအရ ဘယ်လို ဘယ်လို ဖြစ်ခဲ့တယ်ဆိုတာကို။ အဲဒီတော့ လက်ညှိုးထောင် ခေါင်းငြိမ့်ဆိုတာကတော့ ဘယ်ဟုတ်နိုင်မလဲ။ ဘာဖြစ်လို့လဲ ဆိုတော့ ကျမတို့ NLD ရှိနေတယ်လေ။ ကျမတို့က လက်ညှိုးထောင်၊ ခေါင်းငြိမ့်မှ မလုပ်ဘဲ။ အဲလိုမလုပ်တဲ့ တခြား ကိုယ်စားလှယ်တွေလည်း ရှိပါတယ်။

 ဦးကျော်ဇံသာ။ ။ ဆိုတော့ အုပ်ချုပ်ရေး အကြီးအကဲတန်းပေါ့လေ။ လွှတ်တော် ဥက္ကဋ္ဌနဲ့ ပြိုင်ဆိုင်မှု ရှိတယ်ဆိုတာကရော အလားအလာ ကောင်းပါသလား။ နိုင်ငံတခုရဲ့ နိုင်ငံရေးစံနစ်အတွက် healthy ဖြစ်ပါသလား။

 ဒေါ်အောင်ဆန်းစုကြည်။ ။ ဒီဟာကတော့ ပုဂ္ဂိုလ်ရေးအမြင်နဲ့ ဝိုင်းမြင်တာ မကောင်းပါဘူး။ တကယ်ဆိုလို့ရှိရင် ဒီလို အုပ်ချုပ်ရေးပိုင်းဆိုင်ရာနဲ့ ဥပဒေပြုပိုင်းဆိုင်ရာကြားထဲမှာ ပြောရတာ၊ ဆိုရတာ ငြင်းရတာ၊ ခုန်ရတာ ဖြစ်တယ်ဆိုတာ - ဒါ ဒီမိုကရေစီနိုင်ငံတွေမှာ ဖြစ်လေ့ဖြစ်ထ ရှိတာပဲ။ အခု ဒီ အမေရိကန် ပြည်ထောင်စုမှာတောင်မှ ဘတ်ဂျက်နဲ့ပတ်သက်လို့ အုပ်ချုပ်ပိုင်းဆိုင်ရာနဲ့ ဥပဒေပြုပိုင်း ဆိုင်ရာမှာ ငြင်းကြ၊ ခုန်ကြနဲ့ တချိန်တခါတုန်းက ဆိုလို့ရှိရင် ဝန်ထမ်းတွေတောင်မှ လခမပေးတာအထိ ဖြစ်သွားတယ်မို့လား။ ..ဆိုတော့ အဲဒါမျိုးကတော့ ဖြစ်လေ့ဖြစ်ထပဲ။ တခုတော့ ရှိတာပေါ့၊ ကျမတို့နိုင်ငံအတွက် ဒီမိုကရေစီ လုပ်ပုံလုပ်နည်းတွေက သိပ်ပြီးတော့ စိမ်းနေသေးတဲ့ အခါကျတော့ ဒီဟာတွေကို အစိုးရိမ်လွန်တဲ့ဟာတွေလည်း ရှိတယ်။ နောက်ပြီးတော့ ဘေးကလည်း ဝိုင်းပြီးတော့ ပုဂ္ဂိုလ်ရေးပြဿနာလို့ ဖြစ်ပေါ်အောင်လို့ မြင်ကြလို့ပဲလား၊ အဲလိုဖြစ်အောင်လို့ တိုက်တွန်းကြလို့ပဲလား။ ဒါမျိုးလေးတွေကတော့ ရှိတာပေါ့။

 ဦးကျော်ဇံသာ။ ။ နောက်တခုက ဒေါ်အောင်ဆန်းစုကြည် ရွေးကောက်ပွဲဝင်တုန်းက အဓိက ရည်ရွယ်ချက်သုံးခုဖြစ်တဲ့ ဖွဲ့စည်းပုံကို ပြင်မယ်၊ စစ်တပ်ရဲ့ပါဝင်မှုကို တဖြည်းဖြည်း ဖယ်ရှားနိုင်အောင် ကြိုးစားမယ်၊ နောက်ပြီးတော့ ပြည်တွင်း ငြိမ်းချမ်းရေးရနိုင်အောင် ကြိုးစားမယ်ဆိုတာ၊ အဲဒီ ကိစ္စတွေကို ဆောင်ရွက်နိုင်အောင် ကြိုးစားဖို့ ကိစ္စရော အတော် ခရီးဝေးပါ သေးသလား။

 ဒေါ်အောင်ဆန်းစုကြည်။ ။ ကျမတို့ နည်းနည်း ပြန်ပြင်ရမယ်။ ကျမတို့ ပထမဦးဆုံးက တရား ဥပဒေစိုးမိုးရေးလို့ ပြောပါတယ်။ နောက်ပြီးတော့မှ ပြည်တွင်း ငြိမ်းချမ်းရေး၊ ပြီးတော့ ဖွဲ့စည်းပုံ အခြေခံ ဥပဒေ စိုးမိုးရေး။ အဲဒီမှာ ကျမတို့က အဓိက က ဖွဲ့စည်းပုံအခြေခံဥပဒေ စိုးမိုးရေး - ပြုပြင်ရေးပေါ့နော်။ ပြုပြင်ရေးမှာ တပ်ကို ဖယ်ရှားမယ်ဆိုတာဟာ အဓိက မဟုတ်ပါဘူး။ ဖွဲ့စည်းပုံ အခြေခံဥပဒေဟာ ဒီမိုကရေစီ စံနှုန်း စံထားတွေနဲ့ ကိုက်ညီအောင်လုပ်ဖို့ ပါပဲ။ အဲလို လုပ်တဲ့နေရာ မှာ ကျမတို့ဟာ တပ်မတော်နဲ့ ပူးပေါင်း ဆောင်ရွက်သွားချင်တယ်ဆိုတာကို ရှင်းရှင်းလင်းလင်း ပြော ထားပြီးပါပြီ။ ပြောထားပြီးသား ဖြစ်ပါတယ်။

 ဦးကျော်ဇံသာ။ ။ ..ဆိုတော့ အဲဒီဟာတွေကို ဆောင်ရွက်ဖို့ အလားအလာ-တရားဥပဒေ စိုးမိုးရေး ဆောင်ရွက်မယ့်ကိစ္စတို့၊ ငြိမ်းချမ်းရေးကိစ္စတို့ရော တော်တော်လေး ခရီးရောက်ပါပြီလား။

 ဒေါ်အောင်ဆန်းစုကြည်။ ။ တရားဥပဒေစိုးမိုးရေးကို ကျမတို့ ပထမထားတဲ့ အကြောင်းရင်းက ဘာလဲဆိုတော့ တရားဥပဒေမရှိဘဲနဲ့ ပြည်တွင်း ငြိမ်းချမ်းရေးဆိုတာ မဖြစ်နိုင်ဘူးလို့ ယူဆလို့ ပါ။ ပြည်တွင်း ငြိမ်းချမ်းရေးကို တန်ဖိုး မထားလို့ မဟုတ်ပါဘူး။ အဲဒီတော့ တရားဥပဒေစိုးမိုးရေး ရရှိဖို့ ဆိုတော့ အခု ကျမက တရားဥပဒေစိုးမိုးရေး ကော်မီတီဥက္ကဋ္ဌဆိုတော့ ဒါ- အလားအလာကောင်း တယ်လို့ ပြောရမှာပေါ့။

ဦးကျော်ဇံသာ။ ။ နောက်တခုက ဒီနေ့ နေ့လည်က ဒေါ်အောင်ဆန်းစုကြည် ပြောတာလည်း ကြားလိုက်ရပါတယ်။ ဒေါ်အောင်ဆန်းစုကြည်တို့ဟာ အစိုးရမဟုတ်ဘူး။ အစိုးရလိုအပ်တဲ့ အကူအညီကို ငြိမ်းချမ်းရေးအတွက် ဆောင်ရွက်ပေးမယ်ဆိုတာ ဒီနေ့ ပြောသွားပါတယ်။ တိုင်းရင်းသားတွေ အတော် များများက ဒေါ်အောင်ဆန်းစုကြည်ပါဝင်ပြီး စေ့စပ်ပေးရင် ပိုပြီးတော့ ခရီးရောက်မယ်၊ သူတို့ရဲ့ တိုင်းရင်းသားပြဿနာဖြေရှင်းရေးမှာ တကယ်ပဲ ယုံကြည်ကြပါတယ်။ အဲဒီတော့ ဒေါ်အောင်ဆန်း စုကြည်ရဲ့ သဘောထားကော ဘယ်လိုများ ရှိပါသလဲ။ အဲဒီကိစ္စမှာ ဝင်ရောက် ဖြေရှင်းပေးနိုင်မယ့် အခြေအနေရှိပါသလား။

 ဒေါ်အောင်ဆန်းစုကြည်။ ။ ကျမကလည်း လုပ်ပေးနိုင်သမျှ လုပ်ပေးချင်တာပဲ။ ဒါပေမဲ့ ဒီဟာ- ဟာ တိုင်းရင်းသားတွေနဲ့ အစိုးရကြားမှာ ဆုံးဖြတ်ရမယ့်ကိစ္စဖြစ်တယ်။ မနက်ကလည်း ကျမ ပြောခဲ့ ပါတယ်။ ကျမတို့အနေနဲ့ ဒီလို အခြေအနေမှာ နိုင်ငံရေးအမြတ် မထုတ်ချင်ဘူး။ အရေးကြီးတာက ကျမတို့ နိုင်ငံမှာ ပြည်တွင်းငြိမ်းချမ်းရေး ရဖို့၊ ဒီလို ပြည်တွင်း ငြိမ်းချမ်းရေးရဖို့ ကျမတို့ တကယ်ကို ကူညီနိုင်ဖို့ ဆိုလို့ရှိရင် တိုင်းရင်းသားတွေရော၊ အစိုးရဘက်ကရော လိုလားရမယ်။ အဲဒါမှ ကျမတို့က ဝင်ပြီးတော့ ကူညီနိုင်မှာ။ ကျမတို့အဖွဲ့ နိုင်ငံရေးအမြတ်ထုတ်ဖို့ ကျမတို့သာ လုပ်ပေးမှဖြစ်မယ်ဆိုတဲ့သဘောနဲ့ ကျမတို့ မလုပ်ချင် ဘူး။ နောက်ပြီးတော့လည်း တကယ်ပဲ ကြိုးပမ်းမှုတွေရှိနေလို့ရှိရင် အဲဒီကြိုးပမ်းမှုတွေကို ထိခိုက်တဲ့ အလုပ်မျိုးလည်း ကျမတို့ မလုပ်ချင်ဘူး။ ဒါပေမဲ့ အချိန်မရွေး အဆင်သင့်ပဲ၊ ကျမတို့ကို သုံးချင်တယ် ဆိုရင် သုံးပါ။ ဒါပေမဲ့ နိုင်ငံအတွက်သုံးတယ်ဆိုတာ လိုလိုချင်ချင်နဲ့ လက်ခံရမယ့် ကိစ္စပါ။

 ဦးကျော်ဇံသာ။ ။ သမ္မတဦးသိန်းစိန် အပါအဝင် အစိုးရအဖွဲ့ဝင်တွေက အစတုန်းက ပြော တာက တိုင်းရင်းသားပြဿနာ ဖြေရှင်းရေးအတွက် တွေ့ဆုံဆွေးနွေးမယ့်ရင်ပြင်ဟာ လွှတ်တော်ဖြစ် တယ်၊ လွှတ်တော်ကတဆင့်သာ ဆွေးနွေးနိုင်မယ်လို့ ကြားရပါတယ်။ တိုင်းရင်းသားတွေကတော့ အဲလို မဟုတ်ဘဲနဲ့ မျက်နှာစုံညီတွေ့ချင်တယ်၊ သုံးပွင့်ဆိုင်တွေ့ချင်တယ်၊ ဒုတိယပင်လုံဆိုပြီးတော့ အသံထွက် လာပါတယ်။ ဆိုတော့ ဘယ်လမ်းဟာ ပိုပြီးမှန်ကန်မယ်၊ လွှတ်တော်မှာ ဖြေရှင်းနိုင်မယ့် အလားအလာ ရော ရှိပါသလား။

 ဒေါ်အောင်ဆန်းစုကြည်။ ။ အဲဒီဟာက လွှတ်တော်ထဲမှာ တိုင်းရင်းသားကိုယ်စားလှယ်တွေ အများကြီးရှိပါတယ်။ လွှတ်တော်ထဲမှာ တိုင်းရင်းသားကိုယ်စားလှယ်တွေနဲ့ တိုင်းရင်းသား ကိစ္စတွေ ကို ဆွေးနွေးတာတွေ၊ ဘာတွေလည်း ရှိလည်း ရှိခဲ့ပါတယ်။ တင်လည်းတင်ပြတာတွေလည်း ရှိပါ တယ်။ လွှတ်တော်ထဲမှာတော့ လွှတ်တော်နည်း လွှတ်တော်ဟန်နဲ့ တိုင်းရင်းသား ကိစ္စတွေကို ကိုင်တွယ် နေပါတယ်။ ဒါပေမဲ့ ခုနက ပြောသလိုပေ့ါနော်။ တချို့က အုပ်ချုပ်ရေးဘက်ကနေပြီးတော့ လွှတ်တော် အတွင်းမှာသာ ဖြေရှင်းရမယ်ပြောတယ်။ ဒါပေမဲ့ တိုင်းရင်းသားတွေက အပြင်မှာ စပြီးဖြေရှင်းရမယ်-စသဖြင့်- အဲဒါမျိုးတွေကျတော့ ညှိယူရမယ်။ အပေးအယူလုပ်ရမယ်။ ကျမ ခဏခဏပြောပါတယ်။ ကျမတို့ မြန်မာနိုင်ငံရေးမှာဆိုလို့ရှိရင် negociated compromise ပေါ့နော်။ ညှိနှိုင်းဆွေးနွေးပြီးတော့ အပေးအယူ အလျှော့အတင်းလုပ်တဲ့ ယဉ်ကျေးမှု က အင်မတန်မှ အားနည်း တယ်။ အဲဒီယဉ်ကျေးမှုကို တည်ဆောက်ရမယ်။ ပဋိပက္ခဖြစ်နေတဲ့ အဖွဲ့ အစည်းတွေ၊ ပုဂ္ဂိုလ်တွေ ဆိုလို့ ရှိရင် နှစ်ဘက်လုံးက နားလည်ရမှာက ကိုယ်လိုချင်တာ ၁၀၀% ရမှ လုပ်မယ် ဆိုလို့ရှိရင် မဖြစ်နိုင်ဘူး။ အပေးအယူလုပ်ရမယ်။ အပေးအယူလုပ်ဖို့ ပထမဦးဆုံး ဆွေးနွေး ညှိနှိုင်းရမယ်၊ တိုင်ပင်ရမယ်။ အဲဒီပုံစံနဲ့ပဲ သွားရမှာပဲ။ ဒါ ဒီမိုကရေစီပဲ။

ဦးကျော်ဇံသာ။ ။ နောက်တခုက အခု အမေရိကန်ပြည်ထောင်စုကိုလာတဲ့ ရည်ရွယ်ချက်မှာ အမေရိကန်ပြည်သူတွေ၊ အမေရိကန်အစိုးရကို ဒေါ်အောင်ဆန်းစုကြည်အနေနဲ့ ပေးချင်တဲ့၊ ပြော ချင်တဲ့ message စကားက ဘာပါလဲခင်ဗျ။

 ဒေါ်အောင်ဆန်းစုကြည်။ ။ အဓိကပြောချင်တဲ့စကားကတော့ ကျမတို့ဟာ ဒီမိုကရေစီ အပြည့် အဝတော့ မရသေးဘူး။ ကျမတို့ဟာ ဒီမိုကရေစီလမ်းကို စပြီးတော့ လျှောက်နေပြီ။ ကျမတို့ နိုင်ငံဟာ တကယ့်ကို ဒီမိုကရေစီကို အခြေခံတဲ့ လူ့အဖွဲ့အစည်းတခု ဖြစ်ချင်လို့ရှိရင် ဒီမိုကရေစီ အဆောက် အအုံနဲ့ ခိုင်မာချင်လို့ရှိရင် လုပ်စရာတွေ အများကြီးရှိသေးတယ်။ အဲဒီတော့ အဲဒီလုပ်ငန်း တွေမှာ အမေရိကန်ပြည်ထောင်စုက မိတ်ဆွေကောင်းတဦးအနေနဲ့ ကျမတို့နဲ့ ဝိုင်းဝန်းပြီးတော့ ဆောင် ရွက်တာကို လိုလားတယ်။ နောက်တခုကလည်း ကျမတို့ လျှောက်ခဲ့ရတဲ့ ကြမ်းတမ်းတဲ့ ဒီမိုကရေစီ လှုပ်ရှားရေးခရီးမှာ ကျမတို့ ဒီမိုကရေစီအတွက် လှုပ်ရှားခဲ့တဲ့ အဖွဲ့အစည်းတွေကို ကူညီပေးခဲ့တဲ့ အတွက်၊ ထောက်ခံပေးခဲ့တဲ့အတွက်လည်း အမေရိကန်ပြည်ထောင်စု အစိုးရရော၊ ပြည် သူတွေရော ကျေးဇူးတင်တယ်ဆိုတာ ကျမ လာပြောဖို့ ဖြစ်ပါတယ်။

ဦးကျော်ဇံသာ။ ။ အမေရိကန်ပြည်ထောင်စုက မြန်မာနိုင်ငံမှာ လာပြီး ရင်းနှီးမြှုပ်နှံချင် တယ်၊ မြန်မာနိုင်ငံနဲ့သင့်မြတ်အောင် ဆက်ဆံချင်တယ်ဆိုတဲ့ ဆန္ဒဟာ သူတို့နိုင်ငံရဲ့ အကျိုးစီးပွား အတွက် အဓိကအားဖြင့် တရုတ်ကို ကာကွယ်ချင်လို့ဆိုပြီးတော့ သုံးသပ်တာတွေ ရှိတာပေါ့လေ။… ဆိုတော့ သူတို့ဆန္ဒနဲ့များ သိပ်ပြီးတော့ ဆန္ဒစောနေကြသလား၊ အဲဒါကြောင့်များ ဒေါ်အောင်ဆန်း စုကြည်က သိပ်ပြီးတော့ ဆန္ဒမစောကြပါနဲ့လို့ တောင်းနေရသလားဆိုတာ စဉ်းစားမိပါတယ်။

 ဒေါ်အောင်ဆန်းစုကြည်။ ။ ဘယ်လိုပဲပြောပြောပေါ့နော်။ ကျမတို့နိုင်ငံရဲ့အနေ အထား- နိုင်ငံ နှစ်နိုင်ငံရဲ့ ဆက်ဆံရေးဆိုတာဟာ Geo Politics ပေါ့နော်။ ပထဝီနိုင်ငံရေးကလည်း ဘယ်လိုမှ လွတ်ကင်းလို့ မရဘူး။ နောက်ပြီး အရင်အစဉ်အလာတွေကလည်း လွတ်ကင်းလို့မရဘူး။ အဲဒီအခါ ကျတော့ ကျမတို့ မြန်မာနိုင်ငံဟာ အိန္ဒိယနဲ့ တရုတ်နဲ့ နောက်- အရှေ့တောင် အာရှကြားမှာ ရှိတဲ့ နိုင်ငံဖြစ်နေတယ်။ အဲဒီလို ဆက်ဆံနေရတဲ့နိုင်ငံမှာ ပတ်ဝန်းကျင်က အင်အားကြီးတဲ့ နိုင်ငံတွေ ရဲ့ အနေအထားကို ထည့်တွက်တယ်ဆိုတာ ဒါ သဘာဝကျပါတယ်။ ဒီလို တရုတ်နိုင်ငံရဲ့ အနေအထား ကို ထည့်မတွက်ဘဲနဲ့ မြန်မာနိုင်ငံနဲ့ဆက်ဆံရမယ်ဆိုရင်တော့ အဲလိုတောင်းဆိုခြင်းဟာ ဘယ်လိုမှ သဘာဝ မကျပါဘူး။ ဒါပေမဲ့ အဲဒီဟာကို ထည့်တွက်လို့ ကျမတို့ကို ထိခိုက်စေတယ်လို့လည်း သုံးသပ်စရာ အကြောင်းမရှိပါဘူး။ ကျမတို့ကိုယ်တိုင်ကလည်း ကျမတို့ရဲ့ အိမ်နီးနားချင်းနိုင်ငံတွေနဲ့ အဆင်ပြေစေချင်တယ်။ အ ဆင်ပြေပြေလည်း နေချင်တယ်။ ဒီတော့ အမေရိကန်ပြည်ထောင်စုအနေနဲ့လည်း တရုတ်ပြည်ထောင်စုနိုင်ငံတို့၊ အိန္ဒိယနိုင်ငံတို့နဲ့ အဆင်ပြေပြီးတော့ ကောင်းကောင်းမွန်မွန်ဆက်ဆံရေး တည်ဆောက်ချင်တယ်လို့ ယုံကြည်တယ်။ အဲဒါကြောင့်မို့လို့ ကျမတို့က အားလုံးအတွက် အကျိုးရှိမယ့် နိုင်ငံရေးမူတွေကို ချမှတ်ပြီးတော့ သွားရမှာ ပဲ။ ဟိုလူနဲ့တည့်လို့၊ ဒီလူနဲ့မတည့်လို့ - ဒါမျိုးဟာ အင်မတန်မှ သေးသိမ်တဲ့အမြင်တွေပဲလို့ ကျမ ထင်ပါတယ်။

ဦးကျော်ဇံသာ။ ။ ကျနော် နောက်ဆုံးတခု မေးခွင့်ပြုပါ။ အဲဒါက ရခိုင်ပြည်နယ်မှာ ဖြစ်ခဲ့တဲ့ Communal Violence လူအုပ်စုချင်း အကြမ်းဖက် ပဋိပက္ခတွေ ဖြစ်ခဲ့တာနဲ့ပတ်သက်ပြီးတော့ လူ့အခွင့်အရေး အဖွဲ့ဆိုတဲ့ အဖွဲ့ တချို့က ဒေါ်အောင်ဆန်းစုကြည်ကို ဝေဖန်ကြပါတယ်။ ဒီကိစ္စမှာ ဒေါ်အောင်ဆန်းစုကြည် တက်တက်ကြွကြွ မပြောပါလားဆိုပြီး။

 ဒေါ်အောင်ဆန်းစုကြည်။ ။ တက်တက်ကြွကြွ မပြောပါလား- ဆိုတာက ဘာကို အခြေခံပြီး ပြော တာလဲတော့ မသိဘူးပေါ့နော်။ ကျမဆိုလို့ရှိရင် ပရော်ဖက်ဆာ ကင်တားနားနဲ့လည်း တွေ့ခဲ့တယ်။ ဟိုတလောဆိုရင်လည်း တူရကီနိုင်ငံရေးဝန်ကြီးနဲ့တွေ့တယ်။ ဒီကိစ္စတွေကို သေသေချာ ချာ ဆွေးနွေးကြတယ်။ လူ့အခွင့်အရေး ဘယ်လောက်အရေးကြီးတယ်ဆိုတာ ပြောတယ်။ ကျမတို့ရဲ့မူက လူ့အခွင့်အရေးနဲ့ တရားဥပဒေစိုးမိုးရေးဆိုတာ ခွဲခြားလို့ မရဘူး။ လူ့အခွင့်အရေး ကြေညာစာတမ်း နိဒါန်းမှာကို ပါပြီးသား၊ လူ့အခွင့်အရေးကို တရားဥပဒေစိုးမိုးခြင်းနဲ့ ကာကွယ်ရမယ်၊ စောင့်ရှောက်ရမယ်ဆိုတာ ပါပြီးသားပဲ။

ဒါပေမဲ့ ကျမတို့ကနေပြီးတော့ အခုအချိန်ခါမှာ ငြိမ်းချမ်းရေးရအောင်လို့ ပဋိက္ခတွေငြိမ်းအောင်လို့ လုပ်နေတာဟာ အစိုးရအဖွဲ့အစည်းက လုပ်နေတာ။ အုပ်ချုပ်ရေးအဖွဲ့က လုပ်နေတာ။ အဲဒီ အုပ်ချုပ်ရေးအဖွဲ့က လုပ်နေတဲ့ကိစ္စတွေကိုလည်း ကျမတို့က ထိခိုက်အောင်မလုပ်ချင်ဘူး။ တကယ်ပဲ တခုခုလုပ်နိုင်လို့ရှိလို့ရှိရင် ကျမတို့ လုပ်ပေးမယ်။ ဒါပေမဲ့ ကိုယ်က မလုပ်နိုင်ဘဲနဲ့ သက်သက်ဝေဖန်တဲ့ အလုပ်တွေလည်း ကျမတို့ မလုပ်ချင်ဘူး။ နောက်ပြီးတော့လည်း တဘက်နဲ့ တဘက် ပဋိပက္ခ ပိုပြီးတော့ ကြီးပွားစေမဲ့ အမျက် မုန်းတီးမှုတွေ ပိုပြီးတော့ ထောင်လွှားစေမယ့် အပြောတွေလည်း ကျမတို့ မပြောချင်ဘူး။ ဒီလို မပြောလို့ ဘက်လိုက်ပြီးတော့ မပြောလို့ ကျမတို့ကို မကျေနပ်ဘူးဆိုရင်တော့လည်း ကျမတို့ ခံရမှာပဲ။ ကျမ လန်ဒန်မှာတုန်းကပေါ့နော်။ အဲဒါကတော့ ကချင်ပြည်နယ်မှာ ဖြစ်နေတဲ့ကိစ္စနဲ့ ပတ်သက်လို့ပါ။ ကချင်လူငယ်တယောက်က ကျမကို ထပြီးတော့ ဝေဖန်ပါတယ်။ ကျမက ဘာဖြစ်လို့ တပ်ကို Condemnation ပေါ့နော်။ သူက အဲဒီလိုသုံးတယ်။ ဘာဖြစ်လို့ မရှုတ်ချသလဲပေါ့နော်။ ကျမက ပြောတယ်။ ကျမတို့က Condemnation အလုပ် လုပ်ချင်တာ မဟုတ်ဘူး။ Reconciliation အလုပ်ကို လုပ်ချင်တာ။ ပြန်လည်ရင်ကြားစေ့ရေး အလုပ်ကို လုပ်ချင်တာ။ ဘယ်သူ့ကိုမှ ရှုတ် ချပြီးတော့ တိုက်ခိုက်တဲ့အလုပ်ကို လုပ်ချင်တာ မဟုတ်ဘူး။

ဒီလိုလုပ်ခြင်းအားဖြင့် ပြန်လည် ရင်ကြားစေ့ရေးဆိုတာ မဖြစ်နိုင်ဘူး။ ဒီအတိုင်းပဲ ကျမတို့ကနေ နှစ်ဘက်စလုံးကို ကြည့်တဲ့နေရာမှာ လူ့အခွင့်အရေးနဲ့ တရားဥပဒေစိုးမိုးရေးကို အခြေခံပြီးတော့ ကျမတို့ကြည့်မယ်။ ဘယ်ဘက်ကိုမှ ကိုယ့်ရဲ့ နိုင်ငံရေးအကျိုးအမြတ်ထွက်ရေးအတွက် ဘက်လိုက်ပြီးတော့ ပြောတာမျိုး ကျမတို့ မလုပ်ဘူး။

 ဒီလို ဘက်လိုက်ပြီး ပြောတာဟာ ပဋိပက္ခတွေကို ပြေငြိမ်းသွားစေမှာ မဟုတ် ဘူး။ နောက်ပြီးတော့လည်း အခု အုပ်ချုပ်ရေးဘက်ကနေ ကြိုးစားနေတဲ့ ကိစ္စတွေကိုလည်း မပြီးမြောက်သေးခင်ကို ကျမတို့အနေနဲ့ ပျက်စီးအောင်လို့၊ အခက်အခဲဖြစ်အောင်လို့ လုပ်ဖို့ ကျမတို့ ရည်ရွယ်ချက် မရှိဘူး။ ကျမတို့ ဘာလုပ်ပေးနိုင်တာရှိလဲ။ လုပ်ပေးနိုင်တာရှိရင် ကျမတို့ လုပ်ပေးမယ်။ ဒုက္ခသည်တွေကို ကျမတို့ တတ်နိုင်သမျှ ကူညီပါတယ်။ NLD က သိတဲ့အတိုင်းပဲ။ သိပ်ပြီး ချမ်းသာတဲ့ အဖွဲ့အစည်းတော့ မဟုတ်ပါဘူး။

ဒါပေမဲ့ ဒုက္ခသည်တွေကို တတ်နိုင်သမျှ ကျမတို့ အကူ အညီတွေ ပေးတယ်။ ဟိုဘက် ဒီဘက် မခွဲခြားဘဲနဲ့ ကျမတို့ အကူအညီပေးတယ်။ ကျမတို့ရဲ့ အကူ အညီ ကို အုပ်ချုပ်ရေးဘက်ကပဲ တောင်းတောင်း၊ တခြား အကူအညီတောင်းနိုင်ဘက်က တောင်းလို့ ကျမတို့မှာ ပေးနိုင်တဲ့အနေအထားမှာရှိရင်တော့ ကျမတို့က အဆင်သင့်ပါပဲ။

source by : http://burmese.voanews.com

အပြည့်အစုံ ဖတ်ရန် ...

လူထုခေါင်းဆောင် ဒေါ်အောင်ဆန်းစုကြည် အမေရိကန်နိုင်ငံခြားရေးဝန်ကြီးနှင့် ပူးတွဲမိန့်ခွန်းပြောမည်


မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ အမေရိကန် ပြည်ထောင်စု အောက်လွှတ်တော်က ချီးမြှင့်တဲ့ ဂုဏ်ထူးဆောင် ရွှေတံဆိပ်ဆု အပါအဝင် တခြားဆုတွေကို လက်ခံယူဖို့အတွက် ဝါရှင်တန်ဒီစီ မြို့တော်ကို မနေ့က မနက် ၁ဝ နာရီခွဲမှာ ဂျပန်နိုင်ငံကတဆင့် ရောက်ရှိလာပါတယ်။


၂၀၁၂ ခုနှစ် စက်တင်ဘာလ ၁၈ ရက်က ဝါရှင်တန် ဒီစီတွင် USIP နှင့် Asia Society အဖွဲ့တို့ ပူးတွဲ ကမကထ ပြုလုပ်သည့် မြန်မာ့အရေး ဆွေးနွေးပွဲတွင် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် မိန့်ခွန်း ပြောကြားနေစဉ်။ RFA

ဒေါ်အောင်ဆန်းစုကြည်ဟာ ဒီကနေ့ အမေရိကန်စံတော်ချိန် မနက် ၉ နာရီမှာ အမေရိကန် နိုင်ငံခြားရေးဝန်ကြီး Hillary Clinton နဲ့ ပူးတွဲမိန့်ခွန်း ပြောကြားမှာ ဖြစ်ပါတယ်။

အဲဒီနောက် ဒေါ်အောင်ဆန်းစုကြည်ဟာ USIP ခေါ် အမေရိကန် ပြည်ထောင်စု ငြိမ်းချမ်းရေး ဆိုင်ရာအဖွဲ့နဲ့ Asia Society အဖွဲ့တို့ ပူးတွဲ ကမကထပြုတဲ့ မြန်မာ့အရေး ဆွေးနွေးပွဲကို ဒီကနေ့ တက်ရောက် မိန့်ခွန်းပြောဖို့ ရှိပါတယ်။

ဒီဆွေးနွေးပွဲမှာ မြန်မာ့ဒီမိုကရေစီ အသွင်ကူးပြောင်းရေးရဲ့ အနာဂတ် အလားအလာနဲ့ စိမ်ခေါ်မှုတွေနဲ့ ပတ်သက်ပြီး ဆွေးနွေးကြမယ် လို့ ဆိုပါတယ်။ ဆွေးနွေးပွဲကို အမေရိကန် နိုင်ငံခြားရေးဝန်ကြီး Hillary Clinton လည်းတက်ရောက်ပြီး အဖွင့်မိတ်ဆက်စကား ပြောကြားမှာပါ။

“အသွင်ကူးပြောင်းနေတဲ့ မြန်မာပြည်၊ ဒေါ်အောင်ဆန်းစုကြည်နှင့် တွေ့ဆုံဆွေးနွေးခြင်း” လို့ အမည်ပေးထားတဲ့ ဒီဆွေးနွေးပွဲ ကျင်းပပုံကို ဒေသစံတော်ချိန် နေ့လည် ၁၂ နာရီခွဲမှာ အင်တာနက်ကတဆင့် တိုက်ရိုက်ထုတ်လွှင့်မှာ ဖြစ်ပါတယ်။

အဲဒီနောက် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ RFA လွတ်လပ်တဲ့ အာရှအသံကို ဒီကနေ့ နေ့လည် ၂ နာရီ (မြန်မာစံတော်ချိန် ဒီည ၁၂ နာရီခွဲတိတိ) မှာ လာရောက်ပြီး (၁)နာရီကြာမျှ အချိန်ယူလည်ပတ် ကြည့်ရှုမှာ ဖြစ်ပါတယ်။ အပြည့်အစုံကို မနက်ဖြန်မနက် RFA ရုပ်သံနဲ့ ရေဒီယို အစီအစဉ်တွေကနေ တင်ဆက်မှာ ဖြစ်ပါတယ်။

ဒီအတောအတွင်း အမေရိကန် သမ္မတကတော် Mitchelle Obama ကလည်း သမ္မတ အိမ်ဖြူတော်မှာ တစ်ညတာ လာရောက်လည်ပတ် တည်းခိုဖို့ ဒေါ်အောင်ဆန်းစုကြည်ကို ဖိတ်ကြားထားတယ်လို့ ဝါရှင်တန်မှာရှိတဲ့ မြန်မာ့အရေး လှုပ်ရှားသူတွေကို ကိုးကားပြီး Foreign Policy စာစောင်က ရေးသားပါတယ်။

အိမ်ဖြူတော်မှာ ဒေါ်အောင်ဆန်းစုကြည်ကို ဂုဏ်ပြုတည်ခင်းမယ့် ညစာစားပွဲကို သမ္မတဟောင်း George W Bush ၊ သမ္မတဟောင်း Bill Clinton နဲ့ ကမ္ဘာကျော် Microsoft ကွန်ပြူတာ လုပ်ငန်းရှင် သူဋ္ဌေးကြီး Bill Gates တို့လည်း တက်ရောက်ကြမယ်လို့ သိရပါတယ်။

source by : http://www.rfa.org

အပြည့်အစုံ ဖတ်ရန် ...

လူထုခေါင်းဆောင် ဒေါ်အောင်ဆန်းစုကြည် ကို နိုင်ငံခြားရေးဝန်ကြီး ကလင်တန် ကြိုဆို



ဒေါ်အောင်ဆန်းစုကြည်နဲ့ နိုင်ငံခြားရေးဝန်ကြီးကလင်တန်တို့ ဝါရှင်တန်ဒီစီရှိ နိုင်ငံခြားရေးဝန်ကြီးဌာနတွင် တွေ့ဆုံကြစဉ်။ (၀၉၊ ၁၈၊ ၁၂)။

အမေရိကန် ပြည်ထောင်စုကို ရောက်လာတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဒီကနေ့မှာတော့ အမေရိကန် နိုင်ငံခြားရေး ၀န်ကြီး ဟီလာရီကလင်တန်နဲ့ တွေ့ဆုံပြီး သူ့ရဲ့သီတင်း ၃ ပတ်ကြာ ခရီးစဉ်နဲ့ ပတ်သက်လို့ ဆွေးနွေး ကြပါတယ်။ အမေရိကန် ခရီးစဉ်အတွင်း ဒေါ်အောင်ဆန်း စုကြည် အမေရိကန် အစိုးရ တာဝန်ရှိသူတွေနဲ့ တွေ့ဆုံရုံသာမက အမေရိကန်ရောက် မြန်မာနိုင်ငံ သားတွေနဲ့ပါ တွေ့ဆုံဖို့ ရှိတယ်လို့လည်း တွေ့ဆုံချိန်မှာ ပြောဆိုလိုက်တာပါ။ အမေရိ ကန် နိုင်ငံခြားရေး ၀န်ကြီးဌာနကို သွားရောက် သတင်းယူခဲ့တဲ့ ကိုအောင်လွင်ဦးက အပြည့် အစုံ ပြောပြပေးမှာ ဖြစ်ပါတယ်။

ဆယ်စုနှစ်တွေအတွင်း ပထမဆုံးအကြိမ်အဖြစ် အမေရိကန် ပြည်ထောင်စုကို ရောက်လာ မယ့် ဒေါ်အောင်ဆန်းစုကြည်ရဲ့ခရီးစဉ် အစနေ့အဖြစ် အမေရိကန် နိုင်ငံခြားရေး ၀န်ကြီး ဟီလာရီ ကလင်တန် က ၀ါရှင်တန် ဒေသစံတော်ချိန် အင်္ဂါနေ့ မနက်ပိုင်းမှာ ခရီးဦးကြို တွေ့ဆုံဆွေးနွေးကြ တာ ဖြစ်ပါတယ်။ ၀န်ကြီး ကလင်တန်ရဲ့ရုံးခန်းမှာ တွေ့ဆုံအပြီး သတင်းထောက်တွေကို ပြောဆိုရာ မှာတော့ အမေရိကန် ခရီးစဉ် တစိတ်တပိုင်းအဖြစ် မြန်မာနိုင်ငံသားတွေ အများအပြားရှိရာ Indiana ပြည်နယ် Fort Wayne မြို့ကို သွားရောက်ဖို့ အပါအ၀င် သီတင်း နှစ်ပတ်ကြာ အစီအစဉ်တွေကိုလည်း ဆွေးနွေးကြတာပါ။

အမေရိကန်နိုင်ငံမှာ ခိုလှုံနေကြတဲ့ မြန်မာနိုင်ငံသားတွေရှိရာ သွားဖို့ဟာ သူ့တာဝန်တရပ်အဖြစ် သဘောထားတဲ့ အကြောင်းလည်း ဒေါ်အောင်ဆန်းစုကြည်က ပြောဆိုသွားတာ ဖြစ်ပါတယ်။
“ကျမအနေနဲ့ Fort Wayne ကို သွားရမှာပါ။ Fort Waye အကြောင်း မြန်မာသတင်းတွေမှာ ကျမ အမြဲကြားနေရပါတယ်။ အဲဒီမှာ ဖြစ်ပျက်နေတာတွေပေါ့။ Fort Wayne မှာလည်း အဖြစ်အပျက်တွေက အမျိုးစုံပါပဲ။ မြန်မာနိုင်ငံမှာရှိတုန်း ကျမနားထောင်ခဲ့ရတဲ့ သတင်းတွေ အရတော့ အဲဒီနေရာက သိပ်ကို လှတယ်လို့ ကြားရပါတယ်။”

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ဟာ ရှေ့သီတင်းပတ် ဗုဒ္ဓဟူးနေ့မှာပဲ Fort Waye မြို့ကို သွားရောက်ဖို့ ရည်ရွယ်ထားတာဖြစ်ပြီး ဒီအတွက်လည်း အမေရိကန်အစိုးရ တာဝန်ရှိ သူတွေ ၀ိုင်းဝန်းကူညီ စီစဉ်ပေးမှာ ဖြစ်တယ်လို့ ၀န်ကြီး ကလင်တန် ကပြောပါတယ်။ ဒီခရီးစဉ်ကို လည်း Fort Waye မြို့က ၀မ်းပမ်းတသာ ကြိုဆိုလိမ့်မယ်လို့ မျှော်လင့်တဲ့ အကြောင်း ပြောဆို ခဲ့တာပါ။

“အဲဒီနေရာမှာတော့ ဒေါ်အောင်ဆန်းစုကြည်ကို စောင့်ကြိုနေမှာပါ။ ဒီလို ဒေါ်အောင်ဆန်းစုကြည် ကိုယ်တိုင်လာနိုင်တယ်ဆိုတော့ အဲဒီမှာ သိပ်ကို စိတ်လှုပ်ရှား နေကြပြီး စိတ်အား တက်ကြွနေကြပါ တယ်။ အထူးသဖြင့် အဲဒီမှာ မြင်းတွေမွေးတဲ့ ခြံကို ကိုယ်တိုင် သွားကြည့်မယ်ဆိုလို့ အဲဒါကို ကျမ သိပ်သဘောကျမိပါတယ်။ အဲဒီ နေရာတွေမှာ မျက်စေ့တဆုံး လယ်ကွင်းပြည်တွေ၊ မြင်ခင်းတွေ နဲ့မို့ သိပ်ကို လှပ်တဲ့ နေရာလို့ မြင်ရမှာပါ။”

ခရီးရောက်မဆိုက် အမေရိကန် အစိုးရ ထိပ်တန်း အရာရှိ တဦးဖြစ်တဲ့ ၀န်ကြီး ကလင်တန် နဲ့ တွေ့ဆုံခဲ့သလို၊ သမ္မတ ဘရက်ခ် အိုဘားမား နဲ့လည်း တွေ့ဆုံလိမ့်မယ်လို့ မျှော်လင့်ရပါတယ်။ ဒီသီတင်းပတ် နှောင်းပိုင်း နယူးယောက်ကို ရောက်ရှိစဉ်မှာတော့ ကုလသမဂ္ဂ အတွင်းရေးမှူးချုပ် ဘန်ကီမွန်း နဲ့လည်း တွေ့ဆုံဖို့ စီစဉ်ထားတာ ဖြစ်ပါတယ်။ ဒေသစံတော်ချိန် အင်္ဂါနေ့ မွန်းလွဲပိုင်း မှာတော့ ဒေါ်အောင်ဆန်းစုကြည် ဟာ Asia Society က ချီးမြှင့်မယ့် ဂုဏ်ထူးဆောင် ဆုကိုလည်း လက်ခံရယူဦးမှာပါ။ ဒီနောက်မှာတော့ ဗွီအိုအေ အမေရိကန် အသံကိုလည်း လာရောက်ဖို့ စီစဉ်ထားပါတယ်။

ဗုဒ္ဓဟူးနေ့မှာတော့ အမေရိကန် ကွန်ဂရက် လွှတ်တော်က ချီးမြှင့်တဲ့ ရွှေတံဆိပ်ဆုကိုလည်း နယူးယောက်မြို့မှာ လက်ခံရယူသွားမှာ ဖြစ်သလို Atlantic Council က ချီးမြှင့်မယ့် ကမ္ဘာ့နိုင်ငံသား ဆုကိုလည်း လက်ခံရယူသွားမှာပါ။

၁၉၉၁ ခုနှစ် နိုဘဲလ် ငြိမ်းချမ်းရေးဆုကို ကိုယ်တိုင် လက်ခံရယူခဲ့တဲ့ ဥရောပ တလွှား ဒီနှစ်ဆန်းပိုင်း သွားရောက်ခဲ့ပြီး ဒုတိယ အကြိမ် အနောက်နိုင်ငံ ခရီးစဉ်အဖြစ် အမေရိကန်ကို ရောက်လာချိန်မှာ Yale, Harvard နဲ့ Kentucky ပြည်နယ် Louisville တက္ကသိုလ်တွေကို သွားရောက်ပြီး ဒေါ်အောင် ဆန်းစုကြည် စကားပြောမှာလည်း ဖြစ်ပါတယ်။

source by : http://burmese.voanews.com

အပြည့်အစုံ ဖတ်ရန် ...

နိုင်ငံလုံးဆိုင်ရာ ရွှေဝါရောင် တော်လှန်ရေးနေ့ နှစ်ပတ်လည် အခမ်းအနား



၂၀၀၇ ရွှေဝါရောင် တော်လှန်ရေး ငါးနှစ်ပြည့် အထိမ်းအမှတ်အဖြစ် နိုင်ငံလုံးဆိုင်ရာ ရွှေဝါရောင် တော်လှန်ရေးနေ့ နှစ်ပတ်လည် အခမ်းအနားကို ရွှေဝါရောင်တော်လှန်ရေးတွင် အကျဉ်းကျခံခဲ့ရသည့် ဆရာတော် ဦးကောဝိဒ သီတင်းသုံးနေထိုင်ရာ ဒဂုံမြို့သစ် အရှေ့ပိုင်းမြို့နယ် ဇေယျသိဒ္ဓိ တက္ကသီလာ မဟာသတိပဌာန်ကျောင်းတိုက်တွင် စက်တင်ဘာလ ၁၈ ရက်နေ့ နံနက် ၁၁း၀၀ နာရီမှ နေ့လည် ၂း၀၀ အချိန်ထိ ကျင်းပပြုလုပ်ခဲ့ပါသည်။

ရွှေဝါရောင်တော်လှန်ရေးမှာ ဦးဆောင်ပါဝင်ခဲ့ကြတဲ့ သံဃာတော်များနှင့် ပြည်တွင်း ပြည်ပ သတင်းမီဒီယာများ၊ ၈၈ မျိုးဆက် ကျောင်းသားများ၊ ၂၀၀၇ မျိုးဆက် ဗကသ ကျောင်းသားလူငယ်များ၊ နိုင်ငံရေးအကျဉ်းသားများနှင့် ရွှေဝါရောင်တော်လှန်ရေးတွင် ပါဝင် လှုပ်ရှားခဲ့ကြသည့် ပြည်သူလူထုများ တက်ရောက်ခဲ့ကြပါသည်။

ပုံကိုကလစ်ပြီး ပုံကြီးချဲ့ကြည့်ပါ။

source by : http://www.burmavjmedia.net

အပြည့်အစုံ ဖတ်ရန် ...

Beyond 8888 - Documentary

စစ်တပ်က အာဏာသိမ်းပြီး ရှစ်လေးလုံးအရေးတော်ပုံကြီးကို ဖြို ခွဲလိုက်ပြီးနောက်မှာ လက်နက်ကိုင်တော်လှန်ရေး ဆင်နွဲဖို့့့ ဆုံးဖြတ်ခဲ့တဲ့ ဆနပြကျောင်းသားတွေ ထဲက တစ်ဦးဖြစ်တဲ့ ကိုမင်းဌေး ရဲ့ ဘ၀ရုပ်ပုံလွာ ကို ကိုသက် တင်ဆက်ထားပါတယ်။


source by :http://www.youtube.com/user/DVBBurmese

အပြည့်အစုံ ဖတ်ရန် ...

ကချင်ပြည်ဒေသ ပြည်တွင်းစစ်ကို ချက်ချင်းလုံးဝ ရပ်ဆိုင်းပေးရေးနှင့် လက်ပံတောင်းကြေးနီစီမံကိန်း ဆက်လက်အကောင်ထည်ဖေါ်မှူကို လုံးဝရပ်ဆိုင်းပေးရန် မလေးရှားနိုင်ငံ မြန်မာသံရုံးအား တောင်းဆိုဆန္ဒပြပွဲ








မြန်မာနိုင်ငံတွင် လက်ရှိဖြစ်ပွားနေသောမြန်မာ့တတ်မတော်မှ လူမဆန်စွာ KIA, KIO ကချင်လက်နက်ကိုင် တတ်ဖွဲ့ များကိုမျိုးပြုတ်စစ်စင်ရေး ဆင်နွဲနေခြင်းကြောင့် ယ္ခုအခါ ကချင်ပြည်နယ်ရှိ ဒေသခံအများစုသည် ဒုက္ခသည်အဖြစ်သို့ ရောက်ရှိရသည့်အပြင် အပြစ်မဲ့ ပြည်သူများစွာသေကြေပျက်စီးနေရသည်။ ထိုအပြင်မုံရွာဒေသခံများ ဆန္ဒပြထိန်းသိမ်းခံတိုက်ပွဲဝင်တောင်းဆိုနေသည့် လူသားမဆန်သည့် လူ့ အခွင့် ရေးချိုးဖေါက်မှူများကိုဆက်လက်လုပ်ဆောင်နေဆဲပင်ဖြစ်သည်။
၎င်းကိစ္စရပ်များနှင့်ပက်သက်၍ ယနေ့ ၁၈-၀၉-၂၀၁၂ ခုနှစ် မလေးရှားဒေသဆံတော်ချိန် ၁၀နာရီတွင် မလေးရှားနိုင်ငံ မြန်မာသံရုံးသို့ မလေးရှားနိုင်ငံရောက် အဖွဲ့ စည်းအသီးသီးဖြစ်ကြသော အထွေထွေသပိတ် ကော်မတီ GSC ၊ BYSO Burma youth Student Organization ပြည်ပရောက် ၈၈ မျိုးဆက်ကျောင်းသား များ အဖွဲ့ တို့ မှ ဦးစီးဦးဆောင်ပြု၍ မလေးရှာနိုင်ငံ လုံခြုံရေးအခြေနေအရ ခွင့်ပြုချက်ပေးထားသည့်အတိုင်း မြန်မာသံရုံးသို့ သဘောထားကြေငြာစာတန်းပေးပို့ ခြင်း၊ သံရုံးမလှမ်းမကမ်းခွင့်ပြုထားသည့် ခေါင်းဆောင် ဦးရေအတိုင်းဆန္ဒပြခြင်း၊ ကြွေးကြော်ခြင်း၊ ကြေငြာစာတန်းဖတ်ခြင်းတို့ ကိုပြုလုပ်သွားကြောင်းသတင်းရရှိ ပါသည်။

     ပူးတွဲပါကြေငြာစာတန်း.....


သဘောထားကြေညာချက်
လက်ရှိ မြန်မာနိုင်ငံတွင် ဖြစ်ပွားနေသည့် ပြည်တွင်းစစ် လက်နက်ကိုင် ပဋိပက္ခ၊ ကိုယ်ပိုင်ပြဌာန်းခွင့် စသည့် နိုင်ငံ့ရေးရာ ပြဿနာ ရပ်များအတွက် အမျိုးသား ပြန်လည် ရင်ကြားစေ့ရေး နှင့် အတူတကွ ငြိမ်းချမ်းစွာ ယှဉ်တွဲ နေထိုင်ရေးတွင် ပင်လုံစိတ်ဓါတ်နှင့်ပြည်ထောင်စုအရေး၊တိုင်းရင်းသား အရေး  နှင့် မီဒီယာများ၏ အခန်း ကဏ္ဌ သည် အထူးအရေးကြီးပါသည်။
လက်ရှိ အစိုးရအနေဖြင့်ဌင်းတို့ကြွေးကြော်နေသည့် ” ခေတ်မှီဖွံ့ဖြိုးတိုးတက်သောဒီမိုကရေစီနိုင်ငံတော်သစ် ” တရပ်ပေါ်ထွန်းလာရန်နိုင်ငံရေး၊စီးပွားရေးပြုပြင်ပြောင်းလဲမှု၊ ကြိုးပမ်းဆောင်ရွက်မှုတို့နှင့် တချို့ဥပဒေများကို ခြွင်းချက်ဖြင့် ကန့်သတ်မှု မူဘောင်အတွင်းမှလျှော့ချပေးလာသည်ကို မြင်တွေ့သိရှိရပါသော်ငြားလည်းဘဲ KIO , KIA ကချင်လက်နက်ကိုင်တပ်ဖွဲ့များမှတောင်းဆိုနေသည့်ငြိမ်းချမ်းရေး၊အပစ်အခတ်ရပ်ဆဲရေး ကိုလစ်လျှုရှု ကာစစ်တပ်မှယနေ့အထိဆက်တိုက်ထိုးစစ်ဆင်နေခြင်း၊မုံရွာဒေသခံများဆနပြထိန်းသိမ်းခံတိုက်ပွဲဝင်တောင်းဆိုနေသည့်လက်ပံတောင်ကြေးနီစီမံကိန်းအားဆက်လက်လုပ်ဆောင်မည်ဟုကြေငြာခြင်းစသည့်လူ့အခွင်းအရေး ချိုးဖောက်မှုများကိုဆက်တိုက်ကျူးလွန်နေဆဲပင်ဖြစ်သည်။
ထို့ပြင် မြန်မာ့ လွတ်လပ်မှုအဆင့်သည် နိုင်ငံတကာ စံချိန်းစံညွန်း အားဖြင့် ဆိုလျှင် လွတ်လပ်မှု မရှိသည့် စာရင်းတွင် နောက်ဆုံးကပင် ကပ်လျက် ရှိနေသေးပါသည်။
ထို့ကြောင့် ပြည်တွင်း ပြည်ပ ရှိ မြန်မာနိုင်ငံ သားများအနေဖြင့် သွေးစည်းညီညွတ်စွာဖြင့် ပွင့်လင်းမြင်သာသည့် လွတ် လပ်သော လူ့ဘောင်တရပ် ပေါ်ထွန်းလာစေရေးအတွက် အတူတကွ ယှဉ်တွဲ အကောင်အထည်ဖော် ဆောင်ရွက်သွားကြရန်   နေရာမှအောက်ဖော်ပြပါအချက်များကိုတောင်းဆို အပ်ပါသည်။

    ၁.ကချင်ဒေသပြည်တွင်းစစ်ကိုချက်ချင်းလုံးဝရပ်ဆိုင်းပေးရန်
2၂.တိုင်းရင်းသားလက်နက်ကိုင်အဖွဲ့အစည်းအသီးသီးတို့၏အပစ်အခတ်ရပ်ဆဲရေးသဘောတူညီချက်များကိုလေး စားလိုက်နာပြီးပြည်တွင်းစစ်မီးအပြီးငြိမ်းသတ်ပေးရန်
3.    ၃.လက်ပံတောင်ကြေးနီစီမံကိန်းဆက်လက်အကောင်အထည်ဖော်မှုကိုလုံးဝရပ်တန့်ပေးရန်
ဖ၄.ဖမ်းဆီးအထိန်းသိမ်းခံတက်ကြွလှုပ်ရှုားသူများနှင့်ကျန်ရှိနေသောနိုင်ငံရေးအကျဉ်းသားအားလုံးကိုချွင်း ချက်မရှိလွှတ်ပေးရန်
5.၅နိုင်ငံတကာစံနှုန်းစံထားအတိုင်းလွတ်လပ်ပွင့်လင်းမြင်သာသောဒီမိုကရေစီကျင့်စဉ်အတိုင်းလုပ် ဆောင်ပေးရန်



ပြည်ပရောက် ၈၈ မျိုးဆက်ကျောင်းသားများနှင့်အထွေထွေသပိတ်ကော်မတီ GSC 

PROCLAMATION

What is the present climate to such rebellious armed conflict in Civil War, Home Rule and Federalism as National Federation along with Pinlon patriotic spirit, freedom of Press to Media in Burma plays the important role in National reconciliation and forever peaceful coexistence among all the national ethnics.

Even though what the present pro-military regime publicized “Towards the modern and development Democracy Nation” releases some of the tension to rules and regulation in an effort to materialize the political and economic reforms has still been seen as within-framework, this notorious regime ignores the call of peace and cease fire by KIO and KIA, Kachin Arm Forces, and keeps fire on KIO and KIA, even declares to continue the implement of Letpandaung Copper mine project objected through the demonstration and the detainee by Monywa regional residents. Thus it commits Human Right as yet seen.

Moreover, it is as usual seen and considered as the last-primitive-and-uncivilized country next to the end of lists in the standard of being Equality and Human right by international norms and mores. That is why; to emerge the best society through transparency and unity by Burmese domestic, oversea and abroad, there proclaims a demand for the reality as following:
1.    To cease fire on Civil War to KIA and KIO in Kachin State

2.    To follow the agreement on ceasing fire and peace both the regime and the ethnic armed forces and come to an end totally to Civil War in Burma

3.    To stop being implemented Letpandaung Copper mine Project at Monywa region

4.    To release all the detainees and political activists even the rest of the political prisoners in Jails without any exception

5.    To practice the Principle of Democracy through transparency and crystal in international norms and mores

Oversea 88’s Student Generation and GSC, General Strike Committee

by:kyaw ko ko kyaw 




source by :  http://nldyouthmalaysia.blogspot.com


 

အပြည့်အစုံ ဖတ်ရန် ...

Saturday, September 15, 2012

၈၈ မျိုးဆက် ကျောင်းသားခေါင်းဆောင် ကိုမင်းကိုနိုင် အမေရိကန်ခရီးစဉ် ဖျက်သိမ်း


၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က အမေရိကန်ပြည်ထောင်စု NGO အဖွဲ့ကြီးတစ်ခုဖြစ်တဲ့ NED ခေါ် ဒီမိုကရေစီမြှင့်တင်ရေးအဖွဲ့က ချီးမြှင့်တဲ့ဆုကို လက်ခံဖို့အတွက် ဝါရှင်တန်ဒီစီ လာရောက်မယ့်ခရီးစဉ်ကို ဖျက်သိမ်းလိုက်ပါတယ်။


၂၀၁၂ ခုနှစ် စက်တင်ဘာလ ၉ ရက်က ထန်းတပင်မြို့နယ် ရွာသစ် ကျေးရွာတွင် ပြုလုပ်သည့် ငြိမ်းချမ်းရေးနှင့် ပွင့်လင်းလူ့ဘောင် ဖော်ဆောင်ရေး ဆွေးနွေးပွဲတွင် ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင် မိန့်ခွန်းပြောနေစဉ်။ RFA

၈၈ မျိုးဆက်ကျောင်းသားများ အဖွဲ့ဝင်တွေအားလုံး နိုင်ငံကူးလက်မှတ် လျှောက်ထားတဲ့အပေါ်မှာ လူအားလုံး တပြေးညီမရပဲ ခွဲခြားပြီးမှ ရနေတဲ့အတွက် အခုလို ခရီးစဉ် ဖျက်လိုက်တာလို့ ကိုမင်းကိုနိုင်က RFA ကိုပြောပါတယ်။

"ကျွန်တော် အဲဒီပေးအပ်တဲ့ အသိအမှတ်ပြုမှုကို တန်ဖိုးထားပါတယ်။ ဘာဖြစ်လို့လည်းဆိုတော့ ကျွန်တော်တို့ အထဲမှာတောက်လျှောက် ဒုက္ခဆင်းရဲတွေခံကြတုန်းက စိတ်အားပေးမှုက သိတ်အရေးကြီးပါတယ်။ အမေရိကန်ပြည်ထောင်စုကရော၊ လွှတ်တော်ကရော၊ အမေရိကန်ပြည်သူတွေက အားပေးတယ်။ ထောက်ခံတယ်။ ကျွန်တော်တို့ဘက်က ကြံ့ကြံ့ခံရပ်တယ်လို့ ကျွန်တော်တို့ ခံစားရတဲ့အတွက် အင်မတန်ကျေးဇူးတင်ပါတယ်။ 

ဒီမှာ မူဝါဒအရ ဘယ်လိုမှ လက်မခံနိုင်လောက်အောင် သွေးခွဲထားတာရော၊ ကျွန်တော်တို့ကို ဒုတိယတန်းစား နိုင်ငံသားတွေလို သဘောထားတာရော အဲတာကို ကျွန်တော်တို့ လက်ခံလို့မရဘူး။ နိုင်ငံသားတိုင်းဟာ တန်းတူညီမျှ အခွင့်အရေး ရှိရမယ်ဗျ။ ၂၁ ရက်ပြည့်တဲ့နေ့ကျလို့ရှိရင် ဒါတွေကို ထုတ်ယူနိုင်ပါပြီလို့ သူတို့ကိုယ်တိုင် ကြေညာထားပြီးတော့ ကျွန်တော်တို့ ဒီထောင်က ထွက်လာတဲ့ ၁၉ ယောက်ကို မပေးပဲနဲ့ ၆ လလောက်ထိ ပစ်ထားတာက ဘယ်လိုနည်းနဲ့မှ နိုင်ငံသားတိုင်း တန်းတူညီမျှမှုမရှိဘူး။ အဲတာပြောတာက ရှိသေးတယ်၊ တစ်နှစ်ဆိုင်းငံ့ထားတယ် ဆိုတာ ဘာဥပဒေလဲ။ ဘယ်လွှတ်တော်မှာ၊ ဘယ်ပြည်သူ့ ကိုယ်စားလှယ်တွေက ရေးဆွဲထားတဲ့ ဥပဒေလဲ။ ဥပဒေမဟုတ်ပဲနဲ့ ကိုယ့်စိတ်ထဲမှာ ထင်ရာ မြင်ရာတွေကို အမိန့်ထုတ်နေတာကတော့ ကျွန်တော်ဘယ်လိုမှ သဘောမတူနိုင်ဘူး။ 

အဲတာကြောင့် ကျွန်တော်တို့ အမှု ၆၅ နှစ် ကျခဲ့ကြတဲ့ လူတွေချင်းအတူတူ ကျန်တဲ့လူတွေကို မပေးပဲနဲ့ တစ်ဦးတစ်ယောက်ထဲရတဲ့ အခွင့်အရေးရော ကျွန်တော်မလိုချင်ဘူး။ အဲတာကြောင့် ကျွန်တော်တန်ဖိုးထားတဲ့ ကျွန်တော် ကျေးဇူးတင်တဲ့ အမေရိကန်ပြည်သူတွေက ပေးအပ်တဲ့ အသိအမှတ်ပြုမှု အဲဒီအခမ်အနားကိုတော့ ကျွန်တော်တန်ဖိုးထားသော်ငြား ကျွန်တော်တို့ရဲ့ မညီမျှမှုတွေကို လက်မခံနိုင်တဲ့အတွက် ကျွန်တော် မတက်ရောက် နိုင်တော့ဘူး။ အဲဒီအတွက်လည်း အဲဒီအခမ်းအနား ကျင်းပတဲ့ ပုဂ္ဂိုလ်တွေအားလုံးကို ကျွန်တော် တလေးတစားနဲ့ အနူးအညွတ် တောင်းပန်ရပါလိမ့်မယ်"

၈၈ မျိုးဆက် ကျောင်းသားများ အဖွဲ့ဝင်တွေဟာ လွန်ခဲ့တဲ့ ဧပြီလ ကတည်းက နိုင်ငံကူးလက်မှတ်တွေ လျှောက်ထားခဲ့ပြီး အခုချိန်မှာ ကိုမင်းကိုနိုင်နဲ့ ကိုကိုကြီးတို့ နှစ်ဦးတည်းကိုပဲ ထုတ်ပေးတယ်လို့ သိရပါတယ်။

ကိုမင်းကိုနိုင်နဲ့အတူ ရှမ်းတိုင်းရင်းသား ခေါင်းဆောင် ဦးခွန်ထွန်းဦး၊ နာရေးကူညီမှုအသင်း ဥက္ကဋ္ဌ ရုပ်ရှင်မင်းသား ကိုကျော်သူ၊ မဲဆောက်အခြေစိုက် ဒေါက်တာစင်သီယာမောင်နဲ့ US Campaign for Burma အဖွဲ့က ကိုအောင်ဒင်တို့ ၅ ဦးကို မြန်မာ့ ဒီမိုကရေစီရေး စွမ်းစွမ်းတမံ ဆောင်ရွက်ခဲ့မှုတွေအတွက် NED အဖွဲ့က လာမယ့် စက်တင်ဘာ ၂ဝ ရက်နေ့မှာ ဆုချီးမြှင့်မှာ ဖြစ်ပါတယ်။

source by : http://www.rfa.org

အပြည့်အစုံ ဖတ်ရန် ...