Friday, April 1, 2011

ရပ်ကွက်အုပ်ချုပ်ရေးမှူးအသစ်တွေ ဈေးကောင်း (ပေးစာ)

ရွှေပြည်သာမြို့နယ်မှာ အုပ်ချုပ်ရေးပိုင်းတွေပြောင်းတယ် ဆိုပေမယ့် ဆိုင်းဘုတ်သာလဲလိုက်ပြီး လူတွေကတော့ အရင် အတိုင်းပဲ ထူးမခြားနား ဒုံရင်း ဒုံရင်း လူတွေရဲ့ အုပ်ချုပ်မှုအောက်မှာပဲ ဆက်နေရအုံးမယ်ဆိုတာ မြင်နေရတဲ့အတွက် မြို့ခံပြည်သူတွေအနေနဲ့ အောင့်သက်သက် ခံစားနေရတယ်။

အရင် ရယက ဥက္ကဋ္ဌ လုပ်ခဲ့တဲ့လူတွေက အခု အုပ်ချုပ်ရေးအဖွဲ့သစ်ထဲမှာ ပြန်ပါရရေးအတွက် မယက ဥက္ကဋ္ဌ နဲ့ ကြံ့ဖွံ့မြို့ နယ်အတွင်းရေးမှူးတွေကို ငွေ အပြင် ထိုးစရာရှိတဲ့နေရာမှန်သမျှ ရှာကြံ လာဘ်ထိုးနေကြရတဲ့အထဲမှာ အပတ်စဉ် ဂေါက်သီးရိုက်ဖို့ကိုလည်း စီစဉ်ပေးရပါတယ်။

မယက ဥက္ကဋ္ဌ က အမှတ် (၅) ရပ်ကွက် ယင်းမာလမ်းပေါ်ရှိ သူရရှိထားတဲ့ မြေကွက်ပေါ်မှာနေထိုင်ဖို့ တိုက်အိမ်ဆောက် လုပ်ရာ ရယက ဥက္ကဋ္ဌတွေကိုခေါ်တွေ့ပြီး ခုဆောက်နေတဲ့အိမ်ကို ဆက်လက်ဝိုင်းဝန်း စီမံပေးဖို့ဖြစ်တယ်။ ဒီကိစ္စ ပြီး မြောက်ခဲ့တယ်ဆိုရင် အရင်အတိုင်း ဆက်လက်တည်မြဲရေးအတွက် အာမခံတယ်လို့ ပြောခဲ့ပါတယ်။

အဲဒီလို ပြောလိုက်တာနဲ့

၅ ရပ်ကွက် ဥက္ကဋ္ဌ ကိုကျော်ကျော်အောင် ခြံစည်းရိုးနဲ့ သံပန်းတံခါး၊

၎ ရပ်ကွက် ဥက္ကဋ္ဌ မောင်ဋ္ဌေး နဲ့ ၈ ရပ်ကွက် ဥက္ကဋ္ဌ ကိုသိန်းနိုင် တို့က ကြမ်းခင်းပါကေးနဲ့ ငွေ ၅ သိန်းစီ၊

၃ ရပ်ကွက် ဥက္ကဋ္ဌ က ၁၃ သိန်းတန်မြေ ၁ ကွက်နဲ့ ငွေ ၇ သိန်း၊

၁၉ ရပ်ကွက် ဥက္ကဋ္ဌ ကိုစောထွန်းမှ ငွေ ၂၁ သိန်နဲ့ သစ်အချို့
ဝိုင်းဝန်းကူညီဆောင်မ ပေးလိုက်ကြတယ်။

တချို့ ရယက တွေက တဦးကို သိန်း ၂၀ လောက်နဲ့ အစိုးရဟောင်းဥက္ကဋ္ဌ မှ အစိုးရသစ် အုပ်ချုပ်ရေးမှူးတွေ ဖြစ်ကုန် ကြတယ်လို့ သိရှိရပါတယ်။ ရပ်ကွက်သူ ရပ်ကွက်သားတွေကတော့ မယက ဥက္ကဋ္ဌ ကို အလွန်ကံထူးသူ လိုတရ ပုဂ္ဂိုလ် ဖြစ်တယ်လို့ သတ်မှတ်နေကြပါတယ်။


ရွှေပြည်သာသားတဦး

source by :http://www.naytthit.net