ဗိုလ်ချုပ်မှူးကြီးသန်းရွှေအကြောင်း စာအုပ် ရှေ့နှစ်အတွင်း ထွက်မည်
2009-10-12 ( RFA )
Than Shwe: Unmasking Burma's Tyrant ( မြန်မာ စစ်အာဏာရှင် ရဲ့ ဇာတိရုပ် ) လို့ အဓိပ္ပာယ်ရတဲ့ စာအုပ်တအုပ်ကို သတင်းစာ ဆရာ Benedict Rogers နဲ့ Jeremy Woodrum တို့ နှစ်ဦး ပူးပေါင်း ရေးသားနေကြပါတယ်။ အဲဒီ စာအုပ်မှာ ဗိုလ်ချုပ်မှူးကြီး သန်းရွှေရဲ့ အထ္တုပ္ပတ္တိနဲ့ သူအုပ်ချုပ်နေစဉ်ကာလ မြန်မာနိုင်ငံရဲ့ အခြေအနေတွေ ပါဝင်မယ်လို့ သိရပါတယ်။
၂ဝဝ၈ ခုနှစ် မေလ ၁ဝရက်နေ့က ဆန္ဒခံယူပွဲတွင် နအဖ စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေ နေပြည်တော်ရှိ မဲရုံတွင် ဆန္ဒမဲ ထည့်နေပုံ ဖြစ်ပါသည်။ အခြေခံဥပဒေ မူကြမ်းကို ထောက်ခံမဲ ၉၂.၄ ရာခိုင်နှုန်းဖြင့် အတည်ပြုကြောင်း စစ်အစိုးရက မေလ ၁၅ရက်နေ့တွင် ကြေညာသည်။ (Photo: AFP)ဒီစာအုပ် ရေးသားရတဲ့အကြောင်းရင်းနဲ့ ပတ်သက်ပြီး စာရေးသူ Benedict Rogers ပြောပြတာကတော့ ကျနော်တို့မှာ ဗိုလ်ချုပ်မှူးကြီး သန်းရွှေအကြောင်း ရေးရတဲ့ အကြောင်းရင်း နှစ်ရပ် ရှိပါတယ်။ အကြောင်းတချက်က စစ်အာဏာရှင်အုပ်ချုပ်နေတဲ့ မြန်မာနိုင်ငံရဲ့ အခြေအနေကို ပုံစံတမျိုးနဲ့ တင်ပြဖို့ပါ။ နောက်တချက် ကျနော်တို့ စဉ်းစားမိတာက တခြားအာဏာရှင်တွေဖြစ်တဲ့ ဆက်ဒမ်ဟူစိန်၊ ကင်ဂျုံအီး၊ မူကာဘီ၊ ကတ်စ်ထရို တို့အကြောင်းနဲ့ ပတ်သက်တဲ့ စာအုပ်အတော်များများ ထုတ်ဝေခဲ့ပြီး ဖြစ်တဲ့အတွက် သူတို့အကြောင်း လူအတော်တော်များများ သိနေပါတယ်။ ဒါပေမဲ့ ဗိုလ်ချုပ်မှူးကြီး သန်းရွှေအကြောင်းကိုတော့ အနည်းအကျဉ်းလောက်ပဲ ကမ္ဘာက သိတဲ့ အတွက် ဒီထက်ပိုပြီး အချက်အလက်တွေ ပေးနိုင်ဖို့ ရည်ရွယ်ပြီး ရေးသားတာပါ လို့ Benedict Rogers ပြောသွားပါတယ်။
ဒီစာအုပ်အတွက် ဗိုလ်ချုပ်မှူးကြီး သန်းရွှေနဲ့ နီးနီးကပ်ကပ် ဆက်ဆံလုပ်ကိုင်ခဲ့ဖူးသူ မြန်မာ ၇ ဦးနဲ့ တွေ့ဆုံမေးမြန်းခွင့် ရသလို သူနဲ့ တိုက်ရိုက် ဆက်ဆံခွင့်ရခဲ့တဲ့ နိုင်ငံတကာ သံတမန်အရာရှိတွေ၊ ကုလသမဂ္ဂ ကိုယ်စားလှယ်တွေကိုလည်း တွေ့ဆုံမေးမြန်းပြီး အချက်အလက်တွေ စုဆောင်းခဲ့တယ်လို့ သိရပါတယ်။
စာရေးသူ Benedict Rogers ကတော့ အခုလို စစ်တပ်ရဲ့ ထိပ်တန်း ခေါင်းဆောင် တဦးဖြစ်လာခဲ့တဲ့ ဗိုလ်ချုပ်မှူးကြီးသန်းရွှေရဲ့အောင်မြင်ရေး လျှို့ဝှက်ချက်ကတော့ အထက်လူကြီးအပေါ် အကြွင်းမဲ့ သစ္စာရှိမှုနဲ့ ရိုသေ ကျိုးနွံ နာခံမှုတွေပဲ ဖြစ်တယ် လို့ ဆိုပါတယ်။
မြန်မာနိုင်ငံမှာတောင် ဗိုလ်ချုပ်မှူးကြီး သန်းရွှေအကြောင်း သိရှိသူ အလွန် နည်းပါးလှပါတယ်။ အဲဒါကြောင့် ဒီစာအုပ်ကို ရေးသားတဲ့ စာရေးဆရာ နှစ်ယောက် အချက်အလက်တွေကို ဘယ်လို ရှာဖွေစုဆောင်းခဲ့ကြသလဲဆိုတာ ပူးတွဲ စာရေးသူ တဦးဖြစ်တဲ့ Benedict Rogersကို မအင်ကြင်းနိုင်က ဆက်သွယ် မေးမြန်းခဲ့ပါတယ်။
ဆက်သွယ်မေးမြန်းချက် နားဆင်ရန် >>> ဒီမှာ ကလစ်ပါ ခင်ဗျား ...။
မှတ်ချက် ။ ။ http://www.rfa.org မှ ကူးယူ မျှဝေပါသည်။
