Sunday, January 10, 2010

ကချင်ပြည်နယ်နေ့ ကေအိုင်အိုကို လက်နက်ယူနီဖောင်းနဲ့ တက်ခွင့်မပေး

2010-01-10 ( RFA )

ဇန်နဝါရီ ၁ဝ ရက်နေ့ မှာ ကျရောက်တဲ့ ကချင်ပြည်နယ်နေ့ အခမ်းအနားကို ကချင်ပြည်နယ် မြစ်ကြီးနားမြို့ စီတာပူ ရပ်ကွက်မှာ ဒီကနေ့မနက် ကျင်းပရာမှာ အပစ်ရပ် လက်နက်ကိုင် အဖွဲ့အစည်းတွေ တက်ခွင့်ရပေမယ့် အင်အားအကြီးဆုံး ကချင်အမျိုးသား လက်နက်ကိုင် အဖွဲ့ဖြစ်တဲ့ KIO ကချင်လွတ်မြောက်ရေးအဖွဲ့ ကိုတော့ ဝတ်စုံပြည့် တက်ရောက်ခွင့် မပေးဘူးလို့ သိရပါတယ်။

KIO အဖွဲ့ ဌာနချုပ်တည်ရှိရာ လိုင်ဇာမြို့မှာ ကျင်းပသည့် ကချင်တော်လှန်ရေးနေ့ နှစ်ပတ်လည် အခမ်းအနားတွင် စစ်ရေးပြနေသော KIA တပ်ဖွဲ့ဝင်များ ဖြစ်ပါသည်။ (Photo: kachinstate.com)

စစ်အစိုးရနဲ့ နယ်ခြားစောင့်တပ် အသွင်ပြောင်းလဲဖို့ သဘောတူလက်ခံခဲ့တဲ့ ကချင်ပြည်နယ်ထဲက တခြား အပစ်ရပ် ငြိမ်းချမ်းရေးအဖွဲ့တွေဖြစ်တဲ့ NDAK စတဲ့ အဖွဲ့တွေကိုတော့ ယူနီဖောင်း ဝတ်စုံပြည့် တက်ခွင့်ပေးတယ်လို့ ဒေသခံတွေက ပြောပါတယ်။

မူလ ကချင်ပြည်နယ်နေ့ ပွဲအစီအစဉ် ၃ အရ မြောက်ပိုင်းတိုင်းမှူး ဗိုလ်ချုပ်စိုးဝင်း မိန့်ခွန်းပြောဖို့ အစီအစဉ်ရှိပေမယ့် ကိုယ်တိုင် မတက်ရောက်နိုင်ပဲ ဒု- စစ်တိုင်းမှူးသာ တက်ရောက်တယ်လို့လည်း မြစ်ကြီးနားမြို့ ခံတွေက ပြောပါတယ်။

ကချင်လူမှုဖွံ့ဖြိုးရေးကွန်ယက်အဖွဲ့ ဥက္ကဋ္ဌ ဦးအောင်ဝါက ဒီနေ့ အခမ်းအနားအခြေအနေကို သုံးသပ်ပြောကြားရာမှာ ဒီလို ကန့်သတ်ချက်တွေကြောင့် ကေအိုင်အိုဖက်က အရာရှိ အနည်းငယ်ပဲ တက်ရောက်တယ်လို့ ဆိုပါတယ်။

ဦးအောင်ဝါ။ ။'နမ့်ယွန်းဘက်မှာ နာဂတွေရဲ့ပွဲရှိတယ်။ အဲဒီမှာသွားဖို့ အစီအစဉ်ရှိလို့ ဒီမှာ မတက်ရောက်နိုင်ဘူးဆိုတဲ့ သတင်းမျိုးနဲ့ ဒုတိယတိုင်းမှူးစံထွန်း တက်ရောက်တယ်။ ကေအိုင်အိုက ဥက္ကဋ္ဌတွေလည်း လာပါတယ်။ ဒါပေမယ့် ကေအိုင်အိုကနေ စစ်ဝတ်စုံနဲ့ မနောပွဲကို ကခွင့် မရှိဘူးပေါ့။ နအဖ အနေနဲ့ တားမြစ်ထားတဲ့ ပုံစံမျိုး ဖြစ်နေတယ်။ ဒါကြောင့် ကေအိုင်အို အနေနဲ့လည်း သိပ်ပြီး တက်ရောက်တဲ့ပုံစံမျိုး မတွေ့ရဘူး။ ၂ဝဝ လောက်တော့ လာတယ်။ ဗိုလ်ချုပ်အင်ဘန်လလည်း မနေ့တုံးက ဒီအတိုင်းပါပဲ၊ ရိုးရိုးဝတ်စုံနဲ့ပဲ ပါဝင်ဆင်နွှဲတယ်'

ပြီးခဲ့တဲ့နှစ်တွေက ကေအိုင်အိုအဖွဲ့ဟာ လူအင်အား ၂ဝဝဝ လောက်နဲ့ လက်နက်ယူနီဖောင်း အပြည့်အစုံ ဝတ်ဆင်ပြီး တက်ခွင့် ရခဲ့ပါတယ်။ ဒီနှစ်မှာတော့ မြန်မာစစ်အစိုးရ အာဏာပိုင်တွေက လုံခြုံရေးအရ ဆိုပြီး ပိတ်ပင်တားမြစ်တာ ဖြစ်ပါတယ်။ ဒါ့အပြင် ဒီနှစ်ကျင်းပတဲ့ ကချင်ပြည်နယ်နေ့နဲ့ မနောပွဲ ကျင်းပရေးကော်မီတီ ထဲမှာလည်း မြန်မာစစ်အစိုးရ အာဏာပိုင်တွေ အများစု ပါဝင် ပတ်သက်နေတာကြောင့် နောက်နောင် အစဉ်အလာလို ဖြစ်သွားမှာကို ကချင် တိုင်းရင်းသားအများစုက စိုးရိမ်နေကြတယ်လို့လည်း ဦးအောင်ဝါက ပြောပါတယ်။

ဦးအောင်ဝါ။ ။'အခု ဒီနှစ်ကတော့ ကချင်ပြည်နယ်နေ့ ကျင်းပရေးကော်မီတီမှာလည်း အဓိက စစ်တပ်ကနေ ပါနေတယ်လို့ ကြားနေတယ်။ စစ်ဘက်ကဆိုင်တဲ့ ပုဂ္ဂိုလ်တွေ သူတို့နဲ့ ညှိနှိုင်းဆောင်ရွက် လုပ်တဲ့ပုံစံမျိုး။ ကြံ့ဖွံ့နဲ့ အမျိုးသမီးရေးရာတွေလည်း ပါဝင်နေတာကို တွေ့ရတယ်။ ဒါဆိုရင် ပိုပြီးမှ နအဖ ကနေ နေရာယူတယ်လို့ပဲ ပြောလို့ ရပါတယ်။ နောက်နှစ်တွေဆိုရင် ဟိုတုံးက မဆလခေတ်တုံးကလိုပဲ တဖြည်းဖြည်းနဲ့ သူတို့ရဲ့Guide Line ၊ သူတို့ရဲ့စီမံမှုအောက်မှာပဲ ပြန်ရောက်သွားမလား အဲဒီဟာကိုတော့ စိုးရိမ်တာပေါ့'

ဒီနှစ် ကျင်းပတဲ့ပွဲမှာ မြောက်ပိုင်းတိုင်း စစ်ဌာနချုပ်ကနေ လုံခြုံရေးတွေကို နေရာအနှံ့ တိုးချဖို့ အမိန့်ထုတ် ညွန်ကြားထားခဲ့တယ်လို့လည်း စစ်တပ်နဲ့ နီးစပ်သူတွေက ပြောပါတယ်။ ကချင်လွတ်လပ်ရေးအဖွဲ့ ကေအိုင်အို အနေနဲ့ လူထုအခမ်းအနားကို ယူနီဖောင်းနဲ့ တက်ခွင့်မရတာ၊ ကချင်ပြည်နယ်နေ့နဲ့ မနောပွဲကို စစ်အစိုးရ အာဏာပိုင်တွေက အရင်နှစ်တွေထက် ပါဝင် ပတ်သက်လာတာတွေဟာ ကေအိုင်အိုနဲ့ မြန်မာ စစ်အစိုးရအကြား ဆက်ဆံရေး တင်းမာလာတာကြောင့်လို့လည်း ဒေသခံအများစုက ယူဆနေကြပါတယ်။


source by : http://www.rfa.org