ချင်းတိုးတက်ရေးပါတီမှ လွတ်တော် ကိုယ်စားလှယ်များဖြစ်သော ဦးဒိုင်ထုန်း (မတူပီမြို့နယ်၊ အမှတ်(၁)မဲဆန္ဒနယ်၊ပြည်နယ်လွတ်တော်ကိုယ်စားလှယ်လောင်း)နှင့် ဦးလျှံကြယ် (မတူပီမြို့နယ်၊ အမှတ်(၁) မဲဆန္ဒနယ၊် ပြည်သူ့လွတ်တော် ကိုယ်စားလှယ်လောင်း)တို့၏ (၂၃.၁၀.၂၀၁၀) ရက်နေ့၌ ချင်းပြည်နယ် မတူပီမြို့နယ် ဟာလ်တူးကျေးရွာတွင် ပြုလုပ်သော ချင်းတိုးတက်ရေးပါတီ၏ ရွေးကောက်ပွဲ အောင်နိုင်ရေး ဟောပြောပွဲတွင် ဒေသခံ ပြည်သူလူထုသို့ ဟောပြောချက်များသည် နအဖနှင့် ကြံ့ဖွံ့ပါတီတို့ အပေါ်ပုတ်ခတ်စော်ကားခြင်း၊ အသရေဖျက်ခြင်းနှင့် နိုင်ငံတော်ပုန်ကန်မှု ကျူးလွန်ရာ ရောက်သည်ဟူ၍ ချင်းပြည်နယ်ကြံ့ဖွံ့ပါတီမှ ချင်းပြည်နယ် အေးချမ်းသာယာရေးနှင့် ဖွံ့ဖြိုးရေးကောင်စီနှင့် ချင်းပြည်နယ် ရွေးကောက်ပွဲကော်မရှင်သို့ (၂၇.၁၀.၂၀၁၀) တွင် တိုင်ကြားခဲ့သည်ဟု သတင်းရရှိပါသည်။
ထိုအမှုနှင့် ပါတ်သက်၍ ချင်းပြည်နယ် ဥက္ကဌဦးဟုန်းငိုင်းမှ ချင်းတိုးတက် ရေးပါတီ၏ နအဖအပေါ် ပုတ်ခတ်စော်ကားခြင်း၊ အသရေဖျက်ခြင်းနှင့်နိုင်ငံတော် ပုန်ကန်မှု ကျူးလွန်ခြင်း ဆိုသည့် အမှုအပေါ် အထူး စုံစမ်းစစ်ဆေးရေးအဖွဲ့ကို ဖွဲ့စည်း၍ စစ်ဆေးအရေးယူရန် ပြင်ဆင်နေသည်ဟု သတင်းရရှိပါသည်။ ဦဟုန်းငိုင်းသည် ချင်းပြည်နယ်ကြံ့ဖွံ့ပါတီ ခေါင်းဆောင်အပြင် အနာဂါတ်ချင်းပြည်နယ် ဝန်ကြီးချုပ်အဖြစ် လျာထာခြင်း ခံရသူလည်းဖြစ်သည်။
ထိုအပြင် ချင်းပြည်နယ် ရွေးကောက်ပွဲကော်မရှင်မှ ချင်းပြည်နယ်ကြံ့ဖွံ့ပါတီ၏ ဆန္ဒအတိုင်း ချင်းတိုးတက်ရေးပါတီအပေါ် ပထမဆုံးအကြိမ်နှင့် နောက်ဆုံးအကြိမ်အဖြစ် (၁.၁၁.၂၀၁၀)တွင် ပြင်းထန်စွာ သတိပေးချက် အမိန့်ထုတ်ပြန်လိုက်သည်ဟု သတင်းရရှိပါသည်။
ချင်းပြည်နယ်ကြံ့ဖွံ့ပါတီသည် မတူပီမြို့နယ်တွင် ချင်း တိုးတက်ရေးပါတီအား အနိုင်ရရှိရန် ယှဉ် ပြိုင်နိုင်ခြင်းမရှိ၍ ဒေသဆိုင်ရာ အာဏာပိုင်များနှင့် ရွေးကောက်ပွဲကော်မရှင်တို့၏ လုပ်ပိုင်ခွင့် အာဏာတို့ကို အလွဲသုံးစားပြု၍ ချင်းတိုးတက်ရေးပါတီ အပေါ် မတရားတဖြင့် အနိုင်ကျင့် ဗိုလ်ကျခြင်း ဖြစ်သည်ဟု ဒေသခံလူထုမှ ဝေဖန်ပြောဆိုနေကြပါသည်။
ကြံ့ဖွံ့ပါတီ၏ တရားလက်လွတ် အပြုအမူများကြောင့် ရွေးကောက်ပွဲလွန်ကာလ တွင်ဖြစ်ပေါ်လာမည့် အတုအယောင် ဒီမိုကရေစီ၏ သရုပ်မှန်ကို ယခုပင် တွေ့မြင်နေရပြီး ဖြစ်၍ ရွေးကောက်ပွဲ အကြိုကာလ တွင်လည်း လွတ်လပ်စွာဟောပြောခွင့် မရှိခြင်းအပေါ် ချင်းပြည်နယ်မှ ပြည်သူလူထုများ စိတ်မချမ်းမသာ ဖြစ်နေကြပါသည်ဟူ၍ သတင်းရရှိပါသည်။
source by : http://myatlayngon.blogspot.com
