မလေးရှားရောက် မွန်ဒုက္ခသည်များ UNHCR အသိအမှတ်ပြု
2009-12-01 ( RFA )
မလေးရှားနိုင်ငံရောက် မွန်တိုင်းရင်းသား ဒုက္ခသည်တွေကို UNHCR ရုံးက ဒီကနေ့ နောက်ဆုံးနေ့အဖြစ်နဲ့ အသိအမှတ်ပြု ကဒ်ပြား ထုတ်ပေးနေတယ်လို့ ဆိုပါတယ်။ တခြား တိုင်းရင်းသားတွေကိုလည်း သူ့ရက်နဲ့သူ သတ်မှတ်ပေးထားပြီး အလားတူ အသိအမှတ်ပြုကဒ်ပြား ထုတ်ပေးနေတယ်လို့ သိရပါတယ်။
မလေးရှားနိုင်ငံမှာရောက်နေပြီး ဒုက္ခသည်အဖြစ် လျှောက်ထားကြတဲ့ မွန်လူမျိုးတွေထဲက အများစုကို အသိအမှတ် ပြုပေးလိုက်တာဖြစ်ကြောင်း UNHCR ရုံးမှာ မွန်ဘာသာစကားပြန်လုပ်ပေးနေတဲ့ နိုင်ဥက္ကာက အာအက်ဖ်အေကို ခုလိုပြောပါတယ်။
နိုင်ဥက္ကာ။ ။'ပြီးခဲ့တဲ့ အချိန်ကဆိုရင် ဒီလို လူတွေအများကြီးပေးတဲ့ ပုံစံမျိုးနဲ့ ပေးတာမရှိဘူးလေ။ ကျနော်တို့ မွန်လူမျိုးထဲမှာ ၁၈ဝဝ ကျော်ကျော်လောက် UNHCR မှာ မှတ်ပုံတင်ခွင့်ရှိတယ်။ မှတ်ပုံတင်ထားတဲ့သူတွေကို အသိအမှတ်ပြုကဒ်ပြား ထုတ်ပေးတာ ၁၅ဝဝ ကျော်ကျော်လောက် အောင်သွားတဲ့ အနေအထား ရှိတာပေါ့'
နိုင်ဥက္ကာရဲ့အပြောအရ မလေးရှားနိုင်ငံက UNHCR မှာ ဒုက္ခသည်အဖြစ် အသိအမှတ်ပြု ပေးခံရတဲ့ သူတွေဟာ မလေးရှားနိုင်ငံမှာ တရားဝင်နေထိုင်ခွင့် ရသွားပြီးတာနဲ့ အစိုးရဆေးရုံတွေမှာလည်း ဆေးကုသစရိတ် ထက်ဝက်သာ ပေးဆောင်ရမယ်လို့ ဆိုပါတယ်။ ဒါ့ပြင် နေထိုင် အလုပ်လုပ်ကိုင်ဖို့လည်း ခွင့်ပြုမှာဖြစ်ပါတယ်။
မလေးရှားနိုင်ငံမှာ ဒုက္ခသည်အဖြစ် အသိအမှတ်ပြုခံခဲ့ရတဲ့ မွန်တိုင်းရင်းသူ မိစိုက်ချမ်းက ဒုက္ခသည်အဖြစ် အသိအမှတ်ပြုခံရဖို့ ဘယ်လောက် စောင့်ဆိုင်းခဲ့ရတယ်ဆိုတာကို အာအက်ဖ်အေကို အခုလို ပြောပြပါတယ်။
မိစိုက်ချမ်း။ ။'ကျမတို့ စာရင်းတင်ထားတာက ၂ဝဝ၇ ခုနှစ်ကပဲ။ အခုမှ ပေးဖြေတာပေါ့နော်။ ၂၇ ရက်နေ့ ၁ဝ လပိုင်းမှာ ဖြေတယ်။ ၂၅ ရက် ၁၁ လပိုင်းမှာ အဖြေပေးတယ်'
ထိုင်းနိုင်ငံမှာ ဒုက္ခသည်အဖြစ် အသိအမှတ်ပြု ခံရတဲ့သူတွေဟာ သတ်မှတ်ထားတဲ့ စခန်းတွေမှာပဲ နေထိုင်ခွင့်ရှိပြီး စခန်းအပြင်မှာ အလုပ်လုပ်ကိုင်ခွင့် မရကြပါဘူး။ ဒါကြောင့် ထိုင်းနိုင်ငံမှာရှိတဲ့ မြန်မာဒုက္ခသည် စခန်း ၉ ခုကနေ ဒုက္ခသည်ပေါင်း တသိန်း လေးသောင်းကျော်ကို စခန်းပြင်ပမှာ သွားရောက် အလုပ်လုပ်ကိုင်ခွင့်ပြုဖို့ ဥရောပသမဂ္ဂ အနေနဲ့ ထိုင်းအစိုးရကို တိုက်တွန်းသွားမယ်လို့ မကြာခင်က ထုတ်ဖော်ပြောကြားခဲ့ပါတယ်။
အပစ်ရပ်အဖွဲ့တွေနဲ့ အပစ်အခတ်တွေရပ်စဲပြီး ငြိမ်းချမ်းရေးရယူခဲ့တဲ့အတွက် မြန်မာပြည် နေရာအတော်များများမှာ ငြိမ်ဝပ်ပိပြားမှု ရှိနေပြီလို့ စစ်အစိုးရက မကြာမကြာ ပြောဆိုနေပေမယ့် တိုင်းရင်းသားတွေ နေထိုင်တဲ့ ဒေသတချို့မှာ လူ့အခွင့်အရေး ချိုးဖောက်မှုတွေနဲ့ အနက်ရောင်နယ်မြေအဖြစ် သတ်မှတ်ခံထားရတဲ့ နေရာတွေ ရှိနေသေးတာမို့ မြန်မာနိုင်ငံက ဒုက္ခသည်တွေဟာ အိမ်နီးချင်းနိုင်ငံတွေကို ဆက်လက် ထွက်ပြေးခိုလှုံ နေကြဆဲဖြစ်ပါတယ်။
မှတ်ချက် ။ ။ http://www.rfa.org မှ ကူးယူ မျှဝေပါသည်။
