၂ဝ၁ဝ မှာ ရွေးကောက်ပွဲ ကျင်းပမယ့်အကြောင်း ဗိုလ်ချုပ်မှူးကြီးသန်းရွှေ ထပ်ပြော
2009-11-28 ( RFA )
၂ဝ၁ဝ ခုနှစ်မှာ ရွေးကောက်ပွဲတွေ ကျင်းပပေးမှာဖြစ်တယ်လို့ ဗိုလ်ချုပ်မှူးကြီးသန်းရွှေက ကြံ့ခိုင်ဖွံ့ဖြိုးရေးညီလာခံ နောက်ဆုံးနေ့ မိန့်ခွန်းမှာ ပြောသွားပေမယ့် ၂ဝ၁ဝ ခုနှစ် ဘယ်လမှာ ကျင်းပမယ်ဆိုတာကိုတော့ ရှင်းရှင်းလင်းလင်း ပြောဆိုမသွားပါဘူး။ ၆ ရက်ကြာ ကျင်းပခဲ့တဲ့ နေပြည်တော် ကြံ့ခိုင်ဖွံ့ဖြိုးရေး ညီလာခံ အပိတ်မိန့်ခွန်းမှာ ဗိုလ်ချုပ်မှူးကြီးသန်းရွှေက ခုလို ပြောဆိုခဲ့တာပါ။
နအဖ ဥက္ကဋ္ဌ ဗိုလ်ချုပ်မှူးကြီး သန်းရွှေနှင့် ဒီမိုကရေစီ ခေါင်းဆောင် ဒေါ်အောင်ဆန်းစုကြည်။ မြန်မာ စစ်အစိုးရအနေဖြင့် ဒီမိုကရေစီအင်အားစုများနှင့် စစ်မှန်သော တွေ့ဆုံဆွေးနွေးမှု ပြုလုပ်ဖို့ နိုင်ငံတကာမှ ထပ်ခါတလဲလဲ တောင်းဆိုနေပါသည်။ (Photo: AFP)၂ဝ၁ဝ ခုနှစ်မှာ ရွေးကောက်ပွဲတွေ ကျင်းပပေးမှာ ဖြစ်တယ်လို့ ဗိုလ်ချုပ်မှူးကြီးသန်းရွှေက ၂ဝဝ၉ ခုနှစ် သူ့မိန့်ခွန်းတွေမှာ မကြာခဏ ခုလို ပြောခဲ့ပေမယ့် ဘယ်လမှာ ရွေးကောက်ပွဲ ကျင်းပမယ်ဆိုတာကိုတော့ ထည့်သွင်းမပြောဘဲ ချန်ထားတာ တွေ့ရပါတယ်။ စစ်တပ်ကိုင်နိုင်တဲ့ အစိုးရမျိုး ဖွဲ့နိုင်အောင် စစ်အစိုးရဘက်က စီမံနေတာ ဖြစ်နိုင်တယ်လို့ ရန်ကုန်မြို့က ဝါရင့် နိုင်ငံရေးသမားကြီး သခင်ချန်ထွန်းက အာအက်အေကို ပြောပါတယ် ။
သခင်ချန်ထွန်း။ ။' နိုင်ငံတကာ ကြားကောင်းအောင်လည်း သဘောပါတာပေါ့။ ဒါက ပြောတဲ့အတိုင်း သူက လုပ်ပေးရမယ်။ သို့သော်လည်း အဲဒီလုပ်တဲ့အခါမှာ ဘယ်လိုလူတွေဟာ စစ်ဗိုလ်ထဲကဆိုလည်း ဘယ်သူတွေက အမတ် ဝင်ရွေး၊ အဲဒါမျိုးတွေ လုပ်ရအုံးမှာကိုး။ ဘာလို့ဆို ချက်ခြင်း ရွေးကောက်ပွဲ လုပ်ပေးပြီးတော့ သူတို့က တပ်ပြန်ပြီးတော့နေ၊ ရွေးကောက်ပွဲနိုင်တဲ့လူက အစိုးရဖွဲ့ ဆိုတဲ့သဘောမျိုးနဲ့ လုပ်မှာမှ မဟုတ်ပဲ။ အခြေခံဥပဒေအရ တပ်က အကုန်လုံး ကြိုးကိုင်နေအုံးမှာကိုး။ အဲဒီတော့ ဒါဟာ တပ်က ပိုပြီးတော့ ပိုင်တဲ့ အစိုးရဖွဲ့နိုင်အောင် အစီအမံတော့ ရှိနိုင်တာပေါ့။ ရှိမယ်လို့လည်း ယုံကြည်တယ်လေ'
၁၉၈၈ ခုနှစ်မှာ ဒီမိုကရေစီနဲ့ လူ့အခွင့်အရေးကို ကြွေးကြော်ပီး အာဏာကို ဖြတ်လမ်းက ရယူလိုတဲ့ လူပုဂ္ဂိုလ် ပါတီအဖွဲ့အစည်းတချို့ကြောင့် မင်းမဲ့စရိုက်တွေ ဖြစ်ခဲ့ရတယ်လို့ ကြံ့ခိုင်ဖွံ့ဖြိုးရေးညီလာခံမှာ ဗိုလ်ချုပ်မှူးကြီးသန်းရွှေ ပြောတာဟာ အန်အယ်ဒီပါတီကို ရည်ညွှန်းပြောသွားတာလို့ ရန်ကုန်မြို့ခံတွေက ယူဆပါတယ်။ ဗိုလ်ချုပ်မှူးကြီးသန်းရွှေရဲ့အန်အယ်ဒီအပေါ် တင်းမာတဲ့မိန့်ခွန်းဟာ ဒေါ်အောင်ဆန်းစုကြည်က ဗိုလ်ချုပ်မှူးကြီးနဲ့ တွေခွင့်တောင်းထားတဲ့ ကိစ္စအပေါ် သဘောထား တင်းမာတဲ့ တုန့်ပြန်မှုလားဆိုပြီး ရန်ကုန် နိုင်ငံရေးအသိုင်းအဝိုင်းက စိုးရိမ်နေပါတယ်။
ကြံ့ခိုင်ဖွံ့ဖြိုးရေးညီလာခံမှာ ပြောခဲ့တဲ့ ဗိုလ်ချုပ်မှူးကြီးသန်းရွှေရဲ့ မိန့်ခွန်းကို ချုပ်ကြည့်ရင် စစ်အစိုးရရဲ့ တည်ဆောက်ပြုပြင်ရေး လုပ်ငန်းကိန်းဂဏန်းတွေ၊ Road Map (၇) ချက် အောင်မြင်အောင် လုပ်ကိုင်ရေး စတဲ့ အချက်တွေသာ ခါတိုင်းလို ဇောင်းပေးပြောဆိုခဲ့ပြီး တိုင်းပြည်စီးပွားရေး ကျဆင်းနေမှု အခြေအနေမှန်ကို ထောက်ပြသွားတာ မတွေရဘူးလို့ ရန်ကုန်သတင်းစာဆရာတချို့က ပြောပါတယ်။
၂ဝ၁ဝ ရွေးကောက်ပွဲ ကျင်းပမယ့်လကို စစ်အစိုးရက မကြေညာသေးပေမယ့် တိုင်းရင်းသား စည်းလုံးညီညွတ်ရေးပါတီလို စစ်အစိုးရနဲ့ အလွမ်းသင့်တဲ့ ပါတီတွေကတော့ တိုင်းနဲ့ ပြည်နယ် အတော်များများမှာ ပါတီလှုပ်ရှားမှု စာစဉ်တွေ ဝေငှနေပါတယ်။
အထူးသဖြင့် ရခိုင်ပြည်နယ်မှာဆိုရင် တစည ပါတီက ရိုဟင်ဂျာတွေရဲ့ထောက်ခံမှုရအောင် စည်းရုံးနေပြီး ရိုဟင်ဂျာတွေ တစည ပါတီကို အလှူငွေထဲ့တဲ့ သတင်းစဉ်တွေပါ ဖြန့်ဝေနေတယ်လို့ စစ်တွေမြို့ခံတဦးက ပြောပါတယ်။
မှတ်ချက် ။ ။ http://www.rfa.org မှ ကူးယူ မျှဝေပါသည်။
