လူထုဒေါ်အမာ ၉၄ နှစ်ပြည့် မွေးနေ့
2009-11-29 ( RFA )
စာရေးဆရာမကြီး လူထုဒေါ်အမာဟာ ၂ဝဝ၈ ခုနှစ် ဧပြီလ ၇ ရက်နေ့မှာ ကွယ်လွန်သွားခဲ့ပြီ ဖြစ်ပေမယ့် သူ့ကို ကြည်ညိုချစ်ခင် လေးစားတဲ့ စာပေနယ်က သားတပည့်တွေက မွေးနေ့အမှတ်တရ အခမ်းအနားတွေ မြန်မာနိုင်ငံတွင်းမှာရော ပြည်ပမှာပါ ကျင်းပခဲ့ကြပါတယ်။
လူထုဒေါ်အမာကို အသက် ၉ဝပြည့် မွေးနေ့တွင် အမှတ်တရ ရိုက်ကူးထားသော ဓာတ်ပုံ ဖြစ်ပါသည်။ (Photo: RFA)လူထုဒေါ်အမာရဲ့ ၉၄ နှစ်ပြည့်မွေးနေ့ အထိမ်းအမှတ်အဖြစ် စစ်ကိုင်း ဟံသာဂီရိချောင်က ဘုန်းတော်ကြီးကျောင်းမှာ သံဃာတော် အပါး ၁ဝဝ ကျော်ကို ဆွမ်းကပ်လှူဒါန်းခဲ့ကြပါတယ်။
လူထုဒေါ်အမာရဲ့မွေးနေ့ပွဲကို နောင်နှစ်တွေမှာလည်း လုပ်သွားမယ်လို့ မန္တလေးက စာရေးဆရာ ကျော်ရင်မြင့်က အာအက်ဖ်အေကိုပြောပြပါတယ်။
ကျော်ရင်မြင့်။ ။'ဦးပညာကျောင်းမှာ မကျင်းပပဲနဲ့ မနှစ်က ဝိစိတာရုံမှာကျင်းပတယ်။ ဒီနှစ်က ဟံသာဂီရိမှာ ကျင်းပတယ်။ လိုက်ပြီးတော့ အပြောင်းအလဲဖြစ်အောင် သူတို့မိသားစုက ဆွမ်းကပ်တဲ့သဘောပါပဲ။ အမေမရှိတော့ပေမယ့် အမေ့ကို အမှတ်ရတဲ့အနေနဲ့၊ အမေ့ကို လေးစားတဲ့အနေနဲ့၊ အမေ့ကျေးဇူးကို အောက်မေ့တဲ့အနေနဲ့ ဆက်ပြီးတော့ လုပ်နေတယ်။ ကုသိုလ်ကောင်းမှုတွေ လုပ်ကြတယ်။ အမေ့ကို ရည်စူးပြီးတော့ အမျှအတမ်း ပေးဝေကြတယ်။ စာပေလောကက ပုဂ္ဂိုလ်တွေရော အမေ့ကိုချစ်တဲ့ လူတွေရော အများကြီး လာကြတယ်။ သံဃာတော်တွေကို ဆွမ်းလောင်းကြတယ်။ နှစ်စဉ်နှစ်တိုင်းလည်း လူထုမိသားစုက လုပ်နေဦးမယ် ထင်ပါတယ်။ ကျနော်တို့ကလည်း အမေ့ကို လေးစားသောအားဖြင့် အမေ့ကို အောင်မေ့ပြီး သွားနေဦးမှာပါပဲ။ အမေ့မွေးနေ့ လုပ်နေကြဦးမှာပါဗျ'
လူထုဒေါ်အမာရဲ့သားဖြစ်သူ စာရေးဆရာ ညီပုလေးကလည်း အမေနဲ့အတူ တခြားမရှိတော့တဲ့ ဆရာကြီးတွေကိုလည်း အမှတ်ရနေပါတယ်လို့ ပြောပါတယ်။
ညီပုလေး။ ။'အသက် ၇ဝ ကတည်းက လုပ်လာတာ။ ခါတိုင်းလည်း သတိရပါတယ်။ ဒီလိုနေ့မျိုး ပိုသတိရတာပေါ့။ မိတ်ဆွေတွေမြင်တော့ အမေ့ကိုလည်း သတိရတယ်၊ ဆရာကြီး ဒေါက်တာသန်းထွန်းကိုလည်း သတိရတယ်။ မြန်မာ့အလင်း ဦးသန်းညွန့်လို ပုဂ္ဂိုလ်ကိုလည်း သတိရတယ်ဗျာ။ စကားဝိုင်းလည်း မလုပ်ဖြစ်ပါဘူး။ ရိုးရိုး နေ့လည်စာနဲ့ ဧည့်ခံရုံပါ။ မိတ်ဆွေအချင်းချင်း တွေ့ကြ ဆုံကြ ပြောကြရုံပါ'
လူထုဒေါ်အမာ ရှိစဉ်က မွေးနေ့ပွဲလုပ်နေကျ အမရပူရက တောင်လေးလုံးကျောင်းတိုက် ဆရာတော်ဦးပညာကျောင်းမှာ မလုပ်ဖြစ်ပေမယ့် စစ်ကိုင်းချောင်မှာ ဒီကနေ့ ပြုလုပ်တဲ့ မွေးနေ့ပွဲကို ဧည့်ပရိသတ် ၁ဝဝ ကျော် တက်ရောက်ခဲ့ပြီး သံဃာတော် ၁၂၅ ပါးကို ဆွမ်းကပ်လှူဒါန်းခဲ့ပါတယ်။ လူထုဒေါ်အမာအတွက် သတင်းစာဆရာကြီး ဦးဝင်းတင် အကျဉ်းထောင်တွင်းကနေ ဂုဏ်ပြုအမှတ်တရ ရေးပေးလိုက်တဲ့ ‘ခြေတလှမ်း ကျမ်းတစောင်၊ နှစ်တထောင် ခရီးပြင်း၊ ရွှေဒေါင်းတောင် စိန်ကလောင်နဲ့၊ တောင်ကိုဖြိုမယ့် မြစ်တစင်း’ ဆိုတဲ့ ကဗျာနဲ့အတူ လူထုဒေါ်အမာ အမှတ်တရ ပန်းတမော့လက်ရာ ကျောက်စာတိုင်ကို ပြင်ဦးလွင်က လူထုဒေါ်အမာ အပန်းဖြေခဲ့တဲ့ စိန်းလန်းအေးခြံထဲမှာ စိုက်ထူထားလိုက်တယ်လို့ သိရပါတယ်။
အလားတူ လူထုဒေါ်အမာရဲ့ ၉၄ နှစ်ပြည့် မွေးနေ့ အမှတ်တရ အခမ်းအနားတခုကို ထိုင်း-မြန်မာ နယ်စပ်မှာ ရောက်ရှိနေတဲ့ စာရေးဆရာ ကဗျာဆရာတွေ စုပေါင်းပြီး ဒီကနေ့ မနက်ပိုင်းမှာ ပြုလုပ်ခဲ့ပါတယ်။
လူထုဒေါ်အမာရဲ့ ၉၄ နှစ်ပြည့် မွေးနေ့ပွဲ အခမ်းအနားမှာ ဆရာမောင်စွမ်းရည်ရဲ့‘မှိုင်းမှသည် မိုးထိအောင်’ အမည်နဲ့ ကြည်ညိုဂုဏ်ပြုကဗျာစု စာအုပ်မိတ်ဆက်ပွဲကိုပါ တပါတည်းပြုလုပ်ခဲ့ပါတယ်။ လူထုအကျိုးပြုစာပေတွေ ရေးသားခဲ့တဲ့ အမေလူထုဒေါ်အမာမွေးနေ့ ကျင်းပရတာဟာ စာပေလှုပ်ရှားမှု အသွင်သဏ္ဌာန်နဲ့ ကျင်းပတာပါလို့ ပွဲဖြစ်မြောက်ရေး စီစဉ်ဆောင်ရွက်ခဲ့တဲ့ ကဗျာဆရာမောင်လွမ်းဏီက ပြောပါတယ်။
မောင်လွမ်းဏီ။ ။'ဆုံးပါးကွယ်လွန်သွားပေမယ့် အမေမာဟာ ကျနော်တို့နဲ့ အမြဲတမ်း ရှိနေပြီးတော့ ထာဝရ ရှင်သန်နေတယ်လို့ ကျနော်တို့က ခံစားရတယ်ပေါ့။ နောက် အဲဒီ အမေ့ရဲ့မွေးနေ့မှာပဲ ကျနော်တို့ အမေ့ကို အောက်မေ့ ဂါရဝပြုရင်း အမေ့သားတယောက်ဖြစ်တဲ့ ဆရာစွမ်းရဲ့‘မှိုင်းမှသည် မိုးထိအောင်’ စာအုပ်ကလေး ထုတ်ဝေရတဲ့အတွက်လည်း ကျနော်တို့ ဂုဏ်ယူဝမ်းမြောက်ရတယ်ပေါ့။ နောက်တချက်ကလည်း ကျနော်တို့ပြောချင်တာက ဒါတွေဟာ ကျနော်တို့က ဒီလို စာဆိုတော်ရာသီမှာ စာပေလှုပ်ရှားမှု ဆိုတဲ့ အသွင်လက္ခဏာမျိုး ခံယူပြီးတော့ ကျင်းပတာဖြစ်ပါတယ်'
အမေလူထုဒေါ်အမာ မွေးနေ့ အမှတ်တရ ဂုဏ်ပြုတဲ့ အခမ်းအနားမှာ ဆရာမောင်စွမ်းရည်ရဲ့ကဗျာစာအုပ် ထုတ်ဝေနိုင်ခဲ့တာနဲ့ပတ်သက်လို့ ကဗျာဆရာ နှင်းခါးမိုးက အခုလိုပြောပါတယ်။
နှင်းခါးမိုး။ ။'အမေ လူထုဒေါ်အမာကလည်း ကျနော်တို့ ဗမာစာပေအပေါ်မှာရော ဒီဗမာပြည် အပေါ်မှာပါ ကျေးဇူးရှိခဲ့တဲ့ ပုဂ္ဂိုလ်တဦး ဖြစ်တဲ့အတွက် အမေ့ရဲ့မွေးနေ့မှာ အမေ့မွေးနေ့ကို ဂုဏ်ပြုတဲ့ အနေနဲ့၊ အမှတ်တရအနေနဲ့ ဒီ ဆရာမောင်စွမ်းရည်ကလည်း ဒီကျေးဇူးတင်ထိုက်သူတွေ ဂါရဝပြုထိုက်သူတွေ အပေါ်မှာ သူရည်စူးပြီး ရေးခဲ့တဲ့ ကဗျာစာအုပ်လေး ဖြစ်တဲ့အတွက် ဒါလေးကို ဒီနေ့မှာပဲ တိုက်တိုက်ဆိုင်ဆိုင် ထူးထူးခြားခြား လုပ်ခွင့်ရခဲ့ပါတယ်'
ထိုင်း-မြန်မာနယ်စပ်မှာ ကျင်းပတဲ့ လူထုဒေါ်အမာ ၉၄ နှစ်ပြည့် မွေးနေ့အခမ်းအနားမှာ သူ့အတွက် အမှတ်တရ စပ်ဆိုထားတဲ့ ကဗျာတွေကို ရွက်ဆို ဂုဏ်ပြုခဲ့ကြပြီး လူထုဒေါ်အမာကို ချစ်ခင်လေးစားတဲ့ ပရိဿတ် ၅ဝ ကျော် တက်ရောက်ခဲ့ကြပါတယ်။
မှတ်ချက် ။ ။ http://www.rfa.org မှ ကူးယူ မျှဝေပါသည်။
