“ယခုနှစ်တွင် ရွေးကောက်ပွဲများကို စနစ်တကျ ကျင်းပရေး အတွက် စီမံ ဆောင်ရွက်လျက်ရှိရာ တိုင်းရင်းသား ပြည်သူ တစ်ရပ်လုံးက မှန်ကန်စွာ ဆုံးဖြတ် ဆောင်ရွက်ကြရမည်” ဟု ၆၂ နှစ်မြောက် လွတ်လပ်ရေးနေ့ သဝဏ်လွှာတွင် ရေးသားထားသည်။
စစ်အစိုးရသည် လွန်ခဲ့သည့် အနှစ် ၂ဝကလည်း အထွေထွေရွေးကောက်ပွဲ တခုကို ကမကထပြု ကျင်းပပေးခဲ့သည်။ သို့သော်လည်း ရွေးကောက်ခံရသူများကို အာဏာလွဲအပ်ကာ လွှတ်တော် ခေါ်ယူပေးခြင်း မရှိပေ။ ရွေးချယ်ခံရသည့် ကိုယ်စားလှယ် အများအပြား အကျဉ်းချခြင်း၊ ကိုယ်စားလှယ်အဖြစ်မှ ပယ်ဖျက်ခြင်း၊ ပါတီမှ နှုတ်ထွက်ရန် ဖိအားပေးခြင်း တို့နှင့် ရင်ဆိုင်ခဲ့ရသည်။
NLD သည် စစ်အစိုးရ ကျင်းပမည့် ၂၀၁၀ ရွေးကောက်ပွဲတွင် ပါဝင်ယှဉ်ပြိုင်ရေးနှင့် ပတ်သက်ပြီး ဖိအားများနှင့် ရင်ဆိုင်နေရသည်။ ၀င်ရောက် ယှဉ်ပြိုင်ခြင်းမပြုပါက ပါတီ ဖျက်သိမ်းခံရဖွယ် ရှိသည်ဟု အများက ခန့်မှန်းကြသည်။
၁၉၉၀ ပြည့်နှစ်ရွေးကောက်ပွဲ ဥပဒေတွင် ပါတီ တခုသည် မဲဆန္ဒနယ်မြေ အနည်းဆုံး ၃နေရာတွင် ၀င်ရောက် ယှဉ်ပြိုင်ခြင်း မပြုပါက ဖျက်သိမ်းခံရမည်ဟု ပြဌာန်းထားသည်။
ယခုနှစ်တွင် ပြုလုပ်မည်ဟု ဆိုသည့် ရွေးကောက်ပွဲအတွက် ပါဝင်ယှဉ်ပြိုင်လိုသည့် နိုင်ငံရေးပါတီများ မှတ်ပုံတင် ဖွဲ့စည်းခွင့်၊ စည်းရုံး ဟောပြောခွင့် တို့နှင့် ပတ်သက်ပြီး ယနေ့ ထွက်ပေါ်လာသည့် ဗိုလ်ချုပ်မှူးကြီးသန်းရွှေ၏ လွတ်လပ်ရေးနေ့ သဝဏ်လွှာတွင် ဖော်ပြထားခြင်း မရှိပေ။
ဗြိတိသျှ ကိုလိုနီ လက်အောက်မှ လွတ်မြောက်သည့် ၁၉၄၈ ခုနှစ် ဇန်နဝါရီလ ၄ ရက်နေ့မှ စတင်၍ လွတ်လပ်ရေးနေ့ အထိမ်းအမှတ် အခမ်းအနားများကို မြန်မာနိုင်ငံတွင် နှစ်စဉ် ကျင်းပလေ့ရှိသည်။
ယနေ့တွင်လည်း လွတ်လပ်ရေးနေ့ အထိမ်းအမှတ် အခမ်းအနား တချို့ကို ပြည်တွင်း၊ ပြည်ပရှိ ဒီမိုကရေစီအရေး လှုပ်ရှားသူများက ပြုလုပ်ကြသည်။
ရန်ကုန်မြို့ အမျိုးသား ဒီမိုကရေစီ အဖွဲ့ချုပ် (NLD) ရုံးချုပ်တွင် ကျင်းပသည့် အခမ်းအနားတွင် ကြေညာချက်တစောင် ထုတ်ပြန်ခဲ့ရာ ဒေါ်အောင်ဆန်းစုကြည် နှင့် တိုင်းရင်းသား ခေါင်းဆောင်များ အပါဝင် နိုင်ငံရေး အကျဉ်းသားများ လွတ်မြောက်ရေးအတွက် အာဏာပိုင်တို့ကို တောင်းဆိုကြောင်း ဖော်ပြထားသည်ဟု NLD ပြောရေးဆိုခွင့်ရှိသူ ဦးအုံးကြိုင်က ဧရာဝတီသို့ ပြောသည်။
NLD ရုံးများ ပြန်လည် ဖွင့်ခွင့် ရရေး၊ ဖျက်သိမ်းခံထားရသည့် တိုင်းရင်းသား နိုင်ငံရေး ပါတီများ ပြန်လည် မှတ်ပုံတင် ခွင့်ရရေး တို့ကို တောင်းဆိုကြောင်းလည်း ကြေညာချက်တွင် ပါရှိသည်ဟု သူက ပြောပြသည်။
ဝါရင့်နိုင်ငံရေးသမားကြီးများကလည်း ရန်ကုန်တွင် လွတ်လပ်ရေးအခမ်းအနားတခု ပြုလုပ်ခဲ့သည်။
မြန်မာနိုင်ငံတွင် အထွေထွေအကျပ်အတည်း များကို ဖြေရှင်းနိုင်ရန် တမျိုးသားလုံးက ၀ိုင်းဝန်း ပူးပေါင်း အဖြေရှာမှသာ ပြေလည် နိုင်မည်ဖြစ်ကြောင်း သခင်သိန်းဖေက အခမ်းအနားတွင် ပြောကြားလိုက်သည်။
“တခုတည်းသော နည်းလမ်းဖြစ်တဲ့ အမျိုးသား သွေးစည်းညီညွတ်ရေး၊အမျိုးသား ပြန်လည် ရင်ကြားစေ့ရေး ကို မဖြစ်မနေ တည်ဆောက်ဖို့ပဲ ဖြစ်တယ်”ဟု လွတ်လပ်ရေး ကြိုးပမ်းမှုတွင် ပါဝင်ခဲ့သူ သခင်သိန်းဖေက ဆိုသည်။
source by : http://www.irrawaddy.org
