မြစ်ကြီးနားထောင်ရောက် ကိုဇာဂနာအခြေအနေ
2009-10-27 ( RFA )
ကချင်ပြည်နယ် မြစ်ကြီးနားအကျဉ်းထောင်မှာ နှစ်ရှည်ထောင်ကျခံနေရတဲ့ စွယ်စုံရ အနုပညာရှင် ကိုဇာဂနာ ခေါ် ကိုသူရ က မကြာခင်က ဗြိတိသျှ စာပေ အနုပညာရှင်အဖွဲ့က ပေးတဲ့ PEN PRINTER ဆုကို သူ့အတွက် မျှဝေပေးခဲ့တဲ့ ဆုရရှိသူ နံမည်ကျော် ကဗျာဆရာ တိုနီဟယ်ရီဆင်ကို ကျေးဇူးတင်တဲ့အကြောင်း ပြောလိုက်ပါလို့ မှာလိုက်ကြောင်း မကြာခင်ကမှ ထောင်ဝင်စာတွေ့ပြီး ပြန်လာတဲ့ ကိုဇာဂနာ မိသားစုဝင် မငြိမ်းက RFA ကို ပြောပါတယ်။
ဟာသ သရုပ်ဆောင် ဇာဂနာ (အလယ်မှ ကတုံးဖြင့်) သံဃာများကို ဆွမ်းကပ်လှူနေသော မှတ်တမ်းပုံ တခု ဖြစ်ပါသည်။ (Photo: Courtesy of myanmarisp.com)မငြိမ်း။ ။ 'ကျမပြောမှပဲ သိတယ်။ ပြောပြတော့ ကိုသူရလို့ ကဗျာလေးတပုဒ်တော့ ရွတ်တယ်လို့ သူတို့က ကျမက အဓိပ္ပာယ်လေး ရွတ်ပြတာပေါ့နော။ ဗုဒ္ဓရဲ့တရားတော်တွေကို နာယူရင်းနဲ့ ကိုသူရက လွတ်မဲ့ရက်ကို စောင့် ၊ အော်အဲဒါကတဲ့ နိုင်တီးတုန်းက ကဗျာဖြစ်မယ်တဲ့ အဲလိုပြောတယ်။ ပြောလိုက်ပါ မငြိမ်းရယ် သူတို့ကိုလည်း ကျေးဇူးတင်တဲ့အကြောင်း ကြုံရင်တဲ့ အခုတော့ ဗုဒ္ဓရဲ့တရားတွေလည်း မနာယူနိုင်တော့ဘူးတဲ့။ အခုတော့ ဘုန်းကြီးတွေတောင် ထောင်ထဲ ရောက်နေတော့တဲ့။'
ကိုဇာဂနာကို မိသားစုက ထောင်ဝင်စာ သွားမတွေ့နိုင်တာ ၄ လလောက် ရှိပြီလို့လည်း သိရပါတယ်၊ ဒီတကြိမ် ထောင်ဝင်စာ တွေ့ရာမှာ မကြုံဖူးလောက်အောင် စစ်ဆေး မေးမြန်းတာတွေ ခံခဲ့ရတယ်လို့လည်း မငြိမ်းက ပြောပြပါတယ်။
မငြိမ်း။ ။ 'မရှိဘူး အရင်တုန်းက ကိုသူရတို့နဲ့ တွေ့ပြီဆိုရင် ကျမတို့ ပစ္စည်းစာရင်းပေးပေါ့နော။ အဲဒီမှာက တခါတည်းစစ်တယ်၊ အခုဟာက မဟုတ်ဘူး ကျမတို့ ထောင်ဗူးဝ ဝင်ဝင်ချင်းမှာလည်း တချက်စစ်၊ နာမည်စာရင်းပေးတော့လည်း ကျမတို့က သန်းခေါင်စာရင်း၊ မှတ်ပုံတင်မိတ္တူတွေ ပေးရတယ်၊ ပေးပြီးတော့မှ အက်စ်ဘီလာတော့မှ တွေ့လို့ရတာ၊ အက်စ်ဘီက ဝန်ထမ်း ၂ယောက်၊ ထောင်အပွင့်နဲ့က ၃ ယောက်လောက် ရှိတာ။ နောက်မှာ ဘေးမှာ စာရွက်နဲ့ မှတ်တာက တယောက်၊ အဲဒါက ပြည်ထဲရေးကို ပြောရတာ ကျမနဲ့ ကိုသူရပြောသမျှ အဲဒါမှ တွေ့ရတာ၊ အရင်တုန်းကတော့ အခုဟာက ကျမတို့ကလည်း ထုပ်ပိုးသွား ကြတာဆိုတော့ အလုပ်ရှုပ်တာပေါ့ဗျာ။ ခရီးဝေးကလည်း လာကြတာဆိုတော့ အဲဒီဟာလေးတော့ ဒီတပတ်က စိတ်အနှောင့်အယှက် ဖြစ်တယ်ပေါ့။'
မြစ်ကြီးနားထောင်အတွင်းမှာ ရေမသန့်ရှင်းတဲ့အတွက် ကိုဇာဂနာအပါဝင် ရေကြောင့် ယားနာ ပေါက်သူတွေ အများအပြား ရှိနေတယ်လို့လည်း ခုလိုဆက်ပြောပြပါတယ်။
ကိုဇာဂနာဟာ ၂ဝဝ၈ ခုနှစ်မေလက မြန်မာနိုင်ငံအောက်ပိုင်း ရန်ကုန်တိုင်းနဲ့ ဧရာဝတီတိုင်းမှာ တိုက်ခတ်သွားတဲ့ နာဂစ် ဆိုင်ကလုံးမုန်တိုင်းကြောင့် ဒုက္ခရောက်နေတဲ့သူတွေကို ကူညီကယ်ဆယ်ရေးတွေ လုပ်ကိုင်နေရင်း အဖမ်းခံရကာ ထောင် ဒဏ် ၅၉ နှစ် ချမှတ်ခံရသူ ဖြစ်ပါတယ်၊ အဲဒီနောက် အယူခံကြောင့် ၂၄ နှစ် လျှော့ပေးတဲ့အတွက် အခု ထောင်ဒဏ် ၃၅ နှစ် ကျခံနေရဆဲ ဖြစ်ပါတယ်။
မှတ်ချက် ။ ။ http://www.rfa.org မှ ကူးယူ မျှဝေပါသည်။
