နအဖ မောင်အေးနှင့် ရုရှားနိုင်ငံ ကြည်းတပ် ဒုဦးစီးချူပ်တို့ ၏
တွေ့ဆုံဆွေးနွေးချက် မှတ်တမ်း (၂၀၀၈ ခုနှစ်) - လျှို့ ဝှက်
Russia-Burma Military Leaders Meeting (Rangoon) 2008 မှတ်ချက် ။ ။ http://www.yeyintnge.com မှ ကူးယူ မျှဝေပါသည်။
အပြည့်အစုံ ဖတ်ရန် ...
ပြန်ခေါက်ထားခဲ့ပါဗျားးးးး...
အမေရိကန်နိုင်ငံခြားရေးဝန်ကြီးနှင့် တွေ့ဆုံမည့်သူများတွင်
ဒေါက်တာစင်သီယာမောင် ပါဝင်
NEJ / ၂၁ ဇူလိုင် ၂၀၀၉
အမေရိကန်နိုင်ငံခြားရေးဝန်ကြီး မစ္စဟီလာရီ ကလင်တန်သည် ထိုင်းနိုင်ငံရှိ လူမှုရေးလုပ်ငန်းများ ဆောင်ရွက်နေသည့် အမျိုးသမီးများနှင့် တွေ့ဆုံမည်ဖြစ်ရာ ယင်းသို့တွေ့ဆုံမည့်သူများတွင် မယ်တော်ဆေးခန်း တာဝန်ခံ ဒေါက်တာစင်သီယာမောင်လည်း ပါဝင်ကြောင်း သိရသည်။
ရက်ပိုင်းအတွင်း ထိုင်းနိုင်ငံတွင် ကျင်းပတော့မည့် အာဆီယံ ဒေသတွင်း အစည်းအဝေးသို့ တက်ရောက်မည့် အမေရိကန် နိုင်ငံခြားရေးဝန်ကြီးနှင့် မနက်ဖြန်တွင် တွေ့ဆုံရန်ရှိကြောင်း ဒေါက်တာစင်သီယာမောင်က ပြောသည်။
၎င်းက “မနက်ဖြန် သူနဲ့တွေ့မှာဖြစ်တယ်။ ကျမအနေနဲ့ အဓိကကတော့ မြန်မာနိုင်ငံရဲ့ဒီမိုကရေစီရေး၊ လူ့အခွင့်အရေး ပြန်လည်ထွန်းကားရေး၊ မြန်မာပြည် ပြန်လည်ထူထောင်ရေးတွေမှာ နိုင်ငံတကာမိသားစုရဲ့ ကူညီပံ့ပိုးမှုတွေ ပိုပြီးတော့ ပေးနိုင်ဖို့ ပြောဆိုသွားမှာ ဖြစ်တယ်” ဟု ပြောသည်။
၁၉၈၈ ခုနှစ်တွင် မြန်မာ့ဒီမိုကရေစီရေး လှုပ်ရှားမှုများအား အာဏာသိမ်းစစ်အုပ်စုမှ နှိမ်နင်းဖြိုခွဲကာ လိုက်လံဖမ်းဆည်းမှုများ ကြောင့် မြန်မာနိုင်ငံမှ ထိုင်းနယ်စပ်သို့ သောင်းနှင့်ချီ တိမ်းရှောင်လာကြသူများတွင် ဒေါက်တာစင်သီယာမောင်လည်း တဦးအပါအ၀င်ဖြစ်သည်။
ထို့နောက် ၁၉၈၉ ခုနှစ်တွင် ထိုင်း-မြန်မာနယ်စပ် မဲဆောက်မြို့၌် တဲငယ်လေးတခုကို ဆေးခန်းသဖွယ်အသုံးပြု၍ ဒေါက်တာ စင်သီယာမောင် ဦးစီးကာ ဒေသတွင်းရောက် မြန်မာနိုင်ငံသားများနှင့် နယ်စပ်ရှိ ဒုက္ခသည်များအတွက် ကျန်းမာရေးစောင့် ရှောက်မှု လုပ်ငန်းများကို စတင်လုပ်ဆောင်ခဲ့သည်။
ကျန်းမာရေးဝန်ထမ်းများနှင့် ဆေးဝါးပစ္စည်းကိရိယာများ ပြည့်စုံလုံလောက်မှုမရှိဘဲ ချို့တဲ့စွာ စတင်လှုပ်ရှားခဲ့သည့် မယ်တော်ဆေးခန်းမှာ သက်တမ်းနှစ် (၂၀) ရှိခဲ့ပြီး ယခုအခါ ဆရာဝန် ဆရာမများ၊ ကျန်းမာရေးလုပ်သားများနှင့်အတူ နှစ်စဉ်ဝေဒနာရှင်ပေါင်း (၅) သောင်းခန့်အား ကျန်းမာရေးစောင့်ရှောက်မှုလုပ်ငန်းများ အခမဲ့လုပ်ဆောင်ပေးလျက်ရှိသည်။
ဆေးခန်းတွင် မိခင်နှင့်ကလေးစောင့်ရှောက်ရေးဌာန၊ အတွင်းလူနာဌာန၊ ဓာတ်ခွဲခန်း၊ သွေးလှူဘဏ်၊ သားဖွားဌာန၊ မျက်စိဌာန၊ သွားကုသရေးဌာန၊ ခြေတုလက်တုဌာန၊ လူမှုဆက်ဆံရေးဌာန၊ လူနာမှတ်ပုံတင်ဌာနနှင့် အိပ်ခ်ျအိုင်ဗွီ ပညာပေးရေးဌာနများက နေ့စဉ် လူနာပေါင်း (၃၀၀) ခန့်ကို အခမဲ့ ဆေးဝါးကုသပေးလျက်ရှိသည်။
ထို့အပြင် ဒေသတွင်းရောက် မြန်မာရွှေ့ပြောင်းအလုပ်သမားများ၏ သားသမီးများ ပညာရေးအတွက် မယ်တော်ဆေးခန်း အနီးတွင် မိဘမဲ့ကလေးဂေဟာ၊ နေ့ကလေးထိန်းကျောင်း၊ မူလတန်းကျောင်၊ အလယ်တန်းကျောင်း၊ အထက်တန်းကျောင်းများ ဖွင့်လှစ်ကာ ပညာရေးဝန်ဆောင်မှုများ ဆောင်ရွက်ပေးလျက်ရှိသည်။
ဒေါက်တာ စင်သီယာမောင်သည် အာရှနိုဘယ်လ်ဆုဟု ခေါ်သည့် ရေမွန်မက်ဆေးဆေးဆု အပါအ၀င် နိုင်ငံတကာမှ ပေးအပ်ထားသည့် ဆုပေါင်း (၁၅) ဆု ရရှိထားသည်။
မှတ်ချက် ။ ။ http://www.khitpyaing.org မှ ကူးယူ မျှဝေပါသည်။
အပြည့်အစုံ ဖတ်ရန် ...
ပြန်ခေါက်ထားခဲ့ပါဗျားးးးး...
မမေ့ထက်နိုင်တဲ့ အာဇာနည်နေ့...။
(၆၂)နှစ်မြောက် အာဇာနည်နေ့ အခန်းအနားကို အော်ရီဂွန်ပြည်နယ် ပေါ့တ်လန်းမြို့မှာ ဇူလိုင် (၁၉)ရက်နေ့ တွင် ကျင်းပ ပြုလုပ်ခဲ့ပါတယ်။ ဒီအခန်းအနားကို အော်ရီဂွန်ပြည်နယ် မြန်မာ့ဒီမိုကရေစီရေး လှုပ်ရှားမှုကော်မတီနဲ့ အာဇာနည်နေ့ကို အလေးထား တန်ဘိုးထားကြတဲ့ တိုင်းရင်းသားညီအကိုများ စုပေါင်း ကျင်းပခဲ့ကြတာဖြစ်ပါတယ်။
ဒီကနေ့ အခန်းအနားမှာ အာဇာနည်နေ့ ဖြစ်ပေါ်လာပုံကို လူ့ဘောင်သစ်ဒီမိုကရက်တစ်ပါတီမှ ရဲဘော်ထွန်းထွန်း၊ဗိုလ်ချုပ်အောင်ဆန်းအကြောင်းကို အဖိုးဦးအုံးတင်၊ အာဇာနည်ဆိုတဲ့ အကြောင်းကို ရဲဘော်သန်းဝင်း(မကဒတရဲဘော်ဟောင်း)၊ မျိုးဆက်သစ်များရဲ့ အာဇာနည်နေ့နဲ့ ပတ်သက်တဲ့ အမြင်ကို ရဲဘော်ပါပေါင်း(ဇိုမီးအမျိုးသားကွန်ဂရက်)၊ အာဇာနည် ခေါင်းဆောင်ကြီးများ အတွက် ဂုဏ်ပြုကဗျာကို ရဲဘော်လှစိုး(မကဒတရဲဘော်ဟောင်း) တို့မှ အသီးသီး ပြောကြား၊ရွတ်ဖတ် သွားကြပါတယ်။
ဆက်လက်ပြီး ခရစ်ယန်ဘာသာနဲ့ အစ္စလမ်ဘာသာတို့မှအာဇာနည်ခေါင်းဆောင်ကြီးများအတွက် ရည်စူး ဆုတောင်းမေတ္တာပို့သကြပြီး သီရိမင်္ဂလာကျောင်းဆရာတော်မှ အာဇာနည် ခေါင်းဆောင်ကြီးများနဲ့ပတ်သက်တဲ့ ဩဝါဒစကားနဲ့ ရေစက်ချတရားတော် ဟောကြားခြင်းတို့ကို ပြုလုပ်ပေးပါတယ်။ ဆက်လက်ပြီး ဆရာတော်အား နေ့ဆွမ်းဆက်ကပ်လျှူဒါန်းကြပြီး အခန်းအနားကို တက်ရောက်လာသော မြန်မာနိုင်ငံသား(၁၀၀)ကျော်ကိုလဲ နေ့လည်စာ ထမင်း နဲ့တည်ခင်း ဧည့်ခံခဲ့ကြပါတယ်။
ဒီအခန်းအနား ကျင်းပရခြင်းရဲ့ ရည်ရွယ်ချက်များကို ရဲဘော်ထွန်းထွန်း မှ ရှင်းပြရာမှာ “ဒီကနေ့ တိုင်းပြည်အာဏာကို မတရားရယူထားတဲ့ နအဖစစ်အုပ်စုဟာ အာဇာနည်ခေါင်းဆောင်ကြီးတွေရဲ့ သမိုင်းတွေကို ဖျောက်ဖျက်ဘို့ စနစ်တကျ ကြိုးပမ်းနေတဲ့အချိန်မှာ အာဇာနည်ခေါင်းဆောင်ကြီးတွေရဲ့ တန်ဘိုးနဲ့ သမိုင်းကို ရောက်တဲ့အရပ်မှာ ဖေါ်ထုတ်ရမှာက မြန်မာနိုင်ငံသားတိုင်းရဲ့ သမိုင်းပေးတာဝန်ဖြစ်လို့ ဒီအခန်းအနားကို စီစဉ်ကျင်းပရတာပါ” လို့ပြောကြားသွား ပါတယ်။
အပြည့်အစုံ ဖတ်ရန် ...
ပြန်ခေါက်ထားခဲ့ပါဗျားးးးး...
◊ အာဇာနည်ဆိုတာ
ကိုယ့်ဘာသာကိုယ် လုပ်ထားတဲ့
ပုခုံးဒေါက်က ကြယ်ပွင့်များမဟုတ်။
◊ ဖေါ်ရှိုးပြထားတဲ့
ရင်ဘတ်က တံဆိပ်များလဲမဟုတ်။
◊ ကိုယ့်ကိုယ်ကို အစွံထုတ်တဲ့
ဗိုလ်ချုပ်မှူးကြီး ရာထူးလဲမဟုတ်။
◊ ဘယ်သူမှ အတုလုပ်မရတဲ့
အနှိုင်းမဲ့ ဂုဏ်ပုဒ်ဖြစ်တယ်။
◊ အာဇာနည်ဆိုတာ
တုပြိုင်ဘက်ကင်းတဲ့
စွန့်လွှတ် အနစ်နာခံခြင်းရဲ့သရုပ်။
◊ ရယူလိုမှုကင်းတဲ့
အဆုံးမဲ့ ပေးဆပ်ခြင်းရဲ့ပြရုပ်။
◊ လူသား ဖြစ်တည်မှုရဲ့
ကြီးမြတ်တဲ့ ဂုဏ်ပုဒ်ဖြစ်တယ်။
◊ လူတဦးရဲ့ လုပ်ရပ်ကို
သမိုင်းက အဖြေထုတ်သလို
အာဇာနည်ဆိုတဲ့ ဂုဏ်ပုဒ်ကို
လူထုရဲ့ နှလုံးသားက ထုလုပ်တယ်။
◊ အဲဒီဂုဏ်ပုဒ်ကို
ဦးညွတ် အလေးပြုကြ။
အာဇာနည် စိတ်ဓါတ်ကို
လက်ဆင့်ကမ်း သယ်ဆောင်ကြ။
သူတို့ ရည်မှန်းတဲ့
ဒီမိုကရေစီ ပန်းတိုင်ဆီ
တိုက်ပွဲဝင် ချီတက်ကြ။
အမျိုးသားရေး အောင်လံကို
အမြင့်မားဆုံး လွှင့်ထူကြ။
ရွက်စိမ်း
အပြည့်အစုံ ဖတ်ရန် ...
ပြန်ခေါက်ထားခဲ့ပါဗျားးးးး...
