ကိုမင်းကိုနိုင် ကျန်းမာရေးဆိုးဝါးနေ
2009-11-24 ( RFA )
ရှမ်းပြည်နယ် ကျိုင်းတုံထောင်ကို အပို့ခံထားရတဲ့ ၈၈ မျိုးဆက်ကျောင်းသား ခေါင်းဆောင် ကိုမင်းကိုနိုင် ကျန်းမာရေး ဆိုးဝါးနေတယ်လို့ RFA က စုံစမ်းသိရှိ ရပါတယ်။
၈၈ မျိုးဆက် ကျောင်းသား ကိုမင်းကိုနိုင် ၂ဝဝ၇ခုနှစ် ဇန်နဝါရီလက နှစ်ရှည် ထောင်ဒဏ်မှ လွတ်မြောက်ခဲ့ပြီးနောက် မိသားစုနေအိမ်တွင် တွေ့ရသည့် မှတ်တမ်းပုံ ဖြစ်ပါသည်။ (Photo: AFP)ဒီအကြောင်းကို အမျိုးသား ဒီမိုကရေစီအဖွဲ့ချုပ် ခေါင်းဆောင်တွေ ဖြစ်ကြတဲ့ ဦးခင်မောင်ဆွေ၊ ဦးစိန်လှဦး၊ ဒေါက်တာသန်းငြိမ်း၊ ဦးသိန်းညွန့်နဲ့ ဒေါက်တာဝင်းနိုင်တို့ ၅ ဦးက ကိုမင်းကိုနိုင်ရဲ့ မိဘတွေဆီ နိုဝင်ဘာ ၂၃ ရက် မနေ့က သွားရောက် အားပေးခဲ့ကြရာမှာ သိခဲ့ရတာလို့ သင်္ဃန်းကျွန်းမြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွန့်က RFA ကို ပြောပါတယ်။
ကိုမင်းကိုနိုင်ကို စစ်အစိုးရက ၂ဝဝ၇ ခုနှစ်မှာ ဒုတိယအကြိမ်အဖြစ် ထောင်ဒဏ် ၆၅ နှစ်နဲ့ ၆ လ ချမှတ်ပြီး ရန်ကုန်မှာ ရှိတဲ့ မိသားစုတွေနဲ့ ဝေးရာ ကျိုင်းတုံထောင်ကို ၂ဝဝ၈ ခုနှစ် နိုဝင်ဘာလ ၁၅ ရက်ကစပြီး ပို့ထားတာပါ။
အရင်ကလဲ အင်းစိန်ထောင်နဲ့ စစ်တွေထောင် တိုက်ခန်းတွေထဲမှာ တယောက်တည်း ၁၅ နှစ်လောက် နေခဲ့ရပါတယ်။ ဒီ့အတွက် အခုတခေါက်ထောင်ကျခံနေရချိန်မှာ ကိုမင်းကိုနိုင်ဟာ အရိုး ကျီးပေါင်းတက်တဲ့ ဝေဒနာ၊ အဆစ်အမြစ် ကိုက်ခဲတဲ့ဝေဒနာ၊ မျက်စိဝေဒနာ၊ နှလုံးနဲ့ သွေးတိုးရောဂါတွေ ခံစားနေရပါတယ်။
ကိုမင်းကိုနိုင်ဟာ ကျိုင်းတုံထောင်မှာ အခြား နိုင်ငံရေးအကျဉ်းသား အဖော်တွေ မရှိပဲ တဦးတည်း နေရသလို မိသားစုဝင်တွေအနေနဲ့လည်း ခရီးဝေးလွန်းတဲ့အတွက် ပုံမှန်သွား မတွေ့နိုင်တဲ့ အခြေအနေမှာ ရှိပါတယ်။ ကိုမင်းကိုနိုင်ရဲ့ ရဲဝံ့စွန့်စား၊ စွန့်လွှတ်မှုတွေကြောင့် နိုင်ငံတကာကသူ့ကို ဆု ၆ ခု ချီးမြှင့်ထားပါတယ်။
မှတ်ချက် ။ ။ http://www.rfa.org မှ ကူးယူ မျှဝေပါသည်။
