မော်လမြိုင်ထောင်မှ နိုင်ငံရေးအကျဉ်းသားများ အသက်အန္တရာယ်စိုးရိမ်နေ
2009-11-11 ( RFA )
မြန်မာစစ်အစိုးရဟာ မကြာသေးခင်က နိုင်ငံရေးအကျဉ်းသားတချို့ကို ပြန်လွှတ်ပေးခဲ့တယ် ဆိုပေမယ့် အများစုကတော့ နှစ်ရှည်ထောင်ဒဏ်တွေနဲ့ မိသားစုနဲ့ဝေးကွာတဲ့ အရပ်က အကျဉ်းထောင်တွေကို ပို့ခံထားရပါတယ်။ ဒါ့အပြင် ရောက်လေရာအရပ်က ထောင်တွေမှာလည်း နိုင်ငံရေးအကျဉ်းသားတွေအပေါ် အမျိုးမျိုး စိတ်ဆင်းရဲကိုယ်ဆင်းရဲ ဖြစ်အောင် ထောင်ပိုင်တွေ ထောင်အမှုထမ်းတွေက ဖန်တီးနေကြတယ်လို့ သိရပါတယ်။
မြန်မာပြည်မှ နိုင်ငံရေးအကျဉ်းသားများ၏ ဓာတ်ပုံနှင့် မှတ်တမ်းများကို ထိုင်းမြန်မာနယ်စပ်၊ မဲဆောက်မြို့ အခြေစိုက် မြန်မာနိုင်ငံ၊ နိုင်ငံရေး အကျဉ်းသားများ ကူညီစောင့်ရှောက်ရေး အဖွဲ့ ရုံးတွင် ပြသထားပုံ ဖြစ်ပါသည်။ (Photo: AFP)မော်လမြိုင်အကျဉ်းထောင်က နိုင်ငံရေးအကျဉ်းသားတွေကို ထားတဲ့ သီးသန့်တိုက်ထဲကို ပြစ်ဒဏ်ကျခံပြီးသား ရာဇဝတ်အကျဉ်းသားတချို့ကို မလွှတ်သေးဘဲ ဆက်ထည့်ထားပြီး ပြဿနာအမျိုးမျိုး ဖန်တီးနေသလို နိုင်ငံရေးအကျဉ်းသားတွေကို အသက်အန္တရာယ် ခြိမ်းခြောက်တဲ့ အပြုအမူမျိုးတွေကိုတောင် လုပ်နေတယ်လို့ စုံစမ်းသိရှိရပါတယ်။
မကြာခင်ကမှ မော်လမြိုင်ထောင်ကို ထောင်ဝင်စာ သွားတွေ့ခဲ့စဉ်မှာ အဲဒီထောင်မှာရှိနေတဲ့ နိုင်ငံရေး အကျဉ်းသားတဦးက လျှို့ဝှက် ရေးပေးလိုက်တဲ့ စာကို သူ့ရဲ့မိသားစုဝင် တယောက်က အာအက်ဖ်အေ ကို အခုလိုဖတ်ပြပါတယ်။
မိသားစုဝင်။ ။'မော်လမြိုင်အကျဉ်းထောင်တွင် သီးခြားတိုက် ၁/၂ တွင် ပြစ်ဒဏ်နှင့် ရောက်လာသော ရာဇဝတ်အကျဉ်းသား ၇ ဦးအား ပြစ်ဒဏ်ကာလ ပြီးဆုံးပြီးသော်လည်း တိုက်ထဲတွင် ဆက်လက်ထားရှိသည်။ သီးသန့်အကျဉ်းသားများနှင့် ပြဿနာဖြစ်ရန် ဖန်တီးထားခြင်း၊ တဦးတယောက်အား စော်ကားသော စကားများနှင့် ဆဲဆိုခြင်း၊ ၎င်းအချိန်တွင် ထောင်မှူးဖြစ်သူ ဦးညိုဝင်းအောင်၊ ထောင်ပိုင်ဖြစ်သူ ဦးအေးကိုကို၊ ထောင်ပိုင်လေးဖြစ်သူ ဦးအေးစိုးတို့ သိရှိသော်လည်း အရေးယူ ဆောင်ရွက်ခြင်း မရှိ။ ၎င်းရာဇဝတ်သား အကျဉ်းသား ၇ ယောက်သည် ၅ (ည) များထားသည့် သီးခြား ၁ တိုက်သို့ ဝင်ထွက်သွားလာခြင်း၊ ပတ်ဝန်းကျင် သန့်ရှင်းရေး ညစ်ညမ်းအောင် ပြုလုပ်ခြင်း၊ ဆူညံအော်ဟစ်ခြင်းများ နေ့စဉ် ပြုလုပ်နေသော်လည်း အာဏာပိုင်များမှ အရေးယူ ဆောင်ရွက်ခြင်းမရှိပါ။'
အလားတူ အဖြစ်အပျက်မျိုး ဖျာပုံထောင်မှာလည်း ဖြစ်နေတယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) အေအေပီပီ ရဲ့ အတွင်းရေးမှူး ဦးတိတ်နိုင်က ပြောပါတယ်။ နိုင်ငံရေးအကျဉ်းသားတွေကို နိုင်ငံတကာအသိုင်းအဝိုင်းရဲ့မျက်ကွယ်ကို ပို့ဆောင်လိုက်ပြီး နောက်ဆက်တွဲ ညှဉ်းပမ်းနှိပ်စက်မှုတွေ လုပ်နေတာဟာ စစ်အစိုးရအနေနဲ့ ရည်ရွယ်ချက်ရှိရှိ လုပ်နေတာဖြစ်တဲ့အကြောင်း ခုလိုဆက်ပြောပါတယ်။
ဦးတိတ်နိုင်။ ။'သူတို့က နိုင်ငံရေးအကျဉ်းသားတွေကို ပြဿနာရှာတဲ့၊ ရန်စောင်တဲ့အဆင့်အထိ ဖြစ်လာတယ်။ အဲဒါကို ထောင်အာဏာပိုင်တွေ ကိုယ်နိုက်ကိုက မြှောက်ပေးနေတယ်လို့လည်း ကြားရပါတယ်။ မော်လမြိုင်ထောင်နဲ့ ဖျာပုံထောင်မှာ အဓိက ဖြစ်နေတာပါ။ နိုင်ငံရေးအကျဉ်းသားတွေကို မိသားစုနဲ့ ဝေးတဲ့ ထောင်တွေကို ပို့တယ်။ နိုင်ငံတကာရဲ့မျက်စေ့နဲ့ နားနဲ့ ဝေးတဲ့နေရာတွေကို ပို့လိုက်တယ်။ ဒီအပြင် အခု ဒီလိုမျိုး အခြေအနေတွေ ဖန်တီးနေတယ်ဆိုတော့ ဒါဟာ တမင်သက်သက်ကို ရည်ရွယ်ချက်ရှိရှိနဲ့ စနစ်တကျ ချိုးဖောက်နေတယ်လို့ မြင်ပါတယ်'
မော်လမြိုင်ထောင်က နိုင်ငံရေးအကျဉ်းသားတွေဟာာ သတင်းစာဖတ်ခွင့်လည်း မရကြဘူးလို့ သိရပါတယ်။ ထောင်ပတ်ဝန်းကျင်ဟာ သန့်ရှင်းမှု လုံးဝ မရှိသလို ရေနဲ့မိလ္လာစနစ်တွေလည်း အလွန်ညံ့ဖျင်းတာကြောင့် ကျန်းမာရေးအတွက် စိုးရိမ်နေရတယ်လို့ အဲဒီ နိုင်ငံရေးအကျဉ်းသားရဲ့စာမှာ ဖော်ပြထားပါတယ်။ အဝီစိ ရေတွင်းတူးပြီး ရေစုပ်စက် တပ်ဆင်ထားပေမယ့် ညွှန်ကြားရေးမှူး လာစစ်တုန်းက နှစ်ရက်သာ ဖွင့်ပြီး တောက်လျှောက် ချိုးရေတွင်းက ရေကိုဘဲ အကျဉ်းသားတွေ ပြန်သောက်နေကြရတယ်လို့ ဆိုပါတယ်။
မော်လမြိုင်ထောင်မှာ နိုင်ငံရေးအကျဉ်းသား စုစုပေါင်း ၆၅ ဦး အကျဉ်းကျခံနေရတယ်လို့ အေအေပီပီ အဖွဲ့ရဲ့ စာရင်းဇယားတွေအရ သိရပါတယ်။
မှတ်ချက် ။ ။ http://www.rfa.org မှ ကူးယူ မျှဝေပါသည်။
