တရားဝင် မြန်မာအလုပ်သမားအများအပြား မလေးရှား အကျဉ်းစခန်းတွေမှာ ပြန်လမ်းမဲ့ဆဲ
2009-10-07 ( RFA )
မြန်မာနိုင်ငံကနေ တရားဝင် အလုပ်အကိုင်ပါမစ်နဲ့ မလေးရှားနိုင်ငံကို လာရောက် အလုပ်လုပ်ကိုင်တာ ဖြစ်ပေမဲ့ အကြောင်း အမျိုးမျိုးနဲ့ အလုပ်လက်မဲ့ ဖြစ်နေပြီး တရားမဝင် နိုင်ငံခြားသားအဖြစ်နဲ့ မလေးရှား အကျဉ်းထောင်တွေမှာ အကျဉ်းကျနေသူ ထောင်ချီ ရှိနေတယ်လို့ သိရပါတယ်။
မလေးရှားနိုင်ငံ ကွာလာလမ်ပူမြို့တွင် ရဲလာခေါ် အရပ်သား လုံခြုံရေး တပ်ဖွဲ့ဝင်များက ညသန်းခေါင်ကျော် စစ်ဆင်ရေးဖြင့် တရားမဝင် နိုင်ငံခြား အလုပ်သမားများကို ဖမ်းဆီးထားသော မှတ်တမ်းဓာတ်ပုံ ဖြစ်ပါသည်။(Photo: AFP)မလေးရှားကို တရားဝင် စာရွက်စာတမ်းတွေနဲ့ အလုပ်အေဂျင်စီတွေကတဆင့် သွားရောက် အလုပ်လုပ်တာ ဖြစ်ပေမဲ့ အလုပ်လက်မဲ့ဖြစ်ပြီး တရားမဝင်ဘဝရောက် အကျဉ်းကျနေသူ အလုပ်သမား ၄၅ဝ ကို မြန်မာအာဏာပိုင်တွေက ပြန်လည် ခေါ်ဆောင်ခဲ့တဲ့အကြောင်း စစ်အစိုးရ သတင်းမီဒီယာတွေက မနေ့က ရေးသားဖော်ပြခဲ့ပါတယ်။
အကျဉ်းစခန်းတွေမှာ သေဆုံးရတဲ့ မြန်မာအလုပ်သမားတွေတောင် ရှိတယ်လို့ မလေးရှားနိုင်ငံ ကွာလာလံပူ အခြေစိုက် ရခိုင်အမျိုးသား ဒီမိုကရေစီအဖွဲ့ချုပ်က ကိုအောင်လွင်က ပြောပါတယ်။
ကိုအောင်လွင်။ ။ 'ပူထရာဂျာယာ အင်မီဂရေးရှင်းကမ့်မှာပေါ့နော်၊ သူတို့ ဖမ်းထားတဲ့အထဲမှာ သေသွားတဲ့ လူလည်း ရှိတယ်ဗျ။ ကျွန်တော်တို့ ရခိုင်က နှစ်ယောက်ရှိတယ်၊ အဲဒီမှာ သေသွားတာ၊ နောက်ထပ် သေတဲ့လူလည်းရှိတယ်။ လေးငါးယောက် ရှိတယ်လို့ ကျွန်တော်တို့ကို ပြောတယ်။ နောက် ဆေးရုံပေါ်မှာလည်း အသည်းအသန် ဖြစ်တဲ့လူ ရှိတယ်တဲ့။ အဲဒီလို ဒီကို ဝင်လာတဲ့ လူတွေပေါ့နော်၊ အဲဒီ အဖမ်းခံရပြီးတော့ မြန်မာပြည်ကို ပြန်ဖို့အတွက် စောင့်နေတဲ့ အဲဒီလို သေသွားတာရှိတယ်။'
မလေးရှားအခြေစိုက် အလုပ်သမားအရေး ဆောင်ရွက်သူတွေရဲ့ အဆိုအရရော၊ မြန်မာအစိုးရကြေညာချက်မှာပါ မလေးရှားမှာ အလုပ်လက်မဲ့ဖြစ်ပြီး မြန်မာနိုင်ငံ မပြန်နိုင်တဲ့အတွက် အကျဉ်းစခန်းတွေမှာ သောင်တင်နေသူ စုစုပေါင်း ၂၇ဝဝ ကျော် ရှိနေသေးတယ်လို့ သိရပါတယ်။
မြန်မာအာဏာပိုင်တွေရဲ့ ကြေညာချက်မှာ မြန်မာနိုင်ငံကို ပြန်လာနိုင်ဖို့ စီစဉ်နေတယ်လို့ ဆိုပေမဲ့ မလေးရှားရောက် မြန်မာတွေရဲ့ အဆိုအရ ဒီလိုပြန်ဖို့အတွက် မြန်မာသံရုံးကို ငွေကြေးပေးရတဲ့အတွက် ငွေမတတ်နိုင်လို့ ဒုက္ခရောက်နေသူက အများစုဖြစ်တယ်လို့ ကိုအောင်လွင်ကပဲ ပြောပြပါတယ်။
ကိုအောင်လွင်။ ။ 'အဲဒီ ပြန်ဖို့အတွက်လေ၊ သူတို့ဟာ ၁၆ဝဝ ပေးရတယ်။ အဲဒီ ၁၆ဝဝ ဆိုတာကလည်း လေယာဉ်လက်မှတ်အပါအဝင် နောက်တခါ ရန်ကုန်လေဆိပ်မှာ အဖမ်းမခံရအောင် ဆိုပြီးတော့ပေါ့နော်၊ ပိုက်ဆံ ပေးရတယ်ဗျ။ ၁၆ဝဝ ဆိုတော့ သူတို့က တချို့ဆိုလို့ရှိရင် သိပ်မကြာသေးဘူး၊ အဖမ်းခံသွားရတာ ရှိတယ်။
အဲဒီလို လူမျိုးတွေ ဘယ်ပိုက်ဆံပေးမလဲ၊ ကမ့်ထဲမှာပဲ နေရမှာပေါ့၊ အဲဒီ ထောင်တွေ ကမ့်တွေထဲမှာပဲ နေရမဲ့ သဘောရှိတယ်။ သံရုံးက လာထုတ်မှ ဒီဟာက ထွက်လို့ရမယ်လေ၊ အဲဒီတော့ကာ သံရုံးကလည်း မထုတ်ဖူး၊ ပိုက်ဆံလည်း မရှိဘူး။ ပိုက်ဆံ မရှိလို့ရှိရင် သံရုံးကလည်း မကူညီဘူး။ အဲဒီတော့ကာ ဒီလူတွေရဲ့ ဘဝ ဘယ်မှာသွားနေရမလဲ၊ ထောင်ထဲမှာပဲ နေရမှာပေါ့။ သူတို့တွေအကုန်လုံး အဲဒီလို ဖြစ်နေတယ်။'
'ဒီနိုင်ငံအစိုးရကလည်း အဲဒီ လဝကကလည်း ပိုက်ဆံပေးမှ သံရုံးက လာထုတ်မှ ပို့နိုင်မယ်။ ဒီလူတွေက အမှန်မှာ ဆိုလို့ရှိရင် အလုပ်ကို ကောင်းကောင်းမွန်မွန် လုပ်ချင်ကြပါတယ်။ ဒါပေမဲ့ ဘယ်လို ဖြစ်လဲဆိုတဲ့အခါ လုပ်ငန်းခွင်မှာ ခွဲခြားဆက်ဆံခံရတယ်။ နောက်တခါ ဆဲဆိုခံရတယ်။ နောက် ပါမစ် သက်တမ်းကို တိုးမပေးဘူး၊ အဲဒီ သူဌေးတွေ အေးဂျင့်တွေက။ အဲဒါမျိုးတွေ ရှိတယ်။ လမ်းသွား လမ်းလာတဲ့အခါမှာလည်း ဘာအထောက်အထားမှ မပေးဘူးလေ။ မပေးတဲ့အခါကျတော့ အဖမ်းခံရတယ်။ အဲဒီလိုပေါ့ အခက်အခဲ အမျိုးမျိုးကြောင့် မခံနိုင်ပဲ ထွက်ပြေးကြတယ်ဗျ။'
မှတ်ချက် ။ ။ http://www.rfa.org မှ ကူးယူ မျှဝေပါသည်။
