အထက်ဗမာပြည် သောသုဇနဘိက္ခူ သံဃာတော်များ ကြေညာချက်ထုတ်

RFA | ပခုက္ကူ သံဃာအရေးအခင်း ၃ နှစ်ပြည့်ချိန်ကစပြီး၊ ကြံ့ခိုင်ဖွံ့ဖြိုးရေးပါတီ အနိုင်ရဖို့ ပြင်ဆင်ထားတဲ့ ရွေးကောက်ပွဲကို အကြမ်းမဖက် နည်းမျိုးစုံနဲ့ ဆန့်ကျင်ကန့်ကွက်ကြဖို့ အထက်ဗမာပြည် သောသုဇနဘိက္ခူ သံဃာ့အဖွဲ့က တိုက်တွန်းလိုက်ပါတယ်။

၂၀ဝ၇ ခုနှစ် စက်တင်ဘာလအတွင်း ဖြစ်ပွားခဲ့သော သံဃာနှင့် လူထု လှုပ်ရှားမှုတွင် သပိတ်ကို မှောက်၍ ကိုင်ဆောင် စီတန်းလှည့်လည်ကြသော သံဃာများ ဖြစ်ပါသည်။ (Photo: AFP)

လာမဲ့ စက်တင်ဘာလ ၅ ရက်နေ့ဟာ ရွှေဝါရောင်တော်လှန်ရေးကြီးကို စတင်ဖြစ်ပေါ်စေခဲ့တဲ့ ပခုက္ကူ သံဃာတော် အရေးအခင်း ၃ နှစ်ပြည့် နှစ်ပတ်လည်ဖြစ်ကြောင်း အစချီထားတဲ့ ကြေညာချက်ကို ဦးဆောင် သံဃာတပါးဖြစ်တဲ့ ဦးသောဘိတကအခုလို အမိန့်ရှိပါတယ်။

“၂၀၀၇ ခုနှစ် စက်တင်ဘာ ၅ ရက်၊ ၆ ရက်နေ့များတွင် ပခုက္ကူမြို့၌ ငြိမ်းချမ်းစွာ မေတ္တာပို့ ချီတက်ကြသော သံဃာတော်တို့အား အာဏာပိုင်တို့နှင့် ကြံ့ခိုင်ရေး လူမိုက်များတို့မှ အကြမ်းဖက် ရက်စက်စွာ ချေမှုန်းခဲ့သည်မှာ သုံးနှစ်ပြည့်လုပြီ ဖြစ်သည်။ ယခု သုံးနှစ်ပြည့် အခါသမယတွင် ၎င်း ကြံ့ဖွံ့ လူမိုက်များ၏ ပါတီမှ ဦးဆောင်၍ ပြည်သူလူထုအား ထာဝစဉ် စစ်ကျွန်ဖြစ်မည့် ၂၀၁၀ ရွေးကောက်ပွဲကိုလည်း ဖန်တီးလျက်ရှိသည်။”

ဒါ့ကြောင့် သံဃာတော်တွေကို စော်ကားထားတဲ့ ကြံ့ခိုင်ဖွံ့ဖြိုးရေးပါတီနဲ့ စစ်အာဏာရှင်တွေကို လာမဲ့ ရွေးကောက်ပွဲ မတိုင်မီ အကြမ်းမဖက် နည်းလမ်းပေါင်းစုံနဲ့ စတင် ဆန့်ကျင်သွားကြဖို့ တိုက်တွန်းထားပါတယ်။

“သို့ပါ၍ ညီတော်၊ နောင်တော် သံဃာတော် အရှင်သူမြတ်များမှ ဦးဆောင်၍ ၂၀၀၇ စက်တင်ဘာ သုံးနှစ်ပြည့် ပတ်လည် ၅ ရက်၊ ၆ ရက်မှ စတင်ကာ စစ်အစိုးရအား အကြမ်းမဖက်သည့် နည်းလမ်းမျိုးစုံ သုံး၍ ဆန့်ကျင် ဆန္ဒပြ တိုက်ပွဲဝင်သွားရန် တိုက်တွန်းနှိုးဆော်အပ်သည်။ သောသုဇနသမဂ္ဂ၊ ပခုက္ကူ။”

အထက်ဗမာပြည် သံဃာတော်တွေအနေနဲ့ စစ်အစိုးရ ဆန့်ကျင်ရေး စာရွက်စာတမ်း ဖြန့်ဝေတာကို ဒီကနေ့ စလို့လုပ်ဆောင်မှာ ဖြစ်ြပီး၊ ရရာနည်းလမ်းနဲ့ ဆန္ဒပြ ဆန့်ကျင်သွားမှာ ဖြစ်ကြောင်း မိန့်ကြားခဲ့ပါတယ်။

source by :http://www.rfa.org

အပြည့်အစုံ ဖတ်ရန် ...

ပြန်ခေါက်ထားခဲ့ပါဗျားးးးး...

ကုလ စုံစမ်းကော်မရှင်ဖွဲ့ရေး အမေရိကန်ဦးဆောင်ဖို့ AI တိုက်တွန်း

VOA | မြန်မာနိုင်ငံတွင်း လူ့အခွင့်အရေး ချိုးဖောက်မှုတွေအပေါ် နိုင်ငံတကာ စုံစမ်းရေး ကော်မရှင်တရပ် ဖွဲ့ရေးကိစ္စကို အမေရိကန်ပြည်ထောင်စုက ဦးစီး ဦးဆောင်ပြုလုပ်ပြီး ကုလသမဂ္ဂ အတွင်းရေးမှုးချုပ်က ဘယ်လို နည်းနဲ့ ဆောင်ရွက်မယ်ဆိုတာ အဆုံးအဖြတ်ပေးဖို့ နိုင်ငံတကာ လူ့အခွင့်အရေး အဖွဲ့ (Amnesty International) က တိုက်တွန်းနေပါတယ်။ စုံစမ်းမေးမြန်းထားတဲ့ ကိုသားညွှန့်ဦးက တင်ပြထားပါတယ်။

မြန်မာနိုင်ငံတွင်း လူသားမျိုးနွယ်အပေါ် ကျူးလွန်တဲ့ ရာဇ၀တ်မှု၊ စစ်ရာဇ၀တ်မှုတွေ ရှိမရှိ နိုင်ငံတကာ စုံစမ်းရေး ကော်မရှင်တရပ် အရေးတကြီး ဖွဲ့စည်းရေး မကြာခင် ကျင်းပတော့မယ့် ကုလသမဂ္ဂ အထွေထွေ ညီလာခံကြီးကနေ ဆုံးဖြတ်ပေးဖို့ လန်ဒန်အခြေစိုက် နိုင်ငံတကာ လူ့အခွင့်အရေး အဖွဲ့က တောင်းဆိုလိုက်တာပါ။ စုံစမ်းစစ်ဆေးတဲ့နေရာမှာ အစိုးရလုံခြုံရေး တပ်တွေက အရပ်သား လူထုအပေါ်မှာ စံနစ်တကျ ညှင်းပမ်း သတ်ဖြတ်မှုတွေ ရှိတယ်ဆိုတဲ့ သတင်းတွေကို အလေးပေး စုံစမ်းဖို့ AI အဖွဲ့က တိုက်တွန်းပါတယ်။ အထူးသဖြင့်ဆိုရင်တော့ ရခိုင်ပြည်နယ်အတွင်း မူစလင်တွေ၊ ရှမ်းပြည်နယ်နဲ့ ကရင်ပြည်နယ်အတွင်းက တိုင်းရင်းသား လူမျိုးတွေအပေါ် ကျူးလွန်တဲ့ ရာဇ၀တ်မှုတွေကို စုံစမ်းဖို့လိုတယ်လို့ ထောက်ပြပါတယ်။

ရှမ်းပြည်နယ်နဲ့ မြန်မာနိုင်ငံ အရှေ့ဖက်ခြမ်းမှာ လက်နက်ကိုင် အုပ်စုတွေဟာ နိုင်ငံတကာ လူ့အခွင့်အရေး ဥပဒေတွေနဲ့ နိုင်ငံတကာ လူသားချင်းစာနာမှုဆိုင်ရာ ဥပဒေတွေကို ချိုးဖောက်မှုရှိမရှိ စုံစမ်းဖို့လိုတယ်လို့ ထုတ်ပြန်ခဲ့ပါတယ်။ လက်ရှိအားဖြင့်တော့ နိုင်ငံတကာ စုံစမ်းစစ်ဆေးရေး ကော်မရှင်ဖွဲ့ရေး ကိစ္စကို အမေရိကန်ပြည်ထောင်စု၊ ဗြိတိန်၊ ကနေဒါ၊ သြစတေးလျ၊ ချက်သမ္မတနိုင်ငံနဲ့ စလိုဗက်ကီးယား နိုင်ငံတို့က ထောက်ခံထားကြပါတယ်။ ဥရောပနိုင်ငံအချို့လည်း မကြာခင် ပူးပေါင်း ပါဝင်လာကြလိမ့်မယ်လို့ လူ့အခွင့်အရေး အဖွဲ့တွေကတော့ မျှော်လင့်နေပါတယ်။ ဒါပေမဲ့ ဒီကိစ္စ အမြန်ဆုံး အကောင်အထည် ပေါ်လာဖို့ရာ အမေရိကန်ပြည်ထောင်စု အနေနဲ့ ဦးစီး ဦးဆောင်လုပ်ဖို့ လိုမယ်လို့ AI အဖွဲ့ရဲ့ ၀ါရှင်တန်ရုံး ဒါရိုက်တာ T. Kumar က ပြောပါတယ်။

“မြန်မာနိုင်ငံတွင်း လူ့အခွင့်အရေး ချိုးဖောက်မှု နိုင်ငံတကာ စုံစမ်းရေးကော်မရှင်တရပ် ဖွဲ့စည်းရေးကိစ္စကို အမေရိကန်ပြည်ထောင်စုက ဦးစီး ဦးဆောင်လုပ်ပြီး ဆောင်ရွက်ဖို့ ကျနော်တို့ နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးက တောင်းဆိုထားပါတယ်။”

မြန်မာနိုင်ငံတွင်း လူ့အခွင့်အရေးနဲ့ ဒီမိုကရေစီရေး တိုးတက် ကောင်းမွန်ဖို့ မြန်မာနိုင်ငံဆိုင်ရာ ကုလသမဂ္ဂ ဆုံးဖြတ်ချက်တွေနဲ့ ပတ်သက်လို့ အမေရိကန်ပြည်ထောင်စု အပါအ၀င် အနောက်နိုင်ငံ အများစုက မကြာမကြာ အဆိုတင်သွင်းတာတွေ ရှိပေမဲ့ မြန်မာစစ်အစိုးရနဲ့ နီးစပ်တဲ့ တရုတ်၊ ရုရှား စတဲ့ ကမ္ဘာ့အင်အားကြီး နိုင်ငံတွေနဲ့ တတိယ နိုင်ငံအချို့က ဒီအဆိုတွေကို ကန့်ကွက်ပယ်ချတာတွေ ရှိခဲ့ဖူးပါတယ်။ ဒါကြောင့် ဒီတခေါက်မှာရော မြန်မာလူ့အခွင့်အရေးကိစ္စ နိုင်ငံတကာ စုံစမ်းရေး ကော်မရှင်ဖွဲ့ရေး ဖြစ်နိုင်ပါ့မလား တွေးစရာပါ။ မစ္စတာ T.Kumar ကတော့ ဖြစ်နိုင်ချေလမ်းတွေ ရှိတယ်လို့ ယူဆပါတယ်။

“ဒါတွေက လုံခြုံရေးကောင်စီအတွင်းမှာ ဖြစ်ခဲ့တာပါ။ အခု နိုင်ငံတကာ စုံစမ်းရေး ကော်မရှင်ဖွဲ့ဖို့ ကိစ္စကို အခြားနည်းလမ်းတွေနဲ့ ဆောင်ရွက်လို့ရပါတယ်။ အထွေထွေ ညီလာခံကြီးကတဆင့် ဆောင်ရွက်လို့ရတဲ့နည်း ရှိသလို လူ့အခွင့်အရေး ကောင်စီကတဆင့်
ဆုံးဖြတ်လို့ရတဲ့ နည်းလည်း ရှိပါတယ်။ ကုလသမဂ္ဂ အတွင်းရေးမှူးချုပ်က ဆုံးဖြတ်ရမှာပါ။”

မြန်မာနိုင်ငံမှာ လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေရှိမရှိ နိုင်ငံတကာ စုံစမ်းရေး ကော်မရှင်ဖွဲ့ဖို့ကိစ္စကို ကုလသမဂ္ဂရဲ့ မြန်မာနိုင်ငံ ဆိုင်ရာ လူ့အခွင့်အရေး ကိုယ်စားလှယ် သောမတ် အိုဟေးကင်တာနား က အခုနှစ်ဆန်း မတ်လ လူ့အခွင့်အရေး ကောင်စီကို အဆိုပြု တင်ပြပြီးကတည်းက ဒီကိစ္စက အတော်လေး ကျယ်ပြန့်လာပါတယ်။ နိုင်ငံတကာ လူ့အခွင့်အရေးအဖွဲ့တွေရော နိုင်ငံကြီးအချို့ ကပါ ထောက်ခံလာကြပေမဲ့လို့ အဆုံးအဖြတ် ပေးပါလို့ တိုက်တွန်းခံနေရတဲ့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း ဆီကတော့ တုံ့ပြန်သံ ဘာမှ မကြားရသေးပါဘူး။

၂၀၀၈ ခုနှစ် AI အစီရင်ခံစာထဲမှာတော့ ၂၀၀၅ ခုနှစ်ကတည်းက ကရင်ပြည်နယ် မြောက်ပိုင်း ပဲခူးတိုင်း အရှေ့ဖက်ခြမ်းတွေက အရပ်သား ပြည်သူလူထုအပေါ် စံနစ်တကျ လူ့အခွင့်အရေးချိုးဖောက်တွေကို မှတ်တမ်းပြုထားပြီး မြန်မာနိုင်ငံ အရှေ့ဖက်ခြမ်းဒေသမှာ လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေ ရှိတယ်လို့ အစီရင်ခံခဲ့ပါတယ်။ ဒါ့အပြင် ကုလသမဂ္ဂ အထွေထွေ ညီလာခံကြီးကနေ မြန်မာနိုင်ငံကိစ္စ ဆုံးဖြတ်ချက် ၁၉ ခု ရှိထားပေမဲ့ မြန်မာအစိုးရဟာ ဒီအကြံပြုချက်တွေကို လိုက်နာဖို့ ပျက်ကွက်နေတယ် ဆိုတာကို AI အဖွဲ့ကြီးက ထောက်ပြထားပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ပြန်ခေါက်ထားခဲ့ပါဗျားးးးး...

ဝဒေသ လုံခြုံရေး တင်းကျပ်

ဓာတ်ပုံ ASSOCIATED PRESS

ဝပြည်သွေးစည်းညီညွတ်ရေး အဖွဲ့ ထိန်းချုပ်ရာ နေရာအနီး Lwe San Sone စခန်းက ၀ ဒုက္ခသည်တချို့ (ဇန်န၀ါရီလ ၁၅၊ ၂၀၀၀)၊

VOA | နယ်ခြားစောင့်တပ်အသွင် ပြောင်းဖို့ တောင်းဆိုထားတဲ့ရက် ကျော်လွန်လာတဲ့နောက်မှာ ၀တပ်ဖွဲ့တွေက သူတို့ဒေသ လုံခြုံရေးအတွက် တိုးမြှင့် ဆောင်ရွက်နေပါတယ်။ တချိန်တည်းမှာပဲ အဲဒီဒေသကိုလာရောက် အလုပ်လုပ်ကိုင်နေတဲ့ ၀န်ထမ်းတွေနဲ့ ဒေသခံ မဟုတ်သူတွေဟာ တိုက်ပွဲဖြစ်ပွားမှာ စိုးရိမ်ပြီး နေရပ်ပြန်တာတွေ ရှိနေသလို ၀နယ်မြေ အတွင်းမှာ တာဝန်ချထားတဲ့ အစိုးရ စစ်တပ်ဖွဲ့တွေကိုလည်း ပြန်လည် ခေါ်ယူတာတွေ ရှိနေပါတယ်။ ဒီအခြေအနေ အပြည့်အစုံကို ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

နယ်ခြားစောင့်တပ်အသွင် ပြောင်းဖို့ ငြင်းဆန်ထားကြတဲ့ ၀၊ မိုင်းလား၊ ကချင်၊ မွန်နဲ့ ကရင် စတဲ့ အပစ်ရပ် တိုင်းရင်းသား လက်နက်ကိုင် အဖွဲ့တွေကို မြန်မာစစ်အစိုးရက ဒီလ ၁ ရက်နေ့မှာ နောက်ဆုံးထား အသွင်ပြောင်းဖို့ တောင်းဆိုထားတာပါ။ ဒီလို အသွင်ပြောင်းဖို့ လက်မခံဘူးဆိုရင် ဒီအဖွဲ့တွေကို အပစ်မရပ်ခင်က အခြေအနေအတိုင်း သတ်မှတ် ဆက်ဆံသွားမယ်လို့လည်း ပြောဆိုထားပါတယ်။ ဒီတောင်းဆိုချက်ကို ၀ပြည်သွေးစည်းညီညွတ်ရေး တပ်မတော်က ထပ်မံ ငြင်းဆန်လိုက်ပြီးတဲ့ နောက်မှာတော့ သူတို့ ၀ဒေသရဲ့မြို့တော် ပန်ဆန်းမှာ လုံခြုံရေးတွေကို တိုးမြှင့်ထားပါတယ်။

“ကျနော်တို့ အိမ်ပေါ်မှာလည်း တပ်စခန်းနဲ့ လာစောင့်နေတယ်။ မြို့ထဲမှာလည်း မြို့ပတ်ပြီး လုံခြုံရေးကို ကားနဲ့ပတ်တာတမျိုး၊ နောက်ပြီး လူတွေ သက်သက် ပတ်တာကတမျိုးနဲ့ ညကရင်လည်း လိုက်စောင့်တယ်လေ။ ညကျရင် ၉ နာရီလောက်ဆို လူမရှိတော့ဘူး။ ကားသံတွေ ဆိုင်ကယ်သံတွေလည်း မကြားဘူး။ သူတို့က ဘယ်လိုပြောမလဲ လမ်းလျှောက်တဲ့သူတွေနဲ့ မကောင်းတဲ့သူတွေကို သူတို့လိုက်ဖမ်းတယ်။ ကျေးရွာထဲမှာလည်း သူတို့ စစ်တပ်နဲ့စောင့်တယ်။ မြို့အနီးစပ်မှာတော့ သူတို့ ပြည်သူ့စစ်တွေ ချထားတယ်။”

ဒါကတော့ ပန်ဆန်းက ဒေသခံတယောက် ပြောသွားတာဖြစ်ပါတယ်။

ဒီလို လုံခြုံရေး တိုးမြှင့်လာပြီးတဲ့နောက်မှာတော့ ၀ဒေသမှာ လာရောက် အလုပ်လုပ်ကြတဲ့ အစိုးရ၀န်ထမ်းနဲ့ အရပ်သားတွေဟာ နေရပ်ကို ပြန်နေကြတယ်လို့ သူက ဆက်ပြောပါတယ်။

“ဒီရက်လည်း ပြန်တယ်။ လွန်ခဲ့တဲ့ လေးငါးရက်ကလည်း ပြန်တယ်။ နေ့တိုင်းပဲ။ ကျန်နေတဲ့သူတွေကို ၀ အာဏာပိုင်တွေက ၀င်ဖမ်းတယ်လေ။ အစိုးရ၀န်ထမ်းရော၊ တချို့က ၀န်ထမ်းမဟုတ်တဲ့သူတွေ ပြန်ကြတယ်။ ဒီနေ့တော့ လိုင်းကား သုံးလေးစီး ရှိတယ်။ ပြန်တာ တော်တော်များတယ်။ တရက်ကို ကား နှစ်စီးသုံးစီးလောက် ရှိတယ်။ ပြန်ကြတာလေ။ တချို့ကလည်း ဒီမှာ မနေရဲဘူး၊ ဒီမှာ ရှုပ်ထွေးမယ်ဆိုတော့လေ။ ဘယ်လိုပြောမလဲ ဆိုင်ကယ်တွေလာပြင်၊ ကားတွေလာပြင်နဲ့ ထောက်လှန်းရေးလိုယောင်ယောင် လူတွေလည်း တချို့က နေလို့မရတော့ဘူးလေ။ နောက်ပြီးတော့ နေထိုင်ခွင့်လက်မှတ် မရှိရင်လည်း ဖမ်းတယ်လေ ဒီမှာက။ တအားဖမ်းမိတယ်၊ ဖမ်းတယ်။ သူတို့အနေနဲ့ လက်မှတ်မရှိဘူးဆိုရင် ၀ အာဏာပိုင်တွေက ဖမ်းတယ်။”

ဒီကနေ့ မနက်ပိုင်းမှာတော့ မြန်မာစစ်အစိုးရက ၀နယ်မြေ ပန်ဆန်းမှာ ထားရှိတဲ့ ခမရ (၃၂၆) နဲ့ မိုင်းမောမှာထားရှိတဲ့ ခလရ (၁၂၇) တို့ကို ပြန်လည် ခေါ်ယူခဲ့ပါတယ်။ ဒီလိုတပ်တွေ ပြန်လည် ခေါ်ယူတာကို ၀တပ်မှူးတယောက်က အတည်ပြုပေမဲ့ အသေးစိတ် အခြေအနေကိုတော့ မပြောပါဘူး။

နယ်ခြားစောင့် တပ်ဖွဲ့စည်းရေးကို ငြင်းဆန်ထားတဲ့ NDAA ခေါ် အမျိုးသား ဒီမိုကရေစီ သွေးစည်းညီညွတ်ရေး တပ်မတော် အခြေစိုက်ရာ မိုင်းလားဒေသ အတွင်းက ၀န်ထမ်းတွေကိုလည်း ဒီရက်ပိုင်းမှာပဲ တြိဂံတိုင်း တိုင်းမှူးက ပြန်လည်ခေါ်ယူထားပါတယ်။ ဒီအခြေအနေကြောင့် ဒေသခံတွေဟာ တိုက်ပွဲတွေ ပြန်ဖြစ်မလားဆိုပြီး စိုးရိမ်တာတွေလည်း ရှိနေပါတယ်။

ဒီလို ၀နဲ့ မိုင်းလား ဒေသအတွင်းက လက်ရှိအခြေအနေ အပေါ်မှာတော့ တရုတ်-မြန်မာနယ်စပ် ဒေသက စစ်ရေးနိုင်ငံရေး လေ့လာသူ ဦးအောင်ကျော်ဇောက အခုလို သုံးသပ်ပါတယ်။

“၀ပြည်ကို ဒါမျိုးနဲ့လုပ်မယ်ဆိုရင် အနိမ့်ဆုံး ၅ လ၊ ၆ လလောက် ဒီကိစ္စက ပြတ်ဖို့မလွယ်ဘူး။ အဲဒီတော့ ဒီလိုရွေးကောက်ပွဲနဲ့ အင်မတန် အလုပ်ရှုပ်နေတဲ့ ကာလမျိုးမှာ ဒီလို စစ်ဆင်ရေးကြီး လုပ်ဖို့ဆိုတာ တကယ် မလွယ်ပါဘူး။ ဖြစ်နိုင်တဲ့အချက်တခုကတော့ တဖက်က ခြိမ်းခြောက်တာဖြစ်တယ်။ တဖက်ကတော့ တကယ်လုပ်မယ်ဆိုတဲ့ အခြေအနေတခုလောက် အထိပေါ့ သတ်မှတ်ထားတဲ့အချိန်နဲ့ သတ်မှတ်ထားတဲ့ ဒေသမှာ ခြေလျင်တပ် တပ်သိမ်းမယ့် တိုက်ပွဲမျိုး တချို့တော့ ဖန်ဆီးရင် ဖန်တီးမယ်။ ၀နယ်မြေရဲ့ အစွန်အဖျား တချို့နေရာတွေ၊ ဆိုပါတော့ မက်မန်းခြံတို့၊ နန်တုန် တို့ဘက်တွေမှာ အခုထက်ထိလည်း သူတို့က အလှမ်းဝေးပါတယ်။ အဲဒီနေရာတွေမှာ တပိုင်တနိုင်ပေါ့နော် စစ်ဆင်ရေးတခုလုပ်ပြီးတော့ သူတို့က နေရာတနေရာ တက်ယူတာမျိုးတော့ ဖြစ်နိုင်တယ်ဗျာ။ ဒါမှမဟုတ် သာလုံရှေ့က ညောင်စူချန်း တို့ဘာတို့ နေရာတွေ တက်ပြီးတော့ယူတာ အဲဒါမျိုးတွေပေါ့။”

မြန်မာစစ်အစိုးရက အပစ်အခတ် ရပ်စဲထားတဲ့ တိုင်းရင်းသား လက်နက်ကိုင် တပ်ဖွဲ့တွေကို လွန်ခဲ့တဲ့နှစ် ဧပြီလတည်းက နယ်ခြားစောင့်တပ် ဒါမှမဟုတ် ပြည်သူ့စစ်အဖြစ် အသွင်ပြောင်းဖို့ တောင်းဆိုခဲ့တာပါ။ ဒီနှစ် ဧပြီလကုန်ကိုလည်း အသွင်ပြောင်းဖို့ နောက်ဆုံးရက် အဖြစ် သတ်မှတ်ခဲ့ဖူးပြီး ၀နယ်မြေအတွင်းက အစိုးရ၀န်ထမ်းတွေကို တကြိမ်ပြန်လည် ခေါ်ယူခဲ့ပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ပြန်ခေါက်ထားခဲ့ပါဗျားးးးး...

ဗိုလ်ချုပ်မှူးကြီးသန်းရွှေ တရုတ်ပြည်သွားမည်

VOA | မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေဟာ လာမယ့်သီတင်းပတ် အင်္ဂါနေ့ကနေ ၄ ရက်ကြာ ခရီးစဉ်နဲ့ တရုတ်နိုင်ငံကို သွားမှာဖြစ်ပါတယ်။ ဗိုလ်ချုပ်မှူးကြီးရဲ့ ခရီးစဉ်နဲ့ ပတ်သက်လို့ တရုတ် နိုင်ငံခြားရေး ဝန်ကြီးဌာန ပြောခွင့်ရသူ ကျန်းယုက ဒီကနေ့ ဘေဂျင်းမြို့တော်မှာ ပြုလုပ်တဲ့ သတင်းစာ ရှင်းလင်းပွဲမှာ သတင်းထောက်တွေကို ပြောခဲ့တာပါ။

၂ နိုင်ငံ အပြန်အလှန် ဆက်ဆံရေး တိုးတက်ဖို့၊ တခါ ဒေသတွင်းနဲ့ နိုင်ငံတကာက ၂ နိုင်ငံ ဘုံအကျိုးစီးပွားတွေကို သမ္မတ ဟူဂျင်တောင် (Hu Jintao)၊ ဝန်ကြီးချုပ် ဝမ်ဂျားဘောင် (Wen Jiabao) တို့နဲ့ ဗိုလ်ချုပ်မှူးကြီး သန်းရွှေ တွေ့ဆုံပြီး ဆွေးနွေးကြဖို့ ရှိတယ်လို့ ပြောပါတယ်။

မြန်မာနိုင်ငံက ရွေးကောက်ပွဲနဲ့ ပတ်သက်လို့လည်း မြန်မာပြည်သူတွေရဲ့ အကျိုးအတွက်တင် မဟုတ်ဘဲ ဒေသတွင်း ငြိမ်းချမ်းရေးနဲ့ သာယာဝပြောဖို့ အတွက်လည်း မြန်မာနိုင်ငံမှာ ငြိမ်းချမ်း တည်ငြိမ် တိုးတက်ဖို့ လိုအပ်တယ်လို့ ဆိုပါတယ်။

ရွေးကောက်ပွဲတွေ ချောချောမွေ့မွေ့ဖြစ်ပြီး ဒီမိုကရေစီစနစ်ကို ဖော်ဆောင်နိုင်မယ်လို့ တရုတ်အစိုးရက မျှော်လင့်ကြောင်းကို တရုတ် နိုင်ငံခြားရေးဌာန ပြောခွင့်ရသူ ကျန်းယုက ဒီကနေ့ သတင်းစာ ရှင်းလင်းပွဲမှာ ပြောကြားခဲ့တာပါ။

ဗိုလ်ချုပ်မှူးကြီး သန်းရွှေဟာ ဘေဂျင်းမြို့တော်အပြင် ရှန်ဇန်းမြို့ကို သွားရောက်မှာ ဖြစ်သလို ရှန်ဟိုင်းမြို့မှာ ပြုလုပ်နေတဲ့ ရှန်ဟိုင်း Expo ကုန်စည်ပြပွဲကိုလည်း သွားရောက်ကြည့်ရှုမှာ ဖြစ်ပါတယ်။ ရှန်ဟိုင်း ကုန်စည်ပြပွဲမှာ မြန်မာနိုင်ငံကလည်း နန်းမြို့ရိုးနဲ့ မုခ်ဦးပုံစံ ပြခန်းတခု ဖွင့်လှစ် ပြသထားပါတယ်။

မြန်မာနိုင်ငံမှာ စစ်တပ် ထိပ်ပိုင်းတာဝန် နေရာတွေ အပြောင်းအလဲ ရှိခဲ့ပြီးနောက်မှာ အခုလို ဗိုလ်ချုပ်မှူးကြီး သန်းရွှေ တရုတ်နိုင်ငံကို သွားရောက်မယ်ဆိုတဲ့ သတင်း ပေါ်ထွက်လာခဲ့တာပါ။

လူ့အခွင့်အရေး ချိုးဖောက်မှုတွေ ရှိနေတဲ့ မြန်မာနိုင်ငံအပေါ် နိုင်ငံတကာ အလယ်မှာ တရုတ်နိုင်ငံက အကာအကွယ် ပေးနေတဲ့ နိုင်ငံတခု ဖြစ်ပါတယ်။

မြန်မာနိုင်ငံမှာ အပြောင်းအလဲဖြစ်ဖို့ တရုတ်အစိုးရက နောက်ကွယ်ကနေ တိုးတိုးတိတ်တိတ် နားချနေတယ်ဆိုတဲ့ ပြောဆိုမှုတွေလည်း ရှိနေတဲ့အတွက် ရွေးကောက်ပွဲ မတိုင်ခင် မြန်မာစစ်ခေါင်းဆောင် တရုတ်နိုင်ငံ သွားရောက်မယ့်အပေါ် မြန်မာ့အရေး လေ့လာသူတွေက စိတ်ဝင်စားနေကြပါတယ်။

ဗိုလ်ချုပ်မှူးကြီး သန်းရွှေဟာ တရုတ်နိုင်ငံကို အရင်က အနည်းဆုံး ၂ ကြိမ် သွားခဲ့ဖူးပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ပြန်ခေါက်ထားခဲ့ပါဗျားးးးး...

မင်းဆိုးမင်းညစ်သန်းရွှေ

Unmasking Burma’s Tyrant by Benedict Rogers & Jeremy Woodrum

ဦးအောင်ခင် | လွတ်လပ်ရေးရပြီး မြန်မာပြည်မှာ မင်းဆိုးမင်းညစ် (၂) ဦး ကြီးစိုးတယ်။ ဗိုလ်နေ၀င်းနဲ့ ဗိုလ်သန်းရွှေဖြစ်တယ်။ ရက်စက်တဲ့နေရာနဲ့ ညစ်ပတ်စုတ်ပဲ့တဲ့နေရာမှာလည်း အသွင်တူကြတယ်။ တိုက်ဆိုင်ပုံကတော့ (၂) ဦးစလုံး စာတိုက်စာရေးဘ၀က အာဏာရှင် မင်းဆိုးမင်းညစ်ဖြစ်လာတာပဲ။ အသက် (၉၀) အရွယ် ဗိုလ်နေ၀င်းဟာ နေအိမ်မှာ အကျယ်ချုပ်နဲ့နေရင်း သေဆုံးသွားတယ်။ ပြည်သူပြည်သားတွေ အကြီးအကျယ် ဒုက္ခရောက်အောင် လုပ်ရာမှာလည်း အသွင်တူကြတယ်။ ဗိုလ်သန်းရွှေလက်ထက်မှာ အစိုးရတပ်ဟာ မုဒိမ်းတပ်မတော်ဆိုတဲ့ အမည်သစ်ကို ရလိုက်တယ်။ အစိုးရအမှုထမ်းအားလုံးကို သူခိုးဖြစ်အောင် လုပ်တဲ့နေရာမှာလည်း ဗိုလ်နေ၀င်းနဲ့ ဗိုလ်သန်းရွှေဟာ အသွင်တူကြတယ်။

ဗိုလ်နေ၀င်း အတ္ထုပ္ပတ္တိကို တပည့်ကျော်ကပ်ဖားကြီး ဒေါက်တာမောင်မောင်ကရေးပြီး မြှောက်ပင့်ထားတယ်။ ဗိုလ်သန်းရွှေကိုတော့ ရေးမယ့်သူမရှိဘူး။ မယ်မယ်ရရ ဘာမှ စွမ်းဆောင်နိုင်တာမဟုတ်ဘဲ အကြီးအကဲဖြစ်လာတဲ့ ဗိုလ်သန်းရွှေကို ဘယ်သူကမှ အထင်မကြီးကြဘူး။ ဗိုလ်သန်းရွှေလက်ထက်မှာ သေကျေပျက်စီးသူနဲ့ အကြီးအကျယ် ဒုက္ခရောက်ရသူတွေ သန်းချီရှိနေပေမယ့် သူ့အကြောင်းကို ကမ္ဘာက မသိကြဘူး။ ဒါကြောင့်မို့ စာတိုက်စာရေးဘ၀က အလွန်ဆိုးဝါးတဲ့ အာဏာရှင်ဖြစ်လာတဲ့ ဗိုလ်သန်းရွှေအကြောင်းကို Benedict Rogers နဲ့ Jeremy Woodrum တို့က စာအုပ်ရေးပြီး မကြာမီက ထုတ်ဝေလိုက်တာပဲ။ စာမျက်နှာသုံးရာကျော်ရှိတဲ့ စာအုပ်ဖြစ်ပေမယ့် ဗိုလ်သန်းရွှေအကြောင်းက နည်းနည်း ဆက်စပ်နေတဲ့ သမိုင်းနောက်ခံကို ဖော်ပြတာက များတယ်။ အင်္ဂလိပ်စာဖတ်ပရိသတ်အတွက် ရည်ရွယ်တာမို့ နောက်ကြောင်းတွေကို ရှင်းပြနေတာ ဖြစ်ပုံရတယ်။

မြန်မာ့နိုင်ငံရေးအရှုပ်အထွေးကို လေ့လာတဲ့ နိုင်ငံခြားသားပညာရှင်တွေရဲ့ အဓိကအားနည်းချက်က မြန်မာစာမြန်မာစကား မတတ်တာပဲ။ မြန်မာလိုထုတ်ဝေတဲ့ ကွန်ပျူတာဝက်ဘ်ဆိုက်နဲ့ ဘလော့ခ်တွေရှိပေမယ့် မြန်မာစာမတတ်တော့ မသိကြဘူးပေါ့။ ဥပမာ “ဖိုးတရုတ်ဘလော့ခ်” ဆိုရင် စစ်တပ်ရဲ့ အတွင်းသတင်းတွေကို ဖော်ပြနိုင်တယ်။ နိုင်ငံခြားသားပညာရှင်တွေရဲ့ အားသာချက်ကတော့ နိုင်ငံခြားအသိုင်းအ၀ိုင်းရဲ့ အမြင်ကို တင်ပြနိုင်တာပါပဲ။ ဒါကြောင့် မြန်မာပရိသတ် သိပြီးသားဖြစ်တဲ့ နောက်ကြောင်းကို မတင်ပြဘဲ ဗိုလ်သန်းရွှေနဲ့ ပတ်သက်တာကိုသာ လိုရင်းတိုရှင်း ကောက်နုတ်တင်ပြပါမယ်။ ကျောက်ဆည်မြို့နယ်က ရွာတရွာမှာ ဗိုလ်သန်းရွှေကို ၁၉၃၃ က မွေးဖွားတာမို့ အခုဆိုရင် (၇၇) နှစ်ရှိနေပါပြီး။ လယ်သမားမိဘက ပေါက်ဖွားလာသူဖြစ်လို့ အခြေခံပညာအလယ်တန်း (သို့မဟုတ်) အထက်တန်းလောက်အထိသာ သင်ကြားနိုင်တယ်။

ဒါကြောင့် ကျောက်ဆည်နယ်သားဝန်ကြီးတွေဖြစ်တဲ့ ဦးသောင်းနဲ့ ဦးအောင်သောင်းကို လူရင်းအဖြစ် သတ်မှတ်ထားတာ ဖြစ်ပုံရပါတယ်။ စစ်ဗိုလ်ဘ၀မှာ စကားနည်းပြီး အထက်အရာရှိအကြိုက် လိုက်ပြောသူဖြစ်တယ်။ အခြားစစ်ဗိုလ်တွေ တက်တက်ကြွကြွဆွေးနွေးချိန်မှာ ဗိုလ်သန်းရွှေဟာ ငြိမ်ကုတ်နေတတ်တယ်။ မဆလပါတီနဲ့ စစ်တပ်ကို ဗိုလ်သန်းရွှေက အလွန်သစ္စာရှိပြီး အထက်လူကြီးအကြိုက် လုပ်ဖို့သာ အမြဲတမ်းစဉ်းစားနေတာမို့ ရာထူးတက်တာလို့ ဆိုကြတယ်။ မိမိရည်မှန်းချက်ကို ဖုံးဖိထားနိုင်သူဖြစ်တယ်။

၁၉၅၆ မှာ ဒေါ်ကြိုင်ကြိုင်နဲ့ အိမ်ထောင်ကျတယ်။ ပအို့တိုင်းရင်းသူ ဒေါ်ကြိုင်ကြိုင်ဟာ ခင်ပွန်းစစ်ဗိုလ် ကျဆုံးသွားလို့ မုဆိုးမ ဖြစ်နေသူပါပဲ။ စစ်ဗိုလ်တဦး ကျဆုံးသွားလို့ ကျန်ရစ်သူဇနီးသည်ကို နောက်စစ်ဗိုလ်တဦးက ဆက်ယူတာမျိုးဟာ စစ်တပ်ထဲမှာ ရှားတယ်။ ဒေါ်ကြိုင်ကြိုင်ကိုလက်ထပ်ဖို့ စစ်ဗိုလ်တွေ ကံစမ်းမဲနှိုက်တဲ့အခါ ဗိုလ်သန်းရွှေမဲပေါက်သွားလို့ ယူရတာလို့လည်း ပြောကြတယ်။ တချို့ကလည်း တပ်ရင်းမှူးစီစဉ်တာကို မငြင်းချင်တဲ့အတွက် ဒေါ်ကြိုင်ကြိုင်ကို ယူလိုက်တာလို့ ပြောကြတယ်။ ဒေါ်ကြိုင်ကြိုင်ရဲ့ ငယ်အမည်က အကြိုင်ဖြစ်ပြီး ဗိုလ်သန်းရွှေနဲ့ရပြီးတော့မှ ဒေါ်ကြိုင်ကြိုင် ဖြစ်လာတာလို့လည်း ဆိုတယ်။

ဒေါ်ကြိုင်ကြိုင် ပထမယောက်ျားရတဲ့ကလေးပါဆိုရင် ဗိုလ်သန်းရွှေမှာ သားသမီး (၈) ယောက်ရှိတယ်။ ဒီ (၈) ယောက်စလုံးကို စစ်အစိုးရနဲ့ စီးပွားရေးသမားတွေက အလုပ်အကျွေးပြုနေရတယ်။ ဗိုလ်သန်းရွှေ မိသားစု စီးပွားရေးသောင်းကျန်းပုံ၊ လောဘကြီးပုံတွေကို လူပြောများလို့ ပြည်သူ့ချဉ်ဖတ် ဖြစ်နေတာ ထင်ရှားတယ်။ ဗိုလ်သန်းရွှေရဲ့သမီး သန္တာရွှေမင်္ဂလာဆောင်မှာဝတ်ဖို့ လက်ဝတ်ရတနာတွေ ငှားလိုက်တဲ့ မိုးကုတ်သူဌေး မိသားစုတစုလုံး ရန်ကုန်မှာ ၂၀၀၈ ခုက အသတ်ခံလိုက်ရတာဟာ ဗိုလ်သန်းရွှေမိသားစု လောဘဇောတိုက်နေတာနဲ့ ပတ်သက်တယ်ဆိုတဲ့ စွဲချက်တွေလည်း ရှိတယ်။ သန္တရွှေ လက်ဝတ်ရတနာတွေ ပြိုးပြိုးပြက်ပြက် ၀တ်စားထားတဲ့ဓာတ်ပုံကို ခရစ်စမတ်သစ်ပင်နဲ့တူတယ်လို့ စင်ကာပူမင်းဆရာ လီကွမ်ယူးက မှတ်ချက်ချတာကိုလည်း ဖော်ပြထားတယ်။

စစ်ပညာဘက်ကကြည့်ရင် ဗိုလ်သန်းရွှေဟာ စစ်ဗိုလ်အညံ့စားထဲမှာပါတယ်။ ရှေ့တန်းစစ်မျက်နှာမှာ အောင်မြင်မှုဆိုလို့ ဗိုလ်သန်းရွှေမှာ ပြစရာတခုမှမရှိဘူး။ ဗိုလ်သန်းရွှေပါဝင်တဲ့ ဗကပစစ်ဆင်ရေးအားလုံး အရှုံးနဲ့ နိဂုံးချုပ်တယ်။ ဗိုလ်အောင်ဖုန်း ဦးစီးတဲ့ မိုင်းရန်တိုက်ပွဲတခုမှာသာ ဗိုလ်သန်းရွှေက ဗကပတပ်ကို နိုင်လိုက်တယ်လို့ ဗကပဟောင်း ဦးအောင်ကျော်ဇော ပြောတာကို ကိုးကားထားတယ်။ ဗိုလ်အောင်ဖုန်းဟာ နောင်အခါမှာ သစ်တောဝန်ကြီးဖြစ်လာတယ်။ ခေါင်းဆောင်မှုညံ့ဖျင်းပြီး လက်နက်အင်အား မကောင်းတာကြောင့် ဗိုလ်သန်းရွှေဟာ တိုက်ပွဲတိုင်းမှာ အရှုံးနဲ့ရင်ဆိုင်ရတယ်။ ၁၉၈၀ ဇွန်လ (၂၀) မှာ ဗကပနဲ့ဖြစ်ပွားတဲ့ (၆) ရက်တိုက်ပွဲကို ကျိုင်းတုံကနေ စစ်ကူသွားဖို့ ဗိုလ်သန်းရွှေကို အမိန့်ပေးတဲ့အခါ ဗိုလ်သန်းရွှေဟာ (၂) ရက် ရေဒီယိုအဆက်အသွယ် ဖြတ်တောက်ထားတယ်။ ဗိုလ်ချုပ်လှဦး ဒေါသဖြစ်ပြိး ဗိုလ်သန်းရွှေကို ရာထူးက ထွက်ခိုင်းကြောင်း ဦးအောင်ကျော်ဇောက ပြောပြတယ်။ ဗကပက ကြားဖြတ်နားထောင်မှာစိုးလို့ ရေဒီယိုဆက်သွယ်စက်ကို ပိတ်ထားတာဖြစ်တယ်လို့ ဗိုလ်သန်းရွှေက ဆင်ခြေပေးတယ်တဲ့။

စစ်မြေပြင်မှာ အောင်မြင်မှုမရပေမယ့် အထက်ကို အမြဲလေးစားတဲ့ ဗိုလ်သန်းရွှေ အလုပ်မပြုတ်ဘူး။ စစ်တိုက်တော်သူကို ဗိုလ်နေ၀င်းက မြှောက်စားတာမဟုတ်ဘဲ ကျိုးနွံသူကိုသာ လက်သပ်မွေးလေ့ရှိတယ်။ ဗိုလ်သန်းရွှေဟာ သူ့ဆရာ ဗိုလ်ချုပ်အေးကိုကြောင့် အလုပ်မပြုတ်ဘဲ တပ်ရင်းမှူးဘ၀က တိုင်းမှူးဖြစ်လာတာလည်း ဖြစ်နိုင်တယ်။ သဘောကောင်းတဲ့ တိုင်းမှူးအဖြစ် ဗိုလ်သန်းရွှေကို မှတ်မိသူတွေရှိပါတယ်။ ဗိုလ်သန်းရွှေကို စစ်တပ်နဲ့ မဆလပါတီအား အလွန်သစ္စာရှိသူအဖြစ်လည်း မှတ်မိကြတယ်။ အထက်အကြိုက်လိုက်လုပ်ရင်း ၁၉၈၅ မှာ ဒု-ကာကွယ်ရေးဦးစီးချုပ်နဲ့ ဒု-ကာကွယ်ရေးဝန်ကြီး ဖြစ်လာတာမို့ ရှစ်လေးလုံးအရေးတော်ပုံကာလမှာ ဆန္ဒပြသူတွေကို သတ်ဖြတ်ရာမှာ ဗိုလ်သန်းရွှေလည်း တာဝန်မကင်းဘူးလို့ သိရတယ်။

ဗိုလ်ချုပ်ကြီးစောမောင်နဲ့ ဗိုလ်နေ၀င်းရဲ့ကိုယ်စားလှယ် ထောက်လှမ်းရေးအကြီးအကဲ ဗိုလ်ခင်ညွန့်က ဦးဆောင်ပြီး စစ်အာဏာ သိမ်းပေမယ့် ဗိုလ်ခင်ညွန့်ဟာ စစ်တပ်အတွေ့အကြုံ မရင့်ကျက်တာကြောင့် န၀တ ဒု-ဥက္ကဋ္ဌနေရာကို ဗိုလ်သန်းရွှေ ရသွားတာလို့ ဆိုတယ်။ န၀တအစိုးရ တက်လာပြီး မကြာမီ ရွေးကောက်ပွဲ ကျင်းပပြီး အနိုင်ရတဲ့ပါတီကို အာဏာလွှဲပေးမယ်လို့ ဗိုလ်ခင်ညွန့်က ၁၉၈၈ စက်တင်ဘာ (၂၂) ရက်နေ့မှာ ပြောတယ်။ ဗိုလ်ချုပ်ကြီးစောမောင်ကလည်း ရွေးကောက်ပွဲအနိုင်ရတဲ့ ပြည်သူ့ကိုယ်စားလှယ်တွေက အစိုးရဖွဲ့လိမ့်မယ်လို့ ၁၉၈၉ မတ်လ (၂၇) ရက်နေ့က ပြောတယ်။ နောက်တခါ ဇူလိုင်လ (၅) ရက်နေ့မှာ တခါထပ်ပြီး မဲအများဆုံးရသူက အစိုးရဖွဲ့နိုင်မယ်ဆိုရင် အာဏာလွှဲပေးပြီး အစိုးရသစ်ကပဲ အခြေခံဥပဒေသစ်ကို ရေးဆွဲရမယ်လို့ဆိုတယ်။

ဒါပေမယ့် ၁၉၉၀ မေလ (၂၇) ရက်နေ့ကျင်းပတဲ့ ရွေးကောက်ပွဲမှာ အန်အယ်လ်ဒီအနိုင်ရတော့ န၀တအစိုးရဟာ ကတိမတည်နိုင်တော့ပါဘူး။ ဗိုလ်ချုပ်မှူးကြီးစောမောင်နဲ့ ထောက်လှမ်းရေးဦးစီး ဗိုလ်ချုပ်ခင်ညွန့်တို့ ဦးဆောင်နေစဉ် ဗိုလ်ချုပ်ကြီးသန်းရွှေဟာ အစည်းအဝေးမှာ စကားတလုံးမှမပြောဘဲ နေတတ်တယ်လို့ အနောက်တိုင်း သံတမန်တဦးက ပြောတယ်။ ဗိုလ်ချုပ်မှူးကြီးစောမောင် ကျန်းမာရေးကြောင့် စိတ်မမှန်တဲ့အခါမှာ ဖြုတ်ပစ်ဖို့တွက် ဗိုလ်ချုပ်ကြီး သန်းရွှေနဲ့ ဗိုလ်ချုပ်ခင်ညွန့်တို့က ပူးပေါင်းကြံစည်တာ ဖြစ်ပါတယ်တဲ့။ ဗိုလ်ခင်ညွန့်ဟာ မဆလဥက္ကဋ္ဌဟောင်း ဗိုလ်ချုပ်ကြီးနေ၀င်းရဲ့ ကိုယ်စားလှယ်သဘောမျိုးနဲ့ ဆောင်ရွက်နေချိန်ပါပဲ။

၁၉၉၂ ဧပြီလ (၂၃) ရက်နေ့မှာ ဗိုလ်သန်းရွှေဟာ ဗိုလ်ချုပ်မှူးကြီးနဲ့ န၀တဥက္ကဋ္ဌရာထူးကို ဆက်ခံတယ်။ ဗိုလ်သန်းရွှေဟာ ကြာရှည်ခံမှာမဟုတ်ဘူးလို့ အများက မြင်ကြပါတယ်။ ဗိုလ်ချုပ်မောင်အေးနဲ့ ဗိုလ်ချုပ်ခင်ညွန့်ကိုသာ အထင်ကြီးကြတယ်။ သစ္စာရှိ ကျွန်ယုံသဘောမျိုးလို လုပ်ပြနေတဲ့ ဗိုလ်သန်းရွှေကို ဗိုလ်ချုပ်နေ၀င်းကိုယ်တိုင် ယုံကြည်သွားပုံရတယ်လို့ ထိုင်းသံအမျွှ်ဟောင်းတဦးက အကဲဖြတ်တယ်။ န၀တဥက္ကဋ္ဌဖြစ်လာပြီး မကြာမီမှာ ညစဉ်ညတိုင်း န၀တအဖွဲ့ဟာ လျှို့ဝှက်အစည်းအဝေးထိုင်ပြီး ဗိုလ်သန်းရွှေရဲ့စကားကို နာခံကြရပါတယ်တဲ့။ ဒီအချိန်မှာ ဗိုလ်ချုပ်ကြီးနေ၀င်းရဲ့ အရှိန်အ၀ါ ကျန်နေဆဲဖြစ်ပါတယ်။

အန်အယ်လ်ဒီဥက္ကဋ္ဌ ဦးအောင်ရွှေဟာ ဗိုလ်ချုပ်မှူးကြီး သန်းရွှေဆီကို ၁၉၉၇ မတ်လအထိ စာတွေရေးပြီး တွေ့ဆုံဆွေးနွေးဖို့ ကမ်းလှမ်းနေပေမယ့် ဗိုလ်သန်းရွှေကတော့ အန်အယ်လ်ဒီ လွှတ်တော်ကိုယ်စားလှယ်တွေကို ဖမ်းဆီးပြီး အမျိုးသားညီလာခံကို စိတ်ကြိုက်ကျင်းပဖို့ စီစဉ်ပါတယ်။ ဗိုလ်သန်းရွှေဟာ အန်အယ်လ်ဒီရဲ့ တောင်းဆိုမှုတွေကို အမြဲတမ်းလျစ်လျူရှုထားပါတယ်။ ဒီမိုကရေစီစနစ်ကျင့်သုံးဖို့ လုံးဝစိတ်မကူးပါဘူး။ န၀တဥက္ကဋ္ဌဖြစ်ပြီး မကြာမီ တိုင်းမှူးတဦးဖြစ်တဲ့ ဗိုလ်ချုပ်မောင်အေးကို စစ်ဦးစီးချုပ်အဖြစ် ခန့်အပ်လိုက်တယ်။ အပြင်လောကမှာ ဗိုလ်ခင်ညွန့်ကို ဒီမိုကရေစီပြုပြင်ရေးသမားလို့ ပြောဆို ရေးသားတာမျိုး ရှိပါတယ်။ တကယ်ကတော့ ဗိုလ်ခင်ညွန့်မှာ ဘာမှလုပ်ပိုင်ခွင့်မရှိပါဘူး။ ဗိုလ်သန်းရွှေသဘောမတူဘဲ ဘာမှလုပ်လို့ မရပါဘူး။ ဗိုလ်ခင်ညွန့်ရဲ့ ထောက်လှမ်းရေးအုပ်စုဟာ နိုင်ငံခြားကို မမှန်တဲ့သတင်းတွေ ပေးလေ့ရှိပါတယ်။ ဥပမာ ထောက်လှမ်းရေး ပြောသမျှယုံတဲ့ David Steinberg လို ပုဂ္ဂိုလ်တွေကို သတင်းပေးလေ့ရှိတယ်လို့ စစ်ဗိုလ်ဟောင်း ဦးအောင်လင်းထွဋ် ပြောတာကိုလည်း ဖော်ပြထားတယ်။

ဗိုလ်ခင်ညွန့်ထောက်လှမ်းရေးနဲ့ ဒေါ်အောင်ဆန်းစုကြည် တွေ့ဆုံဆွေးနွေးတဲ့အဆင့်ကို ရောက်ခဲ့ပေမယ့် ဗိုလ်ခင်ညွန့်မှာ ဆုံးဖြတ်ပိုင်ခွင့်မရှိတာ ထင်ရှားတယ်လို့ ကြားဝင်ဆောင်ရွက်ပေးခဲ့သူ ကုလသမဂ္ဂအထူးကိုယ်စားလှယ် ရာဇာလီက ပြောပါတယ်တဲ့။ ထောက်လှမ်းရေးဗိုလ်ခင်ညွန့်ကို စစ်တပ်ထဲမှာ မထောက်ခံတာဟာလည်း အားနည်းချက်ဖြစ်တယ်လို့ လူ့အခွင့်အရေးကိုယ်စားလှယ် ယိုဇိုယိုကိုတာက မြင်တယ်။ ဗိုလ်နေ၀င်းရဲ့ အိပ်ဖန်စောင့်ထောက်လှမ်းရေးဘ၀က တက်လာသူဖြစ်တာမို့ ဗိုလ်နေ၀င်းသေတာနဲ့ ဗိုလ်ခင်ညွန့်က ကံကုန်တော့တာပဲလို့ ဆိုပါတယ်။ ဗိုလ်ခင်ညွန့်ကို အပြည်ပြည်ဆိုင်ရာက ၀ိုင်းထောက်ခံနေလို့လည်း ဘာမှလုပ်လို့ရမှာမဟုတ်ပါဘူး။ တကယ်တော့ ဗိုလ်ခင်ညွန့်မှာ နိုင်ငံရေးရည်မှန်းချက် ရှိတဲ့အတွက် ဗိုလ်သန်းရွှေက ဖြုတ်ပစ်လိုက်တာပါ။ ဗိုလ်သန်းရွှေရှေ့မှာဆိုရင် ဗိုလ်ခင်ညွန့်ဟာ ကျောင်းသားလေးတဦးလို ဖြစ်နေတယ်လို့ ကိုယ်တွေ့ကြုံခဲ့ရသာ ကုလသမဂ္ဂအထူးကိုယ်စားလှယ် ရာဇာလီက ပြောပါတယ်တဲ့။

ဗိုလ်သန်းရွှေဟာ သူ့အမိန့်ကို လုံးဝနာခဲ့တဲ့ တပည့်တွေကို ခန့်ထားတဲ့နည်းနဲ့ အာဏာတည်မြဲနေတာလို့ ဆိုပါတယ်။ လူယုံတွေကို မြှောက်စားပြီး မယုံကြည်သူတွေကို ထုတ်ပစ်တဲ့နည်းပါပဲ။ ဗိုလ်နေ၀င်းကလည်း ဒီနည်းကိုပဲသုံးပါတယ်။ ဗိုလ်နေ၀င်းရဲ့မြေးတွေကို အာဏာသိမ်းရန် ကြံစည်မှုနဲ့ဖမ်းတဲ့အခါမှာ ဗိုလ်နေ၀င်းပါ အကျယ်ချုပ်ဘ၀ကို ရောက်သွားပါတယ်။ ၂၀၀၂ ဒီဇင်ဘာမှာ ဗိုလ်နေ၀င်းသေတော့ စစ်မှုထမ်းမှန်သမျှ မသာမပို့ရလို့ ဗိုလ်သန်းရွှေက အမိန့်ထုတ်တယ်။ အန္တရာယ်ကို ကာကွယ်ရာမှာ ကျူပင်ခုတ်ကျူငုတ်ပါမကျန်ဆိုတဲ့ စကားအတိုင်း အကုန်ရှင်းပစ်နိုင်တာကြောင့် တပ်တွင်းက အာဏာသိမ်းဖို့ဆိုတာ မဖြစ်နိုင်သလောက်ပဲလို့ ဆိုတယ်။ ရက်စက်ကြမ်းကြုတ်တဲ့ အစိုးရဆီက ထွက်ပြေးသူဦးရေဟာ တလမှာ အနည်းဆုံး (၁,၅၀၀) လောက်ရှိပါတယ်။ ၂၀၀၆ မေလက သြဂုတ်လအထိ (၄) လအတွင်း တပ်သား ကိုးထောင်ကျော် ထွက်ပြေးကြတယ်။

ဒေါ်အောင်ဆန်းစုကြည်ကို ထမင်းဖိတ်ကျွေးတုန်းက အိမ်ရှင် ဗိုလ်သန်းရွှေကစပြီး စကားပြောရမှာ ဖြစ်ပေမယ့် စကားတလုံးမှ မပြောတဲ့အတွက် ဇွန်းသံ ခက်ရင်းသံတွေပဲ ကြားနေရတယ်လို့ ဒေါ်အောင်ဆန်းစုကြည်က ပြန်ပြောပါတယ်တဲ့။ ဒေါ်စုကို စကားစပြောသူဟာ ဗိုလ်မောင်အေးဖြစ်ပြီး တောပြုန်းတဲ့အကြောင်း ပြောတယ်လို့ဆိုပါတယ်။ အာဏာရှိပေမယ့် ဗိုလ်သန်းရွှေဟာ ချက်ချင်းဆုံးဖြတ်ချက်ပေးနိုင်သူ မဟုတ်ပါဘူး။ ဒါကို အခြေအနေ စောင့်ကြည့်တာလို့ တချို့ကဆိုပါတယ်။ ဗိုလ်သန်းရွှေဟာ အချိန်မီဆုံးဖြတ်ချက်မချနိုင်ဘဲ အမြဲတမ်းနောက်ကျနေတာကိုကြည့်ရင် မိမိကိုယ်မိမိ ယုံကြည်မှုမရှိတာ သိသာတယ်လို့ ရန်ကုန်နေ လေ့လာသူတဦးက ပြောပြတယ်။ ဆုံးဖြတ်ချက်ချလိုက်ရင်လည်း သူ့အိုးနဲ့သူ့ဆန် တန်ရုံမဟုတ်ဘဲ အလွန်အကျွံဖြစ်နေတတ်တာဟာ ဗိုလ်သန်းရွှေရဲ့ အကျင့်ပဲလို့ ဆိုပါတယ်။

ဗိုလ်မောင်အေးကို ဗိုလ်သန်းရွှေရဲ့ ပြိုင်ဘက်အဖြစ်မြင်တာဟာလည်း အတွေးချော်နေတာဖြစ်တယ်လို့ ဆိုပါတယ်။ တိုင်းမှူးသက်တမ်းအနုဆုံး ဗိုလ်မောင်အေးဟာ ဗိုလ်သန်းရွှေမြှောက်စားလို့ လက်ရှိအခြေအနေကို ရောက်လာတာပါတဲ့။ ဗိုလ်မောင်အေးဟာ အရက်နဲ့အ၀တ်အစားကိုသာ စိတ်ဝင်စားသူဖြစ်ပြီး နိုင်ငံရေး ရည်မှန်းချက် ကင်းမဲ့သူဖြစ်ပါတယ်။ ဘန်ကောက်ကိုအသွား လေယာဉ်ပေါ်မှာ ဗိုလ်မောင်အေးနဲ့ တပည့်လုပ်သူဟာ Kentucky Fried Chicken စားရတော့အကြောင်း ပြောဆိုနေတာကို ကြားလိုက်ရသူလည်း ရှိတယ်။ ဗိုလ်မောင်အေးဟာ နံပါတ် (၂) နေရာယူထားပေမယ့် နံပါတ် (၁) ကို မလှန်နိုင်သူဖြစ်တယ်။ ဗိုလ်သန်းရွှေသေရင် ဗိုလ်မောင်အေး တက်လာနိုင်ပေမယ့် ဗိုလ်သန်းရွှေက အာဏာလွှဲပေးမယ့်သူကတော့ သူရရွှေမန်းပါပဲ။

၁၉၉၃ မှာ တည်ထောင်တဲ့ ကြံ့ခိုင်ရေးနဲ့ ဖွံ့ဖြိုးရေးအသင်းဟာ ဗိုလ်သန်းရွှေရဲ့ ခါးပိုက်ဆောင်အသင်းပဲဖြစ်တယ်။ ဒီမိုကရေစီအင်အားစုတွေကို တိုက်ခိုက်ရာမှာ ဒီအသင်းကို သုံးပါတယ်။ လိုအပ်လာရင် ကြံ့ဖွံ့ကို ပြည်သူ့စစ်အဖြစ် အသုံးပြုမယ်လို့လည်း ရည်ရွယ်ပါတယ်။ ကြံ့ဖွံ့အသင်းဥက္ကဋ္ဌက ဗိုလ်သန်းရွှေဖြစ်တာမို့ ပါတီအဖြစ် အသွင်ပြောင်းတဲ့အခါမှာလည်း ပါတီဥက္ကဋ္ဌ ဆက်လုပ်နိုင်ပါတယ်။ ကြံ့ဖွံ့ပါတီ ရွေးကောက်ပွဲနိုင်လို့ အစိုးရဖွဲ့နိုင်ရင် ဗိုလ်နေ၀င်းရဲ့ မဆလအာဏာရှင်ခေတ်ကို ပြန်ရောက်သွားသလို ဖြစ်နေတယ်။ ကြံ့ဖွံ့ လက်အောက်မှာ ရာဇ၀တ်သားတွေနဲ့ ဖွဲ့စည်းထားတဲ့ စွမ်းအားရှင်ဆိုတဲ့ လူမိုက်အဖွဲ့ရှိတယ်။ မိခင်နဲ့ကလေးများစောင့်ရှောက်ရေးအသင်း၊ အမျိုးသမီးရေးရာဖက်ဒရေးရှင်း၊ မြန်မာ့ကြက်ခြေနီအသင်း စတာတွေကိုလည်း ဗိုလ်သန်းရွှေက ကြိုးကိုင်ထားတယ်။

ဗိုလ်သန်းရွှေရဲ့ လက်သုံးတော် စီးပွားရေးသမားတွေထဲမှာ တေဇ၊ ထွန်းမြင့်နိုင် (ခေါ်) စတီဗင်လော၊ အောင်ကိုဝင်း၊ ဆပ်ခ်ျပန်း၊ မောင်ဝိတ်၊ ဌေးမြင့်၊ ခင်ရွှေ၊ ဇော်ဇော်၊ အိုက်ထွန်းနဲ့ ချစ်ခိုင်တို့က ထင်ရှားတယ်။ ဒီအထဲမှာ တေဇဟာ သြဇာအရှိန်အ၀ါ အကြီးဆုံးလို့ဆိုတယ်။ ဗိုလ်သန်းရွှေရဲ့သမီး မင်္ဂလာဆောင်ကို တေဇကပဲ အကုန်ခံတယ်လို့ ကြားရတယ်။ အရေးကြီးတဲ့ ဆုံးဖြတ်ချက်တွေကို ချမှတ်ရာမှာ ဗိုလ်သန်းရွှေဟာ တေဇကိုသာ တိုင်ပင်တယ်လို့ သိရတယ်။ ဗိုလ်သန်းရွှေ ဘုရင်ရူးဖြစ်သွားအောင် ပတ်ဝန်းကျင်က ဖန်တီးပေးတာ ထင်ရှားတယ်။ အမိန့်နာခံမှုကို အဓိကထားတဲ့ စစ်တပ်ဓလေ့ကလည်း ဘုရင်ရူးဖြစ်အောင် ထောက်ခံအားပေးသလို ဖြစ်နေတယ်။ ဂေါက်သီးမရိုက်တတ်ဘဲ ဂေါက်သီးကစားတဲ့ သန်းရွှေ ရိုက်လိုက်တဲ့ ဂေါက်သီးဟာ ဘယ်ရောက်မှန်း ဘယ်သူမှမသိနိုင်ပါဘူးတဲ့။ ဒါပေမယ့် သန်းရွှေ ဘယ်လိုရိုက်ရိုက် သူ့ဂေါက်သီးဟာ ကျင်းနားမှာ အမြဲရောက်နေတာ တွေ့ရတယ်လို့ အမေရိကန်သံတမန်က မှတ်ချက်ချဖူးတယ်။ သူ့ဂေါက်သီးကို အစောင့်စစ်သားတွေက နေရာရွှေ့ပေးတဲ့အတွက် အမြဲတမ်း ကျင်းနားရောက်နေတာပါပဲ။ ဂေါက်သီးကစားရာမှာတောင် စည်းကမ်းမလိုက်နာဘဲ အာဏာပြတဲ့ မင်းဆိုးမင်းညစ် အရူးကြီးပါတကား။

source by :NEJ

အပြည့်အစုံ ဖတ်ရန် ...

ပြန်ခေါက်ထားခဲ့ပါဗျားးးးး...

ပဲခူးမြို့ ရေဘေးဒုက္ခသည်များအတွက် ရိက္ခာလိုအပ်

တက်လူ | ပဲခူးမြစ်ရေတက်မှုကြောင့် ပဲခူးမြို့ပေါ် ပြည်သူတို့ စားရေးသောက်ရေး လိုအပ်နေပြီဖြစ်ကြောင်း ပဲခူးမြို့တွင် ရေဘေးကယ်ဆယ်ရေးလုပ်ငန်းများ ပြုလုပ်နေသော ဆရာတော်ဦးကိတ္တိက မိန့်ကြားသည်။

ပြီးခဲ့သည့် သြဂုတ် (၂၈) ရက်နေ့ကပင် မြစ်ရေတက်လာခြင်းဖြစ်ကာ စက်တင်ဘာ (၁) ရက်နေ့တွင်မှသာ အနည်းငယ်ကျသွားကြောင်း ဆရာတော်က မိန့်သည်။

ဆရာတော် ဦးကိတ္တိသည် ပဲခူးမြို့ ရွှေသာလျောင်းအနီး တောင်နံစု ပရဟိတ ကျောင်းတိုက်တွင် သီတင်းသုံးကာ ပရဟိတလုပ်ငန်းများ ဆောင်ရွက်နေသော ဆရာတော်ဖြစ်သည်။

မိုးလေ၀သနှင့် ဇလဗေဒညွှန်ကြားမှု ဦးစီးဌာနဧ။် စက်တင်ဘာ (၁) ရက်နေ့ တိုင်းတာချက်များအရ ပဲခူးမြစ်ရေသည် (၉၁၂) စင်တီမီတာတွင် ရောက်ရှိနေကြောင်း ယနေ့ထုတ် နိုင်ငံပိုင်သတင်းစာတွင် ဖော်ပြထားသည်။

ပဲခူးဖြစ်ရေ၏ စိုးရိမ်ရေအမှတ်မှာ (၉၁၀) စင်တီမီတာဖြစ်သောကြောင့် ယင်းကြေညာချက်အရ စိုးရိမ်ရေအမှတ်ထက် ကျော်နေသေးသည်ကို တွေ့ရသည်။

ပဲခူးမြစ်ရေတက်သည့်အတွက် အိုးအိမ်များ ရေလွှမ်းကာ ရေဘေးဒုက္ခသည် (၅,၀၀၀) ကျော်ခန့်ရှိနိုင်သည်ဟု ပဲခူးမြို့ခံတို့က ခန့်မှန်းနေသော်လည်း ယင်းသို့ ပြည်သူများ နေရာမဲ့ဖြစ်နေခြင်းအပေါ် ယနေ့တိုင် နိုင်ငံပိုင်သတင်းစာများက ဖော်ပြရေးသားခြင်း မရှိသေးပေ။

“လူပေါင်း (၅,၀၀၀) ကျော်ဆိုတာ ကျနော်တို့ ရပ်ကွက်အပါအ၀င် မဇင်းရပ်ကွက်၊ ကလျာနီရပ်ကွက်၊ ကျောက်ကြီးစုရပ်ကွက်၊ ရွှေသာလျောင်းရပ်ကွက်တွေမှာပဲ ပြောတာပါ။ ကျနော်တို့ ဇိုင်းဂနိုင်းရပ်ကွက်တော့ ရေရေလည်လည်ကို အဆိုးဆုံးပဲ။ အခုရွှေနံ့သာ ဘုန်းကြီးကျောင်းမှာ နေကြတယ်။ လူပေါင်း (၆၀၀) ကျော် (၇၀၀) လောက်ရှိမယ်။ နောက်နေရာတွေမှာလည်း အများကြီးပဲ” ဟု ဇိုင်းဂနိုင်း ရပ်ကွက်သားတဦးက ပြောသည်။

ယနေ့ထုတ် နအဖသတင်းစာတွင် မြစ်ရေသည် စက်တင်ဘာ (၁) ရက်နေ့ နေ့လယ် (၁၂) နာရီ တိုင်းတာချက်အရ နောက်ထပ် (၂၄) နာရီအတွင်း စိုးရိမ်ရေအမှတ်မှ ကျသွားနိုင်သည်ဟု ထုတ်ပြန်ထားသော်လည်း ခေတ်ပြိုင်က မိုးလေ၀သနှင့် ဇလဗေဒဦးစီးဌာနသို့ မေးမြန်းရာတွင် ၎င်းတို့အနေဖြင့် မြစ်ရေမည်ကဲ့သို့ အနေအထားရှိသည်ကို ခန့်မှန်းရမည့်ဌာန မဟုတ်ကြောင်း၊ ရသည့်သတင်းကိုသာ ထုတ်ပြန်ရမည့်ဌာနသာဖြစ်ကြောင်း ပြောကြားသည်။

ပဲခူးမြစ်ရေသည် ပြီးခဲ့သည့် သြဂုတ် (၃၁) ရက်တွင် ကြီးမြင့်ခဲ့ရာ (၉၂၄) စင်တီမီတာသို့ပင် ရောက်ရှိခဲ့ကြောင်း၊ ယင်းနေ့က ပဲခူးမြို့ပေါ်အနေအထား အလွန်ဆိုးရွားသွားကြောင်း ပဲခူးမြို့ခံတဦးက ပြောသည်။

“(၃၁) ရက်နေ့က အဆိုးဆုံးပဲဗျ၊ ရေကျနိုး ကျနိုးနဲ့ စောင့်နေရင်းက အများကြီးတက်လာတာဆိုတော့ နေစရာတွေလည်း အားလုံးပျောက်ကုန်တော့တာပေါ့” ဟု ယင်းမြို့ခံက ဆိုသည်။

ဆရာတော် ဦးကတ္တိက ပြည်သူများကို ထမင်းထုတ်များပေးဝေမှု ပြုလုပ်ရာတွင် ပဲခူးမြို့ပေါ်မှ မီးသတ်ရဲဘော်များ၊ ကြက်ခြေနီများ လာရောက်ကူညီကြကြောင်း ပဲခူးမြို့ခံမျက်မြင်တဦးက ပြောသည်။

“အာဏာပိုင်တွေဘက်က လာပြီးတော့ နေရေးထိုင်ရေးတွေအတွက်တော့ စီစဉ်ပေးတာမတွေ့သေးဘူး။ ကြက်ခြေနီနဲ့ မီးသတ်ကတော့ ပါတယ်ဗျ။ အရေးအကြောင်းဆိုရင် သူတို့ကတော့ ၀င်ပါတာကို တွေ့ရတယ်” ဟု ၎င်းက ပြောကြားသည်။

source by :NEJ

အပြည့်အစုံ ဖတ်ရန် ...

ပြန်ခေါက်ထားခဲ့ပါဗျားးးးး...

တပ်မှူး တပ်သား ပြောစကား

VOA | ဗိုလ်မှူးအောင်လင်းထွဋ် ပြောပြတဲ့ ဗိုလ်ချုပ်ကြီးသူရမြင့်အောင် ဗိုလ်ချုပ်ကြီးကိုကို ဗိုလ်ချုပ်ကြီးမင်းအောင်လှိုင် နဲ့ ဗိုလ်ချုပ်မှူးကြီးသန်းရွှေတို့တတွေ ပင်စင်စား လား၊ အရံအင်အား လား ?

ဗိုလိချုပ်မှူးကြီးသန်းရွှေ၊ ဒုတိယဗိုလိချုပ်မှူးကြီးမောင်အေးနဲ့ ဗိုလ်ချုပ်ကြီးသူရရွှေမန်းတို့အပါအ၀င် အသက်အားဖြင့် (၆၀)ကျော် နဲ့ (၆၀)နားကပ်နေသူ မြန်မာ့တပ်မတော်ရဲ့ ထိပ်တန်း စစ်ခေါင်းဆောင်တွေ စစ်ရာထုးအဆင့်တွေကနေ အနားယူသွားကြပြီလို့၊ ဒီရက်ပိုင်း နိုင်ငံတကာသတင်းတွေမှာ ဖေါ်ပြနေကြပါတယ်။ မျိုးဆက်သစ် ထိပ်တန်းစစ်ခေါင်းဆောင် သုံး ယောက်ဖြစ်တဲ့ ဒုတိယဗိုလ်ချုပ်ကြီးသူရမြင့်အောင်၊ ဒုတိယဗိုလ်ချုပ်ကြီးကိုကို၊ ဒုတိယဗိုလ်ချုပ်ကြီးမင်းအောင်လှိုင်တို့ နဲ့ တကွ တပ်မတော်ရဲ့ ဒုတိယတန်းစစ်ခေါင်းဆောင် စစ်တိုင်းမှူး အသစ်တွေဟာ ဘယ်သူတွေလဲ ? သူတို့အပေါ်မှာ အနာဂတ်တိုင်းပြည်အတွက် နဲ့ အနာဂတ် တပ်မတော်အတွက် ဘာတွေမျှော်လင့်လို့ရမလဲ ဆိုတာကို၊ ဒီသီတင်းပတ် “တပ်မှူးတပ် သား ပြောစကား” အပတ်စဉ်ကဏ္ဍမှာ၊ ဦးရော်နီညိမ်းက ဗိုလ်မှူးဟောင်း ဦးအောင်လင်းထွဋ် နဲ့ ဆွေးနွေးတင် ဆက်ထားပါတယ်။

ဦးရော်နီညိမ်း။ ။ ပထမဆုံး ဗိုလ်မှူးကို ကျနော်တို့ မေးချင်တာကပေါ့နော်၊ အခု အခါ တပ်မတော်ကာကွယ်ရေးဦးစီးချုပ် ဖြစ်လာတဲ့ ဒုတိယဗိုလ်ချုပ်ကြီး သူရမြင့်အောင်ဟာ စစ်တက္ကသိုလ် အပတ်စဉ်(၁၈)က ဖြစ်တဲ့အတွက်ကြောင့်မို့လို့၊ ဗိုလ်မှူးတို့ စစ်တက္ကသိုလ် အပတ်စဉ်(၂၀) နဲ့ဆိုရင် (၂) နှစ်လောက်ပဲ ကွာတာကို ကျနော်တို့ တွေ့ရတော့ ဒါဟာ ခေတ် ပြိုင်လို့လည်း လှမ်းမြင်ကြည့်လို့ ရပါတယ်။ အဲဒီတော့ ကိုယ်နဲ့ ခေတ်ပြိုင်တစ်ယောက်ပေါ့နော်၊ ကိုယ့်ထက် (၂)နှစ်လောက်ပဲ စီနီယာကျတဲ့လူ အခု တပ်မတော်ကာကွယ်ရေးဦးစီးချုပ် ဖြစ်လာတဲ့အခါမှာ သူ့ရဲ့ ဖြတ်သန်းလာတဲ့ သမိုင်းကြောင်းကို ဗိုလ်မှူးသိရှိသလောက် ဝေဖန် အကဲဖြတ် သုံးသပ်ပေးပါ ခင်ဗျ။

ဗိုလ်မှူး အောင်လင်းထွဋ်။ ။ ဗိုလ်ချုပ်ကြီး သူရမြင့်အောင်ဟာ မွန်ပြည်နယ် သထုံဇာတိပါခင်ဗျ၊ စစ်တက္ကသိုလ် အပတ်စဉ်(၁၈) တက်တဲ့အချိန်အခါမှာ ‘အောင်ဇေယျ’ တပ်ခွဲက ပါ။ အဲဒီတော့ ကျနော်တို့နဲ့ တပ်ခွဲ တစ်ခွဲတည်း အတူတူဖြစ်ပါတယ်။ သူက တပ်စု(၈)ပါ ခင်ဗျ။ စစ်တက္ကသိုလ် တက်စဉ်အတွင်းမှာတော့ သာမန် ဗိုလ်လောင်းတစ်ယောက် အနေနဲ့ပဲ ကျနော်တို့ သိရပါတယ်ခင်ဗျ။ သူ စစ်တက္ကသိုလ် ဆင်းပြီးတော့ ခမရ (၂)၊ တပ်မ (၄၄) မှာ သူ တပ်ခွဲမှူးဗိုလ်ကြီး ဘ၀နဲ့ပေါ့လေ၊ ၁၉၈၃ - ၈၄ ခုနှစ်က မဲသဝေါ တိုက်ပွဲ မှာ KNU ရဲ့ မဲသဝေါစခန်းကို သိမ်းပိုက်နိုင်ခဲ့တဲ့ အတွက်ကြောင့်မို့လို့ သူ “သူရ”ဘွဲ့ ရပါတယ်။ အဲဒီ “သူရ”ဘွဲ့ ရပြီးတဲ့နောက်ပိုင်းမှာ အဲဒီအချိန်တုန်းက ဗိုလ်ချုပ်ကြီးချစ်ဆွေ (ကိုယ်ရေးအထ္တုပ္ပတ္တိ စာအုပ် ရေးခဲ့သူ။ ၈၈၈၈ အချိန် ကစထ ၂ - ကစထမှူး၊ ၁၉၉၇ သစ်တောဝန်ကြီးရာထူးမှ ဖယ်ရှားခံရသူ) ရဲ့ ကစထ မှာ စစ်ဦးစီးမှူး တတိယတန်း G-3 ဖြစ်ပါတယ်။ အဲဒီတော့ နောက် ပိုင်း G-2 ဖြစ်တယ်။

ဦးရော်နီညိမ်း။ ။ ဟုတ်ကဲ့ခင်ဗျ၊ ကစထ ဆိုတာ “ကာကွယ်ရေး ၀န်ကြီးဌာန စစ်ဆင်ရေးအထူးအဖွဲ့” ပေါ့နော်၊ ၁၉၈၈ မတိုင်ခင်က မြန်မာပြည် မြောက်ပိုင်းနဲ့ တောင်ပိုင်း ကို နှစ်ခုထဲ ခွဲထားပြီးတော့ ကစထ (၁)၊ (၂) ဆိုပြီး ရှိခဲ့တဲ့အထဲက ဒုတိယဗိုလ်ချုပ်ကြီး ချစ်ဆွေ ကိုင်ခဲ့တဲ့ ကစထ (၂) ကိုဆိုလိုတာလား ခင်ဗျ။

ဗိုလ်မှူး အောင်လင်းထွဋ်။ ။ မှန်ပါတယ်ခင်ဗျ၊ အဲဒီနောက်ပိုင်း ဗိုလ်မှူးသူရမြင့်အောင်ဟာ ကက(ကြည်း)စစ်ဆင်ရေးဌာနရဲ့ G-2 တစ်ယောက်ဖြစ်လာခဲ့ပါတယ်။ အဲဒီနောက်ပိုင်း မှာ ကျနော်သိရသလောက်က ခလရ (၃၅)၊ သာယာဝတီမှာ ယာယီတပ်ရင်းမှူး တာဝန်ပေးခံရတာ သိရပါတယ်။ သာယာဝတီ (၃၅) တပ်ရင်းမှူးကနေမှ စစ်တက္ကသိုလ်နည်းပြမှူးချုပ် ရာ ထူးကို သူပြောင်းရွှေ့သွားရပါတယ် ခင်ဗျ။ အဲဒီ နည်းပြမှူးချုပ်ကမှ တဆင့် ဗျူဟာမှူးဖြစ်ပါတယ်။ အဲဒီအချိန်အခါမှာ စကခ တွေ အများကြီး ဖွင့်တဲ့အခါကျတော့ စကခ (၁၃) မှာပဲ သူ ဗျူဟာမှူးကော၊ တပ်မမှူးကော စကခ(၁၃) မှာပဲ ဖြစ်တယ်။

ဦးရော်နီညိမ်း။ ။ ဟုတ်ကဲ့ခင်ဗျ၊ စကခ ဆိုတာ ကျနော်တို့ ခြေမြန်တပ်မတွေနဲ့ အင်အားအညီ နာမည်သာပြောင်းပြီး ဖွဲ့စည်းတဲ့ စစ်ဆင်ရေး ကွပ်ကဲမှု ဌာနချုပ်” ၊ သူတို့ စကခ အကြီးအကဲတွေကိုလည်း တပ်မမှူး လို့ပဲခေါ်ကြတဲ့ နာမည်တစ်မျိုးနဲ့ ထပ်ဖွင့်တဲ့ ခြေမြန် တပ်မတွေလား ခင်ဗျား။

ဗိုလ်မှူး အောင်လင်းထွဋ်။ ။ မှန်ပါတယ်ခင်ဗျ၊ သူ အဲဒီ ဘုတ်ပြင်း ရဲ့ တပ်မမှူးပါ။ ကျနော်ပြောပြောနေတဲ့ "ခရစ္စတီးကျွန်း လူသတ်ပွဲကြီး" ကိစ္စမှာ ဗိုလ်ချုပ်မြင့်အောင်ဟာ အဲဒီ အချိန်တုန်းက တပ်မတော်(ကြည်း)ရဲ့ ခေါင်းဆောင်တစ်ယောက်အနေနဲ့ အဲဒီ ကွပ်ကဲမှုအဖွဲ့မှာ တာဝန်ယူရပါတယ်ခင်ဗျ။ အဲဒီအချိန်တုန်းက ကာကွယ်ရေးဦးစီးချုပ် ဖြစ်ခဲ့တဲ့ (ရေ) က ဗိုလ်ချုပ်ကြည်မင်းတို့ ၊ ကာကွယ်ရေးဦးစီးချုပ်(လေ) ဖြစ်ခဲ့တဲ့ ဗိုလ်ချုပ်မြင့်ဆွေတို့နဲ့ အတူတူပါပဲခင်ဗျ။ ဘာလို့ ကျနော် မှတ်မှတ်ရရ ပြောရသလဲဆိုတော့ အဲဒီ ခရစ္စတီးကျွန်းမှာ လူတွေ ကို သတ်ခိုင်းတုန်းက ကက(ကြည်း)ကနေပြီးတော့မှ ညပိုင်းမှာ အမိန့်လာတဲ့ အချိန်အခါမှာ၊ ကျနော်တို့ အစည်းအဝေးလုပ်ကြတယ်ပေါ့လေ။ ဗိုလ်ချုပ်ကြည်မင်းက အစည်းဝေး လုပ်တဲ့ အချိန်ခါမှာ ဗိုလ်ချုပ်သူရမြင့်အောင် ကနေပြီးတော့မှ “ခင်ဗျားတို့ အနေနဲ့ ဘာမှ ပြန်မေးမနေနဲ့ပေါ့" လေ၊ "အထက်က အမိန့်အတိုင်း သတ်စရာရှိ သတ်ပေါ့၊ သတ်ခိုင်းလိုက်ပေါ့” ဆိုတဲ့ ဟာမျိုးကို ထောက်ခံပြီးတော့ ပြောတဲ့လူမျိုး ဖြစ်ပါတယ်။

ဦးရော်နီညိမ်း။ ။ အဲဒီ အစည်းအဝေးမှာ ဗိုလ်မှူးလည်း တက်ရောက်ခဲ့တာပေါ့။

ဗိုလ်မှူး အောင်လင်းထွဋ်။ ။ မှန်ပါတယ်ခင်ဗျ၊ အဲဒီ ဇာဒက်ကြီးကျွန်း မှာပါခင်ဗျ၊ အဲဒီအစည်းအဝေးမှာ ကျနော်တို့လည်း ပါပါတယ် ခင်ဗျ။ ကျနော်တောင်မှ တော်တော်လေးကို အံ့သြတဲ့အနေအထားမျိုး ဖြစ်ခဲ့ပါတယ်။ ဘာဖြစ်လို့လဲဆိုတော့ မိန်းမတွေကော၊ ကလေးတွေကော၊ မီးနေသည်ကောပါတဲ့ အရပ်သားတွေ ဗျာ၊ innocent people တွေကို သတ်ခိုင်း တာတွေ။

ဦးရော်နီညိမ်း။ ။ ဟုတ်ကဲ့ ခင်ဗျ။ အဲဒီတော့ ဒီ ဗိုလ်ချုပ်မြင့်အောင်ဟာ စကခ (၁၃) ဘုတ်ပြင်းရဲ့ တပ်မမှူးကနေ နောက်တခါ ကျနော်တို့ ဒီမှာ သူ့ရဲ့ profile ကိုပြန်ကြည့်တော့ မော်လမြိုင်မှာ အရှေ့တောင်တိုင်းစစ်ဌာနချုပ် တိုင်းမှူးကို သူ။

ဗိုလ်မှူး အောင်လင်းထွဋ်။ ။ မဟုတ်သေးဘူး၊ မဟုတ်သေးဘူး ခင်ဗျ၊ စကခ(၁၃) တပ်မမှူးကနေမှ သူ တပ်မ(၂၂) တပ်မမှူး။ ဖားအံမှာ ဖြစ်ပါတယ် ခင်ဗျ။ ဖားအံမှာ တပ်မ(၂၂) တပ်မမှူး ပြီးတဲ့အခါကျမှ အရှေ့တောင်တိုင်း စစ်ဌာနချုပ် (မော်လမြိုင်)မှာ တိုင်းမှူးပါ။ နောက် အရှေ့တောင်တိုင်းစစ်ဌာနချုပ် တိုင်းမှူး (မော်လမြိုင်) ကနေမှ အနောက်တောင်တိုင်း စစ်ဌာနချုပ် (ပုသိမ်)ကို တိုင်းမှူး အဖြစ် ပြန်ပြောင်းရပါတယ်။ နောက် အနောက်တောင်တိုင်း တိုင်းမှူး (ပုသိမ်)ကမှ တဆင့် အခု လက်ရှိရာထူး၊ စစ်ရေးချုပ်ရာထူးကို သူရတဲ့ အနေအ ထားမျိုး ဖြစ်ပါတယ်။

ဦးရော်နီညိမ်း။ ။ ဟုတ်ကဲ့ ခင်ဗျ။ အဲဒီတော့ အခု တပ်မတော်မှာ ဒုတိယအကြီးဆုံးနဲ့ တတိယအကြီးဆုံး ဖြစ်လာကြတဲ့ ဒုတိယဗိုလ်ချုပ်ကြီး ကိုကိုနဲ့ ဒုတိယဗိုလ်ချုပ်ကြီး မင်း အောင်လှိုင်တို့ဟာလည်း ဗိုလ်မှူးနဲ့ ဆိုလို့ရှိရင် တစ်နှစ်ပဲ ကွာပါတယ်။ စစ်တက္ကသိုလ် အပတ်စဉ်(၁၉) က ဆင်းတဲ့အခါကျတေ၊့ ခေတ်ပြိုင်လိုပဲ ကျနော်တို့ ကြည့်မြင်လို့ ရပါတယ်။ အဲဒီ အခါကျတော့ သူတို့နဲ့ ပတ်သက်လို့ကော သူတို့ ဖြတ်သန်းမှု၊ သူတို့ ဒီနေရာထိ ရောက်လာတဲ့ ဟာနဲ့ သူတို့ ဒီရှေ့မှာ တပ်ကို ဘယ်လိုဦးဆောင်နိုင်မယ်ဆိုတာ ဗိုလ်မှူး ဘယ်လိုမြင်ပါ သလဲ ခင်ဗျ။

ဗိုလ်မှူး အောင်လင်းထွဋ်။ ။ ကိုကိုက ကျနော်တို့ တပ်စု(၉)၊ ‘အောင်ဇေယျ’တပ်ခွဲ ကပါ။ ကိုကိုရဲ့ စိတ်နေစိတ်ထားကတော့ ကျနော်တို့ ဗိုလ်လောင်းဘ၀မှာ နေစဉ်တုန်းက တော့ ကိုကိုဟာ လူညစ်တစ်ယောက် မဟုတ်ဘူးခင်ဗျ။ ဒီလူဟာ လူကောင်းတစ်ယောက်ပါ။ ကျနော်တို့ ဗိုလ်လောင်းဘ၀မှာ သူ့ကိုတော့ ကျနော် အကောင်းမြင်ပါတယ်ခင်ဗျ။ သူနဲ့ ကျနော်နဲ့ ပြန်ဆုံတော့ သူ စစ်ရုံးမှာ ကက(ကြည်း)G-1 ဘ၀မှာ ကျနော်တို့ ပြန်ဆုံပါတယ်။ ကိုကိုရဲ့ စိတ်နေစိတ်ထားက ကောင်းပါတယ်။ စိတ်ရင်းစေတနာကောင်းတဲ့ ပုဂ္ဂိုလ်မျိုးပါ။ ကျနော် မင်းအောင်လှိုင်နဲ့ ပတ်သက်ပြီးတော့ပြောရရင် မင်းအောင်လှိုင်ကတော့ ‘နော်ရထာ’တပ်ခွဲမှာ နေခဲ့တဲ့လူပါ။ ကျောင်းမှာ ကတည်းကိုက ကျနော်တို့က nick name ပေးထား တာပဲလေ၊ “ကြောင်ချီး”ဆိုပြီး ကျနော်တို့ ပေးထားတာပဲ၊ ပျော့ပျော့လေးနဲ့ နံတဲ့ လူ။ သူ့ရဲ့အဆက်အသွယ်က သူ တပ်မ (၈၈) က တဆင့်ပေါ့လေ၊ ဒါ ဗိုလ်ချုပ်ကြီးသန်းရွှေနဲ့ connection တောက်လျှောက် ရတဲ့အနေအထား မျိုးပါ။ မင်းအောင်လှိုင်ဟာ တပ်မ (၈၈) born တစ်ယောက်ဗျ၊ ဒါကြောင့်မို့လည်း မြှောက်စားခံရတဲ့ အနေအထားမျိုး ဖြစ်လိမ့်မယ် ခင်ဗျ။

ဦးရော်နီညိမ်း။ ။ ဟုတ်ကဲ့ ခင်ဗျ။ အဲဒီတော့ ကျနော်တို့ ပြန်ကြည့်ရင် ဦးနေ၀င်းတုန်းက သနက (၄) ပေါ့နော်၊ သူ့လူတွေ ချည့်ပဲ။ “တပ်ရင်း (၄)၊ တပ်ရင်း (၄)” ဆိုပြီးတော့၊ အခု ဗိုလ်ချုပ်မှူးကြီးသန်းရွှေကလည်း တပ်မ (၈၈) တပ်မမှူး ဖြစ်ခဲ့တော့ သူရဲ့ ခြံပေါက်တွေကြီးပဲ။ သူအနားပေးလိုက်တဲ့ ဒုတိယဗိုလ်ချုပ်ကြီး တင်အေး (နိုင်ငံတော်အေးချမ်းသာယာရေး နှင့် ဖွံ့ဖြိုးရေးကောင်စီဝင် နှင့် ယခုအနားပေးခြင်းခံရသော စစ်လက်နက်ပစ္စည်းထုတ်လုပ်ရေးအရာရှိချုပ်) ဆိုရင်၊ သူ့ရဲ့ကိုယ်ရေးအရာရှိ။

ဗိုလ်မှူး အောင်လင်းထွဋ်။ ။ ဗိုလ်ချုပ်ကြီးသန်းရွှေ ကတော့ တပ်မ(၈၈) ဆိုလို့ အားလုံးတော့မသိနိုင်ပါဘူး။ ဗိုလ်ချုပ်ကြီးသန်းရွှေအောက်မှာ ခုဏက ကိုရော်နီပြောတဲ့ ဗိုလ်ချုပ် တင်အေးတို့ အရင် ဗိုလ်ချုပ်ကျော်ဝင်း (၂၀၀၄တွင် ရာထူးမှ ဖယ်ရှားခြင်းခံရသူ ဒုတိယတပ်မတော် ထောက်လှမ်းရေးမှူးချုပ်)တို့၊ နောက် အခု ဗိုလ်ချုပ်နေ၀င်း (ယခု ဗိုလ်ချုပ်မှူးကြီး သန်းရွှေ ၏ စစ်ဘက်လက်ထောက်) တို့ပေါ့ဗျာ၊ အစစ တပ်မ (၈၈) ဖွဲ့တဲ့နေရာမှာ ဆင့်ကဲဆင့်ကဲပေါ့ ဗျာ၊ ‘ဒီကောင်လေးကတော့ ကျနော်နဲ့ နေခဲ့တယ်၊ ဒီကောင်မဆိုးပါဘူး” ဆိုပြီး recommendation နဲ့ ဒါမျိုးတွေ ပါလာတဲ့ သဘောမျိုးပါ ခင်ဗျ။

ဦးရော်နီညိမ်း။ ။ အဲဒီတော့ ဗမာ့တပ်မတော်ဟာ တစ်ချိန်တုန်းက ဦးနေ၀င်းကနေ ပြီးတော့မှ မြှောက်စားခဲ့တဲ့ တပ်ရင်း (၄) ကလူတွေ ကြီးပဲ ဖြစ်ခဲ့လို့၊ တပ်ရင်း (၄) ခေတ်ကို ရောက်ခဲ့သလို၊ အခုကော တပ်မ (၈၈) ခေတ်ကို ရောက်သွားတယ်လို့ ပြောလို့ရလား ခင်ဗျ။

ဗိုလ်မှူး အောင်လင်းထွဋ်။ ။ ပြောလို့ ရပါတယ်ခင်ဗျ။ တကယ်လည်း ခုဏက ပြောသလို ဗိုလ်ချုပ်ကြီးသန်းရွှေနားမှ ယခင်ကကော ယခုကော လက်ရှိဝန်းရံနေတဲ့ ပုဂ္ဂိုလ်တွေ အများစုပေါ့လေ၊ ရာထူးကြီးကြီးပိုင်းက ဒီ တပ်မ (၈၈) ရဲ့ အဆက်အသွယ်တွေပါပဲ၊ နည်းနည်းလေး ရာထူးငယ်တဲ့လူတွေသာ အနောက်တောင်တိုင်းတို့ ဘာတို့ အဲဒီလောက်က ဗိုလ်ချုပ်ကြီးသန်းရွှေ တိုင်းမှူး ဘ၀မှာတွေခဲ့တဲ့လူ။ တပ်မ(၈၈) ကတော့ ဗိုလ်ချုပ်ကြီး သန်းရွှေ အနေနဲ့ ခလရ (၁) မှာ အဲဒီမှာ တပ်ရင်းမှူး အဖြစ် တာဝန် ထမ်းခဲ့တယ်။ နောက် တပ်မ (၈၈)မှာပဲ ဗျူဟာမှူး၊ ဒုတပ်မမှူး၊ တပ်မမှူး ဖြစ်ခဲ့တဲ့ အခါကျတော့ သူ့ရဲ့ မိခင်တပ်မလို ဖြစ်တဲ့ အနေအထားမျိုး ရှိပါတယ်။ ဒါကြောင့်မို့ ဘယ်သူပဲ ဖြစ်ဖြစ် တပ်မ (၈၈) ကဆို လက်ခံတဲ့ အနေအထားမျိုး ရှိပါတယ်ခင်ဗျ။

ဦးရော်နီညိမ်း။ ။ ဟုတ်ကဲ့ ခင်ဗျ။ အဲဒီတော့ အခု စစ်ရေးချုပ် ဒုတိယဗိုလ်ချုပ်ကြီး သူရမြင့်အောင်ဟာ တပ်မတော်မှာ အကြီးဆုံးပေါ့ နော်။ မြန်မာ့ တပ်မတော်မှာ တပ်မတော် ကာကွယ်ရေးဦးစီးချုပ်ဖြစ်လာပြီ။ သူဟာ အခု အသက်အရွယ်အရ ဆိုရင်လည်း (၅၅) လောက်ပဲ ရှိသေးတယ်။ အဲဒီတော့ နောက်ထပ် (၅)နှစ်ပေါ့နော်၊ အနည်းဆုံးကတော့ တပ်မ တော်ကာကွယ်ရေးဦးစီးချုပ် ဆက်ဖြစ်နေဦးမှာပဲ။ နိုင်ငံရေးအပြောင်းအလဲတွေ ဗိုလ်ချုပ်မှူးကြီးသန်းရွှေ ဆင်ထားတဲ့ အတိုင်းပဲ ရှိနေဦးမယ်ဆိုရင်၊ အဲဒီအခါကျတော့ ဗိုလ်ချုပ်မှူးကြီး သန်းရွှေ စိတ်ကြိုက် ခေါင်းခေါက်ပြီး အခုရွေးလိုက်တဲ့ တပ်မတော်ကာကွယ်ရေး ဦးစီးချုပ်အသစ် သူ့နေရာကိုဆက်ခံတဲ့ ဒုတိယ ဗိုလ်ချုပ်ကြီး သူရမြင့်အောင် အနေနဲ့ ၊ တပ်မတော်ကို ဘယ်လိုထိန်းကျောင်းပြီးတော့ စစ်ရေးစစ်ရာမှာရော၊ နောက်တစ်ခါ တပ်မတော်က မြန်မာ့နိုင်ငံရေးမှာ ဦးဆောင်ကဏ္ဍကနေ ပါဝင်မယ်ဆိုတဲ့ ဖွဲ့စည်းအုပ်ချုပ်ပုံအခြေခံ ဥပဒေ ဟာလည်း ပြဌာန်း ထားပြီးသား ဖြစ်တဲ့အတွက်ကြောင့်မို့လို့ ၊ ဒုတိယဗိုလ်ချုပ်ကြီး သူရမြင့်အောင် အနေနဲ့ တိုင်းပြည်ကိုပါ နိုင်ငံရေးအရ ဘယ်လိုများဦးဆောင်မှု ပေးသွားနိုင် မယ်လို့ ဗိုလ်မှူး သုံးသပ် ကြည့်မြင်လို့ ရပါသလဲ ခင်ဗျ။

ဗိုလ်မှူး အောင်လင်းထ်ွဋ်။ ။ ဗိုလ်ချုပ်ကြီးသူရမြင့်အောင် အနေနဲ့တော့ ဒီနိုင်ငံရေးပိုင်းမှာတော့ ဦးဆောင်နိုင်မယ့် အနေအထားမျိုး မရှိပါဘူး။ ခုကလည်း ကိုရော်နီ ခုဏက ပြော သလိုပါပဲ၊ ဗိုလ်ချုပ်ကြီးသန်းရွှေ ရဲ့ ဆင်ထားတဲ့ အကွက်အတိုင်းကို၊ သူတို့က နင်းပေးရ တဲ့ အနေအထားမျိုးပါ။ အဲဒီတော့ ဗိုလ်ချုပ်ကြီးသန်းရွှေ အနေနဲ့လည်း ပထမ သူ နဲ့ လုပ်ဖေါ် ကိုင်ဖက်တွေ တူတူဖြစ်ခဲ့တဲ့ ဗိုလ်ချုပ်ကြီးစိန်အောင် (၈၈၈၈ အချိန် ကစထ(၁) ကစထမှူး၊ ၁၉၉၇ တွင် အမှတ်(၁)စက်မှု ၀န်ကြီးအဖြစ်မှ ဖယ်ရှားခံရသူ၊ ယခု ကွယ်လွန်ပြီး) တို့၊ နောက် ဗိုလ်ချုပ်ကြီး ဖုန်းမြင့် (၈၈၈၈ အချိန် စစ်ထောက်ချုပ်၊ ၁၉၉၇တွင် ပြည်ထဲရေးဝန်ကြီး ရာထူးမှ ဖယ်ရှားခံရသူ)၊ တို့ အပါအ၀င်ပေါ့လေ၊ နောက် ဗိုလ်ချုပ်ထွန်းကြည် (မကြာ သေးခင်က ဗိုလ်ထွန်းကြည် (မုံရွာ) အမည်နဲ့ ကိုယ်ရေးအထ္တုပ္ပတ္တိစာအုပ် ရေးခဲ့သူ။ ၈၈၈၈ အချိန် နမခ(မန္တလေး) တိုင်းမှူး၊ ၁၉၉၇တွင် ကုန်သွယ်ရေးဝန်ကြီးရာထူးမှ ဖယ်ရှားခံရ သူ)တို့ ဗိုလ်ချုပ်မြင့်အောင် (၈၈၈၈ အချိန် နတခ တိုင်းမှူး၊ ၁၉၉၇တွင် လယ်/ဆည်ဝန်ကြီး ရာထူးမှ ဖယ်ရှားခံရသူ၊ ယခု ကွယ်လွန်ပြီး)တို့ကို တစ်သုတ် သူရှင်းလိုက်ပါတယ်။

ဦးရော်နီညိမ်း။ ။ ၁၉၉၇ ပေါ့နော်၊ အဲဒီတုန်းက ။

ဗိုလ်မှူး အောင်လင်းထွဋ်။ ။ မှန်ပါတယ်ခင်ဗျ။ ရှင်းပြီးတဲ့အခါမှာ အဲဒီနောက်ပိုင်းမှာ ဗိုလ်ချုပ်ဝင်းမြင့် (၈၈၈၈ အချိန် ခြေမြန်တပ်မ(၁၀၁) တပ်မမှူး၊ စစ်ထောက်ချုပ် အတွင်းရေးမှူး -၃ အဖြစ်မှ ၂၀၀၁ တွင် ရာထူးမှ ခယ်ရှားခံရသူ) တို့၊ နောက် ဗိုလ်ချုပ် တင်လှ (၈၈၈၈ အချိန် ရန်ကုန်မြို့တွင် ပစ်ခတ်နှိမ်နင်းခဲ့သော ခြေမြန်တပ်မ(၂၂) တပ်မမှူး၊ တပ်မတော်ရေးရာ ၀န်ကြီး၊ ဒုဝန်ကြီးချုပ်မှ တို့ ၂၀၀၁တွင် ရာထူးမှ ခယ်ရှားခံရသူ) ဗိုလ်ချုပ်ခင်ညွန့် တို့ပေါ့လေ။ ပိုပြီးတော့မှ တောက်ပြောင်လာတဲ့ အနေအထားမျိုး ကျနော်တို့ တွေ့ရပါမယ်။ နောက်ပိုင်း ၂၀၀၁ ခုနှစ်လောက်ကျတော့ ဗိုလ်ချုပ် ရွှေမန်းတို့ ကို ပွဲထုတ်လာတဲ့ အနေအထားမျိုးတွေ ကျနော်တို့ တွေ့ရမှာဖြစ်ပါတယ်။ အခုလည်း ဒါ ဗိုလ်ချုပ်ရွှေမန်းတို့ ဟာ အချိန်တွေက ကြာ လာတဲ့အခါမှာ စစ်တပ်မှာ သူတို့ အာဏာတည်ဆောက်မယ်ဆိုရင် တည်ဆောက်နိုင်တဲ့ အခြေအနေလည်း ရောက်လာ တယ်။ ဒီ့အပြင်မှာ ၂၀၀၈ ခုနှစ်လောက်က ဗိုလ်ချုပ်ရွှေမန်းသာ တိုင်းပြည်ကိုခေါင်းဆောင်ရင် မဆိုးဘူးဆိုတဲ့ အသံလေးတွေ ထွက်လာတဲ့ အခါမှာ ဗိုလ်ချုပ်ရွှေမန်းဟာ ပထမ ဦးစီးချုပ်ရာထူးကို သူ့ကိုမှန်းထားပေမယ့် ဦးစီးချုပ် မရတော့ဘူးပေါ့ဗျာ။ ဘာဖြစ်မလဲ ဆိုတာကတော့ ဒါ ဗိုလ်ချုပ်မှူးကြီးသန်းရွှေ စိတ်ထဲမှာပဲ ရှိပါတယ်။ ပြန်ကြည့်ရင် ဟိုယခင်ပေါ့လေ ဦးနေ ၀င်းခေတ်တုန်းက ပုံစံ အတိုင်းပါပဲ။ တစ်သုတ်ပြီး တစ်သုတ်သာ လူတွေလဲ သွားပေမယ့် ဦးနေ၀င်းကတော့ ကျန်စမြဲ ဖြစ်သလို အခုဒါ ဗိုလ်ချုပ်ကြီး တွေ ဘယ်လောက်ပဲ ပြောင်းသွား ပြောင်းသွား ဗိုလ်ချုပ်မှူးကြီးသန်းရွှေရဲ့ အာဏာကတော့ ဆက်ပြီး တော့မှ ရပ်တည်မယ့် အနေအထားမျိုးပါ။

ဦးရော်နီညိမ်း။ ။ ဟုတ်ကဲ့ ခင်ဗျ၊ ဗိုလ်မှူးခင်ဗျ၊ ကျနော်တို့ ပြန်ကြည့်တော့ ဒီအတွဲလိုက်ကြီးပေါ့နော်။ အခု ဒါ ‘နောက်တစ်တွဲ လူလဲ’ ဆိုပြီးတော့ ထားခဲ့တဲ့ဟာမှာ၊ ဗိုလ်ချုပ်မှူး ကြီးသန်းရွှေ၊ ဒုတိယဗိုလ်ချုပ်မှူးကြီးမောင်အေး ဦးဆောင်ပြီးတော့မှ ဒီအတွဲလိုက်ကြီး ဘာဆက်လုပ်မယ်လို့ ထင်သလဲခင်ဗျ။ ဗိုလ်မှူးရဲ့ အတွေ့အကြုံနဲ့ သူတို့ရဲ့ လုပ်လေ့လုပ်ထ ရှိတဲ့ သဘောတွေကို သိနေတဲ့ အတွက်ကြောင့်မို့ လို့ ဘယ်လိုမြင်ပါသလဲ ခင်ဗျ။

ဗိုလ်မှူး အောင်လင်းထွဋ်။ ။ ကျနော့်အမြင်ပြောရရင်တော့ အခုဒါ ဖွဲ့စည်းပုံအုပ်ချုပ်ပုံအခြေခံဥပဒေ အရပေါ့နော် ၂၅ ရာခိုင်နှုန်းကို တပ်မတော်က အမတ်တွေကို ထည့်ရမယ် ဆို တာ ပါလာတာရှိပါတယ်။

ဦးရော်နီညိမ်း။ ။ တပ်မတော်က နေပြီးတော့မှ ၂၅ ရာခိုင်နှုန်းသော အမတ်တွေကို တပ်မတော်က ရွေးချယ်ပေးမယ်ဆိုတာကို အားလုံးက နားလည်ထားခဲ့ကြတာက တပ်မ တော်က လက်ရှိတာဝန်ယူထားတဲ့ စစ်ယူနီဖောင်းနဲ့ ပုဂ္ဂိုလ်တွေပဲ ၂၅ ရာခိုင်နှုန်းကို ၀င်မယ်၊ ကျနော်တို့လက်ရှိ ဦးသိန်းစိန် ဦးဆောင်တဲ့ ၀န်ကြီးများ အဖွဲ့ကတော့ သူတို့ က တိုက် ရိုက်ခန့်အပ်တာမဟုတ်ဘူး။ သူတို့က အမတ်ဖြစ်မလား မဖြစ်ဘူးလား ဆိုတာက ရွေးကောက်ပွဲ ရလဒ် ပေါ်မှာမှ ဖြစ်လာမှာ။ ဒါပေမယ့် အခု ဗိုလ်ချုပ်မှူးကြီးသန်းရွှေ နဲ့ အခု အတွဲလိုက် ကြီးက ဒုတိယဗိုလ်ချုပ်ကြီးတွေ ထွက်ပေးလိုက်တာ အခု ၅၀ ကျော်တန်းတွေကနေ သူ့အထိပေါ့နော် ၇၇ လောက်အထိ သက်တမ်းကိုထွက်ပေးလိုက်တာ ဟာ၊ အခုအတိုင်းဆိုလို့ ရှိရင် တပ်မတော်ကနေ စိတ်ကြိုက်ခန့်အပ်မယ့် ၂၅ ရာခိုင်နှုန်းသော အမတ်ဆိုတာ ယူနီဖောင်းဝတ်ထားသော တပ်မတော် အရာရှိတွေ ဟုတ်ချင်မှ ဟုတ်မှာပေါ့။ တပ်မတော်ကာကွယ် ရေးဦးစီးချုပ် သူကြိုက်တဲ့လူ သူခန့်လို့ ရတယ် ဆိုတဲ့ အနေအထားမျိုး ဖြစ်မနေဘူးလား ခင်ဗျ။ အဲဒီတော့ ဗိုလ်ချုပ်ကြီးသူရမြင့်အောင်ကမှ အငြိမ်းစား ဗိုလ်ချုပ်မှူးကြီး ဦးသန်းရွှေ၊ အငြိမ်းစား ဒုတိယ ဗိုလ်ချုပ်မှူးကြီး ဦးမောင်အေး၊ အငြိမ်းစား ဗိုလ်ချုပ်ကြီး သူရ ဦးရွှေမန်း တို့ စသည်ဖြင့် အဲဒီပုဂ္ဂိုလ် တွေနဲ့ အခု အတွဲလိုက်ကြီး ထွက်သွားတဲ့ ဒုတိယ ဗိုလ်ချုပ်ကြီး အငြိမ်းစား တွေအကုန်လုံးကို အမတ် အနေနဲ့ ၂၅ ရာခိုင်နှုန်းအနေနဲ့ ခန့်လို့ရတယ် ဆိုတဲ့ အနေအထားမျိုးကို သွားနေတာလား ခင်ဗျား။

ဗိုလ်မှူး အောင်လင်းထွဋ်။ ။ ကျနော့်အမြင်ပြောရရင်ပေါ့လေ၊ စစ်ရာထူးခန့် အမိန့် အပေါ်မှာ မူတည်ပါတယ်။ စစ်ရာထူးခန့်ချုပ်ရုံးက ထွက်တဲ့ အမိန့်မှာ ကျနော်တို့ နှစ်ခုပေါ့လေ၊ တစ်ခုက အရံ အင်အားစာရင်း တင်သွင်းတယ်ဆိုတာ ကျနော်တို့ တပ်မတော်မှာ တစ်ခုရှိတယ်။ အနားပေးတာလား ဆိုတဲ့ဟာကိုတော့ ကွဲကွဲပြားပြား ကျနော်တို့ မသိရသေးပါဘူး။ တကယ်လို့ ခုဏက ပြောသလိုပေါ့ လေ။ အရံ အင်အား စာရင်း တင်သွင်းတယ် ဆိုလို့ရှိရင် ကျနော်တို့ စစ်တပ်က လုံးဝထွက်သွားတယ်လို့ ပြောလို့မရပါဘူး။ သူတို့က တပ်မတော်မှာ ရှိတဲ့ တာဝန်တွေကိုသာ သူက ထမ်းဆောင်ရခြင်းမှရှိပေမယ့် အရပ်ဘက်မှာတော့ သူက တွဲဘက် သဘောမျိုးနဲ့ သွားတဲ့ သဘောမျိုး ဖြစ်ပါတယ်။ အရံ အင်အား စာရင်း တင်သွင်းတယ်ဆိုရင်တော့ ယူနီဖောင်း ချွတ်ချင်မှ ချွတ်ဦးမှာပေါ့။ ဆိုတော့ အဲဒီ အနေအထားမျိုး ဖြစ်ပါလိမ့်မယ် ခင်ဗျ။

ဦးရော်နီညိမ်း။ ။ ဟုတ်ကဲ့ ခင်ဗျ၊ ပြည်သူ့လွှတ်တော်မှာ လျာထားတာက အမတ် ၄၄၀ မှာ ၁၁၀ ၊ ၂၅ ရာခိုင်နှုန်းသော အမတ်တွေဟာ တပ်မတော် ကာကွယ်ရေး ဦးစီးချုပ် ခန့်အပ်တဲ့ ပုဂ္ဂိုလ်တွေဆိုတဲ့ဟာမှာ အရပ်သားတွေလည်း ဖြစ်ချင်ဖြစ်မယ်ဆိုတဲ့ သဘောပေါ့။ အခု ဗိုလ်ချုပ်မှူးကြီး သန်းရွှေနဲ့ အခု နားယူသွားတဲ့ ဒုတိယ ဗိုလ်ချုပ်ကြီးတွေ၊ ဗိုလ်ချုပ် ကြီးတွေ အကုန်လုံးဟာ အရပ်သားတွေ ဖြစ်သွားကြပြီ။ ဗိုလ်ချုပ်ကြီး သူရမြင့်အောင်က သူတို့ကို ဒီ ၂၅ ရာခိုင်နှုန်းသော ကာကွယ်ရေးဦးစီးချုပ် စိတ်ကြိုက်ခန့်တဲ့ အမတ်တွေ အနေနဲ့ ခန့်လို့ မရဘူးလား ခင်ဗျ။

ဗိုလ်မှူး အောင်လင်းထွဋ်။ ။ တပ်မတော်က ခန့်မယ့် ၂၅ ရာခိုင်နှုန်း ဆိုတဲ့ နေရာမှာ ခုဏက ကိုရော်နီပြောသလိုပေါ့၊ အားလုံးက ယူနီဖောင်း ၀တ်ရမယ်လို့တော့ မဆိုလိုပါဘူး ခင်ဗျ။ တပ်မတော် ကာကွယ်ရေး ဦးစီးချုပ်က ပေးတဲ့ စာရင်းအတိုင်းပဲ ဒါ လွှတ်တော်က လက်ခံရမယ့် အနေအထားမျိုး ရှိပါတယ်။ လုံးဝ အငြိမ်းစားယူရင်တော့ ယူနီဖောင်း ချွတ်ရမှာပေါ့ဗျာ။

ဦးရော်နီညိမ်း။ ။ ကာကွယ်ရေး ၀န်ကြီးဌာန တပ်မတော် ထောက်လှမ်းရေး ညွှန်ကြားရေးမှူးရုံးမှာ စစ်ဦးစီးမှူး ဒုတိယတန်း G-2 တာဝန်ထမ်းဆောင်ခဲ့ဖူးပြီးတော့ ၀ါရှင်တန်ဒီစီ မြို့တော် မြန်မာသံရုံးရဲ့ သံရုံး ယာယီ တာဝန်ခံနဲ့ သံမှူးကြီး တာဝန်တွေကိုပါ ထမ်းဆောင်ခဲ့ဖူး တဲ့ ဗိုလ်မှူးဟောင်း ဦးအောင်လင်းထွဋ်က လက်ရှိဖြစ်ပေါ်နေတဲ့ မြန်မာ့တပ်မတော် ခေါင်းဆောင်ပိုင်း အပြောင်းအလဲနဲ့ မြန်မာ့နိုင်ငံရေး ဆက်နွှယ်နေပုံတွေကို သုံးသပ်လေ့လာ တင်ပြသွားတာ ဖြစ်ပါတယ်ခင်ဗျား။ နောက်သီတင်ပတ် စက်တင်ဘာလ (၅) ရက်၊ တနင်္ဂ နွေနေ့ မနက် "တပ်မှူးတပ်သား ပြောစကား" ကဏ္ဍမှာတော့ စစ်တက္ကသိုလ် အပတ်စဉ် (၂၄) ကဆင်းပြီးတော့ ရှစ်လေးလုံး ပြည်သူ့အရေးတော်ပုံကြီး ကာလမှာ ပြည်သူလူထုဘက် ကို ကူးပြောင်းပါဝင်ခဲ့တဲ့ ဗိုလ်ကြီ;ဟောင်း စိုင်းဝင်းကျော်ရဲ့ မြန်မာ့တပ်မတော် မှာ အခု အသစ် တက်လာကြတဲ့ ဒုတိယတန်း စစ်ခေါင်းဆောင် စစ်တိုင်းမှူးတွေနဲ့ ပတ်သက်ပြီး လေ့လာ သုံးသပ် တင်ပြသွားတာတွေကို တင်ဆက်ပေးမှာ ဖြစ်ပါတယ် ခင်ဗျား။ စောင့်မျှော်နားဆင်ကြပါ။ ကျနော် ရော်နီညိမ်းပါ။

ုံနားဆင်ရန်

source by : http://www.voanews.com

အပြည့်အစုံ ဖတ်ရန် ...

ပြန်ခေါက်ထားခဲ့ပါဗျားးးးး...