Friday, August 19, 2011

နိုင်ငံတော်သမ္မတ ဦးသိန်းစိန်သို့ အိတ်ဖွင့်ပေးစာ


ပြည်ထောင်စု သမ္မတမြန်မာနိုင်ငံတော်လို့ တရားဝင် စတင်ခေါ်ဝေါ်ခဲ့တာဟာ ၂၀၁၁ မတ် လ (၃၀) ရက်နေ့ ဆိုရင် မှားမယ် မထင်ပါဘူး။ အဲဒီနေ့မှာ သမ္မတဦးသိန်းစိန် ဦးဆောင်တဲ့ အစိုးရအဖွဲ့ ဖွဲ့စည်းတယ်လို့ ကြေငြာခဲ့တာကိုး။

အဲဒီနောက် ရက်ပေါင်း ၁၀၀ ကျော်ကြာပြီး ပထမဦးဆုံး နေပြည်တော်မှာပြုလုပ်တဲ့ သတင်းစာရှင်းလင်းပွဲ (၁/၂၀၁၁) ကို ၁၂/၈/၂၀၁၁ မှာ ရုပ်မြင်သံကြားကနေ ကြားသိ တွေ့မြင်လိုက်ရပါတယ်။ တဖန် သမ္မတဦးသိန်းစိန်ကလည်း မြန်မာကွန်ဗန်းရှင်းစင်တာ (M.I.C.C)မှာ ၁၇/၈/၂၀၁၁ ရက်နေ့တွင် မိန့်ခွန်းတစ်ရပ် သူ့ရဲ့ မူရင်းအသံဖြင့် ထုတ်လွှင့်သွားပြန်တယ်။ အဲဒီမှာ ပြည်သူတွေက မတရားမှုတွေကို နိုင်ငံတော် သမ္မတထံ တိုင်ကြားကြပြီး၊ အချို့ကို ဖြေရှင်းခဲ့ပြီး အချို့ကို စုံစမ်းဆဲ ဖြစ်ပါတယ်လို့ ကြားရတဲ့အခါ ညီနောင် ရဲဘော်ရဲဘက်များ အချင်းချင်းကြည့်ရင်း “တပ်မတော်ထဲက ကျတော့ ဘယ်သူ့ဆီ တိုင်ရမှာလဲ” လို့ မေးမြန်းသံတွေ ထွက်လာပါတယ်။

၂၀၀၈ ဖွဲ့စည်းပုံဥပဒေအရ သမ္မတသည် နိုင်ငံတော် အကြီးအကဲ ဖြစ်တဲ့အတွက် တပ်မတော်အတွင်းက မတရားမှုတွေ၊ အဆင်မပြေမှုတွေကို ဖြေရှင်းပေးရန် တာဝန်ရှိပါတယ်လို့ ယုံကြည်ပါတယ်။ ဒါကြောင့်လည်း ယခင်က တပ်မတော်ရဲ့ ထိပ်ပိုင်း ဗိုလ်ချုပ်ကြီးတစ်ဦး စစ်ရေးချုပ်ဖြစ်ခဲ့သလို ယနေ့အချိန်မှာ နိုင်ငံတော်သမ္မတဖြစ်နေသော ဗိုလ်ချုပ်ကြီး သိန်းစိန်(အငြိမ်းစား) သို့မဟုတ်နိုင်ငံတော်သမ္မတ ဦးသိန်းစိန်ထံ အောက်ပါ အချက်အလက်များကို မှန်/မမှန် စိစစ်လျက် နိုင်ငံတော်ရဲ့ သားသမီးတစ်ဦးဖြစ်တဲ့ တပ်မတော်အတွင်းမှ အရာရှိ/စစ်သည် မိသားစုများအတွက် ဖြေရှင်း ဆောင်ရွက်ပေးပါရန် တိုင်ကြားအပ်ပါတယ်။

ဦးစီးတာဝန်ပါ စစ်ဦးစီး-စစ်ရေး-စစ်ထောက်ဖြင့် အစီအစဉ်အတိုင်း တင်ပြရရင် စစ်ဆင်ရေးနှင့်ပတ်သက်ပြီး တပ်မတော်(လေ)အနေနဲ့ မြန်မာ့ ဝေဟင်ပိုင်နက်ကို ထိရောက်စွာ ကာကွယ်မှု ပြုနိုင်တဲ့ စွမ်းရည်ထက်မြက်သည့် လေယာဉ်/ရဟတ်ယာဉ်များနှင့် အထောက်အကူပြု မြေပြင်ပစ္စည်းများ၊ အီလက်ထရောနစ်ပစ္စည်းများကို အိမ်နီးချင်း နိုင်ငံများနှင့် ရင်ဘောင်တန်းနိုင်သည့် စွမ်းရည်ရှိသော Quality နှင့် Quanity ရှိရှိ ယုံကြည်စိတ်ချစွာ ပိုင်ဆိုင် အသုံးပြုလိုပါတယ်။ လက်ရှိအနေအထားကို မလိမ်မညာစတမ်း တင်ပြရရင် ကာကွယ်ရေး ဦးစီးချုပ်(လေ)အပြင် လေတပ်ဆိုင်ရာ ပြည်တွင်းပြည်ပမှ ကျွမ်းကျင်သူများအား စိစစ် တင်ပြစေပါက နိုင်ငံတော်ကာကွယ်ရေးအတွက် လက်ရှိ တပ်မတော်(လေ)ရဲ့ အနေအထားမှန်ကို ထိတ်လန့်ဖွယ် သိရှိရပါလိမ့်မယ်။

လေ့ကျင့်ရေးအပိုင်းတွင် အရာရှိများရော စစ်သည်များပါ မိမိတာဝန်ထမ်းဆောင်ရမည့် နယ်ပယ်အလိုက် အသုံးဝင်သော သင်တန်းနှင့် အသုံးမ၀င်သော သင်တန်းများဖြင့် လုံးလည်ချာလည် လိုက်နေရပါတယ်။ စစ်သည်များအတွက် အကြပ်လောင်း၊ အကြပ်ငယ် စသောသင်တန်းများ၊ တိုက်/စည်း (အကြပ်/တပ်သား/အရာခံ) အဆင့်ဆင့်၊ တဘက်မှာလည်း သက်ဆိုင်ရာ စက်မှုလက်မှု သင်တန်းများ၊ အရာရှိများအတွက် ဆိုလျှင်လည်း လေတပ်ဆိုင်ရာ သင်တန်းများအပြင် ခြေလျင်တပ်ခွဲမှူး၊ တပ်ရင်းမှူးသင်တန်းများ၊ စသည် တို့ကြောင့် ငွေကုန်ကြေးကျများပြီး အချိန်ကုန် လူပမ်း အကျိုးမရှိဖြစ်ရသော သင်တန်းများစွာ ရှိနေပါတယ်။ တပ်ဖွဲ့ရဲ့ သဘောသဘာဝနှင့် အကျိုးရှိမှု မရှိ မှုတို့အား ပြန်လည် သုံးသပ်သင့်ပါတယ်။

သင်တန်းကျောင်းများအတွက်ရော၊ တက်ရောက်သူများအတွက်ပါ အကျိုးရှိသော သင်တန်းများဖြစ်ရန် သုံးသပ်မှုများပြုမှ ကာကွယ်ရေးအသုံးစရိတ်ကျခံမှု ထိရောက်ပါမယ်။

စစ်ရေးဆိုင်ရာနှင့်စပ်လျဉ်းပြီး တင်ပြရရင် တပ်မတော် (ကြည်း/ ရေ / လေ) အရာရှိ/စစ်သည်များရဲ့ လစာနှင့် စရိတ်များဟာ လက်ရှိကုန်ဈေးနှုန်းနှင့် ကိုက်ညီမှု မရှိပါ။ ရိက္ခာခြောက်များ၊ ရိက္ခာစိုငွေများဖြင့် ပြင်ပ ကုန်ဈေးနှုန်း နှိုင်းယှဉ်ကာ မိသားစု တစ်စုအတွက် ဟင်းချက်ကြည့်ပါက အဆင်မပြေသော လက်ရှိ လစာနှင့် စရိတ်ကို တွေ့မြင်နိုင်သလို စစ်ပြေးများနေခြင်း၊ ငွေကြေး၊ လောင်းကစားမှုများ ပေါများနေခြင်းရဲ့ ဇစ်မြစ်ကို သိနိုင်ပါမယ်။ ဗိုလ်ချုပ်ကြီး စစ်ရေးချုပ်ဖြစ်ခဲ့စဉ်က ကလေးစစ်သားနဲ့ စပ်လျဉ်းပြီး ကော်မတီအစည်းအဝေး ထိုင်ခဲ့ဖူးသလို စစ်သားစုဆောင်းရေးနဲ့ ပတ်သက်ပြီး တိုက်ရိုက် တာဝန်ရှိတဲ့သူတယောက် ဖြစ်ခဲ့ဖူးပါတယ်။

လေတပ်အပါအဝင် အောက်ခြေ ခြေလျင်တပ်ဖွဲ့တွေမှာ စစ်သားစုဆောင်းရေး သတ်မှတ်ချက်အတိုင်း ပြည့်မှီနိုင်ဖို့ တရားဝင် လူကုန်ကူးမှု တပ်ထဲမှာ ဖြစ်ပျက်နေတာကို သိခဲ့ပါသလားလို့ မေးချင်ပါတယ်။ ထို့အတူ တပ်သားသစ်စုပေးမှ ခွင့်ပေးခြင်း၊ မိသားစု လိုက်ပါရန်ခက်ခဲတဲ့ နေထိုင်မှု အဆင်မပြေခြင်းများရှိသည့် လေတပ်စခန်းများရဲ့ အခြေအနေကြောင့်လည်း ခွင့်မဲ့ပျက်ကွက်မှုများ တိုးပွါးနေခြင်းဖြစ်ပါတယ်။ အရာရှိ/ စစ်သည်များရဲ့ အဆင့်တိုးမြင့်ရေး၊ ပြောင်းရွှေ့ရေးများတွင် မူဝါဒအမျိုးမျိုး ရှိခြင်းကလည်း တိုင်ကြားသူမရှိသော ရာဇ၀တ်မှုများသဖွယ် တပ်မတော်(လေ)မှာ ဖြစ်စဉ်များစွာရှိနေပါတယ်။ ဝေးလံတဲ့ တပ် (မြိတ်၊ ဟုမ္မလင်း)များမှ သူများကို သွားလာမှု အဆင်ပြေတဲ့ တပ်များသို့ ၃နှစ်ပြည့်လျှင် ပြန်ပြောင်းပေးမယ်ဟု ဆိုသော်လည်း မသိချင်ယောင်ဆောင် ပစ်ထားကာ နေမြဲဖြစ်နေသူများရှိပါတယ်။ ဒါအပြင် အိမ်နီးချင်းတပ် သို့မဟုတ် ကပ်လျက်တပ် (မိတ္ထီလာမှ လမသနှင့်လကသ) အချင်းချင်း ပြောင်းခွင့်မပေးဟု ဆိုသော်လည်း လက်တို့ပြီး အတွင်းကြိတ် ပြောင်းနေမှုများ ရှိပါတယ်။

စစ်ရာထူးခန့်ချုပ်ရုံး ထူးအမိန့်ထွက်ပြီးသည့်တိုင် ကက(လေ)အမိန့်နှင့် တွဲဘက်(၆လ မကျော်ရော/ ဘာမှ မပါပဲရော) ကာ အဆင်ပြေအောင်ရော၊ အဆင်မပြေအောင်ရော လက်သင့်ရာ လူအပေါ်လိုက်ကာ ကက(လေ)စိတ်တိုင်းကျ ဖန်တီးနေမှုများရှိပါတယ်။

မူဝါဒကို လက်တလုံးခြားလုပ်ကာ အရာရှိ/စစ်သည်များအပေါ် လေချုပ်နှင့် ဦးစီးအရာရှိကြီးများရဲ့ နှိပ်ကွပ်မှုများအရ အရာရှိ/စစ်သည် တစ်ဦးချင်းအလိုက် လေတပ်စခန်းအသီးသီးသို့ မိမိရောက်ရှိ ပြောင်းရွှေ့တာဝန် ထမ်းဆောင်ရမှုများအား ကာလအပိုင်းအခြားအလိုက်၊ အကြောင်းအရာ ဖော်ပြစေလျက် စစ်တမ်းယူခဲ့ပါရင် အချို့ဟာ လေတပ်စခန်းတစ်ခုတည်းမှာပင် အချိန်ကြာမြင့်စွာ နေရသလို၊ အချို့မှာ ဟိုသည်ပြေးလွှား နေရာမရ နှိပ်ကွပ်ခံနေရခြင်းများ ၊ မလိုအပ်တဲ့နေရာမှာ လူများနေပြီး လူမှန် နေရာမှန် မရှိမှုများ၊ သိသာတဲ့ မှားယွင်းနေမှုများ ၊ လူတနေရာ အမိန့်တနေရာ၊ လုပ်ငန်းတခြား လူတခြား၊ ယာယီတာဝန်ပြကာ တပ်တခြား လူတခြား စသည်များ ထင်ထင်ရှားရှား ထွက်ပေါ်လာပါလိမ့်မယ်။

အဆင့်တိုးမြှင့်ရေးတွင်လည်း အချို့စစ်သည်များမှာ ဦးစီးရုံးများရဲ့ အမှားကြောင့် နစ်နာမှုများရှိသည့်တိုင် ၄င်းနစ်နာမှုအပေါ် စာနာမစဉ်းစားပေးဘဲ မသိချင်ယောင်ဆောင်ကာ အမှတ်တမဲ့ထားမှုများ၊ ပြင်ဆင်ပေးမှု မဆောင်ရွက်ပေးဘဲ နောက်တစ်နှစ် စောင့်ရခြင်းများရှိသလို၊ အရာရှိများတွင် ခွက်ပျောက်စစ်ဗိုလ်များကဲ့သို့ ပြစ်မှုမရှိပါဘဲ ဘ၀လမ်းစပျောက်နေရသူများ၊ အဆင့်တိုးရန် အချိန်စေ့ချိန်တွင် သင်တန်းတက်နေရကာကျန်ခဲ့ပြီး နောက်တစ်ကြိမ်တင်ရန် အမေ့ခံနေရသူများ ရှိနေပါတယ်။ အရာရှိတစ်ဦးစီရဲ့ ပြန်တမ်းဝင်ရက်စွဲ၊ လက်ရှိအဆင့်ရ ရက်စွဲ၊ ပြစ်မှုမှတ်တမ်းများနှင့်အတူ ဗိုလ်လောင်းသင်တန်းအလိုက် စိစစ်လိုက်ပါက ဟိုကျန်ဒီကျန် ခွက်ပျောက်အရာရှိ စာရင်းထွက်လာမည်ဖြစ်သလို၊ သင့်လျော်သောနေရာ Post မရှိသောကြောင့်ဟု ဆိုကာ အဆင့်တိုးမရသော အရာရှိများအတွက် သင့်တော်သောနေရာများ ပြန်လည်စဉ်းစားပေးသင့်သလို ၊ ဥစတ သင်တန်းပင် တက်နေပြီ ဖြစ်သော OTS 88 နှင့် 91 မှ အရာရှိများအနက် လေတပ်တွင်ဗိုလ်ကြီးများအဖြစ် လမ်းပျောက်နေသောသူများအတွက် နစ်နာမှုများကို ကိုယ်ချင်းစာ စဉ်းစားကာ တစ်စုံတစ်ခုတော့ ဆောင်ရွက်ပေးသင့်ပါတယ်။

ရုံးပေါ်မှ စာရွက်စာတမ်းများထက် လေတပ်စခန်းအသီးသီးမှ စာရင်းများကို မလိမ်မညာစတမ်း စစ်ဆေးလိုက်ပါက နှိပ်ကွပ်ခံရမည်စိုးသောကြောင့် ဘယ်မှ မတိုင်ရဲပဲ ကြိတ်ခံနေရတဲ့ သူတွေရဲ့ဘ၀များစွာ ထွက်ပေါ်လာပါလိမ့်မယ်။

ပြစ်မှုများဆိုင်ရာ စုံ/ခုံ၊ သက်/ချုပ် များတွင် အားလုံးနီးပါးသည် တပ်မတော်နည်း ဥပဒေများက မည်သို့ပြင်ဆိုစေ ရေး-၃ စာရေးပေးသော ယခင် အမှုတွဲဟောင်းများကို ကူးချကာ ပို့လိုက်ကြသည်ချည်း ဖြစ်သလို အမှုဖြစ် စစ်သည်ရော အရာရှိပါ အမိန့်မချခင်အထိ ခွင့်ပြုချက်မရပဲ အချုပ်ခန်းထဲတွင် ချုပ်ထားခံရသည်ချည်း ဖြစ်ပါတယ်။ စစ်သည်အများစုမှာ တပ်ရဲဌာနသို့ တွဲဘက်သည်ဆိုသော ခေါင်းစဉ်ဖြင့် အမှန်တကယ်မှာ တရားမ၀င် အချုပ်ချခြင်းဖြစ်သလို၊ အချို့တပ်များတွင် ခြေကျင်းခတ်ကာ ထောင်သားတစ်ဦးကဲ့သို့ ခိုင်းစေသော ဖြစ်စဉ်များရှိပါတယ်။

စစ်ထောက်ဆိုင်ရာနဲ့ စပ်လျဉ်းပြီး တင်ပြရရင် သက်သာချောင်ချိရေးဗန်းပြကာ အချို့ တပ်မှူးတွေရဲ့ အကျိုးစီးပွါးအတွက် ဆိုင်ဖွင့်ခြင်း၊ လပေးပစ္စည်းရောင်းခြင်းတို့ဖြင့် စီးပွါးရှာနေခြင်းများအား ရှောင်တခင် စစ်ဆေးမှုများကသာ သိရှိနိုင်ပါမယ်။ ရိပ်သာအတွက် ရိက္ခာနှင့် ထောက်ပံ့ကြေးများအား ကိုယ်ကျိုးသုံးလိုက်သောကြောင့် ဘာမှမရှိသော စတိုခန်းနှင့် မလောက်မငှ ချက်ကျွေးနေသော ရိပ်သာများအား တပ်စစ်ဟု ခေါင်းစဉ်တပ်စစ်ပါက တွေ့မည်မဟုတ်ပါ။

အသိမပေးဘဲစစ်ပါမူ ခြစားရုံသာမက ဆွေးနေသော အဖြစ်များစွာ ထွက်လာပါလိမ့်မယ်။ မပြည့်စုံတဲ့ လိုင်းခန်းများကြောင့် အိမ်ထောင်သည်များအား လူပျိုရိပ်သာများတွင် နေစေရခြင်း၊ ကိုယ်ထူကိုယ်ထ ရေ/မီးစနစ် တပ်ဆင်နေရခြင်း၊ ရုံးသုံးစာရေးကိရိယာများ မိမိစရိတ်များဖြင့် ဆောင်ရွက်နေရခြင်း၊ ပုံစံ-၁ ဖိနပ်မှအစ အဆင့်တံဆိပ်များအပါအဝင် စစ်ဝတ်စုံကို အပြင်မှ ၀ယ်ဝတ်နေရခြင်း၊ ဈေးကားပုံမှန်မရခြင်း၊ လူမြင်မတင့်တယ်သော တုတ်ထောက်ကြိုးဆွဲကား အစုတ်များဖြင့် ပြည့်နေသော စခန်းတစ်ခုလုံးမှ ၂ စီးသာကောင်းတဲ့ မော်တော်ယာဉ်ဌာနများ၊ မိုးယို ခုံပေါက် တံခါးမရှိ မှန်ကွဲမော်တော်ယာဉ်များ၊ မိုးနှင့်လေလာပါက တရုံးလုံးစိုရွှဲသည့် ရုံးခန်းများ၊ လက်နှိပ်စက်ရိုက်မည့်သူမရှိတဲ့ စာရေးမရှိသည့် လေတပ်စခန်းဌာနချုပ်ရုံးများ၊ ကွန်ပျူတာရှိသော်လည်း ပျက်နေသော၊ Printer ရှိသော်လည်း Cartridge မရှိသော EDMS ခေတ် e-government လေတပ်ဆက်သွယ်ရေးစနစ်များ၊ Data Communitaion စာ/ကြေးနန်းပို့ရန် မီးစက်ဆီရောင်းစားထားပြီး ၂ ရက်တစ်ခါမှ စက်ပေါ်တက်လာတဲ့ လေတပ်စခန်းများ ၊ လေယာဉ် မီးလောင်ပါက ဘာမှမလုပ်နိုင်သည့် ရေကားကို မီးသတ်ကားဟု စာရင်းပြထားသည့် အနေထားများ လုံခြုံစိတ်မချရတဲ့ လေယာဉ်သက်ကယ် အကူပစ္စည်းများ၊ ခြေနင်းကြမ်းလျှင်ပင် ခွက်ဝင်သွားနိုင်သည့် ကြမ်းပြင်၊ ခပ်ပြင်းပြင်းပိတ်လျှင် ပြုတ်ထွက်သွားသည့် တံခါး၊ အထိကြမ်းလျှင် ပဲ့ထွက်သွားတတ်သည့် နံရံ၊ ငှက်နားလျှင် ချိုင့်သွားတတ်သည့် သွပ်မိုးတို့ဖြင့် လိုင်းခန်းအသစ်များ၊ ဖျက်သိမ်းခွင့်ရသော်လည်း မဖျက်၊ ဆောက်ခွင့်ရသော်လည်း မဆောက်သော ခွင့်ပြုမိန့်အလွဲသုံးမှုများ၊ စသောစသော မသိချင်ယောင်ဆောင်နေကြတဲ့ မြင်သာသော စစ်ထောက်ပိုင်းဆိုင်ရာများကို ပြန်တမ်းများ စိစစ်ခြင်းထက် လေတပ်စခန်းတစ်ခုချင်း လိုက်ကြည့်စေချင်တယ်။ ခြုံငုံကာဆိုရလျှင် ယခုတိုင်ကြားချက်တွင်ပါရှိသော မတရားမှု၊ နစ်နာမှု၊ အဆင်မပြေမှုများအား အထုတ်ဖြေပြရင်း မိဘသဖွယ်ဆိုသော နိုင်ငံတော်ထံ သိစေလိုခြင်း ဖြစ်ပါတယ်။

ကျန်ရှိနေသော အခြေအနေများမှာမူ အလိုလိုပေါ်ထွက်လာနိုင်သောကြောင့် သိသာသော အချက်များသာ ဖော်ပြခဲ့ခြင်းဖြစ်ပါတယ်။ သတင်းသာမက လုပ်နည်းများပါ တင်ပြ တိုင်ကြားခဲ့သည်ဖြစ်သောကြောင့် အကောင်အထည်ပေါ်ရန်မှာမူ ကောင်းမွန်သော စိတ်စေတနာ ပေါ်တွင်သာ မူတည်ပါကြောင်း တင်ပြအပ်ပါတယ်။

တပ်မတော်(လေ)မှ မတရားခံရမှုများ၊ အဆင်မပြေမှုများ ခံနေရတဲ့ အရာရှိ/စစ်သည်များ

source by : http://photayokeking.org