“ကုလသမဂ္ဂအနေနဲ့ မြန်မာနိုင်ငံရဲ့ နိုင်ငံရေးလုပ်ငန်းစဉ်တွေအတွက် နိုင်ငံရေးပါတီအားလုံး လွတ်လွတ်လပ်လပ် ပါဝင်ခွင့်ရဖို့ အစဉ်တစိုက်ထောက်ခံနေတာပါ။ နောင်ကိုလည်း ဆက်ပြီး ထောက်ခံနေမှာပါ။ ဒီလိုပါဝင်ခွင့်မရအောင်လုပ်ဆောင်တဲ့ ဘယ်လုပ်ဆောင်မှုပဲစ်ဖြစ်၊ ဒါမှမဟုတ် ဘယ်ကြေညာချက်မျိုးဖြစ်ဖြစ် ကုလသမဂ္ဂရဲ့ စိုးရိမ်မှု ဖြစ်လာပါလိမ့်မယ်။” - လို့ မာတင်နာဆာကီ ကပြောသွားပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို မြန်မာအစိုးရပိုင် သတင်းစာတွေက ဝေဖန်တိုက်ခိုက် ရေးသားလာတဲ့နောက်ပိုင်း ဒေါ်အောင်ဆန်းစုကြည်ရဲ့ ဘေးကင်းလုံခြုံရေးအတွက် အမေရိကန်ပြည်ထောင်စုအနေနဲ့ စိုးရိမ်တဲ့အကြောင်း ဗုဒ္ဓဟူးနေ့က အမေရိကန်နိုင်ငံခြားရေးဝန်ကြီးဌာနက သတင်းထုတ်ပြန်ခဲ့ပါသေးတယ်။
ဒါ့အပြင် ဒေါ်အောင်ဆန်းစုကြည်ရဲ့ လုံခြုံရေးဟာ မြန်မာအစိုးရအပေါ်မှာ အဓိက တာဝန်ရှိတယ်လို့ နိုင်ငံခြားရေးဌာန ပြောခွင့်ရပုဂ္ဂိုလ် ပီဂျေခရော်လီ (P.J Crowley) က ဗုဒ္ဓဟူးနေ့က သတင်းစာရှင်းလင်းပွဲ အတွင်းမှာ ပြောကြားသွားခဲ့ပါတယ်။ ဒါ့အပြင် အမေရိကန် အထက်လွှတ်တော်ရဲ့ ရီပါပလစ်ကန်အမတ် မစ်ခ်ျမက်ကောနဲလ် ကလည်း ဒေါ်အောင်ဆန်းစုကြည်ရဲ့ လုံခြုံရေးနဲ့ပတ်သက်ပြီးတော့ စိုးရိမ်တဲ့အကြောင်းကို တယ်လီဖုန်းနဲ့ ဆက်သွယ်ပြီးတော့ ပြောကြားခဲ့ပါသေးတယ်။
