ဒေါ်အောင်ဆန်းစုကြည် စီရင်ချက် ပြည်တွင်း ပြည်ပ နိုင်ငံရေးခေါင်းဆောင်များ ရှုတ်ချ
Tuesday, 11 August 2009 19:51 ရန်ပိုင်
မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကုို စစ်အစိုးရက ထပ်မံ၍ နေအိမ် အကျယ်ချုပ် ပြစ်ဒဏ် ချမှတ် လိုက်ခြင်းသည် မြန်မာ့နိုင်ငံရေးနယ်က ထုတ်ပယ်လိုက်ခြင်း ဖြစ်သည်ဟု တိုင်းရင်းသား ခေါင်းဆောင်များ က ပြောသည်။
ယနေ့တွင် စစ်အစိုးက ဒေါ်အောင်ဆန်းစုကြည်အား နေအိမ် အကျယ်ချုပ် ၁ နှစ်နှင့် ၆ လချမှတ် လိုက်ကြောင်း ကြေညာချက် ထွက်ပေါ်လာပြီး တိုင်းရင်းသား ခေါင်းဆောင်နှင့် ပြည်ပ နိုင်ငံရေးအင်အားစုများက ယင်းကဲ့သို့ ပြော ကြားလိုက်ခြင်းဖြစ်သည်။
မွန် အမျိုးသားဒီမိုကရေစီအဖွဲ့ (MNDF)မှ ဒု ဥက္ကဋ္ဌ နိုင်ငွေသိန်း က “ဒေါ်အောင်ဆန်းစုကြည်ရဲ့ နိုင်ငံရေး အရှိန်အ၀ါ ကို ကြောက်ပြီးတော့ နိုင်ငံရေးနယ်က ထုတ်လိုက်တာပါ၊ ပြိုင်ပြီး မလုပ်ရဲတာလည်း ပါတာပေါ့၊ ထောင်ကျမယ်လို့ ထင်ပြီး သားပါ” ဟု ဧရာဝတီသို့ ပြောသည်။
အပစ်ရပ် အဖွဲ့များကလည်း အသွင်ပြောင်းရေးကို ငြင်းဆိုထားသဖြင့် နယ်စပ်ဒေသများတွင် လှုပ်ရှားမှု ပိုမို ပြင်းထန်လာမည်ဟု ထင်ကြောင်း ဆက်ပြောသည်။
မြန်မာ့အရေး လေ့လာသူများက ယခု လုပ်ရပ်သည် ဒေါ်အောင်ဆန်းစုကြည်အား ရွေးကောက်ပွဲ တွင် မပါဝင် နိုင်ရန် အချိန်ကိုက် စနစ်တကျ ကြံစည်ပြီးမှ လုပ်ကိုင်သည်ဟု ထင်မြင်ယူဆလျက် ရှိသည်။
“၂၀၁၀ ရွေးကောက်ပွဲ မတိုင်မီ လွှတ်ရမှာ ဒါကို မလွှတ်ချင်လို့ ဒီလိုလုပ်တယ်ဆိုတာကို ကြိုပြီးတော့ မြင်ပါတယ်၊ ဒေါ်အောင်ဆန်းစုကြည်ကို ထောင်ချပြီးတော့ အိမ်မှာပဲ ပြည်သူတွေနဲ့ တွေ့ခွင့်မရအောင် လုပ်ထားတာပါ၊ အပြစ် ဒဏ်ချတဲ့ အချိန်မှာ ငြိမ်းငြိမ်း ချမ်းချမ်းနဲ့ အားလုံး မတ်တပ်ရပ်ပြီးတော့ ခေတ္တ ငြိမ်သက်ကြဖို့ အားလုံးကို နှိုးဆော် ထားတယ်” ဟု ရခိုင် ဒီမိုကရေစီအဖွဲ့ချုပ် အတွင်းရေးမှူး ဦးအေးသာအောင်က ဆိုသည်။
နိုင်ငံတကာနှင့် ပြည်သူများကလည်း နောင်လာမည့် ၂၀၁၀ ရွေးကောက်ပွဲရလဒ်ကို စစ်အစိုးရအနေဖြင့် အသိ အမှတ် ပြုမည် မပြုမည်ကို စဉ်းစားရန်လိုကြောင်း၊ ဒေါ်အောင်ဆန်းစုကြည်ကဲ့သို့ ပုဂ္ဂိုလ်မျိုးကိုပင် ယခုကဲ့သို့ ပြုမှုနေလျှင် တိုင်းရင်းသားများ အနေဖြင့်လည်း သံသယစိတ် စိုးရိမ်စိတ်များ ပိုမို ၀င်လာနိုင်ကြောင်း ၎င်းက ဆက်လက်ပြောဆိုသည်။
ယနေ့ အင်းစိန်ဈေးရှေ့၊ အင်းစိန် ခုံးတံတားအထက်၊ ပေါက်တောဝတွင် လာရောက် စုဝေးနေသူ ထောင်ဂဏန်း ခန့် ရှိမည်ထင်ကြောင်း၊ ကြံ့ဖွံ့နှင့် စွမ်းအားရှင်၊ လုံထိန်းရဲများဖြင့် လုံခြုံရေးတင်းကျပ်ထားကြောင်း၊ တရားစီရင်ရာ အင်းစိန်ထောင် အနီးတ၀ိုက်တွင် ဦးဝင်းတင်၊ ဒေါက်တာ သန်းငြိမ်း၊ ဦးအုန်းကြိုင်၊ ဦးစိန်လှဦး၊ ဒေါ်မေ၀င်းမြင့်တို့ လည်း လာရောက်ကြကြောင်း ဦးအေးသာအောင်က ပြောသည်။
ဝါရင့်နိုင်ငံရေးသမား တဦးဖြစ်သူ သခင်ချန်ထွန်းက“ယက်ထောကို ၇ နှစ်ချတာ ဒေါ်အောင်ဆန်းစုကြည်ကို တနှစ်ခွဲ ဆိုတာက ရွေးကောက်ပွဲမှာ အနှောင့်အယှက် ဖြစ်မှာစိုးလို့ မပါနိုင်အောင် အစီအစဉ်နဲ့ ကျကျနန ပေးတာလို့ ဒီလိုပဲယူဆပါတယ်၊ ရန်ကုန်၊ မန္တလေး တို့လိုမြို့ကြီးတွေမှာ ရဲ စစ်တပ် လုံထိန်းရော အဆင်သင့် ဆိုတော့ လူထုလည်း လှုပ်ရှားခွင့် မရတော့ သိပ်ကြီးကြီး ကျယ်ကျယ်တော့ ဖြစ်လာမှာ မဟုတ်ဘူး”ဟုပြော သည်။
ဒေါ်အောင်ဆန်းစုကြည်သည် တိုင်းရင်းသားစည်းလုံး ညီညွတ်ရေးအတွက် သာမက ပိုမို ပြည့်ဝသော နိုင်ငံသူ နိုင်ငံသားများ ဖြစ်လာရေးအတွက် တိုင်းရင်းသားများ၏ ယဉ်ကျေးမှုနှင့် ဘာသာစကားများကို နှီးနှော ဖလှယ် နိုင်သည့် အဆင့်ရောက်ရန် လေးစားစွာလေ့လာသင့်ကြောင်း သူမ၏ မိန့်ခွန်းတခုတွင် ပြောကြားခဲ့သည်။
ဒေါ်အောင်ဆန်းစုကြည်ကို ချမှတ်သည့် ပြစ်ဒဏ်နှင့် စပ်လျဉ်း၍ ဗြိတိန် ၀န်ကြီးချုပ် ဂေါ်ဒွန် ဘရောင်း၊ ပြင်သစ် သမ္မတ ဆာကိုဇီ၊ သြစတြေးလျ နိုင်ငံခြားရေး ၀န်ကြီး စတီဗင် စမစ်၊ ဖိလစ်ပိုင် နိုင်ငံခြားရေးဌာနတို့က အပြင်း အထန် ဝေဖန်ရှုတ်ချလိုက်သည်။
ဗြိတိန် နိုင်ငံခြားရေး ၀န်ကြီး Ivan Lewisက “၀န်ကြီးချုပ် ဂေါ်ဒွန် ဘရောင်းက နိုင်ငံတကာ အနေဖြင့် မြန်မာ နိုင်ငံအပေါ် အရေးယူ ဆောင်ရွက်မှုများ ပိုမို ပြုလုပ်ရန် ကုလသမဂ္ဂ အထွေထွေ အတွင်းရေးမှူးချုပ်နဲ့ လုံခြုံရေး ကောင်စီ အမြဲတမ်း အဖွဲ့ဝင်နိုင်ငံတွေကို စာရေးသားပေးပို့သွားမှာပါ”ဟု ပြောသည်။
ထို့အပြင် ပြင်သစ်သမ္မတ ဆာကိုဇီက မြန်မာပြည်ကို ပိုမို အရေးယူဆောင်ရွက်မှုများ ပြုလုပ်ပေးရန် ဥရောပ သမဂ္ဂကို တောင်းဆိုလိုက်ကြောင်း သိရသည်။
နိုင်ငံရေး အကျဉ်းသားများ ကူညီ စောင့်ရှောက်ရေး အသင်း(မြန်မာနိုင်ငံ)၊ ဗြိတိန်နိုင်ငံ အခြေစိုက် မြန်မာပြည် အရေး ဆောင်ရွက်နေသော Burma Campaign(UK)၊ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ Amnesty International တို့ကလည်း ဒေါ်အောင်ဆန်းစုကြည် အပေါ်ချမှတ်သည့် ပြစ်ဒဏ်ကို ကန့်ကွက်သည့် ကြေညာ ချက် များကို ထုတ်ပြန်ခဲ့ကြသည်။
ဒေါ်အောင်ဆန်းစုကြည်သည် ယခုနေအိမ် အကျယ်ချုပ်ပြစ်ဒဏ် ၁ နှစ် ခွဲ ချမှတ်ခံထားရသော်လည်း သတ်မှတ် စည်းမျဉ်းစည်းကမ်းများကို လိုက်နာပါက လွတ်ငြိမ်းချမ်းသာခွင့် ရနိုင်ကြောင်း သိရသည်။
ဒေါ်အောင်ဆန်းစုကြည်နှင့် အတူနေသူ ဒေါ်ခင်ခင်ဝင်းနှင့် မဝင်းမမ တို့သည်လည်း ဒေါ်အောင်ဆန်းစုကြည်နှင့် တတွဲတည်း ပြစ်ဒဏ်ချမှတ်ခံရကြောင်း၊ မစ္စတာ ဂျွန် ဝီလျံ ယက်ထောကို ထောင်ဒဏ် ၇ နှစ် ချမှတ်လိုက် ကြောင်းလည်း သိရသည်။
ယနေ့ ဒေါ်အောင်ဆန်းစုကြည် တရားခွင်သို့ နိုင်ငံခြားသံတမန်များ၊ သတင်းထောက်များကို ဝင်ရောက်ခွင့် ပြုကြောင်း NLD က ပြောသည်။
ဒေါ်အောင်ဆန်းစုကြည်သည် ၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည့် ၆ နှစ်ပြည့်ခါနီး အချိန်တွင် ယခုကဲ့သို့ တရားစွဲဆို ခံရခြင်းဖြစ်သည်။ ၁၉၈၉ ခုနှစ်မှ စ၍ နေအိမ် အကျယ်ချုပ် ဘ၀ဖြင့် နေရချိန် စုစုပေါင်း ၁၃ နှစ်ကျော်ပြီ ဖြစ်သည်။
(ဤသတင်းကို ဧရာဝတီ သတင်းထောက် ကိုထွေးက ပူးပေါင်း ပါဝင် ရေးသားသည်။)
မှတ်ချက် ။ ။ http://www.irrawaddy.org မှ ကူးယူ မျှဝေပါသည်။
