Sunday, April 18, 2010

အဖျက်သမား ဘယ်သူလဲ

ရန်ငြိမ်းအောင် (လူငယ်) | သင်္ကြန်အကြတ်နေ့ ညနေက ကန်တော်ကြီးပတ်လမ်း X2o ရေကစား မဏ္ဍပ် အနီးတွင် ဗုံးသုံးလုံး ဆက်တိုက် ဆိုသလို ပေါက်ကွဲခဲ့၍၊ လူ ၉ ဦး သေဆုံးခဲ့ပြီး၊ ၁၇ဝ ကျော် ဒဏ်ရာ ရရှိခဲ့သည်။ အပြစ်မဲ့ ပြည်သူများ ထိခိုက်ကုန်ပြီ။ ဗုံးဘယ်သူ ဖောက်တာလဲ။ စစ်အစိုးရ မီဒီယာများကတော့ အဖျက်သမားတွေ ဖောက်တာ ဖြစ်သည်ဟု ကြေညာသည်။ မှန်သည် ပြည်သူတွေကို သေကြေ ထိခိုက်အောင် လုပ်သူကတော့ အဖျက်သမားသာ ဖြစ်သည်။ သို့သော် အဖျက်သမား ဘယ်သူ ဘယ်ဝါဆိုတာ တိတိကျကျ သိဖို့ လိုသည်။ အဖျက်သမား ဘယ်သူလဲ။ ဗုံးဖောက် တဲ့ အဖျက်သမားသည် ဘယ်သူများပါလဲ။

န-အ-ဖခေတ် မြန်မာပြည်တွင် ဗုံးပေါက်ကွဲမှု ဖြစ်ရပ်များ မကြာခဏ ဆိုသလို ရှိခဲ့သည်။ သွားလေသူ န-အ-ဖ အတွင်းရေးမှူး(၂) ဗိုလ်ချုပ်ကြီးတင်ဦးဧ။် သမီးပင်လျှင် အိမ်ထဲတွင် ဗုံးပေါက်ပြီး သေခဲ့သည်။ ဗိုလ်ချုပ်တင်ဦး ကိုယ်တိုင်ပင်လျှင် ရဟတ်ယဉ်ပျက်ကျတာ မဟုတ်ဘဲ ဗုံးပေါက်ပြီး ကွယ်လွန်ခဲ့ သလိုလို သတင်းများ ထွက်ပေါ်ခဲ့သည်။ ထိုသို့ သတင်းထွက်စရာ အကြောင်းကလည်း ရှိခဲ့သည်။ ကမ္ဘာအေး စွယ်တော် ဗုံးပေါက်ကွဲမှု တွင် ဗိုလ်ချုပ်ကြီးတင်ဦး လက်မတင်ကလေး လွတ်ခဲ့သလို၊ နေအိမ်ဗုံး ပေါက်ကွဲမှု တွင်လည်း သမီးဖြစ်သူက ဓားစာခံ ဖြစ်သွားခဲ့ရသည်။

မည်သို့ပင်ဖြစ်စေ ဗုံးပေါက်ကွဲမှု ဖြစ်ပြီးတိုင်း စစ်အစိုးရက သတင်းစာရှင်း လင်းပွဲလုပ်၍၊ တရားခံဖော်ထုတ်လေ့ ရှိသည်။ ပြည်ပြေး ဘယ်အုပ်စုက ဘယ် ငနီ က တခြားအုပ်စုက ငနက် နဲ့ တွဲပြီး ငဖြူကို သင်တန်းပေးကာ ငဖြူက ငကြောင် ၊ ငကျား စသူတို့နှင့် ပေါင်းကာ ဖောက်ခွဲခဲ့ကြောင်း စသဖြင့် ၄င်းတို့ မျက်စေ့ရှေ့မှောက်တွင် လုပ်ဆောင်ခဲ့သကဲ့သို့ ရှင်းလင်းတတ်ကြသည်။ သို့သော် တရားခံ ကိုကား တခါမျှ မမိခဲ့ဖူးပေ။

ဗိုလ်ချုပ်ကြီးတင်ဦးကို လုပ်ကြံခဲ့သူ မည်သူပါနည်း။ ယခုထိ တရားခံမပေါ်သေး။ ထို့ထက်ပို၍ စိမ်းလဲ့ကန်သာ နိုင်ငံတော်ဧည့်ရိပ်သာအနီး ဖြစ်ပွားခဲ့သော ကြောက်မက်ဖွယ် တက္ကသိုလ်ရိပ်သာလမ်း လူသတ်မှုကြီး ယခုထိ တရားခံ မပေါ်သေး။ သတင်းစာ ရှင်းလင်းပွဲများတွင် အလွန်တိကျစွာ တရားခံ ဖော်ထုတ်ခဲ့သော စစ်ထောက်လှမ်းရေးများ၊ အထူး ရဲတပ်ဖွဲ့ဝင်များ၊ ဆိုခဲ့ပါ အမှုများကို တရားခံ ပေါ်အောင် ဘာကြောင့် မဖော်ထုတ်နိုင်ခဲ့ပါသလဲ။

အရေးကြီးဆုံး မေးခွန်း နောက်တခုကတော့ န-အ-ဖ စစ်အုပ်စုဝင်များနှင့် ၄င်းတို့ ဆွေမျိုး မိတ်သင်္ဂဟများ နေထိုင်သော အင်းယားလမ်းတွင် နှစ်စဉ်သင်္ကြန်ပွဲ ချိမ့်ချိမ့်သဲ ကျင်းပခွင့် ပြုထားခဲ့ရာမှ ယခုနှစ်တွင် ကျင်းပခွင့် မပြုတော့ပဲ၊ သင်္ကြန်မဏ္ဌပ်များကို ကန်တော်ကြီးစောင်းသို့ ရွဲ့ခဲ့တာ အဘယ်သို့သော အကြောင်းကြောင့်ပါလဲ။

ကန်တော်ကြီး X2o ရေကစားမ ဏ္ဍပ်၊ ဗုံးကွဲမှုတွင် ပြည်သူ ၉ ဦးသေ၊ ၁၇ဝ ကျော် ဒဏ်ရာရခဲ့ပြီ။ ထိုသို့ အပြစ်မဲ့သော ပြည်သူများအပေါ် ရက်ရက်စက်စက် တိုက်ခိုက်တတ်သူ မည်သူ၊ မည်ဝါ ဖြစ်သည်ကို သိနိုင်ရန် အတိတ် ဖြစ်ရပ်များကို ပြန်လည် သုံးသပ်ကြည့်ပါအုံးမည်။

မဝေးလှသော အတိတ် ၂၀၀၃ မေ ၃၀ ဒီပဲရင်း လုပ်ကြံမှုကြီး၊ ပြည်သူများ သေဆုံးခဲ့သော တိုက်ခိုက်မှုကြီး၊ ထိုတိုက်ခိုက်မှုကို ကျူးလွန်ခဲ့သူမှာ န-အ-ဖ အစိုးရဖြစ်ကြောင်း တကမ္ဘာလုံးက သတ်မှတ်ထားသည်။ ထိုစဉ်က န-အ-ဖ မီဒီယာများမှာ ဘာအသံမှ မထွက်ခဲ့ကြ။ အပြစ်မဲ့သော ကျေးလက် တောသူတောင်သားများ ရက်ရက်စက်စက် အသတ်ဖြတ်ခံ ခဲ့ရခြင်း ဖြစ်သည်။

၂၀၀၇- စက်တင်ဘာ ရွှေဝါရောင် မေတ္တာပို့သမှုကြီးကို မြို့လည်ခေါင်တွင် ရက်ရက်စက်စက် ဖြိုခွဲခဲ့သူ၊ ရဟန်းရှင်လူများကို သတ်ဖြတ်ခဲ့သူမှာ န-အ-ဖ ပင် ဖြစ်သည်။ ထိုသို့ လူသတ်မှုများ သာမက ပြန်ပေး ဆွဲပြီး လူသတ်သည့် အမှုများကိုပင် န-အ-ဖ အစိုးရ ကျုးလွန်ခဲ့ကြောင်းကို ကိုအောင်လှိုင်ဝင်း သေဆုံးခဲ့မှု၊ အိမ်မဲမြို့က ကရင်အမျိုးသား ကျောင်းဆရာ သေဆုံးခဲ့ရမှုများက သက်သေ ပြလျက် ရှိသည်။

ပြည်သူတွေ ပြောနေသော စကားနှင့် ပြောရလျှင် “ဒီကောင်တွေ စစ်အစိုးရ ဘာကြံပြန်ပြီလဲ မသိဘူး” ဟု ပြောရုံသာ ရှိတော့သည်။


source by : http://www.mizzimaburmese.com