Saturday, November 27, 2010

ဒုတိယ ဗိုလ်ချုပ်ကြီး ခင်ညွန့် အား အင်းစိန်ထောင်သို့ ပြောင်းရွှေ့ခံရခြင်း ဗီဒီယိုဖိုင်များနှင့် ပတ်သက်၍ သံသယဖြစ်ဖွယ်ရာ အချက်အလက်များ

Freedom News Group သည် ဒုတိယ ဗိုလ်ချုပ်ကြီး ခင်ညွန့်၏ အင်းစိန်ထောင်သို့ ပြောင်းရွှေ့ခံရခြင်းနှင့် ပတ်သက်၍ ဗီဒီယို ဖိုင်များနှင့် ဆက်စပ် သတင်းများကို ထုတ်လွှင့် ခဲ့ပါသည်။

သို့ပါသော်လည်း Freedom News Group ၏ Founder တစ်ဦး ဖြစ်သူ ငြိမ်းချမ်းငြိမ်း က ထိုဗီဒီယို ဖိုင်တွင် သံသယဖြစ်ဖွယ်ရာ အချက်အလက်များ ပါဝင်နေ၍ အဆိုပါ ဗီဒီယို ဖိုင်ကို University of Colorado (Film Department)ဉ် ထို ဗီဒီယို ဖိုင်ဉ် ပါဝင်သည့် Cut များ Element များကို တစ်စက္ကန့်၏ အပုံတစ်ရာ ပုံ တစ်ပုံထိ လိုက်လံ စစ်ဆေးနေပါသည်။ စစ်ဆေးတွေ့ရှိချက်များမှာ အောက်ပါအတိုင်းဖြစ်ပါသည်။

ဗိုလ်ချုပ် ခင်ညွန့် ကို အမှန်တကယ် ပြောင်းရွှေ့လိုက်ခြင်းဖြစ်ပါသည်။ ၄င်းတို့အိမ်မှ အထွက် နောက်ထပ် အမည်မသိ နေရာတစ်ခုသို့ ပြောင်းရွှေ့လိုက်သည့်အခါ ပ၀ါကမ်းသည့် အမျိုးသမီးငယ်များကို တွေ့ရမည် ဖြစ်ပြီး ထို့နောက်တွင် အကစ၀န်ထမ်း တစ်ဦးက ဗိုလ်ချုပ် ခင်ညွန့် ၏ ကျောကို တွန်းပြီး ထိုင်ရမည့် နေရာကို ပြခြင်းသည် လေးစားမှု မရှိသည်ကို ဆိုလိုသည်။

ဗိုလ်ချုပ် ခင်ညွှန့် ၏ အိမ် သို့ ဗိုလ်ချုပ် ခင်ရီ အလာတွင် ပထမ ဦးစွာ စစ်သားများ က Barricade ကိုဖယ်ပြီး လုံခြုံရေး အသင့် ပြန်ယူထားသည် ကို တွေ့ရမည် ဖြစ်သည်။ထို့နောက် ၎င်း ၏ အိမ်တံ ခါး အား ခေါက်နေစဉ် ဖွင့်လှစ်ပေးရန် စောင့်ဆိုင်းချိန်တွင် အကယ်၍ပြန်လည် ဖွင့်လှစ်ခြင်း မပြုလျှင် ၎င်းတို့ အနေဖြင့် အခြား တစ်နည်းသုံးရန် စီစဉ်နေခြင်း၊လူအမြောက်အမြား လာရောက်ခြင်း တို့ကို ထောက်ရှု၍ လာရောက် ဖမ်းဆီးခြင်း ဖြစ်နိုင်ပါသည်။

ဗိုလ်ချုပ် ခင်ညွှန့် က တံခါး လာဖွင့်စဉ် ရဲချုပ် ခင်ရီ က အလေး ပြုသည်မှာ ဖြစ်ရိုး ဖြစ်စဉ်ထုံးစံ တစ်ခု သာဖြစ်ပါသည်။ စစ်တပ် အရာရှိများ အငြိမ်းစား ယူသွားသော်လည်း အသက်အရွယ် နှင့် ဂုဏ်ဒြပ် အရ အခြား အရာရှိများက သူ့ ထက် ရာထူး အဆင့် ငယ်လျှင် သော်၎င်း ကြီးလျှင် သော် ၎င်း အလေးပြု လေ့ရှိပါသည်။

(ထို အခြင်းအရာကို စစ်တပ် ၏ တပ်တွင်း အတွေ့အကြုံ ရှိသောသူ ဆိုလျှင် သိမည် ဖြစ်ပါသည်။) အချုပ် ဆို ရသော် အလေးပြု ခြင်းကြောင့် လာရောက် ဖမ်းဆီး ခြင်း မဟုတ်ဟု ယူ​ဆ ၍ မရပါ။

အာဏာပိုင် အဖွဲ့အစည်းတို့၏ သဘော သဘာဝ မှာ (မည်သည့် နိုင်ငံတွင် ဖြစ်ပစေ) ၎င်းတို့ ဖမ်းဆီး (သို့မဟုတ်) ထိန်းချုပ် ထားသော သူ အား အခြားသူ တစ်ယောက် နှင့် တွေ့ပေးစေချင်သည့် ဆန္ဒရှိလျှင် အင်္ကျီ အ၀တ်အစား နှင့် အခြား လိုအပ်သည်များကို အသင့်လုပ်ထားရန် ကြိုတင် ပြင်ဆင် ခိုင်ထားပြီး သတ်မှတ်ချိန် ရောက်လျှင် တာဝန်ရှိ ပုဂ္ဂိုလ်တစ်ဦး ကတည်း (ရံဖန် ရံခါတွင် ကား ကို လာခေါ်သူ ကိုယ်တိုင် မောင်းပြီး) ခေါ်ထုတ်သွားတတ် ပါသည်။ (ဆက်လက် ဖော်ပြပါမည်။)

(ဗိုလ်ချုပ် ခင်ညွန့်၏ Mood အရ) ဒေါ်ခင်ဝင်းရွှေ ၏ Mood ကို ဖမ်း၍ မရပါ ။မြန်မာ အမျိုးသမီး များသည် ၀မ်းသာလျှင်လည်း ငို၊ ၀မ်းနည်းလျှင်လည်း ငိုတတ် ပါသည်။

နောက်ဆုံး Conclusion မှာ ထိုအဖြစ်အပျက်ကို သင်ခန်းစာ ယူနိုင်ရန် ဗိုလ်ချုပ်မှုးကြီး သန်းရွှေ က တင်ကြို စိတ်ကူးကာ ကြံစည်ခြင်း ဖြစ်နိုင်ပါသည်။

(ဖိနပ်စင်၊ တီဗွီ၊ လှေကားကွေ့ ၊ပန်းချီကား ) အိမ်ကြီး၊ အိမ်ကောင်း များ ၏ ထုံးစံ အရ လင်မယား နှစ် ယောက် တူညီ ထိုင်ခုံ နှင့် ဧည့်ခံစားပွဲ (ဗိုလ်ချုပ် ခင်ညွန့် ၏ အိမ်မှ ဘုရား စင်မှ ယခု ဗီဒီယို မှ ဘုရားစင် ထက်ကြီး မည် ဖြစ် နိုင်ပါသည်။နေရာ သစ် မှ ဘုရားစင် (သို့မဟုတ်) ကို (ဘုန်းတန်း ခိုး မကြီး ပါဘဲ ) မည် သူမှ ကန်တော့ ဦးချ မလုပ်ပါ။ တစ်ည အိပ် (သို့) ရက် အတန် ကြမှသာ လုပ်ပါသည်။ စုစု ပေါင်း Cut ၁၆ ခုပါရှိ ပါသည် ။

Footage Clip များ ကို တစ်ခန်းချင်း စီ အလိုက် မကြာခင် ရှင်းပြပါမည်။ရာထူးမှ ဖယ်ရှား ခံရသည့် ၀န်ကြီးချုပ် ဟောင်းကို နမူနာထားရန်၊ နောင် စစ်ဗိုလ်ချုပ်များကို သတိပေးသည့် အနေဖြင့် ဖရိုပါ ဂန်ဒါ လုပ်ခြင်း ဖြစ် နိုင်သည်ဟု ယူဆရပါသည်။ Video အားလွန် ခဲ့ သည် တစ်လ အတွင်း ရိုက်ကူးထား သည်။

Updated ဗီဒီယို တွင် လှုပ်ရှားသက်ဝင်(Active) မြင်ရသမျှ အရာအား လုံးမှာ ၎င်း ၏ နေအိမ်နေရာ အားလုံး ဟုယူဆရပြီး လှုပ်ရှားသက်ဝင်မှု မရှိ။ (De-active) အားလုံးမှာ အခြားနေရာ တစ်ခုဟု ယူဆရသည်။ပြတင်းပေါက် မှန်များတွင် သံပန်း နှစ်ထပ် ကာရံထားခြင်းကို ထောက်ရှု၍ အင်းစိန်အကျဉ်းထောင်တွင်း သီးသန့်နေရာ(သို့မဟုတ်) အခြားနေရာ တစ်ခုသို့ သွားရန် ခရီး တစ်ထောက် နားခြင်း ဖြစ်သည်။

ကနဦး စစ်ဆေးချက်အရ နေ့ရက် နှင့် နေရာ မတူ သော ဖိုင်လေးခု
ကို ဆက်စပ် ထားခြင်းဖြစ်သည်။ Costume ၀တ်ဆင်မှုတွင် တူညီသည်။

Panasonic AG HVX 200 နှင့် ရိုက်ကူးထားသည် ဟု ယူဆရပြီး ဗိုလ်ချုပ် ခင်ညွန့်နှင့် Casting အားလုံးက ရိုက်ကူးသူ Lens ကို လုံးဝ (လုံးဝ) မကြည့် ဖြစ်သည် မှာ စိတ်ဝင်စားဖွယ်ကောင်းနေသည်။

ဗိုလ်ချုပ် ခင်ညွှန့် ၏ Road Map ကို ဖျက်သိမ်း၊ ရွေးကောက်ပွဲ တရား မ၀င်တော့။ ထပ်မံ သိရှိရသည်များကို အချိန် နှင့် အမျှ ဖော်ပြပေးပါမည်

မကြာခင် ဗိုလ်ချုပ် ခင်ညွှန့် သရုပ်ဆောင် ခြင်း ရှိမရှိ နှင့် LIVE (In the mood of shoot) ဟုတ် မဟုတ်ကို အကြောင်းပြန် ပေးပါမည်။

အယ်ဒီတာ မှတ်ချက်

မြန်မာ စစ်တပ်သည် ၎င်းတို့ကို Sympathize ဖြစ်မဖြစ် ကို စနည်း နာတတ် (Quizzes) လုပ်တတ်ပြီး ဗိုလ်ချုပ် ခင်ညွှန့် သည် မြန်မာ့ တပ်မတော် သမိုင်း တစ်လျှောက် သရုပ်ဆောင် ကောင်းသူ တစ်ဦးဖြစ်ပါသည်။

တစ်ချိန်က ဗိုလ်ချုပ် ခင်ညွန့် သည် Once Communist, Always Communist ဟု ပြောခဲ့ဖူးပြီး ကိုငြိမ်းချမ်းငြိမ်း မှလည်း Once Spy, Always Spy ဟု သံသယ ရှိပါသည်။

source by : http://freedomnewsgroup.com

အပြည့်အစုံ ဖတ်ရန် ...

လူသားဒိုင်းသဖွယ် အရပ်သားတွေကို အသုံးချဟု မြောက်က တောင်ကိုရီယားကို စွပ်စွဲ

VOA| မြောက်ကိုရီးယားဘက်က တောင်ကိုရီးယားကျွန်းကို တိုက်ခိုက်တဲ့အချိန်မှာ တောင်ကိုရီးယားဘက်က အရပ်သားတွေကို လူသားဒိုင်းသဖွယ် အသုံးပြုခဲ့တယ်လို့ စနေနေ့မှာ မြောက်ကိုရီးယားက စွပ်စွဲ ပြောဆိုလိုက်ပါတယ်။ အရပ်သားတွေ သေဆုံးရမှုရှိခဲ့ရင် မြောက်ကိုရီးယားအနေနဲ့ သိပ်ကို ၀မ်းနည်းကျေကွဲပါကြောင်းနဲ့ ဒီလိုသေဆုံးရမှုတွေအတွက် တောင်ကိုရီးယားကိုသာ အပြစ်တင် သင့်တယ်လို့ မြောက်ကိုရီးယားအစိုးရရဲ့ ဗဟိုသတင်းဌာန Korea Central News က ပြောပါတယ်။

အင်္ဂါနေ့က တောင်ကိုရီးယားပိုင် ယောင်ဖြွန်းကျွန်းကို မြောက်ကိုရီးယားဘက်က ပစ်ခတ်ခဲ့တဲ့အတွက် တောင်ကိုရီးယား ရေတပ်သား ၂ ဦးနဲ့ အရပ်သား ၂ ဦး သေဆုံးခဲ့ရပြီးတဲ့နောက် ကိုရီးယားကျွန်းဆွယ်ဒေသမှာ တင်းမာမှုတွေနဲ့ အဆင့်မြင့် သတိပေးချက်တွေ ထုတ်ပြန်ထား ပါတယ်။ ဒီကနေ့ တောင်ကိုရီးယားနိုင်ငံ ဆိုးလ်မြို့တော်နားက စစ်ဆေးရုံမှာ သေဆုံးသွားခဲ့တဲ့ ရေတပ်သား ၂ ဦးအတွက် ဇာပန အခမ်းအနားကို ကျင်းပခဲ့ပါတယ်။

ဒီအခမ်းအနားကို ဗိုလ်ချုပ်ကြီးတွေ၊ နိုင်ငံရေးခေါင်းဆောင်တွေ၊ ဘာသာရေး ခေါင်းဆောင်တွေနဲ့ အရပ်သားတွေ ရာနဲ့ချီ တက်ရောက်ခဲ့ကြ ပါတယ်။ ဒီအခမ်းအနားမှာ ရေတပ်အကြီးအကဲ ဒုတိယဗိုလ်ချုပ်ကြီး Yoo Nak-Joon က အစတစ်ထောင် ပြန်ပြီးလက်စားချေမယ်လို့ ပြောဆိုခဲ့တာကို တောင်ကိုရီးယား ရုပ်မြင်သံကြားမှာ ပြသခဲ့ပါတယ်။


source by : http://www.voanews.com

အပြည့်အစုံ ဖတ်ရန် ...

ဒေါ်အောင်ဆန်းစုကြည်နှင့် မစ္စတာ ဗီဂျေး နမ်ဘီယား တွေ့ဆုံ


ဒေါ်အောင်ဆန်းစုကြည်နှင့် ကုလသမဂ္ဂ အတွင်းရေးမှူးချုပ် ဘန်ကီမွန်း၏ မြန်မာနိုင်ငံဆိုင်ရာ အထူး အကြံပေးပုဂ္ဂိုလ် မစ္စတာ ဗီဂျေး နမ်ဘီယားကို ရန်ကုန်မြို့ တက္ကသိုလ် ရိပ်သာလမ်းရှိ နေအိမ်တွင် စနေနေ့ နိုဝင်ဘာ ၂၇ ရက်၊ ၂ဝ၁ဝ ပြည့်နှစ်က တွေ့သည်။
စစ်အစိုးရ ခေါင်းဆောင်များရော အတိုက်အခံ ခေါင်းဆောင်နှင့်ပါ တွေ့ရန် ကုလ အထူးအကြံပေး ပုဂ္ဂိုလ်ဟာ နှစ်ရက်ကြာ ခရီးစဉ်ကို ယနေ့ စတင်ခြင်း ဖြစ်သည်။

ဗီဒီယို - မဇ္ဈိမ
source by : http://mizzimaburmese.com

အပြည့်အစုံ ဖတ်ရန် ...

ဦးဝင်းထိန် (NLD)နှင့် ငါးမင်းဆွေ တို့အား BBCမှ ဆက်သွယ် မေးမြန်းချက်

ငါးမင်းဆွေ NLD ရုံးသို့ လာရောက်ခဲ့စဉ်



NLD အတွင်းရေးမှူးရုံးအဖွဲ့ဝင် ဦးဝင်းထိန်နှင့် နအဖ၏ အာဘော်များအထူးရေးသားသော ငါးမင်းဆွေ အား ဘီဘီစီ မှ ဆက်သွယ်မေးမြန်းချက် အသံဖိုင်ကို ဒေါင်းမာန်ဟုန် မှ ပြန်လည် မျှဝေသည်။


အပြည့်အစုံ ဖတ်ရန် ...

ရွေးကောက်ပွဲ မဲမသမာမှုများကို သမိုင်းမှတ်တမ်းတင်

နိုဝင်ဘာ ၇ ရက်နေ့ ရွေးကောက်ပွဲမှာ စစ်အစိုးရ မတရား ပြုလုပ်ခဲ့တာတွေကို မှတ်တမ်းတင်တဲ့ အဖွဲ့တဖွဲ့က ဒီကနေ့ ထိုင်းနိုင်ငံ ဘန်ကောက်မြို့မှာ သတင်းစာရှင်းလင်းပွဲ တရပ် ပြုလုပ်ခဲ့ပါတယ်။

ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးသိန်းစိုးက ရွေးကောက်ပွဲမှာ နိုင်ငံခြားမှ သတင်းသမားများနှင့် စောင့်ကြည့် လေ့လာသူများကို လက်ခံမည် မဟုတ်ကြောင်း အောက်တိုဘာ ၁၈ ရက်နေ့က နေပြည်တော်တွင် ရှင်းလင်း ပြောကြားသည်ကို နားထောင်နေသော နိုင်ငံခြား သံတမန်များ ဖြစ်ပါသည်။ (Photo: AFP)

ထိုင်းမြန်မာ နယ်စပ်အခြေစိုက် မြန်မာ့အရေး လှုပ်ရှားနေသူတွေ စုပေါင်းပြီး “ရွေးကောက်ပွဲ ခြေရာခံအဖွဲ့” ဆိုတဲ့အဖွဲ့ ဖွဲ့စည်းပြီး နိုဝင်ဘာ ၇ ရက် ရွေးကောက်ပွဲ အခြေအနေတွေကို တင်ပြထားတာပါ။ ဒီအဖွဲ့ရဲ့ လေ့လာ တွေ့ရှိချက်အရ ရွေးကောက်ပွဲ မဲမသမာမှု ၄၅၀ လောက် တွေ့ရတယ်လို့ သိရပါတယ်။ အဲ့ဒီ တွေ့ရှိ တင်ပြချက်တွေကို မြန်မာ့သမိုင်း မှတ်တမ်းတခုအဖြစ် အပြည်ပြည်ဆိုင်ရာက သိရှိအောင် လုပ်ဆောင်ရတာ ဖြစ်တယ်လို့ ဆိုပါတယ်။ အဖွဲ့က ဒေါ်ခင်ဥမ္မာက ခုလိုပြောပါတယ်။

“ရွေးကောက်ပွဲက ဘယ်လောက်တောင် ပြည်သူ့ရဲ့ သဘောဆန္ဒ မပါဘဲနဲ့ မတရား လုပ်သွားတဲ့ ရွေးကောက်ပွဲလဲ ဆိုတာကို ကျမတို့က ကမ္ဘာကို သိစေချင်တယ်။ ဒါ ကျမတို့ နိုင်ငံရဲ့ သမိုင်းပဲ”

သတင်းစာရှင်းလင်းပွဲမှာ ဒေါ်ခင်ဥမ္မာက “ရွေးကောက်ပွဲခြေရာခံအဖွဲ့” အကြောင်း တင်ပြခဲ့သလို “ရွေးကောက်ပွဲနဲ့ တိုင်းရင်းသားနယ်မြေတွေ” အကြောင်းကို နော်ကညော်ဖော က တင်ပြခဲ့ပြီး “ရွေးကောက်ပွဲအပြီး နိုင်ငံရေးအခင်းအကျင်း” အကြောင်းကို အမျိုးသား ဒီမိုကရေစီအဖွဲ့ချုပ် (လွတ်မြောက်နယ်မြေ) တွဲဘက် အထွေထွေ အတွင်းရေးမှူး ဦးမိုးဇော်ဦးက တင်ပြသွားပါတယ်။

ဒီ သတင်းစာ ရှင်းလင်းပွဲကို ထိုင်းနိုင်ငံမှာရှိတဲ့ သတင်းစာ၊ ရုပ်မြင်သံကြားနဲ့ နိုင်ငံတကာ သတင်းထောက်တွေ တက်ရောက်ခဲ့ကြပြီး သတင်းစာရှင်းပွဲဟာ ညနေ ၄ နာရီမှာ ပြီးဆုံး သွားပါတယ်။

ဒီအကြောင်း အပြည့်အစုံကို အာအက်ဖ်အေ ဝိုင်းတော်သား ဦးတင်အောင်ခိုင်က သတင်း ပေးပို့ထားပါတယ်။


နားဆင်ရန်

source by : http://www.rfa.org

အပြည့်အစုံ ဖတ်ရန် ...

Friday, November 26, 2010

အာဏာပြန်လည် ရရှိရန် ကြိုးပမ်းမှု ၊၀န်ကြီးချုပ်ဟောင်း ဒုတိယ ဗိုလ်ချုပ်ကြီး ခင်ညွှန့် အား အင်းစိန်ထောင်သို့ ပြောင်းရွှေ့ (ဗီဒီယို)

FNG မှ လက်ခံရရှိထားသော ဗီဒီယို (စ ဆုံး) ကို စတင် ကြည့်ရှုနိုင်ပါပြီ။ ကူးယူဖော်ပြနိုင်ပါသည်။




တင်ကျော်ကျော်စိုး| ယခင် စစ်ထောက်လှမ်းရေး အကြီးအကဲ နှင့် ၀န်ကြီချုပ် ဟောင်း ဖြစ်သူ ဒုတိယ ဗိုလ်ချုပ်ကြီး ခင်ညွှန့် နှင့် ဇနီးဖြစ်သူ ဒေါက်တာ ဒေါ်ခင်ဝင်းရွှေ အား ရန်ကုန်မြို့ ကမ္ဘာအေး ရှိနေအိမ် မှ အင်းစိန် အကျဉ်း ထောင်သို့ ပြောင်းရွှေ့လိုက်ပြီ ဖြစ်ကြောင်း ရန်ကုန်မြို့သတင်းတပ်ဖွဲ့မှ အမည်မဖော် လိုသည့် အရာရှိ တစ်ဦးက Freedom News Group သို့ အတည် ပြုပြောကြားသည်။

၂၀၀၄ ခုနှစ် အောက်တိုဘာလ ၁၈ ရက်နေ့က မန္တလေးမြို့မှ အပြန် ရန်ကုန် မင်္ဂလာဒုံ လေဆိပ်တွင် ဖမ်းဆီးခံရပြီးနောက် အမိန့် မနာခံမှု ၊ လာဘ်စားမှု ၊မရိုးမသား လုပ်မှုများဖြင့် ရာထူးမှ ဖယ်ရှာခြင်း ခံခဲ့ရ ခြင်းဖြစ်သည်။

စစ်ထောက်လှမ်းရေး အကြီးအကဲ သည် နိုင်ဝင်ဘာလ ၂ ရက်နေ့တွင် နေအိမ် အကျယ်ချုပ် မှ အင်းစိန် အကျဉ်းထောင်သို့ ပြောင်းရွှေ့  ခံရခြင်းဖြစ်သည်။ဒုတိယ ဗိုလ်ချုပ် ကြီး ခင်ညွှန့် အား အင်းစိန် အကျဉ်းထောင် သို့ ပြောင်းရွှေ့ ပြစ်ဒဏ်ပြောင်းလဲ ခံယူရန် မြန်မာ နိုင်ငံ ရဲတပ်ဖွဲ့ ရဲချုပ် ဗိုလ်မှုးချုပ် ခင်ရီ ၊ရန်ကုန်တိုင်း ရဲ တပ်ဖွဲ့မှုး ၊ သတင်းတပ်ဖွဲ့မှုး၊ အကျဉ်းဦးစီးဌာ န ညွှန်ကြားရေးမှုး၊ အကျဉ်း ဦးစီး ဌာန အင်းစိန် အကျဉ်းထောင် ထောင်ပိုင် နှင့် အခြား တာဝန်ရှိသူများ လာရောက် တွေ့ဆုံ ပြီးနောက် အင်းစိန် အကျဉ်းထောင်သို့ ထိုနေ့မှာပင် ရွှေ့ပြောင်းခဲ့ခြင်း ဖြစ်သည်ဟု သိရသည်။


နေပြည်တော် ရှိ ကာကွယ်ရေး ၀န်ကြီးဌာန မှ အရာရှိ တစ်ဦးက ထောင်ဒဏ် ၄၄ နှစ် ချမှတ် ခံရသည့်ဒုတိယ ဗိုလ်ချုပ်ကြီး ခင်ညွှန့် အား အင်းစိန် အကျဉ်းထောင် သို့  ပြောင်းရွှေ့  ပြစ်ဒဏ် ခံယူရန် စီစဉ်ရခြင်းသည် ၎င်း ၏ အာဏာ ပြန်လည် ရရှိရန် အားထုတ် ကြိပမ်းမှုများကြောင့် ဖြစ်သည်ဟု ဆိုသည်။

အာဏာ ပြန်လည် ရယူရန် ကြိုပမ်းမှု ဖြစ်စဉ် နှင့် ပတ်သက်၍ ထိုအရာရှိက “သူ့ကို ဘာမှ အစိုးရ က ချုပ်ချယ် မထား
ဘူး သူ့ လုပ်ဖော် ကိုင်ဖက် တွေရဲ့ နာရေး တွေ ၊ ဘာသာရေး နဲ့ ပတ်သက် တာတွေ ကို ရန်ကုန်တိုင်း ကို သတင်းပို့ပြီးရင် သွားခွင့် ပြုတယ်။ နောက်ပိုင်းမှာ သူက မရိုးမသား လုပ်လာတာတွေရှိတယ်။ သူ့ ထောက်လှမ်းရေး ကွန်ယက်ကို ပြန်ဖွဲ့တယ်။

ရွေးကောက်ပွဲ မတိုင်ခင်မှာ သူ့ရဲ့ကွန်ယက်တွေက ဗိုလ်ချုပ်မှုးကြီး နှစ်ယောက်ရဲ့ အိမ် ထိ penetrate လုပ်လာတာတွေ ရှိတယ်။ နောက်ဆုံး သူ့ ရဲ့  Net Work တွေ ကို အကုန် မိတော့ မှ သူ့ ကို ဖမ်းလိုက်တာ။ အစိုးရက သူ့ကို တရား ပြန်ဆွဲမယ် ထင်တယ်ဟု အဆိုပါ အရာရှိ က Freedom News Group သို့ ပြောသည်။


ရဲချုပ်ခင်ရီက ဒုတိယ ဗိုလ်ချုပ် ကြီး ခင်ညွှန့်အား အကျဉ်းဦးစီးဌာန လက်သို့ လွှဲပြောင်းပေးစဉ်

အတည်မပြု နိုင်သည့် သတင်းများ အရလည်း မြန်မာ စစ်ခေါင်းဆောင် ဗိုလ်ချုပ်မှုးကြီး သန်းရွှေ က ဒုတိယ ဗိုလ်ချုပ်ကြီး ခင်ညွှန့်အား ၎င်း ၏ ယောက်ဖ ဖြစ်သူ ဒေါက်တာသန်းငြိမ်း အား ရွေးကောက် ပွဲတွင် ပါဝင်လာစေရန် အတွက် နေပြည်တော်အထိ ခေါ် ယူ တွေ့ဆုံကာ ပါးနပ်စွာ အသုံးချခဲ့သည် ဟု သိရှိရသည်။

ယခင် ကကလှမ်း မှ အရာရှိ ဟောင်း တစ်ဦးက မူ “ဒါ သူတို့ သက်သက် မဲ့ စွပ်ဆွဲ တာပါ။ လူထု အုံကြွှမှု ဖြစ်ရင် ဗိုလ်ချုပ်က ဒေါ် စု မလွတ်သေးဘူးဆိုရင် ပြည်သူတွေ ရှေ့မှာ သူ့ အမှား ကို ၀န် ခံပြီးရင် ဦးဆောင်မှု ပေးမယ် ဆိုလို့ လုပ်လိုက်တာ။


ဗိုလ်ချုပ် က သူ့ ဆံပင်ကိုတောင် သူ့ ဘာသူ ညှပ်ရတာ၊ ဘယ်လိုလုပ် အာဏာသိမ်းမလဲ ဟု ပြောသည်။ ဒုတိယ ဗိုလ်ချုပ် ကြီး ခင်ညွှန့်သည် ၎င်း ၏ ကွန်ယက် ထူထောင် နိုင်ရေး အတွက် ဗိုလ်ချုပ်မှုးကြီး သန်းရွှေ နှင့် နေပြည်တော်တွင် တွေ့ ဆုံစဉ် က ၀ တပ်ဖွဲ့ နှင့် ရှမ်းမြောက် အဖွဲ့များ ကို မတိုက်သေး ရန် အကြံပေး ခဲ့ပြီး ၎င်း က မူ ၀ လူမျိုးထိပ်တန်း စီးပွား ရေး လုပ်ငန်း ရှင် တစ်ဦး ထံ မှ ၎င်း ကွန်ယက် အတွက် ငွေကြေး မြောက် မြားစွာ ရယူခဲ့သည်။

စာရေး ဆရာ တစ်ဦးလည်း ဖြစ်ပြီး နိုင်ငံရေးအကျဉ်းသားဟောင်း တစ်ဦးကမူ “ဒေါ်စု လွတ်ပြီ ဆိုတော့ ဒုတိယ ဗိုလ်
ချုပ်ကြီး ခင်ညွှန့်ကို အပြင် မှာ ဘယ်ထားတော့ မလဲ၊ ရန်ကုန်မှာက လက်ရှိ စစ်အစိုးရ ကို မကြည်တဲ့ figure တွေ ကပိုများလာတာကိုး၊ သူတို့ ပေါ်လစီက တော့ တစ်ယောက် ၀င် ၊တစ်ယောက် ထွက် ပဲ ဟု ပြောကြားသည်။

ဒုတိယ ဗိုလ်ချုပ်ကြီး ခင်ညွှန့်အား ရာထူး မှ ဖယ်ရှားပြီး
နောက် စစ်ထောက် လှမ်းရေး အရှိများ အားထောင်ဒဏ် နှစ်၁၀၀ ကျော်ထိ ချမှတ် ခဲ့သည်။ စစ်ထောက်လှမ်းရေး က ပိုင်ဆိုင်သည့် A 21 ဆပ်ပြာ၊ခိုစိမ်းဖိနပ်၊ စူပါ ဂျာနယ်၊ စေတမန်တေးသံသွင်း၊ နိုင်ငံတကာ စီးပွားရေး ဂျာနယ် တို့ကို ယခုဒုတိယ ဗိုလ်ချုပ်ကြီးမြင့်ဆွေ မှ လွှဲပြောင်း ရယူ လိုက်သည်။

ဒုတိယ ဗိုလ်ချုပ်ကြီး ခင်ညွှန့်၏ ကျေးဇူးရှင် ဖြစ်သူ မြန်မာ့ဆိုရှယ်လစ် လမ်းစဉ်ပါတီ ဥက္ကဌ ဟောင်းနှင့်
အာဏာရှင်ဟောင်း ဦးနေ၀င်းမှာ ၂၀၀၁ ခုနှစ် တွင် နေအိမ် အကျယ်ချုပ် ချမှတ် ခံရပြီး ၂၀၀၂ ခုနှစ်တွင် ကွယ်လွန် ရာဉ် ခေါင်းတလားတွင် နာမည်ပင် ရေး ထိုး ခြင်းကို စစ်အစိုးရက ခွင့်ပြု ခဲ့ခြင်း မရှိချေ။

ဒုတိယ ဗိုလ်ချုပ်ကြီး ခင်ညွှန့်နှင့် ဇနီး မောင် နှံ တို့နှစ်ဦး သည် မြန်မာ့ ဒီမိုကရေစီ ခေါင်းဆောင် ဒေါ်အောင်
ဆန်းစု ကြည် ၏ ခင်ပွန်း ဖြစ်သူ ပါမောက္ခ ဒေါက်တာ မိုက်ကယ် အဲရစ် ကွယ်လွန်စဉ်က အစောဆုံး ၀မ်းနည်း ကြောင်း သ၀ဏ် လွှာ ကို အင်္ဂလိပ် ၊မြန်မာ နှစ် ဘာသာဖြင့် ရေး သား ပေး ပို့ ခဲ့သူ တစ်ဦး ဖြစ်သည်။

၎င်း တို့ ၏ သား နှစ်ဦး ဖြစ်သူ ဗိုလ်မှုးကြီး ဇော်နိုင်ဦး နှင့် Bagan Cyber Tech တည်ထောင်သူ ဒေါက်တာ
ရဲ နိုင်ဝင်းမှာ ထောင်ဒဏ်နှစ် ငါးဆယ်ကျော်စီ အပြစ်ပေးထားခြင်း ခံရသည်။ သမီးဖြစ်သူ သင်းလဲ့လဲ့ဝင်းမှာ မိသားစု နှင့် အတူ နေအိမ် တွင် အကျယ်ချုပ် ပြစ်ဒဏ် ခံယူနေရသည်။ဒုတိယ ဗိုလ်ချုပ်ကြီး ခင်ညွှန့်သည် ၎င်း ၏ နေအိမ်တွင် အကျယ်ချုပ် ခံယူပြီးနောက် အင်းစိန်ထောင်သို့ အသွားတွင် ဘုရားရှိခိုးပြီး ဇနီး ဖြစ်သူ နှင့် လွယ်အိတ် ကလေးလွယ်ကာ ထွက်ခွာသွားသည်။

မြန်မာ စစ်အစိုးရ က ထိုဖြစ်စဉ်အား သတင်းစာရှင်းလင်းပွဲ ပြုလုပ်လိမ့်မည်ဟု သိရှိရသည်။


source by : http://freedomnewsgroup.com

အပြည့်အစုံ ဖတ်ရန် ...

တိုက်ပွဲဖြစ်ပွားနိုင်သည့်အတွက် ပြည်သူ ၁,၀၀၀ခန့် ထိုင်းဘက်ခြမ်းသို့ ထပ်မံ ထွက်ပြေး

မြ၀တီခရိုင်၊ ဝေါ်လေဒေသတွင် နအဖနှင့် နယ်ခြားစောင့်တပ်တို့ ပိုမိုရောက်ရှိလာသည့်အတွက် နယ်မြေခံ ကရင်တပ်ဖွဲ့များ နှင့် တိုက်ပွဲအကြီးအကျယ် ဖြစ်ပွားလာနိုင်သည့် အခြေအနေကြောင့် ယနေ့မွန်းလွဲပိုင်းတွင် ဝေါ်လေဒေသရှိ ဖလူးကျေးရွာမှ ပြည်သူ ၁,၀၀၀ခန့် ထိုင်းဘက်ခြမ်းသို့ ထပ်မံ ထွက်ပြေး တိမ်းရှောင်ကြသည်ဟု သိရသည်။

နအဖစစ်တပ်မှ ခလရ(၆၂)နှင့် နယ်ခြားစောင့်တပ်(BGF)များ ပူးပေါင်းသည့် တပ်အင်အား ၁၀၀ကျော်ရှိ တပ်ဖွဲ့သည် ကနဲ လေး၊ ဘုရင့်နောင်ကုန်း စသည့်နေရာများသို့ တက်လာရန် စီစဉ်နေသည်ဟု ဖလူးကျေးရွာတွင် တာဝန်ကျနေသော ကေအဲန် အယ်လ်အေ ဆေးမှူးတဦးက ပြောသည်။

“တိုက်ပွဲဖြစ်နိုင်တဲ့ အခြေအနေမှာဆိုတော့ လောလောဆယ် ရွာသားတွေကို ထိုင်းဘက်ခြမ်းကို ရှောင်ခိုင်းထားတယ်။ အထူး သဖြင့် အမျိုးသမီးနဲ့ ကလေးတွေပေါ့နော်။ ရွာမှာဆို အမျိုးသားတွေ တစ်ယောက် တစ်လေပဲ ကျန်တော့တယ်။”ဟု ပြောသည်။

ယင်းသို့ ဒေသခံပြည်သူများ ထွက်ပြေးရခြင်းမှာ နအဖတပ်နှင့် BGF တပ်ဖွဲ့များ တက်လာမည့် လမ်းကြောင်းတလျှောက်တွင် ဒီကေဘီအေနှင့် ကေအဲန်အယ်လ်တပ်ဖွဲ့ဝင်တို့ တပ်အင်အား အများအပြားဖြင့် စောင့်ကြိုထားသောကြောင့် အချိန်မရွေး တိုက်ပွဲဖြစ်ပွားနိုင်သည့် အခြေအနေတွင်ရှိသည်ဟု ကေအဲန်အယ်လ်အေဘက်က ပြောသည်။

ယခုလို မိမိကျေးရွာမှ ထွက်ပြေးတိမ်းရှောင်သွားသော ဖလူးရွာသားများသည် ထိုင်းနိုင်ငံ ဖို့ဖရမြို့နယ် မော်လီချိုင်းကျေးရွာနှင့် ကပ်လျှက် မယ့်ကူကေးကျေးရွာတွင် ခိုလှုံနေကြပြီး လောလောဆယ်တွင် ထိုင်းဘက်ခြမ်းရှိ လူမှုကူညီရေးအဖွဲ့တို့မှ လိုအပ် သည်များကို စီစဉ်ဆောင်ရွက်ပေးသည်ဟု မော်လီချိုင်းရွာသားများက ပြောသည်။

ဒီကေဘီအေ တပ်မဟာ(၅) တပ်ဖွဲ့ဝင်များ

ယမန်နေ့ ညနှင့် ယနေ့ မနက်ပိုင်းတွင် မြ၀တီတောင်ဘက်ခြမ်း၊ မဲ့ထော်သလေးရွာဘက်မှ လက်နက်ကြီး ပစ်ခတ်သံများ အနည်း ငယ်ကြားခဲ့ရသော်လည်း မည်သို့ဖြစ်ပွားသည်ကို မသိရှိရကြောင်း မြ၀တီမြို့ခံအချို့က ပြောဆိုနေကြသည်။


စောသိန်းမြင့် (ကေအိုင်စီ)


source by : http://www.kicnews.org

အပြည့်အစုံ ဖတ်ရန် ...

ဗိုလ်ချုပ်ကြီးဟောင်း ခင်ညွှန့်ကို နေရာပြောင်း

VOA| နေအိမ်အကျယ်ချုပ် ချခံထားရတဲ့ စစ်ကောင်စီ အတွင်းရေးမှူး(၁) ထောက်လှမ်းရေးမှူးချုပ်ဟောင်း၊ ဗိုလ်ချုပ်ကြီးဟောင်းခင်ညွန့်နဲ့ ရဲချုပ် ဗိုလ်မှူးချုပ်ခင်ရီတို့ တွေ့ဆုံ ဆွေးနွေးကြတာတွေကို ရိုက်ကူးထားတဲ့ ဗွီဒီယိုတခုဟာ နာမည်ကျော် Facebook စာမျက်နှာကတဆင့် ပြည်ပရောက် မြန်မာနိုင်ငံသားတွေအကြား အင်တာနက်ပေါ်မှာ ပြန့်နှံ့နေပါတယ်။ ဘယ်တုန်းက တွေ့ကြတယ်ဆိုတဲ့ရက်ကို အတိအကျမသိရသလို ဘာတွေ ဆွေးနွေးကြတယ်ဆိုတာကိုလည်း အသံမပါတဲ့အတွက် မသိကြရပါဘူး။

ဗိုလ်ချုပ်ကြီးဟောင်း ခင်ညွန့်ရဲ့ ကမ္ဘာအေးဘုရားနားကနေအိမ်မှာ တွေ့ဆုံကြတာဖြစ်ပြီး အဲဒီနောက် သူ့ကို တခြားနေရာတခုကို ခေါ်သွားခဲ့ပါတယ်။ သူ့ကို ဘယ်နေရာကို ရွှေ့လိုက်တာဖြစ်နိုင်တယ်၊ ဘာအတွက်ကြောင့် ရွှေ့လိုက်နိုင်တယ် ဆိုတာတွေကို ဗိုလ်ချုပ်ကြီးခင်ညွန့်လက်အောက်မှာ အမှုထမ်းခဲ့ဖူးတဲ့ စစ်ထောက်လှမ်းရေး အရာရှိဟောင်းတဦးလည်းဖြစ်၊ အမေရိကန်နိုင်ငံဆိုင်ရာ မြန်မာသံရုံးမှာ သံရုံးယာယီ တာဝန်ခံအဆင့်ထိ တာဝန် ထမ်းဆောင်ခဲ့ဖူးတဲ့ ဗိုလ်မှူးဟောင်း အောင်လင်းထွဋ်က အခုလို သုံးသပ်ပြပါတယ်။

“ခေါ်သွားတဲ့နေရာကတော့ နောက်ပိုင်းပေါ့လေ။ ကျနော်တို့ တပ်မ (၁၁) ဧရိယာ ရဲမွန်တပ်နယ်ဘက်မှာ ဆောက်းထားတဲ့ လုံချင်းပေါ့လေ။ Guest house အနေအထားမျိုး ဖြစ်မယ်လို့ ထင်ပါတယ်။ အဲဒီမှာတော့ ကျနော်တို့ အကျဉ်းဦးစီး ညွှန်ချုပ် ဦးဇော်ဝင်း၊ ရဲချုပ် ကိုခင်ရီ ရဲမှူးချုပ်ပေါ့လေ။ ကိုမြင့်သိန်းတို့ကို ကျနော် တွေ့ရမှာဖြစ်ပါတယ်။ ကျနော့်အမြင် ပြောရရင်တော့ အခုချိန်ခါ နိုင်ငံရေးအခင်းအကျဉ်းတွေ အရ၊ ဆိုလိုတာကတော့ တိုင်းရင်းသားအဖွဲ့တွေက ဗိုလ်ချုပ်ခင်ညွှန့်ပြောရင်တော့ လက်ခံတဲ့အနေအထားမျိုး ရှိတယ်လို့ မြင်ပါတယ်။ တဘက်ကလည်း ဒုတိယပေါ့လေ။ ဒေါ်အောင်ဆန်းစုကြည်နဲ့ အဲန်အယ်လ်ဒီ အမျိုးသားညီလာခံ ပြန်တက်ရောက်ရေးမှာ ညှိနှိုင်းဆွေးနွေးခဲ့တာတွေ ရှိခဲ့ဖူးပါတယ်။ ဒါတွေလည်း တစိတ်တပိုင်းအားဖြင့်တော့ အောင်မြင်ခဲ့တဲ့ အနေအထားမျိုးတွေ ရှိခဲ့တယ်။ အဲဒီတော့ အခု အမျိုးသားပြန်လည် သင့်မြတ်ရေးဆိုတဲ့ လမ်းကြောင်းပေါ့လေ။ ဒီလမ်းကြောင်းပေါ်တက်ဖို့ဆိုတာ ဗိုလ်ချုပ်ကြီးခင်ညွှန့် အနေနဲ့လည်း သူ့အနေနဲ့ ဒီဖြစ်စဉ်တွေမှာ ပံ့ပိုးပေးနိုင်လိမ့်မယ်လို့ ထင်ပါတယ်။

ဒီ့အတွက်ကြောင့်လည်း ဗိုလ်ချုပ်ကြီး ခင်ညွှန့်နဲ့ လွတ်လွတ်လပ်လပ် လူကြီးပိုင်း တွေ့ဆုံစကားပြောလို့ရအောင် အခြား တနေရာကို ရွှေ့ပြောင်းသွားတယ်လို့ ကျနော်တော့ အဲဒီလိုပဲ အကောင်းမြင်ပါတယ်ခင်ဗျ။”

ဗိုလ်ချုပ်ကြီးဟောင်း ခင်ညွန့်အပေါ် လာဘ်စားမှုဆိုင်ရာ စွဲချက်တွေနဲ့ ၂၀၀၄ ခုနှစ်မှာ ထောင်ဒဏ် ၄၄ နှစ် ချမှတ် အပြစ်ပေးခဲ့ပြီး စစ်ကောင်စီခေါင်းဆောင် ဗိုလ်ချုပ်မှူးကြီးသန်းရွှေရဲ့ အမိန့်နဲ့ နေအိမ်မှာ အကျယ်ချုပ် ချထားတာပါ။ သူဟာ အကျဉ်းချခံထားရသူ ဖြစ်တဲ့အတွက် သူ့ကို အကျဉ်းသားတဦးလိုပဲ ဆက်ဆံ ရတယ်လို့လည်း ဗိုလ်မှူးဟောင်း အောင်လင်းထွဋ်က ပြောပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ကိုရီးယားကျွန်းဆွယ် တင်းမာမှု ပိုမိုပြင်းထန်

VOA | တောင်နဲ့မြောက် ကိုရီးယားတို့ကြား တင်းမာမှုတွေ ကြီးထွားလာနေချိန်မှာပဲ ကိုရီးယားကျွန်းဆွယ်မှာ နောက်ထပ် လက်နက်ကြီး ပစ်ခတ်မှုတွေ ဖြစ်ပွားခဲ့တဲ့အတွက် သတိပေးချက် အသစ်တွေလည်း ထွက်ပေါ်လာပါတယ်။ မြောက်ကိုရီးယားဘက်က အမြောက် ပစ်ခတ်သံတွေကို သောကြာနေ့က ကြားခဲ့ရတဲ့အကြောင်း တောင်ကိုရီးယားရဲ့ ယောင်ဖြွန်းကျွန်းမှာ နေထိုင်သူတွေက ပြောဆိုခဲ့ကြတာပါ။

တောင်ကိုရီးယား စစ်တပ် တာဝန်ရှိသူတွေကတော့ သူတို့နယ်မြေထဲကို အမြောက်ကျည်ဆံတွေ ကျရောက်တာမျိုး မရှိဘူးလို့ ပြောပါတယ်။ မြောက်ကိုရီးယားက ယောင်ဖြွန်းကျွန်းကို လက်နက်ကြီးနဲ့ ပစ်ခတ်ခဲ့လို့ တောင်ကိုရီးယား ကမ်းတက်စစ်သား ၂ ယောက်နဲ့ အရပ်သား ၂ ယောက် သေဆုံးပြီး နောက်ထပ် လူ ၁၈ ယောက် ထိခိုက်ဒဏ်ရာရခဲ့တဲ့ အဖြစ်အပျက် ဖြစ်ပွားခဲ့ပြီး ၃ ရက်အကြာမှာ အခုလို ထပ်မံ ဖြစ်ပွားခဲ့တာပါ။မြောက်ကိုရီးယားရဲ့ ပစ်ခတ်မှု အသစ်တွေနဲ့အတူ ၂ ဘက်အကြား စစ်ဖြစ်ဖို့ အခြေအနေနဲ့ နီးစပ်လာနေပြီဆိုပြီး ခပ်ကြမ်းကြမ်း သတိပေး ပြောဆိုမှုတွေလည်း ထွက်ပေါ်လာခဲ့ပါတယ်။

မြောက်ကိုရီးယားပိုင် ကိုရီးယား ဗဟိုသတင်းဌာနကတော့ တနင်္ဂနွေနေ့မှာ ပြုလုပ်ဖို့ရှိနေတဲ့ တောင်ကိုရီးယားနဲ့ အမေရိကန်တို့ရဲ့ ပူးတွဲစစ်ရေး လေ့ကျင့်မှုဟာ လက်ယားနေသူတွေရဲ့ အဆင်အခြင်မဲ့ အစီအစဉ်အဖြစ် ပြစ်တင်ပြောဆိုလိုက်တာပါ။တင်းမာမှုတွေနဲ့ စစ်ရေးလေ့ကျင့်မှုတွေ ပြုလုပ်မယ့် အစီအစဉ်တွေကြောင့် အိမ်နီးချင်း တရုတ်နိုင်ငံက သတိပေးချက်လည်း ထွက်ပေါ်လာပါတယ်။ ဒေသထဲမှာ တရုတ်နိုင်ငံရဲ့ ခွင့်ပြုချက်မရဘဲ တဘက်သတ် လုပ်ဆောင်တဲ့ စစ်ရေး လှုပ်ရှားမှုတွေကို ဆန့်ကျင်ကြောင်း တရုတ်နိုင်ငံခြားရေး ၀န်ကြီးဌာနက သောကြာနေ့ကပဲ ပြောဆိုလိုက်တာပါ။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ဗိုလ်ခင်ညွန့်ကို ပြန်အသုံးချတာလား (သို့) အင်းစိန်ထောင်သို့ ခေါ်ယူ ဖမ်းဆီးခံရတာလား

ခင်ညွန့်ဘာတွေဖြစ်နေပြီလဲဆိုတဲ့ ခေါင်းစဉ်နဲ့ Facebook စာမျက်မှာ ဗွီဒီယို ထွက်ပေါ်လာခဲ့ပါတယ်။ ထိုဗွီဒီယိုက စိတ်ဝင်စားစရာကောင်းပြီး ရဲချုပ်ခင်ရီအဖွဲ့လို့ ထင်ရတဲ့ အဖွဲ့တဖွဲ့က ခင်ညွန့်အိမ်ကနေ တနေရာကို ခေါ်ဆောင်သွားတာကို တွေ့ရပါတယ်။

ထောက်လှမ်းရေးဟောင်း ဗိုလ်ခင်ညွန့်ကို သူ့အိမ်ဝန်းကျင်မှာ မတွေ့တာ တလလောက်ရှိပြီလို့ အိမ်နီးနားချင်းများက ပြောဆိုနေကြပါတယ်။ ငြိမ်းချမ်းအရေးအဖွဲ့တွေနဲ့ ဖြစ်ပေါ်နေတဲ့ ပြသနာတွေကြောင့် ဗိုလ်ခင်ညွန့်ကို ပြန်အသုံးချနေပြီလို့ ပြောဆိုနေကြတာတွေလည်း ရှိပါတယ်။ ဒါအပြင် သူ့ထောက်လှမ်းရေးကွန်ယက်ကို ပြန်လည်ဖွဲ့စည်းခဲ့တာကြောင့် အင်းစိန်ထောင်သို့ ခေါ်ယူ ဖမ်းဆီးခြင်း ခံရတာလို့ ပြောဆိုနေကြတာတွေလည်း ရှိနေပါတယ်။


source by : http://www.youtube.com (swenaing)

copy @ http://soneseayar.blogspot.com

အပြည့်အစုံ ဖတ်ရန် ...

စွမ်းအားမြှင့် မြန်မာကျောင်းသား စစ်သည်တော်များအဖွဲ့ သဘောထားထုတ်ပြန်ချက်

စွမ်းအားမြှင့် မြန်မာကျောင်းသား စစ်သည်တော်များအဖွဲ့
သဘောထားထုတ်ပြန်ချက် ၂/၂၀၁၀ (
ဗီဒီယို )

အပြည့်အစုံ ဖတ်ရန် ...

ဒေါ်အောင်ဆန်းစုကြည် အိမ်ပတ်ဝန်းကျင်မှာ နအဖ စွမ်းအားရှင်များ နေရာယူမှု တဖြည်းဖြည်းတိုးများလာ

နိုဝင်ဘာလ ၁၃ ရက်နေ့ ဒေါ်အောင်ဆန်းစုကြည့် စတင်လွတ်မြောက်လာပြီ နောက်တရက်မှာ စတင်ကာ အရပ်ဝတ်နဲ့ စွမ်းအားရှင်တွေ ဒေါ်အောင်ဆန်းစုကြည် အိမ်ပတ်ဝန်ကျင်မှာ နေရာယူထားမှု ပိုများလာနေတယ်လို့ ကြားသိရပါတယ်။

ဒေါ်အေင်အောင်စုကြည် လွတ်မြောက်လာပြီး နောက်တရက်မှ စတင်ကာ ဒိုင်နာကားနဲ့ အရပ်ဝတ်လူ စွမ်းအားရှင် အင်အား၂၀ လောက်ဟာ ဒေါ်အောင်ဆန်းစုကြည် အိမ်းနားက လမ်းထိပ်ကို ရောက်လာခဲ့ရာက ယနေ့ထိ တဖြည်းဖြည်းတိုးများလာခဲ့ပါတယ်။ ခုဆိုရင် ဒေါ်အောင်ဆန်းစုကြည် ခြံဝင်းရဲ့မျက်စောင်ထိုး ထောက်လှမ်းရေးခြံဝင်ထဲမှာ အရပ်ဝတ်နဲ့ စွမ်းအားရှင်တွေ ၇၀ လောက် ရှိနေတယ်လို့ သိရပါတယ်။

ခု စွမ်းအားရှင်တွေ များလာတဲ့ အခြေအနေကို သိရှိတဲ့ လူငယ်တဦးပြောပြတာကတော့ …

“အမေ့အိမ်နားမှာ စွမ်းအားရှင် အစောင့်ကောင်တွေ တဖြည်းဖြည်းများလာတယ်။ အမေစုရဲ့ လုံခြုံရေးအတွက်ယူထားတဲ့ အင်းအားတွေလည်း အများကြီး လိုအပ်နေပါတယ်။ လမ်းထိပ်နားမှ လူ ၇၀ လောက် ဒိုင်နာကားတွေနဲ့ အသင့်ရှိနေကြတယ်။ အမေ့ခြံနားက ထောက်လှမ်းရေးခြံထဲမှာလည်း လူအင်အားအပြည့်လောက်ရှိတယ်။ ဘယ်လောက်လဲဆိုတာတော့ မခန့်မှန်းတတ်ဘူး။ အရပ်သားအချင်းချင်း ဖြစ်တဲ့ ပြဿနာမျိုး ဖန်တီးလာနိုင်ပါတယ်။ အမေလွတ်ပြီး နောက်ရက်မှာ ဒီ စွမ်းအားရှင်တွေ စရောက်လာတာပါ” လို့ ပြောပြသွားပါတယ်။

အောက်တိုဘာ ၁၄ ရက်နေ့က NLD ရုံးချုပ်ရှေ့မှာ လုပ်တဲ့ ဒေါ်အောင်ဆန်းစုကြည် ရဲ့ လူထုတရားပွဲအပြီး ဦးလွင် ဇနီး အသုဘ အခမ်အနားကို သွားရောက်ခဲ့တုန်းကလည်း စွမ်းအားရှင်တချို့ရဲ့ မူးယစ်ရမ်းကား နှောက်ယှက်တာတွေ လုပ်ခဲ့တယ်လို့ သိရှိရပါတယ်။


source by : http://www.naytthit.net

အပြည့်အစုံ ဖတ်ရန် ...

Thursday, November 25, 2010

Karenni army attack SPDC troops


source by : http://www.youtube.com ( sayrehsoe )

အပြည့်အစုံ ဖတ်ရန် ...

DKBA နှင့် KNU တပ်ဖွဲ့များက နအဖတပ် လာရာလမ်းကြောင်းတွင် ခြေကုပ်ယူထား

စောသိန်းမြင့်(ကေအိုင်စီ)| အင်အား ၁၀၀နီးပါးရှိ နအဖ တပ်ဖွဲ့ဝင်များသည် ကရင်ပြည်နယ် မြ၀တီခရိုင် ဝေါ်လေဒေသရှိ နယ်မြေခံ တပ်များအား လစာလာ ပေးရန်အတွက် ယနေ့မနက် ရောက်ရှိလာရာ ၎င်းတို့လာရာ လမ်းကြောင်းများကို ဒီကေဘီအေနှင့် ကေအဲန်ယူ တပ်ဖွဲ့များက ခြေကုပ် နေရာယူထားသောကြောင့် နအဖစစ်တပ်များ တက်လာရန် အခက်ကြုံနေရသည်ဟု သိရသည်။

ဒီကေဘီအေ (၉၀၉)တပ်ရင်းမှူး ဒုဗိုလ်မှူးကြီး စောစတီးက “အခု သူတို့ (နအဖ)ဖလူးရွာကို ရောက်ပြီးလို့ သိရတယ်။ တပ်ရင်းတစ် ရင်းပဲတဲ့။ အင်အား (၇၀-၈၀)ကျော်လောက် ရှိတယ်။ အခုသူတို့ လာမယ့် လမ်းကြောင်းတလျှောက်မှာ ကျနော်တို့လူတွေ အကုန်လုံး စောင့်နေတယ်ဆိုတော့ တက်လာဖို့ အခက်တွေ့ နေတယ်။ ကျနော်တို့နယ်မြေထဲကို ၀င်လာရင်တော့ ထိပ်တိုက်ပဲ။ လမ်းအခြေ အနေကို ကြည့်ရင်း လာရတယ်ဆိုတော့ ဒီည သူတို့တပ်တွေ ရှိတဲ့နေရာကို ရောက်ချင်မှ ရောက်မယ်။”ဟု ပြောသည်။

ဝေါ်လေဒေသရှိ နအဖစစ်တပ် စကခ(၈)လက်အောက်ခံတပ်ရင်းများနှင့် တိုင်းတပ်များအား ထုံးစံအတိုင်း လမကုန်ခင် လစာလာ ပေးရန်အတွက် တနင်္သာရီတိုင်းအခြေစိုက် စကခ(၈) လက်အောက်ခံ ခလရ(၆၂)တပ်ရင်းသည် ဘုရားသုံးဆူမြို့နယ် သံဖြူဇရပ်မှ မြ၀တီသို့ ယမန်နေ့က ရောက်ရှိလာပြီး ယနေ့မနက်တွင် မြ၀တီမှတဆင့် ဝေါ်လေဒေသ ဖလူးကျေးရွာသို့ စစ်ကား ၃စီးဖြင့် ရောက် ရှိလာသည်ဟု ဒီကေဘီအေ ဘက်က ပြောသည်။

လက်ရှိအချိန်တွင် အဆိုပါ နအဖစစ်တပ်များ တက်လာနိုင်မည့် လမ်းကြောင်းများဖြစ်သော ပလောတပို၊ တခေါ်ထူ၊ ကျောက်ခက်၊ ဘလယ်ဒို၊ သေဘောဘိုး၊ လေးဝေါ်၊ ဆုံဆည်းမြိုင်၊ အူကလေ့ထာ့ စသည့်နေရာများတွင် ကေအဲန်အယ်လ်အေနှင့် ဒီကေဘီအေ တပ်ဖွဲ့ဝင်များ ၀င်ရောက် နေရာယူထားပြီး ဖြစ်ကြောင်း သိရသည်။

ဝေါ်လေဒေသတွင် နအဖစစ်တပ်မှ လှုပ်ရှားတပ်များဖြစ်ကြသော စကခ(၈)လက်အောက်ခံ ခမရ(၄၀၁)၊ (၄၀၄)၊ (၄၀၉)တပ်ရင်း များနှင့် တိုင်းတပ်မှ ခလရ(၉၇)တပ်ရင်းတို့သည် ယခုလို ၀င်ရောက်လာသော ခလရ(၆၂)တပ်ရင်းအတွက် လုံခြုံရေးယူပေးနိုင်ခြင်း မရှိကြောင်း ကေအဲန်အယ်လ်အေ တပ်ရင်း(၂၀၁)မှ တပ်ကြပ်ကြီး စောထီးခုက ယခုလို ပြောသည်။

“ဒီမှာရှိ နအဖ လှုပ်ရှားတဲ့တပ်တွေက လှုပ်ရှားတပ်ပဲ အမည်ခံပဲ ဖြစ်နေတယ်။ တချိန်လုံး စခန်းထဲမှာပဲ ပုန်းအောင်း နေတယ်။ သူတို့ အတွက်လည်း သူတို့က လုံခြုံရေး ယူထားရတယ်ဆိုတော့ အခု တက်လာတဲ့ တပ်ရင်းကို ဘယ်လိုလုပ်လာပြီးတော့ လုံခြုံရေးလာ ယူပေးနိုင်မှာလဲ”ဟု ကေအိုင်စီကို ပြောသည်။

ဝေါ်လေဒေသ ဘုရင့်နောင်ကုန်း၊ ကနဲလေး၊ မောခီးတို့တွင် လှုပ်ရှားနေသော နအဖ စကခ(၈)နှင့် တိုင်းတပ်မှ တပ်ရင်းများသည် ယခုလဆန်းပိုင်းက နအဖနှင့် ဒီကေဘီအေ တပ်ဖွဲ့တို့ကြား အပြန်အလှန် ပစ်ခတ်မှု ဖြစ်ပွားခဲ့ပြီးနောက်ပိုင်း ထီးတပလယ်ကျေးရွာ တောင်ကုန်းရှိ ခလရ(၉၇)တပ်ရင်းသည် ရိက္ခာပြတ်လပ်မည့် အခြေအနေတွင် ရှိသည်ဟုလည်း သိရသည်။

source by : http://www.kicnews.org

အပြည့်အစုံ ဖတ်ရန် ...

မိဘ နှစ်ပါးအား ပစ်သတ်၍ အသက် ၁၆ နှစ် ကလေးမအား နအဖ စစ်သားမုဒိန်းကျင့်

သျှမ်းပြည်တောင်ပိုင်း လင်းခေအခြေစိုက် ခမရ ၅၇၈ နအဖ တပ်သားတဦးက နောင်လုံကျေးရွာအုပ်စု ဟွေ့ဆင်မ် ရွာသူတဦး၏ မိဘနှစ်ပါးကို ပစ်သတ်၍ (၁၆ နှစ်အရွယ်) မိန်းခလေးအား မုဒိန်းကျင့်ခဲ့သည်ဟု စုံစမ်းသိရှိရပါသည်။

“စနေနေ့ ကလေ ဗမာစစ်သားက ကောင်မလေးကို ဆွဲခေါ်သွားတော့ မိဘတွေဝင်တားလို့ အဲဒီစစ်သားက မိဘ နှစ်ယောက်စလုံးကို သေနတ်နဲ့ ပစ်တော့ ပွဲချင်းပြီးသေတာ။ ကောင်မလေးကို ဆွဲဖမ်းပြီး တခြားနေရာသွား မုဒိန်းကျင့်တယ်။ အဲ့ကောင် အိပ်ပျော် နေတုန်း ကောင်မလေးက ထွက်ပြေးပြီး ရွာလူကြီးတွေဆီ ငိုကြီးချက်မနဲ့ သွား တိုင်တယ်” - ဟု လင်းခေး ဒေသခံ ခေတ်ပညာတတ် လူငယ်တဦးက ပြောသည်။

နိုဝင်ဘာ ၂၁ ရက် လင်းခေးမြို့ပြင် (မိုင်းပန်အထွက်လမ်း) နမ့်အွန်ရွာ အခြေစိုက် ခမရ ၅၇၈ ရဲဘော်တဦး ဟွေ့ဆင်မ် ကျေးရွာနေ ဦးအာရိယ နှင့် ဒေါ်ခမ်းတို့၏ အိမ်ပေါ် ညအချိန် အတင်းတိုးဝင်၍ သမီး (အမည်မဖေါ်လို) ဖြစ်သူအား အဓမ္မပြုကျင့်ရန် ကြံစည်စဉ် ဖခင်က ၀င်တားရာ ဖခင်အား ဦးစွာပစ်သတ်ခဲ့ကြောင်း၊ ထို့နောက် မိန်းခ လေးငယ်အား အိမ်ပေါ်မှဆွဲခေါ်သဖြင့် မိခင်ဖြစ်သူက လိုက်ဆွဲရာ အိမ်အနီး ချောင်းဘေးတွင် မိခင်ကိုပါ ထပ်မံ ပစ်သတ်ခဲ့ကြောင်း လင်းခေး ဒေသခံများက ပြောပြပါသည်။

“အခု အဲ့ဒီ့ကလေးမ ရွာမှာရှိတဲ့ သူ့ အဒေါ်အိမ်မှာဘဲရှိနေတယ်။ စိတ်ပိုင်းဆိုင်ရာ အရမ်းထိခိုက်နေတယ်။ တပ်ဘက်သတင်း အရ အဲဒီ ဗမာစစ်သားက စိတ်မနှံ့ဘူးတဲ့။ နောက်ပြီးတော့ သူ့ကို သတ်ပစ်လိုက်ပြီ လို့လဲ ဆိုပြီး နအဖတပ်ကအရပ်ထဲ သတင်း လွှင့်ထားတယ်”
- အမည်မဖေါ်လိုသည့် လင်းခေးဈေးသည်တဦးက ပြောပါသည်။

နိုဝင်ဘာ ၂၂ ရက်တွင် (ယခင်လင်းခေးဗျူဟာမှူးဟောင်း) မိုင်းပန် စကခ (၁၇) မှူး ဗိုလ်မှူးချုပ် တင်ရွှေက သတင်းမပေါက်ကြားရန် နစ်နာကြေးနှင့် အတူ နှုတ်ပိတ်ခ ကျပ် ငွေသိန်း ၂ ပေးသွားကြောင်း နီးစပ်သည့်သူ တဦးက ပြောပြပါသည်။ ထို့အတူရွာသားများ လင်းခေး ဈေးဆင်းဝယ်မှုကိုလည်း ပိတ်ပင် တားမြစ်ထားကြောင်း လင်းခေး ဒေသခံများက ပြောပြသည်။

မိန်းခလေး၏ ကျန်းမာရေးနှင့် ပတ်သက်၍ လင်းခေးမြို့ ဆေးရုံဆရာဝန်တဦးနှင့် ဆက်သွယ်မေးမြန်းရာ တစုံတရာမှတ်ချက် ပေးပိုင်ခွင့်မရှိဟု ဆိုကာ ဖုန်းချသွားခဲ့ပါသည်။

အဆိုပါကလေးမ၏ မိဘနှစ်ပါးရုပ်အလောင်းအား ၂၃ ရက်နေ့က ဟွေ့ဆင်မ် ကျေးရွာသင်္ချိုင်း၌ မီးသဂြိုဟ် လိုက်ပြီဖြစ်ပြီး မုဒိန်းကျင့်ခံရသူ မိန်းခလေးမှာလည်း မိဘအတွက် ရက်လည်ဆွမ်းသွတ်ရန် ဆေးရုံမှဆင်းကာ ဆွေမျိုးများထံ သွားရောက် ခိုလှုံနေကြောင်း နီးစပ်သည့်အသိုင်းဝိုင်းက ပြောပြပါသည်။

အခုဖြစ်စဉ်သည် နိုဝင်ဘာ ၇ ရက်နေ့ ရွေးကောက်ပွဲအပြီး တလမပြည့်မှီ ဒုတိယအကြိမ် မုဒိန်း ကျင့်မှုဖြစ်သည်။

source by :http://www.mongloi.org

အပြည့်အစုံ ဖတ်ရန် ...

မော်နီတာဂျာနယ်၊ လျှပ်တပြက်ဂျာနယ်မှ မြတ်ခိုင်နှင့် နအဖ အာဘော်များရေးသော ငါးမင်းဆွေတို့ ဒေါ်အောင်ဆန်းစုကြည်အား အသရေပျက်အောင် လုပ်ကြံကြပြီ

ယနေ့ မနက်တွင် ရွှေဂုံတိုင်ရှိ အမျိုးသားဒီမိုကရေစီအဖွဲ့ချုပ်ရုံးရှေ့သို့ နအဖ၏ အာဘော်များကို အထူး ရေးသားပေးနေသော (ငါးမင်းဆွေ) ဆိုသူ ရောက်ရှိလာပြီး အမျိုးသားဒီမိုကရေစီအဖွဲ့ချုပ် အထွေထွေ အတွင်းရေးမှုး ဒေါ်အောင်ဆန်းစုကြည်နှင့် တွေ့ဆုံလိုကြောင်း အော်ဟစ်ဆန္ဒပြခဲ့သည်။ ၄င်း (ငါးမင်းဆွေ) ရေးသားခဲ့သော မော်နီတာ ဂျာနယ်ပါ ဆောင်းပါးနှင့် ပတ်သက်ပြီး ရှင်းလင်း ပြောကြားလိုကြောင်း၊ ဒေါ်အောင်ဆန်းစုကြည်ကြောင့် အနောက်နိုင်ငံများမှ စီးပွါးရေးပိတ်ဆို့ထားမှုအား ဖယ်ရှားပေးစေလိုကြောင်း အော်ဟစ် တောင်းဆိုခဲ့ပါသည်။

ငါးမင်းဆွေအား အမျိုးသားဒီမိုကရေစီရုံးရှေ့သို့ လာရောက်ရန်အတွက် ဖုန်းဆက်ခေါ်ဆိုခဲ့သူမှာ လျှပ်တပြက်ဂျာနယ်မှ နအဖ ဖော်လံဖား မြတ်ခိုင်၏ သား ဇေယျာမြတ်ခိုင် ဖြစ်ပါသည်။ ငါးမင်းဆွေသည် အဖွဲ့ချုပ်ရုံးရှေ့ ထောက်လှမ်းရေးများထိုင်သော လက်ဖက်ရည်ဆိုင်တွင် ကြိုတင်ရောက်ရှိနေပြီး မော်နီတာဂျာနယ်၊ လျှပ်တပြက်ဂျာနယ်မှ ဇေယျာမြတ်ခိုင်မှ ဖုန်းဖြင့် (အကိုလာလို့ရပြီ၊ အဆင်သင့်ဖြစ်ပြီ) ဟု ပြော၍ လှမ်းခေါ်လိုက်ရာ ငါးမင်းဆွေရောက်လာပြီး ၄င်း၏ ဆောင်းပါးမိတ္တူများ တပွေ့တပိုက်နှင့် စတင် အော်ဟစ်ဆန္ဒပြပါတော့သည်။

ငါးမင်းဆွေမှ ၄င်းရေးသားခဲ့သော ဆောင်းပါးမိတ္တူများကို ပြည်တွင်းဂျာနယ်မှ ဂျာနယ်လစ်များနှင့် လူအချို့အား လိုက်လံဝေငှခဲ့ပြီး နိုင်ငံခြားသတင်းဌာနမှ သတင်းထောက်တစ်ဦးမှ ထိုမိတ္တူဆောင်းပါးကို တောင်းရာ ပြည်ပနိုင်ငံခြားသတင်းဌာနမှဆိုရင် မပေးနိုင်ကြောင်း ပြောဆိုခဲ့ပါသည်။ အကြောင်းစုံအား ဆက်လက်စုံစမ်းရာ ငါးမင်းဆွေ ရေးသားသော ဆောင်းပါးခေါင်းစဉ်တွင် ဒေါ်စုကြည်ဟု သုံးနှုံးထားသည်ကို အမျိုးသား ဒီမိုကရေစီအဖွဲ့ချုပ် ပါတီဝင်များက မကျေနပ်ကြကြောင်း၊ ပြည်သူများမှလည်း မကျေနပ် ကြကြောင်း သိရပါသည်။




















အဲ့ဒီနောက် ငါးမင်းဆွေအား အမျိုးသား ဒီမိုကရေစီအဖွဲ့ချူပ် ရုံးအဖွဲ့မှုး ဦးဝင်းထိန်မှ တွေ့ဆုံရှင်းလင်းခဲ့ပါသည်။ ဦးဝင်းထိန်မှ ဒေါ်စုကြည်ဆိုသည့် အသုံးအနှုံးအား ပြောင်းလဲ ရေးသားရန်၊ ၄င်းတို့ အဖွဲ့ချုပ်ခေါင်းဆောင်အား ယင်းကဲ့သို့ ခေါ်ဆိုခြင်းကို လုံးဝ လက်မခံနိုင်ကြောင်း၊ နအဖစစ်အစိုးရ အကြိုက်ရေးသားနေသောသူနှင့် ၄င်းတို့၏ ခေါင်းဆောင်အား ပေးမတွေ့ နိုင်ကြောင်း၊ ဦးဝင်းထိန်မှ ၄င်းထောင်ကျနေစဉ်အတွင်း ငါးမင်းဆွေ ရေးသားသော ဆောင်းပါးများတွင် နအဖ ကောင်းကြောင်း၊ ဒေါ်အောင်ဆန်းစုကြည်နှင့် အမျိုးသား ဒီမိုကရေစီအဖွဲ့ချုပ် မကောင်းကြောင်းများ လုပ်ကြံရေးသားထားသည်ကို ဖတ်ရကြောင်း ပြောဆိုခဲ့ပါသည်။

ထိုသို့ အမျိုးသား ဒီမိုကရေစီအဖွဲ့ချုပ်မှ ဦးဝင်းထိန်နှင့် ငါးမင်းဆွေတို့ တွေ့ဆုံ ရှင်းလင်း နေကြသည်ကို မြတ်ခိုင်၏ သား ဇေယျာမြတ်ခိုင်နှင့် လျှပ်တပြက်အဖွဲ့သားများမှ ဗီဒီယိုနှင့် ဓါတ်ပုံမှတ်တမ်းများ ရိုက်ယူ နေသည်ကို တွေ့ခဲ့ရပါသည်။






















ပြီးခဲ့သည့် တစ်ပတ်မှ စတင်၍ ဒေါ်အောင်ဆန်းစုကြည်၏ ဓါတ်ပုံနှင့် သတင်းများကို ထည့်သွင်း ရေးသားဖော်ပြခဲ့သည့်ဂျာနယ်များ အပိတ်ခံရအပြီးတွင် ဒေါ်အောင်ဆန်းစုကြည်၏ သတင်းကို လာရောက် မှတ်တမ်းယူသော ပြည်တွင်းဂျာနယ်လစ်များ မတွေ့ ရတော့ပေ။ သို့သော် လျှပ်တပြက်ဂျာနယ်မှ ဇေယျာမြတ်ခိုင်နှင့် ၄င်း၏အဖွဲ့သားများကတော့ ဆက်လက်လာရောက် သတင်းယူနေသည်ကို တွေ့ရပါသည်။





















အကြောင်းအရင်းကို စုံစမ်းကြည့်ရာ သူရဦးရွှေမန်း (ဗိုလ်ချုပ်ကြီးဟောင်း) မှ ထောက်လှမ်းရေးနှင့် သတင်းတပ်ဖွဲ့မှ ရဲထောက်လှမ်းရေးများအား ဒေါ်အောင်ဆန်းစုကြည် သတင်းယူခြင်း၊ ဓါတ်ပုံရိုက်ခြင်း လုပ်ရမည်၊ သို့သော် အနှောင့်အယှက် မပေးရဟု ညွှန်ကြား ပြောဆိုထားသောကြောင့် အမျိုးသား ဒီမိုကရေစီအဖွဲ့ချုပ်ရုံးအတွင်းသို့ ၀င်ရောက်သတင်းယူ၍ မရသောကြောင့် မြတ်ခိုင်နှင့် သူ့သား ဇေယျာမြတ်ခိုင် တို့အဖွဲ့အား ပြန်ကြားရေးဝန်ကြီး ဦးကျော်ဆန်းမှ ငွေကြေးနှင့် အခွင့်အရေးများပေး၍ ဓါတ်ပုံနှင့် ဗီဒီယိုမှတ်တမ်းသတင်းများ ယူခိုင်းထားကြောင်းသိရပါသည်။

မြတ်ခိုင် အယ်ဒီတာချုပ်အဖြစ် တာဝန်ယူထုတ်ဝေနေသော မော်နီတာဂျာနယ်တွင် ဒေါ်အောင်ဆန်းစုကြည်၏ ဓါတ်ပုံကို ကြီးမားစွာ မျက်နှာဖုံးအဖြစ် ဖော်ပြခဲ့သော်လည်း ထုတ်ဝေမှု ယာယီရပ်ဆိုင်းခံရသော ဂျာနယ် ၉ စောင်တွင် မပါဝင်ခဲ့ပေ။ သို့သော် လူအများပြောဆိုစရာဖြစ်မည်ဆိုသဖြင့် ၄င်း၏ ဂျာနယ်တစ်စောင်ဖြစ်သော လျှပ်တပြက်ဂျာနယ်ကို ထုတ်ဝေမှု ယာယီရပ်ဆိုင်းခံရသည်ဟု သတင်းလွှင့်ခဲ့ပါသည်။























ဟံသာဝတီ ဦးဝင်းတင် ရေးသားသော (ဘာလဲဟဲ့ လူ့ငရဲ) စာအုပ်ပါ ထောင်တွင်း အကြမ်းဖက်မှု၊ ညှဉ်းပန်း နှိပ်စက်မှုများအကြောင်း ရေးသားထားသည်ကို တန်ပြန်သောအားဖြင့် ပြန်ကြားရေးဝန်ကြီးဦးကျော်ဆန်းမှ မြတ်ခိုင်အား ၄င်း၏ဂျာနယ်တွင် မြန်မာပြည်မှ ထောင်များမှာ လွန်စွာကောင်းကြောင်း၊ နိုင်ငံတော်အစိုးရ၏ စေတနာရှိမှုကြောင့် ထောင်ကျအကျဉ်းသားများမှာ ကောင်းမွန်စွာနေရကြောင်း ရေးသားခိုင်းမှုကို အလွန်အကျွံ ကူညီရေးသားပေးခဲ့သော ဂျာနယ်လစ်ဆိုးတစ်ယောက် ဖြစ်ပါသောကြောင့် မြတ်ခိုင်နှင့် သူ၏အဖွဲ့သားများ၊ ငါးမင်းဆွေ တို့ကဲ့သို့သောသူများအား သတိကြီးမားစွာနှင့် ရှောင်ရှားကြပါလို့ အသိပေး တင်ပြလိုက်ပါတယ်။

မြန်မာပြည်သားတစ်ဦး

source by : http://www.niknayman-niknayman.co.cc

အပြည့်အစုံ ဖတ်ရန် ...

Wednesday, November 24, 2010

အမေရိကန်နဲ့ တောင်ကိုရီးယား စစ်ရေးလေ့ကျင့်မှုနဲ့ ပြုံယမ်းကို တုံ့ပြန်

VOA | မြောက်ကိုရီးယားဘက်ကနေ လက်နက်ကြီးတွေနဲ့ တောင်ကိုရီးယားကို မနေ့က စတင် တိုက်ခိုက်ခဲ့လို့ အရပ်သူ အရပ်သား ၂ ဦး အပါအ၀င် စုစုပေါင်း ၄ ဦး သေဆုံးခဲ့ရပြီးတဲ့နောက် အမေရိကန် ပြည်ထောင်စုနဲ့ တောင်ကိုရီးယား ၂ နိုင်ငံ ပူးတွဲ စစ်ရေးလေ့ကျင့်မှု အသစ်တခု လုပ်ဆောင်ဖို့ ၂ နိုင်ငံ သမ္မတတွေ သဘောတူလိုက်ကြပါပြီ။

မနေ့က တိုက်ခိုက်ခဲ့လို့ သေဆုံးခဲ့ရတဲ့ အရပ်သား ၂ ဦးရဲ့ အလောင်းတွေကို ဒီကနေ့ ရှာဖွေတွေ့ရှိခဲ့တာပါ။

ကာလ အတော်ကြာအောင် ဆိုင်းငံ့ထားတဲ့ ၂ နိုင်ငံ စစ်ရေးလေ့ကျင့်မှုကို လာမယ့် တနင်္ဂနွေနေ့မှာ စတင်မှာဖြစ်ပြီး အခု စစ်ရေးလေ့ကျင့်မှုမှာ အမေရိကန်ဘက်က USS George Washington လေယာဉ်တင် စစ်သင်္ဘောကြီးကိုပါ သယ်ဆောင်လာပါလိမ့်မယ်။

အမေရိကန်သမ္မတ ဘရက်ခ် အိုဘားမား (Barack Obama) နဲ့ တောင်ကိုရီးယားသမ္မတ အီမြောင်ဘတ် (Lee Myung-back) တို့ မနေ့တုန်းက တယ်လီဖုန်းနဲ့ စကားပြောဆိုခဲ့ကြပြီး နောက်ပိုင်း ပူးတွဲ စစ်ရေးလေ့ကျင့်ဖို့ ကိစ္စကို အိမ်ဖြူတော်က ကြေညာခဲ့တာပါ။

အမေရိကန်ဟာ တောင်ကိုရီးယားနဲ့ တတန်းတည်း ရပ်တည်သွားမယ်၊ မြောက်ကိုရီးယားက တိုက်ခိုက်လာတဲ့ ကိစ္စကိုလည်း နိုင်ငံတကာကနေ ၀ိုင်းပြီး ရှုတ်ချရေး စည်းရုံး လုပ်ဆောင်သွားမယ်လို့ သမ္မတ အိုဘားမားက ပြောခဲ့ပါတယ်။

မနေ့က ပစ်ခတ်မှုမှာ တောင်ကိုရီးယားက မရိမ်းစစ်သား ၂ ဦးလည်း သေဆုံးခဲ့ရပါတယ်။ ဒီကိစ္စကို စုံစမ်း စစ်ဆေးဖို့လည်း ရှိနေပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

HIV/AIDS လူနာတွေ တောင်ဒဂုံ စောင့်ရှောက်ဂေဟာမှာ ဆက်လက် နေထိုင်သွားကြမည်

VOA | NLD ရဲ့ နိုင်ငံရေး ဦးဆောင်မှုနဲ့ လူငယ်အဖွဲ့ဝင်တွေ ဖွင့်လှစ်ထားတဲ့ တောင်ဒဂုံမြို့နယ် အတွင်းက HIV/AIDS စောင့်ရှောက်ရေး ဂေဟာမှာ နေထိုင်နေကြတဲ့ လူနာတွေဟာ မနက်ဖြန် သူတို့နေထိုင်ခွင့် ဧည့်စာရင်း သက်တမ်း ကုန်ဆုံးတော့မှာ ဖြစ်ပေမဲ့ ဒီနေရာမှာပဲ သူတို့ ဆက်ပြီး နေထိုင်သွားကြဖို့ ဆုံးဖြတ်ထားတယ်လို့ ဆိုပါတယ်။ ဒါ့အပြင် ဒီလူနာတွေကို ကြည့်ရှု စောင့်ရှောက်ပေးနေတဲ့ ဂေဟာဟာ ကျန်းမာရေးဆိုင်ရာ သတ်မှတ်ချက်တွေနဲ့ မကိုက်ညီဘူးလို့ စစ်အစိုးရ သတင်းစာတွေမှာ ရေးသား ဖော်ပြနေတာဟာလည်း မှန်ကန်မှု မရှိတဲ့အကြောင်း ဒီလူနာတွေကို ကြည့်ရှု စောင့်ရှောက်ပေးနေတဲ့ မဖြူဖြူသင်းက ပြောပါတယ်။ အပြည့်အစုံကို ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

အမျိုးသား ဒီမိုကရေစီ အဖွဲ့ချုပ်က မဖြူဖြူသင်းနဲ့ လူငယ်အဖွဲ့ဝင်တွေ ဦးဆောင်ဖွင့်လှစ်ထားတဲ့ တောင်ဒဂုံမြို့နယ်က HIV/AIDS စောင့်ရှောက်ရေး ဂေဟာကို ပြီးခဲ့တဲ့ နိုဝင်ဘာလ ၁၇ ရက်နေ့က မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် သွားရောက်လည်ပတ်ပြီး နောက်တနေ့မှာ ဒီလူနာတွေ ဧည့်စာရင်းသက်တမ်း ကုန်ဆုံးမယ့် နိုဝင်ဘာလ ၂၅ ရက်နေ့ နောက်ပိုင်း သက်တမ်း ထပ်တိုးမပေးတော့ဘူးလို့ အာဏာပိုင်တွေက ပြောကြားခဲ့တာပါ။

အာဏာပိုင်တွေဘက်က သူတို့ဖွင့်ထားတဲ့ ဆေးခန်းတွေကို ဒီလူနာတွေ ရွှေ့ပြောင်းဖို့ စီစဉ်ပေမဲ့ လူနာတွေကတော့ အခုလက်ရှိ နေရာကနေ ဘယ်မှ မပြောင်းလိုကြဘူးလို့ ပြောပါတယ်။ ဒါကြောင့်လည်း အာဏာပိုင်တွေဘက်က ဘယ်လိုပဲ ခြိမ်းခြောက်နေပါစေ ဧည့်စာရင်းသက်တမ်း ကုန်ဆုံးတဲ့ နောက်ပိုင်းမှာလည်း လူနာတွေရဲ့ သဘောဆန္ဒနဲ့အညီ ဒီဂေဟာကို ဆက်လက် ဖွင့်လှစ်သွားဖို့ ဆုံးဖြတ်ထားတဲ့အကြောင်း လူနာတွေကို ဦးဆောင် ကြည့်ရှုပေးနေတဲ့ မဖြူဖြူသင်းက ပြောပါတယ်။

“အရင်အတိုင်းပါပဲ၊ ကျမတို့ အနေနဲ့က အရင်တုန်းကလည်း ဒီလို ပြဿနာမျိုးတွေ ခဏခဏ ကြုံခဲ့တဲ့ အခါကျတော့ အခုလက်ရှိ အခြေအနေကလည်း ဒီအတိုင်းပဲ ကျမတို့ ရပ်တည်နေမယ်။ လူနာတွေရဲ့ ဆန္ဒအတိုင်းပဲ၊ ဒီမှာ ရောဂါ လာရောက်ကုသ ခံယူနေတဲ့ ဝေဒနာသည်တွေရဲ့ ဆန္ဒအတိုင်းပဲ ကျမတို့ ရပ်တည်သွားမယ်။ အကုန်လုံးကတော့ ဒီသဘောထား တခုတည်းမှာပဲ ရှိတယ်။ အားလုံးရဲ့ ဆန္ဒအရ ကျမတို့ အနေနဲ့ အတင်းအကျပ် ဝေဒနာသည်တွေကို ဟိုပို့ ဒီပို့ ပို့ပိုင်ခွင့် မရှိသလို သူတို့ရဲ့ နေချင်တဲ့ နေရာမှာ နေပိုင်ခွင့် ဆိုတာလည်း ရှိတဲ့အတွက် အဲဒီအခွင့်အရေးပေါ်မှာပဲ ကျမတို့ ရပ်တည်သွားမယ်။”

အာဏာပိုင်တွေဘက်က ဧည့်စာရင်းသက်တမ်း ထပ်တိုးမပေးဘူးလို့ အခုလို ပြောနေပေမဲ့လည်း လူနာတွေဟာ နေ့စဉ်နဲ့အမျှ ထပ်တိုးလာနေတုန်းပဲလို့ မဖြူဖြူသင်းက ဆက်ပြောပါတယ်။

“အခုလက်ရှိ အခြေအနေကတော့ ကျမတို့ ဒီမှာရှိနေတဲ့ ဝေဒနာသည်တွေက ပိုပိုပြီးတော့ များလာတာ တွေ့ရတယ်။ အခုနောက်ပိုင်းဆို ထားစရာ နေရာတောင် မရှိဘူး။ အသစ်အသစ်တွေ ရောက်ရောက်လာတဲ့ အခါကျတော့ အခုဆိုရင် ထားဖို့ အခက်အခဲတောင် တော်တော်ဖြစ်နေတယ်၊ ဝေဒနာသည်တွေနဲ့ ပတ်သက်ပြီးတော့။ ကျမတို့ ရန်ကုန်မှာထားတဲ့ လူနာဦးရေ အားလုံး ၁၂၀ ကျော်ပါတယ်။”

မဖြူဖြူသင်းတို့ အခုဖွင့်ထားတဲ့ HIV/AIDS ဝေဒနာရှင်တွေရဲ့ ဂေဟာဟာ ကျန်းမာရေးဆိုင်ရာ သတ်မှတ်ချက်တွေနဲ့ ညီညွတ်ခြင်း မရှိဘူးလို့ ဗုဒ္ဓဟူးနေ့ထုတ် စစ်အစိုးရ သတင်းစာထဲမှာ ဖော်ပြထားပါတယ်။

မဖြူဖြူသင်းကတော့ ဒီလူနာတွေကို သူတို့ဘက်က ပညာပေးလုပ်ငန်းတွေ အသေအချာ လုပ်ကိုင်ပြီးမှ ဂေဟာမှာ နေထိုင်ခွင့် ပြုထားတာကြောင့် စစ်အစိုးရ သတင်းစာတွေမှာ ရေးထားတဲ့ အချက်အလက်တွေဟာ မှန်ကန်မှု မရှိဘူးလို့ ပြောပါတယ်။

“အခု ပတ်ဝန်းကျင်နဲ့ ပတ်သက်ပြီးတော့လည်း သူတို့ပြောတယ်၊ ပတ်ဝန်းကျင်က လူတွေနဲ့လည်း ကူးစက်နိုင်တယ် ဆိုပြီးတော့။ ကျမတို့ လုပ်ဆောင်လာတာ အခု ဒီတနှစ်၊ နှစ်နှစ်မှ လုပ်ဆောင်လာတာ မဟုတ်ဘူး။ ၂၀၀၅ ခုနှစ်ကတည်းက ဒီအိမ်မှာ စပြီး လုပ်ကိုင်လာတာ။ ဒါပေမဲ့ ပထမဦးဆုံး အနေနဲ့ကတော့ ရပ်ကွက်ကလူတွေက HIV နဲ့ ပတ်သက်ရင် စိမ်းနေတဲ့ အခါကျတော့ သူတို့အနေနဲ့ စိုးရိမ်တာတွေ၊ ထိတ်လန့်တာတွေ ရှိခဲ့တာပေါ့။ ဒါ အစ ပထမပိုင်းမှာ။

“အခုနောက်ပိုင်းဆိုရင် ဒီရပ်ကွက် အနေနဲ့က ဒီလူနာတွေ အပေါ်မှာထားတဲ့ သူတို့ရဲ့ စေတနာတွေ အများကြီး ပြောင်းလဲသွားတာ တွေ့ရတယ်။ ဘာကြောင့်လဲဆိုတော့ ကျမတို့ ရပ်ကွက်ထဲမှာ အလှူတွေဘာတွေ လုပ်တော့မယ် ဆိုရင်လည်း ဒီလူနာတွေကို ဦးစားပေးပြီးတော့ တအိမ်လုံးလာပါ ဆိုပြီးတော့ တရပ်ကွက်လုံးက ဖိတ်ကြတယ်။ အဲဒီလိုပဲ အိမ်နီးနားချင်း ပတ်ဝန်းကျင်တွေကလည်း လာပြီးတော့ လှူကြ တန်းကြတာ ရှိတယ်ဆိုတော့ သူတို့ပြောတဲ့ ပုံစံအတိုင်း လူနာတွေကပဲ အဆင့်ဆင့် ကူးစက်နေမယ်၊ ရပ်ကွက်ကိုလည်း ကူးစက်နေမယ် ဆိုရင်တော့ လူနာတွေလည်း လာမှာမဟုတ်ဘူး၊ အခုလို တိုးကြိတ်နေမှာ မဟုတ်ဘူး။

“နောက်တခုက ရပ်ကွက်က လူတွေကလည်း လက်ခံမှာ မဟုတ်ဘူး။ အခု ရပ်ကွက်က လူတွေကလည်း တကယ့်ကို လူနာတွေအပေါ်မှာ စာနာစိတ် အပြည့်နဲ့ ကူညီနေတာကို တွေ့ရတဲ့အတွက် သူတို့ထုတ်ပြန်တဲ့ သတင်းတွေက မှားယွင်းနေတယ်လို့ မြင်တယ်။”

အာဏာပိုင်တွေကတော့ သူတို့အနေနဲ့ တောင်ဥက္ကလာပ၊ ဝေဘာဂီနဲ့ မင်္ဂလာဒုံမြို့နယ်တွေမှာ အထူးကုဆေးရုံတွေ ဖွင့်ထားတဲ့အပြင် မကြာသေးခင် လပိုင်းအတွင်းကပဲ သာကေတမှာလည်း အထူးကုဆေးရုံ ဖွင့်လှစ်ပြီး လူနာတွေကို ကြည့်ရှုစောင့်ရှောက် ပေးနေတာကြောင့် သူတို့ဖွင့်ထားတဲ့ အဲဒီဆေးရုံတွေကို ဒီလူနာတွေ ပြောင်းရွှေ့စေချင်ကြတာပါ။

ဒါပေမဲ့ လူနာတွေကိုယ်၌က အာဏာပိုင်တွေ ဖွင့်ထားတဲ့ အဲဒီ အထူးကု ဆေးရုံတွေကို မသွားလိုကြဘူးလို့ ဆိုပါတယ်။ တကယ်တော့ လူနာတွေအပေါ်မှာ သဘောထား မှန်မှန်ထားပြီး စစ်မှန်တဲ့ စေတနာနဲ့ ကြည့်ရှု စောင့်ရှောက်ပေးမယ် ဆိုရင် လူနာတွေဟာ အတင်း အဓမ္မ ပြောင်းရွှေ့ခိုင်းစရာတောင် မလိုဘဲ သူ့အလိုလို ရောက်လာကြမှာပါလို့ မဖြူဖြူသင်းက ပြောပါတယ်။

ဆက်သွယ်မေးမြန်းချက် နားဆင်ရန်

source by : http://www.voanews.com

အပြည့်အစုံ ဖတ်ရန် ...

North Korean shells target South


Video source by : http://www.youtube.com ( ITN WORLD NEWS )

အပြည့်အစုံ ဖတ်ရန် ...

မိခင်ဒေါ်အောင်ဆန်းစုကြည် နှင့်အတူ သားငယ် မောင်ထိန်လင်း ရွှေတိဂုံဘုရားတွင် ဝတ်ပြုဆုတောင်း


























Photos: AP
Copy @ http://myatlayngon.blogspot.com

အပြည့်အစုံ ဖတ်ရန် ...

Tuesday, November 23, 2010

တောင်၊ မြောက် ကိုရီးယား နှစ်နိုင်ငံ လက်နက်ကြီးများနှင့် အပြန်အလှန် ပစ်ခတ်


မြောက်ကိုရီးယားနိုင်ငံမှ ပစ်ခတ်တိုက်ခိုက်ခဲ့သည့် တောင်ကိုရီးယားပိုင် ယုံပြောင်းကျွန်း။
မြောက်ကိုရီးယားနိုင်ငံမှ ပစ်ခတ်တိုက်ခိုက်ခဲ့သည့် တောင်ကိုရီးယားပိုင် ယုံပြောင်းကျွန်း။
နိုဝင်ဘာ ၂၃၊ ၂၀၁၀။ဓာတ်ပုံ AP

VOA| မြောက်ကိုရီးယားနိုင်ငံကနေ တောင်ကိုရီးယားပိုင်နက် လူနေထူထပ်တဲ့ ကျွန်းပေါ်ကို အမြောက်နဲ့ တရစပ် ပစ်ခတ်ခဲ့တာကြောင့် တောင်ကိုရီးယား စစ်တပ်က ပြန်လည် ပစ်ခတ်နေကြသလို ဂျက်တိုက်လေယာဉ်တွေ ဝေဟင်မှာ ပျံသန်း ကာကွယ်နေကြပါပြီ။

နှစ်ဘက်အကြား ဒီတိုက်ခိုက်မှုဟာ အပြင်းထန်ဆုံးဖြစ်ပြီး တောင်ကိုရီးယား စစ်သား ၂ ယောက် သေဆုံး၊ ၁၂ ယောက် ဒဏ်ရာရရှိခဲ့တယ်လို့ တောင်ကိုရီးယား စစ်တပ်က ပြောပါတယ်။ ဒါ့အပြင် အဲဒီ ယုံပြောင်းကျွန်း (Yeonpyeong) က လူနေအိမ် အတော်များများ မီးသင့်ပြီး အရပ်သား ၂ ယောက် ဒဏ်ရာရရှိခဲ့တယ်လို့ တောင်ကိုရီးယားကလာတဲ့ သတင်းတွေမှာ ဖော်ပြထားပါတယ်။

ကျွန်းသူ ကျွန်းသား ၁,၀၀၀ ကျော်ကို အရေးပေါ် ခိုလှုံရေး စခန်းတွေကို ရွှေ့ပေးခဲ့ရပါတယ်။

တောင်ကိုရီးယား သမ္မတ အီမြောင်ဘက်ခ် (Lee Myeung-bak) က အရေးပေါ် အစည်းအဝေး ခေါ်ယူလိုက်ပြီး နှစ်ဘက် အပြန်အလှန် လက်နက်ကြီးတွေနဲ့ ပစ်ခတ်နေတာကို ဟန့်တားနိုင်ရေး လုံခြုံရေးရာ ၀န်ကြီးတွေ၊ တခြား တာဝန်ရှိသူတွေနဲ့ တိုင်ပင်နေပါတယ်။

မြောက်ကိုရီးယားရဲ့ အခုလို တိုက်ခိုက်မှုဟာ စစ်ရေးအရ ရန်လိုမှုကို ပြတ်ပြတ်သားသား ပြသလိုက်တာဖြစ်ပြီး ဆက်ပြီး တိုက်နေမယ်ဆိုရင် ဒီ့ထက်မက ပိုဆိုးနိုင်တဲ့ တုံ့ပြန်မှုတွေနဲ့ ရင်ဆိုင်ရလိမ့်မယ်လို့လည်း သတိပေး လိုက်ပါတယ်။

မြောက်ကိုရီးယားနိုင်ငံ အနေနဲ့ အခုလို ရန်လိုတဲ့ လုပ်ရပ်ကို ရပ်တန်းက ရပ်ပါလို့ အမေရိကန် ပြည်ထောင်စုက တောင်းဆိုလိုက်ပြီး တောင်ကိုရီးယားနိုင်ငံကို ကာကွယ်ရေး အမေရိကန် ပြည်ထောင်စုက တာဝန်ယူထားတာကို ထပ်လောင်း ပြောဆိုလိုက်ပါတယ်။

မြောက်ကိုရီးယားနိုင်ငံ ကမ်းခြေနဲ့ ၈ မိုင်အကွာ ပင်လယ်ဝါအတွင်းက ယုံပြောင်းကျွန်း (Yeonpyeong island) ပေါ်မှာ တောင်ကိုရီးယားက နှစ်စဉ်လုပ်နေကျ စစ်ရေး လေ့ကျင့်မှုတွေ လုပ်နေတဲ့အချိန်မှာ အခုလို တိုက်ခိုက် လိုက်တာ ဖြစ်ပါတယ်။ ဒီစစ်ရေးလေ့ကျင့်မှုကို မြောက်ကိုရီးယားက ကန့်ကွက်နေပါတယ်။

တောင်ကိုရီးယားရဲ့ စစ်ရေးလေ့ကျင့်မှုအတွင်းမှာ လေ့ကျင့် ပစ်ခတ်မှုတွေဟာ ပင်လယ်ဝါဘက်ကို ဦးတည် ပစ်ခတ်ခဲ့တာဖြစ်ပြီး မြောက်ကိုရီးယားဘက်ကို မပစ်ခတ်ခဲ့ဘူးလို့လည်း တောင်ကိုရီးယား စစ်တပ်က ပြောပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

ဒေါ်စုအတွက် ပြည်သူများရဲ့  ရင်ဖွင့်စကားများ

VOA| ဒီတပတ် မျက်မှောက်ရေးရာ သတင်းသုံးသပ်ချက်အစီအစဉ်မှာ နေအိမ်အကျယ်ချုပ်မှ ပြန်လည်လွတ် မြောက်လာခဲ့တဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်လာခဲ့ပြီးနောက် သတင်း မီဒီယာတွေက ဆက်သွယ်မေးမြန်းခဲ့ကြပါတယ်။ ဒေါ်အောင်ဆန်းစုကြည်က သူအနေနဲ့ သူများ (ပြည်သူ) တွေ ပြောဆိုတာကို ကြားချင်တယ်လို့ ပြောဆိုပါတယ်။ ဒါကြောင့် ဒေါ်အောင်ဆန်းစုကြည်ကို ပြောပြချင်၊ တိုင်တည်ချင်သူများထဲမှ မြန်မာနိုင်ငံသူ/သားတချို့ကို ဦးကျော်ဇံသာက ဆက်သွယ်မေးမြန်း တင်ပြပေး ထားပါတယ်။

ဦးကျော်ဇံသာ ။ ။ ပထမဦးဆုံး ပြောပြချင်တာက ဒီအစီအစဉ်မှာ ပါဝင်သူတွေ၊ ပြောဆိုကြသူအားလုံးက ဒေါ်အောင်ဆန်းစုကြည် လွတ်မြောက်လာတာကို ဘယ်လောက် ဝမ်းမြောက်ဝမ်းသာ ဖြစ်ကြတယ်၊ ဂုဏ်ယူတဲ့အကြောင်းကို စတင်ပြောဆိုကြပါတယ်။ ထို့အတူ ဒေါ်အောင်ဆန်းစုကြည် ကျန်းမာပျော်ရွင်စွာ နဲ့ မြန်မာပြည်သူပြည်သားတွေကို ဆက်လက် ဦးဆောင်လမ်းညွှန်မှု ပေးနိုင်ပါနိုင်ပါစေလို့ ဆုတောင်းပြော ဆိုကြပါတယ်။ ပထမဦးဆုံး ဆက်သွယ်ထားသူက မဇင်ဇင် ဖြစ်ပါတယ်။ မဇင်ဇင်က အမေရိကန် ပြည်ထောင်စုမှာ လာရောက်ပြီးတော့ အင်္ဂလိပ်စာသင်ကြားရေးနဲ့ ပတ်သက်ပြီး ဘွဲ့လွန်ပညာ ဆည်းပူး လေ့လာနေသူ ဖြစ်ပါတယ်။

မဇင်ဇင် ။ ။ ပြောချင်တာကတော့ အထူးသဖြင့် ကလေးပညာရေးတွေနဲ့ ပတ်သက်ပြီး ပြောချင်တာပါ။ ကလေးတွေ တော်တော်များများက ပညာသင်ကြားဖို့ အခွင့်အရေးတောင်မှ အထူးသဖြင့် နယ်စပ်က ကလေးတွေက မရဘူးဖြစ်နေပါတယ်။ မြို့ကြီးတွေမှာလည်း street children တွေက များလာနေပါပြီ။ တချို့တွေမှာ ဂိုဏ်းဂဏတွေဖွဲ့ပြီး ပိုက်ဆံတွေ တောင်းခံသည်အထိ ကလေးမွေးခါစမှ၊ မွေးကတည်းက ပညာသင်ကြားဖို့မပြောနဲ့ လက်လွှဲငှားရမ်းနေမှတော့ ပညာရေးက ဘယ်လိုမှ မတတ်နိုင်ကြတော့ဘူး။ နယ်စပ်ဒေသဆိုရင် ရိုးရိုးနယ်စပ်ဒေသတွေတောင် မဟုတ်ဘူး၊ ကိုယ်ပိုင်အုပ်ချုပ်ခွင့်ရှိတဲ့ ပြည်နယ်က ကလေးတွေဆိုရင် ဟိုဘက်ကလည်း အကူအညီမပေးနိုင်၊ ဒီဘက် အစိုးရကလည်း အကူအညီ မပေးနိုင် ကြားထဲမှာ ဒုက္ခတွေ အတော်များများ ရောက်နေကြပါတယ်။ သူတို့တွေက ဟိုဘက်နိုင်ငံပြေးလိုက် refugee ဖြစ်လိုက်၊ ဒီဘက်နိုင်ငံကို ပြန်လာလိုက်နဲ့ စားရမဲ့ သောက်ရမဲ့ ဖြစ်နေပါတယ်။ အဲဒီ ကလေးတွေနဲ့ ပတ်သက်ပြီးတော့ နည်းနည်း သူတို့အခွင့်အရေးတွေကို အကယ်၍ ဒေါ်စုကများ တခြား အဖွဲ့အစည်းတွေကို ပြောပြပေးမယ်ဆိုရင် အကူအညီပေးမှုတွေ အများကြီး ပေါ်လာမှာပါ။

အခုဆိုရင် သူတို့အခွင့်အရေးတွေကို သတိတော့ ရကြပါတယ်။ ဒါပေမဲ့ သေသေချာချာ focus လုပ်ပြီးတော့ လုပ်ပေးနေတဲ့အဖွဲ့က အင်မတန်မှ ရှားပါးနေပါသေးတယ်။ မရှိဘူး မဟုတ်ပါဘူး၊ ရှိပါတယ်။ ဒီထက် လုပ်ပေးနိုင်မယ်ဆိုရင် ကလေးတွေက အခွင့်အရေးတွေ အများကြီး ရလာလိမ့်မယ်လို့ ထင်ပါတယ်။

နောက်တခုက အခုခေတ် ဆယ်ကျော်သက် လူငယ်တွေကအစ သုံးဆယ်ဝန်းကျင် လူငယ်တွေကို အများကြီးစွဲဆောင် ပေးစေချင်ပါတယ်။ စွဲဆောင်စေချင်တယ်ဆိုတာ နားလည် သဘောပေါက်လာအောင် federal ပြည်ထောင်စုက ဘာလဲဆိုတာကို အသေးစိတ် ပြောစေချင်ပါတယ်။

တော်တော်များများက ဖဒရယ်လို့ ဆိုလိုက်တာနဲ့ ဗမာတော်တော်များများကအစ ခွဲထွက်သွားမယ်။ ပြည်ထောင်စုကြီး ပြိုကွဲသွားမယ်လို့ ထင်နေကြပါတယ်။ အဲဒါကို အသေးစိတ် ရှင်းပြပေးနိုင်တဲ့လူ ရှားပါးနေပါ သေးတယ်။ ဘယ်လို အဓိပ္ပာယ်မျိုးလဲဆိုတာကို တိုင်းရင်းသားတွေဘက်က ပြောနေပေမဲ့ တချို့က ဗမာ လူမျိုးကြီး ဝါဒကို ကိုင်ဆောင်ပြီး (ကျမလည်း ဗမာသွေးလည်းပါ။ တိုင်းရင်းသားသွေးလည်း ပါတယ်)။ အဲဒါကြောင့်မို့ ပြည်ထောင်စုကြီး မပြိုကွဲသွားရေးကို နားလည်းထားပါတယ်။ တော်တော်များများက အသေးစိတ် နားမလည်ပါဘူး။ အဲဒီကိစ္စကို သေသေချာချာ ဒေါ်စုအနေနဲ့ ရှင်းပြပေးမယ်ဆို ပိုပြီး နားဝင် ကြမယ်လို့ ထင်ပါတယ်။

လူငယ်တွေလို့ ပြောတဲ့နေရာမှာ ရိုးရိုး ပညာတတ်လူငယ်တွေမက စစ်တပ်အသိုင်းအဝိုင်းနဲ့ လူချမ်းသာ အသိုင်းအဝိုင်းက လူငယ်တွေကို ပြောမယ်ဆိုရင် ပိုပြီးတော့ လူငယ်အင်အားစု ပြည့်ပြည့်စုံစုံနဲ့ ပါလာ မယ်လို့ ထင်ပါတယ်။ သူတို့တွေကလည်း တိုင်းပြည်တိုးတက်ကြီးပွားရေးကို လိုလားတဲ့ လူတွေရှိပါတယ်။ တချို့ကလည်း ဘယ်လိုလုပ်ရမယ်ဆိုတာကို လမ်းစတောင် မရှိတဲ့လူတွေဖြစ်ကြပါတယ်။ သူတို့တွေကို target ထားပြီး ရှင်းပြပေးစေလိုပါတယ်။ တချို့ကတော့ စစ်တပ်အသိုင်းအဝိုင်းမှာရှိတဲ့ လူတွေဆိုရင်၊ တိုင်းရင်းသားတွေဆိုရင် သူပုန်လို့ မြင်တဲ့လူတွေ ရှိပါတယ်။ တချို့မှာ အဲဒီအသိုင်းအဝိုင်းက မဟုတ်ပေမဲ့ သာမန်အရပ်သူအရပ်သားတွေက တိုင်းရင်းသား၊ တိုင်းရင်းသူတွေက ဗမာ - သေချာ မသိမြင်ဖူးကြဘူး ဖြစ်ပါတယ်။ မုန်းတီးနေကြတယ်လို့ ထင်ကြသူတွေ ရှိပါတယ်။

ဒါကြောင့်မို့ သူတို့တွေ ဒီအတိုင်း နေနိုင်ကြရဲ့နဲ့ ဘာလို့ ခွဲထွက်ပြီး တောင်းချင်တာလဲလို့ တွေးကြသူတွေ ရှိကြပါတယ်။ နောက်ဆုံး အဓိက ကတော့ လူငယ်တွေကို နားလည်လာနိုင်အောင် သူတို့ နားထောင်ချင် လောက်တဲ့ ခေါင်းဆောင်တယောက်က ရှင်းပြပေးမယ်ဆိုရင် ပိုပြီးလူငယ်တွေက တက်တက်ကြွကြွနဲ့ ပြည်ထောင်စုကြီးကို ကောင်းမွန်တိုးတက်သာယာရေးကို ပိုပြီးပါဝင်လာမယ်လို့ ထင်ပါတယ်။ အခုက လူငယ်တွေပါဝင်မှု အားနည်းနေတယ်လို့ ထင်ပါတယ်။

ဦးကျော်ဇံသာ ။ ။ မဇင်ဇင် ပြောဆိုပြီးနောက် Burma VJ လို့ ခေါ်တဲ့ သံဃာအရေးတော်ပုံ (သို့) ရွှေဝါရောင် တော်လှန်ရေး မှတ်တမ်းရုပ်ရှင်ကို ရိုက်ကူးခဲ့သူ။ Hollywood ရုပ်ရှင် Oscar ဆု ထည့်သွင်း မှတ်တမ်းပြုခြင်း ခံရတဲ့ ရုပ်ရှင်ကားတကား ဖြစ်ပါတယ်။ သူကတော့ ဗွီဒီယိုသတင်းထောက် ကိုအောင်ထွန်း ဖြစ်ပါတယ်။

ကိုအောင်ထွန်း ။ ။ အဓိကတော့ အန်တီသိသလို နည်းပညာပိုင်း။ နောက်တခုက ပြီးခဲ့တဲ့ မိန့်ခွန်းမှာ ထောက်ပြသွားတဲ့ ပညာရေး။

ပညာရေးပိုင်းမှာ အားနည်းတဲ့အတွက်ကြောင့် အသိဥာဏ်ဖွံ့ဖြိုးမှုနဲ့ နိုင်ငံရေးပိုင်းမှာ အားနည်းတယ်ဆိုတဲ့ အကြောင်းပါ။ အဓိက ကျနော့်အတွေ့အကြုံအရ (၇) နှစ်ကာလအတွင်းမှာ အန်တီ့အနေနဲ့ မီဒီယာပိုင်းကို ဇောက်ချလုပ်ကိုင်လာတဲ့အခါကျတော့ မီဒီယာကို သုံးတတ်ရင်သုံးတတ်သလောက် အစွမ်းထက်တဲ့ လက်နက် ကရိယာတခုလိုလို့ ကျနော် သတိထားမိတယ်။ တဘက်မှာလည်း မီဒီယာက နှစ်ဖက်သွားဓားလိုပဲ မသုံးတတ်ရင် ကိုယ့်လက်ကို ကိုယ်ပြန်ရှမယ့် အနေအထားရှိတယ်။ အန်တီ ပြောသလိုပဲ- ဒီ သတင်း နည်းပညာတွေဖြစ်တဲ့ မိုဘိုင်းတယ်လီဖုန်း၊ အင်တာနက်တို့နဲ့ နိုင်ငံတကာကို ဆက်သွယ်မယ်လို့ ပြောခဲ့သလို အဲဒါကို ပိုပြီး ထိထိရောက်ရောက် အမြန်ဆုံး သုံးနိုင်အောင်လို့။

ဘာဖြစ်လို့လဲဆိုတော့ ဒီ စစ်အစိုးရက အန်တီ့ကို ပြန်ဖမ်းမလားဆိုတာ ကျနော်တို့ အမြဲစိုးရိမ်နေရတဲ့ကိစ္စ၊ လွတ်မြောက်လာတဲ့ ကာလအတွင်းမှာ တက်နိုင်သမျှ ဆက်သွယ်ရေးလမ်းကြောင်းတွေနဲ့ နိုင်ငံတကာကို ဆက်သွယ်ဖို့ကိစ္စကို တခု လုပ်စေချင်ပါတယ်။ ပြီးခဲ့တဲ့ ၂၀၀၃ ကာလမတိုင်ခင်နဲ့ အန်တီ အကျယ်ချုပ် ကျနေတဲ့ ကာလနဲ့ ယှဉ်လိုက်ရင် သတင်းနည်းပညာက ဗမာပြည်မှာ အတော်ပြောင်းလဲသွားပါပြီ။

အရင်ကာလတွေတုံးက အန်တီ ခရီးတွေသွားတယ်။ မြန်မာပြည်အနှံ့ ခရီးတွေသွားတယ်။ ကျနော်တို့ မလိုက်ဖြစ်ခဲ့ဘူး။ ဒါပေမဲ့ သတင်းတွေကို ရေဒီယိုတို့ကတဆင့် ပြန်ကြားရတယ်။ စစ်အစိုးရ ထိန်းချုပ်ထား တဲ့ ပြည်တွင်းမီဒီယာတွေမှာ တခုမှ မတွေ့ရဘူး။ မြန်မာပြည်ထဲက လူတွေက အန်အယ်လ်ဒီ ဘာလုပ်နေ သလဲ။ ဘယ်လိုတွေလုပ်နေသလဲဆိုတာကို ရေဒီယိုထဲကပဲ သိခဲ့တယ်။

အန်တီ အကျယ်ချုပ်ကျတဲ့ ကာလကစပြီး မြန်မာပြည်ထဲမှာ ဒီဗွီဘီ လို တီဗွီသတင်းဌာနတွေ ပေါ်လာ တယ်။ တခြားသတင်းမီဒီယာတွေလည်း ပေါ်လာတယ်။ လူတွေက seeing is believing မြင်မှယုံမယ် ဆိုတဲ့ အခါကျတော့ အဲဒီလို သတင်းမီဒီယာတွေကို ပိုအသုံးတည့်တယ်၊ အစွမ်းထက်တယ်။ လူတွေ အားလုံးထံ ရောက်မယ့် မီဒီယာမျိုးကို သုံးပြီးတော့ အန်တီပြောချင်တဲ့ နိုင်ငံရေး အမှာစကားတွေဖြစ်ဖြစ်၊ ပညာရေးတွေ ဖြစ်ဖြစ် အားလုံးကို လုပ်နိုင်မယ်လို့ ယုံကြည်ပါတယ်။

ဦးကျော်ဇံသာ။ ။ ကိုအောင်ထွန်းနောက် ပြောဆိုမယ့်သူက မခင်မမမျိုး ဖြစ်ပါတယ်။ မခင်မမမျိုးဟာ လန်ဒန် တက္ကသိုလ်မှာ နိုင်ငံရေးသိပ္ပံရပ်နဲ့ မဟာဗျူဟာလေ့လာရေးဘာသာရပ်တို့ကို လေ့လာဆည်းပူး နေတဲ့ ကျောင်းသူ ဖြစ်ပါတယ်။

မခင်မမျိုး ။ ။ ပထမဦးဆုံး အမျိုးသား ပြန်လည်သင့်မြတ်ရေးလမ်းကြောင်းကို အန်တီက ခေါ်ထားရာမှာ အမျိုးသား ပြန်လည်သင့်မြတ်ရေးလမ်းကြောင်းမှာ ကျမအမြင်က စေ့စပ်ဆွေးနွေးရေးက အဓိက ကျတယ်လို့ မြင်ပါတယ်။ အဲဒီမှာ အရေးကြီးဆုံးက စစ်အုပ်စုကို စေ့စပ်ဆွေးနွေးရေး စားပွဲပေါ်ကို ရောက်လာအောင် ဘယ်လို ခေါ်ဆောင်ကြမလဲဆိုတာက ပိုအရေးကြီးပါတယ်။ အဲဒီမှာမှ အချက် (၃) ချက်က ထည့်သွင်း စဉ်းစားစရာလို့ မြင်ပါတယ်။

ပထမ တချက်ကတော့ ချဉ်းကပ်တဲ့ နည်းလမ်းပါ။ စစ်အုပ်စုရဲ့ လိုအပ်ချက်နဲ့ အကျိုးစီးပွားတွေကို ပြန် ဆန်းစစ်ပြီးတော့ အသွင်ကူးပြောင်းမှုဆိုင်ရာ တရားမျှတမှုပိုင်းကျရင် ဘယ်လို အကောင်အထည် ဖော်မှာလဲ ဆိုတာနဲ့ ပတ်သက်ပြီးတော့ သူတို့တွေကို စေ့စပ်ဆွေးနွေးရေးစားပွဲပေါ်ကို ခေါ်ဆောင်နိုင်မယ်လို့ မြင်ပါတယ်။

ဒုတိယတချက်က စစ်အုပ်စုကို စေ့စပ် ဆွေးနွေးလာအောင် ဘယ်လို တွန်းအားပေးမလဲ။ တွန်းအားပေးတဲ့ နေရာမှာ တကယ်လို့ စေ့စပ်ဆွေးနွေးပွဲ လုံးဝ မဖြစ်ခဲ့ရင်၊ ဒါမှမဟုတ် စေ့စပ်ဆွေးနွေးပွဲက တပိုင်းတစနဲ့ ရပ်သွားခဲ့ရင် ဘာတွေလုပ်မလဲဆိုတဲ့ စီမံချက်တွေရှိခဲ့တယ်ဆိုရင် ဒီစီမံကိန်း အားကောင်းရင် အားကောင်း သလို စေ့စပ်ဆွေးနွေးရေးစားပွဲပေါ်ကို စစ်အုပ်စုကို တွန်းပို့နိုင်တယ်မယ်လို့ မြင်ပါတယ်။

တတိယအချက်ကတော့ ခေါင်းဆောင်မှုနဲ့ ပတ်သက်ပြီးတော့ နိုင်ငံရေးခေါင်းဆောင်တွေနဲ့ တိုင်းရင်းသား ခေါင်းဆောင်တွေက စေ့စပ်ဆွေးနွေးရေးကို တောင်းဆိုနေတဲ့အချိန်မှာ တခြား ပညာရေး၊ ကျန်းမာရေး၊ စီးပွားရေး နယ်ပယ်မှာ ရှိနေကြတဲ့ လူအများ ရိုသေလေးစားခံရတဲ့ ခေါင်းဆောင်တွေကလည်း အမျိုးသား ပြန်လည် သင့်မြတ်ရေးနဲ့ပတ်သက်ပြီး တသံတည်း စုစည်းပြီးတော့ တောင်းဆိုနိုင်မယ့် ကော်မရှင်တွေ ဖွဲ့စည်း ထားမယ်ဆိုရင် တပြိုင်နက်တည်းမှာ စေ့စပ်ဆွေးနွေးရေးအတွက် အကျိုးရှိမယ်လို့ မြင်ပါတယ်။

အဲဒီ တချိန်တည်းမှာပဲ လူထုကြားထဲမှာ လှုပ်ရှားပါဝင်နေကြသူများက အားလုံးက အမျိုးသားပြန်လည် သင့်မြတ်ရေးလမ်းကြောင်းပေါ်ကို လူအများက အားလုံးက ကြိုဆိုထောက်ခံပြီး ဝိုင်းဝန်းတောင်းဆိုကြ မယ်ဆိုရင် ဒီအချက်သုံးချက် ချည်းကပ်နည်း၊ ဦးဆောင်မှုနဲ့ တွန်းအားသုံးခု ညီမယ်ဆိုရင် န.အ.ဖ စစ် အုပ်စုကို စေ့စပ်ဆွေးနွေးရေးစားပွဲပေါ်ကို ခေါ်နိုင်ပြီး အမျိုးသားပြန်လည်သင့်မြတ်ရေးကို အကောင် အထည်ဖော်နိုင်မယ်လို့ မြင်ပါတယ်။

ဦးကျော်ဇံသာ ။ ။ နောက်ပုဂ္ဂိုလ်တဦးကတော့ သံဃာတော် တပါးဖြစ်ပါတယ်။ မြန်မာ့ဒီမိုကရေစီရေးအတွက် ပါဝင်လှုပ်ရှားနေတဲ့ သံဃာတပါး ဖြစ်ပါတယ်။ ထိုင်း-မြန်မာ နယ်စပ်မှာ ကိုယ်တိုင် စည်းရုံးရေး လုပ်ကိုင်နေတယ်လို့ သိရှိရပါတယ်။

သံဃာတော် ။ ။ ပြည်သူရဲ့အသံကို နားထောင်ခဲ့တာ နှစ် (၂၀) ကျော်ခဲ့ပြီ။ နအဖ ဆွဲထားတဲ့ လမ်းစဉ် အတိုင်း သွားနေတာ လမ်းစဉ် (၇) ရပ်မှာ (၅) ရပ်ပြီးသွားပြီ။ ခြောက်ချက်နဲ့ ခုနှစ်ချက်က ခဏလေးဆို အကောင်အထည်ဖော်ပြီး ဘာမှလုပ်လို့ ရမှာမဟုတ်တော့ဘူး။

အဲဒီအချက် (၂) ချက် အကောင်အထည် မဖော်ခင်မှာ နံပါတ်တစ် လုပ်ရမှာက ဒေါ်အောင်ဆန်းစုကြည်တို့ စီအာပီပီကို အဖွဲ့ဝင်တွေ တိုးချဲ့ပြီးတော့ အစိုးရအဖွဲ့သစ် ကြေညာဖို့ အရေးကြီးတယ်။ အစိုးရသစ်ရှိပြီး လူထုတွေက လိုလားနေကြတယ်။ တိုင်းရင်းသား အဖွဲ့အစည်းတွေ၊ လက်နက်ကိုင်အဖွဲ့အစည်းတွေ အားလုံးက လိုလားနေကြတယ်။ အဲဒါ နံပါတ်တစ် အရေးကြီးဆုံးပဲ။ ဘာမှ ပြည်သူတွေရဲ့အသံတွေကို လိုက်ပြီး နားထောင်နေစရာ မလိုတော့ဘူး။ ပြည်သူတွေကြားထဲကိုသွားပြီး ဟိုပြည်နယ်သွား ဒီပြည်နယ် သွား လိုက်ပြီး စည်းရုံးရေး ဆင်းစရာမလိုတော့ဘူး။ အဲဒီလို ဆင်းနေရင် ဒေါ်အောင်ဆန်းစုကြည်က စည်းရုံးရေး ဆင်းတဲ့အတွက်ကြောင့် ဒေါ်အောင်ဆန်းစုကြည်က ဒီပဲယင်းအရေးအခင်းမှာ လုပ်ကြံခံရတာကို သင်ခန်းစာ ယူဖို့ သင့်တယ်။ လုပ်သင့်လုပ်ထိုက်တာကို အမြန်လုပ်ဖို့ပဲ ပြောချင်တယ်။

ဦးကျော်ဇံသာ ။ ။ နောက်ဆုံး ပြောဆိုထားသူကတော့ ဗိုလ်ကြီးဟောင်း စိုင်းဝင်းကျော် ဖြစ်ပါတယ်။ အများသိရှိတဲ့အတိုင်း ၈၈ အရေးအခင်းကာလမှာ ပြည်သူတွေဘက်ကို ဝင်ရောက် ခိုလှုံလာသူ ဖြစ်ပါတယ်။

ဗိုလ်ကြီးစိုင်းဝင်းကျော် ။ ။ အန်တီရဲ့လုပ်ဆောင်မှုတွေ၊ စွန့်လွှတ်မှုတွေကို ကမ္ဘာနဲ့ မြန်မာပြည်သူလူထု အားလုံးက မျှော်လင့်ချက်ကြီးစွာနဲ့ စောင့်ကြည့်နေကြပါတယ်။ အခွင့်အရေးဆိုတာ တောင်းယူလို့မရ၊ တိုက်ယူမှ ရတယ်ဆိုပေမယ့် အန်တီက မြန်မာပြည် ဒီမိုကရေစီအရေး၊ လူ့အခွင့်အရေး၊ ငြိမ်းချမ်းရေး၊ တိုင်းရင်းသားတွေ တန်တူညီမျှရေးအတွက် ကိုယ့်ကို နှစ်ရှည်လများ နေအိမ်အကျယ်ချုပ်နဲ့ ထိန်းသိမ်း ခဲ့တဲ့ စစ်အစိုးရ ဗိုလ်ချုပ်မှုးကြီးသန်းရွှေနဲ့ စစ်အစိုးရခေါင်းဆောင်များ၊ ပြီးခဲ့တဲ့ ရွေးကောက်ပွဲမှာ နည်းမျိုးစုံနဲ့ အနိုင်ရသွားတဲ့ ကြံ့ဖွံ့ပါတီအပါအဝင် မြန်မာပြည် ဒီမိုကရေစီ လိုလားသူ မည်သူနဲ့မဆို လက်တွဲ အလုပ်လုပ် နိုင်ကြောင်း၊ လက်တွဲအလုပ်လုပ်လို့ စကားပြောဆိုလိုကြောင်း စိတ်စေတနာ မှန်ကန်မှုနဲ့ ဖြောင့်မတ် ရိုးသားမှု သာ ရှိဖို့ အရေးကြီးကြောင်း ထုတ်ဖော်ပြောဆိုလို့ အန်တီရဲ့ သဘောထားကြီးမှု၊ အမျှော်အမြင်ကြီးမှုတွေကို ကျနော် လေးစားမိပါတယ်။

ထပ်သတိပေးပါရစေ - အန်တီက မြန်မာလူထုတရပ်လုံးအတွက် အင်မတန်မှ ရှားပါးကြီးမြတ်တဲ့ မျှော်လင့်ချက် ရောင်ခြည်ဖြစ်လို့ သတိဆိုတာကို မပေါ့စေချင်ပါဘူး။ အာဇာနည်မျိုးမို့ မကြောက်တတ်ဘူး၊ အာဇာနည်မျိုး သေရိုးမရှိ ဆိုပေမဲ့ လုံခြုံရေးကို အန်တီ့အတွက်ရော မြန်မာပြည်သူတရပ်လုံးအတွက်ပါ ဂရုစိုက်စေချင်ပါတယ်။

ဦးကျော်ဇံသာ ။ ။ ဒေါ်အောင်ဆန်းစုကြည်ကို တိုင်တည်ချင်သူတွေ ပြောချင်သူတွေ သိန်းသန်းမက ရှိနေ ပါတယ်။ အဲဒီအထဲက လက်လှမ်းမီသမျှ လူငယ်အချို့ကို ဆက်သွယ်မေးမြန်း တင်ပြထားခြင်း ဖြစ်ပါတယ်။

နားဆင်ရန်

source by : http://www.voanews.com

အပြည့်အစုံ ဖတ်ရန် ...

လူထုခေါင်းဆောင်နှင့် သားငယ် ပြန်ဆုံပြီ


Video source by : http://www.youtube.com ( ITN NEWS )


Photos: AP & Reuters

အပြည့်အစုံ ဖတ်ရန် ...

Monday, November 22, 2010

“လုပ်သင့်တာကို စွန့်လုပ်ကြရမယ့်အချိန်”

ဒီခေါင်းစဉ်ကိုတင်ရတာက အကြောင်းရှိပါတယ်။ ကျနော်တို့ ဗမာတွေက လုပ်သင့်တာကို စဉ်းစားရ လုပ်ရမယ့်အစား သူများကို အပြစ်ပြောဖို့ ဝေဖန်ဖို့ ပိုအားသန် တတ်ကြပါတယ်။

ခု မြဝတီမြို့ ကို DKBA က စစ်အစိုးရရဲ့ နယ်ခြားစောင့်တပ်ကိစ္စ၊ ရွေးကောက်ပွဲကိစ္စ၊ တိုင်းရင်းသား လူမျိုးစုတွေရဲ့ ကိုယ်ပိုင်ပြဋ္ဌာန်းခွင့်နဲ့ ကိုယ်ပိုင်အုပ်ချုပ်ရေးပြသနာတွေ အပေါ်မှာ မကြေလည် သဘောမတူတဲ့ တပ်ဖွဲ့တခုက လက်နက်အင်အားချင်းမျှ သည်ဖြစ်စေ၊ မမျှသည်ဖြစ်စေ လက်မခံနိုင်ဘူးဆိုပြီး အာခံဆန့်ကျင်ပြီး မြဝတီမြို့ကို ၄၈ နာရီနီးပါး သိမ်းယူထားနိုင်တဲ့ တပ်မှူး ဗိုလ်မှူးချုပ် စောလားဘွယ် ကို ဆန့်ကျင် ဝေဖန်ချင်ကြတဲ့ သူတွေ ရှိချင်ရှိမှာပါ။


တပ်မှူး ဗိုလ်မှူးချုပ် စောလားဘွယ်

ဒီလိုပဲ ဘုရားသုံးဆူမြို့ကိုသိမ်းပြီး စစ်အစိုးရရဲ့ ရုံးနဲ့ ဌာနတချို့ကို မီးရှို့ဖျက်ဆီးပစ်လိုက် တဲ့ကိစ္စမှာ ဗိုလ်မူရှေး ဦးဆောင်တဲ့ DKBA တပ်ကို ဝေဖန်ပြစ်တင်ချင်သူတွေလည်း ရှိမှာပါ။ ရန်သူဘက်က ဝေဖန်ပြစ်တင် တာတွေကတော့ သဘာဝကျပါတယ်။ ဒါပေမယ့် စစ် အာဏာရှင်စနစ်ကို ဆန့်ကျင်တိုက်ဖျက်နေကြတဲ့ ဒီမိုကရေစီအင်အားစုတွေဘက်ကတော့ ထောက်ခံအားပေးရမယ့်ကိစ္စလို့ ကျနော် ယူဆပါတယ်။

ကျနော် ပထမဆုံးပြောချင်တာက နှစ်ပေါင်း နှစ်ဆယ်ကျော်မက စစ်အာဏာရှင်စနစ်အောက် ကျရောက်နေခဲ့တဲ့ ကာလအတွင်း ဒါဟာ ကရင်လူမျိုးတွေရဲ့ အရေးကြီးတဲ့ မြို့ သိမ်းတိုက်ပွဲတွေပါ။ အင်မတန် လက်နက်အားကိုး၊ အင်အား အားကိုးတဲ့ စစ်အာဏာရှင်တွေကို ဆန့်ကျင်အာခံ အံတုခဲ့တဲ့ တိုက်ပွဲပါ။ တပ်မှူးစောလားဘွယ်မှာ အတွေးအ ခေါ်အရ နိုင်ငံရေးစစ်ရေးအရ အားနည်းချက်တွေ များကြီး ရှိချင်ရှိမှာပါ။ ဒါပေမယ့် သူ က စစ်အာဏာရှင်စနစ်ကို ဆန့်ကျင်တော်လှန်နေတဲ့ တခြားအင်အားစုတွေကို လုပ်လို့ရ ပါတယ် ဆိုတာကို ပြသွားခဲ့သလို ဘာတွေကြိုတင်စီမံဆောင်ရွက်ထားဖို့ စုစည်းဖြည့်တင်းထားဖို့ လိုအပ်တယ် ဆိုတာကိုလည်း ပြသသွားခဲ့တယ်လို့ ဆိုရပါလိမ့်မယ်။

ဘာမှမလုပ်တဲ့ သူတွေဟာ အမှားနည်းပါတယ်။ တကယ်လုပ်တဲ့ သူတွေဟာ မှားကြတာပါပဲ။ အမှားတွေကနေ မှန်အောင်ပြုပြင်ပြောင်းလဲရင်း လောကကို ဒီကနေ့ အခြေအနေ ရောက်အောင် တည်ဆောက်ခဲ့ကြတာဟာ လူသားတွေပါပဲ။ “To err is human” ‘လူတွေဟာ မှားမှာပဲ’ ဆိုတဲ့ ကမ္ဘာကျော်ဆိုရိုးစကားဟာ အလကားဖြစ်လာတာ မဟုတ် ပါဘူး။ ဒါပေမယ့် မှားမှန်းသိဖို့နဲ့ သိရင်ပြန်ပြီးပြင်ဆင် တည့်မတ်တတ်ဖို့ပဲ အရေးကြီးတာ ပါ။ အဲဒီအခြေအနေနဲ့ ဆန့်ကျင်ဘက် မှားမှန်းသိရဲ့နဲ့ မပြုပြင်မပြင်ဆင်တဲ့ သူတွေက တော့ “လူ့ဗာလ” လို့ခေါ်တဲ့ လူမိုက်တွေသာ ဖြစ်ပါလိမ့်မယ်။ မှားမှန်းသိသိကြီးနဲ့ ကိုဇွတ် တိုးမိုက်တွင်းနက်နေတဲ့ ကျနော်တို့ မြန်မာနိုင်ငံက စစ်ဗိုလ်ချုပ်တွေကို ဥပမာအနေနဲ့ တွေ့ နိုင်ပါတယ်။

တဆက်တည်းမှာကျနော်ကိုယ်းကားဖော်ပြချင်တဲ့ ကမ္ဘာကျော်ဆိုရိုးစကားတခု ရှိပါသေး တယ်။ အဲဒါက “It’s easy to be wise after the event” ပါတဲ့ မြန်မာဘာသာနဲ့ ဆိုရင် တော့ “ဖြစ်ပြီးမှာ ပညာရှိလုပ်ရတာ လွယ်ပါတယ်” လို့ ပြန်ဆိုရင်မမှားလောက်ပါဘူး။ ဒါ ပေမယ့် တကယ့်ဗမာစကားနဲ့ ပြောမယ်ဆိုရင် “အစက ငါမပြောလား” လို့ ပြန်ရင်ပို ကောင်းမယ် ထင်ပါတယ်။ ထားပါတော့။

အဲဒီလို ပညာရှိလေသံနဲ့ပြောရတာ အလွန်လွယ်ကူပါတယ်။ ဘာဖြစ်လို့လဲ ဆိုတော့ပြော သူကလုပ်သူနေရာမှာ မရှိ၊ မခံစားရလို့ပါ။ ဆန့်ကျင်ဘက်ဖြစ်တဲ့ အဲဒီလိုလည်း ဖြစ်နိုင် တယ်နော်လို့ သတိထားလို့ပြောလိုက်ရင် သိပ်ငြင်းနေစရာအကြောင်းရှိမယ် မဟုတ်ပါ ဘူး။ လုပ်သူကအောင်အောင်မြင်မြင် လုပ်နိုင်လိုက်ရင်လည်း သူ့အတွက်ပြသနာ မရှိပါ ဘူး။ မလုပ်နိုင်လိုက်လို့ ဆိုးကျိုး တခုတခုတွေ့ရပြီ ဆိုရင်တော့ “အစကငါမပြောလား” သမားကခေါင်းတညှိမ့်ညှိမ့်နဲ့ မေးလေးငေါ့လို့ ကျေနပ်နေပါလိမ့်မယ်။ လောကမှာ အဲဒီလို လူမျိုးတွေလည်း အများကြီးရှိပါတယ်။

ကျနော်တင်ပြလိုရင်းကတော့ အဲဒီလို လုပ်ရပ်မျိုးတွေကို ရပ်တန်းကရပ်ပြီး စစ်အစိုးရကို ဆန့်ကျင်တော်လှန်နေကြတဲ့ အဖွဲ့အချင်းချင်း နားလည်မှုရှိဖို့၊ ပံ့ပိုးကူညီမှုပေးဖို့ကြိုးစား ကြဖို့ပါ။ တပြိုင်နက်တည်းမှာပဲ မိမိအဖွဲ့အစည်းက လုပ်သင့်တာ လုပ်နိုင်တာတွေကို ရွတ် ရွတ်ချွန်ချွန် လုပ်ကြဖို့ပါ။

ခုဆိုရင် စစ်အာဏာရှင်အစိုးရဟာ အရင်ကနဲ့မတူတော့တဲ့ ပြည်သူလူထုရဲ့တုန့်ပြန်မှု၊ အာခံဆန့်ကျင်မှုတွေကို ရွေးကောက်ပွဲကြိုကာလ၊ ရွေးကောက်ပွဲပြီးကာလ မှာတွေ့ကြုံ နေရသလို နိုင်ငံတကာ (သူမွေးထားတဲ့ ဆရာနိုင်ငံတွေကလွဲလို့) ရဲ့ဝေဖန်ပြစ်တင်မှု၊ ကန့်ကွက်မှုတွေကိုလည်း ရင်ဆိုင်နေရပါတယ်။ ရွေးကောက်ပွဲကျင်းပြီးတဲ့နောက်နေ့မှာ ပဲ နယ်စပ်မြို့ မြဝတီနဲ့ ဘုရားသုံးဆူမြို့တွေကို စစ်အစိုးရရဲ့ နယ်ခြားစောင့်တပ် အဖြစ် ကူးပြောင်းရေးလက်နက်ချရေးတွေ အပေါ်လက်မခံနိုင်သလို စစ်အစိုးရရဲ့ ရွေးကောက် ပွဲအပေါ်အနိုင်ကျင့်ဗိုလ်ကျမှု ပြောင်လိမ်ပြောင်းစားလုပ်မှုတွေ၊ လူမျိုးရေးဖိနှိပ်မှုတွေအ ပေါ် လက်မခံနိင်တော့တဲ့ DKBA ခွဲထွက်အဖွဲ့တွေရဲ့ သိမ်းပိုက်မှုကိုခံခဲ့ရပါတယ်။ အချိန် အတော်ကြာထိမ်းချုပ်ထားနိုင်ခဲ့ပေမယ့် မြဝတီမြို့ကို ဆက်ပြီး သိမ်းပိုက်ထားဖို့အခြေအ နေ မပြည့်စုံတဲ့အတွက် ဆုပ်ခွာပေးလိုက်ရပါတယ်။ ဘုရားသုံးဆူ မြို့ဝန်းကျင်မှာက တော့ ခု ဒီဆောင်းပါးကိုရေးနေတဲ့အချိန်အထိ ဆက်ပြီးတိုင်ပွဲဖြစ်နေတုံးပါပဲ။ စစ်အစိုးရ ဟာ DKBA ခွဲထွက်အဖွဲ့ တွေက ခုလိုတိုက်ခိုက်သိမ်းပိုက်ခံရလိမ့်မယ်လို့ မျှော်လင့်ထားပုံ မရပါဘူး။

ဒါပေမယ့် သူတို့မှာ တရုတ်လုပ်၊ ရုရှားလုပ်၊ မြောက်ကိုရီးယားလုပ် ခေတ်မှီလက်နက်ကြီး လက်နက်ငယ်တွေ အများကြီးရှိပါတယ်။ ပြည်သူလူထု ပိုင်သယံဇာတ ပစ္စည်းတွေကို သူ တို့စိတ်ကြိုက်ရောင်းချပြီး ရတဲ့ငွေတွေနဲ့ ကျေးဇူးရှင်ကို ကျေးစွပ်သတ်ဖြတ်ဖို့ ဝယ်ယူ ထားတာပါ။ အဲဒီလက်နက်တွေနဲ့ သူ့ကိုအာခံဆန့်ကျင်တဲ့ တိုင်းရင်းသားလက်နက်ကိုင် အင်အားစုတွေနဲ့ ပြည်တွင်းက လက်နက်က်မဲ့ပြည်သူတွေကို ခြိမ်းခြောက်ဖို့ သတ်ဖြတ်နှိမ်နှင်းဖို့ အဆင်သင့် ရှိနေပါတယ်။

ဒါပေမယ့် စစ်အာဏာရှင်တွေကို ဆန့်ကျင်တိုက်ခိုက်နေကြတဲ့ လက်နက်ကိုင်အင်အားစု တွေအနေနဲ့ သိပ်ကြောက်နေစရာမလိုပါဘူး။ အင်မတန်အင်အားကြီးတဲ့ ပြင်သစ်နဲ့ အမေ ရိကန်နယ်ချဲ့တပ်တွေကို အရှုံးပေးနောက်ဆုတ် လက်လျှော့သွားတဲ့အထိ တိုက်ခိုက် တွန်းလှန်နိုင်ခဲ့တဲ့ ဗီယက်နမ် ပြည်သူတွေရဲ့ တရားသောစစ်ပွဲအတွေ့အကြုံကို နမူနာယူ ရပါလိမ့်မယ်။ လက်နက်အင်အားချင်းတခြားစီပါ။ ဒါပေမယ့် အနိုင်မခံအရှုံးမပေး နည်း ပရိယယ် ကြွယ်ကြွယ်ဝဝနဲ့ လယ်သမားတွေ လယ်သူမတွေကအစ ပါဝင်ကြတဲ့ ပြည်သူ့ စစ်အင်အားနဲ့ ညီညီညွတ်ညွတ်တိုက်ခိုက်နိုင်ခဲ့ကြလို့ အောင်ပွဲရခဲ့တာပါ။ အခြေအနေ အချိန်အခါနဲ့ မတူညီတဲ့ ရုပ်ပိုင်းစိတ်ပိုင်းအခြေအနေတွေကိုတော့ သတိရှိရှိ အတွေးအ ခေါ်ရှိရှိ ချင့်ချိန်စဉ်းစားတွက်ချက် ကြရပါလ်ိမ့်မယ်။

ခုဆိုရင် ကျနော်တို့ရဲ့လူထုဒီမိုကရေစီခေါင်းဆောင် ဒေါ်အောင်ဆန်းစုကြည်လည်း ပြန်လည် လွတ်မြောက်လာပြီး မြန်မာနိုင်ငံပြည်သူလူထုကြီးတရပ်လုံးရဲ့ တခဲနက်ကြိုဆို ထောက်ခံမှုကို ရရှိနေပါပြီ။ သူမရဲ့နိုင်ငံရေးဦးဆောင်မှု အခန်းကဏ္ဍကိုလည်း တိုင်းရင်းသားလက်နက်ကိုင် အဖွဲ့အစည်းတွေ နိုင်ငံရေးပါတီတွေ အားလုံးက လက်ခံလိုက်နာ ဆောင်ရွက်ကြဖို့ အသင့်ရှိနေကြပါပြီ။ တခုသတိရှိကြရမယ့် အချက်ကတော့ စစ်အာဏာရှင်တွေဟာ စိတ်ရင်းစေတနာနဲ့တော့ သူ့လက်ထဲက အာဏာကို အလွယ်တကူ စွန့်လွှတ်လိမ့်မယ် မဟုတ်ဘူး။ သုံးလို့နိုင်သမျှ ကောက်ကျစ်စဉ်းလဲတဲ့ နည်းတွေအင်အား တွေကို အသုံးပြုပြီး သူတို့ရဲ့အာဏာနဲ့ စည်းစိမ်ဥစ္စာကို ကာကွယ်သွားလိမ့်မယ် ဆိုတာကိုပါပဲ။

စစ်အာဏာရှင်စနစ် အမြစ်ပြတ်ရေးဆိုတဲ့ ဘုံတူညီတဲ့ ဦးတည်ချက် တခုတည်းရဲ့အောက်မှာ လူထုခေါင်းဆောင်ဒေါ်အောင်ဆန်းစုကြည် ရဲ့ ဦးဆောင်မှုကို ယုံယုံ ကြည်ကြည်နဲ့ စစ်မှန်တဲ့ဒီမိုကရေစီ ပြည်ထောင်စုတခု တည်ဆောက်နိုင်ရေး အစွမ်းကုန်အား ထုတ်ကြိုးပမ်းကြရမှာ ဖြစ်ပါတယ်။

ဒီနေရာမှာ နည်းပရိယယ်အရ လှုပ်ရှားဆောင်ရွက်မှုချင်း ကွဲပြားကောင်းကွဲပြားနိုင်ကြပါတယ်။ ဒါကိုလည်း ဒီမိုကရေစီ အင်အားစုချင်း နားလည်မှုအပြည့်အဝ ရှိကြရပါလိမ့်မယ်။ ရန်သူနဲ့ ပူးပေါင်း ဖောက်ပြန်သွားတာမျိုးကလွဲရင် သည်းခံခွင့်လွှတ်ကြရပါလိမ့်မယ်။ ရန်သူဘက်ကို ပူးပေါင်းသွားခဲ့ပေမယ့် အချိန်မီ အမြင်မှန်ရပြီး ပြည်သူလူထုဘက် အမှန်တ ရား တရားမျှတမှု ဘက်ကို ပြန်ကူးပြောင်းလာကြတဲ့ လာကြမယ့်သူတွေကိုလည်း နား လည်သည်းခံခွင့်လွှတ်ကြရပါလိမ့်မယ်။ ရန်သူဘက်ကအမြင်မှန်ရလာပြီး ပြည်သူလူထု ဘက်ကို ပြန်ပြီးအလင်းဝင်လာကြသူတွေကိုလည်း လက်ခံကြိုဆိုကြရပါမယ်။

သေးငယ်ကောင်း သေးငယ်မှာ ဖြစ်ပေမယ့် ပေါင်းစည်းလို့ ရနိုင်သမျှ အင်းအားတွေကို ပေါင်းစည်း ကြရပါလိမ့်မယ်။

မြန်မာနိင်ငံစစ်အာဏာရှင်စနစ်အောက်က အပြီးတိုင်လွတ်မြောက်ရေးအတွက် လိုအပ် ရင်သုံးစွဲလို့ ရနိုင်သမျှ တော်လှန်ရေးနည်းနာတွေအားလုံးကို သုံးစွဲကြရပါလိမ့်မယ်။ နည်း တနည်းတည်းကို တရားသေဆုပ်ကိုင် ထားကြလို့မဖြစ်ပါဘူး။ ရန်သူက အနုနည်ုးရော အကြမ်းနည်းပါ သုံးပြီး ပြည်သူလူထုကို ကျွန်ဇာတ်သွင်းရေး ကြိုးစားနေတာကို မြင်သာ ထင်ရှား တွေ့မြင်နေကြရပြီး ဖြစ်ပါတယ်။

ကျနော်တို့ရဲ့ လူထုခေါင်းဆောင်မှာရော ပြည်တွင်းပြည်ပ ဒီမိုကရေအင်အားစုတွေမှာ ရော ပြည်သူလူထုကြီးတရပ်လုံးမှာပါ အသက် ဘဝ သွေးချွေးတွေ နဲ့ပေးဆပ်ခဲ့ရတဲ့ သင် ခန်းစာတွေရှိနှင့်ခဲ့ကြပြီး ဖြစ်ပါတယ်။

ဒီတပွဲမှာ မှန်ကန်ရဲရင့်တဲ့ ဦးဆောင်မှုအောက်မှာ ပြည်တွင်းပြည်ပ ဒီမိုကရေစီအင်အားစု တွေနဲ့ တိုင်းရင်းသား ပြည်သူလူထုပေါင်းစုံရဲ့ ပေါင်းစည်းအင်အားနဲ့ စစ်အာဏာရှင်စနစ် ကို အပြီးတိုင် ခြေမှုန်းပစ်ကြရအောင်ပါ။ ။


စိုးနေလင်း

source by : http://www.naytthit.net

အပြည့်အစုံ ဖတ်ရန် ...